رواية بيت المجانين الفصل الأول والثاني والثالث والرابع والخامس بقلم دعاء عادل
رواية بيت المجانين الفصل الأول والثاني والثالث والرابع والخامس بقلم دعاء عادل
��������������
مستشفى الامراض النفسيه والعقلية
فى مكتب مدير المستشفى
قاعد المدير على مكتبه مربع ايده بيبص بغيظ على التلاته اللى قاعدين قدامه :
المدير : خالد سالم _ بوسى محمد _ على ايوب ... يعنى مجانين وادينا بنحاول نعالجكم بقالنا 4 سنين ومفيش فايده اغبياء وغصب عننا لازم نستحملكم ما ده شغلنا كل شوية تعملو مشكله فى المستشفى معلش نعديها كل ده عادى لكن تجننو دكاتره المستشفى معاكم لاااااا بقى كده كتير اعمل فيكم ايه
خالد : واحنا مالنا ومال الدكاتره احنا استلمناهم كده
على : ايوه هما جاين مجانين لوحدهم مش تختارو دكاتره كويسه الله
بوسى : هو فى ايه ؟!
المدير : صحى النوم والنبى ماانتى قايمه نامى زى ما كنتى ,, بقى الدكاتره هما ال جاين كده ها هما ال اتجننو لوحدهم صح دكتور عرفه اللى جاله انهيار عصبى ودكتوره نوال اللى استقالت وقعدت فى البيت وجالها اكتئاب دائم ودكتور احمد اللى جاتله حالة هستريا وفضل يضرب فى نفسه بالجزمه ودكتور مروان اللى ... ولا بلاش انتو ايه قوة دمار شامل
خالد : على فكره انا اعترض
المدير : هو انت فالح فى حاجة غير الاعتراض مش كفاية انك ظابط سابق وعامل نفسك ظابط علينا دخلت المستشفى ليه يا حضرت الظابط
خالد : اختلاف فى الراى مع الواء بتاعى يااخى الله
المدير : لا يا شيخ
خالد يبص للسقف ويفتكر اخر مهمه ليه فى الداخليه :
_____________________
اللواء : فين خالد الغبى ده �
خالد : انا جيت اهو يا فندم
اللواء : ياهلا بالبطل الهمام
خالد بكسوف : ربنا يخليك والله يا فندم
اللواء : ربنا يخدك
خالد : ربنا يخليك يا .. ايه ليه كده يا فندم
اللواء : فين المتهم يا حضرتك الظابط ؟
خالد بكل هدوء : مشى
اللواء : مشى ومين اللى خله يمشى
خالد : انا طبعا
اللواء : انت طبعا كده عادى مفيش مشاكل خالص يعنى
خالد : الله الراجل قعد معايا واعترف انه هو اللى سرق الفيلا وقتل البواب بس ده كان غصب عنه وماكانش قصده يعمل كده وقال انه عمره ما هيعملها تانى وحلف على المصحف كمان
اللواء : تقوم تخليه يمشى ؟! �
خالد : الله ما الراجل حلف على المصحف عايز ايه تانى
اللواء بزعيق : منك لله منك لله انت عاار على الداخليه انت اصلا مش طبيعى انت اكيد مجنون اعمل فيك ايه اعمل فيك اييييه
اه يانى اااه
خالد : حضرت اللواء , يا فندم انت نمت ولا موت ولا ايه طب اجيب دكتور طيب ,,
يا عسكرى ابراهيم حضرت اللواء تقريبا مات روح هات حانوتى ��
_____________________
المدير : الراجل جات ليه جلطة واتشل بسببك
خالد : الله ده امر ربنا يا دكتور هتعترض
على : ما تسكت بقى ده انت طلعت نيله خالص
المدير : اتنيل انت كمان
على : وانا مالى انا
المدير : وانا مالى انا , يا عار على دكاتره الطب النفسى نفسى افهم انت اتخرجت اصلا ازاى من كلية الطب
على : على فكره انا كنت دكتور هايل بس الحسد وقر الزملاء عليا هو اللى عمل فيا كده
المدير : اه بأمرت العيانين بتوعك مش كده
على : مالهم العيانين بتوعى كانو عسل والله مالهم
_____________________
على : اهدء بقى خالص واسترخى وقولى بتشتكى من ايه
المريض : انا يأس جدا من حياتى يا دكتور
على : ليه كده بس احكى احكى
المريض : احكى ايه بس يا دكتور
على : احكى اللى مدايقك
المريض : مش عارف احكى
على : الله ما طولك يا روح ياخى احكى اي حاجة
المريض : مش قادر مش قادر
على بنرفزه : امال جاى ليه يا روح امك احكى يالا لا ارتكب فيك جريمه احكى
المريض بخوف : حاضر حاضر انا اصلى مش لاقى شغل والبنت ال كنت بحبها سابتنى واتجوزت والبيت ال عايش فيه هيوقع لما خلاص اعصابى تعبت
على : وجاى تتعب لى اعصابى معاك انت اصلا مش عايز علاج انت ال زيك يروح ينتحر ويخلص نفسه من الهم اللى عايش فيه ده وتخلصنى انا كمان من الدوشه بتاعتك دى
المريض : انتحر
يقوم المريض من مكانه ويجرى على الشباك وينط منه
على : استنى استنى الله يخرب بيتك ترمى نفسك من عندى ليه كنت ارمى نفسك تحت عربيه يا غبى
_____________________
المدير : فى دكتور نفسى يتسبب فى انتحر المريض بتاعه
على : ما ده كان العلاج المناسب لحالته ينتحر احسن من القرف ال كان عايش فيه ده انا عملت فيه معروف
بوسى : المفروض كنت انت كمان ترمى نفسك معاه
على : ليه ؟
بوسى : عشان تسليه وهو بيوقع لحد ما يوصل للارض
المدير : انا عايز افهم انتى بتصحى ليه
بوسى : خلاص انام
المدير : لا قومى دورك جيه يا عبقرية زمانك
بوسى : انا عبقرية
المدير : طبعاااا فى واحده تعمل فى جوزها ال انتى عملتيه
بوسى : همممممم الله يمسك بالخير يا اشرف
_____________________
اشرف : اااه يا دماغى بوسى يا بوسى
بوسى : نعم
اشرف : مفيش عندنا اسبرين
بوسى : لا
اشرف : يووه طب مفيش اي حاجة مسكنه لصداع
بوسى : لا مفيش ليه بتسأل ؟!
اشرف بغيظ : اصلى عايز الاسبرين اخد معاه صورة لذكرى الخالده
بوسى : بجد والله طب اروح اجيب ليك الكاميرا ؟!
اشرف : يا غبية انا عندى صداع
بوسى : وده جالك من فين ؟!
اشرف : يادى النيله عليا من كتر الشغل
بوسى : هو الشغل كتر ليه ؟!
اشرف : صبرنى يارب
بوسى : يصبرك على ايه ؟!
اشرف : عليكى يا بعيده
بوسى : هو انا عملت ايه ؟!
اشرف : ارحمينى واسكتى
بوسى : اسكت ليه ؟!
اشرف : يخرب بيتك بقولك عندى صداااع
بوسى : ايوه عندك صداع ليه بقى ؟!
اشرف : الله يخرب بيتك وبيت اهلك وبيت اليوم اللى اتجوزتك فيه كان يوم اسود
بوسى : اسود ليه ؟!
اشرف : ربنا يهدك يا شيخه كشفت رأسى ودعيت اقولك مفاجأه يا بوسى
بوسى : اه قول
اشرف : روحى وانتى طالق بالتلاته يا مجنونه يا بنت المجانين
بوسى : ...... مجنونه ليه ؟!
اشرف : !!!!!!!!!!!
_____________________
المدير : كان المفروض يقتل ويخلص الناس منك مش بس يطلقك الراجل جاله صداع دائم
بوسى بهدوء : انا كنت بسأله بس مش عارفه هو اتنرفز ليه
المدير : بصو بقى انتو التلاته دخلتو المستشفى فى نفس السنه ونفس الشهر يعنى فى توقيت واحد وانتو التلاته اعراض المرض عندكم فيها تشابه كبير وانتو التلاته جننتو الدكاتره وجننتونى انا شخصيا ومع كل ده مفيش حد عارف يعالجكم ,, عشان كده المستشفى قررت انها تجرب معاكم علاج من نوع جديد جدا ,, انتو التلاته هتخرجو من المستشفى وهتعيشو مع بعض فى بيت واحد لمده 3 شهور كامله لو عرفتو تعيشو مع بعض من غير مشاكل يبقى وقتها ممكن جدا تعيشو مع الناس فى سلام لو حصلت مشاكل وخربتو الدنيا يبقى اخركم معايا الخانكه دى تجربه عشان نشوف اذا كنتو تعرفو تعيشو مع الناس ولا لا مهو انتو لو عرفتو تتعاملو مع بعض هتعرفو تتعاملو مع المجتمع بشكل طبيعى ومن الاخر اعتبرو نفسكم فئران تجارب
خالد : انا اعترض
المدير : من اولها
خالد : ايوه ايه فئران تجارب دى فى واحده ست معانا المفروض تحترمها وتقول فارين وعرسه
بوسى ببرود : عرسه تاكلك
خالد : تاكلك انتى الاول
على : يخرب بيت الصداع بتاعكم
المدير : الهى تطلع عليكم قافلة فئران تاكلكم ما تخلى فيكم منك ليه ليها ,, انا برغى فى ايه من الصبح
خالد : ما احنا كمان مش فاهمين
المدير : مش فاهمين ايه بقول هتخرجو من المستشفى وتعيشو فى بيت زى باقى الناس بشكل طبيعى ويا تعملو اللى بقول عليه ده يا تمشو من هنا على الخانكه هو ده الحال المثالى ليكم
خالد : خلاص انا موافق
على : وانا كمان مفيش عندى مانع
بوسى : ZzZzZzZ اه اه وانا كمان موافقه
المدير : وانا اقطع دراعى من هناااا لو التجربة دى نجحت.
�������������
علقوا هنا بخمس ملصقات
الحلقه التانيه
خالد : تفتكرو احنا هنعرف نعيش مع بعض
على : لا
خالد : انا كمان بقول كده
بوسى : انا عايزه انام
على : انا مش فاهم ازاى انا هقعد مع ناس زيكم
خالد : نعم نعم نعم
على : ايوه ازاى راجل دكتور عبقرى زيى يعيش مع ناس اغيباء ومجانين زيكم
خالد : ما الحاله من بعضه يا فالح وكلنا واحد ولا احنا منشبهش
على : لا ازاى تشبهو بلد طبعا
خالد بأرتباك : لا ده انت لسانك طويل وعايز ال يرد عليك كويس ,, انتى يا بتاعه يالى نايمه قومى
بوسى : ايه فى ايه ؟
خالد : قومى طلعى ردح الستات كده واردحى للراجل ده انتى مش ست
بوسى : ؟!
خالد : يخرب بيتك انتى بتفكرى
بوسى بهدوء : اتلم منك ليه يا زفت انت وهو يا ناس يا بيئه
على بزعيق : مين اللى بيئه يااختى
خالد : انا اقولك تشتميه هو تقومى تشتمينى معاه يا حماره طب اهو انتى ها
بوسى ببرود : بتزعقو لمين يادلعدي انت وهو
المدير : ياختى كميله يا ناس وعرفتى تقولى يادلعدي يا خربى على العسل اول مره اشوف واحده بتردح بالبرود ده ,, يا تلات جزم اسيبكم 10 دقايق اجى الاقيكم بتردحو لبعض حتى انتى يا لوح التلج عرفتى تردحى
خالد : هى عارفه تردح ولا تنيل
على : انا قولت من الاول الناس دى مش من مستوايا
بوسى : ليه هو انت ابوك كان قائد طابيه ؟!
على : هقوم اجيبك من شعرك
المدير : الله يخرب بيتكم ده انتو لسه مخرجتوش من مكتبى مش من المستشفى وبتعملو فى بعض كده
خالد : اللى اسمه على ده هو اللى بدء
على : مش انت اللى خلت البتاعه اللى اسمها بوسى تردحلى
بوسى : ZzZzZzZzZzZzZzZ
المدير : اخرسو اخرسو خااالص ,, يا دكتور يا دكتور اتفضل ادخل واقف بره ليه
يسكت الكل ويبصو ناحية الباب المكتب يدخل شاب وسيم مبتسم ابتسامه هاديه جدا ويوقف جنب المدير
المدير : دكتور ماهر
على : مش باين عليه يعنى
المدير : هديك على دماغك ,, دكتور ماهر حسين اللى هيشرف عليكم وعلى التجربة السوده ال انا دبست نفسى فيها ويلا امشو من وشى كل واحد يروح اوضته يلم حاجاته عشان هتروحو البيت بعد ساعه من دلوقتى
خالد هو خارج : انت بتزعق ليه يا عم الله
على وهو ماشى ورا خالد : اهدى شوية عشان اعصابك علميا كده غلط عليك
بوسى وهى وراهم : هواااااااااا ال سلامو عليكم
ماهر : ههههههههههههههههه
المدير : انت بتضحك
ماهر : بصراحه دمهم خفيف اوى
المدير : دمهم خفيف ايه يا دكتور دول مجانين
ماهر : مجانين وعايزين علاج مش زعيق سورى بس حضرتك بتعملهم معامله مش حلوه بردو
المدير : بكره تشوف انهم مش بيمشو غير بكده دول مش تلات عيانين دول تلات مصايب نزلت على دماغى
ماهر : كل واحد ووجهة نظره بقى يا دكتور
المدير : المهم سيبك من كل ده واقعد عشان اشرح ليك حالتهم ,, على ايوب 30 سنه فشل فى مهنة الطب النفسى واتحول هو لمريض نفسى بسبب انه عنده يأس شديد من كل حاجة شايف ان الدنيا خربانه ومالهاش لازمه وكل ما كان يجى ليه مريض يقوله انتحر بس بيحاول يخبى اليأس ده ويباين مكانه التكبر والغرور
ماهر : امممم انا فعلا خد بالى من كده
المدير : خالد سالم 28 سنه اترفد من الشرطة بعد ما اتعين بسنه واحده وده سبب انه غبى جدا وجبان جدا ماحدش عارف هو عدا من كلية الشرطة ازاى اصلا بيخاف من كل حاجة حالته بتتحسن ساعات وترجع تسوء تانى وتجيله نوبات خوف شديده ويرجع بعد كده يتحسن تانى بالشكل ده
ماهر : ااه
المدير : بوسى محمد 25 سنه اتجوزت واطلقت بعد شهور من الجواز حالتها بقى حاله غريبة عندها كمية برود اعصاب غير طبيعى لو شافت قتيل قدامها مش بتتاثر وماحدش عارف ده سببه ايه من ساعة ما دخلت المستشفى مره واحده اللى اتعصبت فيها وجالها وقتها نوبة عصبيه شديده وبعد كده رجعت زى ما كانت واكتر
ماهر : امممممم
المدير : انت بقى يا بطل هتشرف عليهم وعلى حالتهم بستمرار وطبعا تقدم تقرير دائم بتطور الحاله ونجاح التجربه من عدمه
ماهر : ان شاء الله كل حاجة هتبقى تمام والتجربة هتنجح
المدير : قول يارب
ماهر : يارب عن اذنك انا بقى اروح اشوفهم جهزو ولا لسه عشان اخدهم البيت
المدير : اه اتفضل هتلقى العربية مستنيه قدام باب المستشفى مع السلامه
ماهر : مع السلامه يا فندم
المدير بعد ما يخرج ماهر : انا ايه اللى خلنى اوافق على ام التجربه دى يارب يارب عديها على خير يارب من غير كوارث ومصايب يارب انا راجل كبير ومش عايز اتمرمت على اخر ايامى عايز اطلع على المعاش باحترام بس انا عارف انا عارف طول ما التلاته دول ورايا انا مش هطلع على المعاش انا هطلع على امن الدوله اهئ اهئ اهئ
_____________________
قدام بيت كبير من دور واحد ارضى بتوقف عربية وينزل منها ماهر :
ماهر : يلا انزلو
خالد : الله ده بيت حلو وكبير يا حلاوه يا حلاوه
على : اممم مش بطال كويس
بوسى : فين السرير قصدى فين اوضتى قصدى انا عايزه انام
ماهر : مش ندخل الاول طيب يلا بينا على وخالد وبوسى التلاته كل واحد فيهم يشل شنطته ويمشى ورا ماهر ويدخلو البيت :
ماهر : هاا ايه رأيكم ؟
على : كويس
خالد : كويس ايه ده تحفه تحفه
ماهر : وانتى يا بوسى مش هتقولى رأيك
بوسى : ها ZzZzZzZz
على : هى دى ليها رأى دى كفايه عليها تنام على طول نايمه
خالد : وانت مالك ما انت على طول شايف نفسك علينا حد اتكلم
على : انت بتقول ايه ؟
خالد : هو انا اتكلمت ياااا ناس
ماهر : تؤتؤتؤتؤ كده مش هينفع احنا هنفضل قعدين مع بعض فتره طويله ولازم نتعامل مع بعض كويس وبأسلوب حلو
على : احنا هو انت هتقعد معانا ؟
ماهر : لا انا هبات معاكم النهارده بس ومن بكره الصبح هسكن فى البيت اللى جنبكم يعنى هنكون جيران وهاجى ليكم اشوف اخباركم ايه واشوف لو محتاجين حاجة ما انا المشرف والمعالج بتاعكم
خالد : ههههههه الله
على : اممم طيب
ماهر بأبتسامه : فى اى اعتراض ولا حاجة
على : لالا مفيش مشاكل
ماهر : طيب انت يا خالد اوضك اهى ال على الشمال وانت يا على الاوضه ال على اليمين وانا هنام فى الاوضه ال فى النص دى وانتى يا بوسى اوضك ال فى الوش دى من هنا الحمام ومن هنا المطبخ ودى الصاله وفوق فى سطوح حلو اوى هيعجبكم
اول ما ماهر يخلص كلامه يلاقى نفسه واقف لوحده فى الطرقه والتلاته دخلو الاوض وسبوه
ماهر وهو بيبص حواليه : حلو اوى الكلام ده لا واضح انهم مش بيحبو الرغى ,, ايه الصحراء ال انا فيها دى
_____________________
تانى يوم ... يصحى ماهر على صوت خبط ورزع ينط من على السرير ويجرى يشوف فى ايه ... يطلع من الاوضه يبص يلاقى بوسى بتشيل فى كراسى الصالون وتغير مكانها :
ماهر : صباح الخير
بوسى : صباح نور
ماهر : انتى بتعملى ايه ؟
بوسى : بختار كرسى مريح ليا
ماهر : ليه ؟
بوسى : عشان احطو فى الضل بعيد عن الشمس
ماهر : اااااه طب مش عايزه مساعده
بوسى : امم امم
ماهر : اممممم
على جاى متعصب : ايه الازعاج ده على الصبح
خالد جاى بيجرى : ايه ايه هو فى زلزال ولا اييييه
ماهر : مفيش حاجة مفيش حاجة دى بوسى بتعمل شوية تعديل فى الصالون
خالد : ده انا اتخضت يا عم الله
ماهر : ههههه معلش
على بزعيق : يعنى انتى بقى اللى عامله الدوشه دى على الصبح يا مزعجه
بوسى بهدوء : لو سمحت متزعقليش
على : انا ازعق زى ما انا عايز
ماهر : وبعدين وبعدين مش عايزين خناق
على : هى اصلا غبيه ومزعجه وعايزه الادب
ماهر : عيب عيب مينفعش كده
بوسى بكل هدوء : انا غبيه اهو انت يا فاشل
على : انا انا فاشل انا
ماهر : لالالا انت حلو انت حلو
على : والله لا اجيبك من شعرك
ماهر : لالالالالالالالالالالا
بوسى : لو سمحت سيب شعرى يا على
خالد : ايه ده ايه ده دى قلبت جد يا عم الله
ماهر وهو بيسلك بينهم : عيب كده يا على سيب شعرها انتو مش عيال
على : مش هسيبه غير لما يطلع فى ايدى
بوسى بهدوء : اي سيب شعرى عشان وجعنى يا على
على : مش هسيبه
خالد : ايه يا عم اعمل حاجة يا عم الله
ماهر يوقف ويبص عليهم بزهق وهما التلاته ماسكين فى بعض :
ماهر : بداية مبشره بالخير شكلنا هنشوف ايام فل فى البيت ده ,, سيب شعرها يا على
💛💛💛💛💛💛💛💛💛💛💛💛💛💛
علقوا هنا بخمس ملصقات ومتابعة
الحلقه الثالثه
على كنبه قاعد خالد وجنبه على وجنبه بوسى وماهر واقف قداهم ومربع ايده :
ماهر : اووووف هو ده ال احنا قولنا عليه امبارح تعملو فى بعض كده على الصبح وانت يا على بردو ينفع تمد ايدك على واحده ست
على : ست هى فين دى ؟!
خالد : ههههههههههههههههههههههههههههه
بوسى :o.O
ماهر : وبعدين بقى عيب كده انتو ناس كبيره مش عيال صغيرين ,, انا همشى دلوقتى مش عايز مشاكل مع بعض لو عملتو مشاكل هرجعكم المستشفى ادينى قولت انا هكون فى البيت ال جنبكم على طول ولو عايزين حاجة انا ما ينفعش اقعد معاكم فى نفس البيت عشان التجربه بتقول انكم لازم تقعدو مع بعض لوحدكم لكن ادينى جنبكم وهتبعكم بستمرار اى حاجة غلط هتعملوها مش هيحصل كويس عايزين نمشى مع بعض حلوين للاخر
على : والنبى يا عم ابقى بص علينا كده من وقت للتانى لا تنسونا هنا ولا حاجة
ماهر : لا متخافش انا جنبكم وهاجى ليكم على طول حد فيكم عايز اى حاجة قبل ما امشى
بوسى : خد الباب وراك
على : بقولك شد عجلك بقى ها
ماهر : احم احم طيب يلا مع السلامه
خالد : دكتور دكتور
ماهر : نعم
خالد : هات لنا تين شوكى وانت جاى
ماهر : !!!! ايه الناس دى
يمشى ماهر ويفضل التلاته قاعدين جنب بعض ساكتين لحد ما يتكلم خالد :
خالد : هو احنا مش هنفطر ولا ايه
على : اه صح قومى يا بوسى اعملى الفطار
تبصلهم بوسى بهدوء وترجع تبص قدامها تانى :
بوسى : حد قالكم انى الخادمه الفلبنية بتاعتكم
على : يعنى ايه ؟
بوسى : اللى عايز ياكل يقوم يعمل الاكل لنفسه
على : مش انتى الست المفروض تعملى انتى الاكل
بوسى : ست هى فين دى ؟!
على : يا لئيمه واحده بواحده يعنى
بوسى : اه
خالد : يووه بقى انتو هتفضلو تتخانقو لحد ما اموت انا من الجوع
على : انا هقوم اعمل الاكل قال ست قال
بوسى : قال
_____________________
ماهر يدخل البيت ويقعد على كرسى بأرهاق دقايق وتلفونه يرن :
ماهر : ايوه يا حبى وحشتينى اوى سالى
سالى : اه ما انا عارفه بأمرت التلفونات ال مقطعه بعضها
ماهر : حبيبتى ما انتى عارفه الشغل ويوم انا من امبارح ما شغال زى النحله ده حتى الايام الجايه عندى شغل كتير اوى وصعب
سالى : اه خليك انت قصاد الشغل والمجانين لحد ما تتعدى منهم فى مره وابقى انا مخطوبه لواحد مجنون
ماهر : سالى ده مستقبلى ما انا لازم اعمل تجارب واشتغل واتعب عشان اوصل للى عايزو فى الاخر
سالى : اممم وايه بقى ال انت عايز توصله يا ناصح
ماهر : حاجات كتير اوى نفسى اوصلها يا سالى نفسى بجد الناس تعترف بالمرض النفسى نفسى ابقى دكتور مشهور واساعد بجد المرضه اه اه لو التجربه ال انا شغال عليها الايام دى تنجح ياااه ساعتها نتجوز وتاخدى لقب حرم دكتور ماهر حسين عبقرى الطب النفسى
سالى : يا حسره موت يا حمار
ماهر : تصدقى بالله انتى تجيبى الاحباط والفقر جاتك الهم ال يخدك اتقفلى يابت ,, ايه الستات دى
_____________________
بعد اسبوع :
بوسى : اتسي
على : بعيد بعيد خلى وشك بعيد
بوسى : لا انا عايزه اعديكم اتسي
خالد : مش واخدين بالكم ان احنا عايشين فى ملل
على : هنعمل ايه يا يعنى ادينا قاعدين
خالد : طب طب انا عندى فكره
على : فكرة ايه ؟
خالد : ما تيجو نخرج نتفسح شوية
بوسى : دكتور ماهر مش هيوافق اتسي
على : عنه ما وافق احنا مش هنقوله اصلا وبعدين الدنيا ليل واكيد نام
خالد : صح صح صح مش هنقوله احنا نروح نتمشى ونشم الهوا ونرجع تانى على طول
على : طب يلا بينا
بوسى : انا عيانه مش هقدر اخرج روحو انتو
على : خلاص ماشى يلا يا خالد
خالد : نجبلك حاجة معانا
بوسى : اه عايزه اتسي عايزه اتسي عااا اتسي
على : اه هنجبلك جرعه البرد مهو البارد اللى زيك لازم يجيله برد يا بارده
خالد : نجبلك سمك ؟
على : هى ناقصك يلا
خالد : ايه ياعم ده سمك بلطى الله
_____________________
يخرج على وخالد من البيت وهما خايفين ماهر يشوفهم ويعدو الشارع بسرعه ويقفو يبصو حواليهم عشان يتأكدو ان ماحدش شافهم يشاورو لـ بوسى اللى كان واقفه على الباب انها تدخل وتقفل ويمشو بوسى تشاور ليهم بـ باى وبدل ما تدخل تخرج تروح على بيت ماهر وتخبط على الباب :
ماهر يفتح : بوسى ايه ال جابك دلوقتى فى حاجة ؟
بوسى بكل برئه : اه على وخالد خرجو من البيت
ماهر : ايييييييه راحو فين ؟!
بوسى بهدوء : راحو يتفسحو ويشمو الهوا انا بس جيت اقولك لا يهربو ولا حاجة تصبح على خير اتسي
تمشى بوسى وترجع البيت وتقفل وماهر باصص عليها وهو متنح :
ماهر : يا نهار اسود يا نهار اسود روحت فى داهيه يا ماهر الله يخرب بيتكم ادور عليهم فين دول دلوقتى
_____________________
خالد وعلى يفضلو ماشين مش عارفين يروحو فين فى الاخر يلاقو نفسهم قدامهم نادى ليلى يدخلو ويقعدو على ترابيزه ويفضلو ويتفرجو ويبصو حواليهم على الناس وهما ساكتين :
خالد : الله حلو اوى المكان ده
على : الواحد ليه سنين مش شايف قدامه غير حيطان المستشفى لازم اى حاجة غيرها تكون جنه مش حلوه بس
يجى الجرسون : تشربو ايه يا فندم ؟
خالد : هاا عندك ايه يتشرب ؟
الجرسون : فى كل حاجة يا فندم ويسكى شنبابيا فودكا تكيلا
خالد : دى ادويا للبرد ياعم ولا ايه هات منها لـ بوسى
على : دى خمرا يا غبى
خالد : لا يا شيخ طب وماله نجربها
على : تصدق عندك حق ,, لو سمحت هات اتنين تكيلا
خالد : انت شربت البتاعه دى قبل كده ؟
على : لا
خالد : امال اشمعنى دى اللى طلبتها
على : عجبنى اسمها
_____________________
على باب البيت قاعد ماهر وجنبه قعده بوسى :
ماهر : اعمل ايه دلوقتى انا اعمل اييييه
بوسى : يمكن كمان شوية يجو
ماهر : هما بقالهم قد ايه كده
بوسى : باين ساعتين
ماهر : روحت فى داهيه روحت فى داهيه
بوسى : تؤ مش هتوصل لـ داهيه ممكن مصيبه
ماهر بغيظ : تعرفى تسكتى انتى ايه اصلا ال مقعدك جنبى
بوسى : بونسك
ماهر : انتى مروحتش معاهم ليه ؟
بوسى : لو انا روحت معاهم مين اللى هيفتن عليهم
ماهر : o.O o.O !!!!!
_____________________
على وخالد قعدين على الترابيزه وقدامهم كوبايات وازايز كتير :
خالد بصوت واطى : على على يا على
على نايم على الترابيزه : اممممممممم
خالد : انا حاسس انى مش شايف قدامى
على : يعنى هو انا ال شايف
خالد : تفتكر ده من مفعول الويسكى ولا الشنبانيا ولا الفودكا ولا التكيلا
على : اكيد مفعول العرق صوصو ال انت اصرت تشربه قوم نروحو قوم
خالد : اه يلا بينا
قام الاتنين بيسندو على بعض عشان يعرفو يمشو :
الجرسون : لو سمحت يا فندم الحساب 1500 جنيه
خالد وعلى يبصو لبعض :
على : 1500 جنيه ليه ؟
الجرسون : حضرتكم اخدتو 4 تكيلا 4 شنبانيا 4 ويسكى 15 فودكا
خالد : ما كوبايات الفودكا دى صغيره اوى ومفيش فيها غير شوية صغرين يا عم الله
الجرسون : يا فندم بالهنا والشفا احنا بس عايزين الحساب
على قرب لـ الجرسون : اصل احنا مش معانا 1500 جنيه
الجرسون : امال معاكم كام
على بصوت واطى : 18 جنيه
خالد : انا معايا نص
على : ونص
الجرسون : 18 ونص اااه اوكى سكيورتى
خالد بخوف : ايه دول ؟! ايه المناظر دى
على : دول اكيد هربو من فيلم صراع الجبابره بصو بالادب كده ضرب لا
خالد : اه والنبى ضرب لا اى اى اى
على : ااااااه ااااه هو انتو ما صدقتو ااااه
💗💗💗💗💗💗💗💗💗💗💗💗💗💗💗
علقوا هنا بخمس ملصقات
الحلقه الرابعه
ماهر : ادخلو قدامى
على : بس من غير زق
خالد : اى اى ياعم الواحد جسمه مش مستحمل ياعم الله
ماهر : تستاهلو
بوسى : ايه ده انتو دخلتو فى عربية نص نقل
على : اتكتمى انتى لسه حسابك جاى
ماهر : مش لما تتحسبو انتو الاول حد يشوفلى عصايه
بوسى : خد عصاية المكنسة اهى
ماهر : ايه السرعه ال انتى فيها دى بس حلو تعالولى بقى
يجرى على وخالد وماهر يطلع يجرى وراهم :
خالد : ايه ياعم احنا فينا من ضرب
على : بقولك ايه نتكلم بالعقل احسن عيب ده احنا دكاتره زى بعض
ماهر : كمان ليكم عين تتكلمو
خالد وهو بيجرى : واحنا عملنا ايه يعنى ياعم
ماهر وهو بيجرى وراهم : عملتو ايه ؟ بقى تنزلو من غير ما اعرف وتروحو خماره وتسكرو وتتضربو وفى الاخر اجيبكم من القسم تفرض ماكانش معاكم رقمى وماكنتش عرفت اجيلكم كان ساعتها العمل هيكون ايه افرض البوليس عرف انكم مجانين يا ولاد المجانين كنا روحنا كلنا فى داهيه وانا اولكم
على يوقف : وهو انتو طلعتونا من المستشفى عشان تحبسونا فى البيت ده ولا ايه ما احنا زهقنا
ويطلع يجرى :
ماهر يجرى وراهم : زهقتو انتو لحقتو ده يدوب اسبوع يا يا يا مش لقى شتيمه اشتمها ليكم اقفو هنا
بوسى : ايوه اديهم على دماغهم
ماهر يوقف ويبصلها : وانتى جاية تخبطى عليا وتصدمينى وتقعدى جنبى طول الليل تغيظى فيا يا جزمه
ويطلع يجرى وراها :
ماهر : المدير كان عنده حق لما قال ان مينفعش معاكم غير الشده انا هوريكم الوش التانى اقفو هنا
_____________________
بعد يومين ... خالد وعلى قعدين قدام ترابيزه صغيرة بياكلو وبوسى قعده قداهم على الارض ماسكه رزع بتقطع فيه :
خالد : ااه شطه شطه حرام عليك ياعم
على : انا بحب الشطه لو مش عجبك متاكلش ,, ااه تصدق حراقه صح
خالد : بوسى بتعملى ايه ملوخية دى ؟
بوسى : بس يالا
يدخل ماهر :
ماهر : بتعملو ايه ؟!
على : احنا بناكل وبوسى تقريبا بتقتل الزرع ال فى ايدها ده
ماهر : طب قومو يلا عندكم جلسه
بوسى : ليه ؟!
خالد : مش احنا خلاص طلعنا من المستشفى
ماهر : طلعتو من المستشفى عشان تتعالجو اخلصو يلا حصلونى على الاوضه الكبيره واحد واحد يدخل انت الاول يا على
_____________________
ماهر : قولى بقى انت ليه دايما متعصب
على : من الاشكال ال انتو مخلينى قاعد معاها
ماهر : قصدك على مين
على : زفته وطين , بوسى وخالد
ماهر : وانت مدايق منهم لييه
على : عشان اغبياء اوى بصراحه مش عارف هما جابو الغباء ده كله من فين
ماهر بتريقه : اااه طب ما تنتحر وتريح نفسك منهم
على : ........ نو كومنت
------------------------------------
ماهر : ايه رأيك فى على ؟
خالد : مبلاش ياعم نجيب فى سيرة الناس ياعم
ماهر : لا عادى احنا بندردش مع بعض , بتبص حواليك كده ليه ؟
خالد : ما انا خايف لا سمعنى يقوم يضربى ياعم
ماهر : لا متخافش ايه رأيك فيه بقى
خالد : بصراحه على وحش اوى اوى اوى يخرب بيت وحشته
ماهر : طب وبوسى ؟
خالد : بصراحه بوسى بارده اوى اوى اوى يخرب بيت برودها
ماهر : طب وخالد ؟
خالد : بصراحه خالد غبى اوى اوى اوى يخرب بيت غبائه
ماهر : نهار اسود
------------------------------------
ماهر : بوسى
بوسى : ZzZzZzZzZz
ماهر : بوسى
بوسى : ZzZzZzZzZz
ماهر : يااااا بوسى
بوسى : ايه ؟!
ماهر : ايه عايزين نتكلم
بوسى : اتكلم
ماهر : طب اصحى معايا
بوسى : صاحيه
ماهر : كويس , ايه اكتر حاجه ........
بوسى : ZzZzZzZzZzZz
ماهر : بووووووسى
-----------------------------------
ماهر : يعنى انت مش عاجبك العيشه معاهم
على : طبعا هى دى ناس حد يعيش معاهم اصلا
ماهر : طب ليه مش بتحاول تعمل معاهم حوار
على : اعمل حوار مع مين ؟ مع خالد الغبى ولا بوسى الهبله
ماهر : تصدق معاك حق فعلا
على : بجد يعنى انا عاقل يعنى المفروض امشى بقى
ماهر : ايوه فعلا الفروض تمشى اييييييه وله
------------------------------------
ماهر : وبتخاف من ايه تانى ؟
خالد : من الصراصير اه الصراصير وشنباتها الكبيره دى
ماهر : وايه تانى ؟
خالد : الديك الديك لما بينفش ريشه كده تحس ان هو هيهجم عليك ياكلك ما انت تاكله
ماهر : يارب وايه تانى ؟
خالد : الفار ابو ديل ده بخاف منه اوى
ماهر : كل الفئران بديل
خالد : بجد بيقى بخاف منهم كلهم
------------------------------------
ماهر : طب انتى ايه رأيك فى خالد ؟
بوسى : مجنون
ماهر : طب وعلى ؟
بوسى : مجنون
ماهر : طب وانتى ؟
بوسى : اجن منهم
ماهر : طب وانا ؟
بوسى : هتتجنن قريب
ماهر : الله يبشرك بالخير ويهدك يا بعيده فى وقت واحد
_____________________
ماهر : يعنى بعد 10 ايام فى الزفت البيت ده مفيش اى تغير فى حالتكم ,, استاذ خالد خايف من خياله زى مهو ومستر على بيتعصب على ال خلفونا زى مهو والست بوسى دى بقى انا هبعتها القطب الشمالى المكان الوحيد ال ينفع تعيش فيه ببرود اعصابها ده
خالد : ياعم بتزعق ليه ياعم انا بخاف من الصوت العالى
على : انت بتزعق ليه صح هو انت المفروض تعالجنا ولا تتعصب علينا
بوسى : انا عايزه اروح القطب الشمالى
ماهر : اشوف فيكم يوم حاجة من اتنين يا تتعالجو يا اموتكم واخلص منكم البشريه يا تلات عاهات
فجأه باب البيت يخبط :
ماهر : ايه ده مين ال جاى ؟
على : انت بتسأل مش انت المسؤل هنا
ماهر : اه بس الفروض مفيش حد يجى هنا روح يا خالد افتح
خالد : خالد مين ياعم الدنيا ليل انا خاف
على : يلا يا جبان هروح افتح انا
ماهر : وانتى مالكيش اى لازمه كده
بوسى : حلو القطب الشمالى
_____________________
يفتح على الباب ميلاقيش حد يبص على الارض يلاقى سله صغيره متغضيه بقمشة بيضاء يرفع القمشة ويبرق :
على بصوت عالى : الحقونى الحقونى
يجى الكل بيجرى :
ماهر بخضه : ايه فى ايه ؟
على : كائن فى السله كائن فى السله
خالد : تعبااان
يوطى ماهر ويشوف ال فى السله :
ماهر : نهار اسود مين ده ؟!
بوسى بكل هدوء : ده نونو
ماهر : مهى المصبية انه نونو هو انا ناقص ابن مين ده ؟! يا مرارك يا ماهر
💗💗💗💗💗💗💗💗💗💗💗💗💗💗💗
علقوا هنا بخمس ملصقات
الفصل الخامس
خالد وعلى وماهر وبوسى واقفين جنب بعض بيبصو على النونو الصغير ال نايم على الكنبه :
على : يا ترى البتاع ده جيه من فين
خالد : ده صغير اوى , يكون وقع من سفينه فضاء
بوسى : بس بس بس نونو جميل بس بس
ماهر بيفتش فى السله ال كان فيها النونو لاقى ورقة مسك الورقه وقراها بصوت عالى :
ماهر : الى من يجد هذا الطفل ارجو منك الاهتمام بيه حتى اعود لأخذه مره ثانية اهتم بيه فتره مؤقته ولك كل الشكر والامتنان ... امضاء مجهول يبحث عن مساعده ,, يالهوى يالهوى هو انا ناقص اعمل فيه ايه ده دلوقتى
على : ابعته ملجأ يتربى هناك بقى ويكبر ويمثل مع يوسف وهبى فيلم البؤساء الجزء التانى
ماهر : تعرف تسكت الجواب بيقول ان ال ساب العيل ده قدام الباب هيرجع يخدو تانى يعنى مينفعش احركه من هنا لحد ما يظاهر المجهول ده الله يخرب بيته
_ اوعااا اوعااا اوعااا اوعااااا
خالد : ايه ده ده نطق
على : لالالالالا انا مش بحب عياط العيال خلوه يسكت اسكت يالا
_ اوووعاااااااا اوووعااااااا
ماهر : ااااااااه يامه
بوسى تقرب وتشيل النونو براحه : بس بس اسكت يا حلو متعيطش يا جميل بس بس ده جعان عايز ياكل
ماهر : لا والنبى
بوسى : روح هاتله لبن
ماهر : اه لبن بسيطه
بوسى : وبامبرز
ماهر : حاضر
بوسى : وهدوم اطفال
ماهر : مش عارف اشمت ال ساب العيل ده هنا ولا اشتمك انتى يابارده
بوسى : ليه ؟!
ماهر بنرفزه : يا لوح التلج ,, وانتو كمان واقفين كده ليه يلا واحد فيكم يجى معايا مش هشيل انا كل الكلام ده لوحدى
خالد بسرعه : انا انا انا اجى معاك انا
ماهر : طب يلا بس ودينى لو ما مشيت ساكت لا ارجعك هنا على نقاله انا على اخرى
خالد : ماشى ياعم بس بلاش تزعق كده الله
ماهر يشد خالد ويمشو الاتنين يروحو السوبر ماركت وعلى يفضل مع بوسى :
بوسى بأبتسامه : خلاص يا نونو الاكل جاى دلوقتى بلاش تعيط بس يا حبيبى
على : سبحان الله اول مره اشوفك مبتسمه انتى بتحبى العيال الصغيره اوى كده
بوسى : مين فى الدنيا مش بيحبهم
على : انا مش بحبهم بيعملو دوشه كده وازعاج زى البتاع على ايدك ده
_ اوووووعاااااااااا
على : اهو شوفتى
_____________________
فى السوبر ماركت ماهر ماشى زى التايه وخالد ماشى وراه والاتنين مش عارفين يشترو الحاجة ازاى :
ماهر : اهو البامبرز تفتكر عايزين مقاس كام
خالد : السؤال ده ليا
ماهر : امال لـ أمى
خالد : وانا اعرف من فين مقاس كام هو صغير كده هون
ماهر : طب والعمل دلوقتى
خالد : انا ابقولك فكره
ماهر : هو انت بتعرف تفكر قول
خالد : احنا نشترى كل المقاسات ونشوف ال يجى مقاسه
ماهر : ياريت ما فكرت اسكت اسكت
ماهر يبص حواليه يلاقى ست شايله طفل صغير :
ماهر : مساء الخير
_ مساء النور
ماهر : لو سمحت معلش ممكن خدمة
_ اتفضل
ماهر : اصل انا اختى طلبت منى اشترى حاجات لابنها وكده وانا يعنى متلخبط اخر لخبطه ومش عارف اشترى الحاجات ال طلبتها ممكن تساعدينى
_ اه تحت امرك انت عايز تشترى ايه والبيبى عنده قد ايه
ماهر : هو تقريبا قد البيبى ال على ايد حضرتك انا عايز بامبرز ولبن وشوية هدوم اطفال
_ اوكى تعالا ورايا
ماهر : الهى يكرمك
خالد يشد ماهر من هدومه : دكتور دكتور
ماهر : اييييه
خالد : هو ابن اختك كمان هيجى يقعد معانا مش كفاية علينا العيل ال فى البيت ده
ماهر : ابو الغباء امشى قدامى امشى
_____________________
_ اوووعاااا اوعاااا اووووعااااا اوووعاااا
على : يابنى ما تسكت بقى دوشت ال خلفونا
بوسى : انت بتزعق له هو فاهم بس يا نونو متعيطش
على : طب خليه يسكت بقى لا اقوم اكتمه انا
_ اوووووووووووعاااااااااا
على : انت بتعاند معايا يالا
يتفتح الباب ويدخل ماهر وخالد ومعاهم كياس كتير :
خالد : ايه ده لسه بيعيط خلاص يا جميل جبنلك حاجات حلوه اوى حتى شوف
ماهر : خدى يا بوسى هانم كل ال قولتى عليه اتفضلى اتصرفى بقى فى الحكايه دى
يقعد خالد وماهر جنب على ويتفرجو على بوسى ال تقومى تعمل لبن لـ النونو وتاخده فى حضنها وتشربه اللبن وهما قعدين بيتفرجو عليها يروحو فى النوم هما التلاته ومفجأه :
_ اووووعااااااا اووووعاااااا
خالد بخضه : اييييييييه ايييييييييه الحرب قامت
على بعصبيه : ايه الواد ده مركب ميكرفون فى بوقه
ماهر : يارب يعنى مش كفايه عليا التلات مصايب دول يجى ليا مصيبه رابعه , ماله يا بوسى
بوسى : عايز يغير
ماهر : طب ما تغيري له وتخليه يسكت
بوسى : قومو ساعدونى
على : اهههههههههههههههه اههههههههههههههه اول مره اعرف انك مش بس بارده لا ودمك كمان خفيف اههههههههههههه
بوسى : قومو ساعدونى
ماهر : واحنا التلاته نساعدك عشان تغيرى لـ المفعوص ده ليه هى عمليه جراحيه ولا حاجة
بوسى : يا تقومو يا هخليه يعيط كده
ماهر : الامر لله قومو
يقوم على وماهر يبص على خالد اللى نايم :
ماهر : يا بختك ياخى قوم يا زفت
خالد : زلزااال زلزااااال
_____________________
بوسى حاطه النونو على السرير واقفه قدامه وعلى وخالد وماهر واقفين جنبها وهى بتغير له :
على : اوه جاتك القرف
ماهر : جاتها هى القرف مهى ال عامله فينا كده
خالد : يععع
بوسى : منديل
يروح على يجب مناديل ويديها لـ بوسى :
بوسى : بامبرز
يروح خالد يجب واحدة بامبرز ويديهالها :
بوسى : بنطلون
يروح ماهر يجب بنطلون صغير بتاع اطفال ويدهولها :
بوسى : الله غيرنا وبقينا حلوين
ماهر : ياسلام شايفين يا جماعه الله على الامومه لما تطلع من بوسى
على : مش نروح ننام بقى
خالد : ياريت
يرجع التلاته ويقعدو تانى جنب بعض على الكنبه وبوسى تقعد على الكرسى اللى قدامهم وهى شايله النونو دقايق والتلاته ينامو وهما قاعدين تانى وشوية :
_ اووووووووعاااااااااا
ماهر : يا ابن ال ماله تانى
خالد : مالك ياعم بتعيط ليه انت عايز تصلى الفجر حاضر احنا مالنا الله
على : وقال يقولولى مش بحب العيال ليه قال
ماهر : بيعيط ليه تانى ؟!
بوسى : عايز ينام
ماهر : يقوم يعيط
بوسى : اه عياط النوم
على : لا خبره والله طب والحل هيسكت امتى
بوسى : لما ينام
ماهر : بشرى ساره يا رجاله مفيش نوم النهارده
خالد : مين بشرى ومين ساره دول كمان ياعم هى ناقصه
ماهر : ماحدش يحوشنى
على : اتكل على الله
خالد : اى اى هو انا عملت ايه ياعم اى ااااى
_____________________
تانى يوم الصبح ... خالد وعلى وماهر نايمين وهما قاعدين على الكنبه وعلى الارض بوسى نايمه والنونو فى حضنها نايم شوية ويرن تلفون ماهر يفتح عنيه بالعفيه ويمسك التلفون ويرد :
ماهر بصوت نايم : الو
سالى : صباح الفل يا ميمو
ماهر : فل وميمو وده من ايه ؟!
سالى : خلاص انا غلطانه صباح الزفت يا ماهر
ماهر : انتى بتقلبى ليه كده يا سالى ده انا خطيبك والله
سالى : هو انا كل ما اكلم تقولى الكلمتين دول ده انت ممل
ماهر : يارب انت القوى على كل ظالم يارب
سالى : هششش بس بس قولى انت فى بيت رقم كام
ماهر : ليه ؟!
سالى : انا جايه لك
ماهر : ايه لالالا تيجى ليه
سالى : الله وانت مش عايزنى اجى ليه انت مش قالى ليا انك بتصلح شقتك وقاعد فى بيت ايجار مؤقت لحد ما شقتك تخلص وتخلص تجربه شغال عليها ولا انت كنت بتضحك علياااا
ماهر : لالالا والله ما بضحك عليكى
سالى : طيب انا بقى فى الشارع اللى قولتلى انك واخد البيت فيه انت فى انهى بيت بقى
ماهر : كمان فى الشارع اللى فيه البيت ,, انا فى بيت رقم 11 يا سالى خليكى قدامه وانا جيلك
يقفل ماهر ويقوم بسرعه عشان يخرج يروح بيته قبل ما توصله سالى ... يفتح الباب ويخرج لكن سالى تكون قربت من البيت وشافته وهو طالع من البيت ال جنبه تبص لـ ماهر وتقربله :
سالى : هى ايه الحكاية هو انت قاعد فى البيت ده ولا البيت ده
ماهر : ده انتى سريعه اوى يا حبيبتى اقفل معاكى من هنا الاقيكى فى وشى من هنا
فجأه يلاقى ماهر سالى بتبرق وبتبص وراه يبص على ال سالى بتبص عليه يلاقى واقف وراه خالد وعلى وبوسى :
ماهر : يااااااا حلاوه
سالى : مين دول يا ماهر
ماهر : هههههه يا عيون ماهر انتى دى احلوت اوى نهارنا فل اموااه
💗💗💗💗💗💗💗💗💗💗💗💗💗💗💗
تعليقات
إرسال تعليق