رواية حكاية وعد الفصل الثانى وعشرين والثالث وعشرون بقلم ملك محمد حصريه في مدونة موسوعة القصص والروايات
رواية حكاية وعد الفصل الثانى وعشرين والثالث وعشرون بقلم ملك محمد حصريه في مدونة موسوعة القصص والروايات
#حكاية_وعد 22
وقفنا لما تمام حس بالإحراج لما قالي ان آيسل فعلا شخص مميز عنده
خرج وقف ف الجنينه
آيسل أستأذنت منهم ولحقته وقفت جمبه وقالت
: احم
تمام ببرود وهو حاتط ايده ف جيوبه : عايزه اي
آيسل : ممكن سؤال
تمام : لا
آيسل قالت بصوت واطي وهي باصه الناحيه التانيه: بارد اوي الكائن داه اتعامل معاه ازاي
تمام : سامعك
آيسل بتوتر ضحكت ضحكه مصطنعه : هه ههه
تمام واقف بثبات ومبيتكلمش
سكوت ثواني
آيسل استجمعت قوتها وسألته: هو انا فعلاً شخص مميز عندك
تمام ببرود : هو انا مش قولت متسأليش
آيسل بإحراج : اه اسفه
وسابته ومشيت خطوتين لقدام
تمام بصوت مرتفع : لا
آيسل بصتله : اي ال لا
تمام : انتي مش شخص مميز ولا حاجه
آيسل وهي كاتمه غضبها : امال قولت كدا ليه
تمام : كنت بدايق نانسي مش اكتر ومفروض تكوني فهمتي كدا
آيسل : وليه مفروض افهم كدا
تمام : علشان انتي عمرك ماهتكوني شخص مميز عند حد
آيسل مقدرتش تمسك نفسها وقالت بغضب
: انت ليه دايما مستقل بيا ومحسسني اني ولا شئ وكأني حاجه نكره رغم ان انت شخص متعجرف وبارد ومعدوم المشاعر ووجودك زي عدمه يعني مفروض تكون انت الولا شئ في حياة اي حد
تمام بصلها ولسه هيتكلم قاطعته وقالت
: شخص اناني مبيحبش غير نفسه ومتكبر عمرك مافكرت تساعد حد حتى مساعدتك ليا جت بعد إذلال مني عمرك ماشاركت حد ف فرحه او حزنه فاكر نفسك حاجه وانت ولا حاجه لو غبت سنين من الفيلا محدش هيحس بغيابك لأن ببساطه وجودك مش فارق زيه زي عدمه
تمام اتصدم من كلامها ملامح وشه اتغيرت ومقدرش يرد عليها
آيسل بعصبيه : بتقول اني عمري ماهكون شخص مميز عند حد وعمري ماهتحب وانا بقولك اني اتحب واتحب جدا كمان وانت اول واحد هيحبني
تمام بيبص عليها بدهشه
آيسل سابته ودخلت جوه وهي متعصبه
وقف يكلم نفسه ويقول بتعجب
: هو انا اتهزقت دلوقتي ولا انا بيتهيألي
لا وكمان اتهزأت من عقلة إصبع
فجأه بيلاقي وعد وزين داخلين بالعربيه
ركنوا العربيه ف الجراش ونزلوا مسكوا ايد بعض والسعاده باينه ع وشهم
تمام اول لما شافهم من بعيد بص على زين وهو مبتسم والفرحه باينه عليه قال لنفسه
: عمري ما شوفت زين مبتسم وفرحان بالشكل داه معقوله الحب بيعمل كدا
زين قرب منه وف ايده وعد وقاله
: تعالى عايزينك جوه
تمام : في اي
وعد : تعالى وهتعرف جوه
تمام ببرود : مش عايز اعرف
زين ووعد بصوا لبعض وابتسموا وراحوا زاقينه بإيدهم لجوه
دخلوه غصب عنه وقعدوه ع الكرسي
تميم بسخريه :هههه انتو لقيتو عيل تايه وجايبينوا معاكوا ولا اي
تمام بصله بنظرة برود
زين : ها الكل متجمع
مديحه : خير يازين باين عليك انت ووعد الفرحه يعني
زين مسك ايد وعد وقال النهارده في خبر مهم
وعد بصت ف الأرض بخجل
جده بتعجب : في اي اتكلم
تميم خد باله من الخاتم ال ف ايد وعد ملامح وشه اتغيرت وقال لنفسه
: معقوله زين هيعصي اوامر جدي وهيعلن خطوبته
والدته لاحظت هي كمان الخاتم
زين بإبتسامه وهو ماسك ايد وعد : انا ...
والدته وقفت بسرعه قاطعته وقالت
: زين انا عايزاك دقيقه
زين بتعجب : في اي ياماما
والدته قربت منه وشدته من دراعه : عايزاك دقيقه تعالى
وعد وشها اتقلب ايسل راحت ناحيتها وقالت
: هو في اي ياوعد ابيه زين عايز يقول اي
وعد بتوتر : لما يجي هتعرفي
اسماعيل : هو في اي انا مش فاهم حاجه
تميم : مفيش ياجدو تلاقي زين وقع عقد جديد وحابب يفرحنا معاه
نانسي وهي بتبص لوعد قالت بإستهزاء : واضح ان العقد الجديد مش عاجب حد
____________
زين ف الأوضه مع والدته
: في اي ياماما
: اي ال انت عايز تهببه داه
: مش فاهم
: انت فاهم كل حاجه وعارف ان مينفعش تعلن خطوبتك من وعد
زين بعصبيه : ياماما كفايه لحد كدا بقى هيفضل يتحكم ف حياتنا لحد امتى دا كبر ولسه بردو مخلينا كلنا كلنا تحت رحمته
والدته بغضب : زين عيب انت ناسي ان دا جدك ومينفعش تتكلم عنه بالطريقه دي
زين بعصبيه : واي يعني جدي انا هطلع واعلن خطوبتنا قدام الكل ومش فارق معايا حد
والدته : بطل بقى شغل العيال داه انت ناسي ان جدك الواصي ع كل حاجه ولو عصيت اوامره ملكش فلوس عنده واحتمال قبل مايطردك م الفيلا يقلعك البدله ال انت لابسها
زين بغضب : وأخرة المهذله دي هتبقى اي
والدته : اهدى شويه وحاول تلين قلبه عليك انما موضوع انك تخطبها غصب عنه دا هيخليه يعند اكتر
زين : انا مش عايز حاجه من فلوسه انا هعيش من شغلي
والدته : هو انت حيلتك ولا حيلت ابوك الله يرحمه حاجه ماهي الشركات كلها بتاعته ومن الصبح هيطردك تقدر تقولي هتصرف ع نفسك وعليها منين
زين اتنهد وقعد ع الكرسي وحط ايده على جبينه بقلة حيله
والدته قعدت جمبه : ياحبيبي افهم كل حاجه هتتحل بس بالراحه بلاش العند يازين
زين : بحاول معاه من زمان علشان اغير تفكيره وانتي عارفه وهو زي ماهو مبيتغيرش وقدامك تميم بيحب البنت بقاله سنين بدل مايجوزهم ويفرح بيهم واقف قصاده وكأنه أجرم بحبه ليها
والدته : معلش استحملوا انا وابوك تعبنا معاه ولما حسر انه هيخسر اابنه الوحيد وافق على جوازه مني
زين بصلها بحده وقال : وتفتكري هو فارق معاه يخسرنا او لا
وقام من ع الكرسي فتح الباب وطلع
وعد اول لما شافته طالع م الأوضه وقفت بسرعه
زين كان باين عليه الغضب وطلع السلم بسرعه وراح ع اوضته
اسماعيل : هو مش مفروض انه كان عايز يقولنا حاجه
نانسي بسخريه : اكيد وعد تعرف لانها كانت معاه
وعد خبت ايدها ال فيها الخاتم بسرعه ورا ضهرها وقالت بتوتر
: ها لا معرفش
آيسل بتعجب : هو اي ال حصل جوه مع خالتو خلاه يطلع متعصب كدا
خرجت مديحه بصت لتميم وتمام وشاورتلهم بحاجبها
( يعني اطلعوله)
تميم وتمام فهموا وطلعوله
اسماعيل : في اي يامديحه انا هفضل مش فاهم حاجه كتير كدا
مديحه : مفيش يابابا زين بس الفتره دي متلخبط شويه
______بقلم ملك محمد___
ف الأعلى زين دخل خلع قميصه رماه ع الأرض وخبط الأباجوره ال جمب سريره بإيده وقعها ع الأرض اتكسرت
كان متعصب جدا
فتح تميم الباب شاف الغضب باين على ملامحه وعروق جسمه هتنفجر من كتر الغضب قال بخوف
: شكلنا جينا ف قت غير مناسب أستأذن انا
لسه بيلف لقا تمام ف وشه اخده من قفاه ودخله جوه وقفل الباب
زين بعصبيه : انا مش عارف هيفضل يتحكم ف حياتنا لحد امتى
تمام ببرود : اهدى الموضوع مش مستاهل بتعمل كل داه علشان بنت
زين اتعصب اكتر وقاله بغضب : يعني اي الموضوع مش مستاهل هي دي اي بنت دي حبيبتي
تميم شد تمام لورا وقال
: خليك انت ف جمب ياكتلة برود وبعدين قال لزين
: زين انا عارف انك بتحبها بس مفيش حاجه بتيجي بالعند اكيد في حل لازم تهدى شويه وتفكر
زين بعصبيه : تقدر تقولي هنفضل لحد امتى بندور على حل
تمام قعد ببرود وقاله : هو حضرتك مستعجل كدا ليه
زين : أنا عايز اكمل حياتي معاها ومبقتش قادر ابعد عنها ولو ثانيه
تمام : خلاص روح خدها وامشي من هنا
زين : هو دا ال هيحصل
تميم بحزن : وتسيب ماما عادي كدا
زين : هاخدها معايا
تميم : ومين قالك انها هترضى تسيب البيت وتمشي دا البيت ال عاشت فيه هي وبابا وزكرياتها كلها هنا وانت عارف انها مستحيل تسيبه
زين اتنهد بقلة حيله ورمى نفسه ع سريره
تميم : صدقني هتتحل بس كل حاجه بتيجي بالراحه
تمام ببرود : وياريت تخف العصبيه ال انت فيها دي
تميم : مش احسن مايكون بارد زي حضرتك ولا ليك اي لازمه ف البيت قوم قوم روح ع اوضتك اجري
تمام افتكر كلام ايسل ليها لما قالتله : انت شخص اناني ولو غبت سنين محدش هياخد باله لأن وجودك زي عدمه
ملامح وشه اتغيرت وقام من ع الكرسي خرج من الأوضه راحت اوضته
تميم بتعجب : ماله دا قفش مره واحد كدا ليه
وقعد ع الكرسي
زين وهو مغمض عينه : اطلع انت كمان وسبني لوحدي
تميم وقف تاني بإحراج وقال
: اه طيب
لسه بيفتح الباب لقى وعد ف وشه
وعد بتوتر : زين صاحي
تميم : عايز يفضل لوحده شويه
وعد بإحراج : اه طب.....
زين وهو مغمض عينه ومستلقي ع السرير : خليها تدخل يامتخلف
تميم بتعجب بصله وقال : انت مش قولت انك عايز تفضل لوحدك شويه
زين : هي غير اي حد اتفضل امشي ودخلها
تميم بص لوعد وقال : لا دا الحب ولع ف الدره اوي يعني
وعد بصت ف الأرض بخجل
تميم طلع وهي دخلت
اتقدمت خطوتين
زين : اقفلي الباب وراكي
وعد : مينفعش انت عايزهم يقولوا عليا اي
زين اتعدل ف نومته وقال بعصبيه
: متعصبنيش علشان منزلش اقول للكل انك مراتي واطربق الدنيا تحت
وعد بخوف : خلاص خلاص اهدى
وعد رجعت قفلته
زين رجع براسه لورا وغمض عيونه
وعد جت قعدت ع طرف السرير
قالت بحزن : حصل مشكله مع والدتك بسببي مش كدا
زين اتعدل وشدها لحضنه
وعد بخضه : اي ال انت بتعمله داه
حاولت تقوم
زين مسكها جامد وقالها
: ممكن تخليكي في حضني شويه بدون كلام
وعد بصتله
زين والحزن ف عنيه : متخفيش شويه صغيره بس
وعد هديت وغمضت عيونها
زين كمان غمض عيونه واخدها ف حضنه وناموا بدون مايحسوا
_______________
في اوضة آيسل
عماله تلف وتكلم ف نفسها
: هو انا قولتله كدا فعلاً
طب ازاي قدرت اتكلم معاه بالطريقه دي دلوقتي اكيد هيعمل مني شاورما ويرميني للأشباح ال بيحضرها
راحت بخيالها لبعيد
وهي قاعد ع كرسي ومربوطه ف مكان ضلمه وتمام عمال يلف حواليها
: بقى انا مغرور ومتعجرف واناني
آيسل بعياط : انا اسفه وربنا ماهعمل كدا تاني
تمام قرب منها وقال بضحكه شريره: هههههه خلاص مبقاش ينفع الأسف انتي تعديتي حدودك ولازم تتحاسبي
آيسل ببكاء : هتعمل فيا اي دانا لسه ف عز شبابي وورايا مستقبل عايز يتبني
تمام : لازم ال زيك يتعلموا الأدب علشان تكوني عبره لأي حد يفكر يتكلم مع تمام بيه بالطريقه دي
آيسل ببكاء : خلاص مش هعمل كدا تاني ابوس ايدك سبني
تمام بصوت مرتفع وضحكه شريره : هاتلي يابني شفاط الصريخ
آيسل بصراااااخ : لااااااا
وفاقت من خيالها ع صوت خبط ع الباب
اتخضت وقالت
: انا مش هنا
نانسي فتحت الباب وقالت
: يعني اي انتي مش هنا
آيسل برعب : انتي عايزه مني اي تمام ال بعتك مش كدا
نانسي بتعجب : تمام مين انتي كويسه
آيسل : قولي عايزه اي ايتها الروح الشريره
نانسي بخوف : روح شريره ! بقى انا جايه انام معاكي تقومي تفكريني بالأرواح
آيسل بتعجب : تنامي فين
نانسي رمت نفسها ع السرير بتاعها وقالت
: انام هنا علشان خايفه انام لوحدي
___________
في غرفة تمام نايم ع سريره وباصص للسقف وبيكلم نفسه
: بنت أد دي تهزقني
جابت الشجاعه دي كلها منين علشان تكلمني بالطريقه دي
يمكن انا فعلاً زي ماهي بتقول يعني انا وجودي زي عدمه ومحدش هياخد باله من غيابي
لا لا البنت دي اكيد بتخربط انا عمري ماكنت اناني
طب افرض كان كلامها صح ياتمام هتعمل اي دي مش هتبقى إهانه بس دي مواجه بالحقيقه !
_____________
في غرفة مديحه
قاعده ع الكرسي وماسكه صورة زوجها وبتكلمه بحزن
: الولاد كبرو ياادهم وقلبهم دق وعرفوا الحب نفسهم ياخدوا حريتهم ف اختيار شريكة حياتهم طالعين عندين زيك وانا مش عارفه اعمل اي
ياريتك كنت موجود معانا
____________
"نهار يوم جديد "
زين وهو مغمض عيونه حضن المخده جامد وهو بيقول
: ياااه اخيراً حسيت اني واحد متجوز
بيفتح لقى المخده ال ف حضنه قال بعصبيه
: طول عمرها جزمه
بيبص جمبه علشان يشوف الساعه كام لقى الخاتم ال هو كان جايبه لوعد ع التربيزه
اتصدم لما شافه
شده من ع التربيزه واخده وراح ناحية اوضة وعد
مخبطش وفتح الباب ع طول
وعد كانت واقفه بتظبط نفسها قدام المرايه علشان تروح الشغل
قالت بخضه: اي دا في اي
زين قرب منها وقالها بعصبيه : ممكن افهم اي داه
وعد : دا الخاتم ال انت جبتهولي امبارح
زين : ياسلام ع اساس اني مش عارف انا اقصد بيعمل اي عندي
وعد: سبته علشان مبقاش ينفع البسه
زين : وليه بقى الأميره شايفه حد تاني
وعد بضحك : يابني انا مبقتش شايفه غيرك
زين : مش وقت ضحك وانجزي مينفعش تلبسيه ليه
وعد : علشان جدك ممكن يشوفه ف ايدي ووقتها هيسأل مين جابه
زين : قولي زين ال جابهولي بسيطه اهيه
وعد : مينفعش دا خاتم خطبه لو لبسته معناها اننا مخطوبين
زين مسك ايدها وفردلها صوابعها ولبسهولها وقال
: مش عايز اشوفه مخلوع من ايدك تاني وال يسألك قولي زين جابهولي وملكيش دعوه بحد
وعد بصدمه : بس .....
زين لخبطلها شعرها على وشها بإيده وقال
: روحي كدا جاتك داهيه ف حلاوتك
وسابها ومشي راح اوضته علشان يجهز للشركه
على سفرة الإفطار كلهم متجمعين ووعد منزله الإيد ال فيها الخاتم تحت التربيزه وبتاكل بإيد واحده
جده : حضرتك بعد ماقولت عندي خبر مهم سبتنا كلنا ومشيت بدون ماتتكلم
زين وملامح وشه مكشره : مفيش حاجه
جده : بتخبي عليا
زين : كل حاجه ف وقتها ياجدو
والدته ابتسمت انه فهم كلامها
آيسل عماله تبص حواليها وتقول لنفسها
: هو حاصد الأرواح الشرير راح فين
مديحه : بتبصي ع اي ياايسل حاسه انك مش معانا
آيسل بشرود : هاه لا انا مش عارفه تمام منزلش ليه لحد دلوقتي
تميم : تلاقي معندوش محاضرات مهمه خليه براحته
وعد : معقول تمام لقى حد يسأل عليه
مديحه بإبتسامه: مش بنت خالتوا لازم تاخد بالها منه
تميم : ومش اي بنت خاله دي القمر بتاع العيله يابختك ياعم تمام
آيسل اتحرجت ونزلت وشها لتحت
كلهم فطروا وراحوا شغلهم وتميم راح جامعته ونانسي خرجت مع صحابها
آيسل بتعجب : هو ليه تمام مخرجش من اوضته لحد دلوقتي
(تمام كان ف اوضته وحاسس بخنقه بسبب كلام آيسل ليه وانه شخص ملوش لازمه واناني حاسس انه اتهان جدا ومن عيله وعايز يرجع كرامته
نايم ع سريره بيكلم نفسه وبيقول
: عارف انك جايه
1_2
ايسل قدام اوضته عمال تلف حوالين نفسها بتررد
استجمعت قواها اخيراً وخبطت
تمام :3
تظاهر بالبرود وقال
: ادخل
آيسل فتحت الباب براحه وقالت
: دا انا
تمام : عايزه اي
آيسل : بصراحه قلقت عليك ليه منزلتش تفطر وتروح جامعتك زي كل يوم
تمام ببرود : مليش نفس
آيسل بحزن : طب انت كويس
تمام : انا كويس اطلعي بره
آيسل : هو انت زعلان مني
تمام : هزعل منك ليه
آيسل : علشان الكلام ال قولته امبارح
تمام : لا مش زعلان انا مبزعلش
آيسل : انا كنت بهزر
تمام : او متهزريش مش فارقه
آيسل بحزن : طيب يعني انت كويس
تمام : اه
آيسل لسه هتلف وشها وتمشي بإحباط قالها
: صحيح عجبتني جرأتك ف الكلام
آيسل بتعجب : هاه
تمام : كنتي قولتي امبارح انك تتحبي واني اول واحد هقع ف حبك
آيسل بتوتر : ااه دا كلام عيال متاخدش عليه
تمام وقف وقرب منها ايسل رجعت لورا بخوف
قالها
: وانا مش معتبره كلام عيال ومستني تنفذي كلامك وتكوني أده
آيسل بتوتر : مش فاهمه
تمام : خليني احبك
آيسل بصدمه : انت بتهزر مش كدا
تمام قرب منها أكتر وهي رجعت لورا لحد ماخبطت ف الحيطه
حط ايده ع الحيطه وقال
: لا مبهزرش وبيني وبينك تحدي يااحبك زي ماقولتي ياتسحبي كل الإهانه ال انتي قولتيها
آيسل بخوف : انا بسحبها من دلوقتي
تمام ببرود : لا مش دلوقتي لما تعرفي قيمتك بجد وانك ولا حاجه وقتها هكون ردتلك الإهانه
آيسل بضيق : قولتلك انا مش ولا حاجه انا ليا قيمه وكبيره كمان
تمام بسخريه : وريني قيمتك ولا خايفه
آيسل بلعت ريقها واستجمعت قوتها وقالت
: لو حبتني تعترف بخسارتك وتقول قدام الكل اني اتحب واني ليا قيمه ومش شخص عديم الفايده زيك
تمام بإبتسامة سخريه : هه موافق ولو خسرتي هتسيبي الفيلا وترجعي مصر وهتتحججي بأي حاجه
آيسل بخوف : بس الإتفاق دا صعب ليه اسيب الفيلا
تمام بغيظ : علشان انا مش طايق اشوفك فيها
آيسل سكتت شويه وبتبص لعنيه بخوف
تمام : اي مش واثقه من نفسك وبتعلني انسحابك
آيسل بتردد وتظاهر بالثبات : لا انا موافقه
يتبع .........
بقلم # Malak_mohamed
#حكاية_وعد ( 23)
وقفنا عند اتفاق تمام وآيسل بأنها ياتقدر تخليه يحبها ياتسيب الفيلا وتمشي وتعترف بخسارتها
"ف المساء"
مديحه : يابنتي اقعدي بقى دماغي لفت
آيسل برعب بتكلم نفسها: انا ال وقعت نفسي ف المصيبه دي كان مالي وماله لازم اعمل بطل اوي دا وصلا مش طايق نفسه هيحبني
مديحه : هو في اي انا مش فاهمه
تميم بتعجب : هي اتجننت ولا اي
تمام بينزل من فوق حاطت ايده ف جيوبه
آيسل اول لما بتشوفه بتتخض
تمام ببرود : مالك شوفتي عفريت
آيسل بثبات : هيكون مالي يعني مانا كويسه اهوه
تمام اخد تفاحه قطم منها قطمه وقعد وهو بيقول
: امال باقي العيله فين
مديحه : جدك ونانسي ف اوضاهم ووعد وزين لسه مجوش
آيسل لسه بتلف حوالين نفسها
تميم : ماتقعدي بقى شويه خايلتينا
تمام بسخريه : واضح ان في حد واقع ف مشكله
آيسل بغضب : سبوني أفكر بقى
____________
وعد وزين ف العربيه راجعين من الشركه
زين : حاسس انك مش مبسوطه النهارده
وعد بإبتسامة حزن : مين قال كدا مانا مبسوطه اهوه
زين : هتكدبي عليا انا بردو
وعد : وهكدب ليه طب عيني ف عينك اهوه
زين برومانسيه : لو بصيت لعيونك كدا هنتقلب بالعربيه لأني هدوخ جواهم
وعد بضحك : بكاش اوي
زين : قوليلي بقى اي ال مزعلك
وعد : مفيش بقول
زين : لا في انتي زعلانه علشان موضوع جوازنا وجدي مش كدا
وعد بحزن وهي بتحرك الخاتم ال ف ايدها : بصراحه ايوا انا خايفه من الموضوع داه
زين مسك ايدها : مش انا قولتلك اطمني
وعد بحزن : مطمنه طول مانت جمبي بس خايفه من قدام مش عارفه اي ال هيحصل وهنفضل لحد امتى مخبين جوازنا
زين : عايزاني اليله اروح اقول قدام الكل انك مراتي هعمل كدا
وعد بلهفه : لا لا انا مش عايزاك تقع ف مشاكل
زين بتنهيده : إن شاء الله مفيش مشاكل بس الموضوع محتاج شوية وقت هتقدري تستحملي
وعد أبتسمت وميلت ع كتفه : اكيد طبعاً انا وعدتك اني معاك لآخر العمر
زين ابتسم وقبل رأسها
__________
ف الڤيلا
وصل زين ووعد وركنوا العربيه ودخلوا الفيلا
آيسل اول لما شافت وعد جريت عليها بلهفه
: وعد اخيراً جيتي
وعد بخضه: في اي
آيسل اخدتها ف جمب وقالت بتكشيره مثل الأطفال : انا وقعت ف مشكله كبيره اوي
وعد بخضه : مشكلة اي اتكلمي
آيسل :تعالي نقعد وانا هفهمك كل حاجه
زين قعد وقال بتعجب وهو بيبص ع ايسل ووعد ال قعدوا بعيد عنهم
: هو في اي آيسل مالها
مديحه : حاسه ان فيها حاجه غريبه
تميم : يمكن لسعت ياماما ماتخديها للدكتور
تمام بسخريه : اصلها وقعت مع واحد مبيرحمش
تميم بتعجب : مش فاهم
تمام : وانت من امتى بتفهم
زين بسخريه : انتو تقريباً مفيش صفه مشتركه بينكوا غير الغباء
تمام بنظرة سخريه : حوش يابني بلاعة المفهوميه ال ضربت منك اساسا في حد عنده مخ يرتبط ببنت زي دي ( وبيبص ناحية وعد)
زين : بس يلا احترم نفسك ومتجيش سيرتها تاني بالطريقه دي
وبعدين بص لوعد وهي واقفه بعيد وقال بهيام
: دي ست البنات واحلاهم كلهم
تمام بسخريه : واطولهم لسان مش كدا
مديحه بتعجب : عشت وشوفت زين بيحب
تميم : عقبال تمام يحب زينا اصل انا قربت احس انه ريبورت
تمام كح من الكلمه
كلهم ضحكوا
زين بضحك : دا شرق بس لما سمع كلمة الحب امال لو عملها هيحصل اي
تمام بغضب : الحب دا للعيال التوتو ال زيكوا انما الرجاله ال زي مفيش ف دماغهم لعب العيال داه
زين بسخريه : وهو الراجل لازمته اي لو محبش ومكنش فيه ف حياته بنت تحسسه برجولته
تميم : يابني الراجل ال ع حق ميقولش للحب لأ
والدتهم : بطلوا كلام عن الحب وركزوا ف حياتكم
تمام : أخيراً ياماما قولتي كلمة حق
والدته : انت بذات ياتمام محتاج تحب علشان اطمن عليك تميم عنده حق انا بدأت أشك انك ريبورت
تميم وزين ضحكوا
تمام بص عليهم بغضب
__________
وعد وآيسل قاعدين بعيد
وعد : يخربيتك ملقتيش الا تمام تتفقي معاه اتفاق زي داه يابنتي دا الحجر ممكن ينطق وهو لا
آيسل برعب : ارجوكي ساعديني انا مش عايزه ارجع مصر وعارفه انه مستحيل يحبني
وعد بتفكير : هو الموضوع صعب
وبصت على تمام وقالت بإحباط
: مش صعب بس دا صعب اوي بس هنحاول
آيسل بخوف : بجد
وعد بتنهيده وهي بتبص على تمام : نسأل الله التساهيل
آيسل وهي كمان بتبص ناحيته : طب تفتكري ابدأ منين
وعد بقلق : تبدأي معاه اي بس دا اصلا مش معروفله بدايه من نهايه
آيسل وهي باصه ناحيته : اي رأيك اغريه
وعد : بنت عيب وبعدين دا مينفعش معاه حاجه خالص دا عايز معجزه
________
تميم بتعجب : هي آيسل ووعد بيبصوا على تميم كدا ليه
زين : مش عارف يمكن ناوين يقتلوه
تمام بسخريه : خليهم يبصوا وياخدوا راحتهم ع الآخر
تميم : انا حاسس ان فيه حاجه مريبه وانا مش فاهمها
زين : فكك دي حوارات بنات أنا طالع اغير هدومي
_____بقلم ملك محمد _____
طلع زين ع أوضته نانسي كانت نازله قابلته ف الطرقه
زين ماشي سرحان
نانسي اول لما شافته جاي ناحيتها لوت رجلها ووقعت عليه
زين لحقها ومسكها بين دراعته
: انتي كويسه
نانسي بتمثيل : اااه رجلي بتوجعني
زين وهو ساندها : طب حاولي تقفي عليها
نانسي بتمثيل وهي سانده عليه : لا مش قادره خالص
وبعدين قالت ببكاء مصطنع : مش قادره احط رجلي ع الأرض خالص
زين بص حواليه وقال بتنهيده : تعالي اوديكي اوضتك
وراح شايلها
وعد كانت جايه ف الطرقه من بعيد وشافته وهو بيشيلها
وقفت مكانها واتصدمت
زين اخد نانسي يدخلها اوضتها
لسه بيحطها ع السرير راحت نانسي شداه موقعاه عليها
وعد راحت وراهم وهي بتتسحب بصت لقت المنظر داه
الدموع اتجمعت ف عيونها وحطت ايدها ع بوئها كتمت صوت العياط
وطلعت تجري ع اوضتها
زين بضيق زق نانسي بعيد عنه وقام
: انا رايح اوضتي لو احتجتي اي مساعده اندهي على تميم
وراح ع اوضته
________
وعد ف اوضتها قعدت تعيط بقهره وفاكره انه بيخونها ولسه بيحب نانسي
: الحيوان لسه بيحبها ومش عامل احترام حتى لمشاعري وانا ال صدقته رغم ان كريم عمل معايا نفس الحركه الرخيصه دي فضل واخدني لعبه وهو بيحب واحده تانيه
شدت كل الحاجات ال ع التسريحه وقعتها وقالت ببكاء : مكنش لازم أصدقه هو وكريم واحد وانا مجرد لعبه مش اكتر كلهم كدابين
ايدها اتعورت م القزاز وبدأت تجيب دم بس هي مخدتش بالها وخلعت الخاتم من ايدها وراحت ع اوضته
زين كان لسه بيخلع قميصه علشان يغير دخلت بدون ماتخبط وقالت بعصبيه وعياط
: انت واحد حيوان
زين بصدمه : وعد!
وعد رفعت ايدها علشان تضربه بالقلم
زين مسك ايدها ونزلها لتحت وشدها لحضنه وقال بعصبيه
: اياكي تفكري ترفعي ايدك دي تاني مهمها حصل قولتلك انا ليا وش مش حابب انك تشوفيه
وعد ببكاء وهي باصه ف عيونه
: شوفته وعمري ماهنساه
زين حاول يسيطر على اعصابه خد نفس وقال
: ممكن تهدي وتفهميني في اي
وعد ببكاء : انت واحد كداب أساساً طلقني
زين بتعجب : انتي مجنونه كدبت عليكي ف اي
وعد ببكاء : انت لسه بتحبها وواخدني انا لعبه مش كدا
زين : متجننيش هي مين دي ال انا بحبها
وعد ببكاء وهي تحاول الإفلات من بين ايديه
: الكلام ملوش فايده مع واحد زيك طلقني بقولك
زين بعصبيه وهو بيحاول يمسكها جامد : اطلقك اي انتي في حاجه ف دماغك ولا اي بالظبط
وعد ببكاء وهي تحاول الأفلات من بين ايديه : بقولك طلقني كفايه لعب بيا بقى انا زهقت مكنش مفروض اثق فيك كلكوا شبه بعض ال كريم عمله انت بتعمله برده
زين بصدمه : انتي بتقولي اي واي ال جاب سيرة كريم ف الموضوع
وعد ببكاء شدة نفسها من بين ايديه : طلقني بقولك خلاص مبقتش طايقه اشوفك
زين بعصبيه : بقولك اي شغل الجنان داه مبحبوش يا تقولي في اي ياتتفضلي ع اوضتك
وعد ببكاء: مش ماشيه من هنا الا لما تطلقني
ورمتله الخاتم ع السرير
زين اتنهد وهو حاتط ايده ع وشه وقال
: ياصبر ايوب
وبعدين بصلها وقال
: حاضر ياوعد هطلقك بس ممكن افهم في اي
وعد ساكته
زين قرب منها وقال وهو بيملس على شعرها بلطف : كل ال عايزه اني افهم في اي شوفتي الموضوع بسيط ازاي يلا حبيبي فهميني بهدوء كدا زي الشطوره
وعد شدت ايده لبعيد وبعدت عنه وهي بتقول
: ماتلمسنيش تاني فاهم وانا مش حبيبتك
زين بصدمه : لا بقى دا كدا الموضوع كبير
وعد : انت بتخوني مع نانسي مش كدا
زين بصدمه : بخونك مع نانسي ! ازاي يعني
وعد بعصبيه : بقى مش عارف ازاي
زين : لا فعلا انا مش فاهم
وعد : مش مهم تفهم انا فاهمه ممكن تطلقني بقى
زين : انتي عليكي عفريت اسمه طلقني ماتنطقي عرفتي اني بخونك ازاي
وعد : انت كمان زعلان اني عرفت
زين : مقصدش انا بسأل عرفتي ازاي
وعد بحزن ودموعها نازله ع خدها : شوفتك معاها ف أوضة النوم بتاعتها
زين بتعجب : فين داه
وبعدين افتكر ال حصل من شويه قالها بصدمه
: لا انتي فاهمه غلط
وعد : كفايه بقى ممكن انتو كلكوا زي بعض وانا غلطت لما وثقت فيك كريم عملها فيا مره وبردو متعلمتش
زين : يابنتي اهدي دي رجلها اتلوت وانا كنت بوديها السرير مش أكتر خيانة اي ال بتتكلمي عنها وكريم زفت مين المو....
وعد بعصبيه : متحاولش تبرر اي حاجه طلقني يازين
زين : انتي مش عايزه تفهمي بقى
وعد وهي بتمسح دموعها : ايوا ممكن تطلقني بقى
زين رمى نفسه ع السرير وقال ببرود : طالما مش عايزه تصدقي براحتك وانا مش مطلق
وعد بعصبيه : بطل البرود داه بقى
زين : انا عندي صداع وعايز اريح شويه ياتيجي تنامي جمبي ياتروحي اوضتك
وعد بغضب : لو مطلقتنيش دلوقتي هنزل اقول اني مراتك
زين وهو مغمض عينه : روحي تحبي انزل معاكي
وعد : انت انسان مستفز
زين : هعد لحد 5 لو مروحتيش اوضتك هقفل الباب وهتنامي معايا هنا
زين : وا...
وعد سابت الأوضه وطلعت جري ع اوضتها
زين بيكلم نفسه : دي طلعت لاسعه ع الآخر انا لو محبهاش هسيبها معايا ليه !
_________
آيسل ف أوضتها قاعده ع الاب بتاعها وبتبحث عن
( كيف يقع احدهم في حبك في خمس ثواني)
قعدت تقرأ بتمعن
الخطوه الأولى
1_ شاركه اهتمامته
طلعت بصت على تمام من البلكونه لقته قاعد بيقرا ف الجنينه
قالت لنفسها : دي فرصتي
راحت على اوضة تميم وخبطت عليه
تميم كان بيتكلم ف التليفون قال : ثواني ياسيلا اشوف مين
فتح الباب لقى آيسل قال
: خير ياآيسل في حاجه
آيسل بإبتسامه مصطنعه : عندك كتاب رعب
تميم بتعجب : مش فاهم
آيسل : كتاب عفاريت زي ال تمام بيقراهم دول
تميم : اها فهمت اه عندي ثواني اجبلك واحد
دخل اوضته جاب واحد وادهولها
آيسل : متشكره جدا
وسابته ومشيت
تميم بتعجب : العفو
وقفل الباب ورجع لمكالمة التليفون
سيلا بعربي مكسر : مين دي ياتميم
تميم : دي آيسل بنت خالتي
سيلا : آيسل مين
تميم : هبقى اعرفك عليها
سيلا : تقريباً مش هتلحق
تميم بتعجب : ليه
سيلا بعربي مكسر : علشان انا متقدملي واحد وبابا قالي اني لازم ارتبط بيه
تميم : نعم يااختي بقولك اي انا مصري واصلي صعيدي كمان بلا واحد متقدم بلا بتاع معندناش الكلام داه
سيلا بعربي مكسر : انا زهقت من الكلام داه وبصراحه انا عاوز يتجوز وانت جدك مش موافق اعمل انا اي بقى افضل مستنيه كتير
تميم : اتخرج بس وصدقيني هتقدملك حتى لو جدي مش موافق انتي عارفه اني بحبك
سيلا بعربي مكسر : وانا بحبك بس بابا زهق كل شويه ارفض عرسان ارفض عرسان ومصمم ع العريس داه دا بيقول الخطبه بعد اسبوع
تميم : ع جستي الكلام داه فاهمه ولا لا
_____بقلم ملك محمد_________
ف الجنينه
آيسل راحت ناحية تمام ومسكت الكتاب وفضلت تتمشى قدامه وهي بتمثل انها مثقفه وبتقرأ
تمام بص عليها بتعجب وقال لنفسه
: بتهبب اي دي
آيسل رايحه جايه قدامه بتمثل انها بتقرأ
تمام : بتقرأي اي
آيسل اتبسطت لما كلمها قعدت جمبه بسرعه وقالت بثقه دا كتاب رعب اصل انا بموت ف الرعب
تمام بسخريه : بتقرأي رعب بالتركي هه
آيسل : ايوا طبعاً انا بقيت متقنه اللغه
تمام مسك الكتاب ال ف ايدها وعدله وهو بيقول
: طب امسكي الكتاب معدول الأول
آيسل اتحرجت
تمام ببرود : متحاوليش معايا استسلمي احسنلك
آيسل : دا بعينك
تمام : براحتك قومي امشي من هنا يلا
فجأه آيسل بتسمع صوت حاجه بتعمل صوت بين الزرع بتاع الجنينه
راحت مكلبشه ف إيد تمام بخوف
تمام بصلها بحده
آيسل بصتله بخوف وراحت شايله ايدها بعيد عنه
تمام بغضب سابها ومشي
آيسل بصت ناحية الصوت وطلعت تجري وراه بخوف
____________
"نهار يوم جديد"
صحيت آيسل بفرح وهي بتقول
: انه عيد ميلادي وأخيرا بقيت آنسه
دلوقتي طبعاً مجهزنلي مفاجأه جامده ومستنيني انزل
ربطت شعرها ونزلت بسرعه بالبجامه اتفاجأت بيهم قاعدين بيفطروا
قالت بصدمه : انتو بتفطروا
مديحه: اه تعالي افطري يلا
آيسل بإحراج : اه تمام
وراحت قعدت جمبهم وهي بتكلم نفسها وبتقول
: دول نسيوا عيد ميلادي وانا فكرت اني واحده من العيله دي بس تقريباً طلعت غلطانه
تميم : امال فين وعد يازين
زين : من امبارح قافله ع نفسها
مديحه : ليه خير
زين : بصراحه انا مش فاهم البنات دول بتخلق مشكله من خيالها وتكبرها وتعيش المآساه ومفيش مشكله أساسا
تمام بسخريه : تستاهل مانا حذرتك
زين : يارتني سمعت كلامك بدل الهم داه
وبعدين مسح بوئه بالمنديل وقال
: انا هطلعلها تاني علشان كدا هتأخر ع الشركه
تميم : ربنا معاك لو احتجت مساعده قول
طلع زين خبط عليها تاني
وعد وهي تحت الغطا : وعد مش هنا
زين وهو واقف ع الباب : طب ممكن اعرف هي فين
وعد : ملكش دعوه بيها هي مبتكلمكش
زين : طب قوليلها انها وحشتني
وعد مردتش عليه
زين : يابنتي حرام عليكي ال بتعملي داه قولتلك دا سوء تفاهم مش اكتر
وعد بعصبيه : انت كداب كلكوا مصطفى ابو حجر
زين بعصبيه : وعد لو مفتحتيش الباب هكسره
وعد ببرود : اكسره لو راجل
زين طرقع صوابعه ورقبته وراح خابط الباب برجله كسر الأوكره
وعد بخوف : اي داه
زين : ها راجل ولا مش راجل
وعد بعصبيه : لا انت واحد خاين اطلع بره
زين : قولتلك بلاش تستفزيني انتي عارفاني لما بدايق
وعد مردتش عليه
زين بغضب : هتتفضلي تيجي معايا الشركه ولا لا
وعد : لا انا عامله اضراب لحد مااطلق
زين : مش عايز هزار قومي يلا اتأخرنا ع الشغل
وعد : قولتلك مش جايه
زين بص ف ساعته لقى نفسه هيتأخر ووراه اجتماع مهم
قالها بحده
: انا همشي دلوقتي ولما ارجعلك حاضر
يتبع ..........
بقلم # Malak_mohamed
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق