رواية الشيطان شاهين الجزء الثاني الفصل الثاني والثالث بقلم ياسمين عزيز
الشيطان شاهين › الفصل الثاني (الجزء الثاني)
تسمرت ليليان مكانها و هي تنظر امامها بصدمة
و كأن الزمان توقف عندها عندما إعترضت
أميرة طريقها في مدخل الفيلا لتخبرها
بصوت متحمس:"أيهم رجع يا لولو... أيهم
رجع".
أومأت لها وهي تبتلع ريقها بصعوبة
و دوار خفيف قد أحاط بها حتى
كاد يجعلها تقع مكانها على الأرض
لولا انها تمالكت نفسها في آخر لحظة
لتكمل سيرها للداخل بخطوات
متوترة......
لم تره منذ ثلاثة سنوات و لم تسمع
حتى صوته و كأنه لم يكن في حياتها
من قبل...لم يبق لها سوي ذكرياتها معه في كل
ركن من الفيلا و المستشفى...
توقفت عن السير تبحث عنه بأعين
مترقبة من بين أفراد العائلة الذين
كانوا مجتمعين حوله في الصالون...لتجده
اخيرا بدا مختلفا في شكله عما
كان عليه سابقا...لحية خفيفة و نظارات
طبية و جسد نحيف و عيون ترسل
رسائل كثيرة... شوق و لهفة، خوف و تردد
امل و حزن، عذاب و ندم....
و كأنه احس بحضورها شعر بها
دون أن يرفع عينيه حيث لم
يمنعه إنشغاله باحاديث عائلته
الكثيرة و أسئلتهم المختلفة من
إستشعار وجودها...ليرفع عينيه
نحوها و إبتسامة رقيقة وجدت
طريقها نحو ثغره كالملاك الذي نزل
من السماء يراها... بحجابها الأبيض
و غمازتيها التين إشتاق إليها حد
الموت...
تنحنح قليلا و هو يقف من مكانه
حاملا طفله الذي غفى في أحضانه
متقدما نحوها بخطوات مترددة حتى
وصل أمامها..مد يديه و علامات الخجل
تصحب جميع تصرفات قائلا بصوت
خافت :"إزيك يا ليليان... عاملة إيه؟".
بصعوبة حركت يدها نحوه لتصافحةو تحيته
قائلة :"حمد لله عالسلامة.. إزيك إنت ؟؟
أومأ لها و هو يسحب يده مرغما ليحيط
بها جسد طفله بقوة يمنع نفسه بصعوبة
من جذبها نحو أحضانه ليزيل عنه شوق
سنين.
تمالك نفسه بصعوبة ليعود لمكانه و هو يربت
باصابعه على شعر أيسم لتعرض عليه
والدته أخذه لينام في غرفته... أعطاه لها
بعد أن قبله قبلة طويلة و عيناه لا تحيد
عن تلك التي مازالت تقف مكانها و كأنها
تمثال جامد...و قد طافت بعقله مئات
الأسئلة و الافتراضات حول ردة فعلها
بعد رؤيته...
إستجمعت ليليان بقية قوتها لتستأذن
من الحاضرين الصعود إلى غرفتها
لأخذ قسط من الراحة بعد قضائها
ليوم طويل من العمل المرهق..
أغلقت باب غرفتها بهدوء ينافي
صخب قلبها و جوارحها...لقد عاد
كابوسها من جديد و عادت معه ايام
العذاب و الحزن بعد أن إستطاعت
طوال الثلاث سنوات الماضية
من مداواة جروحها و آلامها هو
عاد حتى يفتحها من جديد
رمت حقيبتها بعنف على السرير
ثم إستدارت نحو باب الشرفة
لتفتحه و تسير بهدوء نحو السور
الرخامي لتسند عليه بيديها.. تنفست
الهواء بقوة بعد أن احست بانقطاعه عنها
ثم مسحت براحة كفها رقبتها عدة مرات
قبل أن تتوقف فجأة عندما شعرت بدخول
أحدهم إلى غرفتها....
لم تكد تخطو خطوة إلى الداخل حتى
تفاجأت بأميرة تقفز أمامها كالقطة صارخة
بقوة :"لولو.... شفتي أيهم جابلي إيه؟؟
رمقتها ليليان بعدم رضا و هي تضع
يدها موضع قلبها تهدأ ضرباته
التي زادت بسبب فزعها من صراخ
أميرة :" يوووه يا ميرا إنت مش حتبطلي
حركاتك دي.... موتيني من الرعبة حرام
عليكي ".
قهقهت الأخرى بخفة و هي ترمق
ملامحها الفزعة بتسلية قائلة
:"سوري يا لولو...مش قصدي
بس الظاهر إنت اللي كنتي سرحانة
بقلك إيه تعالي عشان اوريكي علب
المايكاب اللي جابهالي تجنن تجنن
يا لولو.....
جذبتها بخفة من يديها لتدخلا
إلى الداخل و تجلس أميرة على السرير
و تبدأ في فتح العلب الفاخرة بحماس
مثرثرة :" واو... مكنتش عارفة إن أيهم
ذوقه حلو كده.... الظاهر في حاجات
كثيرة تغيرت فيه مش بس
شكله....
رفعت عيناها نحو ليليان و هي
تضم شفتيها بتفكير قبل أن تردف
:" حساه مختلف اوي عن زمان مش بيتكلم كثير
و لا بيشخط زي عوايده...حتى لما اخذ ايسم
في حضنه عيط.. انا شفت دموعه و ماما
كمان.... المهم انا حسيبك تغيري هدومك
و بعد العشاء حرجع عشان اوريكي
الحاجات الثانية... و إنت كمان....إتفقنا
وقفت من مكانها و هي تلملم اكياسها
بسرعة مضيفة :" اصل أيهم جايب شنط
كثير و حطها على جنب في اوضته ...".
خرجت أميرة تاركة ليليان تضع
يديها على رأسها بتعب من ثرثرة
إبنة عمها التي لا تنتهي...
جلست على الفراش بهدوء متمتة بملل
:"البنت دي حتجنني...ميكاب إيه و زفت إيه
اللي بتتكلم عليه داه مش مكفيها محل مواد
التجميل اللي في أوضتها...و مين اللي تغير داه؟؟
أنا مش فاهمة حاجة و مش عاوزة أفهم اصلا
يتغير ميتغيرش دي حاجة تخصه... يبعد عني
و خلاص داه المهم.... اوووف خليني اقوم
اغير هدومي و انزل اشوف إيه الحكاية
بالضبط ".
تمتمت بانفعال قبل أن تتجه نحو خزانة
ملابسها لتنتقي ملابس بيتية أنيقة
لترتديها و تنزل....
بعد نصف ساعة كانت مع بقية
أفراد العائلة الذين تحلقوا على مائدة
الطعام يتحاذبون أطراف الحديث
متحمسين برجوع أيهم....
سيف بمزاح:" بما إنك رجعت فأنا
اعتبر نفسي في إجازة طوييييلة.... ياه
بقالي ثلاث سنين مستني اليوم داه".
ايهم بابتسامة و هو يختلس النظر
ليليان بين الحين و الاخر :" وانا مال ما
انا بردو في اجازة ...
سيف و يمثل الحزن :" يعني إيه
في اجازة....شركتك و إدارة المستشفى
ردت إليكم انا مليش دعوة من بكرة
دوروا على حد غيري انا راجع مكتبي
في شركتنا ".
ايهم بجدية :" سيف لو سمحت...انت
عارف إن الشركة و المستشفى باسم
ليليان.... يعني هي صاحبة الشأن و القرار....
رفعت رأسها عندما سمعته يتحدث عنها
لتتلاقى أعينهما لتخفض ليليان عينيها
متظاهرة الانشغال بطبقها ليتحدث
سيف بثرثرة :" ماهي رجعتهم باسمك
من زمان...و الأوراق موجودة في مكتب
بابا....هي ما قالتلكش و إلا إيه؟؟؟
سعلت ليليان بقوة لتتجه جميع الانظار
نحوها...ليرمقها أيهم بقلق قبل أن تسارع
أميرة و تعطيها كأس مياه لتاخذه منها
ليليان و هي تشعر بحرج كبير....
تنحنح أيهم عن قصد حتى يجذب الانظار
نحوه قبل أن يتكلم بصوت هادئ :"طيب
خلينا نأجل الكلام داه لبعدين...
إلتفت نحو والدته ليكمل :" تسلم إيدك
يا ماما الأكل تحفة بقالي كثير مأكلتش
اكل زي داه....
كاريمان بابتسامة فرحة :"بالهناء و الشفاء
يا حبيبي...لو عاوز اكلة معينة قلي و انا
ححضرهالك بنفسي....
سيف بغيرة :" يا سلام.. من شاف احبابه يا ست
ماما....
ضحك الجميع و اكملوا تناول العشاء في
جو لا يخلو من المزاح و الضحك.....
بعد إنتهاء السهرة العائلية المعتادة
دلفت ليليان غرفتها مشتاقة لصغيرها
الذي لم تره كثيرا اليوم...توقفت عن السير
بعد أن لمحت أيهم متكئا على ذراعه
بجانب أيسم الذي كان يغط في نوم
عميق... يداعب شعره بحنان و يقبله
بحرارة بين الحين و الاخر مستنشقا
رائحته الطفولية بعمق...
إنتبه أيهم لقدومها ليقف من مكانه
بهدوء و إبتسامة سعيدة تسللت
نحو شفتيه عند رؤيتها...مازالت كما
هي..كما تركها منذ سنوات لم تتغير
سوى انها إزدادت جمالا عن قبل
ركز ببصره على خديها و تحديدا في مكان
غمازتيها قبل أن يتكلم بصوت خافت
حتى لا يزعج الصغير النائم وراءه:"أنا
آسف عشان دخلت اوضتك من غير
إستئذان... بس انا كنت عاوز اشوف
أيسم....أصله واحشني اوي و ملحقتش
اشبع منه".
أومأت له بإيجاب و هي تخفض رأسها
دون أن تنظر نحوه.. تقدمت للداخل
نحو الصغير من الجهة الأخرى للسرير
لتجلس قريبة منه... أمسكت بكفه
الضيئلة لتقبلها ثم جذبت الغطاء
أكثر نحو صدره لتغطيه....
راقب أيهم بتمعن.. كل حركة تقوم
بانفاس منقطعة يخزن ما يراه داخل
عقله و قلبه الذين حرما طويلا من
رؤيتها...
لاحظ توقف حركتها و سكونها في
مكان واحد ليعلم انها تنتظر خروجه
من الغرفة...لكنه عكس ذلك سار بهدوء
نحو كرسي وجده قريبا من السرير
ليجلس عليه قائلا :"أنا كنت عاوز اتكلم
معاكي في موضوع الشركة و المستشفى
إنت ليه عملتي كده... انا مش عاوزهم
و بكره إن شاء الله اول حاجة حعملها
حرجعهم باسمك إنت و أيسم... دول من
حقك".
اجابته دون تفكير :"انا مش محتاجة
منك حاجة...لا انا و لا إبني انا اصلا
كنت مستنياك عشان ترجع.. "
خفق قلبه بلهفة منتظرا بشوق ما ستقوله
بعد ذلك لكنها خيبت أمله بعد أن أكملت
:" عشان نكمل إجراءات الطلاق....
هب من مكانه منتفضا و كأنه نارا احرقته
و هو يكاد يخترقها بعينيه ليهتف
بصوت مرتعش:"لا.... لا ..لو سمحتي
متكمليش...مش وقت الكلام داه عشان خاطر
إبننا يا ليليان...
ليليان بجمود رغم أنها لاحظت
إرتعاش صوته و ملامح وجهه التي تجهمت:"
طيب.. خذ وقتك زي ما إنت عايز اسبوع
إثنين شهر سنة لو حابب بس الموضوع داه
حيحصل في الاخير يعني ليه التأجيل؟
في تلك اللحطة شعر بأنه سمع صوت
تحطم قلبه و تمزق شرايين لآلاف القطع...
ساقيه اصبحتا كالهلام لا تقدران على
حمله ليرتمي من جديد على الكرسي
وراءه و إحساس العجز و قلة الحيلة
يغزوانه تدريجيا.. لا يستطيع إرغامها
على العودة إليه.. يعلم انه امر مستحيل
و انه لديها كل الحق مهما قالت او فعلت
فما يحصده الان هي ثمار ما غرسه في الماضي.
إبتسم بألم قبل أن يتكلم بصوت يتخلله
بعض الرجاء وكانه آخر حل لديه :"طيب
خلينا كده...إنت كملي عيشي هنا إنت
و أيسم و انا.. انا إشتريت شقة جديدة
قريبة من هنا حسكن فيها... و اوعدك
مش حزعجك و لا حعمل اي حاجة
تضايقك.. حتى.... حتى لما آجي
اشوف أيسم حبقى اديكي خبر
قبلها بيوم...و اوعدك مش حتشوفيني
كثير... مرة واحدة في الأسبوع حبقى
آخذه الصبح و حجيبه بعد الظهر... مش
حخليه عندي كثير عشان متتضايقيش
ليليان ارجوكي انا قابل بكل شروطك
مهما كانت إلا الطلاق.. ارجوكي بلاش
مش حقدر أعمل كده انا إستحملت الغربة و بعدي
عن إبني و إستحملت إني مبقاش موجود يوم
ما تولد.... و تحملت بعدك عني اللي
بيقتلني كل دقيقة و كل ثانية حستحمل حتى لو مية سنة قدام... بس مش حستحمل الطلا......
خفض رأسه و هو يغلق عينيه بقوة يمنع تساقط دموعه التي اغشت عينيه التي أوشكت على فضح
ضعفه و هو الذي لم يتعود ان يكون ضعيفا
من قبل.... يقسم انه مستعد في هذه
اللحظه ان يخر على ركبتيه اسفل قدميها
طالبا الصفح و الغفران...ناشدا إياها
إن تمنحه فرصة اخيرة حتى يحاول
إصلاح ما افسده سابقا.....
حدقت ليليان بذهول فيه غير مصدقة
تذكرت قول أميرة قبل ساعات عندما
أخبرتها انه تغير و لكنها لم تكن تعلم
إلى أي حد... هل من المعقول انه هذا هو
ايهم كابوسها المرير الذي رافقها
لسنوات طويلة... هل هو نفسه من
جعلها تكره حياتها بسببه؟؟ هل غيرته
سنوات البعد حتى أصبح إنسانا يفقه معنى
الندم و الحزن ام أنها.. خطة جديدة
يتبعها حتى يصل إلى مراده ثم من
بعد ذلك يعود كما الفته من قبل؟؟؟
حركت رأسها لتنفي عنها تلك الأفكار
التي تجمعت فجأة داخل دماغها...
ثم وجهت بصرها نحوه من جديد
لتجده على حاله...
طال صمتهما ليقطعه أيهم الذي وقف
من مكانه فجأة و قد إرتسمت على
ثغره إبتسامة مريرة ليتحدث
بصوت جاهد ان يخرج عاديا :"أتمنى
تفكري كويس في كلامي... فكري في
أيسم حياته حتبقى إزاي و أمه و ابوه
مطلقين.. انا مش بكذب عليكي انا فعلا
تغيرت اوي مبقتش أيهم بتاع زمان
و الايام حتثبتلك صدق كلامي....
تصبحي على خير.....
إتجه نحو الباب بعد أن أنهي كلامه
و دون أن ينتظر إجابتها غادر المكان
تاركا إياها تتخبط في ذكرياتها بين
الماضي و الحاضر....
بعد اسبوع ....
تجلس كاميليا بملل في مكتبها في
شركة شاهين الذي أقنعها بالعمل معه
بعد أن كانت رافضة تماما فكرة الخروج
للعمل و الانشغال عن اطفالها
تتصفح صورهم في حاسوبها المحمول
زفرت بانزعاج بعد أن لمحت في
أسفل الشاشة الساعة التي كانت تشير
إلى الحادية عشر صباحا...
تمتمت و هي تمط شفتيها بغضب
قائلة:"هو الوقت مش بيعدي ليه هنا؟؟
اوووف انا بجد زهقت...
قاطع أفكارها دخول هبة التي
إنفجرت ضاحكة عند رؤية صديقتها
تجلس كما تركتها منذ ساعة بنفس
هيأتها مسترخية على كرسيها و تضع
خدها على يدها و بيدها الأخرى تضغط
ازرار الحاسوب...
رمقتها كاميليا بعيون نصف مغمضة
قائلة بعدم مبالاة :"إنت إيه اللي جابك
هنا معندكيش شغل؟؟؟
تصنعت هبة الحزن لتضع يدها على
صدرها شاهقة بزيف :" إخص عليكي
يا كوكي و انا اللي جيت اطمن عليكي
قلت يمكن محتاجة حاجة....
وضعت أمامها كوب القهوة ثم جلست
على الكرسي أمام المكتب لتخطف نظرة
على الملف الذي لم يمس حتى الآن
قائلة :" إنت لسه مكملتيش تصميم
المشروع....على فكرة معاد تسليمه
النهاردة.. و البشمهندس حسن
هو اللي حيختار التصميم الأفضل..
نفخت كاميليا خدها بعدم إكتراث
قبل أن تجيبها دون أن تحول نظرها
عن شاشة الحاسوب أمامها :" لا خلصته
من يومين...و حبقى اسلمه بعدين..
هبة و هي ترفع حاحبيها بعدم رضا :" أنا ليه
حاسة إنك جاية الشغل مجبرة...مين غير
نفس كده؟؟
كاميليا :"مش قادرة اتأقلم مع جو الشركة و
الشغل...ملفات و تصاميم حاسة إني مش
فاهمة حاجة...تعودت بقعدة البيت و العيال...
انام براحتي و اصحى براحتي عاوزة ارجع
اتفرج على التلفزيون مع طنط ثريا... وحشني
مسلسل الحاج متولي داه معاده بقالي اسبوع متفرجتش عليه.... .
أنهت جملتها بصوت شبه باكي لتحدق
بها هبة ببلاهة قبل أن تنفجر ضاحكة
عليها و هي تهتف من بين ضحاتها
:"مسلسل إيه ياهبلة...مش مصدقة إن
اللي قدامي هي نفسها كاميليا الأولى
على دفعتي خمس سنين...
كاميليا :" داه كان زمان...انا اصلا دماغي
تمسح منه أي حاجة تخص الهندسة...بيت
ربة بيت ممتازة زي ما بيقولوا....انا مش
فاهمة إنت إزاي مستحملة خنقة الشغل
هنا..حاجة تقرف..
هبة و قد إكتسى ملامحها بعض الحزن
:" مفيش حاجة تخليني أقعد في البيت
ما إنت عارفة لا عيل و تيل
بالعكس على الاقل الشغل بيلهيني
شوية و يخليني انسى و ابعد عن
المشاكل.....
عضت كاميليا شفتيها و هي تشعر
بتأنيب الضمير لتطرقها لموضوع حساس
عند صديقتها دون قصد...لتنطق محاولة
تشتيت تفكيرها :" بقلك إيه معاكي روج؟؟
اجابتها الأخرى و هي تنظر لها ببلاهة :" روج
إيه؟؟؟
كاميليا :"روج يا هبة...و يا ريت يكون
لون فاقع اصل مش معايا حاجة في
شنطتي غير البرفيوم؟؟؟
هبة بتعجب :" نعم ياختي.... برفيوم و بس
مفيش حتى ماسكارا، ايلاينر....
كاميليا بنفي و هي تمد لها حقيبتها :"تؤ....و
لا اي حاجة... اصل شاهين قبل ما اخرج
بيفتش الشنطة و لو لقى حاجة تابعة
الميكاب بيرميها على طول...
هبة و هي تمصمص شفتيها بانزعاج :"ما
أنا شايفاكي اهو قدامي وشك مفهوش حاجة...
بس مش جديدة ما إنت من زمان يعني
من قبل ما تتجوزي مكنتيش بتحبي تحطي
حاجة على وشك...يا دوب بتغسليه و تنزلي
بيه على طول كده".
كاميليا بتنهيدة:"عشان زمان مكانش عندي
ثمن قلم كحل... بس دلوقتي الحمد لله التسريحة
مليانة..
هبة :"طيب مش قلقانة يشوفك و إنت
عاملة روج هنا....
كاميليا بتذمر:" وحيشوفني إزاي؟؟ لو طلبني
حبقى امسحه قبل ما اروحله....
هبة بعدم إقتناع و هي تنهض من مكانها
:" طيب حروح اجيب شنطتي و اجيلك...
تراجعت كاميليا بظهرها على
الكرسي و هي تراقب خروج هبة
بأعين ناعسة قبل أن تلمح من
جديد ذلك الملف الذي حدثتها عنه
صديقتها منذ قليل....
ضمت شفتيها باستهزاء لاترغب في التفكير
في أي شيئ يخص العمل....
دخلت عليها هبة من جديد و هي تفتش
حقيبتها لتضع أمامها عدة انواع من مستحضرات
التجميل قائلة :"داه ايلاينز و داه ماسكارا و
دول روج إختاري اللي إنت عاوزاه و دي......
قاطعتها كاميليا و هي تخطف قلما أحمر
فاقعا جذب إنتباهها :" لا خلاص خدي
الثانيين كفاية داه... هاتي مراية و إلا قلك
حضبطه على كاميرا التلفون....
هبة باستسلام :"طيب انا رايحة
دلوقتي علشان عندي شغل مستعجل
و لازم أخلصه...و إلا عمر حيطين
عيشتي...
كاميليا :"طيب قبل ما تروحي... قوليلي
إيه رأيك في الروج... حلو عليا بقالي
كثير محطيتش اللون داه...
هبة بخبث:"هو من ناحية حلو فهو حلو اوي
بس لو شافك جوزك حيبقى احلى و احلى
".
كاميليا بعناد :" وهو جوزي حيشوفني إزاي يا فالحة؟؟
هبة و هي تغمزها:"من الكاميرا اللي في
المكتب يا قمر....
وضعت الأخرى يدها على ثغرها
و قد إتسعت عيناها برعب بعد أن
سمعت ما تفوهت به هبة و هي تنفي براسها
يمينا و يسارا قبل أن تتكلم باختناق
:" كاميرا هو حاططلي كاميرا في المكتب ".
هبة و هي تتجه نحو باب المكتب
:" الشركة مليانة كاميرات...يلا سلام
اشوفك بعدين".
جالت بعينيها ارجاء المكتب بحثا
عن الكاميرا المختبئة لكنها لم تجدها
لتبدأ في مسح احمر الشفاه بمنديل ورقي و هي تطمئن متمتمة:"مفيش كاميرا هنا... اكيد
الغبية هبة قالت كده علشان تغيضني
مش اكثر... و بعدين هو انا خايفة منه ليه
أنا مش بعمل حاجة غلط و كل الستات
بتعمل روج و ألوان ثانية كمان....ايوا صح...
قاطع تمتمتها رنين هاتفها لتصرخ
بفزع قبل أن تستدرك نفسها....
:" يا لهوووي داه شاهين...يا نهار اسود
يا نهار اسود... حيقتلني...حتموتي
يا كاميليا بسبب قلم روج".
في الخارج تابعت هبة طريقها نحو مكتبها
لكنها توقفت فجأة متمتمة بتفكير :"أنا نسيت
مقلتلهاش إن الروج ثابت و مش بيتمسح
قبل إثناشر ساعة..
وضعت يدها على مقبض الباب لتفتحه
و تدلف و هي مازالت تتمتم:"حبقى أقلها
بعدين... دلوقتي
لازم أخلص كوم الملفات اللي سابهولي
الاستاذ جوزي...انا إيه اللي خلاني اقبل
ابقى مديرة مكتبه...بلا نيلة ماهو
لو كنتي رفضت كان قعدني في البيت.....
فين ملف الصفقة 5642 انا حطيته فين....
فين يا هبة؟؟ ركزي بقى....
في الجهة الأخرى من نفس الطابق دخلت
كاميليا مكتب شاهين الذي كان منشغلا
بدراسة التصاميم التي
قدمها عدة مهندسين من الشركة حتى
يتم إختيار التصميم الأنسب
لبناء المدينة السياحية الجديدة
التي تعتزم الشركة بنائها قريبا....
كان يترأس طاولة الاجتماعات
و على يمينه يجلس عمر و بجانبه
المهندس حسن بينما يقابلهما
في الجهة الأخرى رجلين لم تتعرف
عليهما كاميليا التي ظلت واقفة
بارتباك..
خفض الجميع رؤسهم باحترام متحاشين
النظر نحوها مخافة غضب رئيسهم...بينما
رفع شاهين عينيه نحوها يتأملها بشوق
و حب.. لحظات قليلة حتى أدرك أن
مشاهدتها من بعيد لم تعد تكفيه...
أشار لها حتى تجلس على مكتبه قليلا
قبل أن ينهي الاجتماع على عجل.
وقف من كرسيه ليسير نحوها
حالما أغلق عمر باب المكتب خلفه...
توقف أمامها بعد أن لاحظ إرتباكها
ليفهم أنها قد قامت بفعل شيئ
خاطئ و تخفيه عنه
اثار إنتباهه أحمر الشفاه الذي
زين شفتيها حتى أصبحتا مثالا
في الجمال و الإغراء لتعتريه
رغبة جامحة في تقبيلها بقسوة
حتى يزيل عنهما هذا اللون المزعج الذي
إستفزه بشدة.. وضع يديه في جيوب
بنطاله متمالكا نفسه بصعوبة قائلا بسخرية
:" حلو الروج....جبتيه منين؟؟؟
رفعت رأسها نحوه قائلة باستغراب
:" روج إيه؟؟ انا مسحته قبل ما أجيلك....
إنحنى نحوها ليمرر إصبعه على
شفتيها قائلا :"تؤ....مش من النوع اللي
بيتشال بسهولة.....
رمشت عينيها عدة مرات تسبل اهدابها
و هي تنظر نحوه بوداعة قائلة
بنعومة :"مخذتش بالي...اصلي زهقت
في الشركة و ملقيتش حاجة اعملها....
شاهين :"زهقانة مممم يعني كملتي
تصميم المشروع...
اخذ الملف الذي وضعته منذ قليل
فوق مكتبه ليفتحه و يبدأ في مراجعته
بعد ثوان قليلة تفاجأت به يلقيه
على الطاولة الصغيرة أمامها بإهمال
قائلا بفتور :" باين جدا إنك زهقانة
لدرجة إنك بتشتغلي بالمقلوب...
مفيش حاجة عدلة في التصميم
بتاعك أخطاء ميعملهاش طالب
في سنة اولى...سايبة شغلك و
مهتمة بحاجات تافهة.
وقفت أمامه بتحدي لتشعر بالغضب
من كلاماتها التي تتضمن في طياتها
:" على فكرة إنت اللي اقنعتني إني
آجي الشركة و ابدا شغل... انا مكنتش عاوزة
عشان عارفة نفسي حفشل.... مش حقدر
أركز هنا و قلبي و فكري هناك في البيت
مع الاولاد...مع اللي إسمها فتحية إنت عارف
كويس إني مش بحبها و إنت بالعند فيا
خليتها هي اللي تهتم بيهم".
شاهين بملل :" رجعنا لنفس الاسطوانة
من تاني.... فتحية مين اللي تتجرأ و تأذي
أولادي... . انا لو كان عندي شك واحد في المية
في أمانتها كنت محيتها من على وش الأرض
من زمان...إنت ليه مش عاوزة تقتنعي
إن حكاية زمان كانت مجرد تمثيلية
مني...شيلي الأوهام دي من دماغك
عشان ترتاحي و بالنسبة للتصميم
أنا عارف إنك بتتعمدي تغلطي عشان تخليني
أيأس منك و ابطل أجيبك معايا الشركة...
كاميليا بضيق من إكتشاف خطتها :"لا طبعا... كل الحكاية
إن المشروع صعب و ِمحتاج حد عنده
خبرة اكثر مني عشان يطلعه perfect....
أحاط خصرها بذراعيه ليقربها منه
هامسا بحنان مفاجئ بعد أن لانت نظراته :" حبيبي
إنت كنتي الأولى على دفعتك خمس
سنين يعني مشروع زي داه مهما كان
صعب لو ركزتي شوية مكنتيش حتغلطي
فيه كده....انا مش عايز احرمك إنك
تحققي حلمك اللي تعبتي عشانه من
سنين...الاولاد بخير متقلقيش و تقدري
كل ساعة تطمني عليهم بالتلفون... و كلما
تحسي نفسك زهقتي او تعبتي تقدري
تروحي انا مش بجبرك إنك تشتغلي بالعافية
بس انا لاحظت من فترة طويلة إنك
بقيتي مهوسة بالاولاد بشكل غريب...
لدرجة إنك بتراقبيهم حتى و
هما نايمين... بقيتي خنقاهم ياكلوا داه و
مياكلوش داه مش بتخليهم يلعبوا براحتهم
فالحل إنك لازم تبعدي عنهم شوية لو سبتك
كده حتبقي موسوسة.... خليهم هما
كمان يرتاحوا شوية من الخضار المسلوقة
اللي بتجبريهم ياكلوها....
قالها بمزاح مترقبا ردة فعلها التي توقعها
عندما قوست شفتيها بحنق مزيف
و هي تحاوط عنقه بذراعيها تتعلق به
كطفلة صغيرة هامسة بدلال :"بقى كده
يعني إنت جبتني هنا عشان الولاد يرتاحوا
مني....
لثم شفتيها بخفة قبل أن يهز راسه بنفي
ويجيبها بصوت متحشرج:" تؤ جبتك
هنا عشان عاوزك قدامي طول الوقت...
و كمان عشان اكسب ثواب في ولادك
المساكين و خاصة فادي...
زمانه عامل حفلة مع اسيل و ايسم
و بياكلو بيتزا و كنتاكي.....
ضربته على صدره بخفة متمتمة بانزعاج :"انا
مش عارفة إنت ليه كل مرة بتغلبني و بتنفذ بس
اللي في دماغك بأي طريقة...كل حاجة
بتحصل على مزاجك إنت وبس انا مليش
رأي و لا اي قرار...."
داعب انفها قائلا :"و هو انا إيه مين غيرك...
و لا حاجة....
تراقص قلبها بفرحة و اشعت عينيها
بلهفة واضحة تطالعه بنظرات هائمة
مطالبة بالمزيد من كلماته التي تأخذها
عاليا فوق الغيوم الوردية حتى انها
تنسى نفسها و زمانها و مكانها لا ترى
سواه و لا تشعر سوى باحضانه الدافئة...
الشيطان شاهين ›
الفصل الثالث (الجزء الثاني)
في كلية الطب.....
أنهت نور محاظراتها الصباحية ثم خرجت
إلى الكافتيريا لطلب قهوة تمكنها من
إكمال يومها الطويل.. إلتقت بصديقتها
بسمة لتتحول القهوة إلى وجبة غداء....
إرتشفت رشفة من كوب المشروب الغازي
الذي طلبته مع بيتزا متوسطة الحجم
لم تأكل منها سوى القليل....لتنظر نحوها
صديقتها بدهشة قائلة :"مش بتاكلي
ليه يا نور؟؟
أجابتها نور و هي تدفع الطبق أمامها قليلا
:" مليش نفس... مش عارفة مالي حاسة
نفسي مخنوقة و مش عاوزة أعمل حاجة
مش عاوزة أبقى في الجامعة و مش عاوزة
اروح البيت... زهقت من حياتي كلها يا بسمة ".
بسمة بحاجب مرفوع :" نعم؟؟ زهقتي امال
أنا أقول إيه؟؟ اروح أنتحر أحسن...
ضحكت نور ضحكة قصيرة ساخرة:" الظاهر
أنا اللي حنتحر و أرتاح....
نفخت بسمة وجنتيها بضيق قائلة :" فعلا
لو مبطلتيش تسمعي لكلام ميار و وسوستها
حتبقى نهايتك يا الموت يا مستشفى المجانين..
إهتز جسدها فجأة إثر صفعة خفيفة على
ظهرها تلاه صوت ميار صديقتهم الثالثة
و هي تصرخ بعتاب :"و مالها ميار يا ست
بسمة..مش عاحباكي في إيه بقى...إشجيني ".
قلبت بسمة عينيها بملل فهي بالرغم
من أنها صديقتهم إلا أنها لم تكن
تطيقها و دائما ماكانت تتشاجر معها
لو لا وقوف نور حائلا بينهما...
:"مفيش...كنا بنتكلم عنك عادي...عشان
محضرتيش محاظرات الصبح.... فقلقنا
عليكي ".
قالتها بزيف و هي تبادلها نظرات
باردة و قد إرتسم على ثغرها إبتسامة
صفراء لكن الأخرى لم تهتم بها.... فكل
ما يهمها هو نور.... او لنقل محمد ".
فميار فتاة في الثانية و العشرون
من عمرها صديقة نور منذ دخولهما
معا كلية الطب... إبنة إحدى الاسر
الغنية و المعروفة و لطالما كانت معجبة
بمحمد و تريد الحصول عليه حتى بعد
إن علمت بحبه و زواجه من نور لتبدأ
بالتقرب منها و أصبحت بذلك صديقتها
حتى تجعلها بكل الطرق تترك محمد
حتى تفوز به بعد أن علمت باستحالة
ترك الاخر لها لأنه يحبها جدا ...
إلتفتت ميار نحو نور تراقب ملامحها
الجميلة الشاردة بقهر و حسد تتمنى
لو أنها في مقدورها قتلها و التخلص
منها حتى تحصل على حبها...
أخرجت من حقيبتها هاتفها لتتصفحه
و هي تتحدث او بالأحرى تحدث نور
:"رامي عزام عامل حفلة في اليخت
بعد ثلاثة أيام....تيجوا نروح؟؟
اجابتها بسمة بعدم إهتمام و هي تقضم
قطعة البيتزا :" و من إمتى ياختي و إحنا
بنروح حفلات رامي إمام و إلا غيره".
بادلتها ميار نظرات مشمئزة قائلة :" رامي
عزام يا جاهلة إبن المستشار مدحت عزام
بقلك إيه يانور سيبك منها دي طول عمرها
كئيبة و فقرية من البيت للكلية و من
الكلية للبيت بعد شهر حتلاقي عندها
الضغط و السكر و جميع الأمراض
النفسية....خلينا نروح انا و إنت صدقيني
المكان حيعجبك جدا... انا متأكدة
إنك عمرك محضرتي حفلات من النوع داه
بحر و مزيكا و رقص حاجة جنان....داه
إنت بالكثير سنة أو سنتين و حتتجوزي
و ساعتها مش حتلاقي فرصة تعملي
الحاجات دي...حتتحبسي في البيت
و حياتك حتبقى لجوزك و أولادك و بس....
يلا بقى قلتي إيه؟؟؟
تنهدت نور بحيرة من كلام صديقتها
الواقعي فهي رأت كيف أصبحت
حياة كاميليا شقيقتها بعد الزواج
و كيف تغيرت... بمجرد إنجابها
لاطفالها إنتهت حياتها المهنية و أصبحت
تكرس كل وقتها للاعتناء بهم...
قاطعت بسمة تفكيرها :" جو الرقص و المياعة
داه مش بتاعنا...و أكيد نور باباها و جوزها
مش حيسمحولها تحضر حفلات ناس متعرفهاش
حتى لو كان زميل لينا في الكلية....
نفخت ميار الهواء بغضب مكبوت
من بسمة التي دائما ما تقف ضدها و تحبط
كل خططها للسيطرة على عقل و تفكير
نور لتقول بنبرة ساخرة:"طبعا عشان
مفيش حد منهم حاسس بيها.. نور بقالها
فترة تعبانة من ضغط الدراسة هي مش
لوحدها طبعا كلنا مضغوطين خاصة
و إن الامتحانات قربت... اي حد في
حالتنا محتاج إنه يرفه عن نفسه شوية
وبعدين دي مجرد حفلة و كل أصحابنا
حيحضروها....
بسمة باندفاع :" نور كويسة لو بس تبعدي
إنت عنها شوية".
ميار بعصبية :"ليه هو انا عملتلها إيه؟؟إنت
عارفة إن انا بحب نور اوي و بعتبرها أختي
مش صاحبتي وبدور على مصلحتها".
بسمة باستهزاء:"لا واضح اوي و بدليل...
إنك بتشجعيها تطلق من جوزها".
ميار بانفعال مزيف :"أنا مش عارفة
أنا عملتلك إيه عشان تكرهيني بالشكل
داه المفروض إن إحنا أصحاب و بنخاف
على بعض و بننصح بعض عشان ناخذ
القرار الصح في حياتنا....انا كل الحكاية
إني بحاول اكون حيادية نور مش سعيدة
مع اللي إسمه محمد داه... في فروقات كثيرة
بينهم بتخليهم مش لايقين على بعض فالاحسن
إن نور تعرف داه من دلوقتي أحسن ما تندم
بعدين و ساعتها مش حتقدر تنقذ حياتها
و بعدين هي بنفسها عارفة إن كلامي صح....
هي لسة صغيرة و حلوة و كلها كام سنة و
حتبقى دكتورة.... ليه تدمر حياتها و تربط
نفسها بعيلة و اولاد من دلوقتي....و اكيد
بعدين تلاقي آلاف الفرص احسن بكثير
من محمد البحيري داه....
بسمة بحنق :"متسمعيش كلامها يا نور
دي شيطان و بتوسوسلك في اوذانك
عشان تدمري حياتك بايدك...صدقيني
محمد بيحبك اوي و مستحيل حتلاقي
زيه و بعدين داه إبن عيلة محترمة و أهله
ناس طيبين اوي و بيحبوكي حتندمي
لو فرطي فيه....
ميار بخبث :" و اخوه أيهم البحيري زير
نساء محترف.. مفيش ست في البلد معملش
معاها علاقة بالرغم من إنه متجوز بنت عمه
مشفعش ليها جمالها و لا ثقافتها و لا راعى
إنها قريبته....يعني اخوه مش حيبقى احسن
منه و بكرة توقفي على كلامي داه...
اكملت و هي تنفجر ضاحكة :" بصراحة
يا نونو انا لما بتخيلك و إنت متجوزاه
بموت من الضحك...يعني إفرضي
تخانقتو و عصب عليكي قلم واحد من
إيده حيوديكي المستشفى....
بسمة بمقاطعة :"و إنت مالك حد خد رايك
بتحشري مناخيرك في اللي ملكيش فيه ليه...يا شيطانة واحدة زيك....
نور بتافف :" خلاص إنت و هي كفاية بقى
سيبوني في حالي هو إنتوا ملكوش
حكاية غيري كل يوم نفس الكلام
لغاية مكرهتوني في حياتي ....
إلتفتت لميار التي تصنعت الاسف:"
ميار انا مش رايحة
لا حفلة و لا غيره الامتحانات قربت
و انا لازم اذاكر كويس...و كمان محمد
مستحيل يخليني اروح و انا مش عاوزة
مشاكل معاه كفاية الخناقة الأخيرة....
ميار و هي تكتم فرحتها :"خلاص يا نور إهدي
إحنا كنا بندردش... محصلش حاجة يعني
المهم راحتك يا حبيبتي...خلينا نغير
الموضوع...
أدارت عيناها قليلا في ارجاء الكافتيريا
قبل تتحدث بملل:" امال فين ديالا.. انا
مشفتهاش النهاردة الظاهر إنها مجاتش".
رمقتها بسمة بغل تتمنى لو تقفز عليها
و تمسكها من شعرها و تمسح به بلاط
الجامعة بأكمله قبل أن تجيبها بنبرة
ساخرة:"لا جات بس راحت مع
ياسين النادي....
مطت الأخرى شفتيها قائلة بنبرة متعالية:"
طبعا.. اهي الناس العايشة اللي عارفة
قيمة الحياة مش زينا...انا بصراحة تخنقت
و عاوزة ارفه عن نفسي شوية اليوم اللي
بيعدي من حياتي مبيرجعش يلا باي...
و لو غيرتوا رأيكم و عاوزين تروحوا
الحفلة قولولي.....
حملت حقيبتها الفاخرة و إرتدت نظارتها
الشمسية ثم غادرت و هي تمتم بداخلها
بعبارات الوعيد لنور....
بصقت بسمة في إثرها قائلة
باشمئزاز :"بقلك إيه يا نونو البنت
دي انا مش مرتاحالها... بتحشر
نفسها في حياتك بطريقة
مش طبيعية... مع انها و لا مرة تكلمت
عليا انا و رامز خطيبي...
نور بتعجب:" قصدك يا بسمة...هي
ميار بس بتقول وجهة نظرها لما
لاحظت حاجات غلط يعني الحمد لله
علاقتك إنت و رامز ماشية تمام و مفيش
أي مشاكل بس لو هي كانت شافت حاجة
كانت قالتلك....
بسمة :" يا سلام.. و هو فين الغلط في
حكايتك إنت و جوزك.... ها إيه
ناقصه محمد عشان واحدة زي ميار
دي تنقده و بعدين حتى لو مش عاجبها
هي مالها...دي حاجات خصوصية
أنا حتجنن اقسم بالله حتجنن من
برودك و تصرفاتك اللامبالية...
جوزك راجل اي واحدة تتمناه في
الدنيا مؤدب و طيب و... وسيم
و بيموت فيكي و بيحاول يرضيكي
بأي طريقة... عاوزة إيه أكثر من كده".
نور :" اوووف يابسمة انا زهقت...
بسمة بمقاطعة:"بلا بسمة بلا زفت...بكرة
حيزهق منك و من معاملتك الباردة معاه
و يسيبك و ساعتها حتبكي بدل الدموع
دم... هو في بنت في الزمان داه تلاقي
الحب الحقيقي و تفرط فيه...
نور:" يعني عاوزاتي اعمل إيه؟؟؟
بسمة :"يعني انا اللي حقلك تعملي
إيه...كلميه.. اخرجي معاه ،روحيله
لشغله...حبيه...
نور :"ماهي دي المشكلة مش عارفة
ليه مش قادرة أحبه بالرغم من إنه زي
ماقلتي...محمد حلم اي بنت في الدنيا
بس مش انا يا بسمة... مش انا... إنت
ليه مش عاوزة تفهميني هي ميار صح
بتبالغ أحيانا و بتقول كلام مش من حقها
تقوله بس أحيانا بشوف إن كلامها صح
أنا مش عاوزة اتجوز دلوقتي.. انا لسه
صغيرة و لسه عندي احلام و أهداف
كثيرة في حياتي عاوزة احققها...انا
مريت بظروف مايعلم بيها إلا ربنا
عشان اكمل دراستي و اكون متفوقة
بعد كل داه عاوزاتي اتجوز و اقعد في
البيت عشان اربي العيال....
بسمة :"و مين قال إن واحد زي محمد
حيجبرك تتخلي عن أحلامك.. هو إنت
ليه شايفة إن الجواز هو نهاية لكل
طموحاتك بالعكس دي حتكون البداية
محمد حيشجعك و حيوقف جنبك... حيكون
قوتك و سندك داه بيحبك اوي يا نور
و إنت عارفة داه كويس بيحبك لدرجة
إنه مستحمل حاجات كثيرة منك، برودك
و جفائك و معاملتك الوحشة ليه راجل غيره
مكانش صبر عليكي و كان رماكي من
زمان بلاش تضيعيه
من إيدك عشان شوية اوهام مش موجودة
غير في دماغك إنت و بس...حاولي
تتغيري معاه حاولي تحبيه يا نور على الاقل
قدري مشاعره ليكي بلاش ترخصيه....
عشان هو كمان حيجي يوم و رصيد حبه
ليكي حيبدأ يقل و حيجي يوم مش حتلاقي حاجة تشفعلك عنده... بلاش تدوسي على
كرامته اكثر من كده.. عاوزة يطلقلك اوكي
مفيش حاجة أسهل من كده...هو بسهولة
حيلاقي الف بنت مستنياه إذا ماكانش
مليون و اولهم الست ميار اللي عمالة
تذم فيه في الرايحة و الجاية بس
إنت ياترى حتلاقي واحد يحبك و يحترمك
زيه..
أسندت نور رأسها على الطاولة مغمضة
عينيها بتعب.. تشعر بالتشتت و الضياع
الشديد...بين قلبها و عقلها معظم الأحيان
تتعجب من نفسها كيف لنور ذات الشخصية
القوية ان تتأثر بآراء الآخرين تمتمت
بصوت منخفض سمعته بسمة:"محتارة
يا بوسي محتارة اوي و مش عارفة
اعمل إيه...اووووف".
أومأت لها الأخرى بعدم رضا و هي
ترتشف كأس العصير أمامها.
بعد ساعة من الزمن كانت ميار
تجلس مع صديقتها ديالا نفخت
بعنف للمرة العاشرة على التوالي
و هي تكاد تشد شعرها من شدة
الغضب....
ديالا بهدوء:" هو إنت مش ناوية تشيلي
الموضوع داه من دماغك.. الراجل تجوز خلاص
و بيحب مراته و لو كان في نصيب كان حصل
من زمان لما كان سنجل و مفيش حد في
حياته...
ميار ببكاء:" مش قادرة يا ديالا انا
بحبه اوي....بحبه و مش شايفة راجل
غيره في حياتي....
اجابتها الأخرى باستهزاء:" و سليم و جاسر
و أمير ووو.....امال لو كنتي بتشوفي غيره
كنتي عملتي إيه؟؟؟
ميار :"مش وقت تريقتك على فكرة
أنا بموت بالبطيئ كل يوم و خاصة
لما بشوفها قدامي..خايفة في يوم
افقد السيطرة و اقتلها عشان اخلص منها
أنا مش عارفة هو عجبه فيها إيه بنت
الشحاتين دي....
ديالا بسخرية :" القلب و ما يعشق يا
حبيبتي.. و بعدين البنت حلوة جدا
يعني طبيعي يحبها و كمان
متنسيش اختها متجوزة مين... فلو نور
محظوظة قيراط أختها محظوظة
مية قيراط....
ميار بغيظ: ماهو دا اللي حارقني...إزاي
قدرت هي و أختها يوقعوا رجالة زي
دول؟؟ بس انا مش حستسلم و مش
حيهدالي بال غير لما ما آخد منها محمد
بأي طريقة".
قبضت على كفها بقوة و هي تنظر
أمامها هاتفة باصرار و قد لمعت عيناها
بخبث و وعيد........
في صالة الملاكمة التابعة للمركز الرياضي
الذي يملكه محمد....
تابع محمد التدريبات التي يقوم بها
طارق مدرب الملاكمة بشرود حتى
شعر بيد تلكزه حتى ينتبه...
نظر ليرى طارق يحمل قارورة ماء
بيده و يفتحها إستعدادا ليسكبها عليه
صاح محمد و هو يقف من مكانه جاعلا
طارق ينفجر ضاحكا على مظهره...
:"و الله لو كنت عملتها كنت كسرت إيدك
و رجلك هنا....
طارق بضحك :" بقالي ساعة بنده عليك
و سيادتك سرحان في العسل....
محمد و هو يجلس من جديد على كرسيه
رامقا طارق بغضب :"و إنت مالك إتنيل
إلتهي بشغلك".
طارق وهو يدير رأسه في ارجاء القاعة
:"الحصة خلصت و فاضل ساعتين على
الحصة الثانية.... يعني انا دلوقتي
خارج نطاق الخدمة يا بوس".
محمد بغيظ:"ابو ثقالتك يا اخي...انا
إيه اللي خلاني اشغلك معايا....
طارق بصوت أنثوي مريع :"عشان
بتحبني.... تنكر".
اجابه الاخر بملامح مشمئزة :" أوي...
طارق و قد إكتسى ملامحه بعض الجدية
:" مالك يا صاحبي.... فكرك مشغول بإيه؟؟؟
مسح محمد وجهه بتعب و كأن سؤال
طارق المفاجئ أعاد له أفكاره التي ظن
أنه هرب منها :"و حفكر في مين غيرها...
الظاهر إن طريقي معاها نهايته قربت".
طارق بحيرة :"قصدك إيه؟؟؟
محمد بصوت مجهد : مصرة على...... الطلاق
كل مرة بتجيبلي حجة أغرب من اللي قبلها
و انا بصراحة تعبت.... بحبها اوي بس
كرامتي اهم عندي من اي حاجة "...
شعر طارق بالاسف الشديد تجاهه فهو
كان على علم بعلاقته مع نور منذ البداية
و كأن متأكدا من أن صديقه سوف
يتعب كثيرا...و لكن لم يتوقع أبدا ان
نهاية حبه العظيم ستكون حزينة بهذا
الشكل.
في شركة الالفي.....
ركلت كاميليا كرسي مكتبها بعنف
و هي تهدر بصوت عال :"بيقولي
إن مشروعي سيئ لدرجة إن حد
في أولى هندسة يقدر يعمل أحسن منه
بكثير.. انا يا هبه انا؟؟؟
أمسكت هبة ملف المشروع الذي قدمته كاميليا
منذ ايام و الذي يخص مشروع القرية السياحة
الذي تنوي الشركة إنجازه قريبا.. دققت
النظر في الرسم الهندسي الذي يحتوي
على ملاحظات كثيرة باللون الأحمر تعبر
عن أخطائها لدرجة ان التصميم لم
سعد يظهر جيدا.... حمحمت و هي تخفي
ضحكتها قائلة بصوت جاهدت ان يخرج
عاديا:"و لا يهمك يا حبيبي هو التصميم
حلو بس فيه شوية أخطاء....مش كثير.....
جذبت كاميليا الملف من يدها بعنف
لترميه على الأرض ثم تتوجه نحوه
لتدعسه بحذائها قائلة بغل :" و هو إيش
فهمه في الهندسة و التصميمات... تلاقيه
زمان كان ببنجح بالواسطة....بقى انا
تصميمي مش عاجبه و مليان أخطاء و مش
مركزة.... طيب يا شاهين بيه... انا حستقيل
و نش حرجع الشغل ثاني و حطلب الطلاق
كمان و غرامة مليون جنيه و.....
عادت وراء مكتبها لتبدأ في جمع مقتنياتها
غير مبالية بهبة التي إنفجرت ضاحكة
على جنون صديقتها...
هبة بضحك:"مش قادرة... يا لهوي...
كاميليا بحنق:" إضحكي.. إضحكي فعلا
شيئ بيضحك بس انا حندمه و الله ما
حسكت على المهزلة دي... إذا كان هو
و المهندسين بتوعه مش بيفهموا في
المشاريع و التصميمات فدي مش
مشكلتي.... بقى انا الخطوط بتاعتي
مش واضحة و المساحات عندي مش
مطابقة للمشروع...طيب خلي الاستاذ
حسن ينفعه....
هبة :"يا مجنونة بتعملي إيه؟ بدل
ما تقعدي تشتمي في الناس روحي
إتأكدي من التصميم بتاعك....
كاميليا و هي تشير بيديها بغضب
:" ماله تصميمي يا ست هبة..انا تأكدت منه عشر
مرات قبل ما قدمه...
هبة بصوت منخفض:"مفيش بس كأنه
في حد كاتب حاجات غريبة عليه
زي الشخابيط كده....
كاميليا باستفهام :"شخابيط؟؟؟
هبة بلا مبالاة :" شوفيه و تأكدي.....
سارعت كاميليا لتلتقط الملف من
على الأرض لتتأمله بعيون متسعة
قبل أن تهتف بصدمة:" يا نهار إسود
الاولاد.....
هبة بعدم فهم :" مالهم الاولاد في حاجة؟؟
كاميليا و هي تغمض عينيها بخجل
و تقول بنبرة باكية :"هما اللي بوزوا التصميم....
لمتابعة الروايه الجديده زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 تسمرت ليليان مكانها و هي…){kind=link}
تعليقات
إرسال تعليق