رواية حكاية وعد الفصل الرابع والخامس والسادس بقلم ملك محمد حصريه في مدونة موسوعة القصص والروايات
رواية حكاية وعد الفصل الرابع والخامس والسادس بقلم ملك محمد حصريه في مدونة موسوعة القصص والروايات
#حكاية_وعد (4)
وقفنا لما وعد كانت بتعيط ف الشارع ورفضت تروح مع زين البيت علشان مش هتقدر تبص ف وش حسناء بعد ال حصل
زين قلها متخفيش مش هنروح الفيلا
وخدها وراحوا ع البيت بتاع عيلته القديم
وصلوا البيت
ووعد مبطلتش عياط
وهما ف جنينة البيت لسه مدخلوش
زين: كفايه عياط بقى انا مش عارف حبيتي في اي داه
وعد ببكاء : حاسه اني بحلم وكل دا مش حقيقيه
فجأه الجو بدأ يمطر
زين : طب ادخلي جوه يلا لأن الجو بدأ يمطر
وعد ببكاء: سبني هنا شويه
زين حس انها عايزه تفضل لوحدها فسابها ودخل
وعد نزلت بركبتها ع الأرض وفضلت تعيط والمطره نازله عليها
زين كان بيراقب المشهد من بعيد وبيقول لنفسه
: دي مش بتحبه حب عادي دي بتعشقه
فجأه موبايله يرن
حسناء : انت فين يازين ووعد عامله اي دلوقتي
زين بعصبيه: عرفتي انك مخطوبه لواحد خاين
حسناء بعصبية: متقولش عليه كدا وعد ال غلطانه هي ال فرضت نفسها عليه من صغرها انما هو محبهاش
زين بصدمه : معقوله ياحسناء بتديله مبرر بعد ال عرفتيه
حسناء : كريم خطيبي وهيبقى جوزي وهو فهمني انه مبيحبهاش واختارني انا يكمل معايا حياته ليه اكرهه
زين بعصبيه وهو بيبص على وعد من بعيد وهي بتعيط تحت المطر : دا واعد البنت بالجواز دا عادي عندك
حسناء : وعدها بالجواز علشان الصغط الجامد عليه من اهله انما هو مبيحبهاش قولتلك بيحبني انا حاول ترجع وعد مصر ف اي وقت ومتخليش حد يعرف ف البيت عن ال حصل داه
زين قفل الفون ف وشها وقال بغضب
: انا هعرف اعلمك الأدب ياكريم
بص على وعد وخد نفس وراحلها
مد ايده ليها
وعد رفعت راسها وبصتله بخوف
زين: متخفيش امسكي ايدي
وعد سندت ع الأرض وقامت بنفسها بدون ماتمسك ايده
زين شال ايده بضيق وقال
: هتفضلي تعيطي كتير انتي كدا هيحصلك حاجه اهدي شويه
وعد كانت دايخه وعيونها مش شايفه بيها من كتر العياط راحت راميه نفسها ف حضنه
: كريم انا بحبك ارجوك متسبنيش
زين اتفاجئ لما لقا دماغها على صدره رفع ايده بعيد عنها علشان ميلمسهاش وهي فضلت تعيط ف حضنه
كان متردد يحط ايده عليها وياخدها ف حضنه ويطبطب عليها ولا لا
المطره كانت شديده وزين فضل رافع ايده بعيد عنها
وعد ببكاء : كريم انت كل حاجه ليا انا بحبك ومقدرش اعيش من غيرك ارجوك خليك معايا معقوله موحشتكش
زين بتنهيدة غضب رفع وشها لفوق وبص ف عنيها وقالها
: فوقي انا مش كريم انا زين زين الرافعي
وعد استوعبت ان داه زين راحت شاده نفسها لبعيد بسرعه وداخله ع جوه جري
زين بتعجب : هو كريم بيعمل اي للبنات بتخليهم يعشقوا كدا الواد داه طلع مش سهل
وبعدين راح وراها طلعلها هدوم وحطها جمبها ع السرير وقالها
: دي هدوم لحسناء كانت هنا ادخلي غيري علشان متخديش برد
وانا هدخل اوضتي اغير واريح شويه لو احتجتي حاجه اندهيلي
وعد مردتش عليه
سابها ودخل اوضته يغير هدومه لسه بيفك زراير القميص لقى موبايله بيرن بص فيه لقا المتصل كريم
زين عرف ان خلاص طالما حسناء اخدت صفه يبقى كدا خلاص مش هيعرف ياخد معاه حق ولا باطل
قال بخبث : اهدى عليا ياكريم بقى تخدع البنتين وتخلي حسناء كمان تقف ف صفك
سابه يرن وكمل غيار
بعد ماخلص الموبايل رن تاني
كريم بعصبيه : انت مبتردش ع طول ليه
زين ببرود : كنت بلبس هدومي
كريم : مليش دعوه كنت بتعمل اي انا عايزه اعرف وعد فين واي علاقتك بيها
زين ببرود : وعد معايا هنا هتكون فين
كريم بتعجب: معاك فين
زين : ف البيت القديم
كريم افتكر وهو بيقوله كنت بلبس هدومي قال بذهول
: ووعد بتعمل معاك اي ف البيت القديم
زين : اظن دا شئ ميخصكش انت واحد خاطب وبتحب خطيبتك ولا نسيت
كريم بعصبيه : زين اياك تفكر تلمس وعد انا عارف انها مش ف وعيها دلوقتي اياك تستغل داه
زين : اظن بردو دا شئ ميخصكش
وراح قافل ف وشه
كريم رزع الفون ف الحيطه بعصبيه جملة زين وهو بيقوله
: كنت بلبس هدومي
فضلت ترن ف ودانه
شد مفاتيح العربيه ولسه هيفتح باب شقته ويروحلهم افتكر انه خلاص مبقاش فيه حاجه بتربطه بوعد
رجع تاني وفضل يخبط بإيده ع الحيط وهو بيقول لنفسه
: الغبيه انا قايلها ترجع مصر بتهبب اي هنا
_____________
ف الڤيلا
والدة زين : هو قالك انه هيبات بره هو ووعد
حسناء : اه ياماما حصل ظروف طارئه ف اضتر يروح ع البيت القديم
تميم بتعجب : ظرف اي داه ال يخلي زين ووعد يباتوا بره
حسناء بعصبيه : بطلوا تحقيق بقى بقالنا سنين عايشين ف تركيا ولسه تفكيركوا شبه المصريين احنا ف دوله متفتحه فوقوا شويه
تميم : وانتي بتزعقي فينا كدا ليه احنا بنسأل بس
والدته : خلاص كل واحد يروح ع اوضته بكرا نفهم من زين ال حصل بالظبط
تمام : ولا منفهمش شاغلين نفسكوا ليه هه عالم فاضيه
___بقلم ملك محمد_________
ف البيت القديم
زين بيخبط ع الباب
وعد : أدخل
زين دخل لقاها قاعده ع السرير وضامه ركبتها ف حضنها وعيونها حمرا من شدة العياط
: لسه بتعيطي بردو
وعد مسحت دموعها : لا عادي مفيش حاجه
زين قرب منها وقعد ع السرير
: انا جبتك على هنا علشان تقدري تفكري هتعملي اي بدون ماحد يدايقك ف البيت هناك
وعد : هعمل اي يعني هروح بكرا السفاره علشان ارجع مصر
زين : عايزه ترجعي مصر
وعد : مبقاش ليا حاجه هنا
زين : اه فعلا عندك حق
وعد والدموع مجمعه ف عينها: شمتان فيا مش كدا
زين بتعجب: لي بتقولي كدا
: علشان فعلاً طلع مبيحبنش وانا طلعت متحبش زي مانت قولت
زين بتنهيده : انتي فهمتي غلط انا كنت بعاندك مش اكتر
وعد بسخريه: هه بتشفق عليا وبتحاول تطيب خاطري
زين : لا انا بقول الحقيقه كريم دا واحد حيوان وخاين معرفش حبتي فيه اي
وعد : متقولش عليه حاجه هو فعلا ممكن اكون فرضة نفسي عليه بدون مااحس
زين بصدمه : بعد دا كله بتدافعي عنه
وعد بحزن : مش بإيدي لسه قلبي بيدق ليه
زين بتعجب : معقول لسه بتحبيه
وعد : انت مش قادر تفهم ازاي تفضل 8سنين تحب ف شخص وتعشق تفاصيله الموضوع مش سهل
زين : ع فكره كريم عمل كدا علشان انتي واحده معندهاش كرامه
وعد : هو في كرامه ف الحب
زين : اه فيه لما الشخص ال قدامك يشوفك ميته عليه هيدوس عليكي لأنه عارف انك هتفضلي مستنياه وكريم واثق انك لو مش هتكوني ليه مش هتكوني لحد تاني وعارف انك مش هتقدري تحبي حد غيره لأنه ساكن روحك وكل حته فيكي
وعد بحزن : هو فعلاً عنده حق انا لو مش هكون ليه مش هكون لغيره انا خلاص حياتي انتهت
زين : طب ولو قولتلك تحبي ارجعهولك
وعد بتعجب : ازاي !
زين : بصراحه انا مش موافق على خطوبته من حسناء وحاسس انه مش هيسعدها وشخص لعبي وبتاع بنات وانا لو رجعتهولك كدا هبعده عن اختي وانتي حره انتي وهو بقى انا المهم عندي حسناء
وعد : بجد ممكن يرجعلي
زين : انا راجل زي زيه وعارف اي ال هيخليه يرجعلك راكع ع رجله
اهم حاجه متحكيش لحد حاجه ف البيت واتظاهري قدام حسناء ان كل حاجه تمام وانك مش زعلانه
وعد بتسمع ليه
زين : هتشتغلي سكرتيرتي ف الشركه
وعد : ها
زين : اسمعي الكلام واسكتي
انتي هتشتغلي عندي علشان يقدر يشوفك ع طول ف الشركه اتقلي عليه جدا واياكي تحسسيه انه فارق معاكي يعني ولا كأن حاجه حصلت والباقي سبيه عليا ( ووعد هرجعلك كريم)
وعد : مدت ايدها ليه
( وعد
زين( وعد
زين : قومي بقى ع المطبخ وسيبك م العياط داه انا جعان شوفي اي حاجه ناكلها
وعد قامت بسرعه من ع السرير وهي بتقوم راسها اتخبطت ف دقن زين
سنانه خبطت ف بعضها وبوئه وجعه
حط ايده ع بوئه : اااه
وعد : انا اسفه انا اسفه
وقامت مقربه منه وحسست بإيدها ع بوئه
: انت كويس
زين بيبص ليها وعينه ف عنيها بذهول
وعد : وجعتك جامد
زين بسرحان : لا انا كويس
وعد : انا اسفه
زين استوعب ال حصل راح شايل ايدها وزقها لبعيد وقام من ع السرير وقال بجديه
: ابقي خدي بالك بعد كدا
___________
" نهار يوم جديد"
صحي زين ولبس هدومه وراح علشان يصحي وعد
خبط ع الباب بس وعد مين ال تصحى هيهاات هيهات
فضل يرزع ف الباب وهو بيقول لنفسه
: معقوله مش سامعه الخبط دا كله
وعد كانت نايمه متأخر ومعيطه كتير فكانت شبه ف غيبوبه نايمه ميته
زين ملقاش حل قدامه غير انه يفتح الباب
فتح الباب وحط ايده على عينه وقال
: انتي يازفته يلي اسمك وعد قومي يلا
وعد مردتش
زين شال ايده من على عنيه وبص عليها لقاها نايمه ف سابع نومه
قرب منها
: وعد قومي يلا كدا هتأخر ع الشركه
وعد فتحت عيونها بالراحه وقالتله
: انت مين
زين : هكون مين يعني
وعد : بتاع الملامين هه هه هه
زين بتعجب : مالك انتي لسعتي
وعد: ممكن سؤال
زين بتعجب : خير
وعد بتوهان : عندكووو شامبووو
زين : نعم ياختي
وبعدين حط ايده على دماغها لقاها سخنه وشكلها خدت برد من قعادها تحت المطره امبارح
وعد قالتله : بقولك عندكوا شااامبووو
زين : يخربيتك شامبووو اي دلوقتي لا عندي شغل تاخدي
وعد : لا ماما قالتلي متاخديش حاجه مش بتاعتك
زين : دا مش وقتك خالص ع فكره فوقي كدا انا ورايا شغل بقولك
وعد بتوهان : اي ال وراك داه
زين بص وراه بسرعه
وعد بضحكه : هاههه هه عليك واحد
زين : لا انتي لسعتي ع الآخر افوقك ازاي انا دلوقتي دانتي طلعتي مصيبه
وعد رفعت راسها وقالتله
: انا جعانه
زين : طب ممكن تقومي تلبسي وانا اجبلك أكل
وعد بضحك هستيري : هتضحك عليا مش كدا
زين : لا وعد هجبلك أكل
وعد بسخريه : هههههه ماهو وعدني بردو وضحك عليا
زين : هو مين
وعد : كريم
زين : مش وقت سي زفت دلوقتي
فجأه فونه رن
السكرتير : حضرتك فين يازين بيه الإجتماع هيبدأ
زين بإرتباك : نص ساعه بالظبط وهكون عندك
قفل الفون وقال لوعد
: لو مفوقتيش همشي واسيبك
وعد فجأه دموعها بدأت تنزل : هو ليه كلكوا بتتخلوا عني بسهوله هو انا متحبش
زين سرح شويه ف عيونها وبعدين قالها
: وعد انتي تتعشقي مش تتحبي بس
وعد بتوهان وسخريه : طب مش بتحبني ليه
زين : علشان مينفعش احبك انتي قلبك ملك لشخص تاني وانا زي ماوعدتك هرجعك ليه
وعد : بس هو مبيحبنيش
زين : هيحبك ياوعد صدقيني هيرجع يحبك لما يشوفك معايا هو الإنسان كدا الحاجه مش بتحلو الا لما تروح لغيره ويحس انه هيخسرها
وعد غمضت عيونها وفجأه اغمى عليها
فاقت ف المستشفى
: انا فين
زين : انتي ف المستشفى كان لازم يعني تقضي اليلل عياط تحت المطر
وعد رفعت راسها واتعدلت
: حاسه اني دايخه اوي
زين : شويه كدا هتبقى كويسه الدكتور طمني عليكي
وعد : اي دا صحيح انت مروحتش الشركه
زين : حضرتك ضيعتي مني اهم اجتماع
وعد بتعجب :هو انا عملت اي وانت عرفت منين اني تعبانه
زين : انتي فضلت تهلوسي اكتر من ساعه وبعدين اغمى عليكي فجبتك المستشفى
وعد : بهلوس اقول اي !
زين : ياريتك قولتي بس دانتي عملتي عمايل
وقام محسس على شفايفه بخبث
وعد حطت ايدها على وشها بكسوف وبصت الناحيه التانيه وهي بتقول لنفسها
: هببتي اي الله يحرقك
زين ابتسم لما عملت كدا
بعد مرور الوقت الدكتور صرحلها تخرج وانها بقت كويسه وحرارتها رجعت لطبيعتها
"ف العربيه"
وعد قاعده حاطه ايدها على وشها وباصه الناحيه وعماله تعيط
زين : انتي يابنتي مولوده بتعيطي هو في اي مش انا قولتلك انا هرجعهولك بتعيطي ليه دلوقتي
وعد ببكاء وهي مخبيه وشها : لا انا مبعيطش علشان كريم
زين : دي حاجه كويسه شكلك عقلتي
وعد ببكاء : انا بعيط علشان بوستك وانا شايله قبلتي الأولى ليه هو
زين فرمل بالعربيه مره واحده وقالها بصدمه
: وعد انتي مهزئه وربنا مهزئه
وعد ببكاء : مكنش لازم تسبني ابوسك
زين : يخربيتك بطلي عياط انا كنت بهزر محصلش حاجه بينا انا اساسا مرضاش ابصلك
وعد بطلت عياط وقالتله بذهول : بجد
زين : اه بجد يلي هتنقطيني بقى شايله اول بوسه لكريم ال رماكي وحب بنت تانيه
وعد انشكحت ومسحت دموعها وقالت
: لا مانت وعدتني انك هترجعه
زين شغل العربيه ومشي وهو حاسس انه هيتفجر منها
وعد : وانت ليه كدبت عليا
زين : هو انا قولت حاجه انتي ال فهمتي غلط
وعد اتعدلت ف قعدتها والإنشكاح بان عليها
زين بص عليها بإستغراب
: فعلا مراية الحب عاميه معرفش كريم الزفت داه بيعمل اي ف البنات اذا كان انتي ولا حسناء لحس مخكوا ع الآخر
وعد : هو جذاب اوي بصراحه متنكرش داه معقوله ولا مره اعجبت بيه
زين بصدمه : اعجبت بمين
وعد : ب كريم
زين : لا انتي هبت منك ع الآخر
____________
"ف الشركه"
كريم كان مستني زين وفضل يسأل عليه كتير بس زين مرحش الشركه ودي كانت اول مره زين يعمل كدا ويضيع اجتماع مهم زي داه
قعد على مكتبه يفكر ويكلم نفسه
: اي ال مخلاش زين يجي معقول لسه مع وعد ف البيت القديم
فكك بقى ياكريم انت مش سبتها
بس هي مهما كان بنت عمي وهي عيله طايشه وانا ال مسؤل عنها هنا ازاي افكني منها وعد لازم ترجع مصر وجودها هنا موترني
سرح شويه بخياله واتخيل زين وهو واخد وعد ف حضنه
فاق من سرحانه وقال
لا لا مستحيل دا يحصل ومسك موبايله ورن على حسناء
: الو
كريم : وحشتني ياقلبي
: وانت كمان ياحبيبي
: اي خلصتي شغل ولا لسه
: اه خلصت من بدري ورجعت البيت
: طيب كويس
: في حاجه ياكيمو
: لا مفيش هو صحيح زين عندك ف البيت
: لا مجاش من امبارح لسه هو ووعد في حاجه
كريم بإرتباك : لا لا مفيش دا بس زين مجاش الشركه النهارده فقولت اطمن عليه
حسناء : معرفش حاجه عن الموضوع داه هقفل معاك واتصل بيه اشوفه فين ولا اي ال حصل
كريم : طيب ماشي سلام
وقفل معاها والغضب مالي وشه
_______________
"زين ووعد وصلوا البيت "
وعد نزلت بس كانت لسه دايخه شويه
زين سندها ودخلها جوه
والدته بذهول : في اي اي ال حصل
زين : مفيش داخت شويه وخدتها للدكتور
حسناء جت بسرعه
: انا كنت لسه هرن عليك علشان اطمن عليكوا انتو كويسين
زين : وعد بس تعبت شويه فخدتها للدكتور
مديحه والدته سندتها وقعدتها وهي بتقول
: هو انتو بيتوا بره امبارح ليه
حسناء وزين ووعد بيبصوا لبعض بتوتر
زين اخترع اي كدبه : الوقت كان متأخر اوي وعربيتي عطلت جمب البيت هناك فقولت نبات هناك وخلاص
والدته : طب وانتي عامله اي دلوقتي ياوعد
وعد وهي بتبص لحسناء وعيونها مليانه دموع : انا كويسه مفيش حاجه
زين حس انها هتعيط قام قايل
: خليها بس تقوم تاخد شاور وتريح شويه وهي هتبقى تمام
جت حسناء علشان تسند وعد وتدخلها اوضتها راحت وعد شدت ايدها وقالت
: انا هقوم لوحدي
حسناء اتكسفت فقالت
: طيب براحتك
زين فاهم ال بيحصل قام شادد وعد وقلها يلا ع اوضتك
اخدها وطلع فوق
مديحه : انا مبقتش فاهمه حاجه ف البيت داه
حسناء : مفيش حاجه ياماما دي تعبانه شويه بس
فوق وزين واخد وعد يوديها اوضتها خرج تميم من اوضته وشافهم
تميم بلهفه : وعد انتي جيتي
زين بسخريه : لا لسه بره
تميم راح ناحيتها بسرعه وفتح دراعه علشان يحضنها وهو بيقول
: البيت نور تاني
وعد اتفاجئت لما لقته جي عليها يحضنها
زين بسرعه راح واقف قدامه وحاضنه بدالها وماسك دماغه حاتطها تحت دراعه
تميم : اااه سيب دماغي
زين بص لوعد وقالها
: خدي بالك هنا الناس منفتحه ع الآخر يعني ممكن تلاقيه بيحضنك ويبوسك عادي
وعد ابتسمت ابتسامه مصطنعه وسابتهم ودخلت الأوضه بتاعتها
تميم بتعجب : هي مالها باين الحزن ع وشها كدا ليه
زين اتنهد وسابه ومشي
يتبع .........
الف لايك وألف كومنت هنزل ال بعده يلا عايزه اشوفكوا متحمسين للباقي 💙🙈
بقلم #Malak_mohamed
#حكاية_وعد (5)
وقفنا لما زين اخد وعد ورجعوا الڤيلا ووعد دخلت اوضتها تاخد شاور وترتاح علشان كانت تعبانه
بعد مرور بعض الوقت باب اوضة وعد خبط
وعد : ادخل
حسناء دخلت وقالتلها
: ها اي الأخبار دلوقتي
وعد اول لما شافتها حست انها مخنوقه مكنتش قادره تتقبلها قالتها بضيق
: كويسه كنت هنام خلاص
حسناء قربت وقعدت على طرف السرير وقالتلها
: زعلانه مني مش كدا
وعد : لا مش زعلانه هزعل ليه
حسناء : ع فكره كريم مبيحبكيش ياوعد ولو كنتي كملتي حياتك معاه كانت هتبقى جحيم لأنك هتعيشي مع شخص مش عايزك انتي اتفرضتي عليه مش اكتر
وعد كانت ماسكه نفسها بالعافيه علشان متعيطش من كلام حسناء الجارح وكانت بتحاول تنفذ كلام زين لما قلها اوعي تحسسيها انك مدايقه
فقالت بثبات
: ع فكره انا خلاص طلعت كريم من دماغي وقررت ابص على حياتي
حسناء بسعاده : بجد يعني خلاص راجعه مصر
وعد : لا مش راجعه دلوقتي في حاجه مهمه اوي وبتاعتي لازم اخدها معايا
حسناء بتعجب : حاجة اي
وعد بإرتباك : اقصد الباسبور بتاعي هه امال هرجع مصر ازاي
حسناء : اه الباسبور ع العموم انا مبسوطه اوي انك تقبلتي الموضوع عادي وبإذن الله ربنا هيرزقك بال يسعدك ياوعد
وعد وهي كاتمه غيظها: متشكره جدا ليكي تسلميلي
وبعدين قالت بصوت واطي من تحت سنانها
: ياخطافة الرجاله الهي تولعوا لو فكر ياخدك ف حضنه
حسناء : ها
وعد بضحكة مصطنعه: لا مفيش حاجه كنت بقول انا عايزه انام شويه وكدا
حسناء : اه تمام انا اسفه طولت عليكي
وقامت وهي بتقول
: تصبحي على خير
خرجت من الأوضه
وعد اول لما هي خرجت راحت ناطه من ع السرير بعصبيه وطالعه البلكونه وهي مش طايقه نفسها وعماله تكلم ف نفسها بغيظ وتقول
: يارب لو مش انا ال هاخده خده عندك انت يارب بس متخليهوش يتجوزها
وبعدين قالت بعصبيه
بقى انا اتساب علشان دي فيها اي حلو عني يعني
فجأه سمعت صوت حد بيقولها
: يمكن لسانها مش عايز قطعه زيك
بصت ناحية الصوت لقت زين واقف ف بلكونته
وعد بعصبيه : انت بتطلع منين كل مره
زين وهو واقف ماسك فنجان القهوه ف ايده اخد رشفه وقالها
: يمكن بطلع م البلكونه
وعد بعصبيه : طب ممكن ماتتكلمش معايا علشان انا متعصبه دلوقتي
زين بإبتسامه : بحب اناكف فيكي وانت متعصبه معرفش ليه
وعد بنرفزه : تعرف انك بارد
زين بإبتسامه : لا معرفش انتي اول حد يقولي كدا
وعد : انت مبتسم كدا ليه
زين بإبتسامه تخطف القلب : يمكن بستفزك
وعد بعصبيه : انت قبل ماتتخانق معايا عارف لساني هل انت عارف لساني
زين اخذ رشفه من القهوه وقالها
: اه عارفه وهاجي اسحبك منه دلوقتي لو طولتيه عليا
وعد بنرفزه شديده: بطل تستفزني بقولك متعصبه اختك لسه خارجه من عندي ومسمعاني كلام زي السم
زين وهو كاتم ضحكته : خلاص خلاص مش هدايقك بس بصراحه كريم ربنا نجده دا كان هيعيش مع بلوه
وعد : ع فكره انت قولتلي امبارح اني اتحب وانت بتعاندني مش اكتر
زين بسخريه : هه وانتي صدقتي انا كنت مشفق عليكي مش اكتر وبطيب بخاطرك ياحرام واحده خطيبها غدر بيها وحب بنت تانيه
صعبانه عليا اوي
وسابها ودخل اوضته
وعد بعصبيه : انت واحد ...
دمها كان بيغلي لما سابها بتتكلم ودخل اوضته
خدت نفس وراحتله
لسه هتخبط لقت زين بيفتح الباب وبيقولها
: عارف انك جايه ها عايزه اي
وعد بعصبيه : انت قولت اني فعلا اتحب صح ولا لا
زين بغرور : قولتلك كنت مشفق عليكي وبطيب بخاطرك
وعد بغضب : انت واحد .....
زين راح ماسكها من ايدها وزقها على الحيطه ووقف قدامها وقالها
:لسانك داه لميه شويه انا مبحبش حد يطول لسانه عليا ها
كان قريب من وعد لدرجة انه كان سامع صوت انفاسها
وعد بخوف وهي باصه ف عنيه
: ممكن تسبني اروح اوضتي
زين: اول مره اشوفك خايفه مني
وعد بتوتر وخوف بس بتحاول تتظاهر بالثبات : لا انا مش خايفه هخاف ليه
زين قرب منها اكتر وهمس ف ودانها وهو مبتسم ابتسامه خبيثه
: مش خايفه خالص
وعد برعب وهي بتحاول متبصش ف عنيه : زين انا عايزه اروح اوضتي ممكن تسبني
زين بسخريه : دلوقتي بتتكلمي بإحترام صح
وعد بتوتر : ع فكره وقفتك معايا كدا ممكن تتفهم غلط
زين : خليهم يفهموا غلط ماحنا كدا كدا هنمثل قدام الكل اني بحبك علشان سي زفت بتاعك دا يحس ع دمه ويرجع للمهزئه بتاعته
وعد بغرور : طب خد بالك بقى وانت بتمثل احسن تحبني بجد
اتلخبط من كلمتها ونزل ايده بعيد عن الحيطه
وعد استغلت الفرصه وسابته ومشيت جري على اوضتها
قفل الباب ووقف قدام مرايته يفكر ف جملة وعد ال خلته اتلخبط مره واحده
قال لنفسه : معقول ممكن احبها
دي اكيد مجنونه متعرفش مين زين الرافعي ال بقاله سنين قافل على قلبه ومش مخليه يدق لحد لأنه عارف ان الحب دا لعنه مش لازم يبقى موجود ف حياتنا احنا ممكن نتسلى اه انما الحب دا بينا وبينه بلاد
_______
وعد وهي طالعه تجري من اوضة زين خبطت ف تمام
وعد بتوتر : انا انا انا بس كنت بقول حاجه لزين
تمام ببرود ولا مبالاه : هو انا سألتك انتي كنتي بتعملي اي عنده
وسابها ومشي
وعد بتعجب : ماله الكائن الغريب داه
دخلت ع اوضتها وقفلت الباب وحطت ايدها ع قلبها الى عمال يدق م الخوف بسبب زين
قالت لنفسها : هو انا خفت منه كدا ليه
رمت نفسها ع السرير
: اااوف بقى امتى كريم يرجعلي وحياتي ترجع لطبيعتها انا زهقت من العيله دي وماما وحشتني اوي دلوقتي فاكره اني اتجوزت وعايشه مع كريم ف سعاده وهنا
وبعدين قالت بحزن : سامحيني ياماما مش عارفه اكلمك علشان خايفه اواجهك ويحصلك حاجه لما تعرفي ال حصل معايا
وبعدين غمضت عيونها ونامت
____بقلم ملك محمد______
"نهار يوم جديد"
زين صحي من نومه لبس هدومه ونزل لتحت لقا عيلته قاعدين بيفطروا
جده : تعالى افطر يازين
زين : لا ورايا حاجه اعملها قبل ما اروح ع الشركه ياجدو
والدته : وراك اي يعني
زين بيبص حواليه على وعد
: هي وعد فين
تميم وهو بيبص لحسناء بخبث : ااه قولت وعد
تمام ببرود قام من ع الفطار اخد كتبه علشان يروح جامعته وهو معدي قال لزين ببرود
: راجع نفسك دي متنفعكش
زين بتعجب : هي مين دي!
تميم قام بسرعه من ع الأكل وهو بيقول استنى ياتمام علشان نروح سوا
وهو معدى من قدام زين قاله
: زوقك جامد اوي ع فكره
وراح غامزله
زين بتعجب : هو في اي
حسناء قامت هي كمان اخدت شنطتها علشان تروح الشغل وهي معديه من قدام زين قالتلوا بخبث
: اي هتباتوا بره النهارده كمان
زين : اي ياولاد المجنونه داه
جده بضحك : سيبك منهم انا عارف زين حفيدي مش هو دا النوع ال يناسبه
والدته : يابابا يمكن اللعنه تتفك على اديها ويعرف يحب زين كبر مبقاش صغير
زين : دا كله علشان سألت فين وعد دانتو عيله لاسعه فعلاً
وسابهم ومشي ناحية اوضة وعد وهو بيقول
: دول مش محتاجين نمثل قدامهم اني بحبها دول مصدقيين من دلوقتي
وصل اوضة وعد ولسه هيخبط لقا الباب بيتفتح ووعد طالعه قدامه بتتاوب وبتفرك ف شعرها المعنكش وشكلها يخض
قال بصراااخ وهو بيرجع لورا : ااااااا
وعد ببرود : اي شوفت عفريت
زين اخد نفسه: الله يحرقك يابعيده دا شكل بني ادمه
وعد وهي بتفرك ف شعرها : هنتخانق ع الصبح يعني ولا اي
زين عدل بدلته ووقف بثبات وقالها
: لا بلاش خناق مش وقته انجزي البسي يلا علشان هتيجي معايا الشركه ولا نسيتي
وعد بعد ماكانت مفتحه عيونها بالعافيه فاقت وقالتله
: هشوف كريم هناك صح
زين ببرود : ايوا هتشوفيه يامهزئه هانم
وعد بفرح ثواني واكون جاهزه
زين : ا....
قاطعته برزع الباب ف وشه
زين بص حواليه بإحراج وتظاهر بالثبات وراح ماشي وهو بيحك ف شعره بإحراج
وعد جهزت وراحتله ع العربيه وهي بتقوله بسعاده
: انا جهزت
زين ببرود : اركبي اركبي عارف انا ال جبته لنفسي
ركبت معاه وطول الطريق قاعده منشكحه
زين بيبص عليها وعايز يتكلم بس متردد
وبعدين قال : بخصوص امبارح والجمله ال قولتيها
وعد بتعجب : جملة اي
زين وهو سايق: اني اخد بالي وانا بمثل اني بحبك اني احبك بجد
وعد بإرتباك : انا قولت كدا بس علشان تسبني امشي انما انا عارفه ان عمرك ماهتحبني
زين وقف العربيه وقالها : كويس انك عارفه كدا وخدي بالك انتي بقى علشان ممكن تحبيني
وراح غامزلها
ونزل من العربيه
وعد : هه مغرور
زين فتحلها باب العربيه وقالها انزلي
وعد نزلت وهي بتقوله : بس دي مش الشركه
زين : مينفعش تروحي ع الشركه بالمنظر داه اكيد يعني دانتي هتبقي سكرتيرة زين الرفاعي
اخدها ودخلها مكان كبير للبس والميكب وقال للبنات ال هناك يظبطوها
قعد مستنيها ع الكرسي عما تخلص سرح شويه وافتكر شكلها وهي ىتعيط علشان فاكره انها باسته لما كانت بتهلوس وهي تعبانه قعد يكلم ف نفسه وبيقول
: معقوله في حد ممكن يحب حد بالطريقه دي دي لآخر لحظه عندها امل انه هيكون ليها معتقدش البنت دي ممكن تعيش مع اي حد بسهوله لو كريم مرجعلهاش البنت دي صعب تكمل حياتها عادي دي مهوسه بيه
فجأه بيرفع راسه لقاها بتقوله
: تاتاتا
وبتلف حوالين نفسها وبتقوله
: قمر مش كدا
زين اتصدم لما شافها وقال لنفسه
: يخربيت جمالك
وعد بتعجب : بتقول اي مش سامعه
زين بثبات : بقول هو دا شكل استغفر الله العظيم
وبعدين قام مشي وقالها
: ورايا ع العربيه
وعد طلعت تجري وراه وهي بتقوله
: ع فكره بقى انا احلى من اختك معرفش قدرت تضحك على كريم ازاي
زين وقف مره واحده ولف وشه راحت خابطه فيه
قالها
: كلمتين حطيهم ف دماغك مفيش راجل ف الدنيا بنت بتقدر تضحك عليه هو ال بيروح بمزاجه
وبعدين سابها وكمل مشي وصل للعربيه وركب
وهي ركبت معاه
زين : بينا ع الشركه
طول الطريق كان زين بيبص عليها ويبتسم ويقول لنفسه
: البنت تاخد العقل بطريقه مرعبه
وعد : هو انا فيا حاجه غلط
زين بثبات وهو باصص قدامه : شكلك وحش اوي ليه حق كريم يسيبك ويطفش
وعد بغيظ : انت واحد مستفز وبارد
زين : بت مطوليش لسانك دا بدل ما ارميكي ف الشارع انت ال محتاجه مساعدتي دلوقتي احترمي نفسك
وعد بغيظ : مانت ند....
زين بصلها : ها
وعد وهي كاتمه غيظها راحت باصه قدامها وساكته
"وصلوا الشركه"
نزلت وعد من العربيه وطلعت مع زين المكتب والكل بيبص عليها ومبهورين بجاملها وشياكتها
زين قال للسكرتير بتاعه دي السكرتيره بتاعتي الجديده وانت هتنتقل مكتب تاني
وعد قعدت ع مكتب السكرتيره وهي مبهوره بالمنظر
زين : خدي بالك حاجه كدا ولا كدا ضاعت عملتي مصيبه ف المكتب هطلع روحك بقولك اهوه
وعد وهي بتبص حواليها بإنبهار : اطمن اطمن وراك رجاله
زين : ياخوفي
وبعدين سابها وراح ع مكتبه
عرف كريم ان زين وصل الشركه خد بعضه وراح لمكتبه
وهو داخل اتفاجئ بوعد قاعده ع المكتب السكرتير
وانبهر بجاملها وشياكتها
كريم بذهول : وعد !
وعد اول لما شافته نفسها عزت عليها اوي وحست انها هتعيط كان نفسها تقوم ترمي نفسها ف حضنه بس حاولت تمسك نفسها وتتظاهر انه خلاص مبقاش فارق معاها
كريم : وعد انتي بتعملي اي هنا
وعد بثبات : زي ما حضرتك شايف انا بقيت السكرتيره بتاعت زين
كريم بصدمه : سكرتيره وحضرتك ! وعد قومي انا عايز اتكلم معاكي
وعد ببرود :اتفضل اتكلم انا مينفعش اسيب المكتب
كريم بعصبيه مسك ايدها وخدها معاه عافيه ع مكتبه
وعد بغضب : انت مجنون اي ال انت بتعمله داه
كريم : انت ال واضح انك لسعتي ع الآخر ومش عارفه انتي بتعملي اي انتي هترجعي مصر فاهمه زي ماجبتك هرجعك
وعد : مش راجعه ياكريم واطمن انا مش موجوده هنا علشان اخرب خطوبتك من حسناء انا خلاص اقتنعت اني فعلا كنت فارضه نفسي عليك وانت من حقك تحب انا اسفالك بجد
كريم : معقوله دا كلامك
وعد : امال عايز اي اركع تحت رجليك واعيط يعني علشان اعجبك ال فات فات خلاص انا قررت ابدأ من جديد
كريم بعصبيه : تبدأي من جديد اه بس مش هنا ابدأي براحتك هناك ف مصر وممكن حضرتك تفهميني كنتي مبيته مع زين لوحدكوا ف البيت القديم ازاي
وعد ببرود : حاجه متخصكش ركز ف حياتك
كريم بغضب: انتي ناسيه اني ابن عمك وانا المسؤل عنك من وانتي صغيره دانتي مكنش ينفع تنزلي الشارع بدون ماتستأذني مني
وعد وهي ماسكه نفسها علشان متعيطش
: دا كان زمان دلوقتي وعد اتغيرت
لسه هيمسك ايدها شدت ايدها بعيد
وسابته ومشيت
شدها من أيدها ليه
وعد بغضب شدة ايدها منه وقالت : بدون ماتلمسني فاهم
كريم شال ايده بعيد عنها وقال بضيق : معقوله مش عايزه تلمسي ايدي
وعد : ايوا متلمسنيش
كريم وهو قاف قدامها علشان متمشيش قالها
: طب اسمعيني طيب
وعد بعصبيه : مش سامعه قولتلك خلاص انت مبقتش تفرق معايا ركز ف حياتك بقى وسبني اعيش حياتي ولا انت لسه بتحبني ومبتحبهاش
كريم بتردد : انا مقولتش كدا
وعد : تمام اتمنالك حياه سعيده معاها
وبعدين سابته ومشيت وصلت لمكتبها اتصدمت لما لقت زين قاعد عليه وعمال يلف بالكرسي
زين : اهلا اهلا بالسكرتيره ال سابت مكتبها ومشيت عادي
وعد بإرتباك : انا ....
زين قام من على مكتبه وقالها بعصبيه
: انتي هنا ف شغل فاهمه ولا لا
وعد لسه هترد عليه بغضب
زين شاف كريم جي ناحيتهم راح مقرب منها بسرعه وحاتط ايده ع بوئها وهو بيقولها
: شششش الشركه كلها تحت أمرك انتي تعملي ال انتي عايزاه فاهمه
وعد بصتله بنظرة تعجب
زين شاورلها بحاوجبه انها تبص وراها
وعد فهمت ان كريم وراها
وعد بتمثيل : هههه اه متشكره جدا ليك يازين مش عارفه من غيرك كنت هعمل اي
زين وهو بيكز ع اسنانه بصوت واطي : اسمها زين بيه يازفته
كريم واقف مدايق قال
: اي خلصتوا ولا لسه
زين : اهلا بمدوب قلوب العزارا تعالى واقف بعيد كدا ليه
كريم بتنهيده : زين انا عايز اتكلم معاك
زين : اه وماله اتفضل تعالى ع المكتب
كريم دخل المكتب يستنى زين
وعد بفرح : شكله حن وهيقولك انه مش بيحب حسناء وهيرجعلي
زين بغيظ : دانتي طموحاتك عاليه اوي خدي بالك ليكي حساب معايا بعدين علشان تبقي تسيبي المكتب وتمشي كدا عادي
وعد طلعتله لسانها
زين بعصبيه : ماشي اصبري عليا
وسابها ودخل لكريم
يتبع .........
بقلم #Malak_mohamed
#حكاية_وعد (6)
وقفنا عند زين وكريم وهما ف المكتب
زين : خير يا كريم في حاجه
كريم : هو مش انا وانت صحاب ومع بعض بقالنا سنين
زين : ايوا
كريم : انا مش هقولك وعد كانت معاك بتعمل اي لوحدكوا ف البيت ولا انت اي علاقتك بيها لأن دا كله مبقاش يعنيني ومبقاش في حاجه تربطنا ببعض بس انا عايز منك خدمه
زين : تمام واي الخدمه بقى
كريم : رجعلي وعد مصر
زين : ليه
كريم : وعد مش هتسكت الا لما تخرب علاقتي بحسناء وانا بحب حسناء ومش مستعد اخسرها
زين : ااااه هي الحكايه كدا انت خايف على مشاعر حسناء بس وعد انت جرحت مشاعرها واهنتها ودا عادي عندك تسمحلي اقولك حاجه بما اننا صحاب يعني وبينا عشره
كريم انت واحد حيوان
كريم بعصبيه : زين انت فاهم غلط انا مجرحتش مشاعر وعد ولا اهنتها زي انت مابتقول وعد اتفرضت عليا من صغرها
زين : هو سؤال واحد وعايز اجابته
حبيت وعد ف يوم م الايام ولا لا
كريم بتردد : منكرش اني حبيتها بس كانت فتره وعدت
زين : كنت بتلعب يعني وهي كانت صغيره مش فاهمه حاجه
كريم : انا مش فاهم انت واخد صفها ليه ومش خايف على اختك
زين : يمكن علشان بحبها
كريم بضحكه :. هههههههه مستحيل اصدق كدبه زي دي انت مستحيل تحب وعد مش هي دي ال بنت ال توقع زين دا غير اني واثق ان وعد كمان مستحيل تحبك وعد مش هتحب حد غيري
زين ببرود وهو بيفكر : طب بما انك واثق اوي كدا ليه عايزها ترجع مصر سيبها معايا انا عايزها
كريم ملامحه اتغيرت : وعد بنت عمي وبتسمع كلامي ولو قولتلها ارجعي مصر هترجع
زين قعد ع مكتبه وقاله ببرود :روح قولها ونشوف هتسمع كلامك ولا لا
كريم طلع من المكتب والغضب ماليه وعد كانت قاعده ع المكتب فرحانه فاكره انه بدأ يراجع نفسه
اتفاجئت بيه خارج من مكتب زين و مقرب منها ووطى عليها وقالها
: لازم ترجعي مصر ياوعد
وعد بصدمه وهي بتبص ف عنيه : ليه عايزني ارجع
كريم بحده : علشان انا مش حابب وجودك هنا وجودك خانقني ووالدتك لسه متعرفش اننا متجوزناش لو عرفت احتمال يحصلها حاجه فلازم ترجعي قبل مااقولها
قالها الجملتين دول وسابها ومشي
وعد الدموع اتجمعت ف عنيها زين فتح باب المكتب وراحلها
وعد ببكاء : هو بجد مش عايزني
للدراجدي انا كابسه ع نفسه دا حتى مش حابب يشوفني قدامه ولا حابب وجودي
زين : افهم انك استسلمتي وهترجعي مصر فعلاً
وعد مسحت دموعها وقالت : لا وهكمل معاك لحد ما اخلي يرجعلي راكع ع رجله ومن هنا ورايح انا فعلاً هتعامل معاه بقسوه زي ماهو بيعمل معايا
زين فرح من قرارها لأنه مكنش حابب انها تستلم لأن الموضوع بقى تحدي بينه وبين كريم وزين مش متعود ع الخساره
قال: تمام وانا لسه عند وعدي ليكي وهرجعهولك
______بقلم ملك محمد_________
"بعد مرور الوقت الشغل ف الشركه خلص وجميع الموظفين خرجوا علشان يروحوا "
زين خرج من مكتبه وقال لوعد يلا مستنيكي تحت ف العربيه
وعد شالت شنطتها ولحقته
لسه هتركب لقت كريم واقف قدام عربيته بيبص عليها عينها جت ف عينه والدموع اتجمعت ف عيونها
زين بص ف المرايه وشافه عرف انها واقفه بتبصله قالها
وعد انجزي يلا
وعد فاقت من سرحانها ومسحت عيونها وركبت جمبه
طول الوقت قاعده باصه للشباك والحزن ف عنيها ومبتتكلمش
زين مدايق وهو شايفها ف الحاله دي قالها
: مش متعود ام لسان طويل تقعد ساكته كدا
وعد وهي باصه للشباك : هو انا وحشه للدرجادي
زين ببرود : اه
وعد بحزن : يمكن عندك حق
زين ببرود : لا ميمكنش دا بجد
وعد بضيق : خلاص بقى دانت انسان مستفز
زين ابتسم لأنه قدر يخليها تنطق
وعد بصتله : انت بتضحك ع اي
زين بإبتسامه : ولا حاجه تحبي تتمشي شويه ع البحر
وعد بفرح : اه ياريت
زين ركن العربيه وقالها انزلي
نزلت بسرعه وطلعت تجري قدامه ناحية الكورنيش
زين بعصبيه : انتي يامجنونه استني
وعد مردتش عليه وفضلت تجري لحد ما وصلت الكورنيش ووقفت عليه وفتحت دراعتها للبحر وشاورت لزين بإبتسامه من بعيد
زين وهو بعيد ابتسم على ابتسامتها وراحلها
وعد : الجو هنا تحفه اوي غير مصر
زين : مصر موحشتكيش
وعد : وحشتني اوي بس مكدبش عليك انا كنت فيها وحاسه ان روحي هنا
زين بضيق : ممكن لما نكون مع بعض متجبيش سيرة حد انا بكلمك انتي
وعد ببرود : طب ممكن سيرة اتنين او تلات
زين : بارده ومستفزه اوي
وعد مشيت لقدام وهو مشي جمبها
: هو انت عمرك ماحبيت
زين : لا انا بحب اتسلى بس انما اورط نفسي ف قصة حب صعب شويه وع فكره اي بنت برتبط بيها بتبقى عارفه اني مش بتاع جواز يعني
وعد بتعجب : هو في بنت ترضى تبقى مجرد تسليه
زين : اه هنا عادي غير مصر
وعد : وطب ليه مجربتش تحب وتتجوز انا شايفه ان سنك كبير مستني اي
زين : بصراحه مش عارف بقولك اي
وعد بصتله : اي
زين : تيجي احبك
وعد وقفت مره واحده واتصدمت من كلمته
زين بضحك : مالك انا بهزر
وعد بإرتباك : اه مانا عارفه
زين بضحك : اطمني انتي الوحيده ال مينفعش احبها
وعد بتعجب : ليه بقى علشان لساني طويل ومش مناسبه ليك
زين : لا أمر لسانك دا سهل انا هقصهولك عادي انما مينفعش علشان قلبك مع حد تاني
وعد : والحد التاني دا بيحب حد تالت اقولك ع حاجه ومتزعلش مني
زين : قولي بس خدي بالك البحر جمبنا هشيلك ارميكي فيه
وعد بضيق : خلاص مش قايله دانتي رخم
زين وقف وقالها : كفايه كدا الجو بدأ يبرد يلا نروح
وعد : فعلا انا بردت
زين : مبتقوليش ليه انك بردانه
وعد : هتعمل اي يعني
زين : هعمل كدا اهوه
و خلع جاكته وحطه عليها
وعد وهي مش واخده بالها قالت بعفويه
:لا كدا هتاخد برد ياكيمو
زين ملامح وشه اتغيرت وراح شايل الجاكت من عليها ولبسه تاني وهو بيقولها
: تصدقي انا غلطان ابقي خلي كيمو ينفعك وسابها ومشي راح ع العربيه
وعد طلعت تجري وراه
: انت بتدايق ليه لما بقول اسمه
زين ببرود : وهدايق من اي كل الحكايه اني مبحبش حد يجيب سيرة حد وهو معايا
وعد بعناد : اه تمام كدا انا لقتلك نقطة ضعف
زين وقف وبصلها
: اياكي تفكري تعمليها
وعد بضحك : ياكريم كريم كريم يا كيمووو
زين اتعصب وقام شاددها لحضنه جامد ورافع وشها لفوق وبص ف عنيها بحده وقالها
: متحوليش تستفزيني علشان هتزعلي
وعد بخوف : انا كنت بهزر
زين سرح ف عيونها لثواني وقلبه كان بيدق جامد
كان ماسكها بقوه لدرجة انها مكنتش عارفه تبعد نفسها عنها
وعد بخوف وهي بصاله : ممكن تسبني
زين اتنهد وبلع ريقه وزقها لبعيد بتوتر
: متبقيش تستفزيني تاني
وعد بخوف راحت ع العربيه بسرعه
زين ركب هو كمان وكمل طريقه بس كان باين على ملامحه الغضب
وعد : هو انت ليه بتتحول مره واحده اوقات الاقيك بتهزر معايا وكويس واوقات بتبقى شخص مرعب
زين : هو انا كدا اتعاملي معايا بحزر وحاولي متستفزنيش علشان وقتها مبكونش عارف انا بعمل اي
"وصلوا البيت بعد وقت قليل"
دخلت وعد الأول
لسه هتتكلم اتصدمت لما شافت كريم قاعد جمب حسناء وماسكه ايده
رجليها مكنتش شايلاها
زين دخل وراها شاف كريم وحسناء
راح مقرب منها وماسك ايدها
دخل زين وهو ماسك ايد وعد
زين : طب مش تقولوا ان كريم هنا
تميم وهو بيفرك ف عنيه : هو ال انا شايفه صح انت ماسك ايد وعد
زين ببرود : لا غلط
وعد قعدت وزين كمان قعد
كريم : راجعين متأخرين يعني داحنا خارجين من الشركه من بدري
زين : كنا بنتشمى شويه ع البحر مش كدا ياوعد
وعد كانت باصه على كريم هو وحسناء بصدمه ومكنتش بتتكلم
زين : انتي انا بكلمك
وعد بإرتباك : ها اه
والدته : مالك ياوعد انتي كويسه
وعد بإرتباك : اه مفيش حاجه
حسناء : واضح ان العشاق زادوا اتنين
كريم بخبث : معتقدش
جدهم : ها اي الإخبار ف الشركه ياوعد
وعد بعدم تركيز : تمام كله تمام
حسناء بتعجب : هي وعد بقت بشتغل ف الشركه
كريم : ايوا بقت سكرتيرة زين
حسناء بصت لزين بضيق وقالت
: هي مش مفروض وعد راجعه مصر
زين ببرود : في شوية مشاكل ف الباسبور بتاعها فهتتأخر هنا شويه
الخادمه جابت الحلو وحطته قدامهم
حسناء راحت شايله قطعه بالشوكه ومأكله كريم ف بوئه علشان تدايق وعد
وعد كان باين عليها الحزن اوي وكأن قلبها بيتعصر من الألم زوجها ال عاشت تحلم بيه قاعد جمب واحده تانيه وبتأكله
زين حس انها تايهه راح شايل طبق حلويات وقالها
: وعد خدي
كريم بلهفه : وعد عندها حساسيه من الشكولاته اديها قطعه بالڤانليا
الكل اتصدم من جملته
مديحه : وانت تعرف المعلومه دي منين انت تعرف وعد
كريم ارتبك
زين رد بسرعه علشان يلحق الأمور
: اصل النهارده كان في حلويات ف الشركه ووعد رفضت تاخد علشان عندها حساسيه من الشكولاته بس انا نسيت
تميم : اااه كويس انكوا قلتوا بردو
وعد شدت الطبق ال بالشكولت واخدته من ايد زين
زين : احنا بنقول عندك حساسيه
وعد بغيظ : عادي انا كويسه محدش يشغل باله
وبدأت الأكل والدموع مجمعه ف عنيها
كريم الضيق بان على وشه لأنه عارف ان عندها حساسيه وكدا بتأذي نفسها
زين بيبص عليها ومستغرب كانت بتاكل كأنها بتنقم من نفسها
: وعد كفايه هاتي الطبق
مردتش عليه
زين قام بغضب وراح شد الطبق منها بقوه وحطه ع التربيزه وشدها من ايدها وخدها ع فوق
كريم لسه هيقوم من مكانه يلحقها افتكر انه خلاص مبقاش ينفع اتنهد ورجع ضهره لورا تاني
حسناء بخبث : واضح ان زين ووعد الفتره دي قريبين من بعض اوي
تميم : انا حاسس ان وعد متغيره معرفش ليه بس انا متأكد ان فيه حاجه مزعلاها مش هي دي وعد ال جاتلنا البيت اول مره
والدته : تلاقي أهلها ف مصر وحشوها وكمان خطيبها سابها فلازم تكون نفسيتها تعبانه سبوها براحتها
تميم : خطيبها دا معندوش زوق بقى دي تتساب اي رأيك ياماما بما اني مرتبط وزين مستحيل يتجوزها احنا نجوزها لتمام ونخليها تعيش معانا هنا ع طول انا اتعودت على وجودها اوي
تمام كان بيشرب المايه طلعت من بوئه وشرق وفضل يكح
جده بضحك : متخفش تميم بيهزر
الكل فضل يضحك الا كريم كان قاعد وشه باين عليه الغضب وهيموت ويعرف اي ال بيحصل فوق مع زين ووعد
تمام ببرود بعد ماخد نفسه : انا لو مسكت خطيبها ال سابها داه هرنه علقه
تميم : علشان ندل مش كدا
تمام ببرود : لا علشان سابلنا بلوه
وقام من مكانه دخل اوضته
حسناء : سيبك منهم ياكيمو تعالى نخرج الجنينه شويه
كريم كان سرحان ومش مركز
حسناء بضيق :. ع فكره انا بكلمك
كريم : انا اسف بس حاسس اني مش مظبوط
حسناء : واي بقى ال شاغل دماغك
كريم : مفيش قومي نطلع الجنينه شويه
حسناء : ياسلام مانا كنت لسه بقول بس حضرتك مش معايا تقريباً
____________
زين اخد وعد ع أوضته وهي عماله تعيط
قالها بعصبيه : هتفضلي مورياه انك حزينه من غيره هتفضلي مبينه ليه انك محتجاه
وعد ببكاء : مش قادره اتخيله مع حد غيري الكلام سهل بس الفعل صعب وانت عمرك ماهتحس بيا
وفضلت تدب على قلبها وتقوله
دا بيحترق في نار جوه شخص فضلت سنين بحلم بيه كل يوم فجأه مبقاش ليا
زين حاول يهديها
: طب خلاص اهدي
وعد فضلت تخبط على قلبها وتعيط وهي بتقوله
: دا بيوجعني اوي وانت عمرك ماهتحس بيا ولا حد هيحس بال أنا فيه
زين مسك ايدها بالقوه علشان يهديها
: طب اهدي ياوعد خلاص انا عارف ان الموضوع مش سهل بالنسبالك
وعد بعصبيه وبكاء: انت وعدتني انك هترجعهولي مرجعش ليه ها مرجعش ليه
زين : علشان انتي مش مسعداني كل مره ببتصيله فيها بتضعفي وهو طول ماهو شايفك ضعيفه ومحتجاله عمره ماهيحن انا عايزك قويه فاهمه
وعد بدأت تهدا
زين ساب ايدها وشد منديل من جمبه وقرب منها
وعد بصتله والدموع مغرقه وشها
زين : متخفيش
وراح مقرب المنديل من بوئها علشان يمسحلها الشكولاته ال كلتها بره
: حاسس ان معايا عيله في حد وهو بياكل يبهدل نفسه كدا
وعد مبتتكلمش
زين :بقى عايزه تموتي نفسك علشان داه طب تصدقي انه ميستهلكيش
وعد بنظرة حزن : بتجبر بخاطري تاني
زين وهو بيمسحلها بوئها : اكيد طبعاً يعني هكون بتكلم جد
وعد بغيظ : انت واحد....
زين بإبتسامه : بارد عارف
ركز شويه ف شفايفها ال عليها شكولاته وهو بيمسحها
اتوتر وراح شايل ايده عنها واداها ضهره وقالها
: خدي منديل وامسحي بوئك كويس
وراح رامي المنديل ف الباسكت وقال لنفسه
اي الهبل ال انا بعمله داه
وعد مسحت بوئها وقالتله
: شكراً
زين لف وشه ليها بتعجب : قولتي اي
وعد : شكراً
زين : دي اول مره تقولي شكراً انتي كويسه ولا الشكولت ال أكلتيها تحت آثرت عليكي
وعد : ممكن اعرف انت بتساعدني ليه
زين : علشان مش حابب علاقة كريم بحسناء ولو كريم رجعلك كدا أنا هكون مطمن ع اختي
وعد : اها
زين : وكمان في حاجه
وعد : اي
زين : انا مشفق عليكي اوي كائن مهزء صعبان عليا جدا
وعد بعصبيه : مستفز
زين : مش اكتر منك
فجأه بيسمعوا صوت ضحك جاي من تحت ف الجنينه
راح زين ناحية البلكونه وبص لتحت شاف حسناء وكريم مع بعض
وعد لحقته : اي في اي
زين وقف قدامها وزقها لجوه : مفيش اتفضلي ع اوضتك يلا انتي ناسيه انك ف اوضتي ولا اي
وعد : ومالك بتزوقني كدا ليه
زين: انا حر اجري يلا ع اوضتك احنا هنتصاحب
وعد بغضب سابته وخرجت وهي بتبرطم
قابلت تمام لتاني مره وهي خارجه م الأوضه
وعد بتوتر : انا انا ....
تمام قاطعها : مسألتكيش بردو
وسابها ودخل اوضته
وعد دخلت اوضتها وهي بتقول : كائن غريب فعلاً
دخلت غسلت وشها وغيرت هدومها وهي واقفه بتسرح شعرها سمعت صوت ضحك جاي من تحت
خرجت البلكونه بصت لقت كريم واخد حسناء ف حضنه وبيهزروا سوا
بصت ليهم بحزن فجأه سمعت صوت زين بيقول
: فضوليه كنت عارف انك هتطلعي
وعد بصتله : اي البيت ال مفهوش خصوصيه داه
زين ببرود : احمدي ربنا انك لقيتي بيت يلمك بعد ما رماكي ف الشارع
وعد بصت ناحية كريم وحسناء بحزن
زين : عيطي عيطي متتكسفيش
وعد بعصبيه : انت مالك اعيط ولا معيطش ادخل اوضتك وملكش دعوه بيا
زين : داخل ياام لسان طويل عيطي انتي مع نفسك بقى يارب تتحولي زومبي
ودخل جوه اترمى ع سريره وبص للسقف وهو سرحان اتخيل كلامها وحركاتها العفويه ابتسم وغمض عينه
حاول ميفكرش فيها بس مقدرش كل اما يغمض عينه تظهر قدامه قال لنفسه
دي لعنه دي بقى هتبقى ورايا ف الواقع والخيال
_____________
كريم مشي وحسناء طلعت لزين فوق
الباب خبط
زين وهو باصص للسقف
: ادخل
حسناء فتحت الباب
زين بدون مايبص يشوف مين قال
: جايه تعيطي هنا ولا اي
حسناء بتعجب : اعيط ! اعيط ليه
زين اتفاجئ لما لقاها حسناء قال
: هو انتي افتكرتك المهزئه التانيه
حسناء : طالما في مهزئه تانيه يبقى في مهزئه اولى
زين ببرود وهو نايم : انتي ياروح قلبي المهزئه الأولى اكيد
حسناء دخلت وقعدت ع طرف السرير وقالتله
: طول عمرك رخم
زين : في اي علشان عايز انام
حسناء: ممكن افهم اي ال انت بتعمله
زين ببرود : بعمل اي مش فاهم
حسناء : مخلي وعد السكرتيره بتاعتك ليه
زين ببرود : اصلها بتوحشني
حسناء : مش عليا انا الكلام داه انت عارف اني فهماك اكتر من نفسك
زين : وانتي لو بتفهمي كنتي اتخطبتي لواحد زي كريم
حسناء : ايوا ماهو دا بقى ال انت بتعمله عايز تفركش علاقتي بكريم فجبت وعد معاه ف الشركه علشان يفضل يشوفها كل دقيقه ويحن ليها
زين ببرود: وافرضي دا حصل اي ال مدايقك انتي مش واثقه ف خطيبك وعارفه انه بيحبك خلاص متشغليش بالك بأي حاجه
حسناء وقفت وقالت بعصبيه : انا اه واثقه فيه وعارفه انه بيحبني وعمره ماهيبص لبنت زي وعد
زين : طيب تمام ملكيش دعوه بوعد بقى وركزي مع خطيبك
حسناء بعصبيه : انا من بكرا هنقل ملفي لفرع الشركه عندك وهاجي بنفسي يازين واخلي بالي من كريم
زين بسخريه : ليه هو عيل صغير خايفه عليه ليتخطف
حسناء اتعصبت والغضب ظهر على وشها وسابته وخرجت
يتبع ........
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق