رواية عشقت العمده نور الفصل الاول والثاني والثالث والرابع والخامس بقلم رنا احمد عماد
رواية عشقت العمده نور الفصل الاول والثاني والثالث والرابع والخامس بقلم رنا احمد عماد
بسم الله الرحمن الرحيم ..
البارت الاول ....
رواية عشقت العمده نور الفصل الاول والثاني والثالث والرابع والخامس بقلم رنا احمد عماد
في الصعيد .
في قصر وهدان كبير الدباح .
في غرفه وهدان .
كانت تقف زوجته سعديه وهي تساعده في ارتداء عبايته وعمته ليلاحظ وهدان شرودها .
وهدان باستغراب /مالك عاد ي سعديه شكلك مش زينه .
سعديه بحزن /هكون زينه كيف ي حاج وحال بتي كده .
وهدان بعصبية/مالها نور دي بت بمائه راجل متحمله مسؤوليه بلد بذاتها .
سعديه بحزن/وانا ايه فيدتي في كل ده عاد دي بتي الوحيده عايزه أشوافها متهننه في بيت جوزها وأشوف عيالها حوليا كده البت خلاص نست أنها بت وبقت شايفه نفسها راجل طول الوقت ي حاج .
وهدان بوجع وكسره/انتي بتعيرني اني مخلفتش الواد ي سعديه بتعيرني بعجزي الي حوصل بعد ماخلفت نور .
سعديه بلهفه /ينقطع لساني لو ده قصدي انا بقول أن حسك في الدنيا ليه نور تبقا كده .
وهدان بعصبية/انا مش عايز حديد في الموضوع ده واصل سبق وانتي عارفه انا ليه عملت كده كان لازما اخلي نور خلف ليا ولا كنتي عايزه العمده تتنقل ل بدران وولاده واموت انا بحسرتي .
سعديه بحنان /بعد الشر عليك ي سيد الناس حقك عليا يلا عاد علشان نفطروا .
في غرفه العمده نور 💪💪💪💪.
كانت تقف أمام المراه بقوه وتحدي فهي فتاه قويه للغايه قد تحددت كل الصعاب وتخطت كل أحلامها من أجل ابيها من أجل ذلك البلد الذي تعلم لولا حدوث ذلك لكانت ذلك البلد وقعت في يد من لا يرحم ولكنها اخاذت عهد أمام الله أن تكون دائما رمز العداله لذلك البلد .
ريم بابتسامه /صباح الخير ي جناب العمده .
نور بابتسامه/كيفك ي بنت خالي .
ريم بابتسامه /زينه جوي جوي بقولك ايه عايزه منك خدمه .
نور وهي ترتدي عبايتها /جولي بس اخلصي انا مش فاضيالك .
ريم بابتسامه ورجاء/ابوس يدك تكلمي عمي يوافق اني اروح الجامعه .
نور بابتسامه وحنان /واه عاد عليكي مقولتلك هكلمه انا وعدته اني هعرف احميكي زين والي حوصل قبل كده مش ممكن يحصل واصل .
ريم بعصبية/وان كان ذنبي ايه عاد علشان عمي يمنعني من الجامعه .
نور بابتسامه وتوعد/ابوي خايف عليكي يا ريم بس متقلقيش واصل الزفت عمار مش ممكن يقرب منك تاني ساعتها قسما بالله هعلقه زي الدبيحه في البلد كلها وجامعتك هنروحيها ده انتي بنت خال العمده ي بت .
ريم بمرح /اموت فيك انت ي جناب العمده .
نور بعصبية/اتحشمي عاد ي بت اتحشمي .
ريم بارتباك من هيئتها /احمم اسفه ي نور .
نور بقوه /اسمعي عاد ي ريم الحرمه مينفعش تبقا طريه كده فاهمه .
ريم بتفهم /فاهمه ي نور .
في القاهره ...
في فيلا اللواء سراج الدين .
كان ذلك المشهد الذي يتكرر كل يوم كابر باشا وعاميله ..😂😂😂😂😂.
سراج بصراخ وغيظ /انت ي زفت الطين ي عره الظباط ي عملي الاسود في الحياه دي .
شمعه بابتسامه /صباح الفل ي سياده اللواء مين الي معكر مزاجك علي الصبح .
سراج بغيظ /هو فيه غيره اخوكي همي التقيل اللواء أشرف عمال يرن مش عارف ارد أقوله ايه والباشا نايم لحد دلوقتي .
شمعه بابتسامه /والله ي بابا المفروض أن اللواء أشرف نفسه يكون خد علي كده .
كابر بنعاس وهو ينزل الدرج/والله ده الي المفروض يحصل ي شمعه بس اعمل ايه رجل غريب .
سراج بغيظ /هو فعلا غريب حد كان قال ل سعادتك انك وزير الداخليه ولا حاجه .
كابر وهو يأكل التفاحه ببرود / لا اله الا الله ده كلهم ساعتين الي اتاخرتهم ي عني مش حوار ..
سراج بغيظ /اه طبعا عندك حق ويترا الباشا كان فين انبارح .
كابر بغرور وخبث/كنت بخلص قضيه كده بس ايه تعبتني اوي لحد ماخلصت .
سراج بغيظ وهمس/خود بالك لاني هبلغ عنك قريب اوي هتلاقي نفسك ممكسوك اداب .
كابر بمكر /تيجي منك برضه ي سراج تبلغ عن ابنك .
سراج بتوعد وغيظ /ايوه تيجي .
شمعه بابتسامه /سلام بقا علشان هتاخر عن الجريده .
كابر وهو يأكل ببرود /خالي بالك من نفسك .
سراج بغيظ /هو سعادتك لسه هططف وبعدين تنزل .
كابر ببرود/لا .
سراج /الحمد لله .
كابر ببرود /لسه هاخد شور واعمل شعري واتكاجول وانزل علطول .
سراج بغيظ /اه انا هروح اخد حبوب الضغط .
في الصعيد ..
في فيلا وهدان .
كانت تبكي هنيه بدموع وورعب .
نور بحده /جرا ايه عاد ي بت بطلي بكا عاد .
هنيه بدموع /امال اعمل ايه عاد ي جناب العمده ده انا كده اتفضحت ده ابويا هيقتلني .
نور بغضب /وانا روحت فين ي بت اكتمي حقك هياجي وهجيب الي عمل كده وادفنه تحت رجليكي واد ي عوض .
عوض /تحت امرك ي جناب العمده .
نور بأمر وقوه /حالا الواد صبحي يكون تحت رجلي هنه .
عوض /امرك ي جناب العمده .
في وزاره الداخليه .
كان يسير كابر بغرور ووسامه طاغيه ف كابر عبد الحي يتمتع بوسامه طاغيه تسحر كل من يراه .
ادهم بابتسامه /صباح الفل ي كبير للواء أشرف قالب عليك الدنيا .
كابر بابتسامه /وايه الجديد هشوفه واجيلك .
في مكتب اللواء أشرف .
كابر ببرود /حضرتك طلبتني .
اشرف بغيظ /اهلا اهلا بسعاده الباشا .
كابر بمرح /ده اكيد وراه وصله تهزيق سعادتك ممكن اسمعها كلها مره واحده علشان مش فاضي .
اشرف بغيظ وهو يخبط المكتب /اسمع يلا انا خلاص ماهو ي تستقيل انت ي اسيب انا الوزاره دي واطفش
كابر ببرود /وانا عملت ايه ل ده كله سعادتك .
اشرف بغيظ /لا ابدا ي عني الاسبوع الي فات قبضت علي الحرامي وفي ثانيه كنت مسدد كل الي دفعه ومخرجه ايه ي حنين احنا في وازره الداخليه ولا في وزاره التضامن الاجتماعي .
كابر بغرور وبرود /ي باشا مش انا بما خرجته خدمته عملت في جميله خليته انسان جديد .
اشرف بغيظ /اه في دي عندك حق واهو سرق نص شقق القاهره ومش عارفين نجيبه لحد دلوقتي علشان كده خلاص انت مش هتتطلع مهمات تاني انا لو من مدير الأمن هواقفك علي دريم بارك .
كابر باستفزاز /ي باشاانا قولت لسعادتك ماليش في مكافحه السرقه والكلام ده وديني الادب هنضف البلد صدقني .
اشرف بغيظ /اه تنضف البلد وتقبض علي البنات علشان تظبط انت معاهم اسمع الحمد لله يارب انت جالك قرار نقل .
كابر بغيظ /قرار نقل فين .
اشرف باستفزاز /في الصعيد .
كابر بغضب /نعم الصعيد لا طبعا .
اشرف باستفزاز /انا عارف أن مشاكلها كتيره بس ده وقتك بس علشان تثبت نفسك .
كابر ببرود /انا مببتكلمش علي كده خالص قصدي أن الصعيد حار ونموس وكده شكلي وشعري يبوظوا ..
اشرف بغيظ شديد /ياارررب اشكو اليك .
يتتتتتتبع .
😂😂😂😂😂
عشقت العمده نور 😂😂😂😂.
البارت الثاني .....
رنا احمد عماد ✍️✍️✍️✍️✍️.
عايزه تفاعل لأن التفاعل الي فات معجبنيش خالص .
في وزاره الداخليه ..
في مكتب كابر .
ادهم بضحك /هههههههه مش مصدق والله بقا كابر باشا هيروح الصعيد .
كابر بغيظ /شوفت شوفت ي ادهم انا كنت عارف أن اشرف مش ناوي يجيبها ل بر معايا .
ادهم بابتسامه/ي راجل حرام عليك ده انت هتجيب شللل ل راجل .
كابر بحسره /ي حسره عليك ي دنجوان الداخليه .
في الصعيد .
في بيت بدران .
كان ينزل عمار بغضب شديد .
عمار بغضب/انت هتفضل كده ي ابوي ساكت علي أن البت دي تبقا العمده وتفضل تتحكم فينا احنا الرجاله دي الناس كلت وشنا .
يوسف بحده /انت علطول كده عايز الدنيا تكون والعه من حواليك من امتا وانت من ميتا كنت بشتغل نفسك بالحديد ده .
عمار بغيظ /اسكت انت ي سي يوسف مانت دائما تتدافع عن الحربايه دي .
يوسف بغضب /نور زي اختي ومش حربايه ي سي عمار انت الي النار قايده فيك وخلاص .
بدران بغضب شديد/اكتم انت وهو عاد بلاش حدادكم الماسخ ده روح ي يوسف انت المصنع ي ولدي .
يوسف بضيق/حاضر ي ابوي .
بدران بحده /اقعد وافهمي حديدي زين ي واكل ناسك الأرض بتاع عمك وهدان فيها اثار ي عني فلوس ياما .
عمار بانتباه /قصدك ايه عاد ي ابوي .
بدران بغيظ /قصدي أننا لازم نكون زين معاهم علشان نعرفوا ناجروا الأرض منيهم فاهم ي عني ابعد عن البت ريم واصل مش ناقصين مشاكل فاهم .
عمار بضيق /حاضر ي ابوي حاضر .
في فيلا سراج ..
كان يقوم كابر بتجهيز اغراضه للسفر .
سراج بابتسامه واستفزاز /تعيش وناخد غيرها ي كابر .
كابر بغيظ /انا عارف أن الفرحه مش سيعاك بس مش عيزاك تفرح اوي رجعلك قريب .
سراج باستفزاز /ها ابقا قابلني ده انا موصيهم.
كابر بغيظ /انا كنت عارف أن كل ده مترتب .
سراج باستفزاز /خالي بقا المززز ينفعوك هناك في الصعيد مش هسيبك ي كابر قبل ماتتغير من التفاهه دي وتبقا الظابط كابر عبد الحي الي انا بتمناه .
كابر بغرور وتحدي /مش هتغير ي بابا وهفضل زي مانا متخلقش لسه الي يغيرني .
من أمام منزل وهدان
كانت تقف بجلبابها الصعيدي فكل من يقف أمامها ينكمش خوفا فهي نور لا يدل اي شي بها علي انها انثي بل بالفعل تتصرف كاقوا الرجال فوالدها لم ينجب غيرها وتعلم جيدا أنه كان يريد ذكر فاصرت علي أن تكون رجلا في كل شي الا ان اصبحت العمده نور ....
نور بغضب شديد /هقطع خبرك لو مقولتش مين الي صور البت أكده ونزل كمان الصور .
صبحي بخوف وارتجاف /والله ي ست الناس انا ماليش صالح واصل .
نور بهمس كفحيح الافعي /اتكلم ي صبحي .
صبحي بخوف /ده الواد رشاد هو الي عمل كده علشان هي كانت دايما بتنفضله بس انا والله ماليا صالح ي عمده.
نور بغضب جحيمي /كيف ملاكش صالح وانت كنت عارف كل ده وساكت عوض .
عوض الغفير /تحت امرك ي جناب العمده .
نور بتوعد /علقلي الواد ده ومعاه الواد رشاد واجمعلي أهل البلد كلهم لازما يشوفوا عقاب العيال ده قصاد عنيهم .
عوض /تحت امرك ي جناب العمده .
بعد وقت ...
كانت نور بقوه تضرب بهم بالكرباج بغضب وغل كانوا يصرخون ولكن العمده نور لا تتهاون مع احد ليقاطعهم مجئ الظابط كابر ..
كابر بغضب وغرور وهو يخلع نضارته /ايه الي بيحصل هنا بالظبط انا لسه مستلم البلد هنا وعارف انها مش هتعدي علي خير بس احب اعرفكم اني الظابط كابر عبد الحي والي لسه معرفنيش يفتح النت ويعمل عني سيرش ايه الي بيحصل هنا بالظبط .
نور بحده وهي ترمي الكرباج أرضا /البلد دي بلدنا وحضرتك هنه للخناقات الكبيره الحرائق تقدر تحقق براحتك لكن مش في شؤون بلد انا الي مسؤوله عنها .
كابر وهو ينظر لها بتفحص /انتي مين انشاء الله .
نور بغرور وقوه /انا العمده نور عمده الدباح .
كابر بصدمه /ايه ده معقوله العمده ست دي بجد غريبه .
نور بغرور وحده /ماغريب الي الشيطان ي باشا انا مش ست انا بمائه راجل .
كابر بإعجاب وهمس /دي انتي مش ست وبس ده انتي ست الستات كلهم يخربيت عيونك ي شيخه .
نور بحده /احترم نفسك ي حضره الظابط واحسالك متتحدنيش لأن زعلي واعر جوي جوي اتفضل بقا علي القسم بتاعك .
كابر بتحدي وغيظ /بقا كده طيب انت ي ابني انت وهو لملولي العيال دي وفوقيهم العمده نور أما نشوف اخرتها ايه عماللالي فيها سبع رجاله في بعض مبقاش كابر عبد الحي لو مقلعتهاش لبس العمده ده ولبستها قميص نوم .
نور بقوه وغيظ /انت قولت ايه .
كابر بغرور واستفزاز /قولت اني هلبسك قميص نوم ي جناب العمده .
نور بخبث ومكر /طب ماتقرب شويه كده عاد .
كابر بغرور /ها كنت عارف اني عجبتك وانك هتسلمي اهو .
ليقترب كابر بغرور لتخبطه نور في رأسه بغضب ليصرخ الما اه اه 😂😂😂😂😂.
نور بغرور واستفزاز/علشان تعرف انت بتحدد مع مين ي حضره الظابط .
كابر بغيظ والم /طيب انا هوريكي من هو كابر عبد الحي .
وهدان بقلق/ايه الي بيحصل ده فيه ايه ي نور .
نور بغرور وهي تكتم ضحكاتها /ابدا ي ابوي كنت يقوم بالواجب مع حضره الظابط .
وهدان بقلق /احنا اسفين ي حضره الظابط هي بنتي نور عصبيه بس شوي .
كابر باستفزاز /بنتك هي فين دي قصدك زغلول الي واقف ده بصراحه انت كده بتظلم البنات .
نور بغضب وغيظ /انا زغلول ي ديك ي شركسي انت .
كابر بغيظ /طيب اذا مكنتش اقاعدك في بيتكم تخرطي ملوخيه مبقاش انا ي عمده نص كم انتي .
في منزل وهدان ..
سعديه بغضب /انتي هتفضلي علطول كده بتتعاملي كيف الرجاله .
ريم بضيق /ي ريتني كنت معاكم .
نور يزهق /جرا ايه ي أما عاد هتفضلي تقطمي فيا كده قولتلك ده ظابط قليل الحيا وجاي شايف نفسه بس علي مين ده انا نور واسمعوا مني الظابط ده مش هخليه يكمل يومين في البلد دي وهتشوفوا .
سعديه بياس /خود ي عوض العشاء ده وديه ل حضره الظابط كابر .
نور بغيظ /ايه الي عم تقوليه ده ي أما هو عيل صغير ولا ايه ميطفح لحاله .
سعديه بغيظ /بقولك ايه عاد شوفي مصالحك وسيبك من الظابط ده الي وأكل دماغك .
نور بغيظ /واكل دماغي ايه ي أما ده ولا بفكر فيه اساسا انا رايحه اشوف حالي .
في شقه كابر ..
كان ينظر إلي راسه في المراه بغضب .
كابر بغضب وغيظ /ماشي ي نور أما وريتك مين الي بيرن عليا دلوقتي سوزي ازيك ي روحي .
سوزي بحزن /اوووه ي بيبي زعلانه علشانك خالص .
كابر بخبث /اه شوفتي شوفتي الي حصل ل حبيبك بقولك ايه كلميني فيديو ده انتي وحشاني اوي عايز ابوسك ي روح قلبي .
علي باب الغرفه كان يقف عوض وهو يحمل صينيه الاكل ليسمع ذلك الحوار .
استغفر الله العظيم لا المسخره دي ميتسكتش عليها واصل لازم ابلغ جناب العمده .
في المندره .
هنيه بابتسامه/ربنا يخليكي لينا ي جناب العمده رديتيلي كرامتي في البلد كلها .
نور بابتسامه /الحمد لله ي هنيه وبعد كده خالي بالك من حالك .
ريم باستغراب /مالك ي عوض رجعت بالصينيه تاني ليه .
نور بحده وغيظ /تلاقيه معجبوش اكلنا الديك الرومي ده .
عوض بخجل /لا ي جناب العمده ده استغفر الله العظيم .
نور بغضب وأمر /جرالك ايه ي عوض اتكلم زين .
عوض /بصراحه ي جناب العمده انا روحت لقيت معاه حرمه من اياهم وبيقولوا كلام استغفر الله العظيم .
نور بغضب شديد /مش قولتلكم أنه ظابط قليل الحيا قدامي قدامي ي واكل ناسك .
ريم بلهفه /استني ي نور جايه معاكي .
من أمام شقه كابر .
نور بغضب شديد وهي تتطرق الباب /افتح افتح الباب ي عره الرجاله افتح .
كابر بنعاس وضيق /ايه جبتي الفطار باخد نسكافيه الاول .
نور بغيظ /نسكافيه وبعدين وهي تتداري وجهها يلهههوي ايه ده ي عديم الحيا مش تلبس خلاجتك كلها قبل ماتخرج اتحشم مش كده .
كابر باستفزاز /اتحشم اكتر من كده ايه لابس برمودا وتيشيرت هو اناخارجلك بالبوكسر وبعدين ده احنا رجاله زي بعض مفيش فرق 😂😂😂😂😂.
عشقت العمده نور 💪💪😂😂.
رنا احمد عماد ✍️✍️✍️✍️.
البارت الثالث ...
من أمام شقه كابر .
كابر بغيظ وهو يرتدي بنطلونه /ها كده اتحشمت ولا اغطي شعري بالمره .
نور وهي تنظر إليه بغيظ /ايوه كده ولا وأنه لبسك ده مش لبس رجاله واصل الراجل لازم يلبس جلابيه تستره وهيبه كده .
كابر باستفزاز لها /خدت بالي أن الرجاله هنا كلها لازم تلبس جلاليب زيك كده .
نور بغيظ /بقولك ايه عاد من غير حديد كتير طلع البت الي جوه دي بدل مادخل اجيابها انا من شعرها وفضيحتكم تبقا بجلاجل .
كابر باستغراب /بت مين .
عوض بحده /البت الي كانت معاك جوه ي حضره الظابط انا سمعكم وانتوا استغفروا الله العظيم .
نور بحده/استغفر الله العظيم .
ريم بخجل /استغفر الله العظيم .
كابر ببرود /انتوا جاين تتوبوا هنا ولا ايه متخلصوا فيه ايه .
نور بغيظ /هو فيه ايه عاد في حديدنا مش مفهوم ي حضره الظابط المسخره دي متحصلش في بلدنا واصل انك تجيب بنات هنه وتنجس البلد مش هقبل بالحديد ده واصل .
ريم بهيام /واه عاد ي نور واذا مكنش القمر ده يجيب بنات هيكون مين .
كابر بمرح وهمس /والله انتي الي قمر .
نور بغضب شديد/اتحشمي ي بت بلا قله حياه .
ريم بزهق/اتحشمنا .
كابر بغيظ ونعاس /بقولك ايه ي حاج زغلول مفيش حد جوه ولو عاوزه تشوفي خلصي علشان عايز أنام .
نور بغيظ /أكده ماشي انا هدخل بنفسي اشوف .
في داخل الشقه .
كانت تبحث نور بغيظ في جميع الغرف لتقع عيناها علي كل شي يخص كابر ليجذبها صوره مع ذلك الفتاه لتمسك الصوره وهي تنظر إليها بشده .
كابر باستفزاز /اختي .
نور بارتباك /وانا مالي اصلا كل الحكايه أن شكلها بنت جميله وانت ايه اصلا الي دخلك وانا موجوده .
كابر بنعاس شديد /الي دخلني اني نعسان علي الاخر.
نور بغيظ وهمس /ليلتك سوده ي عوض الكلب مفيش حد هنه و لتنصدم وهي ترا كابر قد نام من شده النعاس لتسرع الي الخارج .
نور بغضب شديد /مفيش حد جوه ي واكل ناسك .
عوض بخوف /والله ي حضره العمده كان .
نور بحده /اخرس عاد ادخل طفي الشقه زين واقفل زين لانه نام يلا .
عوض بارتباك /حاضر ي جناب العمده .
ريم بابتسامه /ايه شكلك ملقتيش حاجه .
نور بغيظ /وهو ده عاد إلي غيظني من الحمار ده خلاني جيتله كده دلوقتي يقول عليا ايه .
ريم بابتسامه /هيقول ايه ي ستي ده نايم اساسا مش هيفتكر حاجه واصل بس انتي شكلك شوفتي حاجه شغلتك .
نور بوجع تخفيه بداخلها /شوفت صورته هو واخته قلبت عليا المواجع كان نفسي يكون ليا اخ يشيل هو الي انا شيلاه ده .
ريم بحنان ومرح /جرا ايه عاد ي جناب العمده ده انتي بمائه راجل .
نور بابتسامه /عندك حق .
عوض برعب /كله كله تمام ي جناب العمده .
نور بغضب /ماشي ي جالوص الطين ابقا نضف ودنك بعد كده .
يوسف بابتسامه /العوافي ايه ي جناب العمده الي مطلعك وآخري كده .
نور بابتسامه حنونه /كيفك ي اخوي مصلحه كده كنا بنقضيها .
يوسف بابتسامه /ربنا يقويكي ي نور وحياه اخوكي عندك متنسي الي قولتلك عليه .
ريم بمرح /أباه عليك البت نجمه مش موافقه مش بالعافيه .
يوسف بمرح /وانتي مالك ي ام اربعه وأربعين .
نور بابتسامه حنونه /متقلقش ي اخويا انا هتحدد معاها تاني وربنا يقدم الي فيه الخير .
يوسف بابتسامه /تسلمي ي نور يلا فوتكم بعافية .
نور وريم /يعافيك ي يوسف .
في فيلا سراج الدين .
شمعه بابتسامه وصراخ /ي كابر ي بابا .
سراج بابتسامه /حمد لله على السلامه ي قلب ابوكي .
شمعه بابتسامه /الله يسلمك ي بابا فين كابر .
سراج بابتسامه انتصار /كابر باشا في الصحراء الخضراء في الصعيد .
شمعه بصدمه /الصعيد ايه الي وداه هناك .
سراج بضحك /ههههه انا وديته وصيت عليه توصيه خصوصي علشان يتربا .
شمعه بابتسامه /مش سهل انت برضه ي سراج باشا .
سراج بتنهيده /انا كل الي بتمناه اني اطمن عليكم ي شمعه اخوكي لازم يتغير لازم يبقا راجل بجد يعتمد عليه .
شمعه بحنان /ربنا يخليك لينا ي بابا انا كمان هتضطر اسافر ل كابر الصعيد .
سراج بدهشه /الصعيد ليه .
شمعه وهي تاكل/شغل ي بابا بصراحه موضوع جواز القاصرات ده انتشر اوي لازم اكتب عنه واتقابل مع حالات واقعيه .
سراج بابتسامه/ربنا يكرمك ي بنتي ويوفقك .
في الصعيد .
صباحا في شقه كابر ..
كان يقوم كابر وهو يشعر بألم شديد في رأسه .
كابر بالم /اه الصداع ده اكيد علشان منمتش كويس كله من الحاج زغلول .
ليقاطعه هاتفه .
كابر بغيظ /صباح الخير ي زفت .
ادهم بمرح /هههههه ايه ي نجم عامل ايه مع المزز الي هناك .
كابر بغيظ /اخباري زفت ي اخويا مش عايز مززز كفايه الحاج زغلول كرهني في صنف الحريم كله .
ادهم باستغراب /مين ي اخويا .
كابر بتعب /مش مهم تعرف لما اشوافك هبقا اقولك بقولك انت الاسبوع الجاي عندك اجازه متيجي تقعد معايا هنا .
ادهم /تمام ي حبيبي هشوف مع اللواء أشرف وابلغك .
كابر/اوك ي حبيبي هستنا سلام اه اقوم اعمل نسكافيه يمكن افوق .
في دوار وهدان .
وهدان بغضب شديد/وبعدين عاد ي نور هنعملوا ايه في سرقه البهائم دي .
نور بغيظ /واه عاد ي ابوي وانا هعمل ايه وبعدين الديك الشركسي ده قاعد هنه دعايه قاعد يسبسبلي في شعره وخلاص .
ريم بمرح /يلهوي علي شعره يلهوي .
نور بغيظ /مش وقتك عاد ي نحنوحه .
وهدان بجديه /واد ي عوض عوض .
عوض /نعمين .
وهدان بعصبية /روح انده ل الظابط كابر لازما نشوف حل في الموضوع ده .
نور بهمس وغيظ /أما نشوف شطارتك ي ظابط نص لبه انت .
في القسم ...
كان يجلس كابر بلبسه الكاجول وهو يحمل بيده طبقا كبيرا من الفشار ويجلس وهو يشاهد التلفاز بضحك شديد .
عوض /كابر باشا .
كابر بغيظ /ايه ي عوض فيه دكر بط هربان منكم بتدوروا عليه عندي ولا ايه .
عوض /جناب العمده عايز سعادتك .
كابر بغرور /انا مبروحش لحد الي عيازني يجيني .
عوض /ده موضوع مهم جوي ي كابر باشا والحاج وهدان بنفسه هو الي بعتني .
كابر بتنهيده /لا اله الا الله يلا ي عوض .
في دوار وهدان .
كابر بغرور /كده ي حاج عتمان جيت للشخص المناسب اعتبر الحرامي ده تحت ايدك من دلوقتي.
وهدان بارتياح /ياريت ي حضره الظابط .
نور باستفزاز /متعشمش كده ي ابوي ده تاريخه سابقه هههههههه.
كابر بغيظ /بقولك ايه ي زغلول بعد مانا جيه هما اانتي مبقاش ليكي وجود اصلا مش هخليكوا تستنوا كتير مش كابر عبد الحي الي يفلت منه مجرم عوض تعال معايا .
سعديه بابتسامه/سبحان الله شاب يرد الروح شكلك هترتاحي ي نور من كل الهم الي فوق راسك .
نور بغيظ /انتي بتصدقي الحديد ده ي أما ده بوق ولا هيعمل حاجه واصل .
ريم بغيظ /ي شيخه انتي دايما كده كاسره بخاطره .
نور بغيظ /واه عاد افهمي .
وهدان بغضب شديد /جرا ايه عاد هنفضلوا نتكلموا عن الظابط كابر أكده كتير يلا كل واحده تشوف حالها وانتي ي نور روحي شوفي عملوا ايه في الأرض .
نور بخوف /حاضر ي ابوي .
بدران بخبث /سلاموا عليكم كيفكم ي أهل الدار .
وهدان بضيق /اهلا ي بدرن اتفضل ي اخوي .
عمار بمكر /كيفك ي بنت عمي .
نور بضيق /اسمي جناب العمده ي عمار يلا ي ريم .
من مدخل البلد .
كان يجلس كابر بتنكر .
عوض بهمس /هو سعادتك ليه متاكد ان الحرامي ده من برا البلد ي كابر باشا .
كابر بغرور /ولو أن ذكائك محدود ي عوض بس هقولك لازم يكون من بره البلد لأن البهائم ازي بتختفي بالطريقه دي ازي بيعمل كده اصلا وهو متاكد ان محدش هيقدر يعرفه كل ده بياكد كلامي واهو بدات اخاد بالي يلا بينا .
من أمام أحدا الزرايب .
كان يقف كابر بترقب كان يقف شخصا وهو ينظر يمينا ويسارا بريبه لينقض عليه كابر بغضب .
كابر وهو يشهر سلاحه /سلم نفسك والله ووقعت علي ايد كابر عبد الحي .
من أمام الكوخ .
وهدان بفرحه /تسلم ايدك ي كابر ي ابني ده كان مدوخنا ده سرق بهايم .
كابر بغرور /ده شكر علي واجب ي حاج وهدان ده اقل مهمه عندي انا ياما قومت بمهمات وخلصت علي اكمل وجه.
نور بهمس وغيظ /اقطع دراعي ام كنت بتكدب انت اخرك يوقفوك علي مدفع رمضان .
كابر باستفزاز /ايه ي جناب العمده مش سامعلك حس ي عني ايه مش هتعترفي بهزيمتك بس يلا ده العادي دايما اني هكون متفوق عليكي وبوجودي هيوقفوكي انتي علي مراجيح مولد النبي اتفضلوا علشان نسلم المجرم .
ليفتحوا الكوخ لينصدموا جميعا مما يروا .
نور بحده /عمي رضوان ايه الي انت عملته ده .
كابر باستغراب /هو ده الحرامي الي كان داخل الزريبه .
رضوان بتعب /اسرق ايه ي ابني ده انا صاحب الزريبه .
عوض بفزع /الحق ي جناب العمده الزريبه بتاعه عم رضوان اتسرقت .
كابر بصدمه /ايييييييه.
نور بضحك واستفزاز /هههههههه جهز حالك ي حضره الظابط علشان يوقفك علي مراجيح مولد النبي .
😂😂😂😂😂😂😂😂😂😂😂😂.
ولسه الي جاي مع كابر ونور ولسه بقيه الكابلز هستنا تعليقاتكم وتفاعلكم الكبير وتوقعاتكم دمتم بخير وعافية ❤️❤️❤️❤️❤️❤️.
عشقت العمده نور 💪💪😂😂.
رنا احمد عماد ✍️✍️✍️✍️✍️.
البارت الرابع ......
من أمام الكوخ .
عم رضوان بحسره /ي خيبتك ي رضوان ي حسرتك ي رضوان .
نور بحده وغيظ /عجبك كده ي سبع البرمبه .
كابر بغيظ /وانا عملت ايه ي عني ماهو الي كان شاكله مش مريح وعمال يتلفت يمين وشمال حسي الظابط قالي أن هو ده الحرامي .
نور بغيظ /حسك الظابط ويتلفت شمال ويمين ده مش حس ظابط ده حس سواق ميكروباص .
وهدان بغضب /عجبك الي حوصل ده ي حضره الظابط واضح أن الداخليه غلطت لما بعتتك لينا هنه .
كابر باحراج وضيق /عندك حق ي حاج وهدان بس انا برضه هخلص القضيه دي وهتشوف عن اذنك .
نور بحده /ليه كده ي ابوي .
وهدان بغضب /اخرسي ي بت وملكيش صالح روحي شوفي مصالحك ي حضره العمده شوف المصائب الي عماله تنزل علي البلد .
نور بغيظ /وكابر ايه صالحه بالمشاكل دي يابوي .
وهدان بغضب جحيمي/كابر كده شايفك بتقويلي اسمه ببساطه جوي ي نور.
نور باستغراب/قصدك ايه ي ابوي .
وهدان بغضب/قصدي انك هتبدي تنخي ي جناب العمده تقدري تقويلي عملتي ايه في موضوع صفيه الي عايزه الساقيه بتاعتها تتغير علشان تسقي أرضها ها عملتي ايه ي جناب العمده .
نور باحراج /انا اسفه ي ابوي حقك عليا كل حاجه هتتظبط.
وهدان بعصبية/ياريت ي جناب العمده .
في مكتب كابر ..
كان كابر يجلس بضيق شديد من نفسه يتذكر حسره ذلك الرجل الذي تسبب هو في سرقته يتذكر توبيخ الحاج وهدان إليه يتذكر كسرته أمام نور ليضغط علي يده وهو يتوعد لذلك السارق وإثبات الظابط كابر عبد الحي ......
في دوار بدران ..
عمار بخبث /واه عاد ي ابوي كده الأرض بقه حدانا ونقدروا نعملوا كل الي احنا عايزينه صوح .
بدران بمكر /اه ي عمار دي طاقه القدر انفتحت لينا الجماعه الي في مصر عايزين البضاعه لجل مايصرفوها جوام جوام .
عمار باستغراب /وايه الي هيعطلنا ي ابوي اننا نحفروا ونطلعوا البضاعه .
بدران بغيظ /ي عني مش عارف مين .
عمار بحده /قصدك نور .
بدران بتوعد /هو فيه غيرها دي زي النحله الي بتدور في الأرض وهي وأبوها حاطنا فوق رأسهم .
عمار بانتباه /ي عني هنعملوا ايه عاد ي ابوي .
بدران بشر /هنخلصوا منيها .
في شقه ادهم ....
فريال والدته /ادهم ادهم قوم الوقت اتاخر .
ادهم /انا مش رايح الاداره ي ماما انا واخد اجازه .
فريال باستغراب /اجازه والشنطه اللي انت محضرها دي انا قولت رايح مهمه .
ادهم وهو ينظر في ساعته /لا ي امي انا مسافر الصعيد ل كابر .
فريال باستغراب شديد /كابر ايه الي وداه الصعيد .
ادهم بضحك /هههههه جاتله توصيه جامده اوي من اللواء سراج أنه يتربا .
فريال بضيق وقرف /ياي ي عني كابر دلوقتي عند الناس الفلاحين دول اسمع لما يرجع اوعا تجيبه هنا ده تلاقي شعره مليان حشرات .
ادهم بياس وزهق /مفيش فايده فيكي ي امي عن اذنك اخاد شور علشان هروح للواء سراج قبل ماسافر .
في دوار وهدان ....
في غرفه نور .....
سعديه بضيق /بقولك ايه عاد اوعي تفتحي خشمك مش ده ابوكي الي انتي بتحاولي ترضيه انا ماليش صالح .
نور بضيق /فيه ايه ي أما عاد طبعا ابويا ولازما ارضيه انا مقصرتش في حكايه السرقه دي وسي كابر خربها اكتر .
ريم بضحك /هههههه والله كابر ده عسل .
نور بقلق /انا المهم دلوقتي انزل البلد اشوف موضوع خالتي صفيه ونروحوا كمان لعمتي صابحه .
ريم بفزع/بتقويلي مين عمتك صابحه وبتقوليها كده عادي .
نور بضحك /ههههه انتي لسه عاد بتخافي منيها ومصدقه حكايه الحسد دي .
ريم بصدمه /اصدق هو انا بس الي عارفه الموضوع ده ده علي عينك يا تاجر هي كل الحجات الي كانت بتوحصل دي عادي .
نور بابتسامه/طب يلا عاد بلاش هبل خلينا نروحوا ورانا مصالح كتير جوي .
ريم برعب /عمتي العبايه الي كنتي بتمسحي بيها الدوار دي هاتيها ألبسها هي دي الحاجه الوحيده الي هتنفع معاها .
في فيلا سراج الدين .
ادهم بابتسامه /عامل ايه ي عمي .
سراج بابتسامه /الحمد لله ي ادهم تعال ادخل .
شمعه بمرح /اذيك ي واد ادهم .
ادهم بمرح /ههههه وماله اختي حبيبتي برضه عامله ايه ي شمعه .
شمعه بابتسامه/الحمد لله ي ادهم .
ادهم بمرح /كده برضه ي سراج بيه ترحل الواد كده .
سراج بضحك /هههههه اسكت علشان يتربا .
ادهم بابتسامه/طب انا رايحله تامر باي حاجه .
شمعه بلهفه /ايه رايحله خودني معاك علشان خاطري .
ادهم بابتسامه /ي سلام علي الإخوات وخشك صح .
شمعه بمرح /لا خالص انا عندي شغل هناك قولت اروح معاك موصلاتي .
ادهم بفيظ /كنت عارف انك واطيه .
شمعه بضحكه /هههههه تسلم ي شقيق .
من أمام مصنع يوسف ..
كان يقف يوسف وهو يحضر سيارته لتقع عينه عليها نعم هي معشوقته نجمه .
يوسف بلهفه وعشق /نجمه نجمه .
نجمه بارتباك /يوسف خير .
يوسف بابتسامه /كنت نروح شوفتك قولت أسألك عايزه حاجه .
نجمه وهي تتصنع الحده/تشكر ي ولد خالي مش عايزه حاجه واصل .
يوسف بحزن /نجمه لحد ميتا هتفضلي تعاميلني كده .
نجمه بغيظ وهو تحمل اغراضها/طول عمري ي ولد خالي من ساعه مابوك قتل ابوي .
يوسف بحده /حرام عليكي عاد انتي عارفه أنه مكنش قصدي وبعدين انا ذنبي ايه عاد .
نجمه بضيق /ذنبك انك ولده ي ابن خالي سلام .
من أمام مكتب كابر ..
كانت تسير نور وريم الي منزل عمتهم .
ريم بلهفه وسعاده /نور نور هجيب غزل بنات من هنه واجي طوالي .
نور بابتسامه /روحي ي عيله لتنظر لترا كابر اييه أما اروح ارحم عليه شويه .
كابر وهو بدون بعض الاشياء ويغني بحسره /لا لا انا مش خرونج لا لا انا كينج كونج .
نور بضحكه عاليه /هههههههه ايه ي ابو الليف حزنان كده ليه هي اول مره ي عني يهرب منك مجرم .
كابر بغيظ /انا عارف ي حاج زغلول انك شمتانه فيا بس متفرحيش كده المجرم ده هيبقى تحت ايدي النهارده .
نور باستفزاز /ويترا هتقبض علي مين النهارده ي ولدي خدها مني نصيحه انت اخرك اخرك ي عني علشان مظلمكش تقف علي جنينه الحيوانات تبقا عال جوي ي عني .
كابر باستفزاز وخبث /بصراحه مبقتش حلوه خالص نقصها حاجه مهمه .
نور باستغراب /ناقصها ايه عاد .
كابر باستفزاز /نقصها انثي البطريق زيك كده ههههه.
نور بغيظ /أكده طيب انا الي استاهل اني بنزل مستويا واتحدد معاك ي ظابط علي ماتفرج انت .
كابر بضحك /ههههههههه بحس براحه غريبه لما احرق دمها .😂😂😂😂😂😂😂😂😂...
نور بعصبية /ريم متخلصي عاد .
ريم باستغراب /واه عاد مالك متعصبه كده ليه .
نور بعصبية وغيظ /هتعصب من ايه ي عني معاش الي يعصبني احممم بقولك ايه ي بت ي ريم هو انا شبه انثي البطريق دي .
ريم بضحك /هههههه لا مش شبه الانثي شبه الدكر هههههه.
نور بغضب /انا بجد غلطانا اني بتحدد معاكم ي شويه بقر امشي امشي.
من أمام منزل صابحه عمه نور ....
نور بابتسامه /كيفك ي عمتي .
صابحه بابتسامه /واه كيفك ي حضره العمده .
نور وهي تقبل يدها /حضره العمده علي اي حد الا انتي ي عمتي امال نجمه فين عاد .
صابحه بابتسامه/نجمه جوه ي ضنايا ادخلي كيفك ي بت ي ريم .
ريم وهي تتدعي المرض /اه عامله ايه ي خالتي صابحه بعيد عنك وجع الضهر صعب جوي ربنا يكفيكي شر المرض .
صابحه بغيظ /مرض ايه ي بت مانتي عافيه اها .
ريم برعب /الله واكبر الله واكبر عليا .
صابحه بغيظ /خوشي ي بت خوشي .
نجمه بابتسامه /منورنا ي اخواتي .
نور بابتسامه/بنورك ي نجمه بس انا عايزه اتحدد معاكي شوي.
نجمه بضيق /نور ي بنت خالي لو قصدك علي يوسف فانا مش عايزه اتحدد واصل .
ريم بغيظ /جرا ايه ي بت انتي متسمعي الكلام للآخر الواد بيحبك وانتي عارفه كده زين .
نور بابتسامه /اسمعي بس الي هقولك عليه زين ي نجمه .
من أمام فيلا سراج الدين ..
ادهم بغيظ /ايه ده كله ي بنتي احنا مهاجرين .
شمعه بابتسامه /ايه ي عم واخده كل حاجات اخويا حبيبي الي بيحبها.
ادهم بمرح /ماشي ي نحنوحه يلا علشان منتاخرش .
من داخل دوار وهدان ...
ريم بضحك/ههههه شوفتي عمتك قالت ايه علي عوض ده راجل كبير بس صحته عافيه ههههه الراجل هيروح فيها .
نور بابتسامه /ربنا يستر العوافي عليكم .
وهدان بابتسامه /العوافي عليكي يا جناب العمده ها عملتي ايه .
نور بابتسامه /الحمد لله ي ابوي كل حاجه خلصت وموضوع الست صفيه اعتبره خلص وبكره انشاء الله يوم طويل هنمر علي كل الأراضي الزراعية علشان نباشر الي ناقص انت عارف اني لازما اشرف علي العمال بنفسي .
وهدان بجديه/المهم الأرض الي اجارها عمك بدران عايز عنيكي عليها زين .
نور بجديه /امرك ي ابوي .
عوض بلهفه /ي جناب العمده ي جناب العمده .
نور بجديه /فيه ايه ي عوض .
عوض بجديه /موضوع مهم جوي ي جناب العمده الظابط كابر ركب كاميرات في كل مخارج البلد وييستعد هو والغفير مخيمر بتاعه أنهم يقبضوا علي الحرامي النهارده .
وهدان بجديه /طب زين اخيرا فكر وخطط أما نشوف يمكن خطتته تفلح المره دي .
نور بضحك وهمس /هههههه تفلح علي مين انا الي هقبض علي الحرامي ده استنا عليا ي كابر .
في القسم ...
مخيمر بحماس /انشاء الله خطتتنا هتنجح ي كابر باشا الكاميرات جايبه كل حاجه يعني الحرامي ده هيقع هيقع .
كابر بغرور /طبعا ي مخيمر مش تقولي عمده وكلام فاضي الست آخرها تتطبخ تغسل ترغي بس علشان كده العمده نور مش نافعه في حاجه وانا هقبض علي المجرم ده النهارده واركنها هي علي الرف .
نور بغيظ وهمس /انا مش نافعه في حاجه وهتركني علي الرف ي ظابط نص لبه انت طيب .
مخيمر /والله علي رايك ي كابر باشا المفروض الحرمه تبقا تحت رجلينا جوزها تغسله تتطبخله تتدلعه .
نور وهي تمسكه بغضب /وفيه حاجه كمان ي مخيمر تترحم عليه بعد مايموت زي مامرتك هتعمل دلوقتي .
مخيمر برعب /ي نهار ابيض جناب العمده والله مقصدي واصل .
نور بتوعد /طب غور من وشي بدل ماقطع خبرك غور .
مخيمر بخوف /أمر جنابك .
كابر باستفزاز /اهلا ي جناب العمده كنا لسه حالا جايين في سيرتك بالخير طبعا ..
نور بغيظ وخبث /ماهو واضح علشان أكده قولت اعمل الواجب كوبايه شاي انما ايه تتدفي في البرد ده .
كابر بغرور /شكرا جهزي نفسك علشان هتسمعي النهارده خير حلو اوي اوي .
بعد بعض الوقت ...😂😂😂😂😂😂.
كان يغرق كابر في ثبات عميق اثر المخدر الذي وضعته له نور لتنظر إليه نور بشماته وخبث .
مخيمر /كابر باشا الحرامي ايه ده ايه الي حوصل ي جناب العمده .
نور بحده /هيكون ايه الي حوصل ي واكل ناسك ماهو نام قدامك فيه ايه اتحدد .
مخيمر بحماس/الحرامي وصل لزريبه ابوبكر شاكله ناوي علي سرقتها والكاميرات راصده كل حاجه سعادتك .
نور بجديه/طب جهزوا كل حاجه علشان الحرامي ده هيكون في يدي .
مخيمر /تمام ي جناب العمده .
نور بضحك /هههههههه نوم العوافي ي كابر باشا ...
تفتكروا كابر لما يفوق هيعمل فيها ايه 😂😂😂😂😂😂😂😂😂😂😂
عشقت العمده نور 💪💪😂😂.
رنا احمد عماد ✍️✍️✍️✍️✍️.
البارت الخامس .....
عايزه تفاعل جامد ي غالين ...
في دوار وهدان ...
وهدان بفخر /برافوا عليكي يا نور واخيرا مسكنا الحرامي ورجعنا حق الناس عاش ي حضره العمده .
نور بغرور /تسلم ي ابوي مانت عارف زين أن قد المسؤوليه وزياده بنتك بمائه راجل ي ابوي .
سعديه بغيظ /لا ي شيخه كل ده كانت فكره وتخطيط الظابط كابر مش ذكاء منك ي ست نور .
وهدان بحده/جرا ايه ي سعديه ده بدل ماتفرحي ل بنتك الي بتثبت حالها وبعدين ماالظابط كابر نام الباشا نموسيته كحلي كنا هنستنا سعاده الباشا لما يصحا ولا ايه .
سعديه بتصميم /برضه الفضل بعد ربنا ل كابر .
نور بغيظ /جرا ايه ي أما ايه حكايتك مع الظابط كابر دايما تتدفعي عنه كده ليه وعلي راي ابوي كنا هنستنا الباشا يصحا ولا ايه .
وهدان بابتسامه /سيبك من امك ي حضره العمده رفعتي راسي قدام النجع كله ومدير الأمن جاي بنفسه بكره يكرمك قدام البلد كلها ده الحرامي ده كان مدوخ كل القري الي حوالينا وانتي الي قبضتي عليه ي جناب العمده .
نور بارتباك /ها لا ابوي مش لازما هو انا عملت ايه عاد ده واجب .
وهدان بتصميم /لا طبعا لازما تتكرمي والكل يشوف بنفسه واولهم الظابط كابر الي نافش ريشه علي الفاضي يلا تصبحي علي خير ي جناب العمده يلا ي سعديه.
نور برعب /احيه أحيه ده كابر هينفخني معانا يارب .
😂😂😂😂😂😂😂😂😂😂.
في الطريق .
ادهم وهو يقبل العربيه بغيظ /عجبك كده ي وش الفقر اهي العربيه عطلت .
شمعه وهي تاكل ايس كريم ببرود /وانا مالي ي ادهومي عربيتك الي خربانه .
ادهم بغيظ /دلوقتي بقت خربانه ماشي هنقعد هنا بقا للصبح لحد مانلاقي الي يصلحها .
في دوار بدران ..
بدران بصراخ /واد ي عمار عمار .
عمار باستغراب/مالك ي ابوي فيه ايه .
بدران بتحزير /اسمع ابعد عن موضوع البت نور دي خالي الرجاله تستنا مدير الأمن جاي بكره للي ماتتسما والبلد هتبقا ملبشه .
عمار بضيق /ده قولنا هنخلصوا علي العموم انا هبدا حفر الجماعه مستنين ومتخافش ي ابوي ولا حد هياخد باله .
يوسف بضيق /العوافي عليكم .
بدران بجديه/العوافي عليك مالك كده قالب خلقتك ليه .
يوسف بضيق /مفيش ي ابوي .
عمار بسخرية/هو فيه غيرها الي بتقلب خلقته بت صابحه .
يوسف بغضب /ملكش صالح بيها واصل ي عمار .
بدران بغضب /جرا ايه عاد هتتخنقوا وانا واقف وسطيكم ولا ايه وانت ايه حكايتك متبعد عن الي ماتتسما دي .
يوسف بغضب /بحبها ي ابوي ومش هسيبها واصل وبعدين هو مين السبب في الي حوصل ده كله .
بدران بغضب /ايه يلا هنعيد الحديد ده تاني مقولتش مكنش قصدي خلاص هي وأمها بقالهم سنين مش عايزين يصدقوا وانشاء الله عنهم مصدقوا .
يوسف بغيظ /تصبح علي خير ي ابوي .
بدران بحده /وانا انت من أهله ي اخوي عمار نفذ إلى قولتلك عليه وبلغ الرجاله يستنوا .
عمار /تحت امرك ي ابوي .
في دوار وهدان ....
صباحا ......
وهدان بفخر /يلا ي رافعه راسي مدير الأمن زمانه علي وصول .
نور بقلق /تسلم ي ابوي .
ريم بابتسامه/انا جايه علشان اشوفك وانتي بتتكرمي ي نور .
عوض /ي جناب العمده .
وهدان /خير ي عوض .
عوض /كابر باشا لسه نايم سعادتك .
نور بقلق وهمس/استرها يارب وميصحاش .
وهدان بغيظ/جرا ايه هو الراجل ده بيشرب حاجه ولا ايه ده كله نوم انا جاي معاك اصحيه .
نور بلهفه /ماخلاص ي ابوي مش لازما .
وهدان بتصميم /عظيم بيمين ابدا لازم اصحيه علشان يعترف أنه مينفعش ظابط من اساسه يلا ي عوض .
نور بهمس وقلق /صحيح من حفر حفره لأخيه وقع فيها ي وكستك ي نور .😂😂😂😂😂😂😂.
في مكتب كابر .....
وهدان باستغراب /واه عاد ده ميت ده ولا ايه ده مش راضي يفوق واصل .
مخيمر /انا كمان ي حاج وهدان قلقت عليه جوي وبعت جبت الحكيم قالي ده نايم .
نور بارتباك /خلاص ي ابوي سيبه نايم يمكن تعبان ولا حاجه وبعدين فكر فيها ي ابوي من الناحيه الانسانيه يرضيك للراجل يولع في نفسه بعد مايفوق ويشوف خيبته دي فكر في أمه طيب .
مخيمر /أمه ميته ي حضره العمده .
نور بغيظ /اكتم ي مخيمر .
عوض /ي جناب العمده ي جناب العمده مدير الأمن وصل .
نور بلهفه /يلا عاد ي ابوي مينفعش نتاخروا عليه اكتر من كده يلا .
وهدان بحسره /كان نفسي اشفي غليلي منه واثبتله انك بمائه من عينته بس يلا مش مهم .
نور بتأثر /سيبه ي ابويا جايز ربنا يهديه .
وهدان /يللا ي بنتي بس برضك ي بنتي مش مقتنع ده نايم فوق ال 15ساعه لحد دلوقت .
نور بعصبية/مينام يابوي أنشاء الله ينام العمر كله هو نايم في بيت ابونا يلا ي ابوي يلا ربنا يهديك .
😂😂😂😂😂😂.
في الخارج .
مدير الأمن بابتسامه /بصراحه اثبتي كفاءه ي جناب العمده انتي مثل لبنات كتير بجد .
وهدان بفخر /طبعا ي سياده المدير دي ولدي ضهري الي ساندنا وساند البلد كلياتها نور وهدان .
نور بتأثر /شكرا شكرا ي جماعه والله كتير عليا الحديد ده وانا عملت ايه ي سياده المدير ده كله فداء تراب البلد .
المدير بفخر /لا ازي ي جناب العمده دي انتي عملتي الي رجاله كتير منقدرش تعمله .
وهدان /علي رايك ي سياده المدير عندينا الظابط كابر اها مالوش اي لازمه ومينفعش يكون ظابط من اساسه .
نور بقلق /مش لدرجه دي ي ابوي .
مدير الأمن /ده تكريم بسيط ليكي ي جناب العمده ومرتبك هيزيد الفين جنيه لكفائتك في العمل .
نور بغرور /تشكر ي باشا دي اقل حاجه عندي .
وهدان بسعاده /اتفضل ي سياده المدير هوصل سعادتك .
المدير بابتسامه /تمام ي حاج وهدان اتفضل عن اذنك ي جناب العمده .
نور بابتسامه /اتفضل ي سياده المدير .
لتنظر بفزع من هيئته وهو ينظر إليها بشر لتصرخ بفزع /ابوي خدني معاك ي ابوي ...
في دوار وهدان .
عوض بفزع /الحقي ي حاجه سعديه الحقي .
سعديه بفزع /فيه ايه عاد ي عوض .
عوض بفزع /الظابط كابر معلق العمده نور في سلبه البهايم المدبوحه والبلد كلها واقفه ومحدش عارف ينزلها واصل .
ريم بفزع /ي حزني .
سعديه بمكر /تسلم يدك ي كابر انا متاكده أن انت الي هتعدل دماغ البت دي وتعرفها انها بت مش راجل .
في الخارج 😂😂😂😂😂😂😂.
كابر بغضب وغيظ/بقا انا تعملي معايا كده تنيميني علشان تفوزي عليا اما وريتك مبقاش انا كابر عبد الحي.
نور بغيظ وارتباك /واه عاد انا معرفش انت بتحدد عن ايه انتي اتجنيت ولا ايه نزلني.
كابر بغيظ /لا ي شيخه بس غبائك خدعك ونسيتي أن عندي كاميرا في المكتب صورت كل الي حصل وقعتك معايا سوداء قسما بالله لربيكي ومش هخليكي حتي تحصلي غفير .
نور بمرح /واه عاد كنت بضحك معاك ي كيبو طلعت عصبي جوي جوي .
كابر بغيظ /كيبو وعماله قدام سياده المدير وانا فداء البلد وكل حاجه فداء للوطن دي الدمعه كانت قربت تفر من عيني والفين جنيه كمان زديهم وكل ده علي قفايا .
نور بغيظ /اه قول كده هو الي غيظك كده موضوع الالفين جنيه خلاص هنقسم سواء بس نزلني هيبتي هتروح ي ابن الهبله .
ادهم باستغراب /ايه ده مش ده صوت كابر .
شمعه بقلق /ايوه هو استر يارب فيه ايه .
ادهم بصدمه /ايه ده ي كابر مين دي ومعلقها كده ليه .
شمعه برعب /فيه ايه ي كابر مين دي .
نور بغرورةومرح /اني نور وهدان عمده الدباح السن 22سنه الحاله الاجتماعيه انسه الرقم القومي .
كابر باستفزاز /انسه ولا معزه بتفرق .
ادهم باستغراب /هي دي مديره السجل المدني هنا ولا ايه دي عايزه حد يطلعلها بطاقه.
كابر بتوعد /ده انا هطلعلها شهادة وفاه انشاء الله .
سعديه بخبث /أكده ي كابر ي ولدي تعمل كده في العمده .
نور بغيظ /قوليلي ي اما ده انا هشطبك من سجل الظباط خالص هوقفك علي مدفع رمضان .
كابر بغيظ /مانتي عارفه الي حصل ي حاجه سعديه.
سعديه بابتسامه/عارفه ي ولدي بس معلش عندي انا دي.
نور بغيظ /جرا ايه ي وليه انتي انتي مخلفه الواد ده من ورانا ولا ايه .
سعديه بغضب /اكتمي ي بت شوفي ابوكي لما يعرف ايه الي هيحصل فيكي .
نور بغيظ وحسره /والله ووقعتي ي نور علي ايد كابر ابن الوارمه .
😂😂😂😂😂😂😂😂😂😂😂😂
في فيلا سراج الدين ..
سراج بابتسامه /منور ي اشرف .
اشرف بابتسامه /بنور سعادتك طبعا فيه حاجه مهمه ومحتاجين خبرت سعادتك ي سياده اللواء .
سراج باستغراب /خير ي اشرف .
اشرف بجديه /حضرتك كنت عارف أن من زمان قدرنا نسيطر علي خروج آثار بره البلد .
سراج بانتباه /مظبوط فيه حاجه جديده ظهرت ولا ايه .
اشرف بجديه /ايوه سعادتك وصلتنتا أخبريه أن فيه شحنات اثار خرجت وتحديدا من الصعيد وتحديدا من القريه الي فيها كابر وطبعا سيادتك عارف أنه مينفعش نقلب الدنيا دلوقتي لازم حل خفي من غير ماحد يلاحظ حاجه سعادتك عارف أن البلد مش مستقره .
سراج بجديه /طب مالعمده بتاع البلد دي وكابر لازم يتحدوا مع بعض بخطه محكمه علشان يعرفوا مين الي بيعمل كده .
اشرف بضيق /للاسف سعادتك العمده بتاع القريه دي ست واسمها نور .
سراج بصدمه /معقوله عمده ست في الصعيد اكمنك ي سي كابر عجبتك القعده هناك .
اشرف بابتسامه /بالعكس سعادتك الي وصلني أن العلاقات بينها وبين كابر مش مستقره خالص نور شخصيه قويه مش من نوعيه البنات الي كان يعرفهم كابر وطموحها لابعد حد ومستحيل تحس انها ست ابدا ومستعده تعمل اي حاجه علشان البلد .
سراج بخبث /طب ماكده خلاص لقينا الخطه ي اشرف .
اشرف بجديه/خطه ايه سعادتك .
سراج بمكر وخبث /كابر لازم يتجوز نور .....
يتتتتتتبع .
😂😂😂😂😂😂مستنيه تفاعل جامد ي غالين .
تعليقات
إرسال تعليق