مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية الاختبار الفصل الرابع والخامس والسادس بقلم لولو طارق 

رواية الاختبار الفصل الرابع والخامس والسادس بقلم لولو طارق 

#البارت الرابع 

حوريه كمشانه على الكنبه وبصوت كله خوف وعياط   : يارب أنا خايفه قوووى يارب خرجنى من البلد دى عشان بابا وماما أنت عارف إنهم مش ها يستحملو عليا حاجه ..  بجد العيشه تحت التهديد والخوف صاعبه قوووى .. وهزت راسها وهى باصه لفوق .. طيب يارب رجعنى البلد تانى أتونس بطنط أم محمد وأمال ومبروك واكون وسط الناس وشهقت وكأنها افتكرت .. الشبح قتلوه وطلعت تجرى ناحية الباب وبعياط بتخبط خبطات على قدها ... أنت فين جرالك إيه لازم تقفل عليااا مش قولتلك سيبنى طب رد عليااا وعيطت أكتر أرجوك أنا ها أموت من الرعب هنا لوحدى 

الشبح بنهجه بسيطه جدا : كنت عارف إنك ها تتفزعى ماتقلقيش أنا الحمد لله كويس وكل الأمور تماما وأنتى فى امان هما بيضربو طلقات تهديد من الوقت للتانى بعشوائيه 

حوريه أتعدلت وأبتسمت وسط دموعها : طيب رجعنى وأنا ها أسمع كلامك والله 

الشبح : رجوعك دلوقت فى أذيه كبيره ليكى والبلد هنا بتخاف ما بيقربوش لحد ولا بيساعده ها يسيبوكى لمصيرك 

حوريه دموعها نازله : كلهم بيقولو إن الشيخ يوسف جوز أمال بيساعد أى حد وأكيد ها يساعدنى 

الشبح بحمقه مكتومه : واحد  لوحده ها يعمل إيه وإلا إيه وقبل ما يكمل 

حوريه بتتنطط وهى بتتكلم زى الاطفال :  والله ما لوحده معاه ربنا ثم أنت واحنا كلنا أنا ها اقلب الدنيا على دماغهم .. انت سامعنى  روح وساعده وكلمو الناس هو ليه محدش مقدر وضعى .. انتو كل واحد بين أهله وبتشاور على نفسها طب وأنااا محدش عارف إن بابا أول ما بيدخل من بابا الشقه وما أستقبلتوش بنفسى بيتفزع ويطلع يجرى يدور علياااا فى كل حته لحد ما ماما تطمنه إنى بخير .. ماما ممكن تدخل عليا وأنا نايمه تلات أربع مرات وأحس بحضنها وبوستها وانا نايمه  ... كنت بعيده عنهم وفى السكن ألاقيهم جاين ليا كل يومين ولو قدرو كل يوم ها يجو .. وبيعاملونى على إنى حوريه الصغيره جايبين معاهم حاجات حلوه إلا كنت دايما أطلبها وأنا صغيره .. تخيل ناس زى دى ها تتحمل أى خبر على بنتهم وكمان هما بعيد قووى عنها الخبر ها ينزل زى الصاعقه عليهم 

الشبح قعد ورا الباب وسند براسه عليه وبيسمعها ولما حركته هديت خالص قربت حطت راسها بودنها على الباب أنت مشيت 

الشبح : قاعد معاكى لحد ما تقوليلى أمشى ها أمشى 

حوريه أبتسمت وصوتها أتغير خالص : ماتفتح الله يخليك ورجعنى مش انت زعلت عشانى وكلامى اثر فيك .. اعترف وقول الحقيقه 

الشبح : هههه أنتى ما بتصدقى  .. قولت لاء مفيش رجوع دلوقت  وغير الموضوع خالص .. شكل أهلك بيحبوكى قوى وبيخافو عليكى 

حوريه بأستغراب : كلنا كدا يعنى أكيد ابوك الشبح الكبير بيخاف عليك بردو 

الشبح فضل يضحك بصوت مكتوم : الصراحه الشبح الكبير بتاعناااا مفيش زيووو .. هو ليه أنتى مسمينى شبح 

حوريه : مش أنا أهل البلد إلا بتقول وخالتو أم محمد .. بس أنا عارفه إنك بشر زيناااا بس مين مش عارفه طبعااا ها اعرف أزاى وانت قربت تغمى عيونى كمان وبتنطر إيديها بالمره وزيادة تأكيد وأنا معاك 

الشبح : هاتستفيدى إيه لما تعرفى أنا مين 

حوريه : أعرف واساعدك مفهاش حاجه وديقت عيونها اوعى تكون منهم وخايف 

الشبح هز راسه وهو مبتسم : أنا خايف منك وعليكى .. متهوره وعنيده وبيتكى على الكلمه ومدلعه ودا يطمع فيكى أى حد .. هنا مفيش بابا وماما وأهلى ودا انتى عارفاه فا لازم تتحكمى فى نفسك وأفعالك شويه عشان تعدى لبر الامان 

حوريه : أنت إلا ها تعدينى لبر الامان إن شاء الله .. قلبى بيقولى ثقى فيه وماتخفيش أبدا 

الشبح قطع كلامها : الخوف مطلوب ومش لازم تدى الأمان لحد لازم يبقى فى حرص فى التعامل 

حوريه برد فعل مفاجى : خلاص انا مش بثق فيك وروحنى 

الشبح : ههههههههههه ولا انا بثق فيكى ومش ها اروحك غير بمزاجى ... 

حوريه : طب قاعد ليه اتفضل امشى وأنا يجرالى ما يجرالى ملكش دعوه بيا 

الشبح : أنا فعلا ها أمشى كدا اطمن وانتى سمحتى لياااا والصوت راح او أختفى .. 

حوريه : مع السلامه مش ها اتحايل عليك وفضلت شويه تعيط مسحت دموعها وقايمه بشويش تدخل الحمام ونطت من مكانها تجرى جوا الشقه وهى بتقول فاااار .. ااااه هاتموتى على ايد فار يا حوريه هو الشبح دا بيعذبنى والا ايه ...اهئ.. اهئ  ....   جابت المقشه وداخله تتسحب على طراطيف صوابعها فى  أتجاااه الحمام وروكبها بتخبط فى بعض .. وأول ما شافته بيتحرك صرخت ونطت من مكانها تانى  ورمت المقشه والفار طار على برا من الشباك لمحت الموقف كله وهى بتتنطط قدامه .. ودخلت ورجلها بتضرب اخماس فى اسادس ههههه .. قفلت الشباك الصغير الا فى الحمام  ..خرجت وقفلت الباب وراها .. بتاخد نفسها وحطا ايديها على صدرها وبتتكلم بهمس .. كنت ها أتلبس  بس الحمد لله خرجت برا الحمام بسرعه .. حطيت إيديها على بطنها اااه والله بطنى بقت عامله زى الحديد من جوا فى ايه فى البلد الغريبه دى يارب استرها معايا انا غلبانه وابويا وأمى أغلب منى  أهئ أهى ..وكملت كلام مع نفسها ..  صحيح أشوف التليفون يمكن مجمع شبكه هنا راحت على الشنطه جرى طلعت التليفون وبتمشى فى الشقه ورافعه إيديها لفوق بيه وجمع معاها شبكه بسيطه عند البلكونه فرحت ورنت على أبوها وأمها قفلو عليها وأتصلو هما ... 

سعد : حبيبتى يا عمرى وحشتينى يا حوريه 

حوريه بدموع بتهرب من عيونها وكأنها مستنيه اللحظه دى تفرغ فيها إلا جواها : وأنت وحشتنى قوى يا بابا ماعرفش إن اليوم ها يعدى فى بعدكم عنى سنه 

سعد حاله من حال بنته : والله وأكتر والا مهون عليا انى ها ازور بيت ربنا والنبى الغالى  وأدعيلك ينجيكى ويحفظك ويرزقك باإلا يحفظك يابنتى وما يوجع قلوبنا عليكى 

حوريه ابتسمت ودموعها بتهرب كعادتها : ايوا دى أحلى حاجه ادعيلى كتير قوى  وأدعيلى  أنول شرف الزياره الكريمه دى انا وكل مشتاق يابا ومتنساش تعمل عمره لجدو وعمره لتيتا 

سعد : يارب ما يحرمك من دى لحظه دا حاجه تانيه ومتعه لروحك يا حبيبتى ....  مش ها انسى أنا ناوى أعملهم ماتقلقيش وأمك كمان ها تعمل وبيزق إيده  .. استنى يا حياه .. طيب خدى أمك بس فين بوسه بابا والضحكه الا بتسعد قلب بابا 

حوريه ضحكت برقتها وبعتت بوسه لأبوها حبيبها .. واتكلمت بشوق وبدون حرج .. وحشتينى يا حياه 

حياه : وانتى أكتر يا قلب حياه .. عامله ايه يا حوريه طمنينى عليكى 

حوريه : انا بخير والحمد لله طول ما انتو بخير 

حياه بصوت قلقان : ليه قلقانه عليكى وقلبى بيقولى انك مش بخير يا حوريه 

حوريه بضحكه بتدارى بيها احساس أمها : قلبك طول عمره قلقان عليااا مش جديد عليكم .. ثم كمان يا ست ماما لو مش ها تقلقى عليا ها تقلقى على مين .. انا الحمد لله بخير وربنا معايا بفضل دعائكم ليااا 

حياه اتنهدت : الحمد لله أفتكرت المجنون راحلك وإلا عملك حاجه ..مفيش نت عندك عايزا أشوفك ماعرفش يا حوريه ان البعد عنك وحش كدا والا مصبرنى انى فى الارض الطاهره ومبسوطه قوى قوى كان نفسى تكونى معانا 

حوريه دموعها انفجرت وبتكتم اهاتها : كان نفسى يبقى فى بس معلش يا ماما تتعوض الشبكه لو حلوه كنت فتحت من باقة التليفون بس الشبكه وحشه قوى مش مجمع 

حياه : اول ما تلاقى شبكه حلوه حتى لو انتى فى الشارع كلمينى عايزا اشوفك انا وأبوكى يا قلب أبوكى 

حوريه : عنيه يا حبيبتى .. اوعو تنسو هديتى من هناك ازعل قوووى 

سعد : انا اجبلك قلبى مش هديه وبس

حوريه ابتسمت لما سمعت كلام أبوها من بعيد فاتحين الأسبيكر وبيتكلمو منه .. يسلم قلبك ونبضه ويبارك فى عمركم يا أحن اتنين فى الدنياااا .. قفلت معاهم بعد ما شحنت طاقه منهم زى ما هى متعوده .. وجودهم رحمه وقربهم نعمه وودهم وطاعتهم تقرب إلى الله أزاى نبعد ونقسى ونهجر حبل ممدود بينك وبين ربنا مباشرا مهما كانت طباعهم او أخلاقهم .. اللهم لا تجعلنا ممن يعقوهم ويعصونك فيهم أجعلنا يا رب دائما ممن يبرهم ونرضيك فيهم  أمين .. أمين .. أمين 

************* 

مر اسبوع  بسلام وتكاد تكون الامور هادية ومستقره .. وحوريه شبه اتعودت على القاعده برغم الزهق بس مهون عليها انها بتكلم ابوها وأمها  .. واتعودت على الرياضه بردو  .. قسمت وقتها بعد كل صلاه تقرء القرأن الكريم وساعه رياضه  الصبح وساعه باليل .. وباقى الوقت تذاكر وتروق الشقه برغم انها مش محتاجه وتقرء كل ما هى بتحبه الشنطه دايما فيها كتابين كبار واحد لقصص الانبياء والتانى اى روايه هى بتحبها غير الكتب المهمه لها للمذاكره ... 

أم محمد فقدت الأمل انها ترجع ويوسف طمنها انها مش مع العصابه لانه راقبهم من بعيد واتاكد وقالت يمكن قدرت تهرب فعلا وترجع لبيتها وأهلها ..  

****************

بعد صلاة العصر ويوسف قاعد هو الشباب الا معاه .. 

حسن : شيخ يوسف هو ايه الفرق بين النبى وبين الرسول  يعنى اى حد من الرسول والانبياء  يطلق عليهم الأسمين 

 يوسف : الحمد لله والصلاة والسلام على رسول الله وعلى آله وصحبه، أما بعـد:

الفرق بين الرسول والنبي هو ان الرسول يكون مبعث من اجل الدعوة الى دين وشريعة جديدة لم تمر على شعب من قبل، ولكن النبي يكون مبعثا من عند الله تعالى من أجل إكمال طريق غيره من الانبياء والرسل،وتعليمهم عبادة الله 

 

على : كلمنا عن سيدنا إدريس أكتر وعرفنا بيه يعنى كلنا عارفين قصة سيدنا ادم وحوا فا عايزين نعرف من بعده  ممكن 

يوسف أبتسم : ممكن طبعا ...  أسم إدريس الحقيقى  أخنوخ، ولُقّب بإدريس لكثرة مدارسته للصحف التي أنزلها الله -تعالى- عليه، وذكر المفسّرون والعلماء أن إدريس -عليه السّلام- كان أوّل من خطّ بالقلم، وأوّل من اتّخذ السلاح ودخل القتال مجاهداً في سبيل الله، فقاتل بني قابيل، وكذلك أوّل من نظر في علم الحساب والنجوم، وأول من استخدم الميزان والمكيال، وقد أنزل الله -تعالى- عليه ثلاثين صحيفة،كما قيل إنّه أوّل من نزل عليه الوحي جبريل، واستمرّ عليه السلام العمل بالشريعه إلى ان توفاه الله 

حسن : هو كان بيشتغل إيه سيدنا إدريس عليه السلام 

يوسف : عمل إدريس بالخياطة، وكان كلّما غرز الإبرة في الثوب ذكر الله مسبّحاً، وكان إدريس -عليه السلام- أول من قام بخياطة الثياب، حيث كان النّاس من قبله يعتمدون على الجلود في لباسهم .. هنا بقى حابب أقول لكم الناس إلا بتحجج بالعباده او بتحجج بالعمل سيدنا إدريس أتعلمنا منه أن العباده لا تلهى عن العمل ولا العمل يلهى عن العباده  

حسن : يعنى انا مثلا فى شغلى وبشتغل مدرس ها اذكر ربنا ازاى 

يوسف : عندك أوقات فيها فاضى بدال ما تشغل بالك بزاميلك والكلام عليهم أشغل قلبك و لسانك بذكر الله ..  العباده لا تمنع العمل ولا العمل يمنع الذكر او العباده  .. مراتك او أمك او أختك هى مش فى  بيتها بتعمل او بتشتغل 

جميعهم : أيوا 

يوسف : لو ذكرت ربنا وهى بتروق وإلا بتطبخ لكم اكله حلوه فيها حاجه ها يمنعها الذكر عن عملها 

كلهم : لاء 

يوسف : دى زى دى زى دى .، بس إحنا  بنحب نشغل نفسنا بكل حاجه حوالينا ونقول أصل مفيش وقت .. لا فى وقت لكل حاجه .، فى وقت تفرح ووقت تعيش حياتك وتتبسط ووقت تذكر ربنا وتعبده ووقت تصلى ووقت تشتغل فى كل حاجه والذكر لو خد عليه قلبك ولسانك ها يلازمك طول الوقت وأنت مرتاح البال  وهاتلاقى بركه فى وقتك وفى عملك وفى حياتك وها يطمئن قلبك  وعلى صوته سنه ..  ألا بذكر الله تطمئن القلوب .. طمنو قلوبكم واذكرو الله فاتطمئن حياتكم 

حسن : فى ناس كتير  بقى اتعلمت من سيدنا آدريس .. يعنى عرفهم ربنا سبحانه وتعالى وتعاليمه وازاى يعبدوه 

يوسف أبتسم ورفع إيده : ماشاء الله  ربنا يقدرنا ونعمل جزء لو بسيط من إلا عمله سيدنا إدريس ...  لم يترك أحد على الارض إلا وعلمه الخير وذكره بالمعروف ونهاه عن المنكر .. حتى وصل بيه الأمر إلى ان الله عز وجل أوحى إلى إدريس ..أن  يا إدريس ما من يوم إلا ويكتب لك مثل عمل أهل الارض جميعا 

قال إدريس : ولما 

- قيل له  لأن الدال على الخير له مثل أجر فاعله .  وإدريس دعا كل الناس إلى الله جل وعلا ونصحهم وذكرهم فكان كل من يعمل خيرا او صالحا فى ميزان ادريس عليه السلام تخيلو كدا لما تدلو الناس إلا حواليكم على الخير .. حتى الاطفال الصغيره لو علمت طفل إزاى يذكر ربنا .. إزاى يصلى .. ازاى يحترم ابوه وأمه تخيلو كدا لو كبر وطول حياته بيعمل بكلامك وبيصلى ها تاخد أجره .. بطلو تنشرو الكره سواء بين الاطفال او الكبار .. بلاش السب قدامهم وبذاءة اللسان ودلوقتى  بنطلع  جيل لا عنده اخلاق ولا أدب ونرجع نقول بناخد سيئات ومخنوقين منين ماهو دا من ضمن أعمالك إلا بتتراكم على ضهرك بدال ما تعلم الشر علم الخير وانشره .. بص لهم ماشى 

كلهم : ابتسمو .. وهزو راسهم وفى نفس واحد ماشى 

على بيسأل يوسف وعايز يفهم  : هو فعلا سيدنا إدريس قبض فى السماء الرابعه 

يوسف رفع إيده لفوق : الله أعلم .. حتى الأن أختلف العلماء فى ذلك .. بس ها أقول لكم بأختصار الأراء كلها لمجرد العلم بالشئ ولا الجهل بيه .... ذُكر إدريس عليه السلام، بأنه كان صدِّيقًا نبيًا، وأن اللّه رفعه مكانًا عليًا، موضحًا أنه وقف المفسرون مع الروايات الواردة عن أنبياء بني إسرائيل، مؤكدًا أن سيدنا إدريس أول نبي أرسل إليه سيدنا جبريل، وأنه كان ضارعًا وملتجئا إلى الله، وكثير الذكر، فصادق ملكًا، ورفعه إلى السماء، وهو في السماء الرابعة قابل ملك الموت، وسأله متى يحين أجل إدريس، فقال ملك الموت، إن إدريس سيقبض الآن، فقبضت روحه في السماء الرابعة، لافتًا إلى أنه يقصد بتفسير «ورفعناه مكانا عليا» بمعنى أنه عُرج به إلى السماء، ثم أجله انتهى، وهذه رواية، أما  الرواية الصحيحة أن النبي رأى روحه في السماء الرابعة في ليلة الإسراء والمعراج، حسب ما رواه البخاري 

وبحسب قول مجاهد أنّ إدريس لم يمُت، وإنّما رفعه الله إليه مثل عيسى، أمّا الحسن فقال إنّ المراد ب "مكاناً عليّاً" هو الجنّة، وقابله رسول الله -صلى الله عليه وسلم- في السماء الرابعة ليلة الإسراء والمعراج ... فهنا أختلفت التفاسير والأقوايل والله أعلى وأعلم .. وكل إلا إحنا متاكدين منه كلام الله فى كتابه الكريم وكلام رسله سيدنا النبى عليه أفضل الصلاة والسلام بأنه رأى سيدنا إدريس فى السماء فى رحلة الإسراء والمعراج وهذا لا يعنى بأنه قبض فيها  وذكره الله فى القرأن الكريم  .. وهنا الله اعلم بما يقصد بالمكانا العليا 

  (وَاذكُر فِي الكِتابِ إِدريسَ إِنَّهُ كانَ صِدّيقًا نَبِيًّا* وَرَفَعناهُ مَكانًا عَلِيًّا) صدق الله العلى العظيم

*****************

حوريه بتروق الشقه فى مكتبه صغيره فى الصاله  ضولفها قزاز ومقفول على الكتب الا فيها بقفل قربت زقتها عشان تمسح وراها ماهووو فراغ بقى ..  لقت صوره لشاب بيضحك من قلبه وهو على جهاز من الاجهزه الرياضيه الا موجوده قعدت وبتبص فى الصوره ... 

حوريه بعلامة استفهام : معقول دا الشبح دا صغير وبحيره بس إللى بتعامل معاه قوى جدا ممكن تكون صورته من زمان حطت الصوره مكانها وزقت المكتبه بعد ما نضفت .. وكأنها ما شافتش حاجه ...بدء النهار يذهب ويحل مكانه الليل فى أجواء غريبه بتعشها حوريه ... سمعت الخبط البسيط فى وقت الليل فيه دامس مفيش غير نور شقتها منور ... 

حوريه جريت على الباب : أنت جاى ترجعنى البلد 

-أيوا جاهزه 

حوريه : لا استنى أجهز نفسى جريت على جوا بفرحه عكس ماكانت عليها لما كانت موجوده فى البلد لبست وجهزت شنطتها الصغيره الا فيها 3غيارات والكتابين وشنطه ايديها واول ما فتحت باب الشقه النور قطع مسكها من معصم إيديها وقفل الباب بعد ما خد منها المفتاح ونزل 

حوريه : براحه انا مش شايفه حاجه ممكن أطلع التليفون انور الكشاف وأمشى وراك ماهو حرام وعيب تمسكنى كدا 

- مضطر .. لو مش غصب عنى ماكنتش مسكتك 

حوريه : انا ماعرفش حد فى البلد دى يعنى انا غريبه ليه خايف أشوفك هو انت من العصابه وضميرك بيأنبك .. المفروض تسمع لضميرك وتسيب العصابه فورا  ليه تعمل كدا حرام وها تروح النار 

- ابتسم من كلامها : انا ممكن أسيب إيدك عشان ضميرى يبطل يأنبنى وهما يتصرفو معاكى 

حوريه برقت عيونها وبهمس : مين دول يا عمو الشبح هو فى أشباح غيرك فى المنطقه 

- العصابه إلا بتتهمينى إنى منها لا أشباح ولا غيره 

حوريه : ما أقصدش على فكره انا بقترح عليك يمكن محتاج حد يوجهك او ضميرك محتاج حد يقترحلو وبتشاور على نفسها زيى كدا فابقترحلك  

-انا اقتراحى الوحيد ليكى تسكتى وما تكرريش عملتك دى تانى عشان مش ها تلاقى شبح ولا غيره يعبرك تانى .

حوريه اتنهدت واتكلمت بعفويه : تعرف انى حبيت الشقه دى قوى .. هى ليه بعيده وجوا مكان مهجور ايه السبب انا مابقتش فاهمه ايه بيحصل فى البلد دى او ايه بيحصلى انا شخصيا  الحمد لله بخاف من ربنا وبخاف من الغلط وأخلاقى مش وحشه وطول الوقت بحاول أفهم فى دينى برغم ان دراستى غير بس عمرى ما أهملت  الحبل الموصول بينى وبين ربنا ممكن أكون بعصى ربنا وانا مش عارفه فا بتعذب أكيد انا عملت حاجه وحشه ربنا بيعاقبنى عليها .. ما ترد عليا وعيطت قولى أى حاجه بدال ما انت بتجرنى وراك ومش شايفه أى حاجه من الضلمه إلا حياتى بقت تشبهها مش واضحه ولا مفهومه وبصوت مهزوز انا عايزا حد يطمنى محتاج الا يطمنى هو سكت خالص ما ردش عليها وهى عيطت أكتر وبصوت مخنوق .. ما بتردش عليا ليه أنا ها اتجنن حاسه إنى مسجونه 

الشبح : يومين حسيتى فيهم بالسجن .. إحنا قريه كامله مسجونه بقالها سنه وكأن ملناش وجود .. ناس حياتها وقفت وناس أفتقرت وناس تعبت وناس ولادهم مش عارفين لا يروحو تعليم ولا يكملو حياتهم ...، أتنهد بصوت مسموع يمكن وجودك وسطنا يحرك الدنيااا وإلا مش شايفنا نظرهم يفتح ويقع علينا 

حوريه عيطت أكتر : أنت بتخوفنى أكتر بقولك طمنى مش إقلقنى 

الشبح برد فعل سريع حوريه ضحكت عليه : الله مش بصارحك فاكره إن الطياره الخاصه بتاعتنا ها تيجى تخطفك من وسطنا وتطير بالطياره على سطح الجيران مثلا 

حوريه : هههههههه .. خلاص خلاص انا اسفه إنى سألتك أصلا 

الشبح : أحسن بردو 

حوريه : انت بتتكلم زينا عادى غير أهل البلد بتلاقى كلامهم معوج شويه فى بعض الكلام أنت منين فضولى مخلينى بتمنى دلوقت الدنيا تنور وأشوفك .. 

-كفايه أسأله ومدى شويه .. لو أم محمد سألتك كنتى فين .. ها تقولى ايه 

حوريه من غير تفكير :  ها أقولها الشبح خطفنى وأنا بهرب وحبسنى فى بيت فى مكان مهجور وهو الا جابنى دلوقت مش ها أكذب يعنى  

-ضحك من قلبه وبيحاول يكتم صوته : أيوا هو دا الا عايزك تقوليه صراحتك تودى فى داهيه  .. وقت بسيط ووصل بيها البلد وسابها قبل ما تدخل فى اماكن منوره مراقبها من

 بعيد ... خبطت على باب أم محمد .. تن .. تن .. تن  وخبطت تانى .. تن .. تن .تن  قامت الست الكبيره بخضه فتحت بقلق وأول ما شافتها اتنهدت وحضنتها من غير تفكير  وبتحسس عليها ..

أم محمد : انتى بخير يا بنتى 

حوريه : أيوا يا خالتى بخير ما تقلقيش عليا 

أم محمد ؛ كنتى فين وإيه حصل بيكى طول المده دى ليه كدا قولتلك ما تخرجيش والله خايفه عليكى وعلى شبابك 

حوريه قعدت وبدأت تحكى لها كل حاجه من غير ما تكذب فى كلمه واحده .. وبس يا خالتى .. تفتكرى دا مين بس أنا شفت صورته صدقينى  .. هو طويل وشكله عامل زى وبتحرك ايديها حركه سريعه وبتضم صوابعها على بعض .. وبعدين نطرتها .. اصلى ما بعرفش اوصف بس هو شاب صغير  وضحكت وعسول قوووى كان نفسى أشوفه على الطبيعه 

أم محمد : يعلم بيه ربنا وأبتسمت .. المهم انك بخير .. وكويس انك وقعتى فيه  وبضحكه ملت وشها .. سامعه الصوت .. الله أكبر عليه الشيخ يوسف اتنهدت ربنا جعله نعمه فى حياتنا ونعمه التربيه .. مش ولاد اليومين دول والله يابنتى لا بقى عندهم دم ولا حيا ولا دين 

حوريه : إلا من رحم ربى يا خالتى .. قومى نصلى مع بعض إيه رأيك 

أم محمد : ياله يا حبة عينى والله مبسوطه إنك رجعتى تملى عليا البيت من تانى دا الواد مبروك دواشنى عليكى 

حوريه ضحكت : بجد لسا فاكرنى 

ام محمد : دول بالذات إلا ما ينسوش أبدا إلا يمد ايديهم ليهم بمعروف يابنتى .. قومى نصلى .. قامو وصلو الاتنين مع بعض وحوريه قعدت تقرء فى القرأن الكريم  وأم محمد جمبها بتسمعها .. خلصت وقامت تعمل رياضه وأم محمد مش مبطله ضحك .. 

حوريه بتتنطط : قومى أعملى معايا خلى عندك طاقه وحيويه 

أم محمد  : ههههه انا بمشى ببركة ربنا اقوم اتمرقع كدا ازاى  ... هانهز يا وز دلوقت 

حوريه : 😂😂 وبتنط أعملى إلا تقدرى عليه فكى مفاصلك دا طلعت لذيذه ويا سلام لو فى اجهزه هنا كنتى فكيتى خالص ... دانا لما أرجع إن شاء الله لازم اشترك فى جيم مش ها ابطلها أبدا 

أم محمد قامت بعد ما حوريه حمستها  وحوريه ماسكه إيديها الاتنين وأول ما وقفت بتهز وسطها حوريه ساحت على نفسها من الضحك .. أيوا كدا 

أم محمد : اهووو بفك اهووو  جاتك ايه يا حوريه ها ترقصينى على كبر وبتهز وسطها اكتر صدقى فكيت  وسابت ايد حوريه وماشيه تتهز 

حوريه قعدت على الارض  ونامت على ضهرها وبترفع رجلها وتنزلها وأم محمد بتعمل زيها .. قامت ماسكه وسطها 

أم محمد : بلا قلة قيمه عامله زى البحه وهى بتفرك فى الترعه وماشيه بمرقعه

حوريه : 😂😂 بح مين يا خالتو ...  خلاص كفايه عليكى كدا .. ياله خشى اغسلى وشك ونامى وجسمك سخن كدا وأتلفى خلى البرد يطلع من جسمك 

أم محمد : قادر ربنا يخرجه ويخرج المداعيق دول من حياتنا هما كمان وقامت ريحت على سريها بعد ما غسلت وشها .. وحوريه مكمله تمارين وفكرها كله مع الشبح .. هو مين وليه بيعمل كدا فى حين إن أهل البلد كلهم خايفين وما بيخرجوش من بيوتهم طول الليل  وازاى بيمشى بالثقه دى فى الضلمه وحافظ الطريق .. مش خايف ولا فارق معاه .. وأهل البلد دى ازاى بيجيبو حاجتهم وعايشين وهما لا قادرين يخرجو ولا يدخلو اسئله خلاص ها تفترك دماغها من كتر التفكير والصداع .. دخلت خدت شاور سريع ونامت هى كمان .. 

********* 

بيفتح باب البيت بهدوء وطلع ولسا ها يفتح باب شقته لقى الا بتفتح بالهفه .. 

يوسف بابتسامه : كنت عارف يابنت عمى إنى ها ألاقكى فى وشى من قبل ما افتح ضمها جاااامد ربنا ما يحرمنى منك ويبارك فيكى وفى عشرتك معايا 

أمال بنفس الابتسامه ومحاوطه يوسف بايديها : اللهم امين يا حبيبى هو انا يغمضلى عين وأنت مش فى فرشتك ولا أرتاح طول ما أنت مش جمبى 

يوسف : ربنا يريح بالك وقلبك ... تعالى وأقفلى الباب 

أمال بصاله ومتنحه 

يوسف : مالك متخشبه ليه كدا تعالى جارى هنا 

أمال : ماشاء الله يا يوسف وشك منور وبيضحك لوحده ... ورد فى خدودك وبتخمس فى وشها بايديها الله اكبر 

يوسف ضحك بصوت عالى  : هههههههه .. سيب الكلام دا ليكى قلبتى الأيه يا أمال 

أمال : صح والله ما بكدب ... وقعدت جمبه .. فرحنى معاك إيه باسطتك كدا 

يوسف : والله يا أمال ما اخبيش عليكى أنا الحمد لله حاسس فعلا إنى مبسوط وفى حالة رضا فى حياتى .. أهل البلد والشباب بيستجيبو معايا الناس بدأت تخاف ربنا وترجع عن الطريق إلا كانت ماشيه فيه من كدب وغش ومشاحنات .. فى حالة هدوء وتصالح مع ربنا ونفسهم وقلبى بيقولى إن دى بشرى إن ربنا ها يرفع عنا البلاء قريبا بإذن الله 

أمال أبتسمت : يسمع منك ربنا يا حبيبى تعالى عشان تغير هدومك وتقعد براحتك وإلا هاتريح شويه 

يوسف : اااه ها أريح شويه وربنا يعنا ويقدرنا على اليوم أنهارده  إن شاء الله جمع المحصول فى أرض ابويا وأنتى عارفه ساعتين وأروح له عشان نجمعه كلنا 

أمال : ربنا يعينك يا نضرى .. 

يوسف : يارب .. واقف بيغير هدومه والجرس ضرب مره .. لا دا حد حط إيده على الجرس مش عايز يشيله .. وأمال وشها اتخطف واتبدل لونه من بشرتها بلونها الطبيعى الهادى لأصفر .. خرج يوسف البلكونه يشوف مين وبعدها نزل بسرعه 

💗💗💙💙💚

بقلم : لبنى طارق 

💗💗💙💚💚

 مجرد إجتهاد فى نقل قصص الانبياء إن أصبت فمن الله وإن أخطئت فمنى والشيطان ...

#البارت الخامس 

 يوسف أول ما فتح الباب .. راجل قرب عليه كبير فى السن وبخوف ولهفه : إلحقنى يا بنى .. إلحقنى أنا اسف إنى جايلك دلوجتى 

يوسف : فيك ايه يا حج عبدالله جرا حاجه للحاجه سميره .. 

عبدالله : لا يا يوسف .. لاء .. بس الواد براهيم اتجنن وها يموت مراته مش قادرين عليه .. مشى معايا يا شيخ نلحقه .. تعالى عقله ينوبك ثواب فى البنيه 

يوسف قفل الباب وسبق الحج عبدالله على بيته .. خبط والحاجه سميره فتحت الباب .. بتخبط على صدرها وبرعشه 

سميره : شيخ يوسف جيت فى وجتك الواد براهيم اتجن .. الحقه البنيه ها تموت فى ايده فوج لا انا ولا عبدالله جادرين عليه 

يوسف  : إطلعى يا خاله اسبقينى عشان تفتحيلى الطريق وتسترى مراته وتعرفيه انى طالع .. 

سميره طلعت وهى بتنهج وبتقول حاضر .. 

عبدالله دخل على يوسف وطلع معاه .. 

إبراهيم بزعيق وصوت عالى : سيبينى يا أما خلينى اخلص منها ومسك مراته من شعرها .. وولاده متكومين فى جمب بيعيطو وبيترعشوو .. 

سميره : سيب البنيه يا يبنى حرام عليك ترضى جوز اختك يعمل فيها كدا .. معلش يا منى معلش يا بنتى وسلكتها بالعافيه من إيده .. ومنى اترمت فى حضنها وبتعيط بحرقه وصوت مسموع .. 

منى بصوت عالى : منك لله يا براهيم .. منك لله

يوسف بيتنحنح وسقف بايده وسميره خدت منى ودخلت بيها جوا لانها بهدوم البيت .. 

عبدالله : اتفضل يابنى .. اتفضل .. وزق إبنه وسع من جدام وشى 

إبراهيم بصوت عالى : بقيت الشيطان الرجيم دلوجت 

يوسف حط ايده على كتف إبراهيم : إستهدى بالله يا إبراهيم وأقعد .. اقعد يا حج عبدالله .. وبيشاور لإبراهيم  .. اتفضل  والا أمشى يا إبراهيم 

إبراهيم بينفخ : اتفضل يا شيخ يوسف .. 

يوسف : فى إيه مالك ياعم كدا لا طايق بيتك ولا طايق كلمه حتى من أبوك .. كبرت عليهم خلاص وشنبك خط وبتثبت وجودك 

إبراهيم : لا كبرت ولا حاجه .. أبويا مش حقانى يا شيخ .. وبينصر عليا واحده زى دى اخرتها بنت أبو .... ها تتنطط  عليا بسبب ابويا 

عبدالله : اخص عليك وعلى تربيتك .. والله أنا جصرت .. مش عارف ها أقول ايه لربنا لما يسألنى انا أهملت فى تربيتك وجوزتك بنت ناس زيها زيك تبيع وتشترى فيها وكل يوم والتانى تضربها وكأنها عبد عندك وعايزنا نسكت على قلة الحيا إلا أنت فيها 

إبراهيم بعصبيه بيشاور على ابوه : سامع .. دا كلام واحد بيحب ابنه 

يوسف : والله ما شفت حب أكتر من كدا .. إلا ينصر الضعيف والمظلوم يبقى تشيله فوق راسك يا إبراهيم لانه خايف عليك من عقاب ربنا  .. ياخى أحترم إنه أبوك وأتكلم بأدب معاه .. وبص لعبدالله .. استسمحك تسيبنى شويه معاه يا حج عبدالله 

عبدالله قام وبيخبط على رجله : لله الأمر من قبل ومن بعد .. لله الأمر .. وخبط على سميره ودخل يسكت العيال وياخدهم فى حضنه .. 

يوسف بص لأبراهيم : عندك تلت عيال زى الورد .. تطفيهم بهمجيتك وضربك لأمهم وإهانتها كل يوم والتانى قدامهم  .. وكمان إهانتك لابوك .. لما يكبرو ها يحبوك ازاى والا يعاملوك بما يرضى الله ويبقو بارين بيك ازاى .. إفعل ما شئت كما تدين تدان  .. عايزه يتردلك 

إبراهيم بعصبيه : ماهما إلا بيعصبونى  وزهقونى فى عيشتى زهقت منهم كلهتهم 

يوسف زقه فى ايده بعشم : أستغفر ربك .. خلينى أعرف اتكلم معاك  ..  واستعياذ بالله من الشيطان إطرده من دارك وبيضرب على إيده ..  مهمة الشيطان يفرق الشمل ويخرب البيوت ويكفرك بالنعمه 

إبرهيم وطى راسه : أستغفر الله .. اعوذ بالله من الشيطان الرجيم ..

يوسف : ليه كدا يا إبراهيم كل يوم والتانى خناق وضرب فى عمود بيتك .. لو كسرتها ها يتهد البيت ويبقى خرابه ... اتقى ربنا 

إبراهيم : يرضيك أجى من برا ألاقيها نايمه أقومها واقولها حضريلى لقمه أكلها تقولى الأكل عندك انا تعبانه مش قادره أقوم وبتبجح فيا .. يا قاعدلى ضربه بوذ لما خنقتنى وكل شويه رايح فين .. كنت فين .. راجع منين وخناق .. خناق مابتزهقش  الا زى دى لازم تتربى وتقف انتباه لما ادخل البيت جايبه ليه هنا عشان تتخمد وتقولى تعبانه كل ما اكلمها متنيله تعبانه 

يوسف اتنهد : حد فهمك إن الست  جاريه عندك .. حتى لو جاريه المعامله تبقى برحمه .. يأخى دا زمن الجوارى انتهى مين قالك ان جزاء تعبها وشيلها حمل بيتك وولادك وأبوك وأمك انك تضربها عشان تعبانه .. دا بدال ما تسخن الأكل وتقومها تأكلها لقمه معاك .. تجبر بخاطرها عشان ربنا يجبر بخاطرك ويكرمك .. جبرت بخاطر مراتك كام مره عشان تفرد بوذها وتحبك وتدلعك وتضحك 

إبراهيم ساكت ما بيردش 

يوسف : ايه مفيش مره جبرت بخاطرها بكلمه حلوه ولا لقمه ولا قرشين تشترى حاجه نفسها فيها تدخل السعاده على قلبها  .. إمال هى متجوزه ليه تنتضرب وتتهان وتعيش خدامه فى بيتها إلا ربنا ذكره كا تكريم لها ولمكانتها 

إبراهيم : ايه شيخ .. دا القرأن بيقول الراجله قوامه  .. يعنى انا ما بعملش حاجه غلط واضربها واعمل ما يحللى انا الراجل انا الكل فى الكل  هى ها تتساوى بيا ها تعمل راسها براسى يبقى اكسرها 

يوسف : عندك يا إبراهيم  .. أوعى سامع أوعى تفسر وتنفذ على هواك إلا انك تفسر القرأن الكريم  وتنفذ على هواك وتعمل زى الا ضل سعيهم فى الدنيا ياخدو من الدين إلا على هواهم وياريتهم يعرفو المعنى الحقيقى والمضمون له لو يعرفو  ما ضل سعيهم  .. مش عارف أسئل أهل العلم مش أى حد نجرى عليه نسئله  ونقول أصله تقى أصلها ملتزمه فا نروح فى داهيه فى فكرنا وفهمنا الخطأ فى ناس متخصصه دى مهمتها ... شاور على إبراهيم .. انت تقدر تقوم بمهمة الدكتور من غير ما تدرس 

ابراهيم : لاء 

يوسف : مهمة المهندس 

ابراهيم : لاء 

يوسف : أى مهمه يلزمها دراسه عشان تفهمها صح .. مسك مصحف جمبه دا كنز ربنا وجده فى حياتنا بينور بصيرتنا بيه بس لما بنسوء أستخدام أى شئ مش هانرتاح أبدا فى حياتنا حتى الدين ..  .. عندك الازهر مش لاقى حد يفهمك ربنا يفرجها علينا هنا وكل حاجه تشتغل .. وأنت فى إيدك التليفون 24 ساعه افتح صفحة الازهر وأسالهم كما تشاء على رسايلهم هايردو عليك بس ماتسمعش لراجل زيك قاعدين على قهوه والا باسطه قدام الدار .. يهد حياتك وبيتك عشان بيفتى  ( فسْأَلُوا أَهْلَ الذِّكْرِ إِن كُنتُمْ لَا تَعْلَمُونَ (43) 

إبراهيم : يعنى ها اقعدلك كل نفس اجى أسالك 

يوسف : وماله مش بدال ما تضيع نفسك دنيا واخره وتعيش فى نكد عشان بتقلد دا وإلا دا ..  ولازم تبقى معتدل ربنا ميزك بالعقل ..  وبدء يكلمه على مراته ..... مفيش حاجه أسمها تعمل راسها براسى وانا الراجل وهى الست وقطع راقبه على طول الخط وكأنها إهانه إنها ست .. الرجاله والستات  فى الأسلام سواء .. زى بعض مفيش فرق  المرأة لا تقل عن الرجل، لا من حيث التشريف، ولا من حيث التكليف، ولا من حيث المسئولية إنها مساوية للرجل مساواة تامة، في التكليف، مكلفة بالإسلام والإيمان كما هو مكلف بالإسلام والإيمان، مشرفة بأنها المخلوق الأول من نوعه ، كما أنه المخلوق الأول من نوعه ، ومسئولة عن بيتها، وعن زوجها، وعن أولادها، كما هو مسئول عن بيته، وعن زوجه، وعن أولاده، المرأة مساوية للرجل في التكليف والتشريف والمسئولية، وهذا معنى قوله تعالى: ﴿هُوَ الَّذِي خَلَقَكُمْ مِنْ نَفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا﴾ سورة الأعراف: 189.

وتابع :"أي أنها تحب كما تحب، وتكره كما تكره، وترجو ما ترجو وتسعد بما تسعد، وتعرف الله كما تعرفه، وتتصل به كما تتصل به وتتعلم أحكام دينها، كما تتعلم أحكام دينك، وأية نظرة، ينطلق منها الرجل إلى أن المرأة دون الرجل، للمتعة، للخدمة، للطبخ، لغسل الغسيل، هذه نظرة جاهلية، بعيدة عن منظور الإسلام، المرأة في الإسلام مساوية للرجل"، والدليل: ﴿إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا﴾35 الأحزاب  

يوسف بص لابراهيم : سامع دورها فى الحياه لا يقل عن دورك فى الحياه فا تخيل كدا مخلوق ربنا كرمه كما كرمك  وإحنا بيشاور على نفسه نهينه عشان رجاله  .. ينفع 

إبراهيم : لاء 

يوسف : زى ما هى عليها واجبات وحقوق ليك .. شاور عليه ..  أنت كمان عليك واجبات وحقوق لها  .. زى ما بنقول بالبلدى كله فارس فى ميدانه .. يعنى أنت فارس فى المكانه إلا ربنا خلقهالك وهى أيضا ..  وخليك فاكر وأنت بتتعامل فى بيتك والكلام لك ولها ..  وجعل بينكم مودة ورحمه .. فى أحلى من كدا .. تعامل معاها يا إبراهيم  بالموده والرحمه وهى ها تتعامل معاك بأحسن ما تتمنى والله ... الرسول عليه أفضل الصلاة والسلام

إبراهيم : عليه افضل الصلاة والسلام 

يوسف : أخر وصيه له كان بيوصينا بالنساء لما يبقى اخر كلام رسولنا فى الدنيا كانت للمرأه دا تشريف لها وإلا إهانه  ..  أكيد تشريف للمراه ومكانتها فى المجتمع ...  خيركم  خيركم لأهله .. أستوصو بالنساء خيرا  .. ما أكرمهن إلا كريم وما أهانهن إلا لئيم  ... بيقول ورا بعض كا كلام  مقطفات من الاحاديث .. يوسف بص لابراهيم وبياكد عليه .. وصايا الرسول عليه افضل الصلاة والسلام  للنساء كثيره والدفاع عنها  .. هكذا علمه ربه ورفع إيده لفوق .. ها اقولك تانى .. قال النبي محمد صلى الله عليه وسلم:

إبراهيم : عليه الصلاة والسلام 

يوسف : (استوصوا بالنساء خيرا فإنما هن عوان عندكم، إن لكم عليهن حقا، ولهن عليكم حقا) يعنى زى ما ليك حق عليها هى لها حق عليك .. حقوقكم من بعض لا فرق فيها 

فين بقى حقها عليك فين وصية الرسول الكريم أستوصو بالنساء خيرا .. فين الخير الا فيك 

ابراهيم : عليه الصلاة والسلام .. هى ما بتطاوعنيش يا شيخ وعلى طول مكشره فى وشى محسسانى انى شيطان 

منى خرجت بعد ما لبست حجابها : مكشره ليه فى وشك .. ما بشوفش منك حلو أبدا 

يوسف بص ناحية منى  : ما ينفعش أول ما يحصل بينا مشكله ننسى الفضل بينا وننكر عشره طويله فيها الحلو والوحش يا أم العيال ماهى الدنيااا زى ماهاتعيشى فيها الوحش فيها الحلو 

(وَلَا تَنسَوُا الْفَضْلَ بَيْنَكُمْ ۚ إِنَّ اللَّهَ بِمَا تَعْمَلُونَ بَصِيرٌ (237)   

منى بحرقه : ماهو من إيه يا شيخ .. بصت لإبراهيم .. بيتك مهمله وقاعد مع شوية مقاطيع وتدخل بيتك وش الفجر .. دا يرضى ربنا .. مفيش كلمه طيبه بتخرج منك وكل كلمه بالضرب والأهانه الضحك برا والقرف والكشره جوا بيتك 

إبراهيم بعصبيه : سامع ولما تنتضرب تزعلو .. هى دى طريقه هى  عايزا تتحكم فيا 

يوسف : بعد اذنك يا أم احمد اقعدى وإهدى .. 

منى : لا يا شيخ يوسف .. براهيم جاب اخرتها ولازم يطلقنى مليش عيش معاه بيت أبويا أولى بيا 

سميره : استهدى بالله يا منى وولادك دول يا بنتى تشتتيهم بينكم

منى بعياط : ما هما مشتتين يا خاله .. العيال عايشين يتفرجو على أمهم كل يوم والتانى تنضرب وتتهان .. طول عمرى أسمع إن الجواز  ستره .. بصت ليوسف .. قولى يا شيخ فين الستره فى الفضايح إلا أنا عايشه فيها كل يوم ذنبى إيه .. وانا بنت كنت مستوره ومعززه ومكرمه ومحدش يعرف عنى حاجه جواز إيه وهم إيه إلا فاضحنى وجايب سيرتى على كل لسان   .. 

يوسف : والله عندك حق .. وبص لأبراهيم .. يرضيك تخرب بيتك وتشرد عيالك بينكم .. يرضيك تخالف شرع ربنا وبدال ما تستر عليها وتحاجى على مراتك كل يوم  والتانى تفضح بيتك وحالك للناس والكل جايب سيرتك 

إبراهيم : انتو عايزين منى ايه دلوقت 

عبدالله : عايزين حالك ينصلح وتحب مراتك وبيتك .. هى أولى بوقتك الا بتضيعه برا مع شوية عيال فاضيه .. هى أولى بضحكتك إلا مسمعه فى الشوارع والقهاوى دى صدقه  والفلوس الا بتدفعها عليهم برا وعلى القهاوى مراتك وولادك وبيتك أولى بيهم 

يوسف : الله يفتح عليك يا حج .. وبص لأبراهيم .. تخيل يا إبراهيم ان البسمه فى وجه أخيك صدقه ما بالك بوجه زوجتك وعيالك وأمك وأبوك ... اوعى تنسى خيركم .. خيركم لأهله .. ما قالش لأصحابه  ولا جيرانه  لا للأهل .. أهل بيتك وحياتك .. عشان لو فيك خير لهم يبقى أكيد ها يبقى فيك خير للكل .. لو مريح بيتك ها ترتاح جوا وبرا وتعيش مبسوط بجد        

منى : طلقنى يا براهيم 

يوسف نطر إيده  : بلاش كلام فارغ يا أم أحمد وأبتسم ومسك دقن إبراهيم .. انتى ها تلاقى سحنه زى دى فين تبصى فى وشها وتستبشرى بيها خير .. كلهم ضحكو غصب عنهم  حتى إبراهيم .. ابو ولادك استحملتيه كتير وربنا ها يجازيكى خير .. . نستحمله شويه كمان عشان هو جدع وها يلين والا ها تكسفنى

إبراهيم : لا مش ها اكسفك  بس هى تتعدل معايا وتضحك فى وشى 

يوسف زقه : ها تضحك يا عم لما تتحرك كدا وتطول راقبتنا .. طيب قوم إعملى عصير ريقى ناشف 

إبراهيم بتلقائيه بص لمنى : إعملى عصير للشيخ 

منى اتحركت من غير تفكير : حاضر .. 

يوسف ابتسم : ماشاء الله بتسمع الكلام اهو حتى وانت مزعلها يا راجل ...  تعالى يا أم الأبطال اقعدى .. وبص لأبراهيم .. انا عايز منك انت .. انت الا نشفت ريقى وجبتنى جرى مش تكرمنى وتضيفنى فى بيتك 

إبراهيم ابتسم : عنيه ليك يا شيخ .. وقام دخل المطبخ .. ويوسف وجه كلامه لمنى ..

يوسف : معلش استحملى شويه كمان وخليها عليكى ما تهديش بيتك بعد العمر دا كله وأنا إن شاء الله كل ما اشوفه ها اخليه يجى يصلى فى الجامع وأتكلم معاه .. بس أنتى زى ما ليكى وبتدورى على حقك منه هو كمان له حقوق عليكى .. أتكلمى مره وفوتى مرتين تلاته .. اضحكى وهزرى  معاه حتى لو مش طايقه مره فى مره ها تلاقى النتيجه إلا عايزاها  ماهو التغير مش هايجى لوحده ..  كل كلمه قولتها لإبراهيم بقولها وبكررها ليكى انتى كمان  .. ساعدو بعض مش واحد يشد .. التانى يشد والحبل يتقطع  .. جوزك راعيه وعمرى بيتك ماتسمعيش لحد عايز يخربه 

منى بعياط : حاولت كتير ياشيخ وتعبت معاه هو انا اخدم واخلف وأربى ليه  عليا من دا بإيه 

يوسف : بكتير يا أم أحمد إنوى إن تعبك ومجهودك فى البيت ومع عيالك وإحتسابك فى الخلفه لله حتى لو تعبانه اجرك كبير عند ربنا سبحانه وتعالى .. إسمعى شوفى انتا بتعملى إيه ... رسول الله صلى الله عليه وآله قال: أيما امرأة رفعت من بيت زوجها شيئا من موضع إلى موضع تريد به صلاحا نظر الله عز وجل إليها ومن نظر الله إليه لم يعذبه، فقالت أم سلمة رضي الله عنها: ذهب الرجال بكل خير فأي شئ للنساء المساكين؟ فقال صلى الله عليه وآله: بلى إذا حملت المرأة كانت بمنزلة الصائم القائم المجاهد بنفسه وماله في سبيل الله، فإذا وضعت كان لها من الاجر مالا تدري ما هو

يوسف ابتسم شفتى ربنا أجره كبيره قوووى ومش ناسيكى ولا ناسى أجر أى ست بتطبخ وتمسح وتغسل وتحمل وتولد وتربى ... أنتى فى عين الله  ..تكرهى تكونى فى عين الله 

منى : لاء حد يطول 

يوسف : انتى طولتى اهووو و انتى فى بيتك . وكمان منزلتك عند ربنا فى الحمل كمثل الصائم القائم المجاهد بنفسه وماله .. يعنى فى أعلى منزله ولو وضعتى يعنى ولدتى كان لكى من الأجر مالاتدرى ماهووو .. فى أعظم من كدا .. يعنى افرحى واتبسطى بأجر ربنا ليكى وإحتسبى عند الله  وحافظى على صلاتك وعلى وردك اليومى وساعة ما يدخل عليكى أعملى فرح حسسيه إنك عايزاه وحابه وجوده مفهاش حاجه دا واجبك وانتى ملزمه بكدا .. 

أسمعى الحديث  (خير النساء من تسرك إذا أبصرت، وتطيعك إذا أمرت، وتحفظ غيبتك في نفسها ومالك)، يوسف بتاكيد .. هو دا حقه أدام ما بتعصيش ربنا او امرك بمعصيه ساعتها نقول لاء وألف لاء وبيلف إيده فى الهوا 

(لا تؤدي المرأة حق الله حتى تؤدي حق زوجها )، كما قال النبي صلى الله عليه وسلم (إذا صلت المرأة خمسها وصامت شهرها وحفظت فرجها وأطاعت زوجها دخلت جنة ربها)، فالإسلام رفع مكانة المرأة وأرقاها حتى تبلغ أعلى درجات الجنة حين تعبد ربها فيما أقامها كزوجة أو أما أو بنتا. 

يوسف : كل حاجه بسيطه بس نتنازل عن الكبرياء إلا عايشين بيه مع بعض .. ادى دورك وهو يأدى دوره وساعتها هانقول هى دى الزوجه الصح وهو دا الزوج الصح 

.. وها اوصيكى بحاجه لو عملتيها هاتغير حياتك بإذن الله وتدخل فى حياتك الخير والسرور والبركه وتبعد عنك الحسد  وتبطل السحر بإذن الله 

منى بالهفه بتمسح دموعها : إيه يا شيخ قول وانا اعمل 

يوسف : أقرى كل يوم سورة البقره كامله فى الاول هاتبقى طويله عليكى بس بعد كدا ولا أخف منها ولا أحلى مش ها ترتاحى غير بقرايتها .. بيتك ها يتغير .. جوزك كل إلا نفسك فيه ها تلاقيه بس خلى فى صدق فى نيتك لربنا وثقتك فى الله اقوى وكله بإذنه يتغير مادام التغير بدء فينا .. 

منى هزت راسها : حاضر يا شيخ يوسف 

يوسف : زى ما بتراعى بيتك وولادك راعى جوزك 

منى بعياط :  والله معملتى له من تعبى 

يوسف : ان شاء الله ترتاحى وإنتى وهو تفهو الحياه وتعيشو بأمان .. ربنا يصلح حالك وحاله ويبارك لكى  فى بيتك وأولادك .. 

كلهم : اللهم أمين 

إبراهيم بينادى : يا منى .. يامنى 

عبدالله ضحك : اجرى إلحقيه اهو بيغرق فى كوباية عصير جوا  عشان تعرفى إنه من غيرك ما ينفعش يا بنت الناس 

منى وكلهم ابتسمو وقامت من مكانها وبتبص لهم : اروح له 

يوسف : روحى ربنا يوفق ما بينكم ويبعد عنكم الشيطان ... ومنى دخلت المطبخ 

إبراهيم بصوت واطى : مش عارف أعمل العصير 

منى بصت له وواقفه ساكته 

إبراهيم مسك راسها باسها  : حقك عليا .. ابوس ايدك تعالى ساعدينى فى العصير الراجل قاعد برا 

منى قربت : تعالى .. هات البرتقان دا ... وقطعه وشبح ابتسامه ظهر على وشها اول مره تشوفه جوا المطبخ لاء ومطيع ... ووقف عمل معاها لهم كلهم وخرجو مع بعض ..  قدمت العصير  وشربو مع بعض وصفى الخلاف مؤقتا لحد ما نفوسهم تهدى مع مرور الايام وكل واحد يعرف له ايه وعليه ايه

يوسف وهو ماشى وإبراهيم واقف معاه تحت مسك إيده : أشترى اى حاجه حلوه تفرحها بيها وتصالحها .. تهادو تحبو ... أوعى تمد إيدك مهما حصل عليها 

أبراهبم بابتسامه : اشترى مشبك من منصور الحرامى 

يوسف : ههههههه ياعم انت همك على بطنك السوق بكرا هات أى حاجه حريمى هديه تفرح هى بيها وبيلف ايده فى الهوا مش كلكو تفرحو وتشاركوها ... خد بالك كل ما تراعيها وتفتكرها دايما بأقل الاشياء حتى بالكلمه ..  لو بينك وبينها جليد ها يدوب سامع 

إبراهيم :  ماشى يا شيخ يوسف عنيه ها اروح اجيب ريحه وأريحها 

يوسف رفع إيده : ربنا يريحك يا إبراهيم 

إبراهيم : ههههههه .. تعبتك معايا وقلقتك 

يوسف : ولا يهمك ربنا يصلح حالك وحالها .. ورفع إيده السلام عليكم ورحمة الله وبركاته 

إبراهيم رفع ايده : وعليكم السلام وطلع جرى على فوق 

يوسف راح غير ونزل على طول راح لابوه يجمع معاهم المحصول لا نام ولا أرتاح ... خصلو قبل الضهر بساعتين أستغلهم وروح خد شاور ونام فيهم 

**********

حوريه قامت بكل همه ونشاط روقت البيت وعملت فطار وصحت أم محمد فطرو مع بعض .. 

حوريه : خالتى انا بزهق بسرعه مابحبش اقعد كدا 

أم محمد : نفسك تعملى ايه وانا أعمل معاكى 

حوريه : انا بحب الرسم على الحيطان قوى وبحب الاطفال تعرفى ممكن أخلى بلدكم دى جميله قوى زى النوبه 

أم محمد ضحكت : ياريت .. بدال منظرها العفش دهوه وانتى ها تقدرى ترسمى على البلد كلها 

حوريه ابتسمت : عندكو بتاع دهانات 

أم محمد : ايوا عندنا 

حوريه : ايه رايك نلم من كل بيت فى المنطقه دى وكلنا نساعد بعض ونجمل المكان 

أم محمد : هما لاقين ياكلو والله ما حد ها يطلعلك قرش واحد 

حوريه كشرت : خلاص نعمل البيت دا انا معايا فلوس 

أم محمد : يابنتى وفرى فلوسك مش عارفين بكرا فيه ايه 

حوريه : سيبيها على ربنا يا خالتى .. قومى البسى ياله .. ياله 

أم محمد : يوه متسربعه على ايه يا حوريه لسا بدرى ... 

حوريه : لاء دلوقت الله يخليكى وانا كلى حماس كدا ...راحت محل البويات .. وجابت جردل بلاستك كبير وألوان صغيره تقريبا كل الاولوان وصنفره اتنين متر ... ورولا صغيره ورولا كبيره ... وجابت خمسه كيلو اسمنت وأم محمد ها تتجنن  وروحو 

أم محمد بتمسح وشها بالطرحه وبتهوى عليها : ليه يابنتى كل الحاجات دى 

حوريه ابتسمت : ها أخلى بيتك دا جنه يا خالتى برا وجوا 

أم محمد : دا أوضه وصاله ها تزهقى روحك فيهم ليه 

حوريه : لا بكرا تشوفى ها أعمل إيه ومش ها أخليكى تحسى إنهم أوضه وصاله ابدا ... قومى ياله نعزل الاوضه ولميلى كام عيل من إلا بيلعبو فى الشارع دول يعملو حاجه مفيده 

أم محمد خرجت وبتنادى على العيال وكلهم راحو جرى لها  

حوريه بصوت عالى نوعا ما : هووووش .وطو صوتكو شويه .. تعالو ياله نعزل الاوضه ونصنفرها  كل واحد ياخد جنيه 

ام محمد : جنيه بحاله كفايه ربع 

حوريه : لا جنيه بس يعملو معايا كل حاجه 

الاطفال كلها هللت وفى ظرف 5 دقايق كانو مسحو البيت مسح  وشغل حوريه مش عايزا تأجله عايزا تخلص عشان الولاد ممكن ما يرجعوش لها تانى .. بتعزل وتنفض المكان وتكنسه هى والأولاد 

************

بعد صلاة العصر ... يوسف متجمع هو وكل الشباب وانضم لهم ابراهيم بعد إصرار يوسف إنه يحضر كل صلاه 

حسن : كمل يا شيخ الله يرضى عنك 

يوسف : أمين ويرضى عنكم ويصلح أحوالكم 

كلهم : أمين 

يوسف : بسم الله أحمده وأستعينه وأصلى على خير خلقه سيدنا محمد وعلى آله وصحبه أجمعين 

كلهم : عليه أفضل الصلاة والسلام 

يوسف :  بعد حكايه ها اختصرها لكم عشان تعرفو إزاى الشيطان كان بيضحك على عقول الناس وبيغويهم  بعد ما فضل التوحيد على الأرض بعد سيدنا ادم عشرة قرون ومش شرط القرن يكون مائة عام كأيامنا هذه  .. ممكن  يكون الف سنه والله أعلم  لحد ما جه  اليوم اللى ها  تحقق الشياطين فيه ما ارادت فى الأرض وخبط ايده على بعض .. ازاى بقى الحكايه كانت بتبتدى من من هنا 👈كان هناك رجال صالحون يعبدون الله عز وجل وهم .. ودًّا وسواعًا ويغوث ويعوق ونسرًا أحبهم قومهم جدا جدا جدا  لما توفى الخمس رجال جاءت الشياطين لهم يشوفو شغلهم بقى بدئو يوسوسو ويقولو لهم لو أنكم صورت لهم صورا.. يعنى أعملو لهمو تماثيل يذكرونكم بعبادة ربكم .. بمعنى طول ما انتو شايفين تماثلهم ها تفتكرو وتتشوقو  لعبادة الله عز وجل .. الهدف والنيه فى البدايه كانت نيه صالحه من القوم حتى يذكرونهم بعبادة الله عز وجل وفعلا جعلو هناك أصنام وتماثيل .. ودًّا ..وسواعًا ..ويغوث ..ويعوق ونسرًا.. ومع الأيام ذهب جيل بعد اخر ثم بالناس بدئو يتوسلون بهم ويتبركون بهذه الاصنام ويعظمونهم حتى وصل الأمر بهم إلى عبادة تلك الاصنام من دون الله عز وجل وأول من عبد منهم ودا.. فكانت الناس تسمى عبد ودا .. فأرسل الله لهم أول رسول على الارض ليأتى برسالة تبليغ من الله لهم  .. وكان نوح عليه السلام .. 

سورة الأعراف - الآية 59

لَقَدْ أَرْسَلْنَا نُوحًا إِلَىٰ قَوْمِهِ فَقَالَ يَا قَوْمِ اعْبُدُوا اللَّهَ مَا لَكُم مِّنْ إِلَٰهٍ غَيْرُهُ إِنِّي أَخَافُ عَلَيْكُمْ عَذَابَ يَوْمٍ عَظِيمٍ (59) .. 

 يوسف بيكمل : وكان الحكام والأثرياء والاغنياء وجهاء القوم أول من تصدو لنوح عليه السلام كاعادة الرسل أول من يتصد لهم كبار القوم ... الملأ الذين يملئون الواجهه .. قالو لنوح عليه السلام يا نوح إن الذى تدعون إليه ضلال مبين  

(قَالَ الْمَلَأُ مِن قَوْمِهِ إِنَّا لَنَرَاكَ فِي ضَلَالٍ مُّبِينٍ ) 

ضحك يوسف ضحكه بسطيه : تخيلو معايا الا بيدعو لعباده ربنا سبحانه وتعالى وإلى التوحيد شايفينه فى ضلال .. وهما بيعبدو أصنام وحجاره  وبيشركو بالله ودا ما بيسمهوش ضلال وهم العقلاء لكم ان تتخيلو  رد عليهم نوح ما سبش ولا شتم  لاء ..

(قَالَ يَا قَوْمِ لَيْسَ بِي ضَلاَلَةٌ وَلَكِنِّي رَسُولٌ مِّن رَّبِّ الْعَالَمِينَ أُبَلِّغُكُمْ رِسَالاَتِ رَبِّي وَأَنصَحُ لَكُمْ وَأَعْلَمُ مِنَ اللّهِ مَا لاَ تَعْلَمُونَ [الأعراف61-62]

رد عليه الملأ مرة اخرى لأن من أمن بنوح عليه السلام الفقراء والضعفاء فردو عليه وقالو إيه

(فَقَالَ الْمَلَأُ الَّذِينَ كَفَرُوا مِن قَوْمِهِ مَا نَرَاكَ إِلَّا بَشَرًا مِّثْلَنَا وَمَا نَرَاكَ اتَّبَعَكَ إِلَّا الَّذِينَ هُمْ أَرَاذِلُنَا بَادِيَ الرَّأْيِ وَمَا نَرَىٰ لَكُمْ عَلَيْنَا مِن فَضْلٍ بَلْ نَظُنُّكُمْ كَاذِبِينَ (27)

يعنى بيقولو مين أمن بيك أفقر الناس وأضعفهم وأتعسهم  هؤلاء الذين لا يتزوجون ولا ينكحون أما نحنو .. كبارء القوم وأغناهم  ما نرى لكم علينا من فضل فنظنكم من الكاذبين فرد عليهم نوح عليه السلام 

سورة هود - الآية 28

( قَالَ يَا قَوْمِ أَرَأَيْتُمْ إِنْ كُنْتُ عَلَى بَيِّنَةٍ مِنْ رَبِّي وَآتَانِي رَحْمَةً مِنْ عِنْدِهِ فَعُمِّيَتْ عَلَيْكُمْ أَنُلْزِمُكُمُوهَا وَأَنْتُمْ لَهَا كَارِهُونَ (28) 

بمعنى .. نحنو لا نجبركم على الدين ... ليس فى الدين إكراه .. إن شئتم أمنتم وإن شئتم لا تؤمنون... تخيلو ردو عليه قالو  إيه .. يوسف بيلف بعيونه على إلا قاعدين ...  تريد مال نعطيك مالا والا انت عايزه ها ندهولك بس أترك هؤلاء إلا أمنو بربنا سيبهم مالكش دعوه بيهم 

رد عليهم نوح وقال 

سورة هود - الآية 29

(وَيَا قَوْمِ لا أَسْأَلُكُمْ عَلَيْهِ مَالا إِنْ أَجْرِيَ إِلا عَلَى اللَّهِ وَمَا أَنَا بِطَارِدِ الَّذِينَ آمَنُوا إِنَّهُمْ مُلاقُو رَبِّهِمْ وَلَكِنِّي أَرَاكُمْ قَوْمًا تَجْهَلُونَ (29) 

يوسف على صوته ... أنتم فى جهل أنتم لا تعلمون .. أرئيتم هؤلاء المساكين الذين يعبدون الله ويتركون عبادة الأصنام إن تركتهم فإن الله يعاقبنى ... ثم قال انا لستو مالكا ولا أعلم الغيب وماعندى خزائن السموات والارض انا بشر مثلى مثلكم ولكنى أول رسول بعثنى الله عز وجل إليكم لتعبدو الله وحده .. انا  اخاف عليكم عذاب يوم عظيم ... فضل سيدنا نوح يدعو قومه الف سنه إلا خمسين عام  يعنى 950 سنه بيدعوهم لعبادة الله وينهاهم عن عبادة الاصنام ... 950 سنه سيدنا نوح بيدعو قومه ليلا ونهارا .. صباحا ومساء

(قَالَ رَبِّ إِنِّي دَعَوْتُ قَوْمِي لَيْلًا وَنَهَارًا) ومع كل هذا .. كل ما دعوتهم فرو منى بل وجعلو أصاعبهم فى اذانهم  ... وصل بيهم الامر انهم  بيسدو ودانهم عشان ما يسمعوش له والأكثر من هذا كانو يضعون الثياب على وجهوهم حتى لا يرو نوح عليه السلام 

(وَإِنِّي كُلَّمَا دَعَوْتُهُمْ لِتَغْفِرَ لَهُمْ جَعَلُوا أَصَابِعَهُمْ فِي آذَانِهِمْ وَاسْتَغْشَوْا ثِيَابَهُمْ وَأَصَرُّوا وَاسْتَكْبَرُوا اسْتِكْبَارًا )

ما ترك سيدنا نوح شئ فى الدعوه إلا وفعله .. وهم كانو يستكبرون  حتى قال لهم ان عبدتم الله واستغفرتم الله جلا وعلا  يؤتيكم خير الدنيا والأخره .. 

(9) فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا (12) مَا لَكُمْ لَا تَرْجُونَ لِلَّهِ وَقَارًا (13) 

لما لا تعظمون ربكم الذى خلقكم مستغرب ومفيش فايده  ..  قوم نوح كان عندهم ملك كان عنده أموال عظيمه وأولاد كثيره وكان يأمرهم بعبادة غير الله عز وجل 

 (20) قَالَ نُوحٌ رَبِّ إِنَّهُمْ عَصَوْنِي وَاتَّبَعُوا مَنْ لَمْ يَزِدْهُ مَالُهُ وَوَلَدُهُ إِلَّا خَسَارًا (21) وَمَكَرُوا مَكْرًا كُبَّارًا )

حرضو الناس على عبادة الاصنام الخمس

(22) وَقَالُوا لَا تَذَرُنَّ آلِهَتَكُمْ وَلَا تَذَرُنَّ وَدًّا وَلَا سُوَاعًا وَلَا يَغُوثَ وَيَعُوقَ وَنَسْرًا (23) وَقَدْ أَضَلُّوا كَثِيرًا وَلَا تَزِدِ الظَّالِمِينَ إِلَّا ضَلَالًا (24)

استمر نوح عليه السلام فى دعوتهم وهم فى عنادهم وإصرارهم واستكبارهم بل جائو لنوح عليه السلام .. انظرو للوقاحه 

أنت جادلتنا وأكثرت جدلانا .. ورينا بقى الا بتوعدنا بيه بقالك 950 سنه وما شوفناش حاجه لا عذاب  وغيره 

 سورة هود - الآية 32

قَالُوا يَا نُوحُ قَدْ جَادَلْتَنَا فَأَكْثَرْتَ جِدَالَنَا فَأْتِنَا بِمَا تَعِدُنَا إِن كُنتَ مِنَ الصَّادِقِينَ (32)

ما يئس نوح عليه السلام من قومه طول فترة دعوته ورد عليهم بكل ثقه وجراءه وقال لهم 

 (قَالَ إِنَّمَا يَأْتِيكُم بِهِ اللَّهُ إِن شَاءَ وَمَا أَنتُم بِمُعْجِزِينَ ( 33)

يعنى لن تعجزو الله عز وجل إذا شاء أنزل عليكم العذاب لن تعجزوه ولن تقدرو على المقاومه  .. ومع هذا لم تؤمن بيه زوجته أقرب الناس اليه وإبنه فلذة قلبه لا يؤمن بيه لا يؤمن بيه إلا القليل من قومه الفقراء والمساكين  وباقى أولاده .. حتى أوحى الله عز وجل الى نوح أن باب التوبة قد أقفل 

قوله تعالى: «و أوحي إلى نوح أنه لن يؤمن من قومك إلا من قد آمن فلا تبتئس بما كانوا يفعلون) 

باب التوبه اغلق لن يؤمن أحدا بعد اليوم حتى زوجتك .. حتى ابنك .. حتى اقرب الناس اليك فى هذه اللحظه دعا نوح ربه قال 

(وَقَالَ نُوحٌ رَّبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا ( 26) 

هذه رحمة بهم لانهم إن تركو لأزدادو كفرا وعناد وازداد عذابهم  ... دعا نوح على قومه ان يهلكهم الله عز وجل فلما دعا عليهم أوحى عليه .. أن يا نوح أصنع السفينه .. ابدء بصنع سفينه فى الصحراء .. نوح عليه السلام يسأل .. صحراء فيها سفينه من أين أصنع السفينه بالصحراء أين الخشب لا اشجار ولا أخشاب بالصحراء  وليه أصنع السفينه أصلا ..

( وَاصْنَعِ الْفُلْكَ بِأَعْيُنِنَا وَوَحْيِنَا وَلَا تُخَاطِبْنِي فِي الَّذِينَ ظَلَمُوا ۚ إِنَّهُم مُّغْرَقُونَ)

أمر الله عز وجل لك يا نوح أن تصنع هذه السفينه فا إبدء بصناعتها حتى لو كانت فى صحراء ... كيف سا يبدء نوح فى صناعة السفينه أين الاخشاب ومين يعلمه صنع السفينه .. وقومه يتركوه يصنع  السفينه وكمان فى الصحراء .. الأمر غريب مستغرب على نبى من انبياء الله .. بعد أن كان يدعوهم إلى الله ترك الدعوه لانه لا يؤمن أحد .. وبدء فى صناعة السفينه ماذا يقول قومه له وما موقف ابنه معه وماذا سا يحصل لقوم نوح وكيف سا ينزل عذاب الله عليهم جلا وعلا  ... علمه الله ان يزرع شجرا بطريقه معينه لسنوات طويله حتى حصد نوح عليه السلام هذه الاشجار وعلمه الله ان يقطعها 

أحمد : طيب وهما سابوه كدا عادى يزرع ويحصد ويقطع 

يوسف هز راسه بنفى : لا طبعا .. بدء الناس يمرون عليه مستغربين حاله ساب الدعوه ونهيه لعبادة الأصنام  خالص وقاعد فى الصحرا هو والذين أمنو معه يقطعون الأشجار ويشتغلون بالنجاره  ويصنعون سفينه بدئو يسخرو منه طول الوقت 

حسن : طيب ازاى يصنع سفينه وهو مايعرفش حاجه فى النجاره هيكلها وشكلها وهكذا يعنى 

يوسف : ربنا زى ما علم أبونا أدم الاسماء والحياه علم الانبياء والرسل ودى من ضمن المعجزات إلا الناس غافله عنها .. ازاى ماعنديش اى فكره ولا علم بشئ وأصبح أعمله هكذا كان يعلم الله رسله وانبياءه 

علمه الله ان يركب الخشب على الخشب بالمسامير وبدء يصنع سفينه عظيمه بالصحراء وقومه يمرون عليه .. يقولون له أجوننت يا نوح كنت تدعونا إلى دينك وتنصحنا ونحن لا نؤمن بك  لكن ان تصنع سفينه فى صحراء كاحله لا يفعلها إلا المجانين .. 

كريم : عمل ايه لما كل ما يمرو عليه يتهموه بالجنون 

يوسف : ضحك من استهزائهم بيه واتهامهم بالجنون له  وهو يصبر على هذا ورد عليهم رد يعلمهم ان هناك يوم سايقف فيه أمام الله عزوجل وساعتها ها يعرفو مين ها يسخر من التانى  

♦ الآية: ﴿ وَيَصْنَعُ الْفُلْكَ وَكُلَّمَا مَرَّ عَلَيْهِ مَلَأٌ مِنْ قَوْمِهِ سَخِرُوا مِنْهُ قَالَ إِنْ تَسْخَرُوا مِنَّا فَإِنَّا نَسْخَرُ مِنْكُمْ كَمَا تَسْخَرُونَ)

والناس سنوات طويله فى تعجب ما بال هذا الرجل الذى يصنع سفينه لا نهر فيها ولا ماء وكلها جبال هذه هى بلد نوح الذى يعيش فيها عليه السلام ما الذى يحدث ويجرى واستمرو فى قولهم على نوح بإنه مجنون 

(كَذَّبَتْ قَبْلَهُمْ قَوْمُ نُوحٍ فَكَذَّبُوا عَبْدَنَا وَقَالُوا مَجْنُونٌ وَازْدُجِرَ) 

فاوحى الله عز وجل لنوح يا نوح هناك علامه واذا ظهرت أركب انت ومن أمن معك السفينه بعد أن اكتملت السفينه .... قال يا نوح رأيت هذا التنور الذى يخرج منه نار عند نوح عليه السلام ..  أرئيت يا نوح إن خرج من هذا التنور الماء ... أركب انت ومن أمن معك السفينه 

حسن : ظهرت العلامه على طول 

يوسف : فضل سيدنا نوح منتظر العلامه الا هى 

الشباب : خروج الميه من التنور الذى به النار 

يوسف : الله ينعم عليكم .. وفعلا ظهرت العلامه بعد انتظار وركب نوح والمؤمنين بالله معاه السفينه وقومه متعجبين مستغربين بيعملو ايه دول وراكبين سفينه فى الصحرا ... وأوحى الله الى الحيوانات لكل ذكر وانثى ان يركبو هذه السفينه فبدأت الحيوانات تركب والطيور تقف  

 (وقال اركبوا فيها بسم الله مجراها ومرساها إن ربي لغفور رحيم) 

وبص لهم يوسف : ليه لان العلامه بدأت لأن العذاب سا ينزل الأن ...

﴿ حَتَّى إِذَا جَاءَ أَمْرُنَا وَفَارَ التَّنُّورُ قُلْنَا احْمِلْ فِيهَا مِنْ كُلٍّ زَوْجَيْنِ اثْنَيْنِ وَأَهْلَكَ إِلَّا مَنْ سَبَقَ عَلَيْهِ الْقَوْلُ وَمَنْ آمَنَ وَمَا آمَنَ مَعَهُ إِلَّا قَلِيلٌ)

أحد ابنائيه قد سبق عليه القول وزوجته ماتت من زمن .. 

والناس ينظرون ما بال نوح حتى ركب السفينه وحمد الله عز وجل فقال انى  مغلوب فانتصر 

(وَلَقَدْ نَادَانَا نُوحٌ فَلَنِعْمَ الْمُجِيبُونَ (75)

 ..  

فلما ركب نوح والمؤمنين والطيور والحيوانات فسخر الذين كفرو منه ويضحكون عليه  وبدء العذاب 

أحمد : ايه شكل العذاب 

يوسف : منظر موهيب لا يليق إلا بقدره الله عز وجل ..  ابواب السماء تفتح وبدء ينزل منها الماء وكأنها دلو .... و العيون تتفجر من الارض  ويخرج من باطنها الماء .. ليس ماء عادى إنه إهلاك لقوم نوح وعذاب لهم وإذا بالسفينه تطفو بهذا الماء ..  أما اهل الكفر فى بيوتهم ولما غمرت المياه بيوتهم هربو لأسطح المنازل لكم ان تتخيلو كم الرعب والخوف والام تجرى بأولادها الاب مع أولاده والشيوخ والشباب والنساء ..  طوفان يحيط بهم ليهلكهم بكفرهم وعنادهم ... وهى تجرى بهم فى موج كالجبال .. تخيلو الأمواج كالجبال والناس يصرخون ويهلكون ... ماذا صنعتم بكفركم ما يقرب من الف سنه يدعوهم وهم يسخرون ويكذبونه .... بقدرة الله نجى المؤمنين وحيوانات واغرق الذين كفرو به ... 

ظلت المياه تزداد والسفينه تجرى بنوح عليه السلام حتى بلغت المياه رؤوس الجبال الأم تجرى والكل يهرب إلى الجبال ... تذكر نوح إبنه احد ابنائه اسمه يام نظر اليهم جميعا وقال أين أبنى أين فلذة كبدى ... يسئل ابنائه فقالو له يا ابتى لم يركب معانا ... فا رائه وهو بعيد عن الكفار فا ناد نوح ابنه قال يابنى اركب معانا دا ابنه وصعب عليه ... رد عليه إبنه وقال سأوى إلى جبل ... رد عليه نوح وقال يا بنى لا عاصم اليوم من أمر الله .. يابنى .. حتى حال الموج بينه وبين ابنه فا غرق إبنه ... وهو قلبه يعتصر على ابنه ...

حتى اصبحت الارض كلها ماء بحر وظلت السفينه تطوف لايام لشهور وهلك كل ما على الأرض  ماعدا نوح ومن معه لا أحدا على الارض إنه الطوفان 

كريم : خلاص كدا انتهت قصه قوم نوح 

يوسف : لسا ..  سيدنا نوح كان قلبه بيعتصر على إبنه وبيدعو ربنا وبيتوسل له قاله يارب إبنى من أهلى وممكن يكون فى قلبه إيمان بيخفيه ... دى العاطفه الا بتغلب أى أب او أم تجاه اولادهم بيخافو عليهم من الهلاك والعذاب حتى فى الاخره ... وكان رد الله قاطعا عشان سيدنا نوح ما يفكرش فى إبنه تانى 

فقال 

{وَنَادَى نُوحٌ رَّبَّهُ فَقَالَ رَبِّ إِنَّ ابُنِي مِنْ أَهْلِى وَإِنَّ وَعْدَكَ الْحَقُّ وَأَنتَ أَحْكَمُ الْحَاكِمِينَ* قَالَ يا نُوحُ إِنَّهُ لَيْسَ مِنْ أَهْلِكَ إِنَّهُ عَمَلٌ غَيْرُ صَالِحٍ فَلاَ تَسْأَلْنِـي مَا لَيْسَ لَكَ بِهِ عِلْمٌ إِنِّي أَعِظُكَ أَن تَكُونَ مِنَ الْجَاهِلِينَ* قَالَ رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ* قِيلَ يا نُوحُ اهْبِطْ بِسَلامٍ مِّنَّا وَبَركَاتٍ عَلَيْكَ وَعَلَى أُمَمٍ مِّمَّن مَّعَكَ وَأُمَمٌ سَنُمَتِّعُهُمْ ثُمَّ يَمَسُّهُمْ مِّنَّا عَذَابٌ أَلِيمٌ* تِلْكَ مِنْ أَنْبَآءِ الْغَيْبِ نُوحِيهَآ إِلَيْكَ مَا كُنتَ تَعْلَمُهَآ أَنتَ وَلاَ قَوْمُكَ مِن قَبْلِ هَـذَا فَاصْبِرْ إِنَّ الْعَاقِبَةَ لِلْمُتَّقِين}(45ـ49).

 

حسن : راح فين والميه دى فضلت موجوده 

يوسف : بعد فتره طويله من الزمن وشهور طويله ونوح والمؤمنين الا معاه يصلون ويحمدون الله بعد ما نضفت الارض من الكافرين ... نوح يعرف ازاى أن الطوفان انتهى

أرسل حمامه من الطيور الموجوده معاه تلف فى الارض  رجعت فى رجلها اثار لشجر الزيتون .. فاعلم ان الماء بدء يتناقص ... و بعد زمن اخر  بعتها تطوف مره أخرى .. فا لقى فى رجلها طين فا علم ان اليابسه بدأت تظهر  

  القول في تأويل قوله تعالى : (وَقِيلَ يَا أَرْضُ ابْلَعِي مَاءَكِ وَيَا سَمَاءُ أَقْلِعِي وَغِيضَ الْمَاءُ وَقُضِيَ الأَمْرُ وَاسْتَوَتْ عَلَى الْجُودِيِّ وَقِيلَ بُعْدًا لِلْقَوْمِ الظَّالِمِينَ (44) ..

 السفينه رست على جبل أسمه الجودى فى العراق  هبط نوح عليه السلام والذين أمنو معه حتى يعمرو الأرض فلم يكن نسل هناك على الاض سوى نسل نوح ومن معه ... بقى نوح بعد الطوفان لسنوات وهو يعلم أهل الإيمان دينهم ويبلغهم رسالة ربه يأمرهم بالمعروف ويناههم عن المنكر ... ولكن لكل شئ نهايه ... مرض نوح وهوعلى فراش المرض وكان ابنه بجانبه .. فا وصى إبنه فقال له يابنى لو ان السموات والارضين فى كافه ولا إله إلا الله فى كافه لرجحت بهن لا إله إلا الله .. ولو ان السموات السبع والأرضين حلقه لقسمتهن لا إله إلا الله  يابنى أعلم أنه لا إله إلا الله  .. ودى كانت وصية سيدنا نوح عليه السلام و ظل التوحيد وأهل الإيمان لسنوات الله أعلم بها ولكن ماذا حدث هل سا يتركهم ابليس والشياطين موحدون ... ابدا  ... دب الشرك مره اخرى .. نعم توفى نوح وبقيت ذريته ولكن دب الشرك مره اخرى بدء صغيرا وظل يكبر ويكبر ..  ولكن السؤال ماذا حدث بعد نوح عليه السلام إنه أول رسول ينزل فمن أتى بعده  وبص للشباب مين بقى تعرفو 

 على : قولنا انت وكمل يا شبخ 

يوسف : لاااا كفايه عليكم كدا انهارده وضحك أذاكر وأجى أقولكم إن شاء الله بكرا .. ياله يا حبيبى منك له عايزين نتغدى ورفع ايده دعى ربنا وختم بالصلاه على الرسول الكريم  .. و قامو الشباب والضحكه على وشوشهم  ويوسف بعدهم وهو مبسوط بأسئلتهم وحبهم للمعرفه .. وكان لقاىه معاهم فى صلاة المغرب والعشا بنفس الحماس كل ما يشفوه أسئله وحتبين يعرفو ويفهمو ويتدبرو وكل واحد راح على بيته 

********* 

أما العصابه نزلت البلد ومجريه نص الناس قدامهم وقلبو السوق فوقيه تحتيه خصوصا إلا مش معاه يدفع لهم فلوس ... وعرفو إن فى بنت غريبه دخلت البلد من الجواسيس إلا بتبلغهم وقررو ينزلو البلد باليل مخصوص لحوريه  

❤❤💙💙💚💚💚💛

بقلم : لبنى طارق 

💛❤💙💙💙💚💚💛💛

الإختبار الجزء التانى للحلقه ال5 

**************************

سبحان الله وبحمده عدد خلقه وزنة عرشه ومداد كلماته 

بسم الله ماشاء الله لا يسوق الخير إلا الله 

بسم الله ماشاء الله لا يصرف السوء إلا الله 

بسم الله ماشاء الله ماكان من نعمة فمن الله 

بسم الله ماشاء الله ولا حول ولا قوة إلا بالله

اللهم صل وسلم وبارك على سيدنا محمد وعلى آله وصحبه أجمعين 

💙💙💙💚💚💚💚💛💛💛❤❤❤❤❤💚💚💚

حوريه خلصت إلا قدرت عليه وخدت شاور  ولبست .. واقفه تسرح شعرها : خالتى أنا ها أروح لأمال اكلم بابا وماما وأقعد معاها شويه 

أم محمد : طيب يا ضنايا خدى بالك من روحك ماتقفيش لحد دانك ماشيه على طول فى وشك 

حوريه بتلم شعرها وبتلبس الحجاب : حاضر .. وقرب عليها باست خدودها 

أم محمد بابتسامه وصوت عالى 

أم محمد ؛ باستك العافيه يا ضنايا وحوريه خرجت فى وشها زى ما قالت لها وراحت لأمال .. أمال اول ما شافتها نزلت جرى يدوب دخلت من البوابه حضنتها جامد 

أمال : يا حبيبتى حمدالله بسلامتك اتوحشتك والله انا قولت سيبتينا خلاص 

حوريه بتبادلها مشاعرها بصدق : وانتى كمان وحشتينى والله .. كنت ها اهرب بس الشبح مسكنى وحبسنى 

أمال شهقت وضربت على صدرها : يا وقعه بيضه  .. مسكك .. مسكك منين يا شابه ينيله 

حوريه رفعت إيديها : من إيدى .. بصى إيده معلمه ازاى وبتوريها معصم إيديها  شفتى دا قوى جدا 

أمال : شفت يا كبدى شفت .. تعالى ومسكتها نفس مسكة الشبح وبتشدها على فوق 

حوريه بتعجب  : انتو كلكو كدا هى الحته دى لازم تمسكو منها 

أمال : هههههه غشم بعيد عنك وسابت ايديها لو مؤاخذه  .. تعالى يا حبيبتى .. اقعدى وقعدت جمبها أمال .. أحكيلى إيه حصلك وإيه جرا 

حوريه ضحكت : حصل كتير قوووى .. وبدئت تحكى لأمال كل حاجه ..وبس وجابنى بقى باليل عشان محدش يشوفه 

أمال ديقت عيونها : يعنى ما شوفتيش حاجه خالص ولا كشاف ضرب كدا وإلا كدا 

حوريه ضربت على رجليها : كان نفسى بس ما حصلش .. بس عارفه أنا شفت صورته مش عارفه هو وإلا لاء .. بس أكيد هو  عشان كان بيلعب على الأجهزه ومتصور عليها 

أمال : حد بيصوره يعنى جايز مش هو يمكن إلا بيصوره هو او إلا بيتصور هو .. يوووواه هو ها يغلبنا ليه معاه .. وضحكت .. شايفكى مبسوطه ماشاء الله ووشك منور ماشاء الله .. ولا إلا عايز تتخطف كل يوم وهزت راسها ماشاء الله 

حوريه : ههههههه تقريبا كدا .. ماشاء الله 

أمال ضحكت : يوووه عليكى حبيتى اللهو الخفى 

حوريه : مش مسئلة حبيته بس برتاح قوى وأنا معاااه حاسه إنه إنسان بسيط ومختلف وعنده قوة تحمل رهيبه وهزت راسها وعيونها مقفوله من ضحكتها ماشاء الله 

أمال اتنهدت : قلبتى عليااا الحلو كله جاتك إيه .. بالك أنتى كنت أحب يوسف حب وكاتمه فى قلبى وضحكت تانى ودارت وشها .. وهو كمان كان يحبنى قوى ومكتوم ياقلب أمه كتمه لا عارف يفلفص من ضميره ولا من أبويا 

حوريه : ليه بابكى كان رافض يعنى 

أمال هزت إيديها : يالهوى على أبويا وعمايله فى يوسف .. تحسى إن بيناتهم تاااار الاتنين .. بس الشهاده لله عمر ما يوسف قل بأدبه وإلا قاله كلمه كدا وإلا كدا بس ابويا لاء وألف لاء دايما ياكبدى كاسر بخاطره 

حوريه هزت راسها بزعل : ليه يعنى مش هو كويس معاكى الحمد لله 

أمال بتلف إيديها فى الهوا : لو لفيت الدنيااا والله ما ألاقى زيه حبيبى وأهلى وعزوتى كل ما لياااا فى البيت داهووو .. بالك انتى اليوم إلا اروح فيه عند ابويه ضحكت وخبت وشها .. اتوحشه قووى قوى تقوليش فى غربه 

حوريه أبتسمت : ماشاء الله .. انا ليا صاحبتى كتير متجوزين لايمكن يقولو كلمه حلوه عن الجواز 

أمال هزت راسها : يوسف دايما يقولى الطلاق والفرقه كترت قوووى والخيانه وبعترت أسرار البيوت وكله راشق عيونه فى بيوت الناس لا الناس بتبطل كلام ولا أصحاب البيوت بتحافظ على أسرارها 

حوريه بتهز راسها : يعنى الناس دى طبعها مفيش جديد 

أمال : لاء فى طبعاااا زمان كانو بيصلحو دلوقتى يفرقو .. يعنى دا جبلى دا عملى .. دا شقتى فيها .. دانا روحت .. دانا جيت .. وإلا تتصور وتنزل صور .. نفوس الناس أتملت خبث إلا مارحم ربى ..  محدش بقى عاجبه عيشته ولا بيراعى حورمة غيره .. بالك أنتى الراجل يبقى ماشى وجمبه مراته وإلا أخته وإلا بنته وعيون الرجاله كدا تندب فيها رصاصه ولا هاممهم .. اسكتى أقولك إيه وإلا إيه ..

حوريه هزت راسها : فعلا عندك حق .. بس إلا مش متخيلاه إن شيخ بيحب فجأتينى 

أمال : ههههه مش بنى أدم وإلا إيه 

حوريه : لاء بس يعنى محافظ عننا وبياخد باله من كل كلمه وحركه 

أمال : طبعا إمال فاكره إيه .. وبكسوف .. بس يعنى كان يشفنى يبقى بيضحك من جوواه .. الله ماهو بيبان بردو .. وإلا لما يعرف إن فى عريس يفضل رايح جاى .. ياعمى .. يهديك  يرضيك  بصت لحوريه .. حب دا وإلا مش حب 

حوريه : مش عارفه بس الراجل لما بيحب لو حجر ها ينطق إحنا مش انبياء .. إحنا بشر يعنى مابنقدرش نسيطر على مشاعرنااا وبيبان علينا جدا فى أفعالنا 

أمال : يواه ماتعديش على جماله وحلاوته وهو بيرمح ورايااا لو شافنى متزوقه وإلا هنا وإهنااا .. كنت أجرى البلد كلهتها قدامه .. ابويا يشوفه يركبه عفريت .. واتخضت وقامت الأكل .. ها اشوف الأكل 

حوريه قامت : ها أطلع أكلم بابا وماما وانزل بقى نقعد مع بعض تانى ماشى 

أمال : منتظراكى ها أجهز لقمه على ما تنزلى يوسف ساعات بيتأخر بعد العصر  ... 

حوريه بصوت عالى : ماشى  طلعت وأتكلمت مع أبوها وقفلت .. لقت الفون بيرن وبخضه ردت .. ألووو .. أزيك يا عمو 

عمها : إيه يا حوريه يابنتى غلبنا أتصالات عليكى على طولا مقفول ما بيجلكيش رسايل مننا 

حوريه : بيجى بس ماكنش معايا رصيد اكلمكم عمو طنط كريمه وايه واحمد كلكم عاملين إيه 

عمها : كلنا الحمد لله كويسين .. اجيلك واجبلك فلوس معايااا أنا هنا مكان أبوكى 

حوريه بتسرع : لا لا مش محتاجه حاجه بابا سابلى فلوس كتير الحمد لله ومش عايزا اتعبك ياعمووو اصل الاسبوع عندى كله مليان من هنا لهنا انت عارف بقى 

عمها : ماشى يا حوريه كلمينى فى اى وقت ها تلاقينى عندك 

حوريه بابتسامه : ما أتحرمش منك ياعمووو ..  وهى بتتكلم فى زلط رفيع على السطح بتمسك واحده واحده ترميها فى الشارع من باب التسليه ... ومندمجه قووى ورمت واحده بعزم ما فيها  خبطت يوسف فى أورته شهقت ورجعت لورا بتستخبى فى الحيطه ويوسف رفع راسه ملقاش حد .. حوريه بسربعه ..   مع السلامه ياعمى  وقفلت .. حطت إيديها على قلبها وبصوت هامس فتحت دماغ الراجل .. أقول إيه لمراته إلا بترحب بيااا ضربت جوزك يا أمال وأنا سرحانه   .. بتلف لقت إلا بيمسكها وبيقول لها 

يوسف : تعالى هناااا وشدها عليهةبقوه لدرجة إنها اتخبطت فيه  وماسكها من دراعها الاتنين ومتبت والضحكه على وشه .. تنح مره واحده أول ما شاف حوريه ورفع إيده بعيد مسح وشه مكان الخبطه وبحرج ..، أسف أصل أمال متعوده تعمل زيك فا افتكرت هى إلا فوق بعد إذنك ونزل جرى على تحت وهو بيقول استغفر الله العلى العظيم وأتوب إليه 

حوريه فاتحه بوئها وحطت إيديها على صدرها وماشيه جسمها مش على بعضه وبهمس : كان ها يضربنى .. طلعت أمال هى كمان بتزقله بالطوب .. أنزل أزاى دلوقت بعد الإحراج دا أو أقول إيه ونزلت جرى على السلم وعدت من على الباب وهى بتقول انا ماشيه يا أمال زى الريح .. أمال خرجت بصت عليها 

أمال : يوه هى رمحت زى المهره كدا ليه .. بصت ليوسف إلا قاعد على الكنبه ومكان الطوبه حمرا فى أورته  .. مين نقرك يا سبعى دكر بط 

يوسف ضحك وقام وهو بيقول : المهره صاحبتك قامت بالواجب بدالك ماشاء الله جمع ووفق 

أمال ديقت عيونها : يكنش زقلتك بالطوب يا حبة عينى وهى سرحانه زيى وعلت صوتها قولتلك يا يوسف ملوش عازه الزلط إلا فوق ما ترميه بدال ما الواحد بيسرح ويدنه يزقل .. يزقل 

يوسف بهزار معاها قرب عليها وهى تبعد : بتسرحى ليه يا أمال بطلى بقى 

امال فردت إيديها : أبطل إيه وربنا ماعملت حاجه منا هنا أهووو قدامك  وبتمشى إيديها لبعيد ماسرحتش لسااا 

يوسف : بطلى تسرحى وحاوطها بايده وهى ضهرها للباب وبيبوس خدودها مره من هنا ومره من هنا .. خلاص ها تبطلى وإلا اعمل إيه فيكى 

أمال بتلف براسها  : يالهوووى يانا .. أروح منك فين ورفعت ايديها بالكبشه فى وش يوسف وبتشوح بيها .. قولى اروح فين يا مدوخنى 

يوسف رجع براسه وزقها زقه بسيطه : روحى المطبخ يا أمال 

أمال شهقت : الملوخيه وطالعه تجرى زمانتها فارت وعكت الدنيا 

يوسف رفع إيده : دانا إلا دماغى فارت منك وعلى صوته  .. خلصى على المطبخ وتعالى خلصى عليا .. 

أمال طفت النار وحاطه شوية ملوخيه فى الكبشه وقربت على يوسف وبضحكه : دوق يا ضى عيونى وشوف شاطرت مراتك 

يوسف : مفيش حله ادوق منها وبيفرد إيده أوسع 

أمال : ههههههه دايما تكسفنى يا كبدى  

يوسف : انا قولت حاجه تكسف يا امال انتى بتتلكى المهم تتكسفى 

أمال ضحكت ولفت : يا باى عليك وعلى كلامك الحلو وبتجرى على المطبخ 

يوسف فارد إيده : مش ها أدوق  .. الملوخيه يا أمال لسا فى الكبشه .. انتى يا سريعة الزوبان  ليه. دخل غير ولبس تيشرت وبنطلون البيت  ... وقعد منتظر أمال تطلع بالاكل ياكلو مع بعض .. أمال بتطلع الاكل 

أمال : قولت لحوريه تيجى تاكل معايا لقمه رمحت على تحت لما شافتك مكسوفه يعنى 

يوسف بيسمى وبيمد إيده ياكل : أكيد انتى لو مكانها مش ها تتكسفى إذا كان بتتكسفى منى لحد دلوقت 

أمال : هههههه ما بتنساش حاجه ابدا كل حاجه مركز فيها .. انا مش بتكسف منك  وضحكت وخبت وشها أنا بتحرج 

يوسف بتعجب  : قولى وربنا 

أمال : وربنا أنت فاكر إيه هو انا اتكسف من جوزى بردو 

يوسف بنفى :  لاء ازاى انتى بتتحرجى 

أمال : ألا قولى عملتو إيه المحصول راح المصنع وإلا لاء 

يوسف هز راسه : ااه راضى اصر يروح يوديه بدال محمود أخويا إنهارده .. قولت أنا أروح أبويا قال لاء .. قولتله انا لوحدى خايف على ايه لا ها ياخدو منى عيل ولا حد ورفع بص لأمال وكأنه خد باله .. توه على الموضوع ... عارفه بقول لأبويا تعالى معايااا وأسلمك لهم على ما ارجع عمل إيه وضحك 

أمال : عمل إيه 

يوسف : خد الفاس من جمبه وطار ورايااا وراضى يحلق من ناحيه ومحمود من ناحيه .. ونقنعه إنى بهزر معاه أبدا 

أمال : هههه عمى كدا مش ها يتغير أبدا .. وقايمه وبتشيل مكان الأكل ودخلت المطبخ ما صدقت تدخل واقفه ماسكه السلك قدام الحوض وعيطت جااامد .. يوسف عارف إنها هاتحط فى دماغها دخل بشويش وراها ولما شافها بتعيط حضنها جااامد وباس راسها .. 

يوسف : هاتفضلى لأمتى تاخدى كل كلمه بزعل مش قصدى يا أمال حاجه والله 

أمال لفت وهو فى حضنه : أنا ما ازعلش منك يابن عمى والله زعلانه عليك .. عايش مع واحده مفهاش الراجه ومستحمل  ... ونفسى ربنا يرزقك ويكرمك وعيطت أكتر بس ما تنساش أمال وخلينا  اتهنى بعيالك  وانا معاك الضنا غالى ما يحسش بيه غير المحروم 

يوسف حضنها جااامد وماقدرش يرد عليها : طيب أسكتى .. أطلعى وانا أعمل المواعين بدالك وروحى ريحى 

امال اتعدلت وصوتها اتبدل : خد يا ضى عينى الليفه اهه والصابون والسلك أهووون وسابته وطلعت شالله يخليك ليا 

يوسف تنح وبيبص للحاجه إلا فى إيده : أهووون .. فوقتى يا أمال .. ماشى هههههه 

*************** 

هجم الليل والكل قافل على نفسه والفران دايما تطلع من جحوارها فى الوقت دا ... عربيه قربت من بيت أم محمد ونزل منها سالم وبيخبط بالسلاح ورجله .. افتحى يا ست انت لأطربق البيت فوق دماغك البت إلا عندك تلزمنا 

❤❤💙💙💙💚💚

بقلم : لبنى طارق 

💚💛💛💛💚💙💙❤❤

الإختبار 6 

**************

اللهم اكفينيهم بما شئت وكيف شئت انك على كل شئ قدير

سبحان الله وبحمده عدد ما خلق سبحان الله وبحمده ملء ما خلق سبحان الله وبحمده عدد ما في الأرض والسماء سبحان الله وبحمده ملء ما في الأرض والسماء سبحان الله وبحمده عدد ما أحصي كتابه سبحان الله وبحمده ملء ما أحصي كتابه سبحان الله وبحمده عدد كل شئ سبحان الله وبحمده ملء كل شئ 

اللهم صل وسلم وبارك على سيدنا محمد وعلى آله وصحبه اجمعين 

💗💗💗❤❤💙💙💙💚💚💚💛💛💛💛

بشكر الناس إلا عاجبها الروايه وبتتفاعل  عليها على الاقل دول فعلا إلا ما بيضيعوش حق كاتب طالع عينه وبيقدروه  حتى لو واحد بس ألف شكر لكم ... 

الناس  إلا الروايه مش عاجبهم .. مره إحنا بنقرى حلقة دين ... هو الدين فيها زياده عن اللزوم .. وغيره من التعليقات  مع إحترامى لكم .. أنا بقدم معلومه ماشيه مع الموقف والحدث  ... بطل الروايه شيخ أنسان مهمته ينقل معلومات عن الدين ويوضحها للناس  أول حد ممكن نفكر فيه فى الخلاف هو رجل الدين .. أنا بقدم لكم أبسط المعلومات الدينيه  إلا المفروض يبقى عندنا ثقافه فيها وعارفنها وبنعمل بيها مش ها اعمل روايه عن شيخ جامع عشان نتخانق على النقاب والحجاب والراجل يربى دقنه وإلا لاء  وإلا دى ماشيه بشعرها ودى لابسه بنطلون ..مع إحترامى للجميع طبعااا إلا بيفهم دينه بيلتزم من نفسه أنا مش ها الزم حد بحاجه مش مهمتى ولا بقول فيها إن حد أفضل من حد كلنا بنغلط وكلنا محتاجين المساعده  ... دى الروايه زى ما أنتو شايفنها كدا إلا عايز يتابع أهلا وسهلا وإلا مش عايز براحته دا حقك

*****************

سالم  واقف يخبط على الباب برجله وبالسلاح إلا فى إيده ومصر على إنه ياخد حوريه 

أم محمد بخوف : مين 

أحدهم بصوت أجش ووقاحه : افتحى يا وليه لسا هاتقولى مين افتحى لنطربق البيت فوق راسك بقولك 

أم محمد بخوف : عايزين إيه أنا ست كبيره لا قادره أقوم ولا أناهد معاكووو مشو مفيش حاجه تاخدوها مخلتوش حيلتنا حاجه 

أحد البلطجيه : أفتحى يا ست لاكسر الباب وهاتى البت إلا عندك دى تخصنا أنتى وقعتى على ودنك وإلا إيه 

أم محمد بصت لحوريه برعب وبصوت هامس : دارى روحك فى الكراكيب إلا جوا وبتزقها على جوا لو خدوكى ها تتبهدلى .. خدى شاطور والا سكينه معاكى 

حوريه جريت على جوا جابت سكينه ودخلت الاوضه إلا فيها الكراكيب وأم محمد فتحت وبزعيق : بت إيه يا مدعوق منك له هو إحنا ماوراناش غيركم 

الولد زقها ودخل جوا والباقى بيضحكو برا عليها بيدور على حوريه فى كل مكان شاف العزال كله فوق بعض بص يمين وشمال حواليه وطلع .. وبيودس برجله على الفرش 

سالم : مفيش حد جوا هو مين ها يعيش مع وليه فقر مش لاقيه تاكل زى دى ياله مش عايزين نضيع وقت تلاقيها هنا والا هنا .. وركب ومشى

يوسف بيبص على عربيتهم وهو راجع من صلاة العشا وتقريبا كدا خمسه سته إلا صلو وراه والباقى قافل على نفسه فى بيوتهم   وقرب على أم محمد  : عملو ليكى حاجه يا خاله  وبالهفه .. حوريه شافوها .. بخير 

أم محمد : عملهم أسود الحمد لله ملحقوش يعملو ايوتها حاجه أل جاين عايزين ياخدوها منى دانا أضيع روحى عليهم 

يوسف  : إيه عرفهم بيها 

أم محمد : جواسيسهم مترميه يمين وشمال فى البلد .. بس الحمد لله قولتلها أستخبى ومحدش شافها 

يوسف بتنهيده : الحمد لله خليها تحرص على روحها ولو فى اى حاجه أبعتيلى أى عيل أنتى عارفه يا فى البيت يا الجامع والارض مش كل يوم فيها  وإلا اقولك هاتيها تقعد مع أمال لحد ما الامور تهدى 

أم محمد : تسلم وتعيش يا حبيبى .. روح إلهى ربنا ينصرك ويحميك  .. ها ادخل اقولها بردو عندك أمان عندك عن هنا 

 ودخلت ماسكه دراعها مكان الزقه .. وبتنادى براحه .. حوريه .. يا حوريه .. 

حوريه مطلعه إيديها من تحت مرتبه كأنها بتستغيث وأم محمد جريت شدتها .. بتنفض فيها .. تعالى يا ضنايااا غارو الحمد لله 

حوريه بعصبيه : أنا مش عارفه الحكومه ازاى سايبهم يعملو فى الناس كدا وإلا حتى أهل البلد دول شوية حراميه لو أتلمو عليهم وبقو إيد واحده ياكلوهم 

أم محمد : لو بقى يابنتى .. مفيش غير يوسف يا كبدى فاتح صدره لهم وأهل البلد جوبنه كل واحد محاجى على ولاده وأهله ويدفعو .. خليهم يدفعو وكلنا ندفع التمن لهم 

حوريه : ماهو طول ما الناس سلبيه كدا يبقى لازم يحصل فيهم أكتر من كدا.. 

أم محمد : مش وقته تعالى يا ضنايا البسى الخمار بتاعى وتعالى ورايا وفعلا حوريه طلعت وراها .. وأول ما شافت يوسف أتكسفت وافتكرت إلا عملته الصبح فيه .. وبصوت واطى السلام عليكم 

يوسف : وعليكم السلام ورحمة الله وبركاته .. الخاله بلغتك إلا قولته 

حوريه هزت راسها : لاء ماقالتش حاجه 

يوسف : أنا بقول بعد ما عرفو إنك هنا يبقى لازم تيجى تقعدى مع أمال لحد ما الامور ماتهدى 

حوريه باعتراض مسكت ام محمد : لاء مش ها اقدر أسيب خالتو وامشى وخلاص هما عارفين إنى مش معاها يعنى مفيش خوف 

يوسف : دى ناس مؤذيه ومابيسبوش حد فى حاله إسمعى الكلام .. 

حوريه باعتراض أكبر : مش ها اقدر أنا اسفه اعذرنى إن شاء الله ربنا يحمينا منهم 

أم محمد : خلاص يا شيخ يوسف سيبها براحتها .. كتر خيرك يابنى 

يوف فرد إيده : على إيه خاله  ربنا يسترها بعد إذنكم وسابهم ومشى وهما دخلو جوا .

حوريه :  انا داخله أخد شاور أتبهدلت من المرتبه والارض 

أم محمد : أدخلى يا حبيبتى بألف هنا كلى وأملى بطنك ونفضى هدمتك 

حوريه : ههههههه أنا ها استحمى يا خالتو أسمه شاور 

أم محمد : ههه يوه جاتك ايه يا حوريه ها تشورى على العفاريت وتطلعى .. أسمها أتشطف يا كبدى 

حوريه هزت ايديها : لاء لايمكن أقولها كدا هى شاور أحسن ماشى 

أم محمد : إلا تشوفيه بقى .. ياله بسرعه خلينا ننام الواحد هلكان طول النهار 

 ... دخلت خدت شاور وطلعت شالت المرتبه ورمتها فى الاوضه الفاضيه هى وأم محمد .. وريحت جسمها عليها وسرحت فى كل الا حصل .. وفى الشبح إلا نفسها تعرفه عن قرب من كتر ما بتفكر فيه اتعلقت بقصه خياليه رسمتها بخيال ومجرد ما تفتكر تبتسم ... 

أم محمد وهى جمبها : بتضحكى على ايه حد بيزغزغك وانتى نايمه 

حوريه بابتسامه : تعرفى يا خالتى لما تحسى انك خلاص ها تغرقى وتلاقى إلا بيشدك بقوه تفوقى تلاقيه سراب ترجعى من تانى ويشدك بنفس القوه وبردو سراب ... غريبه قوى الدنيا دى .. تبقى الحقيقه قدام عيونا ومش شايفنها ولو فكرنا ندور عليها يبقى فى المكان البعيد والغلط ااااه حاسه إن الايام بتعدى عليا هنا وكأنها سنين تقيله وغريبه وضحكت أول ما شافت  أم محمد فى سابع نومه .. هى بقى عيونها رفضت النوم وكأن كل حاجه اتحالفت عليها برغم التعب ... عدى وقت كبير وخلاص الفجر بيأذن بصوت بقى مألوف لها ونبره مميزه .. قامت صلت وقرأت القرأن وخلاص النوم هزمها ونامت فى سابع نومه ... 

************

شقشق نهار جديد بيضحك ماهو أصله سعيد بتتمايل على هواهه الأشجار وبيغرد فى سماه طيور أشكال وألوان  ... بيعدى الوقت كالعاده فى القريه المحبوسه بزياده كله بيأدى دوره حتى لو فى دور العباده ... يوسف بيحاول مع كل أهل قريته ما فقدش الأمل ينصلح حالهم كلهم وزى ما بيفكرو فى نفسهم وحياتهم كمان يفكرو يأدو فرض ربنا ويتمو عبادتهم ... 

************

يوسف : خلصى يا أمال بقالك ساعه بتلبسى عايز ألحق اقعد معاهم وأطمن عليهم يابنت الناس .. 

أمال طالعه وخلصت ولبست طرحتها وماسكه شنطه كبيره جدا فى ايديها : ياله يا شيخ 

يوسف مسك الشنطه بتعجب : ايه دا 

أمال باستغراب : شنطه هى لها قواله تانيه ايوا شنطه أمال إيه 

يوسف : دى مخله مش شنطه هو انا بقولك ياله نطوع فى الجيش ها تجننينى معاكى يابنت عمى 

أمال : 😂😂 أمى الله يباركلى فى عمرها اشترتهالى وقالتلى كل ما تبقى شنطتك كبيره كل ما تبقى زى الأميره وبتتهز يمين وشمال 

يوسف : الله يهديكى انتى وأمك يا أميره 

أمال : أميره مين 

يوسف : إلا شايله الزكيبه وبيزقها قدامى .. الله يسامحك 

أمال نازله بتضحك ويوسف مبتسم .. خدها فى إيده مش مشيها وراه ولا قدامه وماشى مسافه كبيره على رجله  بعد وقت وصل بيت ابوه وأمه ... وأول ما شافهم وطى على إيديهم باسها وأمال زيه .. 

أمال : عامله ايه يا مرات عمى  

أمه : فى نعمه والحمد لله يا أمال وعيطت ويوسف اتنهد .. بس أخوك وحشنى قوى قوى .. يا قلب أمه 

يوسف : انتى كمان وحشتيه بصى باعت جواب ليكى انتى وأبويا الحج محمد 

محمد : وأخرة الجوابات ايه ليه قطع بينا  وليه يسافر من غير ما ندرى يابنى .. حتى صوته ما بنسمعوش 

يوسف بابتسامه وبيحاول يهون عليهم : هانت يا حج كلامه بيقول إنه قرب يعقل وأنت شايف يعنى لو وصل ها يعرف يدخل من المقاطيع دول صعب إحمد ربنا انه مش هنا بص لأمه .. ايه يا ست حسنه ها تفضلى زعلانه كدا على طول 

أمال : يا مرات عمى بكفايه عيونك الخضر الجمال دبلو 

حسنه : كان نفسى افرح بيه زيك وأشيل ولادكم 

أمال وشها اتخطف وبتحاول تدارى ويوسف مسك إيديها ضغط عليها جااامد وهى عيونها راحت لأيده بتدارى دموع محبوسه بتهدد بالنزول 

أمال بابتسامه مصطنعه ومرار : ان شاء الله تفرحى بيهم وبأولادهم 

محمد : وانتو ها تفضلو كدا مش نفرح بعيالكم يا ولاه .. كام مره يابنى قولتلك ربنا خلق الطب والدوا 

يوسف : كتير يا حج 

محمد : مستنى ايه انت وهى 

أمال : ولا حاجه يا عمى ان شاء الله يبشركم ربنا قريب 

حسنه حطت ايديها على رجل أمال : شيدى حيلك انتى  واجرى واكشفى أدام  هو مطنش أنتى شايفه حواليكى كل واحده وراها خمس وست عيال 

يوسف ابتسم : انا جعان وعايز أفطر ياست الكل .. مش ها تأكلينى من ايدك 

حسنه : عنيه يا حبيبى .. تعالى يا أمال ويوسف يقرى الجواب بعد الفطار .. وقامو جهزو الفطار وفطرو مع بعض 

محمد خد يوسف ودخل أوضته : تعالى يا يوسف 

يوسف : خير يا حج 

محمد : كنت عايز أسألك هو الدكتور قالك حاجه على بنت عمك ومخبى علينا 

يوسف : نفسى أجى هنا من غير ما تكلمونى أنا وأمال فى موضوع الخلفه ربنا ما أرادش ها نعترض 

محمد بحمقه وصوت واطى : ربنا ما أرادش منها يريد من غيرها  إن شاء الله أتجوز وأنا أصرف على جوازك من جنيه لألف 

يوسف اتنهد : مش يمكن المشكله فيااا وانا عشان كدا رافض أروح لدكاتره 

محمد مسكه بقلق : الدكتور قالك حاجه طمنى عليك 

يوسف بهروب : مقالش يا حج الحمد لا فيا ولا فيها .. بس أنا مش حابب حد يتدخل بينى وبين أمال إحنا مرتاحين مع بعض ويوم ما نتعب ونفكر  فى العيال هانجرى على الدكاتره 

محمد : هى عملالك عمل 

يوسف : أستغفر الله .، أمال ست البنات وتعرف ربنا وانت شيلت وزرها دلوقت .. ياحج بعد إذنك أقفل الموضوع وياريت مش كل ما تشوفوها تجرحو مشاعرها بالكلام 

محمد : خايف على مشاعرها ومش خايف على مشاعرنا .. بنحلم أنا وامك باليوم إلا ها نشيل فيه ضناك محدش تعبنى فى الدنيا أدك أنت وأخوك ما تتعلمو من أخوكو  الكبير وريحونى  .. قوم يا يوسف وأعرف إنى زعلان منك يابنى روح .. 

يوسف قام باس على راسه : حقك عليا ياحج ما تزعلش منى وربنا يفرحك 

محمد : هو دا إلا باخده منك .. ويوسف خرج وحسنه ماسكه أمال فى نفس الموضوع ... كملو وقتهم لحد قبل العصر ومشى عشان يلحق صلاة العصر   وصل وساب أمال عند البيت او هرب منها ومن دموعها الا حابسها وراح الجامع وهو ماشى لاحظ ان الدنيا مقلوبه عند أم محمد قابلها قدام بيتها وسلم عليها 

أم محمد : انا قولت انك مش موجود لما سمعت واحد غيرك بيأذن لصلاة الضهر  

يوسف ابتسم : كنت عند أهلى 

أم محمد : عاملين ايه يا حبيبى 

يوسف : بخير الحمد لله يا خاله .. وضحك انتى ناويه على ايه أوعى تكونى ها تتجوزى الواد محمد يمسك فى راقبتى ويقولى جوزتلى أمى 

أم محمد : 😂😂 جاتك ايه يا يوسف .. دا اسم الله عليها وعلى شبابها حوريه مصممه تدهن البيت ومش عارفه تعمل ايه ومشغله العيال معاها جوا سامع عاملين هيصه 

يوسف : دايما عامر بحسك وبضيوفك يا خاله .. انا اول واحد ها يتفرج ورفع ايده مليش دعوه انا صاحب بيت 

أم محمد : دا انت تنور يا ضنايااا 

يوسف : بالأذن الوقت أزف لازم أروح ارفع الأذان 

أم محمد : ربنا يجعلك فى كل خطوه سلامه ويرزقك بكل إلا تتمناه 

يوسف رفع ايده : اللهم أمين .. وصل الجامع وخلص صلاة العصر والشباب و إبراهيم بدء يصلى معاهم ويحضر الدروس الدينه معاهم بردو كا خطوه فى حياته للتغير وإنه يفهم دينه وحياته صح ... الشباب اتجمعت حواليه وقاعدين منتظرينه يكمل عايزين يعرفو قصه قوم عاد ومين الرسول إلا دعاهم لعبادة ربنا سبحانه وتعالى ...

يوسف بابتسامه باصص لهم وساكت 

أحمد : طيب ايه ها تفضل سايبنا كدا كمل يا شيخ يوسف 

يوسف : خير ان شاء الله عايزنى أكمل ايه بقى 

حسن : قصه عاد كانو فين بيعملو ايه مين الرسول الا جالهم بعد نوح عليه السلام 

يوسف بهزار : حيلك حيلك كل دا ببلاش ... ماشفتش أكله حلوه ولا عزومه كدا ترد الروح ولا اى حاجه منكم 

كلهم : ههههههه .. ها نعزمك بس كمل 

يوسف بهزار : لا كدا اكمل انا عنيه ليكو .. بسم الله أحمده وأستعينه وأصلى على خير خلقه سيدنا محمد وعلى آله وصحبه أجمعين 

جميعهم : عليه أفضل الصلاة والسلام .. 

يوسف باندماج : بعد ما رحل نوح عليه السلام من الدنيااا وترك الارض على التوحيد لا يوجد فيها كافر واحد .. والارض بدأت تعمر من جديد والناس ينتشرو فى الارض .. 

تفتكرو الشياطين وذريتهم ها يسيبو الناس فى حالها ويتركو الأرض على التوحيد 

أحمد : أكيد لاء دايما بيمهدو للناس الكفر وبيزينه لهم عشان يبقى عندهم يقين إنهم صح زى ما حصل مع قوم نوح 

يوسف حط ايده على أحمد : الله ينور عليك ويزيدك من علمه .. فعلا الشياطين قامت بدورها فى أرض ما بين اليمن وعمان وكان اسمها الأحقاف فى جنوب الجزيره العربيه وكان فيهم قوووم اسمهم عااااد .. القوم دول ربنا ميزهم بقوة اجسامهم وضخامتها مفيش لهم مثيل فى قوة أجسامهم وضخامتها على مر العثور إلى يومنا هذا الكفر بدء عندهم والاستكبار والبطش بسبب قوتهم وكالعاده لما القوه والكفر والنفوذ والثراء بيجتمعو مع بعض يبقى الأعتقاد ان محدش يقدر عليهم على وجه الارض حتى الخالق سبحانه وتعالى ودا قمة الكفر والفجور ... ودا اللى حصل .. ربنا بعث فيهم رسول منهم وهو هود .. وبيبتسم مين الرسول يا ولاد 

الشباب بنفس الابتسامه : هود 

يوسف : ليه بعت رسول منهم وكان اخوهم كمان لان لو كان جاى لهم من أى مكان تانى كانو ها يبطشو بيه فا الدعوه بتفرق لما يبقى منهم فاهم دماغهم وعارف إيه إلا القوم دول بيعملوه بالظبط وقوه البنيان واحده ..

صنعو الاصنام وعبدوها من دون الله .. أستقوى بنفوذهم وقواهم العسكريه لانهم كانو فى الوقت دا أكبر قوه عسكريه ..  بعث الله لهم  أول نبى عربى وكان هود عليه السلام ... وبص للشباب و ببتسامه جميله  تعرفو مين هما الانبياء العرب

كلهم بصلو وسكتو هزو راسهم بنفى وفى نفس واحد :لاء

يوسف : الانبياء العرب هما خليكو فاكرين ... هود عليه السلام  .. شعيب عليه السلام .. صالح عليه السلام .. ونبينا محمد عليه أفضل الصلاة والسلام 

جميعهم ؛ عليه أفضل الصلاة والسلام 

يوسف : أول نبى عربى هو هود .. أرسله الرب لقوم طغو فى البلاد وتجبرو فيها حتى قال الله عز وجل ووصفهم بأن لم يخلق مثلهم فى البلاد 

{أَلَمْ تَرَ كَيْفَ فَعَلَ رَبُّكَ بِعَادٍ (6) إِرَمَ ذَاتِ الْعِمَادِ (7) الَّتِي لَمْ يُخْلَقْ مِثْلُهَا فِي الْبِلَادِ (8)} [الفجر]

أحمد : يعنى ايه إرم 

يوسف : دا اسم جد من اجدادهم ... لم يخلق الله مثلهم فى البلاد فى ذلك الزمان بعث الله النبى هود وكانت دعوته هى التوحيد ... كل الانبياء دعوتهم هى التوحيد  الايمان بالله وحده لا شريك له 

سورة الأعراف - الآية 65

وَإِلَىٰ عَادٍ أَخَاهُمْ هُودًا ۗ قَالَ يَا قَوْمِ اعْبُدُوا اللَّهَ مَا لَكُم مِّنْ إِلَٰهٍ غَيْرُهُ ۚ أَفَلَا تَتَّقُونَ (65

دعاهم هود كما تعودنا من الانبياء بكل أدب  وأخلاق يذكرهم بالله عز وجل حتى ذكرهم بقوم نوح وعذابهم   والأرض كلها بتتكلم عنهم

 

(وَاذْكُرُوا إِذْ جَعَلَكُمْ خُلَفَاءَ مِن بَعْدِ قَوْمِ نُوحٍ وَزَادَكُمْ فِي الْخَلْقِ بَسْطَةً ۖ فَاذْكُرُوا آلَاءَ اللَّهِ لَعَلَّكُمْ تُفْلِحُونَ)

 يعنى ايه يا ولاد ... يعنى  اذكرو يا قوم الله عز وجل جعلكم أهل قوه بعد نوح  انظرو كيف دمر الله عز وجل قوم نوح بالطوفان ..  تذكرو هذه النعم  اشكرو الله واعبدو الله جل وعلا لا أريد منكم شئ ..  

ردو بكل تكبر على هود وقالو .. 

يا هود  .. أتريد مالا .. تريد ملكا نعطيك .. من الاخر كدا عايز مال عايز ملك نديلك من عندنا بس اسكت 

قال هود عليه السلام 

 { يَا قَوْم لَا أَسْأَلكُمْ عَلَيْهِ أَجْرًا }

يوسف فرد ايده : مش عايز أجر ولا مال .. كل الا عايزه منكم تعبدو الله عز وجل .. شوفو الأسلوب وبيردو عليه بايه 

 

سورة الأعراف - الآية 66

قَالَ الْمَلَأُ الَّذِينَ كَفَرُوا مِن قَوْمِهِ إِنَّا لَنَرَاكَ فِي سَفَاهَةٍ وَإِنَّا لَنَظُنُّكَ مِنَ الْكَاذِبِينَ (66) 

اقرا ايضارواية غصن الفصل السابع 7 بقلم منى عبد العزيز

اقرا ايضارواية غصن الفصل السادس 6بقلم منى عبد العزيز

اقرا ايضارواية ملكة فارس( الجزء الثالث من أصبحت جارية )الفصل السادس والسابع الأخير بقلم أمل حمادة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الخاتمه الأولى والثانية والثالثة بقلم ريحانة الجنة

 يوسف بيشاور بايده .. قالولو  انت سفيه انت كاذب .. 

حسن : تقريبا كدا رد كل الكفار .. بيقدمو الرشوه ولما ما يلاقوش فايده يبتدو بقى الشتايم والتكذيب .. بس هود عليه السلام ها يرد عليهم بنفس طريقتهم وإلا لاء 

يوسف : هو فعلا رد عليهم .. بس احنا اتعودنا من الرسل والانبياء على الأدب 

قَالَ يَا قَوْمِ لَيْسَ بِي سَفَاهَةٌ وَلَٰكِنِّي رَسُولٌ مِّن رَّبِّ الْعَالَمِينَ (67) 

استعمل معاهم الادب فى الرد بردو .. وبيحاول يقنعهم إن ربنا الا بعته عشان ينور بصيرتهم ويبعدهم  عن الشرك ويقاومو الشيطان الا بيزين لهم الكفر ... 

بس للاسف استكبرو قوم عاد على نبيهم وافتكرو إن قوتهم دى لا تهزم .. شوفو قوتهم إللى أغرتهم وأعمتهم .. ايوا كانو فى الوقت دا  اكبر وأعظم دوله على وجه الارض فى هذا الزمان 

 

(فَأَمَّا عَادٌ فَاسْتَكْبَرُوا فِي الْأَرْضِ بِغَيْرِ الْحَقِّ وَقَالُوا مَنْ أَشَدُّ مِنَّا قُوَّةً ۖ أَوَلَمْ يَرَوْا أَنَّ اللَّهَ الَّذِي خَلَقَهُمْ هُوَ أَشَدُّ مِنْهُمْ قُوَّةً ۖ وَكَانُوا بِآيَاتِنَا يَجْحَدُونَ) 

 يوسف : ألم يعلم قوم عاد والأمم الجباره ان الله هو أشد منهم قوه .. فضل هود ينصحهم ويذكرهم يا قوم أنعم الله عليكم بالنعم تبنون قصور ومساكن فى بعض الاماكن لستو بحاجه إليها ومع ذلك لا تشكرون الله عليها 

عندكم نعم مش عند حد وبردو كفرتو بربنا إلا عاطكم النعم دى كلها 

127} أَتَبْنُونَ بِكُلِّ رِيعٍ آيَةً تَعْبَثُونَ {128} وَتَتَّخِذُونَ مَصَانِعَ لَعَلَّكُمْ تَخْلُدُونَ {129}وَإِذَا بَطَشْتُم بَطَشْتُمْ جَبَّارِينَ {130} فَاتَّقُوا اللَّهَ وَأَطِيعُونِ {131}

كل هذه النعم إلا عندكم .. مساكن مصانع .. قصور .. ومع هذا تبطشون بالدول الضعيفه وبالناس الفقراء والمساكين .. نصحهم وذكرهم ولكن دون فائده .. راحو لهود قالوله يا هود  

(قَالُوا يَا هُودُ مَا جِئْتَنَا بِبَيِّنَةٍ وَمَا نَحْنُ بِتَارِكِي آلِهَتِنَا عَنْ قَوْلِكَ وَمَا نَحْنُ لَكَ بِمُؤْمِنِينَ (53) 

ومن كتر ما هما مصدقين نفسهم قالو لسيدنا نوح إن الأله هى إلا أصبتك بالجنون .. ضحكو الشباب ضحكه بسيطه 

على : بيصنعوها بايديهم وبتتحكم فى عقولهم وأنفسهم 

يوسف : مش هى المتحكمه دلوقت يا على .. المتحكم هو إبليس والشياطين دى معركه مش عاديه .. معركه بين ربنا وابليس ليوم الدين اقسم فيها ابليس بعزة الله إنه ها يغوى البشر ليوم الدين إلا عباده المؤمنين  وطبعا هما الخسرانين لأنك لو بعت عقلك للشيطان وأخترت الكفر والعناد يبقى ما تلومش غير نفسك ... نرجع لسيدنا هود رد عليهم بقوه وثقه 

يا قوم إنى برئ مما تشركون .. البراءه الكامله انا برئ منكم ومن دينكم ومن معبوداتاكم قال كدا وهو مش خايف  .. لا يخاف منهم هود عليه السلام لانه نبى من انبياء الله   

سورة هود - الآية 54

إِن نَّقُولُ إِلَّا اعْتَرَاكَ بَعْضُ آلِهَتِنَا بِسُوءٍ ۗ قَالَ إِنِّي أُشْهِدُ اللَّهَ وَاشْهَدُوا أَنِّي بَرِيءٌ مِّمَّا تُشْرِكُونَ (54) القول في تأويل ... وأشهدكم أيضًا أيها القوم ، أني بريء مما تشركون في عبادة الله من آلهتكم وأوثانكم من دونه)

انظرو للسلاح الذى يملكه هود عليه السلام من عدم خوفه منهم 

هذا هو السلاح 👇

( إِنِّي تَوَكَّلْتُ عَلَى اللَّهِ رَبِّي وَرَبِّكُمْ مَا مِنْ دَابَّةٍ إِلا هُوَ آخِذٌ بِنَاصِيَتِهَا )

يوسف بيخبط على صدره .. أنا متوكل على الله .. لن يصيبنا إلا ما كتب الله لنا دا أكبر وأقوى سلاح على وجه الأرض  .. وقف هود متحدى لا يبالى بما يفعلون او بما يصنعون ... 

جائو لهود وقالو له تزعم ان هناك عذاب من ربك .. نريد ان نراه .. شوفو الواقحه بيتحدو ربنا حتى فى عذابهم  .. لو كنت صادق نريد انا نرى عذاب ربك جئتنا بدين جديد وإله جديد نريد انا نرى عذابه ان كنت صادقا ..

رفع هود يده إلى السماء بعد ما يأس من قومه .. 

(قَالَ رَبِّ انصُرْنِي بِمَا كَذَّبُونِ)

قال الله عز وجل لهود ( قَالَ عَمَّا قَلِيلٍ لَّيُصْبِحُنَّ نَادِمِينَ (40)

 ربنا بيقول لهود : اصبر يا هود هى سنوات ولكن عند الله عز وجل لا شئ .. هذه الامه الجباره التى بطشت بلأمم سا يصبحو نادمين ..

 

فضل  هود عليه السلام يذكرهم أن هناك بعث بعد الموت هناك حياة اخرى وحساب  .. وكانو يكذبوه ويستهزئون بيه يقولون 

(هَيْهَاتَ هَيْهَاتَ لِمَا تُوعَدُونَ (36

إِنْ هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا نَحْنُ بِمَبْعُوثِينَ (37)

أنت بتقول إيه ورينا عذاب ربك هى دى حياتنا الدنيا الا عايشنه وبنستمتع بيها  ومفيش حياه بعد الموت ..ولا فى عذاب  وبدء عذاب ربنا لهم ...اول عذاب ثلاث سنوات لم يأتهم المطر أبدا .. وهما حياتهم قايمه على الزروع ... ما نزلت قطره لهم من السماء القحت اهلكهم  ... ماتت الشياه جفت الارض قل المال .. تفتكرو راحو فين يستنجدو بيه 

حسن : راحو لهود 

يوسف هز راسه بنفى : لا راحو لألهاتهم .. للأصنام يستنجدو بيهم .. يستسقو ألهاتهم ويطلبون منهم المطر .. فإذا يسمعون منادى من السماء  يناديهم .. يقول لهم المنادى أى سحابه تريدون  ؟ تريدون سحابه بيضاء .. ام حمراء ..أم سوداء ..  وإذا بهم وكانو سابعين رجالا من أحسنهم .. قالو نريد السحابه السوداء لانهم يعلمون  ان  السحابه السوداء ملايئه بمياه الأمطار والماء الكثير .. وهم لا يشعرون ان الله عز وجل يستدرجهم للعذاب الشديد 

  سورة الأعراف - الآية 182

(وَالَّذِينَ كَذَّبُوا بِآيَاتِنَا سَنَسْتَدْرِجُهُم مِّنْ حَيْثُ لَا يَعْلَمُونَ (182)وأملي لهم إن كيدي متين( 183 )

قوم هود رجعو قافلين بعد ان أستسقو ألهاتهم .. والغيم الأسود يظللهم واذا بهم يفرحون  ويظنون إنها كرامة من ربهم لهم .. فأى كرامة لهم وهم كافرون 

(فلما رأوه عارضا مستقبل أوديتهم قالوا هذا عارض ممطرنا بل هو ما استعجلتم به ريح فيها عذاب أليم)

 

على : ايه حصل بعد الغيمه محدش حس فيهم ان دا عذاب ربنا لهم 

يوسف : حس بس الا حس إن الغيمه دى مش طبيعيه وان دا عذاب كانت إمرأه لانها رأت شرارا يتطاير من هذه الغيمه فهربت من قرى قوم عاد   .هربت  من قوم هود وهى تستغيث علمت ان هناك عذابا  سيأتى إليهم .. ولكن إلى أين تهرب من عذاب الله 

حسن ابتسم : سبحان الله جايلهم العذاب وهما فرحانين ومستبشرين مطمنين إن شوية أصنام ها تنجدهم 

يوسف : غفله وكفر فا الجزاء من جنس العمل خلى شوية الحجاره تنفعهم والعذاب محيط بيهم  واذا بالريح تشتد .. تعجبو ايه دا فى ايه مش المفروض ينزل مطر  لا دى عاصفه شديده ريح عاتيه وليس عاتيه فقد بل هى صرصر .. يعنى شديده البردوه  ... سبحان الله بتشيل كل حاجه قدامها امتعاتهم وحاجتهم حتى هما .. الناس بدأت تتطاير .. الهوا جند من جنود الله يحمل هؤلاء الكفار إلى السماء ويلقى بهم على الارض فا تنفصل رؤوسهم عن اجسادهم .. تخيلو أقوى وأضخم قوم يحمله الهواء وينزلو على الارض اجسادهم منفصله عن رؤوسهم  كأنهم أعجاز نخل خاويه 

 قوله تعالى (وأما عاد فأهلكوا بريح صرصر عاتية سخرها عليهم سبع ليال وثمانية أيام حسوما فترى القوم فيها صرعى كأنهم أعجاز نخل خاوية ... )

يوسف : تخيلو سبع ليالى وثمانية أيام عذاب .. البرد قتلهم حتى الشيوخ والناس الا استخبت جوا بيوتهم واشعلو النار قتلو من البرد .. فين قوتهم فين بطشهم بالأمم الضعيفه ونفوذهم قدام عذاب ربنا الا أستعجلوه  وطلبوه 

( وفي عاد إذ أرسلنا عليهم الريح العقيم 41 ما تذر من شيء أتت عليه إلا جعلته كالرميم 42) 

جند واحد من جنود الله ما سابتش شئ إلا وحطمته وفتته وجعلته كالرميم ما سبتش فيهم حد جعلتهم كلهم صرعا .. اموات .. أما هود عليه السلام والقله ال معاه .. فا ربنا نجاه من هذا العذاب وحصنهم برحمته 

 هود - الآية 58

وَلَمَّا جَاءَ أَمْرُنَا نَجَّيْنَا هُودًا وَالَّذِينَ آمَنُوا مَعَهُ بِرَحْمَةٍ مِّنَّا وَنَجَّيْنَاهُم مِّنْ عَذَابٍ غَلِيظٍ (58) 

يوسف :  الله سبحانه وتعالى يقص فى القرأن هذه القصص ليعتبر الامم المتكبره والدول المتجبره التى تظن ان ليس هناك فى الأرض قوة تقف أمامها .. جند واحد من جنود الله يهلكهم ويجعلهم كالرميم لا شئ .. 

على : سبحان الله فعلا كل شئ جند من جنود الله .. احنا مين عشان نقف قدام جند واحد من جنود ربنا 

جميعهم : سبحان الله ولا حول ولا قوة إلا بالله العلى العظيم 

يوسف : طيب يا شباب .. تفتكرو مين القوم الا ها نسمع قصتهم بعد قصه قوم هود 

كلهم : ثمود 

يوسف ضحك : الله اكبر انتو مذاكرين اهووو .. طيب عندكو استعداد تسمعوها ونبتدى نسمع المعجزات 

كلهم بحماس : طبعا طبعا ياريت عايزين نسمع منك وجزاك الله خيرا يا شيخ يوسف 

يوسف : والله ما كنت عايز احرجكم بس ها افكركم عندى زوجه ولها حقوق عليا زيكم وأكتر .. ياله ربنا معاكووو .. طريقكو اخضر ان شاء الله 

الشباب قامت بأبتسامه سلمت على يوسف وخرجت ووراهم يوسف على طول هو وابراهيم 

يوسف : انا فرحان انك حضرت 

ابراهيم : حبيت قوى الصلاه فى الجامع  وحابب أسمعك 

يوسف : ربنا يزين لك الإيمان ويزرعه فى قلبك .. عامل ايه مع أم عيالك 

ابراهيم ابتسم باحراج : الحمد لله اهو بحاول على الله يطمر 

يوسف : ههههههه إن شاء الله ها يطمر  ما تقلقش حاول واتاكد انك لما تملى وشها بالابتسامه بسببك  وقلبها بالرضا من ناحيتك ها تحس بقيمة الحياه انت وياها وهى كمان وها تشيلك من على الأرض شيل  الستات طيبه بس محتاجه التقدير .. وبص لإبراهيم .. زرعت كام أرض 

إبراهيم : يووواه كتير ماتعدش 

يوسف : ماشاء الله .. طيب لو أهملت الأرض ها يجرالها إيه 

إبراهيم : أكيد ها يموت زراعها وتشيخ وتبور 

يوسف : الله ينور عليك ... مراتك أرضك طول ما أنت مراعيها وواخد بالك منها ها تفضل جميله وصغيره وبتضحك مش ها تلاحق على خيرها  والإهمال يا إبراهيم يعجزها قبل أوانها ويموت فيها المشاعر ناحيتك وتموت هى بالبطئ .. فى أبسط من كدا عشان أوصلك إلا هى عايزاه منك 

إبراهيم : لاء كتر خيرك بتنورنى والله .. اصل اصحابى كتير يقولو بنعمل ونعمل وخليك دكر ياد وماتديهاش فرصه ولو اتعوجت أتجوز واحده تعدلها أنت يحقلك اربعه 

يوسف بأسف : دى المشكله الكبيره فى حياتنا رامى ودنك لدا ولدا .. ربنا يهدى وعلى صوته سنه .. يعنى اتجوزت واحده مش مراعيها هاتقدر على اتنين دا هما إلا ها يعدلوك على الإبله يا إبراهيم 

إبراهيم : ههههههههه ... ربنا يعدلها ياشيخ يوسف ادينى وفيت بكلامى معاك وبحاول أهو ونشوف أخرتها 

يوسف : أخرتها خير بإذن الله 

 براهيم : يارب    

********

حوريه بعد ما خلصت الا قدرت عليه  ريحت شويه وأم محمد راحت تصحيها عشان تعرف تنام

 باليل 

أم محمد : قومى يا ضنايا احنا داخلين على العصر .. 

حوريه بتتعدل وبتتمطع : اااه يا خالتى جسمى وجعنى شكلى خدت على النوم فى شقه الشبح والراحه هناك  ... هو انتى أسمك إيه يا جميل 

أم محمد : صباح . 

حوريه : ماله صباح .. خالتو صباح أحلى 

صباح بضحكه : أى حاجه من بوئك الا زى العسل دا حلوه .. قومى .. قومى 

حوريه اتعدلت .. وخدت فوطه من على كرسى صغير ودخلت الحمام .. خلصت وخرجت كان العصر أذن فرشت المصليه وصلت جابت المصحف وبصوت مهذب واطى بتقرى فيه بخشوع .. بعد ما خلصت قامت تساعد صباح فى تحضير  الغدا وقاعدين بياكلو مع بعض .. 

حوريه : خالتو صباح .. انتو ازاى فى البلد هنا بيدخلكو احتياجتكم زى البقاله وخلافه وبتبيعو الخضار وهكذا فين 

صباح : يا بنتى المقاطيع بيجيبو تجار  ياخدو المحصول من الفلاحين  وبعدين ياخدو نص الفلوس والفلاحين النص مقاسمنهم قوتهم .. والبقاله كل اللى نحتاجه بيوفروه بتمن غالى لينا .. مديقين علينا عيشتنا البعده 

حوريه : يعنى محدش بيخرج من البلد 

صباح : أبدا .. أبدا ربك يفكها أصلهم موزعين حالهم شويه هنا على هنا على هناك 

حوريه : والشبح دا ماتعرفيش عنه حاجه 

صباح : علمه عند الله وضحكت وحطت إيديها على رجل حوريه .. انتى اكتر واحده تعرفيه عننا وكلمك كمان محصلتش مع حد ما يعرفوش صوته حتى ولا الدار إلا قولتى عليها 

حوريه ابتسمت : أصلها بعيده عن هنا .. و بحس إنه بيتخن صوته نبرات صوته مختلفه دايما وتقريبا حد معروف هنااا 

صباح : إشمعنا 

حوريه : عشان طول الوقت بيعمل المستحيل ان محدش يشوفه او يعرف شخصيته يا حد من العصابه ودا إلا مخوفه .. اوووف انا زهقت من كتر ما بفكر فيه 

صباح : هدى بالك وروقيه .. المهم انك بخير  وطلعيه من دماغك 

حوريه بتمط فى الكلمه : ابداااااا .. انا وراه لحد ما اكشف شخصيته .. خالتو انا ها اروح لأمال عشان أعمل تليفون أنتى عارفه لازم كل يوم أطمنهم وأطمن أنا كمان  

صباح بابتسامه : ماشى يا حبيبتى وخدى بالك على نفسك 

حوريه بتنفض ايديها .. وبتقول الحمد لله اللهم ادمها نعمه وأحفظها من الزوال .. وقامت شالت الأكل ولبست وخرجت  مشيت مسافه حلوه ... وقابلت مبروك 

مبروك بفرحه وبيشاور على نفسه : مبوك انا .. أب أسملك أب (مبروك أنا قلب أرسملك قلب ) 

حويه بضحكه : مبروووك  .. تيجى معايا ولما نرجع نرسم وأعملك الا أنت عايزه وتساعدنا فاهم  أنت كبير ولازم تتعلم معانا 

مبروك : عاكى .. انا عاكى .. اسملك .  (معاكى انا معاكى وأرسملك )

حوريه هزت راسها : طيب أمشى ياله بسرعه .. ياله يا مبروك .. 

ومبروك ماشى يلعب ويجرى حواليها زى الأطفال بالظبط ... وصلت عند بيت الشيخ يوسف ولسا ها ترن الجرس عربيه وقفت قدام البيت وواحد نزل منها وضرب مبروك على قفاه جامد ومبروك عيط وجرى ... حوريه لفت وبعصبيه .. 

حوريه : أنت بتعمل ايه يا همجى أنت .. ترضى إن حد يضربك كدا وانت أد الحيطه 

الشباب وقفت قدامها تتفرج .. ومجموعه نزلت حواليها وبضحكه سمجه : أنتى مين يا لهطة  القشطه انتى شكلك مش من قرايب الجرابيع الا هنااا .. 

حوريه : مفيش جربوع غيرك هنا .. اااه انتووو بقى الا عاملين رعب للبلد 

كلهم بضحكه وفى نفس واحد : اااه إحنا 

حوريه بصت للناس إلا بتتفرج  : كنت فاكره إنكو بتخاف من ناس تستاهل الخوف  

سالم قرب عليها وبغمزه وقحه : ما نستاهلش الخوف تحبى أجريهم زى الفران قدامك عشان تعرفى بنخوف وإلا لاء 

حوريه بثقه وقفت وضهرها لباب بيت يوسف : أنا مش شايفه فران غيركم تطلع زى الحراميه وإلا زي ليه أنتو فعلا حراميه سارقين شقى الناس وبتنهبو ولا كان البلد مستباحه ليكوووو ... وبتشاور على نفسها أنا ها اقلبها فوق راسكو أنت فاهم أنت وهو 

سالم : أجيبها يا ريس أكيد دى البت إلا قالو عليها وضحك لاء وجريئه ما بتخافش لون حلوووو ومطلوب 

الريس بتاعهم  جوا العربيه عيونه خرجت على حوريه وبنظره جريئه من فوق لتحت بيشاور على الكرسى إلا جمبه .. هاتها هنا جمبى داحنا ليلتنا فل نتخانق أنا وهى على إنفراد وأقنعها براحتنا .. وكلهم ضحكوووو جامد 

حوريه صرخت صرخه  بخضه لما أتشدت بعنف وكأنها أتشالت شيل 

💗💗💙💙💚💚

بقلم : لبنى طارق 

💗💗💙💙💚💚

إن أصبت فمن الله وإن أخطئت فمنى والشيطان

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله  من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا