رواية حكاية وعد الفصل السادس عشر والسابع عشر والثامن عشر والتاسع عشر والعشرين بقلم ملك محمد حصريه في مدونة موسوعة القصص والروايات
رواية حكاية وعد الفصل السادس عشر والسابع عشر والثامن عشر والتاسع عشر والعشرين بقلم ملك محمد حصريه في مدونة موسوعة القصص والروايات
#حكاية_وعد
زين بتعجب : نانسي !
نانسي اقتربت منه بدلع
: وحشتني اوي ياحبيبي
ولسه هتحضنه زين زقها لبعيد وقال بإرتباك
: مينفعش السكرتيره موجوده استني لما تخرج
وعد واقفه وسطهم
:نعم! لا بقى انا عايزه اتفرج كملي كملي يااخت نانسي
نانسي : مين دي يازين
زين : واحده معرفهاش
وعد تنحت
زين بإرتباك : آااقصد السكرتيره
وعد تنحت آكتر
زين بإرتباك : يوووه بقى اقصد حبيبتي
نانسي بصدمه بصت لوعد بقرف : بقى دي حبيبتك
وعد بعصبيه : ابعدي عنه كدا يااختي شويه وكلميني عدل
نانسي : ياي دي بلدي اوي
وعد : هي مين دي يابت
وطلعت تجري وراها
نانسي تلف حوالين زين وزين بيحوش عنها وواعده مش عايزه تسبها الا لما تجبها من شعرها
زين بزعيق : بس بقى
كلهم سكتوا
زين بعصبيه : وعد اتفضلي ع مكتبك
وانتي يانانسي : اتفضلي اقعدي
وعد زعلت : بقى كدا طيب
زين عايز ينده عليها بس مش عارف
سابها تخرج وقعد ع مكتبه
: خير ال جابك
نانسي : بقى دي مقابله تقابل بيها حبيبتك السابقه
زين : بس احنا انفصلنا
نانسي بحزن: بصراحه مش عارفه احب حد غيرك
زين : انتي جايه بعد سنه من انفصالنا تقولي كدا
نانسي : انا عارفه ان الوقت متأخر وواضح انك نستني وحبيت
زين : دا حقيقي ومش مستعد اخسرها بأي شكل من الأشكال
نانسي : متوقعتش انك ممكن تحب بعدي
زين افتكر وعد قال
: اصلها تتحب و اوي كمان
نانسي : تقصد البنت ال بره دي
زين : اسمها وعد
نانسي: بس مش شايف انها مش مناسبه ليك
زين : مش مناسبه ازاي يعني
: يعني مستواها وكدا انت فين وهي فين
: وانتي مين عرفك الكلام داه
نانسي ارتبكت : اصل ...
زين : جدي هو ال بعتلك
نانسي : لا طبعاً انا ال جيت اشوفك لأنك وحشتني وطنط مديحه وتميم وتمام كلكوا وحشتوني بصراحه
زين : وديتي شنطة هدومك ع الفيلا مش كدا
نانسي: لو مدايق اقعد ف أوتيل عادي
: لا لا خدي راحتك انتي مهما كان هتفضلي اعز صديقه ليا وكل ذكريات طفولتنا مع بعض
فجأه بتدخل عليهم وعد وف ايدها العصير
زين : هو في حد طلب عصير
وعد بغيظ : لا دول اتنين لمون علشان تاخدوا راحتكوا ف الكلام
زين ابتسم لما شافها غيرانه
وعد قربت منهم ولسه هتحط الكوبايه ع المكتب راحت دلقاها على نانسي
نانسي بفزع : ااااه اي داه
وعد ببرود : اسفه اوي مخدتش بالي
نانسي : فين الحمام بسرعه
وعد : يمين ف الشمال
نانسي طلعت م المكتب بعصبيه
زين وقف من ع الكرسي وقرب من وعد
وعد بتوتر : ع فكره هي ال ادلقت غصب عني
زين بإبتسامه : يعني مغرتيش عليا
وعد : لا
زين : يعني عادي لو رجعت انا وهي لبعض
وعد بغضب : دا بعينك
زين : شوفتي انك بتحبيني بس بتكابري
وعد : لا مبحبكش انا اقصد انك مينفعش ترتبط بيها واحنا متجوزين لما تطلقني اعمل ال انت عايزه
زين قرب منها اكتر : بردو مش عايزه تعترفي بمشاعرك
وعد بتوتر : مكانك لو سمحت
زين : ولو قربت أكتر
وراح شاددها لحضنه
فجأه بتدخل نانسي بعد مامسحت هدومها
ادايقت لما شافت وعد ف حضن زين
نانسي : احم
زين اخد باله فساب وعد بسرعه
زين بإرتباك : مش تقولي انك هنا
نانسي : اسفه قطعت عليكوا مشهد رومانسي
زين : لا عادي
نانسي : انا هروح الفيلا خلص شغل بسرعه وتعالى بقى
زين بإبتسامه : حاضر مع السلامه
نانسي شدت شنطتها من ع المكتب وخرجت
وعد بعصبيه: انا عايزه اعرف مين دي
زين قعد على مكتبه
: دي تبقى بنت صاحب بابا الله يرحمه كانو أكتر م الأخوات وزي ماتقولي كدا اتربينا سوا وعشت مع البنت دي قصة حب من واحنا صغيرين بس ياخساره مش كملت
وعد بغضب : ياخساره !
زين : مقصدش بس أنا فعلا كنت بحبها اوي بس محصلش نصيب نكمل كل فتره نبعد ونرجع لحد مازهقت آخر مره وقولتلها خلاص انسي اننا نرجع لبعض تاني
وعد : وهي نسيت
زين : معرفش
وعد : والهانم مستنياك ف البيت بتعمل اي
زين : مينفعش تقعد ف اوتيل وبيتنا موجود اكيد يعني دي مش مجرد واحده وخلاص دي اول قصة حب ف حياتي
وعد : انت حنيت ولا اي
زين : والله لو حضرتك قررتي تطلقي فأنا ممكن اعيد نظر ف الموضوع
وعد بعصبيه : وممكن ليه انا بقولك عيد نظر من دلوقتي علشان انا هطلق
وسابته وطلعت ع مكتبها
زين بتعجب : يخربيت دماغها ناشفه اوي مش عارف اي يلينها
____بقلم ملك محمد_______
ف الفيلا
: منوره الفيلا يا نانسي
: دا نورك ياطنط
: جدو اسماعيل ال بعتلك مش كدا
: ايا عرفتي ازاي
: عشرة عمر يابنتي اكيد لازم اعرف، روحتي لزين ع الشركه مش كدا
: ايوا فعلا عرفتي ازاي دي كمان
: العالم بيتغير الا دماغ جدك لسه زي ماهي
نانسي : هو حضرتك قاعده من الشغل النهارده ليه
: بنت اختي عندنا هنا وتعبانه شويه قولت اقعد اخد بالي منها
: اي دا بجد الف سلامه عليها ممكن اطلع اشوفها
: هي نايمه دلوقتي لما تصحى هنطلعلها
نانسي : اه طيب
امال تميم وتمام وحسناء فين
: تميم وتمام ف الجامعه اما حسناء اتجوزت عقبالك
: بجد بدون ماتعزموني كدا
: الفرح جه بسرعه بصراحه ان شاء الله تعوضيها ف فرح زين
نانسي بضيق : هو اخيراً قرر يتجوز
: اه اخيراً عرف يحب بجد مش لعب عيال اول مره اشوف الحب ظاهر ف عيونه
نانسي بضيق: هه بكرا نشوف
______________
بعد مرور الوقت ف الشركه
زين خرج من مكتبه مر على مكتب وعد وقالها
: اي القمر مش عايز يروح
وعد مردتش عليه وقامت نزلت ع تحت بضيق
زين بتعجب : مالها دي
نزل وراها ركبوا العربيه وطول الطريق وعد حاطه وشها الناحيه التانيه
زين : ممكن اعرف اي لازمة بوزك داه
وعد : انت بتحبها
زين : هي مين
وعد : البنت ام بوء معوج دي
زين ضحك
وعد مربعه ايدها زي الأطفال :مبهزرش
زين : لا مبحبهاش
وعد : امال بتحب مين
زين : واحده لسانها اطول منها عصبيه وعنيده
وعد : مفيهاش ميزه تانيه خالص
زين : هي بالنسبالي مفهاش عيوب اساسا كلها مميزات
وعد إبتسمت بفرح
فجأه الجو بدأ يمطر
وعد بفرح : مطر
زين : بتحبي المطر
وعد : جدا
زين وقف العربيه ف جمب وقالها
: انزلي
وعد : بجد
زين : بسرعه قبل ماارجع ف كلامي
وعد فتحت الباب ونزلت بسرعه فتحت دراعتها للمطر
زين نزل هو كمان
وعد : قميصك هيتبل
زين شدها لحضنه تحت المطر
: فداكي
وعد شدت نفسها بعيد وطلعت تجري تحت المطر
زين بص حواليه وقال لنفسه
: صدق تمام لما قال الحب بيضيع الهيبه والكارزيما بتبقى في زمة الله
وطلع يجري وراها
وعد بسعاده وهي غرقانه مايه
: انا مبسوطه اوي
زين بصوت مرتفع : وانا كمان مبسوط علشان انتي مبسوطه
وعد بفرح : زين انا ...
وبعدين سكتت
زين قرب منها
: انتي اي !
وعد بإرتباك : لا مفيش حاجه
زين بضيق : بارده
وعد راحت مقربه منه وبيساه ف خده وسابته وجريت
زين حط ايده على خده بصدمه وبعدين ابتسم وقال لنفسه
: شكلها بدأت تحن
وراح من وراها شايلها بين درعاته
وعد : نزلني اي ال انت بتعمله زين
زين : ششش وفضل يلف بيها تحت المطر
وعد بضحك : خلاص كفايه انا دوخت
زين نزلها كانت دايخه ف اترمت ف حضنه
زين وهو حاضنها قبل راسها وقال
: وعد انا بحبك
وعد رفعت وشها لفوق
زين بلطف قرب راسه منها ولسه هيبوسها راحت حاطه ايدها ع بوئها بخجل وسابته ومشيت
زين ابتسم وراح وراها
ركبت العربيه وهو كمان
______________
ف الفيلا
متجمعين ف الصالون بيشربو قهوه
مديحه : بقى البنت تبقى سخنه وحضرتك تسبها بلامبالها وتنام
تمام : وانا اعملها اي يعني
تميم : دا واحد بارد ياماما مش هتاخدي معاه حق ولا باطل
جدهم : هي عامله ايه دلوقت
مديحه : بقت كويسه هطلع اجبها وانزل
طلعت مديحه ل آيسل
جدهم: امال نانسي فين صحيح
تميم : ماما بتقول انها جت م السفر تعبانه فدخلت تنام
فجأه بيبص لقا نانسي نازله من فوق قال
: اهي جت اهيه
تمام : وبدل البلوه بقوا تلاته
بتنزل آيسل مع خالتها من فوق
بص لآيسل : دي اول بلوه
وبص لنانسي : ودي التانيه
بتنزل نانسي بلبس مش محتشم خالص وبتسلم عليهم وبتقعد جمب جدهم
اسماعيل : اي القمر داه
نانسي بكسوف : طول عمرك عندك نظر ياجدو
تميم بص قرب من تمام وقاله بهمس
: جدو جايب نانسي ليه هو عايزها مدعكه
آيسل بتقعد هي كمان جمب خالتها
فجأه وعد وزين بيدخلوا غرقانين مايه وبيضكوا
تمام بص لوعد وقال : ودي البلوه التالته
وبعدين قال لنفسه
: انا بفكر اروح اعيش ف مكان تاني بدل الملجأ ال انا عايش فيه داه
تميم : اي ال مغرقكوا مايه كدا
زين بإبتسامه بص لوعد : كنا بتمشى شويه تحت المطر
نانسي بتعجب : معقوله زين بيتمشى تحت المطر
جده : نانسي هنا اهيه ولا مش واخد بالك
زين : ازاي مش واخد بالي دي جاتلي النهارده ع المكتب بنفسها
جده بص ناحيتها وابتسم (ال هو شاطره)
وبعدين بص لزين وقاله
: طب اطلع غير هدومك علشان متاخدش برد وانزل خدها وفسحها ف تركيا شويا من زمان مشافتش تركيا
قامت نانسي من مكانها ومسكت ف ايد زين وقالت بدلع
: فعلا انا نفسي اوي نطلع مع بعض زي زمان
وعد وشها اتقلب وسابتهم وطلعت
زين شال ايدها بعيد وقال
: راجع تعبان ومش قادر خلي تميم يخرجها
وسابهم وطلع يغير هدومه
لحق وعد قبل ماتدخل اوضتها جه ووقف قدام الباب
وعد : في اي
زين : وشك قلب ليه مره واحده وطلعتي
وعد بضيق : مقلبش ولا حاجه انا طلعت علشان اغير ممكن اخد برد بهدومي دي
زين : يعني انتي مديقتيش لما مسكت ايدي
وعد ببرود : وهدايق ليه
زين : بقى كدا
وعد : ممكن بقى تعديني علشان أغير
زين سابها وراح ع اوضته بعصبيه
وعد دخلت الأوضه وفضلت تكلم نفسها بغضب
: هي فاكره نفسها مين علشان تمسك دراعه عادي وتدلع عليه
الحيوانه لو نزلتلها هجبها من شعرها
وبعدين قالت لنفسها
: اهدي ياوعد اهدي معقوله حبتيه
: ماهو بصراحه هو يتحب هكدب يعني
: بس بردو لازم احافظ على كرامتي وابينله اني مش مدايقه
____________
ف الأسفل
آيسل سابتهم قاعدين بيتكلموا وطلعت بره ف الجنينه
تمام كان قاعد بيقرا بره
آيسل شافته راحت قعدت جمبه
تمام : حد سمحلك تقعدي
آيسل بحزن : انا اسفه
وسابته وقامت
تمام استغرب من ردة فعلها قال لنفسه
: البنت دي مطيعه ذياده عن اللزوم
راحت قعدت بعيد وحطت ايدها على خدها
كانت قدام تمام وهو بيقرا ومكنش عارف يركز ف القراءه وعمال يبص عليها
افتكرها وهي بتقول
: انا عايزه اكبر علشان اتجوز والاقي حد يهتم بيا
ابتسم وخد بعضه وراح قعد جمبها
آيسل بخضه : في حاجه
تمام اتحجج وقالها : لا مفيش الإضاءه هناك مش حلوه قولت أجي اقعد هنا
آيسل : اه طيب
وقامت
تمام بتعجب : رايحه فين
آيسل : هقوم واسبلك المكان علشان تاخد راحتك
تمام بضيق : اقعدي تاني لما اقولك امشي ابقي امشي
آيسل قعدت : حاضر
هدوء ثواني
تمام وهو باصص ف الكتاب
: بقيتي كويسه دلوقتي
آيسل : اه الحمدلله
تمام : ليه عايزه تكبري
آيسل بخجل : ومين قال انا عايزه أكبر
تمام : انتي قولتي وانتي حرارتك مرتفعه
آيسل بخجل وارتباك: اه ههه تلاقيني كنت بهلوس
تمام : نصيحه مني متفتكريش الجواز شئ حلو وتبني احلام ورديه الحب ال بتحلمي بيه مش موجود ولا هتلاقيه
آيسل بذهول : اي ال انت بتقوله داه
تمام: دي مجرد نصيحه
آيسل ادايقت : وانا مش محتجاها علشان انا هلاقي الحب ال بحلم بيه ولما اكبر هفكرك
تمام بسخريه : وهم
آيسل وهي كاتمه غضبها : شكرا على دعمك
تمام : العفو قومي اجري اشربي البن ونامي يلا
آيسل : ع فكره انا كبيره بطل تتعامل معايا بالطريقه دي
تمام بسخريه : كملتي ال 18
آيسل : لسه هما كام يوم وابقى عندي 18سنه
تمام : خلاص يبقى قانوناً انتي لسه طفله فاهمه
آيسل : بعد مااكمل ال 18 وعد تبطل تعاملني كطفله
تمام بسخريه : هحاول
آيسل وقفت بضيق وقالتله : بكرا هبقى آنسه زي القمر وانت اول واحد هتقع ف حبي هه
تمام اتصدم من كلامها
قالت كلمتها ومشيت وهو قال لنفسه
: مجنونه دي اكيد
يتبع ............
#حكاية_وعد (18)
"نهار يوم جديد ف الفيلا
الجميع في إجازه منهم من استيقظ ومنهم مازال نائم "
زين وهو ف سريره يسمع صوت حد بيهمس ف ودانه برفق ويقول
: زين حبيبي قوم
زين وهو مغمض العينين رد بحب
: وعد انتي صحيتي
نانسي : وعد مين يازين انا نانسي
قام مفزوع من مكانه
نانسي : في اي مالك شوفت عفريت
زين بذهول : انتي بتعملي اي هنا
: هكون بعمل اي بصحيك
: مين سمحلك تدخلي عليا الأوضه
نانسي بدلع : هو مش انا طول عمري كنت بدخل اصحيك عادي
زين بعصبيه: اطلعي بره يانانسي ومتدخليش عليا الأوضه تاني
نانسي : ليه بقى مدخلش عليك
زين : علشان انا دلوقتي واحد متج...
وبعدين سكت وقال واحد مرتبط فهمتي
نانسي : دا كله علشان البنت ال بره دي دانت لمتها من الشوارع
زين بعصبيه : اسمها وعد وانا ملمتهاش من الشوارع هي عندي اغلى من بنات الدنيا كلها
نانسي بتمثيل : خلاص يازين انا اسفه مقصدش ادايقك وحاضر مش هدخل عليك الأوضه تاني ممكن تقوم بقى علشان وحشتني
زين بضيق : اطلعي بره دلوقتي بعد اذنك
نانسي طلعت وقفلت الباب وقفت تكلم نفسها
: دا بيحبها جدا المهمه ال جدو مديهالي صعبه اوي
زين ف اوضته قعد ع السرير بيكلم نفسه
: وانا ال فكرتها وعد مع اني عارف ان وعد عمرها ماهتكون كدا
___بقلم ملك محمد_______
ف الأسفل
مديحه وهي بتشرب القهوه
: تمام انت ليه مبتعلمش آيسل اللغه التركيه
تمام وهو بيقرأ رد ببرود : مش فاضي
تميم : البيه مقطع نفسه م المذاكره دا لو مطلعش معيد ف الجامعه هفجره
آيسل بحزن : انا خلاص مش عايزه حد يعلمني في شاب اتعرفت عليه ع النت وقالي انه هيديلي كورس مجاناً
مديحه : بجد طب كويس
تمام نزل الكتاب من على وشه : مين الشاب داه
تميم : وانت مالك خليك ف مذاكرتك انت
تمام وقف ببرود وقال : عندك حق انا مش عارف انا قاعد معاكوا بعمل اي لا كارزيمتي ولا هيبتي تسمح بداه
وشد تفاحه من ع التربيزه وخدها ف ايده وطلع اوضته
آيسل : طبعه غريب اوي ياخالتو هو انتو مبتخفوش منه
تميم بسخريه : مروضينه متقلقيش
تمام سمعهم رمى التفاحه من ورا ضهره وهو ماشي جت ف راس تميم
تميم بألم : ااه
وبعدين بص لآيسل وقالها
: تقريباً مش مروضينه اوي ابقي خدي بالك
بيقابل تمام نانسي وهو طالع اوضته ف الطرقه
نانسي بضحك : جدو صحي ياتميم
تمام بصلها بقرف وقال : تمام
وسابها ودخل اوضته وقفل الباب
نانسي بتعجب : ماله داه ملبوس ولا اي
نزلت نانسي لتحت
مديحه : تعالي يانانسي
نانسي : هو جدو لسه نايم ولا اي
مديحه : اه يوم الأجازه بياخد راحته ف النوم
تميم : زين ووعد اتأخروا جدا ف النوم
مديحه : سبهم النهارده اجازه
آيسل بحب : يابخت ابيه زين حبيبته حلوه اوي ودمها خفيف
تميم : لايقين على بعض اوي بيناكفوا ف بعض كتير بس ميقدروش يعيشوا من غير بعض
نانسي بضيق : مين قال لايقين ع بعض دا كل واحد منهم طباع مختلفه
مديحه : انتي متعرفيش ان وعد غيرت ف زين حاجات كتير
تميم : من اول ماوعد جت بقينا نشوفه بيضحك وبيهزر معانا كان الأول كل وقته شغل
نانسي قاعده بتنفخ ومدايقه
___________
فوق بيدخل زين ياخد شاور ويلبس هدومه ويخرج من اوضته
عدى ع اوضة وعد لسه هيخبط قال لنفسه
دي مراتك يابني بتخبط ليه
وفتح الباب ودخل
وعد ف سابع نومه
زين قرب منها ورفع شعرها عن عيونها وقال
: ياه لو تفضلي نايمه ع طول بتبقى شبه الحمل الوديع
سرح ف شكلها شويه وركز ف ملامحها الهاديه الجميله وشعرها الطويل ال مفرود جمبها ع المخده ضمة أيدها وهي حاضنه نفسها ونايمه تقفيلة عيونها وهي مغمضه كان شايف كل حاجه فيها حلوه
افتكر لما باسته ف خده تحت المطره
ابتسم وحط ايده على خده مكان البوسه
قرب من ودانها وقالها بهمس
: وعد
وعد ف سابع نومه
زين بلطف : حبيبي قومي علشان وحشتيني تعرفي انك بتوحشيني حتى وانتي معايا
وبعدين اتنهد وقال
امتى ياوعد يجي ال يوم ال اضمك فيه لحضني بدون ماتبعديني عنك نفسي اوي اكون قريب منك بس دماغك عنيده اوي معرفش ليه
وعد ف سابع نومه قلها بصوت مرتفع
: وعد قومي كفايه نوم
مردتش عليه
قال لنفسه مبدهاش بقى وراح شايلها ونازل بيها ع تحت
تميم بذهول : انت شايل وعد
آيسل حطت ايدها ع وشها بكسوف
مديحه : مالك يازين ياحبيبي انت اتجننت
زين : شششش
مديحه : ششش اي انت واخد البنت نايمه ورايح فين
زين مردش عليهم وطلع بيها بره ف الجنينه وقرب من حمام السباحه ورماها فيه
صحيت وعد بفزع
زين بإبتسامه : اصحي كفايه نوم اي مبتشبعيش نوم
وعد كانت مصدومه من ال عمله فيها وبتبص حواليها ف المايه
زين بإبتسامه : اطلعي غير هدومك وتعالي علشان عايز افطر معاكي
وعد استوعبت ال هي فيه قالت بعصبيه وصراخ : يا حيوااااان
زين وهو ماشي : قولتلك هقطعهولك حاضر
دخل زين قعد معاهم
آيسل : هي وعد فين ياابيه
زين : بتاخد غطس وجايه
مديحه : انت مش هتبطل ترخم عليها بقى
زين : طول مانا بحبها هفضل ارخم عليها
تميم : فكرتني بسيلا مره بهزر معاها وبديها قفا مصري من بتاعنا لقيت البت وشها احمر وبتقولي طلقني احلفلها مية يمين اني متجوزتهاش أساساً تقولي طلقني بردو قعدت اتأسفلها شهر
الكل بيضحك على كلامه
زين : علشان تعرف نعمة البنات المصريه حسناء اختك كلت على قفاها لما ورم
نانسي : اي الشغل البلدي داه لازم الواحد يتعلم احترام الأنثى
زين بسخريه : الآنثى بقى
نانسي ادايقت من رده
فجأه دخلت وعد وهي غرقانه مايه وبتبص لزين بنظره شريره من تحت
زين : انتي بتبصيلي كدا ليه مش انتي ال نومك تقيل
وعد قربت ناحيته وهي بتص بنظره شريره
تميم : بقولك اي ياسطا انت مفروض تجري
زين : انت شايف كدا
تميم : اجري بقولك النظره دي انا عارفها
وعد لسه هتمسك دراعه تعضه زين طلع يجري منها ع فوق ووعد طلعت تجري وراه
آيسل بإنبهار : شكلهم قمر اوي وهما بيناكفوا ف بعض
نانسي بضيق : بس ياحببتي انتي لسه صغيره هو دا اسمه حب
زين دخل أوضته ووعد طلعت وراه فتحت الباب وقالت بعصبيه
: وربنا ماهسيبك يازف.....
زين كان ورا الباب قاطعها بشدها لحضنه وقفل الباب
وعد بعصبيه بتحاول تخبطه ف كتفه وهو ماسكها جامد ف حضنه وبيضحك ويقول
: خلاص بقى متبقيش قفوشه
وعد بعصبيه : سبني بقولك
زين وهو حاضنها : طب خلاص حقك عليا انا اسف
وعد بغضب : كل مره بتقولي كدا وبدايقيني برده
زين : بحب اهزر معاكي وربنا مش قاصد ادايقك
وعد بغضب وهي بتخبط فيه : في حد يشيل حد يرميه ف المايه وهو نايم ويقول بهزر معاك
زين وهو واخدها ف حضنه : مانتي ال نومك تقيل قولت اصحيكي
وعد بعصبيه فضلت تخبط فيه وتزعق
زين بصوت عالي : وعد بصيلي
وعد رفعت وشها لفوق وبصتله
اول لما بصتله اتوترت وهديت وبطلت خبط فيه
نزلت وشها بسرعه لتحت وقالت
: سبني يازين
زين : طب بصي ف عيوني وانا اسيبك
وعد رفعت وشها تاني وبصتله
قلبها فضل يدق جامد قالت بتوتر
: اديني بصتلك سبني بقى
زين وهو لافف ايده حوالين وسطها
: نفسي اكون قريب منك ومتقوليش ابعد
وعد بإرتباك وخجل : سبني انا عايزه اغير هدومي
زين بلطف : حضن واحد بس
وعد بخجل : اي ال انت بتقوله داه انت مجنون
زين : انتي مراتي وانا ليا الحق فيكي بس انا سايبك براحتك ومش عايز ادايقك كل ال عايزه منك حضن مش اكتر
وعد : لا
زين : خلاص متزعليش بقى لما انزل اخد حضن من نانسي دلوقتي
وعد : نعم نانسي !
زين : اه اصل انا محتاج شوية حنان ها هتديني حضن ولا انزلها
وعد وهي حاطه وشها ف الأرض بخجل رفعت ايدها بإرتباك وحطتها حوالين رقبته
زين ابتسم وضمها لحضنه جامد وكأنه غرقان فيها
حضن بعد تعب ومناهده ومشاكل وحب من طرف واحد
اخيراً بقت ف حضنه بإرادتها مش غصب عنها
وعد حضنته بقوه هي كمان كأن حد بتحبه واحشها اوي ومحرومه منه وأخيرا بقت معاه
وعد لسه هتتكلم
زين بلطف قاطعها : ششش متبوظيش اللحظه ارجوكي
بعد فتره : تعرفي ان اللحظه دي هسجلها عندي علشان تفضل ذكرى
وعد شالت ايدها من حوالين رقبته ورجعت لبعيد بخجل وبصت ف الأرض
زين بإبتسامه : بعد الحضن دا ملوش لازمه الكلام مستنيكي تحت علشان نفطر سوا
ونزل تحت وهو منشكح والدنيا مش سايعاه
وعد بصت ف المرايه لنفسها وقالت
: معقوله انا حضنته عادي
حطت ايدها ع وشها بخجل
: اي الإحراج داه بقى
___بقلم ملك محمد_______ Malak Mohamed
ف الأسفل
زين نزل ليهم تحت
مديحه : اي الإنشكاح داه مش كنتوا طالعين بتجروا ورا بعض
زين بإبتسامه : لا ماحنا اتصالحنا
نانسي : غريبه يعني قميصك مبلول مايه
زين ببرود : اصل هدوم وعد كانت مبلوله
آيسل شهقت بخجل : هاه
نانسي : واي ال وصل هدوم وعد ليك
زين ببرود : حاجه متخصكيش
مديحه ابتسمت وتميم قال
: اهدى يازين في اي نانسي بتسأل عادي
نانسي بعصبيه : لا زين اتغير خالص دا مبقاش طايقلي كلمه
زين : انا اسف يا نانسي انتي عارفه اني مبحبش حد يسألني عن حاجه
نانسي : ومن امتى انا اي حد
زين : رد انت ياتميم علشان انا ردي بيزعل
نانسي بعصبيه : الله الله حتى الكلام مبقتش طايق تتكلمه معايا
مديحه : يابنتي زين ميقصدش حاجه متكبريش الموضوع وانت يازين بيه قوم افطر وبطل مناكفه ع الصبح
زين : مستني وعد
تميم : لا دا كدا الحب ولع ف الدرا اوي يعني
آيسل بيجلها رساله فبتاخد الاب بتاعها وتستأذن منهم وتطلع الجنينه
وعد بتغير وتنزل من فوق
زين بيبص عليها وهي نازله بحب
وعد بصتله افتكرت ال حصل فوق بصت ف الأرض بخجل
تميم لاحظ وطى على زين وقاله
: هو اي ال حصل فوق بالظبط
زين : ششش بص قدامك
مديحه : تعالي ياوعد اقعدي
وبتنده ع الخادمه
: اوزلام
اوزلام : Evet bayan
الترجمه ( نعم مدام)
مديحه :Zain için kahvaltı hazırla ve söz ver
الترجمه ( جهزي الفطار لزين ووعد)
اوزلام : şimdiki bayan
( حاضر مدام)
بيرد زين ويقول : Yemeği dışarı koy, orucunu bahçede açalım.
الترجمه ( حطي الأكل بره هنفطر ف الجنينه)
بتروح الخادمه علشان تجهز الفطار
_________
ف الخارج
آيسل قاعده ع المرجحيه وفاتحه اللاب وباين على وشها الأبتسامه وكانت بتكلم الشاب ال بيديها الكورس فديو
تمام كان واقف ف بلكونته بيشرب القهوه شافها وهي عماله تتكلم ومبتسمه
قال لنفسه
: هه لقت حد يعبرها أخيرا وقال اي بتقول انا خلاص مش عايزه تمام يعلمني قال يعني البنت تطول اوي
الفضول اخده وحب يعرف اكتر عن الشاب ال هي بتكلمه وليه الكورس مجاني يعني
اخد قهوته ف ايده ونزل راحلها
آيسل قفلت الاب بخضه
تمام ببرود : وريني كدا الموقع ال بتتعلمي عليه تركي
آيسل بخوف : ليه
تمام: عايز اشوفه
آيسل فتحت الاب وادتهوله
تمام قعد جمبها قلب شويه ف الموقع شاف صور الشاب وفديوهاته القديمه لقاه متمكن وطريقة شرحه مميزه
آيسل وهي باصه بتعجب : ها شوفته
تمام بكبرياء : دا ال بتتعملي عنده
آيسل : اه دا قمور اوي
تمام : بنت عيب تقولي ع شاب كدا
آيسل : انا اسفه بس هو مهتم بيا جدا وقالي انه مش هيسبني الا لما اكون متمكنه ف اللغه
تمام : بس انا شايف ان في غلطات كتير عنده وباين عليه مش مثقف ذياده
آيسل : لا لا دا جامد اوي انت لو تشوفه وهو بيشرح هيعجبك جدا ممكن اخليه يتواصل معاك لو عايز
تمام وهو باصص لصورة الشاب قال بكبرياء : هيتواصل معايا اعمل بيه دا انا اعلمه واعلم عشره زيه
آيسل : اه تمام بس انا مش فاهمه بردو انت بتسأل ع الموقع ليه
تمام : انتي بنت خالتي ولازم اطمن عليها واعرف مين بيديها الكورس وبصراحه لقيته شخص مش كويس وفاشل ف انا قررت اني هعلمك من هنا ورايح واهوه اكسب سواب فيكي واساعدك
آيسل اخدت الاب من ايده وقالت بإبتسامه : لا متشكره جداً ياابيه انا مبسوطه معاه وبفهم منه بسرعه معتقدش حد هيوصلي المعلومه ببساطه زيه
تمام اتصدم لأنه كان مفكر انها هتفرح جدا لما يقولها كدا
سابته ومشيت
بص حواليه بإحراج وقال لنفسه
: انا مساعدتي اترفضت دلوقتي ولا انا بيتهيألي !
_____بقلم ملك محمد____________
وعد وزين طلعوا بره الجنينه يفطروا
وعد بخجل : الواحد محرج اوي وهو قاعد بيفطر معاك لوحدنا
زين : وفيها اي واحد ومراته قاعدين
وعد : ما هو محدش يعرف بداه
زين : لو عايزه اقوم اقولهم دلوقتي اقول واقول للدنيا كلها كمان
وعد : لا لا احنا لسه معادنا بعد شهر ولا نسيت
زين : وانا لسه عند وعدي ومنستش
سكوت ثواني وبياكلوا
زين : صحيح بتكلمي اخوكي
وعد : اه بكلمه وفهمته كل حاجه بس انا زعلانه علشانه اوي بيشتغل وهو ف ثانويه عامه علشان يكفي مصاريفه
زين : طب ماتبعتيله فلوس
وعد : مستحيل يقبل بحاجه زي كدا دا اخويا وانا عارفاه
زين : عنيد زي أخته
وهو بيبصلها لاحظ ان بوئها عليه صوص من الأكل قرب ايده من بوئها بلطف ولسه هيسمحه
وعد اتخضت ورجعت راسها لورا
زين : متخفيش همسحلك بوئك بس
وعد بتوتر : انا همسحه لنفسي
زين ادايق وقام من مكانه شد دماغها غصب عنها ومسحلها شفايفها بإيده
قرب منها وبص ف عيونها
: بعد كدا متبعديش ايدي عنك تاني
تميم كان لسه خارج هو ونانسي شاف المنظر راح مصفر وقايل : ياوعدي ع الرومانسيه
ولف وشه ورجع تاني
نانسي : هو في اي
تميم مسك ايدها : مفيش مفيش تعالي بس اما اقولك
نانسي أصرت تطلع
كان زين رجع وقعد مكانه
نانسي جت بضيق وقالت
: حلو اوي الفطار الرومانسي داه
وعد بخجل بصت لزين : انا شبعت
وقامت
زين بص لنانسي بضيق وقال : انا كمان شبعت
نانسي وقفت تكلم نفسها وتقول
: هو انا سديت نفسهم ولا اي
____________
في منزل كريم قاعد على مكتبه ماسك موبايله وفتح فلودر قافله وعاينه ف مكان معين حط كلمة السر وفتح البوم الصور
ظهرت صوره مع وعد وهما صغيرين وذكرياته معاها من ايام ماكانوا ف مصر مع بعض
قعد يبص للصور ويفتكر المواقف ويبتسم قال لنفسه
: هو انا ازاي قدرت اسبها ولا يمكن علشان كنت ضامن وجودها فدوست عليها برجلي معقوله فين وافقت تتجوز زين بس ازاي وهي بتحبني انا
فجأه دخلت عليه حسناء
: كريم حبيبي
اتبرجل وقفل الفون بسرعه
حسناء : مالك اتبرجلت كدا ليه
كريم : لا لا مفيش حاجه
وراح قايم شايلها وقايلها
: تعالي بقى علشان وحشتيني
حسناء بضحك : بالراحه بالراحه علشان انا جيبالك مفاجأه
كريم نزلها : مفاجأة اي
حسناء : انا حامل
كريم بذهول : بجد
حسناء : اه بجد مالك مش مفروض تفرح
كريم بفرحه مصطنعه : انا فرحان وكل حاجه بس مش لسه بدري على موضوع الطفل داه
حسناء لفت أيدها حوالين رقبته وقالت بدلع : بدري اي بس احنا بنكبر ولا انت مش واخد بالك
كريم حضنها وقال : عندك حق بس قوليلي بنت ولا ولد
حسناء بضحك : لسه بدري ع الكلام داه
كريم : روحتي المستشفى امتى صحيح
حسناء : الصبح بدري سبتك نايم وروحت علشان اعملهالك مفاجأه مع انك مش باين الفرح عليك بس مش مهم بقى
كريم : متزعليش مني انا اتصدمت بس مش اكتر انما انا فرحان وفرحان جدا كمان
حسناء : طب يلا علشان عايزه اروح افرح ماما
كريم : ع طول كدا
حسناء بحماس : ايوا انا مستعجله اوي
يتبع .........
#حكاية_وعد (19)
ف الجنينه قرر زين وتميم يلعبوا ماتش تنس بما ان اليوم اجازه "الوقت بعد العصر"
وعد وآيسل قاعدين بيتفرجوا عليهم
وعد بتبص لزين بهيام
آيسل : بتحبيه مش كدا
وعد اتوتر : هو مين
آيسل بتعجب : هو انتي لي بداري حبك ليه بس ابيه زين مبيتكسفش يقول قدامنا انه بيحبك
وعد بحزن : بصراحه بخاف
آيسل : بتخافي من اي
وعد سكتت شويه
آيسل مسكت ايدها
: اتكلمي معايا متخفيش انا اه سني صغير بس هفهمك
وعد بحزن : بخاف اتخدع تاني ويكون آخرة الحب فراق
آيسل : هو ممكن يسيبك
وعد : معرفش بس انا خايفه خايفه اتهان وينداس على قلبي تاني
آيسل : انتي اتجرحتي قبل كدا
وعد بحزن : انا اتخذلت من اكتر شخص وثقت فيه
آيسل : بس ابيه زين مش كدا ع فكره بيحبك اوي
وعد وهي بتبص ناحية زين وبتبتسم : عارفه انه بيحبني بس شعور الخوف ملازمني للأسف مشاعري استهلكتها مع الشخص الغلط
آيسل بلطف : ع فكره انتي تقدري تحي مشاعرك من تاني مش معنى انك اتخدعتي ف شخص تبقي خلاص انتهيتي ادي نفسك فرصه وسيبي قلبك يدق من جديد ومتخفيش
وعد : تفتكري هقدر
آيسل : هتقدري ليه لأ وع فكره ابيه زين أمور اوي ودمه خفيف وكاريزما كدا حاجه تتحب بصراحه
وعد بضحك: اي دا بقى انتي هتعاكسيه قدامي
آيسل بضحك : غيرتي عليه مش كدا علشان تعرفي انك بتحبيه بس مش عايزه تعترفي
وعد بخجل : هو انا ظاهر عليا اني بحبه
آيسل : اه طبعاً نظرات العشاق بتفضح بس قوليلي هي مين نانسي دي واي علاقتها ب آبيه زين
وعد : كان مرتبط بيها قبل مايعرفني بس بصراحه دمها تقيل وبارده اوي معرفش اي ال عجبه فيها
آيسل : بصراحه عندك حق انا مبطيقهاش
وعد بحزن : خايفه اوي زين يحن ليها
آيسل بمكر وبإبتسامه : اي رأيك نطفشها
وعد بنظرة مكر هي كمان : تصدقي فكره
__________
ف الداخل يجلس اسماعيل مع نانسي ف مكتبه
نانسي : ياجدو انا عمري ماشوفت زين بيحب زي المرادي الحب ظاهر ف عيونه
اسماعيل : حتى لو بيحب لازم تبعد عنه زين كبر اه بس شكله مش عارف مصلحة العيله
نانسي : الموضوع صعب اوي انا حتى مش عارفه انفرد بيه لوحدنا علشان اقدر اخليه يلين ليا تاني مش مديني فرصه الزفته دي واخده كل واقته
اسماعيل : لازم تحاولي انا قولت زين مش هيتحوزها
نانسي : ماتطردها من البيت وخلاص ياجدو بدل التعب دا كله
اسماعيل: مينفعش طبعاً زين يقدر يجيب بدل البيت عشره وانا مش عايز اخسره عايزه يرجع لوعيه ويسبها هو بمزاجه
نانسي : تفتكر دا ممكن يحصل
اسماعيل : هيحصل علشان دا ال لازم يحصل انا لو اعرف ان البنت دي هتعمل كدا مكنتش دخلتها البيت بس زين غفلنا كلها وحبها
__بقلم ملك محمد________
ف الأعلى
تمام في غرفته فاتح الاب بتاعه وبيكلم نفسه ويقول
: بقى انا مساعدتي تترفض
دخل ع الموقع بتاع الشاب ال ايسل بتتعلم عليه ولأنه شاطر ف الهكر هكر الموقع
وبعت للشاب من اكونت فيك لو عايز موقعك يرجعلك اعمل ادخل قول لآيسل انك مش هتقدر تديها الكورس وانها محتاجه حد فاهم اكتر منك واعملها حظر
الشاب اترعب وبعتله رساله قاله انه موافق يعمل كدا
وفعلاً دخل بعتلها رساله بالكلام ال تمام قالهوله وعملها بلوك
تمام رجعله ايميله وقفل الاب وابتسم بإنشكاح وقال لنفسه
: هه بقى عيله زي دي ترفض مساعدتي
أخد بعضه ونزل لتحت لقاهم ف الجنينه
بص على تميم وزين لقاهم بيلعبوا تنس ووعد وآيسل قاعدين بيتكلموا مع بعض
قال لنفسه بغرور وهو بيبص لآيسل وهي بتضحك : شكلها لسه مفتحتش الاب بتاعها انا ف انتظار انك ترجعيلي راكعه
فجأه الكوره بتخبط فيه
تمام بعصبيه وصوت مرتفع : ماتفتح يااعمى
تميم : مانت ال واقف ف النص وشكلك سرحت
وعد وآيسل انتبهوا لوجوده وبصوا ناحيته وضحكوا
تمام خبط الكوره ف راس ايسل وقال
: بتضحكوا ع اي انتو كمان
زين بتعب : بقولك اي ياتميم انا خلاص تعبت هطلع اخد شاور
تميم : تصدق وانا كمان خدني معاك
آيسل بألم من خبطة الكوره: شايفه ياوعد تمام بيعاملني ازاي
وعد : تعرفي اني مشفتوش بيتكلم كتير غير معاكي
آيسل بتعجب : بجد
وعد : دا حقيقي من وقت ماجيتي الفيلا بقيت اشوفه كتير واسمع صوته بيتكلم عادي انا كنت قربت افتكره مجنون دا يابنتي مكنش بيعمل حاجه غير انه يبصلنا كلنا بقرف ولا اكننا قاتلينه قتيل
آيسل ضحكت
وعد بضحك : دا بجد وربنا مش عارفه طبعه غريب ليه كدا
تمام قاعد بعيد وبيبص عليهم بس مش عارف بيتكلموا ف اي ومستني آيسل تيجي تقوله ان الشاب حظرها وتعتذرله
آيسل لاحظت انه بيبص ناحيتهم قالت برعب
:وعد هو بيبص علينا كدا ليه انا خوفت
وعد : متخفيش هو اه متوحد بس ع رأي تمام مروضينه
فجأه بتدخل حسناء وكريم بيكرنوا عربيتهم ف الجراج وبينزلوا
وعد اول لما شافت كريم قلبها وقع ف رجليها واترعب افتكرت عمها وهو بيزعقلها علشان اتجوزت من راهم
آيسل : اي دا حسناء وعمو كريم جم اي المفاجأه الحلوه دي
وعد بتبص لكريم بخوف وهو بيبصلها بنظرات حاده
بيقربوا عليهم
حسناء بغرور مدت ايدها : ازيك ياوعد
وعد بإرتباك : الحمدلله
آيسل حضنت حسناء : حلوه اوي المفاجأه دي
كريم مد ايده علشان يسلم ع وعد هو كمان وقال
: عامله اي ياوعد
وعد بتوتر مدت ايدها علشان تسلم عليه
فجأه بيجي زين وبيحط ايده ف ايديه مكان وعد
زين : كلنا كويسين ياكريم اطمن
كريم ادايق بس ابتسم ابتسامه مصطنعه
حسناء سلمت ع زين وقالتله
: وحشتوني اوي ماما فين
زين وهو باصص لعيون كريم ووعد واقفه وراه
: جوه اتفضلوا اي المفاجأه الحلوه دي
دخلوا كلهم جوا
____________
اتجمعوا ف الصالون
وعد قاعده عماله تفرك ف ايدها من التوتر زين لاحظ داه استأذن واخدها دقيقه بعيد عنهم
زين : ممكن اعرف اي سبب توترك الذايد داه
وعد بخوف : كل اما بشوف كريم بفتكر عمي وانا اتجوزت بدون علمه لو شافني هيقتلني
زين قرب منها ومسك ايدها : متخفيش طول مانا موجود محدش هيقدر يأذيكي
وعد بخوف : بس كريم نظراته مرعبه اوي كأني عامله جريمه
زين رفع وشها وبص ف عيونها وقال
: متبصلوش بصيلي انا
وعد بصتله وقلبها بدأ يدق جامد
زين وطى راسه وبدأ يقرب منها اكتر
فجأه بيعدي تميم نازل من اوضته بيشوفهم قال
: احم
وعد اتكسفت فشدة نفسها بعيد وطلعت تجري
زين بغيظ : دانت واحد غتت
تميم قرب منه وقاله : بصراحه انا مش فاهم هو اي ال بيحصل بالظبط مفيش بينكوا اي ارتباط رسمي وحضرتك قريب منها بطريقه متنفعش خصوصاً اننا مصرين
زين : مش فاهم يعني اعمل اي
تميم : اخطبها ع الأقل طالما مش ناوين تتجوزوا دلوقتي
زين بيكلم نفسه : هخطب مراتي !
تميم : بتقول اي
زين : لا مفيش بقولك فكره حلوه تصدق
____بقلم ملك محمد_____
ف الصالون كلهم بيتكلموا مع بعض
جت وعد وقعدت وجه بعدها زين وتميم قعدوا
حسناء بفرح : كدا كلنا كاملين استعدوا علشان عندي خبر حلو اوي
مديحه :خير إن شاء الله
حسناء وقفت وقالت
: انا حامل
والدتها بذهول : بتهزري
حسناء : لا دا بجد
جدها بفرح : وأخيراً هبقى جد
تمام ببرود : مانت جد اصلا ياجدو
زين : بفرح مبروك ياحسناء
والدتها وقفت وحضنتها بفرح
نانسي : مبروك ياحسناء
حسناء : الله يبارك فيكوا
تميم : لو ولد تسميه تميم
آيسل : ايوا فعلاً اسم تميم حلو اوي
تمام : وماله يعني اسم تمام
آيسل بتعجب : هو انت كمان عايز البيبي يبقى ع اسمك
تمام بغرور : ومعوزش ليه ماله اسمي
آيسل : ملوش بس اسم تميم احلى
وعد : دا حقيقي تميم اسمه احلى
تميم بفرح : خلاص ياحسناء تسميه تميم ماشي
تمام ببرود : تمام
تميم بغضب : تميم
تمام ببرود : تمام
تميم بعصبيه : تميم
وعد : اي شغل العيال داه حسناء سميه تيم ولا تمام ولا تميم
كلهم ضحكوا
كريم وهو باصص لوعد
: بس ممكن تكون بنت ولو بنت هسميها وعد
حسناء وشها قلب وكلهم استغربوا
: اشمنا وعد يعني
كريم وهو باصص لوعد : بحب الأسم داه
زين مد ايده ومسك ايد وعد وقال ببرود
: عندك حق ياكريم هو اسم وعد يتحب فعلاً
حسناء بغيظ وطت ع كريم وقالتله
: هو اي ال هنسميها وعد
كريم : اي ياحبيبتي في اي انا بحب الأسم مش اكتر وبعدين ياستي خلاص سميها زي مانتي عايزه
جدهم : بالمناسبه الحلوه دي زين خد نانسي وروح هاتلنا الحلويات ال انا طلبتها
زين : ومتجيش لحد البيت ليه
جده : انا عايزك تروح تجبها بنفسك
زين : طيب يلا ياوعد
جده بحده : بقول نانس
زين : بس انا مش عايز اروح مع نانسي
جده : لازم تروح معاها علشان انا قولت كدا ولا انا خلاص وجودي زي عدمه بالنسبالك
مديحه بغمزه : روح يلا
زين مرضيش يزعل جده
وشد المفاتيح من ع التربيزه وخرج ونانسي خرجت وراه
وعد بصت للأرض بحزن
كريم بص ناحيتها وابتسم بخبث
زين ركب العربيه ونانسي ركبت جبنه
زين بتعجب : فين وعد
نانسي : وعد
زين نزل من العربيه وشدها من ايدها من وسط الجالسين
وعد : هو في اي
زين : مخرجتيش ورايا ليه من اول مره
وعد : هو أنا هروح معاك
زين : اه
وعد: ونانسي علشان جدو ميزعلش
زين : هي كمان جايه معانا
وصلوا العربيه
زين : نانسي ممكن تنزلي تركبي ورا معلش
نانسي بغضب : لا مش هركب ورا
وعد شدت ايدها من ايده وفتحت باب العربيه الخلفي وقالت
: انا هركب ورا يازين متعملش مشاكل
زين ببرود ركب جمب وعد ورمى مفتاح العربيه لنانسي وقالها سوقي انتي
نانسي بعصبيه : ساقت العربيه
وعد كانت مبسوطه اوي وبتبص لزين وتبتسم
زين مسك ايدها وشدها تحت حضنه
وطى عليها وقالها بهمس
: قولتلك انا ممكن ابيع الدنيا كلها عشانك بس اوعي تخذيلني
وعد بصتله بإبتسامه
نانسي من غضبها راحت واكله مطب
وعد : اااه
زين : اي يانانسي ع مهلك شويه
نانسي مردتش عليه وكانت سايقه بغضب
___________
ف الفيلا
كلهم متجمعين وبيضحكوا
آيسل استأذنت منهم وخدت الاب بتاعها وقعدت ف حمب
تمام قعد يبص عليها وهو حاطط رجل ع رجل بغرور
آيسل بتفتح الموقع بفرح لقته مش موجود فضلت تدور ف الاب بهلع
تمام بيراقب المشهد بغرور وراح سايبهم وطالع اوضته
آيسل بخوف : تميم تعالى كدا شوف الموقع ال كنت مشتركه فيه راح فين
تميم سابهم وراح ناحيتها قعد جمبها
مسك الاب: موقع اي
آيسل : موقع كنت بتاخد عليه كورس
تميم قلب ف الاب شويه وقال : انتي تقريباً اخدتي بان
آيسل : بحزن بان ! طب ليه وانا معملتش حاجه
تميم : بصراحه مش عارف انتي ممكن تسألي تمام هو شاطر ف الحاجات دي
آيسل : بحزن وتمام هيرضى يساعدني
تميم : ميساعدكيش ليه روحيله مش هيقولك حاجه
آيسل اخدت نفسها وطلعتله اوضته والاب ف ايدها
خبطت ع الباب بخوف
تمام : مين
آيسل : انا آيسل
تمام ابتسم وقال يس وبعدين عدل هدومه وتظاهر بالثبات وحط رجل على رجل وقعد بغرور وقالها
: ادخلي
آيسل دخلت وهي حاطه وشها ف الأرض
تمام : في اي
آيسل : كنت عايزاك تشوفلي الموقع مبيفتحش ليه
تمام ببرود : مش فاضي دلوقتي
آيسل بحزن : طيب انا اسفه
تمام فكرها هتتحايل عليه بس اتفاجئ لما قالتله طيب قالها
:فضيت خلاص وريني كدا
آيسل لفت وشها ورجعتله وحطت الاب قدامه
تمام فتحه وبص فيه بغرور
: انتي واخده بان من صاحب الموقع وباعتلك رساله ع الأيميل بيقولك انه مش هيقدر يساعدك انتي محتاجه واحد عنده خبرات اكبر
آيسل بحزن : واجيب منين ال عنده خبرات آعلى داه انا كنت بشوفه اعلى واحد ف الشرح
تمام بغيظ : موجود بس انتي ال معندكيش نظر
آيسل مدت ايدها والدموع بدأت تنزل من عيونها
: خلاص تقريباً مفيش أمل اني اتعلم تركي
تمام شاف دموعها قال بذهول
: انتي بتعيطي
آيسل ببكاء : لا مبعيطش دي حاجه دخلت ف عيني هعيط ليه دا مجرد واحد اعجبت بيه وف الآخر عملي بلوك
وسابته ولفت وشها لسه هتخرج
تمام وقف من مكانه وقالها
: معقول بتعيطي علشان الشاب داه
آيسل لفتله وشها وقالت ببكاء : هو الوحيد ال كان مهتم بيا ووعدني انه هيخليني احقق حلمي بس طلع كداب
وفضلت تعيط زي الأطفال
تمام قرب منها : طب اسكتي خلاص انا هعلمك بداله
آيسل بصدمه رفعت وشها وقالت : بجد
تمام بغرور : اه مضتر يعني
آيسل من الفرحه رمت نفسها ف حضنه وقالت
: متشكره جدا ليك ياابيه
تمام برق من الخضه
استوعب الموقف زقها لبعيد عنه وقال وهو يتظاهر بالثبات
: اطلعي بره دلوقتي وهبقى اعرفك وقت الدرس امتة
طلعت آيسل بفرح
تمام فضل ياخد ف نفسه بتوتر
وبص ف المرايه لنفسه وقال
: في بنت حضتني دلوقتي !
_____________
رجع زين ووعد ونانسي من بره
زين ووعد داخلين ماسكين ايد بعض ومبتسمين نانسي داخله بتطلع دخان
راحت قعدت جمب جدها وقالت بهمس
عاجبك كدا ياجدو اهو البيه اخدها معانا
اسماعيل بغضب: الواد داه صبري نفد منه
قعدو كلهم والحلويات اتحطت قدامهم
فجأه زين بيجيلوا اتصال بياخد موبايله ويطلع الجنينه يتكلم براحته
بعد ثواني نانسي بتستأذن وتطلع وراه
وعد مخدتش بالها من الموقف وكانت قاعده بتحكي لآيسل ال حصل معاهم
زين خلص المكالمه بيبص وراه لقى نانسي
زين بتعجب : في حاجه
نانسي بدلع قربت منه وقالت
: وحشتني
زين : بقالك كام يوم معانا ولسه واحشك
نانسي بإغراء وهي بتحسس على وشه
: وحشني زين القديم
زين : انتي عايزه اي مش فاهم
نانسي وهي بتقرب منه اكتر علشان تقبله
: عايزاك ترجعلي
زين ببرود حط ايده على بوئها وقال بثبات
: وانا مش عايزك شوفي حد غيري
وسابها ومشي
نانسي بصت حواليها بإحراج بتوتر وقالت بغضب
: بقى كدا يازين طيب انا هوريلك
دخل زين قعد جمب وعد ومسك ايدها بإبتسامه
___________
بتنتهي الليله وكريم وحسناء بيروحوا والكل بيدخلوا غرفهم يناموا
تميم طلع من اوضته بيتاوب ونزل يفتح التلاجه وياخد قزازة مايه بيقفل باب التلاجه لقى شبحين قدامه من الخضه وقع اغمى عليه
يتبع ........
#حكاية_وعد (20)
تميم بيقفل باب التلاجه بص لقى شبحين قدامه اغمى عليه م الخضه
آيسل شالت الملايه من على وشها وقالت
: يلهوي ياوعد دا تميم اغمى عليه
وعد شالت الملايه هي كمان وقالت : بس دا ممكن يكون تمام
آيسل : لا لا تمام بيحب الرعب مستحيل يتخض مننا دا تميم انا متأكده
وعد وهي باصه عليه :يخربيت كدا بيعمل اي هنا دا كمان مش هو دا الضحيه
آيسل : يعني كان لازم تنزلي تأكلي دلوقتي
وعد : مبعرفش اكون شبح على معده فاضيه
آيسل : طب هنعمل اي دلوقتي طيب
وعد جابت قزازة مايه وبدأت تكب ع وشه
تميم فتح عينه لقا آيسل منوره الكشاف وحاطه النور ف وشها قال بصرااخ
: ااا اشباح
وعد : اهدى اهدى انا وعد ودي آيسل
تميم بص عليهم بتعجب : هو انتو
آيسل بإبتسامه مصطنعه : اه احنا مفاجأه مش كدا
تميم بعصبيه : بتعملوا اي بالملايات دي ممكن افهم
وعد : ششش احنا ف مهمه سريه
تميم بتعجب : مهمة اي
آيسل : عايزين نطفش الساحره الشريره ال نايمه فوق
تميم : ساحره شريره ! انتو فاكرين نفسكوا ف فيلم ديزني
وعد بهمس : بصراحه احنا عايزين نطفش الزفته ال اسمها نانسي
تميم : اااه قولتولي
آيسل : ادينا قولنا ممكن تقوم بقى تدخل اوضتك
تميم : وعايزين تطفشوها ليه بقى انا مش موافق ع ال انتوا بتعملوه داه دي مهما كان ضيفه عندنا
وعد بنظرة عطف : يرضيك تفضل لازقه ف زين كدا وتغيظ فيا
آيسل شدة وشه ناحيتها: حط نفسك مكانها يااآخي متبقاش قاسي
وعد شدة وشه ناحيتها : الحياه طلعت قاسيه اوي ياتميم
آيسل شدة وشه ناحيتها : الطيبه مبقتش تنفع والطيب بقى بينداس عليه وكله بقى بتاع مصلحته
وعد شدة وشه ناحيتها : حتى ال بيحبك بيحبك علشان يتجوزك
تميم تنح : هاه
وعد : بص هو في حكمه ف الموضوع بس انا مش عارفه اي هي ممكن تقوم بقى تطلع اوضتك بدون صوت وتسبنا نكمل مهمتنا ف القضاء ع الساحره الشريره
تميم : تصدقوا صعبتوا عليا
آيسل : طول عمرك حنين ياآبيه
تميم قام من ع الأرض وقال : مش محتاجين شبح معاكوا
وعد بتعجب : بتكلم جد
تميم وهو بيرفع شعره لورا : طبعاً دانا ف الرعب معنديش ياما ارحميني
وعد بسخريه : لا واضح
تميم : ها اجيب ملايه واجي
وعد : يلا بينا
طالعين ع السلم بيتسحبوا
ومنورين الكشاف
تميم : ممكن افهم انتو منورين الكشاف ليه والفيلا كلها منوره
وعد : ششش دي لزوم التخويف
تميم : اه تمام طب وبالنسبه اننا طالعين نتسحب دا بردو لزوم التخويف
وعد : لا دا لزوم اننا ممكن نتقفش
طلعوا اوضة تميم وقفلوا الباب
اتجمعوا ع التربيزه وفردوا ورقه ووعد مسكت قلم وبدأت تقول الخطه
وعد بهمس : انت تتلف بالملايه وتنزل ع الجنينه تقف تحت بلكونتها ف جمب ضلمه وتبدأ تصدر اصوات غريبه وانا وآيسل هنبدأ نفتح باب اوضتها ونتسحب وندخل نقف قدام سريرها تلف وشها تلاقينا ع طول
آيسل بخوف : افرض وقعت مننا وماتت
وعد بفرح : نتمنى ذلك
تميم بذهول : نعم
وعد : ااقصد انها مش هتموت ولا حاجه دي زي القطط
آيسل : طب وافرض اتقفشنا
وعد بهمس : مش هنتقفش إن شاء الله المهمه دي لمدة ثواني وكلنا هنجري ع اواضنا المهم تترعب وبس
تميم بهمس : اتفقنا
آيسل: ممكن سؤال احنا بنتكلم بهمس ليه
وعد : قولتلك لزوم التخويف
تميم بحده : المخوفاتي بيبان
آيسل ووعد : من سنانه
شبكوا ايدهم بإيد بعض وقالوا
معاً للقضاء على الساحره الشريره
نزل تميم تحت بلكونة نانسي وبدأ يعمل اصوات مخيفه
نانسي فتحت عيونها وقامت بخوف تبص ناحية البلكونه
طلعت البلكونه وبصت بخوف تحت سمعت اصوات مرعبه
لسه بتلف وشها لقت شبحين
وقعت ع الأرض وحطت ايدها على وشها وفضلت تصرخ
جريت وعد وايسل بسرعه ع اواضهم وتميم كمان راح اوضته
زين سمع صوت الصراخ وتمام كمان لأنهم ف نفس الطابق
طلعوا يجروا ناحية اوضتها
زين فتح النور وقال : في اي
نانسي عماله تصرخ
زين وطى عليها
:مالك يانانسي في اي
نانسي رمت نفسها ف حضنه وفضلت تعيط
تمام ببرود : ماتقولي في اي
وعد هي وآيسل وتميم جم يجروا هما كمان كأنهم متفاجئين
وعد بصت لقت نانسي بتعيط وبترتجف ف حضن زين
قعدت ع الأرض بسرعه وشدت زين بعيد واخدتها هي ف حضنها وهي بتقول بغيظ
: اي بس ال حصل ياحبيبتي مالك
تميم : في اي ياجماعه ماتتكلموا
زين وقف وقال : مش عارف انا صحيت ع صراخها وجيت لقتها بتعيط
آيسل : مالك يانانسي في اي
نانسي وهي بترتجف وبتعيط : انا شوفت اشباح
تمام بسخريه : هه اشباح
زين بتعجب : اشباح اي بس انتي بتصدقي الخرافات دي
وعد وهي بتبطب عليها بتمثيل
: متخفيش مفيش الكلام داه هنا دا تلاقيكي شوفتي كابوس بس مش أكتر
نانسي بخوف وبكاء : ياجماعه انا متأكده اني شوفتهم بعيني انا مكنتش بحلم
تمام بسخريه : طب مخدتيش معاهم سلفي للذكرى ليه
آيسل : تصدقوا ممكن يكون ابيه تمام هو ال حضرهم انا اعرف انه شاطر ف الحاجات دي
تمام بصلها بحده
ايسل بخوف وتوتر : بهزر بهزر ههه
نانسي قامت من ع الأرض ورمت نفسها ف حضن زين وقالت
: انا خايفه اوي ارجوك متسبنيش انام لوحدي
وعد كانت ريحت الدخان طالعه منها
راحت ناحيتها وشدتها بعيد عنه وقالت بغيظ
: اطمني انا وايسل مش هنسيبك
زين ابتسم لما شافها غيرانه عليه
تمام سابهم ومشي وهو بيقول
: لما تصحونا بعد كدا صحونا علشان حاجه تستاهل
تميم وهو بيتواب : انا رايح اكمل نوم
وغمز لوعد وهو ماشي
زين وعد ممكن دقيقه عايزك
وعد خافت يكون عرف كل حاجه قالت بتوتر
: حاضر جايه
آيسل جابت لنانسي مايه وقعدتها ع السرير
قالتلها: اطمني انا ووعد مش هنسيبك
________
وعد راحت مع زين اوضته
قفل الباب
وعد بتوتر : ع فكره انا مليش دعوه
زين : مش فاهم
وعد : مش انت جايبلي هنا علشان تزعقلي
زين بتعجب : ازعقلك ليه
( وعد عرفت انه معرفش حاجه بعد ماكانت متوتره قالت بثبات )
: وتزعقلي ليه هه
زين : مش انتي ال بتقولي
وعد : سيبك مني انتي جايبني هنا ليه
زين شدها لحضنه : وحشتيني
وعد بإرتباك : شكراً
زين : شكراً ! ال يشوفك دلوقتي ميشوفكيش وانتي غيرانه عليا من شوايه دانتي كنتي هتاكليها بعيونك
وعد افتكرت نانسي قالت بعصبيه : ايوا صحيح انت ازاي تسمحلها تحضنك عادي كدا ها
زين بنظرة حب : وفيها اي يعني مدايقه ليه
وعد بعصبيه : علشان مينفعش تحضن حد غيري
زين : ولي مينفعش احضن حد غيرك
وعد بعصبيه : علشان انا حبيبتك
زين بإبتسامه ونظرة حب: كويس انك عارفه كدا
وعد بإرتباك بصت ف الأرض : ممكن تسبني لأني اتأخرت على آيسل
زين وهو لافف ايده حوالين وسطها: لأ مش هسيبك
ف مشهد رومانسي بدأ يقرب وشه منها اكتر ليقبلها
فجأه آيسل بتخبط وتقول
: آبيه زين وعد فين
وعد اتخضت شدت نفسها لبعيد وفتحت الباب وطلعت لآيسل
زين بضيق خبط ايده ع الباب
: اي البيت ال الواحد مش عارف ياخد فيه راحته داه انا زهقت
رمى نفسه ع السرير وافتكر وهي بتقول
( علشان انا حبيبتك )
ابتسم وغمض عينه ونام
____بقلم ملك محمد_____
آيسل ووعد ماشين ف الطرقه رايحين ناحية اوضة نانسي
آيسل : انتي اتأخرتي كدا ليه انا قولت انه عرف كل حاجه وبيزعقلك
وعد بإرتباك : لا لا معرفش حاجه
آيسل : امال كان بيقولك اي
وعد بخجل : مكنش بيقول حاجه
آيسل بإبتسامه : اه منه الحب داه تقريباً قطعت عليكوا لحظه مهمه وآبيه زين بيدعي عليا دلوقتي
وعد بخجل نكزتها ف كتفها : بس بقى
وصلوا لأوضة
نانسي كانت قاعده ف نص السرير حاضنه نفسها وبتبص حواليها برعب
دخلت وعد وآيسل
نانسي صرخت
وعد : اهدي دا احنا
وعد نامت ع طرف السرير وآيسل ع الطرف التاني ونانسي ف النص
آيسل : متخافيش يانانسي احنا معاكي ومش هنسيبك
وعد : انا قريت قبل كدا أن الأشباح لما بتظهر لحد ف مكان بيكونوا مش حابين وجوده
آيسل : بس تفتكري بيؤذوا الشخص ال مش حابين وجوده داه
نانسي قاعده ف النص مرعوبه
وعد بنظره شريره وصوت خافت : بيتهيألي ان لو الشخص مسمعش كلامهم ومشي بيبدأ يحاولوا يخلصوا منه
آيسل : فعلا انا اتفرجت على افلام رعب كتير وشوفت الأشباح وهي بتحاول تتخلص من الشخص ال مدايقهم
وعد : ممكن تعرفينا شكلهم عامل ازاي يانانسي
نانسي بخوف : بس بقى حرام عليكوا انا لسه قلبي واجعني من الخضه
آيسل: اه صحيح بس ياوعد متذوديش عليها
نامي يانانسي نامي وبكرا نشوف حل للموضوع داه
___________
"نهار يوم جديد"
انتهى يوم الأجازه ورجع الجميع لعمله
الكل متجمعين ع سفرة الأفطار تحت ماعدا نانسي
زين : هي نانسي كويسه
وعد خبطته ف رجله من تحت التربيزه : وانت بتسأل عليها ليه
زين : خلاص بلاش انا أسأل مكاني ياتميم
جدهم : هي نانسي مالها
وعد بتوتر : مفيش حاجه ياجدو كويسه هي نايمه لأنها منامتش باليلل كويس كان عندها آرق
مديحه : آرق من اي
تمام ببرود : اصلهاشافت اشباح امبارح
وعد بصتله بغيظ
آيسل : ابيه تمام لما الواحد يكون عايزه يتكلم بيسكت ولما الواحد يكون مش عايز يسمع صوته بيتكلم
تمام بصلها بحده
آيسل حطت وشها ف الأكل وكلت بسكات
جدهم : اشباح اي دي
تميم بإرتباك : اشباح ياجدو اشباح متعرفهمش
مديحه : انتو بتقولوا اي انتو كويسن
زين : بس مش ملاحظه حاجه غريبه ياوعد
وعد وهي بتاكل بتوتر : حاجت اي
زين : نومك بالعاده تقيل اوي لو حد اتقتل جمبك مش هتحسي انما امبارح اوضتك بعيد عن اوضة نانسي وصحيتي عادي كأنك كنتي صاحيه اساسا من قبلها
وعد بتوتر : هه طول عمرك ملاحظتك قويه اوي
انا شبعت وهستناك ف العربيه
زين بتعجب : مالها دي
ومسح بوئه بالمنديل ولحقها
ركبوا العربيه رايحين ناحية الشركه
زين : انتي مخبيه عني حاجه
وعد بتوتر : هخبي عنك اي يعني
زين : متأكده
وعد بعصبيه : ايوا بطل بقى وبص قدامك
زين بإبتسامه : خلاص متعصبيش نفسك مع انك بتبقي طالعه قمر وانتي متعصبه
وعد ابتسمت بكسوف وبصت لتحت
زين باصص عليها وبيبتسم
وعد : بص قدامك علشان منتقلبش
زين وهو باصص عليها : طب قوليلي طيب اركز ازاي ف السواقه وانتي جمبي مش قادر اشيل عيني عنك شوفيلي حل انتي بقى
وعد بإبتسامة خجل : خلاص انا هبص الناحيه التانيه
وبص وشها ناحية الشباك
زين شدها من ايدها لحضنه وقالها وهو باصص قدامه وسايق
: لا كدا احلى خليكي ف حضني وانا سايق هو دا الحل متفكريش تبعدي ابدا
وعد كلبشت ف حضنه أكتر وابتسمت
زين ابتسم وقبل رأسها
وبص قدامه وهو سايق بإيد واحده وقالها
: في مفاجأه حلوه اوي النهارده اكيد هتعجبك
وعد : مفاجأة اي
زين بإبتسامه : لو قولت مش هتبقى مفاجأه
____بقلم ملك محمد___________
تميم قام من ع سفرة الإفطار وقال
: انا رايح الجامعه
مديحه : استنا روح انت وتمام سوا
تمام : لا مش رايح النهارده معنديش محاضرات مهمه
تميم : يارتني دخلت جامعتك بدل المرمطه ال انا فيها دي
جدهم : هي مش الإمتحانات خلاص ولا لسه كتير
تمام : اسبوع وهنبدأ
مديحه : شدو حيلكوا كدا دي اخر سنه
تميم وهو شايل شنطته ع كتفه
: اطمني تمام دا ارهن انه هيكون معيد ف الجامعه
جده : وبالنسبالك
تميم : لا انا بالنسبالي نسأل الله التساهيل والنجاح وبعدين انا وتمام واحد مش كدا تيمو
وسابهم ومشي
جدهم قام من ع السفره ومديحه كمان علشان يروحوا الشغل
تمام بص قدامه لقى آيسل قاعده بتشرب العصير وقاعده تلعب بالمعالق
قال لنفسه : وانا هفضل مع البلوه دي
قام وطلع اوضته
بعد فتره آيسل طلعت وخبطت عليه
تمام : ادخل
آيسل بإبتسامه : انت وعدتني انك هتعلمني تركي صح
تمام ببرود وهو قاعد ع مكتبه وباصص ف الكتاب : ايوا
آيسل قربت منه : طب بما انك موجود النهارده : ممكن نبدأ
تمام بضيق : لا
آيسل شدة كرسي وقعدت جمبه وقالت
: متشكره جدا ياابيه
تمام : هي طالبه معاكي رخامه بقى
آيسل : بليز مستقبلي ف خطر
تمام حط القلم من ايده وطلع دفتر فاضي من الدرج وكتاب تعلم اللغه التركيه
وقالها ابدأي
آيسل : ابدأ اي
تمام : اكتبي ال هقولك عليه
ايسل اخدت الدفتر ومسكت القلم بلهفه وقالت
: تمام
تمام بعفويه : نعم
آيسل بضحك : لا انا بقول تمام
تمام إحراج : اه تمام
آيسل بضحك : هي الأسماء خلصت علشان يسموك تمام
تمام بضيق: بت بقولك اي هتقعدي ساكته ولا تروحي ع اوضتك
آيسل حطت القفل على بوئها وقالت
: خلاص سكت اهوه
تمام : اهلا بالتركي يعني
:Hoşgeldin
هوشجالدين
آيسل : هوشجادين
تمام اتعدل ف قاعدته وقال: لا هوشجالدين
آيسل : هوشجالدين
تمام : ايوا كيف حالك بالتركي Nasılsın
ناصلصين
آيسل : ناصلصين
تمام الحماس اخده واتعدل أكتر ف قعدته وبدأ يعلمها بجديه وآيسل كانت بتستجيب معاه
بعد مرور الوقت
تمام وهو يطرقع رقبته : كفايه كدا النهارده
آيسل بتعجب : واو هو انت بتطرقع رقبتك كدا ازاي
تمام : دي حركه خط....
ولسه مكملش كلمته لقى آيسل بتصرخ
: اااه رقبتي
تمام بضيق: غبيه
آيسل وهي ماسكه رقبتها
: اااه رقبتي بتوجعني
تمام شد الكرسي بتاعها ناحيته بقت قريبه منه
اتنهد وقال
: امري لله
آيسل ببكاء: هو انا هفضل كدا
تمام هفكهالك بس متوصتيش وتفضحينا
آيسل وهي ماسكه رقبتها: انت هتعمل اي
تمام طرقع صوابعه ومسك رقبتها وعدلهالها
صوت صراخها خلى الفيلا تتهز
تمام حط ايد ع بوئها
: بس اسكتي يخربيتك دانتي بلوه
آيسل الدموع نازله من عيونها وهو حاتط ايده ع بوئها
ركز ف عيونها شويه اتوتر وزقها بالكرسي لبعيد
آيسل ببكاء: بس دي لسه بتوجعني
تمام وهو باصص ف الكتاب: هتبقى كويسه وبعد كدا متقلديش اي حد فاهمه
آيسل : بس انا بثق فيك علشان كدا عملت زيك
تمام بتعجب : انتي ساذجه اوي روحي ع اوضتك يلا
آيسل شالت ايدها من ع رقبتها وقالت
: تصدق انها فعلا خفت
تمام بغرور: عارف
آيسل مسحت دموعها وراحت ناحيته شدت الدفتر ال كانت بتتعلم فيه وباسته ع خده وقالت
: شكراً
تمام نبضات قلبه ذادت وحط ايده ع خده وقال بهلع اتعصب جامد وزعق فيها وقالها
: اطلعي برررره
آيسل خافت منه وطلعت تجري ع اوضتها
شد مناديل وفضل يمسح ف وشه ودخل الحمام غسل وشه جامد
وكأن جريمه حصلت
يتبع ...........
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق