رواية عشقت العمده نور الفصل السادس عشر والسابع عشر بقلم رنا احمد عماد
رواية عشقت العمده نور الفصل السادس عشر والسابع عشر بقلم رنا احمد عماد
عشقت العمده نور 💪💪😂😂.
رنا احمد عماد ✍️✍️✍️✍️.
البارت السادس عشر والسابع عشر....
في الطريق ....
كانت تجري نور بسرعه فائقه وهي تمر من قري الي قري وهي تنظر يمينا ويسارا بحزر فقد حان وقت الهروب فهي ضحت بكل شي بحياتها بحبيبها من اجل والدها وماذا كان الرد هو قتله لابنها حفيده فحان وقت أن تفكر في ذاتها وطفلها فقط كانت نور قد وصلت إلي موقف السيارات ولكن تشعر بألم رهيب في بطنها ليغشا عليها أرضا من التعب .
فتحيه بانتباه /استنا استنا ي صالح .
صالح باستغراب /مالك ي فتحيه فيه ايه .
فتحيه بقلق /تعال معايا بس فيه بنت شكلها مغمي عليها .
صالح بزهق /واحنا مالنا ي فتحيه مش يمكن وراها بلوه خلينا نلحق مشوارنا .
فتحيه بحده /ي ساتر عليك انت متحبش تخدم حد ابدا مش يمكن مريضه ومحتاجه مساعده دي شكلها بنت ناس .
صالح بزهق /اووف مانا عارف اني مش هخلص منك ي ام قلب حنين هنعمل ايه دلوقتي ..
فتحيه بقلق وهي تحتضن نور /شيلها احنا خلاص قربنا نوصل القاهره نوديها البيت ونجيب لها الدكتور ..
صالح بزهق /ماشي ي اختي ربنا يستر وميكونش وراءها مصيبه .
في الصعيد ...
في المستشفي ...
وهدان بغضب شديد وهو يمسك ب رشاد /هربت كيف وراحت فين ده انت وقعتك سوده ي دكتور الغبره انت .
رشاد برعب /وانا مالي عاد ي حاج وهدان هي الي مشت والله قلبنا عليها البلد ملهاش اثر .
وهدان بشك /هي هربت عي بنفسها ولا حد خطفها ي واكل ناسك .
رشاد برعب /والله ي حاج وهدان معارف .
وهدان بغضب /طب غور في داهيه جبر يلمك لازما اروح للي مايتسما كابر هو اكيد خطف البت وقعتكم سوداء معايا .
في السجن ..
في الزنزانه ...
بدران بندم ودموع /سمحني ي عمار سمحني ي ضنايا انا الي دخلتك في الطريق ده انا الي ضيعتك ي ابني سمحني ي عمار ي ولدي .
عمار بندم وضيق /متحملش نفسك فوق طاقتها ي ابوي الي حوصل ملكش ذنب فيه انا كمان كنت طماع ومكنش فيه حاجه شغلاني غير الفلوس واذيه الناس انا الي ضيعت نفسي ي ابوي بس خلاص عاد لازما نعمل لاخرتنا ونتوبوا عن كل البلاوي الي عملناها يمكن ربنا يغفرلنا ويرحمنا .
في بيت صابحه .
نجمه بابتسامه وسعاده /واخيرا خدنا طار ابوي وبدران وقع في شر أعماله رغم اني حزينه علي يوسف لكن فرحانه جوي أن خادنا حق ابوي ي أما .
صابحه بحزن ففي كل الأحوال هو أخيها /ربنا يقدم الي فيه الخير ي بتي ويجازي كل واحد علي عمايله وانتي ي ضنايا خالي بالك من يوسف هو دلوقتي مالوش غيرنا بعد ابوه وأخوه .
نجمه بابتسامه عشق /متخافيش ي أما يوسف ده حب عمري كله وهشايله في عنيا اطمني .
صابحه بحنان /ربنا يسعدكم ي ضنايا .
في شقه ادهم ...
كانوا يجلسون سعديه وريم بحزن وكانت تشير فريال بضيق شديد لتمسك زجاجه المعطر لتتضغ في المكان .
سعديه بخنقه /كح كح فيه ايه ي ست فريال دي عاشر مره ترش البتاع ده عاد رائحته خنقتنا جوي .
فريال بضيق /دي رائحه الياسمين بس انتوا علشان مش متعودين عليها ولو كانت رائحه ايه اهي انضف من الريحه الي ملت الشقه .
ريم بغضب /لا بقا عاد كده كتير جوي شايفه رائحتنا رائحه كلاب ميته ولا ايه احنا انضف من الكل .
سعديه بحزن وتعب/مش كده ي ريم ي بتي الهانم متقصدش .
فريال باستفزاز /لا أقصد بقا لان فعلا رائحتكم باشعه مش قادره استحملها .
ريم بغضب شديد /يلا ي عمتي يلا من هنه دي شقه عامله زي القبر يلا ي عمتي .
ادهم بقلق /ايه ي جماعه مالكم فيه ايه .
ريم بحده /الهانم والدتك مش طايقه رائحتنا ي حضره الظابط واضح أن جوز عمته كان عنده حق الجوازه دي متنفعش واصل يلا ي عمتي .
ادهم بغيظ وهو ينظر لوالدته /طب ي جماعه الشقه الي فوق اتوضبت اتفضلوا معايا.
فريال بهمس وغيظ /وانتوا لسه شوفت حاجه انا هوريكم مش ههدا غير لما اخرب الجوازه دي خالص .
في شقه سعديه وريم .
سعديه بحنان /تسلم ي ولدي الشقه حلوه جوي .
ادهم بمرح /ها ي ريم .
ريم بضيق /عاديه مش بطاله .
ادهم بابتسامه /انا بعتزرلكم ي جماعه علي الي حصل بس هي امي طبعا جامد شويه بس هي والله طيبه اوي واتمنا تستحملوها علشان خاطري وانا اوعدكم اني عمري مهسيب اي حد ياذيكم بكلمه .
سعديه بابتسامه /تسلم ي ولدي ربنا يكرمك ويسعدك .
ادهم بمرح /اما بقا موضوع أن الجوازه مش هتنفع دي هحاسبك عليه بس لما تبقي مرائتي .
ريم بغرور /ولا تقدر تعمل حاجه واصل .
سعديه بحده /ي بت مش كده .
ادهم بابتسامه /سيبيها ي حاجه سعديه بكره انشاء الله نكتب الكتاب ولا حضرتك ليكي راي تاني .
سعديه بابتسامه /لا ي ولدي ريم مش بنت اخوي دي بنت عمري وعايزه اطمن عليها مع الي يستهلها كفايه اتكسرت في واحده مش هيبقوا الاتنين .
ادهم بحنان /انشاء الله كل حاجه هتتعدل ي حاجه سعديه أن عوزتوا اي حاجه اتصلوا بيا عن اذنكم .
سعديه بجديه /اذنك معاك ي ولدي .
ريم بحزن /انا مش هعرف افرح ب حاجه من غير نور ي عمتي .
سعديه بحزن /وهنعملوه ايه عاد هي الي اخترت ي ترا عامله ايه ي نور ي بتي ..
في القاهره ...
في شقه فتحيه ....
الدكتور بجديه /دي حامل وواضح انها مشت مسافه كبيره اوي علشان كده اغما عليها انا اديتها حقنه وهنفوق حالا بس لازم ترتاح عن اذنكم .
فتحيه بابتسامه /مع السلامه ي دكتور .
صالح بغضب /عجبك كده ي اختي جالك كلامي اهي عامله مصيبه وهربانه بيها اقطع دراعي أما كان الي فبطنها ده ابن حرام علشان كده هربت بفضيحتها .
فتحيه بغيظ /ي شيخ حرام عليك ان بعد الظن اثم ده انت بعدك بنات اتقي الله .
نور بتعب وهي تنظر يمينا ويسارا /انا انا فين .
فتحيه بحنان/متقلقيش ي حبيبتي انتي في امان .
صالح بحده /ايه ي اختي هتكوني فين والي هتخسري ايه اكتر من الي خسرتيه استغفر الله العظيم .
نور باستغراب /قصدك ايه عاد وبتحدد معايا كده ليه .
صالح بحده/ وكمان صعيديه استغفر الله العظيم انا اتكلم زي مانا عايز كنتي استقويتي اوي ي اختي علي الواطي ابو الي ف بطنك .
نور بغضب شديد /اخرس قطع لسانك راجل ناقص صوح انت تعرف ابو الي فبطني منين ده ضفره برقبه مائه من عينتك .
صالح بغضب /الله ام صلي على النبي وكمان بتدافعي عنه بعد ماعمل عملته معاكي وخلع .
نور بغضب /عمله ايه ي راجل ي خرفان انت انا متجوزه علي سنه الله ورسوله وهربت من بلدي لأسباب تانيه خالص.
فتحيه بغيظ /أخرس بقا ي صالح وكفايه اوي كده احنا اسفين ي بنتي هو كده مبيعرفش بيقول ايه ارتاحي ي بنتي .
نور بتعب شديد/لا انا همشي بجا تشكري .
فتحيه بجديه /قسما بالله ابدا تمشي تروحي فين انا عايشه هنا لوحدي ده صالح اخويا بيجي يشقر عليا كنا في عزبه واحنا راجعين لقيناكي احكيلي ي بنتي وصدقيني سرك في بير اعتبرينا اهلك صالح قوم اتكل علي الله شوف عيالك .
صالح بزهق /حاضر ي فتحيه بالاذن .
فتحيه بحنان /احكي ي ضنايا
نور بدموع والم /هحكيلك ي خالتي فتحيه لاني ارتحتلك جوي أني ......... .
في فيلا سراج ...
في غرفه كابر ...
سراج بغضب /انا قولت كلمه ومش هتترد ي كابر مش هتسافر المهمه دي .
كابر بضيق /بابا من فضلك انا مش ناقص ايه المشكله في المهمه دي مش فاهم زيها زي اي مهمه .
ادهم بحده وخوف /لا ي كابر انت عارف كويس انها مش مهمه عاديه انت عارف كويس اوي أن المافيا دي قتالين قتله وكل الظباط الي بيروحوا يقبضوا بتبقا نهايهتهم الموت أو الاختفاء ي كابر .
كابر بغضب /وانا بقا معنديش الي ابكي عليه أو اخسره ي ادهم ومصمم اني اثبت نفسي في المهمه دي .
سراج بنبره غير قابله للنقاش/كابررررررر اسمع اوعا تفتكر انك كبرتي عليا فاهم وبعدين ايه الإحباط الي انت بقيت فيه ده خسرت نور فيه الف غيرها تقدر تبداء مع واحده جديده حياتك.
كابر بوجع والم /لا عايزها هي ولا واحده تانيه انا مش هعيش حياتي غير ليا وبس .
وهدان بصراخ وغضب /وديتوا بنتي فين ي حراميه ده انا هوديكم في ستين داهيه .
سراج بحده/ايه الصوت ده .
ادهم بقلق /ده صوت الحاج وهدان .
كابر برعب /نور .
في الاسفل ..
وهدان بغضب شديد وصراخ /ي سراج باشا رد عليا بتي فين .
سراج بحده /ايه الصوت ده ايه الزيطه دي ي حاج وهدان .
وهدان بحده /زيطه ده انا هقلب الدنيا بتي كانت في المستشفي تعبانه سبتها شويه ورجعت لقيتها اتخطفت فين بتي .
كابر برعب وغضب /دي لعبه جديده من الاعيبك مش كده وديت نور فين اكيد اذاتها وجاي تلبسهالنا فين نور .
وهدان بغيظ /ايوه ايوه خدوكم بالصوت مش كده انا مش همشي من هنه الا لما تجيبوا بتي ي هبلغ وتروحوا كلكم في حديد.
كابر بغضب /الي لازم يروح السجن هو انت بجبروتك وجشعك وظلمك انت مستحيل تكون اب مفيش اب يعمل كده في بنته فرقت بيتي وبين مراتي وفي الاخر سباتنا احنا الاتنين وطفشت وكله بسببك بس مراتي انا هعرف ازي ارجعها هدور عليها في كل شبر لحد مالاقيها .
وهدان بغيظ /بتي مبقتش مراتك وانا هعرف ازي الاقي بتي .
ليخرج وهدان بغضب فقد تأكدت أن نور ليست مع كابر فبالفعل نور قد هربت من الجميع.
سراج بقلق /هتعمل ايه ي كابر .
كابر ب جرح /رغم أنها كسرتني وفضلته عليا لكن لازم ادور عليها حتي لو هستخدم مهنتي كالظابط وهي مختفيه لازم ي بابا .
ادهم بابتسامه امل /انشاء الله هنلاقيها ي كابر وترجع لحضنك من تاني ..
كابر بأمل /يارب ي ادهم يارب ..
في شقه فتحيه .
فتحيه بدموع /معقول فيه اب كده ده مش بنادم متاخذنيش ي بنتي .
نور بدموع وكسره /مكنتش فاكره أنه ممكن يعمل كده واصل أنه يفكر ياذي ابني الي هو حفيده عمري مقولت أن ابوي قاسي كده .
فتحيه بحنان /طب اسمعي ي نور احنا ممكن نتطلع علي وزاره الداخليه هما يعرفونا عنوان كابر أو حتي والدتك وبنت خالك .
نور بحزن شديد/لا ي خاله فتحيه اوعاكي تعملي كده كابر وخلاص اكيد مبقاش طايق سيرتي بعد الي عملته هو اشتراني بالغالي وانا بعته بالرخيص ي خاله حتي امي زهقت مني عملت معايا كتير وانا كنت دائما بمشي وراء ابوي واخذلها وريم بنت خالي ربنا يتمم لها علي خير وتعيش حياه سعيده يارب .
فتحيه بحزن /طب وانتي ي ضنايا هتعملي ايه لوحدك .
نور بحزن وعي تتضع يدها علي بطنها/انا مش لوحدي ي خاله فتحيه انا معايا ابني الي اغلا عندي من الدنيا كلها هاشتغل واعيش علشانه وبس .
فتحيه بحنان /علي راحتك ي بتي وبيتي اهو واني مشلتكيش الأرض اشيلك فوق راسي .
نور بابتسامه /لا عاد ي خاله فتحيه تسلمي علي كل الي عملتيه معايا انا هشوف مكان تاني .
فتحيه بحده /اقسم بالله مايحصل ده انا عايشه لوحدي ي نور وحبيتك اوي وانتي هتفضلي معايا هنا ومش هسيبك ابدا لحد ما تروحي لاحبابك .
نور بابتسامه حانيه /طيب ي خاله .
في الصعيد ...
في غرفه وهدان ...
كان يسير بغضب شديد فلم يعلم ماذا سيفعل في اختفاء نور الذي ستنقلب عليه البلد من اختفاء العمده .
وهدان بغضب وغيظ /ي ترا رحتي فين ي نور دورت عليكي في كل حته بس مهما حوصل مش هسيب حد ياخد مني العموديه واصل انا هقول أنها سافرت تناقش مشاريع للبلد وإبقا انا العمده لحد ما وصلها وساعتها هربيكي ي نور واعرفك ازي تهربي مني ي بنت وهدان ..
في شقه ادهم ...
ادهم بحده /ممكن افهم حضرتك ليه بتعملي كده ليه بتعمليهم بالطريقه دي .
فريال بغرور /انا وفقت علي جوازك من البنت دي لكن اوعا تحقق معايا ولا تقولي ازي اعامل الاشكال دي .
ادهم بغضب شديد /الاشكال الي بتكلمي عنها دي ناس محترمه جدا اهم حاجه عندهم الناس الي بيحبوهم ممكن يعملوا اي حاجه علشانهم وانا بحب ريم وهتجوزها وكتب كتابي عليها النهارده عايزه حضرتك تكوني موجوده براحتك مش عايزه برضه براحتك بس خالي حضرتك عارفه اني مش ممكن اسمح باهانه مراتي عن اذن حضرتك .
في وزاره الداخليه ...
في مكتب اللواء أشرف .
كابر بوجع ورعب علي حبيبته /دورت عليها في كل حته مش عارف اعمل ايه تاني .
اشرف بحزن /الدوريات بتلف في كل حته ليل ونهار بدعي أن ربنا يعترنا فيها .
كابر بحزن والم /ساعات بندم اني سبتها كان المفروض خدتها من وسط ابوها وبلدها كلها بس هي مديتنيش فرصه .
اشرف بحنان ابوي /كابر انا بعتبرك دايما زي ابني الانسان علشان يعيش وينجح مينفعش يفكر في الي فات ويفضل يقول لو لو لازم يفكر في الي جاي فاهمني ي كابر .
كابر بحزن /فاهم سعادتك بس انا تعبت حاسس اني مش هلاقيها خالص .
اشرف بابتسامه /انشاء الله تلاقيها ي كابر وتعيشوا الحياه الي كنتوا نفسكم فيها .
كابر بتمني /انشاء الله ي افندم .
في شقه فتحيه ..
صالح بحزن /معقول حصلها كل ده دي بنت غلبانه صحيح .
فتحيه بغيظ /شوفت بقا وانت عمال تسم بدنها بكلام زي السم .
صالح بندم /حقك عليا ي اختي مانتي عرفاني زي الدبش .
فتحيه بجديه /المهم دلوقتي تكلم المعلم غزال علشان نور هتشتغل في المشغل .
صالح بجديه /حاضر من عنيا .
نور وهي ترتدي فستانها الاسود ونقابها /انا جاهزه ي خاله فتحيه .
صالح بأسف /انا اسف ي ست نور اسف علي الي قولته .
نور بابتسامه /ولا يهمك ي عم صالح محصلش حاجه .
فتحيه بابتسامه /اعمل الي قولتلك عليه ي صالح يلا ي نور ي بتي .
في الجريده ...
كانت تسير شمعه بضيق لتتطرق باب مدير الجريده .
نبيل بجديه /اتفضل .
شمعه بحده /ممكن اعرف حضرتك رفضت المقال ده ليه استاذ جلال كان بيقبله علطول .
نبيل بابتسامه /طب ممكن تقعدي بس علشان نتكلم ومتتعصبيش .
شمعه بتنهيده /اتفضل وانا اسفه لعصبيتي .
نبيل بابتسامه اعجاب /بصراحه بابا قبل مايسلمني اداره الجريده حكالي عن شمعه الصحفيه الطموحه اما بقا انا رفضت المقال لان بصراحه مينفعش يتنشر مع كل المقالات دي ده لازامله يوم لوحده علشان يتقري وياخد حقه لانه بجد مقال ممتاز .
شمعه بابتسامه وسعاده /بجد شكرا اوي ي استاذ نبيل متتصورش أنا فرحانه قد ايه لأن المقال ده بالذات تعبت فيه اوي عن اذن حضرتك .
نبيل بإعجاب /اتفضلي .
في فيلا سراج ...
كان يسير كابر بتعب وحزن .
سراج بابتسامه /كابر كابر تعال سلم علي شاكر بيه وبنته لوسي .
كابر بزهق/اوووف مش كانوا سافروا من زمان ايه الي رجوعهم تاني .
سراج بضيق /كابر .
شاكر بابتسامه /ازيك ي بطل عامل ايه .
كابر بزهق /الحمد لله ي شاكر بيه نورت القاهره ازيك ي لوسي .
لوسي بدلع وعشق ل كابر /ازيك ي كيبو لسه زي القمر زي مانت .
كابر باقتضاب /شكرا ........يتتتتتتتبع .
❤️❤️❤️🌛🌛🌛
عشقت العمده نور 💪💪😂😂.
رنا احمد عماد ✍️✍️✍️✍️.
البارت السابع عشر ...
في فيلا سراج ...
كانوا يجلسون كابر وسراج ولوسي وشاكر .
لوسي بدلع /ايه ي كيبو مالك ساكت كده ليه مش عادتك ي عني .
كابر بزهق وضيق /معلش مخنوق شويه عن اذنكم .
لوسي بغيظ /ايه ي اونكل كابر ماله شكله مش طبيعي .
سراج بحزن /معلش ي حبيبتي هو مش في المود الفتره دي .
شاكر بانتباه /ليه خير ي سراج .
سراج بجديه /موضوع طويل شويه ي شاكر بس انشاء الله كل حاجه هتتحل .
لوسي بخبث /اطمن ي اونكل انا الي هرجعلك كابر احسن من الاول كمان .
في غرفه كابر ...
كان يجلس بالم وتعب واشتياق الي معشوقته فبالفعل قد اشتاق اليها كثيرا .
/ي ترا انتي فين ي نور ليه بتعملي فيا كده أما انتي هتبعدي ليه مفضلتيش معايا ليه مفضلتيش في حضني انا عارف انك بتحبيني وانا كمان بحبك اوي ي نور اوي يارب الاقيكي ي نور .....
في المشغل ...
كانت تسير نور بانبهار وهي تنظر إلي ذلك المشغل الكبير فهي لم تتوقع أنه سيكون بذلك الفخامه .
فتحيه بحنان /ايه رايك ي نور .
نور بابتسامه /حلو جوي جوي ي خاله فتحيه .
صالح بابتسامه /وهيبقا احلا لما تشتغلي فيه ي ست البنات .
نور بابتسامه /ربنا يخليك ي عم صالح .
غزال بترحيب /ي اهلا اهلا وانا اقول المشغل منور ليه نورتي ي ست فتحيه .
فتحيه بابتسامه /تسلم ي غزال اسمع بقا نور دي بنتي وهتشتغل هنا عينك عليها فاهم ي غزال .
غزال بإعجاب /وماله في عنينا ست البنات اتفضلي ي ست نور .
نور بقلق منه /ماشي .
فتحيه بحنان /اقعدي ي حبيبتي شويه وهاجيلك .
غزال بإعجاب وهمس/ده انتي باين عليكي طلقه صحيح مش باين غير عنيكي بس فيهم جمال الدنيا .
نور بحده /واه عاد ي عم غزال مش هنشوف شغلنا ولا ايه .
غزال بضيق /عمي لا انا مش كبير لدرجه دي ي ست البنات .
نور بغضب /صغير ولا كبير عاد احنا جاين نشتغلوا مش نتحددوا في حديد فاضي .
غزال بهمس /ماشي ي حلوه شكلك عنيده وانا اموت في الصنف ده خلاص متزعليش اتفضلي معايا .
في شقه سعديه وريم ...
كانت ريم تجلس بفستانها الاحمر بسعاده .
سعديه بابتسامه /الف مبروك ي بتي .
ريم وهي تقبل يدها /ربنا يخليكي ليا ي عمتي وميحرمنيش منك واصل كان نفسي نور تبقا معانا النهارده .
سعديه بحزن ودموع /نور منه للله وهدان انا عارفه هي هتكون فين .
ريم بحزن /نفسي اشوفها جوي ي عمتي اتوحشتها جوي .
سعديه بابتسامه /انشاء الله ي ضنايا تشوفوها قريب بس افرحي بقا ي عروسه اليله لليتك اها شكل العريس واصل هروح اشوافهم .
في الخارج ..
المأذون بابتسامه /ها ي عروسه مين وكيلك .
ريم بابتسامه /عمي سراج .
سراج بابتسامه /هو انا اطول أشهد علي عقد جواز ابني وبنتي .
كابر بابتسامه /الف مبروك ي ادهم .
ادهم بابتسامه /الله يبارك فيك ي كابر عقبالك لما تلاقي حبايبك .
كابر باشتياق /يارب .
المأذون بابتسامه/ربنا يجمع بينهما في خير الف مبروك ي جماعه عن اذنكم .
سعديه بفرحه /للوووووووي الف مبروك ي روح عمتك ..
ريم بابتسامه وفرحه /ربنا يخليكي ليا يا عمتي .
فريال بضيق /مبروك ي ريم مبروك ي ادهم .
ريم بابتسامه /الله يبارك فيكي ي حماتي .
ادهم وهو يقبل يدها /الله يبارك فيكي ي امي ليمس ل ريم بعشق مبروك ي مراتي ي حبيبتي .
ريم بخجل /الله يبارك فيك ي حبيبي .
ادهم بعشق /ياه طالعه من بوقك زي السكر والله .
كابر بمرح /ايه ي عريس احنا لسه هنا يلا ي بابا نمشي .
ادهم بابتسامه /لا تمشوا تروحوا فين انا عازمكم علي العشاء .
سراج بابتسامه /لا نعزم مين اخرج انت وعروستك والحاجه سعديه ووالدتك واتبسطوا يلا ي كابر الف مبروك ي ولاد .
ادهم بابتسامه /الله يبارك فيك ي عمي .
في أحدا الكافيهات الفاخمه ..
شمعه بابتسامه /ممكن اعرف حضرتك طلبت تشوفني ليه .
نبيل بابتسامه /بصي ي شمعه انا بصراحه راجل دوغري مبحبش الف ولا ادور بصراحه انا اتشدت ليكي من اول لحظه شوفتك فيها فقولت لازم ادخل البيت من بابه .
شمعه بخجل /بالسرعه دي .
نبيل بابتسامه /ايوه بس فيه حاجه لازم تعرفيها أني كنت متجوز ومراتي توفت من سنتين .
شمعه بفخر به /دي حاجه متقلقش منك ابدا بالعكس انا فخوره انك بتصارحيني بكل حاجه ي نبيل انت كبرت في نظري اوي .
نبيل بابتسامه /ي عني اتوكل علي الله واروح اطلبك علطول من سراج بيه .
شمعه بسعاده /ايوه طبعا وبسرعه كمان .
في الصعيد ..
في دوار وهدان ..
وهدان بغضب /عوض انت ي زفت .
عوض بفزع /نعمين ي حاج وهدان .
وهدان بحده /حميده بتاع الدكان مدفعش المال ليه الشهر ده .
عوض /هو مبيدفعش واصل العمده نور الله يبارك لها كانت بتعفيه كيف .
وهدان بغضب /بتفعيه كيف هي تكيه ولا ايه اسمع بلغه أنه لو مدفعش الشهر ده هيتحجز علي الدكان .
عوض بحزن/ده غلبان وعلي باب الله ي حاج وهدان .
وهدان بغضب /اسمع الي قولته ونفذه جبر يلمك .
عوض بحزن /امرك ي حاج وهدان ربنا يرجعك لينا ي جناب العمده نور بدل الظلم ده .
في أحدا المطاعم الفاخمه ..
ادهم بابتسامه /تحبي تأكلي ايه ي حبيبتي .
ريم بخجل /اي حاجه .
فريال باستفزاز /وهما دول هيعرفوا الأصناف الي هنا منين ي ادهم هاتلهم فول وطعميه .
سعديه بغيظ/ومالهم الفول والطعميه كله نعمه ربنا .
ادهم بحده /ماما من فضلك ريم بقت مراتي خلاص فاحترميها لو سمحتي .
فريال بغضب وغيظ /كده ي ادهم من دلوقتي بتعمل معايا كده علشانها .
ادهم بجديه /مراتي ي ماما وكرامتها من كرامتي .
سعديه بابتسامه وفخر /عداك العيب ي سيد الرجال .
فريال بغيظ /ماشي ي ادهم .
في فيلا سراج ..
سراج بجديه /مش ناوي انت كمان تشوف حياتك ي كابر زي ادهم .
كابر بتمني واشتياق /ياريت ي بابا الاقيها ياريت .
سراج بحده /برضه نور ي ابني اسمع انت لازم تعيش حياتك وتفكر في الي جاي حتي نور لو ظهرت مين قلك أنها هتبقا معاك ولا ترجعلك .
كابر باستغراب /حضرتك قصدك ايه .
سراج بحده/قصدي انك تشوف حالك ي كابر مالها لوسي بنت جميله وطول عمرها بتحبك .
كابر بغضب /مفيش واحده زي نور ابدا وانا متاكد اني هلاقيها وهفضل ادور عليها حتي لو طول عمري ي بابا ..
بعد مرور بضعه شهور .....
في شقه فتحيه ...
نور بتعب /اه ي خالتي هلكت تعب النهارده بس الحمد لله كسبنا زين فساتين كتير طلعت النهارده .
فتحيه بابتسامه /انتي مشاء الله وشك حلو اوي علينا ي نور من ساعه مشتغلتي والمشغل شغال ايه ده غير الكلب غزال انتي الي كشفتيه علي حقيقته الحرامي ده .
صالح بابتسامه /عندك حق ي فتحيه نور وهي نور فعلا .
نور بابتسامه /ربنا يخليكم ليا ومهما قولت مش هقدر اوفيكم حقكم الي عملتوه معايا .
فتحيه بحنان /عقبال ما تشوفي ضناكي ويجمعك ب كابر يارب .
نور بتمني واشتياق /يارب ي خالتي يارب .
🤚🤚🤚🤚🤚🤚بعد مرور 6سنوات 💪💪💪.
في المستشفي ...
ادهم بقلق /يارب تخرج بالسلامه .
ريم بحنان وحب /اهدا عاد ي ادهم انشاء الله أما فيريال هتخرج بالسلامه .
كابر بحزن /متقلقش ي ادهم انشاء الله خير انا هروح اودي فيروز وسمر المدرسه .
ادهم بقلق /ربنا يخليك ليا ي كابر .
في شقه فتحيه ..
😂😂😂😂كادر باشا النسخه المصغره ..
كان يقف كادر في البلكونه ....
كادر بخبث /واه عاد ي بت ي صباح اتوحشتك جوي جوي .
صباح بعشق /بجد ي كادر .
كادر بمكر /طبعا ي روح كادر بقولك ايه بقا شوفلنا كيلو لحمه احمر كده من عند ابوكي .
صباح بهبل /عنيا ي حبيبي .
كادر بغيظ /هبله هبله .
نور بغيظ /انت بتعمل ايه عندك ي واكل ناسك اتاخرت علي المدرسه .
كادر بخبث /ايه عاد ي أما قطعتي خلفي البت الغبانه دي كانت مش عارفه تعمل الواجب فكنت بساعدها مساعده للله.
نور بغيظ /علي اني الكلام ده ي ابن نور .
كادر بمكر /واه عليكي دايما كده ظلماني انا قولت اظبط مع البت ابوها جزار نطلعوا بكيلو لحمه ولا اتنين .
نور بغيظ /لحمه هو انا حرماك من حاجه ي معفن يلا ي اخويا علشان تروح المدرسه .
كادر بغيظ /فتحيه فتحيه تعالي شوفي بنتك والي بتعمله في ابنها حبيبها .
فتحيه وهي تحتضن كادر بحب /عايز ايه ي روح قلب جدتك .
كادر بخبث/ساندوتشين حلاوه بقشطه من ساندوتشاتك الجامده دي .
فتحيه بابتسامه/طيب ي حبيبي روح علي السفره وانا جايه حالا .
نور بابتسامه حنان /كاني شايفه كابر .
فتحيه بابتسامه /ايه ي نور بتتضحكي علي ايه .
نور بحنين واشتياق دائم لسنوات/أصله بيفكرني ابوه بالظبط سحر كادر علي قد صغر سنه خفه دمه مصايبه كمان بتفكرني ب كابر في كل حاجه.
فتحيه بطيبه /مش كفايه كده ي ضنايا وتلموا الشمل بقا .
نوربدموع /خايفه خايفه ي خالتي ي ترا عايش ازي لسه فاكرني ولا خلاص اتجوز واحده تانيه ونسي نور .
فتحيه بابتسامه وحنان /لو كان بيحبك صح يبقا زمانه لسه بيدور عليكي ولسه مستنيكي ي نور .
كادر بصراخ /انتوا ي جدعان حد يجي ياكلني مش أصول دي.
نور بضحك /هههههه مفجوع .
فتحيه بابتسامه /ربنا يخليهولك ي ضنايا .
من أمام المدرسه ..
كابر بابتسامه /فيروز خالي بالك من سمر .
سمر بطفوله /مس تخاف علي سمي ي خالو .
كابر بابتسامه /انا عارف انك كبيره ي قلب خالك .
فيروز بابتسامه /انت هتيجي تاخدنا برضه ي اونكل كابر .
كابر بحنان /ايوه ي حبيبتي لأن بابا وماما مع ناناه في المستشفي .
سمر بطفوله /وبابا وماما في الجرنان .
كادر بغيظ وغيره /لسه عاد ي ست هانم اتاخرتي كده ليه .
فيروز بابتسامه /معلش متزعلش حقك عليا .
كابر بصدمه /انت مين ي ابني انت وبتكلمها كده ليه .
كادر بغيظ /انا كادر زميلها وفي حكم جوزها المستقبلي .
فيروز بخجل /كادر مش وقته .
كابر بغيظ وصدمة / انتوا عندكم كام سنه ي عيال انتواجوزها المستقبلي اسمع يلا انت ملكش دعوه بيهم خالص سامع ولا لا .
كادر بغرور واستفزاز/لا مش سامع سمعي تقيل جوي
اسمع ي كابتن البت دي هتجوزها ي عني هتجوزها بلغ ابوها بالحديد ده يلا ي بت انتوا وهي قدامي سلام ي كابتن .
كابر بصدمه /ايه الواد ده وكمان صعيدي قلبت عليا المواجع ي سي كادر .....يتتتتتتتبع .
طبعا لسه فيه تفاصيل كتير هتبان في بارت بكره وظهور كادر كان مهم لانه هيكون مهم جدا في الي جاي لأن الروايه أوشكت علي الانتهاء هستنا تعليقاتكم وتفاعلكم وتوقعتكم للي جاي دمتم بخير وعافية ❤️❤️❤️❤️❤️.
عشقت العمده نور 💪💪😂😂.
رنا احمد عماد ✍️✍️✍️✍️✍️✍️.
تعليقات
إرسال تعليق