رواية غصن الفصل العاشر 10بقلم منى عبد العزيز
رواية غصن الفصل العاشر 10بقلم منى عبد العزيز
10
مشي سليم ودخل صهيب الاستراحة قفل الباب لقي غصن بتصلي وقف يبص عليها واول ما سلمت قرب منها مد ايده وقفها وقرب منها انحن شالها بكل قوته ودخلها اوضة النوم
ونزلها على السرير وقالها مش عاوزة تعرفي انا جعان ايه وقبل ما ترد كان اخد شفيفها بوسه طويله وراح بيها لحياة زوجية بعد وقت رم نفسه على السرير بياخد نفسه وبيكلمها عرفتي الجوع اللي اقصده.
غصن بخجل هزت راسها ومردتش عليه ضحك صهيب وقام وقف هخرج اجيب صنيه الأكل وأجي ناكل لقمة نسد بيها جوع بطننا.
غصن قامت عدلت نفسها وقامت من على السرير اخدت هدوم، ودخل صهيب شايل الصنية حطها على السرير رايحه فين.
غصن الحمام.
صهيب : تعالي الاول ناكل لقمة قبل ما اهلك يجوا.
غصن: اغسل ايديا واجي
صهيب متتأخريش انا واقع من الجوع
غصن غسلت اديها ورجعت الصهيب لقته قاعد مستنيها وبقه سيجارة، اول ما شفها دخلت الاوضة طلع السيجارة من بقه وطفها بالطافيه وشاور ليها تقعد على السرير وقعد ياكل وكل شوية يبص عليها يلقيها بتأكل وعنيها على الارض
صهيب ايه مش بتكلي ليه.
غصن: اصلي مش جعانه أوي
صهيب: طيب لو عاوزه تروحي الحمام تغيري روحي وابقي رتبي الاستراحة ونضفيها كويس قبل الضيوف ما يجوا.
غصن راحت عند الشنطة اخدت فستان طويل لونه ازرق و طرحه وراحت للحمام بعد شويه خرجت تروق الصالة ودخلت الأوضة لقت صهيب نايم وصنة الأكل قدامه على السرير قربت بشويش شالت الصنية وخرجت بعد ما عدلت نومته.
عدي وقت واذن العصر قامت غصن دخلت الاوضة صحت صهيب من النوم.
فاق صهيب دخل اخد شور وغير هدومه وقعد على الكرسي وغصن كانت بتصلي، غصن بعد ما خلصت صلاة بصت علي صهيب لقته ماسك تليفونه ومركز فيه.
غصن: اسيب المصلية تصلي عليها.
صهيب مركز في التليفون مردتش عليها وقفت ومشيت نحيته.
مش هتصلي
شويه شوية اخلص اللي في ايدى.
وقت العصر قصير صلي الاول واي حاجه تتأجل.
صهيب بقلك ايه روحي للاوضه نضفيها وشيلي الهدوم نظميها. على مهلك قبل الجماعة ما يجوا.
غصن بصت ليه بحزن ودخلت الأوضة عيونها بدمع رتبت السرير
و نظمت الأوضة، خرجت على صوته ينادي عليها.
يا يا اسمك ايه.
غصن اسمي غصن مش اسمك ايه.
ههههه ههههه مالك زعلانه ليه كده ملحقتش اعرف اسمك مفيهاش حاجه تزعل.
مجراش حاجه بس انت سألت ليلة امبارح وقلتلك اسمي غصن.
طيب بزمتك انا هفتكر اسمك من ليلة امبارح.
بضيق منه نديت عليه خير في حاجه.
ايوه ادخلى المطبخ شفى في قهوة اعملیلی فنجان قهوة سادة عندى صداع مش قادر افتح عنيا منه.
دخلت المطبخ وقفت تبص حواليها م مش عارفه تعمل ايه فتحت العلب الموجودة.
غصن: مش عارفة اعمل ايه واقوله ايه انا عمرى ما شافت القهوة ولا اعرف بتتعمل ازاي هي مرة شربتها عند خالتي ام منصور وقالتلي على عميلها ازاي والبراد بتعها معرفش اسمه ايه كده.
صهيب من برة كل ده بتعملي القهوة دى مبتخدش خمس دقايق!؟.
غصن أتوترت اكثر بصت في كل العلب ملقتش فيهم حاجه خرجت ليه ماسكه العلبة دورت في كل العلب ملقتش حاجه.
نفخ بصيق وحط تليفونه على الطرابيزة ودخل اوضة النوم اخد محفظة الفلوس وخرج ينادي على غفير جاله غفير اداله فلوس وقاله اشتري قهوة وشاي وحاجه ساقعه متتاخرش .
غصن بعد ما صهيب خرج قعدت على الكنبة شافت صورة على التليفون لبنت جميلة لبسه فستان فرح مسكت التليفون وبصت في الصورة دى حلوة قوى، ياتري هي مين دي مراته ولا مين !؟حطت التليفون مكانه اول ما فتح الباب.
صهيب بص لليها وللتليفون قعد على الكنبة جنبها شوية وراح نام على الكنبة وحط راسه على رجليها ومسك اديها وحطها على شعره.
غصن بعدت ايدها وديرت وشها الناحية التانيه كل ما يمسك اديها تبعدها عنه.
صهيب اتعدل وبص ليها باستغراب بتبعدي ايدك ليه ومالك مديرة وشك للنحية الثانية ليه.
غصن بدفعه عشان میردنيش الحال المايل قربنا على المغرب ولحد دلوقتي مصلتش وبدل ما تقلق قاعد تبصلي على صور البنات العريانة .
- صهيب بعصبية وقف ومسكها من اديها جامد وقفها اتألمت من مسكته انتي ازاي ترفعي صوتك عليا ومالك انت بصلي ولا مصليش متدخليش أنا حر فاهمه.
لا مش فاهمه وهدخل ابلة سناء قالت الرسول عليه افضل الصلاة والسلام قال من راء منكم منكرًا فليغيره وانت بتشرب سجاير ومش بتصلي.
صهيب ضغط على اديها تاني بتعلي صوتك تاني.
غصن: آه سيب دراعي بتوجعني
بدل ما انت بتزعق كده الحق روح اتوضي وصلي دى الصلاة هي الدين ربنا بيفتح على البنادم وبرزقة ويجعل ليه القبول في الأرض بعد كل. صلاة، بس شكلك لا مؤاخذة قليل صلاة وأنا مقدرش اقرب منك ولا اقعد معاك في مكان.
صهيب قطع كلامها ونزل على وشها بالقلم صوابعه علمت على وشها واتكلم بعصبية: مين انت عشان تكلمني بالشكا ده اوا . واخر مرة صوتك
واتكلم بعصبية: مين انت عشان تكلمني بالشكل ده، اول واخر مرة صوتك يعلى عليا او تنطقي بحرف واحد قدامي فاهمة وايه تقرفي اني اقربلك انت مش شايفه نفسك ولبسك انا اللي بقرف وانا بقربلك اصلا.
سكت وزقها وقعت على الكنبة بوجع مع سماعة صوت خبط على الباب.
غصن اول ما راح يفتح الباب دخلت الاوضة رمت نفسها على السرير تبكي بحرقه.
فتح الباب بعصبية لقي الغفير جايب الحاجات اخدها وقفل الباب ودخل حط الحاجه على الطرابيزة بص عليها لقها دخلت الاوضة دخل وراها وبصوت عالي.
انت ازاي تدخلي من غير ما اخلص كلامي.
مشي كام خطوة ووقف مكانه اول ما سمع صوت عمه بينادي عليه وبيرحب بحد برة الاستراحة.
رفيق راح بيت عزيز يجيب امه وسنابل ويزوروا غصن ويطمنوا عليها
زبيدة خرجت ليه اتأخرت كده ليه يا رفيق.
رفیق باس اديها نزلت السوق اشتريت حاجة الصباحية وكام غيار السنابل وبعت نفر ينضف الشقة في المركز عشان اخد سنابل نقضوا كام يوم على ما السريا تتوضب من تاني.
عنيه على الباب اومال سنابل ما خرجتش ليه.
زبيدة بقلق من كلامه بص يا رفيق يا بني الفترة دي مش هينفع تروح في اي حته لحد ما غصن تروح ويا جوزها تعيش وياه، وسنابل صحتها ترجع ليها ليلة امبارح تعبت وطول الليل ما دقتش النوم من الوجع، تخف ونفسيتها تهدي وبعدها نبق نشوف حكاية الشقة دي.
رفيق بقلق على سنابل راح ناحية البيت وقفته امه.
رفيق استني سنابل طلعت اهي.
رفيق قرب منها: مالك ياسنابل تعبانه عند ايه أوديك للدكتور تكشفي.
سنابل مشيت وسابته راحت تركب العربية من غير ما تنطق حرف.
رفيق ركب العربية من غير كلام عقلي بيودي ويجيب.
زبيدة مالك يا رفيق سوق العربية واقف ليه
رفيق ادير لسنابل: انا نفذت الإتفاق وعملت اللي عليا، ومش هتراجع عن الشرط اللي حطيته ومهما عملتي هنفذه يعني هنفذه، وانت يامه اعملي حسابك انا هصبر كام يوم بس زي ما قلتي تريح اعصابها يومين بالكتير واجي اخدها عروسة.
سنابل بصت للشباك وعينها تبك بدون صوت زبيدة بصت لرفيق.
اسمعني يابن بطني تهديدك ده بعدين نتكلم فيه دلوقتي خدنا على المركز في حاجات نجيبها لغصن وبعدين رجعنا عليهم.
رفیق حاجات ايه انا جيبت كل حاجه الصباحية.
زبيدة لبس وباقي شوارها انت فاكر الكام هدمه اللي حبتهم ليلة امبارحينفعهوها وهتفضل لبساهم طول الوقت.
رفيق على قض ما عرفت اجيب وغزل ورشيدة نقوا كام غيار حلوين
زبيدة ما هو عشان الإثنين دول انا بقول ننزل نجيب لبس كويس وليه جمته للبنت.
رفيق ساق العربية بسرعة وبعصبية: ما بكرة جوزها يجبلها اللي ناقصها.
زبيدة وماله زيادة الخير، احنا نجيب اللي يشرفنا ويرفع راسنا ونكسوا بنتنا ونجيبولها احلى وأغلى حاجه بالسوق.
بعد وقت وصلوا للمركز وقف رفيق قدام افخم محل ملابس نزلت زبيدة وسنابل اختاروا كام فستان واسعين يناسبوا غصن واختاروا حجاب مناسب لكل طقم وملابس داخليه ولانجيري وهدوم بيتيه.
زبيدة معرفش مقاس رجليها عشان نختار لها كام جزمه
سنابل غصن كلها عزيز وعزيز جدمه كان صغير مرة اشترتله جزمه هديه وقستها على رجلي وجبت مقاس اصغر نمرة من مقاس رجليا.
رفيق بضيق من كلام سنابل عن عزيز ما هو مش شرط مقاس رجليها تبق مقاس المرحوم، يمكن تبق وخده مقاسك انتي.
زبيدة: اتحلت اهي نجيب المقاسين اللي تجي عليها تخدها واللي ما تجيش نجي نغيرها وناخدوا مقاسها.
رفيق بضيق: اعملوا اللي تعملوه بس خلصونا قربنا على المغرب.
زبيدة: خلاص خلصنا اهو على يا بني الحاجات اللي اخترنها دي حاسب انت يارفيق على ما نشوف حاجة تنفع صهيب.
رفيق الله ما طولك يا روح أمه مش وقته.
زبيدة هنسبقك على العربية تكون حسبت يلا يا سنابل
خرجت زبيدة وسنابل شايلين اكياس الهدوم ورفيق حاسب واخد باقي الاكياس وخرج ، ركبوا العربية ورجعوا البلد.
رفيق اظن انا لحد دلوقتي عداني العيب وكل طلباتكم مجابه اتمنى طلباتي انا كمان تتنفذ.
زبيدة رفيق مش وقته وقلتلك سنابل تهدى وتفكر مع حالها وبعدين اللي تقرره هو اللي هنعمله.
رفیق معناته ايه الكلام ده.
زبيدة معناه تقفل على الكلام دلوقتي لحد ما نرجع بيتنا.
سكت رفيق وبص على سنابل بمراية العربية وكمل سواقة لحد ما وصل قدام مزرعة صهيب قابلوا قاسم نازل من عربيته، رحب بيهم ونادى على الغفر يشيلوا الهداية يدخلها على الاستراحة.
صهيب فتح الباب سلم على زبيدة وسنابل دخلوا شيلين اكياس في اديهم وبعد عن الباب دخل الغفر الهدايا اللي جابها رفيق.
قاسم بترحيب مكنش ليه لزوم كل الحاجات دى كفاية تشرفكم.رفيق دي عوايد يا حج يا قاسم اتربينا عليها.
زبيدة امال فين غصن يا بني.
صهيب لحظه واحده هدخل اديها خبر اتفضلوا ارتاحوا
دخل صهيب الأوضة قرب من غصن مسكها من اديها وقفها من على السرير: اهلك جم بره امسحي وشك واعدلي لبسك واخرجي سلمي عليهم والافضل تخرجي لبسه البتاع ده اللي بتحطية على وشك بدل ما يتخضوا من شكلك.
غصن سمعت اخر كلامه حاست بقلبها هيقف دموعها نزلت غصب عنها صهيب جز على سنانه وكلمها بغيظ وصوت واطي.
- أنت غبية بقلك بطلي عياط تزيدي، أنا خارج دقيقه وتجي فاهمه واياك المح دمعه في عيونك.
خرجت غصن بعد ما صهيب خرج . - السلام عليكم.
سنابل وقفت اول ما سمعت صوت غصن اخدتها بحضنها بتي حبيبتي وحشتني يانن عيني من جوه زبيدة سنابل بلاش بكا البت زينه اهي قدامك.
سنابل: بعدت عن غصن: ملحقتش اشبع منها واخدها بحضني وبعدت عني.
رفيق اتفزع من كلام سنابل اتنحنح بصوت عالي : احححم احمم بقول ايه يا حج قاسم ما تيجى احنا نطلع نقعد برة ونسيب الحريم يتكلموا مع بعض.
قاسم عندك حق ياحج رفيق والا ايه يا صهيب.
صهيب اللي تشوفه ياعمى.
خرج الرجال بره زبيدة بصت لغصن وشافت عيونها من النقاب كلها دموع ولونها أحمر.
ما تطلعي الحاجه تفرجيها لغصن يا سنابل خلينا نشوف ذوقنا هيعجبها ولا لاء.
سنابل بعدت عن غصن: حاضر يامه
قامت سنابل تفتح الاكياس قربت زبيدة من غصن وبصوت واطي معيطه ليه كده يابتي حصل حاجه كفالة الشر جوزك مد ايده عليك ؟
غصن بصت لجدتها بقلق خايفه تكلم تحصل مشكلة بسببها فكرت بسرعة وبصوت منكسر قالي اعملي قهوة وانا لا عمري شفتها ولا اعرف بتتعمل ازاي.زبيدة ههههه بتعيطي عشان كده، قالك كلمة زعلتك.
غصن لاء بس صعبت عليا نفسي وخايفة يطلب مرة تانيه.
زبيدة: تعالي معايا وريني المطبخ منين وانا اعلمك تعمليها ولا احسنها قهوجي بيعمل قهوة.
سنابل والهدوم مش هتقسها.
زبيدة دخليهم اوضة النوم بعدين تقسهم على رحتها.
زبيدة دخلت مع غصن المطبخ لقت كيس فيه قهوة وطالبات خرجت القهوة وقالت لغصن ارفعى النقاب ده اوعك تكوني بتلبسيه قدام جوزك.
غصن رفعت نقابها لاء مش بلبسه، هو اللي قالي البسيه.
زبيدة بدور على كنكه قهوة امكن قالك كده عشان عمه امال فين الكنكه.
غصن يعني ايه كنكه يا ستي.
زبيدة اديرت ليها بعد ما لقت كنكه في دلاب المطبخ فتحت عينها بفزع قربت منها رفعت اديها ديرت وش غصن كنكه اللي بنعمل فيها القهوة زي دي في منها صغير وكبير عشان تبقي فاهمه يا ندمتي ايه اللي في وشك ده.
غصن بلعت رقها بخوف ونزلت النقاب : مفيش حاجه دا دا.
زبيدة: علم بالقلم عشان معرفتيش تعملي القهوة ولا عصيتي عليه، قولي عشان كلامك هو اللي هيقف عليه اللي هعمله فيه.
غصن بسرعة ولا ده ولاده دي عشان حاجه تانيه خالص.
زبيدة: حاجة ايه انطقي.
غصن حكت ليها كل اللي حصل.
سنابل دخلت الهدوم والحاجه اوضة النوم وخرجت سمعت كلام زبيدة وغصن دخلت المطبخ.
غلط يابتي اللي قلتيه ده ما يصحش
تكلمي جوزك بالشكل ده انت هنتيه.
غصن انا كنت بقله يصلي مش عجبني قعدته من غير صلاة.
سنابل ماتجيش كده يا حببتي الست الشطرة تخلي جوزها اللي مقصر في صلاته يصلي بلسانها الحلو من طريقتها معه، دا ربنا قال لو كنت فظا غليظ القلب لانفضوا من حولك.
غصن: بس ابلة سناء وهي بتعلمنى الصلاة قالت ان الفرق بين المسلم والكافر هي الصلاة، وقالت ان مفروض تارك الصلاة وهو واعي وفاهم ننصحه مجاش بالنصيحة نتجنبه لا ناكل معه ولا نشرب معه والزوجة تهجره بالفراش لحد ما يرجع يصلي ويتوب عن ذنبه.
سنابل: ما هو نفس الكلام بس الفرق طريقة الكلام شفتي لما كلمتيه واتعصبتي عليه حس بالإهانة مستحملش ومد ايده عليك، لكن لو قلتيله صلي بيا جماعة، ولا انا مش حافظة كويس وبتلغبط صلي بيا تكسب فيا ثواب وقتها غصب عنه هيقوم يتوضأ ويصلى هيتحرج من رفضه يوم وراء يوم وانت بتطلبي منه يصلي بيك هيبق عادة وتاخدي ثوابين ثواب صلاتك وثواب انك خلتيه يصلي.
زبيدة شفتي كلامك امك فهمتي هتعملي ايه زى ما هتتعملي معه في الصلاة اتعملي معه في كل حاجه خالي لسانك حلو معه، ما تطوليش لسانك عليه ولا تردي الرد برده ما ينفعش ردي بالأدب قالك اهلك وعالتك قليله الاصل واحد والعرق دساس، مد ايده عليك من غير سبب ، خليه يجيبك دارنا قلية اخدتني من بيت أهلي بشروط وانت خليت بالشروط دى يبقى كبارتنا هم اللي يقرروا.
سنابل: اسمعني يا بتي الراجل غير الست باله بيبق قصير، عمليه كويس تخدي قلبه وعنيه قلتي ادبك رديتي عليه من غير ادب هيتعصب عليك ومش بعيد يغلط فيك او يمد ايده عليك .
زبيدة: فهمتي يا حبيبتي الكلام.
غصن ايوه.
زبيدة تعالي بقي اعلمك القهوة.
وقفت غصن جنب زبيدة تعلمها القهوة لحد ما جربت بنفسها اكثر من نوع.
- شطرة يا غصن واعيه ونبيهه اتعلمتي بسرعه وعملتي بنفسك القهوة وطلع ليك نفس حلو فيها.
سنابل ايه رايك يامه غصن تطلع القهوة للجماعة برة ولما صهيب يلقيها عمله القهوة ومطلعها له ينبسط وميز علش منها.
زبيدة: كلامك صح يا سنابل خدی یا غصن صنيه القهوة طلعيها بره على ما نجهز طبق فاكه وحلويات.
غصن نزلت النقاب واخدت صنيه القهوة وطلعت برة الاستراحة لقت صهيب وعمها وقاسم قاعدين على كراسي الجنينة قربت منهم صهيب عينه على الباب اول ما شاف غصن طلعه من الباب شايله صنيه قام وقف وقرب منها مد ايده اخد الصنية من غير ما يكلمها وشاور ليها بأيده تدخل جوه
دخلت غصن من غير ما تتكلم زبيدة قبلتها بطبق الفاكهة وحلويات قالت ليها طلعیه بره خرجت حصل زى المرة اللي قبلها صهيب اخد منها الحاجه ودخلت هي.
سنابل: تعالي يا غصن شفي الهدوم والحاجات اللي اشترنهالك
غصن فرحت جداً بالهدوم فجأة دخل صهيب عليهم بسرعة من غير ما يكلم غير هدومه واخد تليفونه وحاجته وخرج مرة ثانيه بسرعة.دخل رفيق الاستراحة.
زبيدة حصل ايه يابني صهيب طلع يجري كده وشه ما يتفسرش.
رفيق جاله ظابط المركز بيقول مهران أخوه حالته خطر ووده المستشفى.
زبيدة بشهقة ومرحتش وياهم ليه يابني يادي العيبة.
رفيق قلتلهم يامه قالوا ملوش لزوم
زبيدة ولو كنت أثريت ورحت على العموم لسه فيها خد بعضك وروحوراهم دول نسايبنا دلوقتي
وميصحش تبقي في بيتهم وتعرف باللي جره ومترحش تقف جرهم.
رفيق بضيق: حاضر يامه هروح بس انتم هتروحوا ازاي.زبيدة هنقعد هنا مع غصن لحد ما ترجعوا يا تشيع غفير بعربيه يروحنا بعد المغرب.
رفيق هتصل على سيد يجيب الكارته ويجي يروحكم قبل العتمة.
مشي رفيق وقعدت زبيدة وسنابل يرتبوا الهدوم والاكل اللي جايبة رفيق بالتلاجه.
زبيدة: اسمعيني يا غصن انا حاسة بيك عقلك بيفكر كتير وبالك مش مرتاح في حاجه على لسانك عاوزة تقوليها.
غصن بتنهيده حزن حاسة اني مظلومة وبنفس الوقت مكسورة من جوايا عقلي هيشت مني مش قادرة استوعب اللي انا فيه.
سنابل اخدها بحضنها خرجي اللي جواك يا ضنايا متخفيش.
زبيدة احكي يا غصن يابتي كل اللي تعبك.
غصن قامت وقفت انا حاسة اني بحلم حلم غريب واني انا مش انا حد تاني معرفوش مهمومه وحزينة وانا اللي طول عمري الضحكه مفرقتش وشي مع اني عشت ايام ربنا وحده اللي عالم بيها، في يوم وليلة بقي ليا أها. وعايله وبدا . ما احس بالأمان معهم لا خوفن، منهم رموني للنار
أهل وعايله وبدل ما احس بالأمان معهم لا خوفني منهم رموني للنار بجوازه صلح لواحد معرفوش مفروض عليا اسكت منطقش لأجل عيلة لا تعرفني ولا اعرفها.
سنابل مسحت دموعها : انا حاسة بيك والحرقة بكلامك بس عندي قناعة ان ربنا ليه حكمه بكدة انا هقولك عن حاجه واحده تخليني اقولك كده من كام يوم وانا بفكر اموت حالي وعقدت النية على كده وبنفس الليلة اللي كنت ناويه اعمل كده جه رفیق وعرفني انك عايشة
ويجيب ليا بنفس الليلة.
زبيدة وانا بقول زي امك ربنا ليه حكمه بكدة لولي عرفت انك عايشه وصممت انك تيجى عرفت من العدو ومن الحبيب عرفت باللي عمري ما كنت اتخيله لحقت سنابل وطلعت بيها من السريا قبل ما تولع، تحصل خناقة في البلد ويروح فيها ناس ويدبرها المولي من عنده والصلح يبق جواز واسمع بودني ازاي يخلصوا منك ربنا الهمني بفكرة وبدل لم تكون غزل العروسة تبقي انت.
غصن: كل ده على عيني وراسي بس انا في دوامة كل ما بفكر القي حالي موجوعة مطلوب مني حاجات وانا لسه بستوعب اللي انا فيه فهمني.
سنابل: قصدك ايه يابنتي.
غصن: زى اللي حصل امبارح وابق مجوزة واحد مجوز دي لوحدها صعبة جوى فوق الجوازة الغريبة يطلع مجوز يعني قلبه مع وحده غيري حتى لما بيكون معايا بحس عقله معها خايفه يطلب مني حاجه زي النهاردة و معرفش اعملها، فوق بصاته الغريبة ليا بتخليني حاسة اني قليلة ببق خایفه ارد.
زبيدة اسمعي كلامي انا مش هقولك معلش وطولي بالك ولاانت اتظلمتي كل ده خلاص اتقال وفهمناك كل حاجه اللي حصل حصل عيشي حياتك زي ما ربنا رايد من هنا ورايح لو طلب جوزك حاجه مش عارفها قوليلة معرفش مرة هيتريق مرة هيقول بنت خير وعندها خدمين يخدموها.
سنابل: على قد ما انا مقهورة على جوازك بالطريقة دي بس قلبي مطمن مش بس عشان صهيب هيحميك وهيقف لاى حد يأذيك لاء عشان دى تدبير ربنا رجعك ليا عشان ترجعيلي عقلي وايماني اللي ضاعوا مني واكيد جواز صهيب منك لحكمه ربنا اعلم بيها، وان شاء الله ربنا يعوضك عن كل اللي عشتيه بس انت سلمى أمرك الله.
زبيدة ونعم بالله احنا هنمشي بعد شويه واسمعي اخر كلام هقوله جوزك ليه حق عليك لازم تدهوله برضاك لما يجي من برة يلقيك مهتمة بنفسك لبسه لبس حلو وشك مفرود رحتك حلوه لقتيه مهموم وتعبان متفضليش تظني وتقولي مالك ولا تطنشي ومتسأل هوش مالك لاء اصبري عليه يقعد ويريح ويطل في وشك يلقي ابتسامه منورة لبسه لبس يشرح صدرة البيت نضيف وهادي لوحده هيحكيلك كل حاجه.
يلا جومي ادخلي الحمام استحمي والبسي قميص من اللي جبنهم النهاردة وتعالي اسرحلك شعرك واعطرك عشان لما يرجع ينبسط منك.
غصن هزت راسها ووقفت محتارة مش عارفه تلبس ايه.
زبيدة سنابل قومي معها فهميها تلبس ايه ومتلبس ايه.
ساعدت سنابل غصن وعرفتها تلبس ايه واختارت معها اللبس اللي هتلبسه وبعد شوية خرجت غصن مكسوفة من اللي هي لبساه، ساعدتها
هتلبسه وبعد شوية خرجت غصن مكسوفة من اللي هي لبساه، ساعدتها زبيدة وسنابل وسرحوا شعرها ومشيوا اول ما سيد الغفير جه، غصن فضلت قاعده مستنية صهيب يرجع صلت المغرب والعشاء وقعدت مستنيها لحد ما رجع نص الليل اول ما فتح الباب.
وصل صهيب وقاسم المركز ورفيق وراهم.
رفيق صهيب قاسم استنوني انا جاي معاكم. دخلوا عند المأمور.
صهيب خير يا فندم حصل ايه لمهران
المأمور: اتفضلوا اقعدوا في الاول لان الموضوع كبير.
صهيب بص لقاسم وقعدوا ها يا باشا خير في ايه.
المأمور : للأسف مش خير خالص یا صهيب بيه مهران اخوك اتعرض المحاولة خطيرة للخلاص منه واصابته خطيرة.
قاسم: ازاي يافندم يحصل كده والصلح اللي حصل كان ليه.
المأمور: اهدي يا حج قاسم خاليني اكمل في اكل جه الصبح لمهران واده للمساجين معه يكلوا منه وهم بياكلوا واحد قام صرخ من الوجع ووقع ميت في الحال زميله اتخضوا وبعدها واحد تاني نفس الموضوع باقي المساجين هجموا على مهران وضربوه واخوا مسجون من اللي ماتوا ضربة بس كينه مخبيها في هدومه واتنقل مهران في حالة خطر المستشفى العام.
صهيب طيب والاكل ده لسه موجود اتحفظتم عليه، معروف من وصله المهران ولألاء.
المأمور: لحسن الحظ اتنين بس هم اللي اكلوا منه وتوفوا والباقي اتحرز وراح للمعمل الجنائي يتحلل.صهيب تمام بعد اذنك هنروح المستشفى نطمن على مهران وياريت تبلغني باي جديد وخصوصًا لما يطلع التقرير النهائي.
المأمور: للأسف يا صهيب بيه مش هينفع تروح اي مكان.
صهيب: نعم.
المأمور: حضرتك متهم بمحاولة قتل اخوك مهران بدس السم في الأكل.
صهيب ايه الجنان ده.
قاسم: إهدى يا صهيب لو سمحت يا جناب المأمور تفهمنا معناته ايه كلامك ده.
المأمور: السيدة بثينة والدة مهران هي اللي قالت ان السيد صهيب هو اللي حط السم في الأكل لابنها.
صهيب بنت ال.
قاسم: وحده وحده معايا يا جناب المأمور ام مهران عرفت ان ابنها دخله اكل مس موم ازاي، واشمعنا صهيب اللي اتهمته، وقدمت البلاغ ده امته وازاي.
المأمور: أبدأ الموضوع في ظابط راح يبلغ اهل مهران باللي حصل وياه يدوب قلها انه الأكل مسموم فضلت تصرخ وتقول ان صهيب هو اللي عملها.
صهيب وده ملفتش نظر حضرتك لحاجة.
المأمور ياريت تهدى يا صهيب بيه انا بكلمك بشكل ودى، والقضية
مش سهلة، كلامي معاك دلوقتي بشكل ودي بعرفك الموضوع من اساسه قبل مل يتم القبض عليك بصفه رسمية ويتحول الموضوع للنيابة فضلت نتكلم مع بعض الاول.
صهيب: اسمعني يا جناب المأمور اللي واقف قدامك ده مقدم سابق في الشرطة يعني فاهم وعارف حقوقي وواجباتي كويس، كون انك تبعت ظابط ليا يقول على الحادثة ويطلب ان اجى هنا مروحش المستشفى على طول يأكد ان دى خطه محكمة للقبض عليا، تاني حاجه حضرتك نسيها ان كلام الست بثينة يبرئني مش يدني.رفيق بيسمع الكلام بتركيز قال لنفسه : بثينة مش سهله عملت خطة جهنمیه عشان تخلص من صهيب ويتحكم عليه بالإعدام أو بمؤبد، وقبل منها وزت ربيع يولع السريا باللي فيها ويجبلها غزل بتي تشغلها خدامه ليها والخسيس ابنها كده جاتلك على طبق دهب يا رفيق تخلص منها من غير ما تمد ايدك عليها وتفوق لسنابل بعد ما الجو خللكم.
رفيق: اسمحلي يا جناب المأمور في حاجه مهمه لازم تعرفها انا كنت همور على جنابك الصبح بس ربنا اراد يعجل بيها.
المأمور: حاجة ايه.
رفيق: حضرتك عارف ليلة إمبارح قبل المغرب سريتي انحرفت والحمد الله ربنا نجانا انا وأهل بيتي بأعجوبة، وبنفس الوقت وسط القاعدة صهيب اتعرض لصرب نار لولى ساتر ربنا كانت الطلجة جات فيه كل ده وراه بثينة مرات عدنان الخبيري ام مهران
الكل: ايه !؟
رفیق خرج تليفونه وفتحه على فيديو سجلة لربيع بيعترف فيه بكل اللي عملة بالاتفاق مع بثينة.
صهيب وقاسم بيبصوا لبعض بذهول مش مستوعبين اللي سمعوه، صهيب اخد نفس وفاق من صدمته على صوت اتصال تليفوني فتحه بسرعة اول ما شاف اسم سليم.
الو ايوه يا سلیم عملت ايه.
سليم معلش اتأخرت عليك الدكتور محمد يدوب لسه مخلص تحليل وبيكتب في التقرير زي ما قلت.
صهيب اتنهد براحه بعد التليفون عن ودنه وفتح السماعة الخارجية سليم كيس الاكل لسه موجود ولا تخلصت منه.
سليم موجود دكتور محمد قال هيعيد تحليل كل الاكل لان ال سم اتفاعل مع الأكل وكون فطر غريب فهو هيعمل عليه دراسة ويشوف التفاعل ده نتج عن ايه.
صهيب صور الاكل اللي في الكيس، وقول الدكتور قال ايه.
سليم: قال ال سم. ده، قوى جدا.
صهيب صور الأكل وابعته مع التقرير.
سليم صهيب بقولك ايه خالي بالك من نفسك وياريت ترجع القاهرة بسرع وقت اللي حاول يسمك اكيد هيعيد المحاولة مرة ثانية.
صهيب متقلقش يا سليم اعمل اللي قولتلك عليه وهتصل بيك بعدين سلام دلوقتي.
قفل صهيب الاتصال وبص للمأمور زى ما سمعت سيادتك انا كمان جالي أكل مسم وم ولولي ساتر ربنا كنت انا كمان ميت دلوقتي، وطلبت من صديقي سليم ياخده يحلله واديك سمعت بنفسك الحوار بنا.
المأمور للظابط الموجود بالمكتب افتح تحقيق يا حضرة الظابط واعمل همحضر ضبط واحضار لبثينة ام مهران
قاسم عطية الغفير ورباب الخدمة دول شهود مهمين لازم يتقبض عليهم قبل ما يهربوا او بثينة تلحق تخليهم ينكروا.
المأمور وخد قوة واقبض على الإثنين عطية الغفير والخدامة، وربيع العمدة رفيق ياريت تبلغ حضرة الظابط مكان المتهم ربيع.
رفيق انا هروح بنفسي مع حضرة الظابط اعرفه المكان.
المامور: يبقي كتر خيرك يا جناب العمدة.
خرج الظابط ورفيق وصلوا لسرايا ام مهران قبضوا على عطية الغفير فور وصولهم، دخلت باقي القوة للبيت يدوروا على رباب الخدامة طلع عسكري من المطبخ ينادي على الظابط.
العسكري : تمام يافندم في وحده ميته في المطبخ.
دخل الظابط لقي ست مرمية على الارض وفي أثار قيئ على فمها واسفل وجهها الظابط محدش يلمس حاجه بالمطبخ على ما فريق البحث الجنائي يوصل.
شاور لعسكري تفضل واقف هنا متتحركش انا اتصلت بالباشا رئيس المباحث وهو في الطريق، وانا وباقي القوة هنروح نقبض على ربيع العفش.
مشي الظابط وراح مع رفيق المخزن الخاص بيه تم القبض على ربيع في حالة صعبه من ضرب غفر رفيق ليه.
الظابط يااه أخيرا وقعت يا ربيع، متشکرین یا جناب العمدة بمساعدة البوليس في القبض على الم "جرم.
رفيق احنا خدمين الحكومة يا حضرة الظابط.
عاد الظابط للقسم بعد القبض على ربيع وعطية، تم التحقيق معهم واعترفوا على ام مهران، وصل فريق الامن الجنائي لبيت ام مهران وتم معاينة جثة الخدامة واخد عينات من الأكل، تم اصدار أمر بالقبض على بثينة وارسال قوة للقبض عليها بالمستشفى الموجود فيها مهران
بعد وقت قليل فتح التحقيق وكيل النيابة ست بثينة انتي متهمة بقتل خدمتك رباب بالسم ومحاولة قتل صهيب عدنان الخبيري وابنك مهران عدنان الخبيري.
بثينة بذهول : رباب هي رباب ماتت امته وازاي.
- ست بثينة بلاش مراوغة : اقوالك ايه في التهم المنسوبة ليك.
كذب يابيه انا هعمل كده في ابني وحيدي هو هو صهيب يابية اللي عمل كده في البت رباب وكانوا عاوز يعملوا فيا كدا إسال خضرة الظابط لما جه يبلغني باللي حصل لمهران انا كنت نايمة قمت مفزوعة على الخبط نزلت فتحت الباب لقيت البية الظابط ومعه عسكري قالولى على اللي حصل
لإبني مشفتش قدامي اترجيته يأخذني معه زى ما انا اهو لا شفت رباب ولا عملتلها حاجه احلفلك على كتاب ربنا هو ده الحصل .
بس كلام الغفير عطية عكس كلامك.
- بثينة : عطية.
ضغط وكيل النيابة جرس دخل عسكري دخل المتهم عطية يا بني.
دخل عطية اول بثينة ما شفته قامت تصرخ وتضرب في شخط فيها الوكيل وخلي العسكري كلبشها وقعدها غصب عنها
- عطية قولنا كل اللي حصل واخر مرة شفت رباب الخدامة امته وفين.
عطي الست ام مهران وش الصبح نادت عليا وادتني صنيه أكل صباحية اوديها للمزرعة الصهيب بيه وقالت اقول انها من عند قاسم بيه، وبعد ما اوديها اجي اخد أكل سي مهران بيه اوديهوله المركز وانا ماشي اتكعبلت في طرف جلبيتى وقعت والاكل اندلق على الأرض لميت اللي قدرت عليه ورباب كملت من الأكل الموجود في الحلل واخدته ومشيت على طول جيت على المركز اديت الأكل للعسكري، دخله لسي مهران وانا رجعت على البلد روحت نمت شويه وعلى العصر فزيت رحت لست ام مهران السريا اشوف طلبتها فضلت اخبط محدش فتحلي قلت امكن بتزور حد قعدت قدام السريا لحد ما البيه الظابط قبض عليا.
وكيل النيابة: ايه رايك يا ام مهران لسه مصرة على اقوالك.
بثينة كذاب يابيه بالعقل كده هس ابني.
- هو طبيعي لاء بس سبحان الله ربنا دوقك من نفس الكأس والأكل اللي لوثتيه وبعتي منه لصهيب بيه ابنك انت اللي أكل منه وادي نتيجة فعلتك اتنين ابرياء ملهمش ذنب راحوا فيها وابنك بين الحياة والموت يعني انت السبب في اللي ابنك فيه.
بثينة بهستيريا مش انا صهيب صهيب هو. هو.
لسه مصرة على اقوالك دخل يابني التاني ربيع العفش.
دخل ربيع واعترف بكل الاتفاقات اللي اتفق فيها مع بثينة.
اكتب يابني حبس ربيع عبد العال حسين الشهير بربيع العفش
لخین تحویل اوراق القضية للمحكمة، وحبس بثينة خميس اربع ايام على زمة القضية على مراعة التجديد، وحبس عطية سالم غانم اربعة ايام على زمة القضية.
مضي المتهمين وخدهم على الحبس يابني.
صهيب بمكتب المأمور قاعد على أعصابه.
قاسم: إهدى يا بني المأمور طمنك وقالك انهم قبضوا على بثينة وعطية وربيع وتحولوا للنيابة المسائية واعترفوا عليها وخلاص مفيش حاجه
صهيب هجنن ياعمى من اللي حصل عملتلها ايه عشان تكرهني كده فشلت تسمني، تلبسني تهمة.
قاسم واهي ربنا وقعها في شر أعملها وانقلب عليها حقدها وغلها.
صهيب انا مخنوق عاوز أخرج من هنا اتمشي اروح اي مكان.
قاسم: اصبر خمس دقايق المأمور يجي ونستأذن منه ونمشي.
صهيب عمى انا هطلع من هنا على القاهرة مش هدخل البلد هنا مرة تانيه.
قاسم: استهدى بالله يابني واعمل اللي انت عاوزة بس هتمشي من غير ما تأخد مراتك معاك.
صهيب ضغط على المكتب بايده ودى ورطه تانيه سببها بثينة وابنها.
قاسم بفزع بتقول ايه يا صهيب.
صهيب مبقولش حاجه ياعمی حاضر هخدها معايا ماهي جوازة واتحسبت عليا.
قاسم: قولي اللي في قلبك يا صهيب ناوي على ايه مع البنية، ومالك كده متردد تأخدها معاك ليه ومتأخد كده.
صهيب: معرفش ياعمى مفكرتش في الموضوع ده غير دلوقتي، كأني كنت مغيب.
قاسم: ليه يابني !؟
صهيب في الاول كنت بقول هتفضل هنا وكل كام يوم أجي اقضي يومين وارجع تاني دلوقتي مضطر أخدها معايا وكل الناس هتعرف انها مراتي تخيل دى تبق مراتي انا صهيب الخبيري اكبر رجال الأعمال في البلد غير لو قارنت بنها وبين أريام هتلاقى فرق شاسع أوي في كل حاجه كل ده محستش بيه غير دلوقتي مع اني اتقبلتها وفعلا حسيت بسعادة غريبة لكن اول ما قلت أخدها معايا فوقتني.
سکت اول ما المأمور دخل عليه.
المأمور: آسف يا جماعة اتأخرت عليكم، على العموم، انا بعتذر ليك يا صهيب بيه على اللي حصل واحب اطمنك ان النيابة أمرت بحبس ام مهران اربع ايام على زمة القضية.
صهيب و مهران عامل اية دلوقتي.
المأمور: عدى مرحلة الخطر لكن حالتة لسه صعبة.
صهيب: طبعاً كده نقدر نمشي ولا في حاجه تانيه.
المأمور: تقدروا تمشوا وياريت متكونش واخد موقف من اللي حصل انت عارف ان الفترة دي صعبة ومشاكل العزب الخمسة كتير اليومين دول.
صهيب مد أيده سلم على المأمور: ده شغلكم يا سيادة المأمور انا اللي بعتذر على عصبيتي.
خرج صهيب وقاسم ركبوا العربية.
قاسم: اسمع مني الكلمتين دول وبعدها مش هتكلم معاك في الموضوع ده ومش عايزك ترد عليا كل اللي طلبه منك تفكر في كلامي
اريام بنتي وحيدتي فرحتي بحبك ليها رغم حالتها متتوصفش، لكن فرحتي بجوازك ببنت عزيز المنسي أكبر من فرحتي بجوازك من من أريام فضلت ليلة امبارح اسال نفسي ليه ملقتش إجابة، فرحتك وانت خارج ليلة الدخلة ماسك المنديل بفرحة عريس اول يوم يجوز مش واحد اتجوز وكل ليلة مع أشكال وألوان فرحة من قلبك حتى لما شفتك النهاردة وهي خارجه جيبة القهوة وانك تقوم بدل المرة اتنين تقابلها عنيا كانت عليك وانت باصص ليها فيها لمعه غريبة مشفتهاش في عنيك مع بنتي امكن اكون ببالغ بس ده اللي حسيته، لكن بعد كلامك وترددك حاسيت انك عاوزها زوجة في الضل لما تحس انك محتاج ست تيجي تقضي معها وقت تريح نفسك فيه وحده ليك انت وبس كلها ملكك بدل ما تروح لوحده من اياهم يا عالم من قبلك لمسها، يعني جوازه حلال، وقدام الكل صهيب بيه راجل الأعمال اللي اجمل واشيك وارشق جميلات بيترموا تحت رجليه مش بنت فلاحة بسيطة جسمها مليان ولبسها عادى، واقلل من العادي انا خلصت كلامي فكر كويس في اللي قولته ونزلني هنا انا همشي لحد بيتي محتاج أفكر مع نفسي شوية
بس اخر حاجه قبل ما انزل بلاش بسبب حاجات تفهه ضيعت منك نخوتك ورجولتك باسم الموضة والمودرن ومظاهر خداعة نسيت ان اللبس مش هو اللي بيظهر حقيقة الناس، صهيب بلاش تغلط غلطتتي اللي لو الزمن يرجع بيا مش هعملها انا كل ليلة بندم على جوازي من جيداء وبندم أكثر اني متجوز تش بعدها، وبقيت عايش زي البيت الوقف لا ليا حبيب ولا ونيس، ولا أبن يشيل إسمى من بعدي، يلا سلام وياريت قبل ما تقرر انت عاوز ايه حط في بالك ان ربنا بعتلك هدية تنجدك من وحل وغشاوة على قلبك وعينك.
نزل قاسم قريب من بيته وساق صهيب بيفكر في كلامة لحد ما وصل المزرعة فضل قاعد شوية في العربية وبعدين نزا . دخل الاستراحة اول ما المزرعة فضل قاعد شوية في العربية وبعدين نزل دخل الاستراحة اول ما فتح الباب لقي غصن بتجري عليه بص لها ومنطقش بحرف بيسمع كلامها ليه وعقله بكلام عمة.
غصن: حمد الله على سلامتك قلقتني عليك.
صهیب هز راسه و سکت
غصن شكلك مرهق اجهزلك العشى مبتردش عليا ليه.
صهيب مسكها من اديها ودخل الاوضة قلع قميصة رمه على الارض وقعد غصن على السرير ونام راسه على رجليها ومسك اديها تلعب في شعرة من غير ما يتكلم غمض عينه بيفكر في كلام عمه يسأل نفسه هي ايه بالنسبالة وهل فعلا تنفع تبقي زوجته في العلن وكل معرفه وصفوة المجتمع يعرفوا بيها ولا تبقي زوجة بالضل لحاجته الشخصية من غير صفة ليها جنبة.
فضل باقي ساعات الليل على حالته دى لقرب الفجر حس بغصن بتحاول تبعد نفسها عنه وبترجع لورة وبتحط مخدة تحت راسة.
كلمها وهو مغمض عينه خليك زي ما انت رايحه فين.
غصن: قرآن الفجر قرا وانا مصلتش الشفع والوتر كنت ماخرة لبعد القيام والوقت عدى وانا قاعدة فقلت احط مخدة تحت رأسك والحق أصلي.
صهيب بنعاس شاور بایده وغمض عنيه وراح في النوم خرجت غصن توضأت ورجع الاوضة اخدت اسدال صلاة جدتها جبته مع اللبس و خرجت تصلي تدعي ربها مع كل ساجدة يارب ماليش غيرك رميه تكالي عليك ريح قلبي وبالي ان كان صهيب خيرليا قربني منه ونزل حبه في قلبي ونزل حبي في قلبة واهديه لصلاته ولإيمانه بيك، وان كان شر ابعده عني وابعدني عن سكته.
بعد ما خلصت راحت نامت على السرير جنبه سمعت صوته بيكلم وبينادي على حد قربت منه تهزه
صهيب قام مخضوض في ايه حصل.
غصن: مفيش حاجه بس بتنادي بصوت على حد خفت عليك.
صهيب كنت بقول ايه.
غصن بتكلم بصوت مخنوق بابا بابا ومش عارفه قلت ايه.
صهيب خلاص مش مهم دلوقتي جهزي نفسك وحاجتك هنزل القاهرة اول ما النهار يطلع.
غصن يعني هنروح فين مش ده بيتك.
صهيب انا تعبان عاوز انام بلاش كلام كتير قومي جهزي حاجتك اونامي بس مسمعش صوت.
غصن هزت راسه ومشيت خطوتين ورجعت وقفت جنب السرير وبصوت مكسور وهادي: هو انت لسه زعلان مني والله انا.
صهيب وهو مغمض عنيه هششش مش عاوز كلام
مشيت غصن وقلبها مكسور خرجت برة الاوضة قعدت على الكنبة لحد ما غفت قامت مخضوضة على صوت صهيب بيكلمها ويهز كتفها، وقفت مفزوعة.
بسم الله الرحمن الرحيم في ايه.
صهيب مجهزتيش ليه مش قايلك هنمشي.
غصن خفت اقلقك وانت نايم قلت لما تصحي من النوم هدخل بسرعة الم الحاجه.
صهيب يلا ادخلي بسرعه مفيش وقت.
مشيت غصن لحد الباب ووقفت اديرت الصهيب وبصوت متوتر رقيق وهي بتقرب منه : اجهزلك لقمة تشق ريقك بيها انت ما أكلتش حاجه من فطار الليلة اللي عدت، بدل السجاير دي اللي عمال تحرق فيها، خلصت كلامها وهي بتسحب السجارة من بين شفيفة.
صهيب بيبص ليها بذهول وهي بتاخد السجارة من بقة وقبل ما تطفيها مسك اديها : انت ازاي تتجرئي وتاخدي السجارة.
غصن بوجع من مسكت ايدها آه انا مش قصدي حاجه وحشه انا خايفة على صحتك.
صهيب : خايفة على صحتي ولا بتلعبي لعبة | وبتدعي الطيبة والاخلاق
اللي يشوفك ميشفش حركاتك وسهوكتك ضغط على اديها جامد اسمعني كويس اسلوب السهوكه والرسم ده مش عليا ومن هنا ورايح ممنوع تقربي من أي حاجة تخصني اكل ملكيش فيه اشرب سيجارة اشرب علبة ملكيش دعوة، انت زيك زي الكرسي ده مفهوم منين ما يجيلي مزاج هقربلك مجاليش زيك زيه مفهوم
بعد ايده عنها: يلا روحي شفي هتعملي ايه.
غصن دموعها نزله على وشها دخلت من غير ولا كلمة صهيب رمي نفسه على الكنبة وعينه عليها سامع صوت شهقاتها ودموعها اللي نزله مغرقة وشها، قام بعصبية دخل الحمام يغسل وشه رفع عنيه للمرايا بيكلم نفسه ... لما هي صعبانه عليك ليه جرحتها بالشكل ده ليه هنتها وطلعتها مش كويسه وانت عارف انها بتكلمك بصدق وعفوية، شفت ده في عنيها ليه تجرحها وانت عارف انها عاوزة تعتذر ليك عن كلامها معاك ؟ قفل الماية ودير وشه وقال... خفت علي نفسي منها فيها حاجه وو.....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق