مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية مهمة حب  ((سلسلة عشق الرجال الجزء الثاني من رحم للإيجار)) الفصل ارابع وعشرون والخامس وعشرون والسادس وعشرون والسابع وعشرون والثامن وعشرون  والتاسع وعشرون والثلاثون والواحد والثلاثون بقلم ريحانة الجنة 

رواية مهمة حب  ((سلسلة عشق الرجال الجزء الثاني من رحم للإيجار)) الفصل ارابع وعشرون والخامس وعشرون والسادس وعشرون والسابع وعشرون والثامن وعشرون  والتاسع وعشرون والثلاثون والواحد والثلاثون بقلم ريحانة الجنة 

#مهمة_____حب

#سلسلة_عشق الرجال الجزء الثاني من رحم للإيجار

#الحلقة الرابعة والعشرون والحلقة الخامسة والعشرون 

👇👇👇👇👇

فتون مصدومة مش مستوعبة اللي حصل واللي بتسمعه. مين اللي مغتصب حمزة؟؟!!! 

ازاي معقول الراجل الوحيد اللي ماكنتش بتحس بالامان غير معاه وفي نظرة عنيه. يبقي بالحقارة دي. مش ممكن كل ذكري وكل لحظة جمعتها بيه من اول مرة شافته عدت قصاد عنيها كان جواها اهاااات واسئلة كتييير . عقلها رافض ومش مصدق اللي عرفه.بس افتكرت حزنه وشكله لما صحيت تاني يوم الحادثة دي. كان زي مايكون مهموم ومتأنب. كمان ليه صمم ياخودها للدكتور صاحب عيلته. مش اي حد تاني. وبعدها ليه قرب منها بالشكل القوي ده. وبكت بحصرة ووجع. وافتكرت لما اقنعها ان صوتها حلو وانها تغني وساعدها واشتغلت معاه. واتجوزها كمان. سكوتها قلق حمزة بقي محتار مش عارف ده سببه ايه!! قرب منها بحزن وحط ايده علي كتفها. اتفزعت وبعدت عنه وغطت نفسها بخوف. حمزة استغرب من رد فعلها للدرجة دي بقت تخاف منه. 

حمزة بوجع: فتون ارجوكي افهميني. صدقيني ااانا بحبك واللي حصل ده كان غلطة ولحظة ضعف مني. ارجوكي سامحيني. 

فتون بدموع وجوح اسف واعتذار الكون مش ممكن يداوية: اسف! واسامحك؟ طيب علي ايه . علي كرامتي وشرفي اللي ضاعوا علي ايدك! علي كدبك وغشك ليه! انت عارف انت عملت ايه . انت صرقت فرحتي ضيعت شقي سنين كنت مستعدة اجوع واموت بس ماحدش يلمسني لمسة واحدة ولا ياخد مني حاجة غصب. وانت في لحظة شهوة ضيعت كل حاجة اخدت كل حاجة. كمان وانا غايبة ومش دريانة. 

وبكت بحرقة. حتي ماادتنيش فرصة اقاوم ولا ادافع عن نفسي. ماادتنيش فرصة اصرخ واستنجد بحد ينجدني منك . انا وثقت فيك وانت خنتيني. انت كنت الحامي والحرامي في نفس الوقت انت مخادع . 

حمزة جواه وجع الكون والم كبير وجرح مالوش اخر. بيمزق بين جرحها ومواجهتها بالحقيقة. وبين برائته وصورته اللي اتلوثت قصاد عنيها. غصب عنه دمع. 

حمزة: فتون ااانا عارف اني غلط بس انا صلحت الغلط ده . انتي خلاص بقيتي مراتي . 

فتون بإنكسار: مراتك ؟بعد ايه. بعد ماعملت عملتك . انت متخيل ان ده ثمن للي سرقته مني. وبكت اكتر واكتر. انت عامل زي اللي بيقتل روح وراح للقتيل وهو بينازغ وقاله سامحني . وراح لاهله يدفعلهم دية. اهو جوازك مني ده دية قتلك ليا. بس لاسف الدية مش هترجع اللي راح ولا تصحي روحي اللي اندبحت علي ايدك. 

انت زيك زي محسن ما فرقتش عنه . 

حمزة بصدمة: لا لا يافتون انا مش زيه بلاش تظلميني وتحطيني معاه في كفة واحدة. 

فتون بضحكة وجع: هههه. اظلمك؟ ايوة صح انت مش زي محسن لان محسن احسن منك. 

حمزة بزهول: انتي بتقولي ايه. فتون فوقي من اللي انتي فيه انا بحبك. محسن ده كلب كان طمعان فيكي. 

فتون بدموع وشراسة: بس هو كان واضح من اول يوم ونظراته وتصرفاتة بتلمحلي باللي عايزه .وبوجع. لكن انت مخادع . ضحكت عليا برجولتك المزعومة وبقلبك الطيب . كنت بتوهمني انك هتحميني وانت بتخطط علشان تدبحني. 

حمزة بغضب:ولما انا وحش كدة كنت اتجوزتك ليه الا علشان بحبك . 

فتون بهدوء وانكسار: علشان تريح ضميرك. واهو انت مش هتخسر حاجة بنت حلوة وهتقضي معاها بدل الليلة لايالي ولما تزهق اهي خدت تمن اللي انت اخدته. وتشوف غيرها. 

حمزة بحزن: ياااااه للدرجة دي بقيت بكل القبح والحقارة دي في نظرك. ليه ما تقوليش اني حبيتك ولما ضعفت انبت نفسي وجتلك علشان اصلح غلطتي واتجوزتك. 

فتون: والمفروض بقي اني اسكت واحمد ربنا علشان ابن الاكابر اتعطف عليا واتجوزني. لا ياحمزة. مش هيحصل وزي ماسرقت فرحة قلبي وضيعت عليا اجمل لحظات ممكن تعدي علي اي بنت. انا كمان ححرمك مني للابد. 

حمزة بلع ريقة بخوف: تتقصدي ايه؟! 

فتون بوجع: نتطلق. مش خلاص صلحت غلطتك واتجوزتني . وكمان دفعتلي التمن. وخلتني مطربة . خلاص كدة نبقي خالصين. وكل واحد يروح لحاله. 

حمزة بعصبية مسكها من دراعها وهزها بعنف: انتي بتقولي ايه. اكيد اتجننتي انا مستحيل اطلقك انتي بقيتي مراتي خلاص. واللي حصل حصل. واسمعي تزعلي براحتك تبعدي براحتك لكن طلاق ما بطلقش فاهمة. 

فتون بدموع: كنت مخبي عليا وشك التاني ده فين. للدرجة دي انت ممثل شاطر ولا انا اللي ساذجة وعبيطة وكنت عمية كمان . 

حمزة ملامحه لانت بحزن وفك قبضة ايده من دراعها وبحنان :انا ! انا يافتون ليا وش تاني. والله انا بحبك. ااانا بس اتعصبت لما سمعت كلمة طلاق وانك عايزة تبعدي عني. 

فتون : انت متأكد انك بتحبني. 

حمزة : طبعااا. بحبك اوي كمان 

فتون بإستعطاف: يبقي تحقق طلبي وتطلقني. اظن لو باقي جواك رجولة ماتقبلش علي نفسك تعيش مع واحدة مش عايزاك. 

حمزة بعد عنها بتعب : انتي مصممة ؟

فتون بدموع: ايوة. 

حمزة: وقلبك. وحبك ليا هتعملي فيهم ايه . 

فتون ضربت قلبها بقوة: قلبي الخاين اللي لسة بيحبك هموته بإيدي واكتم صوته. وحبك انا بوعدك اني احوله لكره علشان اشفي غليلي منك. 

حمزة غمض عنيه بمرار: وليه ماتسامحيش ونكمل سوا. من غير بعد . واوعدك اللي تطلبيه هعمله بس بلاش البعد ارجوكي . 

فتون بسخرية :هي بالسهولة دي انسي واسامح علي اللي عملته. وبكت بحرقة. انت استهترت بيا بنت فقيرة ومالهاش اهل تاخد حقها اب ميت وام مريضة واخت ضعيفة. وهي اخرها ايه. هتفرح لما اتحوزها . هتبقي زي الكلب اللي بعد ماتاكل وتشبع ترميله عضمة يفرح ويتلهي بيها. بس لا يا حمزة لو انت فعلا بتحبني انا لازم اوجعك زي ماوجعتني لازم اردلك القلم اللي ادتهولي. 

حمزة بحزن: خلاص هعملك اللي يرضيكي. بس ممكن نأجلها شوية انت شايفة ان ظروف والدتك تستحمل خبر زي ده. ممكن تتحمل انها تشوفك بتطلقي بعد كام يوم من جوازك. تفتكري انها لو جرالها حاجة مش هتحملي نفسك الذنب. وتعيشي بيه. 

فتون خبت وشها وبكت اكتر بإنكسار. حمزة قرب منها بحنية وملس علي شعرها. 

حمزة: فتون تعالي نصبر شوية يمكن قلبك يحن ويسامح وتغفريلي الذلة دي. 

فتون بصتله بجرح وحسرة : انت مش عارف انت عملت فيا ايه . انا الاول لما كنت بتوجع وتضيق بيا الدنيا بترمي في حضنك. اللي كنت فاكراه الامان والحماية. دلوقتي اروح فين؟مابقليش. 

ليا مكان اروح فيه. بقيت وحيدة وضايعة حتي في وجودك. 

حمزة بحنين : ولسة حضني موجود ومفتوح ليكي تعالي في حضني وانا اقسملك انسي واعوضك عن كل اللي عملته زعلك وجرحك . تعالي نبدأ من جديد. 

فتون بسخرية: حضنك ده خلاص اتحرم عليا. مش ممكن ارجعله ابدااا مهما كان . وانا فعلا هبدأ من جديد بس لوحدي من غيرك .. 

وقامت لبست روبها واخدت مخدة حمزة وقفها. 

حمزة: رايحة فين . 

فتون : هنام برا علي الكنبة . انا مستحيل يجمعني بيك سرير واحد بعد النهاردة. 

حمزة اتنهد: لا خاليكي انتي 

انا هخرج انام برا وانتي خاليكي هنا. 

خرج حمزة وقعد بحيرة بيتمزق بين وجعها ودموعها وبين جرحه ووجع قلبه . فضل يفكر وهو مستغرب ليه الدنيا جاية عليها وعليه بالشكل ده . ليه جرحاهم بالقوي كدة. ليه ضيعت فرحتهم وسرقت ضحكتهم. 

فتون قعدت وضمت رجلها وبكت بحرقة . مش مصدقة ان هي دي ليلة عمرها اللي استنتها كتيير من يوم ما شافته. هي دي الليلة اللي حلمت بيها معقول تبقي بالشكل ده. معقول الليلة اللي بتفرح بيها كل بنت هي تنجرح فيها جرح عمرها . وعلي ايد مين حمزة؟!!! حمزة اللي كان الدفي والحضن والامان. حمزة اللي كانت بتتمني نظرة من عنيه تديها امل في بكرة. حمزة اللي كان مجرد ما تتنفس ريحته في مكان تحس بالامان والراحة. وبكت بحرقة ووجع وهي بتضغط بضوافرها في جسمها بغيظ وحرقة

حمزة سمع صوت عياتها وشهقات وجعها ماتحملش ولا قدر يمنع حاله. ودخلها لقاها دافنه وشها وضامة نفسها وضوافرها معلمة في جسمها وبتنزف قلبه اتوجع اكتر واكتر قعد جنبها وحاول يحضنها. زقته بعنف وصرخت . 

فتون بهيستيرية : ابعد عنيييي. اببببعد مش عايزة اشوفك . مش عايزة اشم ريحتك. مش عايزة ابص في عنيييك. اااابعد بقي حرام عليك. امشي مش عايزة يجمعني بيك مكان واحد . 

حمزة غصب عنه دموعه نزلت. لبس بسرعة ونزل وسابها فضل يتمشي في الشوارع. بضياع وحزن. ولما تعب قعد بإرهاق وهو قلبه مهموم وصدره مخنوق. طلع فونه وكلم أكمل. 

أكمل لما شاف اسمه حاس انه فيه حاجة رد بلهفة: حبيب ابوك. طمني عامل ايه . 

حمزة بتعب: كويس الحمد لله. 

أكمل قلبه دق بترقب: مالك ياحمزة فيك ايه. فتون عاملة ايه. 

حمزة بحزن غمض عنيه واتنهد: اااااه فتون . فتون بتضيع قصاد عيني يا بابا. 

أكمل بحزن: هي عرفت اللي محسن عمله. 

حمزة:مش بالظبط. 

أكمل بحيرة: مش فاهم عرفت ولا لا. 

حمزة: عرفت اللي حصلها بس ااابس ماقولتلهاش ان محسن اللي عمل كدة. 

أكمل بصدمة وترقب: اومال قولتلها مين. اياك تكون عملت اللي في بالي. 

حمزة اتنهد: ايوة قولتلها ان انا اللي اغتصبتها. 

أكمل خبط الحيطة بإيده بقوة وعصبية: غبي .. غبي. ازاي تعمل كدة ضيعت حبكم بإيدك. ضيعت فتون منك للابد. 

حمزة بهدوء: عمر الحب ماكان ضعف .الحب تضحية. وانا لو مش هضحي علشان حبيبة عمري والوحيدة اللي قلبي عشقها هضحي علشان مين. هو انت كنت متخيل اني بسهولة كدة اقولها الحقيقة. دي دلوقتي بتموت ومنهارة. تخيل لو كنت قولتلها انها اتغدر بيها علي ايد راجل تاني لمسها وعمل فيها كدة. انا اتحمل اي حاجة ولا اني اشوفها مكسورة وعنيها مش قادرةتحطها في عنيا. انا هدواي جرحي وجرحها. 

اكمل افتكر ان هو كمان في يوم من الايام اتوجع هو وتسنيم سنييين بسبب الحب. 

اكمل اتنهد : عندك حق الحب تضحية مش غباء. طيب هي عاملة ايه دلوقتي . 

حمزة : هتكون ايه. طبعااا منهارة وعايزة تطلق. بس انا مستحيل اطلقها . 

أكمل بقوة: اياك تسيبها. مادمت اخدت الطريق يبقي تكمله للنهاية. لازم ترجعها ليك تاني وتثق فيك. وياك تيأس فاهم. خاليك راجل وماتستسلمش. 

حمزة ابتسم بحزن: انا ابن اكمل عدو الاستسلام. اللي فضل صابر علي حبيبته سنيين لحد مارجعها لحضنه.وانا هعمل زيك. ومش هسيب فتون الا لما ترجع لحضني . 

أكمل: لما ترجعوا كل شئ هيتصلح. خالي بالك منها ومن نفسك. 

حمزة: ان شاء الله سلملي علي ماما وچني. 

حمزة قفل وفضل يفكر بحيرة هعمل معاها ايه. وازي يهون عليها اللي هي فيه

..................................... 

في مرسي علم چنا قاعدة علي البحر حزينة . خصوصا ان مروان لسة مارجعش. ولسة قاعد مع ريما في القاهرة. 

بتبكي وتفكر في حالها واللي وصلتله . هي كانت تتخيل انها تكون حبيبة في السر. وتاخد راجل من مراته وبيته . هي عمرها ماكانت خاينة ولا اخدت حاجة مش من حقها. وبكت بخزي. بس هي حبت ذنبها انها حبت وقلبها دق لمروان بالذات. وافتكرت يوم فرح حمزة حزنها ووجعها وهي شايفاه مع ريما مراته واقف في النور قصاد الناس. وهي لما بيكونوا مع بعض بيبعدوا علي قد مايقدروا علشان ماحدش يشوفهم. هي عارفة انه بيحبها بس ليه لما شافتهم مع بعض. حاست ان الحب ده مش من حقهم. ليه حاست انها بتسرقه منها. وفضلت تبكي . قصاد البحر اللي ياما شال هموم ووجع وجرح وذنوب نااس. 

وبكت بحرقة. 

اتوجعت علشان عمرها ما كانت خاينة . وليه يكون ده نصيبها . 

وبحسرة حطت ايديها علي قلبها. 

مروان وصل ولما مالقهاش في اوضتها راحلها علي البحر في مكانهم. وقعد جنبها. وبحنان . 

مروان: بتفكري فيا. ايه اللي بتسمعيه ده المزيكا دي شكلها حزينة. ولف وشها ليه لقي عيونها كلها دموع. بلهفة. مالك حبيبتي بتبكي ليه. مالك. 

چنا رمت نفسها في حضنه وبكت: والله انا مش خاينة . ااانا مش وحشة. ااانا عمري ماكنت عايزة اهدم حياتك ااانا حبيتك والله حبيتك . قلبى هو اللي عمل فيا كدة قلبي خدوه وحاسبوه انا ماليش ذنب. 

مروان بحزن ضمها بحنية: لا ذنبي ولاذنبك. ده قدر وانفرض علينا احنا الثلاثة.بس ارجوكي لو بتحبيني بطلي بكي. 

چنا: خرجت من حضنه ومسحت دموعها: مروان احنا لازم نبعد لازم ترجع لريما. وانا اخرج من حياتك. 

مروان بحزن اتنهد:خلاص فات اوان الكلام ده. انا النهاردة اديت لريما اخر الخيط . كنت مستعد اضحي بيكي وبوجع قلبي وقلبك. بس هي قطعته بكل تصميم. چنا احنا الظاهر قدرنا نكمل. انسي انك تبعدي عني. ريما حاليا بتدورلي علي عروسة علشان اخلف منها . 

چنا قامت بحزن: حتي لو ده هيحصل. بلاش انا اانا لازم ابعد . اانا تعبانة مش قادرة اتحمل. 

مروان شايفها تعبانة ومرهقة : چنا مالك انتي تعبانة. 

چنا بدوخة وعدم اتزان: ااانا هطلع اوضتي . بس وقعت بين ايديه. 

مروان بلهفة: چنا.. چنا مالك فيكي ايه. شالها بسرعة وطلعها اوضتها. 

......................................

حمزة رجع بعد وقت طويل تخيل انها نامت من العياط والحزن بس قلبه مش مرتاح دخل يطمن عليها بس انصدم لما لقاها غرقانة دم وايديها بتنزف ولقي سكينة جنبها حاولت تموت نفسها. 

حمزة بدموع ضمها وهو منهاار: فتون ..فتون ليه عملتي كدة بس. ليه انا بحبك والله بحبك. ليييه.

#يتبع...بعد👇👇👇

#اضافة_ومتابعة_لصفحتى_الشخصية_علشان_نكمل_الرواية

#مهمة____حب

#سلسلة_عشق_الرجال الجزء الثاني من رحم للإيجار

#الحلقة_الخامسة_والعشرون

في فلورنسا شهاب وتمارا في اوضتهم وتمارا بتجهز علشان تروح لمهدي. شهاب جواه قلق وخوف عليها مش عادي . عارف ان مهدي مش سهل وانها اول مهمة ليها وغصب عنها ممكن تفشل.  

شهاب : جاهزة؟

تمارا بقلق وخوف طبيعي لموقفها : جاهزة. ان شاء الله. 

شهاب اتنهد وطلع من شنطته سلاح بس مش سلاح عادي . وقرب من دراع تمارا: مش هتاخد كتيير هتتألمي بسيط اسف. 

تمارا بتسؤل: ايه ده؟! 

شهاب: دي شريحة هحطها في دراعك ماحدش ضامن الظروف. لو حصل اي غدر من مهدي. الشريحة دي هتحددلي مكانك فين وانا هتتبعك. 

تمارا هزت راسها وغمضت عنيها . وشهاب ثبت السلاح علي دراعها وضغط وخرجت الشريحة زي الطلقة الصغيرة واستقرت في دراعها وظهر علي شاشة السلاح.  انها في مكانها بنجاح . شهاب شاله وقرب من دراعها وباسه مكان الطلقة. وبأسف. 

شهاب: اسف وجعتك ! 

تمارا ابتسمت : تؤتؤ حتي لو وجعتني . بعد اللي عملته ده . خلاص خفت . 

شهاب ابتسم وباسها من جبينها: انا هكون معاكي خطوة بخطوة. فاهمة وتنفذي اللي قولتلك عليه . اللحظة الحاسمة الليلة . لازم نخرج من البيت ده النهاردة ومعانا الميكروفيلم ومهدي واضح. 

تمارا اتنهدت : قول يارب. 

شهاب : يالا انا هجهز وفي الوقت المناسب. هحصلك  من البلكونة عند اوضته. 

خرجت تمارا وهي بتدعي ربنا يعديها علي خير وماتفشلش. وشهاب جواه غيرة وخوف من وجودها معاه لوحدهم.  

وصلت تمارا عند اوضة مهدي وخبطت. مهدي فتحلها وهو مبتسم. ابتسمت بتوتر ودخلت. ومهدي بص علي اوضة شهاب وابتسم بخبث حقير ودخل وقفل الباب. ولف لتمارا وحط ايده علي كتفها يقربها ليه . تمارا انتفضت  وبعدت عنه بسرعة وبغضب. 

تمارا: احنا اتفقنا علي ايه. مش قولتلك مش هتلمسني . 

مهدي رفع ايده بإستسلام : خلاص اهدي براحة مالك. انا بس عايز افك جو التوتر ده. وناخد علي بعض. 

تمارا بشراسة: لما انا احدد ده تبقي تعمله قبل كدة. لو قربت مني مش هيعجبك تصرفي. 

مهدي بصلها بتمعن: مش عارف ليه شراستك دي مش بتقول انك بتشتغلي في العلاقات العامة. اللي بتشتغل شغلتك دي. بتكون عندها ليونة ومرونة وبتعرف ازاي تكون دبلوماسية. لكن انتي .. 

تمارا قلبها بيدق بقوة وبتردد: ااانا ايه! 

مهدي قرب منها وبص في عنيها بقوة : انتي اكنك محاربة قوية وشرسة. حتي لياقتك البدنية عاليا انا اخدت بالي منك لما كنتي بترقصي مع جاسر كمان وانتي بتعومي حتي في حركاتك كلها خفة وسرعة . انتي زي ماتكوني متدربة علي ايد متخصص في العمليات الخاصة. 

تمارا وشهاب بيسمعوا كلامه وجواهم خوف. هو فعلا كشفهم ولا ده مجرد شك. كمان لو كشفهم ليه ماقلهاش بصراحة. 

تمارا لفتله وابتسمت بإثارة: عندك حق. انا بطبعي متمردة وبحب اكون قوية . وكمان اخد وادي بمزاجي وعن قناعة. مش غصب عني ولا بلوي الدراع. ولعلمك انا ممكن اديك كل اللي بتتمناه واكتر. بس علي هوايا ولما احس اني مستعدة . مش لمجرد انك عايزني وبس. 

مهدي قرب منها وهو بيصارع شهوة قوية بتحارب علشان تمتلكها في اللحظة دي. 

مهدي بيحقق في منحنياتها بوقاحة: وانا اكتر حاجة شدتني ليكي تمرك وشراستك وقوتك دي. زهقت من البنات والستات اللي حاوليا. اللي خاضعين ليا ولأوامري. وقت ما اطلبهم يكونوا تحت رجلي. لكن انتي انتي هتكون متعتي اني احصل عليكي وانتي بتعافري وتقاومي. احساس رائع وممتع لاقصي حد. 

تمارا شافت في عنيه الغدر رجعت خطوتين لورا مد ايده يمسكها ويقربها . كانت اسرع منها ولفت دراعه ولوته ورا ظهره وهي وراه وبتضغط بقوة وهي بتحزره. 

تمارا: مش قولتلك بمزاجي انت ايه مابتفهمش. 

مهدي ابتسم بمكر: تؤتؤ. مابفهمش. وعايزك تخرجي اقصي ماعندك من مقاومة وشراسة. صدقيني هكون مبسوط. 

ولف بسرعه واخد دراعها هي ولواه ورا ظهرها وعكس وضعهم بقي هو اللي مكتفها وواقف وراها. وضحك. 

مهدي: ههههههه. ايه رئيك لسة عايزة تكملي ولا هتستسلمي. 

تمارا بعناد : مستحيل استسلم وهتشوف . 

ولفت بسرعة ومهارة وهي بتكتفه من رقبته وخنقته وضغطت من وراه. 

تمارا بقوة: تحب نكمل ولا تستسلم. 

مهدي ابتسم ومد ايده ولفها وراه ظهرها وقلبها بسرعة علي السرير وهو فوقها وكتف ايديها. وهو بياخد نفسه. 

مهدي: بلاش تتحديني علشان هتتعبي. انا اتغلبت علي رجالة عصباات مش هقدر عليكي. 

تمارا بتعافر عايزة تتخلص من وجوده فوقيها بالشكل ده وايده اللي مكتفاها . 

تمارا بعصبية: اابعد عني وسيب ايدي . بقولك. 

مهدي بتصميهم: تؤتؤ. طلعي كل اللي عندك. وريني مواهبك.انا عايز اعيش احلي لحظاتي معاكي . 

تمارا بتحاول تتخلص منه بس هو متحكم فيها بتملك ومش عارفة تبعده . قاومت علي قد ماقدرت. وزقته بقوة. وقامت شهاب كان سامع كل اللي حصل وهو تقرببا بقي كورة نار وغضب بتتحرك. قرب من بلكونة اوضته وشاف تمارا لما زقته وبعدت. 

تمارا بتاخد نفسها: اانت مخادع ده ماكنش اتفاقنا. 

مهدي ضحك بسخرية: اتفقنا! انتي محسساني انها اتفاقية دولية. ده انتي كنتي بتتفقي معايا تخوني جوزك معايا. وزعلانة اني خلفت اتفقنا. انتي اكيد يا غبية يا بتتغابي . 

وبقوة وحزم:انتي مش هتخرجي الليلة من اوضتي الا بعد ماتكوني في سريري. واعمل كل اللي انا عايزه وانتي هتنفذي. بمزاجك غصب عنك. مش هتفرق. وان كنت زي ماقولتلك. هبقي مستمتع وانتي بتقاومي. 

وقرب منها بجرأة وشراسة بس قبل ما يمسكها كان شهاب وراه . شده وضربه بقوة وغضب. مهدي لفله بغيظ. وعنيه كلها شر. 

مهدي: ده انتم متفقين بقي. انت ايه مشغلها ولا ايه . 

شهاب بصله بكره وشد السلسلة اللي رقبته اللي فيها الميكروفيلم: بالظبط متفقين نرجعك راكع يا كلب. 

مهدي بغضب : انتم مين؟ انتم من الجهاز صح . 

شهاب بسخرية: كويس ان ذكائك لسة بيسعفك. 

مهدي ابتسم بغرور: اوعي تفتكر انك هتقدر تخطي خطوة واحدة برا بوابات القصر ده وانت معاك الميكروفيلم وبص لتمارا. والموزة دي. تبقي واهم. 

شهاب بثقة: لا هقدر وهخرج ومش بيها وبالميكروفيلم. لا وكمان انت معاهم. 

مهدي ضحك بقوة:ههههههههههه. انت ظريف اوي يا جاسر.

الا صحيح انت اسمك الحقيقي ايه . 

شهاب: مش هتفرق كتيير. يكفي اني اقولك اني الثعلب. 

مهدي ملامحه غضبت وعقد حاجبه: انت الثعلب. انت اللي قبضت علي لوسيان! 

شهاب ابتسم: شوفت بقي اهو لوسيان كان اخطر منك واقوي منك. وجبته تحت رجلي زي الكلب وانت هتحصله . 

مهدي بص علي جهاز الانذار وبسرعة حاول يضغط عليه. شهاب لحقه وضربه بقوة ومهدي كمان ضرب شهاب بغضب وغل. تمارا طلعت قلم الروچ اللي فيه الابرة المخدرة. وحاولت تضربها في رقبة مهدي وفعلا قدرت بس هو زقها بسرعة وما اخدش كل كمية المخدر. بس الكمية اللي وصلت لجسمه كانت كفاية تخليه يفقد وعيه . 

شهاب بياخد نفسه : بسرعة كتفيه معايا لازم نشوف طريقه نخرج بيها من هنا وهو معانا. 

بس في اللحظة اللي هما بيكتفوا فيها مهدي دخل ريو المساعد بتاعه. واتضح ان حجاز الانظار حساس بيشتغل بحرارة الجسم. مجرد ماقرب مهدي منه وشهاب وراه ضرب عند ريو وهو طلع بسرعة. ولما دخل شافهم بيكتفوا مهدي. 

ريو بغضب: انتم بتعملوا ايه. 

شهاب وتمارا بصوا لبعض وبقوا في ازمة الخروج منها صعب وشبه مستحيل. 

......................................

في باريس في المستشفي . 

فتون نايمة في السرير وحمزة قاعد جنبها وماسك ايديها بحنان وباسها وهو حزين وبعتاب ولوم. 

حمزة : كدة يا فتون عايزة تموتي نفسك . ليه بس حرام عليكي . ليه تعملي فيا وفي نفسك كدة بس ليييه. 

فتون مش بتبصله وباصة الناحية التانية وبتبكي: علشان تعيش بذنبي حية وميته. بس للاسف لسة ليا عمر. مع اني خلاص. كرهت الدنيا واللي فيها. هعيش ازاي ولمين. خلاص مابقاش عندي ثقة في حد. بعد صدمتي فيك خلاص الناس اتساوت في عنيا. لما انت طلعت كدة اومال غيرك هيبقي ايه . 

حمزة غمض عنيه بألم: انا عارف انك مجروحة مني ومصدومة كمان. بس ده ربنا بيغفر ويسامح. انتي ليه مش عايزة تسامحي. ارجوكي بلاش تعذبي نفسك وتعذبيني. 

فتون بدموع: وانا مش إلاه. انا بشر مش عارفة استوعب ولا قادرة اسامح. 

حمزة : طيب انا هحققلك كل اللي يريحك. بس ارجوكي بلاش تأذي نفسك تاني ابعدي لو البعد هيريحك. اجرحيني اوجعيني بأي شئ الا انك تكوني في الحالة دي. ده صعب عليا اوي اوي يا فتون.وعنيه دمعت.  

فتون بصتله بحزن وحنين. مجروحة منه لكن بتحبه. مصدومة فيه بس قلبها بيعزره. لكن عقلها حكم علي اللي حصل بعقل مش بعاطفة. عايزة تسامح بس موجوعة . قلبها بينزف ومجروح صعب جرحه يلم بالسهولة والسرعة دي. 

حمزة شاف في عنيها نظرة حب ابتسم: انتي محتاجة تنامي وترتاحي نامي وانا جنبك  ومش هسيبك. وياستي اعتبريني دكتور غلس ورخم وضطرة تتحمليه . واسمحيلي بس افضل هنا معاكي لحد ماتخرجي. 

فتون بصتله بإستغراب. هو ازاي كدة. ازاي بالحنية والحب ده. وفي نفس الوقت بالغدر ده. واقتنعت فعلا انه وقتها ضعف غصب عنه. بس هي كمان انجرحت ومش بالسرعة دي تنسي الصدمة اللي اخدتها. اتنهدت وسكتت وغمضت عنيها ومن التعب والعياط وكمان الادوية اللي اخدتها علشان الجرح اللي في ايديها. نامت بهدوووء لكن ملامحها كانت متعصبة وعاقدة حاجبها. حمزة قرب منها بحنان وهو بيتألم علشانها نفسه ينسيها اللي حصل وترجع الضحكة لعنيها وملامحها من تاني. مد ايده بنعومة وملس علي خدها وبدأ يفك عصبية ملامحها برقة وهدوء. وهي كمان مهما ظهرت ليه الغضب والكره. لكن جوارحها مش مطوعاها جسمها كان خايف وقلقان وحتي وهي نايمة بينده ليه بيتمني لمسته واحتوائه وحنانه وحبه وامانه. بدأت ملامحها تهدي ولين وتنام بإسترخاء. قرب منها وقعد جنبها علي السرير وبصلها بحب وملس علي شعرها بحنية وعلي ايديها بنعومة واتنهد. وهو بيتمني يعدوا الازمة دي. في اسرع وقت وترجع تاني ترمي نفسها في حضنه. حاول يقوم ويبعد بس مش قادر نام جنبها وضمها لحضنه بهدوء ورقة مش غريبة عليه . لقاها بتلف ايديها حاوليه وتحضنه وهي نايمة ودفنت راسها في صدره بإرتياح ونفسها انتظم وناااامت  حمزة ابتسم وغمض عنيه بأمل في بكرة اجمل ونام هو كمان من تعبه  وهو ضامم لحضنه اجمل وارق حبيبة حبيبته فتون. 

......................................

في قصر رعد الحديدي

 فادي قاعد مع حلا في أوضتهم.  وبيأكلها بإيده . 

حلا بزهق: حبيبي كفاية بجد شبعت. 

فادي بجدية: بطلي دلع وكلي انتي محتاجة تهتمي بصحتك. وكمان الاستاذ اللي جاي ده عايزة راجل كدة صحته حلوة مش خرع وصحته علي قده. 

حلا:هههههههه. انت خلاص خليته ولد. مش يمكن تبقي بنت. 

فادي ابتسم : حتي لو بنت عايزها تطلع متغذية كدة وحلوة ومقلوظة زي امها. علشان ياعالم اللي هيقع علي بوزه وتبقي من نصيبه هتعمل فيه ايه . 

حلا ضحكت: ههههههههه. حلوة مقلوظة دي. هو انا مقلوظة! 

فادي غمزها: ان جيتي لاحق انتي قلوظتي واحلويتي من بعد ما بعتي عني. يظهر اني كنت السبب في الجفاف اللي كان عندك ده.  اهو البعد جه مصلحة .  

حلا ضربته في كتفه بغضب: انا كان عندي جفاف اخس عليك ده انا طول عمري جميلة. 

فادي قرب منها وضمها ليه وابتسم: هو انتي فعلا طول عمرك جميلة. بس مش عارف ليه لما بعدتي عني احلويتي في عيني كدة وبقيتي تجنني. وخصوصا بعد حملك. وشك نور وملامحك بتشع جمال وانوثة . يظهر انها بنت وهرمونات الانوثة عليت عندك وانا هتسوح معاكي. 

حلا : هههههههههه. لا ياروحي انت مايتخفش عليك. انت قدها وقدود. 

الباب خبط . 

فادي : نعم. 

ياسو ومليكة : ممكن ندخل يا بابي بعد اذنك. 

فادي : تعالوا حبايبي. 

دخلوا الولاد وياسو راح جنب حلا ومليكة جنب فادي. ياسو حضن حلا . 

ياسو: عاملة ايه يا مامي كويسة دلوقتي! 

حلا ابتسمت:بخير ياقلب مامي ماتقلقش البيبي بيدلع شوية. زيكم لما كنتم في بطني. 

ماليكة حاضنة فادي: بابي هو البيبي ده . بنت ولا ولد؟

فادي بص لحلا وابتسم: ههههههه. والله يا برنسيس احنا لسة مش عارفين وكنا حالا بنتكلم في الموضوع ده انا ومامي. بس الراجح كدة انها بنوتة جميلة زيك. 

ماليكة بغضب طفولي:بس انا مش عايزة بنت عايزة ولد. 

حلا وفادي استغربوا. دايما الطفل بيميل لنفس نوعه نوع من الالفة.. 

ياسو بعتاب: ليه بقي. بالعكس انا نفسي تكون بنت علشان اعلمها كل حاجة واحميكم. 

انتم الاتنين. انا مش عايز ولاد تاني. 

فادي استغرب اكتر وعقد حاجبه : انا بس عايز اعرف انتم ليه كل واحد عايز نوع مختلف المفروض ياسو يبقي عايز ولد وماليكة تبقي عايزة بنت ليه النفور من نوعكم كدة! 

ماليكة حضنت فادي وباسته من خاده وببرائة الاطفال: انا مش عايزة بنت علشان ما تنشغلش بيها عني وتحبها اكتر مني وتدلعها كمان. انا اصلا لسة مالحقتش اشبع منك انت ماكنتش بتقعد معانا خالص ولا بنشوفك. وكمان ماكنتش بهزر معانا ولا بنخرج ونسافر. وابتسمت. لكن دلوقتي انا بقيت بحبك اوي اوي علشان فضلت معانا كتيير في الجونة وكمان لما رجعنا بتخرجنا وبتقعد تلعب معانا كمان . مش عايزة بقي تيجي بنت تاخدك مني. 

فادي كان بيسمعها وقلبه بيوجعه. ياااااه للدرجة دي الطفلة دي كانت شايلة كتيير في قلبها وحاسة ببعده وجفاؤه . وبص لحلا بإعتذار . اومال حلا بقي استحملت ايه دي فعلا جوهرة علشان اتحملت اهمالي ليها وجرحها . فادي ابتسم وحضن ماليكة بحنان وباسها وهو بيلعب في شعرها بحنية اب حاسس انه بيتعرف علي اولاده لاول مرة. 

فادي ابتسم: ماتخافيش يا برنسيس ماليكة. انتي هتفضلي زي ما انتي حبيبة بابي وحتي لو جات بنت مش ممكن تاخدني منك . واوعدك هفضل ادلعك وافسحك انتي وياسو ومامي لحد ما اموت مش هغيب عنكم تاني. 

حلا ابتسمت بحنان : ربنا يخليك لينا حبيبي. احنا كان ناقصنا كتيير اوي في بعدك عننا. 

فادي بص لياسو: وانت ليه مش عايز ولد وعايز بنت! 

ياسو : علشان الولاد اشقيي جداا ومش بيسمعوا الكلام. وانا عايز بنت علشان مامي ترتاح ومش تتعب. وبص لحلا بحب . علشان انا دلوقتي مسبوط لان مامي دايما بتضحك وسعيدة لكن الاول كانت علي طول زعلانة وبتعيط. لما حضرتك كنت بتزعلها وتضايقها. فكفاية بقي خاليها ترتاح تيجي بنت علشان ماتتعبش مامي. 

حلا دمعت وضمت ياسو: حبيبي للدرجة دي بتحب مامي. 

ياسو : اوي اوي يا مامي. كمان بحب جدو رعد وناناه همس. علشان هما وعدونا انكم مش هتطلقوا وتفضلوا مع بعض. وفعلا وفوا بوعدهم 

انا مبسوط اوي انكم مش بقيتوا تزعقوا ولا تزعلوا من بعض . 

فادي بغصة قوية غمض عنيه بألم

للدرجة دي ماكنش واخد باله من تصرفاته. للدرجة دي كان مستهون ببيته ومراته وولاده. للدرجة دي كان مقصر معاهم. واولاده كانه علي وشك يضيعوا او يتعقدوا. اتنهد بتأنيب. 

فادي: خلاص ياسو مافيش زعل ولا عياط. مامي مش هتحزن تاني علشان بابي مش هيسمحلها بده. 

ياسو حضن فادي: انا بحبك يا بابي انت بقيت هادي ومش بتزعق. ياريت تفضل كدة. ارجوك. 

فادي ضمه بقوة : حاضر يا حبيبي اوعدك مش هرجع تاني واللي فات ده تنساه خالص. احنا بندأ حياة جديدة وجايلنا بيبي جديد ولد بنت اللي ربنا يبعته احنا راضين بيه وهنحبوا كمان. يالا بقي نروح اوضتنا علشان مامي ترتاح. 

ياسو وماليكة: حاضر يا بابي تصبح علي خير. 

فادي وحلا: وانتم من اهل الخير حبايبي. 

خرج الولاد وفادي بص لحلا باسف : اسف يا حلا انا بجد كنت هضيع من ايدي كنز كبيير بعنادي انتي والولاد كنز مش ممكن اعوضه. 

حلا ابتسمت: حبيبي ما تتأسفش. خلاص اللي فات مات المهم دلوقتي ان انت معانا . 

فادي بخبث: احممم. بقول ايه. 

حلا ابتسمت بمكر هي عارفة هيقول ايه: قول! 

فادي قرب منها اكتر : ما تيجي اعتذرلك بضمير. 

حلا : ههههههههه. لا انا خلاص قبلت اعتذارك. 

فادي غمزها: طاوعيني هتندمي. ده اعتذار متوصي عليه. 

حلا:هههههههههه. تؤتؤ. مسامحاك.  

فادي ضمها لحضنه وابتسم: تمام بلااها اعتذار وخاليها اثبات . اثبتيلي انك سامحتيني . 

حلا: هههههههه. لا انا تعبانة ومافيش حيل اثبت. ما انت لسة ثابت وبالبرهان كمان امبارح. هو كل يوم هو ايه مقرر هندسة. 

فادي بعتاب: كدة وهان عليكي ترفضي. الله يرحم كنتي بتقعدي تلفي حاولين نفسك زي النحلة بتاكلي في روحك كدة علشان اعبرك. دلوقتي بتتأمري.صحيح ان كيدهن عظيم . 

حلا ضحكت: هههههههه. انتي اتقمصتي يا قلبي لا خلاص ماتزعليش تعالي اصالحك. 

فادي بسخرية: لا شكرااا. هو انا تحت امرك. لا معلش انا مهما كان فادي يا حلوة. مش انا اللي اترفض. 

حلا قربت منه بإثارة ودلع وباسته من خده برقة: كدة وتهون عليك حلا حياتك تنام زعلانة. 

فادي بصلها بحب : وبعدين بقي هو انتي هتتعبيني ليه. شوية لا وشوية دلع . انا كدة هنهار منك. 

حلا حاوطة رقبته وابتسمت: بحبك. 

فادي اتنهد بإشتياق: اااااه منك بقيتي خبرة وشقية ومش هعرف امش عليكي عقاب. بممموت فيكي ياحلا. 

حلا غمزته: طيب ايه مش عايز تتأكد اني سامحتك. 

فادي:الا عايز انا تحت امرك. اكدي براحتك. بس براحة عليا انتي اصلك بقيتي حكاية في الاثبتات. بقيتي مقنعة اوي يا حياتي. 

حلا : هههههههههههه

فادي بشقاوة : يا سيدي اقنعيني كمان ماترحمنيش  انا عايز اتوب. 

......................................

في مرسي علم . 

مروان قاعد مع چنا في اوضتها بعد مافاقت. 

مروان: سلامتك يا حبيبتي انتي ايه اللي حصلك. انتي مابتكليش ولا ايه . 

چنا بحزن: مابقاش ليا نفس لاي حاجة. ياريت اموت وارتاح. 

مروان قام وقعد جنبها وبلوم: اياكي تقولي كدة تاني حبيلتي ليه بتحملي نفسك فوق طاقتك. اللي حصلنا ده قدر. طريق مكتوب علينا نمشيه للنهاية. 

چنا بدموع: تفتكر ريما لما تعرف اننا بنحب بعض ممكن تعمل ايه ؟ممكن يحصلها ايه؟

انا لو جرالها حاجة بسببي مستحيل اسامح نفسي.

مروان اتنهد: ماتقلقيش. حنحاول علي قد مانقدر انها تتخيله جواز بسبب الخلفة مش علشان اللي بينا. 

چنا بصتله بحيرة: مروان ممكن اسألك سؤال!  

مروان : طبعااااا اسألي. 

چنا: انت ايه اكبر سبب قربك مني علشان حبتني ولا علشان نفسك تخلف؟

مروان اتنهد: انا اول ما شوفتك حاسيت اني مشدود ليكي ومحتاجلك . وفجأة لقيت نفسي بحبك. ولما حبيتك اتمنيت يكون ليا طفل منك. زي مافي يوم اتمنيته من ريما. 

چنا :حبيت مين اكتر انا ولا ريما؟

مروان بحيرة: صدقيني سألت نفسي السؤال ده كتيير . اوقات بحس اني بحبكم انتم الاتنين. بس دلوقتي اللي انا متأكد منه اني حبيتك حب عمره مامر عليا كأني انسان بقلب واحساس جديد. لكن في نفس الوقت ريما جمعتنا سنين حب ورحمة مستحيل 

استغني عنها لاي سبب. 

چنا : يعني دلوقتي بتحبني اكتر ! 

مروان ابتسم: تقدري تقولي قلبي بقي ملك ليكي. حتي لو بعدنا يا چنا وماكنش لينا نصيب نكون لبعض. هفضل احبك. وحبك يكبر جوا قلبي اللي بينا ده شئ فوق الوصف. 

چنا نامت علي صدره بدموع: ياتري احنا اخر حبنا ايه. ونهاية حكايتنا ايه ! ؟

مروان ضمها بحنان وطبطب عليها : اللي ربنا مقدره لينا هنرضي بيه حتي لو فيه بعد. القدر مافيش منه مفر. بس اللي بوعدك بيه. اني مستعد اعمل اي شئ بس تكوني مراتي. 

چنا بحيرة وألم: يارب. انت عالم احنا جوانا ايه. ريح قلوبنا. 

......................................

في ڤيلا مهاب عز الدين. مهاب قاعد مع نغم وفونه رن ولقي المتصل مايا عدي. مهاب اتنهد بضيق. وقام  رد. 

مهاب : ايوة . 

مايا : ايه رئيك انفع اشتغل في المخابرات. 

مهاب ابتسم بسخرية: لا واسعة دي. هو عاشان سهيتي انس وجبتي رقمي من فونه وهو بيتعشي معاكي. هتبقي مخابرات. دي حركات عياااال . 

مايا : امممم. انت شايفني عيلة! بقي كل الجمال ده وعيلة! 

مهاب ضحك بقوة: هههههههه. طبعااا عيلة. ولو علي الجمال ياشاطرة انا اتعرض عليا ملكات جمال بلاااد. ولا كانوا بيهزوا فيا شعرة. عايزة بقي انتي تتخيلي انك هتلاقيني بريل عليكي. انتي غلبانة اوي . 

مايا بغيظ: بس انا مختلفة. 

مهاب بجدية وتحزير: انا اللي هقوله دلوقتي مش هعيده تاني. انتي تنسيني وتنسي اللعبة الوسخة اللي في دماغك. وتبعدي عن أنس. علشان قسما بربي يوم ماتجرحي ابني وينقهر بسببك لهدفعك التمن عمرك فاهمة. 

مايا بتحدي: اهو عندك خاليه يبعد عني لو تقدر. 

مهاب بعناد: مادمتي بتتحديني انا هخليه يسبك زي الكلبة ولا يسأل فيكي بس وحياة ابوكي اللي معرفش يربيكي لهربيكي واعرفك ان اللعب مع مهاب عز الدين بيحرق يا قطة سلام . 

قفل مهاب بغصب. ونغم قربت من مهاب بحزن. 

نغم:يعني يوم ما الولد يحب يكون نصيبه بنت زي دي! يا وجع قلبك يا ابني . 

مهاب بتوعد: وانا مش هديها فرصة تجرحه ولا هخليه يتعلق بيها اكتر من كدة. 

نغم : هتعمل ايه؟

مهاب : ماتشغليش بالك انا هتصرف 

نغم بصتله بحب: معقول ماحركتش فيك حاجة! 

مهاب ابتسم وضمها لحضنه: هي واحدة نغم قلبي بس اللي بتحرك فيا كل حاجة وكل حتة فيا بتتجاوب معاها وتتمناها. انا عنيا متبرمجة علي صورتك لا بتشوف غيرك ولا يتتمني غيرك. 

نغم اتنهدت : هو فيه رجالة زيك كدة في الدنيا. ولا انت فريد. 

مهاب :ههههههههه. لا انا مهاب مش فريد. بس اكيد فيه. هو مش زي بالظبط علشان انا نوع مافيش منه بس اكيد في رجالة اوفيا. لكن زي بوسامتي وشاقوتي وحبي ليكي تؤتؤ. ماافتكرش. 

نغم: اااااه. كله كوم وشاقوتك دي كوم تاني ولا عنيك. بتوه فيهم.هما هيفضلوا حلوين كدة لحد امتي. 

مهاب غمزها: طيب ماتيجي ندخل  جوا ونشوف الموضوع ده سوا. 

نغم: ههههههه.اممم طيب تعالي اصل عنيك دي تحير ستات الدنيا

......................................

في فلورنسا

ريو دخل بغضب ورفع سلاحه : انتوا بتعملوا ايه؟ انتم مين بالظبط. 

شهاب شاور لتمارا  بعنيه تقفل الباب. وفعلا راحت بسرعة تقفله ريو حاول يمنعها شهاب شد منه السلاح بتاعه وكتفه بإيده. 

شهاب:ششش. اهدي خالص مش عايز اسمع صوتك. 

ريو بيعافر عايز يخلص من شهاب وفلت منه وحاول ياخد سلاحه ويضرب شهاب بس شهاب كان اسرع وضربه رصاصة في دماغه في لحظة وقع مات. 

تمارا : وبعدين كدة هيطلعوا ورا بعض هنعمل ايه. 

شهاب بتفكير قعد يبص علي الاوضة والحيطان بتركيز واخد باله من حاجة: اسمعي انا شايف فيه باب سري هنا . 

تمارا بإستغراب: فين ده. 

شهاب راح لحيطة قصاده واللي كان فيها تابلوه كبيير بالحجم الطبيعي لصورة مهدي. وكان قاعد فيها .  شهاب بص علي ايده اللي ماسكة مقبض الكرسي ولقي فيها المقبض ظاهر اكنها صورة 3D. ضغط علي المقبض ده لقي الصورة اتحركت وظهر وراها باب كبيير. شهاب بص لقي ممر طويل ماليان اسلحة وفلوس واتأكد ان اخره بيوصل لتحت . 

تمارا بذهول: مش ممكن ايه كل ده. دي اسلحة تكفي جيش بحاله. 

شهاب خدي السلاح ده خاليه معاكي اختياطي وكمان الزخيرة دي. وانا هشيل الزفت ده . لازم نخرج في اسرع وقت . 

شهاب لقي فيه خبط علي الباب ورجالة مهدي بدأت تقلق . سحب مهدي لداخل الممر وقفل الباب بالصورة زي ماكانت . وشال مهدي بصعوبة لضخامة جسمه وثقله. وفضله ماشين في الممر ده وكان ممر حلزوني وفيه منحنيات. وفعلا في النهاية وصلهم للجراچ. اول ما وصلوا شهاب فتح عربية منهم وحط مهدي علي الكنبة الخلفية وقبل مايركب سمع ضرب النار ورجالة مهدي وصلت الجراچ . شهاب طلع سلاحه وركب تمارا 

شهاب : اركبي بسرعة وسوقي بأقصي سرعة شيلي اي حد قصادك فاهمة. 

ضرب النار بيزيد وشهاب بيرد عليهم. 

تمارا : وانت اركب بسرعة. 

شهاب بعصبية آمرة : قولت اركبي المهم الزفت ده يتسلم وانتي تخرجي من هنا انا هفضل اشغلهم عنك لحد ما تبعدي . وانا هتصرف وهعرف اخرج ..ولما تخرجي انتي عارفة هتعملي ايه وتتصلي بمين. 

ضرب النار قرب منهم وشهاب بقي تركيزه مشتت بينهم وبين تمارا اللي واقفة بعناد. 

شهاب بغضب وحزم: قولت يالاااااا. بسسسسرعة . 

تمارا مالقتش مفر وركبت وساقت بسرعة زي ماقالها واي حد قصادها كانت بتخبطه. ووصلت للبوابة الالكترونية طلعت سلاحها وضربت مكان فتح البواية بالسلاح وانفتحت البوابة وخرجت باقصي سرعة. وشهاب كان بيغطي عليها لحد ما اتأكد انها خرجت. وبقي همه يحاول يوصل لعربية من اللي موجودة في الجراچ ويركبها وفعلا قدر يوصل لعربية بصعوبة وركبها بس طبعااا رجالة مهدي كانت بتحاول توقفه عن طريق ضرب النار او الاحتكاك بعربيته بعربياتهم. بس قدر يخرج من البوابة وهما وراه . وبقي بيهرب منهم في شوارع مختلفة . 

تمارا بعدت علي قد ما قدرت ووقفت العربية واخدت نفسها وطلعت فونها علشان تكلم باقي فريقهم علشان يستلموا مهدي . وقبل ما ترفع الفون . لقت مهدي بيخنقها بالحبل اللي ايده متقيدة بيه . وبغل. 

مهدي: فاكرة انكم هزمتوني تبقوا لسة ماتعرفوش مين مهدي. انا هحرق قلبه عليكي وهحرق قلبك عليه . علشان نبقوا تعرفوا مين هو مهدي . 

#يتبع.....بعد👇👇👇

#مهمة_____حب

#سلسلة_عشق_الرجال الجزء الثاني من رحم للإيجار

#الحلقة_السادسة_والعشرون_والسابعة_والعشرون

في فلورنسا. 

شهاب قدر يهرب من رجالة مهدي وبقي بعيد عنهم. ولما حس انه في آمان. طلع فونه وكلم رجالته هو . 

شهاب بتعب: ايوة يا يعقوب . طمني تمارا بخير. 

يعقوب عقد حاجبه: تمارا ليه هي مش معاك؟! 

شهاب قلبه انخطف ودق بعنف ورعب. وبغضب: انت بتقول ايه ! يعني تمارا ما ااتصلتش بيكم. 

يعقوب : لا يا شهاب ما اتصلتش. شهاب هي تمارا فين انا كدة قلقت . 

شهاب بغضب وعنف خبط دماغه في العربية وهو بيأنب نفسه: غبي .. غبي . ماكنش لازم اسيبها لوحدها ابداااا. مش ممكن اكيد حصل مصيبة. 

يعقوب بقلق: شهاب ارجوك فهمني ايه اللي حصل. 

شهاب بعصبية: انا لسة هفهمك. اسمع اجمع كل رجالتنا وقابلني في المكان بتاعنا. بسرعة. وقفل

شهاب ركب عربيته وطلع بسرعة علشان يقابلهم. 

في مكان غريب تمارا ايديها متكتفة لفوق بكلبشات ورجلها كمان. ومهدي قاعد قصادها . 

مهدي بغيظ وغل: عارفة انا ايه اللي منعني عنك لحد دلوقتي. علشان بعد اللعبة اللي لعبتوها عليا انتم الاتنين ماينفعش تتعاقبي لوحدك. وبما اني لاحظت انكم بتحبوا بعض او يمكن تكوني مراته لسة هكتشف ده بنفسي . وغمزها بوقاحة. فا انا بقي مجهزلكم مفاجأة حلوة. هجيب الثعلب بتاعك واكتفه مكانك واخليه يتفرج عليكي وانتي معايا وفي حضني وبعمل فيكي كل اللي يخطر علي بالك واللي لسة عقلك ماوصلوش. 

تمارا بغضب : انت لو راجل فكني وانا اوريك مين اللي هيخلص علي مين. ولعلمك علي جثتي انك تطول مني حاجة. ولا هو كمان هيسمحلك بكدة. ولازم تتأكد ان هو اللي هيلاقيك مش انت اللي هتلاقيه . وهتشوف. 

مهدي قام وقرب منها وجواه غضب وغل لانهم السبب في ضياع الميكروفيلم. وكمان ضحكوا عليه وهو اللي ماحدش كان بيقدر عليه . مسك وشها بيإيده بقوة وهو بيجز علي سنانه من الغيظ. 

مهدي : انتي لسانك طويل وعنيدة. وانا بقي هخليكي تترجيني علشان ارحمك. وباسها بقوة وعنف بطريقة مشمأزة ومقرفه. وهي بتحاول تخلص وشها منه بس لاسف ايديها ورجلها متقيدة. بس ماكنش قصادها غير انها تحاول تألمه زي ما بيألمها بقربه المقزز منها. 

بعد عنها وهو بيمسح الدم اللي علي شفايفه . وبيبتسم بسخرية وانتصار: مش بقولك شرسة ومتمردة. بتعضيني حلو اوي. اكيد هننبصت مع بعض جداااا. وقرب من ودنها ووشوشها. اصل انا بموت في العنف والسادية في العلاقات اللي زي دي . ممتعة. 

تمارا غصب عنها انجرحت من ان كلب زي ده قدر ياخد منها حاجة حتي لو بوسة بالغصب زي دي بس منعت عنيها تدمع قصاده كبريائها منعها تبكي قصاده . بصتله بغل وكره. 

تمارا: اقسم بالله لدفعك تمن اللي عملته ده عمرك. واتأكد انه مش هيسيبك لما يعرف ومش بعيد يقتلك هنا قبل ماترجع مصر. 

مهدي ضحك بقوة: مصر! مين قال ان في حد هيرجع مصر كلنا هنفضل هنا. الثعلب هتكون نهايته علي ايدي وبصلها بتوعد. اما انتي بقي فهتفضلي معايا اعاقب فيكي واستمتع بوجعك وعذابك لحد ما ازهق وبعدها ممكن اقتلك. او مثلا استنفع منك وابيعك لحد يشغلك واهو لما احتاجك ابقي الاقيكي. ايه رئيك في الاختيار ده جميل مش كدة. ووواووو. من عميلة مخابرات لفتاة ليل اوفففف. دي لوحدها تجبلك زباين تقيلة جدااا. علشان يقضوا وقت مع عميلة المخابرات الخايبة اللي وقعت علي ايد مهدي. 

تمارا بكره: احلم الحلم للي زيك بيهون عليه الحقيقة المرة اللي مستنياه . 

مهدي قعد وولع سيجاره المفضل وحط رجل علي رجل وابتسم بسخرية: انا مستني اهو الثعلب بتاعك علشان  نبدأ الاحتفاااال. 

...................................... في شقة في حي بعييد وهادي كان شهاب قاعد ومعاه يعقوب وباقي رجالتهم. 

يعقوب : شهاب انت تعبان ومحتاج ترتاح والنهار طلع خلاص . ادخل خد حمام و نام شوية ولما تصحي نبقي نشوف هنعمل ايه . 

شهاب بصله بعصبية: انام! انت اتجننت صح انام ازاي وتمارا في ايد كلب عصابات زي مهدي. انت متخيل ممكن يعمل فيها ايه . 

يعقوب: لا مانستش. بس انت اللي نسيت ان الميكروفيلم معاك ودي حاجة هو محتاج الميكروفيلم واحنا عايزين تمارا واكيد منتظر اننا نتفاوض معاه . 

شهاب بصله بوجع وبيحارب دمعة تنزل من عنيه: انت اللي نسيت انه ظابط مخابرات وعارف ان تمارا مجرد عنصر وانكشف. وان القيادة مستحيل تقايض الميكروفيلم بيها. لانه بالنسبة ليهم الميكروفيلم اهم . والحل في الحالات اللي زي دي انتم عارفينها ومهدي كمان عارفها . 

اسماعيل زميلهم بأسف: طبعا كلنا عارفين اننا لو ماقدرناش نخلصها منه. يبقي ... يبقي لازم نصفيها . 

شهاب قام ومسكه من هدومه وبعنف: اقسم بالله اللي فيكم هيفكر يلمس منها شعره واحدة هدفنه هنا . 

اسماعيل بيخلص نفسه من ايد شهاب :شهاب ارجوك اهدي احنا بنقول ان ده اخر حل . لكن احنا حنحاول بكل الطرق اننا نرجعها . 

شهاب زقه بعيد بقوة وبتحزير : اسمعوا تمارا تخصني انا وانا هعرف ازاي ارجعها سليمة. انتم والقيادة اللي يهمكم الميكروفيلم واهو خلاص معاكم. ولازم يرجع مصر بأسرع وقت. بس اياكم انا بحزركم اهو ان واحد فيكم يجيب سيرة خطف تمارا . اللواء مهاب مش هيتحمل الخبر ده. فاهمين .. 

كلهم : فاهمين . بس المشكلة مش فينا المشكلة في رجالة الجيش اللي ماسكة معانا المهمة. ممكن حد منهم يبلغ . 

شهاب :حد منكم قالهم حاجة؟

يعقوب: لا لان انت كنت مفهمنا ما نبلغهمش بميعاد الليلة اللي فاتت دي الا لما نخلص. 

شهاب اتنهد براحة: يبقي خلاص سلموهم الميكروفيلم وهما يرجعوا واحنا هنخلص موضوع تمارا. واللي فيكم مش عايز يرجع وانا كفيل بيه . 

اسماعيل : احنا هنسلم الجيش الميكروفيلم يرجعوه. اما احنا ورجالتنا هنا معاك وتحت امرك مش هنسيبك الا لما نرجع تمارا. 

شهاب اتنهد:ماحدش فيكم يزعل مني اني اتعصبت عليكم بس غصب عني. 

يعقوب: لا ولا يهمك. انا عن نفسي اكتر واحد عايز يرجع تمارا . انت ما تعرفش هي غالية عندي ازاي. 

شهاب لفله بغضب ومسكه من هدومه: نعم يا خويا غالية ازي مش فاهم! 

يعقوب بتوتر: اااهدي .. اهدي بس ياشهاب اااصل بصراحة لما شوفتها معاك يوم البحر اعجبت بيها. 

اوي وووو بصراحة كدة ككنت نفسي اوي لما نرجع اتعرف بيها اكتر. 

شهاب اشتعلت جواه نااار الغيرة اكتر ماهي بتحرق فيه اصلا مش كفاية عليه مهدي اللي عقله بيصورله 1000 مشهد ومشهد للي ممكن يكون بيحصل وهي معاه . ماكنش ناقص كمان يعقوب . شهاب بكل قوته وغيرته ضربه بوكس وقعه علي الارض. وبغضب وصوت يرعب. 

شهاب: اسمع انت تنسي تمارا نهائي فاهم. تمارا دي بتاعتي انا مش لحد تاني. 

يعقوب واسماعيل مستغربين هما عارفين شهاب ممتنع عن الستات خصوصا بعد موت ملك . 

يعقوب: انت في حاجة بينك وبينها! 

شهاب رفع حاجبة: لا ذكي اوي لسة واصلالك . اشحال اما كنت انت اللي بتعزف لينا واحنا بنرقص. 

يعقوب بحزن: ااانا كنت متخيل ان ده بس علشان المهمة تمثيل يعني. 

شهاب بعصبية: لا يا خويا مش تمثيل انا وتمارا بنحب بعض ولما نرجع هنتجوز. يارب تكون فهمت وماتفكرش حتي تبصلها في وجودي علشان وقتها ممكن اخزقلك عنيك فاهم. انا داخل اخد حمام وخارج علشان نشوف هنعمل ايه. وانت يا اسماعيل سلم الجيش الميكروفيلم. علشان يرجع مصر. 

......................................

في مرسي علم . في اوضة چنا . 

چنا نايمة في سريرها ومروان واقف عند البلكونة وبيشوف الشمس وهي بتخرج من البحر تنور الكون كله بنهارها وتمحي ضلمة الليل وعتمته. اتنهد ولف وبص علي چنا وهو بيبتسم ويحقق في ملامحها الجميلة . وچنا بدأت تصحي وفتحت عنيها بتكاسل وتعب وابتسمت لما شافت مروان . قامت وقعدت .

چنا : صباح الخير. 

مروان ابتسم وربع ايده : صباح الجمال. 

چنا : انت فضلت هنا طول الليل ماروحتش أوضتك. ولا مشيت ورجعت . 

مروان قرب منها وقعد قصادها وهو بيحرك شعرها بنعومة: اولا انا ماكنتش عارف ابعدك عن حضني انتي نمتي في حضني واتعلقتي فيا بقوة. كان صعب ابعدك عني بعنف لاتصحي وانا ماصدقت انك تبطلي عياط وتنامي. فضلت سايبك في حضني وانا بستمتع بصوت دقات قلبك اللي اجمل دقات بيانوا سمعتها ودني. و اتنفس نفسك اللي اجمل من عبير الزهور البرية النادرة اللي بتخليني اغمض عنيا مستمتع بريحتها . 

ثانيا بقي . حتي بعد ما نيمتك وبعدت عنك قلبي ماكنش مطاوعني اسيبك لوحدك فضلت قاعد قصادك اتفرج علي اجمل لوحة شافتها عنيا انتي جمالك ده مش طبيعي يخطف العين وياثرها . 

چنا قلبها بيدق بقوة لدرجة انه وجعها وحطت ايديها علي قلبها بتحاول تهدي دقات السعاده اللي بتدق بعنف وشغف للراجل اللي لقت فيه اجمل واحلي ما تخيلت في خيالها وامانيها. 

چنا بدموع: طيب قولي انت بعد ما اسمع اللي بتقوله ده. ازاي هقدر اجمد قلبي وابعد عنك ازاي. 

مروان ابتسم وقرب منها وضمها بحنان واتنهد: مش عايزك تفتحي الموضوع ده تاني. انا خلاص مابقاش جوايا اي تردد ولا مستعد اتراجع عن حبي ليكي ولا وجودك في حياتي. 

چنا اتعلقت بيه اكتر وضمته بقوة: بحبك. بحبك 

مروان غمض عنيه بقوة وهو بيبتسم: عارفة انتي وجودك في حياتي زي ايه . 

چنا خرجت من حضنه وبصت في عنيه وابتسمت : زي ايه! 

مروان وهو بيبتسم ويمسح الدموع اللي علي خدها: زي الشمس اللي كنت واقف بشوفها من شوية كانت بتخرج من البحر بكل غرور تنور الدنيا وتمحي ضلمة الليل . انتي زيها . چنا انا حياتي مع ريما قبلك كانت خلاص بتنهار. انا بقيت في حياة ريما مهمش . مش موجود ولا ليا دور غير علشان اكون وسيلة تخليها ام . نسيت حبنا وحياتنا . بقت حتي لما تكون معايا في اكتر اللحظات حميمية . بتتحصر انها مابتقدرش تحمل بعد اللي بيحصل زي اي ست . انا ما كنتش بلومها ولا اعاتبها. لكن للأسف. ده بقي حالنا كنا بنبقي قاعدين مع بعض وكل واحد عقله في مكان تاني. بدأت حياتنا يغلب عليها الروتين والملل. بس صدقيني انا كنت بحاول بكل الطرق اني اقربها مني وارجعها تاني زي الاول . بس هي قفلت حياتها علي شئ واحد. 

وابتسم لحد ما قابلتك دخلتي حياتي زي الشمس نورتيها بطلتك اللي زي الحور اللي بتخرج من البحر تسحر عيون العشاق ليها. محيتي ضلمت حياتي وخلتيني ارجع تاني قلبي يدق واسهر افكر واتحير. چنا انا حقيقي حبيتك مش مجرد راجل بيرجع شبابه بمراهقة متأخرة لا صدقيني حبيتك . 

چنا ابتسمت ودموعها زادت وحضنت وشه بين ايديها: وانا اوعدك مش هسيبك ولا ابعد عنك. حتي لو فضلت عمري كله بذنب ريما مش هقدر اكسر قلبي وقلبك وابعد. وبمزاح. ثم ايه ترجع شبابك دي. انت اصلا شباب. انت مش بتشوف الستات بتبصلك ازي . ده انت جاااان . وسامتك وصحتك دي مش موجودة عند شباب كتيير. 

مروان رفع حاجبه:ده قر عيني عينك كدة علي الصبح بقي . 

چنا : ههههههههه. اه قر. اصلا انا مستحيل اقدر اجري كل يوم الصبح زيك كدة لمدة ساعة ونص متواصل. وكمان ترجع علي الچيم وتلعب رياضة. انا ببقي مندهشة ومبهورة من قدرتك علي كدة كل يوم. الشباب في الچيم هنا في الاوتيل بتبقي واقفة متنحة وهما شايفينك بتلعب رياضة عنيفة بالشكل ده. 

مروان : ههههههههه. ايه كل ده انتي كنتي بتراقبيني ولا بتراقبي الناس كمان ! 

چنا : براقبك بقلبي قبل عيني. ولازم اشوف اي حد يبصلك. خصوصا الستات اللي كانت بتتلزق فيك في الچم. وبغضب طفولي. ولا الباردة دي اللي كانت عايزاك ترفعها علشان تطول الجهاز علشان هي قصيرة. 

مروان ابتسم وقرب منها اكتر وبهمس: ده عشق بقي مش حب. 

چنا اتنهدت:ااااااه عشق . انا بعشقك بعشقك. 

مروان بعد عنها واتنهد : انا بقول امشي افضل علشان كدة بقي خطر. وانا اصلا خلصت كل الصبر والتماسك ليلة امبارح كنت خلاص همووت وانام جنبك. ووو. ولا بلاش بقي انتي بتتكسفي. 

چنا حدفته بالمخدة: هههههه. امشي علي اوضتك. انت بقيت شقي ومنحرف. 

مروان مسك المخدة وضحك: ههههههههه. بصراحة انتي تخلي الراهب ينحرف مش انا. بس انا فعلا لازم اروح اوضتي اخد دش وانزل اجري وبعد كدة نبقي نتقابل ونفطر سوا اوك. 

چنا : اوك حبيبي . 

مروان غمزها وابتسم: سلام يا حورتي الشهية. 

چنا ابتسمت:شهية امممم. كدة شكلك هتكلني زي السمك . 

مروان عض علي شفايفه : ده انا بس اتجوزك وانا افصصك حتة حتة. ماتستعجليش انتي . كله بآوان. 

باب اوضة چنا خبط. 

مروان عقد حاحبة: مين جايلك بدري كدة؟! 

چنا رفعت كتفها : ماعرفش. 

ممكن حد من الروم سيرڤيس. وقامت تشوف مين. 

مروان وقفها وراح هو وشغل الشاشة اللي قصاد باب اوضتها وكانت صدمة مش متوقعة. 

مروان وجنا بصوا لبعض بدهشة. 

چنا حطت ايديها علي بقوها بصدمة: ريييييما . 

......................................

في ڤيلا مهاب عز الدين مهاب بيلبس هدومه . 

نغم :يعني كدة المهمة خلصت . 

مهاب بقلق وحيرة: مش عارف. الجهاز بلغني ان رجالة الجيش استلمت الميكروفيلم وهترجعوا مصر. بس اللي قالقني. ان ماوصلش اي اتصال من رجالتنا وخصوصا شهاب وتمارا. الجهاز مقلوب ومش فاهم حاجة. رجلتنا مختفية. كل الاتصالات انقطعت بيهم . حاجة تقلق . وانا قلبي بيقولي ان في حاجة مش تمام. 

نغم قعدت بخوف ودموع: مهاب انا قلبي بيقولي ان تمارا في خطر. 

مهاب قرب منها وقعد قصادها ومسك ايديها : حبيبتي ارجوكي ماتخلنيش اندم. اني بقولك حاجة. مش عايزك تخافي انا الليلة لو ماوصلناش لحد من رجالتنا يطمنا انا هكون في ايطاليا بكرة. مش هستني . 

نغم بتبكي: ابوس ايدك رجعلي بنتي . وحياتي يا مهاب انا مش هتحمل اخسرها ولا يجرلها حاجة. 

مهاب ضمها لحضنه بقوة بيطمنها: ششششش بس يا روحي . اوعدك ان شاء الله ترجع وتبقي كويسة. وبحزن. علشان لو حصل غير كدة انا هكون المذنب الوحيد وهعاقب نفسي اقسي عقاب. 

نغم خرجت من حضنه وبصتله بحنان: لا يا قلبي انت مالكش ذنب. اوعي تكون بتصدق حمقتي وعصبيتي عليك واتهامي ليك انك السبب . لا ده قرارها هي واختيارها. وقبل كل ده . ده قضاء ربنا مافيش في ايدينا حاجة. 

مهاب باس ايديها: لا ان شاء الله في ايدينا كتيير. وانا عندي ثقة في شهاب متأكد انه هيحميها وبحزن وتأنيب. بس يارب يبعد اي شئ شخصي بيني وبينه . ويحكم ضميره . 

نغم بإستغراب: مش فاهمة! هو في ايه بينك وبين شهاب ممكن يخليه يضحي بتمارا. 

مهاب اتنهد وقام : مافيش انا لازم انزل دلوقتي. خالي بالك من نفسك. وياريت ماتروحيش المستشفي النهاردة . ومسكها من دراعها الاتنين بحنان وبرجاء: وارجوكي ما تحرقيش في اعصابك انتي ضغطك بيعلي . وانا مش مستعد يجرالك حاجة ما تشتتيش عقلي وقلقي بينك وبين تمارا. 

نغم ابتسمت وباسته من خده: حاضر يا عيوني هخلي بالي من نفسي علشان خاطرك . 

مهاب ابتسم وباسها من جبينها. حياتي انا بحبك . 

نغم بتقفله ازرار القميص بغيرة:ممكن بقي تقفل دول انت مش هتكبر بقي. 

مهاب بتأفف: يووووه. هو ده وقته. انتي اللي بتتعصبي ليه لما تشوفيهم مافتوحين. انا بكون مرتاح اكتر بتخنق مش بحب اقفلهم. 

نغم بعصبية: الناس بتفتح زرار واحد مش انت بتقفل واحد. 

مهاب فتح الازرار اللي قفلتها نغم :بصي ابعدي عن الرزراير بقي احسن وديني اقلع القميص كله وامشي كدة انتي حرة بقي سلااام 

نغم بغيظ: ماشي اهرب براحتك. اتطمن بس علي بنتي وشوف هعمل فيك ايه . 

مهاب رجع وبصلها من جنب الباب وغمزها: ده انا اللي هعمل احتفالية كبييير. ترجع تمارا بس. وانا هخليها ليلة ضرب نااار وصاوريخ وايه بقي العب ياللا. 

نغم ضحكت: ههههههه. حرام عليك ضحكتني. رجعلي بنتي الاول بعد كدة ابقي اضرب ناار وفرقع صاوريخ براحتك وربنا يستر بقي واعيش ليلتها وما اقابلش وجه كريم . 

مهاب: ههههههههه. لا اجمدي كدة . انا ببلغك اهو علشان تستعدي. يالا سلام يا نغم حياتي ادعيلي وادعي لتيمو . 

نغم اتنهدت : ربنا يحفظك ويحفظها هي واخواتها. يارب انت عاليم انا ماليش غيرهم. 

......................................

في فلورنسا. شهاب مشغل جهاز التتبع للشريحة. 

شهاب بتفكير: ايه اللي يخلي مهدي ياخد تمارا في المكان ده. ده خط قطر قديم ومهجور . ليه ما اخدهاش ورجع قصره . 

يعقوب: طيب مش يمكن تكون تمارا هربت منه مثلا وهي اللي مستخبية لوحدها. 

شهاب : تؤتؤتؤ. لو كانت هربت كانت عرفت تيجي هنا انا معرفها المكان علشان المواقف اللي زي دي. انا حاسس ان ده كمين . 

اسماعيل : ليه بتقول كدة. 

شهاب بتركيز: لازم نحط كل الاحتمالات. وده اقرب احتمال لقلبي . 

يعقوب: تفتكر يكون اكتشف الشريحة وخرجها من دراعها وزرعها في حد تاني وعامل بيها كامين. 

شهاب بثقة: ماافتكرش. لانه لو كان شالها كانت بعتت انظار هنا علي الجهاز انها خرجت من جسم المضيف . ولو انضافت لحد تاني كان بردوا ظهر انها دخلت جسم مضيف تاني. 

اسماعيل بحيرة: طيب هنعمل ايه . 

شهاب مافيش قصادي حاجة غير اني اروح هناك بنفسي . 

يعقوب : ده انتحار. 

شهاب بوجع:الانتحار اني اسيبها هناك لوحدها اكتر من كدة. اسمعوا اللي هيحصل دلوقتي ايه ........ 

في محطة القطار القديمة المهجورة اللي مهدي حاجز فيها تمارا. قاعد قصادها بيتابع كاميرات كل المداخل للمحطة اللي هو فاتحهم والباقين كانوا اصلا مقفولين وعليهم حراسة من جوا. هو فاتح دول بس علشان يسهل دخول شهاب ومنتظر وصوله في اي وقت.

تمارا تعبت من وضعها بالشكل ده كل الوقت ده. 

مهدي بصلها وابتسم هو انسان سادي وحقير بيستمتع بعذاب الناس. وبيرضي نفسه المريضة. 

مهدي بسخرية: ايه تعبتي . لا خاليكي قوية واحتفظي بشوية قوة وشراسة علشان لقائي معاكي. اصلي مش هكون مستمتع وانتي خلصانة كدة ومستسلمة. عايزك تعافري بكل قوتك . 

تمارا بصتله بغضب. ومن جواها بتفكر في شهاب: حبيبي انت فين. انا محتجالك اوي . انا متأكدة دلوقتي انك بتحاول توصلي مستحيل تتخلي عني انا عارفة. وغصب عنها نزلت منها دمعة. وحشتني اوي . 

مهدي لقي ان فيه ملثمين بيقربوا من مدخل المكان ومسلحين. انتفض وكلم كل رجالته في كل المكان. 

مهدي: اسمعوا كلكم. وصلوا عند مدخل 3. اجمعوا كلكم هناك. خلصوا عليهم الا جاسر عايزه حي فاهمين. 

قام واخد سلاحه واستعد. عن اذنك يا حلوة حبيب القلب وصل هروح اجبهولك علشان نبدأ الاحتفال. 

خرج مهدي وتمارا قلبها بيدق بخوف وبتدعي ربنا برجاء:يارب. يارب شهاب مايتأذي يارب . 

بدأ التقاء رجالة مهدي بزمايل شهاب ورجالتهم. بس شهاب ماكنش معاهم. هو عارف ان مهدي اكيد مراقب المداخل ومنتظره . 

فلاااااااش بااااك. بالقرب من المكان اللي فيه تمارا. واقف شهاب وزمايله والرجالة اللي معاهم. 

شهاب : مستعدين. 

يعقوب : مستعدين. بس انت. خالي بالك من نفسك. 

شهاب : مهدي دلوقتي مستنيني. عايزكم تخلصوا علي رجالته واحد واحد. وبغضب وتوعد . وهو اتمني الاقيه صاحي علشان اقسم بالله لو كان اذاها ما هرحمه. هقطع من لحمه حي. 

اسماعيل فتح غطاء للصرف الصحي قديم. : شهاب يالا بينا. 

شهاب هز راسه. : اوك يا لا يا يعقوب.. 

يعقوب شاور لكل الرجالة تغطي وشها باللثام وهو كمان اتلثم. وركبوا العربيات ومشيوا. وشهاب واسماعيل نزلوا جواه البلاعة الكبيرة للصرف الصحي. ومشيوا في اتجاه الاشارة اللي بتبعتها الشريحة. 

باااااك. 

شهاب قرب من المكان اللي فيه تمارا لان الشريحة بتدي انظار بالقرب. شهاب بص فوقيه لقي غطاء طلع هو واسماعيل وفتح الغطاء للبلاعة دي. ولقي تمارا متقيدة وراسها محنية في الارض. 

شهاب قلبه بقي فيه نااااررر . الحقير مكتفهة بالشكل ده. وباين عليها الالم والتعب. قلبه صرخ بحنين.. 

شهاب بهمس عاشق: تمارا 

تمارا سمعت صوته رفعت راسها بلهفة وسعادة وبصتله بوحشة واستنجاد وبكت: شهاب ..... وحشتني. 

شهاب جري عليها وفكها وضمها بقوة وهي اتعلقت بيه بكل قوتها برغم آلم ايديها ودراعها وبكت بحرقة: اااانا اسفة . ااسفة ماقدرتش اكون قد ثقتك فيا خذلتك. 

شهاب خرجها من حضنه وضم وشها بين ايديه وبهدوء:شششش بس حبيبتي. انتي كنتي شجاعة وعملتي اللي قدرتي عليه. الغلط مني انا سيبتك معاه لوحدك وانا عارف انه مش سهل. حملتك فوق طاقتك انا اسف. 

تمارا بصتله بحب: وحشتني اوي . 

شهاب كان بيمنع نفسه بس ماقدرش قربها منه بقوة وباسها بحنين واشتياق. وهي برغم انها كانت هترفض ده لو كانت في وقت تاني. بس بعد بوسة مهدي المقززة ليها خالتها تبادل شهاب نفس البوسة والشعور. كأنها بتمحي قزارة مهدي عنها بقربها من شهاب. 

شهاب اخيرا بعد عنها وهو بياخد نفسه. كأنه كان في حرب ومواجهة صعبة: ااسف. بس حقيقي كنت هتجنن عليكي وحشتينيي بشكل رهيب. وكنت هموت لو كان قرب منك او لمسك. 

تمارا غمضت عنيها بقوة واشمازاز وحركت راسها بغيظ لما افتكرت مهدي وهو بيبوسها. شهاب اتعصب واتغل ملامحها بتقوله ان فيه حاجة حصلت. 

شهاب هزها بعنف : انطقي عمل فيكي ايه . لمسك. 

اسماعيل اللي هما الاتنين نيسوا وجوده في حرب المشاعر اللي كانوا فيها دي. 

اسماعيل: شهاب احنا لازم نخرج من هنا في اسرع وقت. بعدين الكلام ده. 

شهاب بتجاهل ليه ولكلامه بغضب: بقولك عمل ايه. 

تمارا بصت في الارض: باسني وانا متكتفة. 

شهاب بيعصر قبضة ايده بقوة وغيظ وجز علي سنانه: ااااه يا مهدي الكلب قسما بربي لعذبك عذاب ماخطرش علي بالك. 

اسماعيل : خد تمارا وخرجها من هنا. من نفس الطريق اللي جينا منه. واسمع اي حاجة هتحصلها قصادها حياتك هقتلك. 

تمارا اتعلقت بإيده : لا لا مش هسيبك تاني وحياتي انا مش هبعد عنك . خاليني معاك. علشان لو هنتأذي يبقي نتاذي سوا. ارجوك. 

شهاب بحنان: وانا مش هسيبك تتأذي تاني. ده يبقي علي جثتي. 

مهدي دخل وهو بيسقف بدرامة: وووواااووووو. هايل يا جماعة. بجد هاييل. اداء رائع. نجهز بقي لمشهد الاحتفال. 

شهاب التفتله بغضب وتوعد وخبي تمارا وراه. عند اسماعيل: الاحتفال ده هيبقي عليك وبيك. 

مهدي بسخرية: امممم. رجالتك اقوية وشجعان بس رجالتي اكتر واقوي. وحاليا هيخلصوا علي رجالتك. وانا هخلص عليك هنا. وشاور للإتنين اللي معاه علي تمارا واسماعيل. بس اسماعيل كان اسرع وضرب واحد منهم وقتله. والتاني شهاب شده وضربه واخد منه سلاحه. وكتفه وهو بيبص لمهدي وابتسم. 

شهاب: بقيت لوحدك. ولف راس الراجل اللي مكتفه وكسرها ورماه علي الارض. وقرب من مهدي بغل وغضب وغيرة. 

مهدي طلع سلاحه ووجه لشهاب: هقتلك في ثانية. 

شهاب ابتسم: لو عايز تنتقم مني واجهني من غير سلاح ونشوف مين الاقوي. 

مهدي بتحدي شال سلاحه وبدأت معركة بالايد بين شهاب ومهدي كل واحد فيهم بيخرج كل الكره والغل اللي جواه من التاني. بس شهاب كان جواه غضب وغيرة راجل علي حبيبته وعرضه بخلاف غيرته وغضبه لبلده. والاتنين كانوا زي فتيل اشتعل وبيدمر في مهدي بكل قوة وحرفيه .

تمارا كانت واقفة بتتقطع كل ما مهدي يوجه ضربة لشهاب او ينزف من جروحه . شهاب ومهدي كأنهم اتنين وحوش بتتعارك بقوة وعنف. 

اخيرا شهاب بعد عن مهدي وهو وقع علي الارض مش بيتحرك من التعب والالم والجروح. شهاب طلع سلاحه بتعب ووجه لمهدي. 

شهاب بياخد نفسه : انا وعدتك ارجعك مصر متكتف يا كلب وهنفذ وعدي. وضربه رصاصة في رجله. دي بس علشان تالمك لحد مانرجع واعذبك بطريقتي علشان شفايفك القذرة الوسخة دي لمست حبيبتي. 

تمارا جريت عليه وحضنته بقوة: بحبك. بحبك اوي. 

شهاب ضمها وابتسم واتألم: ههههه. اااه براحة ضلعي بيألمني من الحمار ده. عامل زي الثور هد حيلي. خصوصا الضلع ده انكسر قبل كدة علي ايدك. فاكرة. 

تمارا حطت ايديها علي ضلعه وابتسمت بحب وحنان: سلامتك حبيبي وسلامة ضلعك. يارب الثور ده اللي يتفشفش عضمه . 

شهاب بصلها بحب وابتسم: بحبك. 

تمارا : بحبك. 

اسماعيل: وانا والله هحبكم كلكم. وماما وبابا وكل الناس بس نخرج من هنا ابوس ايديكم . 

شهاب: هههههههه. تمام تعالي كتف معايا الثور ده . وكلم الرجالة شوف ايه الاخبار. 

يعقوب دخل : هاه يا رجالة خلصتوا. 

اسماعيل : طمني انت خلصتوا . 

يعقوب : تمام خلصنا عليهم المكان نضيف بس لازم نمشي بسرعة. 

شهاب: طيب شيل الزفت ده انت واسماعيل بقي انا تعبت. 

فعلا كتفوا مهدي وخرجوا وشهاب ايده في ايد تمارا وبيبتسموا. 

تمارا : خلصت مهمتنا خلاص. 

شهاب غمزها وابتسم: تؤتؤ. ابتدت مهمتنا. مهمة حب

#يتبع_بعد👇👇

#اضافة_ومتابعة_لصفحتى_الشخصية_علشان_نكمل_الرواية

#مهمة____حب

#سلسلة_عشق_الرجال الجزء الثاني من رحم للإيجار

#الحلقة_السابعة_والعشرون

في مرسي علم مروان وچنا لسة في صدمة من وجود ريما. مروان اخد چنا بعيد عن الباب. 

مروان: ايه اللي يجيب ريما عندك . كمان هي ماقلتليش انها جاية انا سايبها امبارح من غير ما تقولي اي حاجة . 

چنا بخوف: مممش عارفة. تفتكر تكون شاكة في حاجة. اانا هتجنن. 

مروان اخد نفس وبحزم: روحي افتحي . 

چنا بإندهاش: ااانت بتقول ايه. وانت! هتشوفك هنا . هنقولها ايه؟! 

مروان: انا هفضل هنا لو جاية وشاكة في حاجة هخرجلها وتبقي كل حاجة خلاص خلصت وانا مستعد اواجهها بكل حاجة مع اني ماكنتش اتمني انها تعرف بالشكل ده. و يمكن تكون جاية لسبب تاني. 

چنا هزت راسعل بتوتر و اخدت نفسها وراحت فتحت الباب. 

ريما بإبتسمامة : صباح الخير . 

چنا بتوتر بتحاول تبتسم: اااحمم. صصباح النور. ازيك يامدام ريما. 

ريما : بخير طمنيني عنك. سمعت من الريسيبشن انك كنتي امبارح تعبانة خير . 

چنا بتبلع ريقها بخوف: اااابدا ششوية ارهاق. بس خلاص بقيت احسن. 

ريما : طيب الحمد لله. اسفة لو كنت صحيتك بدري. بس اصلي لسة واصلة ومش لاقية مروان في أوضته وماحدش تحت يعرف عنه حاجة. 

چنا بلعت ريقها بتردد: ااااصل. اااتلاقيه بيجري هو متعود علي كدة او في الچيم. 

ريما بتفكير: تصوري صح. انا ازاي نسيت انه كل يوم بيجري بدري ويلعب رياضة. ياللا بقي اديني اتطمنت عليكي .. هتنزلي الشغل النهاردة ولا لسة تعبانة. 

چنا اتنهدت بتأنيب وحزن: انا تعبانة اوي . 

ريما بحنان: الف سلامة تحبي اعملك حاجة محتاجة حاجة. اعتبريني زي مدام تسنيم . 

چنا دمعت: لا حضرتك لسة صغيرة مش لدرجة مامتي. 

ريما ابتسمت: اممم تصدقي عندك حق. هههههههه. خلاص اعتبريني اختك الكبيرة. ماتنكسفيش. 

چنا ابتسمت بحزن: حضرتك حنينة اوي. 

ريما بحزن: كان نفسي يكون عندي بنت زيك جميلة ورقيقة ونكون اصحاب. واتنهدت بحزن. بس ربنا مش كاتبلي بقي. 

چنا : ربنا يعوضك ان شاء الله بكل خير. 

ريما: طيب لو بقيتي كويسة. ابقي انزلي افطري معانا. اكيد مروان قرب يرجع . 

چنا هزت راسها: ححاضر. ااانا اسفة ماقولتلكيش اتفضلي. 

ريما: لا حبيبتي. انا كمان هروح اخد حمام من الطريق. واجهز لحد مروان ماريجع. سلام. 

مشيت ريما وچنا دخلت وقفلت الباب. لقت مروان  كان قاعد علي الكنبة وبيضغط بقبضة ايده الاتنين في بعض بقوة. چنا قعدت جنبه ومسكت ايده بهدوء. 

چنا بحزن: مالك. بتفكر في ايه! 

مروان بتفكير: مش عارف ريما جاية ليه . احنا قفلنا كلامنا امبارح بخصوص الخلفة والجواز  . معقول تكون غيرت كلامها. 

چنا بوجع ومرارة: ولو كان ده صحيح هتعمل ايه. 

مروان بحزن لفلها ومسك ايديها. انا قولتلك انا مابقاش عندي استعداد اخسرك تحت اي ظرف. بس كمان مش هقدر اجرح ريما واواجها بحبي ليكي. 

چنا ابتسمت بدموع: مروان انا  مش عايزاك تحتار ولا تزعل. لو ريما رجعت علشان تعتذر وتلغي فكرة جوازك والخلفة. انا موافقة . 

مروان لسة هيتكلم 

چنا قطعته وحطت ايديها علي شفايفه . 

چنا : شششش. خاليني اكمل . لو ريما راجعت نفسها ولقت انها مش هتقدر تخلي واحدة تشاركها فيك حتي لو علشان تبقي ام. ده حقها وانت لازم ترجعلها. بس كمان انا مش هبعد عنك . انا وقتها هسافر واقعد في دبي هناك فرع شركتنا وبابا مشتت بين هنا وهناك وماما مابقتش بتقدر تسافر. هعتذر عن المشروع هنا واروح اعيش هناك وامسك الفرع. وانت هتجيني وهنتجوز وماحدش هيعرف. وماتقوليش مش هعيش معاكي في السر. وبكت اكتر. ماهو انا وانت مش قادرين نبعد ولا قادرين نجرح اللي حاولينا. يبقي ايه الحل. وفي نفس الوقت مش هقدر اكون ليك من غير جواز كفاية وجع الخيانة كمان هيبقي حرام. 

مروان ضم وشها بحنان وحزن: لا لا ياچنا احنا ماخوناش. الحب مش خيانة. احنا اللي بينا مش ليلة قضنها علشان هوانا ولا رغبتنا. احنا حبينا بقلبنا. 

چنا بكت: وهي الخيانة لازم تكون سرير وعلاقة حميمة. انا عارفة ان احنا ماحصلش بينا حاجة مخجلة. ببس قلبنا حب واخد حق مش حقه. انت كنت لريما وانا اخدتك منها وانت بعدت عنها. حبيبي انا مش هقدر الومك ولا الوم نفسي. مروان انت حقي من الدنيا وماصدقت لقيتك مش هضيعك من ايدي. بس حنحاول مانجرحش حد. روح لريما واعرف هي جاية ليه. وزي ماقولتلك . احنا في كل الاحوال مش هنبعد. 

مروان مسح دموعها وباسها من جبينها: وانا بأكدلك مش هسيبك تحت اي ظرف. ولو هتجوزك بعيد هيكون بموافقة اهلك. كفاية هخبي علي ريما لكن اهلك لازم يعرفوا. فاهمة

چنا ابتسمت وباست ايده اللي حاضنه وشها: فاهمة. روح لريما يمكن كل ده مايكونش صح. 

مروان هز راسه وقام وخرج راح اوضته. چنا فضلت تبكي وراحت وقفت قصاد المرايا وبصت لنفسها . اكن اللي شايفاها دي مش هي

المرايا : انت عايزة ايه . ليه بتهدي حياته وحياتها؟

چنا بدموع: انا مش عايزة اهد حياتهم. انا حبيت. ليه بتلوميني ليييييه . 

المرايا: علشان لازم الومك. انتي كان لازم تبعدي شوفي حياتك مع غيره ليه هو؟

چنا بوجع: علشان بحبه. بحبه وماحبتش غيره. قلبه هو اللي حبه انا ذنبي ايه. 

المرايا: وريما ذنبها ايه؟

چنا بكت اكتر: ريما عاشت معاه سنين اخدت حبه وحنيته واحتوائه. ومع ذالك قبلت تضحي بيه علشان طفل.ليه مااختارتهوش هو ؟ليه باعته بعد كل اللي عمله علشانها؟ليه بتلوميني انا ؟لوميها هي. 

المرايا: هي مااجرمتش. هي عايزة طفل عايزة تكون ام. حقها. 

چنا بحزن: وليه مافكرتش ان ده نصيب وقدر. وان ربنا مش بيدي الانسان كل حاجة. اوقات بيدينا حاجة وياخد حاجة قصادها. مش يمكن لو كانت خلفت كان جالها ابن عاق يهنها ويحرق قلبها مش يمكن كان يجي ويموت مش يمكن كانت تبقي بنت منحلة وتضيع اسمهم وحياتهم. ليه ماحمدتش ربنا انه رزقها  زي مروان يعوضها ويحبها. ليه لسة بتختار العناد ليه لسة عايزة تبيعه علشان طفل. حتي لو جه مش هيكون حته منها. 

المرايا : لو كنتي مكانها ماكنتيش قولتي كدة. كنتي عذرتيها. 

چنا ضربت قلبها بقوة وصرخت:وانا مين يعذر قلبي مين يحس بيا. ليه اللوم عليا ليه ماحدش قادر يفهمني. انا. 

كمان حبيته . حبيته ومش عايزة غيره لاطفل ولا اي مخلوق ممكن يعوضني عنه. وقعدت في الارض بحزن. ليه مستخسرين فيا السعادة. ليه هي ياما فرحت معاه ضحكت في وجوده . حست بالامان في حضنه . انا كمان عايزة اخد نصيبي من الدنيا. 

المرايا: ده مش نصيبك انت بتسرقيه منها .  

چنا هزت راسها بقوة ودموع: لا لا مش بسرقه. ده حقي حقي ومش هسيبه. مروان لو كان جوزي عمري ماكنتش هضحي بيه علشان اي حد ولا اي حاجة. هو هيبقي ابني وجوزي واخويا وابويا. هو كل دنيتي . 

المرايا: جربي وعيشي. وقدرك وقدره متحدد وهتشوفي بكرة مخبيلكم ايه انتم الثلاثة. 

چنا دفنت وشها بين ايديها وبكت: انا تعبت .. تعبت .. والله تعبت. 

......................................

في اوضة مروان دخل لقي ريما في الحمام قعد بتعب وسند راسه علي الكنبة وغمض عنيه. وبعد شويه ريما خرجت وشافته ابتسمت وراحت قعدت جنبه وبدأت تملس علي شعره بحنان. فتح عنيه وبصلها . 

مروان: قالولي تحت انك جيتي . خير فيه ايه؟! 

ريما بحزن : كدة علي طول مافيش وحشتيني. ولا حتي حضن! 

مروان اتنهد وحضنها : معلش انا تعبان بس شوية. 

ريما خرجت من حضنه وبصتله : انت لسة زعلان مني؟

مروان قام وبدا يقلع هدومه: انا داخل اخد حمام. 

ريما وقته ومسكت ايده: مروان انا اسفة. 

مروان بصلها : علي ايه بالظبط. 

ريما بصت في الارض: علشان الكلام اللي حصل بينا امبارح . انت لازم تحط نفسك مكاني وتحس بيا شوية. 

مروان: ريما احنا قفلنا كلام في الموضوع ده . وانا وعدتك انفذلك اللي انتي عايزاه  وانتي هتختاري عروسة بس مش عارف مين دي اللي هتوافق تديلك ابنها لمجرد انها تتجوزني. 

ريما بحماس: ان شاء الله هلاقي بس انت اتنازل شوية مش لازم تكون بنت عيلة يعني اي واحدة توافق وخلاص. 

مروان ابتسم بسخرية: اي واحدة! مش فارق معاكي جوزك هيتجوز مين واصلها ايه . انتي ناسية انها هتبقي ضرة ريما اخت رعد الحديدي . لازم واحدة تكون علي نفس المستوي. 

ريما بضيق: واللي علي نفس المستوي مش هتوافق تبيع ابنها. 

مروان مسك ايديها بقوة وبغيظ: لا في علشان في نفس المستوي واحدة باعت جوزها فأكيد هتلاقي واحدة تبيع ابنها. البيع بقي سهل. 

ريما دمعت: انت تقصدني! انا مش بييعك . 

مروان ضحك بسخرية: لا لاسمح الله. انت بس بتأجريني كام شهر لواحدة اجوزها وتخلف مش اكتر. بيع لمدة يعني . 

ريما بحزن: خلاص لو مش عايز بلاش. 

مروان: لا يا شيخة دلوقتي بلاش. لا انا بقي كبرت في دماغي وعايز اتجوز. اهو اكيد العروسة الجديدة هتعوضني شوية. 

ريما : تعوضك عن ايه ومين.؟

مروان قرب منها وبصلها بقوة: تعوضني عن حضنك اللي باعني. عن قلبك اللي طردني . عن حنانك اللي حرمتيني منه وحوشتيه لطفل لسة في علم الغيب. عن اذنك انا داخل اخد حمام . 

ورجع خطوتين .. اااااه صحيح هو انتي جيتي ليه اصلا؟. 

ريما اتنهدت: علشان مشيت زعلان. فجيت اصالحك ونكمل كلامنا. 

مروان اتنهد: حمد لله علي السلامة. عن اذنك. 

دخل مروان الحمام وريما فضلت تبكي: هو ليه بيلومني. ليه مش حاسس بناري وحرقة قلبي انا اللي في سني معاهم اولادهم حاوليهم . وانا لوحدي. ليه مستخسر فيا يكون ليا طفل واحد .. واحد يقولي ماما اسمعها زي اي ام . هو انا مش منحقي . يارب .. يارب انت شايف وعاليم بحالي يارب حنن قلبه وابعتلي واحدة تحققلي امنيني  ورجائي من الدنيا. 

مروان واقف تحت المياه مغمض عنيه وبيفكر ويتأنب.  انت ليه جرحتها بالشكل ده. ليه لسة بتلومها. انت حبيت چنا بجد ولا لسة بتحب ريما. قربك من چنا حب حقيقي ولا انتقام من قلبك لريما. عايز توجعها زي ماوجعتك سنيين . انت بتحب مين فيهم. چنا ولا ريما . مستعد تضحي بيمين فيهم. هتتحمل خسارة مين فيهم. اتنهد بحيرة ووجع ومش عارف يلاقي اجابة كل حاجة  اتلخبطتت جواه . عقله مشتت قلبه . مش عارف هو صح ولا غلط . استسلم في النهاية للقدر واللي هيحصله بعد كدة .هو خلاص بقي كل شئ بيحصله فجأة مش عارف يوقف حاجة. 

......................................

مر اكتر من يومين علي كل الاحداث. وفي يوم كان معاد رجوع تمارا وشهاب . مهاب كان علي علم بوصولهم ومستنيهم في المطار. بس وقف مزهول وهو شايف شهاب تقريبا حاصن تمارا بذراعه ودراعه التاني مرفوع بحزام طبي وهي كمان محاوطاه بإديها الاتنين بإحتواء وبيضحكوا . ولما شافوه تمارا حاولت تبعد عن شهاب وارتبكت من نظرات مهاب. شهاب منعها وفضل متمسك بيها وايده علي خصرها وضاغط بقوة . تمارا بصتله بعتاب وعلشان يبعد. بس شهاب كانت عنيه في عين مهاب اكنه بيتحداه بوجود تمارا في حضنه . مهاب اتغل وغضب وقرب منه ومسك ايده بقوة وشد تمارا ناحيته بعيد عنه . 

تمارا: بببابا اانا ااانت عامل ايه ووحشتني وحضنت مهاب. مهاب ضمها وهو عنيه في عين شهاب اللي كان بيبتسم وبيبصله بتحدي . 

مهاب خرجها من حضنه وحزم: يالا بينا والدتك مستنياكي في البيت . 

شهاب حط ايده في جيبه وبجدية: ازيك يا سيادة اللواء. ايه مافيش حمد لله علي السلامة. هو من لقي احبابه نسي اصحابه. 

مهاب قرب منه بقوة وتحدي وبتحزير : احنا عمرنا ماكنا اصحاب ياريت ماتنساش نفسك . وافتكر مين هو مهاب عز الدين . 

شهاب بتحدي اكبر ابتسم بثقة: انت اللي ياريت ماتنساش مين هو شهاب الحديدي. 

تمارا مستغربة من موقفهم من بعض. ليه لغة العيون والتحدي اللي فيها بالشكل ده بينهم. 

تمارا: بابا هو فيه ايه . شهاب علي فكرة ظابط شاطر ده انقذ حياتي . 

مهاب بصله بقوة: هو ماكنش قصاده حل تاني علشان لو كان رجع من غيرك كان زمان جثته هي هنا مش هو. 

شهاب ضحك بقوة: ههههههههههه. وانا اقدر بردوا ارجع من غير تيمو. انا خلاص مابقتش بقدر استنغني عنها. علي فكرة انا كنت عايز حضرتك في موضوع مهم. 

مهاب لبس نظارة الشمس بتاعته وبجدية: نبقي نتقابل في الجهاز. 

شهاب ابتسم : تؤتؤتؤ. ماينفعش. ده موضوع شخصي مش هينفع نتكلم فيه في الشغل انا هكلم تيمو واحدد معاها معاد واجيلك انا ووالدي ووالدتي. 

مهاب بعصبية: نننعم ليه ؟

شهاب بص لتمارا وغمزها : جاي اطلب منك ايد تمارا

مهاب انصدم وشد تمارا بعنف ومشي من غير مايرد علي شهاب. 

شهاب ابتسم وهز رسه بسخرية: مش هتتغير هتفضل زي ما انت. بس انا كمان هعمل اللي انا عايزه . وهتجوزها غصب عنك حتي لو رفضت ههحرمك منها طول حياتك . ويا انا يا انت يا مهاب . لبس نظارته وخرج لقي عربية ابو بعتهاله ترجعه البيت. بس لقي مؤمن جاي بعربيته بسرعة ووقف. ونزل بلهفة وحضن شهاب. 

مؤمن بلهفة وسعادة: بوب حبيب قلبي وحشتني. 

شهاب : ههههههههه. اي اي براحة يا غبي. وانت كمان وحشتني فينك يا ندل لسة جاي دلوقتي . 

مؤمن بعد عنه : ههههههه. معلش والله كان عندي شغل ما انت عارف. قولي ايه اللي شلفتك كدة ومين اللي كسرلك دراعك. 

شهاب: لا ده ضلعي تعبان شوية. مافيش حاجة . يالا تعالي معايا هتتغدي معايا النهاردة تلاقي الملكة همس عاملة وليمة علي شرف رجوعي. 

مؤمن : انت هتقولي ما انا عارف اومال انا جيتلك ليه. ههههههههههه. وحشني اكل امك صراحة فنانة. 

شهاب ضربه علي قفاه: امك مين ياحمار. 

مؤمن: هو انت مابتتهدش راجع متشلفط ولسة مستقوي. يخربيتك. صحة متكلفة. 

شهاب : الله يحرقك انت وقرك الدكر ده.. اقولك امشي مافيش غدا. 

مؤمن باسه من خده: واهون عليك ده انا حبيبك. 

شهاب ابتسم: ههههه. طيب خلاص بس بلاش بوس تاني علشان ماظرفكش قلم يعدلك. فاهم. 

مؤمن غمزه: لا ياعم انا هبوس وابوس. بس مش انت حبيبة قلبي سمراء حياتي. 

شهاب عقد حاجبه: مين يا عنيا. سمراء مين. ماتظبط ياد انت واتكلم عدل. 

مؤمن: لا دي حكاية طويلة احكيهالك بعدين. بس الخلاصة اني مأجل خطوبتي لحد ما انت ترجع . 

شهاب بفرحة: خطوبتك انت وقعت انت كمان . 

مؤمن عقد حاجبه: ايه انت كمان دي . هو انت وقعت. 

شهاب:هههههههه. وقعت ايه . قول اتفرمت. ومش هتتخيل مين 

مؤمن غمزه: تمارا صح 

شهاب : وانت عرفت منين. 

مؤمن: يا عزيزي. الحب كان باين في عنيكم من اول لقاء انا شوفتكم فيه مع بعض. بس كل واحد فيكم كان بيكابر. انت فاكر يوم الحادثة بتاعة فادي لما انت كمان وقعت . انت كنت مرعوب عليها بشكل مش شكل واحد بيكره واحدة وعايز ينتقم منها. 

شهاب اتنهد: عندك حق. هي دخلت قلبي من اول نظرة بس كنت بكابر. المهم انت مين اللي توبت سيادتك. 

مؤمن: فاكر البنت اللي شوفتها في الحفلة بتاعتكم . 

شهاب: ااااه. ليلتها انت قولتلي اسمها اااي ششرين 

مؤمن: هههههههه. لا شيري . 

شهاب: ربنا يسعدك يا مؤمن. 

مؤمن بتردد: احمم. هو ههو انت هتعمل ايه مع اللواء مهاب. تفتكر هيوافق. 

شهاب بغضب: لو فكر يرفض هحرق قلبه ومش هخليه يشوفها تاني . 

مؤمن بقلق: ربنا يستر. انا بقول نروح وليمة الحاجة همس احسن قبل ماتقلب بغم. 

شهاب : طيب هتركب معايا ولا هتيجي بعربيتك. 

مؤمن قفل عربيته: لا طبعا هركب معاك. ده ابوك بعتلك دبابة هي دي عربية. 

شهاب : ههههههه مش بقولك عينك وحشة افرض ولعت بينا دلوقتي ما انت هتولع معايا. 

مؤمن : هههههههه لا ما تقلقش دي ضد المياه وضد النار. 

شهاب بزهق للسواق: اطلع يا ابني هو يوم منيل . مش هنخلص. 

......................................

في ڤيلا اكمل التهامي . 

كلهم موجودين بيسلموا علي حمزة وفتون. ومستغربين ليه رجعوا بسرعة مع ان شهر العسل لسة ماخلصش. 

مديحة بتحضن فتون: حمد لله علي سلامتك يا حبيبتي . 

فتون ابتسمت بحزن:الله يسلمك يا امي. 

تسنيم : حبيبي ليه رجعتوا بدري كدة. في حاجة؟

حمزة بص لفتون بعتاب: لا ياماما فتون بس زهقت من هناك والجو غريب عليها فتعبت وطلبت نرجع نكمل شهر العسل هنا . 

مديحة شافت ايد فتون متغطية برباط طبي: مالك يا بنتي انتي حصلك ايه . 

فتون بصت لحمزة بحزن وبصت في الارض: لا ابداا ااصلي دخت ووقعت واتعورت. 

تسنيم بقلق: حبيبتي سلامتك. تحبي اطلبلك دكتور . 

فتون ابتسمت: لا مافيش داعي حمزة قام بالواجب وعمل كل حاجة. وبصتله بعتاب ولوم . 

حمزة بحزن بصلها وبص في الارض. واكمل واقف مش متحمل وجع ابنه والمعاناه اللي هو فيها . قرب من فتون . 

أكمل : حمزة بيحبك وعمره مايتحمل يشوفك تعبانة او مجروحة. انتي مراته. يالا حبيبتي اطلعي ارتاحي ونامي. 

مديحة بإحراج: ططبب اانا وحياة هنروح الملحق ونسيبكم مع بعض. 

تسنيم : لا طبعااا. العرسان هيتطلعوا يرتاحوا واحنا هنقعد نشرب قهوة لحد معاد الغذا. ولا خلاص هتنسيني علشان فتون رجعت. 

مديحة : لا طبعاا ازاي بس اكيد انتي واكمل بيه عايزين تشبعوا من حمزة. انا هسيب فتون ترتاح. وحمزة يسلم عليكم براحته ونبقي نتقابل علي الغذا. تمام. 

تسنيم ابتسمت: طيب هسيبك علي راحتك بس اول ما الغدا يجهز هتصل بيكي ماتتأخريش. 

مديحة: هزت راسها واخدت حياة ومشيت. 

فتون : عن اذنكم عايزة انام. 

طلعت فتون وحمزة باصص عليها بحزن. تسنيم قربت منه . 

تسنيم: مالها مراتك حبيبي. انتم زعلانين ولا حاجة. 

أكمل: هما لحقوا انتي هتزعليهم ليه . هتعملي حما من دلوقتي . 

تسنيم بعصبية: ممكن ماتدخلش بيني وبين ابني. اسكت . 

اكمل : ماهو ابني انا كمان . ولا سيبك من امك. واطلع لمراتك ودلع نفسك . 

تسنيم بغيظ مسكت ايد حمزة وبتحزير:اكمل اتلم وما تدخلش بيني وبين ابني. انا لسة ماشبعتش منه . تعالي يا قلب ماما احكيلي انبسط هناك. 

حمزة : ههههههههه. اه يا ماما انبسط . 

اكمل : اهو انبسط سبيه بقي يروح لمراته. ماتبقيش عزول كدة. 

تسنيم بغضب : انا! انا عزول؟ماشي يا اكمل وحياتك لتنام في المكتب الليلة. 

أكمل : الله يخربيتك اهو هنام في المكتب من تحت راسك. امشي بقي روح لمراتك لما اشوف هصالح امك ازي. 

حمزة غمز تسنيم: لو منك اصمم وانيمه في المكتب اياكي تاراجعي. 

أكمل : شوف الواد ابن الكلب. انت ياللا بتقومها . طيب وحياة امك اللي مدلعاك دي لربيك واطلع اقول لفتون علي البنات اللي كنت تعرفهم واغفلقها علي دماغك . 

حمزة بحزن مصتنع: حراام عليك هو انا ناقص. ده انا زي مايكون حد باصصلي في ام الجوازة دي. 

تسنيم شدت حمزة : يابني قولي بس حصل حاجة. 

اكمل شد تسنيم وزق حمزة: روح يا ابني لمراتك وانتي تعالي بس عايزك في موضوع مهم . 

تسنيم: استني بس اتطمن علي الواد. 

اكمل غمزها: لا اتطمني الاول علي ابو الواد. 

حمزة طلع الدور بتاعه هو وفتون. 

واللي يعتبر منفصل عن الڤيلا بباب خاص. دخل ودور عليها لقاها واقفة في اوضتهم وبتبص لفستان فرحها وبدلته اللي مواجودين علي السرير. وصور فرحهم  اللي اكمل علقها في الاوضة وكمان علي الكومود. شافت السعادة اللي كانت فيها يوم فرحهم وافتكرت شعورها ليلتها. بكت بحرقة . وافتكرت اللي حصل في باريس. وسألت نفسها. هي صح ولا غلط. تبعد ولا تقرب. بس كرامتها وجعتها اوي. مسكت صورته ودموعها بتزيد كأنها بتكلمه

فتون: قولي اعمل ايه انا احترت. احبك ولا اكرهك . اسامحك ولا اعاقبك . ابعد ولا اقرب. قولي انت عملت كدة ليه؟ لو كنت حبيتني ماكنتش تأذيني. لو كنت فعلا نيتك تتجوزني ليه عملت كدة. 

وبكت بجرح: انت ماحبتنيش ايوة ماحبتنيش. انت ضعفت يومها مش اكتر ولما فوقت قولت تصلح غلطتك وتعوضني وتتجوزني. انت اتجوزتني شفقة مش حب. ولا اكتفيت وجع وجرح واهانة مافيش مكان لجرح جديد. مجبرة ابعد عنك كنت حلم جميل حلمته وصحيت منه علي كابوس مش راضي يفارقني.

 وبحزن كبيير غنت بألم ومرار. (مفيش اسباب. اليسا)

مافيش اسباب بعدت وعمري ماعملت لبعادنا حساب. انا سيبتك عشان مااقبلش اني اتساب. مشيت قبل انت ماتقولي خلاص مليت. 

و غمضت عنيها بمرارة الايام اللي مش هاين عليها تسيبها تفرح. 

 جراح بجراح جرحت انا نفسي عشان ارتاح. بسببك كل شئ كان حلو بينا و راح. 

نهاية اكيد حبيبي عكس ما اتمنيت. 

حمزة واقف بيراقبها من برا ومش قادر يقرب ليها صعبان عليه حالها ووجعها وحزنها حتي غناها كان كله حزن وبكي. سابها تبكي وتقول اللي جواها . 

كملت هي بمرار واهانة سكنت جواها . هي مش قادرة تقتنع انه حبها. هي متخيلة انه بيعوضها اللي حصلها علي ايده وبس . لكن هي مش عايزة تعويض. هي كانت عايزة حب . حب صادق من غير شفقة. 

اوقات بتموت حاجاااات علشان نعرف نعيش.

 وهكمل ليه الحياة مع قلب

#مهمة_حب

#سلسلة_عشق_الرجال الجزء الثاني من رحم للايجار

#الحلقة_الثامنة_والعشرون_والحلقة_التاسعة_والعشرون

مر اكتر من يومين تمارا هتتجنن مش عارفة ايه سبب رفض مهاب لشهاب. حتي شهاب لما سألته ماقلهاش اي حاجة. وانكر ان فيه عداوة بينهم. 

حمزة وفتون مازال الشد والجذب مستمر. وحمزة مابيياسش وبيحاول يقرب منها . 

انس ومايا لسة بيتقابلوا وبيقربوا من بعض. ومهاب كان بيحاول يبعدوه عنها بشكل غير مباشر. لانه مش عايز يصدمه . 

في صالة التدريب شهاب كان بتدرب بوكس مع مؤمن. وفجأة لقي مهاب دخل الحلبة وهو بيبصله شزرااا وغيظ. شهاب شافو بعد عن مؤمن وابتسم وهو بياخد نفسه. 

شهاب بثقة:شايفك مستعد لللعب ياسيادة اللواء. 

مهاب ابتسم بسخرية: قصدك للمكسب . مهاب مابيلعبش. مهاب بيكسب وبس. 

شهاب رفع حاجبه بتحدي:نشوف مين اللي هيكسب . 

 ووجه اول ضربة لمهاب . بس مهاب تفادي الضربة بسرعة ولف دراع شهاب وراه وهمسله بتحزير. 

مهاب: بتلعب علي تمارا ليه؟تارك معايا تخده مني . هي لا. 

شهاب ابتسم ولف بسرعة وضرب مهاب بوكس. وبتحدي. 

شهاب:مين قالك اني بلعب عليها. انا بحبها. 

مهاب ضرب شهاب بوكس اقوي واعنف. وشهاب نزف. وبص لمهاب بغيظ. 

اقرا ايضارواية ملكة فارس( الجزء الثالث من أصبحت جارية )الفصل السادس والسابع الأخير بقلم أمل حمادة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الخاتمه الأولى والثانية والثالثة بقلم ريحانة الجنة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الفصل الرابع والاربعون والخامس والاربعون والسادس والاربعون الأخير بقلم ريحانة الجنة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الفصل الأربعون والحادى والاربعون والثانى والاربعون والثالث والاربعون بقلم ريحانة الجنة

مهاب: كداااب. انت عمرك ماحبيت غير ملك. 

شهاب بغل وجه ضربة قوية  لمهاب: ملك ماتت. وانا دفنت الماضي. وبنتك هي الحاضر والمستقبل. 

مهاب بغضب ضربه بقوة:عايز تنتقم منها ليه.

شهاب لسة بينزف بص لمهاب بتحدي اكبر: بنتك حبيتني. وعمرها ماهتقدر تبعد عني. لو كنت قدر تبعدها ماكنتش جيت النهاردة. 

مهاب قرب منه بكل غيظ وضربه بقوة بس شهاب تفادي الضربة ووجهله ضربة اقوي. 

شهاب: اعترف انك دلوقتي الاضعف. 

مهاب بتحدي:عمري ماكنت ضعيف. لكن انت اللي خايب وندل ماعرفتش تاخد طارك مني. عايز تخده من بنتي. بس ده بعدك. علي جثتي ان بنتي تنجرح علي ايدك. 

شهاب قرب منه بهدوء وبصله بوجع: ما نكرش اني في يوم من الايام فكرت احرق قلبك واقهرك عليها. علشان تجرب وجع القلب علي اغلي ماعندك. بس للاسف قلبي خاين وحبها. حبيت بنت اكتر واحد حبيته وكرهته في نفس الوقت. انت كنت احب انسان لقلبي. اكتر واحد كان مثلي الاعلي. لحد ما عملت اللي عملته. 

مهاب بقوة: ماكنش قصادي حل تاني وانت عارف.. 

شهاب اتنهد: الماضي عدي وانتهي. دلوقتي انا بحب تمارا وهي بتحبني. لو عايز تعاديني لتاني مرة ويبقي بينا طار جديد اكبر واعنف. ارفض جوازنا . وقرب منه اكتر واكتر. بس وقتها ماتلومش غير نفسك . علشان تصرفي مش هتتوقعه ولا هتتحمله. 

مهاب بغضب ضربه براسه بقوة وعنف: انا مابتهددش. فاهم اياك تنسي انا مين. 

شهاب بيبص للدم اللي نزف منه وبص لمهاب وابتسم: متعة عندي اشوفك في حالة الغضب دي. 

مهاب قرب منها ومسكه من هدومه وبتساؤل: لاخر مرة هسألك. واظن انك لو بجد راجل وابن راجل زي رعد . وزي ما الكل شايف قول الحقيقة بتحبها ؟

شهاب بصدق: بحبها . يمكن كمان اكتر من ملك. ارتحت. 

مهاب زقه بعيد عنه جواه حرب احاسيس.مش عارف هو فعلا حبها ولا لا. مشتت مابين وجع بنته اللي اول مرة تحب ومابين خداع شهاب ليه وليها اللي مش لازم يغفل عنه. وينساه . شهاب ظابط مخابرات محترف. يقدر يخدع اي حد بسهولة. 

شهاب شايف مهاب ساكت وبيفكر وشكله بيغلي من الغضب. قرب منه وبهدوء وثقة. 

شهاب: خالينا ننسي اللي فات . انت في كل الاحوال هتكون حمايا وابو اولادي.

مهاب بصله وعقد حاجبه: انت خلاص اتجوزتها وخلفت . يابرودك يا اخي. 

شهاب ضحك بقوة: ههههههههه. ده بديهي علي فكرة. بنحب بعض يبقي نتجوز. ونتجوز يبقي نخلف بامبينو لذيذ كدة شبه جدو وياخد عنيه وعنين مامته. وغمزه ولا ايه . 

مهاب بزهق: اوففففف. عيل  كتلة غلاسة وسماجة. وبتحزير. اسمع وحط كلامي ده قصاد عنيك واياك ثم اياك تنساه ولو للحظة. تمارا دي مش بس بنتي دي حته مني. بنتي واختي وصاحبتي. روحي متعلقة بيها. لو في يوم بكت دمعة واحدة بسببك. او انجرحت منك . قسما عظما لقرقش عضمك بسناني واخليك عبرة لمن يعتبر. هعذبك عذاب في حياتك ما تخيلته ولا خطر علي بال مخلوق. 

شهاب ابتسم بغرور: بنتك الضحكة ما قربتش منها غير لما عرفتني. السعادة ما دقتش بابها غير في وجودي. عنيها بترقص لما بتشوفني. ما تقلقش تمارا دي في عنيا. ومش علشان التهديد اللي مهزش فيا الهوا ده تؤتؤ. بس لاني فعلا بحبها . 

مهاب اخد نفسه : شهاب . تمارا ماعندهاش تجارب واول مرة تحب. اياك تستهون بيها. تمارا مش زي اي بنت. تمارا تبان قوية ومتمردة. لكن جواها طفلة بقلبها وبرائتها. اياك تقتل الطفلة دي وتغتال برائتها. وربي هقتلك. وماهتهاون فيها. 

شهاب حس بغصة في قلبه وبحزن: انا اكتر واحد عارف هي ايه وهتعامل معاها ازاي. خبرة بقي من التعامل مع اللي من نفس نوعها. ملك كانت زيها في كل حاجة. فاكر ملك ولا لا. 

مهاب بغيظ وغضب: انت لسة بتقارنهم ببعض. لسة فاكر ملك وعايزني اصدق انك حبيتها بجد. 

شهاب بهدوء: ملك ما اذتنيش علشان انساها كأنها ممارتش في حياتي. ودايما هفتكرها. بس ده مش معناه اني مش بحب تمارا. لا. انا فعلا حبيتها واوعدك هتكون اسعد انسانة وهي معايا. وده مش لشئ الا لانها فعلا تستاهل ده. لانها بريئة وبيور وقلبها طيب. ما تستهلش اي خداع او انتقام . 

مهاب غمض عنيه واخد نفسه بحيرة. ولف علشان يمشي. 

شهاب بصوت عالي: الليلة جايلك انا وابويا وامي. علشان نخطب تمارا. ياريت تبلغها انت افضل. علشان تتأكد انك موافق ومقتنع . 

مهاب بصله بضيق ومشي من غير كلام. 

خرج مهاب من الحلبة ودخل مؤمن تاني وهو مزهول وبيص علي مهاب لحد مامشي 

مؤمن: يالهو بالي يا جدعان. لقاء الجبابرة . ده انا حسيت اني هلاقي دراع طاير ولا عين شاردة ولا سنة بتعوم في الدم ده. وبص للحلبة وللدم اللي فيها. 

هااااراسسوح كل ده دم انتم كنتم بتاكلوا بعض ولا ايه . 

شهاب بياخد نفسه بتعب ومسك ضلعه بألم: حقه خايف علي بنته. 

مؤمن بصله بجدية: شهاب انت بجد بتحبها؟

شهاب بصله بإستغراب: انت الوحيد اللي يعرفني كويس. ومش لازم تسأل سؤال زي ده. 

مؤمن اتنهد: بصراحة انا خايف تكون لسة جواك روح الانتقام دي.  

وتكون لسة عايز توجع اللواء مهاب. بس اللي انا متأكد منه . ان شهاب صاحبي اللي اعرفه كويس مش ممكن ينتقم بالطريقة الرخيصة دي. كمان انت كنت مستني فرصة تقابله راجل لراجل مش عن طريق تمارا ابدااا. 

شهاب اتنهد: ماتخفش . طنك في محله مش شهاب اللي ياخد واحدة سكة علشان ينتقم. 

مؤمن شايف شهاب بيتألم: ليه ماقولتلوش. انك تعبان ليه تماديت معاه في الضرب. هو كمان كان بيضربك بغل رهييب.تعالي اروحك انت محتاج ترتاح لسة ما اخدتش نفسك من اللي حصل في ايطاليا. 

شهاب بيتحامل علي ألم ضلعه: هتصدقني لو قولتك ان اكبر انتقام منه حققته النهاردة. وانا شايف في عنيه الغل والغضب والخوف المرعب علي بنته مني. حسيت اني وجعته بكفاية. ولعلمك بعيد عن حبي لتمارا. انا دايما هكون مستمتع بقلقه مني وعدم ارتياحه  ليها. وخوفه المستمر اني انتقم منه في تمارا. الحالة دي هتخليني سعيد طول ما انا شايفة مش علي بعضه كدة ومتحفز ومترقب ليا. 

مؤمن :هههههههه. يخربيت شرك. مش سهل انت يا بوب . 

شهاب ابتسم: عيب عليك. بس تصدق اكتر حاجة مضايقاني من تمارا ايه . 

مؤمن : ايه؟

شهاب بضيق: انها شبه ابوها. 

مؤمن: هههههههههن. بس شهادة لله سيادة اللواء موووز. يعني لولا الملامة الواحد كان يتحرش بيه 

شهاب:هههههههههه. سافل يا كلب. مش قصدي كدة. بس كل لما ابص في عنيها اكني شايفه . نفس نظرة القوة والتحدي. 

مؤمن غمزه: طيب ووقت اللي بالي بالك. بتشوف ايه . 

شهاب ضربه في كتفه : وانا لسة جربت يا متخلف. 

مؤمن بيتألم: اي ربنا يهدك. وربنا اندهلك اللواء مهاب يكمل عليك. اوففف. يعني ماحصلش حاجة كدة ولا كدة. ده انتم كنتم اكلين شاربين نايمين قاتلين مع بعض.معقول مافيش اي تاتش. 

شهاب ضحك بقوة  : هههههههنه. فكرتني بالواد اسماعيل. فقري يخربيت اهله. 

مؤمن بحماس: احكي حياة ابوك. 

شهاب : لما تمارا اتخطفت وروحنالها. انا اول ماشوفتها ماكنتش علي بعضي كنت هتجنن. ماصدقت لقيتها واخدتها في حضني. الواد اسماعيل بقي بيمووت. بعد ما خرجنا يقولي. هو انت بجد طبيعي احنا كان ضرب النار فوق دماغنا زي المطر. وانت واقف تحب فيها. كنا هنموت بسببكم. 

مؤمن ضرب صدره بتمثيل: لهو انت يا منيل كنت بتعمل مشاعر قصاد الزملاء. اخس عليك. ده انتم هيتحفل عليكم حفلة بنت تيييت. 

شهاب بثقة: وانت متخيل ان اسماعيل يجرؤ بس انه ينطق بحرف. 

مؤمن: ماهو ممكن في المستخبي يعني . 

شهاب : تؤتؤ. هو عارف وانت كمان ان الجهاز عندنا مافيش حاجة فيه بتستخبي. ولو بس همس هعرف. ومش هرحمه. هقطع لسانه . 

مؤمن غمزه: شكلك خربتها يا بوب. تعالي بقي نمشي وكملي عملت ايه . 

شهاب بسخرية:ليه ياخفيف . ححكيلك حدوتة قبل النوم. ماتظبط نفسك آل احكيله آل. اوعي كدة انا عايز ارجع البيت علشان تخلي امي وابويا يستعدوا . انت ناسي اني هخطب الليلة. لازم استعد . 

مؤمن بخيبة امل: يالا ماليش نصيب اعرف. بس قولي هتروح تخطب ازاي وحماك شلفطك كدة. 

شهاب غمزه : ههههههه. شهيد الحب بقي. 

مؤمن : هههههههه. ياعني علي الحلو لما تبعدله الايام. يالا يا خويا. يارب تنجز بقي علشان همووت واخطب البت شيري هتخلل جنبي بسببك. 

شهاب: ماتقلقش. علشان انت بس طلعت جدع وماخطبتش من غيري. هعمل معاك حركة رجولة. واعمل خطوبتي وخطوبتك في يوم واحد. ابسط ياعم . 

مؤمن سقف بإحتفال: ايوة بقي يا بووووب. وهتشيل الليلة كلها وانا مش هغرم حاجة. حبيييبي. 

شهاب:هههههههه يا معفن هو ده اللي همك. 

مؤمن : ايوة بقي هحوش انا للليلة الكبيرة ده انا هكسر الدنيا. 

شهاب :هههههههه. طيب يا منيل انت يالا بينا. 

......................................

في ڤيلا اكمل التهامي. 

حمزة خبط علي فتون ماردتش. خاف تكون تعبانة ولا حاجة.  دخل الاوضة مالقهاش. وسمع المياه في الحمام. اتطمن انها كويسة. دخل اوضة اللبس وكان بياخد هدوم ليه .  فتون خلصت  حمام  وخرجت وهي بتنشف شعرها. اصلا ماتعرفش ان حمزة موجود. دخلت اوضة اللبس تلبس لقت حمزة قصادها.  اتلخبطت وحاولت تخرج . بس حمزة كان اسرع شدها وقربها لحضنه وهو بيتأمل فيها وفي جمالها الرباني اللي بيظهر بوضوح. في كل مرة عنيه بتشوفها . 

حمزة: رايحة فين . طمنيني عنك.

فتون متلخبطة . قلبها بيقولها لو غالي عندك سبيني في حضنه ده وحشني اوي ريحته بتحيني. عقلها بيقولها انتي خلاص هتنسي اللي عمله. وتحني بسهولة . ابعدي عنه. اوجعيه زي ما وجعك. بس هي كانت بتنهاار من قربه وحشها اوي . 

حمزة شايفها مقاومتها بتقل وعنيها في عنيه اكنها بتقوله قرب انا محتجالك .. 

حمزة بحنان وشوق: وحشتيني . وحياتي سامحي بقي انا محتاجلك. وقربها اكتر وحضنها بقوة 

فتون غمضت عنيها بإشتياق وحنيين. مش عارفة تعمل ايه. جسمها مش بيطاوعها تبعد اكنه في اللحظة دي ملكه هو وبيطيعه هو مش هي. 

حمزة مش متحمل بعدها هيتجنن ويقرب اكتر محتاج يفضل في حضنها . فضل يبوسها برقته وحنانه المعهودة. وهو بيهمس بحب. بحبك .. بحبك.... اخدها لسريرهم. وفضلوا فترة مع بعض كأن الزمن والدقايق وقفت. فتون اكنها غابت في دنيا تانية مش سامعة ولا حاسة بحاجة غير بشوقها وحبها ليه. بس في اللحظة اللي جات تفكرها بكل حاجة وبالليلة اياها. بعدت حمزة عنها بعنف وشدت الغطاء وقامت دخلت الحمام تاني. وقفلت علي نفسها. حمزة غمض عنيه بقوة وغيظ واتنهد بيأس. مش بسهولة ياحمزة مش بسهولة. لسة بدري. كنت متخيل انها هتنسي وتفضل في حضنك. قام وقرب من الحمام. وخبط عليها بهدوء

حمزة: فتون.... حبيبتي انتي كويسة. طمنيني .... 

فتون قاعدة بتعيط. اعمل ايه بس. محتجالك بس مش قادرة اقرب. اللي حصل واقف بيني وبينك مش قادرة انسي مش قادرة. 

حمزة سند راسه علي الباب بتعب: حبيبتي انا اسف لو ضايقتك. بس والله غصب عني. انتي بتوحشيني ودايما بتبعدي عني. بس اوعدك ححاول ما ضايقكيش تاني. بس افتحي . انا خايف عليكي . 

فتون فتحت الباب وصرخت فيه: بطل تبقي حنين بطل تقولي بحبك. بطل تعتزر. زعق فيا اوجعني . خاليني اقوي قلبي واقسي عليك . خاليني الاقي لبعدي عزر. ارحمني بقي ارحمني. 

حمزة بحزن: عايزاني اقسي عليكي. واوجعك. هو فيه 

وجع ولا جرح اكتر من اللي انتي فيه. 

فتون بدموع : انت ليه بتعمل كدة. ليه نظرت الشفقة اللي في عنيك دي. ليييييه . خاليك غدار زي ماعملت فيا ووريني القسوة في وشي . ليه بتداريها عني ليه. 

حمزة بيتألم من جرحها ليه بس مش قادر يدافع عن نفسه. 

حمزة: انا يمكن غدرت بيكي بس انا بحبك. واللي في عيوني ده حب مش شفقة. ليه شايفاه كدة . انا مش بطلب منك تنسي بسرعة . لا انا بس بطلب منك تديني فرصة اثبتلك حبي. فتون انا لو مش بحبك مش هفضل جنبك . ارجوكي ما تسمعيش لده وشاور علي عقلها. لكن  اسمعي ده وحط ايده علي قلبها . قلبك هو اللي هيقولك. مين حمزة. قلبك اللي عارفني ومصاحبني. قلبك اللي بيحبني وحاسس بيا. اسألي قلبك . وحياة كل لحظة حلوة جمعتنا. اهدي...  اهدي وفكري  بقلبك . واخد ايديها وباسها بقوة وحب. 

واتنهد بحزن: انا خارج وححاول ابعد عنك لو ده اللي هيريحك . بس ده هيكون صعب عليا اوي صدقيني. 

خرج حمزة وهو حزين لقي فونه بيرن اكمل. اتنهد بتعب ورد عليه . 

حمزة : ايوة يا بابا . 

أكمل : هاه عامل ايه . 

حمزة بضيق: هعمل ايه . معصلجة اوي يا كيمو تعبتني . اسكت ده انا فصلت فصلة بنت لازينا. 

أكمل: هههههههههه. عارفها انا الفصلة دي. ياقلب ابوك زمانك بتنهااار دلوقتي. 

حمزة: هههههه. اتريق براحتك ما انت عايش ولا علي بالك. 

أكمل: النبي تتلهي. ياللا ده انا عشت سنيين بفصل الفصلة دي. كنت بشوف امك قصادي ومحرمة عليا اقرب منها. كانت بتسافر دبي وتاخد قلبي معاها. ده ابوك اتبهدل بهدلة ما تخطرش علي بالك . 

حمزة اتنهد بأمل:يعني ممكن في يوم فتون تلين وتنسي اللي حصل. 

أكمل ابتسم: اكيد هتنسي. لانها بتحبك وانت كمان بتحبها. واياك تيأس. عافر وحارب. دي معركة حبك وحياتك . لازم تكسبها. اوعي تخلي الحزن يغلبك فاهم. 

حمزة ابتسم براحة: انا بحبك اوي يا كيمو. انت مش ابويا انت صاحبي وحبيبي. ربنا يخليك ليا. انت بتديني امل وطاقة ايجابية تخليني احارب الدنيا مش الحزن والهموم بس. 

أكمل ابتسم: انت حبيب ابوك . انت حلم اغلي انسانة علي قلبي. امك حلمت بيك سنيين لحد ماجيت . وانت غالي علينا اوي يا ابني. ربنا يسعدك. ويفرحك وابوك في ظهرك . مش هسيبك. 

حمزة: طيب انا نازلك تحت اغلبك دور بلاي استيشين بقي علي كيفك . علشان تعرف انا بحبك اد ايه . 

اكمل: هههههههه. ولا تعرف يا خيبة . انزل وانا اوريك. 

حمزة: حالا نزلك. 

......................................  

في مرسي علم. كانت ريما طول الفترة اللي قعدتها مع مروان وچنا حبت چنا اوي وقربوا من بعض. وكانوا بيسهروا سوا كمان بينزلوا ويشتروا حاجات وكمان مروان اخدهم ونزلوا البحر بيخت وكان يوم جميل كانوا مبسوطين فيه جدااا. وفي اليوم ده. كانت چنا وريما قاعدين علي البحر وكان فيه حفلة وزحمة . چنا لقت بنوتة جميلة بتبكي لوحدها . قربت منها. 

چنا بحنان: حبيبتي فين مامي. 

البنوتة: مامي كانت في الحفلة. وانا مش لاقياها. وانا خايفة . 

چنا برقة: لا مش تخافي خالص. انا وانتي هندور عليها سوا. ولو مش لاقيناها هنروح نسأل في الريسبشن. وهنلاقيها. مش انتي عارفة اسم مامي وبابي. 

البنوتة: اه طبعاا. 

چنا ابتسمت: طيب انتي اسمك ايه. 

البنوتة: تيا  اسمي تيا . 

چنا بإعجاب: الله جميل خالص. اسمك حلو يا تيا. صح يا انطي ريما . 

ريما بحنين : طبعاا هي واسمها حلوين. تعالي يا تيا قربي. 

تيا قربت من ريما. ريما ضمتها بحنان واشتياق لحضن زي ده. ودمعت. 

ريما : ازاي مامي تسيبك لوحدك كدة. هي مش عارفة قيمة النعمة اللي ربنا مديهالها. اوعي تبكي. انا جنبك وانطي چنا. مش هنسيبك غير لما نلاقي  مامي اوك. 

تيا هزت راسها: اوك. بس كمان الايس كريم بتاعي وقع علي الارض. 

ريما ابتسمت وهي بتلعب في شعرها: احلي واكبر ايس كريم. لتيا الجميلة. يالا نجيب الايس كريم. وندور علي مامي. تاكل ايس مريم يا انطي چنا . 

چنا ابتسمت: انا اصلا بموووت في الايس كريم. 

ريما : طيب يالا بينا . 

ريما اخدت چنا وتيا. وجابوا الايس كريم واكلوه وهما بيضحكوا. ودوروا فعلا علي مامت تيا. ورجعوها لمامتها. ورجعوا يقعدوا مع بعض. 

چنا :هههههه. مش ممكن تيا دي بنبونايا. لمضة بشكل . 

ريما بحزن: اااااه. يا چنا كان نفسي في بيبي. الحياة وحيدة دي مؤلمة اوي اوي. 

چنا بحزن عليها قربت منها ومسكت ايديها بحنان: خالي عندك امل. في ربنا وفي بكرة. 

ريما اتنهدت وبصتلها بتمعن وسألتها: چنا انتي ليه ما اتجوزتيش لحد دلوقتي. مع انك جميلة ومتفوقة في شغلك. وكمان ليكي اكيد زملاء شباب كتيير مناسبين. 

چنا اتنهدت بحزن: علشان كل الشباب دي ماحدش فيهم  قدر يدخل قلبي ولا عقلي. فضلت اعيش كدة احسن. ايه اللي يجبرني اتجوز اي واحد وانا مش مقتنعة بيه. لمجرد اني ما ابقاش في نظر الناس عانس. مش مهم مايهمنيش راي الناس. هما كدة كدة بيتكلموا. المهم راحتي انا . 

ريما بحماس: چنا هو انتي لو حد محتاجلك ممكن تساعديه؟

چنا : طبعاا. مادمت اقدر عمري ما اتأخر ابداااا. 

ريما بأمل: يعني لو انا محتاجالك وعايزاكي تعمليلي اكبر خدمة. واهم حاجة في حياتي ممكن توافقي . 

چنا قلبها دق وحست ان ريما هتطلب منها الطلب اللي في دماغها بلعت ريقها بترقب : خدمة ايه يا ريما! 

ريما بتردد: تتتتجوزي مروان. 

چنا برغم انها كانت بتتمني اللحظة دي الا انها حست بوجع ريما وهي بتنطقها . 

چنا بحزن مش بسعادة زي ما كانت متوقعة من نفسها: اتجوز مروان ليه ! وانتي؟

ريما بحزن: انا هفهمك مروان اخيرااا وافق انه يعمل العملية ونشوف واحدة تخلف منه بس هو مصمم يتجوز ويخلف عادي مش بعملية. وعايز واحدة تكون بنت ناس وعيلة وتوافق علي انها لما تخلف تديني ابنها ليا انا. وبدموع. ارجوكي وافقي وانا مستعدة اعملك اللي انتي تطلبيه. بصي اي حاجة انا موافقة. 

چنا بكت من رجاء ريما . كانت بتتمني تتجوز مروان بس مش بزل ريما بالشكل ده. ولا برجائها ليها انها تتجوزه. كرهت نفسها وقلبها وحبها. عمرها ما تخيلت انها تنحط في الموقف ده. 

چنا قعدت قصاد ريما علي الارض ومسكت ايديها وبدموع:ارجوكي بلاش تترجيني ولا تبكي. بلاش توجعي قلبي  

ربنا يخليكي... اااانا موافقة..  موافقة. 

ريما بفرحة مسحت دموعها : بجد مموافقة تتجوزيه وتتديني لبيبي ليا. بجد. 

چنا هزت راسها بدموع: ااايوة موافقة ... بس وحياتي كفاية كدة انا بتقطع. 

ريما حضنتها بقوة وسعادة :  ااانا مش عارفة اقولك ايه. ولا اشكرك ازاي. اااطلبي .. ااطلبي اللي انتي عايزاه . 

چنا دفنت راسها في حضنها وبكت بحرقة: مش عايزة حاجة .. مش عايزة...  

مروان كان واقف بعيد ومتابع الموقف والكلام. ومتأثر بالاتنين .. موجوع علي الاتنين..   مش عارف يتراجع ولا يكمل. قلبه فحرب بيتمزق . غمض عنيه بقوة ونزلت منه دمعة حيرة ووجع. 

.....................................

في ڤيلا مهاب عز الدين. 

كان الكل متجمع. رعد بعيلته ومهاب بعيلته. 

مهاب دخل لتمارا اوضتها وهي بتلبس وبصلها وابتسم من جمالها. 

مهاب: اااه يا ابن الحديدي مكتوبالك . تاخد اول قطفة . 

تمارا بسعادة حضنته: حبيبي يا هوبا. انا بحبك .. بحبك.. 

مهاب ضمها وابتسم: كل الحب ده علشان ابن رعد. مع انه مش قد كدة يعني. 

تمارا: لا لا عندك حاسب بقي ده البوب. ده هو ده اللي في الحتة الشمال . 

مهاب: ههههههه. مش بقولك محظوظ ابن محظوظة.حضن وشها بين ايديه وبحنان وقلق. بتحبيه اوي كدة. 

تمارا غمضت عنيها بحب واتنهدت:اااااه يا هوبا بحبه اوي. شهاب ده حرك جوايا حاجات عمري ماحسيت بيها . راجل عمري ما شوفت زيه غيرك . تعرف. دايما بيفكرني بيك . قلبه قوي وراجل ما يتغلبش. ووقت الحنية مافيش حد في حنيته ولا رقته.. 

مهاب ضمها بقلق: يارب يقدر يسعدك . والله لو بس فكر يزعلك حقطعه بسناني. 

تمارا خرجت من حضنه وبتساؤل: مش هتقولي في بينكم ايه . 

مهاب اتنهد: هو حكالك ايه عن ملك . 

تمارا: ابداا قالي انه كان بيحبها وماتت في عمليه وهي بين ايديه . 

مهاب: بس 

تمارا: اه بس . ليه هو فيه ايه تاني . 

مهاب: لا ابدااا مافيش. يالا مستنينا برا. 

خرجت تمارا مع مهاب. وكانت لابسة فستان احمر قاتم شكله مغري جداااا شعرها وعيونها حتي الميكب بتاعها مع انه هادي بس مع ملامحها وجمالها كانت ملفتة. سلمت عليهم وقعدت وبدا رعد يتكلم مع مهاب في التفاصيل . 

فادي مال علي شهاب وشوشه: والله زوقك اتحسن ايه الجمال ده. انت عايز تقولي ان دي ظابط شرطة. وياتري بقي بتقتل المجرمين ازاي بالرصاص اللي في السلاح. والرصاص اللي في عيونها. 

شهاب بيغلي من الغيرة والغيظ: ماتتلم يا ظريف. بدل ما اعدلك انا. احترم نفسك. دي خطيبتي وهتبقي مراتي ما تخلنيش اتغابي عليك. 

فادي بإستفزاز: جرب نار الغيرة وقولي... قولي... يا شيبو. ههههههههههه. 

شهاب بغيظ. مال علي حلا:لمي جوزك علشان هخزقله عنيه. 

حلا زغدت فادي بغيظ: وليه انت . انا هقوم بالواجب. 

رعد : تمام كدة تقريبا اتفقنا علي كل حاجة. في اي طلبات تانية يا سيادة اللواء. 

مهاب بص لشهاب: لا انا بس بحزره قصدكم. لو بس زعلها انا مش هقول هعمل فيه ايه هو عارف. 

رعد بثقة: انت بتقول كدة علشان ماتعرفش. الست اللي بتدخل عيلة الحديدي بتعيش ازاي ولا رجالة الحديدي بيعامله ستاتهم ازاي. بكرة بنتك تقولك . بس ياريت بلاش لغة التهديد دي. ولادي رجالة ومابتخفش. 

مهاب بغرور: ده مع اي حد. الا مهاب عز الدين. انا مايهمنيش العيلة وستاتها. انا كل اللي يهمني بنتي تعيش ملكة. ولو داس ليها علي طرف. هقتله قصادك. ولا هيهمني . 

رعد بغضب: بنتك يوم ماتخرج من بيتك. تنساها. هتبقي ملك شهاب الحديدي. مالكش عندها حقوق. حقوقها عند جوزها. وانسي انك تهدد ابني قصادي. انا اللي يقرب من حد من ولادي. اقتله ولا يرمشلي جفن. 

همس حست بتوتر وتهديد وتحدي وابتسمت بتوتر: ااايه . اايه يا جماعة مالكم .. كل واحد خايف علي ابنه. وسيادة اللواء. حقك تخاف علي بنتك. ببس انا بوعدك تعيش عندنا ملكة وانا مستحيل اقبل ان حد يزعلها حتي شهاب. 

رعد بص لهمس بغضب. اكنه بيقولها ايه اللي دخلك في الكلام. 

شهاب مش عايز ابوه وامه. يزعلوا بسببه. : احممم. خلاص يا سيادة اللواء. انا طمنتك علي تيمو دي في عنيا. ياريت نقفل علي الموضوع ده. وتتكلموا بقي عن الخطوبة والشبكة علي بال ما انا اقول لتمارا كلمتين كدة علي الماشي. عن اذنكم. 

وقام واخد تمارا من ايديها وشدها وخرج الجنينة. مهاب بغيظ. 

مهاب: ده انت بجح. واخد البت قصادي حتي ما استناش اأذنله. 

رعد ابتسم بثقة: تقول ايه بقي. دم الحديدي بيجري في عروقه. الحب بيقوي القلب. 

مهاب في سره: ملعون ابوه دي عليه. عليكم وعلي قرفكم. ده غلب. 

نغم: منورة يا مدام همس

وانتي يا حلا حبيبتي ربنا يقومك بالسلامة. 

همس:منور بيكي حبيبتي. حلا دي مش زوجة ابني وبس دي بنتي.قوليلي بقي تحبي الشبكة نوعها ايه. 

برا في الجنينة شهاب واقف مع تمارا عند شجرة

شهاب بغيرة.: ممكن اعرف ايه الفستان ده بتهزري صح.

تمارا بدلع: ماله بس. ماهو حلو اهو. بذمتك مش عجبك. 

شهاب بيبصلها بإعجاب وحاوطها من خصرها وقربها ليه وبشغف: هو حلو بعقل ده يجنن. بس لما شوفت نظرات الاعجاب في عيون ابويا واخويا اتجننت. 

تمارا :هههههههههه. بتغير من ابوك واخوك. 

شهاب بعصبية: انا بغير عليكي من  نفسي. فاهمة. اياكي تلبسي كدة تاني. الحاجات دي ليا انا وبس. 

تمارا اتعلقت في رقبته: بحبك. 

شهاب ضمها اكتر: بحبك ... بقول ايه ماتحيبي بوسة. 

تمارا: ههههههههه. بعينك. عيش واحلم لحد ما نتجوز. 

شهاب سند جبينه علي جبينها واتنهد: اااااه هتجننيني يا تيمو. ده انتي هتتفرتكي فرتكة. مش هعرف المك بعدها. 

تمارا غمضت عنيها واتنهدت :ااااه منك. تسكت بقي بدل ما سيادة اللواء يخرج ويخلص عاره بيده. 

شهاب:ههههههههههه. ابوكي هيممووت. غيران مني. 

تمارا:بيحبني. وخايف عليا. 

شهاب ضمها اكتر بقوة وعنف:. انا بس اللي احبك واخاف عليكي. انتي ملكي. 

تمارا: ماتجي نتجوز النهاردة. 

شهاب:هههههههه. تعالي يا مصيبة ندخل احسن هنلبس بسببك.

#مهمة____حب

#سلسلة_عشق_الرجال الجزء الثاني من رحم للإيجار

#الحلقة_التاسعة_والعشرون

في مطعم شهير كانت مايا وانس بيتعشوا سوا. وانس بيتكلم بحماس . لكن مايا سارحانة ومش معاه. جواها غيرة ونار قوية من وقت ماعرفت خبر خطوبة شهاب وتمارا. مش عارفة تعمل ايه. تنفذ خطتها وتكمل انتقام. ولا تنسي وتكمل مع أنس. أنس اخد باله انها مشغولة ومش معاه. مسك ايديها برقة وابتسم. 

أنس: مالك يا مايا سارحانة في ايه . انتي مش معايا خالص. 

مايا فاقت من شرودها علي لمسة انس بصتله بتفكيير واتنهدت وسكتت. 

أنس عقد حاجبه: لا بقي انتي فيه حاجة مزعلاكي اوي . قوليلي . 

مايا بصتله بحيرة :أنس ممكن اسألك سؤال. 

أنس رجع ظهره وربع ايده وابتسم: اممم . واضح كدة ان الموضوع كبيير. 

مايا بجدية: انا بتكلم جد مش بهزر. 

أنس استغرب دي اول مرة يشوفها كدة: مالك يا مايا اتكلمي عايزة تقولي ايه . انا سامعك

مايا اتنهدت بحزن: عايزة اعرف انا بالنسبة ليك ايه؟ . يعني علاقتنا دي تتسمي ايه! 

أنس بتوتر: احممم. ااا. بصي علشان نكون واضحين مع بعض. مش هنقدر نجزم انها علاقة حب. احنا لسة بنعرف بعض. وبنتفاهم سوا. بس اللي اكيد اننا معجبين ببعض. انا عن نفسي اللي بحسه وانا معاكي ده اول مرة يمر عليا. احسايس لسة جديدة. اول مرة اجربها. 

وابتسم بحنان. بس في حاجة كمان. اني مابقتش اقدر استغني عنك . وان وجودك في يومي بقي شئ مهم. ودايما بفكر فيكي. حتي وانا في العمليات. انتي بقيتي مهمة عندي اوي يامايا. 

مايا غمضت عنيها بحزن: حتي انت كمان ماحبتنيش. 

أنس بعدم فهم: تقصدي ايه بإنت كمان! 

مايا اتنهدت :لا ابدااا مافيش. قولي انت ايه رئيك في شهاب. 

أنس عدل نظارته بحماس: بصراحة راجل ممتاز. وواضح انه بيحب تمارا. كمان هي مبسوطة وانا فرحان علشانهم. واضح كدة انهم عايشين قصة حب عنيفة. 

مايا بوجع وغيرة: هما خلاص حددوا معاد الخطوبة مش كدة. 

أنس ابتسم: ايوة يوم الخميس اللي جاي. كمان هيعملوا خطوبة واحد زميلهم معاهم. 

مايا ابتسمت بسخرية: هاه. ايوة هيخطب اعز صاحبة ليا. تقريبا كدة اختي. 

أنس : بجد. يعني صاحبتك هتكون العروسة. 

مايا بغيظ:كل واحدة حبت اخدت الانسان اللي حبته. بس في ناس ما تقدرش تاخد اللي قلبها اختاره. تفتكر ده عدل ولا ظلم. 

أنس ابتسم: بصي. اي شئ بيحل لاي حد ده قدر ونصيب متحدد عند ربنا. اوقات طبعا لما مابتحصلش الحاجة اللي علي هوانا. بنزعل ونضايق. طبيعي لاننا بشر. بس لازم من جوانا نكون مقتنعين ان اللي راح من ايدينا ماكنش اصلا لينا ولا نصيبنا . ونرضي بقضاء ربنا . 

مايا بصتله بتفكير: وياتري انت نصيبي؟

أنس بإحراج ابتسم:احممم. حقيقي هكون محظوظ لو بقيتي من نصيبي وحكايتنا كملت. بس في سؤال مهم . 

مايا عقدت حاجبها:سؤال ايه؟! 

أنس قرب وبص في عنيها وابتسم : انتي حاسة بإيه ناحيتي. انا بالنسبة ليكي ايه. 

مايا سكتت ومش عارفة ترد . بس رنين فونها انقذها من كدبة جديدة: احممم. ثواني بس هرد فون مهم. 

انس هز راسه بتفهم: اتفضلي. 

مايا ردت علي المتصل . 

المتصل : انتي فين انا موجود في المكان اللي اتفقنا عليه . 

مايا بصت للساعة:ايوة صح . ااانا خلاص نص ساعة بالكتير وهكون موجودة. يالا سلام .

معلش يا أنس لازم امشي في معاد مع ناس اصحابي مهم وانا كنت ناسية وانا قاعدة معاك. 

أنس قام وابتسم: لا ابدااا. مافيش مشكلة تتعوض قريب. بس قوليلي هنتقابل تاني قبل خطوبة تمارا وشهاب . 

مايا بغيظ: اكيد هنتقابل ماتقلقش. انا مش هسيبك دلوقتي لسة بينا كتيير. 

أنس عقد حاجبه: ده تهديد ولا وعد ولا ايه. مش فاهم. ههههههههه. 

مايا بتوعد:طبعااا وعد. انت لسة مكمل معايا . يالا اشوفك بعدين بينا فون . باي

مشيت مايا وانس اتنهد. : هو انا حبيتك ولا لسة. مش لو انا مش متردد. كنت خطبتها مع تيمو في يوم واحد. اوفففف. متردد وخايب يا أنس. وطلع فونه واتصل بدكتور آدم. 

آدم: الو ازيك يا دكتور. 

أنس:ههههههههه. بردوا دكتور. ماقولنا أنس بس. 

آدم:هههههههه. ماشي احنا كدة كدة برا المستشفي. قولي بتسلم ولا محتاج استشارة. 

أنس بحيرة: بصراحة محتاج استشارة . 

آدم: طيب تعالي انا في البيت. نقعد نلعب شطرنج. ونتكلم في اللي يعجبك . ماتتأخرش. 

أنس: تمام مش هتأخر. سلام. 

أنس لسة هيمشي لقي مهاب قصاده. 

أنس بإستغراب: بابا! خير ايه اللي جابك هنا؟

مهاب قعد بهدوء وشاورله: اقعد. 

أنس قعد مش فاهم حاجة:خير يا بابا في ايه! 

مهاب اتنهد: انت لسة بتقابل مايا. مش قولتلك انها مش مناسبة ليك. 

أنس اتعصب: وانا قولت لحضرتك. ان دي حياتي وانا حر فيها. انا مش صغير. ده انت مش بتدخل في حياة چودي وتمارا. ليه انا! ليه شايفني مش مسؤل ! ؟للدرجة دي انا انسان مش مسؤل عن اختيارته بالشكل ده. 

مهاب اتنهد بتعب. هو الفترة دي حاسس. انه متحاصر ولاده في خطر مهددين بالانهيار وللاسف من اكتر اشخاص هما قريبين منهم وبيحبوهم. وهو مش عارف يعمل ايه يجرحهم ويواجهم بحقيقة الاشخاص دي ولا يسكت ويحاول بصمت. 

مهاب: ليه يا حبيبي بس بتقول كدة. ده انت ابني وانا خايف عليك و عايز مصلحتك . وبعدين ازاي مش مسؤل. ده انت دكتور محترف وشاطر. ومع صغر سنك الا انك اخدت شهادات كتيير. وكمان في مكان وسط اكبر دكاترة في مجالك. ازاي بس هشوفك بالتفاهة دي. 

أنس :طيب ليه بتدخل في اختياراتي. وليه مش حابب مايا بالشكل ده. انت في الاول كنت بتشجعني ومعجب بيها. ليه عايزني ابعد عنها. اقنعني . 

مهاب مسح وشه بتعب وحيرة: مش عايز ابعدك عنها بس عايزك ماتتسرعش.وتاخد وقتك. خصوصا انك خبرتك قليلة في المواضيع دي. محتاج تاأني في اختيارك . 

أنس : ماتقلقش. انا عارف هعمل ايه. ممكن امشي بقي علشان ما اتأخرش علي دكتور ادم. هو مستنيني في البيت . 

مهاب خبط راسه بقوة وقلق: آدم! نهههااارر مش فايت. اشمعن ادم! 

أنس عقد حاجبه: عادي. انت عارف انا وهو قريبين من وانا صغير. 

مهاب بسخرية: لا والشهادة لله انت ماسبتش منه حاجة . 

أنس بعصبية: مش فاهم حضرتك تقصد ايه؟

مهاب قام واخد فونه : مافيش. بس افتكر 

ان انا جتلك كتيير علشان تفتحلي قلبك واقف جنبك وانت اللي مصر تبعد عني وتفتح قلبك لادم . بتبعد عن ابوك وتفضفض للغريب. 

أنس بحيرة: لا الموضوع مش كدة. ااانا ببس. 

مهاب شاورله يسكت: انا لو عايز ابعدك عن مايا ليا 1000 طريقة ومش هغلب. بس انا ماليش مصلحة في ده. غير اني بحبك وعايز مصلحتك . وعايزك تكون من انسانه تستاهلك وتحبك. واياك تتخيل ان فيه حد مهما حبك . ممكن يحبك اكتر مني انا وامك . انت ابني وحته مني. وعمري ما هرضالك الاذي والتعب. جرب يا أنس بنفسك. بس انا بقولهالك. هترجع لحضن ابوك ومش هتلاقي احن منه عليك. سلام.

مشي مهاب وانس محتار كلام مهاب يقلق ويحير. هو ليه شايف ان مايا ممكن تتعبه . وليه اتغير من ناحيتها بالشكل ده.كمان هو بيحب مهاب وعمره ما كان بيفكر يبعد عنه ولا يحب ادم اكتر منه. بس هو شايف ان طريقة تفكيرهم مختلفة وانه هو وادم قريبين في تفكيرهم وبيتفاهموا مش اكتر. مشي هو كمان وراح لادم. يمكن يرتاح . ويفهم ليه مهاب بيبعده عن مايا. 

......................................

في مكان هادي كانت تمارا واقفة قصاد عربيتها وحاطة ايديها في جيبها وسرحانة. من وقت ما كلمتها مايا وطلبت انها تقابلها. وهي في قلق وحيرة. وقتها بس كأنها لاول مرة من يوم ماسافرت مع شهاب بتفتكر الرهان والتحدي اللي كان مع مايا. هي بجد حقيقي نسيته ومش فاكراه لانها ببساطة حبت شهاب بجد. ومافكرتش ابدااا انها تكسب الرهان . وقتها حست انها لاول مرة تخاف بالشكل ده. 

سمعت صوت عربية لفت بهدوء وشافت مايا بتوقف العربية وتنزل ليها . تمارا لسة واقفة بجدية. مايا قربت منها وبصت عليها بتحقق فيها وفي شكلها اللي اتغير. هي ايوة لابسة كاچوال كاعادتها بس بشكل مختلف لبس انثي جميلة شيك حتي تسريحة شعرها مش مربوط كاعدتها زمان بشكل نمطي . لا كان حر وعفوي وشكله جميل. 

مايا بسخرية: ده احنا بقينا بنات بجد اهو. وياتري بقي ده زوقك ولازوق شهاب. امممم. اكيد زوقه هو هو دايما زوقه جميل وراقي. الا في حاجة واحدة هي اختياره ليكي . 

تمارا بغيظ قربت منها وبتحزير :لازم تفهمي ان لو لسانك لخبط تاني هطلعه واقطعهولك علشان اريح الناس من سمه فاهمة . ثم انا البس اقلع اغير اللي يعجبني ده مايخصكيش. وانجزي عايزة مني ايه ليه طلبتي تشوفيني. 

مايا رفعت حاجبها بتوعد: تؤتؤتؤ. ازاي بس مش في بينا اتفاق ورهان انا لازم التزم بيهم. 

تمارا غمضت عنيها بغيظ وجزت علي سنانها : اسمعي انا اه اتراهنت معاكي واتحديتك اني اخلي شهاب يحبني . وانتي اظن شايفة اني كسبت الرهان ده والتحدي ليكي اني ست و اثني احسن منك . بس اللي ماتعرفهوش. ان اللي بيني وبين شهاب مالوش اي علاقة بالرهان . انا لما حبيته وهو حبني ماكنتش اصلا فاكرة الرهان ده ولا علي بالي . انا نسيتك انتي ورهانك . وبجد حبيت شهاب . مش بخدعه. 

مايا بغيظ وغيرة:وليه حبك انتي! وليه عايز يتجوزك انتي! وانا وهو عشنا سنين مع بعض. ليه شافك انتي في كام شهر وانا ماشفنيش سنين. 

تمارا حست بوجعها وصعبت عليها هي حبت وفهمت وجع الحب قربت منها بهدوء: مايا لو سامحتي انسي الرهان والتحدي. انا عارفة انه صعب عليكي تحبي واحد زي شهاب وهو يحب غيرك. وليكي حق تكرهيني. بس الحب مش بإيدينا . ياريت تنسي وتعيشي حياتك مع حد يحبك بجد وتحبيه . 

مايا بدموع قربت منها بشراسة وبتتكلم وهي بتزقها بعنف: انا حبيت مرة واحدة. واللي حبيته حبك انتي . اختارك انتي. وهيتجوزك انتي . هتعيشي معاه انتي . هتنامي في حضنه انتي. هيضحك في وشك انتي. هيخلف منك انتي. لييييه . لييييه انتي وانا لا ليييه . 

تمارا غمضت عنيها بتحاول تهدي وما تتعصبش عليها . شايفة حالتها وانهيارها ودموعها. مسكت ايديها اللي بتزقها بقوة وبتهديها. 

تمارا: مايا اهدي من فضلك بقي. ده نصيب انتي وشهاب عمركم ماكنتم لبعض. حتي من قبل ما انا ادخل حياته . لو كان حبك كان قرب منك . تقبلي بقي وجودنا مع بعض وشوفي حياتك بعيد عني. 

مايا زقتها بقوة وشراسة: مش قبل ما تاخدي حقك. 

تمارا عقدت حاجبها : حقي! حق ايه؟! 

مايا طلعت مفتاح الشالية والعقد ومدت ايدها لتمارا. تمارا اخدتهم منها تشوف الورقة دي فيها ايه. ومسكت المفتاح. وفتحت الورقة لقت عقد بيع وشراء لشالية من البايع مايا وتمارا هي المشتري. والمبلغ تم تحصيله كامل. تمارا بصتلها بقوة وغيظ. 

تمارا: ايه ده! مين قالك اني هقبله؟

مايا بسخرية: مش ده حقك وكان اتفاق بينا. وانا عمري ما اخلف وعدي. وادي المفتاح والعقد. والثمن انا اخدته خلاص. وانتي دفعتيه. 

تمارا بعصبية:والتمن طبعااا شهاب مش كدة. 

مايا صقفت : براڤوا عليكي. شهاب. شهاب اللي اتراهنتي عليه وحطتيه قصاد شاليه مالوش اي ثلاثين لازمة. للدرجة دي شهاب رخيص عندك. 

تمارا بغضب رمت العقد والمفتاح في وشها وقربت منها بعنف ومسكتها من وشها بقوة وتحزير: شهاب عمره ما كان رخيص. الرخيصة بجد هي انتي اللي بتحاول تاخد حاجة مش ليها. وبتحاول تهد حياة غيرها. اسمعي انتي تنسيني وتنسي شهاب والرهان. وقسما بالله لو لسانك نطق بكلمة لشهاب ولا لاي مخلوق. لقطعلك لسانك ده. وزقتها بعنف. 

مايا ابتسمت بشر:اطمني انا مش هدخل هسيبك تجربي حظك مع شهاب. بس مش عايزاكي تتأملي اوي . علشان شهاب مش سهل ابدااااا. ممكن يطلعك لسابع سما وفي لحظة يرميكي لسابع ارض وتقعي علي جذور رقبتك. وتنكسري . 

تمارا بثقة: الكلام ده مع واحدة زيك مش تمارا عز الدين . انا مش هتكلم كتيير انسيني وانسي اي كلام حصل بينا . عن اذنك. علشان شهاب خطيبي مستنيني علشان نختار بدلته مع بعض. بدلة خطوبتنا . زقتها بسخرية وركبت عربيتها ومشيت. ومايا فضلت واقفة تبص عليها وملامح الشر والوعيد كلها اتجسدت في ملامحها هي. 

مايا: مبرووووك. يا عروسة. 

......................................

مرت الايام القليلة دي وجاء يوم الخطوبة اللي شهاب وتمارا منتظرينه وكمان مؤمن وشيري . وفي قاعة كبييرة وضخمة جداااا كان ناس من كل الاتجاهات موجودة رجال اعمال ظباط كل اللي يعرف العلتين كان موجود. وطبعااا هما كتيير جداااا. 

في الحفلة ريما شافت چنا وصلت مع أكمل 

وتسنيم وحمزة وفتون. ابتسمت وقربت منهم ورحبت بيهم واخدت چنا بعيد وبهمس. 

ريما: ههاه طمنيني كلمتيهم . 

چنا : لسة ماعرفتش اتكلم في حاجة. قولت خاليها بعد ما نرجع من الخطوبة. انا مش ضامنة رد فعلهم ايه.

ريما بحزن: طيب اللي يريحك. 

شهاب وتمارا كانوا قاعدين في منتهي السعادة . 

شهاب بإعجاب وغيره في نفس الوقت: طيب يعني انا دلوقتي اعمل فيكي ايه . ايه الفستان ده. وبص في عنيها بإعجاب مثير ولا عنيكي يخربيتك هو في كدة. مين ابن التييت اللي عملك الميك أب ده. 

تمارا بخجل: ههههههه. عجبك الفستان والميك اب. وبعدين بتشتها ليه ده جزائها خلتني حلوة علشانك. 

شهاب همس في ودنها : مين دي اللي حلوة. قولي طلقة صاروخ مدمرة حربية. اي حاجة علي مستوي الحدث. 

تمارا:هههههههههه. مش للدرجة دي. 

شهاب اتنهد بإشتياق: اموت واعرف ابوكي الظالم ده ليه ما وفقش نخليها دخلة ونخلص. هو انا مثلا لسة هكون نفسي مش هلاقي حته اتجوزك فيها. ده انا همووت. هنام ازاي من غيرك الليلة بعد ما شوفتك كدة بس. 

تمارا قربت من عنيه ومسكت ايده وبحب: زي ما نمت في ايطاليا لما شوفتتي بفستان لاول مرة. فاكر . 

شهاب غمض عنيه وابتسم: الا فاكر. ده ليلتها عدت عليا بصعوبة كل لما ابص عليكي وانتي نايمة ابقي هتجنن واقرب منك. كنتي مثيرة اوي. 

تمارا بدلع:يعني النهاردة احلي ولا ليلتها. 

شهاب غمزها: ياباشا انت تجنن في كل وقت. والليلة انتي خيااال. بس ليلتها ليها معزة خاصة . الانطباع الاول يدوم. ولا ايه. 

تمارا : ههههههه. عندك حق. بس عموما ماكنش ينفع نتجوز بسرعة كدة. لسة الموضوع محتاج تجهيزات. كمان ماتنساش مهاب وچودي اصلا مستنين رجوعنا علشان يتجوزه. وبابا اصلا مطلع عنيهم. وهما اولي يتجوزوا الاول. 

شهاب بضيق: انا مال اهلي انا بمهاب الزفت ده ما يتنيل يتهبب بعيد عني. ثم بقي تجهيزات ايه . حبيبتي انتي مش هتحتاجي حاجة خالص. انا مش عايز منك حاجة. انا عايزك كدة من غير هدوم . 

تمارا ضربته في دراعه بغيظ:ساافل. 

شهاب : ههههههه. فهمتيني غلط يا قلبي نيتك وحشة انتي والله انا اقصد انك مش محتاجة الحاجات التقليدية دي شوبنج بقي وظيطه وهدووم كتيير . لا انتي كفاية والله. انا مش عايز اي عوائق انتي ماتعرفيش انا هعيشك ازاي بعد الجواز

تمارا : ازاي فهمني. 

شهاب وشوشها: تؤتؤ. دي حاجات هتتحذف من الرقابة. مش هينفع تتقال. بصي هفاجأك. 

تمارا :هههههههههه. انت كنت مخبي الوقاحة دي فين. 

شهاب باس ايديها وغمزها: مكان ما كنتي مخبية الانوثة والاغراء والجمال ده. بحبك يا تيمو بحبك اوي. 

تمارا غمضت عنيها براحة: وانا بحبك يا قلبي والله بحبك.

وفي لحظة افتكرت مايا. ملامحها اتغيرت وبان عليها . شهاب اخد باله. 

شهاب : مالك حبيبي ايه اللي غير وشك كدة. 

تمارا بحيرة مش عارفة تقوله ايه . هي مستحيل. تقوله علي الرهان مش هتتوقع رد فعله. شهاب مهما حبها بس غضوب ومش سهل يعديها. 

تمارا بتوتر:ممافيش حاجة. انا بس صدعت ومكسوفة الوضع جديد كل الناس بتبص علينا . 

شهاب بعصبية: ماهو من الفستان المهبب اللي لابساه. لازم يبصوا علي شاكيرا. واضح كدة ان الموضوع عجبك وعلي هواكي. 

تمارا ابتسمت وغمزته: انت بتقول فيها ده انا مجهزالك مفاجأة ثواني وقامت . 

شهاب عقد حاجبه : رايخة فين يا مجنونة. 

تمارا: ششش. هتعرف حالا. 

مؤمن حاضن ايد شيري وبيبوسها: روح قلبي مبروك يا سمارتي . اخيراااا بقيتي خطيبة مؤمن فخر . 

شيري بخجل : انا مبسوطة اوي بجد . 

مؤمن : لا لا بلاش كسوف. انا عايزك الليلة تغرقيني حنان انا محتاجله صراحة. 

شيري ابتسمت: انا هغرقك حب وحنان علشان انت حبيبي. 

مؤمن: يالههوي. اموت انا غرقيني يا قلبي ولا يهمك انا بعرف اعوم. 

تمارا شاورت لشيري. شيري غمزتها. 

شيري: حبيبي ثواني وجايالك. 

مؤمن : رايحة فين؟

شيري غمزته: هتعرف حالا يا روحي. 

شهاب راح لمؤمن ووقف جنبه :هو فيه ايه راحوا فين دول. 

مؤمن رفع كتفه: والله يا خويا ما اعرف. دول شكلهم متفقين علي مصيبة. 

فجأة النور هدي وعليت مزيكا عالية . ورجع النور بصخب مع المزيكا شهاب ومؤمن لقوا تمارا وشيري وچودي وكمان كارما وچوري اخوات شهاب. واقفين وتمارا هتغني. شهاب لقي أمير وكريم جم وقفوا جنبوا هو ومؤمن وأمير غمزه. 

تمارا شاورت علي شهاب وغنت. (من عنيا دي اليسا)

معشوقي مع حبي ليه هديت عنيه بنظرتين ناديت عليه بضحكتين يوصلوا اللي انا فيه . معني مالوش معناين . من السلام اللي بالايدين. ومن الكلام اللي بالعنين. غير اني فرحانة بيه. 

شهاب بص عليها وحرك راسه بسعادة وضحك من جنونها. وربع ايده ووقف يسمعها بقلبه قبل ودنه . 

كل واحدة شاورت علي حبيبها وغنت ليه. 

لقيته قدامي حبيب ايامي ياريته يبقالي فارس احلامي اللي انا بحلم بيه.

تمارا شاورت علي عنيها وعلي شهاب. وغمزته. 

ده وانا بصاله في حاجة وصلاله. وكام حاجة نفسي اشرحهاله اعن احساسي وياااه. 

وكل واحدة قربت من حبيبها وهو ضمها لحضنه وكملت وهي بتبص في عنيه. 

من عنيا دي قبل دي بكل حاجة فيا بهاديه . وكل يوم بنام واقوم بألف احساس بيناديه. 

شهاب وشوشها بهمس:بحبك

تمارا بصتله بحب وحطت راسها علي صدره وهو ابتسم. 

ياريت كمان اعيش زمان علي الزمان مابين ايديه . وعندي ايه تاني يراضيه مع حبي ليه . 

بدأ كل واحد يرقص مع حبيبته بخفة وسعادة .

تمارا غمزته بخبث:ايه بقي انا مخبياه حبيبي شاف وانا معاه كام اعتراف مقدماه عن اللي انا حاسااااه. 

شهاب لفها وهي بتضحك. وبتمثل الحيرة . 

عيني الاتنين سهرانين وسارحانين فيه باليومين . هشوفه امتي هقابله فين. هقوله ايه بعدين . 

لقيته قدامي حبيب ايامي ياريته يبقالي فارس احلامي اللي انا بستناه . من عنيا دي. 

فادي وحلا قاعدين بيشوفوا اللي بيحصل زي كل الناس بيبتسموا . 

حلا بحماس: فادي وحياتي وحياتي تعالي نرقص معاهم. دول شكلهم حلو اي كل اتنين يجننوا . 

فادي بعصبية: مجنونة انتي صح. ترقصي فين ببطنك دي . انتي اساسا بتتحركي بحزر. ثم انا مش فاهم شهاب ده اتهبل سايب خطبته تغني وترقص قصاد الناس. ولا جوز البقر اخواتك.هموووت 

واقطم رقباتهم . بيرقصوا اخواتي . شوية بقر. 

حلا بغضب: اوففففف ليه بس هو حد غريب. ثم يعني انت شايفهم بيرقصوا بلدي ببدلة رقص. 

فادي: اهو اي زفت رقص. المفروض الستت تتدلع ووتمايل كدة قصاد جوزها وبس. مش علي الملأ كدة. انا متأكد ان شهاب اتفاجأ ماكنش يعرف. بس عداها علشان الناس. 

حلا لسة غضبانة وتبص عليهم بحسرة. فادي اتنهد وابتسم ومد ايده وحاوطها من ظهرها وهو بيحرك ايده بخفة مثيرة. حلا ارتبكت وبصتله . 

فادي همسلها: حلا حياتي زعلانة . 

حلا بتتنهد مش لمسته هو عارف ازاي يخرجها من اي توتر : فففادي شيل ايدك حد يشوفنا. 

فادي :تؤتؤ. واحد وحاطت ايده علي وسط مراته مين يقدر يتكلم. انا اخرسه. بس سيبك انتي طمنيني زعلانة. 

حلا : ايوة انت مش هتتغير. 

فادي ضغط بإيده علي خصرها وبهمس: لا انا كدة لازم اصالحك. واوعدك يا حياتي نروح البيت وانا اخليكي ترقصي كل اللي قلبك يحبه سلو تانجو بلدي اقولك هشغلك مهرجانات وتعملي اللي يعجبك . بس ليا انا بس. انا الوحيد اللي من حقي اشوفك وانتي بتتدلعي. واقولك هرقص معاكي كمان. ايه رئيك. 

حلا بسعادة :موافقة طبعااا. يالا هما اصلا رقصهم وحش. ماكنتش يعني همموت وارقص معاهم. انت اهم حبيبي. 

فادي ضمها عليه بحنان :بحبك يا روحي . ووعد مني الليلة هتكون تجنن. وهخليكي اسعد منهم كلهم. بس قوليلي. انتي اخدتي دواكي ولا هنتسوح. 

حلا:هههههههه. لا ماتقلقش واخدة الجرعة دوبل علشان نختفل بشهاب وتمارا بضميير. 

فادي: ههههههههه. ايوة اهم حاجة في الحاجات دي الضمير. 

شهاب قعد جنب تمارا : يخرب عقلك . انتي حقيقي مجنونة. 

تمارا بتاخد نفسها: هههههه. ماهو المرة اللي فاتت ورتني نفسي وان

#مهمة_حب

#سلسلة_عشق_الرجال الجزء الثاني من رحم للإيجار

#الحلقة_الثلاثون #والواحد_وثلاثون

لسة الكل فرحان ولسة شهاب غرقان في حب تمارا. ولسة تمارا دايبة في قربه وفرحتها غلبت خوفها وقلقها. حاولت تقول وتعترف بالغلطة اللي هي شايفاها صغيرة وتافهة. بس بالنسبة لشهاب هي مش كدة ابداااا.. بس كانت طول الوقت تحاول تستجمع شجاعتها وتقوله بس كان صعب تتكلم في الموضوع ده في يوم زي ده. يوم خطوبتهم. فضلت تعيش اليوم ده بكل حاجة حلوة فيه. ماكنتش حابة حاجة تنغص عليها فرحتها . 

حمزة برغم حزنه من وضعه هو وفتون. بس خبر القبض علي محسن خلاه في غاية السعادة وفي قمة رضاه. ان الحقير اللي سلبه اعز واغلي شئ في حياته وحياة حبيبته. واللي مافيش حاجة في الدنيا ممكن تعوضه. خلاه ينسي وجعه وحزنه . عنيه كانت بتبتسم . وبدأ يغني هو اختار الاغنية دي علشان مناسبة للعرسان. لكن الحقيقة هو اختارها لحبيبته وزوجته فتون. 

(كل حياتي عمرو دياب)

شهاب لما سمع المزيكا مد ايده لتمارا وابتسم . وهي مسكت ايده وقامت ترقص معاه . 

يا كل حياتي وامالي ويا اجمل سنين فاتت. وحبي وكل اشواقي. وكل لحظة معاك كاانت. 

تمارا حاطة راسها علي صدره وغمضت عنيها . شهاب ضمها اكتر وابتسم. 

انا منك وكلي ليك حياتي ليك ورهن ايديك. بشوف العمر فيك انت . واشوف الدنيا دي في عنييييك. 

تمارا بهمس: انا ماشوفتش الدنيا وجمالها غير في عنيك ومعاك يا شهاب. انا بحبك اوي . 

تصحي فيا انا الاحساس. علي جناح الخيال اطير. واشوفك انت كل الناس ومن نفسي عليك اغير. 

شهاب ضمها اكتر واتنهد وبهمس: بشوفك انتي كل الناس ومن نفسي عليكي بغير. هتصدقيني لو قولتلك اني غيران عليكي من حضني اللي ضامك دلوقتي عايز امتلك بكل كياني عايز احس انك بقيتي انا مش بعيد عني. انتي حقيقي بقيتي كل حياتي يا تيمو. 

تمارا اتنهدت: اوعي تبعد عني اوعي في يوم تقسي. 

شهاب ملس علي خدها بحنان: مستحيل ابعد ولا اقسي. اقسي وابعد عن مين عن روحي. 

مؤمن غمز شيري واخدها ترقص معاه. 

بتسرق كل اوقاتي وتشغل ياما تفكيري. وخالتني اعيش الحب. في دنيا ماعشها يوم غيري. 

مؤمن بحب: سرقتيني من نفسي والناس. بقيتي انتي دنيتي. مش عايز غيرك في حياتي. 

شيري برقة: عيشتني دنيا جميلة عمري ماتخيلتها ولا جات علي بالي. بس انت عيشتني دنيا حب

مافيش حد عاشها غيري. 

كريم وشوش چوري: طبعا دي ملتقش غير بيكي انتي يا حياتي.تحبي نرقص. 

چوري ابتسمت: طبعا حبيبي.وقامت ترقص معاه 

بشوف العمر فيك انت واشوف الدنيا دي في عنييك. 

كارما بصت لأمير: انت كل حياتي اللي عدت واللي لسة جاية. 

أمير ابتسم واخدها ترقص معاه: كراملتي لما انا ابقي كل حياتها . هي تبقي ايه . انا اوقات بحس اني اتولت ليكي علشان احبك وانعم بحبك ليا. كارما انتي مش بس مراتي. انتي حب العمر. 

مهاب حاضن ايد چودي :حياتي كان نفسي تكون ليلة فرحنا ونرقص عليها سوا. 

چودي ابتسمت: ماهو فرح اختي يبقي فرحي. ربنا يسعدها. بس ده مايمنعش اننا نرقص احنا كمان . اما بقي ليلة فرحنا فهتكون حاجة وهم مالهاش مثيل. 

مهاب باس ايديها: ده اكيد ده انا مستني اليوم ده اكنه ليلة عيد. تعالي يا حياتي بقي نرقص واهو اخدك في حضني شوية انتي وحشاني. 

حلا شافتهم كل واحد اخد حبيبته و مراته و خطيبته وبيرقص معاها. ابتسمت بصمت مش حابة تضايق فادي ولا تطلب منه وهو يرفض تاني. بس فادي شاف عنيها عليهم. ماهنش عليه يشوفها بتتمني حاجة وهو في ايده يحققها. كمان هي مش اقل منهم علشان ما تفتخرش بحب زوجها وحبيبها قصاد الناس زيهم. مسك ايديها وابتسم. وحلا بصتله . غمزها بحب. 

فادي: حلا حياتي تسمحلي بالرقصة دي. 

حلا بسعادة: بجد هنرقص معاهم! 

فادي شاف لمعة الفرحة في عنيها باس ايديها بحنان: اصلا مافيش واحدة فيهم تستاهل ترقص علي الكلمات دي غيرك انتي يا حياتي. 

حلا بصت في عنيه بحب السنين: بحبك اوي. 

فادي ابتسم وقام واخدها ترقص في حضنه. 

حمزة كان بيغني وشايفهم كلهم اتجمعوا والمكان كان اكنه جزيرة للعشاق منظر يخلي القلب يحن . كل اتنين عنينهم في عنين بعض اكنهم مش شايفين ولا حاسين بحد غير الاغنية وهما وبس. قرب من فتون بحب وهو بيغني ومد ايده ليها ترقص معاه. وعنيه بتترجاها ما ترفضتش. بصت حاوليها وشافت تسنيم بتبتسم وتغمزها كان صعب ترفض وتحرجه قصاد كل الناس. مسكت ايده ورقصت معاه . حمزة اتنهد وكمل غني وهو باصص في عنيها وكل كلمة خارجة من قلبه .

في دنيا حبك الحلوة . تناديني وتهمس همس. ونكتب للفرح غنوة. ونغزلها بخيوط الشمس. 

وضمها بحنانه اللي كل يوم

بيتجدد جواه. وبص في عنيها . 

فتون برغم وجعها وجرحها اللي لسة بيلم. لكن كانت جواها شئ بيستقبل حبه وحنانه بلهفة . قلبها مشتاق لقربه كان وحشها صوته وغناه. سندت راسها علي صدره وغمضت عنيها. كانت اكنها بتنتهز الفرصة وتنعم بحضنه اللي محرماه علي نفسها وعليه. والحجة الرقصة والمكان والناس. لكن قلبها كان سعيد ونفسه الاغنية ماتخلصش. ويفضل في حضن حبيبه. 

حمزة ابتسم بفرحة لوجدها في حضنه براحة بالشكل ده.وكمل وهو مغمض عنيه بإستمتاع. 

انا وانت لوحدينا. نعيش اجمل فصول العمر . وكل الدنيا حاولينا تعوضنا سنين الصببر . 

وعلي صوته بحماس وحب. 

تصحي فيا انا الاحساس علي جناح الخيال اطير. واشوفك انت كل الناس. ومن نفسي عليك اغير. بتسرق كل اوقاتي وتشغل ياما تفكيري. وخالتني اعيش الحب في دنيا ماعشها يوم غيري. 

خلصت الاغنيه وكل واحد مش عايز حبيبته تبعد عن حضنه. وفعلا شهاب طلب من حمزة يعيد الاغنية تاني وحمزة وافق بلهفة وعادها تاني وهو مستمتع بقرب فتون منه . 

خلص الفرح والكل رجع بيته. بس طبعا عائلة الحديدي كانت كلها لسة في الاوتيل. لانه قرر يفرح الكل في اليوم ده. حتي بناته حجزلهم هما كمان مع ازواجهم.... 

في اوضة فادي وحلا. حلا كانت بتاخد حمام وخرجت. فادي كان لسة داخل من الباب. 

حلا ابتسمت: ههههههههه. شكلك دوخت اعملك ايه. مش انت اللي فاجأتني كنت هعمل ايه. ما انا مش جايبة معايا اي حاجة. 

فادي اتنهد: مش فاهم انا هدوم ايه اللي 

انتي مصممة اجبهالك . انا لعلمك اختك علي قد عقلك بس. لكن علي جثتي انك تبوظيلي الليلة دي. 

حلا ابتسمت: امممم. اعتبر ده تهديد مثلا! 

فادي ساب الشنط اللي معاه وقلع چاكت البدلة وبدأ يفك قميصة ويقرب منها بخبث: بالظبط تهديد وتحزير علشان تبقي مستعدة علشان الليلة لسة هتبدأ. 

حلا بتبعد بدلال: فادي ياقلبي انا واخدة الجرعة دوبل بس مش 10 اضعاف الشحنة اعقل كدة وخاليك لطيف. 

فادي شدها لحضنه ومسك رباط البرنس بتاعها. تؤتؤتؤ. انا الليلة يا قاتل يا مقتول. وانتي عارفاني دايما قاتل. ثم ايه بقي انتي بردانة ولا ايه. مش ناوية تشيلي البرنس ده ! 

حلا : تؤتؤ. مش هشيله هنام بيه. 

فادي بجرأة كاعادته فكه وبدأ يشيله عنها:ده انا مش عايزك تلبسي الهدوم اللي جبتهالك. اوقوم انيمك بالبرنص. بتحلمي.وغمزها بوقاحة انا بعشق الطبيعة. 

حلا خبت نفسها في حضنه:ههههههه. انت مجنون وانا بعشق جنانك. 

فادي شالها وبص في عنيها بتوعد: لسة الجنون جاي الليلة جنان في جنان. بس بجد انتي حلوة ليه كدة الليلة. هو فرحك ولا فرح تمارا. 

حلا ابتسمت بخجل: فرحي ايه ببطني دي . ده قربت اكعبر. 

فادي نايمها في السرير وملس علي بطنها بحنان: دي احلي حاجة فيكي . هنا فيه حته مني ومنك. رباط جديد بيربطنا ببعض لاخر العمر. 

حلا اتعلقت في رقبته وقربته منها: يعني انت خلاص بقيت مربوط بيا للأبد

فادي قرب اكتر وضمها بمكر: طبعا مربوط بيكي وبعقدة ماتنحلش ابدااا الا بموتي . المهم بقي في كلام كتيير عايز اقولهولك من اول ماشوفتك قبل الفرح. 

حلا ابتسمت بدلع: اولا ماتجبش سيرة الموت دي تاني لاني مااقدرش اعيش من غيرك دقيقة واحدة. . ثانيا بقي انا بعشق كلامك خصوصا وانت رايق كدة يالا سمعني.. 

فادي وشوش بطنها: بص يا برنس انت غمي عنيك وسد ودانك علشان الكلام اللي جاي ده للكبار فقط. مايصحش تسمعه وتخرج تفضحنا. 

حلا: ههههههههههه . انت ناوي علي ايه بالظبط. بلاش تبوظ اخلاق ابنك 

فادي قرب منها وابتسم بشقاوة: ناوي علي كل خير. ثم عايزاه يشوف كل اللي بينا ويطلع عنده اخلاق. ده مش بعيد ينحرف. 

حلا اتنهدت: تفتكر في كام ست حسدتني عليك النهاردة. وانا جنبك . كتيير مش كدة. 

فادي مرر ايده في خصل شعرها بحنان : حياتي انا اللي اتحسد عليكي. ثم انا مابهتمش بأي ست بشوفها ولا تمر قصادي كلهم عندي مجرد صورة لشئ مؤنث. لكن انتي بشوف فيكي الجمال والاغراء والاثارة وابتسم. والحنان والحب والامان. حلا انتي كل الستات في عنيا. صدقيني عمري ما عنيا اعجبت بغيرك. ولا اشتهيت ست غيرك. انا مش عايز من ستات الكون ده غيرك انتي انتي وبس. 

حلا غمضت عنيها واتنهدت: لا كدة كنت تقولي علشان اخد دواء الاعصاب. انا كدة اعصابي مش هتتحمل كلامك وحنيتك دي. ااااااه اموت واعرف كنت مخبي عني كل ده فين. 

فادي: حياتي كل حاجة لما بتيجي في وقتها بتبقي اجمل وطعمها احلي. وسيبك بقي من الكلام. انا عايز ادوق. 

حلا بخبث: تدوق ايه! 

فادي:ادوقك انتي واكلك لحد ما اشبع مع اني متأكد اني عمري ما هشبع منك. 

.....................................

في مكان هادي علي النيل تمارا واقفة باصة للنيل وشهاب واقف وراها وحاضنها وساند راسه علي كتفها. 

شهاب : مبسوطة يا روحي. 

تمارا اتنهدت: مبسوطة دي كلمة قليلة علي اللي انا حاسة بيه دلوقتي. شهاب احنا بجد خلاص هنتجوز. 

شهاب ابتسم وضمها اكتر: كان نفسي تكوني ليا الليلة وتبقي ليلة جوازنا مش خطوبة. كان نفسي اخدك في حضني وانام . 

تمارا جواها خوف وقلق خايفة مايا تبوظ كل اللي بنها وبين شهاب و بحزن : شهاب انت حبيتني بجد. ومش ممكن تسيبني. 

شهاب عقد حاجبه ولفها ليه: انتي كل ده لسة مش متأكدة من حبي ليكي. ثم ليه اسيبك مش فاهم. 

تمارا بتردد: ششهاب هو لو انا غلطت غلطة في يوم من الايام بس كانت غير مقصودة. ممكن تسامحني وتفهمني. وماتبعدش عني. 

شهاب بشك بص في عنيها بقوة : انتي مخبية عني ايه. 

تمارا مش جايلها جراة انها تقوله علي رهان سخيف وتافه. اتجننت ووافقت عليه في لحظة جنون دمعت وحطت راسها علي صدره : مش مخبية حاجة. ااانا بس خايفة في يوم اغلط وانت تبعد عني. مش عارفة ممكن يحصلي ايه وقتها. 

شهاب ابتسم وملس علي شعرها وبرقة: هبلة انتي. اسيبك علشان ممكن تغلطي. طيب ماكلنا بنغلط. عادي هتعصب وممكن ارزعك علقة تمام وبعد كدة هصالحك عادي. 

تمارا بعدت عنه بغيظ : علقة مين هي هبت منك ولا ايه. لا اصحي انا ماحدش يمد ايده عليا. انت فاهم . 

شهاب بص حاوليه: بسم الله. انصرف يا سيد ايه اللي حضرك دلوقتي.

تمارا عقدت حاجبها: انت بتبص فين ومين سيد ده. 

شهاب: ههههههه. سيد العفريت اللي للبسك. ماهو انتي كنتي كيوت ولذيذة وعمالة تتمسحي فيا زي القطط فجأة قلبتي علي سيد انا عارف سيد مش هيسيبنا نتهني. بس يارب مايجيش في اوقات خرجة علشان اقسم بالله ممكن اقتلك وقتها. 

تمارا: هههههههه. انا ! انا عليا عفريت واسمه سيد اخص عليك يابوب. ده انا تيمو. 

شهاب : ههههههههه. مش بقولك ملبوسة. دلوقتي تيمو شوية هتقلبي سيد. 

تمارا: هههههههه. سيد بيحبك اوي يابوب والله. 

شهاب قرب منها وحضن وشها بين ايديه وبهدوء: وانا بحبك في كل حلاتك. رقيقة مجنونة مش مهم. وشيلي من دماغك اني اسيبك ابدااا. انتي خلاص اخدتي الختم بتاع عيلة الحديدي. وبقيتي من ممتلكاتي الخاصة وانا مستحيل اسيب ممتلكاتي ابداا. 

تمارا عنيها لمعت بحب وابتسمت : يعني مافيش حاجة ممكن تبعدك ولا اي غلطة. 

شهاب بجدية: هي غلطة واحدة مستحيل اسامحك عليها في يوم. ومش بعيد اقتلك كمان. 

تمارا ابتسامتها راحت: هي ايه؟

شهاب بغموض: الخيانة. لو في يوم اكتشفت انك بختنيني او بتخدعيني . مش هرحمك مش هكون شهاب اللي عرفتيه. هكون اسوء وحش ممكن تقابليه في يوم. 

تمارا بلعت ريقها بقلق: بببس ااانا عمري مااخون ابداااا. انا ماحبتش غيرك. 

شهاب ابتسم بسخرية:هي الخيانة راجل وست وبس. ولا سرير. تؤتؤ.اسوء انواع الخيانة عندي انك تخوني ثقتي فيكي في اي شئ . 

تمارا حاست انها اتوترت وقلقت. محتاجة تتكلم مع حد يمكن تلاقي طريقة تفاتحه بيها وترتاح من القلق ده.

بس ياتري مين اللي ممكن تفتح قلبها وتحكيله الوحيد اللي بتثق فيه وفي رأيه هو مهاب. وهو اصلا بيتلكك علشان تبعد عن شهاب مش هيساعدها انها تعدي الازمة دي. 

شهاب شايفها سارحانة قلق : تمارا في ايه ! ليه بتسرحي وانتي معايا .

تمارا اتنهدت: مافيش حبيبي بس نفسي افضل معاك . بشيل هم الوقت اللي ببعد عنك فيه. الوقت معاك بيعدي بسرعة اوي. 

شهاب غمزها: خلاص بلاش تمشي تعالي باتي معايا. 

تمارا: ههههههههه. كان علي عيني والله بس كفاية فضايح لحد كدة. انت عايز سيادة اللواء يجيلك بمدرعة حربية ويطربق قصر الحديدي علي دماغ الكل. 

شهاب:ههههههههه. ولا يعرف ده قصر الحديدي ياقلبي حصااااانة. وشدها لحضنه وبمكر.. ثم مين قالك اننا هنبات في القصر تؤتؤ. احنا هنروح مكان بتاعنا احنا . 

تمارا : مش فاهمة مكان فيه . موكنة يعني. 

شهاب بغيظ ضربها علي دماغها: موكنة ايه يا حمارة. هو انا شتقطك من جامعة الدول ما تختاري الفاظك يا غباوة. 

تمارا بتكتم ضحكتها:سوري بس القفية حكمت . 

شهاب بزهق: قفية ايه يا متخلفة. يخربيت سيد ده مش هيفارقك. المهم. انا هفهمك. احنا اساسا مش هنتجوز في القصر عندنا. انا بحب اكون براحتي نحب بعض نضرب بعض تضحكي تصوتي براحتنا بقي ماحدش يسمع فضايحنا . 

تمارا : امممم. بس اونكل رعد قال لبابا اننا هنتجوز عندكم . 

شهاب حط ايده في جيبة وسند علي عربيته: ماهو لما رجعنا انا اتكلمت معاه وفهمته وهو فهم لانه عارف اني مابحبش حد يجبرني علي حاجة وهعمل اللي انا عايزه. 

تمارا: طيب هنعيش فين اكيد في نفس الكومبوند. علشان دكتورة نغم ترتاح وماتقلبش الدنيا. 

شهاب : تؤتؤتؤ انا بحب النيل وواخد شقة علي النيل . هنتجوز فيها . 

تمارا قربت منه بترقب :امممم. وكنت واخد الشقة دي ليه يا بيه. افهم.

شهاب بيغيظها: عادي بقي يا سيد انت عارف الشباب وطيش الشباب 

تمارا بغيظ مسكته من هدومه: طيش شباب ده انا هخليك ماتنفعش لا لطيش ولا حتي طشة . انطق كنت بتجيب ستات الشقة دي. 

شهاب نزل ايديها من هدومه:ههههههههههه. يخربيت الغيرة . هتموتك ناقصة عمر . اهدي يا روحي انا وحياتك لسة بكتم المصنع . 

تمارا بخجل: انت سافل علي فكرة. 

شهاب بخبث: الله مش بفهمك علشان تكوني حذرة معايا وتراعي اني ماعنديش خبرة . احسن تجيني صدمة ولا حاجة. 

تمارا ضربته بقوة في صدره وبغضب : بطل هزار بتكلم جد. انت كنت بتعمل علاقات مع ستات . 

شهاب اتنهد وقربها لحضنه بهدوء: ومين قالك اني بهزر. انتي فعلا هتكوني اول ست في حياتي. اول ست المسها. عمري ماعملت علاقة مع ست قبلك. عمر ماكنت كدة. انتي اول واحدة تنول الشرف ده . بس اوعي تصدقي اني معنديش خبرة ازعل 

تمارا ابتسمت بخجل: وجبتها منين بقي الخبرة دي. 

شهاب غمزها:ثقافة عامة . ههههههههههه. المهم بتكلم جد مش هزار تحبي نروح تشوفي الشقة. 

تمارا بسخرية: لا وحياة طنط. الحوار الفكسان بتاع تعالي زوري امي العيانة ده مايكلش معايا انسي. 

شهاب:ههههههه. يهدك يا سيد يا بت انتي اكيد غبية انا مش محتاج اعمل كدة. انا في ثانية اشيلك واكتفك واخدك علي هناك ولا هغلب . 

تمارا رفعت حاجبها بتحدي: وؤيني كدة شطارتك. 

شهاب شمر اكمام قميصة وقرب منها بخبث: عيوني يا قطة انتي اللي طلبتي . 

تمارا بتبعد: هههههههههه لا لا بهزر. 

شهاب بسرعة شدها وشالها: بعد ايه خلاص مسكتك. قرب من العربية وفتح الباب. وبهمس . ماتخفيش هروحك . بس هخدك تشوفيها في يوم تاني دلوقتي اتاخرنا . وانا بصراحة حالتي الليلة حرجة. وما اضمنش نفسي ممكن تبقي ليلة دخلتنا وابوكي يجي يبارك الصبحية بكرة. 

تمارا متعلقة في رقبته:هههههههههه. بحبك يا شهاب وكل يوم بحبك اكتر. 

شهاب قعدها في العربية وهو لسة قريب منها: وانا بعشقك. وكل يوم هعشقك اكتر . وباسها من جبينها ولف علشان يركب هو كمان. 

تمارا بعد ماركب واتحرك بالعربية شغلت اغنيه حبتها من اول ما سمعتها . بتعبر عن شعورها اتجاه شهاب وقد ايه هي بتتمني قربه وبتخاف من لحظة فراقهم. حضنت دراعه ونامت علي كتفه وغمضت عنيها وشهاب ابتسم علي جمال الاغنيه ولف دراعه وحضنها وكمل سواقة بإيده واحده. 

عشان خاطري حبيبي ما تمشيش لسة بدري الوقت الحلو ليييه ليييه ..ليييه دايما بيجري. مش بشبع منك انت وهي دي مشكلتي فيك. ارجوك خاليك ثواني دول بالنسبالي عمري . 

تمارا حضنته اكتر . هي فعلا مش بتشبع من قربه ولا الملام معاه . الفترة اللي قضتها معاه خلتها اتعودت علي وجدها معاه بٱستمرار . صعب دلوقتي تقعد معاه وبعد كدة تسيبه وتمشي. ومها قضوا وقت كبيير الوقت والكلام الكتير بيمر اكنه حلم. ولما تبعد عنه روحها بتروح وتهرب منها وتروح عنده. 

حكيااات . حبيبي حكياااات. معاك بتفوت يادوب في ثواني . وياروح مابعدك روح هتمشي هموووت واشوفك تاني . طب وعد هنوحش بعض . وهستناك وتستناني وياريت ماتتأخرش والدنيا ماتسرقناش. 

شهاب اتنهد بحب وضمها لحضنه وباس خصلات شعرها : عمري ماهغيب ولا هبعد. ومافيش حاجة في الكون ده ممكن تسرقني منك ولا تسرقك مني. 

تمارا اتنهدت وبخوف: انا خايفة من الدنيا تستكرتك عليا وتاخدك مني. الايام مالهاش امان .واتمسكت بحضنه اكتر اكنها اخر مرة هتحضنه . 

من الايام بخااااف لتاخدك من عنيا. وشوية السعادة تستكترهم عليا . بخاف ارجع لوحدي بعد ما اتعلقت بيك. انا بمسك في الحياة لما بتمسك ايديا. 

حكايااات حبيبي حكايااات معاك بتفوت يادوب في ثواني. 

وياروح ما بعدك روح هتمشي همووووت واشوفك تاني. 

شهاب اتنهد وجواه شئ غامض بيفكر فيه وبهمس: تمارا انا اللي بسألك دلوقتي. ايه اللي ممكن يبعدك عني . ويشكك في حبي. 

تمارا مغمضة عنيها وبثقة:مافيش اي شئ ممكن يشككني في حبك ليا ولا يبعدني عنك . انا لازقة فيك مش هسيبك ريح نفسك . 

شهاب:هههههههه. ايه الدلقة دي يابت اتقلي شوية . يخربيتك . 

تمارا حضنته اكتر: هو كدة واذا كان عجبك. 

شهاب بسعادة:ههههههه. عجبني يا روحي. انتي اجمل حاجة فيكي انك طبيعية ما بتعرفيش تالوني ولا تكوني غير نفسك .جميلة وصافية قلبك زي قلب الاطفال بيعبر عن اللي جواه من غير زواق ولا تمثيل. انتي حقيقية في

كل حاجة . 

تمارا بحزن بينا وبين قلبها: ياتري لو قولتلك هتفهم وتقدر. ولا هتتخيل ان كل ده تمثيل وزيف . واتنهدت. بس انا لازم اخد قرار. لازم اقابل مايا واعرف ناوية علي ايه. شكلها تحب شهاب بجنون وانا مش مستعدة اضحي بشهاب علشان موضوع سخيف زي ده. 

شهاب كمل طريقة لحد ڤيلا مهاب. ونزل ولف فتح لتمارا الباب ومسك ايديها نزلها وباس ايديها برقة وابتسم. 

شهاب: تصبحي علي حبي وشوقي ليكي هتوحشيني . 

تمارا ابتسمت بسعادة: وانت حبيبي وعشيقي وكل اللي ليا. هتوحشني اوي اوي. 

شهاب باسها من جبينها: ياللا يا قلبي ادخلي علشان سيادة اللواء مستنيكي ومش هينام غير لما تدخلي. 

تمارا عقدت حاجبها: وانت مين قالك انه ميستنيني ! 

شهاب حط ايده في جيبه وابتسم : ابوكي واقف ورا شباك اوضته مستنيكي وحاليا بيطلع دخان عايز يبعتلي طلقة تحية. 

تمارا: هههههههه. وانت لحقت تاخد بالك من كل ده. ثم ان البيت ضلمة انا مش شايفة حاجة . 

شهاب غمزها: لازم اقولك بلاش تنسي مين شهاب. ياللا بطلي رغي اشوفك بكرة. سلام ياقلبي. 

تمارا : سلام حبيبي. 

دخلت وشهاب لف علشان يركب وبص علي شباك مهاب وغمزله وبعتله سلام . وركب ومشي.

مهاب كان فعلا واقف مستني تمارا ومش قادر ينام لحد ماترجع . ومااستغربش ان شهاب شافه ودي اكتر حاجة مقلقاه من شهاب. انه يشبه كتيير وتلميذه وعلشان كدة مش قادر يامن بحبه لتمارا . عارف انه مكار بشكل كبيير . اتنهد وراح لتمارا. 

في اوضة تمارا . مهاب دخل. 

تمارا : اممم. ايه اللي مصحيك لدلوقتي. 

مهاب: تفتكري هعرف انام وانتي برا. 

تمارا : طيب ما انت كنت بتنام وانا مسافرة او في اي شغل. ليه النهاردة ايه اللي اتغير. 

مهاب اتنهد وقعد علي السرير:اللي اتغير هو انتي. حبيتي وقلبك بقي ضعيف. الاول كنت عارفك وفاهمك ومابتخبش عني اي حاجة. دلوقتي في غيري حل محلي وبقي هو رقم واحد. وانا خلاص بقيت مجرد اسم من 4 حروف بابا وبس. 

تمارا بدهشة قعدت علي الارض قصاده ومسكت ايده وباستها:ازاي بتقول كدة. انت هوبا ابويا وحبيبي وصاحبي مستحيل حد بحل مكانك في قلبي. 

مهاب بحزن: حتي شهاب! 

تمارا دمعت وضمت وشه بين ايديها : حتي شهاب. انا ايوة بحبه وممكن اتجنن لو بعد عني. بس انا ممكن اموت لو انت بعدت عني وشوفتك حزين كدة. لو بعدي عنه هيريحك ويخليك ترجع هوبا صاحبي تاني انا مستعدة اسيبه . 

شهاب ضمها لحضنه واتنهد: حبيبتي انا مش ضد انك تخبي ولا ضد شهاب. انا بس خايف عليكي انتي اول مرة تحبي وقلبك يدق. وخايف شهاب يستغل ده. ويوجعك لاي سبب. خاليكي معاه . بس اوعي تشغلي قلبك وتنسي عقلك . فاهمة. 

وخرجها من حضنه وبص في عنيها. والاهم اياكي تكسري ابوكي قصاده. اوعي تكوني الشوكة اللي يغرزها في ظهري وتنهيني. فاهمة.

تمارا بإستغراب: انت كل يوم بتأكدلي ان اللي بينكم كبيير. بس انا متاكدة ان شهاب بيحبني ومستحيل ياذيني . وعلشان اثبتلك اننا لسة اصحاب. انا فيه موضوع مهم عايزة اتكلم معاك فيه وتنصحني اعمل ايه. 

مهاب: خير حبيبتي قلقتيني. 

تمارا : لا دلوقتي انا راجعة مبسوطة ومش عايزة افتح موضوع يضيع فرحتي. الصبح نتكلم . 

مهاب باسها من خدها: طيب ياللا ارتاحي دلوقتي وبكرة ربنا يحلها. تصبحي علي خير. 

تمارا : وانت من اهله حبيبي. 

......................................

في ڤيلا اكمل التهامي حمزة من وقت ما رجعوا وهو سرحان بيفتكر كل لحظة عدت عليه وهي في حضنه وبترقص معاه. حاس انها بتحنله ونفسها يرجعوا زي زمان. كل مايقرب من باب اوضتها يتراجع ويخاف يزعلها او ترجع تبكي تاني.بس جواه شوق ليها قرر يدخل يتطمن عليها ويخرج. دخل بهدوء ولاقاها نايمة في صمت اتنهد. وقرب منها وقعد قصادها وابتسم وهو بمرر عنيه علي ملامحها. وغصب عنه ماقدرش بمنع نفسه يلمس خدها بحنان وشعرها برقة . فتون فتحت عنيها وبصتله.هي حاسة بيه من اول مادخل . حمزة خاف تزعل. 

حمزة : اسف والله انا بس كنت عايز اتطن عليكي وخارج. 

فتون دمعت وبضياع حقيقي جواها حرب بتطحن فيها لاقادرة علي بعده ولا متحملة قربه. بس لاسف هي مش بتلاقي الراحة والامان لحد دلوقتي وبعد كل اللي عرفته الا بين ايديه وفي حضنه. 

فتون بحزن بعيد عن اي حاجة بينا. ممكن تاخدني في حضنك بس حضنك. 

حمزة بحزن لحزنها حتي في طلبها لقربه. حاس ان قلبها هو اللي جبرها علي طلبها غصب عنها . بس مستحيل يرفض. قرب منها بهدوء ودخل تحت الغطاء وسحبها لحضنه وضمها بحنان. وملس علي شعرها برقة

حمزة : وانا قولتهالك قبل كدة. حضني ليكي وملكك واي وقت تحتاجي ترمي اي حزن وهم. حضني مفتوحلك. انتي حبيبتي. حبيبتي يا فتون. 

فتون بكت وحضنته: مش عايزة اتكلم في حاجة ولا افتكر حاجة. والصبح اكيد هرجع ابعد. بس دلوقتي عايزة انام انا عنيا مش بتشوف النوم. محتاجة ارتاح. وللاسف مش برتاح غير في حضنك. 

حمزة مش عارف يفرح لكلامها ولا يحزن. فرحة احتياجها ليه ولقربه. ولا حزن لبعدها عنه حتي وهي في حضنه. بس زي ماهي مش عايزة حاجة في اللحظة دي غير حضنه وامانه . هو كمان مش عايز غير حضنها ويتطمن عليها معاه مش بعيد عنه . ضمها بقوة وهو بيتنفس شعرها بإستمتاع . 

حمزة: نامي حبيبتي. نامي وماتفكريش. نامي في حضن حبيبك . حبيبك اللي هيفضل معاكي ومش هيسيبك مهما قسيتي وبعدتي. هيعافر لحد ماترجعي تثقي فيه من تاني . انا مش هيأس ولا امل فاهمة. 

فتون ضمته وغمضت عنيها بدموع وبينها وبين نفسها: انت ازي كدة ازاي. هو فيه غدار ولا خاين يكون بالحنان ده. ازاي قدرت تعمل فيا كدة . وانت بالرقة والحب ده. وازاي لسة بحس بالامان معاك وفي حضنك وبس. ليه مش عارفة اكرهك وابعد . ااااااه بحبك اوي اوي. ياتري ده ايه. ازاي افضل احب واحد سلبني اغلي واعز شئ في حياتي. 

فضلت هي محتارة وبتسال كتيير ومش لاقية اجابة. وهو بيستمتع بقربها وحضنها كانت ايده بتلمس كل حاجة فيها برقة وحب. عايز يشبع من قربها علشان مش ضامن امتي ترجع لحضنه تاني امتي. وتسيب نفسها بين ايديه . بس كل ما يلاقي نفسه هيفقد السيطرة علي هدوءه. ويمتلكها بجد. يخاف ويتراجع ويلجم رغبته فيها بصعوبة. علشان يرجعلها الامان والثقة فيه تاني 

. ....................................

في شقة شيك ورقيقة . مهاب واقف بيتامل المكان. وجات من وراه سارة بدلع . 

سارة: عجبك بيتي! 

مهاب لفلها وابتسم : انتي كلك كدة علي بعضك عجبتيني. وده مابحصلش كتيير. 

سارة قربت منه اكتر: بجد. يعني ممكن نفضل اصحاب . 

مهاب بمكر قربها لحضنه وابتسم: اصحاب بس قولي حبايب .. عشاق

سارة اتنهدت :لا لا وحياتي ماتلعبش بمشاعري. انا مش مصدقة بجد ممكن تحبني زي ما بحبك. 

مهاب قرب منها اكتر وباسها من خدها وبحنان:انتي اول واحدة بعد نغم تخليني انشغل كدة . سيبتها نايمة وجتلك ماقدرتش انام وانا مش عارف ابطل تفكير فيكي . انتي عملتي فيا ايه . 

سارة بحب : حبيتك . حبيتك واتمنيتك . كنت بتابع كل حاجة عنك من بعيد. ومش قادرة اقرب. كنت بشوفك من بعيد واحزن. اسمع صوتك وانت في اي مكان من بعيد قلبي يدق. اسمع ضحكتك قلبي يرقص واتمني تضحكلي انا. انا حبيتك اوي اوي. وصعب عليا تبعد عني بعد ما لقيتك قربت كدة. 

مهاب قرب منها وباسها بلهفة قوية . وشهالها: تسمحيلي نكمل كلام جوا. انا خلاص مش متحمل اكتر من كدة.. 

سارة اتعلقت برقبته وابتسمت: وانا ملكك ومستعدة اسمعك لحد الصبح.

نغم قامت مفزوعة وبتعيط وتصرخ: لا لا جوا فين الله يخربيتك. انت بتعمل ايه . 

مهاب قام مفزوع: في ايه مالك . 

نغم ولعت الابجورة وبجنون: انت لسة بتسأل كنت عند الهانم بتعمل ايه هاه. وعرفت بيتها منين اتكلم. 

مهاب مش فاهم حاجة: هانم مين وبيت ايه. مالك انتي سخنة . 

نغم بتعيط: اخس عليك دي اخرة الحب والعشرة بتخني ومع مين مع واحدة اول مرة تشوفها .وكمان في ليلة خطوبة بنتك وتسيبني نايمة وتروحلها. 

مهاب بضيق:اوفففففف. ليلة سوداء شكلها كدة. هي مين وربنا ما اتحركت من مكاني ما انا مرزوع اهو جنبك.

نغم بتمسح دموعها : يعني انت هنا وماروحتش عن البت اللونة اللي كانت في الفرح. 

مهاب عقد حاجبه: مين فيهم اصل الفرح كان ملغم صراحة كلهم صواريخ ارض جو. 

نغم بغيظ ضربته في كتفه بعصبية: ما تتهبب تسكت هو انا ناقصة ده انا بولع خلقة. اقصد البت اللي كانت بتتمايص وتقولك لسانك عسسل. 

مهاب: ااااه. قصدك سارة. 

نغم بسخرية:اااه سارة . وكمان عرفت اسمها. 

مهاب ضحك وشدها لحضنه:انتي عندك حق تغيري. هي البت صراحة تجنن. لا وجايلي مخصوص . بس اتطمني انا مستحيل اخونك ابدااا. بذمتك اما عمري بصيت لست غيرك من يوم ما عرفتك. 

نغم نامت في حضنه:لا ماحصلش. بس انا اتجننت لما شوفتك بتبصلها بإعجاب

مهاب : ههههههه. حبيبتي الستات الحلوة زي الزهور الحلوة لما عينك تقع عليها تعجبك. بس مافيش غير وردة واحدة اللي من جمالها تجبرك تروحي لحد عندها وتقطفيها. وانتي الوردة اللي خادتني ليها وقطفتها ومستحيل اقطف غيرها. الباقي دول مجرد زهور حلوة مش اكتر 

نغم: بحبك اوي مهما كبرت لسة بحس اني البنت الصغيرة اللي اتجننت بيك من اول مرة شافتك. وبتخاف تروح لغيرها. 

مهاب بمكر: امممم. الظاهر كدة اني فعلا نكدت عليكي بقلقي علي تمارا. وسيبتك تنامي زعلانة. احممم. نبدأ الليلة من الاول بقي. 

نغم: هههههههه. ليلة ايه ده الفجر اذن. 

مهاب : وماله نبدا يوم جديد. تعالي بس احكيلي شوفتي ايه في الحلم. وانا هحققهولك وقتي بس معاكي يا نغم حياتي 

#سلسلة_عشق_الرجال الجزء الثاني من رحم للإيجار

#الحلقة_الواحدة_والثلاثون

في ڤيلا مهاب عز الدين 

تمارا نايمة لسة غرقانة في احلام وكلام وحب الليلة اللي فاتت. كانت ليلة من اجمل لاياليها. صحيت علي صوت فونها بيرن...  شهاب... 

تمارا مبتسمة بس لسة غالبها النوم: حبيبي. وحشتني. 

شهاب بنبرة جدية لحد كبيير. غير نبرته الحنينة اللي متعودة عليها منه: انتي لسة نايمة ؟

تمارا : اهاه. لسة انت صحيت من بدري شكلك . هي الساعة كام. 

شهاب :الساعة 2 الظهر. 

تمارا: يانههههار مش ممكن انت نمت كل ده ازاي ! 

شهاب بسخرية: معلش عروسة بقي وكمان احنا سهرنا اوي امبارح. المهم. قومي بسرعة كدة وفوقي وانا مستنيكي عايزك . 

تمارا بدلع: ايه لحقت وحشتك . ثم اني لسة هقوم واخد حمام وافطر وابقي اكلمك. 

شهاب بحزم: انا قولت بسرعة عايزك . تبقي تقومي وتنجزي وتجيني وانا لما اشوفك هأكلك ما تقلقيش. هتشبعي علي الاخر. 

تمارا: امممم . انت مالك كدة محسسني انه العشاء الاخير وهتسمني مالك . 

شهاب بسخرية: ههههههه. ايه قلبك حاسس. ياللا بسرعة ساعة بالكتير. وتكلميني هجيلك اخدك انا في البيت. 

تمارا: اوك حبيبي. انا مش هتاخر عليك. 

شهاب بغموض: مستنيكي . 

تمارا قفلت مع شهاب وقامت علشان تاخد حمام لقت فونها رن تاني. 

تمارا: اوففف. هو صباح جنان شكله كدة.. لقته مهاب . اوبس سوري يا هوبا جات فيك. 

ردت عليه : صباح العسل علي هوبا العسل انت فين . 

مهاب: هههههه. يا صباح الروقان . عاملة ايه يا عروسة . انا في الشغل انتي عارفة الشغل ما بيرحمش. اسف عارف انك كنتي عايزاني امبارح. بس اوعدك ارجع ونقعد نتكلم سوا زي مايعجبك.. 

تمارا: ولا يهمك يا هوبا . اصلا انا كدة كدة. نازلة هقابل شهاب. 

مهاب بضيق: ليه بقي هو البيه ماكفهوش سهر امبارح. لسة عايز يكمل. قوليله يتنيل ينزل شغلة بدل الاجازة اللي مالهاش لازمة دي. كفياه عسسل. اومال لما يتجوز هيعمل ايه مش فاهم. هيستقيل. 

تمارا : ههههههههه. وبعدين معاك يا هوبا ارحم بقي شوية. شيل البوب من دماغك. ماقولنا ده في الحتة الشمال. 

مهاب بزهق: ده انسان غتيبت هو كله شمال اصلا . انا عارف عجبك فيه ايه . ما 1000غيره كانوا قدامك اشمعن ده مش فاهم. 

تمارا : هههههههه. اقفل يا هوبا اقفل انت مافيش فايدة فيك . انا كدة هتأخر علي شيبو لما ارجع نتكلم. 

 مهاب بعصبية: نعم يا ختي عايزة تقفلي معايا علشان سي زفت ده . طيب ايه رئيك بقي انك هتفضلي تتكلمي معايا انا مش قافل . خاليه يتفلق بقي ويفضل مستني . 

تمارا : هههههههه. وانا تحت امرك يا حبيي معاك للليل يا هوبا قلبي. بلاها شيبو. هو فيه احلي من هوبا وعيون هوبا وزراير هوبا. 

مهاب غصب عنه ضحك: ههههههههه. اضحكي عليا يا بنت ابوكي ماشي. هسيبك تروحيله. بس وحياة ابوكي تتقلي شوية . الواد ده خسارة فيه دلقتك عليه بالشكل ده. يابت ده انتي بنت مهاب  الدين . يعني التقل كله بلاش يحس انه امتلكك كدة. خاليه يلف حاولين نفسه . 

تمارا اتنهدت: اتقل علي مين علي حبيبي. بص يا هوبا اخلع انت من وسطينا علشان كدة هنتعب مع بعض. 

مهاب بنفاذ صبر: طيب يا ختي روحي شوفي كامل الاوصاف اللي واكل عقلك .وابتسم  هتوحشيني يا قلب ابوكي. 

تمارا بحب: وانت واحشني من دلوقتي يا قلب تيمو. باي 

مهاب قلبه مقبوض:تيمو. خالي بالك من نفسك .سلام حبيبتي. 

قفلت تمارا وراحت اخدت حمام ولبست وكلمت شهاب وراحت تقابله . 

اما مهاب. كان حاسس بخنقة مش عارف سببها . قلقان علي تمارا بإستمرار . وحاسس انها في حاجة هتتعبها وتوجعها . اتنهد وحاول يبعد الفكرة عن دماغه لانه تعب من كتر خوفه عليها. 

...................................... 

في ڤيلا اكمل التهامي . 

چنا قاعدة مع أكمل وتسنيم. وفاتحتهم في موضوع جوازها من مروان واللي كان صدمة قوية ليهم. 

أكمل بصدمة ودهشة: انتي بتقولي ايه. اكيد اتجننتي صح . 

چنا بتصميم: لا مااتجننتش. انا عاقلة جدااا. انا هتجوز ايه المشكلة بس . 

أكمل بغضب شدها من دراعها بقوة وهزها بعنف: المشكلة انك صدمتيني فيكي . انتي چنا بنتي العاقلة اللي طول عمرها اقول ان عقلها يوزن بلد. عايزة تتجوز واحد من سن ابوها وكمان تخلف لمراته وتديها ابنها. ازاي انتي واعية لكلامك ده جنان رسمي. وانا مستحيل اوافق عليه. ثم انا بنتي تتجوز فترة علشان تأجر حتة منها ليييه . ايه اللي يجبرك تعملي كدة. انطقي وكلميني بعقل بدل الجنون اللي خرج منك ده. 

چنا بدموع: اللي يجبرني اني حبيته. وماحبتش غيره ولا ههحب بعده . بابي ارجوك افهمني. انا ومروان بنحب بعض. وعايزين نتجوز . بس في نفس الوقت مش عايزين نجرح ريما. فإحنا هنفهمها ان جوازنا هيكون علشان العملية  بس.  لكن انا ومروان بنحب بعض ومش هنتجوز فترة ولا حاجة لا مروان مش هيسبني ابداا. 

أكمل بعصبية خبط الترابيزة بإيده بقوة: مروان ده ندل جبان . بعته معاكي يحافظ عليكي ويحميكي من الغرب. حماكي منهم لكن ماقدرش يحميكي من نفسه. ضحك عليكي ووهمك بالحب. عايز يسرق شبابك واحلي سنين عمرك . عايز ياخد حته منك يديها لمراته . بس ده بعده. نجوم السماء اقربله من انه يتجوزك مستحيل. وانا هقتله لو فكر بس انه يكلمك تاني . 

چنا بعصبية: ارجوك يا بابي دي حياتي وانا حرة فيها وهتجوز مروان يعني هتجوزه. مش هتجوز غيره. وانا بحزرك يا بابي لو بس فكرت تأذي مروان انا همشي من حياتكم وهتجوزه بعيد عنكم. وتبقوا انتم اللي اخترتم تخسروني. 

أكمل بص لتسنيم بغيظ: افهم انتي ساكتة ليه . انتي عاجبك كلامها . 

تسنيم لسة بتستوعب اللي بيتقال. قربت من چنا بدموع. ووقفت قصادها. 

چنا بحزن ودموع: بتحبيه؟! 

چنا بصتلها وبصت في الارض: ايوة بحبه . 

تسنيم بحزن اكبر:  هتقدري تتنازلي عن حته منك لريما. هتسيبي ابنك او بتنك لواحدة تانية. هتيديها ابنك وتاخدي جوزها . شايفة انك كدة كسبانة. 

چنا بتبكي: ارجوكي يا مامي بلاش تحاولي توجعيني. 

أكمل بغيظ: هو انتي لسة شوفتي وجع. اسمعي لو فضلتي مصرة علي الجنان ده. انا همنعك تشوفيه ولا  تسافري معاه. حتي المشروع هسحبه منك .

انتي فاهمة . يظهر ان فعلا زي مابيتقال العرق دساس. وانتي هتورثي امك. بكل عيوبها. 

چنا بدموع: انا! انا امي هي دي اللي واقفة قصادك امي تسنيم . ثم انت ليه بتلومني انا حبيت زي ما انتم حبيتم في يوم من الايام . ليه بتقسي عليا انا ما اجرمتش. 

أكمل بعصبية: انتي ازاي مش قادرة تشوفي انك عايزة تفضحيني وتفضحي نفسك. اقول للناس ايه بنتي بتأجر حتة منها . لييه ايه اللي يجبرك علي كدة. 

چنا : حبيته وبقولهالك لاخر مرة. لو وقفت قصاد جوازنا هسيبلكم كل حاجة وهتجوزه بردوا. واتبقوا انتم اللي اخترتم. 

أكمل بكل غضب ضربها بالقلم وقعها علي الارض: اخرتها تبعينا علشان واحد ضحك عليكي ولعب بمشاعرك. هي دي اخرتها. 

تسنيم جريت عليها :ايه اللي عملته ده. ازاي تضربها. 

أكمل : دي تتحبس هنا مافيش سفر ولا شغل. ومروان الندل ده انا هعرف اتصرف معاه . 

چنا قامت ووقفت قصاده: لو اذيت مروان . مش هتشوفني تاني هبعد عنكم للابد. 

تسنيم : تعالي معايا فوق . انا عايزاكي. 

أكمل مصدوم ازاي چنا اتغيرت بالشكل ده. وبيتوعد لمروان بكل غضب . 

في اوضة چنا تسنيم نيمتها في سريرها. وحضنتها بحنان. 

تسنيم : مش عايزاكي تشيلي هم حاجة. انا جنبك مش هسيبك. 

چنا بدموع: انا بحبه وعايزة اعيش معاه. ليه بابي مش قادر يفهم كدة ليه بيعقبني وهو حب زي في يوم. 

تسنيم : ما تزعليش من أكمل هو بيخبك وعايز مصلحتك. بس لو انتي فعلا شايفة حياتك وساعدتك مع مروان. انا هساعدك وهقف جنبك. 

چنا : بجد يا مامي هتساعديني. 

تسنيم ابتسمت: بجد يا قلب مامي. انا ماعنديش في الدنيا غيرك انتي وحمزة اخوكي.مستعدة احارب الكون ده كله علشان اسعدكم. حتي لو كان اكمل نفسه . 

چنا حضنتها بقوة:  انا يحبك اوي يا مامي اوي. 

تسنيم: وانا بحبك يا قلبي . انتي شكلك تعبان ياللا نامي وارتاحي ونتكلم بعدين . 

سابتها تسنيم ونزلت لاكمل مكتبه. اكمل لسة متعصب ومش عارف يوصل لمروان. هيتجنن قلبه بيتقطع علي بنته مش مصدق ان اليوم اللي تجيله فيه وتقوله انها بتحب وعايزة تتجوز يكون بالشكل ده. 

اكمل بصلها بحزن وسألها : عاملة ايه دلوقتي .

بتعب وحيرة : هتكون عاملة ايه منهارة طبعاااا. ومموتة نفسها عياط. وبعتاب. بس انت قسيت عليها اوي يا أكمل. 

أكمل بعصبية: قسيت ايه بس. هو انت لسة عملت حاجة. دي بنت مجنونة. عايزة تتجوز واحد قد ابوها وكمان تخلفله هو ومراته. ده جنان رسمي وتخريف.بإستغراب. ثم  انتي بتجادليني في ايه عايز افهم. انتي موافقة علي اللي هي عايزة تعمله ده. 

تسنيم بهدوء: انا موافقة علي اي حاجة تسعد بنتي. وهي شايفة ساعدتها مع مروان. وانا هساعدها واقف جنبها دي حياتها هي تعيشها زي ماتحب. وانت مش لازم تقف قصاد سعادة بنتك وحبها. 

أكمل بغضب: انتي اكيد اتجننتي انتي وبنتك. انا مش ممكن  اوفق علي التخريف ده. 

تسنيم بحدة:ليه بقي هو الحب عيب. وبعدين ده جواز . احنا قولنا ايه بس. ليه مش موافق؟

أكمل بغيظ:انتي ازاي مش شايفة انها كارثة. انا بس عايز افهم دماغك.طب هي صغيرة ومتهورة.لكن انتي ايه بقي! 

وبعدين دي بنت قليلة الادب. واضح كدة انها ورثت الكل ماسبتش حد. 

تسنيم بوجع ودموع: انت بتعايرني يا أكمل بغلطتي معاك! بتعايرني علي حبي وثقتي فيك؟! 

اكمل ندم وحس انه اتسرع في كلامه وغضبه خلاه يجرحها. 

أكمل بندم: تسنيم حبيبتي انا اسف والله ما اقصد . انتي عارفة كويس انتي بالنسبة ليا ايه. وعمري ما اعايرك ابدااا.ااانا كنت اقصد مايا الله يرحمها. 

تسنيم بتمسح دموعها بقوة:ولا حتي مايا دي واحدة ماتت وبين ايدين ربنا . هو اللي يحاسبها وهيحاسبنا احنا كمان. وانا بحذرك يا أكمل اياك  تغلط في مايا مرة تانية. وخصوصا قصاد چنا . وانا بقي اللي هقف قصادك. وچنا هتتجوزه يعني هتتجوزه.  انا كل اللي يهمني سعادة بنتي . وهي شايفة ساعدتها مع الشخص ده. عن اذنك.

خرجت تسنيم واكمل هيتجنن مش  عارف ازاي هيتصرف في المصيبة دي. وكمان ازي هيواجه رعد. 

......................................

في قصر رعد الحديدي. 

في مكتب رعد. رعد قاعد قصاده مروان. مروان خلص كلامه. ومش قادر يفهم سكوت رعد الطويل ونظراته الغامضة القوية اللي اكنها بتدخل جواه علشان تتأكد من صدق كلامه. الصمت طول ومروان مش قادر يستشف ردة فعل رعد. واخيرا رعد قام من مكانه ومشي خطوات هادية وثابتة ناحية الشباك اللي بيطل علي الجنينة. وحط ايده في جيبه وبغموض. 

رعد: شايف الجنينة الصغيرة  اللي هناك دي. 

مروان قام ووقف جنبه. انت تقصد جنينة البنات. 

رعد لفله بهدوء وهز راسه: ايوة. الجنينية دي فيها شجرة لكل واحدة من عيلتي. لكل بنت وست في عيلتي عيلة الحديدي واولهم همس وكمان ريما. عارفة انا لو في يوم عديت ولقيت فيه  واحدة فيهم ورقها دبلان ولا مش مفتحة . عارف بعمل ايه في البستاني . 

مروان بدأ يغضب لان رعد بدأ يظهر اللي جواه. 

رعد قرب منه بغضب وزقه في صدره بقوة:بطرده وامشيه واجيب غيره . مع انها غلطة بسيطة من وجهة نظر اي حد.بس بالنسبة ليا انا مش كدة. دي غلطة عمره انه اهمل في شئ انا بنفسي إأتمنته عليه .يوم ماحد يكون السبب في اذي حد من عيلتي وخصوصا مراتي واختي وبناتي. ويخلي دمعة تنزل منهم. قسما بربي انسفه وما اخلي ليه ذكر في الدنيا . وبصوت جاهوري وغاضب. فاااااهم. قولي فهمت ايه من اللي قولته . لما اطرد بستاني علشان ورقة دبلت. تخيل هعمل فيك ايه علشان عايز تجرح اختي الوحيدة. اخت رعد  الحديدي وتتجوز عليها وياريت السبب الخلفة زي ما انت واهمها. لا ده انت خاين قلبك غدر بيها وحبيت غيرها . ومين عيلة من دور ولادك. ليه . فهمني ليييه . 

مروان بثبات وقوة: نفس السبب اللي خلاك تتجوز همس. علشان حبيت چنا والحب مش بإيدينا. 

رعد بغضب جامح: انت بتقارن مين بمين . انا عمري ماحبيت مها ولا كانت بالنسبة ليا زوجة ولا حبيبة. وهمس كانت اول واخر حب في حياتي. انت بقي ايه! هاه. ريما دي مش هي حب عمرك . مش دي اللي كنت عايزني اخد عين من عيونك واجوزهالك. ايه بقي. اتغيرت ليه.   ايه في ريما مابقاش عاجبك. خلفة وطلبت منك تأجر بدل المرة 1000 وانت رفضت. تبني قولت لا مااربيش عيال غيري. ايه بتتلكك ليها ليه . 

مروان اتنهد: قولتلك بحبها يارعد حبيت چنا افهم بقي ارجوك. انت اكتر واحد لازم تفهمني وتقف جنبي. رعد انت اكتر واحد عارفني وعارف انا طول عمري جد وماليش في الستات ولا عمر جه علي بالي اخون ريما او ازعلها ولا اجرحها. احساسي بچنا ده شئ غصب عني . من فضلك انا حكتلك كل شئ بصراحة لانك مش مجرد شريك شغل ولا اخو مراتي. لا انت اخ يارعد  واظن تاريخي معاك يثبت كلامي . 

رعد بغضب مسكه من هدومه بقوة: واختي اعمل فيها ايه . اتحمل دموعها ازاي اتحمل قهرة قلبها وهي شايفاك مع غيرها . حتي لو هي من ضعفها وضياعها وافقت وراضية. ده لانها لسة علي البر ومتحمسة لطفل . وانت استغليت ده. لكن اول ما تفوق هتفوق علي كابوس جوازك من غيرها عيلة صغيرة حلوة وتاخد قلبك وعقلك . هتتوجع وتعرف انها ماكنش المفروض ابدااااا. توافق ان ست تانية تشاركها فيك. قولي انت انا اعمل ايه وقتها. ده انا مابتحملش اشوف دمعة واحدة منها ازاي هقدر اشوفها بتتوجع وتتعذب قصاد عنيا. 

مروان بحزن نزل ايد رعد بهدوء: طيب قولي انت لو مكاني هتعمل ايه. لو في يوم حبيت واحدة غير همس هتعمل ايه . 

رعد بقوته  وجبروته المعتاد: هخلع قلبه واعصره بين ايديها علشان قدر يحب ويعشق غيرها. اللي حب حب خلاص. مافيش شئ في الكون ممكن يخليه ينسي حبه . عدي لحد النهاردة محتفظ بحب حلا في قلبه وبين ضلوعه. ماقدرش ينساها. وانت ريما عايشة ماماتتش. بتتفس في حياتك. وانت بكل قسوة عايز تكتم انفاسها عارف ليه. علشان انا متأكد ان انت النفس بالنسبة لريما. 

مروان قعد بتعب ومسك راسه بين ايديه وبحيرة: طيب اعمل ايه. اوجع مين اكسر قلب مين. چنا دلوقتي بتفاتح اكمل وتسنيم في جوازنا. وريما منتظرة ردها علي احر من الجمر. وانا بتقطع مابين الاتنين . انا تعبت مش قادر اتحمل. 

رعد قعد هو كمان حزين ومحتار . 

الباب خبط ودخلت ريما رعد بص لمروان بغضب ورجع بصلها.خايف تكون سمعت اللي اتقال . 

رعد قام وقرب منها بحنان: حبيبتي انتي جيتي امتي . 

ريما ابتسمت : انا لما لقيت مروان اتأخر قولت اجي اشوف ايه اللي حصل. وبتردد

هههههو. ههو مروان فاتحك في الموضوع . 

رعد بصلها بحزن وشفقة وغمض عنيه بقوة بيحاول يلجم غضبه وثورته اللي ممكن تفتك بمروان وتقطعة اجزاء من كتر غضبه منه. قلبه واجعه علي اخته الوحيدة . ازاي برغم حبها لمروان  قدرت تتنازل عنه لغيرها. ماحدش حاسس بوجعها والجرح اللي بينزف جواها غير رعد. فتح عنيه وبص في عنيها بحنان وشاف الم وقهرة وزل وانكسار. ماحدش يقدر يفهمهم غيره. ضم وشها بين ايديه

رعد بحزن: ايوة قالي كل حاجة. انتي حقيقي موافقة ان مروان يتجوز چنا علشان يخلف. 

ريما ابتسمت بوجع بتحاول تداري كسرة قلبها: ااا. ااايوة موافقة. ددددده انا اللي مختارها. چنا بنت ناس ومتربية وانا حبيتها وكمان هي موافقة تحمل وتولد وتديني البيبي. 

رعد بص لمروان بعتاب ولوم.ومروان بص بعيد مش متحمل نظرات العتاب دي.  ورجع رعد بص لريما. بقي محتار يرفض ويمنع الجوازة دي. وهي خلاص هيأت نفسها ليها. خصوصا انها مش لاقية واحدة بمواصفات چنا وتوافق انها تديها حتة منها. 

ريما شايفة ملامح  العصبية والحيرة علي وش رعد. قلقت . 

ريما بقلق : مالك يا ابيه فيه ايه . 

رعد اتنهد بحيرة: انتي عارفة معني طلبك ده ايه . مروان هيخلف من چنا طبيعي زي اي زوج وزوجة. مش عن طريق للعملية. عارفة انا اقصد ايه . هتتحملي!  هتقدري؟! 

ريما بكت بقلة حيلة: اايوة عارفة. ببس مافيش حل تاني. 

رعد بقوة: لا فيه . مروان يوافق يتبني طفل او يروح اي مركز خصوبة في العالم ويخلف طفل وينتهي الموضوع. مش لازم جواز . 

مروان بغضب: انا مش عايز عيال ولا عايز اخلف ولا عايز اتجوز. هو مروان ده ايه لعبة في ايديكم . انت واختك هتمشوني علي مزاجكم. اهلف واتبني . انت مين بيقدر يمشي كلامه عليك او يجبرك علي اي حاجة . اييه الجبروت ده. 

رعد اندفع ناحيته بغضب وشراسة و بقوة ضربه لكمة قوية رجعت مروان خطوات لورا . 

رعد : ما تنساش نفسك ولا تنسي ان انا اللي عملتك . وانا اللى ...#يتبع_

 تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله  من هناااااااااا

مهمة حب من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا