مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية مهمة حب  ((سلسلة عشق الرجال الجزء الثاني من رحم للإيجار)) الفصل الثانى والثلاثون والثالث والثلاثون والرابع والثلاثون والخامس والثلاثون  والسادس والثلاثون والسابع والثلاثون والثامن والثلاثون والتاسع والثلاثون والاربعون  بقلم ريحانة الجنة 

رواية مهمة حب  ((سلسلة عشق الرجال الجزء الثاني من رحم للإيجار)) الفصل الثانى والثلاثون والثالث والثلاثون والرابع والثلاثون والخامس والثلاثون  والسادس والثلاثون والسابع والثلاثون والثامن والثلاثون والتاسع والثلاثون والاربعون  بقلم ريحانة الجنة 

#مهمة____حب

#سلسلة_عشق_الرجال الجزء الثاني من رحم للإيجار

#الحلقة_الثانية_والثلاثون_والثالثة_وثلاثون

تمارا اتوجعت اكتر مش لان القلم وجعها ابداااا. لانها حست قد ايه هي رخيصة عنده وانه كمان سهل عنده يمد ايده عليها . بس جواها غضب وغل منه يملي قلوب مش قلبها لوحدها. 

شهاب مجروح مكنش يصدق ابدااااا . انها تكون بتخدعه . معقول مثلت عليه الحب طول الفترة دي معقول كانت كل المشاعر والكلام حتي نظرات العين كدب وخداع. وعلشان ايه! رهان رخيص . قلبه انطعن واتوجع للمرة الثانية . 

شهاب بكل غل قرب منها ومسكها من شعرها وهو بيتمني يفصل رقبتها عن جسمها : بقي انتي متخيلة انك تقدري توجعيني بكلامك ده. تبقي غلطانة كل ده كان مترتب ليه ومايا كانت بتنفذ اللي انا طلبته منها . 

تمارا انجرحت اكتر واكتر. كمان الحاجة اللي ظنت انها هتثأر بيها لكرامتها وكبريائها كانت من تخطيطه هو . 

تمارا بغضب زقته بعيد عنها  : انت تقصد ايه!؟ 

شهاب بسخرية: كان لازم بعد ما اتعرفنا ببعض وقبل ما نسافر لوحدنا اعمل حاجة تخليكي انتي اللي تجيني لحد عندي وتقربي مني . كان لازم استفزك واجبرك تحاولي تحبيني. بس انتي سهلتي عليا الحكاية واكلتي الطعم بكل بساطة . بس فعلا انتي ممثلة شاطرة خلتيني اصدق انك حبتيني بجد مش علشان الرهان. 

تمارا بتحارب دموعها بتحارب آلمها . بتقاوم صرخة عايزة تخرج من بين ضلوعها وترج المكان . صرخة آلم ووجع ومرار. صرخة صدمة عمرها وفي أسوء كاوبيسها ماكانتش تتخيلها. معقول هو ده الوش الحقيقي للإنسان الوحيد اللي حبته؟دي حقيقته! انتهازي وبشع وكذاب ومخادع . وحش مريض انتقام مزع قلبها لأشلاء ياعالم هتقدر تجمعها من تاني ولا لا. بس للانها في الاصل قوية ومش سهل تنكسر ماخلتش ولا دمعة تنزل منها ورجعتها تاني تدفن مع باقي بحر الدموع اللي مسيره يجيله لحظة ويفيض بكل اللي فيه . قربت منه وبكل غضب كورت قبضة ايديها وضربته لكمة قوية خرجت فيها جزء صغير من بغضها ليه في اللحظة دي . 

تمارا: مش مستغربة منك اي حاجة . اللي يحاول يستغل مشاعر واحد تخيل انها حبته . مش صعب عليه يستخدم اي لعبة رخيصة ووسخة زي دي. بس اكبر قلم اخدته . انك ماقدراش تشفي غليلك من ابويا . لاني اصلا ماحبتكش ومستحيل احب واحد زيك. انا من اول يوم قابلتك وانا بكرهك وبكره غرورك الكداب. 

شهاب اتعصب اكتر ماهو متعصب منها خصوصا بعد لكمتها ليه . اللي برغم قوتها الا انها محركتهوش سم واحد من مكانه . بس قرب منها اكتر بعصبية ومسكها من شعرها وهو بيطحن فكه بقوة وغيظ. 

شهاب: لو ايدك اتمدت عليا تاني وفكرتي تعديها وهكسرلك ايدك واريحك منها نهائي. فاهمة يا حشرة. 

تمارا بغضب ضربته في صدره بقوة و زقته وبعدت عنه . وبتحدي : كل ماتفكر تمد ايدك عليا هردلك الضربة اقوي واعنف . وانا قصادك وريني ازاي هتقدر تكسرلي ايدي . وانا واكسرلك رقبتك. 

شهاب ابتسم بسخرية : تعرفي انا بحب اوي اشوفك وانتي شرسة كدة اللعب مع واحدة زيك بيبقي ممتع . صدق مهدي لما قالك ان الست المتمردة بتكون اكتر متعة من المستسلمة . وحشني تحدينا لبعض قبل ما تبدأي تمثيلية السهوكة والحب دي. 

تمارا بإشمأزاز : دلوقتي كلام مهدي بقي بيعجبك وعلي هواك. صحيح ما انتم الاتنين ماتفرقوش عن بعض.اتنين واطين كدابين ممكن تعملوا اي حاجة وتبيعهوا اي حد واي شئ علشان مصلحتكم. 

شهاب بعصبية: ماتشبهنيش بمهدي تاني انتي سامعة. 

تمارا ابتسمت بسخرية: ايه زعلت. بلاش ان جيت للحق هو احسن منك كمان. 

شهاب بقوة مسكها من دراعها : انتي بتتعمدي تطلعي اسواء مافيا . وانا هوريكي اللي عمرك ما كنتي تنخيلي تشوفيه . 

تمارا شدت ايديها منه بقوة : ولا اشوف ولا اوريك. خلصت كل واحد حقق انتقامه وخدعته وخلاص. مش عايزة اشوف وشك تاني حتي في الشغل يبقي احسن لو ماورتنيش خلقتك . 

وحاولت تمشي وتخرج . 

شهاب وقفها وشدها وقربها منه بتوعد: علي فين يا حلوة مين قالك انها خلصت دي يا دوب بدأت . 

تمارا بصتله بدهشة : هي ايه اللي بدأت. 

شهاب بقوة : لعبتنا سوا. 

تمارا : لعبتنا خلصت وكل حاجة انكشفت . وما بقاش ليه لزوم لاي لعب بينا. 

شهاب ابتسم بشر كبيير: عارفة انا فعلا كنت خلاص هستكفي باللي حصل وانك حبتيني واتخطبنا . وبعدها اسيبك واوجع قلبك وقلب ابوكي واخليه يتقهر علي بنته اللي اتعشمت بالحب وراح منها. واكمل لعب معاه هو علي المكشوف . 

وقرب منها بغيظة وبص في عنيها .لكن بما انك طلعتي بتخدعيني فعلا ومثلتي الحب عليا. قررت اكمل لعبتي معاكي علي المكشوف واعذب فيكي براحتي وعلي كيفي . 

تمارا ضحكت بقوة ووجع:هههههههههههه. ايه الثقة دي جايبها منين ومين قالك اصلا اني عازة العب معاك لا وكمان تعذب فيا ليه ماسك عليا زلة . 

شهاب بثقة حط ايده في جيبه : بالظبط ماسك عليكي زلة. 

تمارا اتعصبت : ازاي بقي مش فاهمة. 

شهاب مشي خطوات ثابته وواثقة ناحيتها بهدوء: يعني قدامك حل من اتنين  . اما ابلغ سيادة اللواء بكل حاجة واعرفه اني ضحكت علي بنته واصلا ماحبتهاش. ويا سلام بقي علي فضيحة سيادة اللواء لما يتعرف ان شهاب الحديدي ساب بنته تاني يوم الخطوبة علشان عرف عنها حاجات مش تمام. والتشويه بقي للهانم عميلة المخابرات. والسمعة الجنان اللي هتطلع عليها . اصل انا لقيتك بتخونيني مع واحد تاني يوم خطوبتنا علشان كدة سيبتك . شوفي بقي انتي وابوكي هتقدروا توروا وشكم للناس ازي.ده غير بقي اني وقتها هلعب مع مهاب عز الدين بنفسه من غير وسيط. او بقي تكملي انتي لعب معايا ونكمل جوازنا واكمل انا انتقام من ابوكي فيكي. وانتي تشيلي نصيبك ونصيب ابوكي من العذاب . اختاري بقي انتي بس عايز افهمك ان ابوكي كبر وبقي عامل زي الاسد العجوز اللي كبر علي الصيد ومش قدي ولا قد اللعب معايا. وهيخسر قصادي ويقع والكل يشمت فيه. 

تمارا لسة بتنصدم وتنجرح من حقيقة شهاب اللي بتظهر قصادها وهي مزهولة من كم الكره والبغض والسواد والوحشية اللي جواه ناحيتها هي وابوها. وقفت قصاده بكبرياء وتحدي. 

تمارا بنظرة كره: ابويا هيفضل طول عمره مهاب عز الدين . اللي ماحدش يقدر يقف قصاده ولا يغلبه .

وهيفضل اسد طول عمره 

اسد يرعب الكل كبير قبل صغير . اسد لو زأر في شوية فران زيك انت وامثالك يجروا يستخبوا في جحورهم. واحب اقولك انت مش هتقدر تقف قصاد مهاب عز الدين لوحدك لانك لو تقدر كنت عملت كدة من زمان لكن انت جبان وندل وضعيف لفيت ولعبت لعبة حقيرة زيك علشان تنتقم منه فيا. انت اضعف كتيير من انك تواجه ابويا بنفسك. ولا هتلعب معايا لاني اصلا خلاص قرفت من التمثيل عليك ودور السهوكة والحنية ده اصلا ماليش فيه قرفت منك ومن وجودك في حياتي. خلصت يا ابن الحديدي. روح اتعالج احسن من مرض الغرور والانتقام اللي عندك . انا همشي وانت مش هتفتح بوقك بكلمة لابويا وهتنساني نهائي فاهم. اوعي من وشي . 

شهاب اتعصب من عندها وعماه الانتقام.شدها تاني بعنف وبصلها بغضب: تمام تبقي اختارتي الفضيحة ليكي ولابوكي وانا هخليكي تتمني الموت يا تمارا. 

قلع التيشرت بتاعه وقرب منها بشراسة. تمارا برغم قوتها الا انها اتهزت. ماكنتش تتوقع انه ممكن توصل بيه لكده. شهاب عايز يعتدي عليها.رجعت خطوات لورا وهي بتستجمع  كل قوتها لانها مش ممكن تخليه يعمل اللي في دماغه. 

تمارا بغيظ: ايه عقلك مهيألك انك تقدر تعمل فيا اي حاجة.واخدت تحفة كريستال وحدفته بيها . 

شهاب تفادي الضربة ووقعت انكسرت . و بقوة وتوعد بيقرب منها وعنيه كلها غل: حاجة واحدة! قولي حاجات. انتي مش هتخرجي من هنا الا بفضيحة تكسر رقبتك ورقبة ابوكي او بزلة تجبرك تكملي لعب معايا. في كل الاحوال هخليكي تحسي بعجزك وضعفك قصادي . 

تمارا بتحدي وعناد: جرب وقرب.  وانا اقسم بالله اقتلك وانت عارف مين هي تمارا. 

شهاب بسرعة كان شدها ورماها علي الكنبة وبدأ يبوسها بقوة وعنف. بس هي كانت بتضربه بشراسة وضوافرها كانت بتغرز في جسمه تألمه . 

شهاب بصلها وابتسم بسخرية: قاومي كمان وعافري . مش هتألميني . انتي خلاص عرفتي انا ممكن اتحمل  الآلم لاقصي درجة.مش هتهز بشوية خربشة قطط. 

تمارا بغضب شدت سلاحها من الحزام ووجهته لصدره: وانا هوريك القطط ممكن تعمل فيك ايه . وماتنساش ان القطط من فصيلة النمور. مش آليفة زي ما الكل متخيل. 

شهاب ابتسم بسخرية وبص للسلاح وبصلها بتحدي: هتموتيني بسلاحك الميري غبية انتي . طيب ايه رئيك اجبلك سلاحي الشخصي واهو تموتيني بسلاحي بدل سلاح الحكومة. 

تمارا بعصبية : ابعد عني يا شهاب علشان انا خلاص بفقد صبري وممكن فعلا اقتلك وصدقني هعملها مش بهددك. 

الباب بيخبط بجنون والجرس بيرن . تمارا بصت لشهاب بدهشة وتساؤل: مين جايلك دلوقتي ! 

شهاب قام وبعد عنها وابتسم بغرور: ده زائر غالي اوي انتي بتحبيه سيادة اللواء مهاب بنفسه . 

تمارا بصدمة وزهول: بابا؟!! ازاي وايه جابه هنا ! ودلوقتي ؟

شهاب بغدر: ايه ده هو انا ماقولتلكيش.اصل ابوكي من واحنا في ايطاليا وهو باعت عيونه ورانا وانا كنت دايما بهرب منهم واقضي معاكي وقتي براحتي ما انتي عارفة بقي اللي كان بينا هناك فاكرة. وغمزها بوقاحة. 

وهي غمضت عنيها بتأنيب واستغباء لنفسها لمجرد انها افتكرت استسلامها ليه. 

شهاب كمل ولما رجعنا مصر كمان كمل مراقبة. بس انا النهاردة بالذات قررت اسيبهم يراقبونا علشان الاخبار توصل لمهاب باشا وكنت متأكد انه هيجي بسرعة الريح علشان يعرف الهانم بنته المحترمة بتعمل ايه مع خطيبها في شقته تاني يوم خطوبتهم. 

تمارا قامت ووقفت قصاده بكره وغل: انت احقر بني آدم انا شوفته في حياتي. 

شهاب بغل وكره مماثل: وانتي احقر واسفل بني آدمة قابلتها في حياتي.وبجدية.  اسمعي ابوكي كدة بدأ يقلق اكتر من تأخيرنا في فتح الباب. وهيصدق اي كلمة انا هقولهاله. فلازم تختاري حالا. كل حاجة تنكشف قصاد ابوكي لا وكمان هقوله انك كنتي معايا هنا  وبتعملي كل حاجة  برضاكي . واني مش عايزك . ولا تحافظي علي كرامة ابوكي وبسخرية. الاسد اللي هيتزل قصادي وهو عارف انا عملت فيكي ايه. 

تمارا كانت جواها ناااار. قلبها بيتحرق مع كل كلمة بيقولها. تعمل ايه. ابوها مهما غلط هي مستحيل تخليه ينكسر قصاد شهاب ولا حتي يعرف انها عرفت حاجة عن اللي حصل مع ملك. وقلبها اتملي كره لشهاب اكتر وبقي عندها دافع بيصارعها للانتقام منه علي كل اللي عمله معاها. 

تمارا اخدت التيشرت بتاع شهاب و قربت منه ورمته في وشه.

شهاب ابتسم بنصر: تعجبيني يا قطة. كدة اللعب احلو علي الاخر. 

شهاب لبس التيشرت وراح يفتح الباب. تمارا وقفته وهمست بصوت واطي. 

تمارا: ايك بابا يعرف اني عرفت اي حاجة عن اللي كانت بينه وبين ملك وربنا اطربقها علي دماغك. 

شهاب بسخرية: خلاص ابوكي مابقاش يلزمني. انتي بقيتي هدفي . انتقامي هيكون منك علشان انتي واخدة والحقارة والوقاحة وراثة عن ابوكي ويمكن انتي انيل منه. 

تمارا بصتله بغيظ وبعدت. وشهاب فتح الباب ولقي مهاب اللي كان عبارة عن شعلة نار وغيرة بص لتمارا بغضب وعتاب. 

مهاب بعصبية : انتي بتعملي ايه هنا؟! 

تمارا بتحاول تتماسك بصت بعيد عنه بتوتر :هههو هو حضرتك جيت هنا ليه. 

مهاب قرب منها بغضب وشدها من ايديها : انا اللي بسأل هنا . انتي جيتي هنا ليه من غير ما تبلغيني . 

شهاب :تؤتؤتؤ. براحة يا حمايا العزيز ايه ما انت فاهم بقي اي اتنين بيحبوا بعض ومخطوبين وعلي وش جواز زينا في بينهم ايه. 

مهاب التفتله بغل ومسكه من هدومه بقوة وزقه للحيطة وبصوت جاهوري: انت هتستهبل يا حيلتها الكلام ده مش مع بنتي . ما تفوق لنفسك . انت نسيت انا ابقي مين ولا ايه. 

شهاب بصله بإشمأزاز وبص لتمارا: مستحيل انسي انت مين. ده حتي بنتك بتفكرني بيك كل ما ابصلها افتكرك. تبكل انت ورثت فيك كل حاجة . 

مهاب بصله بعدم فهم : انت تقصد ايه! 

شهاب بسخرية: لا ابدااا. مافيش. انا بس عايزك تهدي كدة . وتروق اعصابك. عادي واحد وخطيبته بيفرجها علي شقتهم اللي هيتجوزوا فيها ايه المشكلة مش فاهم. 

مهاب بعصبية: المشكلة انه ماينفعش. لما تبقي تستأءن مني وانا اوفق تبقي تيجي معاك. مش من نفسكم كدة ايه . مالهاش اهل! 

تمارا بهدوء: بابا لو سامحت ممكن تهدي . مافيش داعي لكل ده. انت عارفني كويس. 

مهاب التفت ليها بعتاب. عايز يقولها مش مع ده. بلاش تخليني ضعيف قصاد شهاب

هو لحد دلوقتي مش قادر يدي لشهاب الامان . ومنتظر منه الغدر في اي وقت. كمان شاف تمارا عنيها حزينه وحتي ملامحها متغيرة مش هي تمارا بنته ابدااا. مع انها حاولت تتماسك وتظهر بشكل طبيعي لاقصي درجة . بس اللي مرت بيه من دقايق مش سهل ابداااا. واي واحدة مكانها كانت انهارت وماقدرتش تصمد دقيقة. 

مهاب قرب منها بقلق : انتي كويسة! مالك ؟

تمارا بصت في عنيه وكانت خلاص علي وشك تترمي في حضنه وتبكي وتصرخ وتقوله علي اللي جواها. كانت عايزة تقوله ازاي انت طلعت كدة انت كمان. ازاي كنت عايز يخطف واحدة من حبيبها وتعمل علاقة معها وهي قدي ومن سني. ازاي انت تكون بالحقارة دي. انا مش قادرة اصدق ان الشخص ده انت. لا كمان ازاي عملت كدة في امها زمان ازاي غدرت بيها واتخليت عنها . وفوق كل ده قتلت بنتها كمان علشان تخلص منها . واديني انا اهو بدفع ثمن اللي انت عملته واللي اجرمت فيه . بس مش قادرة تقول ولا حرف ولا كلمة من كل ده. علاقتها بمهاب مش مجرد اب وبنته. ده اكتر بكتير. ده اب واخ وصاحب . وكل شئ بالنسبة ليها. 

تمارا فضلت بصاله بعتاب مستخبي وبوجع قلب بينزف: مافيش حاجة انا كويسة . بس مصدعة من وقت ما صحيت الصبح. 

مهاب بص علي الارض وشاف الكريستال المكسور. وطبعا لخبرة مهاب اللي بتفوق شهاب وتمارا بمراحل. شك ان فيه حاجة بينهم مخبينها عليه. 

مهاب قرب من الكريستال وبص عليه وبصلهم بحزم: ايه ده! هو ايه اللي كان بيحصل هنا بالظبط. 

شهاب بص لتمارا وابتسم  :  ابدااا. اصل تيمو اول ما شافت صور ملك اتجننت والغيرة بقي اشتغلت . ولما عرفت ان ملك هي اللي كانت مختارة كل ده. كانت عايزة تكسر الشقة . مع اني قولتلها دي كلها سينيهات. بس تقول ايه بقي مابتفهمش في الحاجات دي . 

تمارا بصتله بغيظ: ليه ان شاء الله مين قالك اني مش بفهم فيها . حد قالك اني متربية في عشة ابو ريش. انا بنت مهاب عز الدين . يشتريك انت وعيلتك. 

مهاب استغرب من رد تمارا علي شهاب. اكنها رجعت تمارا بنته تاني القوية اللي ما بتعملش حساب لاي حد ولا لاي كلمة وبتقول اللي يعجبها في اي وقت. بس اللي هيجننه ايه اللي غيرها بالشكل ده! معقول غيرتها من ملك تخليها تبقي كدة ولا فيه حاجة تانية؟

شهاب قرب منها وبصلها بقوة : انا عيلتي ماحدش يقدر يشتريها بكنوز الدنيا . علشان عيلتي انا ليها اصل واصل كبيير مش زرع مالوش اصل زي ناس. 

مهاب بعصبية: هو فيه ايه انت وهي . انتم جرالكم ايه. اسمع انت يوم ماتفكر تستقل ببنتي ولا تجرحها بكلمة همحيك من علي وش الدنيا. ومن الاخر كدة. الشقة دي تمارا مش هتتجوز فيها . انتوا  هتتجوزا في قصر رعد زي ما اتفق معايا . 

شهاب بعناد: وانا فهمت ابويا اني مش هتجوز معاه . وهعيش لوحدي . ماحدش يمشي كلامه عليا حتي لو ابويا . 

مهاب بأمر: يبقي خلاص تشوف مكان تاني وتمارا اللي تختاره . تمارا مش ممكن تعيش علي اطلال المرحومة انت سامع. 

شهاب في سره: المرحومة دي اشرف منك انت وبنتك وانا اصلا اللي مستحيل اخلي بنتك تعيش في بيتها .مش هتبقي انت اذيتها في حياتها وبنتك تأذيها حتي وهي ميته. 

شهاب بهدوء: موافق. هجبلها شقة جديدة . 

مهاب بص لتمارا: ممكن بقي تمشي معايا دلوقتي . 

تمارا بصت لشهاب. شهاب غمزها. 

شهاب: بس انا وتيمو لسة كنا هنقضي اليوم سوا. بس مش مشكلة اصل بصراحة تيمو فرهدتني جامد وعايز اريح شوية . روحي يا تيمو مع بابا. ونبقي نتقابل بعدين. 

تمارا بصتله بغيظ لتلميحاته الوقحة . مهاب اتعصب منه هو فاهم هو عايز يوصله ايه. 

مهاب قرب منه بتحزير: لازم تعرف انك مش هتقابلها لوحدك تاني لحد ما تتجوزوا فاهم . واياك تعمل غير كدة علشان هتخليني اتغابي معاك وانت ادري الناس بغبائي ممكن يعمل فيك ايه. 

مهاب اخد تمارا ومشي بسرعة وشهاب قفل الباب وراهم بقوة . وبدأ يكسر كل حاجة في الشقة بغل وغضب وجنون وبيصرخ . 

شهاب بجرح: ليييييه . لييييه . عملتي كدة. ليييه خنتيني ليييه.. 

بدأ يكسر كل حاجة ايده تطولها . كدابة .... مخادعة .... غدارة . وحقيرة زي ابوكي تمام.... 

فضل يكسر ويكسر ويصرخ بجنون وضياع . لحد ماتعب ودخل التراس ووقف قصاد النيل بتعب وهو بياخد نفسه. وافتكر اللي حصل الصبح . 

فلااااااش بااااااك. 

شهاب نايم وفونه بيرن مش بيفصل . اخده بزهق وضيق ولقاها مايا اتنهد بتأفف ورد بنعاس ووغيظ. 

شهاب: ايوة يا مايا ايه يا بنتي في حد مات علي الصبح . انتي ما بطلتيش رن من امبارح في ايه . 

مايا بحزن : كدة يا شهاب بتكلمني كدة ليه! دي اخرتها هونت عليك خلاص. 

شهاب بزهق:يوووووه. مش هنخلص ونفتح نفس الاسطوانة. مايا الله يكرمك انا نايم يادوب من ساعتين مالحقتش اتخمد اصلا وانتي عارفة ان امبارح كنت خطوبتي . وكفاية اوي اللي انتي عملتيه في الحفلة امبارح. ياريت بقي نقفل الموضوع ده ومايتفتحش تاني. 

مايا بإنكسار: للدرجة دي. خلاص يا شهاب انا اوعدك ابعد عن طريقك نهائي واريحك مني. بس مش قبل ما اكشفلك تمارا علي حقيقتها واقولك كل حاجة. 

شهاب بعدم فهم: تقوليلي ايه مش فاهم  . انتي في ايه بينك وبين تمارا. 

مايا تعالي قابلني في النادي بعد نص ساعة انا مستنياك ما تتأخرش. وهتعرف كل حاجة لما تيجي . 

شهاب بعصبية: طيب اقفلي وانا جايلك . 

شهاب قام بسرعة واخد حمام ولبس ونزل راح لمايا في النادي ودخل لقاها قاعدة لوحدها . قرب منها وقلع نظارته الشمس وقعد قصادها وبحزم: ممكن افهم بقي في ايه . 

مايا اتنهدت بتمثيل الحزن عليه: شهاب انت عارف انت بالنسبة ليا ايه وانا بصراحة قاومت نفسي كتيير اني اعترفلك بس قلبي مش مطاوعني افضل شايفاك مخدوع كدة كتيير. 

شهاب بعصبية: انا مابحيش الالغاز وخلقي ضيق وانتي عارفة . فاتنجزي وتتكلمي احسنلك. 

مايا اتنهدت :هقولك.......... وحكت لشهاب عن رهانها مع تمارا بس طبعااا كدبت في اللي بعد كدة..

 

شهاب بصدمة وغضب:انتي كدابة تمارا مستحيل تعمل كدة. دي انسانة واضحة عمرها ماتعرف تتلون بالشكل ده. 

مايا :اولا انا مش كدابة ومستعدة اوجهة قصادك ومش هتقدر تنكر . ثانيا انا كنت عارفة انك مش هتصدق بسهولة . علشان كدة خليت واحدة صاحبتي تصور مقابلتي معاها. اتفضل

ده الڤيديو وانا بسلمها هقد الشاليه. والمفتاح.وده نسخة  العقد بتاعي وهي معاها نسخة تانية. ودي امضتها اهي اتفضل شوف. 

شهاب بيبصلها ومش مصدق كل اللي بيتقال اخد العقد وبص علي الامضاء وزهل اكتر لما لاقاها فعلا امضاء تمارا.

بلع ريقه بوجع وصدمة .  و شغل الڤيديو وشاف تمارا واقفة مع مايا في مكان هادي وهي بتسلمها العقد والمفتاح وسمع كلام من تمارا عنه انها خدعته وانها عمرها ماحبته.  كلام تمارا ما قالتهوش بس الڤيديو معمول بحرفية شديدة وده من مكر مايا . كانت متأكدة ان صدمة شهاب في اللحظة دي وجرح رجولته وكبريائه هيعمي ومش هيخليه يحقق اذا كان الڤيديو ده حقيقي ولا فوتوشوب. 

الڤيديو ... 

تمارا ومايا واقفين 

تمارا بتاخد العقد والمفتاح: اخيرا خليت شهاب يحبني ويتقدملي كمان كدة خالصين. 

مايا : بس شهاب مش هيسكت لو عرف انك كنتي بتكدبي عليه . 

تمارا : ماهو اللي غبيى انا احب واحد زيه مستحيل ولعلمك انا محضراله مفاجأة يوم الفرح تجنن . هسيبه قصاد كل الناس واكسره قصادهم ومش هتجوزه. لازم اخليه يدفع ثمن تحديه ليا . 

مايا : انتي انانية وحقيرة شهاب مايستحقش منك كدة. ياريته حبني انا كنت حخافظ عليه. لكن انتي خاينة وحقيرة. اشبعي بالشاليه . انا شهاب عندي اغلي من اي حاجة في الدنيا. 

تمارا : اشبعي بيه. المهم مايعرفش حاجة قبل الفرح علشان المفاجأة. باي عن اذنك. 

شهاب اتولدت جواه كراهية لتمارا وكسرة قلب ووجع واهانة . ازاي قدرت تكدب عليه ازاي عرفت تخدعه. معقول كان غبي كدة. معقول كان ساذج علشان ما يكتشفش كدبها وخداعها. 

مايا شافته سارحان ابتسمت بنصر بس مثلت الحزن :صدقتني بقي انها كدابة وما تستهلش حبك ابدااا. 

شهاب قام بعصبية ورمي الفون في الارض بغضب : عارفة لو مخلوق عرف بالكلام ده هعمل فيكي ايه. ولا اي حد خصوصا شيري لاني مش عايز حتي مؤمن يعرف. الكلام ده تنسيه اكنه ما حصلش. فاهمة. 

مايا بلعت ريقها بخوف من شكله الغضبان :حححاضر . مش هقول لحد ابدااا. بس هتعمل ايه مع تمارا هتتجوزها برضوا

شهاب بيحاول مايظهرش جرحه قصادها : انا ماشي وماتكلميهاش ابدااا ولا تتصلي بيها لحد ما انا اقولك. انا هبقي افهمك هتعملي ايه. 

مشي شهاب ورجع البيت وهو هيتجنن مش مصدق ان تمارا تستغفله بالشكل ده معقول . بدأ يهدي ويفكر . 

شهاب بغل وتوعد: اقسم بربي يا تمارا لو فعلا كنتي بتمثلي واللي شوفته وسمعته ده حقيقي . هخليكي تتمني الموت. لا ده انا هخلي الموت ده اكبر احلامك من اللي هعمله فيكي. وانتي لسة ماتعرفيش مين هو شهاب الحديدي. 

اخد فونه واتصل بيها وصحاها وقابلها . 

بااااك. 

شهاب واقف حزين مش مصدق كل اللي حصل وان حياته معاها كانت كدب وزيف. معقول قدرت تخدعه وهو اللي شغلته المكر والخداع. ازاي كانت بالذكاء ده. وافتكر سرعت حبها ليه وكلامها وشخصيتها اللي اتغيرت 180 درجة . من شخصية مسترجلة لأنثي جريئة وحبيبة دايبة. افتكر انها كانت بتقرب منه بشكل سريع وجرئ. وهو كان فاكر ده طلقائية وطفولية وانها بيور وبتتصرف بطبيعتها من غير تكلف ولا بتعمل حساب لكلامها وتصروفتها. 

شهاب بحزن ووجع: ااااااااه يا تمارا . طلعتي اكبر كدبة واغبي خدعة انخدعت فيها انا حبيتك من قلبي وثقت فيكي . صدقت انك غير ابوكي. حبيت حنيتك وبرائتك. حلمت ببكرة معاكي بنيت امال واحلام ليا وليكي وجيتي انتي بكل قسوة وهدمتي كل حاجة. للدرجة دي كنت غبي للدرجة دي كنتي بتلعبي بمشاعري . انا كنتي عايزة تسبيني يوم فرحنا في عز فرحتي بيكي وتكسريني قصاد الكل. 

وبلع ريقه بقوة . بس انا كسرتك اضعاف ووجعتك اكتر ولسة بكرة ازلك واوريكي عذاب مافيش ست شافته يا بنت مهاب . طلعتي نسخة من ابوكي المكر والخداع والحقارة بتجري في دمكم. بس حس بنغزة في قلبه وجرح كبيير بينزف حط ايده علي قلبه بوجع وقعد علي الارض بحزن والدموع بتلمع في عيونه بس هو بيهددها تنزل وتخونه. 

شهاب : اااااااه يا قلبي ليه نصيبك كدة. ليه كل مرة تدق تدق غلط . في الوقت الغلط مع الشخص الغلط. اول مرة دقيت للي عايزة تنتقم وانتقامها ضيعها منك وماتت قصاد عيونك. وتاني مرة دقيت لاخاينة الكدابة اللي خدعت ولعبت بيك . لييييه. ليييه بتعمل فيا كدة لييه. انت قلبي وحتة مني ولا غريب عني وبتنتقم مني معاهم. انت بتدق ليا ولا عليا . 

فضل شهاب حزين وقلبه بيوجعه ولسة ضايع من كل اللي حصل 

.....................................          

في النادي كانت مايا قعدة بتفتكر ازاي عملت خدعتها . 

فلاااااااش باااك. 

يوم ماكنت مايا قاعدة مع انس وجالها فون  وسابته ومشيت . راحت قابلت إيساف صاحب ليها وقريب منها . إيساف بيشتغل في الميديا ومحترف جداااا. 

مايا : هاه عملت اللي طلبته منك. 

إيساف بثقة: كل حاجة جاهزة . هي بس تيجي وكل حاجة هتم زي ما انتي عايزة . انتي متفقة معاها تقابلك هناك مش كدة. 

مايا بتبص علي المكان اللي هتقابل فيه تمارا: ايوة ... استني كدة اهي جات. خاليها بقي تستني شوية اعصابها تتحرق لحد ما اروحلها. خالي بالك اياك تشوفك

ايساف:عيب يا مايو دي شغلتي. يالا روحيلها بقي. 

راحت مايا وقابلت تمارا وحصل الحوار بينهم وايساف صورهم من زوايا مختلفة تمهيدااا للڤيديو اللي هيتعمل وبعد كام يوم قابل مايا علشان يسلمها الڤيديو. 

مايا بفرحة:بجد بجد انت موهوب. الڤيديو مافيهوش غلطة. تفتكر شهاب مش ممكن يعرف انه مفابرك. 

ايساف بثقة: بقولك دي شغلتي انا ركبت الصوت بتاعها علي الكلام اللي انتي قولتيه بصوتك وكله تمام. كمان عملت فيه هزات وميل علشان يبان انه متثور بكاميرا فون عادي مش كاميرا زي بتاعتي. ماتقلقيش اعتمدي عليا . مع انه خسارة فيه كل ده. ماتسبيه . ما انا قدامك اهو ولا هو علشان ظابط. 

مايا:لا يا فالح علشان بحبه. شهاب ده حبيب عمري مش ممكن اسيب واحدة تانية تاخده مني. 

ايساف: طيب . المهم فين الشيك. 

مايا : اتفضل اهو جاهز. 

ايساف: تسلم دولارات عدي باشا. سلام يا مايو. 

مشي ايساف ومايا احتفظت بالڤيديو معاها. وراحت للاوتيل اللي تمارا هتعمل فيه الخطوبة . تمارا كانت بتروح مع شيري وچودي اختها تختار كل حاجة في 

القاعة وكمان تشرف علي برنامج الحفلة. قرب منه واحد من الاوتيل ومعاه ورقة. 

الموظف: احمم انسة تمارا بعد اذن حضرتك ممكن تمضيلي هنا من فضلك . 

تمارا مشغولة مع شيري وچودي: امضي علي ايه! 

الموظف : حضرتك غيرتي كل برنامج الحفلة اللي الاوتيل بيجهزه دايما. وده لازم يبقي علي مسؤلية حضرتك فاياريت تمضيلي من فضلك. 

تمارا بزهق:طيب طيب هات. تمارا اخدت الورقة ومضت بسرعة وعدم اهتمام. 

الموظف: بعد اذنك هنا كمان . 

تمارا بضيق :اوفففف. اتفضل حاجة تاني. 

الموظف ابتسم بسماجة: اشكرك يا فندم عن اذنك. اتمنالك حفل سعيد. 

خرج الوظف لمايا ومعاه الورقة وكانت تحتها ورقة عقد البيع بتاعة الشالية اخد هو الورقة اللي فوق الخاصة بالاوتيل واداه لمايا الورقة اللي تحتها اللي هي عقد البيع واللي عليها امضاء تمارة. 

مايا اخدتها منه وادتله مبلغ كبيير كانت متفقة معاه عليه وابتسمت بخبث:ميرسي. اتفضل انت . 

الموظف: تحت امرك احنا في الخدمة. 

باااااك 

مايا اتنهدت: ولسة يا تمارا انا مستعدة اقتلك كمان بس شهاب يبقي ليا 

ليا انا وبس

خلصت الحلقة نكمل بعد 👇👇

#اضافة_ومتابعة_لصفحتى_الشخصية

#مهمة___حب

#سلسلة_عشق_الرجال الجزء الثاني من رحم للإيجار

#الحلقة_الثالثة_والثلاثون

مايا قاعدة وكانت ماسكة فونها وفاتحة صور شهاب وسارحانة فيهم وبتقلب بإبتسامة. جت شيري قريب منها وشافتها بتقلب في صور شهاب اتنهدت بنفاذ صبر وقعدت جنبها. 

شيري بقلة حيلة: ازيك يا مايا . هو انتي مش ناوية تنسي بقي ولا ايه! ؟

مايا بصتلها بلامبلاه وكملت تقليب في الصور وبعدم اهتمام: اهلا. انسي ايه مش فاهمة! 

شيري مستغربة من ردها الجاف عليها : انا اقصد شهاب لسة متعلقة بيه. حتي بعد ما حب وخطب . ده خلاص هيتجوز تمارا. انسي بقي وعيشي حياتك . 

مايا قفلت الفون بعصبية: انا بس عايزة افهم انتي مالك . بتدخلي في حياتي ليه احبه ولا اكره ولا اشوف حياتي انتي مالك . ثم مش انتي خلاص سي مؤمن ملي حياتك واخدك مني. لا وكمان بقيتي انتي والهانم تمارا اصحاب وحبايب . خلاص خاليكي معاهم بقي وانسيني خالص ممكن . 

شيري دمعت بحزن: كدة يا مايا ! هنت عليكي ! ده احنا اصحاب عمر احنا مافرقناش بعض من ايام ما كنا صغيريين. دلوقتي عايزاني ابعد عنك ؟

مايا بسخرية: لا ماهو انتي عملتي حساب لكل ده. روحتي صاحبتي اكتر بني آدمة بكرها في حياتي واللي اخدت مني حبيبي وحلم عمري. انتي اللي اخترتي تبعدي مش انا. 

شيري بحزن: ليه بتقولي كدة. احنا اصحاب مااشترناش بعض. ثم مؤمن ده خطيبي وهيبقي جوزي مالوش علاقة بيكي. كمان تمارا هي فعلا انسانة جميلة وبسيطة . الكام يوم اللي فاته لما قربت منها هي وچودي اختها حبيتهم جداااا. مافيهومش خبث ولا زيف. كمان هي اللي اتصلت بيا من زوقها علشان اختار معاها تجهيزات الخطوبة كانت ممكن تعمل كل حاجة من غير رأي لكن هي انسانة جميلة. بجد خسارة تكرهيها بالشكل ده. حاولي تفصلي بين حبك لشهاب وبين الحكم علي الناس لمجرد انهم قريبين منه . ما تخليش الغل والغضب يعمي عنيكي عن حاجات حلوة وجميلة جواكي وحاوليكي . 

مايا بغيرة: مافيش حاجة حلوة ولا ليها طعم من غير شهاب. 

شيري: لا فيه انس . 

مايا بإستخفاف: انس! ؟ وضحكت بقوة .ههههههههههه

شيري بإستغراب:انتي بتضحكي علي ايه! ايوة انس. انس اللي بيحبك . انسان عمرك ماهتعوضيه ابداااا. قفلة قلبك في وشه وفاتحاه لواحد عمره ماحبك ولا فكر فيكي. صدقيني انتي بتظلمي نفسك قبل اللي حاوليكي. بتظلمي قلبك وبتحمليه وجع وجرح هو في غني عنه . 

مايا بسخرية : انتي فاهمة غلط. انس ده اخر واحد انا ممكن احبه ولا حتي افكر فيه. ده انسان ضعيف وسلبي وتافه. انا اصلا بكره وبكره اخته وابوه وعيلة عز الدين كلها. ومش هرتاح غير لما اقضي علي العيلة دي كلها وهتشوفي. أنس بالنسبة ليا مش اكتر من انه مجرد اخوه تمارا اللي هوجعه علشان اوجعها. لازم اخليها تاقهر علي اخوها . وانا هقف اتفرج عليهم وهما بيتدمروا واحد ورا واحد. 

شيري:ياااااه ايه كل الغل ده. تصدقي انا دلوقتي اللي بقولك مش عايزة اعرفك تاني . انتي انسانة مريضة ومحتاجة تتعالجي. وانا بجد ندمانة علي كل السنين اللي ضيعتها في صداقتي ليكي . عن اذنك . 

قامت شيري وانصدمت بحزن لما شافت أنس واقف وراهم وواضح من ملامح الحزن والدهشة اللي علي وشه انه سمع كل كلام مايا عنه وعن تمارا. مايا شافت شيري وقفه وعنيها علي حد ومصدومة بصت شافت أنس . ارتبكت واتلخبطت. وقامت وقربت منه . 

مايا بتوتر: ااانس . ااانا . ااانت اااكيد فهمت غلط . اانا بس.. 

أنس بحزن وجرح لرجولته ولطيبة قلبه واخلاقة اللي قليلة في الزمن ده. شاورلها بإيده تسكت : شششش. من فضلك مافيش داعي تتكلمي ولا تقولي اي حاجة. رسالتك وصلت. عن اذنك. 

لف علشان يمشي مايا وقفته ومسكت ايده : اانس استني بس هفهمك.. 

أنس بص لإيديها وشد ايده منها بقوة وبعصبية:استني ايه ! انتي عارفة انتي عملتي فيا ايه! اكيد مش هتعرفي ولا هتحسي علشان واحدة زيك بتلعب بعواطف ومشاعر انسان حبها علشان تنتقم من اخته فيه. عمرها ما هتفهم ولا هتحس. انا طول عمري بسمع عن الغدر والكدب والناس الحقودة. بس عمري ماشوفت في حقدك وكدبك . انتي تنسي انك شوفتيني في يوم من الايام . وانا اوعدك همحيكي من حياتي لان اللي زيك ما تستهلش اصلا انها تكون حتي مجرد ذكري في حياة اي حد. وشهاب اكيد شاف فيكي ده علشان كدة حب تمارا. تمارا اللي ضفرها ب1000 من عينتك . عن اذنك . 

مشي أنس ومايا النار والغل جواها بتزيد مش بتقل . كمان انس بوظلها بتقي خطتها كانت لسة بتكمل انتقام من تمارا وعايزة تكسره اكتر من كدة. مع انه انكسر فعلا وقلبه انجرح منها. 

شيري قربت منها بغضب: ارتحتي دلوقتي . شوفتي عملتي ايه ! شوفتي نتيجة كرهك وغلك عملت ايه في انسان برئ كل ذنبه انه حبك ووثق فيكي. انتي بجد ڤايروس. كل اللي بيقرب منك بتأذيه. خسارة بجد. 

مشيت شيري بحزن علي صاحبة  عمرها اللي كانت بتحبها وماتخيلتش انها ممكن تكون بالحقد ده. 

......................................

في شقة شهاب لسة قاعد مجروح وتعبان حاسس انه ضعيف وقلبه بينزف محتاج لامه محتاج حضنها اللي مافيش احن عليه منه ولا اصدق منه. حضن الام اللي بجد مايتعوضش. اخد فونه واتصل بهمس ..... همس دت عليه. 

همس بإبتسامة: حبيب ماما احلي عريس فينك بقي من الصبح اكيد مع حبيبة القلب مش كدة. 

شهاب بحزن وهدوء واحتاج:انا محتاجلك يا امي . 

همس حاست بنبرة صوته الحزينة وقلبها انخطف ابنها مش بخير . وبقلق: حبيبي انت فيك ايه. طمني ااانت فين ! ؟

شهاب غمض عنيه بحزن: انا في شقة ملك. 

همس بإسغراب وعتاب كمان:ملك! ليه بس حبيبي كدة . ليه في يوم زي ده تروح هناك وتصحي ماضي راح واندفن؟وتتعب نفسك ليه بس؟

شهاب بلع ريقة بوجع: انتي مش فاهمة حاجة . ماجتش هنا علشان ملك. 

همس بإستفهام:اومال روحت هناك ليه؟

شهاب بتعب: امي انا تعبااااان . ومش قادر اتكلم انا بس كنت محتاج اسمع صوتك . وكمان اقولك اني هبات هنا الليلة مش جاي البيت. 

همس :طيب تحب اجيلك. 

شهاب فعلا محتاجلها بس مش عايزها تيجي تشوفه في الحالة دي. كمان هو مش عايز ابوه يعرف حاجة. وهي مش هتخرج من غير ما تعرفه. 

شهاب اتنهد: لا يا حبيبتي خاليكي انا هبقي 

كويس ماتقلقيش عليا. اتطمني. 

همس بدموع: طيب ماتيجي البيت ونام في حضني . انا قلبي بيقولي انك فيك حاجة وجعاك طمن قلبي يا شهاب. 

شهاب ابتسم بسخرية: انام في حضنك! وتفتكري رعد باشا هيسيبني انام في حضنك. ده مش بعيد يسمني . ده بيعشقك بجنون وبيتجنن لما حد مننا يحضنك عايزاه يسبني انام في حضنك بتحلمي يا همستي. 

همس مسحت دموعها وبثقة: بس انت عارف همس لما تحب تعمل حاجة هتخلي رعد باشا يلين ولا انت مش واثق في مهارات ماما. 

شهاب بحزن: ياريتني قبلت واحدة زيك . كنت ملكت الدنيا باللي فيها . بس انتي مافيش منك يا همستي. 

همس: تمارا احسن مني هتعوضك وتحلي ايامك. 

شهاب بحزن غمض عيه:ااااااه تمارا. تمارا هتحلي ايامي ! مافتكرش . سلام يا امي انا محتاج انام. 

همس: ليه بتقول كدة. وكمان هتنام دلوقتي لسة بدري! 

شهاب: تعبااااااان ومحتاج انااااام . 

همس بقلق: طيب خالي بالك من نفسك علشان خاطري. 

شهاب اتنهد : حاضر سلام حبيبتي. 

قفل شهاب مع امه ودخل اوضة النوم وبص ليها وافتكر ملك وهما بيفرشوا الاوضة وسعادتهم وقتها وفتح الدولاب وشاف هدومها اللي كانت بتشتريها وحطها هناك علي طول. وراح للسرير بص علي الكومود وشاف صورتها . بس في لحظة افتكر تمارا طلع فونه وفتح صورهم سوا وشاف كل صورة جمعتهم او صورها لوحدها. غمض عنيه بألم . 

شهاب اتنهد: ياريتني ما قابلتك ولا شوفتك. يارتني قضلت زي ما انا. ياتري هعمل معاكي ايه ! هعذبك ازاي وانا بحبك. هقسي قلبي عليكي ازاي. وفتح صورة ليها بتضحك وكبرها وباسها . ماتعرفيش انا كنت حاسس بإيه النهاردة وانا بجرحك واوجعك . كنت بتقطع مع كل كلمة. كل قلم ضربتهولك كنت بضرب بيه قلبي قبلك. قلبي اتوجع قبل ما تتوجعي انتي. انا هتجوزك مش بس علشان انتقم منك. لا. علشان انتي في كل الاحوال بقيتي ملكي وحتي لو بتكرهيني ومش بتحبيني. مستحيل تكوني لغيري مستحيل اخلي راجل غيري يلمسك. هتكوني ليا ومعايا برضاكي او غصب عنك . ااااااااه لاسف بحبك برغم حقارتك وكدبك وزيفك الا اني بحبك ومش قادر اكرهك مش قادر. 

...................................

همس قفلت مع شهاب ورعد قرب منها وحضنها وباسها من خدها. 

رعد : كنتي بتكلمي مين. وايه اللي انتي عايزاه وهتخليني اوافق عليه بمواهبك.بتغيظي مين يا همستي! 

همس ضحكت ولفت ليه : هههههههه.انا والله مش بغيظ حد.  ده شهاب بيكلمني من شقة ملك الله يرحمها  وشكله كدة فيه حاجة حصلت مش عارفة هي ايه. فكنت بقوله تعالي نام في حضني بس هو عارف جنانك وانك مش هترضي فكنت بفهمه انا اقدر اعمل ايه. 

رعد ابتسم بمكر:اممممم. وتقدري تعملي ايه! 

همس: كل حاجة انا عايزها انت هتعملها من غير نقاش. 

رعد رفع حاجبه : ايه الغرور ده . خلاص رعد بقي خاتم في صباعك. 

همس حاوته بإيديها وبصت في عنيه : حبيبي انت تاج علي راسي انت الملك . 

رعد ضم ايديها وباسها بحب: انا عارف . بس بحب اسمعها منك. قوليلي شهاب ماله . هو مش بيروح هناك من فترة كبيرة ايه اللي حصل. 

همس بقلق وحيرة:مش عارفة . وبياته هناك وهو بصوته الحزين ده قلقني عليه. 

رعد رفع وشها ليه وبص في عنيها : تحبي تروحيله؟

همس ابتسمت بحماس: بجد. ياريت يارعد. 

رعد : طيب حبيبتي روحي البسي وانا هوديكي تطمني عليه. 

همس باسته من خده: حبيبي ربنا مايحرمني منك .. وبتردد بس ااا. 

رعد ابتسم بتفهم وضم وشها بحنان: ماتقلقيش. عارف انك مش عايزاني اكون معاكم لانه بيحكيلك انتي ويفضفض. انا هستناكي تحت مش هطلع معاكي. 

همس ابتسمت بحب: مش بقولك ملك. بحبك. 

رعد : بحبك يا ملكة قلبي يا للا البسي بسرعة. 

......................................

تمارا اول ما وصلت مع مهاب مادخلتش البيت واخدت عربيتها ومشيت واتحججت انها هتشتري حاجات . مهاب قلبه مش متطمن وحاسس انها مخبية حاجة وانها مش بتتصرف بطبيعتها .بس فضل يسيبها براحتها. 

تمارا راحت ووقفت في المكان اللي كانت بتروحه لوحدها لما بتضايق واللي قابلت شهاب فيه يوم الرهان بعد الحفلة. اول ما وصلت هناك كانت خلاص مافضلش عنها اي قدرة علي التماسك والتحمل. نزلت ووقفت برا العربية وسابت دموعها تنزل من غير حساب بكتب بحرقة وقهرة وصرخت من قلبها بوجع. 

تمارا بتبكي وتصرخ:ليييييه . ليييه عملت كدة .. ليه طلعت كداااااب . اااااااه جرحتني اوي ووجعتني اوي .تمارا قلبها كان بيتمزق بعنف كل ما تفتكر كلامه وجرحه . حاست قد ايه هي كانت غبية وساذجة علشان صدقت واحد مهارته كلها هي الكدب والخداع. ازي ما فكرتش انه بيخدعها ازاي. وفجأة البكاء اتحول لضحك هستيري بدموع . ضحك يوجع القلب من مراره . واتعاد قصادها كل موقف جمعها معاه من اول يوم مرورا بسفرهم ايطاليا ورجوعهم وخطوبتهم اللي كانت لسة من ليلة واحدة. واتمنت ان اليوم ده ماكنش جه وفضلت مخدوعة فيه علي الاقل كانت سعيدة وفي قمة فرحتها وافتكرت حبهم اللي حتي لو كان كدب قد ايه كان جميل . ودعت ربنا انها تنسي بسرعة تنساه بكل حالاتها بحبه وكدبه وجرحه 

تنسي كل حاجة مش عايزة تفتكر اي حاجة بس غصب عنها بتفتكر.  

(بسمع اسمك بدمع اليسا)

افتكرت فضلت اضحك والدمووووع. افتكرت فضلت اضحك والدموووووووع. نزلت اوي وجريت اوي وحشتني ايامك اوي . ماتقولي هو مافيش طريقة فيها انساك اوي. وما اقولش اااااه. ماقولش اااااه. ااااه . 

وغمضت عنيها بوجع اول ما جه مشهد كلامه وجرحه ليها اللي دمر قلبها وكبريائها 

حبيبي يقول كدة . ضاعت كل الاماني وانا مش هستني تاني. واطفيلي النااار كفاية نااار الفرقة بتوجع. 

وحطت ايديها علي ودنها بدموع مش عايزة تفتكر باقي كلامه ولا يرجع يرن في ودنها من تاني . 

حبيبي يقول كدة. علشان مش هقدر اسمع . كلمة امتي هترجع . ومافيش دموع في عيني . بسمع اسمك بدمع .. بسمع اسمك بدمع . 

طلعت فونها وهي كمان شافت صورهم مع بعض وكل صورة ليها حكاية وموقف وضحكة وكلمة حب . قاومت نفسها كتيير انها تكسر الفون وماتشوفش الصور دي تاني . بس قلبها الخاين بيحن . مش قادر يكره ويمحي اي ذكري ليهم سوا. فضلت تقلب في الصور ودموعها اكنها بتنزل من نهر فياض ما بيخلصش. 

كل وقت انا اروح وادور. في اللي كاااان. واستفدت انا ايه بصورة من زمااااان . ما انا شوفتها ليه سيبتها. يارتني شيلتك منها . او كنت حتي ماشوفش فيها احلي ايام عشتها . وماقولش اااااه . ماقولش ااااااه . ااااه .

حبيبي يقول كدة . ضاعت كل الاماني وانا مش هستني تاني . وطفيلي النار كفاية . نااار الفرقة بتوجع .   بسمع اسمعك اسمك بدمع. 

تمارا فضلت تخبط راسها في العربية بدموع وغيظ من نفسها. 

تمارا : غبية... غبية ... ليه لسة بتحني . ليه قلبك خاين ولسة بيحب واحد كداب وغدار بالشكل ده ليييه .. 

وبكتب بحيرة وتفكير. طيب هعمل ايه هكمل معاه ازاي ازاي هتحمل اهانته وجرحه ليا. انا مستحيل اتجوزه مستحيل. وبضعف وحنيين. بببس اااانا بحبه معقول ممكن اتحمل كل اللي هيعمله فيا لمجرد اني اكون معاه وجنبه. معقول هستحمل عذابه ليا علشان مايكونش لغيري. ااااااه يارب . يارب انا تعبت مش عارفة افكر ولا اقرر حاجة يارب . انت عاليم بحالي . 

......................................

في ڤيلا اكمل التهامي. 

في الدور الخاص بفتون وحمزة . فتون جالها فون شغل مطلوبة في حفلة في مراسي بس هي وقفت موافقتها لحد ما تقول لحمزة . راحت ليه اوضته وخبطت. 

حمزة كان بيلعب تمارين قوة : ادخل. 

فتون دخلت وشافته ارتبكت واتلخبطت . خصوصا انه كان لابس بنطلون رياضي بس مش لابس تيشيرت.. كانت بتتجنب تبصله وبتوتر. 

فتون: احممم. اااا. ااانا كككنت عايزة اقولك حاجة. 

حمزة ابتسم لانها عارف انها لسة بتتكسف منه . ساب التمرين وقرب منها وهو بياخد نفسه . 

حمزة: اؤمري  عايزة ايه. 

فتون بتبعد عنه بإرتباك هي من الليلة اللي فاتت وهي حاسة انها بدأت مقاومتها تقل وتضعف وتحن ليه وللمسته. 

فتون : اااصل في مكتب اتصل بيا علشان عايزني في حفلة في مراسي بعد اسبوعين . فففا أنا قولت اقولك الاول هنعمل ايه! 

حمزة قرب منها اكتر وبص في عنيها : عارف وكلموني بس انا قولتلهم يكلموكي كمان . علشان انتي اللي تقرري عايزة تغني معايا في الحفلة ولا لا. 

فتون بصتله بحب. وبينها وبين نفسها : اااااه يا حمزة انت مش هتبطل حنية . انت ليه بتصعبها عليا كدة بس ليه. 

حمزة حاوطها من خصرها برقة وقربها منه وهو بيملس علي خدها بحنان: ليه ساكتة ! مش عايزة تغني معايا ؟

فتون قلبها بيدق بإشتياق وحنين غمضت عنيها للمسته اللي اكنها كل مرة تقولي سامحي انا بخاف عليكي 

وارق من النسيم عليكي مش وحشاكي لمستي وحناني . 

فتون: لا عايزة اغني معاك. 

حمزة قرب اكتر من شفايفها وبصلهم برغبة حبيب: وحشتك يا فتون. وحشك قربي منك. زي ما انتي وحشاني وعايزك . فتون انا محتاجلك اوي . حقيقي محتاجلك . 

فتون فتحت عنيها ودمعت بضعف : وانا كمان محتجالك اوي . اوي . 

حمزة ماستحملش يتردد اكتر وباسها بكل الحنان والرقة اللي في الكون ده . وهي كمان كانت عطشانة ليه ولقربه اللي بيصحي جواها اجمل واحلي الاحاسيس. 

حمزة ضمها لحضنه بقوة . وبعد فترة من انهييااار الاشتياق. بعد عن شفايفها وسند جبينه علي جبينها خايف يكمل تبعد وهي بدأت تقرب خلاص. 

حمزة بنبرة مجهدة ومشتاقة: عايزاني اكمل ولا هتسبيني في نص الطريق تاني . 

فتون بدموع حطت ايديها علي صدره : سيب كل حاجة في وقتها بلاش تستعجل ارجوك. 

حمزة غمض عنيه بتعب وبعد عنها :تمام. لو تحبي تنامي في حضني زي الليلة اللي فاتت. انا ماعنديش مانع. لو مش عايزة براحتك تقدري تروحي اوضتك. وانا هرتب للحفلة والسفر وابلغك بكل حاجة. 

فتون مش هتتحمل تنام في حضنه وتبعد من تاني :لا انا هنام في اوضتي. 

حمزة بصلها بعتاب : زي ما تحبي . براحتك. المهم تكوني مرتاحة. 

خرجت فتون. وحمزة بيحاول يقنع نفسه ان الطريق بيقصر وانها بدأت ترجعله من تاني وهو لازم يكمل طريقه معاها لانهاية لحد ما تكون معاه بكامل ارادتها ورغبتها . 

......................................

في شقة شهاب همس وصلت ومعاها رعد لحد فوق علشان يتطمن عليها فتحت الباب ولما دخلت اتخضت من شكل الشقة والتكسير . ورعد كمان قلق . وقفها مكانها ودخل هو يطمن ويشوف شهاب. مالقاش حد غير شهاب في اوضة من الاوض ونايم ومخبي عنيه بإيده . رعد اتنهد براحة انه كويس . وخرج لهمس. 

رعد بيهديها:اهدي حبيبتي مافيش حاجة. هو نايم جوا . واضح كدة ان هو اللي عمل كدة في الشقة. شكله حصله حاجة جامدة جدااا. 

همس بدموع وخوف: ابني مايعملش كدة الا لو في كارثة ابني فيه ايه يارعد! 

رعد :اسمعي هو في الحالة دي يبقي محتاجلك. هسيبك تباتي معاه الليلة وهجيلك الصبح . خالي بالك من نفسك. ولو حصل اي حاجة. تكلميني انا اصلا مش هنام. 

همس : ليه مش هتنام ! نام وارتاح انا هبقي كويسة. 

رعد ابتسم وضم  وشها بحنان اب وزوج وحبيب: وتفتكري اني ممكن احط جسمي علي السرير ولا عيوني تغمض وانتي مش معايا وفي حضني. مستحيل يا همستي. انا هفضل صاحي مش هنام. لاني متأكد انك كمان مس هتنامي غير وانتي في حضني. المهم نتطمن علي شهاب. انا ماشوفتوش في الحالة دي غير وقت موت ملك. 

همس بحيرة: ياتري حصلك ايه يا بني . ربنا يستر. ياللا حبيبي روح انت واتطمن عليا . 

رعد بحزن هو اصلا مش بيقدر يبعد عنها ولا يعدي عليه ليلة بحالها من غيرها: انا هكلمك كل شوية خالي الفون جنبك مفهوم. هتوحشيني. وباسها من جبينها بحنان. 

همس ابتسمت : وانت كمان حبيبي هتوحشني. تصبح علي خير. 

مشي رعد وهمس قفلت الباب ودخلت لشهاب وقربت منه وملست علي شعره بحنان وقلق. شهاب حس بيها وفتح عنيه وشافها . 

همس بنظرة خوف ودموع: مالك يا نور عيني فيك ايه ! 

شهاب لما شافها وشاف نظرة عنيها ماقدرش يمنع نفسه ونزلت دموعه : انا مجروح اوي يا امي اوي احضنيني . 

همس بحنان ضمته لحضنها وطبطبت عليه: سلامتك حبيبي من الجرح . ايه اللي حصل. شهاب انت اول مرة تبكي وقت موت ملك ايه اللي جري بس فهمني؟

شهاب بيبكي في حضنها : ببكي علي موت قلبي. انا خلاص يا امي قلبه قتلته ودبحته . مش هخليه يحب ولا يحن تاني هعيش من غير قلب خلاص. 

همس بصدمة: فهمني يا ابني انا هتجنن. 

شهاب خرج من حضنها بهدوء: ههحكياك ........ وحكالها كل حاجة . 

#يتبع_بعد_👇👇👇

#مهمة____حب

#سلسلة_عشق_الرجال الجزء الثاني من رحم للايجار

#الحلقة_الرابعة_والثلاثون_35_36__37  

في ڤيلا عدي 

مايا كانت نازلة من فوق وسمعت هنا بتتكلم همس ومعاهم چوري وكارما وحلا . 

هنا بتحاول تداري حزنها علي بنتها لانها بتحب همس وجواها جانب فرحان لصديقة عمرها. 

هنا:مبروك يا همس. ربنا يتمملهم بخير . 

همس بفرحة مكسورة هي عارفة ان ابنها مش زي اي عريس فرحان وسعيد. ده بينتقم من نفسه قبل ما بينتقم من تمارا. 

همس :الله يبارك فيكي يا هنون. ربنا يسمع منك ويتمم بخير. 

كارما بحماس: انا بجد فرحانة اوي تيمو دي عسسل انا حبيتها اوي وهي شهاب كانوا زي العصافير في الخطوبة . هاه قولولي بقي هنختار الفساتين منين. 

همس بثقة: كالعادة مع نفسكم. انتم عارفين فستاني بكل متعلقاته بيوصلني لحد جناحي ومن غير ما اتعب ولا اختار. 

چوري :ايوة يا هموسة انتي مين قدك. ده الملك رعد الحديدي بنفسه بيختارلك كل حاجة. مابيخلكيش حتي تشغلي بالك يا بختك بيه حبيبي بابي ده مافيش منه . 

حلا : يا شيخة عينك وحشة ماتقريش عليهم . ثم مالك كدة بتتحصري هو فيه زي كوكي . ده كريم ده العشق كله. 

كارما غمزتها: مابلاش انتي انتي اصلا خلاص عديتي وماحدش عارف يحصلك. فادي قلب علي رعد الحنين ومدلعك علي الاخر ولا ايه . 

حلا : ماما همس تعالي نروح العيال دي عنيهم وحشة انا خايفة اروح الاقي فادي اتحول. 

كلهم ضحكوا وفضلوا يتكلموا عن الفرح وشهاب وتمارا . مايا انصدمت ومش مستوعبة ان بعد كل ده شهاب بردوا هيتجوزها . يعني كل اللي هي عملته ضاع من غير فايدة . ماقدرتش تسيطر علي 

نفسها . وصرخت بجنون. 

مايا بغل وصريخ: فرح مين ؟! انتم بتقولوا ايه! شهاب هيتجوز تمارا بجد ازاي! ردوا عليا ازاي. 

هنا بحزن قربت منها :مالك بس حبيبتي ماهم اتخطبوا . وانتي كنتي متقبلة الموضوع ايه اللي حصل بس! ماقولنا انسيه بقي  وشوفي مصلحتك. 

مايا ببكاء ووجع: انساه ! انساه ازاي! وبمين ! شهاب ده مش زي اي حد . انا مش ممكن اسيبه يضيع مني مش ممكن . 

عدي وامير وكريم كانوا داخلين وسمعوا صوت مايا وعياطها وصريخها. 

عدي بلهفة: مالك بس حبيبتي في ايه! 

هنا بدموع: ارجوك يا عدي خدها وهديها دي منهارة. 

مايا بصريخ: ابعدوا عني انا لازم اروحله لازم اعرف منه عمل فيا كدة ليه ! ليه سابني بعد ده كله ليه!. 

عدي قرب منها بحنان:طيب تعالي معايا فوق. 

مايا زقته بعنف وجريت برا الڤيلا: مش هروح في حته انا لازم اروح لشهاب لازم. 

هنا بكت بحرقة:عدي الحقها ارجوك بسرعة . 

عدي خرج وراها بسرعة ووراه امير وكريم . 

وهنا قعدت بتعب وحزن علي بنتها. 

همس قربت منها وهي مش عارفة تعمل ايه ! تقولها ايه بعد حالة بنتها دي! 

همس بدموع: انا اسفة يا هنا . اكيد شهاب عمره ما كان يقصد يجرح مايا بالشكل ده. هو غصب عنه شايفها اخته . 

هنا بسخرية: ويفيد بإيه الاسف. انا مش عارفة ليه القدر حاطط ولادي مع ولادك في صراح. يمكن اللي نجيوا منه  بناتك لان انا ولادي قلبهم حنين مش زي ولادك. ولادك قاسين وانانين. واحد استغل حب حلا وعذبها سنين

ويادوب اول ما رمالها كلمة حلوة جريت وراه ونسيت اللي عمله فيها سنين. والتاني عمال يتفنن في جرح مايا ورايح يخطب ويتجوز. ويكسر قلبها 

حلا دمعت وماقدرتش ترد علي امها في الموقف ده . لانها متدمرة بسبب مايا. بصت لهمس. 

 وهمس شاورتلها براسها هي وچوري وكارما يسبوها مع هنا لوحدهم.وفعلا حلا رجعت البيت وچوري وكارما طلعوا اوضهم وهما كمان 

هما طول عمرهم قريبين من بعض ومايا وحلا بالنسبة ليهم فعلا اخوات. 

همس قعدت جنب هنا بحزن وعتاب: انا ولادي انانين يا هنا! والله مافيه احن منهم في الدنيا. وفادي إن كان طبعه صعب او قاسي شوية فهو خلاص فاق وعايش هو وحلا في سعادة ربنا يديمها عليهم. ليه انتي مش مصدقاه ومصممة تلوميه علي اللي فات. وبعدين شهاب طول عمره بيعتبر مايا اخته وبس . وعمره ما وعدها ولا عشمها بحاجة. هو انتي يا هنا ليه اتجوزتي عدي مش حد غيره . علشان حبتيه وماحبتيش غيره مع ان اللي حبوكي كتيير بس انتي اختارتي عدي برغم علاقتكم اللي كان فيها مشاكل في البداية وبرغم كدة ماقدرتيش تحبي ولا تتجوزي غيره. ليه بتلومي شهاب دلوقتي! شهاب حب تمارا وماقدرش يحب مايا. فين جرمه! فين ذنبه! فين غلطه ! قوليلي انتي هو غلط في ايه ؟ولادي عملولك ايه علشان تكرهيهم كدة؟هنا انتي اختي وصديقة عمري. بس من زمان وانتي بتكرهي فادي ودلوقتي بقي كمان شهاب. ليه بس وانا عمري ما زعلت حتي من حد من ولادك ولا كرهته. حتي مايا برغم اللي عملته بتصعب عليا. 

هنا بدموع: وهي عملت ايه! بنتي مجروحة وتعبانة. بنتي كانت بتموت في المستشفي وهما شهاب وكانت هتتجنن عليه وهو مسافر كانت كل يوم تسألك عنه . بنتي حبته حب عمره ما هيلاقيه ولا يعوضه. ولعلمك هو الخسران. انا بنتي تستاهل اللي احسن منه. 

همس اتنهدت بيأس هنا زي كتيير من الامهات . مش شايفة غير بنتها وبس : انتي واضح انك تعبانة وانا هسيبك ترتاحي وبلاش نتكلم في الموضوع ده. عن اذنك. 

قامت همس تمشي وهنا وندهت عليها. 

هنا بحزن:همس. 

همس بصتلها بعتاب: نعم. 

هنا حضنتها وبكت: اسفة مش قصدي ازعلك بس قلبي بيتقطع علي بنتي . انتي ام وحاسة بيا . انا نفسي تفرح نفسي. 

همس ضمتها بحنان: ولا يهمك احنا اخوات وانا مقدرة اللي انتي فيه ومش ممكن ازعل منك. وانا والله بدعيلها ربنا يبعتلها اللي بحبها وتحبه وينسيها شهاب وتعيش حياتها  في سعادة. 

هنا اتمسكت بيها :خاليكي جنبي محتجالك. 

همس: حاضر انا جنبك مش هسيبك . بس انتي اهدي شوية. 

عدي حصل مايا هو وامير وكريم ووقفها. ومسك ايديها

عدي : استني يا بنتي تعبتيني . ارجوكي اهدي شوية. 

مايا بهستيرية وضياع: لا انا لازم افهم هو عمل فيا كدة ليه ! ليه بعد كل اللي عملته علشان يسبها لسة  هيتجوزها . 

عدي بصلها بشك حاسس انها مخبية حاجة: كريم خد امير وارجعوا البيت. 

كريم بقلق علي مايا: ايوة يا بابا بس دي منهارة لازم نفضل معاك. 

عدي بعصبية وامر:قولت ارجع انت واخوك وطمن والدتك.

كريم ماحبش يعصب عدي اكتر من كدة. اخد امير ورجع البيت . 

عدي بص لمايا بقوة: ممكن تفهميني معني كلامك تقصدي ايه باللي عملتيه علشان يسبها . انتي عملتي ايه؟! 

مايا بصتله بغضب : انا مش عايزة اتكلم في اي حاجة من فضلك ابعد عني عايزة اروحله.وحاولت تمشي. 

عدي بغضب شدها من ايديها وضربها بالقلم: لما اكون بكلمك واسألك تردي عليا وماتمشيش  وتسيبيني . فاهمة ولا انتي خلاص دلعي ليكي جرأك عليا. 

مايا بصدمة : انت بتضربني . انت عمرك ما مديت ايدك عليا! 

عدي اخدها وركبها عربيته بقوة وركب هو كمان وطلع بالعربية. من غير ما يكلمها. واخدها علي مكان هادي وقعد معاها 

عدي بحزن: انتي لازم تفهميني انتي ايه اللي جرالك. ليه بقيتي شرسة كدة !

 ليه دايما بتهاجمي اي حد يقف قصادك حتي انا وأمك !

 انتي زي ما تكوني واحدة تانية غير مايا بنتي . ايه اللي حصل؟

مايا بدموع : انا عمري ماكنت وحشة . انا حبيت بس. حبيت شهاب واتمنيت يبقي ليا ويحبني. غلطت في ايه! 

ذنبي ايه اعيش بوجعي وجرحي منه!

 ليه ماحبنيش يا بابي ليه ! 

بابي هو انا وحشة اوي كدة! 

فيا ايه غلط ! 

قولي انت ليه حب تمارا وانا لا! ليه بس نفسي اعرف. 

عدي بهدوء و حزن عليها اتنهد: السبب بسيط يا حبيبتي. هو هو نفس السبب اللي مخليكي في حالتك دي. 

واللي ماخلكيش تحبي غيره . 

زي ما انتي  حبتيه هو وبس ومافيش اي راجل غيره عارف يخليكي تحبيه. هو كمان مش بإيده حب تمارا وهي حبته. وانتي لازم تنسحبي لازم تداوي جرحك. وتشوفي انسان يحبك وتحبيه بجد. ليه قافلة باب قلبك في وش أنس. أنس انسان جميل دكتور محترم وليه مستقبل . بيحبك وانا واثق من كدة. ليه مصممة تعيشي في وهم اسمه شهاب. جربي وافتحي قلبك لأنس. 

مايا بتأنيب لنفسها: حتي ده خلاص مابقاش ينفع.  انا ضيعته هو كمان . جرحته زي ما انجرحت من شهاب. انا وحشة وحشة اوي . 

عدي بدهشة :انتي مخبية عني ايه! اتكلمي يا بنتي فهميني ايه اللي حصل! 

مايا غمضت عنيها بدموع وبدأت تحكي لعدي كل اللي حصل من يوم رهانها مع تمارا. لحد. ماجرحت أنس. 

عدي كان بيسمعها وهو مصدوم مش مصدق كل اللي بنته بتحكيه. مش قادر يستوعب ان دي مايا بنته الرقيقة  البريئة. عمره ما تخيل انها ممكن تكون بالشر والحقد ده. 

معقول دي بنته اللي رباها مش فاهم ولا مسوعب. خلصت كلامها وهو كان في قمة صدمته. وماسك  رأسه بإيده وحاسس انه في كابوس. 

مايا خلصت وهي بتبكي بحرقة : انا مش عارفة عملت كل ده ازاي. انا كل اللي كنت بفكر فيه هو شهاب وبس. كنت عايزاه يسبها ويبقي ليا بأي طريقة وبأي شكل. 

عدي رفع راسه وبصلها بزهول وعتاب: انتي تعملي كدة! انتي مايا بنتي اللي ربتها بإيديا دي تعمل كدة! 

ده انا كنت رافض اشتريلك كلية واحد محتاج علشان ما استغلش حاجة انسان واخد منه حته منه. وفضلت ادعي ربنا ينجيكي ويبعتلك اللي يخفف آلمك وربنا بعتلنا أنس وبفضل ربنا ثم هو انتي بقيتي عايشة لحد دلوقتي. 

تقومي يوم ماربنا ينجيكي تأذي الناس بالشكل ده. ذنبهم ايه شهاب وتمارا تعملي فيهم كدة!  وأنس هان عليكي الانسان اللي ربنا بعتهولك يمحي آلامك ووجعك ووقف جنبك وقت مرضك وماسبكيش. وحبك بكل صدق واحساس. تجرحيه بالشكل ده! تستغليه علشان تنتقمي من اخته ! 

ولا مهاب كنتي عايزة تشاغلي راجل قد ابوكي ! 

طب افرضي كان ليه في السكة دي.وكمل معاكي كنتي هتعملي ايه! كنتي متخيلة ان راجل زي مهاب بدهائه ده . هيسيبك تعملي فيه زي أنس. غلطانة ده كان هيبهدلك وانتي كنتي هتضيعي نفسك. وتضيعينا معاكي. 

ليه يا بنتي كدة بس ليييه ! ؟

مايا تعبت من العياط: انا تعبت نفسي اموت وارتاح . يارتني موت في العمليه . وماعشتش كل ده. 

عدي بحزن : شهاب لازم يعرف كل حاجة. لازم يعرف ان تمارا مظلومة. لازم تكفري عن غلطتك. وتحاولي ترجعي أنس لانك مش هتعوضيه . 

مايا بجنون : لا لا لا . مستحيل شهاب يعرف حاجة مستحيل. وبدموع ورجاء. ارجوك يا بابي بلاش تخليه يشوفني وحشة بالشكل ده. ارجوك .. حتي لو كان خلاص ضاع من ايدي بلاش تخليه يكرهني. وهي كفاية هتتجوزه برغم كل ده. كفاية عليها وجودها معاه . وهو مادام صمم يتجوزها يبقي سامحها واللي عملته كله ما أثرش فيه. يبقي بلاش تعمل فيا كدة ارجوك يا بابي ارجوك. انا بنتك بلاش اهون عليك بالشكل ده. 

عدي دمع علي حالها . للدرجة دي الحب يعمل فيها كدة. ضمها لحضنه بحزن وحيرة 

. حيرة قلب أب مش هاين عليه اهانة بنته قصاد اي حد وكفاية عليها وجعها وحزنها . وجرح كبيير جواها. هتعيش بيه.

 ومابين عقله وضميره. اللي عارف ان فيه قلبين مجروحين بسبب بنته. وهو عارف الحقيقة وساكت. 

عدي : يارب اعمل ايه بس. اخدر مين فيهم قلبي ولا ضميري. 

مايا بدموع في حضنه: ارجوك لو بتحبني بلاش تكسرني قصادهم وحياتي يا بابي بلاش. 

عدي بحيرة :ماتحكيش لحد اي حاجة فاهمة. حتي امك. 

مايا : حاضر يا بابي . انا عايزة اروح . عايزة انااام. تعيااانة اوي يا بابي اوي. 

......................................

مرت الايام بشكل بطئ علي قلوب وسريع علي قلوب تانية. بطئ علي قلوب عاشقة ومستنية لحظة تجمعهم للابد . مهاب وچودي . ومؤمن وشيري بيعدوا الايام والساعات والثواني لحد معاد فرحهم. 

وشهاب وتمارا .حاسين ان الوقت بيجري بسرعة لانهم مش متخيلين ازاي اليوم اللي اتمنوه سوا هيجي وهما بدل ما كانوا عشاق بقوا اعداء. 

مايا فضلت حبسة نفسها في اوضتها لا بتكلم حد ولا بتشوف حد. وعدي ماقدرش يخلي ضميره وعقله يغلبه قلبه وأبوته. واختار الصمت. وتخيل ان جواز شهاب من تمارا برغم اللي عرفه 

انه سامحها ومالوش لزوم يكسر بنته اكتر من كدة. 

چنا ومروان اتفقوا علي كتب كتابهم في ڤيلا أكمل في هدوء. لان اكمل رفض اي فرح . لانه ماعندوش استعداد يواجه نظرات اي حد ولا سؤال اي حد. ليه چنا اتجوزت مروان وهو متجوز واكبر منها . 

في يوم كتب كتاب چنا ومروان في ڤيلا أكمل التهامي . كان الكل موجود رعد وهمس وريما وشهاب لانه صاحب مروان. وبرغم حزنه علي عمته الا انه عزر مروان وحاسس بيه. وبحبه لچنا ومش قادر يلوم عليه. وكمان أكمل وتسنيم. و حمزة وفتون  . واتكتب كتاب چنا ومروان. چنا كانت جواها فرحة بس مش قادرة تخرج من الحزن اللي في المكان . دمعت بحسرة علي اليوم اللي اتمنت تفرح فيه بأقصي ما عندها. بس لاسف هي اختارت الوضع ده. واختارت يكون هو ده شكل يوم فرحها . 

أكمل كان بيبص لمروان بغضب وعتاب ولوم. وماكنش طايق ولا مستحمل انه يفضل ماسك ايده بالشكل ده. وكام غضبه لحد ما المأذون خلص العقد . بعد كتب الكتاب أكنل شد ايده من ايد مروان بعنف . وقام وخرج برا الجنينة. تسنيم زعلانة علشانه بس مش عايزة تكسر فرحة بنتها اكتر ماهي مكسورة. وقفت جنبها وابتسمت. 

تسنيم: مبروك يا حبيبتي . 

چنا بدموع: الله يبارك فيكي يا مامي. 

مروان باس ايد چنا وابتسم وبهمس: مبروك حبيبتي. 

چنا ابتسمت : الله يبارك فيك حبيبي. بس سيب  ايدي علشان ريما. 

مروان بص لريما ولقي عيونها عليه . بتبصله بقهر وانكسار. وعنيها علي ايده اللي ماسكة ايد چنا ودموعها نزلت غصب عنها. اتنهد بتعب من الوضع اللي كل يوم بيصعب اكتر من الاول. 

شهاب قرب من مروان وخبط علي كتفه بأسف: مبروك يا صاحبي. 

مروان قام وحضن شهاب: الله يبارك فيك يا بوب عقبالك هانت خلاص. 

شهاب اتنهد بسخرية: عندك حق هانت. 

مروان : مالك يا شهاب انت بقالك فترة متغير. ايه اللي حصل! ؟

چنا قامت : عن اذنكم هخرج لبابي. 

مروان: اتفضلي حبيبتي. وبص لشهاب . ماتقول مالك يا ابني قلقتني. 

شهاب ابتسم بحزن: خاليك في عروستك بس ولما تخلص شهر العسل هنبقي نقعد واحكيلك كل حاجة. 

مروان بص لريما ورعد: وهو ابوك هيخلي فيها عسل! 

شهاب بص لريما :معلش. هو غصب عنه. انت عارف هو بيحب ريما ازاي. كمان هي حالتها صعبة. مش شايف شكلها عامل ازاي! 

مروان بصلها بحزن: عارف وشايف. بس صدقني ده اهون كتيير من انعا تعرف الحقيقة. مش هقدر اوجعها اكتر من كدة. 

شهاب : اللي حصل حصل. ياللا خد عروستك وامشي. وكل حاجة بتتنسي مع الوقت. 

رعد قرب منهم وبنظرات باردة وفاترة : مبروك . 

مروان بعتاب: الله يبارك فيك. تعبت نفسك وجيت انا عارف انك مشغول يا صاحبي. 

رعد ابتسم بإستخفاف: كان لازم احضر الاتفاق للنهاية. ولا ايه يا صاحبي. 

شهاب شايف نظرات السخرية والتحدي بينهم: احممم. بقول ايه ياللا بينا يا رعد باشا. ريما مش هتقدر تفضل اكتر من كدة. 

رعد : عندك حق. انا هاخد همس وريما واروح. عن اذنكم. 

ريما قربت من مروان بتحاول تداري دموعها والكلام تقيل علي لسانها مش قادرة تباركله انه هينام في حضن غيرها وهي عارفة وبتبارك كمان : مممبروك . 

مروان بحنان مسح دموعها : ليه الدموع دلوقتي بس. مش ده كان برضاكي . 

ريما رمت نفسها في حضنه وبكت: غصب عني . مش متخيلة انك هتكون في حضنها . زي ماكنت معايا مش قادرة ....... والله انا لو حجر هينطق. انا بموووت . بموووت. 

مروان مش عارف يفرح لجوازه من چنا ولا يحزن علي ريما وحالها . قلبه مش متحمل يشوفها كدة. ضمها بقوة: انا الليلة هروح معاكي . مش هسيبك. 

ريما رفعت راسها من حضنه وبصتله بفرحة: بجد هتنام في حضني انا! 

مروان ابتسم: اه حبيبتي. الدنيا مش هتطير. وچنا خلاص بقت مراتي. النهاردة بكرة مش هتفرق. 

ريما بقلق: طططيب وهي هتوافق! 

مروان: چنا طيبة وبتحبك وفاهمة الوضع. ومش هتزعل. 

رعد قرب منهم: انت متأكد انك تقدر تعمل كدة! 

مروان بصله بغيظ: ايوة اقدر . هروح چنا شقتها وارجع لريما لاني اظن ماينفعش اقول لأبوها 

خالي بنتك عندك لبكرة. 

رعد بسخرية: لا اصيل طول عمرك. وبص لريما وبحنان. حبيبتي لو احتاجتي اي حاجة كلميني فاهمة. 

ريما ابتسمت: ماتقلقش. انا هبقي كويسة.

في الجنينة . أكمل واقف بيبكي مش عايز حد يشوف دموعه. چنا قربت منه وحطت ايديها علي كتفه وهي حزينة وبتبكي. لفلها وغصب عنه ماقدرش يمنع نفسه يضمها بوجع. 

أكمل : مش قادر افرح ولا قادر احزن. مش عارف اعمل ايه في الموقف ده. كان نفسي يوم فرحك اسلمك لعريسك بإيدي وانا سعيد وقلبي بيرقص. وانا شايفك بالفستان الابيض. مش قادر افرح وانا شايفك بتتجوزي زي اللي عاملة غلطة. ولا اللي مطلقة. مش ده اليوم اللي اتمنيته مش هو ابداااا . 

چنا اتعلقت بيه بقوة وبكت:ارجوك كفاية علشان خاطري بقي مش متحملة اكتر من كدة . انا بتقطع والله وانا شايفاك كدة. 

أكمل خرجها من حضنه وضم وشها بحنان: مبروك يا حبيبتي. اتمني يقدر يسعدك. وتكوني اخدتي القرار الصح. 

چنا مسحت دموعه بإيده برقة وابتسمت: كنت عارفة اني مش ههون عليك . ماتباركليش. وحياتي سامحني . انا حبيته وهو كمان حبني ومتأكدة انه هيسعدني اكتر ما انت بتتخيل. 

أكمل باسها من جبينها: اوعي تفتكري اني علشان مش  راضي عن جوازك منه. اني بعتك ومايهمنيش امرك. لو في يوم زعلك هو ولا مراته ولا حتي رعد. تجيني . تيجي لابوكي سندك الحقيقي. وانا اقف في وشك الكبير فيهم علشانك. اوعي تتخيلي اني هسيبهم يبهدلوكي ولا يكسروكي. انتي هتفضلي چنا التهامي. استقوي بأبوكي فاهمة. 

چنا باست ايده بدموع وابتسمت بحب : وانا متأكدة من ده. ربنا يخليك ليا وتفضل سندي وحمايتي طول العمر . 

مروان قرب منهم بهدوء: احممم. چنا حبيبتي ياللا علشان نروح. 

أكمل بصله بغل وقرب منه وهو بيشاور علي صدره : لو فكرت تجرحها ولا تقول اهي نزوة ولما تزهق ترميها بعد ما مراتك تاخد حته منها. قسما بربي اقتلك وارمي جتتك للكلاب السعرانة ولا اخد فيك يوم حتي علشان وقتها اللي زيك مايستهلش غير الموت. 

مروان اتنهد بنفاذ صبر: يوم نا اعمل كدة ابقي اقتلني ارتاحت. انا عمري ما هسيبها دي خلاص بقت مراتي ومستحيل اتخلي عنها. 

چنا حضنت أكمل: هتوحشني اوي . 

أكمل ضمها بخوف: وانتي هتوحشيني اوي اوي. خدي بالك من نفسك. 

چنا ابتسمت: حاضر . 

تسنيم وحمزة وفتون قربوا من چنا . 

تسنيم بدموع: خدي بالك علي نفسك يا حبيبة ماما هتوحشيني. 

چنا حضنتها : وانتي كمان يا مامي هتوحشيني اوي . خدي بالك من كيمو وحياتي. 

حمزة حضن چنا : مبروك حبيبتي الف مبروك. 

چنا ابتسمت: الله يبارك فيك حبيبي. اسفة خالتكم تأجلوا سفركم. 

حمزة ابتسم: ولا يهمك اصلا الحفلة لسة بكرة. واحنا معانا وقت . بس عمري ماكنت هضيع فرحك ابدااا. 

فتون ابتسمت وحضنت چنا:مبروك يا چنا. البيت هيبقي وحش من غيرك. 

چنا : البيت جميل بيكي حبيبتي. ارجوكي خدي بالك منهم. 

فتون: حاضر ماتقلقيش. 

اقرا ايضارواية غصن الفصل الحادى عشر 11بقلم منى عبد العزيز

اقرا ايضارواية غصن الفصل العاشر 10بقلم منى عبد العزيز

اقرا ايضارواية نار غيرتي وانكسار قلبي الفصل الخامس عشر والسادس عشر للكاتبة اميرة الشربيني

اقرا ايضارواية نار غيرتي وانكسار قلبي الفصل الثالث عشر والرابع عشر للكاتبة اميرة الشربيني

حمزة قرب من مروان وبقوة: چنا مش هينة ولا مالهاش اهل. انا مادهلتش لان بابا موجود . لكن لو في يوم اذتها مش هرحمك. فاهم. 

مروان: ماتخفش چنا في عنيا. ياللا يا چنا . عن اذنكم. 

مشي مروان وچنا واكمل وتسنيم وفتون وحمزة فضلوا نظرهم متعلق بيها  لحد ماركبت عربية مروان. 

مروان طبعا لقي ريما قاعدة جنبه . وچنا ركبت وراه. وصل ريما بيتها واخد چنا لشقتها ودخلها واول ما دخل حضنها بقوة

مروان:اخيراااا بقيتي مراتي يا حبيبتي. 

چنا بسعادة: ده يوم اتمنيته كتيير اوي اوي. 

مروان بصلها بحب: انا مش مصدق. 

چنا : لا صدق بعد كل اللي حصلنا صدق. 

مروان بتردد: احممم. هو انا ممكن اطلب منك طلب! 

چنا :اؤمر حبيبي. 

مروان : ااانا وعدت ريما ابات معاها الليلة . هي حالتها صعبة اوي .

چنا ابتسمت وهي بتحاول تداري حزنها: ططبعا. مافيش مشكلة عندك حق. هي اكيد محاجالك اكتر مني الليلة. 

مروان ابتسم: كنت متأكد انك مش هتخيبي ظني. واوعدك من بكرة هخدك ونسافر ونقضي اجمل شهر عسل. لوحدنا بعيد عن اي حد. 

چنا : وانا متأكدة اننا هنكون اسعد اتنين. والايام كتيير. ياللا. روحلها بقي وانا هنام. صدعت من العياط. 

مروان قرب منها وباسها بشغف كبيير اتمناه من يوم ماشافها :علي عيني اسيبك في اللحظة اللي بقيتي فيها ملكي. بس اوعدك اوليلة لينا مش هتنسيها ابداااا. 

چنا اتنهدت: انا متأكدة 

مروان : بحبك. 

چنا : بحبك. 

مشي مروان وراح لريما . ولما وصل لقاها لابسة روب دهبي رقيق وشكلها اكنها هي اللي عروسة . ومحضرة عشاء وشموع. ومشغلة ميوزك هادي ورومانتك. بصلها بدهشة. 

مروان:عارفة اخر مرة عملتي فيها كدة كانت امتي! 

ريما ابتسمت وقربت منه وحضنته واخدته يرقص معاها: ارجوك بلاش كلام في اللي فات. انا الليلة عايزاك ليا ومعايا وبس. عايزة احس انك في حضني. 

مروان غمض عنيه واتنهد: ليه فوقتي متأخر كدة! 

ريما بصتله بأسف: لسة فيه وقت . چنا مش هتفضل مراتك العمر كله. هي لما تحمل هتطلقها مش كدة. انتي هترجعلي مش هتبعد. 

مروان اتنهد بتعب: مش قولتي بلاش نتكلم في حاجة. يبقي استمتعي بليتك وبلاش اسئلة. 

ريما غمضت عنيها ورقصت في حضنه . وهي بتتمني النهار مايظهرش ولا يروح لچنا ويسبها. 

......................................

طلع النهار ومروان راح لچنا واخدها وسافر تايلاند يقضي معها اول ايامهم سوا. وحمزة وفتون سافروا مراسي علشان حفلتهم. 

وجه يوم فرح شهاب &تمارا. مهاب&چوري. شيري&مؤمن. 

في قاعة اوتيل شيك جداااا 

كان العرسان الثلاثة واقفين وسط الزفة ومستنين عرايسهم وهما نازلين من فوق وكل واحدة ايديها في ايد باباها. بس مهاب كان في ايده بناته الاتنين . 

والد شيري سلمها لمؤمن بسعادة ودموع :خالي بالك منها يا مؤمن ماليش غيرها. 

مؤمن اخدها منه وضم ايديها وباسها بحب ورقة وابتسم وهو بيبص في عنيها: اوعدك احبها واسعدها العمر كله. دي سمارتي روح قلبي. 

شيري بسعادة: مبروك حبيبي . 

مؤمن بفرحة: مبروك عليا انتي يا سمارة. اجمل واحلي عروسة شافتها عنيا. 

مهاب سلم چودي لمهاب الصغير وابتسم بحزن مهما كان فرحان مش سهل عليهةيسلم بناته الاتنين في يوم واحد ويبعدوا عنه. 

اللواء مهاب:خد بالك منها يا واد انت . واوعي تاكلها . انا عارف انت محروم والبت مش هتتحملك . 

مهاب حضن جودي بقوة وسعادة : انت بتقول فيها دي مش هيفضل منها حاجة هفصصها للصبح.

چودي ابتسمت وحضنته: اخيرا حبيبي اتجوزنا . 

مهاب : اااااه. دانا هكسر الدنيا الليلة مبروح يا احلي چودي في الدنيا. بس بقولك ايه. عايزك الليلة اسم علي مسمي. عايزك جبل علشان انا الليلة هعوض حرمان سنين . 

اللواءمهاب: ولا براحة علي البت مش قدك . اهدي كدة بدل نا اخدها في ايدي. 

مهاب مسك ايد چودي بقوة: تاخد مين ده انا ماصدقت تقولي اخدها. انسي يا باشا. 

اللواء مهاب ابتسم لفرحتهم واخد تمارا وراح لشهاب. وبصله بقوة : عارف انا بديك ايه الليلة . دي روحي ونور عيني. حافظ عليها سواء برضاك او غصب عنك. علشان مافيش قصادك حل تاني. 

شهاب كان في قمة حزنه . اليوم اللي اتمني انه يجي من اول ماقلبه دقلها . جه بس لما جه كان قاسي اوي ومؤلم. بص في عنين تمارا بحزن وبلع ريقه بمرار. 

شهاب: ماتقلقش . دي في عنيا . 

مهاب سلمه ايد تمارا وشهاب مسك ايديها وغصب عنه ضمها بقوة. كأنه ماصدق بقت مراته وامتلكها . لاحظة داب جواه شعور الانتقام وقلبه دق بفرحة انه شايفها بالفستان الابيض. ياااااه قد ايه جميلة وعيونها تسكر. بس شاف في عنيها حزن كبيير. مش دي نظرة التحدي والعناد اللي كان متخيل يلاقيها بتستقبله بيها. 

شهاب بصلها بحب غلب علي نظرته:مبروك . 

تمارا كانت بتبص في عنيه وهي جواها اعجاب لا ارادي بوسامته في بدلة فرحهم . قد ايه وسيم وملامحة جميلة. وشافت في عيون كتيير اعجابهم بيه وبرجولته اللي طاغية علي وسامته. واقف اكنه اسد منتظرها علشان تكون الملكة بتاعته.. اتمنت انها تتعلق في حضنه وتضمه بكل حبها ليه . وهي سعيدة بإنها بقت مراته. قد ايه استنت اليوم ده. قد ايه اتمنته. في وعيها وفي احلامها. لاحظة هي كمان نسيت جرحها منه واتمنت انه مايسبش ايديها ابداااا. لا كمان ياريته يضمها لحضنه حتي لو غصب عنها. 

الكل كان شايف نظراتهم لبعض اللي كلها احاسيس ماحدش فاهمهة ولا حاسس بيها. هما مبتسمين لشكلهم الرومانسي. اللي يوحي ان دول اتنين دايبين في بعض. واكنهم مش مصدقين اللحظة دي. 

تمارا وهي باصة في عنيه ومش شايفة جبروته المعهد ولا انتقامه منها . شايفة حنين وحزن دمعت غصب عنها بس قدرت ماتنزلش دموعها: مبروك عليك انت. 

همس قربت من شهاب ووشوشته: احضنها. علشان الناس. 

شهاب اكنه لقي اللي يشجعه علي الخطوة دي . ضمها لحضنه بقوة وهو بيتمني يرجع الوقت ومايعرفش حاجة ولا يحصل اللي حصل. تمارا بصت لمهاب اللي بيصلهم بإهتمام ومش عايزة تلفت نظره لحاجة. ضمت شهاب بقوة وهي كمان بتتحجج بننفس حجته ابوها والناس.. 

خلصت الحلقة واشوفكم الحلقة اللي جاية ونكمل الفرح واللي بعد الفرح بعد 👇👇👇👇

#اضافة_ومتابعة_لصفحتى_الشخصية

#مهمة___حب

#سلسلة_عشق_الرجال الجزء الثاني من رحم للإيجار

#الحلقة_السادسة_والثلاثون

شهاب وتمارا كانوا متعلقين ببعض بقوة واحتياج وشوف رهيييب. شهاب مغمض عنيه مش هاين عليه يبعدها عن حضنه . هو مش عارف امتي هتيجي الفرصة علشان يقدر يحضنها بالشكل ده من غير مايجرح كرمته. 

تمارا كانت بتقاوم دموعها بقوة فوق طاقتها. علشان خلاص كانت بتنهاار وتصرخ وتقوله انا حبيتك يا غبي حبيتك ماكنش تمثيل . بس هي كمان كرامتها وكبريئها منعها تعمل كدة. 

بس الكل كان باصص عليهم بدهشة ومش متخيلين انهم بيحبوا بعض اوي كدة. مهاب وچودي .  ومؤمن وشيري. كانت واضحة عليهم السعادة . لكن  شهاب وتمارا شئ مختلف الكل كان شايف انتين بيخبوا بعض في حضن بعض. 

رعد قرب من همس وبهدوء: خاليكي واثقة انه ابن رعد. هيربيها ويخليها تتمني يلمسها. وغمزها بغرور. 

همس بصتله بأمل ورجعت بصت عليهم تاني وابتسمت: عندك حق. ماهو وارث چيناتك . بس تفتكر هي هتحبه زي ماهو مجنون بيها كدة! 

رعد حاوطها من خصرها بتملك وابتسم : هي اصلا واقعة فيه . بس هو غضبه مش مخليه يلمح حبها. هي غلطت وده مش سهل . بس اللي انا متأكد منه من اول مرة شوفتها في المستشفي معاه من قبل حتي مايسافروا ولا يحبوا بعض وانا كنت حاسس انها حبته. وقولتلك وقتها. 

همس اتنهدت بأمل: عندك حق. دول مش عايزين يسيبوا بعض ابدااا. شايف هو ضاممها ازي ! 

رعد غمزها: وشايفة هي متعلقة فيه ازاي! خاليكي بعيد عنهم وماتتدخليش. شهاب غير فادي. انا متأكد ان ذكاء شهاب هيخليه يحس بحبها بس لما الثورة اللي جواه تهدي. 

مؤمن غمز مهاب الصغير والاثنين صفروا بصوت عالي .  وكل الناس صقفت بقوة . شهاب كأنه غاب عنهم ومباقاش حاسس بيهم . كل اللي كان حاسس بيه هي ودفئ حضنها وبس . بس اتعصب من نفسه ولامها بقوة انها خالته يبان ضعيف بالشكل ده. وحال تمارا مافرقش عنه كتيير. واخيراااا بعد عنها وبص في عنيها بعتاب. بيقولها ليه ضيعتي علينا اليوم ده. بكدبك وخداعك. 

نغم وشوشت مهاب: شايف اللي انت مش طايقه. كان هيكسر ضلوعها من حضنه. ده بيعشقها. 

مهاب كان بيبصلهم بإهتمام: تعرفي ان دي اول مرة احس فعلا ان شهاب بيحب تمارا. ده ماكنش حضن ده كان امتلاك. 

نغم بدموع السعادة: ماشاء الله هي واختها حاجة تفرح . ربنا يحفظهم من العين . خايفة عليهم يتحسدوا. دول اميرات الليلة وعرسانهم تبارك الله يخطفوا العين. 

مهاب رفع حاجبه بسخرية: طيب بناتي ومعاكي يتحسدوا. انما جوز الثيران دول علي ايه مش فاهم. دول خسارة فيهم بناتي يكش بس هو النصيب . 

نغم ضحكت من قلبها:ههههههههه. ماشوفتش واحد بيغير علي بناته زيك. ارحمهم بقي اهم خلاص خلصوا منك وراحوا لازوجهم . 

مهاب اتنهد وبص لبناته بحنين وافتكر ذكرياته معاهم من يوم ولادتهم. لحد ماكبروا قصاد عنيه وبقوا كل واحدة فيهم انثي مافيش اجمل منها . وخصوصا الليلة وهو شايفهم بفساتنهم البيضاء وجمالهم .

مهاب ابتسم بحب: شايفة حلوين ازاي . يارب يقدروا يسعدوهم . 

كل واحد اخد عروسته وقعد في مكانه . وبدأ الفرح . لكن بعييد كانت مايا واقفة بتبص علي شهاب وعيونها كلها دموع وحسرة. بصت علي تمارا واتمنت انها كانت هي اللي تكون جنبه بالفستان الابيض. 

عدي قرب منها وطبطب عليها بحنان وحزن : ليه جيتي مش قولتلك بلاش. 

مايا بتمسح دموعها بوجع: كنت لازم اشوفه وهو عريس . يعني لا اكون انا العروسة ولا حتي املي عنيا منه. 

عدي اتنهد: بدعيلك تنسيه ويخرج من قلبك وحياتك . 

تمارا كانت لسة متأثرة باللي عاشته معاه من لحظات . من وجودها في حضنه. وسارحانة. 

شهاب جواه حرب احاسيس ومشاعر . مابين فرحة امتلاكها حتي لو مش بتحبه. كفاية انها بقت ليه مش لراجل غيره. ومابين لومها علي انها كدبت وخدعت وضيعت عليه فرحة وسعادة اليوم ده. 

شهاب بصلها ببرود:مالك مكتومة ليه . ايه صدقتي انك عروسة بجد. فوقي ده انتي مستنيكي ليلة مش هتنسيها في عمرك . 

تمارا كلامه فوقها من تخيلاتها واتماسكت وردت عليه بقوة اكبر : ليلة سوداء علي دماغك ان شاء الله. كاتك قصف عمرك. 

شهاب بيجز علي سنانه بغيظ:ارزعك بوكس دلوقتي اشلفتك قصاد الناس. قولنا لمي الحيا اللي طلقاها علينا دي ده مش لسان ده سم . 

تمارا بغيظ: جاتك حيا لما تسمك وتريحني منك. مين دي اللي حيا. اتلم يا ابن رعد وخالي ليلتك تعدي احسن اخليه فرح منيل عليك وعلي الكل . 

شهاب بغضب: ماله ابن رعد يا بنت مهاب ما تالمي كدة وتعرفي حجمك ايه. وانا اللي لو ما كتمتيش نفسك ده هطربق الفرح علي دماغك . 

همس قربت منهم وابتسمت: الف الف  مبروك يا ولاد. ربنا يسعدكم. 

تمارا بتتأفف: اوففففف. 

شهاب ضربها بإيده في كتفها وبصوت واطي و بعصبية: ردي علي امي بادب الا همس . دي بعيلتك كلها فاهمة. 

تمارا بغيظ: عليك وعلي عيلتك اللي فلقتنا بيها.ده مرار. اصلا لولا اني بحب الست دي علشان طيبة. كنت سيبتك تخبط راسك في اكبر حيطة.مع اني مش عارفة ازاي الست دي خلفت واحد زيك. 

همس حاسة ملامحهم عنيفة بس صوتهم واطي والميوزك عالي قلقت : مالكم يا ولاد بس ماكنتم كويسين ايه اللي حصل. 

تمارا بصت لشهاب بغل وبعدين بصت لهمس:مافيش يا طنط. ابنك بس مش مصدق نفسه من فرحته انه اتجوزني. 

شهاب بسخرية: ااه اوي الصراحة. حتي نفسي اقتلك واشوف دمك بيجري قصادي  علشان اصدق اني اتهببت واتجوزتك. 

همس بتكتم ضحكها واتأكدت من كلام رعد انهم فعلا بيحبوا بعض بس العناد هو سيد الموقف بينهم لحد دلوقتي . 

همس : احمممم.لا بلاش دم الليلة حلوة وبلاش تقلب بغم. انبسطوا علي قد ما تقدروا لان الليلة دي عمركم ما هتعوضوها. دي ليلة العمر يا حبايبي . عارفين. انتم عشتم قبلها ايام وشهور

وياما هتعيشوا بعدها بإذن الله سنين . بس دي بالاخص مستحيل تروح من بالكم. علشان خاطري استمتعوا بكل لحظة فيها . دي هتتحفر في قلوبكم ومابين ذكرياتكم. 

شهاب وتمارا بصو لبعض في نفس اللحظة بنفس النظرة . بعد كلام همس. نظرة عتاب ولوم . 

همس ابتسمت: مبروك يا حبايبي . وهمست في ودن شهاب. صدق امك تمارا بتحبك. واضح عليها فكر كدة وشغل ذكائك.

دي كانت دايبة في حضنك. وحياتي بلاش تنكد علي نفسك الليلة افرح . وباسته من خده. مبروك يا نور عيني. 

شهاب بصلها بحب وباس ايديها:الله يبارك فيكي يا احلي همس في الدنيا. تصدقي انتي اللي عروسة الليلة يا همستي. ايه الجمال ده بس. يابخته رعد باشا. 

رعد قرب منهم بغيرة: ما تتلم بقي وخاليك في عروستك . وسيب ايد همستي. انت عايز تتجوز بعاهة الليلة ولا ايه! 

همس وتمارا ضحكوا. 

تمارا :والله تبقي عملت خير يا اونكل . هو ابن حلال ويستاهل . 

همس بعتاب: ليه كدة بس يا تيمو ! ده شيبو حبيبك!  يهون عليكي! ولو هان عليكي انتي يا ستي . مايهونش ابداااا علي همسته . بقولك ايه يارعد باشا

الا الليلة دي ليلة فرح قلب همس من جوا. ده الا شيبو اخر العنقود. 

شهاب ابتسم : ااااااه يا همستي لو ماكنتيش امي. اقسم بالله كنت اتجوزتك. 

رعد بغيظ شد همس بعيد عنه : انت تحمد ربنا اني هسيبك تتجوز من غير ما اسيح دمك. انت يا متخلف بتعاكس امك. ده انت عايز تتربي من اول وجديد. وانتي يا همس هانم لما هو قلب همس انا ايه مش فاهم! 

همس بتكتم ضحكتها هي وشهاب. 

همس: احممم. انت الملك انت قلبي وروحي . هو عندي اغلي منك.

شهاب: مش قولتلك بيغير مني علشان انا احلي منه. انا عارف. 

همس :ههههههههه. لا بقي يا شيبو مافيش احلي من رودي حبيبي. 

تمارا بدهشة: نعم . مين رودي ده! 

رعد اتعصب :عجبك كدة ماقولنا بلاش فضايح. انتي شكلك عايزة تكملي الفرح فوق في الجناح من بدري كدة. 

شهاب: ههههههه. مابتضيعش وقت يا رعد باشا انت . 

رعد غمزه بثقة: طبعاااا. ركز مع الملك واتعلم يا غشيم. ثم بمناسبة بقي انك احلي مني. احنا ممكن نشهد جميلات الفرح وشوف مين يكسب. 

همس بغيرة: نننعم . تشهد مين ! لا بقي انت مركز اهو مع الستات والبنات الحلوة . واخدت بالك انهم حلوين . مش دايما تقول مابشوفش غيرك يا همستي. ايه نظرك بخير ليه الليلة. 

رعد : ههههههههه. ايه مالك . مش ابنك اللي بيتحداني . بلاش ياستي جميلات الفرح 

نشهد العروسة . وبص لتمارا وغمزها . مين احلي يا تمارا انا ولا جوزك؟! 

تمارا ابتسمت: بصراحة يا اونكل انت موززز السنين. شهاب ايه بس وبتاع ايه.  يعني لو ماكنتش حمايا وكدة بقي كنت دوست معاك واللي شبكنا يخلصنا وحركات وتكات . 

رعد ضحك : هههههههههه. انتي مصيبة علي فكرة شكلنا هنبقي اصحاب. 

همس بصت لرعد بغيرة ومسكت ايده: بقولك ايه تعالي بقي يا بتاع الشبك انت عايزاك. 

مشي رعد مع همس وهو بيغمز تمارا: هنشوف موضوع الشبك ده بعدين يا تمارا ماشي. 

تمارا ضحكت واستغربت انها حبت رعد وهمس بسرعة كدة . يمكن علشان شايفة حبهم اللي لسة ما اتغيرش بفعل السنين. ولسة قوي ومتماسك زي حب ابوها وامها. 

 شهاب هينغجر من الغيرة. للتفاهم السريع بينها وبين رعد. خصوصا ان ابوه مش بسهولة ياخد علي حد ويهزر معاه كدة. حتي قدرت تخلي رعد الحديدي يكون هين لين معاها كدة . 

شهاب بعصبية: انتي  عجبك ابويا كمان! وسايقة الاستهبال.  بقولك ايه ظرفك  وخفة دمك دي ما تتكررش انا ماليش خلق ولا هيهمني ابويا ولا الجن الازرق. هظبطك. فاهمة . 

تمارا ابتسمت ببرود عصبه اكتر: لا. مش فاهمة. واعلي ما في خيلك اركبه يا سيادة المقدم. انا هعمل اللي انا عايزاه واللي علي هوايا. وانت مافيش بيني وبينك غير شكل قصاد الناس وبس. لكن تصرفاتي وكلامي دول بتوعي انا . يارب انت اللي تفهم. وياريت بقي نظام البوس والاحضان اللي انت بتستهبل فيهم دول . تخفه علشان ما ازعلكش. 

قبل ما شهاب يرد لقي اصحابهم وزماياهم جاين يباركوا ليهم . ومع كل واحد يسلم عليها ويمسك ايديها كان قلبه وجسمه بيغلي وعايز يكسر ايديهم وايديها . لحد ما كملت باللي خلاه يشتعل ناار. وجود يعقوب  قرب وسلم عليها . 

يعقوب مبتسم بحزن : مبروك يا تمارا. 

تمارا اخدت بالها ان شهاب بيبص ليهم بغضب. هي مش عارفة تفسر غيرته دي بإيه. الاول كان تمثيل طيب دلوقتي ده ايه. هل لمجرد شكله قصاد الناس وبس ولا في حاجة تانية! بس ابتسمت بينها وبين نفسها بخبث. ومادمت حاجة هتعصبه وتغضبه يبقي تمام . 

وسلمت وضغطت علي ايد يعقوب. وابتسمتله برقة: الله يبارك فيك يا يعقوب . كنت هزعل بجد لو ما جتش النهاردة. انت ما تعرفش انا فرحت ازاي لما شوفتك. انت غالي اوي عندي

يعقوب حزن ملامحه اختفي في ثانية وابتسم بسعادة: حقيقي انتي كمان غاليه عندي اوي يا تمارا. 

شهاب كان خلاص جاب اخره منهم ومسك ايد يعقوب وضغط عليها بقوة لدرجة ان يعقوب بإيده وبنيته القوية اتألم من ضغط شهاب. 

شهاب بغيرة بيجز علي سنانه بقوة: انت كمان غالي عندي اوي يا يعقوب. مش عارف اقولك ازاي. بس قريب هعرفك. الله يبارك فيك. عن اذنك في ناس جاية تبارك . 

يعقوب شد ايده من شهاب بغيظ وبيداري الم ايده:احممم.مبروك يا شهاب عن اذنكم 

مشي يعقوب وشهاب بهدوء مد ايده وقرص تمارا من ايديها بقوة وغيرة. 

شهاب بيحاول ماحدش ياخد باله منه وبغيظ: تاني مرة ايدك تطول في السلام مع اي راجل هقطعها . اقولك علي حاجة  ماتسلميش اصلا علي حد. قوليلهم جوزي منعني اسلم علي رجالة فاهمة يا بومة. 

تمارا بتتألم وبتداري المها علشان الناس:اي ... اي .... يارب تتقطع ايدك. ومسكت دراعها مكان قرصة ايده بألم. ثم انت مالك اسلم ولا لا انا حرة انت صدقت انك جوزي ولا ايه ! ماتفوق كدة وارجع لعقلك. 

شهاب بعصبية:انا جوزك غصب عنك وعن اي حد. ولو شوفتك يا تمارا بتتكلمي مع البأف ده تاني اللي اسمه يعقوب . قسما بربي لاارزعك علقة تتوبك انتي حرة بقي انا خلاص نبهت عليكي . هخلي وشك ده مش باينله ملامح من الضرب. 

تمارا كانت من جواها مش عارفة تفرح ولا لا . تفرح بغيرته الواضحة علي تصرفاته وكلامه ده واللي بيديها أمل ان شهاب ممكن يكون حبها غصب عنه وهو بينتقم منها.ولا دي كلها اوهام. وهو بس بيغضب لمجرد انها بقت مراته .

مهاب ضامم ايد چودي وبيبوسها برقة وسعادة ماتتوصفش: ياااااه اخيرا بقيتي مراتي ابوسك بقي اكلك ماحدش يفتح بقوه. يالهههوي يا جدعان. الا قوليلي هو احنا بقالنا قد ايه متعاقبين وقاطعين العلاقات من يوم ما ابوكي شافنا في الحفلة. 

چودي ضحكت: هههههههه.  كتييير من شههور. بس خلاص بقي الحظر اتفك. 

مهاب عض علي شفايفه بشوق:ايوة بقي حياة ابوكي الليلة انا عايز كله مفكوك ماشوفش حاجة مربوطة. دي الليلة ليلة لقاء السحاب . 

چودي بخجل: هوبا وحياتي بلاش كلامك ده بجد بدأت اخاف منك. 

مهاب قرب منها اكتر وبحنان: لا لا تخافي ايه. انا عايزك ريلاكس الليلة مش عايز خوف ولا توتر. وانتي عارفة انا اااه همووت عليكي وعايز الفرح ده يتقلب في نصايا. بس كمان حياتي انا بحبك. وعمري ما اخوفك ابدااا. اوعدك اكون ارق من النسيم بس انتي تسبيلي نفسك خااااالص. 

چودي اتنهدت:ااااه بحبك اوي يا هوبا. 

مهاب خبط راسه بإيده مابقاش متحمل: ااااه 

كفاية ربنا يخليكي انا علي اخري . بقولك ايه ما تيجي نزوع من الفرح ده انا صدعت. 

چودي ضحكت بصوت عالي: ههههههههههه. هو ده اللي مش هتخوفني ده انت فضلك دقيقة وتنفجر. لا يا حبيبي انا عايزة استمتع بفرحي لاخر دقيقة. 

مهاب ابتسم: وماله يا جبل نصبر. واهو كله متشالك. وهتاخدي نصيبك كامل ما تقلقيش. 

مؤمن باصص في عيون شيري بشوق وسارحان. 

شيري برقة:حبيبي هيفضل باصصلي كدة كتيير . الناس بدأت تاخد بالها. 

مؤمن ابتسم : ماياخدوا وانا بيهمني. شيري انا بجد مش مصدق انك بقيتي مراتي. هو ده حقيقي ولا حلم! 

شيري حضنت ايده بنعومة: طبعاااا حقيقة . انا اللي مش مصدقة انك بقيت جوزي بالسرعة دي. 

مؤمن بحنين لامه: تعرفي اكتر وقت اتمنيت ان ماما فاطمة تكون عايشة هو النهاردة علشان تفرح ليا من قلبها. كانت نفسها اوي تشوفني عريس وتشوف مراتي وولادي. الله يرحمها. 

شيري بحنان ضمت ايده اكتر: وانا حبيبي من الليلة بقيت مراتك وحبيبتك واختك وامك . اوعدك اعوضك عن وحدتك السنين دي كلها . 

مؤمن ابتسم براحة لان ربنا عوضه فعلا بشيري انسانة جميلة وقلبها اجمل وابتسم وباس ايديها:طبعااا انتي كل دول بالنسبة ليا من يوم ما حبيتك. مش لسة من الليلة . 

وغمزها بوقاحة. ثم ان الليلة دي بالذات ماينفعش تكوني غير مراتي وحبيبتي وبس. 

شيري ابتسمت بخجل: انت مافيش فايدة منك . انا غلطانة كنت فكراك حزين بجد. 

مؤمن ضحك: ههههههههه. انا اه افتكرت ماما وزعلت . بس يا سمرائي الحي ابقي من الميت. ثم ان الليلة مش اي ليلة . الليلة هكتب اسمي علي كل حتة فيكي علشان الليلة دي ماتروحش من بالك ابدااااا. 

شيري قلبها بيدق بخجل وخوف: احممم. انت شكلك كدة مش ناوي علي خير . لا ااانا هروح مع بابي. 

مؤمن ضحك من قلبه: يادي الفضيحة عايزة تروحي مع ابوكي ليه. عايزة الناس تقول عليا ايه سوسن . عيب في حقي كدة . 

شيري ابتسمت: طيب.كفاية بقي كلامك ده. في حد جاي يسلم علينا تعرفها دي . 

مؤمن بيلف يشوف مين ابتسامته راحت وملامحه اتعصبت لما لاقاها ابتسام امه. 

ابتسام قربت منهم بفرحة ودموع وندم ومزلة ماتتوصفش . اخييرااا فاقت بس لاسف  بعد سنيين جفاء. حرمت نفسها من وجود ابنها قصاد عنيها. وتفرح بيه وهو عريس . هي عارفة انه مش متقبلها في حياته. بس ماقدرتش تعرف ان الليلة فرحه وماتحضرهوش. 

ابتسام قربت من مؤمن بندم ومدت ايديها : مم ممبروك يا ابني . 

مؤمن كان بيبصلها ببغض وكره شديد . مش قادر حتي يلمس ايديها فضل باصص لايديها وبيصلها متردد. شيري فهمت انها تبقي ابتسام امه . مسكت ايديها هي علشان ما تحرجهاش اكتر من كدة . 

شيري بإبتسامة : الله يبارك في حضرتك. 

ابتسام بصتلها وابتسمت من بين دموعها : انتي عروسته. انتي جميلة اوي ربنا يسعدكم. ااانتي اكيد مش عارفاني . ااانا اانا ابقي .. 

مؤمن رد بسرعة بجمود : دي تبقي ابتسام يا شيري. اللي حكتلك عنها. 

ابتسام غمضت عنيها بوجع وندم علي كل اللي عملته. حرمت نفسها من كلمة ماما اللي الف غيرها بتتمناها. رمت ابنها لزوجة زوجها تربيه واللي كانت احن عليها منها هي . حرمت نفسها من انها تسمعها منه وهي في اعز واقوي احتياجها ليه . بصت لشيري وبصت في الارض بإنكسار. 

شيري قلبها رق ليها: اهلا بحضرتك يا طنط . انا بجد سعيدة اني اتعرفت عليكي . 

ابتسام اتنهدت بحزن وبصت لمؤمن اللي مش طايق حتي يبص في عنيها . ومسحت دموعها وقربت من شيري وطلعت علبة فيها خاتم شيك جدااا. 

ابتسام: اتفضلي يا حبيبتي دي هديتك . لو كنت عرفت من فترة اكبر كنت جبتلك حاجة احسن . بس انا عرفت من ساعات بس والله . 

مؤمن مسك ايد شيري قبل ما تاخد منها حاجة وبحزم: تقدري تحتفظي بهديتك . متشكر مش محتاجنها . 

ابتسام بكت اكتر . بس هتلوم مين غير نفسها . هي اللي زرعت الزرعة دي واديها بتحصد شوكها ومرارها .رجعت ايديها بخزي . 

ابتسام : عندك حق انا ما استاهلش اني اكون هنا ولا حتي افرح بيك واهادي مراتك زي اي ام. لاني اساسا ما استحقش اكون ام. عن اذنكم واسفة اني جيت ضايقتكم وضيعت فرحتكم . ولفت علشان تمشي. 

 شيري قلبها مش متحمل الحزن والانكسار اللي شايفة فيه ابتسام. خصوصا انها حاست انها ندمانة وواضح عليها.شدت ايديها من مؤمن وبصتله بعتاب. وقامت ولحقت ابتسام قبل ما تبعد بخطوات قليلة ولفتها وبصتلها بحنان واخدت منها العلبة وابتسمت. 

شيري: متشكرة ليكي اوي . بجد زوقك جميل ورقيق. وسعيدة بوجودك الليلة . 

ابتسام دمعت وحضنتها : ربنا يجبرك ويريح قلبك زي ما جبرتي كسرتي وريحتيني. ااانا طبعااا مش محتاجة اوصيكي علي مؤمن. واضح انك بتحبيه وكمان واضح حنانك ورقتك . ربنا يسعدكم وتتهنوا يارب. عن اذنك حبيبتي . وبصت لمؤمن لاخر مرة ومشيت. 

شيري رجعت وقعدت جنب مؤمن. 

مؤمن بوجع: ليه اختيها منها! ليه كنتي حنينة معاها بالشكل ده رغم اللي حكتهولك عنها! ؟

شيري ابتسمت ومسكت ايده : علشان ندمها ظاهر في عنيها وكسرتها واضحة اوي. شكلها صعب عليا. بذمتك ماصعبتش عليك! 

مؤمن بلع ريقه بمرار. وبقوة: لا ماصعبتش عليا. 

فادي قاعد مع حلا وبيميل عليها ويوشوشها بغيرة وعصبية: اموت واعرف انا ازاي اتهبلت ووافقت تحضري الفرح بالفستان ده. لا وكمان احمر . يا ليلة زرقاء يا جدعان. 

حلا بتكتم ضحكتها : الله بقي فكها يا روحي . طيب بذمتك مش مخليني جميلة ده مصغرني يجي 10 سنين. 

فادي بيعض علي شفايفه بغيظ: طيب ما تكتمي بوقك علشان انا اصلا مولع  خلقة. مش محتاجة تسخنيني. هتيجي علي دماغك في الاخر . 

حلا حضنت دراعه بتملك وابتسمت: طيب عيني في عينك كدة. قولي شكله عليا حلو ولا لا. 

فادي اتنهد بغيرة وحاوطها بإيده بقوة وبصلها بإعجاب بيمزق قلبه من الغيرة : حلوة بس. قولي فاتنة. بجد. مش طايق نظرات الناس ليكي . علشان خاطري يا حلا بلاش احمر تاني بجد مفور دمي . شكلك مثيير اوي وانا بغلي . انا بس ماحبتش ازعلك علشان ما ترجعيش تقولي انت زي ما انت ومش بتتغير ومش بتتنيل. 

حلا بصتله بحب وشفقة حقيقية لان غيرته كمان حقيقية مش مصتنعة . وبتأنيب لنفسها: اسفة حبيبي والله ماكنت اعرف انك هتكون متضايق للدرجة دي. تحب نروح. 

فادي ابتسم وملس علي خدها بنعومة: لا يا حياتي مش للدرجة دي. بس غصب عني عايز اخبيكي جوايا ماحدش يشوف جمالك  واثارتك دي غيري. وملس علي بطنها . وانت يا عم ما تكبر بقي شوية وكبرلي بطنها عايز اللي يشوفها يعرف انها ملكية خاصة وما يبصلهاش. انت بتحليها زيادة ليه حرام عليك. 

حلا بسعادة:ههههههههه. تعرف كمان ماما همس بتقولي اني حامل في بنت . لاني جميلة بزيادة. وواضح ان هرمونات الانوثة عالية اوي وعلشان كدة محلياني .

#يتبع_

#مهمة______حب

(((سلسلة عشق الرجال الجزء الثاني من رحم للايجار)))

#الحلقة ال 38_39____42

انتهت الليلة بفرحها ووجعها وبكاها وضحكها . انتهت بدموع قلوب وسعادة قلوب. بس في النهاية هي ليلة اتحفرت في كل القلوب بكل مافيها من حب ووجع. وعذاب وهنا. 

في الصباح سافر مؤمن &شيري .مهاب &چودي . علي تركيا علشان يقضوا شهر العسل بس تمارا رفضت تسافر مع شهاب. مش شايفة انها هتستمتع بشهر العسل بوضعهم ده. وشهاب ما الحش  عليها لانه اللي يهمه انها تفضل هادية من غير انفعال. وعايز يحافظ علي الهدنة اللي هو فرضها اجباري عليها. لحد ما يقدر يعرف كل المستخبي. 

بس قرر انهم يسافروا اوتيل رعد ابوه في مراسي. خصوصا انه موسم صيف وحفلات واهي تغير جو ويمكن يقربوا من بعض وتفتحله قلبها. وأنس كمان سافر معاهم هناك. 

......................................

في مستشفي رعد الحديدي. 

رعد اخد همس وعملها كشف كامل وتحاليل واشعاات وكل شئ يطمنه عليها. 

همس بتلبس هدومها وكالعادة رعد بنفسه بيساعدها ورفض اي حد من الممرضات يكون معاها ابدااا. هو متعته يعملها كل شئ بنفسه زي زمان ومن سنين لانه بيحسها بنته مش بس مراته. 

همس بتبصله بحب وتتنهد. هي جواها احساس وشعور من شهور بالوجع والتعب. بس كانت بتتعمد تخفي آلامها قصاده . للرعب اللي بيدب في قلبه ويغطي عيونه من الخوف عليها. 

همس ابتسمت: حبيبي ليه بيتعب نفسه ما البنات كانت هنا هيساعدوني اقعد انت ارتاح. 

رعد ابتسم وكملها لبسها بهدوء وفي النهاية بص في عنيها بحنان: من امتي همسة قلبي بتنكشف علي حد غيري. وانا موجود. وبغيرة مجنونة . اقسم بالله انا بلعن نفسي اني ما اتعلمتش الطب بعد ما عرفتك.علشان ما اخليش  اي راجل مهما كان دكتور بقي اي زفت يكشف عليكي ولا يلمسك بس. يارتني كنت دكتور كنت عالجتك يا ملكة قلبي. 

همس بدموع السعادة : تعرف انا لو موت دلوقتي هكون مرتاحة وراضية وحمدا ربنا علي حياتي . انت عيشتني الدنيا بكل راحة واستمتاع. عيشت معاك اللي ماحدش عاشه وشفت معاك اللي ماحدش شافه. وكمان ولادي كلهم اتجوزوا وخصوصا اللي كان واجع قلبي شهاب . الحمد لله اتطمنت عليه . خلاص مش عايزة حاجة من الدنيا. 

رعد اول مرة كلمة الموت توجعه بالشكل ده. دايما بتضايقه بس المرة دي قلبه اتوجع بجد. قرب منها وضم وشها بحنان ملك مايلقش غير بيه هو وبس . رعد الحديدي. 

رعد بلوم حقيقي وعتاب: انا كام مرة قولتلك بلاش سيرة الموت دي تاني. انتي عارفة اني بكره المرض اللي ممكن يألمك ويوجعك. يبقي ازاي هتحمل الموت واني اتحرم منك. انتي ليه بتوجعيني!!... ليه مش قادرة تعرفي وتصدقي اني والله قلبي بجد. بيوجعني بحس بنغز في قلبي لما بسمع سيرة الموت منك. همس انا من غيرك اضيع اقسملك مش هقدر اكمل.  

همس ما اتحملتش وبكت بخوف عليه . هي فعلا لو جرالها حاجة رعد هينكسر. 

همس بدموع : عارف انا عندي رضي بقضاء ربنا ايا ماكان.وعمري ما هطلب من ربنا اني ماموتش. لا. ده قضاء ويوم محسوب عند ربنا من قبل مااتولد. بس انا لو بتمني من ربنا شئ فأنا بتمني وبدعي انك ما تنكسرش. لاني عارفة ان كسرتك في فقداني. وانا برغم وقتها اني مش هكون معاك بس قلبي واجعني عليك من دلوقتي. 

رعد بعصبية : انا عايز افهم انتي ليه بتقولي الكلام ده دلوقتي لييه! انتي تعرفي حاجة عن حالتك ومخبية عليا. 

همس : لا والله. انا بس بقولك اللي جوايا. اااانا يمكن حاسة بس اني فيا حاجة بس اديك اهو صممت تيجبني هنا وتعرف كل حاجة. 

رعد حضنها بحيرة وخوف هو كمان قلبه مش مرتاح حاسس انها فيها حاجة مش مجرد تعب عابر: لازم تفهمي حاجة مهمة يوم ما يجي الموت وعمرك يخلص هيكون يومي انا كمان . وده مش بمزاجي ولا بمزاجه. انا وقدرك لازم حد فينا ينتصر يا يسيبك ليا يا يخدني معاكي. لكن اعيش من غيرك مستحيل. قلبي مش هيتحمل بعدك . بس كل اللي بطلبه منك. انك تكوني قوية علشاني انا علشان حبيبك رعد. 

الباب خبط وهمس بعدت عن رعد . رعد اتنهد وباسها من جبينها واذن للدخول. دخل الدكتور وده يبقي مدير المستشفي . 

دكتور نصار متوتر: مساء الخير يا رعد  باشا. 

رعد بحزم : مساء النور. خير في اي نتائج! 

نصار متردد : احممم. الحقيقة لسة في بعض التحاليل والاشعة ظهرت والباقي طبعااا هياخد وقت. 

رعد شاف شكله وتردده وعنيه اللي بتتهرب منه وخايفة تقوله اللي هو جاي يقوله وخايف: مسك ايد همس وباسها برقة وابتسم. حياتي انا دقيقة وراجع ارتاحي شوية وانا مش هتأخر. فرصة اني هنا هتمم علي شوية حاجات في شغل المستشفي. 

همس فهماه من نظرة .. من كلمة... هي كمان شافت شكل الدكتور وفهمت ان رعد عايز يتكلم معاه بعيد عنها. 

همس ابتسمت بتفهم: اتفضل حبيبي انا متظراك هنا. 

خرج رعد مع نصار وراحوا مكتب رعد ومعاهم 3 دكاترة تانين . واتكلموا مع رعد. 

رعد كان بيسمعهم وهو بيحبس دموعه ... بيحبس غضبه ... بيحس آلمه. لا مستحيل  اللي بيتكلموا عنها دي مش همسته! مش ممكن تكون هي! 

كلهم بيبصوا لبعض بقلق من سكوته وشكله اللي بيغلي. واخيرا اتكلم. 

رعد بهدوء: وانتم اتأكدتم من الكلام ده! 

نصار: احممم. حضرتك دكتور فاروق ده من اكبر دكاترة الاورام . وهو لما كشف علي مدام همس عرف ان فيه ورم في الثدي . وبعد الاشعة اللي اتعملت كل الشكوك هتبقي يقين. لكن بحكم خبرته اثناء الاشعة . انه خبيث مش حميد. وفي اقرب وقت لازم تعمل عملية . 

رعد قام بخطوات ثابته ناحيتهم وبغضب: انا مش هقول ان كل اللي تقدروا تعملوه لازم يحصل . لا انا هقول ان همس لازم تعيش مافيش قصادكم حل تاني . 

نصار بص لزمايله : احممم. ببس حضرتك الاعمار دي بتاعة ربنا . 

رعد بيعصر قبضة ايده بقوة : عارف . بس انا اقصد انتم اللي هيقصر في حاجة هقتله . بس الاول لازم تظهر باقي الاشعة ونتأكد. وياريت تتصل بمستشفي انجلترا وتحدد معاهم معاد واعملوا حسابكم هتسافروا معانا علشان تتابعوها هناك معاهم. انا هسافر بهمس وهرجع بيها . 

نصار: احنا اسفين يا فندم . بس المرض مالوش كبيير. 

رعد بقوة وغضب خبط المكتب وقلب كل حاجة موجودة وبغل:لو كان بني آدم كنت . قتلته 

كنت شفيت غليلي منه.  كنت عاقبته انه ازاها وآلامها. مش همس اللي تتألم كدة . مش همس اللي تعيش الوجع ده . مش همس. ليه هيا افهم لييه. 

الدكتور نصار وباقي الدكاترة معاه مش عارفين يعملوا ايه وهو بحالة الثورة والغلايان دي. هو اصلا مجرد صوته العالي راعبهم وموترهم. مع حالة الغضب دي مش عارفين يمشوا ويسبوه ولا يعملوا ايه . بس رعد كمان صعبها عليهم بسؤاله ليهم مباشرة.  

رعد انفاسه سريعة وغضبانة بيقرب منهم بعصبية: انا عايز افهم همس بتعمل هنا كشف دوري كل 6 شهور. ازاي ماحدش منكم اكتشف حاجة. ايه كان الورم مستخبي ! ؟ولا انتم ماكنتوش بتهتموا؟! 

ده يومكم ويوم كل اللي في المحروقة دي مهبب. 

كلهم الدم نشف في عروقهم مش عارفين يردوا عليه. وخصوصا وهو بالشكل ده. 

رعد اتعصب اكتر من سكاتهم . وبصوت جاهوري هز كل المكان: انا سألت سؤال مافيش حد رد . ايه اتخرستوا ليه ! ماحدش قادر ينطق لييه! اسمع اجابة. 

دكتور نصار بتردد وخوف من اهانة رعد ليه بأي شكل . خصوصا بوضعه المهني هو دكتور ليه مكانته. بس ده مهما كان رعد الحديدي اللي تقريبا مافيش رجل اعمال في مكانته وسلطته . ليه هيبة ومكانة مش لحد غيره. :

احمممم.. ارجوا من حضرتك الهدوء. السؤال ده يتسأل للدكتور فاروق نفسه . هو اكتر واحد يقدر يرد علي حضرتك. 

رعد بغيظ: وهو البيه فين مش معاكم ليه! 

نصار بخوف : اااصل . اااصله كان مضطر يمشي عنده عيادة . 

رعد قرب منه بهدوء وبتحذير: لو في خلال نص ساعة ماكنش واقف هنا قصادي . قسما بالله هروح اجيبه من قفاه من عيادته وقصاد المرضي بتوعه واخليه عبرة لمن يعتبر. هو نسي نفسه ولا ايه. ولا مش عارف انا مين وان اللي كشف عليها وجري دي تبقي مرات مين. 

نصار: حححاضر هههبلغه. 

رعد بثقة: تؤتؤ. تقصد تامره . لان لو ماجاش بسرعة يبقي هو الجاني علي نفسه. 

نصار اتصل بدكتور فاروق وبلغه غضب رعد وعصبيته وبالتحذير باللي رعد ناوي يعمله. طبعاا فاروق ماكنش لسة وصل عيادته . لف بسرعة و رجع وكان قصاد رعد في معاده . 

رعد قاعد بتأهب ليه ومنتظره بغيظ. : انت عارف انت عملت ايه! 

فاروق بيبص لنصار: حضرتك. انا كان لازم امشي عندي عيادة ومرضي منتظراني. وبلغت دكتور نصار بكل ملاحظاتي. 

رعد بعصبية: وهي مراتي مش اهم مرضاك! 

فاروق : حضرتك المرضي كلهم نفس المرتبة والاهمية. المرض مافيهوش كبير وصغير ولا غني وفقير. ثم حقهم عليا زي حق مدام همس تمام. وانا عموما مقدر حالة حضرتك . وانا تحت امرك في اي استفسار. اتفضل. 

رعد فعلا هدي وتفهم كلام الدكتور. فعلا المرض مابيعرفش غني وفقير. هو برغم  ماله وسلطته الا انه ماقدرش يمنع المرض عن همس. واكيد كل مريض عنده حالته وحالة اهله ماتقلش عن رعد. 

رعد اتنهد و بهدوء: ازاي الكشف اللي بتعمله همس كل 6 شهور ماوضحش المرض! ازاي ظهر فاجأة كدة. 

فاروق بعقلانة :اولا حضرتك انا هشرحلك الموضوع ببساطة بعيدا عن اي مصطلحات طبية معقدة. 

 سرطان الثدي بالاخص ليه خصوصية. بمعني انه بيبدأ يتكون في صمت.  والخلايا السرطانية بتتجمع وبتكون كتلة صغيرة ما بتظهرش بسهولة ولازم تكتشف في بدايتها مع الكشف المنزلي واللي انا بنفسي شرحته لمدام همس قبل كدة وفهمتها ضرورته خصوصا للي في سنها. بس واضح انها نسيت تقوم بيه وتجاهلت الموصوع زي كتييير او اغلبية الستات . لان ثقافة اكتشاف المرض مبكرااا. مش معتادة في مجتمعنا. دايما بنبدا ندور علي العلاج لما الآلم يزيد ودي كارثة. لان ربنا خلق لينا الآلم ده زي جرس انظار ان فيه مشكلة. اجنا بنسيب الالم يزيد ويزيد لحد لما يبقي مش محتمل ووقتها بنسعي للعلاج . 

رعد : بس هي مكانتش بتشتكي من اي آلم . دي لسة شكوي جديدة! 

فاروق بنفي: مستحيل اكيد بدأت تلاحظ تغير في شكل وجحم الثدي . خصوصا بالمرحلة اللي هي فيها . بس هي كانت بتتجاهل الاعراض. 

رعد بغضب منها لسة فيها نفس العادة بتخبي وجعها قصاده علشان ماتقلقوش. بس المرة دي كانت سبب في كارثة.

رعد بيحاول يسيطر علي غضبه :وبعدين كمل! 

فاروق: لما بتتجمع الخلايا دي بتعمل عقد . اسمها العقد الليمفاوية. ودي بتفضل تكبر وتتشعب وتوصل للكل الثدي والاماكن المحيطة بيه. وده حضرتك بيحصل بشكل سريع 

خصوصا لما تكون خلايا خبيثة وده واضح من اسمها انها بتنتشر بشكل سريع وقوي. وحاليا من الكشف اللي انا عملته اكتسفت الورم وكمان لما عملنا الرنين المغناطيسي . ده اظهر الورم بوضوح . في الغالب الدكتور بينتظر نتيجة التحاليل اللي بتوضح الورم خبيث ولا حميد. لكن بحكم خبرتي ومن مدي تشعبه وشكله انا متأكد انه خبيث. 

رعد بيحبس دموعه بصعوبة . اخد نفسه بقوة : طيب مافيش علاج بديل للعمليه . ولو هي ضروري العملية تفضل انها تكون امتي! 

فاروق: طبعااا العملية لازم وفي اقرب وقت. لان العلاج في مرحلة زي دي ممكن يمتد لخمس سنين وكمان هيتعبها خصوصا الكيماوي وليه آثار جانبية. لكن العملية في حالتها انسب واسرع . خصوصا ان الاستأصال مش هيكون للعقد الليمفاوية بس. لا هيكون الثدي كامل. 

رعد دفن وشه بين كفوفه بقوة بيحارب  دموعه وبيحاول يتماسك: طيب وده مش هياثر علي نفسيتها لما تفقد شئ مهم زي ده . 

فارق بطمأنينة: لا خالص حضرتك العملية ليها تكملة اسمها ترميم ودي بتتعمل عادة بعد عملية الاستاصال مباشرة وفي نفس العملية .  بتكون بديل للثدي . وده بيكون ايما سيلكون او عن طريق دهون وانسجة من نفس المريضة وبطبيعة الجسم البشري اللي ربنا خلقه . بيبدأ يتداخل مع الجسم والانسجة تتكون من جديد ويبقي طبيعي جدااا . من حيث  الشكل والاحساس. 

رعد بيبتلع ريقه بغصة: وهي بعدها بتكون خلاص خفت! 

فاروق: بعد العملية بنكمل علاج عن طريق الاشعاع والادوية. للتاكد من القضاء علي كل الخلايا السرطانية . وعدم ظهورها في اماكن تانية . ومع الوقت بتتحسن وبترجع  لطبيعتها. بس العلاج المهم والمكمل للعملية دي بالخص دونا عن غيرها. هو العلاج النفسي. لازم المريضة تحس انها محور اهتمام وانها مابتش مجرد مريضة وعبأ علي اللي حاوليها. وانها خلاص مابقاش مرغوب فيها. لازم تكون نفسيتها كويسة وبنسبة كبييرة جدااااا. 

رعد اتنهد وغمض عنيه: وانا عندي مين غيرها اهتم بيه واخاف عليه! دي اغلي من روحي . انا لو اقدر اديها عمري تعيش بيه هعمل كدة. دي همس.. همس ... 

دكتور فاروق بص لنصار واللي معاهم واشفق علي رعد. وفهم سر غصبه الزايد وثورته . وواضح انه بيحب همس بجنون برغم السنين والعمر. كمان برغم المرض. وهو ده الحب الحقيقي . الحب اللي مش مشروط. اللي زي ما وصفه ربنا سبحانه وتعالي (وجعل بينكم مودة ورحمة)

رعد ان كان حب همس في صغرها في شبابها وعنفوانها وانوثتها. ودي المودة. والتودد في الصغر . 

والرحمة دي عند الكبر لما الشباب يروح والسنين تحفر ملامحها عليهم والجمال يقل بفعل السنين والعمر. والانوثة تقل بفعل المرض والكبر. 

لكن مدام الحب  كان صادق و لسة في القلب صاحي وفي عز عنفوانه. الحبيب بيفضل يحب زي زمان ويمكن اكتر . 

رعد زوج وحبيب مش مجرد راجل وبس. حبها بكل حالتها حتي لما مرضت وتعبت ماقلش حبه ولا نقص اهتمامه. ده بيتمني عمر علي عمره يعوضها بيه. 

وده بس درس لرجالة كتيير وممكن شباب لسة في البداية وزوجته تمرض او تتعب تعب بسيط حتي لو كان حمل وولادة. يهرب منها ومن مسؤليته ويخون ويعرف غيرها والمبرر. انها مريضة وهو محتاج اهتمام. طب وهي مش في امس الحاجة للإهتمام منك. لاسف ده مستحيل يكون حب. 

لكن رعد هنشوف هيعمل ايه كع همسته وهيكون ليها اب واخ وصاحب وحبيب. وطبيب كمان طيبيب يدواي وجع قلبها وحزنها. يمسح دموعها ويكون سندها بجد. وهو راضي وسعيد . مش متأفف وزهقان وبيتمني يخلص منها ومن حملها. 

#رعد رجل وليس اي رجل 

رعد اتنهد: يبقي ياريت تتواصل مع المستشفي الانجليزي وتحدد معاهم معاد ويكون السفر في اقرب وقت وطبعاااا كلكم معانا هناك. 

فاروق: طيب ليه حضرتك العملية ممكن تتعمل هنا وعلي اعلي مستوي ولا حضرتك مش واثق فينا؟! 

رعد اتنهد بتعب وسند ظهره بإرهاق: انا مش بشكك في مهارتكم وقدراتكم . بس كدة هكون مرتاح اكتر. ومن ثقتي فيكم عايزكم تحضروا معاها العملية هناك. وياريت مش عايز مناقشة في الموضوع ده تاني . اتفضلوا دلوقتي . 

خرجوا كلهم ورعد بقي لوحده واخيرااا ساب دموعه اللي كانت مستحيل تنزل بسهولة ومانزلتش من سنييييين . 

رعد بوجع: ليييه ياربي كدة... ليييه همس! ليييه مش انا اللي كنت حتي اموت بس هي ماتتوجعش! همس دي ارق من النسيم ازاي هتتحمل كل الآلم ده والعمليات دي. ولا دموعها . اااااااه من دموعها دي بتنزل تكوي قلبي ... لو سمعت منها آه وجع هتحملها ازاي! 

الباب انفتح ودخلت همس وهو بيحاول يداري دموعه بسرعة بس هي خلاص شافتها وابتسمت بحزن وقربت منه وقعدت قصاده. ومسحت دموعه . 

همس: دي غالية اوي ومش لازم تنزل ابدااا. لازم تفضل رعد انت جبل تتحمل كل حاجة. 

رعد بصلها بوجع ومرار وبكي: الجبل شرخ وصدع وبينهد خلاص. 

همس بدموع: لا وحياتي ماتقولش كدة. انت اللي بتقويني . 

رعد باس ايديها : انت حد قالك حاجة! 

همس ابتسمت بوجع: قابلت الدكتور فاروق وقالي بس ماقدرتش اخليه يكمل انا كنت حاسة . 

رعد قعد قصادها علي ركبته وضم وشها بحب واحتواء وهو بيمسح دموعها : اوعي تخافي . اوعي تحملي هم. رعد معاكي وفي ظهرك. انا جنبك مش هسيبك هنسافر ونعمل العملية ونرجع سوا. هنسافر ايدينا في ايد بعض. ونرجع ايدينا في ايد بعض. انتي دواء روحي ياهمس . انتي شمس حياتي اللي مش ممكن تغيب . لو غابت في يوم يبقي نهاية العالم . وانتي لو غبتي تبقي نهايتي.. 

همس ابتسمت ومسحت دموعه: بص عايزين نتفق. مافيش دموع تاني ومافيش زعل. ده قضاء ربنا . لازم نشكر ربنا ونصبر علي البلاء ده وهنسعي وناخد بالاسباب وهنسافر واعمل العملية واتعالج. واللي ربنا كاتبه هشوفه. اتفقنا يبقي مافيش حزن بقي ونتعامل عادي . ببس ممكن اطلب منك طلب. 

رعد بحنان :اؤمري مش تطلبي. 

همس بحزن: ولادي مش لازم يعرفوا . مش هتحمل حزنهم ودموعهم . 

رعد : انا مستحيل اقول لمخلوق. مش هسمح لاي حد يشاركني فيكي حتي في وجعك. انا بس اللي من حقي اكون جنبك. ومش هسمح انك تشوفي الشفقة والعطف في عيون اي مخلوق حتي لو ولادك. ده سرنا انا وانتي وبس. دي مهمتنا . هنخوضها وننجزها وننجح فيها . ونرجع زي الاول واحسن . فاهمة يا همسة قلبي. 

همس باست ايده بحب: فاهمة يا ملك قلبي. مممكن بقي حبيبي يرجعني البيت . عايزة اشبع من بيتي واوضتي. بكرة اقعد في المستشفي لحد ما ازهق. رجعني بيتي . 

رعد هز راسه وقام وقومها ومشيوا ورجعها البيت. 

...................................... 

في مراسي حمزة وفتون كانوا بيغنوا كل ليلة في حفلاتهم واوقات كانت بتجمعهم اغنية واحدة . كانوا بيغنوها مع بعض ولبعض. فتون كانت خلاص قلبها مش متحمل يبعد عن حمزة اكتر من كدة. كانت جواها حاجة بتقولها انسي وسامحي. هو يمكن غلط بس كفاية حبه واهتمامه وندمه . بس حمزة كان جنونه وغيرته بتزيد كل يوم لوجود غانم . غانم بيمتلك شركة انتاج. وكان فيه تعامل بينه وبين حمزة . بس حمزة اختلف معاه وانفصل عنه. غانم سمع عن فتون وعن صوتها وجمالها وكان موجود هناك بيحضر حفلات لمغنين كتيير. واتعرف علي فتون وكان دايما يتعمد يظهر اعجابه بيها وبصوتها وموهبتها وكمان بجمالها وانوثتها . وفي وجود حمزة. وعرض كمان علي فتون انه ينتجلها البوم وحمزة قبل مايرفض. هي سبقت ووعدته تفكر . حمزة غار وحزن وبدأ يكون متعصب طول الوقت وبالاخص في وجود غانم. وفتون كانت اوقات بتكون سعيدة بغيرة حمزة عليها . وبتتعمد تتكلم مع غانم قصاده وتثير جنونه . وفي ليلة كانت حفلة وحمزة هيغني . وصادف كمان وجود شهاب وتمارا وطبعاااا هما علي معرفة بحمزة وفتون مبدأيا في يوم خطوبتهم . وكمان بسبب جواز چنا ومروان. 

حمزة كان مجهز اغاني معينة وقبل ما يطلع علي الاستيدچ. قابله ايمن صاحبه في الفرقة. 

ايمن : جاهز يا فنان. 

حمزة كانت عينه علي فتون اللي واقفة مع غانم. وبيتكلموا ويضحكوا... ومش مركز مع ايمن. 

ايمن شاف هو نظره متركز فين: كانت واخداك سلمة. 

حمزة لفله بعصبية : انت بتقول ايه!  هي مين؟! 

ايمن بص لفتون: مراتك. انت كنت سلمة عايزة تطلع علي كتافك. واديها اهي راحت للي هينفعها اكتر وينتجلها البوم. 

حمزة بغضب ضرب ايمن لكمة قوية بغيرة. 

حمزة بتحذير: اياك تتكلم عن مراتي بالشكل ده تاني انت فاهم. هقطع لسانك. 

ايمن: بتضرب صاحب عمرك علشان واحدة ماقدرتش كل اللي عملته علشانها . وباعتك في اول محطة. تقدر تقولي هي بلغتك بقرارها انها تشتغل مع غانم ولا لا وانها اتفقت معاه انه ينتجلها البوم. عندك علم انها مسافرة معاه بكرة القاهرة تمضي العقود. وكمان هيعملها كليب. انطق عارف ولا لا. 

حمزة جواااه نااار وغيرة وحزن والم ووجع . مش ممكن تعمل كدة ! مش ممكن تهمشه من حياتها  بالشكل ده. لمجرد انها تعاقبه علي اللي حصل! معقول توجعه كدة! خصوصا انه عرفها كرهه لغانم وغيرته منه. قلبه انجرح واتوجع. 

ايمن : ياللا الناس مستنياك والمزيكا هتبدأ.بعدين ابقي راجع نفسك وشوف هتعمل ايه.  

حمزة بحزن انا هبدأ بأغنية تانية .. 

ايمن عقد حاجبه: ليه احنا مرتبين الاغاني. 

حمزة بمرار : هبدأ بأغنيه مش موجودة اصلا في الاغاني. 

هبلغ الفرقة بيها عن اذنك. 

وفعلا حمزة بدأ بأغنية تانية مختلفة وصفت وجعه والمه في اللحظة دي وبدأت المزيكا .. 

(مبتهزش تامر عاشور)

حمزة كانت عنيه عليها وفي عنيها وبيوجهلها غنااااه بعتاب ولوم وحيرة. 

قالولي نسيك وعااش بعديك .. قالولي حبيبي هونت عليك .. 

اصدق مين!  واكدب مين ..!  بقي انا حالي كدة يرضيك ! 

حمزة بيسألها بجرح عن معرفته بعلاقتها اللي زادت بغانم واتفاقها معاه من غير علمه ولا اهتمت تبلغه. وانها خلاص شافت طريقها بعيد عنه. وانها ممكن تسيبه وتبعد . وبكل احساس وصوت هز المكان والناس. 

قالولي كلام مريحنيش. وانا احساسي منستنيش. انا عايش ولسة بعيش علي احساسي بيييك. 

مبتهزش واقول ده كلااام 

ده بينا سنيييين ومش ايام. 

ومش معقول تكون اوهام ده انا غيرك حبيبي ماليش. 

وبرغم وجعه وجرحه. الا انه لسة عنده امل وبيلتمس ليها العذر . 

أكيد بعدك ده ليييه اسباب ومهما يكون مابينا غياب . هنرجع تاني يوووم احباب . وانا احساسي مايخونييييش. 

فتون شافت نظرة الوجع والالم واللوم والعتاب في عنيه قلبها رق وحزنت وهي شايفة نظرته لغانم وغيرته منه. دمعت علشانه وللحزن اللي في صوته اللي اثر في كل الناس وهي متفاعلة معاه وكمان متأثرة بيه وبإحساسه . 

شهاب عنيه في عيون تمارا وهي كمان بتبصله بعتاب. الاغنية والكلمات لمست قلوبهم هما كمان بشكل يوجع. 

شهاب كأنه بيقولها ويغنلها بعنيه كلمات حمزة . 

ليالي تفوت لوحدي بمووت مافيش في حياتي اي جديد وباقي عليك ومستنيك . 

حمزة وشهاب تقريبا نفس نظرة الالم والوجع . والكلمة اللي بتخرج من القلب قبل الشفايف. 

بحبك حتي وانت بعيد. بقول عندك حبيبي ظروف واخر بعدنا معروف وبعد الحيرة ببببعد الخوف مسيري هبقي ليييييك.

وحمزة بصوت يلهب المشاعر ويحزن بجد وبدموعه اللي نزلت من قلبه وغصب عنه وهي شافتها ودموعها زادت من تانيب نفسها انها وصلته للحالة دي وللوجع ده. وهو اللي بيتفنن في انه يداوي جرحها ويطيب دمعها. 

مااااااابتهزش بقووووول ده كلااام ده بينا سنييين ومش ايااام . ومش معقول تكون اوهام . ده انا غيرك حبيبي ماللليش.  اكيد بعدك ده ليه اسباب . ومهما يكون مابينا غياب هنرجع تاني يوم احباب وانا احساسي مايخونييييش. 

فتون خلاص وصلت للنهاية مش متحملة وجعه مش متحمله جرحه مش متحملة دموعه والمه. راحت علي الاستيدچ. وجريت عليه وهو شافها جاية بتقرب بلهفة ودموع ابتسم بأمل وحنيين وفتحلها دراعاته ورمت نفسها في حضنه. وهو ضمها بشووق وجنون ووحشة وحب وغيرة . احاسيس صعب تتوصف. وشالها ولف بيها بسعادة .. ياااااه اخيراااا رجعت لحضنه... اخيرااااا سامحت . وصدق قلبه لما قاله هترجع وهتتحن . دي حبت وعشقت. 

حمزة بيضمها بقوة ولسة بيلف بيها : وحشششتتتييني .. وحشششتتييني اوي اوي. بحبك يا فتون بحبك. 

فتون بدموع : وانت وحششتني اوي اوي. والله بحبك.. بحبك ..بعدي  كان غصب عني والله غصب عني... انا اسفة .. اسفة ... 

حمزة وقف لف بيها وخرجها من حضنه برقة و باسها من جبينها بقوة وباس ايديها. 

حمزة: حمد الله علي السلامة لرجوعك لحضن حبيبك . حبيبك اللي ضاع وتاه من يوم بعدك عنه . 

فتون ابتسمت بمكر: لازم بقي تشكر اللي كان السبب اني اتشجع وارجعلك. 

حمزة بص لغانم بغيظ وغيرة.  فتون ابتسمت ولفت وشه وهي بتهز راسها بنفي: تؤتؤتؤ. مش ده. وشاورت لبطنها وغمزته . ده. 

حمزة بيستوعب ويصدق ويفهم ولسة في حالة صدمة. وعيونه بتتنقل مابين عنيها وبطنها اكنه بيترجاها تأكدله ظنه وفهمه. وهي هزت راسها بقوة وتصميم . 

فتون بفرحة: ايوة .. حااامل 

حمزة دمع بس المرة دي من الفرحة والسعادة . حبيبته ترجعله ومش لوحدها بحته منه جواها . بإبن منه اتزرع جواها من يوم ولقاء واحد. علشان يرجعهم  لبعض ويفضل رابط بينهم للأبد. 

حمزة بصوت عالي مجننووون :بححححححبببك

فتون : ههههههههه. فضحتنا بجد الناس بتتفرج علينا كفاية بقي. 

حمزة بياخد نفسه بقوة واشتياق قربها منه : مش مهم الناس .. ولا الزمان ولا المكان. المهم انا وانتي وابننا وبس. 

وقرب منها بجنون وباسها برغبة وحب . بحنان واشتياق .. 

كل الناس اتأثرت باللي بيحصل بينهم برغم ان ماحدش سامع حاجة ولا فاهم حاجة. بس الوضع بيقول ان دول اتنين عاشقين ودايبين. في لحظة مش هتتكرر في العمر كتييير. لحظة جننووون . والتسقيف والتصفير والتهليل علي بشكل كبيير . فوق حمزة. 

شهاب وتمارا متابعين الموقف زي الناس وتأثريه عليهم مش اقل منهم. يمكن اكتر بكتييير.كمان شاف تمارا عنيها علي فتون وحمزة. وكمان كل كابلز في الحفلة. وكلهم ايديهم في ايد بعض. وهالة الحب حاواليهم.    شهاب غصب عنه قرب من تمارا ومسك ايديها بقوة واحتياج لضمها بشوق. لقي ايديها بتحضن ايده بقوة اكبر كأنها كانت منتظرة لمسة ايده في اللحظة دي وشاف دموعها بتحاول تنزل وهي بتترجاها ماتفضحهاش اكتر من كدة. 

شهاب هيتجننن وبقي جواه تصميم علي كشف كل شئ هو مبهم بالنسبة ليه. ولف دراعه حاوليها وضمها لحضنه بحنان وسند راسها علي صدره بهدوء كان متأكد انها ضعيفة ومحتاجة احتوائه في اللحظة دي . وفعلا احساسه ماكدبش. واستسلمت ليه وسندت راسه بإحتياج وغمضت عنيها نفسها يضمها اكتر ويخبيها بين الضلوع اللي سندت عليها.

حمزة بعد عن فتون بسعادة.ومسك ايديها. 

واخد المايك. وكلم الجمهور: طبعااا بعتذر عن تهوري في اللحظة دي. بس عذري هو فرحتي وسعادتي في الوقت ده. فتون مراتي بلغتني انها حامل وده اجمل خبر انا سمعته. وانا مبسوط انكم هتشاركوني اللحظة دي

ودلوقتي هغنيلها اغنيه ليها 

لحبيبتي ومراتي وروح قلبي. واللي شايلة حتة مني. 

وحمزة بدأ يغني غنوة جميلة ورقيقة زي حبه واحساسه . وهو متمسك بإيديها بتملك وغنالها وهو عيونه في عنيها. وكل كلمة تمس قلبه وقلبها. وكمان بتمس قلبين واقفين هناك بعيد في حضن بعض متخبين . من الكدب والخداع مجروحين. 

كانت 

(اجمل حلم. تامر عاشور)

ياريت تسمعوها بجد. 

وفضل حمزة يغنيي ويغني  وفتون جنبه وفي حضنه الحب رجع ينور الملامح ويظهر ضوء القمر . ويرجع الحنان والسعادة واللهفة والاشتياق. 

  وشهاب كان كأنه بيقوله قووول تاني وماتوقفش غني . قول وخاليها في حضني هادية وناعمة وبتسمع ودايبة في دقات قلبي اللي لو سمعتها كويس هتلاقيها بتقولها .. بحبك .. بحبك... خاليكي جنبي. وفي حضني .. تمارا كانت بتبتسم مع كل كلمة حب يغنيها حمزة وهي شايفة فتون معاه وفرحتهم ظاهرة للبعيد والقريب. ومع كل كلمة حب ونغمة حنان شهاب بشدد من ضمته ليها ويمسك ايديها بتملك وانفاسه بتلاعب خصلات شعرها وكل بوسة يطبعها علي خصلاتها من وقت للتاني. تمارا قلبها بيحن بيقول ده رجع شهاب تاني. اييوة هو ده اللي حبيته واتجننت بيه. هو ده حبيبي.. بس الحيرة مش بتفارقها ليه جرحها ووجعها وهو جواه كل ده. بس اتنهدت وغمضت عنيها وسابت المشاعر الليلة تغني وترقص و تتمايل مع غني حمزة وآلحانه . 

......................................

بعيد عن الحفلة وعلي البحر تحديدااا وفي هدوء كانت حياة اخت فتون بتتمشي وهي بتتمني السعادة لأختها بعد ماشافتها في حضن زوجها وحبيبها حمزة والليلة بدأت ومش هتنتهي. راحت للبحر تفكر وتتمني . وتسأل نفسها ياتري ممكن تلاقي راجل زي حمزة . حبيب رومانسي وحنين وراجل في نفس الوقت. اتنهدت ودعت لفتون وحمزة بالفرحة والهنا لآخر العمر. ولانها كانت صادقة وبتتمني السعادة لاختها من قلبها مش حاقدة ولا حاسدة . ربنا بعتلها في اللحظة دي اللي يمكن يكون اجمل من حمزة . 

كان فيه شباب بتقرب منها واضح عليهم الشرب والتوهان . وهي خافت وبدأت تسرع من خطواتها وهما وراها جريت بخوف ورعب. وهي بتحاول تبعد عنهم وبتتلفت علشان تبعد عنهم. لانها مهما صرخت صوت الميوزك والاغاني صاخب ماحدش هيسمعها. وهي بتجري لقت ايد وجسم قصادها بيوقفها . بصتله برعب كان أنس . 

أنس بقلق: مالك بتجري ليه كدة. وبص للشباب دي وفهم وسألها. بيضايقوكي. 

حياة برغم انه شاب زيهم وفي نفس المكان. بس اتطمنت لما شافته وماخفتش منه. ماتعرفش ليه حست بكدة . بس قلبها قالها انه مش زيهم. هزت راسها ودقات قلبها بدق بخوف. ومسكت ايده بقوة بتستنجد بيه

حياة بخوف: ااايوة ... لو سامحت خاليك جنبي بس لحد ما اوصل للحفلة ارجوك. 

أنس جسمه دبت فيه قشعرة غريبة عمرها ماحصلت معاه. حتي لما لمس ايد مايا قبل كدة. وبص في عنيها بإهتمام وقلبه دق دقه مش عادية . 

دقة غريبة .. 

حمزة هز. راسه يطمنها ومسك ايديها وكانت الشباب قربت منهم. وشافوها مسكت ايد أنس. 

أنس بصلهم بغضب وغيرة غريبة لواحدة اول مرة يشوفها حتي مايعرفش اسمها: اظن عيب اوي كدة . احنا فين هنا . ده مكان محترم وانتم المفروض ولاد ناس متربية مش شاورعية . هي دي مش زي اخواتكم ولا ايه. 

واحد من الشباب واضح عليه السكر بتلعثم:سوري يا مان. شكلها معاك. جود نايت. بااي. 

مشيوا وأنس فهم من شكلهم وطريقة كلام الولد ده انهم متقلين في الشرب اتنهد. ومشي مع حياة  بهدوء في اتجاه الحفلة. 

أنس:الحمد لله عدت علي خير. واضح كدة انهم ساكرانين طينة. بس انتي ليه هنا لوحدك والمكان هادي وضلمة . انتي كنتي في الحفلة! ؟

حياة بخجل بتسحب ايديها من ايد أنس : احمم. اااييوة كنت في الحفلة . 

أنس اخد باله ان ايده لسة في ايدها وكأنه مستمتع من ملمس ايديها وبتوتر ابتسم:احممم. ااسف ماخدتش بالي اني لسة ماسك ايدك. 

حياة بخجل واعجاب : لا ااابدااا . ااانا اللي المفروض اعتذر اني عطلتك ووحطيتك في مواجهة معاهم . اانا كنت قالقانة عليك هما شكلهم مش تمام وفعلا ربنا ستر . 

أنس ابتسم: الحمد لله. ماقولتليش اسمك ايه وليه هنا لوحدك! 

حياة: اانا كنت في الحفلة مع اختي هي كانت بتغني هي وجوزها . 

أنس عقد حاجبه: اختك فتون اللي بتغني وجوزها المغني حمزة! 

حياة هزت راسها: ايوة هما تعرفهم! 

أنس: مش بالظبط بس والدي يعرف والد حمزة بس انا ماليش علاقة بيهم. وكمان حمزة غني في خطوبة اختي تمارا. وعارفه. 

حياة ابتسمت:اتشرفت بيك استاذ... اااا

أنس ابتسم : أنس. دكتور أنس. 

حياة ضحكت: اهلا يا دكتور أنس. 

أنس ابتسامته بتزيد : ماعرفتش اسمك ايه! 

حياة : حياة. اسمي حياة. 

أنس بإعجاب واضح في عيونه: حياة. جميل اسم حياة. امل جديد وحياة بتتجدد. اسمك جميل يا حياة. 

حياة بتحرك شعرها بخجل ووشها بدأ يحمر ودرجة حرترته تزيد. :احممم. قربنا خلاص المكان هنا نور وفي ناس. متشكرة اوي لحضرتك يا دكتور أنس. بجد مش عارفة اوقولك ايه. 

أنس زعل انها هتمشي وتسيبه لسة عايز يكلمها ويعرفها اكتر ليه مش عارف بس هو ده اللي حاسس بيه. 

أنس اتنهد بحزن: هتمشي خلاص. 

حياة: ايوة .. تصبح علي خير انا هروح انام  وفتون وحمزة يرجعوا براحتهم. 

أنس بتردد:احممم. هو انا ممكن اشوفك تاني الصبح ! 

حياة بسعادة وقلبها بيرقص: االصبح ليه في حاجة! 

أنس بتوتر: ااايه. لا ابدااا. بس نتعرف علي بعض . لو مايضايقكيش. 

حياة ابتسمت برقة: تؤتؤ. مش هيضايقني. اشوفك الصبح. تصبح علي خير. 

أنس اتنهد براحة وسعادة: وانتي من اهل الجنة. 

حياة انكسفت ومشيت . و أنس غمض عنيه بمتعة. متعة غريبة وجديدة عليه. 

أنس: ياتري انتي ايه!  ومين يا حياة!! وليه مش عايز اسيبك ولا تبعدي عني.ثم  هو ايه الدقة اللي قلبي دقها لما شوفت عنيكي دي!! غريبة . هو انتي فعلا ممكن تكوني حياة جديدة ربنا حطها في طريقي . ولا انا اللي قلبي بقي بيتعلق بسرعة . اااااه. وابتسم. بس   فيها برائة ورقة مختلفة .حاجة كدة تلين الحجر. لما نشوف يا حياة جاية ومعاكي ايه ! 

..................................... 

في تايلاند . في أوضة مروان وچنا. الاوضة نورها خافت وهادي وشموع رقيقة والهواء ونسمااات البحر بتعزف مع الميوزك اجمل الالحان . اكنها بتعزف علي اوتار قلوبهم. چنا في حضن مروان مروان وبترقص معاه وعنيها في عنيه . 

مروان ابتسم وبهمس : هتفضلي تبصيلي كدة في صمت. وانا بكلم نفسي ايه . مش عايزة تسمعيني صوتك ليه يا حورية قلبي. 

چنا غمضت عنيها بهدوء واتنهدت: بفتكر كل اللي حصل من اول يوم اقابلتك. بفتكر قد ايه اللحظة اللي احنا فيها مع بعض دي كانت بالنسبة ليا حلم .. وحلم مستحيل كمان. ودلوقتي انا معاك لوحدي بعيييييد عن كل حاجة واي حد وكل شئ ممكن ياخدنا من بعض. وانت جوزي وحبيبي . كتيير عليا اوي يا مروان كتييير. قلبي يتحمل كل ده. 

مروان اتنهد بحب وضمها بحنان: انتي اللي كتيييير عليا اوي يا چنا. انتي مش انسانة انتي ملاك. ربنا بعتهولي يخطف قلبي ويعيشني اجمل واحلي دنيا. حورية جميلة بعيون في لون وصفاء البحر . تسحرني وتخليني عاشق وهايم . انتي ضحيتي اوي  بكل غالي واللي مايتقدرش بثمن . علشاني انا. علشان واحد حرمك حتي تفرحي بيوم فرحك زي اي بنت. واحد انتي مش اول ست ولا حب في حياته. وياريته انتهي 

دي لسة في حياتي وعايشة في ايامي. يبقي مين اللي كتيير علي مين! 

چنا نامت علي صدره وابتسمت: مش مهم اي حاجة. المهم النتيجة. اننا مع بعض. ومش هنفترق ابدااااا بعد كدة. 

مروان ضمها بحنان ورقة وشالها بمشاكسة : هو احنا مش هندخل دنيا بقي ولا ايه! مش كفاية دلع كدة قضينا كام يوم تعارف وهداوة. واخدتك بالحنية . خلاص انتهي صبري. 

چنا بخجل وخوف : اااانا عارفة اني زوتها شوية . بببس خايفة بجد. ما اتحملش فرحة الليلة دي. مش عارفة اول تجربة بينا هيكون تأثيرها ايه ! 

مروان كان بيقربها من السرير بكل رقة ونعومة اكنها تحفة من الماس خايف تتأذي ولا تتخدش. وبحب قرب منها وباسها بنعومة ... 

مروان بخفوت وهيام: هيكون تأثيرها اجمل تأثير. هتكوني في السما بين السحاب وانتي معايا اوعدك. بس بتأسفلك من دلوقتي . 

چنا بتغمض عنيها بحب بتستقبل كل احساس منه وكل نفس بكل حب واشتياق ولهفة وبهمس : بتتأسف عن ايه ! 

مروان بيبعد اكمام فستانها برقة وكل مكان بيظهر كان بياخد نصيبه وقدره من الحنان واللمسات والقبلات الرقيقة الهادية . اللي تتناسب مع وردة بنعومة چنا. 

مروان: لاني مش هقدر افضل بالهدوء ده كتيير. كل جزء بيظهر منك بيجنني ويصحي الوحش المدفون جوايا .. مش ضامن يقدر يتماسك قصاد جمالك وانوثتك اللي تدوب الجبال دي . صعب .. صعب اوي ... 

چنا كانت مستسلمة لكل كلمة وكل لمسة وكل فعل منه. وبتستقبل ده بنهم وحنييين مايتوصفش. 

وفي لحظة بدأ كل شئ في طريقه للجنون واللهفة . استمر جنون الحب لوقت كببيير. مافيش حاجة اجبرته ينتهي لفترة غير احساس مروان بإرهاق چنا خصوصا لاول تجربة ...... بعد عنها بسعادة وهو بيوسها من جبينها. 

مروان: مبروك يا چنا روحي . مبروك يا قلبي انا. كدة انتي بقيتي حرم مروان بجد. مش مجرد كلمة علي ورقة. 

چنا بخجل وارهاق: انا بحبك اوي. انت حنين اوي يا مروان اوي. 

مروان ابتسم واخدها في حضنه يطمنها ويعوضها لحظات الجنون والجموح اللي عدت . وبحنان بيملس علي كتفها برقة : انتي اللي جواكي حنان يكفي شعووب. وعلشان كدة بتستقبلي  كل شئ بحب وراحة. انا بحبك اوي يا چنا اوي. عمري ما كنت بالسعادة دي. تعرفي ! 

چنا في حضنه مبتسمة وسعيدة بكل كلمة بيقولها: اهاه عارفة ايه! 

مروان اتنهد : عايز اعترفلك بحاجة. مش عارف تفرحك ولا تزعلك. بس انا كل يوم بتأكد اني حبيتك انتي الحب اللي بجد. مش ريما. ريما كانت حب عشرة وسنين تعود. برغم ان جوازنا ماكنش تقليدي. بس وقتها انا كنت مفتقد للحب ولوجود ست او بنت في حياتي. حياتي كانت كلها شغل وروتين وقسوة ومغامرة . طول الوقت بجري في دوامة علشان اثبت نفسي  واقدر اكون ليا كيان مستقل. شغلي مع رعد كان استفادة ليا وليه. مش ليا بس. انا كنت بعمل لرعد اللي ماكنش لسة بيقدر يعمله لوحده. علاقتي وشغلي قبل ما اخرج من الداخلية كانت بتفيد رعد في كل حاجة. انا لما اتجوزت ريما ماكنتش طمعان في عيلة ولا مال. بالعكس. انا كنت وقتها عملت فلوس تعيشني مرتاح حتي لو سيبت رعد ورفض جوازي من ريما. بس حقيقي كنت مفتقد جو العيلة والدفي . ولقيت ده مع ريما ورعد  وامهم. مدام مشيرة الله يرحمها وابو ريما يونس. عشنا سنين وانا مش بفكر في حاجة وراضي بكل اللي ربنا قدره ليا . لحد ماقبلتك وحبيتك. وقاومت حبك بكل قوة بس كان صعب اقدر اقف قصاد قلبي بالقسوة دي. وامنعه عنك. انا حبيتك يا چنا. حبيتك... حبيتك بجنون. 

چنا كانت بتسمعوا ودموعها بترد عليه : انا ماكنتش ابداااا اقصد اخدك منها ولا ابعدك عنها. ده قدر . ومافيش مفر منه. 

مروان ابتسم ومسح دموعها وبمكر : طيب ليه الدموع. والله اعيد من الاول علشان اصالحك وتبطلي عياط هاه قولتي ايه! 

چنا دفنت راسها في حضنه بخجل :ههههههههه. لا خلاص هبطل عيات بس سماح الليلة بقي كفاية . 

مروان بسخرية: حررام وكفاية

هو ايه . شباب ايه وبتاع ايه. انا ماكنتش مخطط لكدة اصلا . ده انا كنت لسة هقولك ان اللي عدي مجرد بداية مقدمة الحكاية اما بقي القصة لسة هتبدأ وانا لسة هقول واقول ووواقول . 

چنا بخجل: مروان بس بقي وحياتي بتكسفني.. 

مروان خرجها من حضنه وهو بيحرك شعرها بخبث: تؤتؤ. مابقاش فيه كسسسوف. انتهي . انا بقيت انتي وانتي بقيتي حتة مني من الليلة تخجلي من العالم ده كله. الا انا . انا هبقي غطاكي ودفاكي وآمانك. فاهمة يا حورية قلبي. 

چنا اتنهدت: فاهمة يا اجمل فارس وبطل انا حلمت بيه في يوم. 

مروان : امممم هي فيها ابطال وفرسان واحلام. لا كدة لازم اعرف هما عمله ايه حببك فيهم علشان التنفيذ يبقي مظبوط وصح. 

چنا بهمس : ب ح ب ك. 

مروان قرب منها اكتر برغبة مدفونة من وقت كبيير وبتظهر الليلة بكل اشكالها : ردي عليكي مش هيكون كلمة بحبك بشفايفي. 

چنا بتبصله بلهفة : اومال بإيه! 

مروان  بضياع في كل تفصيلة فيها وبإستمااع: هقولك وهتعرفي وتفهمي . بس اتحملي بقي نتيجة اثارتك ليا بهمسك ورقتك دي .... 

......................................

في مراسي في اوضة حمزة وفتون كانت ليلة. من اجمل اليالي كانت فعلا اول ليلة بحب وسعادة بينهم. اول ليلة جمعتهم كانت جميلة في بدايتها لكن كانت موجعة ومؤلمة لأقصي حد. لكن الليلة مختلفة الليلة ليلة اشتياق وحب ورجوع احباب وصفاء قلوب وانتهاء لعذاب قلوب ارهقها الوجع والحزن. حمزة ماكنش عارف ينهي اي حاجة بينهم. كانت بالنسبة ليه وجبة شهية مش عارف ولا قادر يشبع منها ولا يبعد عنها. كل ما يتخيل ان خلاص اكتفي وهي كمان اكتفت. تصحي جنونه وحماسه بنظرة بهمسة بلمسة . يرجع يشتاق ويتلهف ويغيب معاها في دوامة العشق من جديد. لحد ما. غصب عنه اجبر نفسه يهدأ لخوفه عليها خصوصا انها حامل في ابنه. ولانها ماكنتش بتمانع لاي جنون منه. لرغبتها فيه اللي بتساوية عنفوان ويمكن بتفوقه كمان. ولانها بتحاول تعوضه عن حرمانه منها كل الفترة دي. 

حمزة اخيييراااا بعد عنها وابتسم : ياااااااه. الليلة حقيقي هي ليلة فرحي يا فتون. انا الليلة طاير .. طاير من السعادة معاكي . انتي كنتي مخصماني والحياة خصمتني معاكي. 

فتون بتحقق في ملامحه الجميلة اللي اتحرمت من النظر ليها عن قرب وبتفحص كدة من وقت كبيير بسبب بعدها عنه. 

فتون: انا كمان حاسة بكدة. انا الليلة اتولدت من جديد. حمزة اوعي تصدق اي كلمة وحشة قولتها ليك. كان غصب عني اااانا.. 

حمزة سكتها بشفايفه وباسها بهدوء: ششش. مش عايز كلام ولا عتاب علي اللي فااات. من الليلة هننسي كل اللي حصل هنمحيه من حياتنا وذكرياتنا. من الليلة ميلاد حب وحياة جديدة . ليا وليكي ولروحي وروحك اللي في بطنك. انسي وانا هنسي . دي اصعب فترة عدت عليا . مش عايز افتكرها ولا احسبها من عمري . 

فتون قربته منها بإشتياق وبدموع: لو قولتلك عوضني عن كل لحظة حرمان منك. عن كل حضن اتمنيت تحضنهولي في لحظة ضياع . عن كل لمسة حنان اتمنتها في وقت احتياج. عن كل كلمة ونفس منك حلمت بيهم وانت بعيد. هتعوضني يا حمزة. 

حمزة دفن انفاسه في حضنها وانتهد بنااار البعد والحرمااان: هعوضك ... هعوضك يا حبيبتي ومش هتتحرمي مني تاني. خلاص. من الليلة انا ملكك اللي تحلمي بيه وتتمنيه تنفذيه وانا اثيرك وملك ايدك. اشبعي لحد ما تبقي راضية و مكتفية . بحبك يا فتون .. بحبك حب مافيش حبيب حبه ولا ذاقه بحبك..... 

......................................

شهاب رجع مع تمارا من الحفلة كانت مجهدة وتعبانة واخدت حمام ونامت وهو قرب منها وفضل قاعد جنبها في السرير وقصاد عنيها. وهو بيتنهد بحيرة. ويلعب في شعرها بحب ويبتسم. 

شهاب بهمس: الطفلة البريئة اللي جواكي مابتعرفش تكدب ولا تتلون. انا كنت صح. انتي انضف واصفي قلب قابلته في يوم. وبتفكير وحيرة. بس ايه اللي شوفته وسمعته في الڤيديو ده! وكمان انتي اكيدتيه ليا يوم ما حاولت استفز كلامك واعترافك. لو انتي كدة فعلا يبقي انا مابقتش بحس ولا عارف افرق. ولو فعلا طلعتي مظلومة يبقي انا احساسي مابيكدبش ولا يخطأ. ووعد يا تمارا اعرف اول واصل الحكاية ايه. 

قرب منها بحنان وباسها من جبينها وحاول يبعد ماقدرش.  باسها من خدها. وبيحاول يكتفي ويبعد ماقدرش. قرب اكتر وباسها من شفايفها برقة وماقدرش يبعد تاني. وكررها تاني وتالت ورابع. وكل مرة يبهد ويرجع تاني بس كان لازم يجبر نفسه يبعد ويكتفي لحد كدة .... هي مش في وعيها مش ممكن يتمادي اكتر يمكن لو كانت صاحية كان قرب وماهموش . غمض عنيه بقوة بيهدي نفسه ويلجمها بصعوبة وغطاها وقام وخرج التراس وطلع فونه واخد نفس واتصل بمايا..... 

مايا بصدمة وفرحة مش مصدقة ان ده اسم شهاب اللي بيتصل واسمه بينور شاشة فونها ابتسمت بعدم استيعاب خصوصاا الوقت متأخر. ردت بلهفة ... 

مايا: ااالو ... شهاب ازيك وحشتني اوي اوي. 

شهاب بغموض: وانتي كمان وحشتيني. عاملة ايه! 

مايا مش مصدقة ودنها: بجد وحشتك يا شهاب؟

شهاب اتنهد بحزم: طبعااا. الانسان مابيعرفش قيمة الحاجة الا لما تروح من ايده. 

مايا بتستوعب كلامه ومش قادرة تصدق انه معقول يقصدها : ااانت ... ااانت تقصد ايه اللي انا فهمته... ييعني انت عرفت قيمة حبي ليك لما اتجوزت تمارا. 

شهاب شكه بيتأكد وبدأ يحط ايده علي المهم. : مايا بلغي اونكل عدي اني نازل القاهرة بكرة علشان اخطبك. انا غلطت بجوازي من تمارا . انتي احق واحدة بيا . انتي حبتيني بجد. مش تمثيل زيها . 

مايا كانت بترقص من الفرحة والسعادة : اااانت بتتكلم جد هتيجي تخطبني انا!!! .. 

مش مصدقة بجد مش مصدقة. 

شهاب بسخرية : لا صدقي ولما اجيلك القاهرة بكرة هخليكي تصدقي وتتأكدي كمان. تصبحي علي خير. 

مايا قفلت الفون وهي بتلف وتتمايل من الفرحة . وتغني . شوفتك يوم وعرفتك في حلم من الاحلام .. جيت فيييه وعنيك قالت من الشوق لعنيا كلااام. مش دايما الايااام بتحقق الاحلام. لكن المقسوم تجيني في يوم واعيش معاك فيه . اجمل الايااام.... 

مايا وقفت لف وغني ورمت نفسها علي السرير. :مش ممكن ده حلم ... حلم ... اخيراااا شهاب هيكون من نصيبي وقسمتي. 

يااارب يجي بكرة بسرعة. بقي هو النهار طول ليييه كدة. انا مش هنام. هفضل اعد الساعات والدقايق والثواني لحد ما الاقيه قدامي . 

.....................................

شهاب اخد نفس طويل وعميييق بعد تفكير ودخل لتمارا ودخل جنبها في السرير وبهدوء سحبها بحنان وخباها في حضنه وهي واضح انها شمت عطره وافتكرت انها لسة في حلمها بيه ابتسمت وحضنته بقوة وهو ابتسم. وضمها برقة واخد خصلات شعرها اللي لو الليل اللي عشقه من اول مرة شافه فيها سايب وبيطير حاوليها. 

شهاب : اااااه منك. انتي. شكلك بتحلمي بليلة الاهداف عارف انا الليلة مأثرة فيكي اوي. انا برضوا ظبطك يعني . شيبو بقي نصيبك تبقي مراتي . ولسة لو اللي في دماغي طلع صح واتأكدت منه. هدلعك دلع واغرقك حب واهداف توديكي للشمس . وباسها من جبينها وطفي نور جنبه ونام وغمض عنيه وهو بيتنفس عطرها وانفاسها بمتعة .

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله  من هناااااااااا

مهمة حب من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا