رواية مهمة حب ((سلسلة عشق الرجال الجزء الثاني من رحم للإيجار)) الفصل الأربعون والحادى والاربعون والثانى والاربعون والثالث والاربعون بقلم ريحانة الجنة

#عندما

#يعشق الرعد

البارت 40

البارت 41

🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤

اقرا ايضارواية متمردة عشقها الشيطان الفصل السادس 6بقلم نور الشامي حصريه في مدونة قصر الروايات

اقرا ايضارواية متمردة عشقها الشيطان الفصل الرابع والخامس بقلم نور الشامي حصريه في مدونة قصر الروايات

اقرا ايضارواية غصن الفصل الحادى عشر 11بقلم منى عبد العزيز

اقرا ايضارواية غصن الفصل العاشر 10بقلم منى عبد العزيز

(((عندما يعشق الرعد)

(رحم للإيجار)

(الحلقة الاربعون)

وعدي يومين بعد رجوع همس لرعد. ورعد وهمس كانوا في دنيا تانية. كانوا مش عارفين يشبعوا من بعض ولا يروا عطش البعد والفراق. ورعد كان تقريبا حابس همس. مش بس في القصر لا ده داخل اوضتهم كمان. همس من وقت ما دخلت معاه وهي مخرجتش من الاوضة.

وفي صباح يوم جديد رعد صحي وفتح عنيه وبص علي همس اللي نايمة جنبه. وابتسم بحب وشوق.وكأن همس لما رجعت نورت حياته من تاني. اخيرا رجعت لحضنه اخيرا. هيصحي علي وجودها وينام علي وجودها في حضنه.

رعد. قرب منها وابتسم اكتر لما لقي شعرها الاسود مغطي وشها كله. والمفرش كمان اللي مغطيها لونه اسود. والجزء البسيط اللي ظاهر منها كأنه بينور.

رعد: اتنهد. اااااه يا همس اهو انا حياتي ودنيتي كانت مظلمة زي المفرش ده تمام. ومنورتش الا بوجودك جنبي. زي ما لونك منور وسط سواد المفرش ده.

همس: ابتسمت

رعد: هههههه. مكارة صاحية وعاملة نفسك نايمة

همس: فتحت عنيها. اصل انا اصلا كنت صاحية قبلك. وقاعدة ابص عليك. ولما لقيتك بتتقلب عملت نفسي نايمة.

رعد: ضغط علي شفايفة. وقربها لحضنه. وكنتي قاعدة تبصي عليا ليه

همس: اممم. انت كنت قاعد تبص عليا ليه

رعد: علشان وحشاني ووحشتني ملامحك ونفسي اشبع منك. بعد فراقك اللي وجعني وتعبني

همس: حطت ايديها علي وشه ومرارتها علي ملامحه. واتنهدت. انا كمان كنت بعمل كدة. كنت بتمتع بملامحك. انت كنت واحشني قوي صدقني. اوي

رعد: بعتاب. علشان كدة سيبتيني اتعذب واتوجع. وانتي بتتفرجي عليا مش كدة

همس: هتصدقني لو قولتلك. اني مكنتش عايزة ارجع وانا فيا اثر لاي جرح ولا حتي خدش صغير. علشانك انا كنت متأكدة. انك لو كنت شوفتني وقتها كنت هتتعب وتأنب نفسك بعنف

رعد: يعني مع كل اللي عملته فيكي. كنتي بتفكري فيا.

همس: هزت راسها ايوة. وكمان قبل ما انت تعرف الحقيقة. انا كنت عايزة ربنا يبرأني علشانك علشان ماتتوجعش. وتنجرح وانت فاكر اني خنتك زي مها. مع واحد ميسواش ظفرك

رعد: بمرار. يااااااااه يا همس معقول. مكنش همك جرحك وتعبك وشرفك اللي اتطعن فيه. وكان همك الوحيد انا. بعد ما كنت هموتك بإيدي.

همس: ابتسمت. بحبك اعمل ايه مش بإيدي. وكمان انا كنت زعلانة علي البيبي اللي راح

رعد: حط ايده علي بطنها. وبحزن اسف. عمري ما كنت اتخيل اني اموت ابني بإيدي. بس للاسف الشيطان توفيق هو السبب. انا مش عارف مامتش ليه زي القطط بسبع ارواح

همس: ربنا اللي هيخلص منه. كفاية انه بسبب الحادثة جاله شلل. ومبقاش بيتحرك

رعد: اتنهد بغيظ. رجله هي اللي اتشلت. لكن مخه الشيطاني لسة شغال. وهو ده اللي انا لازم اعمل حسابه.

همس: هو ممكن يعمل حاجة تاني بعد اللي حصل

رعد: بسخرية. ممكن ده اكيد. بس انا اصلا لسة حسابي معاه مخلصش. خصوصا بعد ما وهمني بموت امي سنين. وطلعت عايشة. واللي عمله معاكي وابني اللي مات بسببه. حسابه تقيل قوي يا همس. بس كفاية انه قريب قوي هيفلس. اسهم شركاته بعد الحادثة كلها في الارض

همس: حبيبي قولي انت هتبدي تدور علي ماما مشيرة امتي

رعد: سند ظهره علي السرير واتنهد. مش عارف لازم الاقي خيط ابدأ منه. والخيط ده مش هلاقيه غير مع أمين وهو لسة في غيبوبة من يوم الحادثة

همس: ربنا ينجيه علشان تعرف منه اللي يريحك.

رعد: سرح اااااه يا همس وحشتني. نفسي الاقيها وارمي نفسي في حضنها. يا تري حصلها ايه. وراحت فين. وليه محاولتش تسأل عني. ليه مفكرتش تجيلي وتقولي الحقيقة

همس: متهيألي سؤالك مش محتاج ذكاء

رعد: جز علي سنانه. عندك حق اكيد توفيق هو السبب. زي ما بعدها عن ابويا من قبلي بعدها عني

همس: طيب حبيبي انا عايزة ننزل نفطر في الجنينة زهقت من قاعدة الاوضة

رعد: تؤتؤتؤ. مفيش خروج انتي ناسية انك متعاقبة ومحبوسة

همس: هههههههه. طيب حرام عليك كفاية عقاب بقي تعبتني

رعد: ابتسم. بعينك ده انا لسة يادوب بخلص منك عقاب بعدك لمدة يوم واحد. احسبي بقي عليكي قد ايه

همس: 😱😱 كل ده وبتخلص يوم. حرام عليك انا كدة هولد وانا لسة في فترة العقوبة

رعد: ههههههه. وحضنها بقوة واتنهد. وحشتيني يا بنت اللذين ووحشني الكلام معاكي.

في الوقت ده تليفون رعد رن... عدي

رعد: طيب بذمتك مش غيتت

همس: ههههههه. معلش رد عليه

رعد: بنفاذ صبر. امري لله.... الو ايوة يا غلس. انت بتتصل ليه مش انا قايلك. متتصلش بيا لمدة اسبوع

عدي: يا عم الخلبوص انت اتهد بقي. ده انت حتي تعبان وخاج من مصيبة ومع ذالك خاربها

رعد: اتلم بدل ما المك. فاهم. وانطق عايز ايه

عدي: ماشي هتلم. وبعدين انا اصلا بتصل عايز همس

رعد: بعصبية. نعم يا خفيف عايز مين

عدي: ايه عايز همس. عايز اسألها علي حاجة

رعد: جز علي سنانه. انت بتستهبل بقي متصل بيا علشان تقولي عايز همس. وانا ايه قرطاس قاعد

عدي: يا اخي افهم بقي هسألها علي حاجة بخصوص هنا. بطل بقي غيرتك دي. انت مفيش فايدة فيك مش هتتغير ابدا

رعد: انت اللي دمك بارد يعني انا اتصل بيك واقولك هات مراتك اكلمها

همس: يا حبيبي ممكن تهدي بطل عصبيتك دي. خلينا نشوف عايز ايه.

رعد: لا بجد. حضرتك عايزة تكلميه

عدي: يا الله يا ولي الصابرين. ارحم خلي ربنا يرحمك. بص هقولك افتح الاسبيكر وخلينا اكلمها ممكن

رعد: مسح وشه بنرفزة. وداس علي الاسبيكر. اهو شغلت الزفت اتهبب انطق

عدي: بصوت مازح. ازيك يا ست الكل عاملة ايه

رعد: فتح عنيه وجز علي سنانه

همس: بتكتم ضحكتها. الحمد لله يا عدي انت عامل ايه وهنا

عدي: عامل ايه. جالي تلبك معوي. الهانم كانت عايزة تعمل بيزا زي اللي انتي عملتيها. ومش قادر اقولك كانت عاملة ازي. وطبعا كان لازم اكل مفيش مفر

همس: ههههههه. معلش بكرة تتعلم

عدي: والله رعد ده بيضالوا في القفص. معاه طباخة 7 ستار

همس: شكرا يا عدي ده من زوقك

رعد: بغضب. لا وربنا ما اجبلكم اتنين ليمون بالمرة

عدي: احمم. اسف يا رودي. بصي يا همس

رعد: قبل ما تنطق ورب الكعبة يا عدي لو قولت رودي دي تاني ابلعك لسانك انت سامع

عدي: ههههههه. حاضر خلاص ممكن تسكت بقي خليني اتكلم

رعد: اتنيل

عدي: همس هي هنا مالها من وقت ما انتي مشيتي وهي مش عايزة ترجع شقتنا ومصممة تقعد في شقتها القديمة.

همس : بصراحة يا عدي انت المفروض تفهم. انت لحد النهاردة. صور حلا مالية الشقة. ده غير ان كل حاجة في البيت كانت حلا اللي مختاراها. العفش والالوان. ده غير انها كانت بتشاركك فيها. فهمت

عدي: بحزن. علشان كدة مكنتش بتحب تنام في أوضتي علشان حلا كانت بتنام فيها. بس والله انا مكنتش متعمد. حتي موضوع الصور ده. يمكن الشبه اللي بينهم كان منسيني اني اشيلهم.

همس: وهتعمل ايه دلوقتي

رعد: بعصبية. مش محتاجة ذكاء. البيه لازم يغير كل حاجة ويجبها جديدة. ويشيل صور حلا كلها ويفضل ينقل من الشقة اصلا

عدي: عندك حق. رعد قولي هي الڤيلا اللي جنبك. مش كانت هتتباع

رعد: اهاه. ايه هتخودها وتيجي تكتم علي نفسي

همس: بفرحة يا ريت.علشان هنا تكون جنبي يا ريت يا عدي

عدي: هههههه. ماشي خلاص انا هكلم مروان ونشوف هنعمل ايه. بس انا كنت محتاجك يا همس تنزلي تنقي معايا شوية حاجات لهنا

همس: بصت لرعد وابتسمت

رعد: لا والله العظيم بتحلمي. وانت يا زفت احمد ربنا اني مجتش دلوقتي وقطمت رقبتك. عايز تخرج مع مراتي كمان. امشي يا عدي حرقت دمي علي الصبح

عدي: بزهق. يا رعد افهم بقي. انا عايز اشتيريلها حاجات خاصة ومش هعرف لواحدي

همس: ضحكت

رعد: بغضب بضحكي.ده انت يومك اسود. كمان عايزها تروح معاك تشتري حاجات خاصة. والله يا عدي لو ما قفلت ونسيت التخريف ده. لا انا اللي هدخلك اوضة خاصة في المستشفي. اقفل. وبعدين ما انا بجيب لهمس كل حاجة كنت خدت مراتك معايا. انزل يا صغنن انت وهات اللي يعجبك. ومسمعش صوتك . وقفل التليفون. وبص لهمس بغيظ. عجبك كدة

همس: بتغيظه. امممم والله عدي طيب وانت اللي علي طول بتتعصب عليه. فيها ايه لما اروح معاه واجيب حاجات لهنا

رعد: لا بجد. ااه ما انتي خلاص اختي عليه من قعدك عندهم ماشي انا بقي هفقدلك الذاكرة تعالي هنا

همس: هههههههه. لا خلاص وحياتي. انا هموت من الجوع

رعد: هكلمهم يبعتوا الفطار هنا لحد ما انا اعقبك

همس: ابتسمت. اعمل ايه بقيت بحب عقباك ده

رعد: ابتسم. وقربها منه وبص في عنيها. انت بجد مسحورة. بتخليني انسي اي حاجة لما ببص في عنيكي.

همس: طيب ما تيجي ننزل تحت

رعد: تؤتؤتؤ. مش هتخرجي من الاوضة دي غير يوم الخميس

همس: ليه كدة واشمعن الخميس ده لسة بعد بكرة

رعد: وهو بيلعب في شعرها. علشان الحفلة اللي عمالها لحبيبة قلبي. بمناسبة انها رجعت لحضني

همس: بفرحة. حفلة وليا انا

رعد: ابتسم وهز راسه. اه ليكي انتي عدي ومروان بيجهزوا ليها من يوم مارجعتي ليا. انا عايز اعرف الناس كلها انك مراتي وحبيبتي.

همس: حضنته. اااااه يا رعد بحبك قوي قوي. انا كنت خايفة لما ارجع الاقيك اتغيرت. لكن لقيتك حبتني اكتر

رعد: غمض عنيه وضمها بقوة. انا بحبك حب متحبش قبل كدة. ولا عاشق عشق زي ولا داب زي ما انا دايب فيكي. اوعي تفكري تسيبي حضني تاني يا همس اوعي

همس: خلاص يا حبيبي والله مش هبعد تاني. انا كمان كنت بتعذب في بعدك

رعد: بمكر. طب ايه فاكرة اني كدة هنسي اعقبك بعينك. تعالي يا قمر..

وعدة اليومين دول ورعد فعلا جهز هو وعدي لحفلة همس وجه يوم الحفلة.

وهمس كالعادة رعد اختارلها فستان من اجمل ما يكون كان اسود وشيك جدا. وهو كمان كان جذاب وشكله يجنن ببدلته السوداء وقميصة الابيض. كانوا فعلا لايقين علي بعض. وعدي هو كمان اشتري الڤيلا اللي جنب رعد وسلمها لمهندس ديكور علشان يجهزها لهنا بس كان عاملها مفاجأة. وفي يوم الحفلة عدي كان في شقته بيلبس. وخلص لبس. وراح لهنا شقتها. وقعد يستناها لحد ما تخلص. وكان مشغل اغنيه (اجمل يوم لحماقي)وبيسمعها. وزي ما تكون كانت وقتها. هنا كانت بتلبس وبقالها فترة مش عارفة تقفل السوستة بتاعةفستانها. وخرجت من الاوضة تدور علي حاجة تحاول تقفلها بيها ولما خرجت اتفاجأت بعدي قاعد برا وكانت الاغنية لسة في بدايتها. ولما شافته لفت بسرعة ترجع. عدي شاف فستانها مفتوح. ونده عليها

عدي: هنا استني

(عندك استني دقيقة هتجنن منك شوفلي طريقة. اعمل معرف بطل تقلق بطل خوف بتقولي عيونك مكسوف طب من مين )

عدي: قرب منها وحاوطها من ظهرها. وهو في قمة شوقه ليها. عايزة تفقليها

هنا: بخجل. اااه

عدي: وهوبيحضنها اكتر وبيدفن راسه في شعرها. ومكسوفة مني

هنا: بكسوف. بصراحة اه.

عدي: لفها ليه وحضنها وبص في عنيها

( مقدرش اوصفلك ايه اللي جرالي. احساس وجديد قوي بالنسبالي. خلينا وضحين فرق دايما بين حاجتين بين وانا عادي وهادي وبين وانا ملهوف.)

عدي: مال عليها وباسها بحب ورقة

هنا: مكنتش دي اول مرة يعمل كدة بس اللي كان موترها الموقف اللي هي فيه

(مكسوف من مين ده انا نفسي مخدتش يوم يومين. قدامي ملاك مش شايف بني ادمين. يا نهار يا نهار

يوم . يوم قربك اجمل يوم ده اللي استنيته سنين. )

هنا: بتحاول تبعد وتمشي من قدامه.

عدي: قربها اكتر ومد ايده لظهرها

هنا: افتكرت انه هيقفل السوسته.

عدي: فتح باقي السوسته ونزل الفستان بحركة سريعة جدا. وقبل ما هنا تفوق من صدمتها كان شالها ودخل بيها الاوضة

(اسأل قلبك اسأل عينك. من غير ما تقول ما هو بيني وبينك. في حاجات تتقال وحاجات احلي وهي خيال واكتر من اللي بتتمناه ومش علي البال.

طب امتي وفين وازاي انا ناسي. بس انا عمري ما اكدب احساسي. مكتوبلي القاك. مكتوبلي اكمل وياك. من غير ما تقولي خلاص بان ايه جواك.

مكسوف من مين ده انا نفسي ماخدتش يوم يومين. قدامي ملاك مش شايف بني ادمين يا نهار يا نهار. يوم يوم قربك اجمل يوم. ده اللي استنيته سنين)

وبعد شوية في اوضة هنا. تليفون عدي بيرن... رعد

عدي: قام من جنب هنا واتعدل في السرير. وهو بيبتسم وبيبص علي هنا اللي مخبيا وشها في المخدة من كتر كسوفها.

عدي: ايوة يا رعد

رعد: ايوة ايه يا بارد. انت فين الحفلة ابتدت من بدري والناس كلها هنا وانا مش عارف اخلي بالي من همس ولا اشوف الناس انت فين سيادتك

عدي: وهو لسة مبتسم. وبيشيل شعر هنا علشان يشوف وشها. بصراحة كان عندي اهم حاجة في حياتي. وشكلي كدة مش هاجي الحفلة

رعد: لا انت بستهبل. حاجة ايه دي يا اخويا بقي

عدي: احممم. ايه المفروض اقولك ايه تاني ما تفهم

رعد: ههههههه. لا والله. وحبك تتفك عقدتك النهاردة

عدي: هههههههه اعمل ايه بس هي الحاجات دي فيها ازاي وليه. حلاوتها في حموتها يا باشا

رعد: هههههههه. طيب يا عريس مبروك. اسيبك انا واروح اشوف الناس. سلام يا ندل

عدي: هههههه سلام وقفل مع رعد. وبص علي هنا وابتسم علي شكلها وهي لسة مكسوفة ومخبية وشها منه. ودافنا راسها في المخدة

قرب منها وشال شعرها وهو بيضحك. وبعدين ايه الكسوف ده كله.ارفعي وشك في ايه

هنا:بتهز راسها ومش عايزة ترد

عدي:هههههههه. اللي يشوف طولة لسانك ميشوفكيش دلوقتي وانتي زي القطط كدة

هنا: ما هو من اللي انت عملته. انت قليل الادب

عدي: ههههههه. يا هبلة انتي مراتي هو انا مصاحبك. انتي تحمدي ربنا اصلا اني كنت ماسك نفسي عنك الفترة اللي فاتت دي كلها. ارفعي وشك بقي

هنا: رفعت وشها وخدودها كانت حمرا من الخجل. اهو عايز ايه

عدي: ابتسم وقرب منها. عايز اكلك. يخرب عقلك ايه الجمال ده بس

هنا: ابتسمت. بس بقي مش كفاية اللي حصل

عدي: بمكر. وهو لسة حصل حاجة. دي يا دوب البداية. لسة التقيل جاي

هنا: لا ولا تقيل ولا خفيف. احنا لازم نقوم علشان نروح لرعد وهمس

عدي: وهو ده وقت رعد وهمس. خلينا مع بعض. ده كنت مستني اليوم ده من اول ما شوفتك.

هنا:ابتسمت. بجد يا عدي

عدي: يالهههوي. انتي لسة بتسألي. ده امه لا اله الا الله. عرفت اني هموت عليكي

هنا: بكسوف. وانا كمان

عدي: ابتسم. طيب لما هو كدة. تعالي بقي نكمل وسيبك من همس ورعد

هنا: لا خلينا نروح. وبعدين وهو انا هروح منك فين ما انا خلاص دخلت القفص

عدي: اتنهد امري لله. قومي معايا ناخد حمام ونجهز

هنا: شدت الغطا عليها بكسوف. لا روح انت الحمام اللي برا وانا هدخل هنا

عدي: لا بقولك ايه. ده انتي مررتي اللي خلفوني. قومي بدل ما اشيلك

هنا: قولت لا هاه. وطلعت لسانها تغيظه

عدي: كدة ماشي. شد الغطا وشدها بسرعة وشالها.

هنا: بتفرك. انت بجد غلس

عدي: باسها من خدها. هو انتي لسة شوفتي غلاسة. ده انا هفرمك.

وبعد شوية جهز عدي وهنا كمان. ونزلوا العربية. وعدي كان سعيد سعادة ماتتوصفش. وكان كل شوية يبص لهنا نظرات بتكسفها بعد اللي حصل. وشغل عدي أغنية لهنا وهو ماسك ايديها وحضنها وكل شوية يغمزها بعنيه مع كلمات الاغنية

وكانت (الليلة لعمرو دياب)

(والله وهتجمعنا الحياه. كان حلم غالي.

افرح يا قلبي وعيش معاه احلي الليالي.

والليلة حبيبي الليلة ليلة عمرنا.

الليلة دي اجمل ليلة في حياتي انا

عايز تحس بفرحتي. خليك مكاني هعيش مع اللي حلمت بيه مش حد تاني

الليلة حبيبي الليلة ليلة عمرنا. الليلة دي تجمل ليلة في حياتي انا.)

هنا: كانت هي كمان سعيدة ومبسوطة. واكتر حاجة كانت مخلياها فرحانة السعادة اللي فيها عدي. وهي شيفاه مبسوط من قربهم من بعض

ووصلو الفندق اللي رعد عامل في الحفلة. ودخل عدي وهنا لرعد وهمس

رعد: ايه ده انت مش قولت مش جاي

عدي: اعمل ايه بس حكم القوي مش بإيدي. هنا اللي مصممة تيجي لهمس

همس: حبيبتي يا هنون. ربنا بخليكي ليا

هنا: ويخليكي يا قمر. ايه بس الجمال ده الفستان تحفة

همس: يا شيخة حرام عليكي. قمر ايه بس ببطني المكعبرة دي

رعد: حاوطها بإيده. احلي كعبورة يا روحي

همس: هههههه. كدة ماشي لما نروح هوريك

رعد: لا خلاص حقك عليا انا مقدرش علي زعلك

عدي وهنا : بصه لبعض.

عدي: امممم. واضح ان عقاب همس بقي بيجيب نتيجة معاك

رعد: بعصبية. ما تتلم انت احسنليك.ومتفكرنيش علشان انا اصلا لسة ما نسيتش اللي انت عملته

هنا: قلبك ابيض بقي يا رعد بيه

رعد: ما بلاش بيه دي خلاص بقي انتي اختي زي عدي بالظبط

هنا: ابتسمت. تمام ماشي يا رعد

عدي: انتي ما صدقتي

رعد: بقولك ايه تعالي عايزك. وانتي يا هنا خليكي مع همس وخلي بالك منها

هنا: في عنيا

وهمس: وشوشت هنا. مبروك يا عروسة

هنا: اتكسفت. وانتي عرفتي منين

همس: ما هو رعد قالي انكم مش جاين علشان كدة

هنا: هههههه. اسكتي يا همس. ده عدي طلع قليل الادب بشكل

همس:هههههههه. انتي مصيبة

هنا: لا بجد ده فظيع انا مش عايزة اروح معاه. ده طلع مجنون

همس: ضحكت لما عنيها دمعت. هههههه. يا بنتي ده جوزك عادي. بكرة تتعودي

هنا: ده لو طلع عليا صبح

همس: يا بنتي اسكتي انا لو ضحكت بصوت عالي رعد هيولدني دلوقتي اتلمي

رعد: كنت هنفخك لما اشوفك لو ماجتش

عدي: والله ما كنت جاي. هي اللي صممت.

رعد: هههههه. شكلها طفشت منك. اتقل شوية

عدي: لا والله. ده علي اساس ان انت تقيل علي همس

رعد: لا انا حاجة تانية. انا بعرف اتعامل مع همس.

عدي: ماشي يا عم الفتك. بقولك ايه عايزين نعملهم مفاجأة حلوة تفتكر ايه

رعد: انا اصلا كنت مجهز مفاجأة لهمس. بس شكلك كدة هتيجي وتكتم علي نفسي وتقضي شهر العسل معايا

عدي: ليه هنروح فين

رعد: كنت هخدها ونسافر اسبوعين المالديف

عدي: هو ده الكلام. مفيش احلي من كدة. هناك دنيا تانية. انا معاك سامع

رعد: ماشي يا خويا. انا كنت هسافر بكرة.

عدي: معاك. مفيش مشكلة

رعد: طيب انا اصلا حاجز جناح هنا هنبات في انا وهمس الليلة ما تحجز حناح وقضي الليلة هنا

عدي: اوك. مفيش مشكلة. بقولك ايه. انا عايز ارقص مع هنا. الاغنية اللي جاية دي هنا بتحبها

رعد: ابتسم. وهمس كمان بتحبها تعالي.

وراح رعد لهمس. وعدي لهنا وكل واحد اخد حبيبته ترقص معاه وكانت اغنية شيرين اللي فعلا جميلة وبتوصف احساس همس برعد وهنا بعدي. وهي (انا كلي ملكك)(اناااا انا كلي ملكك. انا كل حاجة حبيبي فيا بتناديك. اناااا انا مش بحبك. الحب كلمة قليلة بالنسبة ليك.

انت فرحة جات لعندي بعد عمر من التعب.

في السعادة اللي بعيشها يا حبيبي انت السبب

ضحكتك عقلك جنونك والحنان اللي في عيونك.

هوصف ايه واحكليلك ايه.

همس: بحب وعشق. هوصف ايه واحكي ايه. بحبك وبحب جنونك قبل عقلك

رعد: بنظرة عاشق وولهان. انا اللي كلي ملكك. وكل حاجة فيا بتحبك ودايبة فيكي. بعشقك

وضمها ليه بحب وحنان

انااااا انا كلي ملكك انا كل حاجة حبيبي فيا بتناديك اناااا انا مش بحبك. الحب كلمة قليلة بالنسبة ليك

معااااا بضحك وبفرح. مبقتش خايفة

وازاي هخاف وانا بين ايديك.

سااااعات بخيالي بسرح. قبل ما ابحلم كل حاجة بلقيها فيك.

هنا: بنظرة سعادة. مبقتش خايفة من اي حاجة وانا في حضنك

عدي: بنظرة حب ورضا. اوعي تخافي انا معاكي. انا بحبك يا هنا بحبك اوي

انا مستعد اعمل علي شانك اي حاجة بس تفضلي في حضني

والسنين هتفوت وتمشي. منك انت انا مش همل.

بوعدك يا حبيبي عمري شوقي ليك ما في يوم يقل.

هبقي فرحك وقت حزنك. في التعب تلاقيني جنبك.

كل يوم من عمري ليييك.

انااااا انا كلي ملكك)

وخلصت الحفلة. وكل واحد اخد حبيبته وطلع جناحه وقضي ليلة من اجمل لياليهم مع بعض.

(((عندما يعشق الرعد)))

(رحم للإيجار)

((الحلقة الواحد والاربعون))

في جز المالديف

في مطعم تحت الماء. قاعد رعد وهمس وهنا وعدي. بيتغدوا

همس: متوترة. رعد انا خايفة

رعد: مسك ايديها. من ايه يا روحي

همس: بخوف وبراءة. هو ممكن الازاز ده يتكسر والسمك ياكولنا

هنا وعدي: هههههههههههههه

رعد: بصلهم بغضب. محدش يضحك علي مراتي. احسن والله ارميك للسمك انت وهي

عدي: بيكتم ضحكته. خلاص هنسكت

همس: زعلانة منهم ومكشرة

رعد: حاوطها بإيده. حبيبي ما تخفيش. وده مصنوع من مادة مضادة للكسر والمياه والرصاص كمان. متقلقيش طول ما انا معاكي يا قلبي.

همس: بس انا حاسة اني قاقانة

رعد: بمكر. انا ممكن حالا وقصاد الناس اطمنك ايه رأيك

همس: اتكسفت وابتسمت. رعد

رعد: هههههههه. ايوة كدة. ابتسمي يا روحي وما تخفيش واستمتعي بالمنظر اللي يجنن ده

همس : اتنهدت ححاول.

رعد: تليفونه رن.... مروان...... ايوة يا مروان خير

مروان:........

رعد: طيب خليك معايا. عدي تعالي معايا. عن اذنك يا حبيبتي هكلم مروان وراجع

همس: هزت راسها وابتسمت. براحتك يا حبيبي

هنا:ههههههه. يا جبانة

همس: انا مش عارفة انتي جايبة القلب الجامد.ده منين انا خايفة ده في سمك كبير اوي وقريب

هنا: ههههههه. والله انا لو عليا انزل اعوم مع السمك ده. ده مكان تحفة

همس: طيب يا ختي ربنا يستر

رعد وعدي كانوا طبعا بلبس كاجوال تيشيرتات وشورتات شيك جدا ولا خلاف علي هيأتهم وواسمتهم .

رعد وعدي واقفين بيتكلم رعد في الفون وماسك الفون بإيد وإيده التاتية في جيبه. وواقف وقفته الواثقة اللي بتلفت النظر. وعدي بيتابعه بإهتمام هو كمان وحاطت ايده الاتنين في جيبه.

وعدي من جنبهم بنتين جميلات جدا ولفت نظرهم رعد وعدي. وللحظ قعدوا قريب من همس وهنا. وللحظ الاوحش ان البنات دول عرب ومصرين كمان.

البنت الاولي: ووااا. اختي بالك مين اللي واقف هناك ده. ده رعد الحديدي. يجنن فظيع علي غرور

همس: تنحت واتعصبت.

هنا: مسكت ايديها. اهدي يا بطة بلاش فضايخ.

البنت التانيه: بإعجاب. بس اللي جنبه ده مين ده كيوت اوي

هنا: جزت علي سنانها.

همس: بتريأة. اهدي يا قطة بلاش فضايح

البنت الاولي: اللي جنبه ده يبقي عدي شريكه. مش ممكن الاتنين دول وحوش بجد. ده عدي ده. كان مجنن ايلين صاحبتي عارفاها

البنت التاتية: اااه ايلين. وعملت معاه ايه

البنت الاولي: جننها وتقل عليها وهي كانت هتموت عليه. وفي الاخر بتقولي سمعت انه اتجوز واحدة بلدي مش من مستواه

هنا: وشها احمر وجزت علي سنانها

همس: اهدي يا هنا ابوس ايدك

هنا: مش قادرة. جلبي جايد نار يا موجة. عايزة اجيبها من لوازها

همس: هههههنهههه. طيب اسكتي لتسمعك.

البنت الاولي: بإعجاب. بس رعد ده حاجة تانية. اااه لو عرفت اوقعه تبقي خبطة العمر

البنت التانية : اممم. وليه لا واضح انهم بيقضوا اجازة. نحاول نقرب منهم. انتي رعد وانا عدي

همس: لا والله دي عايزة تتجاب من شعرها.

هنا: استني بس انا هظبطهملك لما رعد وعدي يرجعوا.

رعد: صحيح يا مروان. آمين فاق من الغيبوبة

مروان: ايوة سيادتك. واحنا متابعين حالته بإهتمام. لحد ما حضرتك ترجع.

رعد: مروان. لو آمين اختفي هموتك

مروان: متقلقش يا باشا. انا بس صحته تتحسن. وانا هخده علي مكان محدش هيعرف يجيبه منه لحد ما حضرتك تشوف هتعمل ايه

رعد: بغيظ. تمام وتوفيق

مروان: مدام مها رجعت من فرنسا من يومين وهي معاه ومش بتسيبه.

رعد: اهلا. هي رجعت الحيا. كويس ارجع بس وانا هقطع رقبتها. مروان ميغيبوش عن عنيك سامع

مروان: اطمن يا باشا.

وقفل رعد مع مروان ورجع هو وعدي للترابيزة.

رعد: مال علي همس وباسها من خدها وابتسم. اتأخرت عليكي يا قلبي

همس: باصت للبنت الاولي

البنت الولي:كانت مصدومه.

همس: وبدلع. بصراحة اه يا روحي. انت اصلك بتوحشني اوي

رعد: رفع حاجبه. همس اصلا بتتكسف تعمل كدة في مكان عام.

هنا: اتعلقت في دراع عدي. وحشتني يا ديدو

عدي: شامم ريحة غيرة حريمي

هنا وهمس:هههههههههه

عدي: هههههه. عيب ده انا ديدو. اعترفوا بتغيظوا مين يا قمرات

هنا:بصوت واطي. الاتنين اللي جنبك دول

عدي: بيغيظ هنا. اااه تقصدي الصواريخ اللي هناك دي

هنا: زغدته. اتلم جاتك صاروخ في قلبك

عدي: اي قلبي. وغمزها واهون عليك يا هنون

هنا: ابتسمت. تؤتؤ ما تهونش يا عيون هنون

رعد: ابتسم وباص لهمس. ومال عليها. حبيبي غيران ليه بقي

همس: اصلهم كانوا هيكلوك بعنيهم. والبنت اللي هناك دي. عايزة تشاغلك وتاخدك مني

رعد: حاوطها بإيده وحضنها. وتفتكري ده ممكن يحصل. انا مش مشغول غير بيكي انتي وبس يا همستي

همس: ابتسمت.بجد يارودي

رعد: ههههههه. بجد يا قلب رودي

عدي: اهلا اخيرا اعترف.

رعد: هي بس اللي مسموحلها تقولها فاهم

عدي: الله يسهلوا يا باشا. المهم سيبكم من الصواريخ علشان انا حجزت لهنا وهمس في الصبا. تدليك وماساج ودنيا هتظبطوا علي الاخر

هنا: فرحت حبيبي يا ديدو

رعد: بجدية. انت مجنون. لا طبعا همس مش هتروح

عدي: ليه بس

رعد: انت بتسأل. انت عارف احنا فين. هنا مفيش حيا ولا ادب. افرض حد شافهم جوا. ولا كان في كاميرات. انت اكيد اتجننت.

هنا: بس انا عايزة اروح

رعد: والله جوزك موافق مع نفسك. لكن همس مستحيل.

همس: مكشرة

رعد: حنية. حبيبتي متزعليش انا خايف عليكي. نرجع بس وانا اجبلك الصبا لحد البيت تعملي اللي يعجبك. بس ابقي مطمن مش تحكم والله

همس: ابتسمت. ماشي لما نرجع

رعد: ابتسم بسعادة. حبيبة قلبي يا مريحاني

عدي: قرب من هنا. الاخت عادي هتروح وتتصور ولا ايه

هنا: بعصبية. جزت علي سنانها. خلاص امري لله الغيها يا فالح

عدي: تمام اوي. حبيبتي يا عاقلة

رعد: طيب عن اذنكم احنا بقا.

عدي: علي فين يا خلبوص

رعد: ما تحترم نفسك. هو انت مش هتكبر بقي وتبطل الغلاسة دي

عدي: لا يا حبيبي انا هفضل صغير وشباب طول عمري. سيبنالك العقل يا جامد

رعد: طيب اسكت وخليك في حالك

عدي: وحياتك ما انت ماشي غير لما تقول رايح فين

رعد: استغفر الله العظيم. تنح. هاخد لانش وهطلع بيه مع همس

همس: حرام عليك انا اصلا مرعوبة. واحنا جاين عايز تخدني في لانش. وبعدين هنروح فين

رعد: وشوشها. متقلقيش انا ناوي اخطفك

همس: ابتسمت علي فين

رعد: تؤتؤ مفاجأة

عدي: اممم. تمام معاكم

رعد: ما تخلي عندك دم. روح مع مراتك بعيد عني. ده انت لازقلي من ساعة ما جينا

عدي: طيب قولي رايح فين بالانش وانا اسيبك

رعد: ههههههه. بتحلم. يالا يا روحي

عدي: تعالي يا هنون هخودلك لانش وهما يعني احسن مننا

هنا: بفرحة. ايوة بقي يالا يا ديدو

همس: بصت لرعد. ههههههههه. مفيش مفر علي قلبك

رعد:بنفاذ صبر امري لله. يالا بينا

في الللانش البحر

رعد طاير باللانش وهمس خايفة

رعد: يا روحي اهدي مالك

همس: خايفة اوي. ما تهدي شوية

رعد: تؤتؤ. اصلي مستعجل

همس: علي ايه

رعد: علي المكان اللي ناوي اخطفك فيه

همس: بخبث. هو انت ناوي تخطفني بجد

رعد:غمزها. ده انا هخطفك لحد اخر يوم لينا هنا. هنقضي باقي الاجازة لوحدنا

همس:طيب رايحين فين.

رعد: بصي خلاص وصلنا.

رعد اخد همس علي جزيرة في وسط المياه. مافيهاش حد غيرهم. ورعد نزل ونزل همس وشالها لحد الشط.

همس: احنا فين

رعد: قربها ليه وشال الحجاب اللي علي شعرها. وفرده ومرر ايده في خصل شعرها. وبهيام.

احنا في جزيرة. مفهاش حد غيرنا.انا وانتي وبس.

همس: وهنقعد فيم

رعد: هنقعد في الكوخ اللي هناك ده

همس: بصت لقت كوخ قريب من الشط. واصلا المكان يجنن وفيه ورود و انوار. والمكان جاهز فعلا.

همس: وعملت كل ده امتي. وكمان هو مفيش حد معانا خالص

رعد: اتنهد. يا ستي هنا بيجي الحبيبة وبس. بيجهزولهم كل حاجة ومحدش بيجي هنا الا لما يرجعوا.او احنا نتصل بيهم لو احتاجنا حاجة يعني محدش هيجي هنا لحد لما نرجع الشاليه.

همس: وعدي وهنا عارفين

رعد: انا قولت لعدي لما زن عليا بس. لكن انا مكنتش ناوي اقول لحد. وبتوعد ومكر.😈😈 انا بقي هنا بجد هنتقم منك علي اللي عملتيه فيا الفترة اللي فاتت

همس: رجعت لورا وابتسمت. تؤتؤ اوعي تتجنن لحسن اولدلك هنا واسوحك

رعد: شدها لحضنه وابتسم. وهو في احلي من الولادة هنا اولدي وانا اللي هولدك بنفسي

همس: ههههههه. ماشي يا دكتور. بس احنا جينا ومعناش هدم.

رعد: بقولك المكان جاهز من قبل ما نيجي. انا جهزت شنطتنا. وبعتها معاهم. وبعدين اناةعايز افهم انتي عايزة هدوم ليه. احنا تقريبا مش هنحتاجها

همس: ابتسمت وضربته في كتفه.بطل قلة ادب.

رعد: ههههه. لسة مستعجلة علي ايه اتقلي

همس: اتعلقت في رقبته وباسته من خده. بحبك يا رودي بحبك اوي. متعرفش انا كنت خايفة عليك ازي وانت في الغيبوبة

رعد: اتنهد. انا اللي كنت هتجنن عليكي وانتي بعيد. كان حالي حال. ومكنش في. في الدنيا حاجة ليها طعم منغيرك. وضمها بقوة. ااااااه يا همس انا بس نفسي اعرف انا اخرة حبي ليكي ايه. كل يوم بحبك عن اللي قبله. بعشقك اكتر. وبتمني اخبيكي في قلبي اكتر واكتر

وخرجها من حضنه وابتسم. تعرفي. انا نفسي اعيش معاكي هنا لوحدي انا وانتي وبس. انا مش عايز من الدنيا دي غيرك يا همس. والله كفاية عليا

همس: حطت راسها علي صدره. واتنهدت. كنت مفتقدة حبك وحنيتك يا رعد. علي قد اللي عملته فيا ما وجعني. علي قد ما انا كنت متأكدة. ان مفيش في الدنيا زي حنيتك ودلعك ليا. وحضنته بحب وابتسمت. انا اللي نفسي اخبي نفسي في حضنك لاخر يوم في عمري

رعد: ابتسم. وملس علي شعرها بحنية. وهو انتي ليكي مكان تاني تستخبي فيه غير حضني. ماهو ده مكانك الطبيعي.

همس: خرجت من حضنه. وبدلع. هو احنا هنعمل ايه دلوقتي

رعد: شالها وغمزها. هفرجك علي الكوخ بس يارب يعجبك. ودخل بيها الكوخ.

وقضي رعد مع همس علي الجزيرة دي احلي ايام. كلها حب ودلع. كانوا مشتقاين لبعض جدا. وكمان عدي وهنا كانوا بيقضوا احلي ايام هما كمان. كان فعلا شهر عسل بجد.

وبعد ما خلصت الاجازة رجع رعد وهمس وعدي وهنا.

رعد وصل همس للقصر.

رعد: حبيبي انا هسيبك ترتاحي علشان عندي حاجات هخلصها وارجعلك

همس: بس انت لسة جاي من السفر ارتاح النهاردة وبكرة ابقي شوف وراك ايه

رعد: لا يا قلبي. المشوار ده لازم اخلصه النهاردة. مش هينفع يتأجل.

همس: ابتسمت. اللي يريحك يا حبيبي ترجع بالسلامة.

رعد: ابتسم وباسها من جبينها. الله يسلمك يا روحي. يالا ارتاحي انتي وحاولي تنامي.

وخرج رعد وقابل مروان

رعد: هاه يا مروان عملت اللي قولتلك عليه

مروان: تمام يا باشا. زمان الحرس بتوعه متكتفين ورجالتنا هناك مش هيخولها تخرج من الڤيلا.

رعد: تمام وامين

مروان: في المخزن. الجديد

رعد: حلو اروح للحيا الاول وبعدين اروح لامين

عدي وهنا وهما راجعين هنا لاحظت. ان عدي ماشي في طريق مختلف عن طريق البيت.

هنا: انت رايح فين يا حبيبي

عدي: ابتسم علي بيتنا يا قلبي

هنا: بس ده مش طريق البيت

عدي: لا هو بس انتي مش واخدة بالك

ووصل عدي للڤيلا الجديدة. ونزل وفتح الباب لهنا. اتفضلي يا عروسة

هنا: متنحة. احنا فين وڤيلا مين دي

عدي: شدها من ايديها بحنية. ونزلها وباس ايديها الاتنين برقة. وبص في عنيها وابتسم. احنا في بيتك. بيت هنا. اللي هنعيش في مع بعض ونبتدي حياتنا فيه من اول وجديد. انا عرفت انتي ليه مكنتيش بتحبي شقتي علشان فيها ذكريات حلا وصورها وزوقها. علشان كدة انا صممت اننا نزجع علي هنا. علي بيتنا.

هنا: دمعت وحضنته. بحبك بحبك اوي

عدي: ضمها وابتسم. وانا والله يا قلبي بحبك اوي. تعالي بقي افرجك علي بيتك. بس يا رب زوقي يعجبك

هنا: دخلت معاه وانبهرت من جمال الڤيلا وزوقها ورقتها. واتفاجأت بصورها هي اللي في كل مكان.

هنا: فتحت عنيها بفرحة. دي صوري انا.

عدي: ابتسم. من هنا ورايح مفيش غير هنا وصور هنا وجمال هنا وحب عدي لهنا وبس. انتي هنا حياتي

هنا: حطت ايديها علي قلبها. لا بجد كدة كتير انا كنت عايزاك تنسي حلا

وتحبني انا. وكنت فاكرة ان ده مستحيل وصعب. بس انت اثبتلي العكس. انت بجد حبيتني يا عدي.

وانا حسيت بحبك. انا اسفة علي كل لحظة دايقتك فيها ببعدي عنك

عدي: اتنهد. هنا انا كنت عايزك عايز هنا وحبها عايزك تحسي بحبي ليكي. وتعرفي ان مفيش غيرك في قلبي

هنا: انت عارف انك كل دنيتي. انا مليش غيرك. انت الوحيد اللي حسيت بحنيته عليا بعد ماما مرڤت الله يرحمها.

عدي: قربها ليه. وانا ا عدك هغرقك حنيه وحب. مفيش ست شافتهم قبلك

هنا: ابتسمت. انت اجمل راجل في الدنيا.

عدي: ابتسم وانتي اجمل عروسة في الدنيا.

هنا: لسة عروسة ما خلاص بقي

عدي: طبعا عروسة مش لسة راجعة من شهر العسل.

هنا كنت عايز اخدك ونسافر اسكندرية عايزك تتعرفي علي خالتوا ثريا. وبناتها. هتحبيهم جدا

هنا: وماله يا حبيبي. انا موافقة انا اصلا اسكندرية وحشتني

عدي: وعلي فكرة. هننزل في اوتيل لحد لما اجهز شقة تانية غير القديمة

هنا: مسكته من خدوده. بحبك يا بن اللذين

عدي: طب ما تيجي افرجك علي اوضة النوم. وهناك حبيني براحتك

هنا: ههههههه. مفيش فايدة هتفضل مصيبة. تعالي فرجني.

في ڤيلا الحديدي.

رعد دخل هو ومروان بعد ما كتفه الحرس بتوع توفيق. ودخل لقي توفيق قاعد علي كرسي متحرك. وجنبه مها. مها اول لما شافت رعد حاولت تجري علي فوق. بس رعد سابقها وجرها من شعرها.

رعد: علي فين يا حيا يا عقربة. انتي ايه سمك وشرك ملوش آخر. بس والله لهعمل فيكي نفس اللي عملته في همس بسببك.

مها: لا يارعد انا مهما كنت بنت عمك. قبل ما اكون مراتك

رعد: بغضب وصوت عالي. اخرسي مين دي اللي مراتي. امتي طلقتي ويارتني اصلا ما اتجوزتك. انا مفيش غير واحدة بس اللي تستاهل انها تكون مراتي. مراتي اللي كنتي عايزة تسقطيها. مراتي اللي عرتيها وبعتلها الكلب ابراهيم. علشان اشك فيها. بس انا هكسرك يا مها وهخليكي تحصلي جدك علي الكرسي اللي جنبه.

توفيق: غضبان وخايف علي مها. بس مش قادر يتحرك. وداس علي زرار الكرسي وراح ناحية رعد.

سيبها ملكش دعوة بيها حسابك معايا انا

رعد: بسخرية. ومين قال كدة. حسابي معاها زيك تمام. لازم ادوقها اللي مراتي دقته بسببها.

وفضل رعد يضرب مها بغل وكره. وكان غيظه يزيد اكتر كل ما يفتكر. لما كان بيضرب همس. وانها مكناش تستحق كل اللي حصلها. وبعد عنها بعد فترة من الضرب الطاحن. ورماها علي الارض وهي مش قادرة توقف ولا تتكلم.

توفيق: بغيظ. انت فاكر علشان قعدت علي الكرسي ده خلاص مش هقدر انتقم منك. تبقي غلطان. انا هوريك يا رعد

رعد: بحدة. خلاص بقي راحت عليك. مخازنك وحرقتها فلوسك واملاكك واخدتها. حتي شركتك وقعتها وخلاص اديك هتعلن افلاسك قريب. وانت قعدت علي كرسي مشلول ذليل مش قادر تتحرك. حتي مش قادر تقف قصادي وقرب منه وبصوت يرعب. علشان تدوق الذل اللي ذليتوا لامي اللي خبيت عليا انها . بس اوعدك هعرف مكان امي وهرجعها وهخليها تتمتع بفولسك. حتي الڤيلا دي. تبع املاكي اللي اختها منك. وهرميك في الشارع انت والحيا دي. وضرب مها برجله بقرف.

توفيق: بغل. بس انا لسة توفيق الحديدي. ولسه عندي اللي يكفيني. وهرجع اقف علي رجلي .

رعد: بسخرية قصدك الفلوس اللي بنك لندن. عادي مسيرهم يخلصوا. وانا هفضل وراك. كل لما تقوم هوقعك.

وبصوت عالي. مروان

مروان: تحت امرك يا رعد باشا.

رعد: ارميه هو الزبالة دي برا الڤيلا وتحط حرس عليها. ومحدش فيهم يقرب من بابها.

مروان: تمام يا رعد باشا.

وخرج رعد. بعد ما خرج توفيق ومها من الڤيلا ومشي.

في مخزن رعد.

رعد دخل لامين

رعد: بحزم. حمد لله علي السلامة يا امين.

امين: بلع ريقه بخوف. رعد بيه انا مليش في العدواة اللي بينك وبين توفيق بيه. انا كنت عبد المأمور

رعد: قعد قصاده وحط رجل علي رجل. من غير كلام كتير. هتقولي توفيق عمل ايه في امي زمان. وراحت فين من يومها

أمين: هز راسه بخوف. حاضر هقولك كل حاجة.

#عندما

#يعشق الرعد

البارت 42

البارت 43

🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤

(((عندما يعشق الرعد)))

(رحم للإيجار)

((الحلقة الثانية والاربعون))

في الاسكندرية في شقة ثريا خالة عدي.

ثريا: بفرحة وصدمة في نفس الوقت. بسم الله ماشاء الله. جميلة يا عدي. بس سبحان الله.الخالق الناطق. حلا

هنا: ابتسمت وبصت لعدي.

عدي: ابتسم. ده في الشكل بس لكن هنا حاجة تانية هنا دي حبيبتي

ثريا: ربنا يهنيكم ببعض يا حبيبي. وبتردد. عدي عايزاك جوا دقيقة

عدي: حاضر يا خالتو. عن اذنك يا هنون

هنا: ابتسمت. براحتك يا حبيبي.

في اوضة ثريا

ثريا: يعني انت بجد بتحبها ولا اتجوزتها علشان شبه حلا

عدي: ابتسم واتنهد. بصراحة في الاول كنت فاكر. ان قربي منها علشان الشبه اللي بينهم. لكن مع الوقت. اتأكدت اني فعلا بحبها. وياريت يا خالتو ماتجبيش سيرة حلا كتير قصادها. وحاولي تقربي منها هنا عيشرية وبنت حلال وهتحبيها زي ما كنتي بتحبي حلا. انا متأكد

ثريا: من غير ما تقول يا حبيبي. انت ابني وهي بنتي. وان شاء الله هعاملها زي ما كنت بعامل حلا الله يرحمها. ومتقلقش مش هجيب سيرة حلا. ربنا يا ابني يوفقك ويهنيك معاها

عدي: ربنا يخليكي يا ريري يا ست الكل. تعالي بقي نخرجلها علشان متزعلش.

هنا: واقفة في البلكونة وبتتفرج علي البحر وبتتنهد براحة.

عدي: دخل وراها وحضنها. حبيبي سرحان في ايه.

هنا: ابتسمت. هيكون في ايه. فيك طبعا.انا عمري ما كنت مرتاحة وسعيدة. زي دلوقتي. حياتي معاك ليها طعم تاني

عدي: لفها ليه. وملس علي خدها بحنية. هنا مش عايزك تزعلي ان خالتو جابت سيرة حلا

هنا: لا ابدا يا حبيبي والله مش زعلانة. ومقدرة صدمتها. بس اوعدك هخليها تحبني ونبقي اصحاب

عدي: ههههه. وانا معنديش شك في كدة. انتي تقدري تخلي اي حد يحبك ويموت فيكي.

وبتردد. احمم هنا انا كنت عايز انزل اطمن علي عمي فريد وطنط سميحة. لو مش يضايق

هنا: ابتسمت. لا طبعا مش هتضايق. انت اتعودت تطمن عليهم حتي بعد موت حلا. ودي حاجة انا بحترمها فيك. روح يا حبيبي. سلم عليهم

عدي: ابتسم وباسها من جبينها. كنت متأكد. انك هتفهميني. انا نازل وانتي اتعاملي مع ريري.

في شقة فريد وسميحة والد ووالدة حلا.

فريد: بفرحة وسعادة. ازيك يا عدي يا ابني. وحشتني ليه مبتجيش. زي عاويدك.

عدي: معلش يا عمي. انت عارف الشغل واخد كل وقتي

فريد:ابتسم. الشغل ولا العروسة

عدي: اتحرج. عمي ااااانا اقصد يعني

سميحة: يا حبيبي عمك بينكشك. انت اتلخبط ليه

عدي: لا ابدا. بس انا عايزكم تفهموا. ان حلا ليها مكانة عندي عمرها ما هتتغير مهما حصل.

فريد: ابتسم بحزن. عارف يا حبيبي. وبعدين وهو انت كنت هتفضل عازب طول عمرك. ما انت كان مسيرك تتجوز. المهم مبسوط معاها

عدي: الحمد لله. هي بنت حلال وتتحب. بس قولي بقي ايه الالبوم اللي كنت بتتفرج عليه ده

فريد: ههههههههه. ده البوم في صور حلا وهي صغيرة. خد شوف كدة

عدي: ابتسم واخد الالبوم. وابتدا يقلب في الصور

بس انا اول مرة اشوف الالبوم ده

سميحة : اصل احنا كنا مخبينوا من حلا. علشان كان ليها صور مش عجباها وعايزة تقطعهم وعمك خاباه منها.

عدي: اممممم. بس هي ليه في كل الصور متصورة في نفس الصورة

بس بلبس مختلف

فريد: لا دي حلا. لكن اللي جنبها هنا.

عدي:😳😳هنا؟؟؟!!! هنا مين

فريد: اتنهد. هنا اخت حلا التوأم.

عدي: 😮😮هي هنا ليلها. اخت توأم. انا اول مرة اعرف الموضوع ده

فريد: احنا كان معانا حلا وهنا توأم. وفي يوم واحنا علي البحر. وانا كنت معاهم الاتنين. وانشغلت مع حلا علشان كانت بتخاف من المياه. وفي لحظة ملقتش هنا جنبي. ودورنا عليها في كل مكان. عملت اعلان في الجرنان. وحلا كانت متعلقة بأختها جدا. وجاتلها حالة نفسية. والدكتور وقتها. قالنا لازم تخفي اي اثر لهنا من البيت. وهي مع الوقت هتنسي علشان كدة كنا مخبين عنها. اي حاجة تخص هنا او تفكرها بيها وترجع تسأل عنها.

سميحة : بتعيط. الحمد لله. ربنا اخد مني هنا زمان. وبعد كدة حلا. وعيطت. قدر الله وما شاء فعل.

عدي: مصدوم ومش مستوعب. ورجع بذاكرته يوم جوازه من هنا. والتورته اللي كان عليها رقم 26. وفهم ان ده كان عيد ميلاد هنا. لان هي اصلا مكنتش تعرف عيد ميلاد حلا. معقول تكون هي هنا توأم حلا. وافتكر كلام هنا لفوزي يوم كتب الكتاب

فلااااااش. بالك

هنا: انت ملكش حق تحاسبني ولا تقولي اجوز مين ومتجوزش مين. ولا انت ناسي انك مش ابويا

فوزي: يمسكها من دراعها. انتي اتجننتي. انا هفضل ابوكي لحد ما اموت. انا اللي ربيتك وكبرتك. دلوقتي مش ابكي. بعد كل السنين دي.

هنا: انت وماما مرڤت اخدتوني و صغيرة. لاكن هي كانت بتحبني وحنينة عليا. لكن انت لا طول عمرك. مش مهتم بيا ولا بفرق معاك اصلا.

عدي: مسك فوزي من هدومه. الكلام اللي هنا قالتوا ده صح

فوزي: نزل ايد عدي وزقه بعيد. ايوة صح. واللي عندك اعمله. وانا ابوها بالقانون. وبشهادة الميلاد اللي معاها. وهقول تتجوز مين ومتتجوزش مين.

بااااااك.

فريد: هاي. مالك يا عدي سرحت في ايه.

عدي: يعني هي مش بنت فوزي. وعيد ميلادها في نفس عيد ميلاد حلا. ونفس الشبه معقول

سميحة: بصت لفريد. ايه يا ابني ساكت ليه ايه اللي حصل

عدي: فاق بعدم تركيز. ايه لا ابدا. طيب عن اذنكم انا عندي مشوار مهم لازم اعمله. وادعولي يطلع زي ما انا عايز. ساعتها هجبلكم معايا هدية هتفرحكم.

سميحة: ابتسمت. يا حبيبي ربنا يوفقك. احنا مش عايزين حاجة. كفاية علينا سؤالك علينا من يوم موت حلا.حتي الفترة اللي فاتت كنت مشغول. ومبتجبش بس كنت دايما بتكلمنا في التليفون. وبتطمن علينا

عدي: ده واجب عليا. هو انا مش ابنكم زي حلا الله يرحمها. يبقي ملوش لازمة الكلام ده دلوقتي. يالا انا مش هتأخر. سلام

فريد: مع السلامة يا ابني ربنا معاك.

في منزل فوزي. الجرس بيرن

ماجدة: فتحت الباب. نعم انت مين

عدي: بجدية. انتي مدام ماجدة

ماجدة: ايوة يا خويا خير في حاجة

عدي: ادخلي اندهي لفوزي

ماجدة: وانت مين بقي ان شاء الله.

عدي: قوليله عدي. بس بسرعة

ماجدة: استني عندك لما اشوف اخرة البلاوي اللي بتتحدف علينا دي ايه

عدي: جز علي سنانه. والله مافي بلاوي غيرك. دي ليها حق هنا تطفش من وشك. كتك الارف

فوزي: خرج من جوا واول لما شاف عدي.

اتخض وقلق وخاف علي هنا

فوزي: خير يا عدي بيه هنا حصلها حاجة

ماجدة: بسخرية. هو انت بقي جوز المحروسة.

عدي: بحزم بص لفوزي. عايزك لوحدنا

فوزي: بص لماجدة. خير طيب طمني

عدي: ممكن يا مدام تسيبينا لوحدنا.

ماجدة: ليه هتقولوا اسرار.

فوزي: ادخلي جوا دلوقتي يا ماجدة.

ماجدة: داخلة يا خويا. تلاقي المحروسة مطلعة عينوا.ماهي مبيجيش من وراها غير التعب

فوزي: طمني يا ابني ايه اللي حصل

عدي: انا عايز اعرف انت ومدام مرڤت الله يرحمها لاقيتوا هنا فين. وازاي

فوزي: وانت بتسأل ليه

عدي: بغضب. انطق واتكلم انا روحي في منخيري. بلاش تطلع زرابيني اتكلم.

فوزي: اتنهد هقولك.

فلاااااش باااااك

فوزي ومرڤت قاعدين علي البحر

مرڤت : بتبص علي الاطفال وبتعيط بحسرة

فوزي: بحزن. وبعدين يا مرڤت ما خلاص. الحمد لله احنا راضين بقضاء ربنا. لزوموا ايه بقي العياط. استهدي بالله. ومفيش حاجة بعيدة علي ربنا

مرڤت: بحزن ووجع. ونعم بالله بس انا نفسي في طفل افرح بيه زي باقي الستات. الاعبه واكله وانيمه واخده في حضني. ليه بس اتحرم من اني اكون ام ليه

فوزي: استعيذي من الشيطان. ايه الكلام ده. وبصراحة انا مرتاح كدة. انتي عايزة عيل وتعب ووجع قلب. خلينا كدة زي العصافير ولا مسؤلية ولا بتاع. سيبك من كل ده وتعالي ننزل المياه

مرڤت: لا انزل انت انا مليش مزاج

فوزي: براحتك. لما تحبي تنزلي حصليني.

مرڤت : وهي قاعدة شافت بنت جميلة بيضاء وشعرها بني وعنيها خضراء. وبتعيط لوحدها. قامت مرڤت وراحتلها وقعدت قصادها علي ركبتها. وبحزن. مالك يا حبيبتي بتعيطي ليه

هنا: ببرائة الاطفال. انا مش لاقية ماما وبابا.

مرڤت: انتي اسمك ايه

هنا: اسمي هنا

مرڤت: الله اسم حلو اوي. عندك كان سنة يا هنا

هنا: ماما بتقول. هيبقي عندي 4 سنين بكرة علشان عيد ميلادي انا وحلا

مرڤت: انتي ليكي اخت اسمها حلا

هنا: ايوة

مرڤت: اخدتها وقعدتها معاها. خدي يا حبيبتي الشيكولاتة دي.

هنا: هزت راسها. لا ماما قالت منخدش حاجة من حد

مرڤت: معلش اعتبريني ماما. خدي يا جميلة.

هنا: اخدتها واكلتها.

فوزي: طلع من البحر. مين دي يا مرڤت.

مرڤت: دي بنت تايهة ومش لاقية اهلها.

فوزي: لا حول ولا قوة الا بالله. طب ندور عليهم فين

مرڤت: عنيها لمعت. وحضنت هنا. فوزي انا هخودها

فوزي: انتي بتقولي ايه. انتي اتجننتي يا مرڤت. البنت لازم ترجع لاهلها

مرڤت: حضنت هنا اكتر. لا انا ربنا بعتهالي. واكمان اهلها عندهم بنت تانية غيرها. لكن انا معنيش. ابوس ايدك يا فوزي سيبهالي. انا حبيتها اوي. وهموت لو اخدتها مني

فوزي: طيب وامها مش هتموت وهي بيعيد عنها. يا مرڤت بلاش تعالي ندور علي اهلها. وارمي حمولك علي الله. بكرة ربنا يعوضك

مرڤت: بغضب. اسمع انا هخودها يعني هخودها. ولو انت مش عايز براحتك. طلقني وانا هخدها واروح عن اخواتي في السويس.

فوزي: يا بنت الناس اطلقك ايه بس. انا بتكلم علي البت دي تحرميها من امها وابوها ليه.

مرڤت: انا هبقي امها. وانت ابوها. يالا بسرعة. انا عايزة امشي قبل ما حد ياخد باله مننا.

ومشي فوزي ومرڤت. وروحوا البيت. ومر اسبوع. وهنا كانت ابتدت تبطل عياط. وتحب مرڤت علشان كانت حنينة. عليها وجابتلها هدوم ولعب وكل حاجة ممكن تحتاجها. بس نسيت انها جرحت ام. وقهرت عيلة بسبب انها اخدت بنتهم. وان الابتلاء اللي هي فيه. مش مبرر ابدا علشان تعمل كدة. وخصوصا ان فريد والد هنا وحلا. عمل اعلان في الجرنان. ونزل صورة هنا وعنوانه وتليفونه. وكمان حط مكافأة للي يدله علي مكانها. بس مرڤت. اخدت هنا وسافرت السويس عند اخواتها. سنة بحالها علشان الموضوع يكون هدي. ولما رجعت نقلت من شقتها القديمه. وراحت شقة جديدة. علشان محدش يعرفها ولا يعرف هنا. وكل الناس كانوا فاكرينها بنتها. وعملتلها شهادة ميلاد بإسمها وطبعا دفعت رشوة. علشان ده يحصل. وهنا مع الوقت نسيت اصلا. ان ليها اهل تانين لانها كانت صغيرة 4 سنين. وحنية مرڤت وطيبتها حسستها انها امها.

بااااك

فوزي: هو ده اللي حصل

عدي: انت فاكر اسم ابوها الحقيقي

فوزي: ايوة طبعا. اسمه فريد المهدي

عدي: مسك راسه بإيده. مش ممكن معقول. يعني هنا فعلا اخت حلا التوأم.

فوزي: انا مش فاهم حاجة

عدي: مش مهم عن اذنك.

وخرج عدي ورجع لهنا عند ثريا خالته

عدي: هنا تعالي يا قلبي عايزك

هنا: ابتسمت نعم يا حبيبي خير انت روحت فين وايه اللي اخرك كدة. طنط ثريا اتصلت بيك تحت قالولها انك نزلت من بدري. وتليفونك مقغول

عدي: ابتسم. كنت في مشوار مهم. يخصك يا حبيبتي

هنا: مش فاهمة مشوار ايه

عدي: مش انتي قولتيلي انك يوم ما هربتي من البيت سمعتي ماجدة وفوزي بيقولوا. انهم لاقوكي وانتي صغيرة وربوكي. وانتي كان نفسك تعرفي اهلك الحقيقين

هنا: عنيها لمعت بالدموع. ايوة بس بردوا مش فاهمة حاجة

عدي: انا هقولك.........

هنا: بعياط وفرحة وصدمة. يعني انا ابقي اخت حلا. ازاي طيب ماما وبابا عارفين اني موجودة

عدي: ابتسم. لا يا قلبي انا قولتلك انتي الاول وهننزل ليهم مع بعض. تعالي.

في شقة فريد وسميحة. الجرس بيضرب

فريد: فتح وانصدم اول لما شاف هنا. ابتسم بدموع حلا

هنا: بدموع. رمت نفسها في حضنه لا يا بابا انا هنا

فريد: حضنها. هنا هنا بنتي

عدي: ايوة يا عمي دي هنا. بنتك اللي ضاعت منك من زمان وكمان مراتي

خرجت : سميحة. اول لما شافت هنا. اغمي عليها.

وبعدين فواقوها وحكي ليهم عدي كل اللي حصل من اول يوم اقابل في هنا لحد لما عرف انها بنته.

سميحة: حضنة هنا وبتبوسها بحب وشوق ام اتحرمت من بنتها سنين طويلة. حبيبتي الحمد لله ربنا اخدك مني زمان لكن عوضتي بحلا. ولما اخدها مني رجعك ليا علشان يعوضني حزني ووجعي عليكي زمان وعلي موت اختك من بعدك.

هنا: وحشتيني يا ماما. انا من اول ما عرفت اني مش بنتهم. وانا بتنمي اقبلك. واشوفك.وخضنتها بقوة انا كنت محتجالك اي يا ماما اوي اوي

فريد: ياااااه. يا هنا اخيرا رجعتي لينا. وكمان اتجوزتي عدي. الحمد لله انك وقعتي مع عدي مش حد تاني. وبمزاح. مع اني مش عارف. داقت بيم الدنيا علشان تتجوز بناتي الاتنين

عدي: هههههههه. اعمل ايه بناتك هما اللي حلوين ويخطفوا القلب والعين

هنا: اتكسفت

سميحة: هههههههه. انتي لسة بتتكسفي. بس الحمد لله عدي ده راجل بجد ويستاهلك.

هنا: بصت لعدي وابتسمت. هو فعلا راجل بجد يا ماما. من يوم ما شافني وهو عينوا عليا ومبيسبنيش ابدا. ربنا يه

خليه ليا.

عدي: مال عليها ووشوشها. طب بس علشان انا ممكن اخدك جوا افرجك علي اوضة حلا

هنا: هههههههه. طيب اتكتم بقي

فريد: طيب ايه يا ولاد رأيكم انا عازمكم علي العشاء برا بمناسبة رجوع هنا. بس اعمل حسابك يا عدي هنا هتقعد معانا يومين احنا نلحقناش نشبع منها.

عدي: زعل. بس انا يا عمي مبقتش اعرف اعيش من غيرها.

سميحة: معلش يا عدي. ما انت شايف. هي كانت وحشانا ازاي.

عدي: بص لهنا بخزن. ماشي اللي يريحك

هنا: وشوشته. اعمل حسابك هتبات معايا هنا. انا مش هعرف انام من غيرك.

عدي: غمزها ولا انا كمان يا روحي. تعالي بقي قبل ما ابوكي يرجع في حكاية العشاء دي.

في شقة توفيق الحديدي الجديدة. اللي قعد فيها مع مها بعد لما رعد طردوا من الڤيلا.

توفيق: بيتحرك بالكرسي المتحرك. بغضب. انت اتجننت يا امين انت ازاي تقوله علي مكان مشيرة

امين: بتعب. اعمل ايه بس يا توفيق باشا. ماهو كان مهددني وانت عارف رعد بيه مبيهزرش. انا كنت خايف

مها: وهي متجبسة. ووشها كله جروح. جدو. انت هتسيبه يفرح وينبسط. همس رجعتله وهتخلف. وكمان عرف مكان امه. ايه هنسيبه يفرح بالسهولة دي بعد اللي عمله معانا

توفيق: بمكر👿👿👿👿 مستحيل. طبعا. خليه يروح لامه. بس اوعدك. ابنه مش هيشوف النور.

في قصر رعد

همس: يا حبيبي انت مأزمها ليه. بس

رعد: علشان انا عرفت مكان امي. وانتي لسة راجعة من السفر مبقالكيش اسبوع. هتسافري معايا تاني. ازاي وانتي تعبانة. وانا مش هسافر من غيرك. مش هبقي مطمن عليكي بعيد عني

همس: يا حبيبي انا كويسة وهسافر معاك. وكمان نستني لما نروح للدكتورة. ونشوف هتقول ايه. انا كمان يا روحي مش هقدر اقعد من غيرك

رعد: اخدها في حضنه واتنهد. تعرفي يا همس. انا لو كان حد قالي من كام شهر بس. اني هعرف ان امي عايشة وكمان اعرف مكانها. وقاعد لسة ومسافرتش ليها بسرعة. عمري ما كنت هصدق. لكن انا بجد مش هقدر ابعد عنك.ولو الدكتورة لقت حالتك متسمحش بالسفر تاني بالسرعة دي. انا هستني لحد لما تولدي

همس: خرجت من حضنه وبصت في عنيه وحضنت وشه بإيديها وابتسمت. حبيبي للدرجة دي . دي امك اللي كنت هتتجنن عليها. تتأخر عليها علشاني

رعد: ابتسم وباس ايديها. انا علشانك اتأخر علي الدنيا بحالها. انتي روحي يا همس.

همس: وانت كمان روحي اللي بعيش بيها. بس انا متأكدة اني هسافر معاك متقلقش.

رعد: مرر ايده في شعرها. تعالي ننام والصبح نروح لليليان. ونعرف هنعمل ايه.

همس: ابتسمت. تعالي يا روحي. ونامت في حضنه

رعد: ضمها لحضنه وابتسم. هو فعلا مش هيقدر يسافر ويبعد عنها. خصوصا بعد ما داق مرارة بعدها وفراقها.

في مستشفي الدكتورة ليليان

رعد: ابتسم. حقا تستطيع همس السفر معي لالمانيا

ليليان: نعم. هي برغم حالتها الصحية الغير مستقرة. الا ان حالتها النفسية في احسن حال. وهذا هو الاهم وستكون بخير. وللامان انا سوف اعطيك اسم طبيب في مشفي في المانيا. هو صديقي وعربي الجنسية هو سوري. ومقيم هناك. اسمه دكتور

نائل. هو ماهر للغاية. ويستطيع ان يتابع حالة السيدة همس. هناك ان حدث اي مكروه.

رعد: اشكرك جدا دكتور ليليان. استأذن منك.

ليليان: مبتسمة. تفضل والي اللقاء بعد عودتكم بخير.

وحجز رعد وسافر هو وهمس المانيا. ووصل عند عنوان مشيرة.

وهمس سابقته وضربت الجرس. وفتحت مشيرة. وابتسمت لهمس لما شافت حجابها وملامحها عرفت انها عربية.

همس: السلام عليكم. حضرتك ماما مشيرة

مشيرة: وعليكم السلام.ايوة انا اهلا بيكي انتي مين

همس: ابتسمت بسعادة. انا مرات ابنك وام حفيدك ان شاء الله

مشيرة: انصدمت. ااااببني

رعد: ظهر من ورا همس. وعنيه اتعلقت بمشيرة. أمي

مشيرة: بفرحة ولهفة ووجع والم. رررعد 💖💖💖💖

((عندما يعشق الرعد))

(رحم للإيجار)

((الحلقة الثالثة والاربعون))

رعد ومشيرة. عدت عليهم دقائق. وهما لسة تحت تأثير الصدمة. مش مستوعبين انهم واقفين قصاد بعض

احساس رعد: مكنش ممكن يتوصف. وهو شايف قصاده امه اللي اتحرم منها سنين. امه اللي افتكرها ماتت. امه اللي اتمني حضنها في اصعب اوقاته.امه اللي عاش حياته كلها وهو بيحاول ينتقم ليها من اللي ظلمها واهنها. اخيرا واقفه قصاده وعنيه شايفاها. وايده لمساها. فعلا احساس صعب يتوصف.

اما مشيرة: فا ولا الف كلمة وجع والم. وتعب ومرارة. ممكن توصف احساسها وهي شايفة ابنها اول فرحتها. ابنها اللي اتحملت علشانه زل سنين علشان بس. تقعد معاه. ابنها اللي اتحرمت منه سنين. اتحرمت تشوفه وهو عريس زي كل الامهات. ابنها اللي اتمنت يكون سندها وظهرها. بس الظلم والجبروت كانوا اقوي منها. كانت دموعها بتنزل من غير حساب. وهي بتمرر ايديها علي ملامحه عايزة تتأكد انها مش بتحلم ولا بيتهيألها.. رررعد يا نور عيني وحشتني يا حبيبي وحشتني

رعد: دموعه نزلت مقدرش يسيطر عليها. وباس ايديها. وحشتيني يا امي وحشتيني. وضمها بحب ولهفة. وهو بيحاول يشبع من الحضن اللي اتحرم منه سنين. واتمناه في لحظات الالم والوحدة وماكنش لاقيه.

مشيرة: بدموع وشهقات عياط بحرقة. انا اسفة والله اسفة بس كان غصب عني. سيبتك علي عيني يا نور عيني

رعد: خرج من حضنها وحضن وشها بإيده ومسح دموعها. متتأسفيش يا امي. انا وانتي ماكنش في ايدينا حاجة وقتها. بس توفيق. مأذكيش لوحدك. اذاني واذي مراتي وكان السبب في موت ابني.

مشيرة: بصت لهمس. ابنك مات. انت خلفت غير اللي بطنها

رعد: بألم. لا همس كانت حامل في توأم وبسبب توفيق مات جنين من الاتنين

مشيرة: اخدت همس في حضنها. معلش يا حبيبتي ربنا يعوضك باللي جاي. وخرجتها من حضنها. وابتسمت. انا اسفة اني مسلمتش عليكي بس رعد كان واحشني اوي اوي

همس: ابتسمت. ولا يهمك يا ماما انا مبسوطة انكم اتقابلته. انتي متعرفيش رعد بيحبك ازي طول الوقت بيتكلم عنك. وعمره ما نسيكي ابدا.

مشيرة: ابتسمت وبصت لرعد. الحمد لله اللقي ده نصيب. تعالوا يالا ادخلوا.

ودخل رعد وهمس واتفاجأوا. بصور رعد اللي مالية المكان. حتي في البراويز الصغيرة.

رعد: ابتسم. انتي جبتي الصور دي منين

مشيرة: ابتسمت. من صفحتك علي النت. كل صورة ليها برواز هنا.

همس: يا سلام يا سلام. ايه الحب ده انا كدة هغير

مشيرة: بتبص لرعد بحنين. انا لو عليا اخبيه في عنيه.

رعد: ابتسم. ومسك ايديها وباسها. اخيرا قدرت اوصلك وهرجع امتع عنيا بيكي وهرجع اخبي نفسي في حضنك. وحضنها وغمض عنيه. اتمنيت الحضن ده كتير يا امي كتييير

مشيرة: بدموع والله مش اكتر مني. انا كنت بموت كل يوم وانا حتي مش. قادرة اقولك اني عايشة. بس قولي انت عرفت ازي وتوفيق يعرف انك عرفت

رعد: انا هحكيلك علي كل حاجة.......

مشيرة: بغضب. هو الراجل ده ايه شيطان ده العن من الشيطان كمان. ازاي قدر يعمل فيك وفي مراتك كدة.

رعد: اهو ربنا شله وقعدوا علي كرسي متحرك. بس ربنا يستر من شره

مشيرة: ربنا كبير ومش هيسيبه. يمهل ولا يهمل. وابتسمت بس تعرف. زوقك حلو همس جميلة جدا.

همس: اتكسفت. شكرا يا ماما. انا اسفة لو من نفسي كدة قولتلك يا ماما. بس انا حبيتك من قبل ما اشوفك. من كلام رعد عنك

مشيرة: لا طبعا اسف ايه. انا ماما مشيرة مافيهاش كلام.

رعد: حاوط همس بإيده. وابتسم. همس دي يا ماما هي روحي. حبيبتي اللي جات تعوضني عن حرمان السنين. متعرفيش بحبها قد ايه

مشيرة: بفرحة. لا واضح عليك. بس تعرف يا رعد انت بقيت شبه ابوك جدا. اكني شايفة فادي قصادي

رعد: بحزن. لسة فاكراه يا امي

مشيرة: بحزن وحرج. عمري ما نسيته ابدا. ابوك اول حب في حياتي. رعد مش عايزك تزعل علشان انا اتجوزت يونس. كان غصب عني انت متعرفش. انا شوفت ايام. صعبة ازاي وانا لوحدي ولا ليا اهل ولا ليا حد يونس حبني واتجوزني وحافظ عليا. وصدقني لما تعرفه هتحبه.

رعد: بحزن. اكيد يا امي المهم ان انتي سعيدة ومرتاحة معاه. قوليلي انا عرفت ان ليا اخت. هي فين

مشيرة: ريما. دي هتفرح اوي لما تعرف انك جيت.

رعد:حكتلها عني

مشيرة: ابتسمت. بص حاوليك. صورك في كل حته. انت كنت عايش معايا في قلبي عمري ما نسيتك. وريما عارفة كل حاجة وكان نفسها تقابلك.

رعد: طيب هي فين

مشيرة: هي في مدينة تانية غير هنا قاعدة هناك علشان جامعتها.

رعد: بعصبية. لوحدها ازاي

مشيرة: متقلقش. ريما بنت بميت راجل.

رعد: طيب ليه انتي ويونس. مش قاعدين معاها في نفس المدينة.

مشيرة: علشان شغل يونس هنا. وهيكون صعب يروح كل يوم ويرجع.

رعد: هي في سنة كام.

مشيرة:دي اول سنة ليها في الجامعة

رعد: امي. انا عايزكم ترجعوا معايا مصر. وريما هدخلها الجامعة الالمانية هناك. ولو علي شغل يونس. انا هساعده ينقله هناك. انا خلاص مش هقدر اعيش منغيرك

مشيرة: من غير ما تقول يا حبيبي. انا كمان مش هقدر علي بعدك تاني.

رعد: بص علي همس لقي شكلها تعبان. وبقلق مالك يا همس انتي تعبانة

همس: بتداري الالم. لا ابدا شوية تعب عادي. متقلقش

مشيرة: انتي في الكام دلوقتي

همس: يعني لسة داخلة الثامن من اسبوع كدة.

مشيرة: بفرحة. انا عايزاكي بقي تقعدي معايا لحد ما تولدي عايزة البيبي ده يجي علي ايدي.

رعد: باس ايد مشيرة وابتسم. ان شاء الله انتي اللي هتيجي معانا هناك ويجي علي ايدك.

في الوقت ده رجع يونس. ومصدقش نفسه انه شايف رعد. ودخل وقعد ومشيرة حاكتله كل حاجة. بس كان حاسس. ان رعد مش متقبل فكرة انه: زوج امه.

يونس: ايه يا مشيرة. مش ناوية تأكلينا ولا ايه.

مشيرة: ياخبر. انا من فرحتي برعد ومراته. نسيت اجيب اي حاجة. ثواني والغداء هيكون جاهز

همس:انا جاية معاكي يا ماما

رعد: حبيبتي. انا قلقان عليكي انتي تعبانة ارتاحي.

همس: لا انا كويسة متقلقش.

يونس: رعد انا عايزك تفهم. اني كان لازم اتجوز مشيرة. مش لاني بحبها وبس لا. كمان مكنش ينفع اتخلي عنها واسيبها لوحدها. امك ملهاش حد في الدنيا. انا عمري يا رعد ما هاخد مكان فادي عندك ولا حتي عند مشيرة. وعارف انها عمرها ما هتحبني زي ماحبتةفادي. بس انا راضي بأقل حاجة

المهم تكون جنبي واحميها. ياريت تفهمني وتفهمها. وتقدر الظروف اللي اتحطينا فيها زمان

رعد: اتنهد. انا مقدرش الومها انها اتجوزتك. بس اكيد الموضوع. هياخد وقت لحد لما اتعود. انا عمري ما شوفت امي مع راجل غير ابويا. علشان كدة مش سهل فجأة القيها متجوزة.

يونس. عارف وحقك.خد وقتك براحتك. المهم مش عايز مشيرة تزعل ولا تلوم نفسها. انا اكتر حاجة توجعني اشوفها زعلانة.

رعد: ان شاء الله. سيب كل حاجة للأيام. المهم ريما عاملة ايه. انا عايز اشوفها.

يونس: انا هكلمها حالا واقولها واخليها تيجي في اقرب وقت. علشان تشوفك انت ومراتك.

مشيرة: خرجت. يالا يا رعد يا حبيبي يالا يا يونس. الغدا جاهز. ومشيرة صممت تقعد رعد علي رأس السفرة. وهي علي يمينه وجنبها يونس. وهمس علي شماله.

وقعدوا كلهم يتغدوا.

رعد: ابتسم. تسلم ايدك يا امي وباس ايديها.

مشيرة: طبطبت عليه. انا لو عليا اعملك كل الاكل وكل الحلويات اللي في الدنيا. ده النهاردة عيد بالنسبة ليا

همس: تسلم ايدك يا ماما مشيرة. الاكل يجنن. وشكل رعد هيتعود علي اكلك واكلي مش هيعجبوا بعد كدة

مشيرة: هههههههه. لا طبعا انتي حبيبته.

رعد: باس ايد همس. حبيبتي انتي اكلك ما يتقاومش. زيك تمام.

همس: ابتسمت. ربنا يخليك ليا يا حبيبي.

مشيرة: بعد الغدا. تطلعوا ترتاحوا فوق.

رعد: لا يا ماما. احنا هنرجع الفندق. وكل يوم هجيلك لحد لما نشوف هترجعي معايا امتي

يونس: يا ابني ما يصحش. البيت كبير. وتروح فندق

رعد: معلش انا هبقي مرتاح اكتر هناك. المهم بكرة عايز اجي الاقي ريما عايز اشوفها.

مشيرة: ان شاء الله هخليها تيجي في اقرب طيارة.

رعد:تحبي ابعت حد يجيبها.

مشيرة: لا ملوش لزوم. هي متعودة.

وبعد ماخلص الغدا. قعدوا كلهم يتكلموا في كل حاجة ورعد ما كنش عايز يسيب مشيرة. ولا هي كمان وودعتوا بحضن طويل مكنتش عايزة تسيبه. ورجع رعد وهمس الفندق.

في جناح رعد وهمس

همس خرجت من الحمام. وبتنشف شعرها. ورعد قاعد علي السرير وساند ظهره.

رعد: ابتسم. مش عارف بصراحة كل لما تخدي حمام بتحلوي. ايه ده. هو في كدة.

همس: قربت منه وقعدت جنبه. ههههههههه. حبيبي مزاجوا رايق بعد ما شاف الحب الاول .

رعد: ابتسم. وشدها لحضنه ونيمها جنبه. واتنهد. حبيبك مزاجوا بيروق. لما تكون همستي معايا وفي حضني

همس: بس ماما مشيرة. هي الاساس.

رعد: انا منكرش انها وحشتني بمجرد مامشيت وغابت عن عيني. لكن انتي حاجة تانية. انتي روحي وحبيبتي. انا من بعد امي تعبت كتير بس قدرت اعيش. لكن انتي في بعدك. مكنتش قادر اعيش. حياتي وقفت. مكنتش حاسس لاي حاجة بطعم. وضمها بحنان اكتر. انتي الهوا يا همس. انتي حياتي

همس: ضمته هي كمان وابتسمت بسعادة. انا كل يوم بقول رعد بيحبني حب مفيش زيه بس تاني يوم بلاقي نفسي غلطانة. علشان بلاقيك بتحبني اكتر من اليوم اللي قبله. ااااااه يا رعد.

تعرف. انا نفسي اموت وانا في حضنك.

رعد: حط ايده علي شفيفها. ليه بتقولي كدة. موت ايه ده اللي يخدك مني. انا اموت عليكي يا همس

همس: بتردد. رعد انا حاسة اني مش هقوم من الولادة دي. حاسة اني هموت وانا بولد.

رعد: بعصبية. بس بس اوعي تقولي كدة تاني. انا ممكن اضحي باللي في بطنك لكن انتي لا اوعي يا همس اوعي.

همس: مسكت ايده. وبدموع. هتفضل فاكرني ولا هتنساني وتحب من بعدي زي عدي ما نسي حلا وحب هنا.

رعد: حضنها بقوة وغضب. بس بقي. ايه اللي بتقوليه ده احب مين انا عمري ما حبيت قبلك هحب بعدك ازاي. همس وحياتي متجبيش سيرة الموت دي تاني ابوس ايدك. انا مش متحمل

همس: خلاص. هسكت خدني في حضنك عايزة انام.

رعد: حاضر يا روحي. وضمها بهدوء. وملس علي شعرها بحنان. وقلق. هو كمان حاسس انه قلقان عليها وخايف عليها من الولادة. ودعي ربنا في سره. يحفظها وميحرموش منها ابدا. وناموا كالعادة في حضن بعض

وعدي يومين ورعد وهمس بيروحوا. لمشيرة ويقعدوا معاها. لحد لما يونس يقدر ينقل شغله في مصر. وفي يوم كانوا عند مشيرة كالعادة. وكانت ريما جاية في اليوم ده.

قصاد المطار.واقفة بنوتة جميلة ملامحها بريئة جدا بشعر مائل للاصفر. وعيون عسلي وبشرة بيضاء. ولابسة جينز وتيشيرت ورافعه شعرها كحكة عشوائية. بس كانت جذابة وجميلة. وقفت تاكسي. وركبت. وهي ماشية بالتاكسي. لاحظت انه مشي من مكان غير اللي هي قالتله عليه.

البنت: هاي. انت لماذا اتجهت الي هنا

السائق: بمكر. هذا طريق مختصر.

البنت: لكن انت لما لم تسألني.

السائق: مردش عليها واتجه لشارع ضيق الي حد ما ونزل واتجه ليها في الخلف. وحاول يعتدي عليها.

البنت: صرخت وحاولت تبعده وتضربه.

مروان: كان معدي بالعربية من امام الشارع ده. ولفت نظره العربية الواقفة وشاف حركة غريبة. لكن اللي قلقه الصريخ اللي سمعه البنت بتستنجد بأي حد. مروان مترددش ونزل وراح يشوف في ايه لقي الوضع بالشكل ده. فتح الباب وشد السائق ونزل في ضرب لحد لما قطع النفس. واتجه للبنت بقلق.

مروان: هل انتي بخير.

البنت: بغضب. نعم بخير لولاك كنت قتلت هذا الحقير.

مروان: رفع حاجبه وضحك بسخرية. هههه. حسنا تعالي

البنت: نزلت معاه من العربية. ومشيت معاه خطوتين. وبعدين افتكرت شنطتيتها.

اوه. لقد نسيت حقيبتي في سيارة هذا الحقير.

مروان: حسنا انتظري هنا وانا سوف احضرها.

ورجع مروان العربية وجاب شنطيتها.

مروان: تعالي معي انا سوف اوصلك. اللي المكان الذي تريديه.

البنت: لا لا شكرا لك. انا سوف اتصرف

مروان: لا تخافي مني. انا لست مثل هذا الحقير.

البنت: بتتكلم عربي ظنا منها انه الماني. انا مش خايفة منك انا خايفة عليك وانت تجنن كدة

مروان: رفع حاجبه وابتسم. انتي بتتكلمي عربي

البنت: خبطت راسها بإيدها. مش ممكن انت عربي

مروان: هههههه. عربي ومصري كمان.

البنت: انا كمان عربية ومصرية. ماما وبابا مصرين. وعايشين هنا.

مروان: عايشة هنا من امتي

البنت: انا مولودة هنا اصلا

مروان: بس بتتكلمي عربي كويس

البنت: ده فرمان جمهوري. ماما مبتخليش اي حد يتكلم الماني في البيت. كلنا نتكلم عربي.

مروان: دي حاجة كويسة جدا. عموما انا مروان

ريما: ريما

مروان: كدة بقي لازم اوصلك. ولا هتخافي من ابن بلدك

ريما: بخجل. لا طبعا مش خايفة منك. واضح انك انسان راقي. بخلاف طبعا الضرب اللي ضربته للحيوان ده. اللي يشوفك يقول عليك ظابط شرطة.

مروان: هههههههه. لا بجد انتي مكشوف عنك الحجاب

ريما: عقدت حاجبها. يعني ايه

مروان: اصل انا فعلا كنت ظابط شرطة.

ريما: معقول وليه كنت

مروان: ابدا حصلت مشكلة كدة وخرجت من الداخلية.

ريما: انا اسفة مكنتش اقصد.

مروان: ولا يهمك. تعالي معايا يلا اوصلك.بس قوليلي العنوان

ريما:****. عارفه

مروان: اه طبعا انا اصلا رايح نفس الحي ده.

ريما:بفرحة بجد. دي فرصة جميلة جدا علشان اعرفك علي بابا وماما.

مروان: ابتسم. ده شرف ليا يلا اركبي

وركبت ريما مع مروان. وفضلوا. طول الطريق يتكلمه ويضحكه. واول لما وصله عند بيت مشيرة.

ريما: هو ده بيتنا.

مروان: بصدمه. انتي ساكنة هنا

ريما: ايوة

مروان: انتي اسمك ريما ايه

ريما: ريما يونس مختار

مروان: انتي اخت رعد الحديدي

ريما: بإستغراب. انت تعرف رعد اخويا ده انا اول مرة اشوفه النهاردة

مروان: انا بشتغل مع رعد بيه اصلا

ريما: مش ممكن. بتشتغل معاه ايه.

مروان: تقدري تقولي مدير اعماله.

ريما: بفرحة. دي صدفة جميلة جدا. تعالي يالا ندخل

ودخل مروان مع ريما.

ريما اول لما دخلت وشافت رعد. جريت عليه وحضنته

ريما: ابيه. اخيرا انا بجد كان نفسي اشوفك انا حبيتك من كلام ماما عنك

رعد: حضنها حضن اخ واب. بحنين. حبيبتي يا ريما انا من وقت ما عرفت ان ليا اخت وانا هتجنن واشوفك. وخرجها من حضنه بهدوء. بس ايه الجمال ده. انتي نسخة من ماما وهي صغيرة.

ريما: بثقة طبعا. انا مجننه المانيا كلها.

رعد: هههههه. اوعي يكون بجد اذبحك انا بغير

ريما: انا بقول اسلم علي مراتك احسن. وراحت لهمس وسلمت عليها. واااو ايه الجمال ده. انتي حلوة اوي.

همس: مين بس اللي يقول كدة. انتي اللي جميلة وزي القمر كمان

رعد: هو انتي ومروان اتقابلتوا علي الباب.

مروان: كان محرج. ومش عايز يقول اللي حصل

ريما: مش متعودة تخبي حاجة. لا احنا اصلا جاين مع بعض. اصل اللي حصل.........

رعد: اتعصب وغضب. مروان مين ابن ال.... اللي عمل كدة عرفته

مروان: متقلقش سيادتك. انا اخدت رقم العربية وهجيبه.

مشيرة: خلاص يا رعد حصل خير. الحمد لله ان مروان لحقها.

رعد: بغيظ. ابدا انا لازم اخليه يندم انه لمسها. مروان تعالي عايزك.

راح مروان مع رعد وعنيه كانت علي ريما اللي قلبه دق لاول مرة في حياته لما شافها. وريما كمان. كانت متبعاه بعنيها لحد لما غاب عنها وهي مسهمة وهيمانة.

همس: اخدت بالها. قربت منها. مش عارفة سامعة كدة صوت دقات قلب مش طبيعية ولا انا غلطانة

ريما: هههههههه. شكلك مش سهلة يا همس.

همس: طيب تعالي احكيلي.

ريما: قعدت جنب همس. بخجل مفيش حاجة كل الحكاية اني حاسة اني اول مرة اتشد وانجذب. لحد. مروان ليه كريزما كدة مختلفة

همس: بس خالي بالك. رعد لو لمح الكلام ده. هيقتله

ريما: بصدمه. ليه وفيها ايه

همس: رعد غايور جدا. فوق ما تتخيلي. علشان كدة لازم تخلي بالك من نظراتك وكلامك مع مروان.

مشيرة: قربت منهم. بناتي الحلوين بيتكلمه في ايه.

همس: هههههه. تعالي يا ست الكل اقعدي.

وقضي رعد وهمس اسبوع مع عيلته الجديدة. وقربوا من بعض جدا.

وكمان مروان وريما. كان بينهم نظرات وهمسات. وكلام بيخطفوه من غير ما رعد ياخد باله. كانوا معجبين ببعض جدا.

وفي يوم مشيرة قررت تاخد همس وريما للمول يتفسحوا ويغيروا جو.

رعد: بس يا ماما انا خايف علي همس

مشيرة: خايف عليها وهي معايا

رعد: لا بس همس حامل والشهر الثامن ده متعب اوي. ممكن تتعب منك

ريما: مش تخاف يا ابيه. انا وماما مش هنسيبها لوحدها ابدا.

رعد: خلاص هبعت معاكم مروان

ريما: بفرحة معرفتش تداريها. سقفت بإيديها. بجد هايل جدا

رعد: اخد باله. وفهم لهفتها علي مروان. لا للاسف افتكرت مشوار مهم لازم اروحه مع مروان.

ريما: بحزن وخيبة امل. يا خسارة

همس: زغدت ريما. لا عادي يا حبيبي احنا مش هنتخطف يعني

رعد: تمام خلي بالكم من نفسكم. همس تعالي يا روحي عايزك.

همس: قربت من. نعم يا حبيبي

رعد: ادالها الفيزا بتاعته. خدي يا حبيبتي اشتري اللي يعجبك. اي حاجة عايزاها جبيها

همس: بس انا مش محتاجة حاجة

رعد: لا اكيد لما تلفي معاهم هتلاقي مليون حاجة عايزة تشتريها.

همس: حضنته. شكرا يا حبيبي

رعد: ضمها بحب وخوف. خالي بالك من نفسك يا روحي اتفقنا

مشيرة: كفاية متخفش عليها هي معايا

يالا يا همس.

وخرجت همس وريما ومشيرة.

ووصله المول. واتفرجوا ولفوا كتير. وهما في بيتفرجوا علي فاساتين وحاجات في قسم الحوامل. همس عجبها فستان قصير ومفتوح وشكله شيك ومغري جدا. قررت تقيسه وتشتريه وتلبسه في البيت لرعد. ودخلت تقيسه

وريما ومشيرة مستنينها برا.

ريما: مامي تعالي لحد لما همس تخرج نروح نشوف حاجات البيبي دي فيه حاجات حلوة اوي

مشيرة: تعالي. انا عايزة اشتريله المكان كله اصلا.

وراحوا يشوفه الحاجات دي. ولما رجعوا. ملقوش همس في المكان كله . دوروا عليها في كل حته مش موجودة.

مشيرة: اتصلت برعد

رعد: ... ايوة يا امي عاملين ايه وهمس عاملة ايه

مشيرة: بإنهيار ودموع. الحقني يا رعد همس اختفت

رعد: 😡😡😡😡😡😡اختفت ازاي.

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل

متابعه لصفحتنا على فيس بوك هنااااااااااا