رواية مهمة حب ((سلسلة عشق الرجال الجزء الثاني من رحم للإيجار)) الفصل الرابع والاربعون والخامس والاربعون والسادس والاربعون الأخير بقلم ريحانة الجنة
رواية مهمة حب ((سلسلة عشق الرجال الجزء الثاني من رحم للإيجار)) الفصل الرابع والاربعون والخامس والاربعون والسادس والاربعون الأخير بقلم ريحانة الجنة
#عندما
#يعشق الرعد ج/2
#مهمة حب
البارت 44
البارت 45-46
🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤
(((سلسلة عشق الرجال الجزء الثاني من رحم للإيجار)))
((مهمة حب))
((الحلقة الرابعة والاربعون))
🌹بقلم ريحانة الجنه🌹
في داخل المستشفي الخاصة بمهاب عز الدين ..
مهاب رايح جاي بجنون وأنس مهاه بيهديه وچودي قاعدة بتعيط في حضن مهاب زوجها . وهو بيهديها .
أنس بتأثر : من فضل حضرتك اهدي . ان شاء الله هتبقي بخير ماما هتخرج تطمنا .
مهاب بيتألم مش بس لحالة تمارا وخوفه عليها وعلي حفيده كمان. لا كمان من نفسه وتأنيبها ليه. هو يمكن ما كنش السبب المباشر في سفر شهاب . بس كان عارف كل حاجة من البداية وماحاولش يمنع ده. كمان كان جواه احساس انه بيتعمد. يتعب شهاب ويوجعه بيعاقبه علي اللي عمله في بنته. عايز يخلي اللي حصل ده درس ويفضل قصاد عيونه طول العمر علشان الغلطة دي ماتتكررش تاني. بس ابدااااا ماكنش يتمني موته ولا انه يتأذي . كمان هو متأكد من خبرة ومهارة شهاب . هو مش ظابط ضعيف ولا قليل الحيلة وممكن يفشل وحتي لو فشل اكيد هيقدر يتصرف كويس.
بس حالة حزن بنته في الفترة الاخيرة . و عتاب تمارا الاخير بالاخص ليه وجعه وأنبه بقوة. واللي جرجه اكتر الموقف اللي هو فيه دلوقتي. افتكر لما وقف في نفس المكان وفي نفس الحالة من سنييين . لما كانت نغم هي اللي مكان تمارا..
مهاب بألم وذكري مؤلمة: انت ليييه بتأذي كل اللي بتحبهم اوي كدة.. ولادك ونغم كنت في يوم هتخسرهم بسبب حبك وخوفك المجنون. والنهاردة بنتك وحفيدك في خطر بردوا بسبب حبك وخوفك المجنون. لييه وقفت قصادهم. مهما كنت بتربي شهاب وعايز تدفهه ثمن غلطته بس مش كدة. مش الثمن بنتك واللي في بطنها .. اااااااه يا مهاب انت زي الدب اللي قتل صاحبه من حبه وخوفه عليه . يااارب مش هتحمل ان تمارا او ابنها يجرالهم حاجة مش هتحمل ..
چودي بتعيط ومهاب واخدها في حضنه .
مهاب بخوف عليها وعلي تمارا: يا عيوني كفاية انتي مش خايفة علي نفسك انتي كمان. عايزة تتعبي زيها ولا ايه. انتي ناسية انك حامل انتي كمان . كفاية بقي وحياتي.
چودي بحزن: انا حزينة علي تمارا اوي اوي يا مهاب.. .. بعد اللي عرفته عن اللي بينها وبين شهاب .. صعبت عليا مافرحتش زينا بجوازها وحبيبها .. كمان لما حملت وعرفنا خبر حملي وحملها شوفت الكسرة في عنيها وانت جنبي وفرحتنا ببعض ووبإبننا . وهي لوحدها حبيبها وجوزها بعيد عنها كل ده علشان ما تزعلش بابا. ودلوقتي في خطر من خوفها علي جوزها كمان البيبي ... البيبي ممكن تخسره يا مهاب .. انا خايفة عليها حاسة بوجعها اكني انا اللي بتألم دي اختي يا مهاب توأمي مش اي حد.
مهاب اتنهد وضمها بحنان: انا واثق ان شاء الله ان كل حاجة هتبقي تمام . تمارا والبيبي هيعدوا الخطر اوعدك..
كمان شهاب مش سهل يضيع كدة ماتخفيش . واوعدك انا ومؤمن مش هنسيبه انا وهو اتفقنا ناخد اجازة ونسافرله ومش هنرجع غير بيه.
چودي برعب : لا انت كمان ممكن يجرالك حاجة اوعي يا مهاب لا.
مهاب ضم وشها برفق وابتسم: يا قلب مهاب ما تخافيش احنا وحووووش ماحدش يقدر علينا ... المهم تيمو بس تخرج ونطمن عليها .
نغم خرجت من عند تمارا وقربت من مهاب وهي بتبصله بعتاب ولوم .
نغم بدموع: وقفتك دي مش بتفكرك بحاجة؟!
قولي استفدت ايه باللي عملته. حب بنتك براحتك بس تفرق بينها وبين جوزها بالشكل ده! ده منتهي الانانية . وهي لاخر لحظة اختارتك وفضلتك عليه . وانت في النهاية دبحتها بسكينة باردة. وادي النتيجة. ياريت تكون مبسوط ! ؟
مهاب بغضب خبط الحيطة بقوة وجنون: انتي ازاي بتلوميني كدة! ازاي مش حاسة بيا!. .. انتي اكتر واحدة المفروض تكوني فاهماني ومتأكدة اني عايز مصلحتها واني مش ممكن ازي شهاب علشانها هي مش اي حد تاني . ازاي بتتهميني زيهم!
نغم : علشان انا فهماك اكتر منهم. اكدب علي اي حد الا انا. انت ايوة ما تعمدتش ده. بس كنت من جواك موافق ومبسوط ببعده عنها . انت عايزها ليك انت وبس غيران من شهاب علشان الوحيد اللي ملي عنيها وشافته راجل غيرك . انت اناني عايزها ليك وبس .
مهاب بحزن وعتاب: مادمتم كلكم شايفين كدة يبقي خلاص مش هتكلم ولا هدافع عن نفسي . افهموا زي ماتفهموا. مايهمنيش.
المهم عندي دلوقتي بنتي . بنتي عاملة ايه!
چودي قربت من نغم بدموع: مامي طمنيني علي تيمو عاملة ايه!
نغم بصت لمهاب بألم واتنهدت: الحمد لله حبيبتي بس هي نزفت كتيير. وحاليا الجنين في خطر ربنا يستر ويثبت مع ان الامل ضعيف دكتورة هدي مش متفائلة الجنين مكانه ووضعه يقلق.
چودي عيطت اكتر ومهاب حضنها وهو كمان قلقان عليها وعلي تمارا هي بنت خالته قرل ماتكون اخت چودي.
أنس طبطب علي چودي: حبيبتي انتي كمان اهدي . مش كفاية تمارا انتي كمان مش هنتحمل يجرالك حاجة.
مهاب زوجها:والله قولتلها كدة مافيش فايدة. انا خايف عليها هي كمان من التوتر ده.
نغم اخدت چودي من زوجها : تعالي معايا اتطمن عليكي انتي كمان . حالتك مش مريحاني . ربنا يسامح اللي كان السبب ووصلنا كلنا للي احنا فيه.
مهاب بصلها بلوم وجواه بيتمزع من حزنها علي تمارا . بس صمم يتماسك ومايعتبش حد . خصوصا نغم اللي المفروض تكون سند ليه في الوقت ده وفي اي وقت مهما غلطوه الناس ولاموه هي لازم تكون غيرهم. بس غريزة الامومة غلبتها من خوفها علي اولادها.
مهاب بجمود: انس ادخل شوف اختك واستاذن دكتورة هدي . عايز ادخلها بنفسي اتطمن عليها.
أنس هز راسه : حاضر ثواني .
مهاب الصغير قرب من مهاب : احممم. اونكل انا بلغت بأجازتي انا ومؤمن وهنسافر الصبح ان شاء الله. من فضلك خالي بالك من چودي.
مهاب غمض عنيه بقوة وغيظ . حتي چودي هتبقي في قلق علي جوظها هي كمان وممكن تبقي في خطر زي اختها .. موقف صعب . مش عارف يعمل ايه وينهي كل ده.
مهاب بتفهم هز راسه: ماتقلقش بتوصيني علي بنتي . المهم تخلوا بالكم من نفسكم كويس. وبلغوا شهاب باللي حصل وقوله مش مهم ينجز المهمة . المهم يرجع بسرعة لتمارا . هي محتجاله اكتر من الاول بكتيير.
مهاب الصغير: حاضر ماتقلقش . انا همشي دلوقتي مش هتحمل چودي تخرج وتعيط تاني . اصلا وداعها علي عيني مش بقدر عليه . عن اذنك.
مهاب وقفه واخده في حضنه: انت زي
انس فاهم اوعي تحملني ذنبك انت كمان.
مهاب الصغير حضنه اكتر وابتسم: ياباشا احنا فدي مصر. ان شاء الله كلنا هنرجع بالسلامة . ماحدش هيتأذي ..
مشي مهاب الصغير وخرج أنس.
انس: اتفضل يا بابا معايا.
أنس اخد مهاب لأوضة تمارا . كانت نايمة .
أنس بهدوء: هي لسة نايمة من الادوية اللي اخدتها. اقعد معايا شوية وانا هشوف مريض عندي وهرجعلك .
مهاب هز راسه ودخل وقعد قصاد تمارا واتألم من حالتها ومسك ايديها بحنان اب حقيقي ومن القلب مش مبالغ فيه. ودمع .
مهاب بحزن : انتي اكيد دلوقتي زعلانة مني . ومش عايزة تشوفيني انا عارف. بس والله انا بحبك. وعمري ما كنت اتمني ااذيكي. انتي بالاخص غير اخواتك. بحسك انا زيي شبهي .. انا اسف .. اسف بجد.
تمارا مسكت ايده ودمعت واخدتها وباستها :لا يا بابا لا ما تتأسفش. مهما حصل ماتتاسفش.
مهاب رفع راسه وبصلها بحزن: حبيبتي انا ما بعتوش صدقيني ايوة كنت عارف بس مش انا والله ما انا.
تمارا غمضت عنيها بدموع : اللي حصل حصل. والنتيجة واحدة.شهاب في خطر يا بابا انا ممكن اموت لو جراله حاجة مش هقدر اعيش من غيره. انا ماكنش مصبرني حاجة الفترة اللي فاتت غير اني بشوفه بلمحه بتطمن عليه. لكن لو جراله حاجة همووت .. همووت ...
مهاب قام جنبها وحضنها : حبيبتي ماتخافيش. مؤمن ومهاب سافروله. وهيبلغوه ينهي المهمة ويرجع. ويبلغوه باللي حصلك. واوعدك يرجعلك من خير خساير المهم. انتي مصدقاني ومسمحاني .
تمارا بفرحة: بجد. يا بابا هيرجعوه ... انا بحبك اوي اوي. ومسمحاك والله مسمحاك. ياارب شيبو يرجع بخير يارب.
......................................
في شقة مؤمن .
مؤمن بيجهز شنطته وشيري بتساعده وبتعيط. مؤمن صعبانة عليه اخد منها الهدوم اللي بتحطها في الشنطة ومسك ايدها وقربها منه بحنان.
مؤمن ابتسم: سمارتي وبعدين معاكي لييه الدموع. بتفولي عليا من دلوقتي طب استني بعد الاكشن مش بدري كدة.
شيري بصتله بخوف: انا خايفة عليك مش مصدقة ابداااا ان ممكن بجرالك حاجة..
مؤمن شالها واخدها في حضنه وقعد بيها ومسح دموعها : حبيبتي ده شغل زي اي شغل . يعني من غير موضوع شهاب انا بطلع عمليات و بسافر كتيير وكلها عمليات ومهمات صعبة. ومعرض في اوي وقت للإصابة او الموت .
شيري بدموع حطت ايديها علي شفايفه: لا اوعي تقول كدة .. انا ماقدرش اتحمل ده مش ممكن.
مؤمن باس ايديها برقة وابتسم: احنا من قبل جوازنا وانتي عارفة انا بشتغل ايه. انا حياتي طول الوقت في خطر.
واتنهد بخوف عليها . بس المهم انا عايزك تخلي بالك من نفسك وحط ايده علي بطنها وابتسم. ومن حبيبي ده .. واياكي تقضيها عياط ونكد وتنكدي علي ابني انا عايزه فرفوش زي ابوه اه انا ماليش في جو الكئابة ده. ثم انتي شكلك كدة بتغفليني وعايزة الليلة تتقضي في عياط ووداع. وتضيعي عليه مهامي الاساسية في الحياة. ينفع كدة.
شيري ابتسمت ومسحت دموعها: انت في ايه ولا ايه. انت بجد مالكش حل .
مؤمن غمزها :طبعااا يا سمارتي ده مؤمن فخر . المهم سيبك انتي هنقضيها الليلة للصبح وتحضريلنا بدلة من اللي هي كدة ونديها اه لو لعبت يا زهر والزهر يلعب وانا اشهيص ايه رئيك.
شيري: ههههههههه. مستحيل يكون ده شكل واحد مسافر مهمة منيلة زي مهمتك. انت فظييع مصيبة .
مؤمن بتمثيل: هههههه. نحن رجال لا نهاب المخاطر ولكن المخاطر من تهابنا . والسلام عليكم ورحمة الله .
شيري حضنته وضحكت: هههههههههه. لا فصيح ياقلبي .
مؤمن ضمها وضحك وبعدها عنه واتنهد بهدوء :احممم. سمارتي عايز اطلب منك طلب.
شيري بترقب: اؤمرني حبيبي.
مؤمن بتردد: احممم. خدي بالك من ابتسام وياريت لو هتروحي عن اهلك في اي وقت تطمني انها مش محتاجة حاجة ولا ناقصها حاجة. كمان انا كنت حاجزلها عند دكتور قلب كبيير انا كنت لاحظت نهجانها وتعبها واعرض كدة ماريحتنيش. وقولت اهو نتطمن.
ومعدها بعد بكرة . ارجوكي خديها واتطني عليها وانا هبقي علي اتصال معاكي ممكن.
شيري ابتسمت علشان هو مهما كان بيمثل القسوة الا انه مش قادر يكرهها ولاخر وقت عايز يتطمن عليها.
شيري: اولا مش محتاج توصيني انا مستحيل اسيبها لوحدها حتي لو زورت مامي وبابي هخدها معايا. وثانيا عيوني ياقلبي هخدها للدكتور وان شاء الله خير ماتقلقش. بس امتي هتقول ماما لييه دايما ابتسام. مش ناوي تسامحها .
مؤمن غمض عنيه واتنهد بحيرة والم من اللي فاات وهز راسه بحيرة: مش عارف يا شيري حقيقي مش قادر انطقها. بحاول بس دايما صورة الماضي قصاد عيوني .. مش عارف هنسي واسامح امتي. يمكن يجي يوم واقدر انطقها .
شيري صعب عليها وحضنت برفق وحنان وابتسمت : امممممم. انت قولتلي عايز انهي واحدة فيهم . علشان اظبط الميك اب بس والاداء يبقي عالي .
مؤمن : ههههههههه. ميك اب كمان لا لا اخلاقك باظت يا سمارتي .. دي انتي كدة هتنافسي استيراد روسيا والدول المتهورة.
شيري: ههههههه. طبعاااا هو فيه احلي من المصري انتاج بلدي اصلي حبيبي. واديك قولت بلاااد متهورة صحيح . دول بيرقصوا من غير فن .
مؤمن بوقاحة: انا بقول نبدأ بقي بسرعة علشان الليلة ملغمة وانا بصراحة متحمس اوي .
......................................
في قصر رعد الحديدي.
رعد وهمس قاعدين مع اولادهم. واحفادهم.
كريم : حمد لله علي سلامتكم يا طنط..بس بجد كنا مفتقدينكم طولتم اوي السفرية دي.
چوري : فعلا يا مامي . وكمان انتي كنتي نسيانا اوي دايما بابي اللي بيتصل ويرد علينا انتي باين كدة كنتي هربانة مننا.
همس ابسمت وبصت لرعد.
رعد: يا متطفلين. ماهي كانت بترد عليكم. ثم عايز افهم انتم ايه صعبان عليكم ناخد اجازة انا وهمستي منكم ومن مشاكلكم.
همس: ههههههه. لا يا رعد ماتقولش كدة. دول نور عيوني هو انا اقدر اعيش من غيرهم. حقكم عليا يا حبايبي المهم اني رجعت وقعدت وسطكم من تاني .
أمير بشقاوة:بس ماشاء الله يا حماتي حضرتك راجعة زي القمر . تقوليش كنتي في لبنان وراجعة بنييولوك.
كارما : عندك حق هموسة راجعة ولا ممثلات السينما. فيها حاجة كدة متغيرة.
رعد بغيط وغيرة :انتم يا بقر بتتغزلوا فيها في ايه. وانت يا متخلف كنت بتبص فين ان شاء الله علشان تقول كدة. ماتتلهي في مراتك كتكم داهية . انا هلاقيها منين ولا منين.
فادي بعصبية: معلش يا بابا. مافيش مخ تقول ايه بقي .
امير بيكتم ضحته هو وكارما: بصراحة يا اونكل حضرتك حقك تغير علي طنط . هي مش بتكبر لسة زي القمر. وبناتها زيها كراميلا بالعسل.
رعد بيجز علي سنانه بغيظ: دقيقة ومااشوفكش هنا قصادي خد مراتك وعلي بيتكم ياللاااا.
أمير : ههههههههه. طيب طييب. حاضر بس نتعشي طيب . ولا ايه يا كوكي.
كريم: ههههههههه. لا شكلك هتتعشي دليڤيري الليلة مع نفسك. انا مؤدب عارف حدودي انت مشاكس.
فادي بغيظ لكارما: ما تسكتي جوزك يا هانم . عمال يعاكس في مامتك وانتي ايه باردة. مافيش دم .
كارما : ههههههههههه. وانت زعلان لييه بس. ده مجرد بيبدي اعجابه طب بذمتك يا حلا مش مامي راجعة زي القمر من السفرية دي.
حلا بتكتم ضحكتها وبصت لفادي: ههههههه. بصراحة زي العسسل مامي همس طول عمرها جميلة .
همس : هههههههه. وبعدين هي الليلة هنقضيها عزل فيا ولا ايه. خلاص عرفت اني وحشتكم. ولصت لرعد برجاء: خلاص حبيبي وحياتي سيبهم معانا نتعشي ونقضي الليلة سوا هما وحششوني اوي.
رعد بص لامير وكارما بغيظ: بس لو حد فيهم فتح بقه هقتله.
امير بيكتم ضحكته وبيشاور من غير صوت انه مش هيتكلم .
همس: هههههههه. والله انت ولد عسسل يخرب عقلك.
رعد بغيرة: استغفر الله العظيم. يا همس انتي بتستفزيني لييه والله هشيله وارميه برا.
حلا بتتألم : ااااه.
كلهم انتبهوا ليها .. وهمس بقلق: مالك حبيبتي انتي تعباانة.
حلا بتتألم: ايوة بس ماتقلقوش. ده خبط كدة والم بسيط .
فادي مسك ايديها بقلق: حبيبتي اتصل بالدكتورة في حاجة بتوجعك اوي!
حلا ابتسمت: لا حبيبي ماتقلقش. هي بنتك مفترية زيك وبتقوم بالواجب.
همس ابتسمت: عارفة فرحت اوي انها بنت انا بعشق البنات انا ورعد. يارب حبيبتي يطمنا عليكي . قوليلي قربتي مش كدة.
حلا بتتألم بسيط : ايوة خلاص هانت الشهر اللي جاي هنبدأ التاسع.
رعد ابتسم: اتجدعني وشدي حيلك عايز بنوتة شبه همستي احسن والله ارجعهلكم تاني . انا جبروت واعملها.
كلهم ضحكوا بقوة .
فادي : ههههههههه. ابوس ايدك تبقي شبهها الا غضب الملك هنختفي كلنا .
همس : هههههههه. حبيبي انت ربنا مايحرمني منك.
أمير بص لكارما والاتنين بتمثيل اكنهم بيعزفوا كمان .
أمير:ترااااا رااااااا. معااااك قلبي وبلاااش تغييب عني بتوحششني.
كارما : اناااااا انا كلي ملكك.
رعد بعيظ: برا يا كلب منك ليها قسما بالله مافيه عشااا. براااا.
......................................
سافر مؤمن ومهاب اليونان.
في اليونان .. شهاب كان بيتمشي علي البحر وبيفكر في تمارااا بيتألم كل مايفتكر اللي حصل واللي عمله معاها. جواااه احساس بالوحدة رهييب عايز يشوفها بأي شكل وحشته بقوة كل حاجة فيها عندها وتحديها ضعفها واستسلامها لييه. ضحكتها ودموعها كل تفصيلة فيها مفتقدها. حضنها اللي بقي بالنسبة لييه دواء وراحة ..
غمض عنييييه بقوة واتنفس هواء البحر بتعب .
(غمضت عيني رامي صبري)
غمضت عيني وقولت نفسي اشوفها تاني والمس ايديها واضمها حتي لثواني . من بعدها مش لاقي حاجة مطمناني .
شهاب بإشتيااق افتكر كل اللي جمعه بيها من وقت ماشافها آمان وخطر ضحك ودموع لقي وفراق. واتاكد انه مستحيل ينساها وانه مستحيل يسمحلها تنساه . بس البعد كان غصب عنه ماقدرش يخدها غصب ماقدرش يبعدها عن ابوها ويتحمل وجعها اكتر كفاية الوجع اللي سببهلها بسبب تسرعه.
شئ مستحيل ينساها قلبي ولو للليلة .. في بينا عشرة وذكريااات وحااجات جميلة .
ضاااعت خلاص مني وياريت بإيديا حييلة .
اخد فونه بحزن وطلع صورها وقلب فيها اشتاقلها بجنونها وطفولتها برائتها وطلقائيتها اللي مستحيل
يعوضها ولا يلاقي زيها انسانة بيور جميلة. عمره ماهيقدر يشوف ست غيرها ولا يحب بعدها.
كل ما انسها افتكرها . مهما اشوف مابشوفش غيرها . الوحيدة اللي معاها وفي هواها ارتحت انا .
عمرها ماهتبقي ماضي اللي ينا ماكنش عادي . حب عااش من يوم لقانا ولسة هيعيش 100
سنة .
اتنهد وهو بيبص للبحر ويفكر هو ازاي انخدع وازاي داس علي كل الحقايق اللي شافتها عيونه واللي حسها قلبه واللي عاشها معاها. هو عاش معاها فهمها . ازاي غيرته وغضبه وكبريائه عموه بالشكل ده. ازاي عرف قيمة اللي ضاع منه بعد ما خلاص مابقاش معاه. لييه فااق متأخر لييييه بدأ يكتشف الحقيقة بعد فواات الاوان. تمارا اللي ماخبتش حبها واعترفتله بيه بكل وضوح من غير زيف ولا تمثيل. كانت واضحه في حبها وحنانها كل شئ. كان واضح. هو اللي صمم ينكر كل ده ويقتنع انها كدابة ومخادعة. اتمني يعيش ويرجع علشان يعوضها عن اللي فاات واقسم انه مش ممكن يجرحها تاني ابداااا.
بانت قيميتها لما ضاعت من ايديا . طيبة وحنان مش موجودين غير فيها هي .
كان قلبها من غير ما اقول بيحس بيا ..
لو عيشت فوق العمر عمر هعيشه ليها. هفضل فاكرها وعمري يوم ما هكون ناسيها .
وهعيش علي امل في يوم اشوف عنيييهاااااا.
شهاب كان لسة علي حاله لقي فونه بيرن . مازن الظابط اللي معاه في المهمة . اتنهد بضيق و رد.
شهاب : نعم يا مازن .
مازن بقلق وتوتر: احممم. ايوة يا فندم. هو سيادتك اتأخرت لييه كدة... انا بصراحة قلقان المكان هنا مهجور وهادي وانا لوحدي. هو انت راجع امتي .
شهاب بيكتم عصبيته وبيعض علي شفايفه من الغيظ: يا بني هو انا سايب ابن اختي لوحده. ماتنشف يا مازن بقي ماتخلنيش اغلط فيك. الله ايييه مش عارف تقعد لوحدك شوية اجي احضرلك الرضعة بالمرة.
مازن بيبعد الفون من صوت شهاب العالي: احمممم. يا فندم انت فهمتني غلط. اانا بس قلقان عليك. خصوصا بعد اللي حصل الصبح. انت قتلت اتنين والدنيا مقلوبة اكيد مش هيسكتوا ويدورا عليك في كل مكان .
شهاب مسح وشه علشان يهدي . واتنهد : ماتخفش يا مازن انا مخلي بالي من وقت ماجيت وانا بحسب كل خطوة ممكن تسيبني بقي اقولك ناام. نام يا حبيبي قولي اتعشيت. ولا تحب اجي احضرلك العشا.
مازن بسخرية: لا خلاص نفسي انسدت سياتك.
شهاب بزهق: يارب دايما . ياللا يا خويا اقفل علي نفسك لتاخد برد ولا يطلعلك عفريت واتخمد.
مازن بص حاولية: باشا هو هنا المكان مسكون . انت بتتكلم جد ولا بتشتغلني .
شهاب خبط راسه بإيده بنفاذ صبر: يالهوووووي. وللا اقفل لاحسن وربي اجي اقتلك واخلص منك. امشي.
شهاب قفل مع مازن وهو زهقان: اووووففففف. دي مهمة زفت شكلها ربنا يسامحك يا اللي في بالي مالقتش غير ده وتدبسني فيه .
شهاب سمع صوت مؤمن ومهاب ورااه.
مؤمن: قلبي انا اللي وحششني . وحشستني ابوب
مهاب: اهو زي القرد اهو مافهوش خدش مرمطنا معاه بس علي الفاضي.
شهاب بدهشة من وجودهم: انتم ايه اللي جابكم هنا يا منيل منك لييه.
مؤمن حضنه : ههههههه. ماهو انت قدري المهبب وزي ماكنت معاك ونجينا سوا كان لازم ارجعلك وننهيها سوا. واحنا ونصيبنا بقي.
شهاب حضنه وابتسم: ااااه يا ابن المجانيين. ياواد انت لسة عريس كنت اتهني جاي تاخدلك رصاصة تحية.
مهاب : طب يا خويا هو كان معاك انا ذنب اهلي ايه اسيب چيچي حبيبتي اللي مدلعاني واجيلكم لييه. وربنا دي قلقة عقل.
شهاب: ههههههههه صحيح انت كمان ايه اللي جابك.
مهاب: مش جوز خالتي وحمايا هو اللي بعتك. لازم اصلح الموقف . نسب مهبب بعيد عنك. كان لازم تتنيل تتجوز اخت مراتي وبنت خالتي دنيا صغيرة.
شهاب اتنهد بهدوء: لا بجد انا بنفذ المهمة وتمام ايه اللي جابكم بس. ليية بتحملوني ذنبكم . وانت يا مؤمن لييه تيجي هنا انت كدة في خطر.
مؤمن : ماكنتش قادر اسيبك هو اللي بينا قليل. اللي يرسي عليك يرسي عليا. هو عمر واحد واللي ربنا كاتبه هيكون .
مهاب : المهم قولي عملت ايه .
شهاب بجدية: مافيش انا عندي تعليمات بتصفية 5 منهم. النهاردة صفيت 2. وفيه واحد مرتبله بعد شوية وهو خارج من البار. والا2 اللي باقين بجمع معلومات عن تحركاتهم لانهم اهم واصعب اتنين .
مؤمن : تمام واحنا معاك. مش هنسيبك وبتاع الليلة ده سيبه عليا انا هستفتح بيه . المهم السلاح وصلك كله .
شهاب : ايوة كل حاجة في المكان بتاعنا جاهزة.
مهاب: طب يباركلك يا خويا عايزين ناكل انا جعااان.
شهاب :ةهههههههههه. يخربيتك ايييه مابتشبعش.
مؤمن: وربنا كان فاضله دقيقة وياكل المضيفة في الطيارة حوووت.
شهاب : هههههه. قولولي صحيح عرفتوا مكاني ازاي!
مؤمن: انت ناسي ان انا كنت معاك هنا قبل كدة وعارف المكان بتاعنا . وبالاخص المكان ده انت دايما كنت تيجي فيه بالليل وتقعد لوحدك. كنت متأكد اني هللاقيك هنا.
شهاب بتردد : قولولي تمارا عاملة ايه!
مؤمن بص لمهاب بحيرة . وشهاب لاحظ نظراتهم.
شهاب بقلق: في ايه! انتم مخبين عليا حاجة. تمارا كويسة.
مهاب اتنهد:بصراحة انت كنت لازم تعرف منها هي بس. بس لازم اقولك. تمارا حامل ولما عرفت الخطر اللي انت فيه بسبب المهمة دي نزفت وهي حاليا في المستشفي.
شهاب مصدووم مش عارف يفرح لحملها ولا يزعل منها علشان خبت عليه. ولا يتجنن من الخوف عليها .
شهاب : انت بتقول ايه. تمارا حامل! ازاي تخبي عليا ! ازاي ماتقوليش حاجة مهمة زي دي! ؟ازاي!
مؤمن: اهدي ياشهاب الله يخليك. دي حالتها صعبة اوي اتجننت لما عرفت سفرك.
شهاب مسك دماغه وفضل يلف حاولين نفسه بغضب وجنون : مش ممكن يوم ما اعرف انها حامل وكمان في خطر ابقي بعييد بالشكل ده وبيني وبيننا مسافااات. ازاي بس ...
مهاب اتنهد بشفقة: شهاب اللواء مهاب بيبلغك تسيب المهمة دي وتنزل علشان تمارا. انزل انت لمراتك واحنا هنكملها حتي من غير اي اجرائات رسمية هنتصرف.
شهاب بغضب وتوحش: لا . مش هي خبت عني وسابتني لوحدي. مش فضلت ابوها عليا وكمان حرمتني من فرحتي بإبني . وهو كان بعتني يخلص مني . تمام وربي ما هرجع غير لما اخلصها عندنا فيه. علشان يعرف اني مش انا اللي بخاف ولا بتهز .
مؤمن : تمارا محتجالك . هتقدر تتحمل بعدها وكمان وانت عارف اللي هي فيه. كمان مهاب قالي ان اللواء مهاب مش هو اللي كان ورا سفرك. هو رشحك زيه زي غيره بس كلهم كانوا مصممين عليك. بلاش نظلمه .
شهاب بيعض علي شفايفه بغيظ وحيرة : هو ولا مش هو . النتيجة واحدة انا هنا ومراتي وابني هناك. والله اعلم هرجع القيهم اتنين ولا واحد. ده لو رجعت.
مهاب : هترجع ماتقلقش. ياللا بينا نروح نشوف الراجل ده . وبعدها نشوف هنخلص من اللي الباقين امتي وازي .
مؤمن : طيب ماتتصل بتمارا تطمن عليها وتطمنها عليك .
شهاب بألم: مش عايز اضعف اكتر من كدة. خاليني زي ما انا اكمل مهمتي وانا غضباان . لو كلمتها وسمعت صوتها وحسيت بضعفها ولهفتها. مش هتحمل وهنزل مصر دلوقتي. ياللا بينا المهمة دي لازم تخلص بسرعة
بدأ الثلاثة ينجزوا مهمتهم وشهاب كان جواه حافز وتصميم علي انجاز المهمة دي اكتر من اي وقت فات واي مهمة سابقة. المهمة دي بالاخص. كانت عند في مهاب. شهاب ومهاب هيفضلوا طول الوقت في صداام. لان الاتنين لاسف نفس الشخصية . علشان كدة صعب الاتفاق.
شهاب كان مصمم انهم يساعدوه بس في المعلومات والحركات والتجهيز. لكن وقت الجد هو اللي بيصمم ينفذ. وفعلا انجز مهمته بنجااح ومن غير خساير ولا حتي اصابة واحدة. وكمان اصحابه ماحدش فيهم اتاذي... بس لحد ما ده حصل كان مر تقريبا شهر . لان الاتنين المهمين المطلوبين كانت مهمتهم صعبة. ومحتاجة وقت وتاني. طول الشهر ده شهاب صمم ماحدش فيهم يتصل بأي حد. في مصر لا مؤمن يكلم شيري ولا مهاب يكلم چودي. ولا هو بيتصل باي قيادة ولا بيبلغ حد. بأي تتطورات.
وبعد مرور الشهر ده رجع الوحوش الثلاثة ومعاهم مازن. اللي برغم قلة خبرته الا انه ساعدهم كتيير واتعلم منهم كمان كتيير وقرب من شهاب وحبه جدااا. وشهاب كمان ارتاحله وقرر يقربه منه بعد رجوعهم .
......................................
في ڤيلا مهاب عز الدين تمارا في اوضتها فاتحة اللاب توب وكالعادة بتتفرج علي صور شهاب معاها. وكمان الڤيديو الخاص بفرحهم. كانت هتتجنن من الخوف والرعب عليه.. تمارا طول الشهر ده كانت في راحة تامة وترقب للاجهاض في اي وقت. بس نغم كانت متفرغة ليها ولچودي اللي كمان قعدت معاهم لسفر مهاب . بس تمارا برغم ضعفها وتعبها الا انها كانت بتقاوم هي وابنها باقصي ما عندهم علشان شهاب .. كانت طول الشهر ده منتظرة رجوعه او مكالمة منه او خبر يطمنها بس للاسف مافيش.
وهي علي حالها ده . بدأت تستشعر ريحته في الاوضة سابت اللاب توب وسهمت . وابدأت تغمض عنيها وتتنفس ريحته بإستمتاع وهي مش عارفة ده حلم ولا بجد. ولا هي خلاص من كتر ماهو واحشها بتتخيل كل شئ حتي حواسها كلها مفتقداه لدرجة انها تشم ريحتة بوضوح بالشكل ده.
لحد ما حاست بإيده علي كتفها بلمسها بلهفة مشتاق . وسمعت اجمل صوت ممكن تسمه صوته رجولته اللي بنطق مع نبرة صوته بوضوح . كان بالنسبة ليها اجمل لحن غمضت عنيها ودمعت بشووق .
شهاب بنبرة عاشق مشتاق: وحششتييني يا تييمو وحشششتيني اوي.
تمارا لفتله بسرعة وجنون وحضنته واتعلقت بيه بإشتيياق : شهاااب حبيبي كنت فيين. وحشتني اوي اوي .. كنت هتجنن عليك والله هتجننن.
شهاب ضمها برفق وحنان علشان حملها وبطنها اللي ظهرت وبان حملها : ااااااه يا قلبي كان فييين الحضن ده .. كنت همووت واخدك في حضني . ماكنتش اعرف اني بحبك اوي كدة .. انتي بقيتي روحي يا تيمو روحي ..
تمارا خرجت من حضنه وضمت ملامحه بين ايديها وبدموع: مش هتبعد عني تاني مش كدة .
شهاب ضم ايديها بإيده بحنان وباس ايديها بتملك: وحيات غلاوتك لو حتي انتي فكرتي تبعدي هحبسك حبس انفرادي واعذبك واجلدك وماتفلتي مني انا خلاص بقي مابقاش عندي صبر. وابوكي ده وربنا ماهرحمه انا مش طايقه اصلا هسمه والله اسمه .
تمارا: هههههههههه. اخس عليك ده هوبا حبيبي بردوا. هو بس كان بيربيك علشان تعرف قيمتي.
شهاب بسخرية: لا والله . ده لو كان يطول يبعتني افغانستتان كان بعتني وارتاح مني. راجل غييار. انا ماصدقت مالقتهوش برا كانت بقت مجزرة دلوقتي.
تمارا بصتله بهدوء بتحقق في ملامحه وكل جزء فيه مفتقداه وبهمس : وحشتتني بجد مش مصدقة انك رجعت.
شهاب قربها لحضنه بشوق. لو علي التصديق مافيش اسهل منه. تؤمري يا روحي.
شهاب شالها وبدأ يمشي خطوات .
تمارا بدهشة : انت بتعمل ايه!
شهاب غمزها: اولا انتي مكانك مش هنا مكانك في بيتك معايا. ثانيا بقي مش انتي عايزة تصدقي اني رجعتلك وانك هتقضلي في سجني للابد لازم اوريكي الاثباتات علي ده . وطبعااا بيتنا اولي بينا مش ناقصة هي الاقي ابوكي ناطط في وسطينا في السرير ويقولي بتعمل فيها ايه. انا عارفة حشري.
تمارا اتعلقت في رقبته بسعادة: هههههههه. عندك حق ده ممكن يفضل قاعد قصاد الاوضة يراقب ويتدخل وقت الهجوم.
شهاب : هههههههه. لا وانا مهاااجم الليلة وقااتل مافيش تفاهم. قوليلي فين دواكي عايزين نعمل كل الاحتياطات .
تمارا سندت راسها علي صدره واتنهدت: انت داوايا يا شيبو انت اجمل دواء. اااااااااااه انا كنت ميتة من غيرك من غير روح ولا حياة. انا بعشقك يا شيبو بعشقك.
شهاب ضمها لقلبه وغمض عيونه: يعني خلاص نسيتي وسامحتيني.
تمارا هزت راسها بقوة: ايوة خلاص سامحتك حبيبي .
شهاب اخدها وخرج ونغم كانت في منتهي السعادة . خصوصا ان مهاب الصغير اخد چودي اول ما وصل وطار علي بيتهم . وتمارا روحت مع شهاب واخيرااا اتصالحوا.
......................................
في ڤيلا اكمل التهامي .
حمزة دخل لفتون اوضتهم وقرب منها وقعد جنبها.
حمزة مبتسم: عندي خبر لحبيبتي هيفرحها اوي .
فتون بهدوء من غير ماتبصله: خبر ايه !
حمزة متألم علشانها مش قادرة تنسي ولا تعدي اللي حصل طول الوقت حزينة ومنكسرة . دايما حاسس انها مش قادرة تبص في عيونه.
حمزة رفع عيونها لعيونه وابتسم بحب: حياتي عندنا الصبح معاد مهم في الاستوديو. علشان نقابل الملحنين والمؤلفين للالبوم بتاعك عايزين نختار اجمل اغاني عايز البوم يكسر الدنيا.
فتون بحزن: انت لسة مصمم تنتج الالبوم مستغني عن فلوسك.
حمزة ضم وشها بين ايديها: تؤ تؤتؤتؤ. تقصدي ضامن فلوسي . ده هينزل هيحقق نجاح محصلش انا واثق فيكي.
فتون بكت بذل :انت لييه بتعمل كدة!
لييه اتحوزتني برغم اللي شوفته وعرفته !
ليييه تعمل في نفسك كدة!
الشفقة والانسانية مش ممكن تكون للدرجة دي !
حمزة قرب منها اكتر وهمس قصاد شفايفها بتصميم.
حمزة: عمر اللي جوايا ليكي ماكان شفقة . ده حب انا بحبك يا فتون بحبك. وهفضل احبك طول عمري. اياكي تشككي في حبي تاني مش هسمحلك. فاهمة مش هسمحلك.
فتون غمضت عنيها بوجع ودموع: غصب عني .. مش قادرة انسي مش قادرة...
حمزة حضنها بقوة: هتنسي . صدقيني هتنسي . هنعدي الازمة دي يا فتون هتبقي صفحة واتقفلت لا دي هتتحرق من حياتك نهائي. وانا علي وعدي دي مهمتي هنسيكي واعوضك. بس انتي ساعديني.. ساعديني حبيبتي . علشان خاطر ابننا اللي جاي ده عايزة يتولد يلاقيكي سعيدة مش حزينة ومكسورة.
فتون حضنته بإستنجاد: انا بحبك اوي اوي. ارجوك اوعي تتخلي عني اوعي.
حمزة ابتسم: لو اتخليت عنك ابقي بتخلي عن روحي يا روحي.
......................................
في قصر رعد الحديدي
في اوضة حلا وفادي.
حلا قامت تصرخ بقوة .
حلا : ااااااااااااااه هموووت الحققيني يا فاااااااادي.
فادي قام مفزوع : ايه. مالك يا حبيبتي في ايه!
حلا بتتألم وتصرخ: ااااااه. هكون مالي حااامل وبصرخ في نص الليل اييه عجبني صوتي مثلااااااا. الحقني انا مش قادرة ..
فادي بعصبية: ليكي نفس تتريقي كمان. قومي معايا نروح للدكتورة بتاعتك ..
حلا بتقوم بصعوبة: طيب كلمها شوفي رجعت ولا لا كانت مسافرة الجونة اجازة.
فادي تنح بصدمة: نننننعممم. اومال مين اللي هيولدك امي .
حلا : ااااااه يارب .. يارب خدني وريحني. انت هتحقق معايا اتصصصل بيهاااااا. هووووولد.
فادي بتوتر وعصبية اخد فونه واتصل بالدكتورة ..
فادي :ايوة انا فادي الحديدي جوز حلا.
هو حضرتك في القاهرة . ولا لسة في الجونة ؟
الدكتور: اهلا يا فادي بيه . لا انا لسة في الجونة . هرجع بعد 3 ايام خير.
فادي بغضب: نعععم ياختي 3 ايه . ولما انتي هتتنيلي تاخدي اجازة اللي هيولدوا معاكي دول يعملوا ايه يركبوا كاتم صوت لحد ماترجعي .. حلا مراتي بتولد اعمل ايه انا دلوقتي.
الدكتور بضيق منه ومن عصبيته وطولة لسانه: انا ذنبي ايه مراتك جالها طلق بدري هي اصلا لسة في اول التاسع مش ذنبي علي فكرة . عموما انا مكلفة دكتور رامي بالحالات المتوقع تولد وانا في الاجازة وهو عنده السي ڤي الخاص بيها من اول شهر . ورقمه مع مدام حلا كلمه وهو هيتصرف .
فادي بيجز علي سنانه بغضب وعصبية وبص لحلا: يعني الهانم عندها علم انها هتولد مع الدكتور رامي .. ده ليلتك وليلتها وليلة رامي هبااب ان شاء الله اقفلي.
رمي الفون ونط قصاد حلا اللي بتحاول تبعد بس حركتها تقيلة وبتتنقل بصعوبة .
فادي شدها من دراعها : بقي انتي عارفة انك هتولدي مع راجل وساكتة وملبسة المقطف اللي هو انا سلطنية علي مقاسه صح . ليلتك مهببة علي دماغك انتي وبنتك.
حلا بتتألم وفي وسط كل ده عايزة تضحك علي شكله وجنانه: واللله هي ما اكدتش عليا قالك احتمال.. ثم انا مالي انا. عايزة اولد هموووت يا فادي والله الحقني حراام عليك .
فادي بيغلي مش عارف يعمل ايه الوقت ضيق وهي بتتالم سمع خبط علي الباب فتح لقي همس ورعد.
همس ببخضة: ايه حلا بتصرخ ليه هي بتولد.
حلا : اااااااه. الحقيني يا ماما. همس همووت .
رعد بعصبية: انت واقف تتفرج عليها ما تخدها علي المستشفي بسرعة.
فادي بضيق شالها ونزل بسرعة ووراه رعد وهمس.وعدي وهنا عرفوا وراحوا وراهم .
في المستشفي ..
دكتور رامي : ياللا بسرعة جهزوها علشان اكشف عليها واشوف الرحم اخباره ايه بسرعة...
اخدوها والدكتور رامي بيلبس الجوانتي ورايح ناحية حلا .. فادي مش فاهم .. بس ما لقاش جهاز السونار ولا حاجة طب هيكشف بإيه.
فادي : ثانية واحدة هو انت هتعمل ايه! ؟
رامي: هشوف شغلي واكشف عليها.
فادي بعصبية: ايوة اللي هو ازاي مش فاهم. فين جهاز السونار.
رامي بزهق: ممكن حضرتك تطلع برا الوقت حرج وانت معطلنا .
فادي بغضب : انت باينلك اتهبلت اطلع فين مش هخرج . انطق هتكشف ازاي.
رامي عارف هو مين وستكت غلب غصب عنه. بص للممرضة :فهميه من فضلك.
الممرضة وشوشت فادي وفهمته.
وفادي عنيه بقت بتكلع شرار وودانه بتطلع نااار. وبصوت يرعب
فادي هجم علي رامي ومسكه من هدومه. : ده انت ليلتك وليلة اللي خلفوك زرقة . انت عايز تعمل ايه قسما بالله لو قربت منها لادبحك. انت مجنون .
رامي بدهشة: انا عايز افهم انت مكبر الموضوع لييه. خلاص خالي النيرس تكشف عليها هي ليلة طين انا عارف
فادي : طين علي دماغك ان شاء الله. واصلا اخرج برا مش هتولدها .
حلا بتصرخ مش متحملة: ااااااااااه . هموووت منك لله يا فادي . ارحمني.
فادي بتصميم: شوفي صوتي اصرخي اعملي اللي تعمليه مش هيولدك. انا فاكرها عملية وخلاص. ده طلع بلا ازرق علي دماغكوا كلكم. وربنا ما يشوف ظفرك . انتي مجنونة عايزاني اسيبه ي....... والله ابداااا. مايحصل ياتيجي دكتورة تولدك لتولدي بعملية غير كدة قسما بالله مافي راجل هيلمسك.
حلا حست انها فعلا بتولد وصرخت بجنون: فاااااادي .. بولد. بولد ... والله بولد يالههههووووي ااااااااااااااااه.
فادي جري عليها هو الممرضة وسمعه صوت البنت فعلا حلا ولدت علي سرير الكشف والببت نزلت.
المموضة : دي ولدت فعلا الحقنا يا دكتور بسرعة ..
رامي قلع الجوانتي: الحقك ازاي مش فاهم وانا مين يلحقني منه. الصعب عدي واللي باقي سهل انتي عارفة هتعملي ايه. كملي انتي وهبتلك حد. يساعدك ..
بص لفادي بغيظ وخرج وفادي واقف مصدوم مش مصدق انها فعلا ولدت قصاده .. الممرضة لفت البنت بفوطة طبية وندهت لفادي .
الممرضة: فادي بيه تعالي امسكها من فضلك عايزة اشوف شغلي .
فادي برغم شدته وجبروته ده الا ان منظر الدم وحلا اللي همدت ومش طالع ليها صوت وبنته اللي شافها بتتولد قصده هزه بقوة بقي واقف مشلول مش عارف ياخد خطوة واحدة.
الممرضة : يا فندم امسكها.
حلا بتعب ووهن: هاتيها انا عايزة اشوفها.
فادي اخيرا فاق واخد البنت منها وبصلها بتأمل وابتسم. ودمعة غريبة نزلت منه . مش عارف دي خوف عليها هي وامها ولا فرحة بيها.
فادي : ماشاء الله يا حلا جميلة اوي شبهك بجد.
حلا ابتسمت: دي المفروض كانت تخرج تقتلك. كانت هتموت جوا بسببك يا مجنون.
فادي قرب منها وقعد قصادها وباسها من جبينها بقوة: غصب عني ماكنتش متحمل المنظر اعذريني صعب اقف واسيبه يقرب منك . ده انا كان ممكن يجيلي سكتة قلبية . اسف يا روحي اسف.
حلا ابتسمت بضعف: الحمد لله ربنا ستر.. وريني حبيبة ماما
🌷🌷🌷🌷🌷
(((سلسلة عشق الرجال الجزء الثاني من رحم للإيجار)))
((مهمة حب))
((الحلقة الخامسة والاربعون))
🌹بقلم ريحانة الجنه🌹
في شقة شهاب وتمارا.
شهاب صحي وفتح عيونه علي انزعاج بسبب صوت الخبط الرهييب علي الباب وكمان الجرس بيرن بطريقة مستفزة .
شهاب بتأففف وبيتوعد للي بيزعجهم بالشكل المستفز ده: تؤتؤتؤ.مين ابن ال... اللي بيرزع كدة. ده صباح اهله طين.
وبص لتمارا اللي نايمة في حضنه ومن التعب والاجهاد تقريبا مش سامعة حاجة . ابتسم وهو بيتنهد ويبعد شعرها بهدوء ويستمتع بملامحها . كان مفتقدها لفترة كبييرة اوي وماصدق بقت في حضنه. وفتح عيونه عليها.قرب منها وباسها بحب .
كان للحظة من سحرها. وقربها اللي بيلهيه عن العالم كله. نسي وبقي مش سامع صوت الخبط. بس الخبط زاد اتعصب اكتر. وبهدوء بيحاول يشيلها من حضنه علشان يقوم يقتل اللي علي الباب. بس وهو بيخرجها من حضنه فتحت عنيها. وابتسمت.
تمارا بنعاس وتعب: ايه الصباح اللي يجنن ده. هو انت احلويت كدة لييه . راجع من اليونان تجنن. صحتك بتيجي علي الخطر .
شهاب بدل مايبعدها ابتسم بشوق وقربها اكتر من حضنه . وهو بيعض علي شفايفه.
شهاب : هو فييه خطر اكبر من النوم في حضنك . انتي اخطر من كل عصبااات المافيا يا روحي.
الباب بيخبط اكتر. وتمارا قامت من حضنه بإستغراب.
. تمارا بقلق: ايه ده مين بيخبط كدة!
شهاب بضيق. وهو بيقوم من السرير : انا عارف ده حد عايز يتعلق. وحياة امي لصبحه صباح زي وشه بس اشوف خلفته. خاليكي زي ما انتي اياكي تتحركي.
تمارا: هههههههه. طيب استني بس البس الاول هتفتح كدة.
شهاب بزهق اخد بنطلون قطني ولبسه بعصبية : الله يقل راحتك يا بعيد. انا عارف مين ده اللي جاي علي الصبح. اصلا انا ماقولتش لحد اني رجعت. رجعت عليكي علي طول.
تمارا ابتسمت بدلع: واضح اني كنت وحشاك اوي يا بوب.
شهاب قرب من السرير بتوعد: طيب خفي السهوكة دي لحد ما اروح اعلق الغبي اللي بيرزع ده.وارجعلك .واقولك وحشتيني قد ايه.
تمارا باسته من خده : طيب ماتتأخرش عليا .
شهاب اتهند بحرارة : اوففففف. وبعدين معاكي والله اسيبه يتفلق مش فاتح.
تمارا: ههههههههه. لا خلاص شوف مين ده انا حاسة الباب هيتكسر اصلا.
شهاب بزهق خرج يفتح الباب : جايلك صباحك منيل. ايييييييه. بتصحي ميتين .
شهاب فتح الباب بغضب وعصبية من غير ما يفتح الشاشة ولا يعرف مين من عصبيته ووعيده ليه. بس صدمته ماكنتش قوية لما شاف اللي بيخبط. لانه كان متوقع وجوده من الليلة اللي فاتت.
شهاب بعصبية وغيظ. وهو بيجز علي سنانه: ايه يا سيادة اللواء جاي تقبض علينا . هو فيه كدة .. ايه الخبط ده مش كدة. خيير علي الصبح.
مهاب بغيظ منه : خير!! وهيجي منين الخير .طول ما النصيب المهبب مرازيني بيك في حياتي.
شهاب بيكتم غيظه منه وبيمسح وشه بعصبية : صباحك فل يا باشا . جايلي علي الصبح تسمعني الكلمتين دول ! عارفهم والله وفرهم احسن بلاش حرق علي الفاضي البنزين غالي.
مهاب بغضب قرب منه وزقه بعنف: بنزين لما يولع فيك . انت هتنسي نفسك ولا ايه. اتعدل واتكلم معايا عدل بدل ما اتغابي معاك. وانت عارفني هفرمك.
شهاب بيتمالك نفسه لاقصي درجة علشان خاطر تمارا: استغفر الله علي الصبح. ننننعم. سيادتك مشرفنا من النجمة لييه.
مهاب بدأ ياخد باله من شكل شهاب المتلخبط من النوم. وانه لبسه خفيف البنطلون بس. غار غيرة عجيبة واتعصب.
مهاب : انت كنت بتعمل ايه ولييه مش لابس باقي هدومك.
شهاب بيحاول يستوعب السؤال الغريب . وهو مش متخيل جنون مهاب وتعلقه بتمارا للدرجة دي!
شهاب بسخرية: نعم سيادتك! مش فاهم كنت بعمل اللي بعمله انت بتسأل لييه . هو انت جايلي من النجمة تسألني كنت بعمل ايه! ومش لابس باقي هدومي لييه! ده بقي اسمه ايه حضرتك افهم ؟!
مهاب بعصبية بيحاول يداري غيرته وسؤاله المتسرع: احمممم. هو انت اصلا ازاي تعمل اللي عملته امبارح!
ازاي تاخدها من غير اذني ؟
اييه مالهاش اب ولا ايه!
شهاب حط ايده في جيبه بثقة:والله انا عملت اللي كان لازم يتعمل من شههور. رجعت مراتي بيتها اللي مدخلتهوش اصلا من يوم جوازنا.
ثم انت بتحاسبني علي ايه! مش كفاية بسببك اتحرمت من مراتي وابني وحتي مافرحتش بخبر وجوده وحمل تمارا. بص يا سيادة اللواء. من فضلك من هنا ورايح حياتي انا وتمارا تخصنا احنا الاتنين بس. مافيش مخلوق ممكن يدخل بينا تاني. ولا انت ولا اي حد. فاياريت تسيبنا نعيش حياتنا براحتنا من غير مشاكل.
مهاب بعصبية: انت اتجننت باين ولا ايه!
دي بنتي ادخل في اللي يخصها غصب عن اي حد. حتي لو انت وانت بالاخص كمان ايه رئيك .
ثم مين اللي بيعمل مشاكل. انا اللي اضحك عليا من عيلة ماتسواش ! . ولبست مقلب عمري!. هاه ماترد اتخرست لييه! ثم انت كان لازم تتربي علي اللي عملته . وقسما بالله يا ابن رعد لو فكرت تعيدها وتزعلها . ساعتها مش هيكفيني موتك هقطعك بسناني انت سامع.
شهاب بيلعن نفسه انه فتحله الباب اصلا من غير مايفتح شاشة الكاميرا ويعرف مين. اقسم انه ما كنش فتحله.
شهاب : اووووف يا الله يا ولي الصابرين. خلااااااااص . فهمنا. والله حرمت ازعلها اجيب ميكرفون اسمع الناس. توبت مش هزعلها او بمعني اصح . مش هتعرف عننا حاجة. كان يوم اغبر لما جاتلك وحاكتلك.
مهاب بسخرية: اغبر علي دماغك. كنت عايزها تخبي عليا. ده بعدك. هتفضل تحكيلي ومش ممكن هتخبي عليا حاجة. انا اولي بيها منك واحق بيها منك كمان. انا ابوها ياغبي.
شهاب بنفاذ صبر: تمام طيب علشان بس ننهي الصباح التحففة ده. في قصيدة تانيب ودبش. ولا هنقفل الاوردر علي كدة !
مهاب بصله بغيظ وماردش ودخل خطوات اتجاه الكوريدور الخاص بغرف النوم. شهاب استغرب هو رايح فين وقفه ووقف قصاده بشراسة.
شهاب بعصبية: سيادتك رايح فين! ؟
مهاب بطلقائية : داخل لبنتي ايه عندك مانع!
شهاب بيغمض عنيه بيغيظ هيخليه ينفجر من مهاب: يعني سيادتك مصاحينا من الصبح برزعك علي الباب بالشكل ده. لا ومش مكفيك عايز تدخلها اللي هو ازاي بس. مش فاهم؟!
مهاب : انت واقفلي كدة لييه. لا هو علشان بيتك والله اخدها تشوف. ضفرها تاني انت سامع ولا لا وسع من وشي.
قبل ما شهاب يرد لقي صوت تمارا وراه. لفلها لقاها لبست روب محكم وخرجت.
تمارا مبتسمة : صباح الخير يا هوبا.
مهاب ابتسم وزق شهاب بقوة من غير ما يبصله . وشهاب اتعصب منه وغار من لهفته علي تمارا بالشكل ده.
مهاب قربلها وضم وشها بلهفة: حبيبة هوبا طمنيني انتي كويسة ..
تمارا ابتسمت اكتر وحضنته: ههههههه. حبيبي انا بخير ما تقلقش .
مهاب ضمها براحة : الحمد لله. وخرجها من حضنه بعتاب ولوم. كدة يا تيمو تمشي من غير حتي ما تكلميني. وازاي تسبيه ياخدك من غير اذني ينفع كدة!
شهاب بيجز علي سنانه بغيظ وتمارا شايفاه وبتكتم ضحكتها.
تمارا: هههههن. معلش يا حبيبي . انت عارف هو كان وحشني ازاي وانا كمان كنت وحشاه. اسفة ماتزعلش.
مهاب اتنهد : المهم انتي شكلك مبسوط. انا مش عايز غير كدة. بس لازم تعرفي اني كان لازم اربي الغبي المتهور ده. علشان يعرف قيمتك ومش يحطك علي راسه لا جوه عيونه.
شهاب بعصبية : انت سيادتك مش واخد بالك انت نازل فيا تقطيم وتهزئ. وانا متحمل علي غير العادة علشان مش عايزين نفتح في اللي فات
بس كفاية بقي كدة.
تمارا وشوشت مهاب: هو غبي اه ومتهور وعامل زي الوحوش. بس بحبه اعمل ايه. وحياتي كفاية بقي مشاكسة سامحه علشان خاطري انا.
مهاب بغيظ وبص لشهاب وبهمس: محسسني انه كان في حلبة مصارعة . هو المتخلف مش عارف حالتك كانت ايه ولا هو متغابي كالعادة.
تمارا كتمت ضحكتها : هههههههه.احمممم. خلاص بقي يا هوبا بلاش تكسفنا وعديها. وبعدين ماتقلقش انا بخير مافيش تعب.
شهاب عاقد حاجبة ومتغاظ من همسهم ده: هو انتم بتتوشوشوا لييه بتقولوا ايه!
مهاب بص لتمارا وضحك: هههههههههه. حلال فيه حرقة الدم وقلقه علي الصبح. ده انا هقرف اللي خلفوه.
تمارا بصت لشهاب بعطف: هوبا كفاية بقي لطف الجو بينكم. ده حبيبي كنت هتجنن عليه. وخلاص هو عمره ما هيزعلني تاني ابداااا . وحياتي.
مهاب اتنهد بقلة حيلة. هو طول عمره بيحب شهاب من زمان بس من وقت ازمة ملك والعدواة بينهم طغت علي علاقتهم وضيعت الحب والقرب والتكافؤ بينهم.
قرب من شهاب وبصله بجدية: انا عمري ماكنت محتاج اخلص منك لا زمان ولا دلوقتي . خصوصا بعد ما بقيت جوز بنتي حته من قلبي وكمان ابو حفيدي. بس دي الحيونات بتخاف علي ولادها القطط ممكن تخربش اي حد يأذي ولادها. مابالك بينا بقي واحنا بشر عندنا عقل وقلب واحساس. انت هتعرف قيمة كلامي لما تخلف وتشوف ابنك او بنتك. مش هتتحمل ولا تسمح ان حد يخدشهم بس . مش يعمل اللي انت عملته في بنتي. انا اب يا شهاب واب عاش لولاده وبيهم مالهمش غيره هما حياته وعيلته. وتمارا بالاخص . كانت الاقرب لقلبي ولعقلي. حافظ عليها يا شهاب حطها في عنيك. لاني لو سامحتك مرة مش هسامح التانية.
شهاب اتنهد وبص لتمارا بتأنيب وحب وابتسم وبص لمهاب: اوعدك عمري ما هكرر غلطة مريت بيها اظن شغلنا علمنا كدة. مابالك مع تمارا حبيبتي. خلا?
#عندما
#يعشق الرعد ج/2
#مهمة حب
البارت 45 باقي الباررت
البارت46
🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤
(((سلسلة عشق الرجال الجزء الثاني من رحم للإيجار)))
((مهمة حب))
((الحلقة الخامسة والاربعون))
🌹بقلم ريحانة الجنه🌹
. خلاص دي ملكت القلب والعقل وكل جوارحي. مش عايزك تقلق. اتطمن كأنها معاك. وعموما انا اسف المفروض اعتذاري كان يبقي بدري من وقت ما عرفت اني ظلمتك. بس ملحوقة هتقبل اعتذاري !
مهاب بص لتمارا وابتسم: اكيد هقبله. حصل خير مش مهم اللي عدي. المهم اللي جاي .
شهاب قرب من مهاب وابتسم : يعني هرجع شهاب اللي كنت بتحبه وتثق فيه وتلميذك النجيب .
مهاب ابتسم واخده في حضنه: طول عمري ما لقتش حد يكمل مسيرتي غيرك. اللي فات مات خلاص.
شهاب ابتسم وغمز تمارا: نورتنا يا حمايا العزيز.
تمارا بسعادة لان احب اتنين لقلبها رجعوا يحنوا لبعض تاني : هوبا هتفطر معانا بقي ماشي.
شهاب : وواجب من البوب انا اللي ههحضر الفطار . هاه هتفطر ولا هتمشي!
مهاب بصلهم بسخرية: عزومة جد. ولا اي كلام. ونفسكم تطرقوني وايخلالكم الجو!
شهاب بص لتمارا وضحك: ههههههههه. انا بقول بلاش اجاوب احنا لسة عاملين معاهدة سلام.
مهاب بعناد: ههههههههه. لا بجد بقي كدة. طب عندا فيك هقهد وافطر واشرب قهوة.
تمارا حضنت مهاب من دراعه بسعادة: حبيبي انت تنورنا . هو احنا نطول تعالي بقي معايا لحد ما الشيف يجهز الفطار.
شهاب بسخرية: اااااه يا خاينة بعتيني في اول موقف. طيب تعالي ساعديني .
مهاب ضمها وغمزه: انسي انا بنتي حامل وتعبانة اخدم نفسك. تعالي يا قلب هوبا احكيلي عمل فيكي ايه امبارح المفتري ده .
تمارا ضحكت بخجل وشهاب بغيظ: عارفة لو حكيتي حاجة هموتك.
تمارا : هههههههههه. لا ماقدرش طبعاااا. بص يا هوبا كل خير عمل كل خير عديها بقي.
مهاب شايف السعادة باينة عليهم ومغرقاهم :حبيبتي ربنا يسعدك. المهم الفرحة اللي بترقص في عيونك دي. بالدنيا واللي فيها.
وباسها من جبينها . انا حقيقي مضطر انزل مشغول انتم عارفين.
تمارا بعتاب: مش هتفطر طيب!
شهاب : ايه يا باشا خايف تتعب من اكلي. ما انت عارف ياما اكلت من ايدي ولا نسيت.
مهاب : لا يا خويا ما نستش. بس عندي مواعيد . ياللا خدوا بالكم من نفسكم. سلام.
خرج مهاب وشهاب قرب من تمارا بخطوات شقية: ابوكي ده حالة ما حصلتش. بس بصراحة اللي يخلف انتاج زيك لازم يتجننن ويغير عليه . انتي اصلك كتيير علي اي حد.
تمارا ابتسمت : فعلا علي اي حد. الا الوحش بتاعي اللي يستاهل يكون هنا جنبي .
شهاب ضمها لحضنه واتنهد بإشتياااق: الوحش جعااااان وهيفترسك من غير مقدمااات.
تمارا بصتله بإحتيااج: القطة بتعشق افتراسك. ادمنته.
شهاب ابتسم بوعيييد: القطة هتموووووت . وخصوصا ان الفهد جعاااان موووت. بقالوا شهههووور وايييااام من غير اكل . والقطة السبب ولازم تدفع الثمن.
قبل اي رد فعل منها كان شالها ودخل اوضتهم سوا.
.......... ..........................
في داخل الاستوديو الخاص بحمزة وفتون حمزة قاعد مع فتون ومع فريق العمل بيجهزوا للالبوم.
فتون بسعادة: حبيبي انت زوقك يجننن . اختارت اجمل الكلمات وبجد اجمل اغنية اللي هتكون من كلماتك ولحنك. دي هتكون اهم شئ في حياتي.
حمزة ابتسم وباس ايديها : حياتي انا ماتعبتش في كتابتها كتبت اللي في قلبي وبحس بيه. اللحن يا دوب بس كررت نغمة. صوتك وهمسك . ولحن كلمة بحبك اللي بسمعها منك. بس شوفتي بقي ان الموضوع سهل .
فتون بصتله بإعجاب: انت عوض ربنا ليا من الدنيا دي. من غيرك كان زماني.....
حمزة سكتها وحط ايده علي شافيفها : ششششش. ماتكمليش. احنا قدرنا نكون لبعض ومع بعض . مش لازم نبعد . لاننا خلاص بقينا واحد انتي انا وانا انتي وبنوتتنا بتكملنا. اجمل خبر انها بنت فرحت اوي. مش متخيل ان هيبقي عندي نسختين منك انتي وهي.
فتون بهمس بصت للناس اللي معاهم : هو انا لو حضنتك دلوقتي يبقي عيب.
حمزة بهمس: حضن بس يا بخيلة انا قولت هتقوليلي بوستك ولا حاجة حضن بس!
فتون اتنهدت وبصت في عيونه: الحضن ده دنيا. مالهاش مثيل ولا بديل الحضن آمان .. الحضن بيقول حاجااات مايقولهاش اللسان ولا تعبر عنها مشاعر وحواس الكون ده كله. وبالاخص حضنك. كأني حضنت السما والارض بين ايديا. انت حضنك بالنسبة ليا حياة.
حمزة قام وشدها برفق وضمها لحضنه : والحياة في حضني مفتوحالك في اي وقت واي مكان. مايهمكيش من حد. وقت ما تحتاجي ترتاحي وتطمني تعالي في حضني وهكون سعيد اكتر منك.
فتون ضمته بقوة واحتياج وغمضت عنيها: بحبك.
حمزة ابتسم وهمس : بعشقك
......................................
مرت ايام قليلة شهاب وتمارا داب بينهم اي زعل واي عتاب ولوم. خلاص كل شئ بقي اجمل وطعمه احلي. اجمل شئ انك تحس ان انت وشريك حياتك كتاب مفتوح. مافيش اسرار ولا الغاز ولا كدب . الكدب واننا نخلي جزء في حياتنا مظلم واقرب حد لينا مايعرفش عنه شئ. ده بيكون سبب لدمار علاقة وسبب لهدم بيت كمان لاقدر الله. بلاش نخبي عن بعض بلاش يبقي في اسرار. الاسرار عن الناس لكن عن بعض لا.
شهاب كان بيعيش معاها ايام كان المفروض يعشوها بعد جوازهم مش دلوقت. بس مش مهم المهم انهم بقوا مع بعض.
في قصر رعد الحديدي
فادي جهز لحفلة ماسة وكل الناس كانت موجودة . والحفلة كبييرة ... بس فادي لفت نظره ان مليكة مختفية مش موجودة قلق دور عليها في القصر كله مش موجودة. راح لحلا اللي واقفة وسط الناس بتتكلم وتضحك.
فادي بقلق: حلا تعالي عايزك.
حلا قلقت من شكله: خير حبيبي مالك في ايه!
فادي بيدور عليها بعينيه: مليكة مش لاقي مليكة ..
حلا بخوف: تقصد ايه هتروح فين ! ايه اتخطفت؟
فادي بنفاذ صبر: اتخطفت ايه بس يا حلا والضرف اللي علي البوبات دول ايه فوحات. لا طبعااا. بس انا قلقان مختفية ومش عارف هيفين وبتعمل ايه.
حلا بتدور عليها معاه: طيب هتكون فين !
فادي افتكر حاجة: طيب خاليكي مع ماسة وانا هدور عليها في الجنينة بتاعتكم.
حلا : طيب تمام بس طمني.
فادي قرب من الجنينة الخاصة اللي رعد عملها لهمس وريما وبناته وحفيداته. لقي مليكة قاعدة بتعيط لوحدها . قلبه اتخطف وقرب منها بلهفة وقربها منه.
فادي بحنان وهو بيمسح دموعها: حبيبة بابي قاعدة هنا لييه. ولييه الدموع مين زعلك !
مليكة بتعيط : كلكم . زعلانة منكم كلكم.
فادي : ليه بس حبيبتي احنا عملنا ايه!
مليكة بصت للشجرة بتاعتها ولشجرة ماسة: كلكم نسيتوني وماحدش بيفكر فيا ومشغولين بماسة وفرحنين بيها. حتي ناناه همس نسيتني. انا مش بحب ماسة بكرهها. مش قولتلك مش عايزة بنت علشان هتاخدك مني. واهي اخدتك .
فادي بتأنيب لاهماله ليها ولياسو الفترة اللي فاتت وفعلا طول الوقت متفرغ لماسة حتي مش بيروح الشركة. حس من جواه انه فرق بينهم وان الحنان واللهفة علي ماسة مليكة اتحرمت منها من يوم ولادتها لحد ماكبرت وحصل بينه وبين حلا اللي حصل. ضمها لحضنه .
فادي: حقك عليا وعلينا كلنا. بس حبيبتي انا بحبك زي ماسة مافيش فرق صدقيني والله. انتم بناتي ماعنديش اغلي منكم.
مليكة خرجت من حضنه وبعتاب طفولي: هي ماسة احلي مني علشان كدة انت بتحبها اكتر.
فادي ابتسم وهو بيظبطلها شعرها الناعم الجميل: تؤتؤ. هو فيه احلي ولا اجمل من مليكة حبيبتي. وعلشان كدة من الليلة اسمك برنسيس مليكة ايه رئيك.
مليكة ابتسمت: يعني انا هبقي برنسيس زي روبنزل وسنو وايت.
فادي ضحك: هههههههههه. انتي اجمل كمان هما خيال لكن انتي حقيقي انتي بنوتة مافيش في جمالها.
مليكة حضنت رقبته بقوة: انا بحبك اوي يا بابي .
فادي ضمها بقوة وحنان: وانا كمان بحبك اوي يا قلب بابي. وخرجها من حضنه.
فادي بحماس: ايه رئيك بابي يعني لمليكة وبس .
مليكة بسعادة: انا ! هتغنيلي انا!
فادي غمزها وشالها ورجع الحفلة وطلب من الدي چي اغنية (شو حلو. زياد ب چي)
كلهم استغربوا فادي وهو بدأ يغني لمليكة لوحدهم. وخصوصا حلا اللي كانت في قمة سعادتها ان فادي مش بس اتغير لا ده بقي انسان جديد. فعلا عوضهم اجمل واحلي وقت اتحرموا منه فيه. ومش بيبخل عليهم ابدااا بمشاعره زي الاول. قربت منهم بسعادة وابتسامة منورة ملامحها .
فادي شايل مليكة وبيرقص بيها بهدوء وخفة وهو بيغنلها وبيوصفها.
شو حلو حبيبي شو حلو. ها القمر شوفوا ما اجمله.
وغمزها وباسها من خدها . وهي انكسفت.
بس انا عبالي دللوا . وحياتي ما حدا بقي يزعلوا.
فادي شايف نظراات الصدمة علي ملامح الكل ماحدش متخيل ان ده فادي اللي بالرقة والبساطة دي مع بنته. واولهم امه واخواته
هو ايوة اتغير بس معقول للدرجة دي. بصلهم وبثقة كمل . وهو بحط ايدها الصغيرة علي قلبه .
واسمحوا اذا بتسمحوا. واستحوا مابقي تجرحوا. لو زعل انا بصالحوا.
حبيبي بالقلب ساير مطرحوا.
وقرب من حلا اللي بتابعهم وعيونها فيها دموع. حاسة انها ملكت الدنيا . حتحتاج ايه ولا تتمني ايه اكتر . هي وزوجها واولادها عايشين حياة اتمنتها في احلامها وفجأة الاحلام بقت حقيقة بتتحقق حلم ورا حلم ورا حلم .
فادي ضم حلا من خصرها وهو شايل مليكة بإيده التانية وباس حلا من خدها وكمل وعنيه في عيونها .
ما الي غيره انا الي. وما اله غيري انا اله. بقبله بلا محله اله . صراحة بعشقة مابقي تسأله.
وضمها لحضنه اكتر بحنان . وهو بيبص لماسة اللي بدأت تزهق وتتأفف من الصوت والدوشة. وابتسم اكتر .
واسمعوا اذا بتسمعوا. حبيبي راسه بيوچعوا. واسكتوا بلاي كتيير حكي.
مابقي تطرحوا ما بقي تجمعوا.
وياسو كان واقف جنب رعد ومبسوط رعد غمزه وزقه يروحلهم.
فادي شافوا جاي ابتسم ونزل ليه وحضنه هو ومليكة.
شو حلو حبيي شو حلو ها القمر شوفوا ما اجمله . لو زعل انا بصالحه . حبيبي بالقلب صاير مطرحه.
خلصت الاغنية وكلهم سقفوا ليهم وفادي قرب من حلا وحضنها بحنية.
فادي: حمد لله علي سلامتك يا روحي . مبروك علينا ماسة حياتنا.
حلا بدموع ضمته اكتر : حمد لله علي سلامتك انت. انت نورت حياتنا بوجودك معانا حبيبي . ماسة دي ربنا بعتها لينا زي الكنز الماس اللي بيلمع ونور في الضلمة . نورت حياتنا بجد. انا بحبك اوي اوي. يافادي اوي.
فادي باسها من جبينها : اوعدك عمر حياتنا ما هتضلم تاني هتفضل منورة دايما حبيبتي .
شهاب كان واقف مع تمارا بيراقبوا اللي بيحصل وزيهم زي كل اللي موجودين بيضحكوا ومبسوطين لفادي وحلا واولادهم. شهاب شاف تمارا مبسوطة وحاطة ايديها علي بطنها. حاوطها من خصرها وقربها ليه وحط ايده علي بطنها وابتسم.
شهاب: عقبالك يا عيوني لما تجبيلي ولي العهد . ده انا هزلهم كلهم .
تمارا : هههههههههه. عارف نفسي في ولد علشان يطلع زيك كدة وشبهك.
شهاب غمزها وهمسلها :انا ماليش زي ولا شبيه. ولا انا غلطان.
تمارا ضحكت: في دي عندك حق. انت فريد من نوعك. حاجة كدة مالكش وصف يوفيك حقك.
شهاب اتنهد بجنون وشدها ومش بيها.
تمارا بتساؤل: انت رايح فين!
شهاب بحماس: هعوض غيابك عني اصلا انا ايه اللي جابني. انا واحد عريس اجي سبوع ليه ما ناقص يمسكوني شمعة .
تمارا : هههههههههه. ده اخوك يا مفتري. ثم عريس ايه والبلونة دي ايه سيادتك مش فاهمة .
شهاب بلامبلاه مكمل لحد العربية فتحلها الباب وركبها: نعتبرها انتفاخ لحين الانتهاء من احتفاليات المهرجان.
ولف وركب ودور العربية.
تمارا :هههههههههه. انتفااااخ.
و مهرجان ايه بقي ده.
شهاب غمزها :مهرجااان حبنا يا حياتي . وانا لازم اخد حقي ما سبوش ابدااا .
تمارا بصتله بحب: وانت بتحب بتبقي انسان تاني خالص مختلف . عمري ماقابلت في رقته. بس وقت جنونك وغضبك اعوذوا بالله.
شهاب باس ايدها:من هنا ورايح هتشوفي. حب وبس. مافيش جنون ولا غضب. الا لو حد بصلك ولا شوفت في عنيه اعجاب هقتله.
تمارا حطت ايديها علي بطنها: كنت خايفة تتأخر علينا انا وهو . مالناش غيرك يا شيبو اوعي تغيب تاني.
شهاب بصلها وابتسم: مستحيل اغيب . هو انا قولتلك علي المفاجاة!
تمارا عقدت حاجبها: مفاجأة ايه!
شهاب : هنسافر الصبح.
تمارا: نسافر ! فين؟
شهاب غمزها: هنقضي شهر العسل اللي اتحرمنا منه . في اجمل مكان قضيت فيه معاكي اجمل لحظات عمري. واللي شهد علي اول اعتراف لينا بحبنا لبعض.
تمارا دمعت: ايطاليا.
شهاب: باسها من خدها برقة: وتحديدا فلورنسا.
تمارا مسكت ايده بحنان: بحبك.
شهاب ابتسم اكتر: الحب خلاص مش بيوصف احساسي بيكي عديته بمراحل . انا متيم بيكي هيمان فيكي. مجنون عليكي. وهموووت واروح بيكي ....
وغمزها ايه ياجدعان شااااعر والله. ده انا مواهبي كتييير اوي .
تمارا ابتسمت وفردت دراعه ونامت في حضنه وهو ضمها بحنية: انت موهووووب . بشكل يعقد ....
شهاب : ااااااه من اعتراف اخر الليل ده. هو الطريق مش عايز يخلص لييه.
تمارا بخبث: مستعجل اوي .
شهاب اتنهد وضمها لحضنه اكتر : مستعجل اوي اوي . عايز اقولك كلااااام كتيير اوي عمري ما هقدر اخلصه..
.....................................
خلصت الليلة وشهاب وتمارا سافروا الصبح لايطاليا وقضوا فيها ايام كتيير كلها حب ورومانسية كلها اعترفااات بحاجات كتيير. وجنون اوقات كتيير. وفي يوم شهاب اخدها علي البحر نفس المكان اللي غنلها فيه واعترفلها بحبه فيه . وصمم يغنلها تاني واختار اغنيه يقصدها . بعد ضيقتها من نظرااات البنات والستات ليه. و لواسامته ورجلته اللي بتجذب الجنس الناعم ليه بقوة ... شهاب كان ماشي بيها ولا بس شورت كاچوال وقميص ابيض مفتوح وهي هتتجنن من الغيرة.
شهاب: ههههههههه. هتولدي بدري اقسم بالله من غلك ده اهدي.
تمارا بعصبية بتبص حاوليها : ما انتش شايف بيبصوا عليك ازاي . مش مكفيهم رجالة بلادهم بيدورا علي الدم الجديد. ستات بجحة .
شهاب ابتسم وقربها لحضنه وضم وشها بتملك وعنيه في عنيها: سيبك من كل دول وخاليكي معايا. مش مهم هما عنيهم فين. المهم انا عنيا فين وعلي مين. وقلبي سابني وهرب لمين . وروحي فارقتني وعاشت لمين .مين اللي قدرت علي اللي مافيش جيش ستات تقدر عليه . لو عايزين يبقوا زيك وفي مكانك يتعلموا منك . يا تمارتي .
تمارا السعادة بترقص في عيونها وتفاصيلها. واتجننت اكتر من غناااه ليها.
(يتعلموا عمرو دياب)
يتعلموا يتعلموا. من الرقة دي يتعلموا .
شوف هما فين وحبيبي فين!
ما شافوش كدة ولا يحلموا.
شدها قصاد الناس والبحر وشاور عليها بثقة وابتسامة .وعلي ضحكتعا و عيونها اللي فيها خليط سحرها وخطفه من اول نظرة.عيونها اللي اختلط فيها كل درجات الرمادي اللي بيشبهها هو دايما بعيون القطط المتوحشة .
اللي عنده ضحكة زي ديا. واللي لون عيونه مش عديا.
يجي هنا جنبي يجي ليا.
احكليله اللي شوفته انا بعنيا .
وحط ايده علي قلبه بإستسلام.
اموووت امموت في الضحكة دي. امووت اممووت في النظرة دي. االله الله عيني عليه....
تمارا ضحكتها عليت وسمتعت كل الناس وهو جواه رضا وراحة انه رجع الضحكة والفرحة لحياتها وعيونها من تاني بعد ما كان السبب في دموعها ووجع قلبها. وافتكر مايا وخطتها لفراقهم. وشماتتها في انفصالهم . وبتصميم جواه اقسم عمره مايجرحها تاني ولا يبعدها عنه وعن حضنه. اللي هي بتلاقي فيه الدفئ والحنان والآمان.
يتعلموا ويقلدوا. ده مش بعيد يتعقدوا.
جماله بيزيد كل يوم.
عن حضني عمري ما هبعده.
وغمزها بجنونه وشقاوته.
اللي عدي عدي عدي.
الجمااال ده شوفته مرة. واحدة .
عيني .. عيني .. عيني .. باردة .
علي اللي خالا قلبي ناره تهدي.
اموووت اموووت في الضحكة دي.. امووت امموت في النظرة دي.
تمارا حضنته واتنهدت مش مصدقة الحب والدنيا الحلوة اللي رجعتلها من تاني.
شهاب حضنها واتنهد: تنهيدتك. بتقول كتييير.
ومن غير ما تقولي . عمري ما هبعدك عن حضني ده خلاص عهد وقسم اخده . بحبك يا تمارتي بجبببببببك.
......................................
مرت ايام اكتر ولحظات اجمل .وشههور اسرع علي كل الاحباب . لحد ما جاء يوم حفلة حمزة وفتون بمناسبة اصدار اول البوم ليها . والحفلة كانت جميلة . أنس طبعااا كان موجود جنب حياة .. أنس وحياة كانت خلاص علاقتهم بقت اقوي واجمل واوضح كل واحد فيهم فهم التاني ومابقاش بيقدر يبعد عنه ولا يتحمل ساعاات من غير وجوده او صوته معاه.
في وسط الحفلة أنس شايف حياة مبسوطة لفتون قرب منها ومسك ايديها . حياة بخجل بصتله وابتسمت.
أنس بهمس: تتجوزيني!
حياة كانت متوقعة وبتتمني بس سماع الكلمة ليه سحر مختلف . قلبها دق. فرحت وبكسوف.
حياة: قولت ايه!
أنس ابتسم هو عارف انها سمعت. بس بتتأكد. همس تاني بتأكيد علي كل حرف: تتجوزيني !
حياة بسعادة هزت راسها بقوة.
أنس ابتسم بفرحة وباس ايديها وبحب ظاهر في عيونه: بحبك.
حياة بخجل يقتل:بحبك.
......................................
في ڤيلا مروان .
رجع مروان وچنا من الحفلة بيضحكوا . بس مروان بيدور علي ريما مش لاقيها لانها رفضت تروح معاهم الحفلة واتحججت بالتعب. بقي هيتجنن مش عارف هي فين. لحد ما لقي رسالة صوتية ليه علي الفون. سمعها وقلبه وجعه هو وچنا.
ريما بدموع: انا اسفة اني ما ودعتكوش. بس ماكنتش هقدر.. انا يا مروان حبيتك اكتر من نفسي صدقني . بس من يوم ما بدأ قلبي يقولي انك حبيت چنا وهي حبيتك. كنت بكتدبه . لحد ما اتأكدت. شوفت حبكم واحتياجكم لبعض.
مش هضحك عليكم واقولكم ماحولتش ابعد حاولت وكنت بتراجع واحاول اتأقلم واكمل معاكم . خصوصا بإنتظاري للبيبي. بس خلاص تعبت تعبت بجد مابقاش عندي قدرة علي الاحتمال. مش قادرة اتحمل اتماسك واضحك عليكم وعلي نفسي. وانا بموووت في اليوم 1000مرة من الوجع والغيرة. انا ماكرهتكيش يا چنا لا والله عارفة الحب ده مش بإيدك. ولا انت يا مروان كرهتك. بس قلبي اتوجع علي سنين عمري اللي راحت وانا بحبك وانت بين ليلة ويوم نسيت حبي قلبك حب وسكن غيري فيه.
فكان القرار الانسب ابعد واسيبكم تكملوا حياتكم سوا مع ابنكم. ده حقكم مش حقي انا. انا هسافر المانيا واعيش هناك. ورعد عرف علشان ما يتخيلش ان ده بضغط منكم . اتمانلكم حياة سعيدة ... ارجوك يا مروان منتظرة ورقة طلاقي في اقرب وقت .
خلصت الحلقة واشوفكم علي خير مع الاخيرة والخاتمة
هتوحشوني .
#ريحانة الجنه🌹
(((سلسلة عشق الرجال الجزء الثاني من رحم للايجار)))
((مهمة حب))
الحلقة السادسة والاربعون والاخيرة
الجزء الاول من الحلقة ))
🌹بقلم ريحانة الجنه🌹
مروان من وقت ماسمع رسالة ريما علي فونه وهو جواه احساس وشعور غريب. اتهز وقلبي اتوجع. وچنا احساسها مافرقش عنه كتيير. دموعها زلت من اول كلمة سمعتها من ريما. اتألمت من الالم اللي ظاهر في صوتها واللي حاولت تدايه عنهم كتيير. يعني حاست وفهمت . ومع ذالك سكتت ودارت واتحملت . اتحملت تشوفهم مع بعض وتتأكد من حبهم. وتكتم غيرتها . چنا قربت من مروان بهدوء وحطت ايديها علي كتفه .
چنا بدموع: انا اسفة . انا السبب. لو ماكنتش دخلت حياتك كانت زمانها لسة معاك ماسافرتش.
مروان بيتحكم في دمعة عينه من صدمة اللحظة بصعوبة. وبهدوء بعد عن چنا ومشي خطوات لاوضة ريما .
مروان: ارجوكي محتاج اكون لوحدي . تصبحي علي خير.
چنا غمضت عنيها بألم وراحت اوضتها.
مروان دخل أوضة ريما كان بيتأمل كل ركن فيها أكنه كان نسي شكلها . قعد وافتكر الاوضة دي جمعت كام ضحكة من القلب!
كام حضن بينهم كله راحة وآمان!
كام لحظة جنون عاشوها سوا!
كام دمعة مسحها من علي خدها وهي زعلانة وفي حضنه!
غمض عنيه بألم ووجع . مش عارف لما هو حب چنا ايه اللي حصله لما ريما بعدت. معقول يكون حبه لچنا ماكنش بنفس القوة اللي تخليه ينسي ريما!
بس وقتها اتأكد ان مهما حب . مافيش حب ممكن ينسيه اللي عاشه مع ريما. مافيش حاجة تعوضه حنانها وقلبها اللي عشقه بجنون. وشريط حياتهم فضل ينعاد قصاد عينه ببطئ وتفاصيل كل ما يفتكرها تعصر قلبه من الالم .اخد البوم صورهم اللي جمع صورهم سوا من يوم جوازهم لحد فترة قريبة. دمعة نزلت لما شبح اتفصالها عنه ظهر وانها خلاص بتنسحب من حياته للابد..
(ذكريات عمرو دياب)
تفوت سنين واقول نسيت خلاص هواه وانا ولا بنساه .
واشوف صورته بتوحشني حياتي معاااااه.
عماااالة بتيجي في بالي وبفتكر اللي فااات . والعمر يعدي قصادي ويتعاد في حكايات ..
واهي ذكريااات.
دموعه زادت . مع كل لحظة تخيل ألمها ووجعها لما اتأكدت من علاقته بچنا. مابقاش عارف يحدد امتي وازاي عرفت.
اتوجعت واتألمت في صمت. ازاي فضلت تكمل معاهم من غير رد فعل يشفي غليلها!
مسك صورة فرحهم وافتكر الضحكة دي كان سببها ايه . وافتكر تعلقها بيه وغيرة رعد منه انه حضنها بالشكل ده .وهدده انه يبيتها عنده لو فضل يحضنها ويستفزه كدة.
قلبه اتعصر بقوة وتأنيب
لما افتكر انها اتعلقت بيه اكتر بحب. وقالت لرعد. انها خلاص مستحيل تبعد عن مروان ابداااا. وانه بقي دنيتها وحياتها. وانه حتي هو مش هيقدر ياخدها منه.
مروان غمض عنييه بقوة :ااااااااااه ياريما... معقول خلاص بعدتي للابد!
معقول خسرتك مش هترجعي تاني!
انا حبيتك بجد حبيتك. وايوة حبيت چنا. قلبي مش قادر يطرد واحدة فيكم تعبت من التمزيق ده تعبت بجد.بس انتي لا ياريما بعدك مستحيل اتقبله مستحييل.
سرحت فيه . في صورة بينا من زمان وانا ماسك ايديه وقولت لنفسي دي الدنيا هنعمل ايه!
تقول تعيد خلاص ده ماضي وراح بقيت مضطر اقول ذكري عشان ارتاح ...
عماااااالة تيجي في بالي وبفتكر اللي فااااات . والعمر يعدي قصادي ويتعاد في حكايااااات.
مروان مش مستوعب هي فعلا خلاص هتخرج من حياته حقيقي!
معقول هتقبل ترجع ولا خلاص وجود چنا هيمنعها من الرجوع..
چنا دخلت بهدوء تطمن عليه. وقربت ولما حس بيها مسح دموعه وهو بيرجع الصورة مكانها.
چنا منعته واخدت الصورة ومسحت هي دموعه .
چنا ابتسمت بحزن: مش محتاج تخبي الدموع ولا الصورة.
دمعتك دي غالية ونزلت علي ست غالية . ست عمرك ماهتعوضها.ودمعت انا نفسي بكيت عليها.واتمنيت اني ماكنتش دخلت حياتكم وبوظتها. وغنضت عنيها بالم . بس بكرة انت وهي هتعرفوا انا عملت كدة لييه. ويارب تسامحوني .
مروان بصلها بإستفهام وقلق: لييه بتقولي كدة . انتي كمان بتفكري تبعدي!
چنا ابتسمت وقلبها بتقطع من الالم والحزن: برضايا لا صعب عليا . بس القدر مالوش سلطان .
مروان بشك: فهميني تقصدي ايه!
چنا مسحت دموعها وابتسمت. واخدت الصورة اللي في ايده. مااقصدش حاجة. خالينا فيك انت وريما. وريني الصورة دي.
چنا اخدت الصورة وبصتلهم وضحكت: هههههههه. هي كانت متعلقة فيك كدة لييه. شكلكم جميل اوي.
مروان ابتسم وحكالها الموقف. وكمل بغضب من نفسه: اتحدت رعد علشاني علشان حبتني. زي ما انتي اتحديتي اكمل علشاني . وعلشان حبتيني.
هو انا استاهل 2 زي الملايكة زيكم يحبوني بالشكل ده!
وبدمعة ندم. انا انسان اناني . اخدت من كل واحدة فيكم اجمل مافيها
قلبها وحبها وحنيتها. وفي المقابل ادتها الم وحزن ودموع وغيرة.
انا ليييه عملت كدة ليييه. يارتني موت وريحتكم . ماكنتوش اتألمته بالشكل ده.
چنا حضنته بحنان ودموع ألم. وهي بتخفي ألمها ووجعها اللي مش متحمله قلبها في اللحظة دي.
چنا : اوعي تقول كدة تاني ابداااا . فاهم انت في قلبنا . انت مش اناني انت انسان بشر مش ملاك. كل اللي يلوم عليك يحط نفسه مكانك. بس لاسف الكل مثالي وبيظهر نفسه حاكم وجلاد قاضي بيحكم علي الناس من غير ما يتخيل انت مريت بإيه عشت ايه. انا وريما حبينا شخص مستحيل يتعوض انت بجد مافيش منك حبيبي . وحياتي تهدي انا جنبك . مش هسيبك غير لما ترجع ريما . وبدأت تنهج ووتألم بخفوت .
مروان بقلق وخوف عليها: حبيبتي مالك ! انتي تعبانة.
چنا قلبها اتحمل كتيير الليلة مش قادر يصمد اكتر من كدة.
چنا بوهن وملامح شاحبة: تعب بسيط. هاخد. دوايا وانام هبقي كويسة.
مروان بخوف عليها شالها بهدوء ومشي بيها لاوضتها: انتي ضعيفة اوي واكلك مش اكل واحدة حامل ابدااا. كمان عملتي مجهود كبيير الليلة في حفلة حمزة وفتون. محتاجة ترتاحي.
چنا بصتله بحب وضمته بقوة: انت الراحة والامان يا مروان. مافيش غيرك.
مروان نيمها في سريرها وابتسم وهو بيغطيها وبيلمس شعرها بحنان: انا ! انا ماحدش تعبك ووجعك زيي. حبيبتي نامي وارتاحي تحبي اجبلك دواكي .
چنا بتعب: لا حبيبي انا اخدته من شوية. انت مش هتنام!
مروان مش عايز يزعلها متخيل انها عايزاه معاها. بس هو في الليلة
دي بالاخص مش هيقدر. هو حاله وعقله لسة متعلق بحزنه علي ريما. هو بيحب چنا ايوة بس صعب حبها ينسيه حزنه وريما في اللحظة دي.
مروان بتردد: معلش انا محتاج اقعد مع نفسي شوية . نامي ولو احتاجتي حاجة انا صاحي كمان ححاول اعمل اتصالات واشوف هلاقي حجز امتي في اقرب وقت علشان اسافر لريما.
چنا ابتسمت هو بيبرر بعده عنها متخيل انها هتنزعل. بس الحقيقة انها كانت محتاجة حضنه بس. لانها تعبانة جداااا ومش هتقدر علي اي حاجة غير كدة. قلبها ارهق من الالم والحزن والنهاية اللي بتقرب. متمزقة بين التانيب والحب.
چنا: طيب حبيبي ربنا معاك ان شاء الله تلاقي حجز بسرعة. وتسافر ترجعها معاك. تصبح علي خير.
مروان ابتسم علي الوردة الرقيقة اللي ظلمها معاه في وضعهم ده. بس عذره الوحيد حبه ليها. باسها من جبينها : وانتي من اهل الجنة حبيبتي.
خرج مروان وچنا بكت بقوة : تفتكر هكون من اهل الجنة بجد. ياتري هتفتكرني يا مروان لما اغيب عنك. ياتري انا هعيش معاك لحد ما اولد واشوف ابني ... بكت بحرقة .. ياااررب . يارب مش طالبة شئ غير ان حملي يكمل للنهاية مش عايزة اموت من غير ما اجبله ابنه اللي بيتمنان.
وقلبها وجعها واتألمت بقوة . حطت ايدها علي قلبها وايدها التانية علي بطنها. كأنها بستعطف قلبها يكمل معاها اتفاقه للنهاية.
چنا بتضغط علي قلبها بقوة: ارجوك بلاش تضعف بسرعة كدة. لو انت قلبي بجد. كمل معايا لحد الاخر. انا رضيت بيك من. زمان ورضيت بضعفك ووجعك ليا. انت كمان لازم تكمل معايا.
ضمت بايدها بطنها بجنان وبدموع ام بتتمني تشوف ابنها اللي بيكبر جواها يوم بيوم.
علشان خاطري اتحمل لحد ما اشوفه. اشوفه بس وبعدها ابقي اقف براحتك. مش هلومك. بس لو ما شوفتوش. وضعفت بدري ومروان خسرني انا وابني . مش هتبقي قلبي وياخسارة صبري عليك سنييين..
چنا آلمها زاد من حالتها دي. اخدت جرعة تانية وحاولت تهدي وتاخد نفسها وتنام يمكن الراحة تخليها تكمل لحد ما توصل لأملها.
مروان خرج وقعد يفكر في ريما. اتصل علي فونها مغلق. اتاكد انها غيرته. اتصل علي بيتهم في المانيا. مش بترد. حالته كانت متلخبطة .. مش عارف قلبه حب مين اكتر مين يقدر يبعد عنها مين يقدر يستخدنا عنها ويعيش من غيرها.
كان متخيل ان الاختيار الاقرب ريما. لكن لم ده حصل وبعدت . لقي نفسه مش متحمل ولا قادر ولا راضي باللي حصل. مش متخيل انها ممكن تعيش حياتها بعيد عنه. وتخيل انها ممكن تكون ليها حياة مع شخص تاني غيره زي حياته مع چنا.اتجنن. الفكرة نفسها خالت حالته في هياج وجنون وغضب. مش ممكن راجل غيره يلمسها مش ممكن راجل غيره يشوفها . واتأكد انه دبحها ببطئ وقسوة لما حب چنا. اتمني انه ماكنش قابلها ولا عرفها ولا قلبه دقلها. اتمني ريما كانت فضلت زي ما هي ما تتغيرش زي ما اتغيرت الفترة الاخيرة .وده ضعفه وخلاه محتاج لحضن حنين نظرة حب احساس يعوضه عن فقدانه للأبوة. بس لاسف في عز احتياجه لده ما لقهوش مع ريما . لقاه مع چنا ومش بس لاقاه. ده غرق فيه.
بس هو مش قادر يلوم چنا ولا حتي ريما. هو بيلوم نفسه بعنف وقوة.
......................................
في المانيا ... في حديقة قريبة من بيت ريما كانت بتتمشي وحيدة كالعادة. وهو بتتمشي. سمعت صوت واحد بيكلم ابنه بس بالعربي. لفت نظرها اللغة لفت لقته منير ابتسمت.وقربت منهم
ريما بفرحة: منير مش معقول . ازيك.
منير يبقي زوج صاحبتها مني واللي عايشة في المانيا من سنين ابتسم بمفاجأة : ريما . ازيك فينك ... بجد وحشتينا .
ريما بفرحة : انتم وحشتوني اكتر والله . ونزلت جنب الولد وباسته . مين ده اوعي تقولي ابنكم !
منير هز راسه : ايوة الحمد لله ربنا اكرمنا في اخر محاولة من 6 سنين وجالنا أسر.
ريما حضنت آسر بحنان : حبيبي جميل اوي يا منير . قولي فين مني . ازاي السنين دي كلها ما تسألش عني حتي لما جيت هنا كتيير الفترة اللي فاتت ماكنتش عارفة اوصلها حتي بيتكم لقتكم بعتوه وماحدش عارف عنوانكم الجديد.
منير باسف: مني ماتت من 5 سنين . وانا ماقدرتش اعيش في البيت بعدها . نقلت في مكان جديد.
ريما بصدمة دمعت: ايه ! ماتت. حبيبتي ازاي دي ما لحقتش تفرح بإبنها . بقي بعد ما استنته كل السنين دي تموت اول ما يجلها لا اله الا الله. ربنا له حكمة اكيد.
وبحنان اخدت آسر في حضنها : حبيبي مامي كانت صحبتي . اعتبرني زي مامي ممكن .
آسر بص لمنير ومنير ابتسم وهز راسه. وآسر كمان هز راسه . ريما ابتسمت بسعادة .
ريما وقفت وكلمت منير: بجد انا زعلت اوي علي مني.
منير اتنهد: الحمد لله. قوليلي فين مروان جوزك. ليه بتتمشي لواحدك.
ريما بإنكسار: انا اصلا هنا لوحدي. مروان مش معايا. وبعدين ايه الجديد ما انا طول عمري لوحدي. خلاص اتعودت علي الوحدة.
منير بإستفهام : انتي سيبتي مروان ولا ايه! ؟
ريما دمعت بحزن: حاجة زي كدة. ومسحت دموعها وابتسمت لآسر. المهم ايه رئيكم نتعشي سوا بكرة انا هأكلكم من ايدي اكيد بقالكم كتيير مقضينها مطاعم.
منير بتعب: ااااه يا ريما ماتفكرنيش. انا زهقت من المعلبات والمطاعم. وده خلاني اتعلم واجرب اطبخ.
ريما : طيب ده كويس.
منير بسخرية: قصدك كارثة. انتي اصلك ماجربتيش تاكلي من ايدي. حظك حلو.
ريما : هههههههههه. الحمد لله كويس انك نبهتني .
منير بيتأمل ضحكتها بإعجاب. ريما طول عمرها انسانة غالية عليه. وبيحبها ويحترمها. بس انتبه بسرعة علشان ماتضيقش منه.
منير :احممم كدة احنا معزومين رسمي مش كدة!
ريما بتأكيد: طبعااا. ياللا اسيبكم بقي سلام يا آسر .
آسر ابتسم ليها من غيرمايتكلم.
ريما: هو ليه مابيتكلمش. اكلمه الماني مش بيفهم عربي!
منير: لا لا هو بيفهم عربي والماني انا دايما بكلمه عربي. بس آسر عنده مشكلة نوع من انواع التوحد. كلامي قليل يكاد يكون معدوم. حتي معايا
بس هو بيتعالج ومنتظم في جلساته.
ريما اشفقت عليه اكتر . طفل يتيم فقد امه وحنانها وكمان مش قادر يستمتع بطفولته زي باقي الاطفال. محروم من كلامه وهزاره زيهم..
حزنت اكتر وباست آسر: ان شاء الله هيبقي احسن . عن اذنك. هستناكم بكرة .
منير: احممم ريما. عنوانك زي ماهو . ولا غيرتيه؟
ريما : لا ماغيرتوش زي ماهو .
مشيت ريما ورجعت البيت وهي حزينه افكار كتيير لخبطتها. قعدت تعيد حسابتها من تاني بعد كل اللي حصل .
بدأت تفكر بشكل مختلف عن الاول. شافت اللي ماكنتش شايفاه وفهمت اللي ماكناش فاهماه.
مني صاحبتها كانت زيها حملها مستحيل . وسعت وجربت وحاولت كتتتير. في النهاية ربنا رزقها بحملها في آسر بس مالحقتش تتهني بيه ماتت وسابته. فكرت لو هي كانت مكان مني كان افضل ولا حالها دلوقتي!
تخلف طفل وتموت وتسيبه !
فكرت في آسر وحاله هو ومنير. اب قعد سنين يتمني طفل وفجاة مراته تولد وتموت ويفضل هو وحيد يربي طفل وكمان طفل مسكين محتاج معاملة خاصة واهتمام ورعاية.
وآسر الطفل البرئ اللي جه الدنيا بقدر مرير. ام ماتت واب وحيد . وهو مش لاقي نفسه ولا قادر يتأقلم مع العالم من حاوليه.
بكت بدموع الندم . علي كل سنين عمرها اللي ضاعت في الجري والسعي وراء حلم واحد امل واحد مش مضمون . وكأن حياتها وقفت عنده. مش عيب اننا نسعي ونحلم ونطمح لامل جديد .
مستحيل حد يلوم ريما انها عايزة تبقي ام لا طبعااا. دي فطرة ربنا سبحانه فطر عليها البنت من يوم مابتوعي وتفهم بتتمني عروسة تلعب بيها وتتخيلها بنتها وهي امها مين مننا ما عملتش كدة وما اتمنتش كدة!!
بس اللوم انها حصرت نعم ربنا عليها بس في الانجاب. طيب والصحة!
والمال !
والزوج الوفي الحنون الطيب الرقيق!
الاخ السند والعون والقوة والآمان!
العيلة والالفة . ولاد اخوها اللي كانت ممكن تشوف فيهم ولادها . هما ايوة مش نفس الاحساس بس عوض من نوع تاني.
لقت انها كانت حاوليها نعم كتيير مش شايفاها ولا عايزة تشوفها. كل دي مش حاجات حلوة تحلي حياتها وتخليها تهون عليها حرمنها من الامومة.
الانسان لو فكر وفهم هيعرف ان ماحدش مظلوم بشكل نهائي. ولا حد سعيد ومحظوظ بشكل نهائي.
كل واحد عنده نعمة وهبة من ربنا . وكمان عنده محنة وابتلاء. مش لازم لما نضحك ونضحك غيرنا نبقي حياتنا وردي ومافيش هموم.
الخلاصة والشاهد هنا. {الرضي بالقضاء }.... لو بس جوانا شوية رضي بالنعم اللي رزقنا بيها هنرتاح ونهون علي حالنا وهموممنا كتيير.
ريما يمكن لو كانت حاولت تلاقي السعادة مع مروان وسلمت بقضاء الله ماكنتش خسرته . بس كمان كل اللي حصل بقضاء من ربنا . ليه حكمة ... اوقات مش بنفهمها ولا بنعرفها الا بعد ما كل حاجة تخلص وتنتهي.
ليه چنا ظهرت في حياة مروان؟
ليه حبها واتجوزها؟
ليه ريما حبت چنا وماكرهتهاش زي البديهي للوضع ده ؟
اسألة كتيير لسة ريما بتفكر علي اجابتها. بس اكيد هتلاقي الاجابة في يوم ووقت محدد.
مرت الليلة وجاء اليوم التاني وريما جهزت كل حاجة للعشاء الخاص بمنير وآسر. وفعلا وصلوا ومنير ساعدها في تجهيز الاكل وكانت الضحكات والذكريات هي اللي غالبة علي الوقت والليلة كلها . واثناء العشاء. وصل مروان ودخل وشاف منير وآسر مع ريما بيتعشوا. ملامحه اتعصبت والغيرة ظهرت عليها بشكل ملحوظ. وحتي كلامه وسلامه كان غضبان وكله شك وغيرة.
مروان بدهشة: منير! انت بتعمل ايه هنا! وفين مني ! وبص لآسر. ومين ده! ؟
منير كان محرج ومتوتر من وصول مروان المفاجئ. بقي متوتر في رده مش عارف يتكلم: احممم. حح .. حمد لله علي سلامتك يا مروان. اانا اسف لوجدي هنا ببس انا وآسر ابني كنا بنتعشي مع ريما .
ريما مش مصدقة ان مروان قصادها وجالها بالسرعة دي. ساكتة وبتبصله مش بترد.
مروان بصلهم بعصبية: ومني فين! مش معاكم ليه ! ليه لوحدكم؟
منير بحزن: مني الله يرحمها من سنين . ماتت بعد ما ولدت آسر بسنة.
مروان ايوة زعل من خبر موتها لكن ده عصبه وجننه اكتر. وما ارتاحش من علاقة منير بريما خصوصا بوضعهم الجديد. هو ارمل وهي عايزة تتطلق. وسافرت المانيا. معقول كانت علي اتصال معاه وقاصدة تتطلق وترتبط بيه! جنون وغيرة نهشت في قلبه وعقله.
مروان بصوت عالي: وانتم ازاي تقعدوا لوحدكم . وبص لريما بغضب. ايه الهانم نسيت انها علي ذمة راجل ولا خلاص مابقتش راجل في نظرك !
آسر خاف من مروان وصوته العالي وهيأته الغضبانة. وحضن منير ابوه بخوف. ومنير لاحظ التوتر بينهم وفضل انه ينسحب بهدوء. لان مالوش مكان بينهم.
منير اخد آسر وهو خارج : ااانا مضطر امشي آسر مش متعود علي الصوت العالي واسف لو كنت تسببت في اي سوء تفاهم بينكم . عن اذنكم. وبص لريما بتقدير. وميرسي اوي لعزومة العشاء تسلم ايدك عن اذنكم.
خرج منير . ومروان بص لريما اللي لسة علي حالها ساكتة ومصدومة ومش بترد.
مروان قرب منها وبعتاب: سبتيني لييه علشان منير !
ريما صدمت اكتر من ظنه وشكه فيها: انت اتجننت ازاي تفكر كدة ! انا عمري ماكنت خاينة ابداااا.
مروان بجنون: اومال ليه سبتيني وجيتي هنا. واشمعن هو ظهر دلوقتي بقالنا سنين مش عارفين نوصله وهو ومني الله يرحمها يبقي ازاي افهم بس .
ريما بدموع: كلها اقدار ربنا وحده اللي يعلمها ويعلم سببها. بس عايز تصدق صدق مش عايز براحتك . انا قابلت منير وابنه صدفة امبارح وعرفت اللي حصل وعزمتهم عندي. لكن مافيش ابداااا بينا حاجة ..
ولو علي سؤالك. فا انا سيبتك وجيت هنا علشان خلاص ماليش مكان بينكم.. وانت مالكش مكان هنا . مكانك هناك مع مراتك وابنك اللي جاي.
مروان قرب منها وحضنها بقوة: مكاني في وجودك جنبي. ريما انا مش هقدر اعيش من غيرك مش هقدر.
ريما بدموع في حضنه اللي هتفتقده ويوحشها: هتقدر صدقني. انت حبيت چنا وهي حبتك. يبقي هتقدر.
مروان خرجها من حضنه وبأسف: ريما ااانا بجد اسف اااان
ريما حطت ايديها علي شفايفه : ششش. منغير تفسرين ولا تبرير. اللي حصل حصل . عارف انا برغم كل الي حسيت بيه وعرفته . بس ماقدرتش اكرهك. ولا اكره چنا. لييه ماعرفش.
مروان : انتي عرفتي ايه بالظبط.
ريما بدموع الوجع: كل حاجة لما شكيت واتأكدت وقررت اسافر وابعد. بلغت رعد وهمس وهما حاكولي كل حاجة.
عارف وقتها اتمنيت اكرهك وارجع اعاتبك والومك واعنفك.وبكت بحرقة وانكسار بس ما قدرتش حقيقي ماقدرتش. انت مش هتتخيل حبيتك قد ايه ...صعب بعد الحب ده اكرهك .. بس ما اقتدرتش اكمل ما قدرتش
لقيت انه افضل قرار اخدته. ابعد واسيبكم تكملوا حياتكم .
مروان سند جبينه علي جبينها وبكي: لو قولتلك اني ندمااان علي كل اللي حصل هتصدقي !
لو قولتلك انك اول ما بعتي واختفيتي. اتمنيت اني ماكنتش حبيت چنا ولا قابلتها!
اتمنيت الزمن يرجع ونفضل انا وانتي سوا. انا وانتي يا ريما... وبكي اكتر .. ريما انا بحبك صدقيني بحبك... انا مش خاين ولا غدار ومخادع. انا يمكن كنت اناني يمكن ضعفت بس والله ما كان قصدي ابيعك ولا اخونك . صدقيني يا حبيبتي ارجوكي.
ريما بكت اكتر واكتر بحرقة علي كل اللي ضاع من ايديها. كل اللي كانت بتمتلكه واتسرق من بين ايديها.
في اللحظة دي بس عرفت قيمة كل اللي هي ماكنتش مصدقة ولا شايفة انه بالكون كله وانه مش قليل ابدااا. انها تعيش سعيدة في حضن راجل زي مروان. حتي لو من غير اطفال...
ريما بدموع: كفاية ارجوك بلاش دموع . انت اول مرة تبكي بالشكل ده. انا ماقولتش انك خنت . بس انا انسانة بشر مش ملاك.انت شوفت غيري اتمنيت غيري . غمضت عنيها بقوة وهزت راسها بوجع. لمست غيري وحلت محلي في حضنك. وياريتها تقدية واجب زي ماكنت متخيلة وغيرانة لا. ده كان برضاك . كان حب كان احتياج. مش قادرة اكمل في الوجع ده. مش قادرة اشوفك في حضنها . مش قادرة اتحمل نظرتك ليها .... ارجوك اعزرني ده فوق طاقتي واحتمالي.... صعب عليا والله صعب عليا....
شوف انت ما اتحملتش احساس الغيرة ده لحظات لما شوفت منير وانت من جواك متأكد من حبي ليك. يبقي ازاي عايزني انا اتحمل الناااار اللي بتاكل فيا وانت معاها ازاي ......
ريما بقت مش قادرة تقف ولا تكمل قعدت علي الارض ببكاء يوجع ويقطع القلب .
حرااام انا بشر... بشر... مش حمل كل ده.... اااااه ارحمني ارجوك وسيبني ... سيبني اتوجع في بعدك بس مش وانا قصادك انت وهي .
مروان بحزن قعد قصادها ورفع عيونها الحزينة الغرقانة دموع : ولو قولتلك مش هقدر اعيش من غيرك. مش هقدر اتحمل غيابك ... مستحيل اطلقك مستحيل.
ريما بصتله بلوم وعتاب: مش متحمل ابعد عن حياتك ولا اخرج من بيتك. واتحملت تبعدني عن قلبك وتخرجني منه. وسكنت غيري وادتلها المفتاح. بقي ملكها هي خلاص مش ملكي ... وانا مش بعد ما كنت صاحبته ومالكته الوحيدة ابقي مجرد زائر قبل ما ادخل اخبط علي باب قلبك وهي اللي تفتح ... صعب..... السكن مش بيوت وبيبان ... السكن قلب وحضن قبل اي حاجة.
مروان بيأنب نفسه بقوة لو يطول يقتلها كان قتلها علي كل اللي اتسببت فيه. بقي في مثلث مع ريما وچنا والاختيار بقي صعب والفاضل بينهم اصعب.
مروان بعتاب مماثل : وقلبي كان ملكك ومفتاحه معاكي. انتي اللي فتحتي الباب وخرجتي وسيبتي كمان المفتاح لغيرك .... لو انتي بشر
فا انا كمان بشر. ضعفت معاها وحبيتها. بس كمان حبيتك ولسة بحبك. ماتقوليليش ازاي .. انا نفسي مش عارف. كل اللي اعرفه اني بحبك وبحبها وبس.
ريما بتعب: ارجع لمراتك يا مروان ارجع وخاليك جنبها هي محتجالك اكتر مني بكتيير.
مروان بتعب وحنين حط راسه علي رجلها وكمل: مش هطلقك ... خدي وقتك واهدي وفكري براحتك. ولو مش عايزة ترجعي خاليكي هنا وانا هكون عندك اسبوعيا هنا. بس مش هتبعدي عني مستحيل.
ريما غصب عنها بتحن وتضعف حطت ايديها علي راسه وهي بتمررها في شعره بحنان وهدوء واتنهدت: مش عارفة افرح بتمسكك بيا ولا احزن بتمسكك بيها. عموما انا هفضل موجودة يوم ما تحتاجني هتلاقيني . انا لو كان بإيدي انساك واكرهك كنت ارتاحت بس بحبك غصب عني بحبك.
مروان رفع راسه من حضنها وبصلها بشوق غريب احتياج ما حسوش من فترة كبيرة . وايده بتلمس خدها بحنان ورقة: مش مسموحلك تروحي لغيري .. مش مسمح لغيري ياخد حقي .. انتي حقي ياريما..
ريما غمضت عنيها بضعف: لو بإيدي اكون لغيرك كنت عملت كدة وخليتك تجرب ناري وحرقة قلبي.
مروان بجنون شالها ودخل بيها اوضتهم وهو اللي بيحركه حبه وغيرته من كلامها .
مروان: انا وقتها اقتلك واقتله. انتي لا انتي مش لحد غيري.. كل حته فيكي ليا وبإسمي من يوم ما القدر جمعنا.
ريما بصتله بحب وعتاب: انت اكبر اناني قابلته في حياتي بتحرم عليا اللي حللته لنفسك.
مروان كان بيفك فستانها بهدوء عكس حالة الجنون اللي مسيطرة عليه.
مروان قرب منها اكتر وباسها وهو بيبعد فستانها: اناني بحبك واللي تكون في حياته ريما لازم يكون اناني واكبر اناني ..
في لحظات كانوا بيقتله بعض شوق وحنين واحتياج وجنون . لحظات تقريبا اول مرة يعشوها .. اول مرة تمر عليهم ليلة بالشكل ده . مروان كان حاسس انها بعدت عنه سنيين مش مجرد ايام. وماتخيلش ابداااا ان تكون دي حالته.
ريما حاست انه في اللحظة دي ملكها هي وبس. مافيش چنا ولا غيرها. هي وهو والجنون وبس. وبعد وقت كبييير. كل واحد بدأ يحس ان بيستعيد ولو جزء صغير من مكانه في حياة وقلب التاني.
ريما في حضن مروان : هو انا غبية ولا ضعيفة ليه دلوقتي في حضنك.
مروان ابتسم وباسها من خصلات شعرها: انتي لا ضعيفة ولا غبية. انتي في حضني علشان انتي حبيتي ومتأكدة اني بحبك مش بضحك عليكي . حتي مع وجود چنا.
ريما اتنهدت: تعرف انا عذرة چنا. حقيقي بجد.
مروان عقد حاجبه :ازاي تقصدي ايه!
ريما: معذورة انها حبتك. مين دي اللي تقرب منك وماتحبكش. انت تتحب بسرعة وتدخل القلب من غير استاذان.
مروان ضمها بقوة وابتسم: انتي جميلة اوي وتجنني اوي اوي. وانا بحبك اوي اوي. حجيلك هنا كل اسبوع. مش هنفترق يا ريما مش كدة.
ريما ضمته وغمضت عنيها: مش هقدر استغني عن حضنك. همووت من غيره. مجبرة اتحمل . المهم دلوقتي عايزة افضل في حضنك اطول وقت ممكن. قبل ما تسافر.
مروان اتنهد براحة: مش هسافر غير لما نشبع من بعض. انا جنبك مش هسيبك. انتي كمان حضنك ده كان واحشني ومحتاجله اوي .
الليلة انقضت بعتاب ولوم وحب صادق. سواء ريما او مروان. وفضل مروان اسبوع مع ريما. قضوا وقت رائع فسح وذكريات بينهم في اماكن كتيير وكل ليلة كانت اكنها اول ليلة ليهم كلها لهفة وشوف واشتياق. وسافر مروان وكان علي وعده بيسافر لريما كل اسبوع يقعد اسبوع ويرجع تاني وبقي القسم بينها وبين چنا اسبوع واسبوع.
ريما كانت طول الاسبوع اللي مروان بيسافر فيه بتقضيه مع منير وآسر. بتعوضه عن امه اللي اتحرم منها.
وقتها ريما كانت سعيدة حاسة انها بتعمل شئ راقي وجميل انها تعوض طفل زيه عن الحنان والحب اللي افتقده . كمان بدأت تلاقي الحكمة من اللي حصل ده تظهر شئ في شئ.
يمكن اللي حصل ده خلاها هي هنا دلوقتي علشان الطفل ده يلاقي اللي يضمه لحضنه.
وفعلا آسر حالته اصبحت في تقدم وسرعة بفضل ريما ووجودها جنبه وحضورها معاه الجلسات بإنتظام حتي في وجود مروان كانت بتحضر معاه وترجعه البيت وترجع مع مروان . وهو تفهم احتاجهم الاتنين لبعض ووافق لانها بتكون سعيدة وهي مع آسر. ومرت تقريبا شهرين علي الحال ده.
......................................
في المستشفي كانت عائلة أكمل التهامي كلهم متجمعين حاولين فتون.
أكمل شايل حفيدته: لا اله الا الله. كأن العمر والزمن بيرجع سنيين. وانا واقف شايل چنا قصادي وبتعجب علي شكلها والشبه اللي بيها وبين تسنيم. اهي القمر دي كملت سلسلة سنو وايت اللي محتلة العيلة دي. مش ممكن شبه تسنيم وچنا بشكل فظيع.
فتون ابتسمت: دي اجمل حاجة هو انا اطول تبقي شبه الاميرات زي جدتها وعمتها.
حمزة قعد جنبها وباس ايديها: وكانت هتبقي اجمل لو بقت شبه فتنة حياتي .. ماهي كمان اجمل الاميرات .
فتون ابتسمت: ربنا يخليك ليا ولبنتنا حبيبي.
مديحة بسعادة: اللهم بارك مش مهم شبه مين المهم انها بخير وصحتها زي الفل.
حياة بفرحة: هاه هتسموها ايه بقي يا فتون.
فتون بصت لتسنيم: تسنيم هي شبه جدتها وتتسمي عل?
#عندما
#يعشق الرعد ج/2
#مهمة حب
البارت 46باقي الباررت
🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤
(((سلسلة عشق الرجال الجزء الثاني من رحم للايجار)))
((مهمة حب))
الحلقة السادسة والاربعون والاخيرة
الجزء الاول من الحلقة ))
🌹بقلم ريحانة الجنه🌹
فتون بصت لتسنيم: تسنيم هي شبه جدتها وتتسمي علي اسمها.
تسنيم بسعادة: حبيبتي ربنا ما يحرمنك منك ولا منها. بس لو تسمحيلي انا عايزة اسميها چنا ممكن.
تسنيم بصت لچنا وابتسمت: طبعااا. دي حفيدتك وچنا عمتها مافيش اجمل من اسم چنا.
چنا بدموع :لييه كدة بس يا مامي خاليها تسمي بنتها براحتها.
حمزة بتصميم: خلاص يا حبيبتي . تسنيم اصدرت القرار يبقي خلاص. چنا يعني چنا . واحنا موافقين .
اكمل قعد جنب چنا وطبطب عليها بقلق. : حبيبتي انتي كويسة .. شكلك تعبان اوي وشك اصفر وأكنك اتبدلتي مش انتي تحبي انده للدكتور يطمنا عليكي.
چنا بإندفاع وعصبية:لا لا ماينفعش.
كلهم استغربوا رد فعلها.
أكمل بشك: ليه ماينفعش!
چنا بتوتر وتعب: ااابدا اااصل .. اااصلي مش بحب اغير الدكتور بتاعي . هو عارف حالتي .
أكمل مش مرتاح شكلها شاحب وملامحها حزينة: قوليلي هو مروان مزعلك .. قوليلي وانا اتصرف معاه . قولتلك ماتخبش عني . اوعي تفتكري اني هلوك ولا هانبك بس طمنيني عنك .
چنا ابتسمت:والله حبيبي . مروان ده مافيه احن منه . ده بيخدمني اكني بيبي صغير. بس حقيقي الحمل متعب . بس دي كل الحكاية.
تسنيم قعدت جنبها وحضنتها : طيب يا قلبي ما انا تعبت من الكلام معاكي .. قولتلك تعالي عندي لحد ما تولدي رفضتي. تعالي انا هعرف ازاي اهتم بيكي افضل.
چنا اتنهدت بحزن مش قادرة قولها انها بتشبع من مروان يوم ورا يوم. مش ضامنة امتي تفترق عنه وتسببه للابد. شبح الموت بيطاردها كل لحظة . وهي بتهرب منه بإعجوبة من عند ربنا : معلش يا مامي انا كدة مرتاحة.
حياة ابتسمت: شدي حيلك يا چنا علشان تحضري فرحي هزعل لو ما حضرتيش.
چنا ابتسمت: حبيبتي ربنا يسعدك. قوليلي خلاص حددتم .
حياة بفرحة وخجل: ايوة بعد اسبوع ان شاء الله.
چنا اخدت نفسها بتعب: ربنا يتمملكم بخير اكيد ههحضر ما تقلقيش يا جميلة انتي .
......................................
في شقة شهاب وتمارا .. تمارا قاعدة بتتفرج علي الTv. وبتاكل وجبات سريعة بكمية كبييرة وقصادها منها اكتر من نوع وخلال الشهور اللي فاتت حملها كبر وهي كمان زادت وبتاكل بنهم وجوع فظيييبع.
شهاب دخل من برا وشاف المنظر فتح عنيه بصدمة. وقرب وقعد جنبها .
شهاب : مساء الخير . حبيبيتي ايه كل ده .. انتي اكلتي كل ده لوحدك!
تمارا : كل ده ايه. هما مش كتيير للدرجة انا قولت بس اصبر نفسي لحد ما انت ترجع ونتعشي.
شهاب غمض عنيه بصدمة: نتعشي .. بتقوليها بقلب قوي كدة. هو انتي لسة هتتعشي بعد حفلة قناة فتافيت دي ... ايه حامل في ديناصور ..
تمارا سابت الساندوتش بغضب وهي بتاخد اخر قطمة منه : ايه يا اخي حرام عليك بتعد عليا الاكل . ده انا حامل ومحتاجة عذا.
شهاب لوي شفايفه بسخرية: يا قلبي كدة هنحتاج مستورد مش هنلاحق عليكي علي اخر حملك مصر هتشحت .
تمارا بغضب طفولي وهي بتخلص اللي قطمته : اخس عليك زعلانة منك. اديك سديت نفسي منك لله . انا هروح عند بابيا هوبا حبييى. مش هيعمل فيا كدة.
شهاب بيكتم ضحكته وقرب منها وحاوطها وباسها من خدها: حقك عليا يا روحي والله ما اقصد ازعلك. ده انتي حتي اكلتك ضعيفة اليومين دول ..
تمارا عقدة حاجبها زي الاطفال: انت بتتريق . والله فعلا باكل من غير نفس .
شهاب انفجر من الضحك مش عارف يكتم ضحكه: ههههههههههه. لا بجد يا قلب امك. معلش هجبلك بقرة واشويهالك تتعشي بيها يادوب تفتح نفسك.
تمارا ضربته بقوة في صدره: غلس. غلس .. امشي روح عند امك مش هتنام هنا امشي يا بايخ .. ابو ملافظك فصلتني.
شهاب ضمها وضحك: هههههههههه. خلاص .. خلاص مش هرخم تاني. بس نتكلم جد .. مش حبيبتي انتي اصلا الدكتورة محزراكي من الاكل التيكا واي ده. علشان البيبي. ليه مش بتسمعي الكلام بس. ما الاكل عندك في الثلاجات همس مجهزالك اكل وحلا مجهزالك اكل . ومامتك مجهزالك اكل يادوب انتي جهزيه وكلي زي ما يعجبك.
تمارا ابتسمت ببرائة طفولية: كنت نفسي فيهم وافتريت بقي جبتهم كلهم اتصلت بكل الانواع.. عملت حفلة الخواجة كنتاكي.
شهاب ضحك عليها . قد ايه كان هيخسر كتيير لو كان فقدها .
شهاب: هههههههه. انتي مشكلة يا تيمو . بس عموما اخر مرة . ونسمع الكلام. مافيش تيكا واي تاني
تمارا هزت راسها بقوة . : حاضر مافيش.
شهاب قربها لحضنه اكتر وبمكر : وحشتيني اوي ..انا مش عارف اشبع منك. انتي مش بتشبعي من الاكل وانا مش بشبع منك.
تمارا بصتله بحب: انا بحبك اكتر من الاكل عارف لو انت معايا طول اليوم. مش هاكل هكتفي بيك انت تشبعني.
شهاب عض علي شفايفة:شوفتي بقي اني غبي
مين يسيب الجمال ده لوحده كدة ... بقولك ايه تعالي نشبع من بعض بقي علشان وغلاوتك هممووت من الجوع.
تمارا اتعلقت في رقبته: وانا وحياتك هكلك واحلي بيك . شيلني بقي.
شهاب بلع ريقة بسخرية: نعم حضرتك اعمل ايه!
تمارا بتصميم: بقولك شيلني. ايه مش عايز. ما انت ياما شيلتني.
شهاب بسخرية:اه يا قلبي ده لما كنتي زي الفراشة كدة. لكن بحالتك دي انا عايز ارفعك بونش. بتهظري آل شيلني آل. لا انا راجل مصر محتجاني مش حابة انزلاق غضروفي .
تمارا فضلت تضربه بقوة وغيظ: انت مصمم تنام عند الست امك امشي يا بايخ . انا عايزة ونش ليه شايفني مش داخلة من الباب.
شهاب بيكتم ضحكته: ماهو ده الليڤل الاخير. هتبقي الوحش بنفسه . مش هتدخلي من اي باب هرفعك من البلكونة بونش زي العفش.
تمارا فضلت ترمي عليه المخدات بغيظ وجنون ... وهو قام بعيد عنها هيمووت من الضحك علي شكلها.
تمارا : قسما بالله لربيك يا شهاب. وحياة الغالية ما تشوف حاجة من الونش لحد ما اولد. ابقي وريني هعمل ايه بس هاه.
شهاب داخل الاوضة وهو بيضحك: يا ختي احسن انا اصلا كنت بجبر بخاطرك . حقك علي اللي خلفوني. هو انا لاقي صحتي.
تمارا بتنفخ بغيظ : كدة يا ابن رعد والله لوريك . ماشي ربنا يحرق دمك ويقل راحتك.
واخدت الساندوتش تاني :والله الاكل احسن منك يا فصيل ...
شهاب جاء من وراها واخد الساندوتش. وشاله بعيد. وحضنها وباسها من خدها : بقي الاكل احسن مني اخس عليكي يخونك .
تمارا بتداري ابتسمتها:انت ايه رجعك مش دخلت تتخمد. امشي بعيد عني .
شهاب لفلها وقعد جنبها بخبث: طيب ما انتي لازم تخمديني بنفسك. تعالي نيميني .
تمارا بغرور: انا مش قادرة امشي هتشيل ولا تجيب ونش .
شهاب قام وفك قميصة ورماه وشالها وغمزها: يا قلبي معاكي ونش خاص 6000 حصان وتحت الطلب بتهزري ولا ايه .
تمارا اتعلقت في رقبته وغمزته: لا وحش وحش بجد. امووت فيك يا فهدي المتوحش.
شهاب عض شفايفه : اااااه منك انتي ... بتصحي الفهد وانتي بقيتي قطة مكلبظة ومقلوظة وهاكلك بجنون وانتي حرة بقي ما ترجعيش تشتكي.
تمارا بثقة: بس خالي بالك القطة متوحشة وهتتعبك.
شهاب دخل بيها الاوضة واخدها في حضنه في السرير: بعشقك يا قطتي المتوحشة ...
......................................
في بيت مؤمن .
مؤمن قاعد مع ابتسام وشيري بيتفرجوا علي فيلم وبيضحكوا.
شيري: ههههههههه. مش ممكن انا بطني وجعتني من الضحك. هقوم اعمل بوب كورن وارجع.
ابتسام : لا يا حبيبتي خاليكي مرتاحة. انتي طول اليوم تعبانة . انا هعملك الفشار بنفسي.
مؤمن قام هو وقعد ابتسام برفق وابتسم: خاليكي انتي مرتاحة انا هعمله بنفسي.
شيري: سبيه يتعب شوية . روح يا حبيبي بس يارب ما نطلبش الطافي.
مؤمن بثقة: يا بنتي انا بعون الله اقف في المطبخ احسن منك بس سايبك تعيشي دور الزوجة المثالية.
دخل مؤمن يعمل الفشار بس مش عارف اماكن الحاجات. نده علي شيري .
مؤمن: حبيبتي ممكن لحظة مش عارف فين الحاجات.
شيري : ااااه منك لازم يقومني انا عارفة هترسي اني هطلع الحاجات و هعمله والاسم هو اللي عمله .
ابتسام قامت : ههههههه. طيب انا هروح اقوله الحاجات فين. خاليكي.
دخلت ابتسام لمؤمن وطلعتله الحاجات: ما تدخل انت ده سهل هعمله بسرعة.
مؤمن كان بدأ يهدي من ناحيتها ويكون رفيق معاها خصوصا بعد ماعرف حالتة قلبها. : لا ارتاحي انتي . ما تنسيش كلام الدكتور. قوليلي بتاخدي دواكي بإنتظام .
ابتسام بصتله بتانيب علي عمرها اللي ضاع من غير حنانه وخوفه عليها: انا دوايا اني اشوفك قصادي بخير . ودمعت. انا كنت تعبانة بس وقت ما كنت مسافر كنت همووت من قلقي عليك.
مؤمن بحنان: طيب ليه الدموع انا رجعت اهو بخير .
ابتسام برجاء: مممكن اطلب منك طلب. ماليش غيرك اقدر اطلبه منه.
مؤمن بتأكيد: طبعااا اطلبي عايزة ايه!
ابتسام بندم: وقت ماكانت الفلوس بين ايديها وصحتي بخير مافكرتش فيها ولا جات علي بالي. ودلوقتي بحلم واتمني ترجعلي ولو جزء بسيط من فلوسي علشان اعمل عمرة واحج. مممكن تسفرني انا عارفة اني هكلفك بس ما عيش ادفع .
مؤمن بحزن مسك ايديها اللي ببترعش وحضن جسمها الضعيف اللي بيتنفض من الندم والانكسار.
مؤمن: طيب اهدي بس ...... حاضر هشوف اقرب رحلة عمرة واحجزلك وكمان هسافر معاكي . مش هينفع تسافري لوحدك.
انتظروا الخاتمة 💕
((مهمة حب ))
🌹بقلم ريحانة الجنه🌹
((الجزء الثاني من الحلقة الاخيرة))
شهاب حاوط تمارا وهمسلها: ابوكي ده مش هيتهد .
تمارا : ليه عملك ايه!
شهاب : مش انا يا ختي ده سحب امك سحبة تمام وشكله كدة بدأ اليلة بدري.
تمارا عقدت حاجبها: مش فاهمة تقصد ايه...
شهاب بنفاذ صبر:اقصد انه خلاص مش هتشوفيهم لاخر الفرح. ابوكي يا اما روح يا اما حجز اوضة.
تمارا بتكتم ضحكتها: هههههه. هو هوبا ده فاضحنا كدة علي طول بس انت عرفت منين مش يمكن بيتكلموا وراجعين.
شهاب غمزها وسحب ايديها: اصله سحب امك نفس السحبة دي تقولي بيقرأ افكاري.
تمارا : ههههههه. استني حرام عليك بطني هتولدني بدري يا ابن رعد اصبر. الفرح خلاص قرب يخلص. أنس لازم يلاقينا حاوليه.
شهاب ماشي ومكمل وغمز مهاب زوج چودي: قلبي الفرح هيخلص وأنس مش هيبقي عايز حد حاوليه . مش هيشوفك اصلا .. تعالي بقي لما نشوف اخرة البلاونة دي هتفرقع امتي انا تعبت والله.
تمارا : ههههههه. آل يعني فارق معاك. انت جبااار. اصلا هتلر مافيش حاجة توقفك.
شهاب : هههههههه. يا قلبي مش وحش لازم ابقي جامد وقلبي قوي. سيبك انتي البلونة دي عاملة نيبولوك بردوا. عسسسل يا تمارتي في اي حاجة .
تمارا حضنة دراعه بسعادة وهو حاوطها وضمها وكمل لحد العربية.
تمارا:بحبك يا شيبو .
شهاب: بعشقك يا تمارتي.
مهاب بهدوء مسك ايد چودي : حياتي تعالي عايزك.
چودي قامت معاه : خير في ايه!
مهاب واخدها وخارج: الفرح قرب يخلص وابوكي غفلنا من بدري والبوب خطف تيمو. وانا هقعد اتفرج والله ما ينفع. علي عش الحب وطير يا حمام.
چودي: ههههههههه. انت ايه مستعجل لييه هطير منك مثلا هنروح هنروح في ايه!
مهاب سحبها لحضنه وبيتحرك بحماس: يا بنتي انتي زي الاتشيز كيك بالفراولة حاجة كدة تكليها تشبعك وتبقي مش قادرة من كتر السعادة وتخلي مودك جنان وفي لحظة تحسي انك جوعتي وعايزة تاني .. انا بقي عايز تاني.
چودي برقة: تاني ايه بالظبط .حدد.
مهاب غمزها : عايز اتشيز كيك فراولة يا فراولة. وشكلك هتولدي بدري بسبب جمالك الليلة ده. هو كدة بذمتك في حامل وتبقي بالإغراء ده.
چودي :هههههههه. لا لو علي الاغراء . اصبر نوصل البيت وانت تشوف اغراء يجننك.
مهاب اخد نفس بجون: ااااااااه. يا جدعاااااان. نفسي بس اعرف انا هبطل احبك امتي من يوم ما وعيت للدنيا وانا كل يوم بحبك اكتر. كل دقيقة و لحظة بعشقك اكتر.
چودي وقفته قبل ما تركب العربية. وحضنته بحنان: وصدقني انت بتجري في دمي . عمري ما بطلت احبك من وانا صغيرة. بحبك اوي اوي يا هوبا.
مهاب ضمها وغمض عنيه كل بقوة:اااااه يا چيچي بجد كل يوم بخاف لاكون بحلم. معقول خلاص بقيتي مراتي وحامل مني كمان. اضربيني رصاصة حياة ابوكي عايز اصدق.
چودي باسته برقة بوسة سريعة خايفة حد يشوفهم: تؤتؤتؤ.خالي الرصاصة في البيت هقتلك براحتي.
مهاب بصلها بشوق : ااااااه يا مفترية وهي البوسة دي مش رصاصة .دي تقتل . بس عندك حق البيت هيبقي فيه رصاص ومدافع. وصوراريخ وكل الاسلحة . يارب يسترها وماتولدي اركبي يا تعابة قلبي اركبي.
......................................
مرت شهوور وكل العلاقات بتستقر وتاخد شكلها الطبيعي.
حلا وفادي واولادهم بقت حياتهم اجمل .. وقته بقي مش كله شغل. بقي لازم يرجع بدري يقضي وقت مع حلا والولاد. وخصوصا ماسة اللي شغلت باله و قلبه. كان بيعيش معاها اللي اتحرم منه في اخواتها . بيراقب وينتظر كل سم بتكبره. كل ضحكة بتضحكها كان بيصمم تنام في حضنه مش في سرير منفصل. والاغرب انه اتعلم يعملها كل حاجة محتاجالها . من غير تأفف ولا ملل. وصدق انه فعلا خسر كتيير ببعده عن حلا وولاده. وكان هيخسر اكتر لو ما كنش فاق ورجع ليهم.
شهاب وتمارا الدنيا وردي والحب بيرفف. حمل تمارا بقي كله ذكرياات مضحكة ومتعبة . شهاب صمم ما ياخدش اي عمليات جديدة غير لما تولد ويطمن عليها. كان طول الوقت بينه وبينها مشاكسات وخناقات عشاق. ولسة تمارا زي ما هي لا حب ولا حمل هتخليها تتغير . شرسة ومجنونة بس تلاقائية وحنونة.
فتون وحمزة خلاص الوجع بيروح والجرح بيلم والسعادة فتحت بابها للابد. چنا الصغيرة شغلت فتون اكتر واكتر . ونستها العذاب اللي مرت بيه. خصوصا بعد نجاح الالبوم بتاعها واللي كان مش متوقع يعمل كل الضجة والنجاح ده.
مؤمن وامه وشيري بيعيشوا حياة مختلفة حياة جميلة. اخيرراااا عاش مع امه من غير جراح ولا آلم ولا شئ يخجل منه بقت امه مختلفة ام بجد بيشوف الحنان والحب في عنيها وبيستني دعوتها كل صباح تخليه في منتهي الحماس والتفاؤل.
أنس بيبدأ مع حياة حياتهم كل يوم بيمر عليه بيتأكد ان حياة اول قصة حب .. اول دقة قلب بجد. وان مايا ما كنت غير مجرد بداية وتجربة جديدة من نوعها في عالم المشاعر والحب. بس ابداااا ما كنتش حب صادق . لكن حياة لا. حياة مختلفة حبيبة بجد بيشوف معاها كل حاجة بطعم ولون مختلف.
......................................
وفي ليلة چنا كانت تعباانة اوي قلبها بيتألم آلم رهيييب .. كانت بقالها فترة كبيييرة بعيد عن مروان بسبب تحزير دكتور النساء ودكتور القلب بتاعها. بس لانها مخبية علي مروان وعلي كل اللي حاوليها . فهمت مروان ان دكتور النساء بس هو اللي مانعها بسبب خطورة الحمل. بس الليل حاست انها الاخيرة .. مروان كان في المكتب وهي دخلتله وظاهر عليها التعب والارهاق.
چنا بإعياء : مروان حبيبي مش هتنام .. الوقت اتأخر.
مروان رفع عنيه وشاف حالة التعب والاعياء اللي فيها قام بسرعة وسندها : مالك حبيبتي انتي تعباانة ... تحبي اطلبلك الدكتور.
چنا ابتسمت وبصتله بشتياااق .. حاست انها خلاص هتفقده مش هتشوفه تاني... مسكت ايده بقوة : قولتهالك قبل كدة انت دوايا .. انت اللي بتريحني... خدني اوضتنها ارجوك.
مروان قلبه مش مرتاح كل يوم بيمر في حملها بتضعف وتدبل وتتعب بشكل ملحوظ ويقلق. شالها بحنان وخوف واخدها للاوضة وحطها في سريرها حاول يبعد ويجبلها الدكتور. بس هي اتعلقت بيه بقوة .
چنا بدموع: ارجوك عايزاك معايا ..
مروان مش فاهم مالها
فيها ايه لييه جواه الرعب ده ناحيتها: حبيبتي انا كمان محتاجلك بس ماينفعش الدكتور مشدد اني ما اقربش منك. علشان مصلحتك. بس لييه بتبكي ..!
چنا شدته بضعف. لحضنها: اعتبر دي اول و اخر مرة هطلبها منك. ارجوك عايزة اودعك..
مروان بخوف من كلامها وشكلها : لييه تودعيني بس انا كدة خوفت عليكي... انا هتصل بالدكتور .
چنا اتمسكت بيه اكتر : حققلي طلبي وبعدها اعمل اللي انت عايزه.
مروان اول مرة يشوف چنا محتجاله بالشكل ده وبتطلبها بتصميم. ماقدرش يجرحها ويرفض برغم خوفه ورعبه عليها من شكلها ده. قرب منها والغريب انها كانت غريبة في كل شئ في حضنها .. في همسها.... في كل تفصيلة .... كانت فعلا بتودع كل حاجة فيه .... ودموعها مش بتقف . كان مشتت مش مركز مش عارف هي موجوعة ولا بتتألم ولا زعلانة ولا ايه !
كل شئ انتهي و بعد عنها .. لقاها عنيها بتغمض ونفسها تقريبا بقي مش موجود. هزها بعنف وجنون.
مروان: چنا .. چنا ... ردي عليا انتي فيكي ايه.... لييه طيب طلبتي وصممتي لما انتي تعبانة ... لييه تخليني اكون سبب في الحالة دي بس لييه... چنا ردي عليا...
چنا بتحارب ضياعها واستسىلامها وبتحاول تلاقي صوت ونفس تتكلم بيه: حقك عليا... سامحني ارجوك.... مروان ففيييه فلاشة في علبة في الدرج بتاعي ..... لو موت شغلها واسمعها ..... وانت هتفهم..... بس دلوقتي وديني المستشفي واتصل برقم متسجل عندي علي الفون بإسم قلوب ... ده الدكتور بتاعي ...
مروان مش فاهم ولا مستوعب فلاشة ايه.. ودكتور ايه . ماهو عارف الدكتور النساء الخاص بيها ومعاه رقمه . ده يبقي دكتور ايه! وليه مسجلاه قلوب.
مروان بعصبية: انا مش فاهم حاجة انتي مخبية ايه..
چنا بتفقد وعيها وحياتها كمان وبضعف: اا.. اارجوك.... بسرعة ... ااانا بمووت.. .
مروان بسرعة وتشتت.لبس و اخدها للمستشفي وكلم الدكتور اللي قالت عليه وجالهم المستشفي وماقدرش يفهم منه حاجة لانه هو ودكتور النساء كانوا مشغولين بچنا ومع وصولهم دخلوا مباشرة لاعمليات معاها.... وبعد وقت كبيير.. خرج دكتور القلب علاء .
مروان اندفع ناحيته بجنون : ارجوك طمني هي عاملة ايه . وليه هي كانت في الحالة دي. ووانت هي علاقتها بيك ايه ...
علاء بأسف : چنا خلاص الله يرحمها اسف ... البقاء لله...
مروان هز راسه بصدمة .. مش مصدق ولا متخيل اللي بيحصل: ااانت ... اانت بتقول ايه.... چنا ماتت ... ماتت ازاي ..... ماكل الستات بتحمل وتولد. عادي ليييه هي! لييه تموووت لييييييه.
دكتور علاء مقدر حالته وصدمته: چنا مريضة قلب من سنين وبتابع معايا. واصلا كانت مالهاش زواج ولا خلفة بس هي حاكتلي قصتها معاك . وحبها ليك وصدقني انا حاولت امنعها واحزرها بس هي صممت.
مروان بيبكي بهستيرية ومسك الدكتور بعنف : ولما انت دكتور وعارف حالتها ازاي ما مانعتهاش ليييه ما قولتليش... لييه..... ليييه سبتها تنتحر بالشكل ده ليييه..
علاء بيحاول يهدي مروان وحالة جنونه : من فضلك اهدي ... صدقني حاولت وده كان واجبي كطبيب . بس كأب كنت مضطر اوفقها علي جوازها . چنا كانت زي بنتي . واترجتني كتيير علشان اسمحلها تتجوزك. ووعدتني تاخد دواها والجرعات الجديدة بإنتظام. وكمان هتحاول تقلل علاقتها بيك .. وافقت لانها بتحبك بجنون ومش هتقدر ما تتجوزكش.
مروان كان بيتمزق بألم وهو بيحاول يصدق ان ده حقيقي ... ان بجد هي ماتت وكمان بسببه .. ماتت علشانه. بس ليييه... لييه تعمل كدة ...
علاء : الطفل في الحضانة لانه اتولد بدري وصحته ضعيفة .. انا حزرتها من الطلق وقولتلها مش لازم ده يحصل قلبها مش هيتحمل طلق الولادة . فهمتني انها محددة مع دكتور النساء كل حاجة وفعلا كنت علي اتصال معاه وفهمني انه بيتابعها بإهتمام. بس اللي حصل كان غير متوقع .... ده قضاء ربنا اسف..
مروان بيبكي بحرقة مش مصدق انها ماتت. معقول خلاص مش هتكون في حياته تاني ... وخصوصا بعد اللي عرفه ... ازاي تعمل كل ده علشانه ازاي تضحي بعمرها بالشكل ده...
في الوقت ده أكمل وتسنيم كانوا وصلوا لان مروان اتصل بيهم اول ما وصلوا المستشفي..
أكمل بقلق وترقب: مروان انت بتعيط لييه. حد يفهمني فيه ايه.. بنتي فين ... چنا فين يا مروان ... رد عليا بنتي فين....
مروان ببكاء سند راسه علي الحيطة وبكي اكتر بتأنييب اتمني هو اللي بكون مكانها:چنا ماتت ... ماتت يا اكمل .. ماتت .
أكمل بص لتسنيم اللي ما اتحملتش الخبر ووقعت في الارض رجلها مش متحملة تقف... وبكائها كان يقطع القلب.
تسنيم : لا .. لا ... بنتي لا ... ازاي تموت ازاي....
أكمل نفسه عالي وملامحه جامدة .. بيحاول يسدرك الموقف .... بص لمروان :بنتي ماتت.. ماتت ازاي ..... انتم اكيد غلطانين. وانت .... ازاي سبتها تموت ازاي.
دكتور علاء: من فضلك يا أكمل بيه انا هفهمك. وشرح لأكمل كل شئ بالتفصيل .
أكمل بيبكي بحزن اب موجوع وقلبه بينزف :بنتي ماتت علشانك .... فضلت سنين مخبية مرضها ومتحملة وفي النهاية خاطرت بحياتها وعمرها علشانك علشان حبتك وانت ما تستهلش.. بنتي موتت نفسها علشان تحيلك ابنك ...... منك للله .. منك لله انت من يوم ما دخلت حياتنا وانت خربتها. ضيعت عليها فرحتها وفرحتي بيها في كل شئ....
لا فرحت في جوازها زي اي اب. ولا فرحت بولادتها زي كل اب..... بنتي راحت مني بسببك ... بنتي ماتت ماتتت. وانت السبب.. اااااه يا بنتي ياريتك كنتي قولتيلي كنتي قولتي لابوكي ... كنت اديتك قلبي ... والله اديتك قلبي ... ااااااه يا چنا اااااه من فراقك ..
تسنيم بتبكي بحرقة : ليييه عملتي كدة .. ليييه تضحي بنفسك كدة لييه... انا مذنبة انا مجرمة وافقتك وشجعتك
بس ماوكنتش اعرف ماكنتش اعرف....
أكمل لفلها بشراسة وضياع: شجعتيها علشان مش بنتك.. لو كانت بنتك كنتي حسيتي بيها . كنتي عرفتي اللي فيها زي اي ام..... بنتي ضاعت مني للابد وانتم السبب كلكم السبب.
تسنيم بصدمة من كلام أكمل . ازاي بعد كل السنين دي يقول ان چنا مش بنتها .. ازاي ... بس لا الحال والوضع ولا المكان يسمح للعتاب .
فضلت الصدمة والحزن مغيم علي المكان وچنا اتغسلت واندفنت...
ومروان رجع البيت في حالة ضيااع وندم والم ... حالة صدمة مش عايزة تفارقه... افتكر كلامها عن الفلاشة طلعها وشغلها وسمع اللي عليها.. چنا كانت مسجلة ڤيديو ليها ...
چنا : حبيبي لو انت بتشوف الڤيديو ده أكيد انا مش معاك... اكيد دلوقتي انا ميتة ... انا اول ما عرفت بحملي قررت اعمل الڤيديو ده . لاني مش ضامنة اكمل لحد النهاية ممكن اموت في اي وقت.... بس بدعي ربنا طول كل لحظة يمهلني بس لحد ما اولد واشوف ابني بعيوني واضمه لحضني بس كدة . انا دلوقتي هفهمك كل حاجة.
اول حاجة. عايزة اقولك سامحني .. وبكت بضعف.
انا خبيت عليك مرضي وعلي كل الناس حتي بابي ومامي... انا اول مرة اكتشفت مرضي كنت في الجامعة دخت و وقعت وروحت المستشفي . وقتها عرفت اني عندي مشكلة في القلب سألت ودورت عن دكتور قلب كبيير وشاطر ولقيت دكتور علاء. من اول يوم وهو راجل محترم حسسني اني بنته مش مجرد مريضة.. طلبت منه برجاء ماحدش من اهلي يعرفوا... وهو وافق تحت ضغط مني... وطول الوقت بيفتعني بالعملية وانا زي اي بنت خايفة ... مش عايزة اخد الخطوة دي....
وده كان سبب عزلتي عن كل الناس علاقاتي قليلة واصحابي اقل... كنت خايفة ادخل اي علاقة بسبب احساسي بالنقص واني مش هقدر اكون زي اي زوجة وام. خوفت من الجرح .. احب واحد واتعلق بيه ولما اصارحه يبعد ويسبني .خوفت من الناس والحب .. علشان كدة كانوا دايما يقولوا عليا معقدة علشان ماليش اصحاب.. كنت بدور علي الحاجات اللي مجهودي فيها قليل حتي في بداية تعارفنا كنت رافضة استلم المشروع . بسبب الاجهاد والتعب.. ومكتفية بشغلي في مكتبي. بس وقتها بابي زعل وافتكر اني مش عايزة اشتغل معاه... وافقت مجبرة .. لو انت افتكرت هتفتكر تعبي في نهاية كل يوم بعد المجهود اللي بعمله في الموقع..
في البداية اول ماقلبي دقلك حاولت ابعد واقاوم وخصوصا لما قولتلي العيب منك... لاني شوفت حبك لريما وما حبتش اكون دخيلة عليكم. لكن مع الوقت حبيتك اكتر وعشقتك اكتر وعرفت انك كذبت عليا وان العيب من ريما...
صعبت عليا ولما قربت اكتر فهمتك اكتر .. وفهمت اللي بينك وبينها ايه. وقتها قررت اعمل العملية بس كان خلاص فات الاوان والدكتور علاء فهمني اني حالة قلبي اتاخرت وان العملية فيها هلاكي ونسبة نجاحها لا تتعدي ال 20%. واني اكمل حياتي زي ماهي وان تدهور قلبي بقي في طريقي للموت .. الموت البطئ.
وقتها صممت اتجوزك... صممت احققلك امنيتك وتبقي أب.
وبكت اكتر : عارف انا لو كنت مش بحالتي دي ولا عارفة اني بمجرد جوازي وحملي ابقي كدة خلاص عداد عمري بيتنهي .. وايامي هتبقي محسوبة .. ما كنتش قربت منك ولا حسستك بحبي ولا اتجوزنا. كنت هاخد حبي ليك واسافر وابعد بعيييد لابعد مكان. واسيبك تكمل حياتك مع ريما . زي ما انتم راضين بنصيبكم. من غير ما ادخل اهد اللي بينكم.
بس والله حبيبي والله عملت كدة علشانك... لقيت اني كدة كدة تعبانة وكدة كدة ماليش نصيب اكون حياة وبيت.. يبقي انت احق واحد اعمل كدة علشانه واسيبله حتة مني تعوضه حرمانه .. وانا اعيش اللي اتمنيت اعيشة ... اعيش معاك في حضنك حتي لو ايام معدودة ...
مروان انا عمري ما كنت انانية ولا بفكر في نفسي وبس صدقني .. انا حبيتك اكتر من نفسي ...
وارجوك بلغ ريما تسامحني .. قولها اني كنت عايزة اسعدها... وقولها كمان اني مش قلقانة علي ابني ولا خايفة .. انا واثقة ومتأكدة انها هتكون ليه احن ام واطيب قلب. حتحبه وتعوضه غيابي ...
وبوجع ام عارفة انها مش هتشوف ابنها ضمت بطنها وبرجاء: بس ممكن اطلب منك طلب بسيط ... لو ولدت بنت ساميها چنا علي اسمي علشان .... علشان تبقي تفكرك بيا .... وتشوفني فيها.. مع اني عارفة وواثقة ان ريما هتنسيك كل حاجة. ريما طيبة وحنينة اوي .... بتحبني وبتعاملني بلطف وحنية . بتخاف عليا ومهتمة بيا... بس يمكن اسمي يخليني اجي علي بالك...
ووبكت بتانيب : ولو جبت ولد ساميه أكمل علي اسم بابي...
وحياتي يا مروان خاليه يسامحني .اااااانا حححاول اسيبله ڤيديو بس مش هقدر... مش هقدر اواجهه. بكل ده.... أكمل هيحزن عليا اوي اوي وصعب اقدر اتخيل شكله وقتها وهو بيسمعني.
بس قوله اني غصب عني كنت من البداية خايفة اصارحه هو ومامي ... خايفة يفضلوا طول الوقت في خوف وقلق عليا... حبيبت اخليهم للنهاية متطمنين . مش عايشين في قلق وخوف . وقلبهم يقع مع كل غصة آلم بتحصلي.
وقول لمامي تسنيم .. انها كانت امي ... امي الوحيدة انا ما شوفتش غيرها ولا عرفت غيرها ولا حبيت غيرها... قولها اسفة .. اسفة اني هجرحك وابكيكي....
في النهاية عايزة اقولك .. اياك تلوم نفسك ولا تعاتبها انا عارفاك... ابتسمت بوجع... عارف انا كنت خايفة اوي اوى ما اتجوزنا... خايفة من التجربة والمواجهة .. عارفة اني هتعب ... اجلت واجلت لحد ما بقتش انت قادر ولا انا قادرة علي التأجيل.... من وقتها وانا باخد جرعة دواء مضاعفة بتعليمات الدكتور... علشان اقدر اعيش معاك لحظات مش من الدنيا ... انت بتعيشني اجمل واحلي احساس.. معاك بنسي ضعفي ومرضي . بنسي وجعي ... بنسي لوم الناس عليا .. بنسب العالم ... انا بحبك ... بحبك اوي ... اوعي تنسي چنا ... عمرك ما هتلاقي قلب يحبك ويموت لحبك بجد وحقيقي مش مجرد كلام . زي قلبي... قلبي هيموت علشانك بجد... هتوحشني .... هتوحشني اوي ..
خلص الڤيديو ومروان بكاه ودموعه اكنها نهر فاض وغرقه.. فضل يصرخ بجنون وغضب بيلوم نفسه ويعنفها ... قلبه بيصرخ علي اللي اتسبب فيه... فضل يكسر كل شئ ويدمر كل اللي يقابله ...
مروان بدموع وصريخ: ليييه .. لييبه عملتي كدة .. لييه... كنتي بعدتي .. كنتي سافرتي .. علي الاقل كنتي زمانك عايشة.... لييه وردة زيك تنطفي وتموت بسببي. بسبب واحد اناني ... اااااه يا چنا.... مش ممكن تكوني بشر مش ممكن..... قلبك ماكنش تعبان لا قلبك كان قلب ملاك ماقدرش يعيش وسط البشر.. كان لازم يتخلي عن الحياة دي.. حياة التعب والوجع.....
بس انا عمري ما هسامح نفسي ابداااا .. عمري ما هغفرلها انها اتسببت في موتك .... انا كنت عايز ابقي اب ايوة.. بس مش علي جثتك ابداااا...
ياريتك فضلتي عايشة حتي لو بعيد عني ... بس عايشة لاهلك .. اهلك اللي سرقتك منهم وكنت السبب في حرمانهم منك......
مسك صورتها وبكي بندم: سامحيني يا چنا سامحيني.. انا حبيتك .. حبيتك..... وحشتييني . ولسة هتوحشيني .... وصدقيني عمر مافيه واحدة ممكن تعوضني عنك ولا تملي مكانك. حتي ريما ليها مكانها لكن مكانك انتي صعب. صعب واحدة غيرك تملاه...
بعد ساعاات من البكاء والحزن والالم .. مروان تعب وهمد وبقي ساكت مش قادر حتي يتنفس.. اخد فونه واتصل بريما ...
ريما : الو ... الو.... مروان انت سامعني... مروان.
مروان غمض عنيه بألم وبكي: ريما .. انا محتاجلك .
ريما بخوف: مروان مالك ... فيه ايه .. انت بتبكي !
مروان بقهر : چنا ماتت وهي بتولد... ماتتت يا ريما... ماتت علشان تحيني .... ماتت علشان ابقي اب. چنا ضحت بعمرها علشاني... ماتت خلاص .. ماتت.
ريما حطت ايديها علي بقها تمنع صرختها من صدمة الخبر... دمعت بحزن حقيقي من قلبها .
ريما:چنا ماتت.. ازاي ! ازاي ماتت.
مروان بوجع: انا محتاجلك .. تعبااان ووحيد ... مافيش حد جنبي الكل بعد .... انا موجوووع يا ريما. موجججووووع.
ريما بتبكي: حبيبي انا جنبك... هكون عندك في اول طيارة ..
ريما فعلت حجزت طيارتها وبلغت منير بالسفر.. وعلي قد ما كانت حزينة علي فراق آسر . واستغربت حكمة ربنا انها تسيبه كمان زي امه ما سابته .. علي قد ما كانت متفائلة لانه اتحسن وبقي افضل بقي بيلعب وبدأ يتكلم.. ويصاحب اصحاب في سنة ويتجاوب مع الناس. اتطمن عليه . وعرفت انها ربنا بعتها ليه في وقت هو محتاجة .. وهي كمان فصلت وهديت وفضلت علاقتها مستمرة بمروان.. واديه اهو في عز احتاجه ليها .. ومش لوحده . هو ... وابنه. ابن چنا ...
......................................
عند المقابر قصاد قبر چنا اكمل قاعد بيبكي ومهزوم وحزين... كان بيكلمها اكنها قاعدة قصاده وشايفها. بيعاتبها ويلومها.
أكمل بدموع : كدة... كدة . تسبيني وتمشي.... هونت عليكي تكسري قلبي بالشكل ده.... ليييه وعشان ايه... علشان مروان... بقي مروان احب. واغلي عندك مني انا ! ابوكي اللي ماليش غيرك!
هانت عليكي نفسك تعملي فيها كدة... لييه يا قلبي خبيتي عني .. لييه فضلتي تتألمي لوحدك... لييبه اتحملتي اللوم والعتاب والوجع لوحدك... ازاي قلبك اتحمل كل ده! عملتي زي أمك. متي في عز شبابك ... بس هي علشان غلطة .. وانتي علشان حب وتضحية... وبكي بنحيب يقتل. .... بس مافيش حد يستاهل... هو عايش .. ومعاه مراته. وكمان سبتيله ابنك... حتة منك.....
لكن انا سبيتلي ايه.... قوليلي يا حبيبتي سبتيلي ايه.... سبتيلي كسرة قلب وحرج روح هعيش بيه لحد ما اموت.... مين يعوضني عنك ... عن برائتك وطيبة قلبك.... مين ! قوليلي مين....
حمزة بدموع قرب من أكمل وطبطب علي كتفه وأكمل بصله بحزن وحضنه...
أكمل: اختك ماتت.. ماتتت خلاص يا حمزة ... چنا مش هتبقي موجودة تاني.... چنا راحت ... راحت...
حمزة بدموع: ده عمرها وقدرها يا بابا .. چنا لو خرجت من حياتنا .. مش ممكن تخرج من قلبنا... كفاية انها عاشت زي النسمة ماحدش حس بيها لا أذت حد ولا زعلت حد....
ارجوك كفاية ... ماما في المستشفي تعبانة وابن چنا في الحضانة .. مافيش غيري انا وانت .. احنا سند الكل..
أكمل بص لقبر چنا وبكي: وهي كان مين سندها .. لما عاشت كل ده لوحدها. وكتمته في قلبها... اسمع ابنها هيعيش معانا ... ابنها هيفضل في حضني .... مش هخليه يا خده ابدااااا.. يمكن بعوضني عنها ... يمكن.
......................................
في مرت الايام وبقت شهور قليلة وقربت ولادة تمارا وچودي وشيري.....
في المستشفي ..
شيري في سريرها .. وجنبها والدها وولدتها .... ومؤمن وامه ابتسام.
والدة شيري: الف مبروك يا حبيبتي .... بنوتة جميلة .
والدها : ماشاء الله زي القمر شبه مامتها..
مؤمن شايف ابتسام ساكتة وقاعدة : مالك يا امي في حاجة..
ابتسام دمعت وافتكرت انها يوم ما ولدته كانت صغيرة وطايشة ومش عارفة قيمته.. وحرمته من حنانها وحضنها وسابته لمرات ابوه وكانت احن عليها منه.
مؤمن شاف دموعها قعد قصادها ومسح
دموعها بقلق: مالك يا امي ليه العياط ده بس.
ابتسام بندم: افتكرت انا عملت فيك ايه . واذيتك ازاي وحرمت . مني ومن حضني.
مؤمن ابتسم بوجع واخدها في حضنه: انسي يا امي انسي .. خلاص احنا ابتدينا من جديد... وانتي اهو بتعوضيني... وانا خلاص كبرت وبقيت راجل واللي عدي عدي سيبك انتي منه.
وخرجها من حضنه بحنان وابتسم: في خبر هيفرحك ... انا طول الفترة اللي فاتت وانا بظبط الحيوان طليقك.... وجبتلك تنازل منه عن الڤيلا والعربية ورجعتلك كمان الفلوس والمجوهرات. هما اينعم ناقصين بس مش كتيير. حقك رجعلك...
ابتسام باست ايده بحب: انت حقي وعوضي بجد.... انت اهم من الفلوس والدهب. مش عايزة حاجة... انت كفاية عليا..
شيري بكت من فرحتها بتعويض ربنا لمؤمن علي عذاب طفولة وضياع مراهقة وقهر راجل .. بسبب اللي حصل..... بس الحمد لله ربنا عظيم كرمه عظيم...
مؤمن قام واخدها جنب شيري واخد بنته واداهالها : قوليلي تحبي تسميها ايه!
ابتسام: لا شيري تسميها.
شيري ابتسمت: انا موافقة ساميها انتي.
ابتسام ابتسمت: نجمة ..
مؤمن بص لشيري والاتنين استغربوا:نجمة!
ابتسام هزت راسها: ايوة نجمة تنور ايامكم ولاياليكم زي ما انتم نورتم دنيتي وايامي..
الاتنين ابتسموا :خلاص تبقي نجمة..
......................................
في شقة شهاب .. تمارا قاعدة بتاكل وشهاب هينفجر من الغيظ.
وتمارا فجأة سابت الاكل وبدأت تحس بألم .. وندهت لشهاب.
تمارا بتتألم:شهاب .. شهاب الحقني...
شهاب بيتابع مبارة مهمة ومش عايز يبصلها : قسما بالله ما هتحرك... ده انتي مشقياني روح هات مياه. روح هات طفح .. روح هات عصير،.. اعملي فشار.. اعملي نسكافية. بس اتهدي بقي ..
تمارا صرخت: بوووولد يا ظالم.... منك لله الحقني ...
شهاب كان فاكرها فعلا عايزة حاجة بس بصلها لقاها بتتألم بجد جري عليها بقلق: مالك. انتي هتولدي بجد ولا ايه! ..
تمارا بتتوجع: وحياة الست الغالية ماوقت غباوة .. ههزر يعني ... الحقني بسرعة.
شهاب متلخبط وبيلف حاولين نفسه: طيب .. طيب اعمل ايه!
تمارا صرخت: يالهههههوووي. وديني المستشفي مش محتاجة ذكاء هموووت يخربيتك.
شهاب بغيظ شالها : وحياة ابوكي هقول للدكتورة تقصلك حتة من لسانك ده مستفزة.
شهاب اخد تمارا المستشفي وولدت. وللحظ چودي كمان ولدت بعدها بساعات... والاتنين كانوا في اوضة واحدة والعيلة كلها موجودة.
مهاب : ماشاء الله خلتوني جد يا ولاد الكلب انا لسة صغير مش كفاية نياتكم وجوزتكم. ايه. مصممين تضيعوا المعجبات طب اقولهم ايه بقيت جد.كانت جوزات منيلة.
رعد ابتسم: هو انت لييه مصمم تعيش دور الدنچوان. ما ترضي بحكم الزمن واعترف انك بقيت اب وجد كمان.
نغم بغيظ: تقول ايه يا بس رجل عايز يعيش متكتف هيموتني ناقصة عمر...
مهاب ببرأة : انا! انا عمرك لقتيني كلمت ست هما اللي بيجوا لوحدهم. ارفض نعمة ربنا . حتي حرااام.
كلهم ضحكوا..
همس ابتسمت: مبروك يا تمارا حبيبتي.. مبروك يا چودي.
تمارا وچودي: الله يبارك فيكي..
شهاب : شوفتي يا همستي جبتلك حفيد اسد زي ابوه..
همس : ههههههه. ماشاء الله شبهك يا شهاب حبيبي . ربنا يباركلك فيه وتشوفه عريس.
تمارا شدت شهاب ووشوشته: انت فهد مش اسد.. ياقلبي.علشان للفهد مكار ومخادع وكمان سريع...
شهاب ابتسم وباسها من خدها:. اموت انا في قلبي اللي حافظني ومركز معايا. اسكتي ده انا هطير من الفرحة ان البلونة دي فرقعت.وعتبطلي اكل . وانا اعيش بقي واعض فيكي براحتي . بلا حمل بلا هم. مافيش حمل تاني لمدة 20 سنة انتي فاهمة .. ابن المفجوعة ده عقدني في العيال والخلفة ..
تمارا: هههههههههه. بعينك. انا عايزة عيااال كتييير اوي . هملالك البيت عيال وهربطك..
شهاب بسخرية: قلبي هو انا قولتلك اني عندي مهمة لمدة 10 سنين ابقي استنيني بقي ووريني هتخلفي من مين.
مهاب زوج چودي قعد جنبها وباسها: روح قلبي .. سلامت قلبك... ايه الحلاوة دي بنوتة حكاااية قمر شبهك.
چودي بدلع: بجد هو انا بسة حلوة شكلي اتبهدل بسبب الحمل والولادة...
مهاب ابتسم بحب وعشق: انتي في عيوني اجمل الستات.. حياتي انا من يوم ما عرفت الحب عرفته معاكي... وعمري ما هشوف غيرك.
أنس دخل هو وحياة: السلام عليكم. مبارك يا اخواتي الحلوين... المستشفي منورة.
كلهم : وعليكم السلام...
شهاب غمزه: مين قدك انت عايش ومقضيها عسسل.. ولا لسة خناق ولا حمل ولا وجع دماغ.. يا باختك.
مهاب زوج چودي: ياعم ده دماغ العيلة سلامتك يا دماغي مع نفسه كدة ما تسمعلوش صوت. سوسة.
أنس بص لحياة وبصلهم: انا دخلت فين بالظبط. تصدقوا انتم قرارين وعنيكم وحشة وانا غلطان اني جيت وانتم هنا. هاجي لاخواتي وانتم مش هنا.. عن اذنكم تعالي يا حبيبتي احسن تفرقعي ولا حاجة من عنيهم دي.
شهاب قام بسرعة ومسك أنس:عندك رايح فين .. انت مأنسنا هنا. ماهو مش احنا نقعد نشيل عيال وصريخ وبيبي بعيد عنك. وانت تهيص مع موزتك لا تتكدر معانا
مهاب زوج چودي قامله ومسكه من دراعه التاني: ايوة . اللي يسير علينا بسير عليك... واعمل حسابك مراتك هتبات مع اخواتك اه لازم نكون يد واحدة وعائلة مترابطة..
أنس بدهشة وغيظ بص لحياة اللي فطسانة ضحك.. بص لمهاب : بابا عجبك كدة قولهم انا ماليش فيه انا يادوب عريس من كام شهر. عايز اتهني.
مهاب :ههههههههه. وانا مالي لو تقدر علي جوز الثيران دول مع نفسك. انا موفر صحتي لناني حبيبتي ...
أنس بص لرعد: طب حضرتك يا أونكل..
رعد قام ومسك ايد همس: حبيبي احنا اصلا متأخرين حظ سعيد.
انس بص لحياة: بتضحكي ... ماشي حسابنا بعدين.
شهاب ومهاب اخدوا انس وخرجوا.
شهاب: قولتلي بقي انت عريس وعايز تتهني... ده انا هفاجأك بشوية خاوزيق منتظراك عنب . هتنبسط اوي ..
مهاب : ايوة وعيه يا بوب... اولها بتبدأ بتحليل الحمل .. وهتلبس بقي 9 شهوور عذاب..
شهاب: وحياة غلاوتك لو دخلت المعتقل يبقي ارحم...
مهاب : انت هتلاقي كائن البطريق نايم جنبك ورجلها في بوقك ودماغها في اخر السرير. وتسمع سيمفونية عزف اوبرالي تصحي الميت. شخيير ما سمعتوش في حياتك.
شهاب: كمان بقي دايما الثلاجة بتتملي وتفضي كل 3 ساعات تقريبا... وهتتمرمط بقي..
هات اكل .. اكلني .. نيمني ... قلبني اصلي اتقلبت ومش عارفة ارجع.. فسحني ... انا مخنوقة... بتعيط... بتضحك ... بتصوت ... 300 حالة وطلب في دقيقة ..
مهاب :....
أنس بصوت عالي: باااااااالس. حرام عليكم. عقدتوني من الجواز والخلفة ربنا ياخدكم. انتم ايه متسلطين عليا.
مهاب وشهاب بيكتموا ضحكهم: ههههههههه. بنوعيك يا برنس. علشان تستعد.
أنس مشي بعصبية: منكم لله قفلتوني من الجواز ربنا يهدكم.
شهاب بيضحك:ههههههههههه. احسن اشمعن احنا انا كنت عايش مع اند تكر في الكام شهر اللي فاته . ربتني والله.
مهاب:هههههههه. اهو كدة بقي يدخل المرحلة اللي جاية وهو متحفظ... والله هيدعلنا.
شهاب : هههههه. تعالي معايا لما نشوف جوز الغزلان اللي جوا دول.
خلصت الحلقة وخلصت الرواية ..واعتذار لتأخير الحلقة بس اظن بعد ما قراتوها عذرتوني. وفهمتم حلقة زي دي اتكتبت ازاي وف قد ايه.. وبجد مش قادرة ارد علي اللي باعتين .. متضايقين. كل ده بتكتبي حلقة في يومين.!
بجد ردي مش هيعجبك ولا انا عاندي روح اناهد واتكلم .. خلاص الرواية خلصت ومش فاضل غير الخاتمة ومش هححدد ميعاد هي خلال اليومين اللي جاين. ولما تخلص هبلغكم. لكن هقولك حاجة واحدة هتكلم عن نفسي جربي تاخدي الحلقة وتكتبيها وشوفي هتقعدي قد ايه ... مع التزماتك بواجباتك. وبظروفي ووجع ظهري واجهاد عنيا بقالي يومين... انا حرفيا ما نمتش من امبارح بكتبها واظبطها واريح ايدي بس او افرد ظهري.... بس خلاص ما بقتش
مجبرة اعتذر ولا ابرر. ووعد مني مافيش رواية هتنزل الا لما تكون جاهز منها كتابة فون علي الاقل 80 %.
عارفة انكم متعلقين بيها من البداية.. عارفة انكم متلهفين علي النهاية.عارفة انكم متاثرين وداخلين جوا الاحداث.ده جمييل وبيسعدني وبيثبت نجاحي. لكن لما يتحول للوم واتهام بيزعلي.
اخيرااا مهمة حب خلصت بجد وودعتكم.بحلوها ومرها. ويارب يكون رئيكم فيها زي ماهو حتي بعد بعض النهايات المؤلمة. هي دي الدنيا. ورجاء من كل اللي بيتابعوا في صمت من اول الرواية. ياريت تقديرااا ليا سمعوني رئيكم. حتي لو كان في اخر حلقة انا راضية.
هتوحشوني بجد
#ريحانة الجنه🌹
انتظروني في الخاتمة
🌺🌺🌺🌺🌺
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
) الفصل الرابع والاربعون والخامس والاربعون والسادس والاربعون الأخير بقلم ري…){kind=link}
تعليقات
إرسال تعليق