مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية مهمة حب  ((سلسلة عشق الرجال الجزء الثاني من رحم للإيجار)) الخاتمه الأولى والثانية والثالثة بقلم ريحانة الجنة 

رواية مهمة حب  ((سلسلة عشق الرجال الجزء الثاني من رحم للإيجار)) الخاتمه الأولى والثانية والثالثة بقلم ريحانة الجنة 

#عندما

#يعشق الرعد ج/2

#مهمة حب

البارت (((الخااااااااتمة )))الجزء الاول

🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤

(((سلسلة عشق الرجال الجزء الثاني من رحم للإيجار)))

(((مهمة حب)))

(((الخااااااااتمة )))الجزء الاول 

🌹بقلم ريحانة الجنه🌹

اخيراااااا. مهمة حب خلصت وانتهت. وكل حكاية فيها وعلاقة وصلت لنهاية حياتها السابقة وبداية حياتها الجديدة. نهاية وبداية لكل قلب فيهم. قبل اي شئ لازم اوضح ايه هي مهمة حب . 

اول شئ متبادر لأذهانكم. هي مهمة شهاب وتمارا . واللي حبوا فيها بعض. ده جزء من المعني الكبير . لكن مش هو القصد ولا الهدف . لان ببساطة المهمة انتهت لكن الرواية كملت . 

**مهمة حب ** 

هي مهمة كل كابلز معانا كل اتنين كانت حياتهم فيها مهمة حب ولازم يقوموا بمهمتهم لإنقاذ حبهم. والمهمات معظمها كانت مناصفة بين الطرفين . 

فادي&حلا

كان حياتهم وصلت لمرحلة حرجة وبقي مافيش قصادهم غير** مهمة حب**. 

الجزء الاول من المهمة كان من نصيب حلا. 

حلا زوجة وام . حبيبة حبت وعشقت انسان من صغرها كان هو كل حياتها. ما جربتش ترتبط بحد غيره ولا هو كان ممكن يسمحلها بكدة. هو كان الرجالة كلها بالنسبة ليها . حبته زي ماهو بعناده وشدته وكبريائه بغيرته وعصبيته وجنونه. مرت سنين وهي بتحس بيه بيبعد عنها جو حياتهم بقي بارد ومظلم مافهوش روح ولا حياة. تعبت من بعده عنها وعن ولاده. من عدم اهتمامه بيهم. كل مناسباتهم بيقضوها لوحدهم لانه دايما في شغله. هي زي اي ست بقت ضعيفة ووحيدة. محتاجة اهتمام كلمة حلوة . مش لازم يتفرغ طول الوقت ليها لا مش ده المقصود. هي ابسط طموحاتها انه يبتسم ليها بس. يقولها قد ايه يومه وحش وكئيب من غيرها. يحسسها بأهميتها في حياته حاجات بسيطة بس عند اي ست هي الدنيا كلها. لكن لاسف فادي كان زيه زي اغلب الرجالة في حياتنا . شايف انه مش مقصر في شئ وانها تحمد ربنا اصلا انها اتجوزت راجل زيه. وكفاية نكد وترضي وخلاص. ومتأكد انها ملكه وليه ومش ممكن تفكر تبعد عنه. 

طيب هي فين! 

تسمع كلمة حلوة من مين! 

تخبي نفسها وقت ضعفها وخوفها في حضن مين! 

تفرح هي واولادها مع مين! 

لاسف اللي بيحصل ده بيخلي ستات كتير ضعيفة وهشة ومش قادرة تقاوم خطأها. جتي إيمنها ودينها كمان بيضعف. وللاسف ممكن تلجأ لحد تاني يحتويها ويديها اللي محرومة منه . وتبقي خاينة وممكن توصل عياذا بالله لكبيرة من الكبائر. هي كانت لازم تقاوم وجود احمد في حياتها وانه مستعد يعوضها حرمانها . 

. بس هي محتاجة ده من شخص واحد . حبيبها وزوجها وبس. هي عايزة فادي مش بديل. 

بس عايزة اقول . حلا قاومت الخطا والوقوع في الذنب لكن غيرها ممكن ما تقاومش ولا تنقذ نفسها . علشان كدة انا بقول لكل واحدة في حالة ممكن تكون كمان اصعب من حلا قاومي ضعفك. وحاربي وشيطانك. اياكي تستسلمي لاي سارق عايز يسرق منه اللي يقدر عليه منك. ويسيبك للذنب والتأنيب يسيبك وحيدة تاني بس المرة دي هتبقي مذنبة وعاصية لربك وخاينة لحرماته وكمان لزوجك واهلك. 

بيتك وزوجك واولادك يستحقوا انك تحاولي وتحاربي وترجعي زوجك لحضنك ولاوادك. اياكي تقولي مافيش فايدة. ولو فعلا مافيش فايدة يبقي الفراق بالمعروف افضل علي الاقل وقتها ممكن تخوضي تجربة جديدة تنجح بس تكون حلال مش حرام. وقتها تكوني عملتي اللي عليكي من غير خطأ ولا معصية. وربي يعني ويعفكم جميعا من كل سوء. 

حلا تعبت من حياتها معاه و كان الحل انها تبدأ تتجرأ وتهدد وتبعد تتغير وتبان شخصية مختلفة. لازم فادي يفوق .ويشوف فيها اللي مش شايفه. لازم يرجعلها ولاولاده.. وبعد الازمة اللي حصلت بينهم.ونجحت حلا في مهمتها. 

و اخيراااااا. فادي فاق. وبقي الجزء التاني من المهنة من نصيب فادي.

لازم يعوضها حبه اللي اتحرمت منه. حنانه اللي افتقدته. نظرة حنية منه. لمسة آمان. حضن دافئ يسعدها وينسيها سنيين حرمان . ونجح في ده عوضها وطمنها . هو لسة محتفظ بطباعه وجنونه وغيرته اللي ورثها بقوة من ابوه . لكن بقي بالنسبة لحلا جنون جميل وغيره بتشبع غريزتها كأنثي ان زوجها وحبيبها بيخاف عليها من نظرة اعجاب واحدة من اي غريب. وحياتهم بقت افضل. اولادهم نفسيتهم اتحسنت. فادي كان لازم يعوض اولاده كمان مش بس حلا. وماسة ربنا رزقه بيها في وقت فارق . اتولدت من رحم الازمة. ازمة لو كانت طولت او ما اتحلتش. كان خسر اكبر ثفقة في عمره كله وفي حياته كلها بيته ومراته واولاده. علشان كدة حبها بقوة واتعلق بيها وبقي صعب عليه يفارقها . لقي معاها وعاش وياها. اللي اتحرم منه مع اخواتها او الاصح اللي حرم نفسه منه. 

خلصت مهمة حبهم وابتدت حياة جديدة بأحداث جديدى بدنيا جديدة. والمستقبل ياما لسة شايل ليهم كتيير. 

************************

تمارا &شهاب. 

اتقابلوا بقدر . وكل واحد مش في نيته الحب ولا العشق.جمعهم صدام وعناد. بس كأن رصاصة الحب صابت قلوبهم وهما من صدمة اللحظة ماحسوش بوجعها ولا حددوا مكانها. وبدأت حكايتهم. وبدأت شرارة الحب تنور قلبين كل قلب ليه حكاية. تمارا قلبها فاضي محبش ولا دخله قلبه انسان. وهو قلبه مجروح حزين بيتألم علي فراق حبيبة مش موجودة في عالمنا اصلا. 

الجزء الاول من المهمة كان من نصيب تمارا. 

ياتري هتقدر تخليه يحبها وينسي ملك. معقول ممكن يحب شخصية زيها شرسة مش شايفة في نفسها انوثة اصلا ومن كتر ماهي مقتنعة بده . اقنعت اللي حاوليها بيه. بلبسها وكلامها وطباعها كل شئ فيها كانه متمرد علي طبيعته كانثي وبيتقمص شخصية الراجل. كانت مهمتها صعبة في البداية. بس نجحت وحبته وهو كمان حبها .. مرت بيهم تفاصيل جميلة مواقف قوت حبهم بشدة. عرفت كل واحد قيمة التاني عنده ايه . 

تمارا غلطت واتسرعت وراهنت رهان سخيف تافه ماكنش المفروض تقع في فخه . بس حصل وغلطت تاني لما خبت عليه ودارت . وكان قصادها بدل الفرصة 1000 فرصة تقوله وتبقي هي سيدة الموقف. ماتحتش نفسها تحت سكينة الظروف. ولا تحت رحمة مايا. 

حصلت الازمة والامور بينهم اتطورت وبقت في قمة الآلم والوجع. وفي النهاية ظهرت الحقيقة.. 

الحقيقة اللي كلكم كنتم مستعجلين شهاب يعرفها وخصوصا قبل الفرح. وده كان خطأ بالنسبة ليا. انا كنت متعمدة في حكايتهم وكمان حكاية فتون وحمزة وهيجي وقتهم. بس كنت متعمدة ان الحقيقة يحسها 

قلبهم. مش مجرد حقايق بالورقة والقلم. اثبات برائة تثبته الادلة . لا لا انا الاهم عندي والافضل والاجمل المشاعر الاحساس اللي صعب يكدب. 

شهاب وتمارا كانوا لازم يحسوا ان فيه خلل. في فجوة بين اللي بيقوله اللسان واللي بتقوله المشاعر والعيون. عنيهم تفضحهم. مشاعرهم تغلبهم . وده اللي حصل بالظبط. اللي حصل بينهم من يوم زواجهم حطهم الاتنين قصاد مرآة الحقيقة . مرآة الحب. كل واحد شاف التاني من غير كذب ولا زيف ولا تمثيل. كل واحد كان مع التاني بقلبه وحقيقته . كل واحد رمي ورا ظهره الانتقام والغل والزعل. كل واحد انكشف قصاد التاني بروحه واحساسه ومشاعره. وجوارحا بوجوده معاه ولمسته ونظرته وهمس حب حقيقية. 

بدأ شهاب يتجنن ويستغرب من التناقض اللي بين اعترافها وبين احساسها ولمستها ونظرة عنيها. حضنها الحقيقي اللي بيحتويه بكل حب وحنان. ولما عرف الحقيقة وظهرت برأة تمارا قصاده واظهرلها هو كمان برأته. بدأت ازمة جديدة ومهمة جديدة .. 

وكان النصيب في الجزء ده لشهاب. 

ازاي يرجعها تثق فيه! ازاي يعوضها جرحه ليها ! ازاي ينسيها ظلمه ليها واستسهاله وجعها وجرحها ! 

بس حاول وحاول وصبر علي فراقها. 

كانت الغيرة بتنهش فيه في بعدها عنه كل لما يلمح حد بيبصلها او حتي بيقول في حقها كلمة اعجاب. 

وفي النهاية نجح شهاب وحبهم وزواجهم تم انقاذه. وانتهت ازمة مدمرة وجعتهم وتعبتهم وضيعت عليهم افراح وامال واوقات جميلة... وبدأت حياة جديدة ومهمة جديدة. ودنيا جديدة. ولسة مكملين حب وشقاوة وشراسة وعناد ومشاكسة ... ولسة حياتهم احلي واجمل خصوصا بعد ولادة *جواد * ابنهم اللي هيكون فرع اصيل من عيلة ورجال الحديدي زي الخيل العربي الاصيلة اللي ليها جذور مش ممكن تتقارن بأي سلسال تاني ابداااا. 

************************

رعد &همس. و *مهمة حب *

مهمة في البداية كانت مهمة حب اباء. وده نوع من انواع الحب والمهام اللي معانا في مهمة حب. مش كل حب حب عشاق واحباء وبس. لا كمان في حب اب وحب ام . رعد وهمس كانوا عندهم مهمة اولادهم شايلين همهم وهم مشاكلهم. بيحاولوا يساعدوهم. برغم ان كل واحد فيهم كبيير كفاية انه يتحمل مسؤلية مشاكله . لكن حبهم وحرصهم لولادهم كان كبيير جدااا. علاقة الاباء والابناء لازم يدخل فيها دور الصحاب كمان . لازم يوم ما اقع اول حد الجأ ليه امي او ابويا. وده حصل مع كل البطال. وبالاخص شهاب وتمارا. شهاب لما ضاقت بيه الدنيا ماقاش غير حضن همس امه الوحيدة اللي بيكشف نفسه وضعفه قصادها وبيرتاح معاها . وتمارا اللي لما انصدمت اكبر صدمة ليه اول حد احتاجت حضنه هو مهاب ابوها . وجريت عليه وفضفضت وارتاحت . بصرف النظر عن موقف مهاب اللي انا وضحته وقتها وهيجي وقته بع

شوية. الشاهد هنا هي المهمة اللي مفروضة علي كل اب وام. ورعد وهمس كانوا ناجحين فيها بقوة. برغم قصة حبهم العنيفة واهتمامهم ببعض بس ده مانسهمش اولادهم ابداا. وبعد كدة رعد وهمس بقي عندهم مهمة حب صعبة وجديدة ومختلفة . مرحلة جديدة ومؤلمة بتمر بيها علاقتهم . صدمة صادمة ليهم بجد. وهي مرض همس. وليه الغرض منه وليه اختارته ليها ؟! 

الغرض انا وضحته وقت الحلقة الخاصة بالجزء ده. علشان اقول ان الحب والاهتمام ابدااا عمره ماكان مرتبط بالشباب والجمال وقت ما كل ده يروح ويحل محله الضعف والمرض .. وقت الجمال مايدبل . يزيد الحب مش يقل يكبر الاهتمام مش ينعدم. يحل مع الحب الرحمة والمودة .. رعد اتألم اضعاف همس وقت مرضها .. كانت مهمته انه يسندها يكون هو الامل ليها ... وفعلا قام بده باقصي ماعنده. وبكل حب ورضي وقناعة. من غير زهق وتأفف وضيق. 

الشاهد انك حبك الحقيقي لحبيبك بيظهر وقت الشدة وقت الاحتياج. وياريت كلنا يكون عندنا اصرار وتصميم رعد علي وقوفوا جنب همس وكمان يقين همس في رعد وحبه اللي مستحيل يتغير بمرور الزمن. 

خلصت مهامهم دي بس حياتهم لسة مستمرة والاكيد ان لسة فيها مهام وواجبات كتيير. 

************************

حمزة &فتون و *مهمة حب*

كانت من اصعب المهام واشدها وجع معانا .. في البداية كانت مهمة حمزة انه يعدي بفتون بر الآمان ويعوضها ايام الظلم والغدر والآلم. اتحمل اللي ماحدش يتحمله ولا يطيقه بشر. وكل ده علشان خوفه عليها وعلي صدمتها ... وفعلا من غير ما فتون تكتشف الحقيقة حنت لحمزة حست بحبه بحنانه بخوفه عليها . وده كان المقصود زي ماقولت. ان قلبها يحس بيه لان حبه صادق وحقيقي مش مزيف مجرد كلمة من 4 حروف بحبك وبس. لا ده اثبتها ليها بأدق واشد انواع الاثبات. اثبات المشاعر والاحساس اللي مش بيكدب. وقتها كانت صعب تقاوم غفرانها ليه علي غلطته الكذابة المزعومة واللي وصم نفسه بيها شهامة منه. لانها ببساطة كانت في حالة ضياع مابين غلطته ومابين حبه وعشقه اللي محاوطها بيهم بكل جنون . 

سامحت فتون ورجعوا لبعضى من تاني وجاء دور الصدمة الجديدة وهي معرفة فتون الحقيقة .. 

والسؤال اللي طرح نفسه قبل ما انتم تطرحوه . هو ليه لما انا هعرفها الحقيقة عذبتهم كل ده وماعرفتهاش في وقتها وخلاص وفضل حمزة في عنيها نضيف وراجل؟! 

الاجابة ليها اكتر من سبب. 

اولا ده كان درس لفتون كبيير ولكل اللي زيها اللي الدنيا هرساهم وطحناهم .. لانهم دايما في خطر وتحت رحمة القدر . بس كمان لازم لما نحس بالخطر نبعد وزي ماحمزة قلها وقت الحدثة دي. احنا ما نرميش نفسنا في النار ونقول ليها حرقتنا. هي كان لازم اول ما استشعرت الخطر وحمزة كمان حظرها تبعد وتحاول في اي مكان تاني. لكن هي تخيلت انها هتنجوا من محسن وغدره . وانها تقدر تحمي نفسها. 

وده قمة الجنون لاننا في وسط ناس لاسف منهم اللي ابشع من الحيونات واشرس منها كمان. بستني لحظة ضعف ووحدة الفريسة وتقضي عليها . كانت لازم تعرف انها كان اول رد فعل منها هو الهروب من المكان ده. 

كمان فتون وقت الحادثة ماكنتش هتتحمل الصدمة ولا كانت هتقبل تتجوز حمزة وهتقاوم وتبعد ووقتها ماكتتش هتبقي معاه وفي حضنه زي لما اتجوزها وبعدها عرفت... 

كمان في النهاية كانت لازم تعرف الحقيقة علشان تقدر قيمة الراجل اللي معاها واللي برجولة 10 رجال . عاشق مجنون جنانه خلاه يحب ويعشق. 

للدرجة دي . علشان لو في يوم قسي عليها ولازعلها .. تفتكر انها لازم تغفر وتتحمل اي شئ منه ... لان اثبات حبه ليها كان ثمنه غالي وغالي اوي كمان. 

بعد معرفة الحقيقة بدأت مهمة فتون علشان تحاول بشتي الطرق تعتذر لحمزة وتقرب منه اكتر وتحسسه بحبها وعرفانها باللي عمله علشانها لكن بردوا مهمة حمزة ماخلصتش زي غيره لا كملت معاها للاخر علشان تعدي الازمة دي . وبدأ يشغلها بحملها وبنتهم وموهبتها ونجاحها الباهر اللي شاركها فيه وكان ليها الدعم والعون والحب كمان. 

خلصت مهمتهم الصعبة العنيفة الجارحة. علي خير وحبهم عدي الخطر وبقي في آمان ... بس حياتهم مكملة ولسة ياما حبهم هيمر بمهام وصعاب. بس خلاص الحب بقي قوي ومستحيل تهزه ريح مهما كانت قوية وعنيفة. 

************************

مؤمن& وشيري *ومهمة حب * مختلفة. 

الجزء الاول من المهمة كان لشيري ياتري هتقدر تغير مؤمن للاحسن وتعوضه حرمانه من امه وكمان زوجة ابوه .. ضياعه و ظلمه كطفل .. واستهتاره كمراهق وشاب. وغلطه وذنبه كراجل بالغ وواعي.... 

كانت مهمة صعبة ومش مضمونة. بس شيري بحنانها وبرائتها ونقاء قلبها نحجت فيها ومؤمن حبها واتغير وبقي وفي ومخلص. 

وبقت مهمته هو يحبها بجنون ويشكرها علي ثقتها فيه لانها تقريبا الوحيدة اللي وثقت فيه وفي قلبه الجميل اللي مختفي وراء قناع الاستخفاف والاستهتار اللي كل الناس شايفاه فيه. 

عايز يعوضها ويعوض نفسه حرمانه من الحب الصادق النضيف الحلال. ونجحوا سوا في انهم يكونوا مع بعض.. 

بس مؤمن كان عنده مهمة حب تانية بس المرة دي مع امه ... 

الاول كانت مهمة ابتسام امه. لما فاقت متأخر وفقت الامان والحماية والاسرة والدفي .. ضاعت وانزلت واتهانت. رجعته ببكاء وندم.. كانت مهمتها صعبه علشان تقدر تخليه يسامحها ويرجعلها ابن ... 

بس لان توبتها صحيحة وصادقة ومن قلبها . ربنا تقبلها منها وحنن قلب مؤمن عليها .. ونجحت في مهمتها .. وكان الجزء التاني من المهمة من نصيب مؤمن . يقرب منها ويكون سندها وابنها وحيدها اللي مالهاش غيره يحتويها في كبرها وضعفها وعجزها ومرضها.. يسامحها ويعيش معاها كل معاني الامومة اللي اتحرم منها.... وفعلا نجح وعاشت معاه هو ومراته وبنته ... 

خلصت مرحلة صعبة ومهاب كبيرة بس حياتهم مكملة ومهماتهم مستمرة. بس بثقة وتفائل اكبر. 

************************

مهاب &وچودي و*قصة حب*

جميلة وخفيفة. 

مهاب كان طول الوقت في اختبار انه يكمل مع چودي وهل ده كان حب ولا اعتياد وتعود بحكم تربيتهم سوا من صغرهم. وكمان لبعض التجاوزات اللي كانت بتحصل بينهم . واللي وضحت انها غلط ومش لازم تحصل وان اي قرب بينهم لازم يكون بعد جوازهم في الحلال...

وكان مهاب وقتها لو ماكنش بيحبها بجد وبعد ما عاش معاها تفاصيل كتيير. كان ممكن يزهق ويبعد ويشوف حد تاني يكمل معاه. لكن هو كان راجل بجد. غلط اه بس اعترف بغلطه وفوق وكمل في علاقتهم واتجوزها وكمل معاها حياة اجمل واحلي من غير حرمان تاني من بعض. 

وچودي كانت طول الوقت مش شايفة غيره هو وبس مش حاسة ولا شايفة راجل او شريك غيره .. هو صديق طفولة وحبيب مراهقة وعاشق شبابها ... وفي النهاية بقي زوجها وحياتهم لسة مكملة بحب وتماسك ونجاح

************************

أنس&حياة

مايا&شريف. 

نثائيات القدر جمعهم زي غيرهم بس بشكل مختلف. 

أنس* كان حكمه في علاقته بمايا غلط. هي مش الحبيبة اللي استناها تدخل حياته . كان مجرد باب انفتح يخرجه من حياة الوحدة لحياة الحب .. 

لما بعد عن مايا انصدم وحزن واتهز وكان علي وشك فقدان الثقة في نفسه. بس ربنا بعتله حياة ووضعها في طريقه علشان تكون هي اللي استناها ومنتظرها... قلبه دق لما قابلها وحس بالحب بيقرب .. وعلشان كدة ماترددتش وقرب وعاش تفاصيل جميلة ورقيقة وحقيقية معاها كانت سبب في اعترافهم لبعض بحبهم. 

حياة* كانت بنت بسيطة رقيقة . كل اللي بتتمناه راجل بجد يحبها ومايستغلش ضعفها ووحدتها هي وامها واختها.. ويكون زي حمزة اللي عمرها ماحسدت اختها عليه ولاحقدت عليها علشان حبها وبيعاملها زي الاميرات. 

لا كانت سعيدة علشان اختها وفرحانة من قلبها ان ربنا عوضها الحرمان والظلم اللي عاشته. ومن قلبها بتتمنالها السعادة والتوفيق مع حمزة. 

ولانها كانت صادقة وبريئة ربنا بعتلها في اللحظة اللي اتمنت فيها حبيب وزوج زي حمزة.. بعتلها أنس.. وكان فعلا عوض ليها وحبيب مافيش احن منه. واتجوزها وكانت حكاية جميلة وحب اجمل. وحياتهم لسة هتكون هما يادوب في البداية. 

*****

مايا*انسانة كانت جميلة قلبها ماليان حب ووفاء. بس لاسف للشخص الغلط .. الاغلبية منكم شافها شريرة الرواية ولا انتقم منها وماكفهمش اللي حصلها ومستكترين عليها تجربة جديدة وفرصة تانية.. 

لييه وهي في الاصل مش كدة مش شريرة هي غلطت وغلطت كتيير وحرمت قلبين من بعض. بس كانت تحت تأثير جنون الحب. 

هو فيه جنون حب للدرجة دي؟

ايوة فيه ... فيه انسانة حبت من صغرها شافت في شهاب فتي احلامها وزوج المستقبل .. بس مش كل حب بيكون حقيقي ولا كل شخص بنتمناه بيكون لينا ومن نصيبنا . 

بعد ازمتها ومرضها .. ربنا بعتلها شريف .. انسان جميل هادئ. حبها بجد وكان بيحاول يعوضها اللي حصلها . الوحيد اللي شاف كل اللي عملته ده حب بجد وانها خسارة تحب الحب ده بالشكل ده لشخص غلط مش ليها . اتمناها لنفسه ومع الوقت حبها وقرب منها وكان سبب في شفائها

وهي لقت معاها الحب والاحساس اللي اتمنته وحلمت بيه. لقت الحب الحقيقي اللي بيبادلها الشعور الجميل . النظرة الملهوفة . اللمسة الرقيقة ..

وقتها فهمت ان اللي فات كان فعلا جنون مش عقل مش حب .. يمكن تعود واعتياد . بس مش حب. 

لقت الحب مع شريف . وحياتهم بتبدأ وفي طريقها للجنون ... جنون الحب بس الحقيقي اللي في مكانه مع الشخص المناسب. 

************************

عدي&هنا

مهمة اباء حاملين هم اولادهم. وبيتمنوا ليهم السعادة.. 

هنا ماكنتش وحشة ولا شريرة. 

هنا كانت ام مصرية طبيعية بتتمني تشوف بناتها في سعادة زي زوجات اولادها. بتتمني تشوف ازواج بناتها بيهتموا بيهم زي اولادها ما بيهتموا بزوجاتهم.... شعور امومي 

فطري مافيش خلاف عليه. 

عدي* كان اب متعاطف مع بنته لرحلة مرضها المؤلمة واللي اتكررت بأشكال مختلفة. اولها عمليتها الصعبة واللي نجت منها بإعجوبة.. وثانيها حالتها اللي اتدهورت بسبب حبها لشهاب. 

عدي لما خبي وداري عن شهاب وعن اي حد الحقيقة .. كان زي اي اب محتار وخايف علي بنته. بس لما لقي الوضع بيتأزم وممكن يظلم شهاب وتمارا اكتر واكتر .. ضميره كإنسان غلبه وخلاه يعترف لشهاب بالحقيقة.. 

وكمان علاقة هنا مع عدي ...

عدي زي مروان واللي لسة هنتكلم عنه بعدين.. حب اتنين وانتم دايما بتسألوا هو القلب يحب اتنين ازاي؟. 

ايوة بس ده من طرف الراجل .. ممكن يحب اتنين. 

وهو فيه فرق بين الراجل والست في الحب؟. 

ايوة فيه فرق .. الحب شعور فطري غريزي جوانا بيتخلق معانا .. ومرتبط بفطرتنا وتكوينا للبشري .... 

الست ربنا خلقها لرجل واحد ومستحيل تقدر تجمع في قلبها ولا حياتها بين اكتر من راجل.... 

لكن الراجل بفطرته وتكوينه .. ربنا خلقه يقدر يحب اتنين في قلبه ويحتاجلهم في حياته. ويقدر علي فكرة يعدل لو هو اتسان سوي وعادل ... بس بالتأكيد في واحدة ليها نصيب 51%.. بتزيد عن التانية بشئ فيها بميزها بتمزيها عن غيرها... 

طيب ليه مهاب و رعد وفادي وشهاب. مكتفين بواحدة . وحبهم قوي ؟! 

مش كل الناس طبيعة واحدة ولا احتياجات واحدة.. في راجل بيكتفي بواحدة وراجل ممكن يحتاج لغيرها ... وبردوا مايكونش خاين ولا غدار.. 

ايه ده هو انتي عايزة الرجالة تعدد وتتجوز .. انتي ست زينا ؟! 

انا ست بس انسانة وبحاول اكون منصفة.. لان مش كل راجل بيقدم علي تجربة جديدة بيكون خاين ومخادع لا . في رجالة صادقة وواضحة.. وفي رجالة مخادعة والخيانة بتجري في دمها. دول ماليش دعوة بيهم... انا بتكلم عن الراجل. المنصف العادل. اللي يقدر يحتوي الاتنين ويكون ليهم حبيب وزوج واب... 

طيب هو عدي حب مين اكتر هنا&حلا ... 

عدي حب حلا من قلبه واكتر من هنا. بس كمان حب هنا وطول السنين دي لو هو مش عادل ومنصف كانت هنا حاست انه مش بيحبها لكن هي صدقت حبه ووثقت فيه لانه حقيقي ... وحبه لحلا وذكراها نوع من انواع الحنين والوفاء اللي لاسف مفتقد في زماننا ده. 

حياتهم وحياة اولادهم لسة مكملة ولسة فيها احداث ولسة مهمتهم كاب وام مكملة معاهم 

***********************

مهاب&نغم. 

زيهم زي غيرهم من الاباء. في مهمتهم تجاه اولادهم... 

بس مهاب هنا كانت مهمته فيها شئ من الانانية والجنون. بس انانية جميلة ومش مأذية.. 

مهاب كانت بتحركه مهمته كأب بيعاتب نفسه ويلومها ويعنفها كل يوم .. كل لما يشوف ولاده قصاده بيكبروا يوم عن يوم. ويفتكر انه في يوم من الايام بسبب ضعف ايمانه بقدر الله وقضاءه.. كان هيقتلهم ويتحرم منهم ومن امهم نغم .... 

طول الوقت بيحتويهم ويحاول يعوضهم غلطته .. ولما انس احتاجه كان جنبه وساعده وسنده... ولما تمارا حصلها الازمة دي. .. ماكنش تصرفه مع شهاب غباء منه . لكن شعور ابوي يمكن قاسي شوية بس هو عارف ان شخصية زي شهاب بقوته وعزته بنفسه. لازم يتعلم غلطته بعنف وقوة.. وقد كان.. وعز. بنته وخلااها غالية عند زوجها اكتر واكتر... 

كمان هو كان مرتبط بتمارا اكتر وبيحبها بشكل جنوني ... بس نجح وقدر يشوف ولاده كل واحد في حياته مر بأزمته بسلام وبدا حياة سعيدة وجميلة .. 

ولسة حياتهم بتكمل وياما هتقابلهم مشاكل وصعوبات. بس الاكيد انه طول ماهو عايش هيفضل معاهم يحتوي ويساعد ويحارب علشان سعادة اولاده. 

************************

أكمل& وتسنيم

كانت مهمتهم من اصعب المهام.. حبهم زمان وحياتهم دلوقتي في محن كبيرة وابتلائات قوية... 

كانت مهمة اكمل مع حمزة يسانده ويقويه كأب وانسان بجد.. مش مجرد ذكر يعنفه وممكن يجبره يطلق فتون بعد اللي اكتشفه.بس لانه راجل وربي راجل زي حمزة مش مجرد ولد اتولد ذكر وخلاص.. كان قوي وقوي ابنه كمان. يقف جنب حبيبته وزوجته ويحارب علشان يجيب حقها وينتقم ليها.. 

بس مهمته مع چنا كانت الاصعب والامر ... كان يقدر يمنعها انها تتجوز مروان.. بس زي ماقاله رعد ماكناش هتيأس وممكن تهرب وتتجوزه بدون علمه. ويبقي موقفه اصعب.. بصرف النظر عن ابن مروان كان هيوافق لانه مستحيل يوافق يتجوز چنا من دون علم أكمل.

بس أكمل وافق غصب عنه وجوزها مروان.. لانه كان عايز يسعدها ويشوفها مبسوطة... بس لاسف خسرها للابد.. 

بس كان عزائه الوحيد انها كانت سعيدة في اخر ايامها . عاشت الحب اللي اتمنته وحلمت بيه. حققت حلمها اللي اكتشف بعدها انها كانت محرومة منه . ومش ممكن تعيشه.... هدي ولان لما سمع كلامها في الڤيديو .. والحب والعشق اللي كان ظاهر عليها لمروان... وتضحيتها انها تحاول تسعد نفسها وتسعد مروان علي قد ماقدرت.... 

بدأ أكمل يتمني انها تكون عاشت الحب والحنان اللي حلمت بيه... قبل ما تموت وتبعد عن الدنيا. قلبه علي قد ما اتألم واتعذب بموتها. بس فرح ليها علشان ماخرجتش من الدنيا وحيدة وحزينة من غير ما تتهني وتحب وتعيش الحب زي غيرها. 

لومه وعتابه عليها انها خبت عنه... اتحملت تعبها لوحدها من غير ماتشركه فيه.... 

بس في النهاية رضي بقضاء ربنا واحتفظ بحزنه ووجه لنفسه ... وقرر يعوض حرمانه منها في احفاده. سواء چنا الصغيرة بنت حمزة او أكمل الصغير ابنها هي وحتة منها ... 

بس نزولا لرغبتها وطلبها وافق ان أكمل الصغير يعيش مع مروان وريما ويبقي يقضي معاه وقت يتفقوا عليه سوا. 

ولسة حياته هو وتسنيم بتسيرها الاقدار وتتحكم فيها.. ولسة مكملين مع حمزة واحفادهم وياعلم لسة بكرة والمستقبل مخبي ايه! 

************************

وصلنا هنا لاصعب مهمة واكبر مهمة تعبتني ووجعتني انا شخصيا.. 

چنا&مروان&ريما

وهما . 

مثلث الوجع . 

مثلت الآلم . 

مثلث المعناه. 

مثلث الحرمان . 

مثلث الحب .

واللي الاغلبية او اللي يكاد يكون الجميع. كانت متأثرة بيهم. وفيهم اللي رفضهم تماما قلبا وقالبا. 

وفيهم اللي تقبل مروان&چنا . وشافوا انهم كان لازم يكملوا وان ده حقهم . وانهم مش اشخاص سيئة ولا بشعة. 

ومنهم اللي تعاطف بكل ماعنده من انسانية . مع ريما&مروان. 

وشايفين انهم كان لازم يكملوا من غير چنا وتدخلها لحياته . 

*والاغلبية الاكبر بقي شافت ان مروان خاين وكداب وغدار.وانه خدع ريما علشان يقنعها بجوازه من چنا. وانه كان لازم يقولها انه حب چنا ويسيبها تختار. تمام . 

*اولا مروان لو هنتكلم عنه. لما هو غدار وخاين وراجل معلش كدة عربيد وبتاع ستات. ليييه طول عمره محترم وجاد في حياته! 

لييه عمره ما شاف ولا بص لست غير ريما! 

لييه عمره مافكر انه يتجوز عليها طول 20 سنة علشان يخلف ! 

وده حقه علي فكرة بس ده ماحصلش. 

ده لانه مش في طبعه الخداع ولا الخيانة .. وكان مكتفي بريما في حياته وكانت معوضاه بحبها وحنانها عن وحدته قبلها وعن حرمانه من الاطفال . رضي وآمن ان ده نصيبة وقدره. حب ريما من قلبه بجد. حب عشرتها وحب حياته معاها . كون انه بعد سنين لما حب چنا اكتشف انه حبه لريما ماكنش حب كامل وناقصه شئ بس اللي غالب عليه الالفة والمودة والعشرة. ده ما يقللش منه ولا ينقص من حبه ليها واهميتها في حياته. 

لييه وجعتكم اوي كلمة حب عشرة لما قالها مروان.. هو حب العشرة والايام وحش.. لعلمكم.. حب العشرة والمودة ده. ممكن يكون اصدق وافضل من حب كامل من القلب بس من اشخاص اغبية مش مقدرين قيمة النعمة اللي هما فيها وفي لحظة الحب ممكن يضيع وينتهي. 

يعني كل شئ ممكن ينتهي حب عشرة او حب كامل. اللي بين مروان وريما كبيير.. ايام وذكريات واحلام.. سنين مرت والاتنين متمسكين ببعض... 

بس ده في الاخر قدر وحكمة من ربنا في كدة. 

*ريما .. ريما ست زي اي ست مننا . حلمها تخلف وتكون اسرة مع زوجها وطفل منه. ما اذنبتش ذنب كبير. لكن يمكن غلطها الوحيد انها زي ماوضحت في الحلقة الاخيرة .. حصرت كل اللي بينها وبين مروان وكل نعم ربنا عليها في طفل .. طفل وبس. يجي ازاي ومن مين مش مهم. المهم هي تكون ام . 

دي فطرة وغريزة ما تتلامش عليها .. حقها يكون عندها طفل . 

وزي ما وضحت قبل كدة . الانسان اوقات بيتغاضي عن حاجات كتيير . في سبيل تحقيق حلمه. وده بيبقي نتيجه ضعفه ويأسه في الحالة اللي وصل ليها.. 

وده اللي حصل مع ريما . وخلاها تدور علي اي حل يحققلها حلمها. 

تمام كدة انا تقريبا وضحت شخصية كل واحد في المثلث ده. 

دلوقتي عايزة اقول ايه الهدف من وجودهم وحكايتهم... الهدف هو الغيب اللي ماحدش يعرفه . هو العوض من ربنا سبحانه لينا في وقت احتياجنا. هو الحاجة الحلوة اللي بتبقي مستخبية ورا حقيقة الظاهر فيها الوجع والغلط . بس باطنها حكمة من ربنا وفضل علينا. 

الثلاثة دول كان بينهم عامل مشترك مجمعهم. كل واحد كان عنده شئ ناقص في حياته . حلم نفسه يحققه . امل عايش عليه وتقريبا كان شبه مستحيل . 

مروان نفسه يكون اب من ريما من سنيين طويل. بس ربنا ما اردتش. وفي نفس الوقت ماكنش قادر يوافق علي التبني. ببساطة الناس اللي شافت مروان اناني لموقفه من التبني وتأجير الرحم. وفيها ايه لما يتبني طفل او يوافق علي العملية وخلاص. 

هو كمان بعد حرمان السنين يوم يا يكون فيه طفل في حياته يبقي مش ابنه مش من صلبه ليه شايفين انه مش من حقه. كون انه يتكفل بطفل تمام شئ مافيهوش كلام. لكن يتبني طفل ويكتبه علي اسمه وهو مش ابنه. طب مايخلف طفل هو بقي ماهو اصلا ما عندوش مشكلة .. اللي كان منعه هو جرح ريما واللي كان عامل حسابه حصل .. ريما لما عرفت وحست بوجود چنا كزوجة بدات تغير بفطرتها كأنثي. 

يعني هو كان همه شعورها ووجعها... بس لما بدأت تحاصره بخناق وزعل وخصام وعتاب ولوم كمان انه هو السبب في حرمانها من تحقيق حلمها لانها خلاص مافيش قصادها غير الحلين دول اما التبني او تأجير رحم... 

ومروان زيه زي اي راجل مهما تماسك وحاول يفضل مش شايف غير مراته وحبيبته. لما بيوصل للحالة اللي وصلها مع ريما. بيضعف بيتمني يلاقي حد يسمعه حد يفهمه حضن يخفف عنه. وكل ده كان في ريما وكانت بتقوم بيه. بس نسيته نسيت دورها الاساسي وهو انها زوجة في الاصل. احنا يا جماعة بنتجوز الاول قبل مانخلف يعني في الاصل ارتباطنا بغرض اننا نتجمع مع بعض زوج وزوجة. ثم بقي يجي دور الذرية طيب لو مافيش نصيب ننسي الاهم ننسي ان احنا ازواج. ريما نسيت مروان اهملته وهو للحظ قابل چنا .. شاف فيها كل شي بيتمناه اي راجل ... جميلة هادية . مستمعة جيدة جداااا ليه ... اي راجل في الكون بيحس انه فعلا مهم لما يلاقي حبيبته ومراته بتسمعه بتهتم بيه... كمان لقي چنا بتقرب منه. راضية بأي وضع في حياته .... المهم تكون جنبه ... حاول مع ريما لاخر مرة انها تختاره هو وبس زي مالقي چنا مختاراه هو وبس. بس لاسف ريما وقتها ماكنتش بتبص الا تحت رجلها مابصتش لقدام ولا للمستقبل وصممت علي قرارها . فكمل طريقه مع چنا . . مع احتفاظه بكل حبه لريما في قلبه وخلاص انا وضحت من شوية ان الراجل قلبه ممكن يحب اتنين بس الاكيد بنسب متفاوته يعني اكيد واحدة بتزيد عن واحدة . والسؤال اللي حيركم جميعااا هو حب مين بجد واكتر من التانية. 

مروان حب ريما وحب چنا . بس اللي فازت بالنصيب الاكبر كانت چنا . 

ريما كمان كانت عندها شئ محرومه منه ونفسها توصله وانها تبقي ام بس ربنا كتب عليها انها مش هتخلف. هو كدة يعني ربنا غضبان عليها او هي اقل من غيرها . لا لا انا عايزة اقول لكل واحدة فيكم ربنا ماكتبلهاش الانجاب. انتي مش اقل من اي حد ولا ربنا بيعاقبك مثلا لا .. الذرية دي في اولها واخرها هبة نفحة من الله تعالي ... ربنا لما ذكر الذرية ماقلش يعطي او يرزق لا .. ربنا اختار كلمة يهب والقرأن مافيهوش مجاز يعني مافيش لفظ مبالغ فيه. هبة يعني مش مشرط الاستحقاق يعني كرم زايد وفاؤض من الله تعالي ... انتي ممكن تشوفي ربنا يعافينا چميعا عاهرة وربنا وهب ليها بدل الطفل 3 و4 وانتي ملتزمة وعفيفة وبتدعي دايما وتتصدقي ومع ذالك مافيش اطفال . هل دي عند ربنا افضل منك بالتاكيد لا لكن فيه حكمة ربنا اردها ليكي وليها هي ايه ربك وحده يعلمها بس تاكدي ان ربنا بيسمع دعائك وبكائك وليكي نصيب في خير ربنا يعلمه وليه وقته هيبعتهولك اكيد . كمان لعل ربنا سبحانه عايزك في مكانة اوجر عملك وعبادتك مش هتوصلك ليهم فأخد منك شئ غالي وعزيز علشان تصبري وتحتسبي وربك يرفعك بيهم لمكانة افضل واحسن. 

يعني في كل الاحوال ريما شافت ان حرمانها ده نهاية الدنيا وان خلاص مافيش حل ولا عوض ليها عن وحدتها . 

چنا .. واااااه من چنا . چنا اللي لسة في ناس قلوبها مش عايزة اقول حجر وقاسية شايفة چنا مخادعة ومسهوكة وخطافة رجالة وكمان تضحيتها غبية وانتحرت ! هو انا قولت چنا انتحرت...!! ؟ مش عارفة جات منين بس اكيد هرد دلوقتي .. 

چنا بنت قدرها كان في مرضها اتفاجات بيه .. طيب ليه خبت علي اهلها وليه اتصرفت لوحدها؟! 

چنا عارفة ان أكمل وتسنيم مالهمش غيرها هي وحمزة اخوها . فهي كبنت صغيرة وبتفكر بعاطفة احساسها كان صعب تعرفهم وتتحمل نظرات الوجع والحزن في عنيهم طول الوقت . 

اي واحدة فيكم كدة تفتكر وقت لما كانت بتبقي تعبانة او داخلة عملية او هتولد. فاكرة اهلك كانت حالتهم ايه! فاكرة الخوف والرعب في عيونهم كان شكله ايه! 

مابالكم بقي بشخصيتين زي اكمل وتسنيم وچنا ادري الناس بيهم وعارفة حياتهم هتكون عاملة ازي. 

طيب وهو مافكرتش في حالتهم لما تموت؟! 

لا لانها ببساطة مش هتكون موجودة وتشوف كل ده . هي فضلت لاخر لحظة تسيبهم من غير ما يعرفوا . 

چنا لما عرفت حالتها انطوت اكتر بعدت عن اي تجمعات بتخاف تصاحب علشان ماتثقش في اي صاحبة وصديقة تعرفها حالتها ومرضها . 

كمان بتخاف تقرب من اي شاب او تحب وتنكسر لما يعرف انها مش هتقدر تكون زوجة وام طبيعية..... 

فضلت عايشة وساكتة وارضية ووحيدة .. بتحلم زي اي بنت فيكم تحب وتتحب تتجوز وتخلف بس عارفة ان ده صعب... 

لحد ماقابلت مروان وحبته حاولت تبعد عنه بس فشلت حبته اكتر واتعلقت بيه اكتر . وبقي صعب تخرجه من حياتها وتتجاهل قلبها وحبها. وخصوصا لما عرفت حياته ومشكلته مع ريما ... فكرت انها في تعمل العملية علشان تقدر تخلفله طفل وتحتفظ بجزء في حياته وتعيش معاه . بس العملية كان خلاص 

اوانها فات.. وطبعا هي عمرها مكتوب ومافيش حد يقدر يحدده. بس كلام الطب قال انه مش كتيير حالة القلب تدهورت وبقي صعب تكمل حياتها لفترة طويلة.. 

چنا حسبتها من وجه نظرها هي . لقت نفسها كدة كدة هتموت ... بس يا تري تموت محرومة من كل شئ!! تعيش وحيدة وتموت وحيدة !! ... 

چنا فضلت تتجوز مروان واعيش اللي حلمت بيه مع الراجل الوحيد اللي حبته واتمنته زوج وحبيب. هتقولولي ليه هو ؟ومالقتش غير راجل في عمر ابوها؟

هقولكم هو ده اللي حبته واتمنه مش بمزاجها. كمان ربنا وضعهم في طريق بعض لحكمة عنده .. وقولها دلوقتي. 

چنا اتجوزت مروان فعلا علشان تعيش اللي اتحرمت منه. وتسرق من العمر والزمن لحظات وايام وشهور هي اقصي امانيها لانها ماتأملش في سنين . ده شئ فوق طموحتها واحلامها ... عاشت ايام وشهور بس شهور قليلة حاست فيهم انها انسانة قلبها كان بيدق بقوة مش من الوجع لا من الفرحة والسعادة اللي دخلت حياتها ومروان كان سببها. 

الخلاصة والشاهد هنا ايه ! الخلاصة ان ربنا وضع الثلاثة في طريق واحد علشان يعوضهم كل واحد شئ من اللي اللي اتقدر عليه. 

مروان ربنا قدرله انه يكون اب. وكمان من زوجة ليه مش اي واحدة مايعرفهاش. طفل من صلبه هو مش غريب عنه. 

چنا عاشت اللي اتحرمت منه سنين واستمتعت بأجمل احاسيس مع اللي قلبها دقله. وماخرجتش من الدنيا وحيدة ومحرومة. 

ريما اتعلمت من كل اللي حصل عرفة فضل ربنا عليها قد ايه . فهمت انها ترضي بنصيبها . خصوصا لما دخل حياتها الطفل آسر ربنا بعتها ليه علشان تساعده ويساعدها هي كمان تعترف بفضل ربنا عليها وان صاحبتها كانت زيها بس هل هي تتمني كانت تبقي مكانها تخلف بس تتحرم منه وما ترهوش. كمان ربنا عوضها بطفل من زوجها مروان تربيه وتكون ليه ام . خصوصا ان امه دفعت حياتها تمن ولادته. 

الثلاثة كانوا مثلث حرمان وعوض. اتحرموا في الظاهر واتوجعوا. بس كل واحد ربنا كان شايله حاجة حلوة يفرحه بيها. 

ناس قالت انتي موتي چنا علشان ريما تكون ام. 

ببساطة يا جماعة انا كان ممكن اختار الحل الاسهل وچنا تعيش ويكملوا الثلاثة بس ده ما اسهله واتهرس حقيقة في رويات كتيير. وماكنش هيظهر وجهة نظري وفكرتي وللي عايزة اوصله. 

💕💕💕💕💕💕

#عندما

#يعشق الرعد ج/2

#مهمة حب

البارت (((تكملة الخااااااااتمة))) الجزء الثاني

🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤((سلسلة عشق الرجال الجزء الثاني من رحم للإيجار)))

(((مهمة حب)))

(((تكملة الخااااااااتمة))) الجزء الثاني 

🌹بقلم ريحانة الجنه🌹

بعد مرور شهرين علي كل الاحداث سواء السعيدة او الحزينة. 

في ڤيلا أكمل التهامي. 

في اوضة چنا تسنيم كانت قاعدة كالعادة من وقت موت چنا وخروج تسنيم من المستشفي . وهي مقيمة في اوضة چنا وسط حاجاتها وذكرياتها اللي جمعتهم مع بعض... تسنيم كانت في حالة صدمة وضياع. مش عارفة هي ليه دايما الحزن مصاحبها والقدر بيسرق فرحتها ويخطف احلي حاجة في حياتها ... من صغرها بتتألم وتتعذب . بس موت چنا ما كنش مجرد حزن ده انكسار ليها ولأكمل... أكمل! اكنل اللي لامها وعاتبها واتهامها انها كانت السبب في موتها ! اكمل اللي بعد كل الاهتمام والحنان اللي حاوطة بيه چنا بيقولها انها مش امها! طيب مين امها لو مش تسنيم! مين اللي ربت وحبت وسهرت واتوجعت واتألمت علشانها! ؟اتهام اكمل ماقلش جرح وكسرة ليها عن موت چنا.... 

تسنيم كانت بتبكي. وهي بتبص لصورة چنا وحاضنه فستان چنا اللي كانت لابساه وهي صغيرة في فرح تسنيم وأكمل. مش مستوعبة انها خلاص مابقتش موجودة ولا هتشوفها ولا تسمع صوتها ولا تبص في عنيها 

كدة ... كدة يا قلبي يا كل حاجة حلوة فيا... 

كدة!.. كدة هتمشي وتسيبني وحدي في الحياة والدنيا ديا ! ... 

تسنيم بكت بحرقة .. چنا مش بس بنتها كانت صاحبتها بتحكي وتفضفض معاها كانت حتة منها وجزء من حياتها . معقول خلاص هتبقي مجرد ذكري ! مجرد صورة علي الحيطة ! مجرد اسم وبس! 

يعني ايه! يعني خلاص انا مش هشوفك تاني .. مش هلمسك .. مش هحكي ليك عن حاجة تعباااني..... 

تسنيم باست صورتها... وبدموع.. : كدة تعملي فيا كدة... بتتأسفيلي انك هتوجعيني بموتك!.. .. وجع! ... هو اللي انا فيه مجرد وجع! ؟ انتي اخدتي قلبي معاكي . اخدتي عمري وسنيني... اخدتي اول احساس بالامومة... اخدتي اول لهفة واحساس. اول دمعة عين نزلت عليكي لما كنتي بتتعبي.... 

انتي كنتي بنتي واختي وصاحبتي.. كنتي دنيتي... انا ماليش حد ولا اهل ولا اصحاب بجد.. اكتفيت بيكي انتي ...... ااااااه يا قلبي.... قلبي بيوجعني يا چنا.... بيوجعني اوي .... علشان بفتكر تعبك ووجعك واللي تخيلته كان مجرد ارهاق او دلع بنات.... معقول فعلا انا محستش بيكي لاني محبتكيش حقيقي وانك مش بنتي زي ما أكمل قال! ؟

تفتكري الام هي اللي حملت وولدت بس! 

طيب وسهر اليالي كان ايه! 

دموعي ولهفتي عليكي لما بس تقولي ااااه كان ايه! 

حضني اللي ضمك وعوضك وحماكي كان ايه! 

طيب انا ليه مافهمتش وجعك ومرضك! 

ليه انتي خبيتي عليا! ليه .. ليه بس... 

تفتكري أكمل ابنك هيعوضني عنك ! هيملي فراغك اللي سبتيه! هقدر انسي شكلك وانتي بتدفني في التراب يا چنا انا لحظتها الدنيا لفت بيا ماقدرتش اكمل ولا اشوفهم بيحطوكي تحت التراب ماقدرتش....... وحشتييني يا قلبي ... وحشتيني يا بنتي ... ايه بنتي ... غصب عنك بنتي... غصب عن أكمل بنتي... غصب عن الدنيا كلها بنتي...... بنتي وماخلفتش بنات غيرك ... ربنا يرحمك ويغفرلك ويسامحك .. .... 

كنت روحي لما كان جوايا روح.. 

عمري ما اتخيلت انك يوم تروح... 

مش فاضلي مني غير حبة جروووح. 

مع السلامة يا حبيبي وفي آمان. 

عمري ماهقول يوم عليك ماضي وكان. 

عمري ماهنسي مهما طااااال بيا الزماااان. 

أكمل كان واقف علي باب الاوضة وسامع كل حاجة سامع وجعها ودموعها وحزنها .. بقاله شهرين بيحاول يخفف عنها وعن نفسه بس هي رافضة وقافلة علي نفسها ومش مبطلة حزن ولا دموع... دخلها بدموعه سبقاه. وقعد جنبها وهي حاضنه فستان چنا اخدها في حضنه. 

أكمل بدموع: تسنيم ارجوكي كفاية انا محتاج اللي يسندني ويهون عليا.. انتي كدة بتحمليني فوق طاقتي .. انا تعبااان .. وماحدش حاسس بيا ... 

تسنيم خرجت من حضنه بدموع وصريخ ... : وانا مين يحس بيا ! مين يفهم اللي جوايا! دي كانت بنتي ايوة بنتي .. غضب عنك بنتي ... فاهم غصب عنك بنتي وانا اللي ربتها انا . 

أكمل غمض عنيه بقوة وتأنيب .. هو عارف انه جرحها وقتها بكلامه بس هو كان غصب عنه لا يلام عليه. ده اب سمع خبر موت بنته مش عارف ولا فاهم هو بيقول ايه. ولا كان يقصد الكلام اللي قاله..

مسح دموعها وبهدوء. :طبعا بنتك . وانتي امها .... اسف . حقيقي اسف اني قولتلك كلمة وجعتك .. بس انا معذور انا كنت بمووت يا تسنيم بموووت... 

تسنيم بتبكي : فاكر الفستان ده؟.. ده فستانها اللي لبسته يوم فرحنا.... وابتسمت بوجع. كانت وقتها مصممة تلبس فستاني وانا عملتلها فستان مقاسها زيه تمام... وقتها كنت بتبصلي وتقولي احنا كدة بقينا واحد شبه بعض ولابسين فستان واحد....... هي قالت اننا واحد .... هي كانت حاسة وعارفة انها بنتي وانا امها.....الام بتخلف وتحب ابنها بفطرتها مش بمزاجها ولا ارادتها.... 

لكن چنا حبها كان زرعة اتغرست في قلبي لحظة ما شيلتها بإيديا وضمتها لحضني... والزرعة دي كبرت وكبرت كل يوم لحد مابقت بستان حب وحنان... چنا حبها في قلبي مش مجرد بنت وبس لا دي كانت كل كلمة حلوة كل لحظة جميلة.. وحشتني اوي يا أكمل اوي.... 

أكمل بدموع حضنها وضمها بقوة: ووحشتني انا كمان ... وحشتني.... بس هقول ايه.... ده عمرها ونصيبها ونصيبنا معاها كمان.. 

تسنيم بدموع: أكمل تفتكر ربنا بيعاقبنا علي غلطتنا زمان واخد مننا چنا. 

أكمل عقد حاجبه بنفي وخرجها من حضنه : لا لا اياكي تقولي كدة... احنا غلطتنا ايوة واذنبنا بس توبنا وان شاء الله ربنا يكون سامحنا... ثم حبيبتي ربنا اسمه العدل ولايمكن ياخد چنا بذنبنا... ولا تذر واذرة وذر اخري... ماحدش بيشيل ذنب حد ويتحاسب مكانه.... 

تسنيم بحزن: طيب ليييه كل ده. ليه بيحصلنا كدة! ليييه بس؟

أكمل اتنهد بحزن : احنا من سنين والقدر بيحدد مصيرنا.. ربنا كتب علينا كل ده لسبب وحكمة... هي ايه ربك يعلمها. بس في النهاية حياتنا عبارة عن اقدار... ورا اقدار ... كلها مفروضة علينا ولازم نعيشها ونرضي بيها... 

تسنيم مسحت دموعها: بس انا اتفاجأت برجوعك عن قرارك وسبت أكمل الصغير لمروان وريما. ليه عملت كدة! احنا احق بيه منهم. ده ابننا احنا علي الاقل. يبقي وسطينا وعنينا عليه. ويفكرنا طول الوقت بامه .. مش كفاية خسرناها هي هنخسره هو كمان! 

أكمل اتنهد وابتسم بحنين لروحه اللي اتسحبت منه: عملت كدة علشانها. لما سمعت كلامها في الڤيديو .. قلبي ماطوعنيش اضيع كل اللي هي عملته برضاها وعلشان حبها . چنا حبت مروان بجنون والكام شهر اللي عاشتهم معاه كانوا هما اقصي طموحاتها فرحت بيهم واعتبرت انهم حقها وحقه هو الطفل ده . چنا كانت بتوصي ريما علي ابنها ماوصتنيش انا ولا اناي . وده مش حب ليهم زيادة عننا لا. بس هي عايزة ابنها يقضل قصاد مروان طول الوقت يفكره بيها.. يبقي ازاي انا اخده واخليه مع الوقت ينساها ... لا ابنه وابنها هيفضل معاه . كل لما يشوفه هيفتكرها . لما يبص في عيونه يفتكر عنيها.. لما يسمع عياطه يفتكر انها السبب في وجوده .... بس ده ما يمنعش اني فهمت مروان انه كل اسبوع هيبقي معانا يومين .ماتقلقيش هيبقي بينا وبينهم. 

تسنيم ابتسمت بحزن: بس تعرف أكمل الصغير شبهك اوي . 

أكمل غمض عنيه بآلم: اااااااه يا سمسمة. لو كان بإيده كنت اختارها هي احب ليا من 1000 حفيد كلهم شبهي وحته مني .. من غيرها ما لوش لزوم كل ده. هي كانت الفرحة اللي بجد. ربنا يرحمها ويحسن اليها . بدعيلها من قلبي وانا راضي عنها والله راضي ولا عمري زعلت منها. 

تسنيم باين عليها التعب والارهاق وقلة النوم. 

أكمل بشفقة علي حالها ضمها لحضنه ونام ونيمها جنبها وغطاها معاه: حبيبتي انتي مابتناميش خالص الفترة دي. ايه رئيك ننام سوا هنا في اوضتها وسريرها . وسط ريحتها وصورها... 

تسنيم اتنهدت وحضنته بإحتياج لحضنه اللي يا ما هون عليها احزان كتيير : انا مش هرجع اوضتي تاني. انا هنقل كل حاجاتي هنا . 

أكمل بص لصورة چنا اللي قصاده وابتسم : وانا كمان هننقل حاجاتنا كلها مع بعض وتبقي دي اوضتنا من هنا ورايح... خالي ذكرياتها تونسنا. نامي يا حبيبتي نامي وارتاحي... 

************************

في أوضة فتون وحمزة... 

حمزة شايل چنا الصغيرة واللي بتشبه امه واخته جداااا و بيتنهد بحزن علي فراق اخته الوحيدة... 

فتون قربت منه وقعدت جنبه وباسته من خده: حبيبي ربك كريم .. بعتلنا چنا الصغيرة تعوضنا عن چنا الكبيرة. ادعياها يا حمزة ادعيلها ربنا يرحمها .. هي محتاجة الدعاء اكتر من الحزن. 

حمزة بدموع : چنا ماكتش مجرد اخت يا فتون... چنا كانت امي التانية ... چنا كانت نسمة تقرب منك ما تحسيش بيها بس تحسي بنسيمها وعطرها . چنا لما ماتت اخدت من كل واحد فينا جزءمنه معاها. والجزء ده مش ممكن هيرجع. زي ماهي مش ممكن هترجع تاني. 

فتون اخدت منه چنا ونيمتها في سريرها واخدته في حضنها وهي بتطبطب عليه بحنان: اللي راح مش بيرجع يا حبيبي . بس ربنا جعلنا النسيان دواء وفرج... هو لو النسان مش نعمة من ربنا كان حد مننا عاش يوم واحد بعد ما يبجيله حزن يهده. انا لو ماكناش انتي جنبي وربنا انعم عليا بالنسان كنت عديت ازمتي. لا كان زماني موت من الحزن والقهرة. 

حبيبي كل شئ في الدنيا دي بيتولد صغير ويكبر. الا الحزن الوحيد اللي بيتولد كبييير زي غول كبيير وحش مرعب. وبعد مرور الوقت بيصغر ويقل ويضعف. ويبقي مجرد ذكري في حياتنا. 

حمزة نام في حضنها بضعف: فتون انا وقت ضعفك واحتياجك ليا كنت جنبك ومستعد اموت علشانك . ارجوكي انا دلوقتي اللي محتاجلك. هاليكي جنبي قويني .. انا تعباان . مدبوح علي اختي اللي ضاعت مني وعلي امي اوبويا اللي الحزن والقهر بياكل فيهم ... انا تعبانة اوي اوي. 

فتون ضمته بحنان وقوة: حبيبي انا جنبك ومش هسيبك ابداااا. زي ماكنت سندي وظهري وآماني هكون ليك الحضن اللي يهون عليك وينسيك حزنك ووجعك...ده وقتي انا ارمي حمولك عليا انا هشيل عنك واخفف عليك الحزن.. 

حمزة دفن راسه في حضنها : بحبك .. بحبك اوي... اوي. 

فتون ابتسمت وباسته من خصلات شعره برقة: وانا يا روحي .. بحبك اوي اوي.. وهفضل احبك لحد اخر نفس جوايا . معاك وجنبك. ومش هسيبك. وزي ما انت قولت انت عملت معايا كل حاجة حلوة. انا كمان هعمل معاك علي اللي هقدر عليه. المهم تعدي الفترة علي خير. وترجع ابتسامتك تنور ملامحك من تاني. 

************************

في شقة چودي ومهاب . مهاب راجع من برا بسرعة قلقان علي چودي ونغم الصغيرة . بسبب عياط چودي في الفون صريخ نغم . ساب شغلة رجع بسرعة. دخل الاوضة لقي چودي شايلة نغم. هما الاتنين بيعيطوا. 

مهاب بخوف: ايه في ايه مالكم ! انتي بتعيطي ليه. نغم مالها؟

چودي بتعيط حقيقي : مش عارفة انا بجد تعبت دي من امبارح مش مبطلة عياط وصريخ. عملتلها كل حاجة ومافيش فايدة . بجد انا مش عارفة اعملها ايه.. مش ممكن كل الاطفال كدة . انا مانمتش بقالي يومين. 

مهاب ابتسم علي ضعفها وطفولتها في دموعها هو فاهم ومقدر انها اول تجربة ليها للأمومة. وخصوصا مع حد برقة ونعومة چودي. قرب منها واخد نغم منها بهدوء. 

مهاب شال نغم وهي لسة بتعيط وبحنان: طيب حبيبتي ممكن تهدي تبطلي عياط . هي عمرها ما هتسكت وهي شايفاكي بتعيطي كدة. 

چودي بتهدي وتمسح دموعها : وهي هتفهم اني بعيط! 

مهاب بيحاول يسكت نغم : ايوة حبيبتي. الطفل بيتأثر بصوتك وملامح وشك. حاولي دايما تكوني هادية. قوليلي هي اخدت حمام طيب يمكن زهقانة. 

چودي بتعب: دي اخدت حمام وحفاضتها نضيفة واكلت ولعبتها وبردا مافيش فايدة. 

مهاب لقي نغم متعصبة جدااا ومتضايقة: چودي انتي ادتيها دواء المغص ولا لا شكلها بطنها وجعاها. 

چودي خبطت راسها بعنف: اوفففف. نسيته خالص. وراحت جابته من علي الكمود. 

مهاب ابتسم: طيب حبيبتي هاتيه. انا هديهولها. قوليلي هو كام نقطة. 

چودي: نقطتيتين. طيب هات انا اديهولها . 

مهاب غمزها وابتسم: لا ياقلبي ريحي انتي شوية انا هعرف اتعامل. 

مهاب فعلا نقط لنغم النقط وبدأ يلف بيها في الاوضة ويهدهدها بحنان وهي بعد شوية وقت. فعلا بدأت تهدي وتغمض عنيها. 

چودي ابتسمت وهي شايفة مهاب وهدوئه معاها ومع بنتهم وقد ايه هو حنين . مهاب بهدوء نيم نغم في سريرها وغطاها وراح لچودي واخدها وقعدها في حضنه. 

مهاب مبتسم وبيظبطلها خصلات شعرها الملخبطة وشكلها الملخبط من 

تعبها مع نغم. 

مهاب: حبيبتي شكلها تعبااان خالص.. 

چودي: اوي اوي هموووت وانام. انا حقيقي اسفة اني عطلتك عن شغلك وجبتك علشان حاجة تافهة بس والله . ااان. 

مهاب سكتها وضمها وباسها بهدوء وهو بيهمس:شششش.. قلبي دي مش حاجة تافهة انتي وهي اغلي ماعندي وتعبكم مش سهل ولا تافه ابدااا. 

چودي اتنهدت وابتسمت: بس انت عندك شغل. بس والله كنت ناسية الدواء .. انا بجد متلخبطة. الامومة دي صعبة اوي. مامي دي علي كدة بطلة ربتنا 3 وتوأم . كانت بتعمل ايه بس! 

مهاب اخد راسها ونيمها علي صدره وهو بيلعب في شعرها: حبيبتي ماحدش بيتولد يعرف يعمل كل حاجة.. زي ما امي وخالته نغم اتعلموا يربونا انتي كمان هتتعملي كل حاجة مع الوقت. حياتي دي اول طفلة . لسة هتجربي معاها كل حاجة. بس انا جنبك هنتعلم سوا كل شئ. وعمري ماهسيبك لوحدك. 

چودي غمضت عنيها بآمان وراحة. وحضنته بقوة:انا بحبك اوي يا هوبا اوي. 

مهاب ضمها وابتسم: وهوبا بيموووت فيكي يا قلبي.. طمنيني يا روحي انتي اكلتي حاجة من الصبح! 

چودي بعدم اهتمام:تؤترتؤ. مش جعانة. انا عايزة اناااااااااام. انام وبس. 

مهاب صعبت عليه: بس كدة ماينفعش لازم حبيبتي تاكلي كويس انتي كدة هتضعفي ونغم كمان. اورجوكي خدي بالك من صحتك. انا هقوم احضرلك أكل بسرعة. 

چودي متمسكة بحضنه ومغمضة: تؤتؤ. وحياتي ماعايزة اكل... انا بجد عايزة انام تعباانة اوي يا هوبا. ابقي آكل بعدين. 

مهاب اتنهد بقلة حيلة هي فعلا في الحالة دي محتاجة النوم اكتر. قام بيها وهي في حضنه وشالها ونيمها في السرير فضلت في حضنه. 

چودي: خاليك جنبي شوية عايزة انام في حضنك. بنتك مسهراني معاها طول الليل وبعداني عنك. وانا مش واخدة علي كدة. 

مهاب خباها في حضنه اكتر وغطاها وابتسم علي حبيبته اللي مش هتكبر بقت ام ولسة في حضنه طفلة بريئة : نامي حبيبتي نامي وارتاحي خالص . ولما تصحي هبقي اكلك .ومالكيش دعوة بنغم. لو صحيت انا هقعد معاها . المهم انتي ارتاحي علشان تقدري تكملي. 

چودي من التعب كانت بتنام وتقريبا ما سمعتش كلامه كله. هو لقاها راحت في النوم ونفسها انتظم. باسها من شعرها بحنان. وبص علي سرير نغم بنته. 

مهاب بعتاب: كدة! كدة يا ست نغم تمرمطي بسكوتي معاكي. دي حمل اللي بتعمليه فيها ده! دي كانت ممكن تعيط لو ضفرها انكسر . عايزها تتحمل بلاويكي وعياطك وصريخك لا وكمان البيبي اللي قرفانا بيه. بس وحياة ابوكي الغالي اللي هو انا هربيكي ووريني بقي هتعملي معايا ايه انا اللي هقفلك. 

نغم كانت بتتقلب وافتكر انها هتصحي كتم صوته خالص وسكت. وبص لقاها كملت نوم. ضحك وهو بيحاول يكتم ضحكته: ااااه يا بنت الكلب هتربينا كلنا. بقي وحش زي يقعد خايف بس يهمس لنملة زيك تصحي. لا وكمان واخد موزتي في حضني بمنتهي الادب وساكت. وده بسبب سيادتك. مطلعة عنيها.ومخليتها بتنهار. وتنام متبنجة كدة. لا المصيبة الكبيرة اني شايفها قصادي ومتكتف ولا عارف ادلع نفسي. ماهي يا قلب امها هتلاحق علي مين فينا انا ولا انتي. 

بس هقول ايه انتي محلية حياتنا حتي بغلاستك وتعبك. وابتسم اكتر وضم چودي اكتر وغمض عنيه. 

بس كل ده مش مهم . المهم انها جنبي وفي حضني وانتي قصاد عيوني.... ربنا يديمكم نعمة في حياتي. ده كان حلم بعيد واتحقق خلاص هحتاج ايه تاني. 

************************

في بيت مؤمن &شيري. 

مؤمن راجع من شغله ودخل بهدوء كالعادة من وقت ولادة نجمة. لان البيت بقي فيه حظر تجول بصوت عالي زي زمان. تحسبا ان الهانم تكون نايمة. دخل بهدوء لقي شيري في المطبخ بتجهز الاكل اتسحب وراها وحضنها وشالها. 

شيري بفزع : مؤمن بجد حرااام عليك خضتني والله . 

مؤمن :هههههههه. حقك عليا يا سمارتي. بس بصراحة شكلك مغري اوي ماقدرتش اقاوم. 

شيري لفتله واتعلقت في رقبته وقرصته من ودنه:تاني مرة تخضني كدة هتنام انت مع مامتك وانا مع بنتي فاهم. 

مؤمن بيمثل البرائة: لا لا لا وحياة ابوكي الغالي هبقي مؤدب بس بلاش العقاب ده .وقربها اكتر من حضنه واتنهد. ثم احنا يعني لسة يادوب بنشم نفسنا من بعد الولادة. ده انا كنت متربي واخيراااا الطريق بقي خالي من غير موانع. تيجي انتي عايزة تنفيني لوحدي. اخس عليكي مش بصعب عليكي خالص. 

شيري ابتسمت: اعمل ايه في قلبي الحنين ده. مش بقدر اعاقبك. بس اوعدني ما تخضنيش كدة تاني . 

مؤمن غمزها : اوعدك . كل ما الاقيكي مش واخدة بالك هخضك علشان تتكعبلي والقفك في حضني. 

شيري ضربته في صدره بغيظ: غلس غلس. طب ابقي كررها تاني. 

مؤمن:ههههههه. قوليلي فين باقي العشيرة. هي امي اخدت البت وطفشت ولا ايه! مش سامعلهم صوت. 

شيري بصوت واطي: مامي ابتسام كانت بتحمي نجمة وبتنيمها . ششششش. خاليها تنام وترتاح. 

مؤمن بصوت واطي اخد شيري من ايديها ومشي بهدوء لأوضتهم: حاضر مش هطلع صوت خاليها تاني نوم الظالم راحة للغلابة . 

شيري بتكم ضحكتها :طيب انت واخدني و رايح فين كدة بقي افهم! 

مؤمن غمزها: مش قولتي بلاش صوت عالي .هندخل اوضتنا علشان ماحدش يسمعنا. 

ودخل الاوضة وقفل الباب. 

شيري ربعت ايديها وبتمثل عدم الفهم: اتفضل قول بقي عايز ايه. عندي غداء لازم يجهز. بسرعة . 

مؤمن بيقرب منها بخطوات ماكرة وهو بيفك قميصة : بسرعة ايه بس يا سمارة عيب عليكي كدة.. ينفع لا علي الهادي يا زبادي علشان انا مستوي علي الاخر . 

شيري جريت وهي بتضحك ووقفت فوق السرير:لا لا بقولك ايه مامي ابتسام صاحية ونجمة ممكن تحتاج تاكل والغداء لسة بيجهز علي النار بلاش تهور. 

مؤمن شدها ووقعت في حضنه: احلي حاجة انك جيتي لارض المعركة بسرعة . بتجري مني للسرير. وعاملة مش عايزة . اومال لو عايزة هتروحي فين الحمام... 

شيري:ههههههههه. انت فهمتني غلط والله . سيبني بقي ورايا بلاوي. 

مؤمن باسها من خدها برقة : تؤتؤتؤ. مش هسيبك.. انا من وقت ولادة البت دي وانا بلاقيكي رايقة كدة بصعوبة. 

شيري بتحاول تبعد بس هو فعلا وحشها: ايوة بببس .. اااصل.. 

مؤمن ضمها اكتر بشوق: ولا اصل ولا فصل. نجمة ومع ماما مش هتسيبها والاكل يتحرق انا جعااانك انتي . مش عايز اكل ... اسكتي بقي وبطلي مناهدة ... علشان انا اللي 

فاضلي دقيقة واتحرق مش الاكل. 

شيري حضنته بحنان : وحشتني اوي علي فكرة. 

مؤمن اتجنن اكتر: ااااااااه . ايوة كدة ...دلعيني وسيبك من الهري ده هو ده المفيد.انتي اللي وحشتيييني موووت يا سمارتي . 

بعد وقت كبييير. مؤمن نايم علي رجل شيري وهي بتلمس شعره بحنان وهو مغمض عنيه. 

مؤمن : اااااه يا سمارتي. 

شيري ابتسمت: ايه يا روح سمارتك .. كل دي اااه. دي جاية من الهند. 

مؤمن : ههههههه. انتي بتقولي فيها... شيري انا مش مصدق ان كل ده حصلي... وحياتي تتغير بالشكل ده. بعد ما كنت وحيد مهموم بالماضي وذكرياته وآلمه اللي ماحدش يعرفه غيري ولا حاسس بيه الا انا. ومافيش في حياتي غير الشغل والضياع سواء سهر او العلاقات اياها.... اقوم اقابلك وانا كل اللي كنت بفكر فيه اني اقضي معاكي ليلة ولما لقيت السكة صعبة قولت اهو وقت ويعدي واجرب حاجة جديدة.. لقيتني حبيتك وبقيتي كل حياتي ماقدرتش اعيش من غيرك... سيبت كل حاجة وربنا بعتك ليا تفوقيني واعرف اني عالجت الغلط بغلط. كنت بعاني وموجوع من غلط امي زمان روحت بدل ما ابعد عنه غلطته انا وبقوة وتصميم. هي كانت بتتجوز وتقنع نفسها انه حلال لكن في الحقيقة كان جواز متعة مش حلال . وانا كنت بقضيها في الحرام وانا عارف وفاهم. يوم يا حبيتك قرفت من نفسي حسيتك كتيرة عليا تستاهلي واحد احسن مني بس حبي ليكي ماخلنيش اقدر افرط فيكي.... حسيت بكرم ربنا عليا اوي لما اتجوزتك... وياريت لحد كدة. دي امي تجيني ندمانة وتايبة وضعيفة.. وانا قلبي يحنلها واعيش معاها اللي حرمتني منه زمان.... وابتسم... وربنا يرزقنا بنجمة... تفتكري بعد كل ده وكل النعم دي وكل الكرم ده من ربنا ما قولش ااااااه... وانا مرتاااااح وقلبي بيرقص. 

شيري ابتسمت : حبيبي كل شئ في حياتنا بقدر من ربنا... وانت من جواك طيب ونضيف... مافيش حد ما بيذنبش ومافيش حد مابيغلطتش. بس المهم لما تجلنا الفرصة للتوبة نمسك فيها بقوة علشان مش ضامنين تجلنا تاني ولا لا. وانت ربنا بيحبك. ومش راضي ليك حياة الضياع دي. وعوضك. عوضك كتييير اوي .. بس انا كمان مش مصدقة ان الشاب اللي شوفته وسرق عنيا بنظرة . وخطف قلبي بكلمة وضحكة شقية.. واللي استبعدت انه ممكن يكون ليا ومن نصيبي بسبب انه عمره ما كان جد ولا ليه في الارتباط ولا الجواز . يقوم يحبني انا من وسط كل البنات دي ويتجوزني... انا بحبك اوي يا مؤمن اوي ... 

مؤمن قام من علي رجلها وباس ايديها بقوة: وانا والله ماحبيت غيرك يا سمارتي.. ربنا يخليكي ليا منورة دنيتي وحياتي انتي ونجمتنا الصغيرة. 

شيري باسته من خده: ومامي ابتسام ماتنساش. انها منورة حياتنا كمان ولا ايه. 

مؤمن ابتسم اكتر وباسها من جبينها: مش بقولك نعمة وهدية وكتيرة كمان عليا.. 

شيري ابتسمت بحب: طيب مش ياللا بينا بقي نخرج نشفهم اكيد مامي ابتسام جاعت ونجمة كمان . وانت مش جعان. 

مؤمن باسها من خدها: جعان ايه! وانا لسة مفترس غزالة حالااااااا. بس عندك حق تعالي نشوفهم. 

مؤمن وشيري خرجوا برا لقوا ابتسام قاعدة بتتفرج علي Tv. وبترضع نجمة بالبيبرونة . 

مؤمن قعد جنبها وباسها من خدها: وحشتيني يا ست الكل 

. ايه هي لسة مغلباكي. 

ابتسام بتضحك برضي: دي حبيبة تيتة ولا مغلباني ولا حاجة. دي اخدت حمام ونامت زي الشاطرة . وجزت علي سنانها وتيتة كملت الاكل. اللي مامي سابته وكان هيتحرق. ورجعت تاني ليها لقتها صحيت جبتها بقي وقاعدين نتفرج علي الكرتون. وبتسلي نفسها في رضعة صغننة كدة لحد ما مامي تاخد افراج من بابي الشقي. 

مؤمن وشيري بيضحكوا

شيري: ههههههههه. حقك عليا يا مامي والله . اسفة .. بس ابنك بقي شوفيلك حل معاه . 

مؤمن :ههههههه. ندلة بعتيني بسرعة كدة... دلوقتي بقي ابنها وانتي ايه مجبرة ياقلب امك صح. 

ابتسام :هههههههه. يا حبايبي والله بهزر . براحتكم خالص. وهو انا عندي اغلي منكم ولا من نجمتي العسلة دي. دي هي اللي محلية ايامي لحد ما موت. 

مؤمن بخوف من انه يتحرم منها تاني ماصدق رجعتله: من فضلك يا امي بلاش تقولي كدة تاني. ده انا ماصدقت ترجعيلي. 

ابتسام ابتسمت: يا حبيبي العمر ده بتاع ربنا... المهم اني بعيش معاكم اجمل ايامي والله لو موت دلوقتي هبقي راضية ومبسوطة اوي. 

شيري بزعل قربت منها واخدت نجمة منها بهدوء. وبعتاب: كدة يا مامي ده كلام تقوليه... هو احنا نقدر نعيش من غيرك... والله حضرتك مالية علينا البيت . ونجمة برغم صغر سنها الا انها مجرد ما تسمع صوتك وتشيليها بتبسم . دي بتحبك اوي .. ارجوكي بلاش كلام عن الموت. 

ابتسام اتنهدت براحة . هي عمرها ما تخيلت انها تعيش الحياة دي. وتنعم بقرب ابنها ومراته وبنته. ابنها اللي تخيلت انه عمره ماهيسامحها ويغفرلها . بس ده ربنا سبحانه بيغفر ويسامح. يبقي احنا كبشر مش هنسامح. ربنا انعم عليها وعليه هو كمان بالكتيير اوي. 

ابتسام: ربنا مايحرمني منك يا شيري. والله لو ليا بنت ماهتحبني ولا تخاف عليا زيك. بجد مؤمن محظوظ بيكي اوي. وانا كمان. وبصت لنجمة وابتسمت. وكلنا محظوظين بنجمة حياتنا دي. 

مؤمن بص عليهم وغمض عنيه وهو بيحمد ربنا علي كل اللي حصله ومر بيه. واتمني ربنا مايحرموش من جمعته مع عيلته الصغيرة اللي بقت هي دنيته وحياته. 

************************

في مرسي علم في الاوتيل اللي كان سبب وجمع بينه وبين چنا . ومروان قاعد قصاد البحر في نفس المكان اللي كانوا دايما يقعدوا فيه سوا.. مروان كان مهموم وحزين بيفكر في حاله واللي وصله. هو ازاي فجأة بقي كدة... حاسس ان الحزن والحرمان مصاحبه . مش عايز يسيبه . بقت كل حاجة شبه بعضها حكاية وجعه وحرمانه بتتكرر بس بشكل مختلف. بيحاول يبعد عن الناس علشان ماحدش يشوف انهزامه وانكساره وخصوصا ريما.. مش عايز يجرحها اكتر بحزنه وانعزاله عنها وعن الناس. كفاية عليه تأنيبه لنفسه من اللي اتسبب فيه لچنا وعيلتها 

(داري ياقلبي*حمزة نمرة )

مالك مش باين ليه! قلبك تااايه من مدة كبييرة ! 

خايف تتكلم ليه! 

في عيونك حيرة وحكاوي كتييرة. 

مروان دموعه في عيونه بيحاول يترجاها ترحمه. تعب بكي وحزن . بس هي رفضت رجائه ونزلت. بيفتكر لما حب ريما وعاش معاها ورضي 

بحاله . بس القدر غير كل شئ وقابل چنا وحبها وعاش معاها . وفي نص الطريق سابته . حاسس ان كل خطوة في حياته بيخطيها بيقع مش بيكمل . كل حاجة بيتخيل انها حلوة وهتحلي ايامه فجأة تتغير وتبقي شوك بيشوكه كل لما يخطي خطوة . احساسه بيموت يوم ورا يوم. دايما اللي حاوليه بيعاتبه ويلومه . دايما ماحدش حاسس بيه وباللي جواه. في البداية كان لوم وعتاب ريما ورعد.. وبعد كدة بقي عتاب الكل بسبب علاقته بچنا. دايما في موضع اتهام. 

متغير ياااما عن زمااان . قافل علي قلبك البيبان. حبيت وفارقت كام مكان عايش جواااك. 

احساسك كل يوم يقل وتخطي وخطوتك تزل . 

من كتر ما احبطوك تمل . فين تلقي دواء. 

اقرا ايضارواية ملكة فارس( الجزء الثالث من أصبحت جارية )الفصل السادس والسابع الأخير بقلم أمل حمادة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الخاتمه الأولى والثانية والثالثة بقلم ريحانة الجنة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الفصل الرابع والاربعون والخامس والاربعون والسادس والاربعون الأخير بقلم ريحانة الجنة

اقرا ايضارواية مهمة حب ((سلسلة عشق الرجال الجزء الثاني من رحم للإيجار)) الفصل الأربعون والحادى والاربعون والثانى والاربعون والثالث والاربعون بقلم ريحانة الجنة

بكي اكتر حاسس انه مكتوب عليه الحزن والحرمان ... اتحرم من قرب ريما وهي مراته وعايشة معاه. ببعدها عنه وانشغالها بحلمها.. وكمان لما بعدت عنه وسافرت وحرمته منها....... وچنا .. چنا اللي بعد ماحبها راحت منه اتحرم منها... وبقي خلاص لاقادر يرجع لريما زي زمان خالص ليها لوحدها من غير شريك. ولا قدر يكمل مع چنا وريما. لان خلاص چنا ماتت ومش هترجع. بقي مكتوب عليه كل مايحب حد ويتعلق بيه يودعه ويتحرم منه . 

مروان فجأة لقي نفسه خسر كل اللي حاوليه واللي معاه من سنين .. اهله اصلا هو وحيد من سنين.. ريما ورعد خسرهم . خسر رعد اللي اتحول من مجرد واحد بيشتغل معاه. لأخو مراته وصاحبه وموضع ثقته وكاتم اسراره . خسره وخسر ثقته فيه. حتي ريما خسر جزء كبيير من حبها وقلبها. حتي لو هي لسة مكملة معاه بس الاكيد انها مش زي زمان ... 

خسر أكمل واللي بقي صاحبه من سنيين وعمر بحاله بحكم علاقته برعد. بقي صديق مقرب ليه . خسره بسبب چنا وعلاقته بيها... 

خسر چنا نفسها وماتت بسبب انها حبته وعشقته. لقي نفسه عادا الكل وخسر الكل وفي النهاية بقي وحيد جواااه وجع وجرح يكفي بلاااد. 

كل اللي معاك في الصورة غاب وطنك والاهل والصحاب. كام واحد ودع وساااب من غير اسباب. 

غمض عنيه بقوة وآلم . بيتمني يرجع بيه الزمن لورا سنة واحدة . ماكنتش عارف هو عايز يغير ايه بالظبط. ولا بيحن لمين بالظبط . كان هيكمل مع ريما زي ماهما ومش هيسمح بدخول چنا حياته ! كان هيسبها تشوف حياتها مع واحد غيره! حزين علي اصحاب عمره اللي خسرهم وخسر وقفتهم جنبه في وقت زي ده. وهو محتاجلهم... 

بقي محتار مش عارف هو حزين علي ايه ولا علي مين وبيحن لمين ولا مين. اتنهد بوجع.... هي الدنيا كدة ادوار بتتبدل وناس تدخل حياتنا وناس تخرج منها ناس بتسيب جرح ووجع. يعلم فينا وجوانا. ونااس بتسيب ضحكة وفرحة .. تعلم جوانا وتبان علي ملامحنا. بس الاكيد اننا هنعدي وكل اللي مرينا بيه سواء جرح او ضحكة هتتحول لذكري وتنضم لالبوم ذكرياتنا. 

اتنهد وهو ماسك صورة چنا وبيبصلها بحزن .. ودموعه بتعتزرلها علي اللي اتسبب فيه وحرمان ابنها منها . بس اقتنع ان كل ده قدر. كل اللي مر بيه مكتوب عليه. وعلي كل اللي حاوليه. سواء ريما او چنا. 

كاان مكتوب نمشي الطريق . نفارق كل مادا شئ. 

اتسرق العمر بالبطئ. ورسي علي مافيش. 

ريما كانت واقفة في بلكونة اوضتها شايفة مروان ومتابعة حزنه ووجعه من يوم موت چنا . هي برغم حزنها علي چنا هي كمان وحزنها علي اللي حصلها واللي عرفته بعد موتها. لكن كانت زي اي ست في مكانها جواها غيرة من حالته وحزنه علي غيرها. خصوصا انها من يوم ما رجعتله وهي حاسه في نظراته ليها بتأنيب اكنه بيحملها معاه مسؤلية اللي حصل لچنا. كانت بتتألم ومستغربة ليه ! هي عملت ايه! خصوصا بعد ماعرفت انهم كانوا بيحبوا بعض. يعني بطلبها للجواز من مروان او لا كانوا اصلا هيتجوزوا. يبقي ليه بيعاتبها! ؟

حتي لو مش بكلام صريح بس نظراته وتصرفاته بتقول كدة. 

سألت نفسها هي دلوقتي في المكان الصح! 

يعني الانسب انها رجعتله ومعاه برغم حبه چنا اللي وضح وظهر بشكل اكبر بعد موتها . وحزنه اللي لسة كبيير ما قلش ولا صغر . حتي ابنه وابن چنا رافض يقرب منه مش فرحان بيه. كأن الدنيا وقفت بموت چنا. 

ولا كان الافضل ليها انها كانت تبعد وتخليه مع ذكرياته لچنا ويبربي ابنه بطريقته. او يبعته لاكمل وتسنيم يربوه. وهي ترجع المانيا لآسر هو كمان محتاجلها . 

بكت بحزن عليه. وحب ليه. وجرح منه. وقلبها وعقلها جاوبوها انها صح. اختيارها ده صح . هو حبيب عمرها.. يمكن غلط في حقها.. يمكن بعد عنها... يمكن حب غيرها.. 

لكن عمره ابدااا ماكرها.. هو بيحبها . كمان محتاجلها ... وهي مستحيل تبعد عنه ولا تتخلي عنه في وقت حاجته ليها.... وكانت مسمحاه من قلبها... عمرها ماقدرت تكره برغم كل اللي فااات.... 

(اليسا روحتله)(مش كل اغنية هكتبها لان الخاتمة كبيرة ده لينك الاغنية ياريت تسمعوها. )

ريما اخدت أكمل الصغير ونزلت لمروان وراحت وقعدت جنبه وشافت صورة چنا في ايده ودموعه مغرقاها.. 

مروان حس بيها مسح دموعه وكان بيشيل صورة چنا. 

ريما ابتسمت ومسكت ايده واخدت الصورة. 

ريما : مش محتاج تخبيها.. چنا مش بس في الصورة. چنا هنا كمان يا مروان. 

وشاورت علي قلبه. 

مروان بصلها بإستغراب عايز يفهم . هي زعلانة ولا متقبلة الموقف .

ريما شافت حيرته في عيونه. وفهمتها. ابتسمت ورجعتله الصورة في ايده. 

ريما بهدوء: ليه مستغرب ! انا كنت راضية وقابلة بوجودها في حياتك وهي عايشة ولحم ودم. 

يبقي هرفض وجودها في قلبك وهي ميتة وفي عالم تاني.! 

واتنهدت . عارف انت لو كنت نسيتها بسهولة. ومافرقش معاك موتها. انا كنت خوفت منك .

مروان عقد حاجبه بإستغراب: تخافي مني! ليه؟

ريما اتنهدت: علشان اللي تحبك الحب ده كله. وتتجوزك وتحمل منك وهي عارفة ان ده في ولو نسبة خطر بسيطة مش هلاك زي حالتها . علشان تخلفلك طفل وتسيبلك حتة منها. 

واللي تتحمل لوم وعتاب كل اللي حاوليها واولهم اهلها وتتحمل كمان زعلهم منها . 

واللي ترضي انها تتجوزك من غير فرح زي كل البنات. 

واللي ترضي وتسكت انك تنام عندي ليلة فرحها . 

واللي وصت ان ابنها يتربي في حضني وحضنك. 

اللي تعمل كل ده وانت تنساها بسهولة ويبقي موتها شئ مش مؤثر عندك. تبقي انسان جاحد. قاسي. مش مروان حبيبي وجوزي ابداااا اللي انا عارفاه وعارفة حنيته وقلبه الكبير. 

كنت هخاف منك ان انا كمان مهما عملت معاك ممكن تنساني بسهولة لما اموت. 

مروان غمض عنيه بآلم واتنهد :اااااااه يا ريما. ابوس ايدك بلاش سيرة الموت دي . بكفاية بقي اللي جنيته منه . انتي كمان عايزة تسبيني دي تبقي نهايتي. ياريما. 

ريما طبطبت عليه بحنية: بعد الشر عليك حبيبي. مروان احزن حبيبي . احزن وابكي واتألم لفراق چنا . بس لازم تحاول تتاقلم مع الوضع ده . مش هقولك انسي بسهولة لا انا عارفة انه مستحيل. بس علي الاقل حاول تخرج من وحدتك دي. 

وبصت لأكمل الصغير. طيب حتي اهتم بأكمل شوية. ده آمانة منها سابته ليك وليا علشان نهتم بيه. وانت من يوم اللي حصل وانت حتي مش بتفكر تشيله .. معقول مش نفسك تضمه لحضنك. ده انت كنت بتتمني طفل . يوم ما يبقي بين ايديك وربنا يبعتهولك . تنفر منه كدة. 

مروان بقي مش عارف هي ريما دي . انسانة ولا ملاك. هي جنبه وبتواسيه عن موت واحدة تانية زوجته اللي اتجوزها عليها واللي عارفة انه كمان بيحبها.. لا دي كمان بتستعطفه يهتم بإبنه . غمض عنيه . وهو مش عارف. يحزن علي حاله بعد موت چنا! ولا يحسد نفسه ويحمد ربنا علي وجود ريما في حياته وجنبه . تقويه وتساعده! 

قربها لحضنه وضمها وباسها من جبينها : انتي مستحيل تكوني بشر زينا كدة. انتي بتواسيني عن موت چنا وحاملة هم الراجل اللي اتجوز عليكي وكمان بتحني علي ابني اكتر مني . وبتوصيني عليه. اااااه يا ريما ااااه . انا اناني اوي انسان متعب . عذبتك وعذبت چنا وعذبت ابني كمان. عذبت رعد علشانك . وعذبت أكمل علي چنا ... انا وحش وحش اوي ياريما اوي... وبكي بحزن شديد. 

ريما اخدته في حضنها وبكت: لا حبيبي انت مش اناني ولا وحش. انت انسان عنده مشاعر واحاسيس. انت حبيت . يمكن نتيجة الحب ده كان مؤلم ليك ولغيرك. بس في الاول والاخر. كان قضاء ربنا. ربنا ليه حكمة من كل ده. ربنا بيعلمنا كلنا دروس وحكم من كل اللي حصل. انا وانت واكمل حتي چنا الله يرحمها . قول الحمد لله . كل شئ بيحصل نحمد ربنا عليه ونرضي . انا من بعد اللي حصل مستحيل اعترض علي قضاء ربنا مهما كان في وجع او حزن ليا. وانت كمان احمد ربنا وارضي بقضاءه وفوق لنفسك وابنك. ابنك اللي محتاجك ومحتاج اهتمامك ورعايتك . خالي چنا يوم ما نقابلها لما ربنا ياذن تعرف انك حافظت علي هديتها اللي سابتهالك . 

مروان بكي في حضنها وضمها بقوة: خاليكي جنبي ياريما اوعي تسبيني ارجوكي . انتي اللي بتقويني . انا محتاجك محتاجك اوي. 

ريما ابتسمت لان دي اول مرة من يوم موت چنا تحس انه رجع مروان حبيبها وزوجها من تاني. رجع يحتاجلها . واتمحت من عيونه نظرة اللوم والعتاب . وحلت محلها نظرة العرفان والشكر. نظرة الاحتياج والحنين. 

ريما ضمته اكتر بحب: انت في قلبي يا حبيبي عمري ما سيبك ولا أبعد عنك . هفضل جنبك انا وانت وأكمل هنعيش سوا ونكمل حياتنا. بس أكيد عمرنا ما هننسي چنا. هتفضل معانا بذكرياتها . 

مروان خرج من حضنها وبص لأكمل الصغير بحزن . 

ريما ابتسمت وقربته منه: شيله بقي ده زعلان منك. 

مروان ابتسم وشاله وقربه منه وباسه وضمه بحنان وقرب للبحر بيه : عارف. المكان ده مامتك كانت دايما تقعد فيه. كانت بتحبه اوي. كانت مالهاش اصحاب غيري انا وهو . وابتسم بحنين . امك كانت شبه حوريات البحر في جمالها وسحرها . وانت فيك منها ملامحك تشبها. وبحزن بس يا خسارة انت مش هتشوفها ولا هتفتكرها اصلا . 

ريما قربت منه وابتسمت: مين قال كدة.صور چنا هتكون دايما قصاد أكمل واحنا دايما هنكلمه عنها .. ولازم يعرف ان في ام تعبت اوي وعانت طول فترة حملها علشان تخرجه للدنيا . أكمل لازم يعرف ان ليه ام ولدته اسمها چنا. انا هربيه وربنا يعلم هديله كل الحنان اللي جوايا. بس مستحيل الغي امه 

💕💕💕💕💕💕💕

#عندما

#يعشق الرعد ج/2

#مهمة حب

البارت (((الخااااااتمة )))الجزء الثالث

🩷🩷🩷🩷🩷🩷🩷🩷🩷🖤🖤🖤🖤🖤🖤🖤🖤🖤

(((سلسلة عشق الرجال الجزء الثاني من رحم للإيجار )))

(((مهمة حب))

(((الخااااااتمة )))الجزء الثالث

🌹بقلم ريحانة الجنه🌹

مابحسش بالعمر ولا بالسنين. مش بحسب عمري الحقيقي. صدقني . انت محسسني ان بنت صغيرة مش ام وجدة كمان. 

رعد اتنهد بحبها اللي محتل قلبه وكيانه : وانا صدقيني مش بتعب ولا بتكلف اني اعمل ده. تؤتؤ. انا فعلا بشوف فيكي همس اللي حبتها همس اللي خطفتني من اول مافتحت عنيها وشوفتها. همس بنت العشرين الرقيقة. مافيش حاجة فيكي اتغيرت. 

وضمها بمكر: يمكن اللي زاد عليكي بس انوثة زيادة متجددة. شوية خبرة ومكر. 

همس :ههههههههه. انا خبرة ومكارة كمان. 

رعد : اكبر مكارة في العالم. بتعرفي تحركي كل حته فيه بمنتهي الهدوء. اكنك ماعملتيش حاجة. مش بقولك خبرة. 

همس اتنهدت براحة: تعرف انا طول عمري بحب وطول عمري عارفة انك بتحبني. ومن زمان واحنا اتعرضنا لمحن وازمات. وعدينا منها بفضل ربنا. بس الازمة الاخيرة دي كانت مختلفة . من اول يوم تعبت فيه . وانت مافيش لحظة اهتمامك بيا قل . ولا شوفت في عيونك نظرة زهق ولا ملل. كنت جنبي اكنك عيلة بحالها ماحستش معاك واحنا مسافرين اني وحيدة. كنت جوزي وحبيبي وابويا . كنت كل اهلي.

وبكت. رعد انت كل دنيتي كل اهلي كل حد ممكن اتمناه في حياتي موجود فيك. ماحسيتنيش للحظة اني محتاجة حد معايا غيرك. رعد انت كنت اقوي من المرض. انت خلتني احاربه. انا ربنا بيحبني اوي علشان يخلي راجل زيك موجود في حياتي . 

رعد ضمها لحضنه بقوة : ياااااااه يا همس. ايه كل ده. انا مش حاسس اني كملت كل ده. حياتي انا قولتهالك قبل كدة. انا حبيت بس حبيت. حبيتك انتي وبحبك وهفضل احبك لحد ما اموت. عمري يا همس ما فكرت في كلمة هقولهالك الكلام بيخرج من قلبي علي لساني علي طول. مابفكرش ازاي هلمسك. ايدي بتنجذب ليكي غصب عني . بتحاول تخبي كل حته فيكي جوايا. 

همس انا لو اسطورة فإنتي اللي عملتي الاسطورة دي 

انتي الست اللي حركت وصحت الوحش. وحش الحب اللي كان مدفون جوايا سنين. علشان كدة لما صحي كان عنيف في حبه وشرس في عشقه. وهيفضل شرس لحد ما اموت ويموت معايا. علشان كدة اوعي تتخيلي ان حبي ليكي ممكن يقل لحظة واحدة. يزيد ايوة يقل مستحيل. 

همس قربت منه اكتر وبرغبة في امتلاك الراجل اللي صعب انها تقاوم رجولته وعشقه ده. 

همس: هو انا قولتلك انك وحشني من امبارح اوي اوي. 

رعد ابتسم بخبث: تؤتؤتؤ. ماقولتيش. بس انا دايما مستعد اسمع. قولي . 

همس وشوشته بهمس: بحبك .. بحبك... 

رعد شالها بحماس: انتي كدة قولتي فاضل الشرح والتفاصيل . ودول بقي سبيهم عليا... 

************************

في أوضة حلا وفادي .. حلا دخلت الاوضة بهدوء لقت فادي بيغير لماسة الحفاضة بنفسه وبيلعابها وهي بتضحكله وعنيها معاه بمنتهي البرائة. حلا ابتسمت بسعادة ودخلت وراه وحضنته بقوة . 

حلا: يا خواتتتييي. علي قلبي انا. معقول انت بتعمل كدة بنفسك. 

فادي كان خلاص خلص ولبس ماسة هدومها وشالها وباسها. و ضحك : ههههههههه. شوفتي بقي الزمن عمل فيا ايه. شكلك عملتيلي عمل علي رجل خنفسة. 

حلا:ههههههههههه. ياي خنفسة . لا لا قول عملتلك عمل علي وردة بنفسج. 

فادي لفلها وباسها بنعومة : اموت انا فيك يا بنفسج. 

حلا بفرحة: فادي انا بجد مبسوطة اوي اوي. مش مصدقة انك بقيت كدة. انا اكيد بحلم. 

فادي نيم ماسة في سريرها وشال حلا واخدها وقعدها في حضنها : لا يا روحي اللي احنا عايشين فيه ده هو الحقيقة. لكن السنين اللي فاتت دي هي اللي كانت كابوس. والحمد لله صحينا منه. ولحقتك يا حلا حياتي قبل ما تضيعي مني. 

حلا ضمت ايده بحنان وباستها بحب: وانا ملك ايدك وعمري ما هبعد عنك تاني ولا هزعلك ابدااا. مهما عملت فيا. فادي انت زي ما تكون كنت دافن حنيتك وحبك ده في بركان غويط ودلوقتي البركان ده انفجر. وغرقنا انا والولاد فيه. ماسة كانت وشها حلو علينا اوي بجد. 

فادي : قربها ليه اكتر بشوق: علي فكرة ماسة واكلة كويس ومغيرة كمان. يعني ممكن اغرقك في البركان ده شوية كدة ايه رئيك. 

حلا عضت علي شفايفها بمكر: تؤتؤتؤ. مش عايزة. 

فادي قام وهي في حضنه وبيتنهد بجنون: قولتلك كتيير الحركة دي بتجنني وانتي مصممة تجنيني يبقي ما تستحملي وما اسمعش صوتك. 

حلا غمضت عنيها بإشتياق: بس انت اللي بتجبرني صوتي يعلي ... غصب عني اعمل ايه. انت عايز تغرقني في بركان جنونك ده. وما اصرخش. 

فادي نيمها في حضنه ونفسه ونفسها بقي واحد نفس الحنين والاشتياق : بس دلوقتي هتجربي نوع من الجنون مختلف. هيخليكي تصرخي بجنون. يارب ما حد يسمعك. 

حلا : بحبك يا فادي بحبك اوي.. مابشوفش رجالة غيرك. عنيا مش بتلاقي راجل يستحق النظرة غيرك... انت راجل من نوع مختلف . مختلف جداااااا. 

فادي ضمها اكتر برغبة مجنونة: انا راجل مختلف علشان انتي انثي مختلفة... انثي مدمرة مثيرة لدرجة الجنون ..... بعشقك يا حلا

وعمري ما لمحت حتي مش بس شوفت ست غيرك.... انتي الانثي الوحيدة اللي بتحرك جوايا الراجل ده... فاهمة انتي وبس. 

************************

في ڤيلا عدي &هنا. 

عدي وهنا وامير وكريم ومايا قاعدين مع دكتور شريف . 

عدي بسعادة: والله يا دكتور انت ربنا جعلك سبب في ان مايا حبيبتي رجعتلنا من تاني يمكن كمان احسن من الاول . وبصراحة هي حكتلي عن علاقتكم . وانا يا ابني مش هلاقي لمايا عريس احسن منك. 

شريف مسك ايد مايا بسعادة وابتسم: وانا بتعهد قصادكم كلكم. ان مايا هتكون في قلبي . هحبها واسعدها واعوضها عن كل التعب اللي شافته . مايا قلبها كبير وتستاهل تكون سعيدة. 

مايا ابتسمت: انا متأكدة انك هتخلي حياتي اللي جاية اجمل واسعد. 

هنا بسعادة : حبايبي الف مبروك. ما تتصوروش انا مبسوطة علشانكم ازاي. 

مايا: حبيبتي يا مامي عارفة والله. انا عارفة اني تعبتك معايا سنين وكمان الفترة الاخيرة ضايقتك اكتر. ارجوكي سامحيني . 

هنا ابتسمت بحنية: عمري يا قلبي ما زعلت منك . انا بس كنت زعلانة ومقهورة علشانك. بس الحمد لله ربنا كان شايلك شريف اجمل هدية اهو. 

أمير بمشاكسة: والله يا شريف انت ربنا ابتلاك بمصيبة. يعني احنا هنرتاح وانت هتلبس . ربنا معاك يا ابني . 

شريف ضحك وبص لمايا بحب:ههههههههه. بص هي مصيبة فعلا بس اجمل مصيبة. وياسيدي انا راضي اتدبس. العمر كله مش مهم. 

مايا بغيظ من أمير: تصدق انك بايخ . واحد غيرك يفرحلي ده انت توأمي يا متخلف. 

أمير:ههههههههه. ومين قال بس اني مش فرحانلك والله ده انا قلبي بيرفرفر من الفرحة. اخيراااا هنرتاح من وجودك علي قلبنا. ده اناتي كنتي كاتمة علي نفسنا يابنتي. 

عدي ابتسم: بطل بواخة يا بايخ. والا والله هبعتك لحناك هو اللي بيعرف يظبطك ويكتمك . 

أمير كتم بقه : خلاص الا اونكل رعد . ده زعله وحش. 

كلهم ضحكوا:هههههههههه

كريم: ههههههه . عندك حق يا بابا .اونكل رعد الوحيد اللي عارف اكبر عقاب ليه ايه. بياخد كارما تبات عنده يومين. والاخ يفضل يلف حاولين نفسه. 

عدي: هههههههه. هاه يا بايخ اتصل بحماك. ولا تبطل بواخة علي اختك. 

أمير بحزن مصتنع: واهون عليك يا بابا تكسر قلبي. كله الا كراملتي. ما اقدرش اعيش منغيرها. 

كلهم ضحكوا عليه. بس هنا المرة دي كانت اول مرة تضحك وتكون سعيدة من قلبها من حب ولادها لچوري وكارما. لان دلوقتي الوضع اختلف. دلوقتي شايفة بناتها سعيدة ومرتاحة. حلا في قمة سعادتها الزوجية مع فادي الللي اتغير وبدل ما كان سبب في حزنها الدايم ودموعها. بقي سبب في ضحكتها اللي مش بتفارق وشها وهنا خلاص اتأكدت انه اتغير للاحسن ومش هيرجع زي زمان. ومايا اللي كانت واجعة قلبها خلاص لقت الحب والسعادة مع انسان يحبها بجد من قلبه . 

شريف قرب من مايا وشوشها: انا كمان لما نتجوز هيكون اكبر عقاب ليا لو في يوم غبتي عني. اوعي تفكري تبعدي عني حبيبتي. 

مايا اتنهدت وبصتله بحب: مستحيل ابعد عنك. ابعد ازاي بعد ما لقيتك . بحبك اوي علي فكرة. 

شريف ابتسم وغمزها: وانا بعشقك اوي علي فكرة. 

عدي مبسوط علشانهم من قلبه: طيب قولي يا شريف هتكون مستعد للفرح امتي. 

شريف بحماس: بص حضرتك انا مستعد جداااااا. انا اول مارجعت من السفر وانا اخدت شقة في كومبوند جديد ومساحتها مناسبة جداااا. وحاليا مهندسة الديكور بتخلصها يعني مش اكتر من شهر وتكون جاهزة ونحدد معاد الفرح . 

هنا : علي خير يا حبيبي واهو وقت مناسب علشان مايا تستعد فيه. هي عموما مش ناقصها حاجة. انا تقريبا مخلصلها كل احتياجاتها. 

مايا بغيرة شدت شريف وبصوت واطي: بتفكرني ليه بالمهندسة الغلسة دي . ده انا نفسي اخنقها. دي بتقعد تسبلك قصادي البجحة. 

شريف: هههههههه. ابوس ايدك بلاش غيرتك المجنونة ومؤامرتتك الشريرة البت غلبانة خاليها تخلص الشقة وتروح لحالها. 

مايا ابتسمت بمكر: وحياتك لازم ارزعها مقلب تمام يطلع من دماغها بس لما تخلص الشقة. 

شريف ضحك بقوة:ههههههههه. هتفضلي شريرة يا روحي . فشلت اعالجك من الشر ده. 

مايا :هههههههه. مش هتعرف. انا اللي هتقرب منك هقتلها . 

************************

في شقة شهاب وتمارا . 

شهاب قاعد في الاوضة بيراقب تمارا من وقت ما كانت بتحمي چواد ابنهم وتلبسه . كان مبهور بيها وبيراقبها وهو مبتسم. قد ايه كانت ثابتة وهادية مش متوترة ولا خايفة. بتتعامل مع ابنها بحرفية وخبرة اكنها خلفت قبله مش هو اول طفل ليها. 

تمارا اخدت بالها منه نيمت چواد في سريره وراحت عنده وهو اخدها وقعدها في حضنه. 

تمارا ابتسمت بثقة :ممكن اعرف بتبصلي كدة ليه! هي معجب. 

شهاب ابتسم وهو بيلعب في شعرها وبيبص في عنيها الشرسة و الواثقة دايما: بصراحة معجب جداااا. جداااا. جداااا. 

تمارا وهي تلمس خده بنعومه: اممممم. وايه الجديد ما انت من يوم ما عرفتني وانت معجب . 

شهاب رفع حاجبه وابتسم: ايه الغرور ده. بس تعرفي عندك حق تتغري. ده شهاب الحديدي اتجوزك وفك عقدة عنوستك مش اي حد. 

تمارا بغيظ ضربته في صدره:بايخ ومستفز مين دي اللي كانت عانس . انا اللي كنت كارهة الرجالة لحد ما النصيب المهبب دبسني فيك. 

شهاب ضحك علي غضبها السريع وضمها لحضنه اكتر وباسها بتملك اعتادته منه من اول يوم جوازهم. وبعد كدة بعد عنها بهدوء. 

شهاب: انتي تقصدي كنت كارهة اشباه الرجال. لكن اول ما شوفتيني شوفتي اول راجل بجد . انا الراجل الوحيد اللي يستحق يفوز بيكي يا قطتيتي الشرسة. علشان انا الوحيد اللي كان ممكن يروضك . ونجحت في ده تنكري. 

تمارا ابتسمت هو فعلا عنده حق هو الوحيد اللي اقنعها برحولته وقدر يخليها تكون بالنعومة دي:لا بصراحة ما اقدرش انكر. انت يا قلبي الفهد المتوحش اللي عرف يخليني احبه . 

شهاب : بحبك يا تمارتي بحبك. 

تمارا اتنهدت: وانا بمووت فيك يا حبيبي. بس بردوا ما قولتليش كنت بتبصلي ليه. كنت بتفكر في حاجة اعترف. 

شهاب: بصراحة مستغرب انتي شاطرة اوي مع جواد مش متلخبطة وخايفة ومهزوزة زي چودي اختك مثلا . يعني مش بتتعبي حتي مامتك زيها تليفونات وكمان تخليها تروحلها كتيير . كمان مش بتشتكي منه زي ما هي بتشتكي من نغم بنتها. كمان چودي بتتصل بيكي تسألك وتفهم منك. جبتي الخبرة والثقة دي كلها منين ! ؟

تمارا ابتسمت وهي بتلعب في خصلات شعره بثقة: هفهمك. انا من اول ما حملت وخصوصا الفترة اللي انت كنت مسافر فيها اليونان كنت خايفة عليك وخايفة ماترجعليش تاني. كنت بصبر نفسي اني قرا عن كل حاجة تخص الجنين من وهو في بطني لحد ما يتولد . كنت عايزة اكون مستعدة ليه علشان استقبله. كنت خايفة اولده وانت بعيد واكون حزينة وكمان مهزوزة وخايفة. بس انت رجعت وريحت قلبي. وقتها كان الحافز اكبر. فاكر انا كنت مقضية فترة الحمل كلها آكل. وانت بتتريأ. بس ماكنش بس آكل لا كنت بدخل علي جوجل واجيب كتب لإخصائين في التربيةودكاترة . وڤيديوهات اتعلمت منها ازاي اتعامل مع ابني من اول يوم ولادته. وازاي ما اتوترش من اي زن وعياط لانه طبيعي جدااا . كمان لما يتعب اتعامل معاه ازاي. ازاي استغل الوقت اللي بينام فيه. علشان الحق ارتاح فيه لانه هيصحي ويحتاجني جنبه. المهم اني اتعلمت وفهمت ازاي اربي ابني. لان اظن ابني وابنك يستاهل اني اعمل علشانه كدة. 

شهاب ابتسم بإعجاب بيها وبتفكيرها: حبيبتي بجد انتي هايلة. لو كل زوجة عملت زيك كدة . ماكنوش تعبوا وزهقوا من الاطفال خصوصا الفترة الأولي. بس حبيبتي بقي ظابط شاطر مقاتلة من نوع عنيد. بترفض تنهزم. واستعدت كويس وانجزت مهمتها بنجاح. 

تمارا قربت من وبصت في عنيه: تؤتؤتؤ. لسة ماانجزتش مهمتي. مهمتي هتفضل شغالة طول ما احنا سوا. مهمتي الحقيقية اني اخليك سعيد دايما. واخليك تحبني علي طول. وماتفكرش بس تبص لست غيري. 

شهاب ابتسم بشوق عاشق: مستحيل يا قطتيتي الشقية الاقي واحدة مجنونة زيك تخطفني. انا خلاص بقيت اسير عنيكي الشرسة دي . المهم دلوقتي في حاجة مهمة اوي. 

تمارا : حاجة ايه! 

شهاب: بابا وماما عايزين يعملوا حفلة چواد ونغم ونجمة وكمان أكمل ابن مروان. مع بعض . يوم عيد جوازه هو وماما تبقي حفلة كبيرة والكل يتجمع. انا قولته هسألك الاول يمكن يكون ليكي رأي تاني. 

تمارا ابتسمت: لا حبيبي بالعكس. اجمل حاجة العيلة واللمة. انا موافقة. بجد اونكل رعد وطنط همس دول مجمعين الكل. ربنا يخليهم لينا دايما . 

شهاب قام وهو شاليها بمكر وخبث: نيجي بقي للأهم والمهم واللي مافيش اهم منه. 

تمارا ضحكت علي جنانه: اللي هو ايه يا سيادة المهم. 

شهاب : البرنس چواد نام وفي سابع نومة. يبقي ايه! 

تمارا ضحكت بصوت عالي:هههههههههه. ايه! 

شهاب : ضحكة عالية كمان علشان الواد يصحي وانا ارميكي من البلكونة. 

تمارا كتمت ضحكتها: اهو خلاص. اقولك تعالي نتعامل بالاشارة احسن. 

شهاب قرب منها اكتر : عندك حق. ده مش وقت كلام. ده وقت قطتيتي المتوحشة. علشان تقضي فترة سجنها في حضني . 

تمارا غمضت عنيها بحنين: احلي سجن واشرس سجان .. بعشق سجنك . من اول يوم دخلتني فيه. وانا حبيته. 

شهاب بنظرة عاشق: وانا بعشق سجنك . بعشق عيونك اللي حبستني جواها ... ماقبلتش ولا هقابل زيها ... بحبك. 

تمارا بهمس: بحبك..... 

************************

في ڤيلا مهاب عز الدين. 

مهاب ونغم وحياة وأنس متجمعين علي السفرة. 

مهاب بحنين لبناته ووجودهم وسطيهم : البيت وحش اوي من غير البنات .. كانوا عاملين ليه روح ... ماتعرفوش الوقت اللي بيقضوه معانا هنا ده بيبقي بالنسبة ليا ايه. ببقي عايز اوقف عقارب الساعة علشان يفضلوا اكبر وقت ممكن . 

نغم ابتسمت : كدة ! يعني انا مش ماليه حياتك . زعلانة منك يا هوبا بجد. 

مهاب باس ايديها بحب وابتسم: قطع لساني هو انا حياتي تبقي حياة غير وانتي معايا يا ناني. انا بس مش عارف اتأقلم مع بعد البنات. نفسي يجيبوا جوز البيبان اللي متجوزينهم دول والعيال الزنانة اللي خلفوهم ويجوا يعيشوا معانا هنا. 

أنس :ههههههههه. يا بابا بصراحة انت حماه متعب . دايما بتناكف في شهاب ومهاب. مش عارف تنسي انهم خطفوا منك بناتك. 

نغم :هههههههه. ابوك ده عمره ما هيتغير ابدااا. هيفضل يغير عليهم من رجالتهم. 

حياة ابتسمت بحنين لابوها اللي انحرمت منه وهي لسة صغيرة : يا بختهم بيك بجد يا أونكل. حضرتك اب جميل مافيش منك. 

مهاب حس بحزنها واحساسها انها يتيمة ابتسم وقام واخد ايدها وحضنها: انا ابوكي انتي كمان ماتنسيش ماشي. وماتعرفيش فرحتي قد ايه لما وافقتي تسيبوا شقتكم وتيجوا تعيشوا معانا هنا. بجد ماليتوا علينا البيت. انتي يا حياة زي تمارا وچودي تمام والله بحبك زيهم. 

حياة بكت وحضنته بحب هي فعلا كانت محتاجة تحس بحنان اب بجد هي اتحرمت منه احساس الاب والآمان ده ما يتعوضش ابدااا. 

حياة: وانا بجد بحب حضرتك اوي ... حساك ابويا بجد... ربنا يخليك ليا .. 

مهاب شايف أنس هيفرقع من الغيرة من حضن مهاب لحياة غمزه وغاظه زيادة. 

مهاب: يا لهههوي يا بختك يا واد يا أنس انت واخد الحضن العسسسل ده لوحدك... صبرت ونولت يا منيل. 

حياة خرجت من حضن مهاب وهي بتضحك:هههههههه. مش بقولك مافيش منك .. احلي بابا ده ولا إيه. 

مهاب:هههههههه. طبعااا طب بذمتك شوفتي بابا حليوة ووسيم زيي كدة. مش انا احلي من جوزك. 

أنس بيجز علي سنانه بغيظ وبيبص لنغم: ساكتة ليه يا دكتورة. ما تحوشي الدنچوان بتاعك. دي مراتي والله ... هو جوزك ده مش عاتق. ارحمني يا سيادة اللواء. دي هي اللي حيلتي انت حاوليك كتيير. 

مهاب حاوط حياة من ايديها : الله مالك ياللا ما تنشف. ثم انت اللي خايب .. واحد غيرك يعوض البت عن حضن ابوها .. انشف ياللا وخاليها تحس انها بتحضن راجل ابوها وجوزها واخوها. لم الرجالة كلها في حضن. فاهم ولا افهمك . 

أنس شد حياة جنبه وبغيظ: لا والله فاهم شكرااا. اصل حضرتك ما بتتوصاش. هتفضحني علنااا. ارحمني. وانتي يا هانم عايزة حضن تعاليلي انا فاهمة. 

حياة غمزت مهاب:فاهمة بس حضن اونكل مهاب مختلف. ده بجد بابايا. 

مهاب رفع كتفه ببرأة: جبتش حاجة من عندي. البت يا قلبي مفتقدة الحنان. وانت عارف ابوك منبع حنان. تعالي يا قلبي في حضن بابا. 

حياة كانت هتروحله وانس مسك ايديها بغيظ وغيرة: والله ابدااا. اتلمي بقي حرقتي دمي مافيش احضان انا وبس. وانت يا بابا ابوس ايدك. سيبهالي بعقلها دي كانت عاقلة. من يوم ما جينا هنا وهي قلبت مجنونة. حرام عليك. 

نغم ضحكت من مشاكسة مهاب وانس:هههههههههه. ربنا يسامحك يا مهاب . هتعصي البنت كانت بعقلها. 

مهاب: هههههههه. ما اليت بعقلها اهو انتوا شايفنها بتشد في شعرها. ما هي سكر وبتنور في الضلمة اهي. 

أنس اخد حياة ورايح اوضته: انا بقول اشوفكم بعدين عن اذنكم آل بتنور في الضلمة اشعرفك انت يا بابا كنت شوفتها في الضلمة .. هموووت منك هموووت. 

مهاب ضحك ووقفه وبجدية: استني بس. بصي يا حياة انا حبيبتي بتكلم جد. انتي زي بناتي مافيش فرق. اوعي تحسي انك يتيمة ووحيدة. احنا عيلتك زي ما أكمل وعيلته بقوا عيلة فتون اختك. انتي مش أقل منها . انتي مرات أنس عز الدين فاهمة. اوعي تنسي. ونغم امك مش حماتك.

حياة ابتسمت ودمعت وبصت لنغم اللي ابتسمت وغمزتها: ربنا ما يحرمني منكم ايدااا. 

أنس ابتسم: احممم . طيب عن اذنكم مراتي في حالة شجن وانا لازم اخرجها من الحالة دي. 

مهاب بسخرية: شجن. ما تقولها لا تحزني بالمرة. يا بني هتنقطني ارحمني .. 

أنس حك شعره بحيرة: حاضر هحاول اتعلم منك يا باشا. 

مهاب غمزه: ايوة كدة لاغيها علشان تحبك . ياللا هوينا بقي علشان عايز امك في كلمة سر. 

حياة بتكتم ضحكتها. وانس بيخبط راسه بيأس: مافيش فايدة . ابويا هو ابويا. هو مافيش لغة ارقي من كدة يا بابا ايه امك دي. 

مهاب بخنقة: وللا اخفي من وشي بدل ما اظبط. انا كدة ماليش في جو الرسمي ده. وامك بتحبني كدة حتي اسألها. 

أنس بص لنغم بغيظ: طبعاا الدكتورة مبسوطة مش كدة. 

نغم بتضحك: هههههههه. بصراحة اااه اكدب. يا بني ابوك ده كاريزما كدة مالهاش حل . كوكتيل كدة لذيذ. ولعلمك الستات بتحب الراجل اللي ينكشها ويستفزها . مابتحبش الراجل الهادي بزيادة . فاهمني يا دكتور.

مهاب بضيق: نيلة علي دكتور ودكتورة. اجبلكم البلاطي البيضة ارحمونا. دكتور كتورة دي في المستشفي. فاضلكم سرنجة وتبقي كملت. ياللا يا ابني خد مراتك واتكل علي الله . 

أنس اخد حياة اللي هالكانة ضحك ودخل اوضته. ومهاب ضحك وقرب من نغم . بمشاكسة. 

مهاب: ايه القمر مش ناوي ينزلي بقي ويحن عليا وينورلي اوضتي هنقضيها هنا . 

نغم:ههههههههه. انت بجد فظيع. ارحم ابنك حرام عليك. الواد مش قدك. 

مهاب شد ايديها واخدها لاوضتهم: يا روحي ابنك ده عايز جلسات كهرباء علشان يتلحلح. انا خايف يكون بيدخل مع البت جوا ويستاذنها قبل ما يطفي النور تبقي مصيبة. 

نغم : ههههههههههه. اسكت يخرب عقلك. 

مهاب: هههههه. تخيلي بقي لو كان فعلا كدة نهههار اسود. ليكون بيقولها ممكن يا حياة يا حبيبتي ابوسك. تبقي كارثة. 

نغم:ههههههههه. والله همووت منك اسكت .. مش للدرجة دي. 

مهاب بتفكير: تفتكري الواد ده انجز ولا يكون المنيل ده لسة مؤدب والبت زي ما هي من يوم الفرح. ده انا اولع فيه في ميدان عام. 

نغم هتمووت من الضحك: لا لا بجد انت مصيبة بس. مش ممكن طبعااا. بس احنا مالنا هما حرين اهرج انت منها بس خاليها تعمر. 

 عندك حق. احنا نسيبنا منهم خاااااالص ونخلينا هنا . هو انا بقي قولتلك انك من يوم جواز بناتك وابنك احلويتي وبقيتي مثيرة بشكل يبوظ الاعصاب. 

نغم ابتسمت : هوبا انت مش ممكن انت اللي مبوظ اعصابي بكلامك ده. انا بدووب معاك اكننا لسة في شهر العسل. مش بقينا جدو وتيتة. 

مهاب قربها من حضنه بشوق: طيب دول عيال كلااااب وخلفوا بسرعة ودبسونا معاهم. انا مالي. انا يا ناني يا قلبي هفضل شباب. الشباب شباب القلب والروح. مش السن والشكل. 

وغمزها بثقة وغرور: وده كمان مايمنعش اني لسة شباب شكلاااا وموضوعاااااا. ولا ايه. 

نغم عضت شفايفها بجنون من الراجل اللي لسة بيحننها ويثير مشاعرها ويستفز انوثتها لحد النهاردة: انت ... انت اشقي من كل شباب العالم. انت هوبا حبيبي مدوب قلوب الستات. 

مهاب ضمها لحضنه اكتر: وانا عايزة ادوبك انتي وبس. ناني روحي وبس

نغم اتنهدت: بحبك يا هوبا بعشقك. 

مهاب بمكر السنين: وهوبا ليكي وبين ايديكي بيحبك ودايب فيكي....... 

************************

مرت ايام ورعد جهز للحفلة الكبيرة علشان يجمع الكل يجمع اصحابه وولاده. يجمع العيلة اللي كبرت وزادت . السنة اللي مرت دي حصل فيها حاجات كتيير. احزان وافراح اوجاع ودموع. ضحكة وسعادة. كل ده مروا بيه لان هي الدنيا كدة. ساعة وساعة. ساعة تفرحنا وساعة تبكينا. 

في الحفلة والكل متجمع.. وطبعااا أكمل كان رافض يحضر لانه مش في الحالة اللي تسمحله يحضر حفلات

بس رعد وهمس اصروا عليه هو وتسنيم وهو وافق وراح هو وعيلته.

رعد وهمس. واكمل وتسنيم . وعدي وهنا. ومهاب ونغم. كانوا متجمعين بيتكلموا وبيضحكوا. ووصل مروان وريما. 

مروان قرب من أكمل وهو حاسس انه مش قادر تيجي عينه في عنيه. برغم انهم اتواجهوا قبل كدة وأكمل سابله أكمل الصغير خضوعااا لوصية چنا. بس هو لسة بيشوفه بيتألم ويفتكر هو قد ايه اذاه ... 

مروان بتردد: ازيك يا أكمل! 

أكمل ابتسامته راحت لما سمع صوته. و لفله بهدوء. وهو بيحاول يتمالك اعصابه. 

أكمل ببرود: اهلا. شكلك بقي احسن . سمعت اشاعة انك حزين ومنعزل! 

مروان بيبلع ريقه ومعاه ضربة لقلبه واتهاب لحبه ليها وحزنه عليها. : انا فعلا حزين وماكنتش عايز اشوف حد. وان كنت بتتريأ فده اللي ظاهر بس. لكن انت من جواك عارف ومتأكد اني حبيتها وحزنت عليها حزن لو اتوزع علي العالم يكفيه بكي ودموع. چنا ماتت بس عايشة في قلبي عمرها ما هتخرج منه. بس انا طالب منك طلب. ارجوك سامحني انا عارف انه صعب . بس احنا عشرة عمر. انتم اصحابي اللي طلعت بيهم من الدنيا . انا والله ما كنت عايز آذيها اقسم بالله لو بس كنت اعرف انها مريضة ما كنت اتجوزتها ابدااا

ولا حرقت قلبك عليها. وحرقت قلبي معاك. 

أكمل بدموع: اسامحك ! انا حتة من قلبي نهشها الموت وخطفها ولسة قلبي بينزف ! لسة دموعي بتجري كل ساعة وكل دقيقة! اسامحك بسهولة كدة. انا بس وافقت انك تربي أكمل لان هي طلبت كدة. وانا زي ما كنت بحققلها طلبتها وهي عايشة حتي لو ضد رغبتي بس علشان تكون مبسوطة. هحققها وهي ميتة مهما كانت ضد رغبتي. سيبني يا مروان سيبني يمكن الايام والسنين تقدر تداوي جرحي. وتاكد يوم قلبي يبطل ينزف وعنية تبطل تدمع. وقتها ممكن اسامحك. 

رعد قرب منهم بحزن علي حال الاتنين: انا عارف ان احنا الثلاثة اتوجعنا بسبب اللي حصل بس انا عايزكم تسيبوا نفسكم للايام وتحاولوا تصفوا قلوبكم. يمكن نرجع صحاب من تاني . 

عدي قرب من أكمل : افتحله قلبك يا اكمل. هو فعلا حبها واكيد عمره ما كان يفكر يأذيها. لو لينا غلاوة عندك افتحله قلبك. 

مروان بص لأكمل برجاء وأكمل غمض عنيه بقوة ودموعه نزلت اكتر: ححاول .. ححاول صدقوني. 

مروان قرب منه وحضنه بقوة وهو كمان بكي: ارجوك خاليها ترتاح . سامحني علشان خاطرها. علشان ابنها حفيدك... ارجوك. 

أكمل حضنه وبكي:اوعي تخليه ينسي امه يا مروان اوعي. هي ماتت علشانه. 

ريما قربت منه ومن تسنيم: عمرنا ما هزقدر نخليه ينساها. أكمل هيتربي وسطينا كلنا. وكلنا هنحكيله عنها. 

تسنيم بدموع اخدت أكمل من ريما وحضنته: حبيبي وحشتني اوي اوي... وهي كمان وحشتني.. 

همس قربت من تسنيم بحزن: چنا معانا كلنا مش ههنساها. وأكمل هيفضل يفكرنا بيها دايما. 

أكمل بعد عن مروان ومسح دموعه واخد أكمل الصغير من تسنيم وباسه وحضنه: اجمل حاجة انه واخد ملامحها عنيها ولون شعرها... 

أكمل الصغير ضحك ببرأة 

أكمل ابتسم بحنين ليها: حتي ضحكتها ونغزانها اللي كانت مزوداها جمال. 

وبص لمروان: أااانا هخده يبات معانا يومين يا مروان. 

مروان ابتسم: أكيد طبعااا. زي ما تحب بس هنبقي نعدي كل يوم انا وريما نشوفه علشان ما بنقدرش يعدي يوم من غير ما نشوفه. 

تسنيم : طبعااا تنورا. كفاية ان ريما مهتمة بيه بالشكل ده. 

ريما بصت لأكمل الصغير بحنان: أكمل ده في عنيا ده ابن الغالين. 

عدي قرب من رعد : رعد مش عايزك تكون زعلان مني لو في يوم قولت كلمة تزعلك في حق شهاب. انت عارف اللي حصل كان صعب علينا كلنا. 

رعد ابتسم: هو انت مصدق نفسك اني ممكن ازعل منك. ثم ولادك وولادي اي ما واحد. سيبك انت. انا وانت وهمس وهنا. مش ممكن حاجة تفرقنا مهما كانت . احنا عيلة يا عدي عارف يعني ايه عيلة. 

عدي حضنه: ربنا يخليك لينا يا كبير العيلة . انت اللي مجمعنا ومفرحنا. 

كارما اختارت أغنية لابوها وامها وطبعااا كانت مناسبة لكل اتنين فيهم. وبدأت المزيكا تعلي وكل اتنين بقوا حضن واحد وقلب واحد.. 

(جوايا ليك اليسا)

جوايااا ليك احساس بيكبر كل يووووم . العين تنام والقلب عمره ماجاله نوووم. من كتر شوقي ولهفتي شايل همووووم. 

همس في حضن الملك: ويجلي النوم ازاي وانا بخاف قلبي ينام ويتحرم منك. هفضل حاملة هم اليوم اللي هتحرم فيه منك يا ملك قلبي . 

رعد بحنان: همستي احنا خلاص بقينا اقويا لابعد حد. حتي المرض هزمناه وقدرنا عليه. خفيتي ورجعتيلي من تاني تنوري حياتي. حياة الملك اللي عمره ما هيبقي ملك في غيبتك. 

همس بحب سنين وعشق ايام وشهور: بحبك... 

رعد بنبرة عاشق مافيش ليه مثيل: بحبك يا همسة قلبي وهفضل احبك.

تمارا بغرور في حضن الفهد اللي مافيش غيرها قدرت تروضه وتخليه يعشقها كدة . حتي ملك عمرها ما وصلت للي وصلت هي ليه. : تعرف من اول يوم شوفتك وانا بحس في وجودك بقلبي بيتخطف. ودقاته بتزيد... وعنية بتتعلق بعنيك اكني مسحورة. 

شهاب ضمها وابتسم: ماهو سحر متبادل .. انتي كمان عنيكي سجنتني جواها ما انتي عارفة. 

تمارا : انا جوايا ليك كتييير اوي يا شيبو اوي. 

شهاب سند جبينه علي جبينها بسعادة: مش أكتر من اللي جوايا ليكي يا تمارتي... انا عندي حب يكفيكي طول العمر. بحبك بجنون... 

تمارا ابتسمت: بعشقك بجنوووووون. 

شيري: لو علي الاحساس اللي في قلبي ليك فا مالوش حدود. ولو علي الحب مالوش بديل... نفسي تعرف انت عندي ايه. 

مؤمن ابتسم: انا اللي جوايا ليكي حنين وحب. شوق ولهفة ... انا اللي قلبي مهموم لا في يوم تسبيه وحيد تاني. ويرجع يتعذب لوحده. انتي مش غيرتي حياتي لا انتي يا سمارتي خلقتي حياة جديدة حياة كلها أمل وفرحة .. بحبك يا سمارتي بحبك. 

شيري بهمس: جوايا ليك حب ودلع مش ممكن تتخيله ابداااا. 

مؤمن غمزها بشقاوة:هو احنا الليلة هنفتتح فقرة جديدة ولا ايه! 

شيري بجرأة اكتسبتها منه و بصوت واطي : هو انا ماوقولتلكش اني جبت بدلة جديدة. 

مؤمن: ههههههه. لا بجد من امتي الجرأة دي! 

شيري غمزته: البركة فيك يا روحي. 

حلا براحة وسعادة: قلبي انا محتاجة منك كل نظرة حنية كل لمسة شوق. فادي ارجوك اوعي تتغير. خاليك زي ما انت. انت جوايا سعادة ماتتوصفش ابداااا. 

فادي بتملك وغرور مش بيفارقه: اظن ما بقتيش لسة محتاجة. انا شبعتك كل احتياجاتك .. حنية وحب واهتمام وشوق وحنين وغيره .. انتي في حضن فادي الحديدي ... اوعي اسمع كلمو محتاجة دي تاني فاهمة.... 

حلا اتنهدت بحب: بحبك .... وعمري ما ندمت اني بحبك. 

فادي ضمها اكتر بإشتياق: وانا دايما هكون قد حبك ده... علشان انا مغروم بيكي ومجنون بحبك يا حلا حياتي.... 

چودي حاضنه ومتعلقة فيه بقوة: اخيراااا لقيت حضنك بعيد عن البيت والزن والعياط. وحشتني اوي يا هوبا. 

مهاب ابتسم: عيون هوبا.... ولسة بعد الحفلة دي انا وشهاب ومؤمن وفادي وأنس. وكريم وامير عازمينكم علي حفلة خاصة لينا احنا وبس. هندلعكم وسهر للصبح ورقص وغنيى مافيش نوووم الليلة 

چودي بحماس: وهيجي منين النووم. مش بقولك بحبك .. بحبك. 

مهاب شالها ولف بيها : وانا بحبك... بحبك .... بحبك... 

نغم :اللي جوايا ليك زي ماوهو من سنين ما اتغيرش ولا عمره هيتغير.... هفضل احبك. 

مهاب ابتسم: ما قولتلك ما تحسبيش عمرنا بالسنين.. احسبيه بالضحكات والفرحة والسعادة... هو ده العمر الحقيقي. ما تحمليش هم السنين... انتي هتفضلي في قلبي يا نغم... 

عدي : بقالنا كتيير ما رقصناش سوا.... وحشيتي يا هنا عمري كله.. 

هنا بسعادة: صحيح هنا عمرك... من قلبك... 

عدي فاهم تقصد ايه : طبعاااا. من قلبي وروحي كمان... هنا انتي ماضي وحاضر ومستقبل. بلاش تقارني نفسك بماضي وبس... انتي حبيبة عمري وام ولادي وشريكة حياة كاملة... 

هنا براحة: بحبك... بحبك ياديدو... بحبك... 

عدي: الله اكبر بقالي كتير ما سمعتش ديدو دي. شكلها ليلة عنب.... 

هنا:ههههههه. يا حبيي كل فواكه الموسم هتبقي في احتفالية الليلة. 

عدي:هههههه. العب يا هنون.. ايوة كدة. ابو النكد علي اللي بيحبه . 

كريم: كارملتي حبيبتي .... الليلة بقي في سهرة صباحي . 

كارما: معاك يا روحي .... انا بعشق السهر. وبعشقك اكتر يا ميرو.. 

أمير بص حاوليه: احممم بقولك ايه تعالي كدة عايزك فوق شوية لحد الحفلة ما تخلص ونبقي نخرج مع شلة المجانين.. 

كارما: هههههه. بطل جنان.. 

أمير: يا روحي ده الحياة احلي ما فيها الجنون. 

كريم بحنان: چوري قلبي وردة عمري .. الليلة انتي زي القمر بجد تجنني ... 

چوري ابتسمت: حبيبي اللي عيونه حلوة وبيشوفني جميلة... ربنا مايحرمني من حنيتك عليا ابداااا. يا كوكي. 

كريم ضمها بحب: ولا يحرمني من عبيرك اللي معطر حياتي يا وردتي.... 

شريف واقف مع مايا بعيد: عقبال فرحنا يا روحي هانت.. عايز اخطفك علي بيتنا... 

مايا ابتسمت: صدقني انا كمان مستعجلة زيك... انت ما تعرفش بحبك قد ايه يا شريف. 

شريف.. شاف تمارا وشهاب واقفين بيضحكوا: مش دول تمارا وشهاب. 

مايا بصتلهم بإحراج: ايوة هما. 

شريف مسك ايديها: مش عايزة تقوليلهم حاجة. 

مايا بصتلهم بخزي وبصتله بإحراج. 

شريف ضغط علي ايديها بقوة وشجاعة وهز راسه: انا جنبك. تعالي. 

قربوا من تمارا وشهاب ... ولما شافوهم تمارا بصت لمايا بشفقة هي عرفت اللي مرت بيه وندمها كمان بس شهاب كان لسة مش صافي ليها.. 

مايا بتردد: مبروك عليكم چواد .. ااانا عارفة اني اذيتكم كتيير بس عندي امل تسامحوني علي اللي عملته.. ممكن.. 

تمارا ابتسمت: مسمحاكي .. وكفاية ندمك واعتذارك... ومبروك عليكم انا سمعت خبر خطوبتكم وجوازكم القريب. 

مايا بفرحة: هتحضروا فرحي. 

تمارا: اكيد طبعاااا. 

مايا بصت لشهاب بحزن: لسة مش مسامح. 

شهاب بيحاول يسامحها هي لسة ليها جواه حب اخت ورفيقة طفولة.. ابتسم: مسامحك انتي ناسية انك اختي .. مافيش اخ بيفضل قاسي علي اخته. 

مايا ابتسمت : وعد تحضر فرحي... 

شهاب مسك ايد تمار:وعد نحضر فرحك... وبص لشريف. مبروك يا دكتور. ربنا يسعدكم. 

شريف ماينكرش الغيرة اللي جواه من شهاب. بس هو بيحترمه: الله يبارك فيك يا سيادة المقدم. واتمني نفضل علي اتصال. 

شهاب: اكيد طبعاااا. انت خلاص هتبقي جوز اختي... 

حمزة : حبيبتي عارف اني دمي تقيل وخصوصا لما رفضت دعوة شهاب علي الحفلة الخاصة اللي بعد دي.. اسف. بس بجد مش قادر. 

فتون : حبيبي بتتأسف ليه بس... انا طبعااا معاك في اي حاجة واي مكان... المهم اني في حضنك... والجايات كتيير والحفلات اكتر. المهم اني جنبك لحد ما تعدي فترة الحزن دي.... 

حمزة قربها لحضنه: مش عارف لو مكنتيش جنبي كان حصلي ايه! 

فتون حضنته بحنان: انت قولتهالي قبل كدة... احنا قدر بعض. وكان لازم نتقابل.... 

حمزة ضمها بقوة: بحبك .. بحبك .. يا فتنتي. 

فتون: بحبك يا حبيبي 

.. بحبك.... 

خلصت الحفلة وشلة المجانين اتجموعوا واخدوا مجنوناتهم وقضوا سهرة خاصة في مكان خاص ليهم بس.. سهروا وضحكوا وؤقصوا وغنوا.... وكانت ليلة جميلة.. كانت نهاية حكايات ... وبداية حكاياات. ولسة حياتهم بتكمل ولسة فيها صعوبااات ولسة فيها افراح ومفاجأت. ولسة المهمات جاية ومكملة..... 

خلصت مهمة حب القاكم بنوفيلا جبروت ام وهي هدية من الكاتبة لابطال القصة في عيد الام 

#ريحانة الجنه🌹

 لمتابعة  الروايه الجديد ه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله  من هناااااااااا

مهمة حب من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا