رواية انكسار امرأة الفصل السادس عشر 16 بقلم محمد منصور حصريه
رواية انكسار امرأة الفصل السادس عشر 16 بقلم محمد منصور حصريه
ح(16)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
فضلت ضحي تصرف علي علاج رؤوف
لغاية ما مات. وكان عذاب ضحي عذابين عذاب الفراق وعذاب فاتن اللي عماله تسال علي ابوها لغاية ما ضحي قالت له
مات يا فاتن
فاتن اتقصرت وقالت
مات. كدة فجاة الموت دة ما بيجيش الا للناس الكبيرة ازاي بابا يموت وهو لسة صغير
ضحي
الموت ملهوش دعوي بسن وبيجي للصغير والكبير
فاتن
ماما انا عارفة ان بابا ضربك كتير. وليكي حق تزعلي منه. لكنه واحشني وعايزا اشوفه بلاش تحرميني منه.
ضحي بصت لبنتها واتوجع قلبها وجت تاخدها في حضنها رفضت فاتن وقالت
عايزا اشوف بابا
ضحي
والله العظيم مات انتي مش عايزا تصدقيني لية
فاتن
موتي بابا علشان تتجوزي اللي اسمه ايهاب صح
اتصدمت ضحي من اللي بنتها بتقولو وقالت
انتي بتقولي اية
فاتن
بقول اللي انتي عايزا تخبئ عني فاكراني لسة عيله صغيرة
ضحي
الكلام دة ما يطلعش من عيلة صغيرة زيك. مين ملي دماغك بالكلام دة
فاتن
ما فيش حد.
مسكتها ضحي من ذراعتها الاثنين وقالت
انطقي مين ملي دماغك بالكلام الفارغ دة
فاتن
هتموتيني انا كمان زي ما موتي بابا
ضربتها ضحي بالقلم وقالت بمنتهي العصبية
اخرسي و اوعي اسمعك تقولي كدة تاني فاهمة ولا. لا
فاتن فضلت باصة لها وهي ماسكة خدها وبعدها بكام ثانية سابتها ودخلت اوضتها. وضحي قالت ل نفسها
مين اللي وصل لك يا فاتن وملي دماغك بالكلام دة،،،،،،،
وتاني يوم ايهاب اتصل ب ضحي علي موبيلها وطلب منها يجيب لها ايراد المطعم اليومي. فقالت له ضحي
ملهوس لزوم تيجي انا اللي هفوت عليك في المطعم اخد الايراذ
ايهاب
تشرفي طبعا بس لية تتعبي نفسك كفاية عليكي انك طول النهار في المستشفي
ضحي
من النهاردة انا كل يوم هفوت عليك في المطعم اخد الايراد. انت مش هتنفع تيجي عندي البيت تاني
ايهاب
بس انتي يا مدام ضحي بتكوني في المسشتفي طول اليوم. هييقي تعب ليكي تيجي من المستشفي ل وسط البلد
ضحي
معلش انا كدة هكون مرتاحة.
واستعد ضحي للانصراف فقال لها ايهاب
طيب انا عازم. كل اللي في المطعم علي جوازة اختي اللي حيلتي واتمني تكوني موجودة
ضحي
الف مبروك بس انا مش هينفع اجي
واستعدت للانصراف تاني فمد خطوتين ووقف قدام منها وقال بصوت حنون
الفرح والفرحة مش هتكمل من غيرك
بصت له ضحي وقلبها العاشق للحب بدا يدق وقالت
هشوف ظروفي. ممكن بقي امشي
وسع لها ايهاب ومشيت وهو عمال يبص لها بحب شديد. ،،،،،،،،
ومن جوة شقة ضحي تقعد ضحي قصاد الهام وكانت بتقول لها
البنات بيكبروا ومصاريفهم بتكتر عليه والمطعم لوحدة مش قادر يكفينا. ومش عارفة اعمل اية
الهام
هو المطعم مش شغال ولا اية
ضحي
شغال والحمد لله بس بعد ما كنا المطعم الوحيد في المكان. بقي حوالينا مطاعم كتير. ف طبيعي الارباح مش هتبقي زي الاول
الهام
خلاص يا ضحي ادخلي ل مدير المستشفي واطلبي منه مرتب علي شغلك
ضحي
ازاي بس دة انا من يوم ما اشتغلت في المستشفي وانا ما باخدش راتب اجي دلوقتي واطلب راتب
الهام
زمان انتي عملتيها ل وجه الله علشان كانت ظروف ميسرة. انما دلوقتي احوالك المادية ما بقتش زي الاول ولو مكسوفة تطلبي فلوس في المستشفي دي ممكن تسيبيها و تروحي مستشفي تانية توفر لك راتب محترم تعيشي منه انتي وبناتك
ضحي
ان شاء الله. هعمل كدة. ودلوقتي بقي قولتي اية في اللي قولت لك عليه
الهام
قولت اية في اية
ضحي
هتيجي معايا فرح اخت ايهاب
الهام ابتسمت وبصت لها من فوق ل تحت وبعدها قالت
طيب هو عزمك انتي اروح انا معاكي لية. صغيرة خايفة تروحي ل وحدك.
ضحي
هتصدقيني لو قولت لك اني والله خايفة
الهام
خايفة تحبي تاني
ضحي
الهام انتي اكتر واحدة عرفاني وعارفة اني ما قدرش اعيش من غير حب. انا مش خايفة من الحب انا خايفة اختار غلط تاني
الهام
اول مرة انت قدمتي كل اللي تقدري تقدمي للي حبتي. المرة دي خلي هو اللي يقدم لك كل اللي يقدر يقدمة
ضحي
حتي لو كان شغال عندي.
الهام
اسمها شغال معاكي مش عندك. وكمان الحب ملهوش دعوي هو مين واية دوره في حياتك
ضحي
و التكافؤة بيني وبينه
الهام
الحب ما يسمعش عنه.
ضحي
يعني اسمع ل صوت قلبي واسيب نفسي عايمة في بحر ايهاب
الهام
افتكر انك بتعرفي تعومي دلوقتي واكتر من مرة كنتي هتغرقي لكنك ما غرقتيش كملي مشوارك. واوعي تقدمي اكتر من اللي قدام منك بيقدمة
ضحي سكتت وبدات تفكر في كلام الهام ودوره في دماغها وقالت
يعني اروح الفرح ولا ما روحش
الهام قامت وقفت وهي بتقول بهزار
تاني. هنعيدة. انا ماشية دة انتي بقيتي خلل
ضحي وهي بتبص ل الهام اللي رايحة ناحية الباب
استني بس اقول لك،،،،،،،،
ويجي يوم الفرح وضحي تلبس احلي طقم عندها وتحط مكياج وتلف طرحتها ودة اللي زاد من جمالها. ووقفت قدام مرايتها تبص لنفسها حاسة انها رجعت عيلة صغيرة. هتقولو هي لحقت تنسي رؤوف هقول لكم هي عايزا تعيش ولو كل واحد مننا مات من الحزن علي فراق حبيبة. ما كنتش الدنيا فضل فيها حد. وخرجت ضحي من اوضتها لقت فاتن واقفة قدام منها بتبص لها نظرات فاحصة وبتقول لها
رايحة فين يا ماما
ضحي ارتبكت وقالت
معزومة علي فرح.
فاتن
ما قولتيش ليا او ل ليلي لية كنا لبسنا وجائينا معاكي
ضحي
اصلي رايحة وجاية علي طول
فاتن
ودة فرح مين
ضحي
ناس ما تعرفهاش
فاتن
ماما انتي لية بتتعملي معايا علي اني لسة عيلة صغيرة. احنا ما نعرفش حد وكل اللي بيجوا هنا اما الهام صاحبتك او ايهاب صاحبك اللي هو ظهر وبعديها بابا اختفي
ضحي مسكتها من ذراعتها الاثنين وقالت بمنتهي العصبية
انتي قليلة الادب. علشان ايهاب دة مش صاحبي دة راجل مدير في المطعم بتاعنا. وعادي لما اقابلة واشوفه بحكم الشغل اللي بيني وبينه
فاتن
واضح ان كلامي ضايقك. روحي الفرح يا ماما يارب تنبسطي
وفاتن سحبت ذراعتها من ايد ضحي ومشيت وراحت اوضتها. وضحي فضلت باصة عليها وقلبها بيدق بسرعة ودخلت اوضتها وطلعت موبيلها واتصلت ب الهام و اول ما ردت الهام ومن غير ما مقدمات بدات ضحي تحكي اللي حصل بينها وبين بنتها واول واخر جملة قالها
انا مش هروح الفرح
الهام
اكبر غلطة تعمليها لانك كدة بتاكدي ل بنتك انك فعلا كنتي رايحة تعملي حاجة غلط. لازم تنزلي وتروحي الفرح
ضحي
طيب واللي فاتن قالته دة
الهام
دة يبقي نشوف له حل. بعدين المهم تنزلي وتروحي الفرح ،،،،،،،،
ووصلت ضحي للعنوان اللي خدته من ايهاب ووصلت العنوان دة ما لقتش اي شكل من اشكال الفرح ولقت ايهاب قاعد قصاد بيت مستنيها واول ما شافها قام لها جري ووقف قدام منها وقال
ما تعرفيش انا فرحان قد اية انك جيتي
ضحي
اومال فين الفرح
ايهاب
فوق في شقتي اصله فرح علي الضيق
استغربت ضحي وقالت
فرح اية دة اللي ملهوش اي صوت ولا سمعت زغروطة واحدة من ساعة ما جيت
ايهاب
احنا موقفين كل حاجة علشان اذان العشاء لكنك اول ما هتطلعي الفوق والناس تصلي العشاء الفرح هيبتدي
ضحي لسة مستغربه وعماله تبص للبيت اللي حتي معلوش فرع نور ولسة هتتكلم قال ايهاب
جارنا مات وما كانش ينفع نعلق اي فرع نور. مدام ضحي انا عمري ما هجيبك هنا علشان اذيكي
ضحي اتنهدت وفكرت لكام ثانية وثقتها في ايهاب من الفترة اللي عرفته فيها كانت كفاية علشان تصدقه ودخلت معه البيت وطلعت السلالم وهو قدام منها عمال يقول لها
اتفضلي دة البيت كله نور
ووصلت ضحي للشقة وفتح ايهاب الباب ودخلت الشقة اللي كانت فاضية خالص وقالت
هو اية فرح ما فيهوش حد معزوم غيري
ايهاب وهو بيقفل الباب
ازاي بس المعازيم كلها جاية حالا
وبصت ضحي للباب اللي اتقفل وبعدها بصت ل ايهاب وبدا التوتر والشك يتسربوا ل قلبها وخصوصا انها افتكرت ان العشاء اذنت من ساعة. وهنا نور الشقة كله انطفئ. واتفزعت ضحي لما ايهاب لمسها و،،،،،،،،،
تكملة الرواية بعد قليل
 انكسار …){kind=link}
تعليقات
إرسال تعليق