رواية انكسار امرأة الفصل الحادى عشر والثاني عشر والثالث عشر والرابع عشر والخامس عشر بقلم محمد منصور حصريه
رواية انكسار امرأة الفصل الحادى عشر والثاني عشر والثالث عشر والرابع عشر والخامس عشر بقلم محمد منصور حصريه
ح(11)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ضحي اتصدمت اوي وقلبها دق جامد وقالت
هو مين اللي مات
كريمة
رؤوف ابني
برقت ضحي من شدة الصدمة. وقالت بصوت مخنوق
مات ازاي ولية دة انا كنت محتاجة له اوي. هو مدفون فين محتاجة اكون قريبة منه
كريمة
مش كل اللي بيموت بندفنهم في اللي بيعيشوا حوالين مننا جسم من غير روح. ودة بقي حال رؤوف ابني. وانتي السبب الله ينتقم منك
ضحي وهي بتعيط
هو فين رؤوف، ،،،،
ومن جوة مصحة لعلاج المدمنين كان موجود رؤوف في اوضة من الاوض. وحالته كانت ما تسرش. رؤوف خس جدا و كانت في هالات سودا تحت عيونه واعراض الاكتئاب الحاد باينه عليه وكان في ايدة قلم وببرسم عروسة وعريس. لابسين اسود في اسود ومرمي جنب منه علي الارض لوحات كتير ل نفس الصورة وبعد ما خلص الصورة شخبط عليها دخلت له ضحي و قعدت قدام منه وبصت للوحة اللي مرسوم منها كتير وفهمت هو وصل ل اية وفضلت تبص له بحزن شديد وقالت
رؤوف
بص لها وما فيش علي وشة اي رد فعل ولا كانه يعرفها ورجع يشخبط علي اللوحة ورماها جنب منه. وسحب ورقة جديدة وبدا يرسم وضحي قربت منه اكتر ودموعها علي خدها مش مصدقة ان دة رؤوف وقالت
رؤوف انت مش عارفني
بص لها تاني ويدا يرسم اللوحة الجديدة لكن ضحي مسكت منه القلم ورمته علي الارض و قالت
رؤوف انا بكلمك. بص لي ورد عليه
بص لها وقال
جيتي لية دة انا كنت خلاص اتعود اعيش من غيرك
ضحي
وانت كدة عايش.
رؤوف
الدكتور اللي بيعالجني بيقول اني عايش
ضحي زعقت في وقالت
لا مش عايش. مش دة رؤوف اللي انا حبيته
رؤوف
انا رؤوف اللي انتي سبتي و اخترتي ابوكي. لية عشمتيني بيكي
ضحي كانت مفحومة من العياط وهي بتقول
كان غصب عني.
رؤوف
و اية اللي حصل دلوقتي امي راحت لك وقالت لك الحقي رؤوف يا بنتي بيضيع وطبعا بعد ما اتحليت عليكي كتير قررتي تيجي وتلحقيني.
وصرخ فيها وهو مبرق وقال
مش كدة
اترعبت ضحي وهو كمل قال
وجيتي واكيد من وراء ابوكي
ضحي
بابا مات يا رؤوف
ضحك رؤوف بجنون وكان رد فعله مخيف وقال
يا سلام ما ترعفيش انا مبسوط قد اية دلوقتي
وقام وقف وقرب من ضحي ومسكها من حاجبها وقال
علشان الارواح بتحس باللي بتحبهم وانا كل ما اذيكي هو هيتوجع في قبره
مش كدة ولا اية
بصت له ضحي في عيونه وقالت
لو اذيتي هترجعك رؤوف اللي عرفته وحبيته انا قدامك اهو اعمل فيا كل اللي انت عايزه
فضل باصص لها رؤوف وبعدها ساب الحجاب وبعد عنها وهو بيقول
ما قدرش اذيكي. ما قدرش
ضحي قربت منه وقالت
رؤوف انا بقيت ليك وزمان انا ما اخترتش ابعد عنك بمزاجي بابا وقت ما كان بينهي معاك كل حاجة وقال لك ان بنتي اختارتني انا. انا كنت في اوضي مربوطة وبوقي متكمم
بص لها رؤوف مش مصدق ان صابر عمل فيها كدة وهي كملت وقالت
اللي كان بيني وبينك راح. ارجع لي حبيبي. وخلينا نعيش اللي جاي.
رؤوف
ضحي. بلاش تضيعي مني تاني
وقام واترمي في حضن ضحي وضحي حضنته اوي. وقالت
بلاش انت تضيع مني، ،،،،،،،
وبدات ضحي تروح المطعم وتقف في وطلبت من كريمة انها ترتاح وكريمة
ما كنتش طيقاها لكنها شايفة ان ابنها بدأ يتحسن والمخدر بدأ يخرج من جسمة فسكتت واستحملت. لكن اللي في القلب ما كنش يسر دة كانت السبب في اللي وصل له ابنها دة كان بيموت ودة بالنسبة لاي ام. ما بيعديش بالساهل ومستحيل تسامح وتنسي اللي عملت دة كله في ابنها وخلينا نشوف الايام اللي جاية مخبيئة اية ل ضحي علي ايد كريمة
وفي نفس الوقت دة عزيز كان واقف قدام زهرة مراته وبيقول بعصبية
هو انتي مراة غبية ما بتفهميش اجيب لك منين انا 10 الاف ج. علشان بنتك تفتح عيادة وانا مرتبي بيقضينا اكل بالعافية
زهرة
اتصرف من ابنك. ولا هو يكبر في السوق ويلعب بالفلوس لعب وبنتي ينكتب عليها الفقر الدكر
عزيز
وهو انا يا ولية كنت ساعده في اللي وصل له مع كل حاجة كانت علي يدك
زهرة
انا ماليش في. بنتي ما ينكتبش عليها تضيع عمرها في مستشفيات الحكومة وابنك يتمرمغ في العز
عزيز
ما طلعي رؤوف بقي من دماغك. وسيبي في اللي هو في.
زهرة
وهو اية اللي في.
عزيز
رؤوف كان بيموت يا ولية لولا ستر ربنا
زهرة
يارب يموت يا خويا وكل اللي حيلته يبقي بتاعك
عزيز مسكها من ذراعها وقال بعصبية
انتي اية شيطانه بتدعي علي ابني قدام مني
بعدت ذراعها عن ايدة وقالت بجحود
نعم يا عزيز انت هتمسك لساني ولا اية
وتعرفني اقول اية وما اقولش اية.
عزيز
اة همسك لسانك طول ما انتي بتجيبي سيرة ابني بالسوء
زهرة قالت وهي معوجة
ودة من امتي بقي
عزيز
من هنا ورايح. كفاية بقي اللي عملته في بسببك تسخينك فيا. دة انا يا ولية يا قادرة سجنته بايدي وبسببك
زهرة رفعت حاجبها وقالت
طلع لك صوت يا عزيز وبقت تعرف ترد عليه كلمة ب كلمة
عزيز مسك ذراعتها تاني وقال
ايوة طلع لي صوت. ومش هسكت لك تاني. وكمان ليا ايد اكسر بيهم عضمك لو سيرة ابني جت علي لسانك
وضربها بالقلم صرخت زهرة ومسكت في هدومة وقالت
نهارك اسود.
وبدات تضرب في لكن عزيز كان جاب اخرة مسك ايدها الاثنين. بايد واحدة وفضل يضرب فيها بالايد الثانية ندهت زهرة علي. رشا تستنجد بيها دخلت رشا بسرعة الاوضة شافت المنظر. جريت علي عزيز حاولت تشيلة من فوق امها ما قدرتش وزقها نطرها عند الباب خرجت وراحت للمطبخ جري جابت اول حاجة طالتها ايدها ايد الهون الحديد. ورجعت للاوضة تاني ونزلت بعزم ما فيها علي دماغ عزيز ب ايد الهون والدم غرق وش عزيز ووقع علي الارض. وزهرة لطمت وهي بتبص ل عزيز اللي سايح في دمة ورشا رمت ايد الهون والوضع كله اتكهرب ،،،،،،،
وبعدها ب يومين كانت رشا و زهرة قصاد الظابط اللي بيحقق في قضية قتل عزيز وزهرة كانت بتقول وهي بتشاور علي بنتها بمنتهي الخسة والندالة
هي اللي ضربته علي دماغة ب ايد الهون جابت اجله انا ماليش دعوي
بصت رشا ل امها وقالت
انا عملت كدة علشان كان هيموتك في ايدة
زهرة
راجل وبيضرب مراته اية اللي يدخلك انتي بينا
رشا اتصدمت وقالت
مش انتي اللي ندهتي عليه وقولت لي الحقك من ايده
زهرة
قولت الحقيني اة. مش اقتلي انا ماليش دعوي بيكي وباللي عملتي
رشا بغل
انتي اللي قولتي اقتله
زهرة
انا يا بنت الكذابة
ظابط بعصبية
انكتموا انتو الاثنين بدل والله العظيم ادور فيكم الضرب. دة انا شوفت كتير وقليل اول مرة اشوف ام بتبيع بنتها كدة وتسلمها ل حبل المشنقة
رشا
دي عمرها ما كانت ام. دي اجرت قدام مني وانا عيلة صغيرة اللي يكسر عضم ابويا
الظابط بعصبية شديدة
قولت بس ومش عايز اسمع حس اي واحدة فيكم انتو الاثنين، ،،،،،،،،
وتعدي الايام و رشا وامها زهرة ياخدوا 15 سنة اشغال شاقة وضحي كانت في ظهر رؤوف وقرر رؤوف يتجوز ضحي وهنا بقي كريمة اعترضت وقالت باعلي صوت
لا. يا رؤوف
رؤوف
لية لا يا اما
كريمة
علشان دي كانت السبب في موتك
رؤوف
يا اما انا عايش قدام منك اهو موت اية بس
كريمة
موت اية. دة انت خدت جرعة مخدر خليتك تدخل في غيبوبة شهر. لولا ان ربنا عالم بحالي واني مش هقدر اعيش بعد منك دقيقة واحدة. كان زمانك
وسكتت كريمة وعيطت ما قدرتش تقولها خدها رؤوف في حضنه وهي قالت
انا لو كنت سبتها تقرب منك سبتها تقرب علشان ترجع لي انا مش ترجع لها هي.
وعيطت اكتر وقالت
هي سابتك وعاشت حياتها وجت بعد ما ابوها مات تدور عليك. يعني انت كنت نمره اتنين في حياتها لكن عندي انا كنت نمره واحد وما ليش غيرك في الدنيا دي. وانت كمان مالكش غيري مش كدة
رؤوف باس دماغها وقال
كدة يا اما. كدة
كريمة
طيب وغلاوتي عندك ما تتجوزهاش
رؤوف
حاضر يا اما. حاضر، ،،،،،،،
لكن رؤوف ما كنش يقدر يعيش من غير ضحي ولا كان يقدر يزعل امه وهو مقدر اللي هي حاسة بي ومقدر اللي ضحي عدت بي. دة كان ابوها وكان حابسها وهي شالت ذنب موته لكن رؤوف فكر وفكر لغاية ما قرر يتجوز ضحي من وراء امه. وقال ل ضحي
فترة وتعدي بس لازم اقدر اللي امي في هي مش قادرة انك السبب في اللي حصل لي
ضحي فضلت باصة له وساكتة وقال رؤوف
ما تسكتيش وقولي انك معايا مش هضيعي مني تاني بسبب اي حد حتي لو امي
ضحي
وفرحتي اللي في الفستان الابيض ودخلتي قاعة افراح وانت جنب مني كل دة يروح عليه
ودمعت عيون ضحي لكن رؤوف قال
فرحتك هتكون في انك معايا وانا معاكي
ضحي
هو لية مكتوب علينا ان حبنا يكون مخنوق وفي السر لي ديما فرحتي مكسورة لية. بابا حكم علينا بالبعاد وبعديها ماماتك لية،،،،،
وسكتت ضحي ونزلت دموعها. لكن رؤوف مسح دموعها وخدها في حضنه. وسابت نفسها للحضن اللي اتمنته كتير،،،
وبعدها بيوم بالظبط كانت مراته وقضو احلي شهر عسل. والفرحة كانت موجودة في كل مكان هما في. وطبعا رؤوف فهم امه انه مسافر تبع شغله ولفت الايام والحلو في ايامنا مهما طال وقته لازم ينكسر بطعم المر. ودة اللي حصل لما كريمة، ،،،،،،،
ما كفاية كدة النهاردة وبكرة نكمل. باذن الله. سلام عليكم
ح(12)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وبعدها بيوم بالظبط كانت مراته وقضو احلي شهر عسل. والفرحة كانت موجودة في كل مكان هما في. وطبعا رؤوف فهم امه انه مسافر تبع شغله ولفت الايام والحلو في ايامنا مهما طال وقته لازم ينكسر بطعم المر. ودة اللي حصل لما كريمة. قررت تقعد مع رؤوف وتقول له
واخرت سفرة كل يوم والتاني دة اية انا زهقت من القاعدة ل وحدي
رؤوف باس ايدها وقال
خلاص يا ست الكل اجيب لك بت تساعدك في شغل البيت وتاخد بحسك
كريمة
انت عارفني انا ما بحبش الخدمات. ايدهم بتبقي طويلة
رؤوف
هشوف لك واحدة بنت حلال. ما تكنش ايدها طويلة
كريمة
ولية ما تبقاش بنت الحلال هي مراتك
رؤوف اتصدم وقال
مراتي اية بس انا مش فاضي للجواز
كريمة
يعني اية هتفضل عايش كدة
رؤوف
احلي عيشة. عيشة الحرية بلا جواز
بلا وجع قلب
كريمة
طيب شوف العروسة الاول وبعديها. انت اللي هتقولي جوزهالي يا اما ابوس ايدك
رؤوف
اما سيبيني مركز في مستقلبي وفي شغلي
كريمة طلعت صورة للعروسة وحطتها قدام رؤوف وقالت
طيب شوف العروسة الاول. جميلة واسمها جميلة
بص رؤوف للصورة اللي كانت ل بنت جميلة جدا جمال مش عادي بدا رؤوف
يركز في الصورة جدا وقال
دة جميلة فعلا
ضحكت كريمة وقالت
مش قولت لك عروسة ميتقالش عليها لا
رؤوف وهو لسة باصص للصورة باعجاب شديد وبقي زي المسحور وبيقول
امتي هنروح لها، ،،،،،
وبعدها ب 3 شهور بالظبط كانت دخلة رؤوف علي جميلة في قاعة كبيرة وفرحة ملهاش حد. وفي نفس الليلة اللي رؤوف كان فيها في حضن جميلة لاول مرة تصحي ضحي من نومها بعد ما حلمت بكابوس مخيف وبصت حوالين منها وفضلت تبص للاوضة الكبيرة اللي هي نايمة فيها لوحديها مستنية رجوع رؤوف ولما خافت من الكابوس شغلت قران في الراديو علشان تعرف تنام وبعد معاناة شديدة قدرت تنام، ،،،،،،،،،،
وتعدي الايام. و ضحي زهقت من غياب رؤوف المتكرر فقررت تشتغل وقالت له كدة ف رد عليها رؤوف وقال
شغل اية هو انا مخليكي محتاجة حاجة دة احنا بقي عندنا بدل المطعم اربعه وارباح كل مطعم تخلينا نعيش ملوك
ضحي
هعمل اية بالفلوس وانت مش موجود طول الوقت اما بايت في المطعم دة علشان في مشكلة او مسافر تجيب بضاعة للمطعم دة. او مع مامتك التعبانة. وانا افضل لوحدي طيب لية اعيش كدة وانا اصلا دكتورة سابني اطلع اشتغل بشهادتي واهو اضيع وقت
رؤوف
اة وتفضلي بقي تتمرقعي مع دة شوية ودة شوية
اتصدمت ضحي من اللفظ وقالت
اتمرقع. رؤوف انت فاهم انت بتقول اية
رؤوف
ايوة فاهم هو انتي شيفاني عبيط ما بعرفش انا يقول اية
ضحي
طيب حاسب علي كلامك يا رؤوف وانا ما كنتش زمان بتاعت مرقعه علشان اتمرقع دلوقتي
رؤوف بعصبية
ضحي انا جاي لك علشان وحشتيني هتفصليني منك وتخليني اكرة اجي لك لية
ولسة هيلف ايدة حوالين منها شالت ايدة عن جسمها وقالت
انا تعبانه. روح ل مامتك وفكر في حوار الشغل دة علشان بجد زهقت من عيشة المتجوزة واللي مش متجوزة دي
وسابته ودخلت اوضتها واخر كلام بتسمعه وبعصبية شديدة
انا غلطان اني جيت لك اصلا. بقيتي تحبي النكد زي عينكي. بس انا راجل معايا فلوس وصحة. اسيب نفسي للنكد لية. انا ماشي يا ضحي ولما تعرفي انتي مرات مين ابقي كلميني
وخرج ورزع الباب وراء منه وضحي فتحت باب اوضتها مش مصدقة ان دة رؤوف اللي حبته. واتجوزته، ،،،
ومن جوة شقة الهام اللي اتجوزت من دكتور زميلها كانت الهام قاعدة قدام ضحي اللي كانت بتقول
شهر بحاله ما فكرش يسال عليه. وكانه كان بيتلكك علشان يبعد عني
الهام
اية اللي حصل دة. دة كان هيموت عليكي في اية.
ضحي
وصلي خلاص بقي يفضل يحبني لية
الهام
ودة كلام برضو هو اللي بيحب حد اول ما يتجوزه تكون نهاية الحب.
ضحي
مش عارفه اعمل اية. ومش عايزا اتصل بي لاني حسيت انه جه عليه اوي يا الهام. لكنة واحشني
وبدات ضحي تعيط طبطبت عليها الهام وقالت
ازاي بعد كل اللي عملتي علشانه يجي له قلب يجي عليكي كدة
ضحي
الهام انتي اختي تفتكري ان الصح انا اللي اتصل بي ولا استني لما يتصل هو ويعرف قد اية هو جه عليه
الهام
انتي عايزا تتصلي بي اتصلي
ضحي
لو عملت كدة ابقي صح ولا غلط
الهام
اعملي اللي يصون بيتك ويرجع لك جوزك
ضحي باستهزاء
جوزي.
واتنهدت ضحي. وقالت
انا مش هتصل ولما يعرف قيمتي يبقي يدور عليه. وكمان انا هشتغل
الهام
من وراء
ضحي
اة يا الهام انا عندية وما حدش يكسرني و هاعمل اللي انا عايزا طالما ما بعملش اي حاجة غلط، ،،،،
وتقرر ضحي فعلا انها تشتغل وبدات تلف علي المستشفيات وتقدم الشهادة بتاعتها لكنها تعرف انها حامل. فقررت ترجع في قرارها وقالت لما تخلف الاول وهنا كان لازم تتصل ب رؤوف واتصلت ب رؤوف اللي رجل لشرب. المخدرات تاني الفلوس الكتير عمته وفرح رؤوف انه هيبقي اب وجري علي ضحي وخدها في حضنه وكان فرحان جدا. وشالها فوق دماغه شال لغاية ما خلفت بنت زي القمر وسموها فاتن. وحب رؤوف فاتن اوي ودة خلي يهمل شوية جميلة اللي ما كنتش بتخلف وجميلة اشتكت ل كريمة وكريمة وقفت قدام ابنها وقالت
انت بقيت تغيب تاني تروح فين مش كنت خلاص بطلت السفر الكتير وكنت قاعد معانا
رؤوف
الشغل يا اما. الشغل انا بقي عندي 6 مطاعم ولو غفلت عنهم اتاكل
كريمة
ومراتك ملهاش حق عليك
كان رؤوف وقتها مش فايق وتحت تاثير المخدر فرد عليها وقال
هي ضحي اشتكت لك مني ولا اية
كريمة اتصدمت وقالت
واية اللي جاب سيرة اللي يتخفي اسمها دي
رؤوف
سيرة مين
كريمة
ضحي
رؤوف
هو انا قولت ضحي. معلش نسيت
كريمة بصت له في عيونه وقالت
ولا. انت اتجوزت ضحي من ورايا
رؤوف
انا وربنا ابدا.
وسابها ومشي وكريمة فضلت تبص له وقالت لنفسها
بتضحك عليه يا رؤوف ودين النبي ل اعرف اصل حكايتك اية
وفعلا سلطت كريمة عيل اسمه عصفورة يراقب رؤوف وعصفورة جاب لها اصل الحكاية، ،،،
وفي يوم ضحي كانت قاعدة بترضع بنتها سمعت باب الشقة بيخبط قامت فتحت ولقت قدام منها كريمة والشر في عيونها ، ،،،،،،،،،
بقول لكم اية ما كفاية كدة النهاردة وبكرة باذن الله نكمل. سلام عليكم
ح(13)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وفعلا سلطت كريمة عيل اسمه عصفورة يراقب رؤوف وعصفورة جاب لها اصل الحكاية، ،،،
وفي يوم ضحي كانت قاعدة بترضع بنتها سمعت باب الشقة بيخبط قامت فتحت ولقت قدام منها كريمة والشر في عيونها لكن الشر دة اتحول لما شافت علي ذراع ضحي بنتها فاتن وقالت ضحي
طالما وصلتي ل هنا تبقي عرفتي اللي انا وابنك مخبيئة عليكي.
وبصت للطفلة فاتن وقالت
فاتن دي جدتك.
وبعدها بصت ل كريمة وقالت
ادخلي يا طنط
دخلت كريمة اللي حالها اتبدل 360 درجة. كريمة اللي بقي ليها حفيدة. كريمة اللي شالت فاتن وفضلت تلاعبها وهي الفرحة مش سايعها وسبحان مقلب القلوب. بعد ما كانت كريمة بتكره ضحي بقت بتحبها وعايزا ديما هي وبنتها يكونو قدام منها. كريمة مش وحشة زي ما كان يبان كريمة ست بسيطة وطيبة جدا لكن اللي حصل في ابنها خلي قلبها يرفض ضحي. لكنها عارفة ومتاكدة ان ضحي ربنا جعلها سبب علشان ابنها يكون في الحال دة. ورحبت كريمة بالجوازة وباركتها كمان بس بشرط تفضل ديما تشوف فاتن حفيدتها اللي جابت لها سلسلة ذهب وحلق ذهب وخاتمين وقعدت مع رؤوف وقالت
انا عايزا اعيش مع حفيدتي
رؤوف
ازاي بقي. وجميلة تعيش هنا لوحدها دة انتي عارفة احنا مماشين الدنيا ازاي وخايف ل ضحي تعرف اني متجوز عليها
كريمة
انا ماليش دعوي انت تجيب شقة تانية ل جميلة وتاخدها تعيش فيها وتجيب ضحي وينتها هنا يعيشوا معايا
رؤوف
واقول اية ل جميلة بس
كريمة
اتصرف فكر في كلام تقوله. بس قولو وانت فايق بلاش تتكلم معها وانت مسطول
رؤوف
اما انا ما بشربش الا تفاريحي كدة
كريمة
انت حر في نفسك وكبرت كفاية. مش انا بقي اللي هعرفك اية الصح واية الغلط. بس احب اعرفك اخرة طريق التوهان دة خسارة. واتعظ من اللي حصل لك قبل كدة دة كنت موت وحييت تاني
رؤوف
ما خلاص يا اما بقي. مش كل شوية تقطمي فيا بكلامك دة
كريمة
خلاص. خلاص. خلينا في موضوعنا وفي خلال اسبوع كريمة وبنتها يكونو هنا
وسابته كريمة ومشيت وهو فضل يقول ل نفسه
اعملها ازاي بس واقول ل جميلة اية، ،،
ومن جوة اوضة نوم. يقعد رؤوف جنب جميلة علي السرير وكان بيبص لها وبيقول
اية رايك بقي في المفاجاة دي
جميلة
مفاجاة مش حلوة. لية اسيب شقتي وانقل في شقة تانية. ولية مامتك مش هتنقل معانا
رؤوف
جميلة انا عايز اقعد انا وانتي في شقة لوحدينا وامي تفضل هنا. انا كدة هكون مرتاح اكتر
جميلة
هو في حاجة حصلت بينك وبين مامتك
رؤوف عجبته الجملة وقال
اة بصراحة ومحتاج ابعد وانتي معايا
جميلة
بس انا بحب مامتك اوي. دي طيبة ولو المشكلة بينكم كبيرة احاول ادخل انا واحلها
رؤوف
لا. يا جميلة انا ما بحبش حد يدخل بيني وبين امي. واسمعي كلامي بقي كفاية منهادة.
ومسك ايدها وباسها وهو بيقول
مش انتي تحبيني اكون مرتاح
جميلة
اكيد طبعا بس انت يا رؤوف اغلب الوقت مسافر بسبب شغلك وانا كنت بتسلي طول ما انت غايب مع مامتك
رؤوف
اوعدك اني مش هسافر كتير تاني واغلب الوقت هكون معاكي. خلاص بقي اسمعي الكلام واياكي تيجي الشقة دي تاني بعد ما ننقل
جميلة
هو اية اللي حصل ل دة كله
رؤوف
مالكيش في اسمعي الكلام وخلاص وانا عارف انك طيبة وبتسمعي الكلام،،
وفعلا نقلت جميلة في شقة تانية وعاشت اغلب الوقت لوحدها لان عيشة رؤوف الاساسية كانت عند ضحي وامه ومع فاتن وعديت الايام قولو السنين وضحي خلفت البنت التانية ليلي وبعد ولادة ليلي ب 6 سنين تموت كريمة وحال رؤوف بعد موت امه يرجع اسوء من الاول لدرجة انه اتعرف علي رقاصة وجاب صورتها وهو معها في الكبارية وكان عاوز يعلقها في اوضة النوم ودة بسبب رهان بينه وبين الرقاصة واصحابة اللي عرفهم في الكبارية.
انه ما يقدرش يعرف مراته باللي بينه وبين الرقاصة وبمنتهي الخسة والندالة خد صورته وهو في حضن الرقاصة و علقها في اوضة النوم وقت ما كانت ضحي نايمة اللي صحيت علي صوت دق المسامير اللي هيعلق فيهم الصورة اللي كمان حطها جوة براوز فتحت عيونها بصعوبه وبصت للي بيحصل وشافت الصورة وهو واقف قدام منها. صورة تكسر اي ست من جوة. جوزها في احضان رقاصة وبدل ما يخبئ لا. جاي لغاية بيتها ويعلق الصورة قدام منها بصت له ضحي وهو فرحان بنفسه ومش دريان هو بيعمل اية من كتر الخمرة اللي بيشربها وقال ل نفسه لكن بصوت عالي
كدة انا اكسب الرهان وابقي قصاد زيزي و الصحبة اللي معها كسبت الرهان وبقيت سيد الرجاله
ضحي
راجل انت كدة
بص لها وقال بصوت مخمور
وطي صوتك ل بعدين مراتي تسمع
ضحي باستهزاء
ما تسمع هو انت يفرق معاك دة انت سيد الرجاله
ضحك وقال
ايوة صح. انا سيد الرجاله
وقلع جذمتة ورماها علي الارض وبدلته ورمي جسمه علي السرير وفضلت ضحي باصة له مش مصدقة ان دة رؤوف اللي علشانه عملت كتير وكتير ونام علي السرير زي المقتول وريحة الخمرة بتفوح منه قامت ضحي من جنبه وراحت ناحية الصورة ومسكتها ورمتها علي الارض. وصوت جوة منها كان بيقول
اية هتسكتي له. وتخلي ينام وكانه ما عملش مصيبة
ضحي ردت علي نفسها
وهيفيد في اية الكلام مع وهو في الحالة دي,,,,,,
وتعدي الليلة ويصحي رؤوف ويدور علي ضحي جنب منه لكنها ما كنتش موجودة ضحي نامت في اوضة الاطفال مع بناتها قام رؤوف من فوق السرير ودماغة كانت ثقيلة من الشرب والمخدرات ومشئ خطوتين بالظبط قبل ما يشوف صورته مع الرقاصة علي الارض مكسورة اتصدم وسال نفسه
اية اللي جاب الصورة دي هنا. اكيد ضحي شافتها وهي اللي كسرتها كدة.
وبدا يلوم نفسه جدا. وخرج من الاوضة
وعيونه كانت بدور علي ضحي اللي كانت قاعدة علي السفرة بتفطر بناتها الاثنين قرب منها وبص لها وهي بصت له ورجعت تكمل فطار بناتها فقال
كدة تفطروا من غيري
ضحي ما ردتش وفاتن وليلي جريوا ناحيته علشان يصبحو عليه لكن ضحي سابت السفرة وقامت ودخلت المطبخ بص له بصة خاطفة وبعدها قال ل بناته
روحو كملو فطاركم
ودخل وراء ضحي المطبخ ولسة هيتكلم بصت له ضحي وقالت
بلاش نتكلم في اي حاجة علشان البنات بيكبروا وعيب اوي يسمعونا ويعرفوا باللي بيعمله ابوهم
رؤوف حط عينه في الارض. لكنه قرب منها لكن ضحي هربت دموعها وقالت
اوعي تقرب اكتر من كدة. ولو انت محتاج تقرب قرب من ربنا. اللي اداك ووسع رزقك وبدل ما تصون النعمة تحمده. بتصرف اللي بيبعده لية علي اي حاجة حرام.
رؤوف
المخدرات هي السبب. لكن اقسم لك بالله ان،،،،،،،
ضحي قاطعته وقالت
بوقك كله خمر نطقت اسم ربنا ازاي
رؤوف
ضحي كفاية
ضحي
انا اللي كفاية ولا انت. بس ارجع واقول انا الغلطانه اني رخصت نفسي وقدمت لك قلبي وحب ما حدش حبه
ل حد قبل كدة. وفي الاخر رد الجميل والحب دة كله يكون خيانتي.
حاول رؤوف يلمسها لكن ضحي قالت
شيل ايدك وما تخلنيش اعلي صوتي والبنات يسمعونا واحنا بنتخانق
رؤوف وهو بيبعد عنها قال
للدرجة دي مش طيقاني
ضحي وهي بتعيط وبتسخن لبن ل بناتها
تفتكر لو انا خونتك بعد كل اللي قدمته ليا هتكون طايقني
رؤوف اتعصب وشاط اللبن اللي علي النار بايدة واتفزعت ضحي وقال بعصبية شديدة
ما خلاص بقي كل شوية تعديها اللي قدمته ليك اللي قدمته ليك ما كنوش حتتين ذهب دفعت لك ثمنهم من زمان
ضحي بصت له وقالت هي كمان بعصبية
هو انا كل اللي قدمته ليك كان الذهب وبس. ولا بقي كل حساباتك الفلوس وخلاص. انا ما قصدش كدة. انا بكلمك علي قلبي.
وخبطت علي صدرها وهي بتقول
اللي انت نقطة ضعفة اللي هتموتني
هنا كانو البنات واقفين عند باب المطبخ جم علي الصوت العالي
و رؤوف بيقول
واللي تحب حد تسيبة في اكتر وقت هو كان محتاج لها في. وتختار ابوها مش كدة. اوعي تفتكري اني قادر انسي او اعيش واعمل نفسي ناسي. انا لغاية دلوقتي كلام صابر ابوكي وهو بيطردني برة بيته في الليلة اياها بيرن في وداني.
ضحي صرخت وهي بتقول
انت مش لاقي حاجة تقولها بتكذب عليه ولا علي نفسك. انت بتحكي في كلام عدي عليه سنين. ودة مش مبرر ابدا للي انت عملته
رؤوف بمنتهي العصبية
لا مبرر. وانا بشرب مخدرات علشان انسي اللي عمله مهما عليت ووصلت وكان معايا فلوس افضل ديما فاكر كلامه اللي كان زي السم. وطردته ليا.
وخبط علي ذراعة وكمل وقال
بعد ما كان ذراعي دة السبب في انه يرجع من الموت مرتين. راجل ناقص
ضحي ضربته في صدرة بكل قوتها وقالت
ما تشمش ابويا. انت فاهم.
ضربها بالقلم ومسكها من شعرها وقال
طيب هشتمة واضربك وها هينك. علشان روحه تتعذب كل ما يشوف بنته بتتهان.
وضرب ضحي دي بقي هايج ومجنون وعمال يقول
بنتك بتتهان يا صابر حاسس بيها صح.
وضربها تالت ورابع و رغم صريخ بناته ومحاولتهم انهم يلحقوا امهم من ايدة الا انه ما كانش بيبطل ضرب فيها لغاية ما زهق وسابها مرمية علي الارض مفحومة من العياط وحاجبها وبوقها بداو يجيبو في دم لكنها حضنت بناتها اللي اول مرة يشوفو المنظر دة. وكانت بتقول لهم وهي مش قادرة
متخافوش مالكم بتترعشوا لية كدة. انا كويسة
فاتن
بابا لية يضربك كدة.
ليلي
بابا وحش
ضحي حضنتها اوي وقالت
لا. يا ليلي بابا مش وحش هو بس تعبان ومش عارف هو بيعمل اية. تايهة. لكن عمره ما كان وحش
وما فيش دقيقة الا و رؤوف دخل تاني المطبخ واترمي في حضن. ضحي وكان بيعيط اوي وبيقول
انا مش عارف انا ازاي عملت كدة. بالله عليكي سامحيني.
وبدا يحضن ولادة اللي كانو خايفين منه بصت له ضحي باستغراب شديد وحست ان اللي قدام منها مش بني ادم طبيعي. ويا تري الايام اللي جاية مخبية لك اية يا ضحي، ،،،،،،
خلاويص النهاردة ولو في العمر بقيا هكمل لكم الحكاية ديا سلام عليكم
ح(14)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من جوة شقة الهام كانت ضحي قاعدة قصاد منها وهي بتحاول تتماسك مع انها بتحكي كل حاجة بتحصل من رؤوف اللي ما بقتش قادرة تعيش معه
شوية حنين جدا وشوية ضرب واهانه وقله ادب. كل حاجة باظت وخلصت فقالت الهام
دة لازم يرجع المصحة تاني لان واضح جدا ان المخدرات لحست عقله
ضحي
كلمته وحاولت معه لكنه مش راضي والمصيبة انه شايف نفسه طبيعي. انا تعبت والله العظيم و ديما بسمع صوت بابا الله يرحمة في وداني وهو بيقول اهم حاجة في الحب التكافؤ. بين الاثنين. كان صح في كل كلمة قالها. الله يرحمة محتاجة لي اوي
وعيطت اوي وقالت
محتاج له يرجع يربطني تاني علشان الجوازة دي ما كنتش تمت
الهام خدتها في حضنها وقالت
بس انا مش معاكي في اللي انت يتقولي دة. و رؤوف قبل ما يكون ظالم فهو بات ليالي كتير مظلوم
بصت لها ضحي وهي مستغربه كلامها فقالت الهام
ما تستغربيش اوي كدة. رؤوف ما كنش وحش اول ما عرفتي لكن اللي حصل واللي شافه من ظلم ابوكي لي. وطردته الليلة اياها واللي بسببه عرف طريق المخدرات علشان ينسي بيها اللي حصل وكتر الفلوس من بعد ما كان محروم منها حولته للانسان اللي قدام منك دلوقتي. انسان نفسية مش مظبوط مهما وصل وعلي وبقي معه فلوس يفضل شايف قدام منه صابر باباكي اللي حسسه انه ولا حاجة.
ضحي
ولية ما ينساش ويكون اقوي من كدة
الهام
رؤوف ممكن يكون ذراعه قوي لكن دماغه ونفسيته مش بنفس قوة ذراعه والدليل علي كدة انه اتظلم من ابوه ودخل السجن بسببه وطلع عاش تحت سقف بيت واحد مع اللي ظلمه. وكسره
ازاي يقبل علي نفسه يعيش مع اللي ظلمة حتي لو كان ابوه. لكنه علشان ضعيف الارادة عاش وكتب علي نفسه انه كل يوم يشوف اللي ظلمة وما يقدرش ياخد حقه منه. ويخلي كمان ياكلة ويشربه. شاف امه خدامه في بيتها. شوفي بقي كل دة يخلي البني ادم يكون من جوة عامل ازاي. مستحيل يكون انسان طبيعي اكيد مشوة. لكن ما يمنعش انه انسان معدنه نظيف و طيب لكن اللي اتعرض له كسره واللي انتي بتعاني منه دلوقتي هو انعكاس للانكسار اللي حصل ل رؤوف. وانكتب عليكي تعيشي طول الوقت باصة في مريا رؤوف المكسورة وشك باين فيها باكتر من حاله. الفرحانه لانها عايشة مع حبيبها الحزينه اللي حبيبها بيضربها الزوجة اللي جوزها خانها وغضب عنها مكملة الام اللي خايفة علي بناتها من اب مشوة نفسيا انكتب عليكي تعيشي في انكسار. سببه انكسار حبيبك الوحيد
ضحي صرخت وهي بتقول
بس انا ما قدرش اعيش كدة
الهام
انتي ما تقدريش تعيشي بعيد عنه. لان قلبك ملكة
بصت لها ضحي وسكتت لان الجملة الاخيرة دي. جت في الصميم،،،،،،
وضحي عاشت الايام كلها شبه بعضيها لكنها ما بقتش قادرة تستحمل لانها ست ومحتاجة ل راجل يحتويها بحبه مش هي اللي تحتوي بحبها وبدا الضغط العصبي يزيد علي ضحي لدرجة انها بدات تروح لدكاترة نفسيين
يمكن تكون احسن وكل اللي راحت لهم ضحي اجمعوا علي انها تشتغل لانها طول ما هي قاعدة في البيت هتفضل حالتها تكون في النازل كلمت رؤوف وطلبت منه تطلع تشتغل لكنه رفض لكنها صممت وخرجت تشتغل من وراء. في مستشفي خاص واستغلت الوقت اللي رؤوف بيكون في مع صحبة السوء وتخرج تروح المستشفي والايام اللي يكون موجود فيها معاها ما كنتش بتخرج ودة بالتنسيق مع مدير المستشفي وتخيلو انها ما كنتش بتاخد مرتب. ايوة ما خدتش مرتب. ضحي خرجت تشتغل بس علشان تلهي نفسها في اي حاجة غير رؤوف. وبعد ما كانت اهملت في نفسها رجعت تاني تهتم بنفسها ما هي برضو بتتعامل مع دكاترة وممرضين ومرضي ما ينفعش تكون الا في احسن مظهر ضحي حست انها رجعت عايشة تاني وبدات تشوف نظرات الاعجاب في عيون زمايلها الاعجاب بشغلها وبجمالها. وبقت ضحي في فترة صغيرة جدا من احسن دكاترة الولادة الموجودين في المستشفي. لغاية ما جت لها جميلة مرات رؤوف التانية اللي اخيرا ربنا اراد يجبر بخاطرها وتحمل. وتولد ولد زي القمر وعلي ايد مين علي ايد ضرتها. وتعالو بقي افكركم باول مشهد في الرواية
**ضحي بتخرج من كشك الولادة ووقفت علي باب الكشك وكانت بتكلم الممرضات اللي معها و بتطلب منهم رعاية الطفل والام جميلة وسمعت صوت رؤوف جاي من وراها وكان بيقول
انا في ممرضة شاورت عليكي وقالت انك انتي اللي بتولدي مراتي. ياتري هي ولدت ولا لسة
اتصدمت ضحي اللي البلطو كان مغيرها لدرجة ان رؤوف ما عرفهاش من ظهرها و بدات ضحي تلف وشها وهي بتقول يارب اكون غلط وبصت له وهو اتصدم وبرق وما بقاش عارف يقول اية. لكن ضحي هي اللي قالت بصوت حزين مخنوق وبحروف ميته
مراتك. انت كمان متجوز عليه
رؤوف
انتي بتعملي اية هنا.
ضحي
سيبك من اللي انا بعمله وقولي انا عملت فيك اية علشان تعمل فيا دة كله
رؤوف
حاسبنا مش هنا ومش دلوقتي
واداها ظهره ولسة هيمشي مسكتة من ظهرة وخليته يلف وشة ليها وقالت
لا هنا. ودلوقتي.
وصرخت في قائلة
انا عملت فيك اية علشان تعمل فيا دة كله
رؤوف
اية هبت منك ولا اية هتحسابيني علي اللي انه بعمله
الحوار داير واللي موجود في المستشفي عمالين يتفرجوا وضحي بتقول
مش من حقي
رؤوف
ايوة مش من حقك انا راجل ومعايا الفلوس واتجوز بدل الواحدة اتنين وتلاته واربعه. انا حر
ضحي
لا. مش حر. ويا اخي ملعون ابوة الفلوس اللي جننتك
ضربها بالقلم. قصاد كل الموجودين بصت له وبصت لكل اللي كانو واقفين قبل ما تلاقي الامن بيدخل علشان يمنع اللي بيحصل دة. لكن رؤوف بعدهم عنه وخرج من المستشفي وهو متعصب و ضحي دموعها علي خدها. راحت ناحية اوضتها في المستشفي. ودخلت وقفلت الباب وراء منها قبل ما تسمع صوت خبط علي الباب بطريقة مخيفة بصت للباب اللي اتفتح ودخلت عليها ممرضة قالت لها
الحقي يا دكتورة. ابن مدام جميلة قاطع النفس
قامت بسرعة من وراء مكتبها وهي بتقول
ازاي دة. دة نازل كويس
وخرجت جري من مكتبها ووراء منها كانت الممرضة بتجري ،،،،،،
ومن جوة الاوضة الموجودة فيها جميلة اللي كانت بتعيط والممرضات بيمعنوها من الوصول ل ابنها اللي ضحي كانت ماسكة مناخيرة وبدخل له هواء عن طريق بوقها. اللي هو تنفس صناعي وبتضغط علي صدره بايدها الاثنين لكن القلب توقف عن الحركة تمام وفضلت ضحي تحاول وتحاول لكن الطفل مات. صرخت جميلة لما شافت ضحي بتحط الملايا علي وش ابنها وبصت لها ضحي وما قدرتش تستحمل حالتها ف سابتها وخرجت من الاوضة. واخر حاجة كانت بتسمعها صوت صرخات جميلة ،،،،،،
وبعدها بكام دقيقة وبعد ما الممرضة اتصلت ب رؤوف عرفته باللي حصل ل ابنه جه رؤوف جري ودخل مكتب ضحي وكان الشر باين في عيونه وباين جدا انه تحت تاثير المخدرات ورزع الباب وراء منه وقفله بالمفتاح وقال
هي حصلت تاخدي حقك مني في عيل صغير
ضحي بصت له وهي مرعوبه وبيقرب منها وهي بتقول
رؤوف باين عليك انك مش في وعيك. بلاش تفرج الناس علينا وكفاية فضايح لحد كدة
ابتسم بشر شديد وهو بيبعد المكتب بايدة عن طريقة ناحية ضحي وبيقول
الفضايح دي كلمة قليلة اوي علي اللي انا ناوي اعمله فيكي. قصاد ابني اللي قتلتي بدم بارد
ولسة هيمسكها من شعرها هربت ضحي وراح ل ركن في الاوضة وصرخت وقالت ب اعلي صوت
امن المستشفي فين. الحقوني في مجنون عايز يقتلني
رؤوف
المجنون دة هيسلخ جلدك وانتي عايشة
وهجم عليها تاني ولسة هتهرب ضحي قدر يمسكها من حجابها ب كام خصلة من شعرها صرخت ضحي اكتر وحاولت تخلص من ايدة لكنه زقها علي الارض وقعد فوق منها وبدا يخنقها ومع صرخاتها باب اوضة المكتب كان في اللي بيحاول يكسره علشان يدخل وفعلا اتكسر ودخل كام ممرض مع كام فرد امن وقدروا يبعدوا رؤوف عن ضحي وفضلت ضحي باصة له وهي مفزوعه وبتترعش من شدة الخوف وهو بيقول
هقتلك زي ما قتلتي ابني سامعة هاقتلك يا ضحي
وخدوا وطلعو بي برة الاوضة وهي بتبص له ومش طايقة قلبها اللي لسة بيحبه، ،،،،،،،،
وبعدها ب اسبوع الهام كانت عند ضحي في بيت صابر. ما ضحي خدت بناتها وراحت تعيش في بيت صابر
و كانت ضحي بتقول
ما عرفش عنه حاجة ومش عايزا اعرف يغور في داهية
الهام
ما تطلقي منه و ارتاحي من العذاب دة
ضحي
اطلق من واحد ميت. رؤوف بالنسبة لي ميت.
وهنا يسمعوا صوت خبط علي باب الشقة اتفزعت ضحي وبصت ل الهام وقالت
هو
الهام
اهدي يا ضحي انا هقوم اشوف مين
ولسة هتقوم الهام مسكت ضحي ايدها بخوف شديد وقالت
بلاش تقومي
الهام
هقوم يا ضحي وهفتح ولو طلع هو انا هوقفة عند حده.
وفعلا قامت الهام وفتحت ولقت قدام منها ظابط واتنين عساكر بصت له باستغراب وقالت
خير
الظابط
مش دة منزل ضحي صابر النهر
الهام
هو
الظابط
طيب هي فين
هنا ظهرت ضحي وقالت
انا ضحي خير
الظابط
مرفوع عليكي قضايا شيكات بدون رصيد مستحقة السداد
ضحي باستغراب
شيكات اية بدون رصيد
الظابط
شيكات جبتي بيها بضاعة لسلسة مطاعم كل واشبع
ضحي
انا ماليش اي دخل بالمطاعم دي. دي كلها ملك جوزي
الظابط
مش صح الكلام المطاعم كلها مكتوبه باسمك والعقود موثقة في الشهر العقاري. وانتي قدام القانون يا تدفعي فلوس البضاعة اللي خديها من التجار. لتتحبسي
اتصدمت ضحي وبصت ل الهام وقالت
عاملها رؤوف الخسيس، ،،،،،،
خلاويص النهاردة ولو في العمر بقيا هكمل لكم الحكاية ديا سلام عليكم
ح(15)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
اسبوع عدي بعد ما تم القبض علي ضحي في قضية الشيكات اللي بدون رصيد كانت ضحي مع الهام في مكتب محامي قريب الهام اسمه خالد. وخالد كان بيقول ل ضحي
كدة بعد بيع كل المطاعم ما عدا مطعم وسط البلد وبيع شقة والدك صابر نبقي قدرنا نسد الدين اللي كان علي جوزك. وانا بنفسي هقدم الاوراق اللي تثبت الكلام دة للنيابة وهيتم الافراج عنك نهائي بدل ما انتي خارجة بكفالة
الهام
ازاي يا خالد 6 مطاعم يتباعوا علشان نسد شيكات بس.
خالد
المطاعم بتتسرق و بتخسر بقالها شهور علشان كدة اتباعت بسعر يحزن
ضحي
في داهية اي حاجة المهم اني اخرج من القضية دي. و الله ينتقم. منك يا رؤوف
الهام
هو لسة مختفي صح
ضحي
ولا اعرف عنه حاجة
الهام
غريبة يكون راح فين دة
ضحي
هرب وسابني لوحدي. لكن انا لازم اكون اقوي من الظروف واكمل علشان بناتي الاثنين
الهام
ناوية علي اية يا ضحي
ضحي
ناوية اشتغل واصرف علي بناتي اليتامي، ،،،،،،،
وبدات ضحي تشتغل في المستشفي وفي نفس الوقت تروح المطعم لكنها تاهت في المطعم وما بقتش عارفة تجيب بضاعة منين وتبيع ب كام. وهنا طلبت تقعد مع اقدم واحد في المطعم وفعلا جه رجل في اوائل الاربعينات في الوقت دة كانت ضحي في ال 37 من عمرها هذا الرجل اسمه ايهاب وسيم ومحافظ علي جسمه ونفسه رغم انه في الاربعينات اللي اول ما عيونه جت في عيون ضحي حس انه يعرفها من زمان وابتسم وقال
شرفتي المطعم يا، ،،،،،،،،
قاطعته وقالت
مافيش وقت للمجاملات. انا سالت وعرفت انك شغال في المطعم من يوم ما اتفتح تقريبا.
ايهاب
من اول يوم وانا في المطعم
ضحي
علي كدة بقي انت بتاخد مرتب كويس
ايهاب
الحمد لله علي كل حال مع ان المطاعم برة بتدفع دلوقتي مرتبات اعلي من هنا لكني مرتاح نفسيا في المطعم هنا ودي عندي تسوي فلوس كتير
ضحي بتهكم
مرتاح نفسيا ولا الدنيا حلوة واللي بيحب ياخد حاجة بياخدها مع صاحب المطعم سايبها سايية والمال السايب يعلم السرقة
ايهاب راحت الابتسامة من علي وشة وقال بجدية شديدة
واضح ان حضرتك طلبتي تشوفيني علشان تجرحي فيا وبس
ضحي
انا ما بجرحش انا بقول الحقيقية. اللي عرفتها من يوم ما بدات اتابع اللي بيحصل في سلسلة المطاعم اللي كانت كلها سرقة ف سرقة
ايهاب
انا ماليش اني اتكلم عن فروع تانية لكني يا ما نبهت استاذ رؤوف ان الزبائن بتشتكي من المعاملة والاسعار العالية في المطاعم التانية وهو كان بيرفض يسمع لي. لكن دة مش معني ان المطعم اللي حضرتك في دة. يكون بيحصل في نفس اللي حصل في باقي المطاعم.
ضحي
وانا اية اللي يطمئن لي انك مش بتكذب
ايهاب بص لها اوي في عيونها وقال
اللي بيكذب بيخاف وانا ما بخافش
واستقرت عينه ف عيونه اللي حرفيا ذبحته من جوة. وهي شافت في عيونه لمعه خافت منها. فبلعت ريقها ووديت بها
طيب اتفضل دلوقتي روح شوف شغلك
ايهاب
حاضر وقبل ما امشي عايز اقول ل حضرتك لو مش عايزاني في المطعم انا ممكن امشي والارزاق علي الله
وسابها ومشي. و ضحي ما بقتش فاهمة هي شافت في عيونه اية. لكن حاسة ان الايام اللي جاية مخبيئة كتير،،،،،،
وبعدها. ب كام شهر. فاتن بنت ضحي اللي تمت عامها ال 14. كانت شايفة ايهاب بدا يروح ويجي علي البيت بحكم الشغل اللي بينه وبين ضحي وتقفيل حسابات المطعم وكانو بيقعدوا كتير مع بعض. ومشي ايهاب في ليلة وضحي كانت بدات تحس ان ايهاب دة عوض ربنا اللي بجد. وبدا يمتلك جزء من قلبها لكنها لسة بتحب رؤوف. لكن الست زي الوردة بتكبر وبتبقي مبهجة مع كل لحظة اهتمام بيها. لكن خرجت من حاله العشق دي. لما فاتن قالت لها
مش شايفة ان ايهاب دة بقي يجي كتير هنا. وهو بقي يجي وبابا اختفي
بصت لها ضحي باستغراب شديد وقالت
تقصدي اية
فاتن قعدت قدام منها وقالت
فين بابا
ضحي
سالتيني ميت مرة وكل مرة اقول لك ما عرفش.
فاتن
دوري عليه
ضحي
ادور عليه لية هو عيل صغير
فاتن
ماما انا ما بقتش صغيرة. ولو سبتي بابا عرفيني
ضحي
باباكي هو اللي سبنا مش انا اللي سبته
فاتن
طيب لية
ضحي مش. عارفة تقول اية ما هي برضو مش عايزا تعرف فاتن حقيقية ايوها فسكتت وفاتن سالت تاني.
فين بابا.
صرخت ضحي وقالت
ما عرفش ما عرفش. وسيبني في حالي بقي،،،،،،،،
وتعدي سنة بالظبط وفي يوم تلاقي ضحي باب شقتها بيخبط راحت وفتحت الباب لقت جميلة بصت لها باستغراب وقالت
اقدر اساعدك ازاي
جميلة بصوت حزين
انا جاي لك من عند رؤوف
اتصدمت ضحي،،،،،،،
ومن جوة مستشفي الامراض العقلية تقف جميلة جنب ضحي اللي كانت بتبص علي رؤوف من وراء ازاز اللي كان محجوز وحيد في عنبر الحالات الخطرة وايدية الاثنين مربوطين. وعلي الحيطة مكتوب بالدم ضحي. وقلب مكسور. وضحي بتبص للمنظر دة
وجميلة بتقول
بقاله سنه وكام شهر ساكت ما بيتكلمش واول ما اتكلم طلب يشوفك
ضحي كانت بتعيط وذكرياتها الحلوة مع رؤوف بتعدي قصاد منها في شريط
مليان من المشاهد اللي تفرح القلب. وجميلة بتكمل وبتقول
الدكاترة بيقولو انه في الايام الاخيرة واخر حاجة عايزا قبل ما يموت انه يشوفك
بصت ضحي ل جميلة. اللي كانت بتعيط هي كمان وبتقول
هو عذبنا احنا الاثنين لكني صدقيني ما قدرتش اكره. ولا انتي هتقدري تكرهي هو ظالم ومظلوم. هو في كل الحالات حبيبي وحبيبك
اتوجعت ضحي ورجعت تبص له تاني وبعدها قالت
ادخل له ازاي، ،،،،،،،،
ودخلت ضحي الاوضة و رؤوف بص لها وفضل ساكت وضحي قربت منه وقالت
رؤوف لية وصل بيك الحال ل كدة
بص لها وقال
كريمة بتنادي عليه.
ضحي
لا يا رؤوف ماتقولش كدة
رؤوف
وعارفة مين تاني بينادي عليه. صابر كمان بينادي عليه. وكان زعلان مني بس انا مش زعلان منه و رايح لهم قريب
ضحي عيطت اوي وقالت
رؤوف ما تقولش كدة انت هتبقي كويس
رؤوف
لما اموت هبقي كويس انما انا دلوقتي مش كويس
وبص للاحبال اللي هما ربطينة بيها. وقال
ما تفكيني اخدك في حضني. لاخر مرة.
ومد ايدة ناحيتها لكنه رجع ووداها بعيد عنها وقال
ولا. لا. بعدين صابر يزعل مني وانا ما صدقت اراضي. وتصدقي علشان ابطل اشوفه عملت اية
وعري جسمة عند منطقة البطن وشافت ضحي ابشع منظر ممكن تشوفو في حياتها لحم البطن متقطع بموس والجرح لسة ملمش صعب عليها اوي رؤوف وما استحملتش تبص ل بطنه ووديت وشها الناحية التانية وقالت
غطي بطنك يا رؤوف كفاية كدة
غطي بطنه وقال
صعبت عليكي صح. اومال لية ما بصعبش علي صابر
وبص ل بقعه في السقف وشاور بايدة ناحية البقعة دي وقال
صابر جه.
ضحي كان بتتقطع من جوة وهو باصص للسقف وبتقول
خليها قاعدة معايا شوية. شوية صغيرين دي برضو روح قلبي. ومراتي وكل اللي ليا في الدنيا.
وبدا يبكي وهو بيقول
والله ما هزعلها تاني. بس سابها معايا بلاش تحرمني منها
عيطت ضحي اوي وخدته في حضنها وقالت
انا معاك وما حدش هيعرف يبعدني عنك
ومسحت دموعها بايديها وقالت
بس انت خف وارجع لنا ارجع ل مراتك وبناتك
بص لها وقال
انا ابني مات ربنا انتقم مني وخد ابني خد الولد اللي كنت بتمني يشيل اسمي وسابني انا. انا المفتري انا الجاحد انا اللي ما عرفتش اصون نعمته عليه
ضحي
كل حاجة هترجع زي الاول بس انت ارجع لنا وكون معانا
بص لها باستغراب شديد
انت اللي جابك هنا مش اخترتي ابوكي وسيبتيني عايزا اية مني
وصرخ اوي ورجع بص للسقف وقال
خدي ابوكي وامشي من هنا.
وفضل يصرخ وهو بيقول
امشي
دخلت الدكتور والممرضين والدكتور. قال
حذرتك من الدخول لي
ضحي
انا مش خايفة منه هو محتاجني وانا محتاجه له
الدكتور
ما افتكرش ان واحد في حالته يقدر يقدم لك اي حاجة. اطلبي من ربنا الرحمة لي
وهو لسة بيصرخ لغاية ما الممرضين ادو له حقنة تهدي وفضل كدة لغاية ما نام وضحي بتبص له وهو صعبان عليها، ،،،،،،،،،
تكملة الرواية من هناااااااا
تعليقات
إرسال تعليق