رواية غلطه وندم الخاتمه بقلم مروة محمد حصريه
رواية غلطه وندم الخاتمه بقلم مروة محمد حصريه
#غلطه_وندم🧡🧡🧡
#مروة_محمد💘💘💘
#الخاتمه🤩🤩🤩
الحمد لله الذي بنعمته تتم الصالحات 😘😘😘😘😘
الندم هو الشعور بالذنب عند القيام بتصرفات تجعلنا نتمنّى أنّنا لم نفعلها، ونشعر به عندما نمرّ بمواقف من الحزن والخجل والإنزعاج والإحباط، وهنا في هذه الرواية سوف تجد بعض الامثله عن الندم.
بعد مرور عشر سنوات
جلست غاده أمام الفتاتان الشقراواتان التؤامتان...ملك ومكه ..اللاتان يبلغان من العمر تسع سنوات....تمتلكان عينان بلون الزمرد مثل والداتهم ويختلفون عنها بلون شعرهم الذهبي المأخوذ من لون شعر زهيرة..أخذت تنظر اليهم بغضب وتهز رجلها بعصبيه قائله لهم
=الحق مش عليكم...الحق علي اللي خلفكم ومدلعكم...نفس أفهم انتوا مالكم ومال حمزة...نازلين في الواد طحن ليه قدكم هو...لا وفي الأخر تروحوا تشتكوا لأبوكم منه.
قامت ملك بتبرئه نفسها حيث كان كل التفكير لمكه فدافعت ملك عن نفسها قائله
=لا والله يا مامي...مش أنا...دي مكه اللي بتبقي عايزاه يضرب من بابا ليل نهار...وبتقعد تقولي احنا اخواته الكبار المفروض يسمع كلامنا.
أخذت مكه تلكز ملك في ذراعها ولكن دون جدوى لتعلم من عيون غاده والتي أطلقت شرار بعد حديث ملك أن حرب غاده ابتدت لتتقدم بكل شجاعه وثقه بالنسبه تقف أمام غاده قائله
=بصي يا مامي...اللي بيحصل ده مهزله..حضرتك بتفضليه علينا علشانه ولد....وده غلط كتير...مينفعش تعملي زى جدو غانم...كان بيحب خالو غسان....أكتر من حضرتك.
لطمت غاده علي خديها من معرفه تلك الحمقاء بهذه الحقيقه...ونظرت بعينيها يمينا ويسارا...لتتفاجئ بزهيرة و هي تفرك يدها وتبتلع ريقها قائله
=انتي عارفه بقا يا غاده الجده لما بتقع مع أحفادها لازم تحكي وهما كانوا زعلانين من معاملتك الصعبه معاهم فقلت ليهم انك غلطانه وحكيت انك بتعملي زيى أبوكي.
غاده وهي تحاول التركيز فيما تقوله حتي تنتقي ردا مناسب لوالداتها أمام بناتها لتجد حمزة ذو الخمس سنوات يجرى عليها يرتمي في أحضانها لتظهر الحقيقه في كلام زهيرة حين تحتضنه متلهفه لسماع صوته وهو يشير علي اخوته التي كادت منهم واحده أن تفتك به ألا وهي مكه ليقول وهو يثير عاطفه والداته
=طلعيني الجنينه اللي بره دي يا ماما...وقعديني علي المرجيحه بتاعت الأشرار دول...وعايز جنينه لوحدي...أنا حبيبك حمزة يا غاده القلب.
ابتسمت غاده ونظرت اليه وهي واضعه يدها علي خديه تداعبه قائله
=احنا اتفقنا يا حبيبي...انت تقعد علي المرجيحه بعد ما يناموا علشان هما عندهم مدارس الصبح انت لسه صغنون...وبعدين أنا زعلانه انك قلت عليهم أشرار.
كاد أن يسطو عليها بمشاعره أكثر لينحيها عن التحدث عنهم بحب ليتفاجئ بوجود من يعشقهم ويحبهم ...تعالت صيحاتهم وهما تتعلقان بعنق والداهما الذي جاء للتو واستمع لكل الحبكات والمؤامرات ليقبلهم بشغف ولم يتناسي أمر الصغير الذي يغار منهم فتقدم بحب اليه وانتزعه من حضن والداته الذي ما زال متعلق به مثل الرضيع ليقبله بشغف هو الأخر قائلا
=أكلك أنا منين يا ميزو يا جامد...تعرف يا واد يا حمزيكا..أنا بحبك جدا....وهحبك أكتر لما تحترم أخواتك دول أكبر منك...وبكره هتلف الأيام وتدور وهتحس انك أكبر منهم برجولتك.
دلف في هذه الأثناء حوريه وأسامه وابنهم مالك وابنتهم ذو الثلاث سنوات أمنيه ليبتسم مالك الي ملك ابنه شهاب وتنظر الي الأرض في خجل لتلوى مكه شفتيها علي هذا الأسلوب فهي لا تميل الي هذا النوع من الحب ثم تتعلق بمخيلتها ثائر الواثق بنفسه وتقول في نفسها هذا الشخص من الممكن أن أعجب به....بعد تناولهم للغذاء حاول أسامه استفزاز حوريه قائلا
=حبيبه قلبي ...حوريه قلبي...مش ناويه بعد العمر الطويل بينا ده تأكليني من ايديكي الحلوة...أنا بطني نشفت...ذاتا أنا طول عمرى بطني ناشفه...هو أنا مش بتخن من قليل.
اغتاظت حوريه من رده وعبست قائله
=مش مكفيك المحشي اللي بعمله ....وصنيه المكرونه البشاميل في طلعه كل شهر.. أنا كل شهر بعمل أكله حلوة...اه مش نفس المستوى بس بعمل.
كاد أن يرد عليها شهاب ويوبخها علي أكله كل شهر ليتفاجئوا باندفاع منه وهي تدلف بابنها محمد والذي سرعان ما رأي حمزة ذهب ليلعب معه فهو من سنه .. وكان خلفها غسان ينفر غيظه حاملا ابنته ذو الثلاث أعوام وتدعي غاده علي اسم أخته ليجدوا منه تصرخ قائله
=أنا عايزة أطلق...أنا خلاص جبت أخرى...سبع سنين متجوزة وناسيه نفسي ومستقبلي ومضيعه أحلامي...البيه بيغير عليا في الطلعه والنازله.
هزت غاده رأسها بيأس لتتفاجئ ببرود غسان ومرحه الغير متوقع وهو يقترب من منه قائلا
=أعمل ايه...ما هو انتي اللي حلوة...اشهدوا يا ناس عليا..انتوا مش بتغيروا علي مراتتكم....ما بالكم بقا أنا أخده مصارعه كاراتيه لازم أغير...ليجيلها عرض في الألومبيات وتخلعني وتسيبلي العيلين.
انفجروا جميعا من الضحك حتي منه ابتسمت علي فعلته وسرعه قلبه للأمر..لينظر اليه شهاب قائلا
=عاوز تقنعني ان ده اللي مخوفك...يا غسان اعقل يا غسان... مراتك متقلقش عليها...وبعدين محسسني انك الوحيد اللي بيتغير ما كلنا زيك بس مش بالشكل الأوفر ده.
😁😁😁😁😁😁😁😁😁😁😁😁😁😁
#غلطه_وندم بقلم #مروة_محمد
ابتسمت منه ابتسامه نصر وتوجهت لتصعد الدرج حيث تنوى المبيت عند غاده ليضرب غسان كفا علي كف قائلا بمرح
=رايحه فين يا حيلتها ...انتي هتسوقي فيها وكل شويه تيجي تباتي...اشمعنا أنا اللي مراتي تغضب...طيب يا شهاب وربنا لأجيب فيلا بدورين وأخلي غاده تيجي تغضب عندي.
نظرت اليه غاده بغضب قائله
=لااا...شطبنا يا بابا...العب بعيد يا شاطر..أنا مش بغضب ولا ببعد عن جوزى ...ده كان زمان وجبر...أنا جوزى راجل عاقل ورزين...
نظر اليها شهاب بخبث قائلا
=يعني يا غاده لو أنا أهبل زى غسان هتسيبيني برضه....أصل بصراحه بفكر أخليكي تقدمي استقالتك من الكليه...غيرت عليكي من الطلبه أوى.
اتسعت حدقه عينيها قائله
=غيرت عليا...ومن الطلبه كمان....بس ده مش مبرر يخليك تجبرني أقدم استقالتي....من امتي الغيرة توصلك لكده...طب ما أنا من حقي أغير عليكي من الطالبات كمان.
رفع حاجبيه باستمتاع قائلا
=محصلش...أنا بعاملهم زى أخواتي الصغيرين...والبنات محترمين جدا...انما الصبيان الله ينور....الواد معدي من جمبه لقيته بيقول الدكتورة المزة.
اندفعت لتقف أمامه قائله بغيرة تتأكلها
=لا حصل...انت كمان البنات بيموتوا فيك ...ووصلني انك بتعمل زى كل سنه لازم تتعرف عليهم وعلي حالتهم الاجتماعيه...أنا لو قدمت استقالتي انت كمان هتقدمها....وكفايه عليك شغلك كرجل أعمال.
رد عليها شهاب بخبث قائلا
=ما هو ده مربط الفرس...أنا بصراحه مليت من شغل الجامعه وحابب أقعد معاكم أطول فترة ممكنه علشان مشاكل البنتين مع الولد...فقلت نقعد مع بعض.
هزت غاده رأسها بجمود قائله
=تمام انت معاك حق...انت عايز تفضي وقت لينا اللي هو بعد الغدا....يبقا أنا أكمل شغلي وانت تستقال مفيش مشكله...في تعادل ما بينا...
هز رأسه بيأس قائلا
=للأسف كده مفيش تعادل خالص...كده انتي بتيجي علي البنات بالذات وبصراحه كده ومن الأخر هما اشتكوا من عدم تواجدك حتي الفترة اللي بتبقي موجوده فيها بتبقي نايمه.
بحثت بأعينها عنهم لتجدهم يقفان بالزاويه ....ملك تضع رأسها بالأسفل تخشي عاصفه والداتها...أما مكه تقدمت اليها وهي تتهادل بضفيرتها الشقراء قائله وهي تلعب بها بخبث
=بلييز مامي....بلاش تتعصبي...خدي أجازة وحلي مشاكلنا...وبعدين احنا هنكبر بسرعه....وهنتجوز ونخلف وهنبعد...فخلينا نعيش فترة حلوة مع بعض.
هزت رأسها بعدم استيعاب أيعقل أن تستمع الي هذه الكلمات ومن ابنتها ليكتم شهاب ضحكاته ويقول
=شفتي يا حبيبتي...أنا مكنتش بفرض رأيي عليكي...أنا كنت بنقل ليكي رغبه البنات...بلاش تزعليهم ووافقي وأوعدك كل أجازة أخدك ونلف ألمانيا.
لوت حوريه شفتيها ونظرت الي أسامه الذي كان يقيم في ألمانيا ولم يأخذها يوما الي هناك ليداعبها الشك أنه متزوج بأخرى وما ان لاحظ صمتها ليندفع ينفض الأفكار من رأسها قائلا
=يالا خير...وأنا كمان هبقا أخد حوريه أيامها ونصيف كلنا سوا...أصل بصراحه كده حوريه بدأت تشك اني متجوز ألمانيه...ويطلعلي عيال ألمان في الحلم كمان.
تعالت ضحكات شهاب وابتسامه غاده الخفيفه..أما حوريه كانت علي فوهه من البركان تنتظر ترحل لتندلع الحرب فيما بينهم...نظر اليهم غسان بغيظ ليستعطف غاده قائلا
=دودو...مش هتصالحيني علي البت اللي فوق دي....دي استحلت البيات عندك كل شويه....هو أنا مش مالي عينها ولا ايه...علشان خاطرى خليها تنزل.
نظرت اليه غاده بغيظ حيث أنه كان وسيله لصدور فرمان منعها من الشغل لتربع ذراعيها فوق صدرها قائله
=وأنا أعملك ايه...البنت طلباتها واضحه...انت اللي بتستعبط...معاك جوهرة مربيه عيالك أحسن تربيه...وانت كل حاجه بتغير...مش كفايه حرمتها من الشغل.
زفر غسان بقله حيله قائلا
=غاده أنا بحبها وبجنون ...هي اللي مش مستوعبه ...لسه معلق في دماغها اني كنت بتاع بنات...ومفكر كل البنات زى اللي عرفتهم قبل كده...
رفعت سبابتها تحذره قائله
=اسمع لما أقولك هي تفكر زى ما هي عايزة وانت عليكي الاستحمال...ايه يعني...وتبطل غيرتك المقرفه دي عليها...وتسيبها تشتغل هي مش هتتخطف.
هز غسان رأسه بموافقه ولهفه قائلا
=أنا موافق علي كل اللي هتقوليه يا غاده....أخر مرة هزعلها مني...وهحطها في عيوني...بس بالله عليكي يا تسيبيني أطلع ليها يا تروح معايا.
انتفضت علي لمسه شهاب وهو يحتضنها قائلا
=خلاص بقا يا غاده...مش كل مرة تقعديها عندنا شهر....هو بصراحه فرصه ان حمزة بيلعب مع محمد بس برضه غسان بيفضل رايح جاي.
لكزت حوريه أسامه في ركبتيه ليتعلم كيف الرجل يشتاق الي زوجته ولا يطيق البعد عنها ليتأوه قائلا
=ليه كده بس يا حوريه...هو أنا عملتلك ايه يا شيخه....طب بزمتك أنا عمرى زعلتك ولا عمرك سيبتي البيت...ولا هو تماحيك والسلام.
جحظت بعينيها قائله
=أنا بتمحك يا أسامه...أأأه ما هو أنا مش بعمل زيهم وأروح أغضب عند أهلي...طب وريني جمال خطوتك كده...أنا بقا غضبانه وبايته عند أخويا.
فرج شهاب شفاه قائلا
=ايه ده...هو ده يوم الغضب العالمي...وكله جاي يغضب عندي...لا معلش انتوا كنتوا زمان غرقانين في العسل وأنا كنت شارب مرار طافح.
تذكرت غاده كل شئ بلحظه لتعلم أنه يستحق السعاده أضعاف مضاعفه وأنا طلبه لها لترك العمل يستحق الموافقه عليه....تفاجئ بها تربت علي كتفيه قائله
=لا يا حبيبي محدش هيغضب ولا حاجه وكل طير هيرجع لعشه....غسان هيطلع يراضي منه ...وانتي يا حوريه اعقلي مش بعد العمر ده كله جايه تغضبي.
نظر اليها شهاب بعشق قائلا
=يا حبيبتي يا غاده...ربنا يباركلي فيكي وما يحرمني منك أبدا... أيوه خليهم ينصرفوا أنا كفايه عليا الثلاثي المرح اللي مخلفهم...أنا مش دار رعايه.
نظر أسامه الي شهاب العاشق لينتبه أنا لديه بخل في المشاعر تجاه حوريه المتلهفه التي تعيش لحظات عشق منه دنا منها قائلا
=عاجبك كده...أهم بيوزعونا علشان يخلا ليهم الجو...طب يمين بعظيم لأخدك ونطلع من الباب الوراني في لحظه وهو متييمين ببعض ونسيب ليهم العيال.
وجد غسان كل زوجين يقفان يهامسان بعضهم البعض ليتنحنح قائلا
=هاااا...في ايه يا جماعه...لاحظوا اني قدامكم سنجل....والمفروض أطلع أجيب السنيورة... بس كالعاده هطلع عيني علي بال ما تنزل.
زفرت غاده بحنق قائله
=بس بقا يا كئيب يا عدو الفرحه ...انت هتطلع تقولها غاده بتقولك روحي معايا...هتسمع الكلام علي طول...مسمعتش شيل علي أكتافك واستحمل.
همس شهاب اليها بعد ما ركض غسان يصعد الدرج متلهفا لأخذ منه والرحيل بها غمز شهاب نحو حوريه وأسامه اللذان بدا علي وجههم الخبث ليقول لها
=بس اتنين خلصنا منهم...تقدرى تقوليلي هتخلصينا ازاي من الجوز التانيين...واللي أنا حاسس ان سكوتهم ده مش طبيعي...وشكلهم بيخططوا لحاجه.
رسمت الخطه وغمزت حوريه الي أسامه بالتنفيذ لتركض وهي متزمجرة ويركض خلفها أسامه كأنه يريد مصالحتها قائلا بلوعه مصطنعه
=خدي يا حوريه تعالي وربنا ما كنت أقصد...يا حبيبتي أنا بحبك....والله ما في ألمانيه ولا غيره...يحرق الألمان علي اللي يعرفهم...استني.
💘💘💘💘💘💘💘💘💘💘💘💘💘💘
#موكا_سحر_الروايات رواية #غلطه_وندم
لتخرج حوريه من باب الفيلا مسرعه يعقبها أسامه ويفتح باب السيارة ويدلفا فيها ويرحلا أمام أعين شهاب الجاحظه والذي فهم خطتهم الخبيثه لينحني ويحمل غاده ويرفعها اليها لتندهش غاده من فعلته وتقول
=ايه ده...العيال احنا دلوقتي ملزومين بخمس عيال واحتمال غسان يسيب لينا العيال يبقوا سبعه...وانت بتفكر في ايه بالظبط...ده باينها ليله عنب.
ضمها اليه وصعد بها درجات السلم قائلا وهو يرى غسان يهبط بمنه وهو غير مباليا بعدد الأطفال الموجودين بالمنزل ليقول
=مفيش حاجه هتمنعني عنك النهارده...شوفي البنتين والولد كانوا كل يوم بيمنعوني...لكن السبع عيال مصلحه أهم يلعبوا مع بعض...خلينا في نفسنا.
دلف بها الي الغرفه وأنزلها علي الأرض لتقف في مقابلته قائله
=شهاب...أنا بحبك أوى...وعلي فكرة أنا مش مجبورة ان أسيب الشغل..لأن انت فعلا تستحق تشوفني كل شويه في البيت...انت لازم تتعوض عن كل حاجه شفتها مني.
أغمض عينيه وهو يستمتع بكلماتها ليضمها اليه قائلا بعشق
=انتي عوضي وسندي...انتي كل حاجه في دنيتي انتي وأولادي...ربنا يقدرني وأسعدكم ...وأسعدك انتي بالذات زى ما دخلتي السعاده لقلبي.
احتضنته بعشق جارف قائله
=أنا اللي سعيده اني عرفت حوريه وبعدها عرفتك...وعرفت ساعتها انك لو مش ليا مش هبقي سعيده...دعيت كتير انك تكون ليا ...وفعلا دعوتني استجابت.
حملها مرة أخرى ذاهبا بها الي الفراش قائلا بعشق وهو يوضعها قائلا
=وأنا كمان دعيت زيك ويمكن في نفس اليوم...لأن أول مرة انتي شفتيني فيها كان نفس اليوم اللي شفتك فيه...يا حته من قلبي...يا عشق الروح.
كم عشقنا وتمنينا تملك الأرواح التي نعشقها....منا من تملكها ومنا لم يكن له نصيب فيها...لأن النصيب بيد الله حتي العشق بأمر الله وحده هو من يوضع حبك في قلب محبوبك.
أتمني اني أكون أسعدتكم ووصلت ليكم هدفي في الروايه دمتم بخير وأمان ودمتم ذواقين لي ولغيرى...مع وعد بلقاء أخر مع رواية جديده وأفضل من ذى قبل ولكن كله بمشيئه الرحمن.
واللهم صل وسلم وبارك علي حبيبك المصطفي وعلي اله وصحبه وسلم تسليما كثيرا وعلي التابعين ومن تبعهم باحسان الي يوم الدين وسلام علي المرسلين والحمد لله رب العالمين
بحبكم في الله
#غلطه_وندم بقلم #مروة_محمد
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق