رواية ملاك الادهم الفصل الأول والثاني والثالث والرابع والخامس والسادس والسابع للكاتب عادل عبد الله
رواية ملاك الادهم الفصل الأول والثاني والثالث والرابع والخامس والسادس والسابع للكاتب عادل عبد الله
الحلقة 1
ملاك الأدهم
أثناء قيادته لسيارته ليلا وفي احد الشوارع المظلمة تماما لم يتدارك الموقف حين ظهرت فجأة أمامه مباشرة فتاة ترتدي فستان أزرق لامع تجري بسرعة وكأنها تهرب من شيئا ما حتي أنها لم تلاحظ سيارته القادمة بسرعة......
في المستشفي
الطبيب : ادهم بيه احنا محتاجين نقل د.م حالا ، النزيف شديد جدا وللاسف فصيلة د.مها نادرة ومش موجودة .
أدهم : اتصل ببنوك الد.م اتصرف ، هو انا اللي هقولك تعمل شغلك ازاي ؟!!!
الطبيب : اهدا بس يا ادهم بيه احنا بنتصل ببنوك الد.م فعلا لكن لحد دلوقتي للأسف اللي وجدناه كيسين د.م بس واحنا محتاجين كيسين تانيين علي الاقل علشان تدخل العمليات .
أدهم : هي فصيلة د.مها ايه ؟
الطبيب : - O
ادهم : دي نفس فصيلتي ، خد مني الكيسين اللي محتاجهم وانقذها .
الطبيب : لكن ده خطر عليك يا ادهم بيه ، ممكن ناخد منك كيس واحد بس ونحاول نتصرف في التاني .
ادهم : اسمع اللي بقولك عليه خد مني الكيسين ، البنت دي لازم تعيش بأي تمن .
الطبيب : مينفعش يا ادهم بيه .
أدهم : نفذ يا دكتور .
وبعد نصف ساعة
يجلس ادهم وهو يشعر ببعض الدوار ويجد الطبيب خارج من غرفة الفتاة ، فيسأله ادهم : ايه الاخبار يا دكتور ؟ البنت حالتها ايه ؟؟
الطبيب : الحالة صعبة جدا و لازم تدخل العمليات فورا .
ثم وجه حديثه للممرضة : جهزي غرفة العمليات حالا .
تنصرف الممرضة علي الفور بينما يقف ( أدهم ) يستمع لكلام الطبيب و يكاد لا يصدق أنه ربما سيكون السبب في انتهاء حياة تلك الفتاة !!!
يقوم طاقم التمريض بادخال الفتاة إلي غرفة العمليات ويبقي أدهم بالخارج .
يخرج أدهم هاتفهه ثم يتصل ب ( نادر ) أحد أصدقاؤه....
نادر : ايه ياعم ادهم أخيرا افتكرت أن لك صاحب اسمه نادر ولا شوفت اسمي بالصدفة قدامك ع التليفون ؟؟
ادهم : مش وقت هزار يا نادر .
نادر : مالك يا ادهم في ايه ؟
أدهم : انا عايزك تجيلي فورا .
نادر : اجيلك فين ، مالك يا ادهم فيه ايه اتكلم ؟؟
أدهم : أنا عملت حادثة بالعربية وصدمت بنت وهي دلوقتي في المستشفي بين الحياة والموت .
نادر : طيب اهدا يا ادهم و هات عنوان المستشفي وانا جايلك مسافة السكة .
الان نبدأ بالتعرف علي بطل روايتنا ....
أدهم الفيومي شاب يبلغ من العمر 31 عاما طويل وسيم ذو عيون سوداء واسعتان تزيد من هيبته ووسامته الكثير ، بالإضافة إلي جسده قوي البنية مما يجعله فتي احلام كثير من الفتيات التي تعجب به من اول وهلة ، وبالرغم من شدة وسامتة و لكنه ذو شخصية قوية و صارمة ، تصل صرامته الي حد القسوة !!!
وبعد حوالي ساعتين من أنتظار ادهم خارج غرفة العمليات يصل نادر الي المستشفي ويلتقي بأدهم ويحاول تهدأته ويظل بجواره حتي يخرج الطبيب من غرفة العمليات بعد مرور أكثر من ثلاث ساعات !!!
أدهم : خير يا دكتور ؟ أخبارها ايه ؟
الطبيب : الحمد لله الحالة بدأت تستقر والنزيف توقف ، لكن الله اعلم هتفوق أمتي من الغيبوبة ؟
أدهم بتوتر : يعني ايه ؟
الطبيب : الإصابة يا ادهم بيه شديدة جدا في الرأس ، و الحمد لله قدرنا ننقذها من الموت بأعجوبة ، هي دلوقتي تحت الملاحظة لمده 48 ساعة وان شاء الله خير ، بعد اذنك يا أدهم بيه .
أنصرف الطبيب ليجلس أدهم علي المقعد يفكر بتوتر وقلق !!! ويلاحظ نادر توتره فيحاول تهدأته.....
نادر : متقلقش يا ادهم ان شاء الله خير والبنت تفوق وتكون كويسة .
أدهم : انا مش عارف البنت دي لو حصلها حاجة انا هعمل ايه ؟ أنا مش هسامح نفسي ابدا .
وفجأة يرن هاتفه ويجد المتصل والدته .....
الأم : انت فين يا أدهم مرجعتش اسكندرية ليه لحد دلوقتي ؟
ادهم : معلش يا أمي حصلت ظروف ولازم أفضل في القاهرة كام يوم .
الأم : لسه هتفضل عندك تاني يا أدهم ؟ انتا واحشني اوي يا ابني .
أدهم : وانتي كمان يا ست الكل معلش بقي لما اجي هعوضك واقعد معاكي لحد ما تزهقي مني .
الأم : أنا عمري ما أزهق منك أبدا ، ماشي يا ابني خلي بالك من نفسك .
أدهم : حاضر يا ست الكل متخافيش عليا ، ان شاء الله كام يوم وارجع .
الأم : حاضر يا حبيبي ترجع بالسلامة .
أدهم : الله يسلمك يا أمي ، سلام .
أغلق أدهم هاتفه فيري الممرضة خارجة من غرفة الفتاة .
وبعد انصراف الممرضة يدخل أدهم الي الغرفة وينظر الي الفتاة وبمجرد أن يقع نظره عليها ينبهر بجمالها !!!
كانت الفتاة تتمدد علي السرير وكانت شديدة الجمال حتي انها تبدو وكأنها ملاك من السماء أو حورية من الجنة بتلك الملامح البريئة الفاتنة وشعرها الناعم المسترسل علي الوسادة .
أدهم يتأمل ملامحها ويقول : سبحان الله ، البنت ايه في الجمال ، معقول يا ادهم هتكون السبب في أنها..... ، لا لا ان شاء الله هتعيش وتخف .
وفجأة تدخل الممرضة الغرفة ...
الممرضة : أدهم بيه ، حضرتك دخلت هنا ازاي ؟؟
أدهم : كنت بطمن عليها .
الممرضة : أنا أسفة أوي لازم حضرتك تخرج حالا لأن وجودك هنا دلوقتي خطر عليها وممكن كمان يسببلي مشكلة كبيرة .
أدهم : حاضر .
تظل أعينه معلقة بالفتاة أثناء خروجه من الغرفة .
نادر : ها يا أدهم طمني البنت كويسة ؟
أدهم : أنا شوفتها عايشة لكن لسه في غيبوبة ومش حاسة بأي حاجة ، أنا رايح ادفع مصاريف المستشفي والعملية .
نادر : استني انا جاي معاك .
ثم يذهب الي مكتب حسابات المستشفي .
أدهم : انا عايز ادفع تكاليف علاج الآنسة اللي جاية في حادثة و لسه خارجة من العمليات .
الموظف : حضرتك تقربلها ايه ؟؟
أدهم " بثبات " : انا اللي صددمتتها بالعربية .
الموظف : يعني حضرتك تعرفها ولا متعرفهاش ؟
أدهم : لأ معرفهاش .
الموظف : طب حضرتك هي للأسف مش معاها أي اثبات شخصية .
ادهم : يعني ايه ؟
الموظف : يعني بالشكل ده يا فندم هي متنفعش تكمل علاجها في المستشفي الا لو كان معها اي اثبات شخصية نقدر نثبتها به في دفاتر المستشفي !!!
ادهم غاضبا : يعني ايه ؟ هتسبوها تموت ؟ ولا هتخرجوها من المستشفي وهي في الحالة دي ؟؟!
يأتي مدير المستشفي بعد أن تعلو الأصوات مسرعا ...
المدير : خير يا أدهم بيه ايه اللي حصل ؟
يقص له الموظف الموقف كاملا ...
المدير يوجه كلامة ل ادهم : هو معاه حق فعلا يا أدهم بيه ، دي مسؤوليه احنا مش قدها وممكن تسبب للمستشفي مشكلة كبيرة جدا .
أدهم غاضبا : يعني انا المفروض دلوقتي اعمل ايه ؟؟ يكون في علمك انا مش هسيبها تمووت !!!
المدير : يا ادهم بيه احنا استقبلنا الحالة وعملنا اللازم ودلوقتي علشان نكمل علاجها لازم يكون معاها أي اوراق تثبت شخصيتها ؟؟
أدهم : انا معرفش الكلام ده الانسة اللي جوه دي مش هتخرج من المستشفي الا لما تخف وتتعالج ، فاهم ؟؟
يتدخل نادر في الحوار قائلا : خلاص يا ادهم اهدا احنا هنتصرف .
أدهم : بتقول ايه ؟ هنتصرف ازاي ؟؟
نادر : تعالي بس وانا هقولك .
ينصرف ادهم معه جانبا ويسأله : ايه اللي انت قولته ده يا نادر ؟؟
نادر : هو فعلا معاه حق يا ادهم .
ادهم : يعني ايه ؟
نادر : انا هتصرف وهجهزلها أوراق شخصية لحد ما تفوق من الغيبوبة .
أدهم : اوراق مزورة ؟؟؟
نادر : يا عم ادهم مش تزوير ولا حاجة دي بس علشان نخلص من الموقف ده والبنت تكمل علاجها ، وبعد ما تخرج من المستشفي كل الاوراق دي هتتقطع .
يستمع مدير المستشفي لما قاله نادر فيقول لأدهم : وافق يا ادهم بيه اللي قاله الاستاذ نادر صح وأحنا هنثبتها في الدفاتر عادي وكأنها اوراق حقيقية .
ينظر نادر الي مدير المستشفي بغضب ثم ينظر لنادر صديقه ويقول له : طيب يا نادر بس بسرعة اوي ارجوك .
نادر : حاضر يا ادهم ، قولي صحيح عايز اسمها ايه في الاوراق ؟؟
أدهم : أي اسم ، هيفرق في ايه يعني !!
ثم يصمت ادهم متذكرا شكلها الملائكي وملامحها الفاتنة ليقول له ملاك ، اكتب اسمها ملاك .
نادر : طيب أنا هسيبك دلوقتي وهخلص الأوراق كلها بسرعة .
أدهم : في أسرع وقت يا نادر .
مر يومين ولم تزل الفتاه حتي الآن في غيبوبة !!! وقام نادر بتجهيز جميع الأوراق باسم ملاك واعطاها لأدهم .
نادر : الاوراق كلها معاك اهي يا ادهم ، اديهالهم في المستشفي وحاول تخلص نفسك وترجع علشان تشوف شغلك وحياتك .
أدهم : أنا مش هرجع اسكندرية الا لما اطمن علي البنت دي وأشوفها عايشة قدامي وبتتكلم .
نادر : اللي تشوفه يا أدهم ، طيب أنا هسيبك وأرجع اسكندرية ولو فيه اي حاجة كلمني في اي وقت صبح او ليل .
أدهم يجلس خارج غرفة الفتاة وفجأة تخرج الممرضة مسرعة تنادي الطبيب الذي يأتي مسرعا فيدخل ادهم معه غرفتها فيقول له الطبيب : بعد اذنك يا أدهم بيه أتفضل أخرج بره دلوقتي .
أدهم : مقدرش اسيبها واخرج الا لما أطمن .
الطبيب : انت كده ممكن تضرها ، لو سمحت أخرج برا دلوقتي .
يخرج أدهم من الغرفة ويبدو عليه التوتر و القلق الشديد .
وبعد عشر دقائق يخرج الطبيب ويرى أدهم الذي كاد القلق أن يفتك به .
الطبيب : أدهم بيه عاوز حضرتك في المكتب شوية .
أدهم " بقلق " : حصلها حاجة ؟؟
الطبيب : متقلقش يا أدهم بيه هي بقيت كويسة .
يدخل أدهم مع الطبيب الي مكتبه...
أدهم : خير يا دكتور ؟؟
الطبيب : هي دلوقتي محتاجة عملية تانية ضروري وفي اسرع وقت .
أدهم : عملية تانية ازاي ؟ مش لسه عاملها عملية النهاردة ؟؟
الطبيب : العملية الأولي كانت لأنقاذها مش أكتر ، لكن علشان تفوق من الغييوبة وترجعلها وظائفها الحيوية تاني لازم عملية تانية وفي أسرع وقت .
أدهم : ولو مش عملت العملية التانية ؟
الطبيب : هيكون في خطر علي حياتها .
أدهم " بغضب " : طب ما تعمل العملية يا دكتور ، مستني ايه ؟؟
الطبيب : لازم توقيع ولي أمرها .
أدهم " باستنكار " : نعم !!! يعني ايه ؟
الطبيب : حضرتك دي عملية دقيقة جدا في المخ ولازم توقيع ولي أمرها علشان لا قدر الله لو العملية فشلت ممكن يكون لها تأثير سلبي عليها وهتبقي مسئولية كبيرة علي المستشفي .
أدهم : هي العملية ممكن تفشل ؟؟
الطبيب : ان شاء الله العملية هتنجح لكن دي احترازات و اجراءات قانونية لازمة ، وبفكر حضرتك لو معملتش العملية في أسرع وقت ممكن البنت دي تفقد حياتها !!!
أدهم : يعني لازم توقيع ولي أمرها ؟ مينفعش انا أوقع ؟
الدكتور للأسف لا يا أدهم بيه لازم يكون فيه صلة قرابه بالمړيضة .
يخرج أدهم من غرفة الطبيب وهو يفكر في تلك الورطة !!!
يقول أدهم لنفسه بشرود : هعمل ايه دلوقتي ازاي اعرف أهلها ؟؟ انا لازم أتصرف البنت دي لو حصلها حاجه انا مش هسامح نفسي ابدا !!!
ليمر عليه أكثر من ساعة وهو مستغرق في تفكيره .
ثم يتصل بصديقه نادر ....
أدهم : نادر .
نادر : ايه يا أدهم ، انت لسه مرجعتش لحد دلوقتي ليه ؟؟ هي البنت بتاعت الحادثة لسه مش فاقت من الغيبوبة ؟؟
أدهم : لا لسه واسمعني كويس انت لازم تيجيلي تاني بسرعة عايز اتكلم معاك في موضوع مهم .
نادر : اتكلم يا أدهم ، فيه حاجة حصلت ؟ البنت حصلها حاجة ؟؟
أدهم " بعصبية " : لأ محصلهاش حاجة ، لما تيجي هقولك ، يلا عايزك تيجي في أسرع وقت .
نادر : حاضر يا ادهم ، اهدا بس وانا هجيلك مسافة الطريق ، سلام .
بعد ساعتين يأتي نادر ويتصل بأدهم ويقابله في المستشفي .
نادر : ايه يا عم قلقتني حصل ايه ؟؟
يحكي له أدهم كل كلام الطبيب مدير المستشفي ...
نادر : اوووف !!! طب وبعدين هتعمل ايه دلوقتي يا ادهم ؟
أدهم : أومال انا قولتلك تيجي عشان ايه ؟
نادر طيب تعالي نقعد في أي مكان ونفكر بهدوء ونشوف هنخرجك من الورطة دي ازاي يا ادهم ؟؟
يذهبا الي احد الكافيهات ويجلسان يتناولان القهوة .....
نادر : خلينا نفكر بهدوء يا ادهم .
أدهم بسخرية : اتفضل يا عم الرايق .
نادر : هو انت لك نفس تتريق ؟!
ينظر له ادهم بغضب فيخاف نادر من مظهره ويقول : خلاص يا أدهم انا هسكت خالص ومش هتكلم !!
يسود جو من الصمت لعدة دقائق ثم يقول نادر بصوت عال : وجدتها .
ادهم : هي ايه دي بقي اللي وجدتها ؟؟ أكتشفت سر الجاذبية حضرتك ؟؟!!
نادر : لا يا خفيف اكتشفت حل للورطة اللي انت فيها....انا عرفت ازاي هنجيب توقيع ولي أمرها .
أدهم : أتكلم بسرعة قول ازاي وهنعمل ايه .
يصمت قليلا ثم يقول : هنجيب توقيع جوزها !!!
ادهم بتعجب : جوزها !!! جوزها مين ؟؟؟
نادر : انت .
ينظر أدهم بتعجب !!!!! ثم يقول : نعم !! ده اللي هو ازاي يعني ؟!!
نادر : اهدا بس يا أدهم أنا هفهمك !! انت دلوقتي متعرفش عنها حاجة حتي اسمها فاكيد مش هنعرف مين أهلها و طالما عملنا ليها أوراق شخصية باسم ملاك لحد ما تفوق ونعرف هي مين وانت لسه قايل أن العملية لازم تتعمل بسرعة وإلا ممكن يحصلها حاجة فأنت هتاخذ بصمتها علي أوراق زواج قانونية و بالتالي انت هتكون جوزها وليك الحق في التوقيع علي اقرار العملية .
أدهم : وازاي هنعمل كده ؟؟ وافرض طلعت متجوزة بجد ؟
نادر : واحنا مالنا يا أدهم هو انت هتتجوزها بجد !! انت هتعمل كدا عشان العملية بس وبعد ما البنت تفوق هنقطع كل الاوراق دي وترجع هي لحياتها الطبيعية تاني ، اية رأيك ؟؟
أدهم : مش عارف يا نادر .
نادر : براحتك بس خليك فاكر كلام الدكتور أن كل دقيقة خطړ علي حياتها !!! انا همشي دلوقتي وهاجي بكره عشان أعرف قررت تعمل ايه .
يرحل نادر ويترك أدهم يفكر ، وبعد تفكير طويل اتصل أدهم بنادر......
أدهم : انا موافق علي اقتراحك يا نادر .
نادر : تمام يا ادهم ، أنا هروح للمأذون وأجهز الأوراق و هتبقي واقفة بس علي بصمة البنت عليها .
أدهم : ماشي بس بسرعة عشان العملية تتعمل في أسرع وقت .
نادر : ساعتين بالكتير وهتكون كل الاوراق عندك ، سلام .
ينهي مكالمتة مع نادر ويظل يفكر بملاك .
وبالفعل يأتي نادر في صباح اليوم التالي الي أدهم ....
نادر : أدهم انا جهزت الأوراق ، يلا بسرعة أدخل خد بصمتها .
أدهم : حاضر .
يدخل أدهم الي غرفتها ويقف ينظر إلى وجهها الملائكي يقول : معلش سامحيني بقي في اللي بعمله ده لكن انا بعمله لمصلحتك وربنا اللي شاهد .
وياخد بصمتها علي الأوراق لتصبح ملاك زوجة أدهم رسميا !!!!
وبعد عدة ساعات ...
يقف ادهم خارج غرفة العمليات ينتظر ومعه نادر لتمضي عدة ساعات في توتر وقلق ، فمازال أدهم يشعر بالمسئولية عما حدث لهذه الفتاة البريئة ، ولن يهدأ له بال الا حينما يطمئن عليها تماما .
ثم يخرج الدكتور من غرفة العمليات .
أدهم : خير يا دكتور ، طمني هي كويسة ؟؟ العملية نجحت ؟؟؟
الطبيب : الحمد لله يا ادهم بيه العملية نجحت وان شاء الله هتفوق خلال وقت قليل .
يتبع .........
ملاك الأدهم ( للكاتب عادل عبد الله )
الحلقة الثانية
وبعد العملية بيومين
ظل أدهم يجلس علي مقعد بجوار سرير ملاك طيلة يومين ، وفجأة يلاحظ أن يدها بدأت تتحرك قليلا .
ينتبة لها أدهم : الحمد لله شكلها بدأت تفوق .
ثم ترتعش جفون عيونها قبل أن تفتحها ببطئ شديد .
يرى أدهم لون عينيها الأزرق كلون السماء او ربما لون بحر كتب عليه أن يغرق فيه !!
يدق قلبه لها بشدة ويستغرق في تأملها ثم ينتبة لصوتها الرقيق وهي تسأله بصوتها الناعم المنخفض : انا فين ؟
أدهم " يبتسم " : انتي كويسه .
ملاك " بصوت منخفض جدا " : انت مين ؟
أدهم وهو يخرج خارج الغرفة سريعا :
ثواني هنادي الدكتور .
يخرج أدهم ثم يعود ومعه الطبيب الذي اخذ يفحص ملاك ...
الطبيب بابتسامة : تمام ، حمد لله على سلامتك .
ملاك : الله يسلمك أنا حصلي ايه ؟
الطبيب : أنتي كويسة الحمد لله ، قوليلي بقي انتي اسمك ايه ؟
لتقطب جبهتها ويبدو عليها الألم ثم تقول : مش فاكرة !!!
ينظر لها أدهم في ذهول تااام من أثر الصدمه !!!!
ثم ينتبة لها وهي تمسك برأسها متألمة .
ملاك : اه .. اه رأسي بتوجعني اوي .
ادهم : انتي كويسة ؟؟
فيظهر عليها الألم بصورة أكبر : اااااه رأسي... راسي بتوجعني اوي ، مش قادرة .
يلتفت أدهم للطبيب : أنت واقف بتتفرج عليها ؟ ما تعمل حاجة بدل ما انت واقف كده !!!
الطبيب يأتي بحقنة مهدئة سريعا ، وبعد أن يحقنها بها تهدأ ملاك ثم تعود للنوم مرة أخري .
أدهم " بعصبية" : انا مش فاهم حاجة يا دكتور !! هو فيه ايه بالضبط ؟؟!
الطبيب : اهدي يا أدهم بيه .
أدهم : اهدي ازاي ؟ دي مش فاكره اسمها !!!
الطبيب : دا كان متوقع يا أدهم بيه ، أنا قلت لحضرتك أن أصابتها كانت شديدة جدا في الرأس وبالتالي كان فيه أحتمال كبير يحصلها فقدان ذاكرة .
أدهم : فقدان ذاكرة !!!! وهترجعلها الذاكرة أمتي بقي ؟؟
: مش كل الحالات بتكون متشابهة ، ممكن بعد أسبوع او اتنين وممكن شهر أو حتي سنة وفيه حالات مش بترجعلها ذاكرتها تاني ابدا وممكن تكمل حياتها ناسية كل ماضيها !!!!!
يقول الطبيب كلماته تلك ثم ينصرف ، بينما يقف أدهم ليقول لنفسه : اعمل ايه دلوقتي في الورطة دي ؟؟ ده معني كده انها لما تخرج من المستشفي مش هتعرف ترجع بيتها ، يعني هتبقي في الشارع !!!!!
في مدينة الاسكندرية حيث تعيش عائلة أدهم الفيومي ...
في فيلا كبيرة تبدو من الخارج كقصر اسطوري لشدة جمالها وفخامتها .
هيا بنا نتعرف علي عائلة ادهم الفيومي .....
عائلة الفيومي
الجد سليمان الفيومي : رجل سبعيني ذو حكمة وهيبة كبيرة ، وهو كبير العائلة ، طيب حنون ولكنه صارم في قراراته ، ولديه ولدين عامر و محمود يعيشان معه في نفس القصر .
عامر الفيومي ( أبو أدهم ) : الابن الاكبر لسليمان الفيومي ٥٤ سنة متزوج من هاجر ولديه أربعة أبناء أكبرهم هو أدهم وبعده نور وزياد ونانسي ، يحب أبناؤه وزوجته جدا فهو زوج مثالي وأب حنون .
هاجر ( ام أدهم ) : ٥١ سنة ، زوجة عامر وهي أم حنونة تحب ابنائها جدا ، حياتها كلها تتلخص في زوجها وأبنائها أدهم ونور وزياد ونانسي .
أدهم الفيومي ( بطل روايتنا ) : وهو الابن الأكبر لعامر الفيومي وتعرفنا عليه في بداية الرواية .
نور الفيومي : الابن الثاني لعامر 28 سنه متزوج من تمارا ابنة عمه ولديه منها بنت صغيرة ، طيب القلب ويعمل بالتدريس في الجامعة بعيدا عن تجارة واعمال العائلة .
زياد الفيومي : الابن الثالث 26 سنة حاصل علي بكالوريوس تجارة طويل وسيم ذو جسد رياضي ، وكثير العلاقات العاطفية .
نانسي الفيومي : الابنة 20 سنة جامعية جميلة طيبة مرحة وهي أصغر أبناء عامر الفيومي و مازالت تدرس في كلية التجارة .
اما الأبن التاني لسليمان الفيومي محمود الفيومي .....
محمود الفيومي : الابن الثاني لسليمان الفيومي ٥٢ سنة و الأخ الوحيد لعامر ، أرمل ويعيش مع أبناؤه عمر وتمارا وشيرين ين في نفس قصر العائلة .
عمر الفيومي : 27 سنة الابن الأكبر لمحمود الفيومي وهو شاب وسيم ويحب نانسي ابنة عمه منذ الصغر ولكنه لم يبوح لها بحبه حتي الان .
تمارا الفيومي : 25 سنه الابنة الثانية لمحمود الفيومي جميله وطيبة جدا وهي زوجة نور ابن عمها و تحبه جدا .
شيرين الفيومي : 23 سنه وهي فتاه جميله ولكنها مادية و انانيه جدا وتريد أن تتزوج بأدهم ابن عمها ولكنه يتجاهلها لانه غير مهتم بالزواج والامور العاطفية .
داخل فيلا الفيومي
الفيلا تبدو من الداخل كقصر من قصور العصور الوسطي ، بمجرد دخولك من باب القصر تجد بهو كبير عال السقف ، تزين سقف البهو العديد من نجف الكريستال الذي يبدو كتحف فنية بينما حوائط البهو عليها العديد من اللوحات الفنية لدافنشي وفان جوخ محاطة ببراويز من الذهب والاثاث يبدو أنه اوربي الطابع ، وفي نهاية البهو يوجد درج داخلي يصعد الي الطابق العلوي للقصر حيث غرف نوم العائلة .
الأم " هاجر " : أنا نفسي أعرف سبب تأخيره بالشكل ده ؟؟ ده حتي مفيش منه تليفون يطمني ويقولي بيعمل ايه هناك أو هيرجع أمتي !!!!
نور : أهدي يا ماما أعصابك ، كده الضغط هيعلي عليكي .
الأم : اهدا ايه وزفت ايه ، أنا قلبي مش مطمن علي أخوكم وحاسة انه في مشكلة كبيرة ومش عايز يتكلم .
زياد : مفيش مشكلة ولا حاجة أكيد أدهم عنده شغل كتير وده سبب تأخيره ، وعموما الغايب حجته معاه .
الأم : انا مش مطمنه عليه وهو هناك كده ومش عارفة عنه حاجة !!
نور : خلاص يا ست الكل اتصلي انتي عليه واطمني ، ولا أقولك تحبي أسافرله أنا أشوفه أتأخر ليه ؟؟
الأم : لأ متسافرش خلاص أنا هتصل به .
تدخل فجأه عليهم نانسي عائدة من الجامعة وتسألها : ايه يا ست الكل فيه ايه ؟ فيه حد مزعلك ولا ايه ؟
الأم : مفيش حاجة يا حبيبة ماما ، روحي يلا غيري هدومك وتعالي علشان نتغدا مع بعض .
: أنا فعلا جعانة جدااا ، هطلع اغير هدومي وأنزلكم حالا .
في المستشفى
يدخل أدهم غرفة ملاك ويجدها تبكي بشده والممرضات والطبيب حولها يحاولون تهدئتها وتبدو هي وكأنها منهارة !!!
يسرع نحوها أدهم ويسألها بقلق : في ايه ؟ مالك ؟
تتوقف ملاك عن البكاء قليلا ثم أشارت اليه أقترب ، أدهم أقترب نحوها بتعجب واذا بها ترتمي بين ذراعيه و تبكي كالأطفال !!!
تعجب أدهم ولكنه لم يشعر بنفسه الا وهو يضمھا و يمسح علي شعرها الناعم المسترسل كالأطفال حتي بدأت تهدأ .
أدهم : بقيتي كويسة ؟؟
تنظر ملاك إليه بعيناها الزرقاء المليئة بالدموع ...
ملاك " بطفولية " : أنا مش بحبك ، أنت وحش .
أدهم " بتعجب " : ليه ؟!!!
ملاك " ببراءة " : أنت ليه سبتني لوحدي هنا ؟ مش انت جوزي والمفروض تفضل جنبي !!! ليه مشيت وسبتني ؟؟؟
أدهم " متعجبا " : جوزك ؟!! مين اللي قالك كده ؟؟
ملاك " ببراءة " : الممرضة اللي قالتلي .
أدهم يقول في خاطره " وبعدين في الورطة دي بقي ؟؟ البنت دلوقتي فاكرة اني جوزها بجد !!! وبعدين بقي هعمل ايه ؟؟ ثم يفكر أدهم في أن يخبرها بحقيقة ما حدث و أنه لا يعرفها الا بسبب حادث السيارة ، الا أنه تذكر تحذير الطبيب له أنها لكي تعود الذاكرة لها في أقرب وقت لابد الا تتعرض لأي صدمة من أي نوع !!
تقاطع ملاك تفكيره و تقول :
انتا مبتردش عليا ليه ؟؟
أدهم : لا أبدا كنت سرحان في حاجة .
ملاك : طب خليك قاعد معايا .
ادهم " يبتسم " : حاضر .
ملاك : أنت أسمك أدهم ؟؟
أدهم : أيوه ، مين اللي قالك ؟ الممرضة بردو ؟
ملاك " بصوتها الناعم " : أيوه ، اسمك حلو اوي يا أدهم .
أدهم : شكرا يا ملاك ، أنتي كمان اسمك حلو اوي .
ملاك : أنا أسمي ملاك ؟
أدهم : أيوه .
ملاك " ببراءة " : أدهم متقوليش يا ملاك ، قولي يا حبيبتي .
أدهم " بذهول " : نعم !!!
ملاك " ببراءة " : مش انت جوزي حبيبي يعني المفروض تقولي يا حبيبتي مش تناديني باسمي !!
أدهم " بضحك " : ماشي يا حبيبتي .
اقتربت ملاك منه وضمته اليها بقوة وهي تبتسم وتبدو عليها السعادة .
يبدو أدهم مصدوما من تصرفها ولا يعرف ماذا يفعل !!!!
دخل الطبيب وطلب توقيع الكشف الطبي عليها .
وحينما اراد أدهم أن يبتعد عنها تمسك ملاك بيديه وهي تقول " بخوف " : اوعي تسيبني وتمشي يا حبيبي .
" لم يكن شكلها الخارجي فقط وجمالها هو ما يجعلها تبدو كالملاك ولكن قلبها البرئ وطيبتها ونقاؤها جعلها تبدو كالملاك حقا !!! "
دق قلب ادهم بشدة وشعر بأن حبها يتسلل الي قلبه !!!
أدهم يمسح على شعرها بحنان ويطمئنها : ملاك انا معاكي لكن الدكتور لازم يكشف عليكي .
ملاك : حاضر بس هفضل ماسكه ايدك .
أدهم " بابتسامة " : ماشي يا ستي .
يفحصها الطبيب ثم يسالها عن اسمها وعمرها وبعض الاسئلة الأخري عن شخصيتها .
ظلت ملاك تنظر للطبيب ولأدهم وهي صامتة لا تتكلم !! حتي انها لم تتمالك دموعها وظلت تبكي ببراءة حينما فشلت في الأجابة عن كل اسئلته !!!!!
أدهم : مالك ؟ بتبكي ليه ؟
ملاك " ببراءة " : مش فاكرة أي حاجة .
أدهم : طيب اهدي يا ملاك أنا هفضل جنبك لغاية ما تفتكري كل حاجة .
أدهم " للطبيب " : أرجوك كفاية النهاردة اسئلة يا دكتور .
الطبيب : تمام يا أدهم بيه نكمل بكره .
ينصرف الطبيب ويجلس أدهم بجوارها علي السرير و يقول لها أدهم : خلاص يا ملاك أهدي بقي .
ملاك " بطفولية " : قولي حبيبتي ، مش ملاك .
يضحك أدهم : حاضر ، حاضر يا حبيبتي .
بعد عده دقائق و ملاك تحتضنه بقوة تنظر في عيون أدهم وتقول أنا جعانة اوي يا حبيبي .
أدهم " برومانسية غريبة عليه " : حبيبك !! بجد انا حبيبك ؟؟
ملاك تضمه اليها بقوة : أيوه أنت حبيبي علشان أنت جوزي الجميل أوي وأنا بحبك اوي أوي .
يضممها أدهم بقوة اليه فتنظر له وتقول : يلا بقي هاتلي أكل بسرعه وهاتلي شيكولاتة .
أدهم يضحك : حاضر هجيبلك الأكل و شيكولاتة كمان يا ستي .
ذهب أدهم و بعد قليل عاد ومعه الطعام والشيكولاتة وجلس يأكل معها .
وبعد الأنتهاء من الطعام قالت ملاك : عايزه انام بقي .
أدهم : طيب يا حبيبتي نامي ، أنتي فعلا محتاجة تنامي علشان لسه تعبانة .
تمسك يده بكلتا يدها وتضغط عليها بقوة !!!
أدهم " باستغراب " : مالك يا حبيبتي ؟ فيه ايه ؟
ملاك : انا عايزاك جنبي وأنا نايمة اوعي تسيبني وتمشي ؟؟
أدهم : متخافيش مش همشي .
ملاك : خليك ماسك ايدي عشان انام وأنا مطمنة ومش خايفة .
أدهم : بس كده يا حبيبتي ...
ملاك " بنعاس " : يلا بقي عايزه انام والنبي يا أدهومتي .
أدهم : أدهومتي !!!
ملاك : أيوه طبعا مش أنت جوزي حبيبي ولازم أدلعك .
أدهم " يبتسم " : طيب نامي يا قلب ادهم .
تفاعلوا حتي تصلكم باقي اجزاء الرواية بعد قليل .
الحلقة ٣
تنام ملاك ممسكة بيد أدهم بكلتا يديها " كطفل صغير متعلق بأمه " ويظل أدهم جالسا بجوارها مستيقظا يتأملها ويخاطب نفسه ......
: أنتي طلعتيلي منين يا ملاك !! انا مش عارف ايه اللي بيحصلي ده وانا مع البنت دي !!! بحس كأنها بنتي وانا باباها بحس أنها مسئولة مني !!! انا حتي مش عارف أقولها الحقيقة !!! أنا خايف عليها كأنها حتة مني !!! أنا اول مرة في حياتي احس بالاحساس ده !!
: ثم يجيب علي نفسه بغضب وانت مالك ؟ مفيش اي علاقة بينك وبينها علشان تهتم بها بالشكل ده !!!
فينظر الي ملاك وبرائتها ويقول ازاي أتخلي عنها وهي اللي بتطلب مني أفضل جنبها ؟!
يرد علي نفسه ساخرا ومن أمتي حنيتك دي يا أدهم بيه ياللي الكل بيخاف منك و بيعملك ألف حساب !!!
ثم ينظر لملاك التي تنام كالملائكة ويقول لأ مش هقدر أتخلي عنها ، دي ملهاش حد غيري دلوقتي علي الاقل طول ما هي فاقدة الذاكرة ومش عارفة هي مين لازم افضل جنبها ، ثم يرد علي نفسه مرة أخري ماشي يا أدهم خليك جنبها لكن أوعي تنسي أنها ممكن تكون متجوزة أو مخطوبة أو بتحب حد تاني !!!
ويظل ساعات مستيقظا بجوارها يعاني من هذا الصراع حتي يغلبه النعاس وينام .
في مكان اخر في القاهرة
في فيلا كبيرة في احد أرقي أحياء القاهرة يجلس جميع افراد ( عائلة عز الدين ) في صمت تام بينما تقف " جودي " وتوجه خطابها لأمها " نجلاء " وتقول لها غاضبة : أنتي السبب يا ماما ، لو يارا حصلها حاجة هيبقي ذنبها في رقبتك .
نجلاء : ليه ؟ هو أنا اللي قولتلها أمشي و أهربي يوم خطوبتك ؟!!!
جودي : لأ مش قولتلها كده لكن مليون مرة هي ترفض خطوبة جاسر وأنتي بردو مصممة تجوزيها له غصب عنها .
نجلاء : أنا بعمل لمصلحتها ولمصلحتكم كلكم .
جودي : مصلحتها تخطبيها وتجوزيها لأنسان مش بتحبه ولا طايقاه !!!! لا يا ماما معلش انتي بتعملي لمصلحتك أنتي وابنك وبس .
نجلاء : احترمي نفسك يا بنت ، أنتي بتكلمي مامتك يعني لازم تتكلمي بأسلوب أحسن من كده .
جودي : اسفة يا ماما لكن انا بقول الحقيقة يارا مش بتحب جاسر ولا يمكن في يوم هتوافق تتجوزه .
نجلاء : كمان ياريت متنسيش أن جاسر ده اخوكي .
جودي : ايوه عارفة ان جاسر اخويا ، صحيح هو اخويا من الأم بس لكنه بردو اخويا .
جاسر : كفاية بقي قلة ادب ، أنا أخوكي غصب عنك واحترمي نفسك بقي .
جودي : أنا مقولتش أنك مش اخويا ، انا قولت اخويا من الام بس ، انا اسمي جودي عز الدين لكن أنت اسمك جاسر الغمراوي .
جاسر : بردو أنا اخوكي والمفروض أنتي أكتر حد تفرحي أني أتجوز يارا ، أخوكي من الأم هيتجوز أختك من الاب المفروض تكوني أسعد حد بجوازنا ده !!
هيا بنا نتعرف علي أسرة يارا عز الدين ( ملاك )
يارا عز الدين : بطلة قصتنا وهي نفسها " ملاك " ، فتاة جميلة بيضاء ذات عيون زرقاء رقيقة مرحة ، بعد شهور قليلة تكمل عامها ال ٢١ وتستلم ثروتها التي ورثتها عن أمها " التي ماتت و كان عمرها وقتئذ مازال سنتين " بالأضافة لارثها عن والدها ، لها أخ وأخت من أبيها ( يحيي وجودي ) ، تحاول نجلاء زوجة ابيها جاهدة اقناعها بالزواج من ابنها الاخر جاسر ( لتفوز بثروتها الضخمة ) الا ان يارا رفضت بشكل متكرر وقاطع مما جعل نجلاء تمارس عليها الضغوط بكل الأشكال و الطرق للموافقة .
نجلاء : ٤٦ سنة زوجة أبو يارا ، تزوجت عز الدين الأسعد والد يارا بعد وفاة زوجته الاولي ام يارا ، و كانت مطلقة ولها طفل " جاسر " من زواجها الأول ، وانجبت من عز الدين أبنائهما جودي ويحيي ، هي أمرأة جميلة ولكنها مادية تحب المال للغاية وترغب في زواج ابنها جاسر " ابنها من زوجها الاول " بيارا أبنة زوجها الثاني عز الدين الأسعد للفوز بثروتها الطائلة التي ورثتها عن والدتها .
يحيي عز الدين : ابن عز الدين ونجلاء والأخ الأصغر ليارا ١٩ عاما ، شاب مستهتر خاصة بعد وفاة والده حتي انه ترك دراسته ويغيب عن منزل الأسرة بالأيام والأسابيع ويعيش في عزلة تامة عن باقي الأسرة .
جودي عز الدين : ١٨ عاما ابنة عز الدين ونجلاء والأخت الصغري ليارا ، فتاة جميلة وبرغم صغر عمرها الا انها ذات شخصية قوية ومستقلة ، وتعد بئر أسرار أختها يارا وتساندها في مقاومة محاولات نجلاء الضغط عليها للزواج من جاسر .
جاسر الغمراوي : ٢٤ عاما الابن الأكبر لنجلاء من زواجها الاول قبل زواجها من عز الدين ، والاخ الأكبر لكلا من جودي ويحيي .
فلااااش بااااااك
في فيلا عز الدين الأسعد ....
نجلاء : يارا يا حبيبتي أنا بعتبرك زي بنتي بالظبط ، ده أنتي بنتي فعلا زي أخواتك جودي ويحيي بالظبط ، ومتنسيش أني انا اللي ربيتك وانتي عمرك سنتين .
يارا : أنا عارفة يا طنط وانا كمان بعتبرك زي ماما الله يرحمها .
نجلاء : يبقي المفروض تسمعي كلامي لأني أنا أدري بمصلحتك .
يارا : يا طنط أحنا اتكلمنا في الموضوع ده كتير وحضرتك عارفة رأيي .
نجلاء : وكمان أنا عارفة مصلحتك اوي اكتر من اي حد وأكتر من نفسك انتي كمان ، أنتي لسه صغيرة ومتعرفيش كل حاجة في الدنيا وباباكي الله يرحمه لو كان عايش كان هيكون رأيه من رأيي بالظبط .
يارا : يا طنط لكن انا قولتلك كتير اني مش بحب جاسر .
نجلاء : وليه مش بتحبيه ؟! جاسر ابني شاب ووسيم وغني وبيحبك عايزة ايه تاني أكتر من كده ؟!!
يارا : يا طنط أنا مقولتش جاسر وحش بالعكس هو شاب كويس جدا لكن انا حساه زي اخواتي جودي ويحيي بالظبط مش هينفع اتخطبله او اتجوزه .
نجلاء : يبقي كده اكيد في حد تاني في حياتك وعلشان كده بترفضي جاسر .
يارا : مفيش يا طنط اي حد في حياتي ، وانتي عارفة انا مش بخبي عنك حاجة ، ولو كان فيه حد في حياتي كنتي حضرتك اول واحدة هتعرف .
نجلاء : مادام مفيش حد في حياتك يبقي خطوبتك علي جاسر يوم الخميس الجاي .
يارا : يا طنط لكن أنا .....
نجلاء : مفيش لكن أنا خلاص عزمت الناس علي حفلة خطوبتكم ، ومش ممكن بعد ما عزمتهم أرجع ألغي الخطوبة ، أنتي عايزة الناس تقول علينا ايه ؟!!!!
تنصرف يارا غاضبة وتدخل غرفتها تبكي وتلحق بها اختها جودي .
جودي : خلاص يا يارا متعيطيش ، يمكن تحبيه لما تتخطبوا .
يارا : يا جودي انا مش برتاح لجاسر اصلا هتخطبله ازاي ؟؟!!
جودي : خلاص بعد الخطوبة لو شعورك فضل زي ماهو كده افسخي الخطوبة وخلاص .
يارا : لو اتخطبت له غصب عني مش هعرف افسخ الخطوبة بعد كده و هتجوزه بردو غصب عني !!!
جودي : والعمل يا يارا ؟؟
يارا : مش عارفة .
يوم الخطوبة مساءا
تقف يارا تبكي أمام المراه وبجوارها اختها جودي تساعدها في ارتداء فستان الخطبة و تحاول تهدئتها وتقول لها : كفاية عياط بقي يا يارا الميكاب كل شوية دموعك تمسحه !!
لا ترد عليها يارا وتستمر في البكاء ، واذا فجأة تمسح يارا بايديها دموعها ثم تهم بالخروج من غرفتها مسرعة فتسألها جودي : رايحة فين ؟
يارا : هتعرفي كمان شوية .
تتسلل يارا وتخرج من الفيلا دون أن تراها نجلاء زوجة ابيها حتي تخرج من باب الفيلا وتجري في الشوارع حتي لا تلحق بها نجلاء او ايا من أسرتها ، و بينما هي تخرج جارية من احد الشوارع الجانبية الي الشارع الرئيسي تفاجئ بسيارة مسرعة امامها مباشرة....
باااااااك
في المستشفى
استيقظت ملاك لترى أدهم نائم بجوارها ، ابتسمت بلطف ثم أمسكت يده وقبلتها بسعادة بالغة .
ابتسم أدهم " فقد استيقظ قبلها ليتأملها وحين شعر بها حين بدأت تستيقظ انتظر ليري ماذا ستفعل " .
يسمعها تقول " بطفولة " : أدهم ، أدهومتي قوم يلا....يلا بقي اصحي .
أدهم " يصطنع النوم " : بس يا ملاك نامي .
ثم تلاعبه اثناء اصطناعه النوم حتي يبتسم ويفتح احدي عينيه ببطئ .
ملاك : صباح الخير حبيبي .
ادهم " بغضب مصطنع " : لا انا زعلان منك ومخاصمك متتكلميش معايا .
ملاك "بحزن طفولي " : ليه ؟ ملاك مش عملت حاجه !!
يفتح أدهم عينيه ويقول لها :
بجد ؟ آومال مين اللي بيصحيني من النوم ؟
ملاك ببراءة : وحشتني يا أدهومتي ، خلاص بقي متزعلش .
لم يستطع أدهم الا ان يبتسم بسعادة ويضمها اليه في عناق طويل لينتبة علي دقات باب الغرفة !!! ثم يسمع صوت الممرضة تقول : صباح الخير ، ممكن أدخل ؟
يبتعد أدهم عنها فترد ملاك : صباح النور .
ويقوم أدهم من السرير ويأذن للممرضه بالدخول : اتفضلي ادخلي .
الممرضة : يلا يا مدام عشان ميعاد الدواء .
ملاك " بطفولة " : لأ مش عايزة .
أدهم بجديه : لا يا ملاك مفيش حاجه اسمها مش عاوزه لازم تاخدي الدواء علشان تخفي بسرعة .
ملاك : طعمه مر اوي .
أدهم : معلش يا حبيبتي عشان خاطري لازم تاخدي الدواء .
ملاك : حاضر .
تاخد ملاك من يد الممرضة الدواء وتقول لها : ممكن تخرجي .
تخرج الممرضة من الغرفة .
أدهم " بتعجب " : قولتلها تخرج ليه ؟؟
تضحك ملاك وتقول : عشان اخد الدواء .
أدهم : بجد !! طب يلا خدي الدواء .
ملاك : انت اللي تديني الدواء بايدك .
أدهم : ماشي لما نشوف اخرة الدلع ده .
ثم يعطيها الدواء بيده ، تبتسم ملاك و تقول : كده الدواء بقي طعمه حلو .
ينظر لها أدهم و يقول " في نفسه " : انا مش عارف البنت دي بتعمل فيا ايه ؟! اول مره أكون مش عايز أبعد فيها عن بنت وأحس اني بتعلق بيها أوي !!! أنا عمري ما بنت شغلت تفكيري او أتعلقت بيها !!! ليه قدامها مش بقدر اعاملها بقسوه زي أي بنت بتحاول تقرب مني ؟؟ بس هي بحس معاها اني عاوزها متبعدش عني ابدا !!!
يمر بعض الوقت
يجلس أدهم بجانب ملاك ويلاحظ أنها تبدو حزينة !!!
أدهم : مالك يا ملاك ؟
ملاك ( بضحك ) : أنت بتنسي كتير ليه ؟ قولتلك قولي يا حبيبتي !!
أدهم يضحك : أسف يا حبيبتي ، قوليلي بقي مالك شكلك حزين ليه ؟
ملاك : أنا زهقت من المستشفى دي ، احنا هنرجع بيتنا امتي بقي ؟؟
أدهم " بتعجب " : بيتنا !!!!
ملاك " بطفولة " : أيوه بيتنا ، مش أحنا لازم نروح بيتنا ولا هنفضل هنا في المستشفي علطول ؟!!
أدهم يضحك : لأ طبعا مش هنفضل هنا علطول ولازم نرجع بيتنا .
ملاك : أمتي بقي ؟ أنا زهقت من المستشفي دي وعايزة أمشي !!
أدهم : لما الدكتور يقول .
ملاك " بضجر طفولي " : والدكتور هيقول أمتي بقي ؟؟
أدهم : معرفش .
ملاك : طيب لما الدكتور ييجي أسأله .
أدهم يضحك : حاضر يا حبيبتي .
يخاطب أدهم نفسه : طب انا هتصرف ازاي دلوقتي ؟؟ ولما تخرج من المستشفي معقول أسيبها في الشارع كده بدون ما حتي تعرف هي مين ولا أهلها فين ؟؟!! دي كمان فاكرة انها مراتي !!!!!
ملاك بصوت عالي قليلا :
أدهم انت ساكت و مش بترد عليا ليه ؟
ينتبة أدهم لصوتها : كنتي بتقولي ايه ؟؟
ملاك : انت سرحان في ايه ؟
ادهم : أنتي الجرح اللي في راسك مكان العملية لسه بيتعبك ؟
ملاك : بسيط مش بيوجعني اوي زي الأول .
أدهم : بردو لازم تفضلي هنا لحد ما تخفي خالص يا ملاك ، يلا بقي علشان ميعاد الدواء دلوقتي .
ملاك : بلاش يا ادهم علشان خاطري وتنظر له بعينيها الزرقاء تستعطفه ليرق قلبه بشده لها لكنه يقول محاولا عدم التأثر : متحاوليش ، هتخدي الدواء يعني هتخدي الدواء .
ملاك : حاضر .
يحضر أدهم الدواء ويعطيه لها وفجأة يرن هاتفه .
أدهم : ثواني .
ملاك : ماشي .
يخرج أدهم من الغرفة ويرد علي هاتفه .......
أدهم : ازيك يا ماما عاملة ايه ؟
الأم بحزن : لسه فاكر يا أدهم ان ليك أم ؟!! يعني لو متصلتش بيك متتصلش بيا ولا تسأل عني ؟! حتي باباك وأخواتك متسألش عنهم خالص ؟!!!!
أدهم : معلش يا حبيبتي ، حصلت ظروف في الشغل .
الأم : ربنا معاك يا حبيبي ، طيب هتيجي امتي يا أدهم ؟؟
أدهم يفكر للحظات ويحسم أمره .......أن شاء الله بكرة راجع اسكندرية يا ست الكل .
الأم : بجد يا حبيبي هتيجي بكره ؟؟
أدهم : ايوه يا أمي أن شاء الله هوصل بكره ، يلا يا ست الكل ، لازم اقفل دلوقتي .
يغلق أدهم هاتفة ويفكر في قراره الذي اتخذه بشأن ملاك ولن يتراجع عنه !!!
( يا تري قراره هيكون ايه ؟ )
الحلقة ٤
في اليوم التالي
في المستشفي
أدهم : خلاص يا ملاك الدكتور قالي ممكن تخرجي النهاردة .
ملاك : بجد !! هيييييه ، الحمد لله .
أدهم : يلا بقي غيري هدومك علشان نمشي .
ملاك : هدووومي !!! انا مش معايا اي هدوم .
أدهم : ايوه صح ازاي كنت ناسي ، ولا يهمك يا حبيبتي هنزل اشتريلك هدوم وارجعلك ، متخافيش مش هتأخر .
ملاك : لأ يا أدهومتي بلاش تسيبني ، هننزل مع بعض .
أدهم : وهتنزلي الشارع بالهدوم دي ؟!!
ملاك : مش مهم يا حبببي ، أهم حاجة مش عايزاك تبعد عني لحظة واحدة .
أدهم : طيب خلاص أنا هتصرف ، يلا ننزل .
وقبل انصرافهما جاء الطبيب و كتب لها عدة ادوية كعلاج لتساعدها علي سرعة استرجاع الذاكرة .
تعلقت ملاك بذراع أدهم وسارت معه وهي تميل بجسمها عليه حتي انصرفوا من المستشفي وركبت سيارة أدهم الفاخرة وهي تسأله .....
ملاك : أدهومتي عربيتك دي ؟؟
أدهم : أيوه عربيتي ، حلوة ؟؟
ملاك : حلوة اوي أوي ، أحنا دلوقتي هنروح فين يا أدهومتي ؟
أدهم : الأول هنروح نشتري طقم حلو تلبسيه وبعدين نسافر .
ملاك : نسافر !!! نسافر فين ؟؟
أدهم : هنسافر أسكندرية .
ملاك : ليه ؟ هو احنا عايشين في اسكندرية ؟
أدهم " مبتسما " : أيوه يا حبيبتي عايشين في اسكندرية .
ملاك : واااااااو ، انا بحب اسكندرية اوي .
ادهم : أنتي فاكرة اسكندرية ؟؟؟
ملاك : لأ بس أنا عارفة أن أسكندرية حلوة أوي .
أدهم : وتبقي أحلي يا حبيبتي وأنتي فيها .
تبتسم ملاك وتنظر له بعيونها في خجل فيبتسم أدهم ويقول :
ادهم : عيونك الحلوين دول وابتسامتك دي هما اللي هيجننوني .
ملاك " بدلال وابتسامة " : بعد الشر عليك يا أدهومتي .
يشرد أدهم قليلا ويفكر كيف سيواجهة عائلته بتلك الفتاة وماذا سيقول لهم و رد فعلهم عندما يرونها معه !!!
تقطع ملاك شروده فجأة وتسأله : أدهم أنا مفيش حد من اهلي زارني في المستشفي ليه ؟
يرتبك أدهم قبل ان يرد عليها : ده موضوع كبير ابقي أحكيلك عنه بعدين .
ملاك " ببراءة " : لأ ، قولي دلوقتي علشان خاطري .
أدهم : باباكي ومامتك متوفيين واخواتك مسافرين بره .
ملاك " بحزن " : يعني أنا مش عندي أهل ؟؟
أدهم : يا حبيبتي أنا باباكي ومامتك وكل اهلك .
ملاك : ربنا يخليك ليا يا ادهومتي ، ثم تسأله وانت اهلك فين ؟؟
يضحك ادهم : انا عايش مع بابا وماما وجدي كمان عايش معانا واحنا هنعيش معاهم .
ملاك : أنا بحبك أوي يا ادهم وحاسة اني بحبك من زمان أوي ، قولي صحيح أحنا متجوزين من أمتي ؟
أدهم " بأرتباك " : متجوزين من شهرين ، كفاية أسئلة بقي ويلا ننزل ندخل المحل ده نشتري طقم حلو علشان تروحي البيت وانتي لابساه .
ملاك : أوكي يا ادهومتي ، بس انا ناسية عيلتك ومش فاكراهم خالص ، اوعدني تحكيلي عن عيلتك وأحنا في الطريق .
أدهم : ماشي يا حبيبتي .
بعد نصف ساعة تخرج ملاك مع ادهم من المحل ترتدي ملابسها الجديدة ، وقبل ان يصلوا الي السيارة تقف وتقول : ادهومتي .
ادهم : عيون ادهم .
ملاك : هاتلي شيكولاته من هنا وتشير الي احد المحلات المجاورة لهما .
أدهم : حاضر يا قلب ادهم .
يذهب ادهم ويأتي لها بالعديد من الشيكولاته والتي ما ان رأتها ملاك حتي بدأت تلتهما بنهم !!!
ينظر لها ادهم بتعجب ويبتسم ويسألها : انتي بتحبي الشيكولاته اوي كده ؟؟
ملاك : بحبها اوي اوي يا أدهومتي .
أدهم يبتسم : لااااا أنا مش عايزك تحبي حاجة غيري ، فاهمة أنا وبس .
تضحك ملاك : انت بتغير من الشيكولاته يا حبيبي ؟؟؟
أدهم : بغير من الهواء اللي بيلمس خدودك .
ملاك : ياااه للدرجادي ؟؟
أدهم : بحبك .
ملاك : وأنا كمان بحبك اوي يا ادهومتي .
في فيلا عز الدين
تجلس جودي في غرفتها حزينة وتسمع صوت طرق الباب .
جودي : أدخل .
تفتح والدتها نجلاء الباب وتدخل اليها وتسألها : مالك يا جودي فيه ايه ؟
جودي : يعني مش عارفة فيه ايه يا ماما !!! يارا من اكتر من أسبوعين واحنا مش عارفين عنها حاجة !!
نجلاء : أنا واخوكي جاسر قلبنا عليها الدنيا ومش ساكتين ، حتي اهل مامتها بنحاول نوصل لأي حد منهم يمكن تكون راحت عندهم .
جودي : أنا عارفة يارا مش هترجع تاني .
نجلاء : ليه بتقولي كده ؟؟
جودي : أنا أي حاجة بحبها بتضيع مني ، انا حاسة نفسي وحيدة !!!
نجلاء : ليه بتقولي كده يا حبيبتي ؟! يارا هنلاقيها وهترجع قريب أوي ، وأنا وأخواتك كلنا جنبك .
جودي : يا ماما انتي علطول مشغولة في مشاريعك ومع صحباتك ويحيي علطول بره البيت وبتعدي ايام من غير ما نشوفه وجاسر كده كده هو بعيد أصلا والوحيدة اللي كانت قريبة مني هي يارا ودلوقتي مش عارفة عنها حاجة !!!!
نجلاء : أنا معاكي اهو علطول ويا ستي لما اكون هخرج هبقي اقولك تخرجي معايا ، ويارا هترجع صدقيني هنعرف مكانها قريب اوي وهترجع .
في فيلا الفيومي
يقف جميع الخادمين في المنزل علي قدم وساق يقوموا بترتيب وتنظيف الغرفة الخاصة بادهم ويلاحظ الجد سليمان الفيومي حركة غير طبيعية في القصر فيسأل هاجر ( ام ادهم )....
الجد : فيه ايه ؟؟ انا ملاحظ أن فيه حركة غريبة في القصر النهاردة !!
الأم : أصل ادهم راجع النهاردة من القاهرة يا عمي .
الجد : أخيرا !! الولد ده وحشني اوي .
ينزل زياد من غرفته يفرك عينيه ويقول : أيوه طبعا يا ست الكل ابنك حبيبك راجعلك النهاردة ، محدش قدك .
الأم : هو ابني حبيبي وانت كمان ابني حبيبي .
زياد " يضحك " : ايوه بس ادهم بتحبيه زيادة شويتين تلاتة .
الام : كلكم عندي حب واحد وغلاوة واحدة .
يظهر عامر الفيومي ( ابو ادهم ) ويضحك ويقول : ايوه يا زياد كلكم حب واحد وأبوكم خلاص اتركن علي الرف .
الام : ازاي تقول كده يا عامر ده حبهم كلهم من حبي ليك .
الجد " يضحك " : أحم أحم ، نحن هنا ، انا واقف يا ولاد .
يضحك عامر : ربنا يخليك لينا يا حاج .
الجد : أنت لسه مروحتش الشركة انت وأخوك ؟؟
عامر : مستني محمود اخويا ينزل علشان نروح الشركة مع بعض .
الجد : طيب ربنا معاكم ، ومتنساش النهاردة اول الشهر الشهريات اللي بتخرجها للايتام والأرامل والناس الغلابة ، أوعي تتأخر عليهم يا ابني ده تلاقيهم بيستنوا اليوم ده من الشهر للشهر .
عامر : وهي دي حاجة تتنسي يا حاج !! ده عادة وانت معودنا علبها .
الجد : ربنا ما يقطعها عادة يارب .
عامر : اميين ، اهو محمود اخويا نازل اهو احنا ماشيين يا حاج تؤمر بحاجة .
الجد : لا يا حبيبي اتوكلوا علي الله ربنا يرزقكم .
محمود الفيومي : صباح الخير يا حاج .
الجد : صباح الخير يا محمود .
محمود : انا رايح الشركة يا حاج عايز حاجة قبل ما امشي ؟
الجد : لا يا حبيبي ، اومال ولادك فين ؟
محمود : عمر صحي بدري وسبقنا علي الشركة وتمارا مع جوزها فوق وشيرين لسه نايمة .
الجد : طيب يا حبيبي اتوكل علي الله انت وروح الشركة مع اخوك ، ربنا معاكم .
عامر : ابقي قولي لأدهم بلاش يخرج النهاردة علشان وحشني وعايز لما ارجع اخر اليوم افعد معاه شوية .
هاجر : حاضر .
الساعة الثانية ظهرا
يصل أدهم بسيارته مع ملاك الي باب القصر الخارجي .
تنظر ملاك الي القصر من الخارج وتسأله : هو ده بيتنا يا أدهومتي ؟؟
أدهم : ايوه يا حبيبتي ، المهم دلوقتي أنا هسيبك هنا في العربية عشر دقايق وأرجعلك .
ملاك : ليه ؟؟؟ ليه يا حبيبي عايز تسيبني ؟!!!
أدهم : عشر دقايق بس وأرجعلك .
ملاك " بضيق " : ليه ؟؟
أدهم :اصل عاملهم مفاجأة ومش قايلهم انك معايا .
ملاك : مش فاهمة !!! مش المفروض أننا لما اتجوزنا عايشين هنا معاهم ؟!!
أدهم : لأ احنا اتجوزنا في القاهرة ولسه اول مرة تيجي هنا معايا .
ملاك " بضيق " : حاضر يا حبيبي بس اوعي تتأخر عليا .
يبتسم أدهم : متخافيش يا قلبي عشر دقايق وارجعلك .
ينزل ادهم من سيارته ويقولها : اوعي تنزلي من العربية .
تهز ملاك رأسها بالايجاب .
يدخل ادهم من باب الفيلا و يسير ادهم بخطوات ثابتة ويقوم الخدم بتحيته حتي يدخل الفيلا من الداخل فتجري اليه الام وتضمه وتقول : وحشتني يا ادهم يا حبيبي ، كل ده وانت بعيد عن مامتك يا ادهم ؟!!
أدهم : أسف يا ماما غصب عني والله ، المهم طمنيني انتي بخير ؟
الام : الحمد لله بقيت بخير لما شوفتك.
الجد : حمدلله ع السلامة يا ادهم .
يقترب منه أدهم ويقبل رأسه ويقول : الله يسلمك يا جدي ، وحشتني يا جدي صحتك عاملة ايه دلوقتي ؟
الجد : نحمد ربنا ، طمني عليك يا فيومي يا صغير كنت غايب كل ده ليه ؟
أدهم " يضحك " : أنت لسه بردو هتقولي يا فيومي يا صغير ؟! ما انت شايف يا جدي انا كبرت خلاص .
الجد : انا بقولك يا فيومي يا صغير علشان انت الوحيد اللي شبههي يا ولد .
يبتسم أدهم : كلنا فينا شبة منك يا جدي .
الجد : لأ مش بتكلم عن شبة الشكل والملامح انا بتكلم عنك انت وشخصيتك ، انت الوحيد اللي شبههي وكل صفاتي بشوفها فيك .
أدهم : ده شرف ليا يا جدي اني اكون شبههك .
الجد : طيب يلا اطلع بقي غير هدومك وتعالي احكيلي كنت بتعمل ايه في سفرك في القاهرة طول الوقت ده .
أدهم : لأ استني يا جدي أنا فيه حد معايا بره الفيلا .
الجد : مين اللي معاك بره يا ادهم ؟؟ واحد صاحبك ؟؟
أدهم : لأ معايا مراتي .
الام : ميييييين ؟؟؟؟
تفاعلوا حتي تصلكم باقي احداث الرواية المثيرة
الحلقة ٥
الجد : مين اللي معاك بره يا ادهم ؟؟ واحد صاحبك ؟؟
أدهم : لأ معايا مراتي .
الام : ميييييين ؟؟؟؟؟
أدهم : مراتي يا ماما .
الأم : أنت بتهزر ولا بتتكلم جد ؟؟
أدهم : بتكلم بجد يا ماما ، أنا اتجوزت .
الأم : أتجوزت من ورانا يا ادهم ؟؟!!!
أدهم : يا ماما .....
الأم : بقي كده يا ادهم !!! ده انا ياما اتحايلت عليك تتجوز علشان افرح بيك .
أدهم : وانا اهو اتجوزت علشان أفرحك يا ست الكل .
الام : تفرحني !!! أنا افرح بيك وانت قاعد جنب عروستك في الكوشة واشوفك وانت بتتزف وتدخل بيتك مع عروستك ، مش تيجي فجأة كده وتقولي انا اتجوزت !!!!
أدهم : كل دي شكليات يا أمي ، المهم اني اتجوزت .
الام : اتجوزت من ورايا ومن ورا ابوك وجدك واخواتك !! هي دي مكافئتنا ؟!!
ادهم : مش عايزك تزعلي يا ست الكل ، الموضوع جه بسرعة والمهم انك تشوفيني سعيد مع مراتي .
الام : حرام عليك يا ادهم كسرت قلبي وضيعت فرحتي اللي كنت مستنياها طول عمري .
الجد : خلاص يا هاجر الكلام ده مفيش منه فايدة دلوقتي ، تعالي يا ادهم قولي اتجوزت مين وازاي وايه اللي خلاك تتجوز بسرعة بالشكل ده ؟؟
أدهم : معلش يا جدي ده موضوع كبير هحكيلك عليه لما ارتاح من السفر ، المهم دلوقتي هي قاعدة بره في العربية وعايز ادخلها وعايزكم تقابلوها كويس .
الجد : ايوه طبعا خليها تدخل ، مادام مراتك يبقي خلاص ده بقي بيتها .
تنظر الام له " بغيظ " فيقول لها ادهم : خلاص يقي يا ست الكل علشان خاطري ، مش هدخلها القصر الا لما تقوليلي دخلها .
الأم " بغيظ " : دخلها .
يبتسم ادهم ويخرج مسرعا الي ملاك التي يجدها جالسة في السيارة في حالة ملل ، وبمجرد ان تراه تبتسم ثم تقطب جبهتها وتقول : زعلانة منك .
أدهم : ليه يا حبيبتي ؟
ملاك : أتأخرت اوي اوي .
أدهم : طيب خلاص معلش يا حبيبتي ، يلا علشان ندخل وتتعرفي بالعيلة .
ملاك : هييييه يلا يا ادهومتي .
أدهم : يلا يا حبيبتي ، وبلاش ادهومتي دي قدامهم .
ملاك : ليه بقي ؟
أدهم : كده وخلاص ، يلا بقي اتأخرنا عليهم .
ملاك : حاضر يا ادهومتي .
أدهم : تااااني ؟
ملاك : أسفة أسفة ، حاضر يا حبيبي .
داخل القصر
تنزل نانسي وتسألهم : أنا صحيت من النوم علي صوت ابيه ادهم هو رجع من السفر ولا أنا كنت بحلم .
الجد : ايوه يا حبيبتي أخوكي أدهم رجع .
نانسي : اومال هو فين ؟ وصوتكم كان عالي ليه ؟
الأم : انتي ليه مروحتيش جامعتك النهاردة ؟؟!
نانسي : النهاردة معنديش محاضرات يا ماما ، قوليلي بقي ابيه ادهم فين ؟ ده وحشني اوي ونفسي أشوفه و اسلم عليه .
يدخل ادهم من باب القصر في يده ملاك التي تدخل بخجل .
بمجرد دخولهما وقف الجميع للحظات مبهورين بجمالها الاخاذ !!!
الجد : بسم الله ما شاء الله تبارك الخلاق فيما خلق ، اتفضلي يا بنتي تعالي بيتك ومطرحك .
أدهم : تعالي يا ملاك سلمي علي جدو سليمان كبير عائلة الفيومي .
ملاك : أزيك يا جدو .
الجد : اهلا يا حبيبة جدو ، يصافحها الجد ويضمها اليه .
يبتسم أدهم : احم احم .. ايه يا جدي !! دي مراتي انا !!!
يضحك الجد : ألف مبروك يا فيومي يا صغير عرفت تختار ، عروستك ما شاء الله جميلة وواضح انها بنت ناس .
ثم يسألها : رأسك مربوطة ليه كده ؟؟
أدهم : أصل ملاك حصلتلها حادثة قريب .
الجد : ألف سلامة عليكي يا حبيبتي ، وأنتي كويسة دلوقتي ؟
ملاك : أيوه يا جدو الحمد لله احسن .
في الوقت نفسه بمجرد ان رأتها نانسي أطلقت صافرة اعجاب واقتربت من امها وقالت بالقرب من أذنها : وااااو ايه الموووزة دي يا مامتي !! ادهم اخويا جابها منين دي حلوة اووووي .
الام " بغضب " : أخرسي .
أدهم : تعالي بقي اعرفك علي ماما واختي نانسي .
ملاك : اهلا يا طنط ، وتذهب اليها فتصافحها الام " ببرود " بأطراف اصابعها .
تجري اليها نانسي وتضمها وتقول : اهلا يا ملاك انتي حلوة اووووي .
ملاك : دول عيونك اللي حلوين .
تبتسم نانسي : انا اخت ابيه ادهم الصغيرة وهبقي انا وانتي اصحاب .
ملاك : أدهومتي كلمني عنك وقالي انه بيحبك اوي .
تضحك نانسي وتنظر الي الأم والجد وتقول " بتعجب " : أدهومتي ؟!!!!
ينظر ادهم لملاك بصرامة فتقول : قصدي ادهم .
الأم " بحدة " : اومال انتي اهلك فين ؟؟
ينظر ادهم بغضب لوالدته ثم ينظر لملاك التي يظهر عليها الحرج !!!
أدهم : اومال بابا ونور وزياد فين ؟؟
الجد : أبوك راح الشركة مع عمك محمود واخوك نور راح الجامعة واخوك زياد خرج بعد الفطار .
ادهم : بعد اذنكم انا هطلع انا وملاك نرتاح علشان تعبانين من السفر .
الام : مش هتاكل قبل ما تطلع ؟؟
ادهم : لأ احنا تعبانين اوي ومحتاجين نرتاح ، بعد أذنكم .
تنزل شيرين " ابنة عمه " وتقول اثناء نزولها : انا سامعة صوت أدهم !! هو رجع من السفر ولا ايه ؟
بمجرد نزولها تفاجى بملاك تقف بجوار أدهم وتعلق يدها في ذراعه !!!
ينقبض قلبها وتقول : حمدلله ع السلامة يا ادهم ، اومال مين دي ؟؟
أدهم : ازيك يا شيرين ، اعرفكم ببعض ، شيرين بنت عمي ، ملاك مراتي .
شيرين : ميييييين ؟؟؟ مراتك !!!!
تنتبه لها جيدا ملاك ، ثم يرد عليها أدهم : أيوه يا شيرين ملاك مراتي .
ملاك : أيوه انا مرات أدهومتي .
ينظر لها أدهم بغضب !! فتصر وتؤكد كلمتها وتقول : أيوه أدهومتي ، مش أنت جوزي حبيبي ولازم أدلعك .
الأم : يلا يا ادهم اطلع ارتاح من السفر مع مراتك ولما تصحي انزل علشان ابوك قالي عايز يقعد معاك لما يرجع .
صعد ادهم ومعه ملاك الي غرفته وما أن دخلوا الغرفة حتي قالت ملاك : قولي بقي يا أستاذ .
ينظر لها أدهم بتعجب : أستااااذ ؟!!
ملاك : أيوه .
أدهم : نعم يا عيون الأستاذ ، يا قلب الأستاذ .
ملاك : مين الأستاذة شيربن دي بقي ؟؟
أدهم " بتعجب " : بنت عمي ، ليه مالها شيرين ؟؟
ملاك : كانت بتبصلي من فوق لتحت كده ليه ؟؟
أدهم : بيتهيألك يا حبيبتي ، يمكن علشان اول مرة تشوفك .
ملاك : وكمان كانت هتاكلك بعينيها !!!
أدهم : ايه اللي بتقوليه ده ؟! شيرين دي زي اختي الصغيرة ، أحنا متربيين مع بعض .
ملاك : لاااا ، لا يا استاذ ادهم .
أدهم : ايه حكاية استاذ دي اللي مسكتيها ؟؟!
ملاك : متغيرش الموضوع .
أدهم : أنتي بتغيري عليا يا ملاك ؟؟
ملاك " ببراءة " : طبعا يا أدهومتي ، مش أنت جوزي حبيبي ولازم اغير عليك .
يضحك أدهم : لأ بلاش الغيرة والجو ده مبحبوش .
ملاك " بطفولة " كده يا أدهومتي !! طيب أنا مخمصاك .
أدهم يضحك : مخمصاك ؟؟!!!
ملاك : أيوووون ، وقولي بقي عايزة اخد شاور أعمل ايه ؟؟
أدهم : شاور ؟؟ أنتي صحيح مش معاكي هدوم للبيت والنوم !!!!
ملاك : لأ مش معايا .
أدهم : طيب أنا هجيب حاجة من هدوم نانسي اختي علي ما أشتريلك هدوم لما اصحي .
في نفس التوقيت كانت اثار الصد.مة مازالت واضحة علي شيرين و النيران تملأ قلبها والشرر يتطاير من عينيها .
جلست شيرين مكانها في صمت وتخاطب نفسها داخليا " ادهم ضاع منك خلاص يا شوشو ، بقي كده ماشي يا ادهم ماشي !! انا هوريك انا هعمل ايه !!
تقترب منها نانسي وتسألها : مالك يا شوشو ؟
شيرين : لأ ابدا مفيش .
نانسي : أنتي زعلتي ان ادهم اتجوز ؟؟
شيرين : لأ طبعا ألف مبروك لكن استغربت انه يتجوز فجأة كده !!
نانسي : كلنا استغربنا بس المهم انه يكون سعيد .
شيرين : عرفها أمتي وحبها أمتي وأتجوزها امتي دي ؟
نانسي : شيرين انتي زعلانة علشان بتحبي ادهم ، صح ؟ متنكريش .
شيرين : مش هنكر اني بحب ادهم لكن بردو بحب اشوفه مبسوط وسعيد ومادام لقي سعادته مع واحدة غيري معنديش مشكلة المهم انه تكون تستاهله ومش اتجوزته علشان فلوسه .
الحلقة ٦
نانسي : لأ دي شكلها طيبة اوي .
شيرين : ده انتي اللي طيبة اوي يا نانوسة .
جاءت تمارا وقالت : صباح الخير يا جماعة ، مالكم صوتكم عالي ليه ؟
نانسي : ابيه ادهم رجع .
تمارا : حمد لله ع السلامة ما انا كنت عارفة انه هيرجع النهاردة من البارح .
نانسي : وجايب معاه مفاجأة حلوة اوي .
تمارا : مفاجأة !! مفاجأة ايه ؟؟
نانسي : جايب معاه مراته .
تمارا : مراته !!! مراته لزاي يعني ؟؟
نانسي : ابيه ادهم اتجوز .
تمارا : انتي بتهزري ولا بتتكلمي جد ؟؟
تتدخل شيرين وترد علي اختها وتقول : ايوه يا تمارا ادهم اتجوز .
تمارا : فجأة كده من غير ما يقول لحد ؟!!!
نانسي : بعد اذنكم انا خارجة شوية مع اصحابي ، باي .
تجلس تمارا بجوار اختها شيرين وتقول : مالك يا شوشو ؟
شيرين : مفيش .
تمارا : معلش ، انا عارفة انك كنتي بتحبي ادهم وعايزة تتجوزيه .
شيرين : هموت يا تمارا ، هموت من الغيظ !!!
تمارا : خلاص يا شيرين متعمليش في نفسك كده !! مش من نصيبك .
شيرين : هو ايه اللي مش من نصيبي ؟!! ادهم وحبي له ولا فلوسه واملاكه اللي مش من نصيبي ؟؟!!
تمارا : فلوسه !! انتي بتحبيه يا شيرين ولا بتحبي فلوسه ؟؟
شيرين : بحبه وفي نفس الوقت فلوسه علي فلوسي كانت هتضمن مستقبلنا زيك انتي ونور .
تمارا : انا كنت فاكره انك بتحبيه ومش بتفكري في فلوسه ؟
شيرين : ييييييه يا تمارا والنبي سبيني في حالي دلوقتي .
تمارا : خلاص بقي يا شيرين انسيه واتعاملي معاه علي انه ابن عمك بس وانسي موضوع الجواز ده ، علشان ترتاحي .
شيرين : لا وحياتك ، وحياتك انتي يا تمارا لتشوفي اختك هتعمل ايه ، ومش هسيبك يا ادهم الا لما تبقي ملكي ، وملكي لوحدي كمان !!!
بعد ساعتين
استيقظ ادهم من نومه ووجد بجواره ملاك تبعثر شعره بأصابعها وتنظر اليه بأبتسامة وحب .
ادهم : ايه ده !! انتي صحيتي امتي ؟
ملاك : انا منمتش اصلا يا ادهومتي .
ادهم : ليه يا حبيبتي ؟
ملاك : كنت بتفرج عليك وانت نايم ، شكلك حلو اوي يا ادهومتي .
ادهم : اوعي تقوليلي تاني يا ادهومتي قدامهم .
ملاك : مش عايزني ادلع حبيبي ؟!
ادهم : لما نبقي لوحدنا يا قلب حبيبك .
ملاك : طيب يلا بقي علشان نروح نشتري هدوم يا حبيبي .
ادهم : حاضر اقوم اخد شاور وننزل علطول .
نزل ادهم ومعه ملاك وقبل خروجهم من باب القصر نادتهم تمارا : أزيك يا ادهم ، حمدلله ع السلامة .
ادهم : الله يسلمك يا تمارا .
تمارا : الف مبروك الجواز .
ادهم : الله يبارك فيكي ، تعالي يا ملاك اعرفك تمارا بنت عمي ومرات اخويا نور ، ملاك مراتي .
ملاك : اهلا وسهلا .
تمارا : الف مبروك يا عروسة .
ملاك : الله يبارك فيكي .
ادهم : بعد اذنك انا وملاك خارجين .
وفجأة يدخل الاب من الخارج ( عامر الفيومي ) يحاول اخفاء غضبه : حمدلله ع السلامة يا ادهم .
ادهم : الله يسلمك يا بابا .
عامر : اومال مين الامورة دي ؟؟
ادهم : دي .... دي ملاك .. مراتي .
عامر : ايه ده !! ده الكلام طلع بجد بقي !! انا كنت فاكر أن هاجر بتهزر .
ادهم : هي ماما اتصلت بك وقالتلك ؟
عامر : ايوه .
ادهم : ايوه يا بابا انا فعلا اتجوزت ملاك .
عامر : من ورانا يا ادهم ؟؟ ومن غير ما نعرف !! ولا نحضر حتي جوازك !!
ادهم : انا عارف ان حضرتك زعلان ولك حق طبعا لكن انا هشرحلك كل حاجة .
ملاك تقف ويبدو عليها الارتباك والحرج !! ثم تقول " بحزن " : الظاهر ان انا شخص غير مرغوب فيه هنا !! بعد اذنك يا ادهم انا ماشية .
ادهم : ماشية رايحة فين استني .
عامر : انا اسف لو كان كلامي سببلك حرج يا بنتي لكن ده عتاب بيني وبين ابني ، الف مبروك يا عروسة .
ملاك : الله يبارك في حضرتك .
عامر : معلش يا عروسة أنا هاخد منك عريسك نص ساعة بس .
ادهم : اطلعي دلوقتي يا ملاك ولما اخلص مع بابا نخرج مع بعض .
تمارا : روح انت يا ادهم مع عمي وانا هقعد مع ملاك .
دخل ادهم مع والده غرفة مكتبه وبمجرد غلق الباب ...
عامر : مين دي يا ادهم ؟ وازاي تتجوز فجأة كده ومن ورانا ؟؟ أنا لحد دلوقتي مش مصدق انك تعمل كده !!!
أدهم : والله يا بابا ظروف .
عامر " بغضب " : ظروف ايه اللي تخليك تتجوز فجأة كده بدون ما تعرف ابوك وأمك وعيلتك ؟؟
ادهم : طيب اقعد يا بابا وانا هقولك علي كل اللي حصل .....
ويبدأ ادهم في سرد ما حدث منذ أن صد.م تلك الفتاة بسيارته وما حدث لها حتي زواجه منها ثم خروجها من المستشفي ....
عامر : عايز تفهمني يا ادهم انك اتجوزت البنت دي لمجرد احساسك بالذنب تجاهها ؟؟!
ادهم : الصراحة يا بابا لا ، انا في الايام اللي كنت معاها فيها في المستشفي لقيت نفسي ولأول مرة في حياتي بحبها .
عامر " بتعجب " : أدهم الفيومي بيحب ؟ غريبة !!!
ادهم : ايوه يا بابا دي الحقيقة .
عامر : وتتجوزها وانت متعرفش هي مين وبنت مين واذا كانت متجوزة ولا مخطوبة ولا مرتبطة ؟!! تتجوزها ازاي وانت متعرفش عنها اي حاجة ؟؟
ادهم : لأ يا بابا مش متجوزة .
عامر : أنت دخلت عليها يا ادهم ؟؟
ادهم يصمت قليلا ثم يقول : لأ .
عامر : اوعي تعمل كده يا ادهم !! دي ممكن تكون متجوزة ولا مخطوبة او بتحب ولما ترجعلها الذاكرة مش هتسامحك ابدا علي اللي عملته فيها !!
ادهم : يا بابا ملاك انا مش هسيبها ابدا حتي بعد ما ترجعلها الذاكرة مهما حصل !!
عامر : اسمع اللي بقولك عليه يا ادهم ، اوعي تدخل وتتمم الجواز .
في نفس التوقيت
تجلس ملاك مع تمارا في ريسبشن القصر الكبير و تبتسم وتقول : متزعليش يا ملاك احنا كلنا اتفاجئنا بجواز ادهم فكان طبيعي يكون رد فعلنا غريب .
ملاك : انا حسيت اني بدخولي حياة ادهم هزعل كل اللي حواليه منه واكون سبب في لخبطة حياته .
تمارا : لا لا ، انتي فهمتي غلط الموضوع كله بسبب المفاجأة ، عايزة اقولك حاجة بقي انتي جميلة اوي .
ملاك : ميرسي اوي انتي اجمل .
تمارا : احنا هنعيش هنا في بيت واحد عايزين نتعرف علي بعض اكتر .
ملاك : اكيد .
تمارا : احكيلي عن نفسك شوية يا ملاك .
تنظر اليها ملاك وترتبك ولا تعرف كيف تجيب !!
تمارا : مالك ؟! فيه ايه ؟؟
ملاك : مفيش .
تمارا : انتي مش عايزة تحكي عن نفسك ؟
ملاك : لا ، لكن ...
تمارا : من غير لكن ، يلا بقي احكيلي انا عايزة اعرف كل حاجة عنك .
ملاك : طيب وقت تاني علشان دلوقتي حاسة اني مرتبكة ومتلخبطة من الموقف اللي حصل من شوية .
يخرج ادهم بصحبة ملاك لشراء بعض الملابس لها بينما تأتي شيرين وتجلس مع اختها تمارا التي يبدو عليها انها تجلس شاردة الذهن تفكر ...
شيرين : شوفتي عروسة البيه ؟؟
تمارا : قصدك ادهم ؟؟
شيرين : طبعا ، شوفتي عروسته ؟
تمارا : ايوه شوفتها جميلة اوي .
شيرين : بلاش تجننيني وتقولي انها حلوة !!
تمارا : دي الحقيقة هي فعلا حلوة اوي ، لكن حاسة انها وراها لغز .
شيربن : لغز !!!
تمارا : بمجرد ما قولتلها كلميني عن نفسك ارتبكت وسكتت .
شيرين : يبقي كده البنت دي وراها حاجة !!
تمارا : اكيد ، بس بلاش نسيئ الظن يمكن يكون اهلها ناس فقرا ومكسوفة تقول !!
شيرين : انا بقي لازم اعرف كل حاجة عن البنت دي .
بعد ايام .....
وقد علم الجميع بحقيقة الحادث وما حدث لها وفقدها للذاكرة وكيف تزوج ادهم من ملاك وطلب منهم جميعا عدم ذكر الحقيقة امامها .
تلاحظ شيرين هاجر زوجة عمها ( ام ادهم ) تقترب منهن فترفع صوتها مخاطبة اختها : عارفة يا تمارا المشكلة مش في انها فاقدة الذاكرة لأ ،المشكلة الحقيقية ان البنت دي منعرفش عنها حاجة يعني بنت ولا متجوزة ولا مخطوبة ولا فيه وراها مصيبة محدش يعرف .
تمارا : لأ يا شيرين البنت الصراحة باين عليها طيبة اوي .
شيرين : مش بالمظاهر يا تمارا ، ده غير اننا منعرفش مين اهلها واذا كانوا ناس محترمين ولا .....
تستمع هاجر لكلمات شيرين وتقول : والله يا شيرين اللي بتقوليه ده هو نفس الكلام اللي انا بفكر فيه .
شيرين : انا مش عارفة يا طنط ازاي ادهم يعمل كده ؟!!!
هاجر : مش عارفة ، حقيقي انا مش عارفة ، انا اول مرة اشوف ادهم ابني بيتكلم عن الحب والكلام ده ، طول عمره واخد حياته جد .
شيرين : انا كمان شايفاه متغير اوي عن طبيعته يا طنط ، انا مش عارفة البنت دي عملت فيه ايه !!!
هاجر : عندك حق يا شيرين ، ادهم ابني متغير اوي !!!
ينزل ادهم فجأة ويسمعهم ثم يبتسم ويسألها : متغير ازاي يا ست الكل ؟؟ صباح الخير الاول ، مين اللي قال بس ان انا متغير ؟!!
هاجر : صباح النور انت يا ادهم مش حاسس بنفسك انك متغير ولا ايه ؟؟ انت بقيت حد تاني !!
ادهم : لا تاني ولا تالت انا زي ما انا متغيرتش ، ولو كان فيه تغيير يبقي اكيد للأحسن ، عموما هستأذنكم انا رابح الشغل .
هاجر : تروح وترجع بالسلامة خلي بالك من نفسك .
يخرج ادهم بينما تعود شيرين للحديث مع هاجر .....
شيرين : شوفتي يا طنط ادهم اتغير ازاي !!!! انا مش مصدقة ، ادهم اللي كان بيبتسم مرة كل سنة اللي كانت نظرة من عينة ترعب اي حد بقي شخص تاني !!! اذا كان كل ده حصله في اقل من شهر اومال لما يعدي علي جوازهم سنة هتكون عملت فيه ايه ؟؟؟
يخرج ادهم بسيارته متجها الي الشركة وخلال الطريق يأتي اليه اتصال هاتفهي واثناء الرد عليه تظهر عليه علامات الغضب ويفاجئ بسيارة كبيرة أمامه مباشرة ولا يستطيع تفاديها !!!!!
هاجر تجلس مع تمارا وشيرين ..
تفاجئ هاجر باتصال هاتفي علي هاتفها من رقم غريب !!!!
هاجر : ألو ... مين ؟
: ........
هاجر : بتقول ايه ؟!!!!
ثم تفقد اعصابها وتسقط هاجر فاقدة للوعي !!!!!!
الحلقة السابعة
هاجر : بتقول ايه ؟!!!!
ثم تفقد اعصابها وتسقط فاقدة للوعي !!!!!!
تقوم تمارا وشيرين بافاقتها ثم يذهبوا مسرعين الي المستشفي ...
في المستشفي
يرقد ادهم بعد ان اصيب بعدة كسور في ساقيه الاثنتين وتم تجبيرهما .
بمجرد رؤيته تهرول اليه هاجر ...
هاجر : يا حبيبي يا ابني !! حصلك ايه يا حبيبي ؟ حصلك ايه يا ادهم ؟؟
ادهم : متخافيش يا امي الحمد لله جات بسيطة .
هاجر : بسيطة ازاي والكسور دي كلها ؟!!!
هرولت اليه شيرين وجلست بجانبه وحاولت اظهار اهتمامها وقلقها عليه : الف سلامة عليك يا ادهم ، انا اتخضيت عليك اوي ، طمني حصلك ايه ؟
ادهم : الحمد لله حادثة بسيطة ، اومال فين ملاك ؟؟
تمارا : الف سلامة عليك يا ادهم .
ادهم : الله يسلمك ، بقولكم فين ملاك ؟؟
شيرين : منعرفش هي فين ، احنا اول ما عرفنا بالحادثة جرينا علشان نطمن عليك .
ادهم : متشكر اوي يا شيرين .
شيرين : ايه اللي بتقوله ده يا ادهم !! ده احنا د.م واحد احنا ولاد عم ووو..
يقاطعها ادهم ويقول : ماما كلمي ملاك وقوليلها تيجي .
بعد نصف ساعة جاءت ملاك وبمجرد دخولها شاهدت ادهم يرقد وساقيه في الجبس وبجواره مباشرة شيرين التي بمجرد رؤيتها لملاك اقترب بشدة من ادهم وقالت له : استني يا ادهم اعدلك المخده اللي ورا ضهرك .
اشتاطت غيظا وحرت الي ادهم وازاحت شيرين جانبا ...
ملاك : حبيبي يا ادهومتي ، حصلك ايه يا روحي ؟
ادهم : الحمد لله حادثة بسيطة .
ملاك : بسيطة ازاي وكل الجبس ده !!
ادهم : الحمد لله انها جات علي قد كده ، انتي مش جيتي مع ماما وبنات عمي ليه ؟
ملاك : انا معرفتش الا لما طنط اتصلت بيا من نص ساعة .
شيرين تقف غاضبة وتشعر بأن خطتها فشلت وتنظر بغيظ ثم تزيح ملاك من جواره قائلة : وسعي كده علشان ادي لأدهم الدوا .
ملاك : لأ ادهم هياخد الدوا من ايدي انا ،صح يا ادهم ؟؟
يبتسم ادهم : فاكرة لما كنت بديلك الدوا بايدي ؟
ملاك : ايوه وده دوري انا دلوقتي ، ثم تاخذ كوبا من الماء وتعطي لأدهم الدواء .
تخرج شيربن من الغرفة مسرعة في قمة غضبها وتنصرف !!
في فيلا عز الدين
نجلاء : لسه لحد دلوقتي موصلتش لأي اخبار عن يارا ؟؟
جاسر : عملت كل حاجة يا ماما وموصلتش لحاجة زي ما تكون فص ملح ودابت وملهاش اي أثر !!
نجلاء : يعني تكون اختفت فين ؟
جاسر : انا مسبتش حد من صحباتها الا وسألتها حتي المستشفيات واقسام الشرطة سألت فيهم ومفيش أي خبر عنها ولا حد يعرف هي فين !!
نجلاء : انا كمان سألت كل قرايب باباها ومامتها ومحدش يعرف عنها حاجة !!
جاسر : والعمل ايه ؟؟ احنا لازم نلاقيها في اقرب وقت !!
نجلاء : نا بفكر اعمل اعلانات ضخمة علي مواقع السوشيال ميديا واعرض مكافأة كبيرة لأي حد يقولنا اي خبر عنها .
جاسر : فكرة حلوة هتعرضي مكافأة كام ؟؟
نجلاء : ١٠٠ الف جنية مش خسارة فيها المهم نعرف مكانها .
جاسر : مش مهم الفلوس ،المهم خلي بالك علشان اكيد هتلاقي نصابين يحاولوا ينصبوا علينا !!
نجلاء : متخافش ، انت هتبقي جنبي ومفيش حد هياخد مني جنية واحد الا لما أتأكد من مكانها الأول .
في قصر الفيومي
تمارا : اهدي يا شيرين متعمليش في نفسك كده .
شيرين : مش عارفة اعمل ايه !! البنت دي سيطرت علي قلبه واهتمامه بشكل غريب !! عمري ما تخيلت ان ادهم يحب حد بالشكل ده !!
تمارا : انا قولتلك خلاص انسي اللي في دماغك خلاص ادهم مش ليكي .
شيرين : وانا قولتلك ادهم ده ملكي انا لوحدي .
تمارا : انتي كده بتعاندي نفسك ومش هتسفيدي حاجة بالعكس كل يوم هيزيد غضبك عن اليوم اللي قبله لما تشوفي حبه واهتمامه بها !!
شيرين : بكره تشوفي انا هعمل ايه ؟؟
تمارا : ممكن تعرفيني ناوية تعملي ايه ؟
شيرين : اولا انا شايفة مرات عمي مش مرتاحة للبنت دي هبتدي اغذي الاحساس ده عندها اكتر واكتر ومن ناحية تانية لازم اعرف البنت دي مين وايه اللي وراها .
تمارا : وهتعرفي هي مين ازاي ؟ اذا كانت هي نفسها مش عارفة هي مين !!
تضحك شيرين : التكنولوجيا يا حبيبتي ، التكنولوجيا هي اللي هتقولي هي مين .
تمارا : ازاي ؟؟
شيرين : هصورها صورة واعمل عنها بحث علي السوشيال ميديا ، اكيد هيكون لها صورة علي حساب فيس ولا انستا ولا اي موقع ، ومنه احدد شخصيتها واعرف كل حاجة عنها .
تمارا : انتي مصيبة !! ازاي جاتلك الفكرة دي ؟؟ خلي بالك صعب تصوريها
شيرين : انا صورتها فعلا بدون ما تشعر لكن للاسف الصورة مش واضحة اوي ، لازم اصورها صورة تانية .
في المستشفي
ملاك : ادهومتي فيه واحد بره اسمه نادر بيقول انه صاحبك ؟!
ادهم : ايوه ده نادر صاحبي خليه يدخل بسرعة .
دخل نادر الي الغرفة ...
نادر : سلامتك يا ادهم ايه اللي حصل ؟؟
ادهم : حادثة بسيطة .
نادر : بسيطة ازاي ؟! ده انت اتكسرت !!
ادهم " يضحك " : الحمد لله ، عمر الشقي بقي .
نادر " يضحك ويغمز بعينه اتجاه ملاك " : ايوه وانا عارفك طول عمرك شقي .
ادهم : لم نفسك يا صاحبي المدام واقفة !!
ملاك " تبتسم " : احم احم ، طيب اخرج انا واسيبكم علي راحتكم .
ادهم : ماشي يا ملاك ، والله كلك ذوق .
تخرج ملاك خارج الغرفة وتغلق الباب خلفها ...
نادر : ايه يا صديقي انت استحليت الموضوع ولا ايه ؟!!
ادهم : موضوع ايه مش فاهم ؟!!
نادر : البنت دي يا ادهم ، انت نسيت ولا ايه ؟؟
ادهم : قصدك ملاك ؟؟
نادر : الله اعلم اسمها ايه ، ايوه اللي انت سميتها ملاك .
ادهم : ملاك مراتي يا نادر .
نادر : مش كان اتفاقنا انك هتقطع كل الاوراق بعد خروجها من المستشفي ؟!
ادهم : يعني كنت عايزني اسيبها في الشارع وهي متعرفش حاجة عن نفسها او اهلها او حتي عايشة فين ؟!!
نادر " يصمت قليلا يفكر ثم يسأله " : هي راحت معاك قصر الفيومي ؟؟؟
ادهم : طبعا .
نادر : وقولت لعيلتك ايه ؟
ادهم : قولتلهم مراتي اتجوزتها .
نادر : يعني هي عايشة معاك في القصر دلوقتي ؟؟
ادهم : ايوه .
نادر : انت دخلت عليها يا ادهم ؟؟
ادهم : ملاك مراتي ومهما حصل مش هسيبها ابدا .
نادر : اوعي تكون عملت دخلة يا ادهم !! احنا كنا بنقول اننا منعرفش اذا كانت متجوزة ولا مخطوبة ولا مرتبطة !! لو عملت كده ذنب البنت دي هيبقي في رقبتك و هتكرهك و عمرها ما هتسامحك ابدا .
ادهم : نادر انت صحيح صحبي لكن موضوع الدخلة ده حاجة خاصة مينفعش تتكلم فيها معايا !!
نادر : ده لما جوازك يكون حقيقي يا ادهم ، مش جواز صوري زي كده !! ولما احس انك هتعمل غلطة كبيرة واجب عليا انبهك .
ادهم : ملاك انا حبيتها بجد وهتكمل معايا حياتي ومش هسمح لحد ابدا يبعدها عني .
نادر : حبيتها !! ادهم الفيومي بيتكلم عن الحب ؟؟ غريبة دي !!!
ادهم : وفيها ايه ؟ حد قالك ان معنديش احساس ومشاعر ؟!!
نادر : كمان بتتكلم عن الاحساس والمشاعر ؟ ده كده الموضوع كبير بجد .
ادهم : انت لسه مش مصدق اني حبيتها فعلا ؟!
نادر : ماشي يا صديقي حبيتها ، وهتعمل ايه لما ترجعلها الذاكرة ؟؟ اكيد هتكون عايزة ترجع لحياتها وتنساك !!
ادهم : حتي لما ترجعلها الذاكرة مش هسمح انها تبعد عني .
نادر : هتغصبها انها تعيش معاك غصب عنها ؟؟
ادهم : بلاش نتكلم في الموضوع ده دلوقتي ونسبق الاحداث .
نادر : انت عرفت هي مين ولا لسه ؟
ادهم : معرفتش ومش عايز اعرف .
في قصر الفيومي
يجلس عامر الفيومي مع هاجر في حديقة القصر يتناولون الافطار....
هاجر : هتروح الشركة دلوقتي ولا هتروح لأدهم المستشفي ؟؟
عامر : هروح الشركة نص ساعة اشوف الشغل وبعد كده هروح لأدهم ، تيجي معايا ؟
هاجر : لأ روح انت ، وانا هروح مع نانسي وملاك .
عامر : هي ملاك رجعت البارح من المستشفي ؟؟
هاجر : ايوه ، كانت في المستشفي من كام يوم وادهم صمم البارح انها ترجع القصر علشان ترتاح .
عامر : اوكي .
هاجر : مالك يا عامر ؟ شكلك متضايق من حاجة !!!
عامر : مرات ابنك .
هاجر : قصدك ملاك ؟
عامر : ايوه ؟
هاجر : مالها ؟
عامر : البنت دي لغز بالنسبالي .
هاجر : مش فاهمة تقصد ايه ؟
عامر : اوقات احس انها طيبة اوي وبنت ناس واوقات تانية احس انها خبيثة ومش فاقدة الذاكرة وبتدعي كده لسبب ما في نفسها !!
هاجر : من ناحية انها بتدعي فقدان الذاكرة ده انا مش معاك فيه البنت فعلا فاقدة الذاكرة انما احساسك بعدم الارتياح لها بيأكد نفس الاحساس عندي .
عامر : طيب انتي مش مرتاحة لها ليه ؟؟
هاجر : معرفش السبب ، يمكن علشان الطريقة اللي ادهم اتجوزها بها !!
عامر : عموما الايام هتثبت كل حاجة ، انا ماشي رايح الشركة ونتقابل عند ادهم في المستشفي .
تمارا نائمة في غرفتها تستيقظ علي صوت دقات علي باب غرفتها !!
تمارا : مين ؟
شيرين : انا اختك شيرين .
تمارا : ادخلي يا شوشو .
تدخل شيرين وتبدو عليها علامات السعادة والفرح !!
تمارا : مالك يا بنتي فيه ايه ع الصبح ؟
شيرين تضحك ثم تقول : يارا عز الدين .
تمارا : مين ؟
شيرين : يارا عز الدين .
تمارا : مين دي ؟؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق