رواية تزوجني و لكن الفصل السادس والسابع والثامن والتاسع والعاشر بقلم ندوشة حصريه
رواية تزوجني و لكن الفصل السادس والسابع والثامن والتاسع والعاشر بقلم ندوشة حصريه
الفصل السادس
عدي الوقت عليهم واسماء كانت لسة في اوضتها مخرجتش وهي بتعيط من اللي بيحصل حوليها من معاملة محمد ليها وكلام الناس مع ان عدي سنين علي الموضوع دا بس بردوا لسة بيتكلموا عليها
كانت جميلة بتخبط علي باب الاوضة بتاعتها عشان تفتحلها لكن هي مش قابلة انها تفتح لحد ما سمعت صوت خبط علي الباب فتحت لقيتها هنادي
هنادي : اومال فين جميلة عشان تلبس شبكتها
جميلة بحزن : من وقت ما جينا وهي في الاوضة وقافلة علي نفسها وبتعيط ومش راضية تفتحلي
قلقت هنادي عليها وعشان كدة راحت تخبط علي الباب ممكن تفتح لها
هنادي : افتحي ي اسماء ي حبيبتي متعمليش في نفسك كدة
اسماء : انا مبقتش عاوزة الخطوبة ولا الجوازة نفسها
جميلة : طب افتحي يحبيبتي واحنا هنتكلم ونتفاهم
اسماء فتحت الباب لهم دخلوا واول ما شافت هنادي شكلها حضنتها وهي بتطبطب عليها
هنادي : قوليلي بقي ي حبيبتي عاوزة ايه
اسماء : مش عاوزة اتجوزه ولا عاوزة اني اشوفه انا اتحملته كتير ومبقتش قادرة
هنادي : هو دا اللي انتي قولتيه مش انتي قولتي انك مش هتسبيه ابدا وهتثبتيله انه غلطان وانك مظلومة
اسماء : انا مبقتش قادرة خلاص والله طول الوقت بيتجاهلني وانا عارفة انه مغصوب علي الجوازة دي
جميلة : انا هروح اجيبلك كوباية ماية عشان تهدي
طلعت جميلة وسابت اسماء في حضن هنادي
هنادي : ي اسماء ي حبيبتي انا متاكدة انه هيتغير بعد الجواز ومش هيفضل كدة واكيد هيغير معاملته
اسماء : بس انا خايفة
دخلت جميلة وفي ايدها الماية وادتها لاسماء
جميلة : اشربي بس ي حبيبتي ومتخافيش كلنا عارفين ان محمد بيحبك ومش هيقدر علي بعادك اكتر من كدة
هنادي : يلا تعالي انتي بس تصلحي الميكياج ونطلع عشان الشبكة وافرحي ي بت هو انتي هتتخطبي كام مرة يعني
وفعلا عدلت اسماء شكلها ولبسها وخرجت مع هنادي وجميلة وراحوا علي شقة هنادي اول ما دخلوا لقوا محمد قاعد ومستنيهم وهو مش طايق نفسه
محمد : دا كله بتعملوا ايه انا عاوز ادخل انام
هنادي : كنا بنجيب العروسة وبعدين انت هتتخمد بعد الشبكة ي اخويا مستعجل ليه
قعدت اسماء جمبه وجابوا الشبكة لبسها الخاتم وهي لبسته الدبلة وفي اللحظة دي زغرطت جميلة هي وهنادي بصوت عالي
جميلة : ايوة كدة خلينا نكيد الاعادي
دخل محمد وسابهم ومهتمش باي حاجة قفل الباب
هنادي : سيبك منه ي سوسو النهاردة شبكتك ي بت قومي ارقصي شوية وافرحي كدة ومتخليش حد يكسر فرحتك ابدا
شغلوا اغاني وفضلوا يرقصوا طول الليل ومحمد جوة مش عارف ينام من صوت الاغاني وحذرهم قبل كدة ولكن لا خسارة لمن تنادي
في مكان جديد اول مرة نشوفه كان في شاب قاعد مع والده وهو متعصب ووشه باين عليه الشر
الشاب : اتخطبت ي بابا النهاردة اتخطبت
الاب : ما تهدي ي خالد
خالد : اهدي ازاي يعني بعد اللي عملناه وتتخطب بردوا احنا كدة هنطلع من المولد بلا حمص كل اللي عملناه راح علي الفاضي
الاب : مفيش حاجة راحت علي الفاضي كفاية انه مبقاش طايقها ومش عاوز يشوف وشها ودا معناه انه مش هيتقبلها تكون مراته
خالد : ي بابا احنا عملنا كل حاجة عشان الخطة دي تنجح وانا مش هسمح ابدا ان واحد زيه ياخدها مني وياخد ورثها انا احق منه انا ابن عمها وورثها يبقي من حقنا احنا بس وناخده يعني هناخده حتي لو كلفني انه اموته
الاب : متتسرعش ي خالد لانك بكدة هتدمر اللي عملناه من تلات سنين
خالد : يعني اعمل ايه
الاب : هنفكر بعدين روح انت دلوقتي شوف مراتك وعيالك
خالد : متقولش مراتك انت عارف اني مبحبهاش ومن كدة بردوا جوزتهالي
الاب : دي تبقي بنت عمتك والورث مش هيطلع برة العيلة واللي هتورثه مش شوية روح انت دلوقتي شوفها وطل علي عيالك وهنتكلم في موضوع بنت عمك بعدين ..........
#تزوجني_و_لكن
#بقلمي_ندوشة
الفصل السابع
تاني يوم صحي محمد من النوم وهو تعبان من السهر لانه مقدرش ينام بسبب صوت الاغاني اول ماطلع من الاوضة لقي هنادي محضرة الفطار
هنادي : في ي محمد اي اللي عامل فيك كدة
محمد : والنبي دا علي اساس انتي متعرفيش انا معرفتش انام بسبب الاغاني بتاعتكم
هنادي : معلش بقي مش كانت خطوبتك اقعد يلا عشان تفطر واه هنتعشي النهاردة عند خالتك
محمد : تمام انا هفطر وهروح المستشفي
هنادي : كل حلو لانك هتتعب في شغلك
محمد : ي ماما انا مش صغير
هنادي : طول ما انا عايشة هتفضل صغير في عيني كل يلا عشان متتاخرش
اكل محمد ولبس ونزل لشغله اما هنادي فراحت لجميلة عشان تساعدها في عمايل الاكل
كانت هنادي في المطبخ معاهم وبتكلموا مع بعض
هنادي : اه صح نسيت اقولكم ان الفرح وكتب الكتاب هيبقي الاسبوع الجاي
جميلة : ليه كدة دي الخطوبة كانت امبارح والاسبوع الجاي دا يبقي بدري اوي واحنا لسة مجهزناش حاجة
هنادي : كل حاجة جاهزة انا عاوزاها دلوقتي لاني عارفة ابني بيخطط لحاجة وانا مش متطمنة لها
اسماء : بس محمد مش هيوافق
هنادي : سيبوا موضوع محمد عليا
جميلة : اللي تشوفيه ي هنادي
بالليل جه محمد من الشغل وراح علي بيت جميلة فتحت له اسماء الباب وكانو خلصوا تجهيز السفرة قعدوا علي طول يكلوا
هنادي : محمد انا قررت حاجة
محمد : وايه هي ان شاء الله
هنادي : الفرح الاسبوع الجاي
محمد ساب المعلقة بغضب : دا اللي هو ازاي يعني فرح ايه اللي الاسبوع الجاي
هنادي : احنا هنتاخر ليه كل حاجة جاهزة من زمان اوي وانا مش عاوزة نتاخر عن كدة
محمد : اللي تشوفوه اعملوه ومتخدوش رايي في حاجة
ساب الاكل وراح علي بيته اما اسماء فزعلت بسبب ردة فعله
هنادي : متحطيش في بالك ي حبيبتي انتي عارفة محمد والفرح هيتعمل في الوقت اللي احنا عاوزينه
تسريع الاحداث مر الاسبوع وجه وقت الفرح وفي الاسبوع دا كانت هنادي وجميلة مشغولين جدا في تجهيز كل حاجة وتكميل الحاجات الناقصة وطبعا محمد كان متجاهل اسماء تماما وهي زعلت بسبب دا (انا بحس ان دور البطلة في الرواية انها تزعل بس 😂) اتعمل الفرح سكيتي ودا بناء علي طلب محمد واكيد اسماء وافقته الراي
جه الماذون وكتبوا الكتاب واسماء مبسوطة اما محمد فنفسه كل حاجة تنتهي دلوقتي وجميلة وهنادي بيزغرطوا بفرحة شديدة
هنادي : انا النهاردة هبات عند جميلة وانتو خدوا راحتكم
جميلة : الف مبروك ي حبايبي انا وهنادي هنمشي دلوقتي سلام
مشيوا وسابوهم في الشقة لوحدهم اول ما طلعوا قرب محمد من اسماء ومسك ايدها جامد
محمد : اوعي تفكري انك دلوقتي مراتي انا مغصوب علي الجوازة دي من الاول
اسماء : انت بتقول ايه وبعدين سيب ايدي بتوجعني
محمد مسكها اكتر : متعليش صوتك انتي هنا هتبقي خدامة عندي وهندمك علي اللحظة اللي فكرتي توافقي علي الجواز وانتي عارفة لو عرفت ان حد عرف اللي حصل دا انا اللي مش هسكت وهموتك فاهمة
زقها جامد لدرجة انها وقعت علي الكرسي وسابها ودخل الاوضة ودقايق وطلع تاني وو .........
#تزوجني_و_لكن
#بقلمي_ندوشة
الفصل الثامن
زقها محمد جامد لدرجه انها وقعت على الكرسي ودخلوا الاوضه ودقايق وطلع تاني وهو ماسك مخده وقال لها
محمد : انتي هتنامي على الكنبه دي واوضتي مش هتدخليها ابدا ولو عرفت انك دخلتيها متلوميش الا نفسك
اسماء وهي بتعيط ومصدومه : انت مستحيل تكون محمد اللي انا حبيته واللي كنا بنحلم باليوم اللي هنتجوز فيه انت ليه بتعاملني كده
محمد : والله ده على اساس انت مظلومه قوي انا هندمك على اللحظه اللي وافقت فيها على الجواز مني واعرفك قيمتك ولو بقى على السبب انت عارفاه كويس
فهمت اسماء قصده وعلشان كده اتحركت من مكانها وقربت منه
اسماء : اوعدك يا محمد انك هتندم على اللي بتعمله ده وساعتها انا مش هبقى موجوده علشان تطلب مني اسامحك
محمد : انا هطلب منك انتي تسامحيني متقلقيش انتي عليا وخليكي في حالك واتخمدي يلا عشان انا تعبان وعاوز انام
دخل وسابها لوحدها وهي انهارت من العياط ووقعت على الارض من الصدمه والاحداث اللي حصلت معاها هما كانوا بيحلموا باليوم ده مع بعض بس هو خلى اليوم اللي هي كانت بتتمناه اسوء يوم في حياتها وكسرها وهي مستحيل تنسى الليله دي
اسماء : يارب انا مبقتش قادره استحمل كده حاولت افهمه بس هو مش حابب يفهم انا قبلت الجواز منه على امل اني اخليه يصدقني بس بالطريقه دي انا اتاكدت ان خسرته مش هيرجع لي ابدا يارب خليك معايا وجنبي وخليني اتحمل عشان اقدر اواجه الكل واثبت الحقيقه
تاني يوم الصبح كانت جميله وهنادي بيخبطوا على الباب صحيت اسماء على الصوت ولقت انها نايمه على الارض واول ما سمعت صوت هنادي وجميله دخلت بسرعه اوضه محمد عشان تصحيه قبل ما يدخلوا ويكتشفوا الحقيقه كلها
اسماء : محمد محمد قوم هنون وماما بره
صحي محمد واول ما شافها في اوضته اتعصب منها
محمد : مش انا قلتلك متدخليش اوضتي تاني
اسماء : مش وقته ماما وخالتو بره روح افتح لهم الباب وانا هغير عشان ميحسوش بحاجه
محمد : ماشي بس تنجزي متتاخريش اظن كلامي واضح
اسماء : طيب يلا بس انت اطلع
محمد طلع لهم وسابها تغير هدومها واول ما فتح الباب دخلت هنادي وجميله وهنادي كانت شايله صنيه والاثنين بيزغرطوا
هنادي : صباحيه مباركه يا عريس امال اسماء فين
خرجت اسماء وهي بتضحك لهم واول ما شافتها جميله حضنتها وهي فرحانه
جميله : صباحيه مباركه يا عروسه
هنادي : مبروك يا سوسو
اسماء في نفسها : مبروك على ايه بس انتم لو تعرفوا الحقيقه هتتصدموا معايا مش هتباركوا ليا
هنادي : بتقولي حاجه يا اسماء
اسماء : ربنا يخليكم ليا
هنادي : اه صح انا قررت اسيب لكم البيت وانا وجميلة هنعيش في بيتها
محمد : ليه يا ماما ما تعيشي في بيتك
جميلة : اخص عليك يا محمد وبيتي مش بيتها ولا ايه
محمد : مش قصدي يا جوجو بيتك هو بيتنا كلنا متزعليش
جميلة : حبيبي يا حماده
اسماء وهي بتبصله بصدمه من تعاملوا معاها : هو الواد ده بحالات ولا ايه بالضبط هو مش من شويه مكنش طايق نفسه ايه اللي حوله كده وايه الطيبه دي
هنادي : تعالي يلا يا روحي عشان تفطري اكيد انتي جعانه
اسماء : لا مليش نفس
محمد : لا ازاي لازم تاكلي عشان تتغذي
وقرب منها ببطء وحضنها وهمس في ودنها : متتعوديش على المعامله دي انا بعاملك كده عشانهم هما واسمعي الكلام بدل ما ازعلك
هنادي : يلا بقى يا ولاد بسرعه قعدوا كلهم عشان ياكلوا وهنادي وجميله كانوا فرحانين بهم لانهم ميعرفوش الحقيقه
محمد : الحق انا بقى اقوم عشان الشغل
هنادي :.......
#تزوجني_و_لكن
#بقلمي_ندوشة
الفصل التاسع
في بيت عم اسماء كان خالد قاعد بيفكر في الخطة اللي هيعملها عشان يفرق ما بين اسماء ومحمد دخلت عليه مروة مراته
مروة : خالد انا عاوزة اروح عند اهلي
خالد بعصبية : تروحي فين
مروة خافت منه لانها عارفة انه لما بيتعصب مبيشوفش قدامه
مروة : عند اهلي ماما وحشتني اوي
قرب خالد منها وضربها بالقلم وقعت علي الارض نزل لمستواها ومسكها من شعرها جامد
خالد : اه عاوزة تروحي لاهلك عشان مترجعيش تاني وتحكيلهم علي اللي بيحصل صح
مروة ببكاء : لا والله ما هقول حاجة انا بس
خالد : مبسش انا قولتلك من اول جواز انسي عيلتك دي مبقاش ليكي حد غيري انا
مروة بعدته عنها بسرعة وقالت وهي بتعيط وبتصرخ : ايه ي اخي حرام عليك هو انا مش بنت عمتك ليه بتعمل فيا كدة انا زهقت من تحكماتك ومن ضربك ليا تعبت من تعاملك معايا كل دا ليه انا اذيتك في ايه ها
خالد : مروة انتي بتاعتي انا ملكي انا بس وانتي هتمشي وتسيبيني وانا مش هسمح لك انك تسيبيني غير وانتي راحة علي قبرك انا مستحيل اخلي حد ياخدك مني
مروة خافت من نبرة صوته اللي تدل علي جنونه وهوسه
مروة : طب خليني اروح اشوف ماما وانا هوعدك اني هرجع ومش هسيبك ابدا
خالد : لا انتي بتضحكي عليا هتمشي ومش هترجعي
مروة : طب هقولك علي حل ايه رايك تيجي معايا يعني نروح سوا ونرجع سوا
خالد بتفكير : آجي معاكي...تمام بس مش هنتاخر
مروة فرحت من نجاح خطتها هي عارفة ان خالد كلمة بتوديه وكلمة بتجيبه وانه هيسمع كلامها لو كلمته بحنيه هي زهقت من معاملته دايما بيضربها بيتحكم فيها بطريقة تخنق هو مهووس بيها مريض بكل حاجة تخصها هي هتستني اللحظة المناسبة وهتهرب ومش هترجع غير لما يتغير
عند محمد كان بيفطر مع معاهم لحد ما قال انه نازل الشغل
هنادي : انت مش هتنزل في حته ي محمد
محمد : ماما انا دكتور وشغلتي اني اساعد الناس يعني لو في مريض انا لازم اكون موجود عشان اعالجه
هنادي : يعني هو مفيش غير انت ما في دكاترة كتير في المستشفي
محمد : ماما انا هنزل شغلي ومش هضيع وقتي علي حاجات فاضية
مشي وسابهم قاعدين متعصبين من معاملته دي
جميلة وهي بتحاول تلطف الجو : سيبيه ي هنادي يروح شغله عادي يعني وهو كان هيقعد يعمل ايه
اسماء : ماما عندها حق ي هنون
هنادي : اللي انتو تشوفوه
تسريع الاحداث مر اسبوع علي جواز محمد واسماء واللي مخلاش من تجاهل محمد لاسماء هو بينام في الاوضة وهي برة في الصالة وطبعا بيمثلوا قدام اهلهم جه اليوم اللي علاقتهم هتتدمر تماما وو.......
#تزوجني_و_لكن
#بقلمي_ندوشة
الفصل العاشر
كانت اسماء بتحضر العشا عشان محمد ياكل اول ما يرجع من الشغل دخل محمد الشقة ونادي لاسماء اللي كانت في المطبخ طلعت اسماء بسرعة وانصدمت لما لقت في بنت معاه وهو حاضنها
محمد ببرود : سلمي علي مايا ي اسماء
اسماء : ومين مايا ان شاء الله
محمد : اعرفكم انا ببعض دي مايا مراتي ودس اسماء اللي حكتلك عنها ي مايا
مايا بدلع : بس انت مقولتش ليا انها لوكال للدرجة دي
اسماء بصدمة مش قادرة تخرج منها : ايه اللي بيحصل دا ي محمد
محمد : زي ما سمعتي دي تبقي مايا مراتي وضرتك
اسماء : لا دا انت اتجننت بقي انا استحملتك كتير لكن لحد هنا انا مش هقدر اتحمل وعشان كدة انا اخدت قراري طلقني ي محمد
محمد : انتي متاكدة من اللي بتطلبيه
اسماء : متاكدة انا مبقتش قادرة اكتر من كدة استملت جميع الاهانات اللي انت وجهتهالي لكن لحد هنا انا مش هستحملك انها توصل لدرجة انك تدخل بواحدة وتقولي انها مراتك كرامتي متتحملش اكتر من كدة كرامتي فوق اي شيئ طلقني ي محمد
محمد : انا مش هطلقك ي اسماء
اسماء : محمد طلقني وخليني اشوف حياتي وشوف انت كمان حياتك
محمد : اسماء طلاق مش هطلق
اسماء بعصبية وصوت عالي : انت ايه ي اخي يعني اتجوزت عليا ومش راضي تطلقني انت من امتي بقيت بالقسوة دي
محمد : وطي صوتك ي اسماء واتعدلي في الكلام عشان متخلنيش امد ايدي عليكي واعمل حاجة عمري ما عملتها
اسماء : انا اصلا مش هستغرب لو عملتها انت عملت كل حاجة ذلتني وكسرتني واتجوزت عليا يبقي مش هستغرب لو مديت ايدك عليا انا مستحيل اقعد معاكم في بيت واحد انا هروح لماما
كانت لسة هتمشي لكن محمد مسك ايدها جامد
محمد : متطلعيش برة ي اسماء والا هتشوفي وشي التاني
بعدت اسماء ايده عنها وخرجت من الشقة وراحت لجميلة وهنادي خبطت علي الباب فتحت جميلة لها الباب واول ما شافتها وهي بتعيط قلقت
جميلة وهي بتدخلها جوة : ايه اللي حصل ي اسماء بتعيطي ليه ي حبيبتي
اسماء : مش راضي يطلقني ي ماما
جميلة : طلاق طلاق ايه ي اسماء
جات هنادي واول ما شافت اسماء حضنتها وهي خايفة
هنادي : في ايه ي سوسو محمد عمل فيكي حاجة
اسماء : اتجوز عليا ي خالتي اتجوز عليا وجابهالي لحد البيت وبيقولي انه لازم نعيش مع بعض ليه دا ان شاء الله
حالات اتصدمت من كلامها واخذتها وقعدتها وقالت بهدوء : انتي متاكده من اللي بتقوليه ده يا اسماء
جميلة : انا مستحيل اصدق ان محمد توصل معاه للدرجه دي
دخل محمد في الوقت ده وهو ماسك ايد مايا وحاضنها
محمد : هو انتوا مش هتباركولي ولا ايه يا جماعه
هنادي : ليه ي محمد عملت كده ليه بس يا ابني ده انا حذرتك انك تكسرها
محمد : انتوا السبب في كل حاجه جبرتوني على الجوازه دي من الاول وانا بقى محدش يجبرني على حاجه
جميلة : انا وثقت فيك وسلمتلك بنتي لان انا اللي مربياك وقلت ان انت مستحيل تزعلها بس للاسف غلطي الوحيد اني وثقت فيك اخرج بره بيتي يا محمد اخرج بره
هنادي قربت منه وضربته بالالم وده عصب محمد جدا وملامحه بان عليها الغضب
هنادي : انا مستحيل ادخلك بيت بعد اللي عملته ده اتهنى بمراتك في بيتك يا محمد واياك تفكر تدخل البيت ده تاني بس قبل ما تخرج من هنا هتطلق اسماء
محمد : انتوا مش خايفين من كلام الناس لما يقولوا انها اتطلقت قبل ما يعدي اسبوع حتى على جوازها
قربت اسماء منه وقالت بصوت عالي : وانت مخفتش ليه من كلام الناس لما يقولوا ان جوزها اتجوز عليها من اول اسبوع انت الوحيد اللي متتكلمش في الموضوع ده ولو مطلقتنيش برضاك هخلعك يا محمد واكيد هيوقفوا على القضيه وهكسبها
كان خالد قاعد مع ابوه وهو فرحان علشان اللي حصل وان خطتهم نجحت
خالد : خطتنا نجحت يا بابا واتجوزها خلاص
الاب : اخيرا الورث هيبقى لينا
خالد : طب لو محمد وقفلنا
الاب : متخفش هو اصلا مبقاش طايقها من ساعه اللي حصل من ثلاث سنين
خالد : بابا على فكره محمد مش غبي بالعكس وانا حاسس ان الموضوع فيه حاجه وانه قبل الجواز بالسهوله دي يبقى في حاجه
الاب : اكيد عايز ينتقم منها وهو فاكر لدلوقتي ان هي خنته
خالد : بس انا خايف بردوا
الاب : افرح انت بس بنجاح الخطه وانا مش هقبل ان حاجه تحصل متقلقش انت
طلع محمد وهو متعصب واول ما دخل من باب الشقه شاف مايا هناك مسكها من شعرها جامد وقالها بعصبية :.........
#تزوجني_و_لكن
#بقلمي_ندوشة
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق