رواية قصص الحب الفصل السادس والسابع بقلم منال كريم
رواية قصص الحب الفصل السادس والسابع بقلم منال كريم
#قصص_الحب
#الفصل_السادس
بقلم منال كريم
/////////////////
ذهبت شروق إلى المدرج لجلب الكتاب
قبل أن تدلف
كان جاسر وجميلة فى الداخل يجلسون فى أول مدرج
وقفت شروق تسمع الحديث بدافع الغيره والفضول
جاسر بحنان: زعلانة ليه يا جميله
جميله بحزن: يعني أنت مش عارف أصحابنا كلهم زعلانين مننا ومحدش بيكلم معنا
جاسر بعصبية: واحنا كمان مش عايزين حد معنا احنا مش نذل نفسنا لحد.
تحدث شروق نفسها: مش عايزين حد معنا من امت جميله و جاسر بقوا شخص واحد
جميله بدموع: بس
جاسر بعصبية: مفيش بس دول شويه عيال مغروره بالفلوس اللي مع أهليهم شايفين نفسهم على ايه.
صدمه اخري ل شروق
: شويه عيال مغروره يا جاسر.
جاسر بهدوء : ممكن كفايه دموع علشان ناس مش تستهل
صدمه اخري لها و هي تكاد لا تستطيع الوقوف: أنا مش استهل يا جاسر.
جميله: طيب يلا نخرج
ولم يكتفي جاسر بالحديث بل قرر يصدم شروق بالفعل أيضا
وقفت جميلة حتي تذهب لكن جاسر جذبه لتجلس على على قدمه.
جميله بخجل: جاسر بتعمل ايه
ينظر لها بحنان و قال: ايه يعني انتي مراتي.
جميله بخجل: لكن احنا فى الجامعه لو حد شافنا نعمل ايه.
جاسر بابتسامة: مش مهم اي حد
قالت بدلال شديد و كأنها تريد أخبره أنها تريد المزيد: جاسر ابعد.
لم يسمح لها تكمل الحديث
بلا اقترب منها و قبلة بحب، و هي الاخرى لا تمنع بل ذهبت معه بكامل إرادتها، دون الاهتمام بالمكان أو الزمان...
كانت تنظر لهم بصدمة ، إذا حقا حدث هذا الزواج بالاكراه، هل ما يحدث الآن بالإكراه ايضا، تعبير وجههم تدل على الحب و الشوق، متي حدث ذلك؟ أين كنت أنا؟ هل كنت اتعرض للخيانة منذ زمن؟
مر دقائق و هي مثل التماثل تنظر لهم بصدمة شديدة.
من كثرت الصدمه أوقعت الهاتف منها
ابتعد جاسر عن جميلة،وقفوا و نظروا إلى الأسفل بخجل..
شروق بصوت مهزوز: آسفه آسفه، كنت جايه أخد الكتاب آسفه...
أخذت شروق الكتاب وتحاول منع دموعها وتحاول أن لا تسقط أمامهم...
أخذت الكتاب وكانت تخرج نظرت لهم مره آخري و قالت بحزن: آسفه يا صحابه عمري آسفه على كل حاجه اسفه يا جاسر
وغادرت شروق المدرج
جميله بصوت عالي: ليه كده يا جاسر ليه
جاسر بعصبية: اللي حصل بقا
كانت شروق تسير شارده الذهن تتذكر كل كلمه دارت بينهم و كل شي حدث بينهم...
كانت تخبط فى الناس وهي تسير لكن لا تنتبه هي فى عالم آخر
شروق لنفسها : يعني ايه اللي حصل ده ايه الكلام ده
طيب صدقت أنهم مغصوبين ومش عايزين الجواز لكن كلام جاسر يثبت أنهما عايزين ومبسوطين مع بعض و اللي حصل بينهم ، يثبت قد ايه يحبوا بعض، طيب ازاى وليه و امت أنا كنت فين وليه يكون مصيري الخيانه أنا عملت ليهم ايه انا مش حبت حد فى حياتي قد جاسر وجميله
طيب كان جاسر ماشي بس ليه ياخد جميله معه كان سبها ليا كنت مش ازعل زي دلوقتي لو كان اتجوز اي واحده غير جميلة ليه هي ليه.
قاطع حديثه مع نفسها رن الهاتف، كان شمس
شروق بصوت حزينه: الو
شمس بخوف: مالك
شروق با استغراب: مالي
شمس بخوف: شكلك زعلانه وبتعيطي كمان مالك
حاولت تتحدث بهدوء: وأنت عرفت منين
شمس بهدوء: صوتك بيان عليها.
شروق بكذب:مفيش الدكتور سألني سؤال ومش عرفت ارد زعلت علشان كده
شمس بهدوء: ده مش سبب علشان تزعلي بتحصل ركزي وأن شاء الله تكوني اشطر دكتوره فى العالم
شروق با ابتسامه:العالم مره واحده
شمس بحب: طبعا حبيبتي احلي بنت فى الدنيا
لم تمر كلمه حبيبتي على شروق بل استوقفتها الكلمة ..
شروق بهدوء: طيب المهم انت وصلت القاهره ولا لسه
شمس: ايوه وصلت وكمان استأذنت حسن اني اعزمك على الغداء النهارده بعد الجامعه
شروق: وانا مش موافقه
شمس: يبقي جهزي نفسك علشان اخطفك
شروق:لا وعلى ايه
شمس: ناس مش بتجي غير بالعين الحمراء اعدي عليك امت
شروق: كمان ساعتين
شمس: تمام بس ليا طلب ممكن
شروق: خير
شمس بحب: بلاش دموع العيون دي خسارة تدمع ماشي يا شروق الشمس
شروق بابتسامه: ماشي
شمس بحب: بحبك
لم تجيب شروق
شمس: مع السلامه
شروق بسرعه: شمس، شمس
شمس: في ايه يا حبيبتي
شروق با ابتسامه: شكرا انك اتصلت فى الوقت المناسب بجد كنت زعلانه جدا قبل ما تكلمني لكن دلوقتي مبسوطه شكرا بجد
شمس بحب: مفيش شكرا بين الاحباب
و كمل بمزح: وبعدين يلا اقفلي وشوفي وراكي ايه انتي مش عندك اخوات ولاد متصلة تغرري بيا ايه البنات دي
ابتسمت شروق بصوت عالي
وقفلت وهي سعيدة
دلفت فرح إلى الحمام وجدت شروق تضحك بصوت عالي
فرح باستغراب: فى ايه يا بنتي تضحكي ليا كده.
شروق با ابتسامه: مفيش
فرح: يا بنتي ساره جت قالتلي أنها شافتك وانتي دخله الحمام وشكلك زعلانه
تحولات الابتسامه إلى حزن
شروق بحزن: شوفتهم يا فرح شوفتهم
فرح با استغراب: شوفتي مين
شروق بحزن: جاسر وجميله شوفتهم مع بعض كانوا قريبين من بعض اوي ، ويقولها مش مهم اي حد المهم احنا مع بعض
فرح بصدمه: في الجامعه هما مجانين ولا ايه.
شروق بحزن: ايوه تخيلي يا فرح ،طيب لو هما مغصوبين ايه اللي انا شوفتها ده يبقي ايه
حضنتها فرح و قالت بهدوء: شروق انسي يا قلبي انسي
شروق بهدوء: حاضر بس بلاش تقولي لحد
فرح : تمام بس كنتي ليه تضحكي لما دخلت
شروق بابتسامه : كنت بكلم شمس
دلفت سهر و قالت بفضول: ايه يا بنات فى اجتماع من غيري وفي الحمام كمان
فرح: اه تعالي ,: شروق شايفه أن قرارك صح انك تجوزي وانتي لسه بتحبي جاسر
شروق بعصبية: ايوه هو الصح
سهر بتحذير: انتي عايزه تنقمي من جاسر وجميله على حساب نفسك وحساب واحد ملوش ذنب خلي بالك انا رأي أن اكيد ربنا عمل لنا الخير
شروق بابتسامه:: لو كل الناس زيك كانت الدنيا بقت جميله اوي..
ثم أكملت بعصبية ممزوج بحزن: بلاش جميلة، كانت تبقي صافية.
سهر: حبيبتي يا شوشو
فرح: يلا نخرج علشان المحاضرة..
بعد الساعتين
كان يقف شمس أمام الجامعة يستند على سيارته وفي كامل وسامته ويرتدي نظاره شمسيه
تخرج شروق مع أصدقائها و خلفهم جاسر وجميله
ذهب سامر وفارس ويونس لكي يلقي السلام على شمس
فرح:: بت يا شروق الواد قمر
شروق بمزح: تحبي أقول ل فارس
فرح بخوف: لا بلاش
سهر: بس الواد قمر برضو
كان ينظر جاسر بغيره
ذهبت فرح إليهم وتحدثت بصوت واطي وخبث
فرح: لدرجه دي انتوا زباله علشان تعملوا كده فى الجامعة لو تحبوا خدوا مني فلوس روحوا اي مكان احسن من كده..
نظرت لهم نظرة اشمزاء وذهبت
ذهبت شروق إلى شمس
شروق : ازيك
شمس: الحمد لله بخير انتي عامله ايه يا حبيبتي
شروق بخجل: الحمد لله
فتح شمس باب السياره ل شروق وصعد بجوارها وتحرك شمس وخلفه عربيات حراسه
كان ينظر جاسر بغيرة..
########
في فيلا سامر
كان يونس يخرج من الحمام
سمع
سامر: اقفل بقا على الموضوع يا فارس
فارس: أنا بقول نقول ل يونس علشان لو عرف أننا كنا عارفين موضوع جاسر وجميله يزعل مننا
يونس بصوت عالي: عارفين
قام الجميع وقف بتوتر
فرح بهدوء: يونس اسمع اللي حصل فارس وسامر سمعوا جاسر وجميله با الصدفه يتكلموا أن اهلهم غصبين عليهما الجواز
أكملت سهر: وطلبوا منهما أن أنت وشروق تعرفوا لكن هما قالوا احنا نحل الموضوع هما خافوا يقول لك علشان مش تحزن
يونس بحزن: ازعل وانا كده مش حزين كلما خاينين كلما زي بعض
فارس بهدوء: لا يونس لا اوعي تقارن بينا وبين جاسر
يونس بعصبية: انتوا كمان ضحكتوا عليا يبقي تكونوا زيهم
سامر بصوت عالي: لا أحنا خبينا علشان خوفنا عليك
يونس بصوت عالي جدا: وأنا مش عايز حد يخاف عليا ولا عايز حد منكم معي ،شروق كان عندها حق الصداقة ده مبقاش ليه لازم ،أنا من النهارده بقيت يتيم للمره التانيه
فارس بعصبية: عجبك كده يا سمر أنت السبب قولتلك نقوله أنت قولت لا.
سامر بصوت عالي: أنت عايز تجيب الحق عليا دلوقتي انا كنت خايف عليه و أنا قولتلك وأنت وافقت
سهر بعصبية: يا جماعه كفايه اللي احنا تعملوا فى بعض كده دي عشرت سنين مش يوم ومش تتهد علشان اي حد فاهمين
يونس : تهدد بسب سامر وفارس
سامر بعصبية: لا يا يونس لا فارس السبب
فارس بصوت عالي: أنت السبب يا سامر.
أصواتهم كانت عاليا جدا سامر يقول فارس السبب وفارس يقول سامر السبب ،ويونس ينهي الصداقة..
صرخت فرح و قالت بصرخة: كفايه بقا احنا عملين فى نفسنا كده ،علشان ناس مش تستهل ولا فارق معاهم. حاجه دول عيشنا فى بحر الحب ،شروق شافتهم النهارده قربيبن مع بعض فى المدرج ويقولوا كلام حلوه لبعض
واحنا هنا نقطع علاقه عمرها من عمرنا يا يونس، فوق ،فوق بقا جميله خاينه خاينه دي خانت صديقه طفولتها مش تخونك انت، خسارة كل الحب اللي حبيته ليها.
لم يجيب يونس و كان يغادر المنزل ولكن التفت لهم و قال : من النهارده يونس مات مش عايز أعرف حد فيكم تأني..
وغادر يونس
فارس بعصبية:يلا يا فرح
لم تجيب فرح خرجت خلف فارس.
ذهب فارس وفرح
نظرت سهر لسامر نظرت حزن
معقول انتهى كل شيء
$$$$$$$$$$$
في فندق صغيره
يجلس جاسر و يلف ذراعيه على جميله بحب و امتلاك.
تمرر يديها على وجهه جاسر و قالت بدلال : ليه يا جاسر المصاريف دي وناخذ اوضه فى فندق.
وضع قبلة على جبينها و قال بصوت هادئ: علشان وحشتيني و بحبك..
جميله بابتسامة: بجد
جاسر بابتسامة: بجد
جميلة بابتسامة: أنت حجزت النهارده بس صح
جاسر: لا حجزت يومين
جميله بحزن : جاسر تلاقي كده بفلوس كتير
جاسر بابتسامه: مش مهم فلوس الدنيا المهم أنتي و بس.
ابتسمت جميله بدلال و قالت: طيب انا جعانه
جاسر بابتسامه: يا لهوي على القمر وهو يدلع من عيني
و في وقت ما تهدم صداقة منذ سنوات طويلة.
و شروق تقرر الانتقام على حساب شخص ليس له ذنب.
الاساس في كل ذلك يعيشون في بحر الحب و السعادة بينما الجميع يعيش في حزن و فراق...
$$$$$$$$
ذهبوا شمس وشروق إلى مطعم على النيل شيك
شمس بهدوء: عامله ايه
شروق: الحمد لله
شمس بحب: عارفه لما سمعت صوتك حزين حست با ايه
شروق: ايه
شمس بحب: حست أن قلبي يتقطع بسب أن القمر زعلان
وضعت شروق أيدها تحت ذقنها وضعتها على الطاولة
شروق بهدوء: أنت بتحبني بجد بقا
وضع شمس أيده مثلها وكان وجههم قريب من بعض
شمس بحب: ياه يا شروق الشمس لو تعرفي أنا بحبك قد ايه، بتسالي بعد ما طلبت ايدك اكتر من مره، كنت كل مره ترفضي قلبي ينكسر ، بس كنت ادعي ربنا كتير واقول يارب اجعلها من نصيبي ، أنا بحبك أكتر من نفسي يا شروق الشمس.
ابتعدت شروق بخجل و ابتسمت ابتسامه بسيطه
شروق بخجل: احم مش تاكلني بقا ولا ايه
شمس بابتسامة: حاضر يا حبيبتي
طلب شمس الطعام وتناولوا الطعام معنا ولا يخلي الحديث من غزل شمس لشروق وخجل شروق...
////////
مرت الايام وانتهى الاصدقاء من الدراسه و تخرجوا من كليه طب
وكل منهما تخصص التخصص الذي يريده
ولكن كان يوجد بينهما فتور أصبحوا لا يجلسون معا أو يتحدثون معا
سامر وسهر
فارس وفرح
جاسر وجميله
شروق بمفردها
ويونس بمفرده
مما ادي أن جميع من الجامعة مستغربا
كيف حدث هذا واصبحوا غربا عن بعض؟
طبعا فتره الخطوبه مرت على شمس وشروق مش زي اي اثنين لأن شروق مش تحبه هي عملت كده علشان الانتقام
شروق خرجت مع شمس ٣ مرات بس طول الخطوبه وكل ما يطلب منها تقول علشان الدراسه
الغريب أن كان اسعد اثنين هما جاسر وجميله الكل متأثر بسب اللي عملوا الا هما عايشين في سعاده مع بعض كأنهم متزوجين عن حب
وجاء موعد زفاف
شمس و شروق
💝💝💝💝💝💝💝💝
في منزل شمس
في الحديقه
يحضر الزفاف شخصيات عامه كثيره من الصعيد ومصر وخارج مصر
تخرج شروق فى أيد حسن
جلست على طاوله لاجل كتاب الكتاب
كانت تنظر إلى جاسر وهو يقف بجوار جميله وتنظر إلى بطن جميله المنتفخة بعض الشئ بسب الحمل تنظر لهما بحسره
و نظرت وهى تبتسم وهي تري فارس وفرح وأيضا إلى بطن فرح المنتفخة بعض الشئ بسب الحمل
نفس الابتسامة وهي تنظر إلى سامر وسهر
ثم إلى شريكها في الحزن و الخذلان وهو ينظر أيضا إلى جاسر وجميله بحزن
لم تنتبه إلى عند سماعه كلمه المأذون الشهيرة
بارك الله لكم وبارك عليكما وجمع بينكما في خير
قام حسن اخذها فى حضنه وهو يبكي دموع الفرحه
حسن بحب: مبروك يا حبيبتي
شروق بدموع: الله يبارك فيك يا حبيبي
جاء حسين وأخذها في حضنه
حسين بحب: مبروك يا قلب اخوكي
شروق بدموع: الله يبارك فيك يا اخوي
شمس بابتسامه: كفايه بقا يا جماعه سيبوا شروق ليا
حسين بابتسامة : اتفضل يا اخوي
اقتراب شمس على شروق و كاد يطير من السعاده وشروق دقات قلبها عالية من التوتر والخوف
حضنها بحب وحمله ولف بيها
شمس بحب: بحبك بحبك بحبك بحبك بحبك بحبك
انتهى الزفاف
في غرفة النوم
تجلس شروق على السرير
دلف شمس إلى الغرفة
شمس بحب: البيت منوره بوجودك يا حبيتي
شروق بهدوء: طيب
شمس باستغراب: طيب ايه الطريقه دي يا شروق.
شروق بعصبية: هي دي طريقتي إذا كان عجبك
شمس بابتسامه: انتي بتهزري صح.
شروق بعصبية: لا مش بهزر بقولك أنجز عايزه أنام
شمس بهدوء: شروق ده هزار صح, انتي بتعملي فيا مقالب
،انتي عارفه اني بحبك ومستني اليوم ده بفارغ الصبر.
شروق بصوت عالي: وأنا مش بحبك.
شمس بصدمة: ايه
وللحديث بقية
#قصص_الحب
#روايات_بقلم_منال_كريم
🍒🍒🍒🍒🍒🍒🍒
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
اللهم انصر اخواننا في فلسطين والنصر لجميع البلاد العربية والإسلامية
اللهم انك عفو كريم تحب العفو فاعف عنا
🍒🍒🍒🍒🍒🍒🍒
#قصص_الحب
#الفصل_السابع
بقلم منال كريم
&&&&&&&&&&
في منزل شمس الاصيل
يقف شمس بصدمة، بعدما اخبرتها شروق أنها لا تحبه..
سأل بعدم فهم: فهمني قولتي ايه.
أجابت ببرود: أنا مش عايزة اتكلم ،عايزة أنام.
شمس و هو يري انه يفقد اخر ذرة في عقله ، قال بغضب مكتوم: تنامي ايه فهمني فى ايه ،حد غصبك على الجواز مني
لتجيب بغرور: مش شروق الالفي اللي حد يغصبها على حاجه.
أخذ نفس عميق و حاول الهدوء و سأل: تمام يا بنت الناس اومال مالك بقا ، تتجوزيني ليه وانتي مش عايزني.
كأنها لم تدرك حجم المواقف أو تتلاعب بأعصاب هذا المسكين، في ليلة مثل ذلك
لتجيب ببرود: أنا مش مضطرة ابرار تصرفاتي لحد
ضغط على ايديها بقوة و غضب و قال بعصبية: انتي واعيه لنفسك ولا شاربة حاجه، ايه اللي مش مضطرة، أنا جوزك وانتي جاي دلوقتي تقولي مش بحبك ،وبيان أنك مش عايزني يبقي لازم اعرف فى ايه
شروق بعصبية: مفيش حاجه مش جاهزه مش مستعده ، خايفة ،افهم اي حاجه بس سبني أتخمد
شمس بعصبية : بلاش تعصبي عليا علشان انتي مش عارف أنا ممكن اعمل ايه.
شروق ببرود: تعمل ايه أنا مش بخاف من حد
نظر لها ونظرت له
نظرة غرور وكبرياء وقوة
فا الاثنين من صفاتهم الغرور والكبرياء والقوة..
دلف شمس إلى الحمام لكي يبدل ثيابه وخرج من الحمام ذهب إلى الشرفه
وضرب بعض الطلقات النارية
ثم بدأ آخرون في ضرب النار، من ضمنهم اخوات شروق الذين ينتظرون في حديقة منزل شمس، والنساء تزغرط لووووووووووو..
هذا دليل اكتمال الزواج
والجميع من تحت الشرفه
مبروك يا كبير، مبروك يا دكتوره
كانت الابتسامه على وجه شمس من الخارج لكن من الدخل يبكي بشده.
دلف إلى الغرفه و جلس على الأريكة بتعب و حزن...
أما هي كانت تقف مثل ما هي
شمس: تفضلي واقفه عندك كده
شروق ببرود: مستني تتعطف وتقول انام فين
شمس: تنامي هنا
شروق: وأنت
شمس: هنا برضو
شروق بعصبية : نعم ازاى ده
نهض من مقعده و ذهب أمامها ومسكها من ذراعها بقوه وقربها منه كان لا يفصل بينهما شي.
شمس بغضب مكتوم: اسمعي يا بنت الناس عدي الليله السوده دي على خير وبلاش فضائح عايزني أخرج أنام فى اوضه تانيه ،والخدم يقولوا ايه مش خايفه على سمعتي خافي على سمعه اخواتك احنا لازم نبيان قدم الكل أننا بخير بلاش فضايح.
ودفعها بقوه ، دلفت هي إلى الحمام
وهو جلس بحزن وعصبيه يفرغ غضبه فى شرب السجائر
و دماغه تنفجر من التفكير...
وبعد وقت خرجت من الحمام
كانت ترتدي منامة مريحة باللون الابيض، وشعرها الطويل التي تنزل منها قطرات الماء ، نظر لها غصب عنه باعجاب شديد.
لم ينبهر شمس بجمال شروق لانها جميلة و حقا هي جميلة، لكن انبهر لانه يحبه وإذا الشخص احب يري كل شي فى الشخص جميل حتي لو كان انسان عادي.
وقفت أمام المراه تمشط شعرها
وهو يحاول يسيطر على نفسه..
فكره واحده مسيطره عليا يذهب يأخذها بين أحضانه ويقول له كم يحبها ويستطيع فعل كل شيء لاجلها، و يتوسل لها أن تحاول أن تحبه.
لكن بسب كبريائه لم يفعل
ذهب إلى الفراش
نظرت شروق إليه و قالت بتعجب: انت بتعمل ايه
شمس باستهزاء: بلعب
شروق ببرود: لا والله دمك خفيف ،قصدي أنت تنام على السرير وأنا أنام فين
شمس ببرود: لا جوه الروايات وانام على الكنبه مش بتاعي أنا أنام هنا عايزه تعالي مش عايزه نامي انتي على الكنبه
خبطت شروق على الأرض بعصبية و ألقت فرشاة الشعر على الأرض..
هو لم يهتم وضع وساده على رأسه و اغمض عيونه
شروق بصوت عالي: بارد و مستفز
جلبت الفرشاه من الارض، و انتهت من تمشيط شعرها وذهبت لكي تنام على الطرف الآخر.
شمس وشروق ناموا فوار كل منهما يهرب من الأفكار
ما مصير هذه العلاقة؟!
$$$$$$$$$$$$
اشرقت الشمس
تقلب شروق با انزعاج من صوت الضجة ، تفتح عيونها بعصبية
تجد شمس فى وجهه ، أبتسمت بتلقائية.
ثم سمعت دق الباب
قالت بهمس: شمس ،شمس
فتح عيونه ابتسم أيضا و قال بحب: صباح الفل والياسمين والورد على عيونك الحلوين ، هو أنا اصحي كل يوم على القمر اللي نايم جنبي ده
تحدث هذه الكلمات و كأنه ينسي ما حدث أمس.
شروق بخجل:صباح النور ، بقولك الباب يخبط
وهو نائم مثل ما هو قال بصوت عالي جدا: مين يا بهايم على الصبح.
انتفضت شروق ،و ضربته على كتفه.
الخادمه: اسفين يا كبير اخوات الست هانم تحت.
شمس: طيب انزلي واحنا جينا
ونظر إلى شروق بحب و قال ممكن اعرف تضربني ليه.
شروق: ايه خضتني صوتك عالي.
قال بحنان: لا اذا كان كده احنا اسفين يا شروق.
أجابت بخجل :حصل خير, يلا نقوم بقا علشان اخواتي
قال بهدوء: يلا بس زي ما قولت امبارح
أجابت بعصبية: حاضر نبيان أننا مبسوطين
اعتدال في جلسته و قال بغضب: هي الهانم ليها نفس تتعصب عليا..
جلست هي الأخرى و قالت بعصبية: و الله براحتي اعمل اللي اعمله.
زفر بضيق و قال: استغفر الله العظيم يارب من كل ذنب عظيم ، قومي يا بنت الناس ربنا يهديكي
نهضت و هي تقول: حد قالك اني مجنونة
قال : لا أنا اللي مجنون.
وقفت أمامه و قالت: ماشي يا مجنون، ربنا يصبرني عليك.
و ركضت من أمامه الى الحمام
أبتسم بحب.....
بعد وقت
ينزل شمس وشروق إلى الاسفل
لكن و هو يحتضن يديها بحب و حنان...
ولكن استغربت شروق عندما وجدت أصدقائها مع اخواتها.
الجميع قابلهم با الزغريط و التهنئة....
شمس بابتسامه: السلام عليكم ورحمه الله وبركاته، منورنا يا جماعة...
حسن وهو يحضنه: وعليكم السلام يا جوز اختي
حسين وهو يحضنه: الف مبروك يا شمس , البيت منور بصحابه .
شمس با ابتسامه: الله يبارك فيك
حسن وهو يحضن شروق: مبروك يا حبيبتي
شروق با ابتسامه: الله يبارك فيك يا حبيي
حسين وهو يحضنها : البيت ظلمه من غيرك
شروق با ابتسامه: والله البيت وحشني اوي
فرح با ابتسامه وهي تحضنها،: مبروك يا شوشو
شروق: الله يبارك فيك بس غريب مش امبارح قولتوا ترجعوا القاهره
حسن: انا مسكت فيهم ، قولت لهم يجيوا معنا هنا وعدت على جاسر وجميله جبتهم معنا
حسين: اه احنا عارفين تحبي اصحابك اكتر من اخواتك
شروق با ابتسامه: خير ما عملت يا اخوي
وذهبت لتحضن سهر
سهر بحب: عروسه قمر ما شاء الله
شروق: مفيش قمر غيرك يا قلبي
تقف جميله متوتره لا تعرف كيف تسلم على شروق و خرجتها من حيرتها شروق ذهبت إليه وحضنتها
شروق بصوت واطي: شوفتي بسب وساختك وصلتنا لفين يجي علينا الوقت مش عارفين نسلم على بعض ازاي انتي شايفه أنه يستهل صدقني لا مش يستهل بصي حولكي وشوفي شروق الالفي بقت حرم شمس الصاوي، أنا بشكرك انتي وجاسر
اصل الصراحه عمري ما كنت اقدر اكون مرات ابن خدمتي
مبروك عليكي جاسر يا جميله
ابتعدت شروق عنها وهي تبتسم أما جميله تمنع دموعها من النزول لانها شعرت أنها أقل من الجميع
شروق با ابتسامه: ازيكم يا شباب
يونس با ابتسامه:ايه يا بنتي جبتنا مره واحده ليه مش تسلمي على كل واحد لوحده
سامر: مش مهم عامله ايه
شروق: الحمد لله بخير
فارس :الف مبروك
شروق :يبارك فيك
جاسر : مبروك
شروق: شكرا
سمر زوجه حسين: ايه يا شروق نمشي احنا
صباح: سلمتي على اخواتك وأصحابك واحنا لا
ركضت شروق عليهم و حضنتهما بحب
فى الصالون
يجلس الجميع
كانوا يتحدثون فى أشياء كثيرة لكن شروق عيونها على جاسر وجميله وايضا شمس عيونه على شروق وعلم
لماذا تزوجت منه
بعد وقت ذهب الجميع
جاءت الخادمه
الخادمه: احضر الاكل يا كبير
شمس: مش دلوقتي
ونظر إلى شروق
شمس: شروق تعالى عايزك فوق
شروق: فى ايه انا كنت جعانه
لم يجيب مسك أيدها وصعد إلى الاعلي
فى الغرفة
شروق:فى ايه
شمس بهدوء: انتي بتحبي جاسر
اهتزت شروق من الداخل و غمضت عيونها بحزن عندما سمعت اسم جاسر
لم تجيب
تاكد شمس من ظنونه
شمس بهدوء: شروق
شروق بتوتر: أنا
وضع أيده على فمها حتي يمنعها من الحديث
و قال بحزن: هوش هوش اوعي تقوله اوعي ا كذبي عليا و قولى لا وأنا اصدق أنا صدق رغم اني عارف انك بتحبي من غير ما تقولي بس ا كذبي عليا
مش اقدر اتحمل انك تقولها مش اقدر ليه عملتي فيا كده ليه يا بنت الناس ليه اكون كبش فدا...
مازلت شروق مغمضه عيونها لا تستطيع أن تنظر الى عيون شمس تعلم أنه ليس له ذنب فكل هذا
تركه وغادر الغرفه بل القصر كله وذهب إلى اسطبل الخيل وأخذه حصانه المفضل وذهب يتجول به فى البلد
هذه عاده شمس إذا كان حزين أو سعيده
تجلس شروق على السرير بحزن
شروق بندم: ذنب شمس ايه ذنب شمس ايه يا شروق منك لله يا جاسر انت وجميله منكم لله
أما شمس ظل طول النهار والليل يتجول في البلد على الحصان
فى المنزل
مازالت شروق تجلس فى الغرفه وتذهب من هنا إلى هنا تنظر إلى الشرفه لكي تري إذا شمس عاد أما لا
شروق: وبعدين راح فين ده انا موت من الجوع طيب انا مستني ايه انا انزل اكل بس شكلنا قدم الخادم ايه فى عروسه عريسها يخرج طول النهار وكمان تنزل تاكل لوحدها
اخرجت الهاتف و ترن على شمس
والغريب مع اول رن أجاب
شمس بصوت حزين جدا: نعم
شروق بهدوء: انت فين كل ده
شمس با ابتسامه استهزاء: فارق معاكي
شروق بهدوء: انت قولت أننا المفروض نتصرف طبيعي قدم الناس ومش طبيعي عريس يخرج و يقعد بره كل ده
شمس با ابتسامه استهزاء: عريس هو فين ده
لم تجيب
شمس بحزن: مش لقيها كلام صح شايفه انتي عملتي فينا ايه
حبسنا فى حته ضيقة اوي مش عارفين نتفس فيها حته مخنوقه اوي اوي يا شروق
قولولي المفروض ايه اللي يحصل دلوقتي ، ازاى رجل يقبل تكون مراته بتحب واحد تاني وتجوز بس علشان تنقم منه انتي مش فكرتي ولا مره احساسي يكون ايه لما اعرف
لم تجيب
شمس بحزن: عندك حق مفيش كلام يتقال اقفلي انا جاي
علشان الناس
قفلت شروق
اخذت نفس طويل
شروق بحقد : معلش يا شمس بس لازم انتقم من جاسر وجميله ويحصل اللي يحصل بعدها
عاد شمس
قابلته الخادمه
الخادمه : حمدالله على السلامه يا كبير
شمس : الله يسلمك
الخادمه: احضر الاكل
شمس : هي الهانم أكلت
الخادمه: لا يا كبير من وقت ما خرجت هي فوق فى الاوضه منزلتش
شمس: طيب حضري الاكل
الخادمه: امرك يا كبير
صعد شمس إلى الاعلي يدلف إلى الغرفه وجدها تجلس على السرير
شمس بهدوء: السلام عليكم ورحمه الله وبركاته
شروق بهدوء: وعليكم السلام ورحمه الله وبركاته
شمس: يلا علشان نزل ناكل
شروق: حاضر
فى غرفه السفره
يجلسون يتناولون الطعام بصمت تام مما جعل الخادم مستغربين كيف عروسان جددا يكون هذا الصمت ما بينهما
فى المطبخ
الخادمه: انا مستغربا يا اختي قاعدين ياكلوا من غير كلام خالص
خادمه آخره: عندك حق ، اومال فين الضحك والهزار بتاع المتزوجين
خادمه اخري: يمكن يكونوا مش يحبوا بعض
شروق بعصبية: أو يمكن لأننا مش زيكم ومن عائلات كبيره وعارفين أن اللي يحصل بين الرجل ومراته يكون سر ما بينهما مش لازم يكون قدم الخادمين
او يمكن لأننا عارفين أن غلط الكلام على الاكل
الخادمه بخوف: احنا اسفين يا هانم
خادمه اخري بخوف: مش كنا نقصد
خادمه اخري بخوف: بلاش تقولي ل شمس بيه
شروق بغرور: متخافيش مش اقول شمس علشان حرام لو خرجتوا من هنا تصرفوا على اولادك منين
بس ايك تكرر تاني وتكلموا على اسيادكم علشان وقتها مش هيحصل خير
الخادمه: حاضر يا هانم
شروق ببرود: اه كنت جايه اقولكم اعملوا قهوه ليا ول شمس تخيلي قولت بلاش انده عليكم اكيد تعبانين بس انتم فعلا صنف نمرود
نعاملك كويس تطمعها فين نعاملك وحشه تقولوا الأغنياء أشرار
اعملي قهوه و هاتها فى الاوضه
وغادرت شروق المطبخ و صعدت الى الاعلي
شمس: اعملي حسابك احنا نسافر القاهره بكره
شروق باستغراب: ليه
شمس ببرود: يمكن علشان عرسان والمفروض نقضي شهر عسل
شروق: يعني نقضي شهر فى القاهرة
شمس: أن شاء الله
شروق: تمام
في الصباح يحضر شمس وشروق إلى السفر لكي يذهبون إلى القاهرة
$$$$$$$$$$$$
في منزل يونس
سامر: يا ابني مصمم تبعد عنا برضو
يونس : صدقني كده احسن اكون مرتاح
فارس: ترتاح وانت بعيد عن صحابك يا يونس خليك معنا
فرح: مش كان حلمنا بعد الجامعه نشتغل فى مكان واحد خليك واشتغل معنا فى مستشفى أبوه سامر
سهر بمزح: و أكلم بابا سامر و اقوله يخلي مرتبك كبيره
يونس با ابتسامه: انا كده اكون كويس كل حاجه هنا تفكرني با اللي حصل
سامر بعصبية: يعني عايز تبعد عننا برضو
يونس با ابتسامه: فين البعد ده انا مسافر الغردقه يعني كله كام ساعه بينها وبين القاهره
انا كلمت عمي عمران صاحب بابا و قولتلوا اني عايز اشتغل في المستشفى بتاعه وهو راحب جدا وكان مبسوط كمان
كده احسن ليا بجد
فارس بحزن: يعني مش زعلان مننا أننا كنا عارفين موضوع جاسر وجميله و مقولنش ليك
يونس : مش اكدب لما عرفت فى الاول زعلت جدا وبعدين فكرت براحه وقولت انا بدل ما ازعل منكم ازعل من اللي سلمتها قلبي ومش حافظت عليا انا بجد عايز انسي وشايف الحل في البعد
سهر: يعني مش تراجع تاني ل السهر والشرب والستات
يونس با ابتسامه: مش يكون فى سهر فى حياتي غيرك انتي بس يا قمر
ضربه سامر على كتفه
سامر بغيره: احترام نفسك يا ابني انا قاعد
يونس با ابتسامه: طيب يا اخوي براحه يلا بقا لازم امشي علشان اوصل قبل الليل
قام يونس سلم على اصدقاء الطفوله الشئ الوحيد الذي مسيطر على المواقف الحزن والدموع
كان الوعد الذي بينهم منذ الطفوله عدم البعد عن بعض ابد ومن مرحله الثانويه وعد فارس معاهم نفس الوعد
الجميع فى. نفسها يدعو على جاسر وجميله واليوم الذي تعرفوا في عليهم
رحل يونس ليبدأ حياه فى مكان جديد لعل يكون فيه الراحه ولكن لا تكون الراحه فى انتظاره بل العذاب من نصيبه
&&&&&&&&&&&&
في شقه جاسر
جاسر بصوت عالى : جميله جميله
خرجت جميله مسرعا من المطبخ
جميله بتوتر: في ايه
جاسر بسعاده: المستشفى اللي قدمنا فيها قلبت ونبدا الشغل من بكره ان شاء الله
جميله بسعاده : بجد
جاسر بسعادة: بجد
ركضت جميله على جاسر و حضنته وهو حملها و لفه بيها
جميله بسعادة: انا مبسوطه اوي اوي
جاسر بسعاده: أنا كنت مبسوط بس لما شوفت سعادتك بقيت مبسوط اكتر
جميله بخجل: طيب نزلني بقا
جاسر بابتسامه: لا
جميله بخجل: جاسر نزلني الله
جاسر بابتسامه: قولت لا لازم نحتفل با الخبر ده
ابتسمت جميله ابتسامه بدلع
ثم وضعت يديه على خده ونظرت فى عيونه بحب
جميله بحب: جاسر انا بحبك ومن زمان من قبل شروق ما تحبك
جاسر بصدمه: ايه.....
و للحديث بقية
#قصص_الحب
#روايات_بقلم_منال_كريم
🍒🍒🍒🍒🍒🍒🍒🍒
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم انصر اخواننا في فلسطين والنصر لجميع البلاد العربية والإسلامية
اللهم انك عفو كريم تحب العفو فاعف عنا
اللهم صل على سيدنا محمد وعلى اله وصحبه وسلم تسليما
🍒🍒🍒🍒🍒🍒🍒🍒
تكملة الرواية من هناااااااا
جاري كتابة الفصل الجديد للروايه حصريا لقصر الروايات اترك تعليق ليصلك كل جديد أو عاود زيارتنا الليله
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق