رواية حب لا يجوز شرعا الفصل الاول والثاني بقلم ورد سليم
رواية حب لا يجوز شرعا الفصل الاول والثاني بقلم ورد سليم
الفصل الأول
(فى احدى الاحياء الشعبية البسيطة)
بيت يدل على بساطة اسرته.
مها: لا ياماما مهما عملتوا انا لايمكن اتجوزه
الام: يابنتى ماتوجعيش قلبى انتى شوفتى ابوكى عمل ايه
مها: ياماما افهمينى ده انا اعتبرتك صحبتى وحكتلك على كل حاجة ماينفعش
الام: نععم هو ايه اللى ماينفعش يابنت بطنى هو فيه ايه بالظبط فهمينى
مها: افهمك ايه بس ازاى ابقى بحب واحد واتجوز واحد تانى
الام: اه...طب وانا فأيدى ايه اعمله وبعدين المحروس بتاعك متقدمش ليه
مها: هو مسافر وكان هايجى يتقدملى على طول اول مايرجع وبعدين تعالى هنا ازاى عايزين تجوزونى واحد اكبر من بابا .اهون عليكم
الأم: والله يابنتى مافى فأيدى حاجة اعملها انتى عارفة ابوكى خصوصا لما بيشرب
مها: انا لايمكن اتجوز الراجل دا لا يمكن انشالة اموت نفسى.
.(مها بنت عندها ٢٢ سنة تمتلك بشرة بيضاء وجسد رشيق وعينان يشبهان حبة البندق وشعر كسواد الليل ناعم طويل )
فى احد المساكن ذات الطابع الكلاسيكى يدل على ثراء اصحابه
.(فى فيلا توفيق علام.)
جهاد ببكاء : انت مفترى ياتوفيق عايز تتجوز عليا بعد العمر دا كله
توفيق :.اه هتجوز ملكيش دعوة اعمل اللى اعمله انتى مالك
جهاد.: نعم لا مالى ومال عيالى كمان
توفيق. : عيالك ههههههههه طب ابنى وانا مسؤل عنه انما ابنك انتى ماله.
جهاد: انت الكلام معاك مامنوش فايدة اعمل اللى تعمله حسبى الله ونعم الوكيل
توفيق : ابنك رجع من السفر ولا لسة البيه سافر من غير مايقولى كل حاجة بيعملها من دماغه ومحدش قادر عليه
جهاد : مش ملاحظ انه مسافر فى شغل علشان الشركة بتاعتك انت بجد متنفعش تكون اب حتى ابنك مبتطقهوش . وحضرتك ناوى تتجوز امتى
توفيق: هروحلها انهاردة وعايزك تعدلى بوزك دا لما تقابليها لانها هتعيش هنا سامعانى .
وترك الغرفة وغادر
جهاد ببكاء : حسبى الله ونعم الوكيل فيك ياتوفيق
(فى منزل مها)
قاعدة بتعيط من كتر الظلم بتاع ابوها
الأم.: مها جهزى نفسك ياحببتى الراجل زمانه جاى
مها ببكاء:. والله حرام عليكو اللى بتعملوه فيا دا انا مش موافقة
الأم وقد احتضنتها.: يابنتى حرام عليكى نفسك متقطعيش قلبى عليكى
..وفى نفس الوقت يدخل فوزى عليهم الاوضة.
فوزى بمكر: انتى عارفة يامها بحبك اد ايه
مها : بصتله وسكتت
فوزى : انا عارف مصلحتك فين وبرضاكى او غصب عنك الجوازة هتتم فياريت تكون برضاكى احسن.( وفتح الدولاب واخرج منه فستان جميل)
فوزى .: تلبسى دا وتخرجى فاهمة انا كدا مأمورية لسانى خلصت المرة الجاية مهمة ايديا
وترك الغرفة .
مها انهمرت فالبكاء فى حضن امها التى ساعدتها فى ارتداء ثوبها الجديد .
وبعد مرور الوقت
الأم بسم الله مشاء الله يابنتى قمر
مها بصتلها وسكتت
(وفى مكان بعيد بالتحديد فى باريس)
يقف شاب يمتلك ملامح رجولية جذابة ذو جسد رياضى شعر اسود كثيف وبشرة قمحية واد موز كدا😂
جاسر : ردى بقا يامها ...ياترى فيكى ايه ياحبيبتى .وترك الهاتف عالمكتب واخذ يجول بالغرفة ذهابٱ وإيابٱ...
(نرجع عند مها)
الأم./ يالا ياحبيبتى الراجل جه برا
مها / حسبى الله ونعم الوكيل.
فى الخارج.
فوزى .اهلا اهلا توفيق بيه نورتنى
توفيق /.اهلا هاه كلمت المأذون ولا لسة انت عارف انا مش بتاع خطوبة والكلام دا وكمان مافيش فرح
فوزى . بس دى اول فرحتى وانا عايز اعملها فرح ياتوفيق بيه.
توفيق .فوزى انت عارف وضعى ايه وكمان احمد ربنا انى مش هتجوزها فالسر وهعيشها فى فيلا عمرها ماكانت تحلم بيها.
فوزى بأقتضاب. : اللى تشوفه ياتوفيق بيه
وهنا دخلت مها ووراها امها : السلام عليكم ورحمة الله
توفيق اول ماشافها تنح من جمالها..
كانت ترتدى فستان سماوى يضيق من عند الوسط وواسع من تحت ظهرت كالاميرات مع حجاب جميل ولم تضع اى من مساحيق التجميل.
(فى فيلا توفيق علام)
جهاد لنفسها .. بقى كدا ياتوفيق بعد العمر دا كله تتجوز عليا انا قصرت معاك ف ايه دا انا بحبك من بعد امجد وانا محبتش غيرك .
معقول يكون ربنا بيعاقبنى بس على ايه دا ذنب ماليش ذنب فيه يارب انت اللى عالم ماليش ذمب فى اللى حصل زمان يارب سامحنى انت عارف انا خبيت عليه ليه.
(فى باريس)
يدخل شاب من باب المكتب على جاسر
مازن .ايه يابنى خلصت شغل ولا لسة متنساش عندنا اجتماع بعد ساعة.
جاسر سرحان ومش معاه ....
مازن .ايييييه يابنى روحت فين انا بكلمك
جاسر: قلقان اوى يامازن مها بتصل عليها مبتردش
مازن .لااااا دا انت واقع خالص ياصاحبى ههههه
جاسر .اهو انت مش فالح غير فالهزار وبس
مازن . لا بجد ياجاسر طب مايمكن فى ظروف ولا حاجة الغايب حجته معاه متقلقش يالا نجهز للاجتماع
( نسبهم ونروح لمها)
اول مادخلت جالها ذهول من شكله راجل كبير قاعد مع ابوها
توفيق . ايه ياعروسة واقفة بعيد كدا ليه تعالى
مها .بصتله وساكتة
فوزى .تعالى يامها اقعدى جانب عريسك
الأم : ادخلى ياحببتى (وفى نفسها) منك لله هتضيع البت.
وجلست مها بجانب توفيق .
وفنفس الوقت دخلت فتاة ذات ملامح مرحة وتشبه مها قليلا
سلمى : السلام عليكم
الجميع .وعليكم السلام.
ودخلت جوه ندهت لامها
الأم :.حاضر جاية
سلمى .مين عمو اللى برا دا ياماما
الأم : ده ده..ده عريس اختك
سلمى بذهول: نعععم هو مين دا جدو اللى برا يبقا عريس مها لا طبعا دا لازم يطفش
بكرة نشوفلو اى داهية نعملها معاه ههههه وربنا يقدرنا على فعل الخير
الأم .......المأذون جاى وهيكتبوا الكتاب دلوقت.
وهنا دخلت مها منهارة فى البكاء وارتمت فى حضن اختها حتى سقطت مغشى عليهاا.
سلمى يالهووووى مها.
الأم يامصيبببببتى.
*******
حب لا يجوز شرعاً
الفصل الثانى
دخلت عليهم مها منهارة فى البكاء وارتمت بأحضان شقيقتها حتى سقطت مغشى عليها
سلمى : يالهووووى مها
بينما صرخت الأم
-يامصببببتى
وبعد محاولات منهم لافاقتها ولكن بدون فائدة فهى فاقدة للوعى وقد شحب لون وجهها كالاموات
سلمى : عاجبكوا كدا مها لو جرالها حاجة انا مش هسامحكوا
الام ببكاء: يارب الطف بينا يارب انت العالم بحالى .قومى يامها قومى ياضنايا
. وهنا سمع فوزى صوت صراخ يأتى من غرفة مها .
توفيق : هو فى ايه يافوزى هنبدأها لعب عيال ولا ايه
فوزى بإرتباك : ايه ياباشا لعب عيال ايه بس انا هخش اشوف مالهم
ودخل عليهم فوزى بكل غضب
فوزى : فى ايه ياولية منك ليها مالها المفعوصة بنتك
الأم : حرام عليك ياشيخ منك لله اتقى ربنا فينا بنتك قاطعة النفس ربنا ينتقم منك يافوزى هتضيع بنتى.
..فوزى بكل غضب وجبروت ظل يركلها برجليه..
- قومى ياروح امك بطلى استعباط الجو دا ميخلش عليا
سلمى وقد احتضنت شقيقتها لتتلقى هى الضربات عنها
سلمى : حرااام عليييك انت اييييه الفلوس عمتك للدرجادى
وهنا اتدخلت الام وقد امسكت بتلابيب قميصه ..
الأم : متستعبطش ايه ياراجل انت البعيد مبتشوفش
فوزى : هتفوقيها وتخرجيها تقعد مع الراجل انا مرجعش ف كلامى والراجل ادانى مهرها خلاص ومش عايز منها لا جهاز ولا حتى شنطة هدوم
الأم بأنكسار : هو دا كل اللى يهمك الفلوس بس وبنتك لا حسبى الله ونعم الوكيل
فوزى : حسبنى براحتك ياختى وكلامى لو متسمعش هموتك انتى وعيالك
..ودفعها بقوة حتى سقطت بجانب اطفالها تبكى بحسرة على ما وصلوا اليه
*****
...اما فى الخارج...
فوزى : متخفش ياباشا عقبال مايجى المأزون تكون جهزت نفسها
توفيق بتكبر : اما نشوف اخرتها
( فى فيلا توفيق )
اخذت جهاد التليفون وطلبت عدة ارقام ليأتيها صوته العذب لطالمة عشقته وكيف لا تعشقه
- حبيبتى عاملة ايه
جهاد : انت يعنى كنت سألت عنى من ساعة ماسافرت
جاسر : معلش ياحبيبتى منتى عارفة الشغل اد ايه وانا شايل الشركة كلها على كتافى
جهاد : طول عمرك بتغلبنى بالكلام هعدهالك المرادى
جاسر : حضرى نفسك بقا ياست الكل علشان اول ماهرجع هنروح نخطب اجمل بنت ف الدنيا كلها
جهاد : ساكتة مبتردش
جاسر : ايه ساكتة ليه
( وهنا دخلت سكرتيرة جاسر)
- جاسر بيه استاذ مازن بيقول لحضرتك الاجتماع جهز
-اشار لها جاسر بيديه لكى تخرج
جاسر :طب بصى هقفل دلوقت علشان عندى اجتماع وهكلمك بعدين واغلق الخط
..بينما حدثت جهاد نفسها ياترا هتعمل ايه لما تعرف ان ابوك اتجوز..
(اما عند مها)
ظلت سلمى ووالدتها فى محاولات لايفاقة مها..
مها وقد بدأت بتحريك جفنيها بتثاقل :: وعندما فتحت عيونها ظلت تبكى وتتعالى شهقاتها
احتضنتها والدتها : حقك عليا انا يابنتى مش قادرة احميكى من ظلم ابوكى وظلت تبكى بقهر
..ربتت مها على ظهرها فى حنو وكسرة : انتى مالكيش ذنب يا امى حسبى الله ونعم الوكيل
سلمى بمرح : ايييييه ياجماعة دى جوازة ولا جنازة مالك يامها ياحببتى انتى نحس اصلا منتى عارفة
-واشارت على نفسها بتفاخر : وياسنى طول ما العبد لله موجود عريس الغفلة دا هايطفش
..ابتسمت مها على مداعبات شقيقتها
مها : هو لازم اتجوز انهاردة طب
الأم : المأذون شكله جه يابنتى
****
وفى الخارج عند فوزى
يدق جرس الباب ويفتح فوزى
- ايه ياشيخنا كل دا تأخير
المأذون : كل تأخيرة وفيها خيرة ياعم فوزى ولا ايه امال فين عروستنا
توفيق بفرحة : جوا ثوانى وجاية ..ونظر لفوزى نظرات ذات مغزى.
فوزى : اه اه طبعا ثوانى هنادى عليها
ودلف الى داخل غرفة مها..
فوزى بأقتضاب : يالا ياست الحسن والجمال المأذون برا
وتخرج مها مصحبة والديها بدون كلام فقد احساسها لا يقدر بوصف
..وتم كتب كتابها على توفيق وسط دموع مها .وقهر سلمى ووالدتها.. وغادر المأذون.
توفيق : ايه ياعروسة ساكتة ليه
مها : .......
توفيق : بكرة انشاء الله حضرى نفسك علشان دخلتك بوكرا ياقمر ..انشاء الله هتبقى ليلة
مها بأحتقار : ليلة سودة على دماغك ( بصوت واطى )
توفيق : ها بتقولى حاجة
مها : ليه انا
توفيق : ايه
مها : زى ماسمعت
توفيق : عجبتينى وانا اللى يخش دماغى مبسبهوش ابدا.
..وقد اخرج من جيبه رزمة من النقود وحدفها على الترابيزا...
توفيق : خدى دول
مها : ايه دول .
توفيق: تنزلى تشترى شوية حاجات لزوم الجواز ياقطة
-مها بأحتقار : انا مش...
وقاطعها والدها..
فوزى وقد اخذ الاموال : طبعا طبعا ياباشا انت تؤمر
الام : مش بوكرا بدرى اوى
توفيق : احمدى ربنا انى مخدتهاش انهاردة وفولت اديها مهلة تجهز نفسها
( كل دا تحت نظرات سلمى المحتقرة)
توفيق : يالا اسيبكو بقا مبروك ياعروسة
مها .بقرف : روح ياشيخ ربنا ياخدك ( بصوت واطى)
سلمى وقد سمعت جملتها : اللهم اااامين
...ومشى ودخلت سلمى ومها غرفتهم...
****
سلمى : ها هنعمل ايه
مها : انتى شايفة ايه ف ايدى اعمله يعنى
سلمى : كتييييييير الموضوع لسة مخلصتش طلاما مافيش دخلة
مها : قصدك ايه.
سلمى : ادينى ودانك وربنا يقدرنا على فعل الخير
( فى باريس بمكتب جاسر )
جاسر : الحمدالله كدا الشغل ماشى تمام
مازن : الحمدالله كدا قدامنا اد ايه هنا ونرجع
جاسر : هنمضى العقود ونرجع على طول بعد بوكرا كدا
مازن : تمام الحق اروش نفسى بقا شوية برفانات
جاسر : مهما كبرت هتفضل طول عمرك عيل
مازن : اييييه ياعم كبرت ايه هما ٣٠ سنة بس
جاسر : طيب يافالح هروح معاك عايز اروش نفسى شوية واجيب حاجات لمها وشوية هدايا كدا وبرفانات
مازن : انت هتتحجج بيا انت كدا كدا كنت هتشترى
..جاسر وقد اراح جسده على الكرسى ورجع للخلف وعقد ذراعيه خلف رأسه..
- ومين قالك كدا تعرف يامازن من ساعة ماعرفتها وكل مابجبلها هدية بترفض تقبلها ونفسها عزيزة اوى عليها
مازن : فعلا شكلها بنت حلال
جاسر : انا بعشقها مش بس بحبها ونفسى اجبلها كل الدنيا تحت رجليها
مازن بتأثر : خلاص ياخويا احسن انا قربت احبها هههههههه
جاسر وقد عقد حاجبيه فى غضب..
- مااازن مش معنى انك صاحبى وبحكيلك انك تجيب سيرتها على لسانك كدا فاهم
مازن بخوف مصتنع : فاهم فاهم ياكبير بالراحة بس انا بهزر ياجده
( نسبهم ونروح عند فيلا توفيق علام )
....توفيق امرهم فالبيت يجهزو اوضة خاصة بيه هو ومها كله جديد فى جديد ..وطبعا تحت نظرات جهاد اللى هتطق..
( عند مها )
قاعدة فى سريرها من ساعة ماسلمى مشيت
الام : اختك راحت فين متعرفيش
مها بإرتباك : ايه لا ياماما مايمكن بتجيب حاجة
الأم بشك : حاجة ايه دى عوقت اوى
سلمى : سلام عليكم
الام : كنتى فين يابت
سلمى : هاا ااا اصلى كنت بجيب حاجة ياماما
الام : حاجة ايه دى مش شايفة معاكى حاجة
سلمى : ملقتش ياماما كنت رايحة اجيب ملازم وملقتش.
الام : ماشى اقعدى مع اختك عقبال ما احضر حاجتها
سلمى : من عنيا انت تؤمر باجميييل ياعنب انتا
الأم : انتى يابت شغالة بعد المدرسة على ميكروباص
سلمى : مقبولة منك ياعسل
..وتركتهم احلام مغادرة للغرفة لكى نجهز شنطة مها ...
مها : ايه عملتى ايه
سلمى : مدتلها ايدها بإزازة صغيرة
،مها بأستغراب : ايه دا
سلمى بمكر : دا الحل الوحيد قدامنا دلوقتى.
ياترا سلمى ادتلها ايه؟!
وجاسر هايعمل ايه لما يرجع
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق