رواية حب لا يجوز شرعا الفصل الثالث والرابع بقلم ورد سليم
رواية حب لا يجوز شرعا الفصل الثالث والرابع بقلم ورد سليم
حب لا يجوز شرعاً
٣ و ٤
(فى شركة توفيق علام)
*يجلس شاب داخل المكتب يرفع سماعة الهاتف*
- مروان:
-منى من فضلك دخليلى قهوتى بسرعة
منى: حاضر يافندم
- مروان : افندم..هيييييح! منى؟
- منى : نعم
- مروان: لا ولا حاجة
*داخل المكتب اول مادخلت منى *
منى . فى نفسها:
- يخربيت قمصانك ياشيخ ولا برفناتك الاقيها منين انا
( مروان شقى شوية بعكس شقيقه جاسر فمن ينظر لهما يعتقد ان جاسى هو الاخ الاكبر .بيحب منى سكرتيرته الخاصة بس لسة مصارحهاش)
منى : القهوة حضرتك
مروان : اه ماشى
منى : تؤمرنى بحاجة تانى عن اذنك
*وهمت بالانصراف بتوقف مروان بسرعة *
مروان : اااه اه استنى خدى راجعى الملف دا
منى : حاضر . واخذت الملف علشان تراجعه برا وهى خارجة
مرووان :
- اييه رايحة فين
-نعم حضرتك هراجع الملف
- ااا لا راجعيه هنا قدامى دا ملف مهم اقعدى من فضلك
- طب والمكتب لوحده
- يتحرق
- افندم
- اا اقصد ان دا كمان شغل مهم اقعدى اقعدى.
( منى بنت فى غاية الجمال تعمل سكرتيرة لدى مروان ووالدها يعمل بالمحاسبات فى نفس الشركة)
************************
فى بيت مها
دخلت سلمى المطبخ على والدتها.
سلمى : بتعملى اييييه يأحلام
الام : ياعديمة التربية اسمها ماما
سلمى : الحق عليا عايزة ادلعك يعنى ناس غريبة
الأم : بجهز العشا لأختك وجوزها
سلمى : مامااا ماتنرفزنييش وتقولى جوزها دى تانى
الأم : اومال هو ايه يا فالحة ماخلاص اتجوزها سبينى اجهز الاكل.
سلمى : ياماما هو الفحل دا ناقص اكل سبيلنا احنا الاكل نتأوت بيه وبعدين ايييه كل الفاكهة دى ايه جيباها لكفار قريش
الأم : بس يابت بلاش غلبة روحى شوفى مذاكرتك
سلمى : ماشى ماشى
وعلشان تتابع الأحداث ممكن تشوف
*اما فى مكتب مروان*
منى لاحظت نظراته المصوبه تجاهها والتى اربكتها وتوردت وجنتيها..
مروان :
- ياخرابى عالطماطم
- افندم
- لالا مافيش كملى كملى ( قالها مروان بهيام وهو ينظر اليها )
منى : اتفضل حضرتك الملف تمام تؤمرنى بحاجة تانى عن اذنك.
تركت المكتب بخطوات متسارعة مع دقات قلبها التى تتقافز
منى: ياخربيت حلاوتك ياشيخ استغفر الله العظيم.
*********************
( فى فيلا توفيق)
انهى مروان عمله وذهب للمنزل.
مروان : ازيك يا بابا عامل ايه
توفيق : كويس . الشركة اخبارها ايه
مروان : كله تمام التمام بس ايه الشياكة دى ولا كأنك عريس
جهاد : اه ياحبيبى بارك لباباك هايتجوز
مروان : ههههههههه وجالك قلب تنطقيها انتى بتهزرى صح
جهاد : لا ياحبيبى مبهزرش اسأله
مروان : نعععم انتو بتتكلمو جد ولا ايه
توفيق : ايوا يامروان بنتكلم بجد ودلوقت بعد اذنكو لازم امشى وجهزو البيت وياريت اجى انا والعروسة ملاقيش حد هنا.
مروان واقف متنح : .......
جهاد : حسبى الله ونعم الوكيل مش عارفة حظى زفت فالرجالة ليه كدا
- ايه اللى بيحصل دا فى ايه ( قالها مروان بعد ماتوفيق مشى )
(عند مها )
الأم : يابنتى حرام عليكى قومى البسى الراجل زمانه جاى
-مها بتعيط ومبتردش .
الأم : ماتكلمى اختك يا سلمى اقنعيها
سلمى : اقنعها ازاى وانا اصلا مش مقتنعة.
الأم : اجيب مين ينجدنى من البيت دا بس يارب
سلمى : حاضر ياماما خلاص روحى انتى وانا معاها.
*تركتهم احلام ودلفت مرة اخرى للمطبخ*
سلمى : مها خلاص بقى احنا قدام امر واقع مقدمكيش غير تعملى اللى اتفقنا عليه اهم حاجة متخليهوش يقربلك.
مها : بعياط . تفتكرى هقدر عليه.
سلمى : جمدى قلبك بس وانتى تقدرى عليه.
*****
قامت مها غيرت ولبست طقم عادى ومحطتش مكياچ .. وخرجت بصحبة شقيقتها .
فوزى : اعوذ بالله ايه الهباب اللى انتى لبساه دا ادخلى البسى حاجة من اللى الراجل جايبهالك واتنيلى حطى اى نيلة ف وشك.
سلمى : على اساس انها مبسوطة بالجوازة اوى دى جوازة زفت.
فوزى بغضب . : اتعدلى يابنت الكلب انتى بدل ماعدلك.
سلمى .بحدة : اهو دا اللى ناقص فعلا مهو مش جديدة عليك تم.....
(قاطعها فوزى بصفعة مدوية على وجهها)
- اخرسى يابنت ال.....
وقام بجذب مها من حجابها وسحبها داخل الغرفة .
فوزى : ودينى وايمانى لو ماغيرتى القرف دا ليكون اخر يوم فى عمرك. * وتركها وذهب
مها فضلت تعيط وبعد فترة لبست فستان موڤ وطلعت بره.
وقفت تودع امها واختها تحت نظرات سلمى المحترقة وبكاء والدتها. ثم ذهبت بصحبة توفيق الى الفيلا.
( فى الفيلا )
توفيق : ادخلى ياعروسة نورتى بيتك
مها مرعوبة وجواها احساس بالخوف والحزن .
توفيق : تعالى نطلع فوق اوريكى اوضتك وجذبها من يدها.
مها سحبت ايدها بسرعة فى فزع
- لالاا اا انا هطلع لوحدى .
توفيق بسخرية :
- ااه مكسوفة .عروسة بقا وكدا ماشى
*طلعوا الغرفة وبمجرد دخولها سمعت صوت الباب بيتقفل لفت بسرعة فى خوف من نظرات توفيق*
توفيق : مبرووك ياعروسة وبيقرب ولسة هايلمسها.
مها بعدت بسرعة
- اا اانا عايزة عصير
توفيق : بنفاذ صبر.
- ماشى انا داخل اغير وهنزل اخلى حد يعملهولك. وبعد ان دخل غرفة الملابس
مها : اوووووووف.
***************
( فى باريس )
مازن :
-شوية سحالى فرنساوى ملهمش حل
جاسر :
-مش هتبطل رمرمة بقى
- اول مالاقى اللى تحرك قلبى هفكر فالموضوع دا
- بس ايه رأيك فالحاجات دى تفتكر هتعجب مها.
-طبعا يابنى انت معاك ماذن مش اى حد
- اتلهى
- حاضر
( فى غرفة مها )
رجع توفيق ومعاه كوباية عصير واحدة.
مها : ايه دا انت مش هتشرب معايا
توفيق بمكر : لا ياحلوة انا هشرب حاجة تانية مااتسيبك مالعصير وتشربى معايا.
مها : ايه لالا انا ممكن احضرلك
توفيق : ماشى اكيد هتبقى طعمها احلى من ايدك
*واخذ يقبل يديها*
مها : سحبت ايدها بتوتر ومشيت بسرعة
..حضرتك كاس من المدعوء اللى بيشربه وحطتله حبايتين فيه..من الازازة اللى سلمى ادتهالها.
( فلااااش باااك)
مها : ايه دا
سلمى : بصى ياستى دا بقا منوم بينيم جبل انا نزلت جبتهولك الصيدلى قالى حباية واحدة تودى ف سابع نومة اديله واحدة وشوفى ولو كدا ودايقك اديله الازازة كلها😂😂
*انتهى الفلاش بااك*
توفيق : شكرا ياحبيبتى.
مها فى نفسها : حبك كلب يابعيد.
توفيق : شرب الكاس ولسة بيقربلها وهايمد ايده لقى نفسه اترمى عالسرير
مها : اوووووووف الحمدالله.
**********************************
( فى باريس )
جاسر :
- ماذن انت حجزت الطيارة ولا لسة
ماذن :
- عيب عليك ياسطى الطيارة هتبقى ٨ بأذن الله
- ياسطى !! يابنى انت متأكد انك كنت محامى
- هههههه عيب عليك ايه مشبهش
- انت فعلا هتشبهنى.
***************************
**فى بيت فوزى**
الأم : ياترا عاملة ايه يابنتى دلوقتى
سلمى : ماتخافيش زمانه نام
الأم : ايه
سلمى : بياكل حماام .جوزها زمانه بياكل حمام.
الأم : مش مطمنة
سلمى : لا اطمنى ياماما احنا ادها وادود
الأم : بتقولى ايه يابت
سلمى : هاتى فيلم عبود عالحدود.
الام : والله انا مش مرتحالك انتى
سلمى مصتنعة الحزن : انا .دا انا غلبااان.
الأم : انتى هتقوليلى. انا رايحة احضر العشا.
*وفى صباح اليوم التالى فى المطار*
مازن : يابنى شيل النضارة دى مخلياك حلو اكتر منتا محلو يخربيتك كدا محدش هايبصلى.
جاسر : هههههههه اعمل ايه طب مش عايز غير حبيبتى بس اللى عينى تبقا ف عنيها
وبعدين تعالا هنا منتا فاتحلى زراير القميص ومحدش قالك حاجة اقفل يابنى اقفل الله يكرمك.
ماذن : لا انا بس بتهوى ههههههه صحيح عملت ايه هتروح تتقدم امتى.
جاسر:
- انهاردة انشاء الله.
-حيلك يابنى للدرجادى
- منتا لو بتعرف تحب كنت حسيت بيا
- يسهلوو ياعم حب واحاسيس ومشاعر والعة معاك
- يارب تخلى عندك دم وتركز فى واحدة
- هشوف بس شايف الوتكة اللى هناك دى.
- بيئة طول عمرك.
*************************
*فى فيلا توفيق علام استيقظت مها بدرى قبل توفيق ونزلت تحت بسرعة*.
مها : صباح الخير
جهاد بصتلها بقرف ومردتش ..
مها : هو حضرتك مبترديش عليا ليه
جهاد : وارد ليه اصلا
مها : هو حضرتك مراته صح
جهاد : ايه الادب دا اللى علمك الادب بقا معلمكيش انه عيب تاخدى راجل من مراته وعياله وعيب تتجوزى واحد اد ابوكى اصلا.
*مها ابتلعت غصة مريرة فى حلقها وترقرقت العبارات فى مقلتيها *
جهاد : متمثليش مش هتصعبى عليا
مها : انا مغصوبة عالجوازة دى انا مش بمثل صدقينى.
جهاد : هو لسة فى حد بيتغصب دلوقت فكرى ف كدبة غير دى
مها : صدقينى انا مش هستفاد حاجة لما اكدب انا هنا لوحدى معرفش حد ومش عايزة اعادى حد.انا انااا عايزاكى تساعدينى
*جهاد وقد مس قلبها صدق كلام مها *
جهاد : اساعدك ف ايه
مها : هقولك....
وبعد ماخلصوا كلام.
مها : ها اتفقنا
جهاد : اما نشوف اخرتها
مها : ها قوليلى بقا بتعملى ايه علشان اساعدك
جهاد : ابنى جاى من السفر دلوقتى بعمله كيكة البرتقال بيموت فيها.
مها : وانا بعرف اعملها تحففة هاتى عنك بقى
جهاد : ماشى ياستى انا هطلع اخد شاور قبل مايجى.
مها : حاضر براحتك.
*ملحوظة * مها وجهاد جسمهم زى بعض فالرشاقة.
جهاد طلعت وبعدها بوقت قصير دخل شاب من باب الفيلا فى اوائل الثلاثين من عمره ووسيم جدا. دخل شامم ريحة الكيك داخل بيتسحب للمطبخ وافتكر مها هى جهاد.
*اول مادخل حضنها من ضهرها وباسها. *
- وحشتينى اوى يا أمى.
مها اتخضت ورمت اللى ف ايديها وبصت بسرعة وقالت:
-جاااسر!!!؟؟
- مهاا ؟؟؟؟
ــــــــــــــــــــــــــــــــــــــــــــــــــــــــــــــــ
حب لا يجوز شرعاً
داخل بيتسحب للمطبخ وافتكر ان مها هى جهاد
واول مادخل..حضنها من دهرها وباسها ..
- وحشتينى اوى يا امى
مها اتخضت وبصتله بسرعة ..
- جاسر !!!!
- مها!!!!!!!
****
فى شركة توفيق
مروان : صباااح الخير يامنى قلبى
منى : افندم !!!
مروان : اااه يا منى قلبى ..قلبى تاعبنى انهاردة متجبليش قهوة هاتيلى عصير
منى : اه . حاضر يافندم.
مروان : تسلميلى ياحبيبتى
منى بصدمة : ايه
مروان : منى انتى مش حافظة غير افندم .و.ايه ..عارف انك فاهمة كل حاجة وبعدين اسمى مرواان مروان وبس نفسى اسمعه منك
*منى بصتله بتحدى وراحت تقفل الباب عليهم *
مروان : ايوا بقى خليكى معايا عالخط
منى : بص يا مروان
مروان : ااااااااالله ..احلى مروان سمعتها ف حياتى بس قوليلى ابص فى انهى حتة بالظبط كله حلو ..وغمزلها
منى : مروااااااان
مروان : عيووونه
منى : عايز ايه بالظبط؟
مروان : عايزك انتى ياحبيبتى
منى : ماشى يبقا تقابل بابا
مروان بمراوغة: عم سامى دا حبيبى دنا بقابله كل يوم.
منى : مروان مش بهزر انا عارفة كل اللى انت بتعمله معايا مش. عبيطة ومش هكدب عليك انا كمان اااا....مش عايزة مشاكل
مروان : انتى كمان ايه
منى : قولتلك مش عايزة مشاكل
مروان : لالا انتى كنتى هتقولى حاجة تانى
منى : مروان انا معرفش طريق غير اللى قولتلك عليه.
*سابته ومشيت ومن جواها حزينة لانه مش عايز يتقدملها وهى بتموت فيه *
مروان قعد عالمكتب ..محتار ابوه مش هايوافق هو اه مش ابوه هو لانه ابو جاسر بس هو اللى رباه ومش عايز يعاديه ويقف قصاده.
مروان لنفسه : وبعدين بقا ماتجمد هو انت صغير دنتا ٣٢ سنة وبتحبها من زمان ماتقوله مهو راح اتجوز ومعملش اعتبار لحد.
(فى بيت فوزى )
احلام : سلمى يااسلمى اتأخرنا على اختك شهلى شوية
سلمى : حااضر يا ماما حاضر اهو خلصت هو بابا جاى معانا
الأم : بتنهدة حارة : لا ياحبيبتى مش جاى
سلمى : خلاص طيب انا خلصت اهو يالا.
******
(فى فيلا توفيق )
صحى توفيق من النوم ملقاش مها جانبه لسة هايطلع يدور عليها لقى الباب بيخبط فتح
- افندم جاية ليه
جهاد : ايه ياتوفيق مش هتدخلنى ولا ايه
توفيق : وادخلك ليه وانتى مقلوبة عليا
جهاد بدلال : لا خلاص انا اقتنعت وعرفت انه حقك تتجوز عادى
توفيق : ضمها ليه : ياحبيبتى هو دا الصح وصدقينى انتى هتفضلى جوا قلبى طول منتى حلوة وعاقلة كدا
جهاد بعدت عنه بهدوء : لا عادى صدقنى خلاص مبقتش تفرق كتير
شدها توفيق مرة تانية : هقولك انا اتجوزت ليه لانى عايز اخلف تانى انتى عارفة معنديش غير جاسر بس ...مروان ابنى برضه بس نفسى ف حتة عيل تانى ولد بنت ..مش هتفرق بس هو واحد بس.
جهاد بصدمة : اييه تـ....تـ...تخلف
توفيق : ايه ياجهاد اوعى تكونى بتفكرى فالورث والكلام دا
جهاد : فى ملكووت تانى خالص وفى نفسها : يالهوى يا مها باينله لازق لغاية متخلفى منه
توفيق بصوت عالى : ايييه ياجهاد ساكتة ليه
جهاد : ها لالا ابدا براحتك اللى تشوفه .
وفى نفس الوقت دا كان جاسر قابل مها وبيتكلمو.
جاسر : مها حبيبتى وحشتينى اوى خضتينى عليكى معقولة كل دا مش بتردى على مكالماتى تعالى تعالى ( بيسحبها من ابدها ) انا جبتلك شوية هدايا وبرفانات هتعجبك اوووى وباس ايديها ..انتى وحشاانى يامها عايزك تحدديلى معاد مع باباكى انهاردة
مها : مصدومة ومش عارفة تتكلم : ........
جاسر : صحيح يامها انتى ازاى اتعرفتى على امى انا معرفتكوش على بعض
مها وبدأت تتكلم : جاسر انت ااا انت بتعمل ايه هنا
جاسر بغمزة : السؤال دا ليكى انتى ياقطة انتى اللى هنا ازاى قبل متقدملك وعرفتى ماما منين.
مها افتكرت كلام جهاد..
(فلاش باااك)
مها : ها قوليلى بقى بتعملى ايه علشان اساعدك
جهاد : ابنى جاى من السفر النهاردة بحضرله كيكة البرتقال بيموت فيها
مها : وانا بعرف اعمله هاتى عنك بقى
جهاد. ماشى انا هطلع اخد شاوى عقبال ماتخلصى.
(بااااااااك)
مها عنيها دمعت : ..........
جاسر : ايه ياحبيبتى انتى فيكى ايه
مها : جاسر انا اااا
جاسر : ايه يامها قلقتينى.
( وفالوفت دا دخلت جهاد وتتفاجئ بجاسر )
جهاد : جاسر حبيبى وحشتنى ياقلبى
جاسر قبل يديها وجبينها : وانتى كمان ياست الكل وحشتينى اوى
جهاد بأستغراب : ايه دا انتوا اتعرفتو على بعض
جاسر : بتقولى ايه يا امى انا ومها اصلا اااااااااا
قاطعته مها.
مها : عن اذنكوا
جاسر مسكها من ايدها : اذنكوا ازاى فى ايه يامها.
جهاد : انتوا لحقتوا تاخدو على بعض بالسرعة دى
مها وقلبها بيتقطع : ودموعها نزلت : انا ااااا انا مها مرات ابوك.
جاسر : ...........
حتى الدموع مش عايزة تتجمع ف عنيه واقف مصدوم وكأنها نزعت قلبه منه وهو حى .واخيرا اتكلم
جاسر : مها انتى ا...انتى عاملالى مفاجأة صح ..صح قولى صح يامها وبدأت دموعه تنزل
مها بتعيط : جاسر انا لازم اتكلم معاك.
جهاد : جاسر انتو تعرفوا بعض باباك اتجوز امبارح
جاسر بوجع قلب : يااااااااه يا بابا حتى دى هههههه اه اااه يا امى عارفها.
جهاد: تعرفها منين يا جاسر
( فاللحظة دى دخل توفيق)
توفيق : صباح الخير انتو متجمعين فالمطبخ ليه حمدالله على سلامة ياجاسر
جاسر بنبرة يشوفها الحزن والوجع : صباحية مباركة يا يا بابا وبص لمها بأحتقار مبرووووك يا عروسة .
**وتركهم وذهب لغرفته **
مها طلعت تجرى على السلم علشان تلحقه بس ملحقتهوش دخلت اوضتها واترمت عالسرير وفضلت تعيط بانهيار.
فى المطبخ
توفيق : هو فى ايه
جهاد : لاحظت ان فى حاجة بين جاسر ومها : لا انا كنت بعرفهم ببعض
توفيق : اه ماشى قولى للشغالة تحضر الفطار بسرعة.
**********
مها فى اوضتها بتعيط وقامت دخلت الحمام ووقعت على الارض والصدمة مأثرة عليها .
توفيق دخل خبط على باب الحمام ..ردت عليه مها وبعدها بشوية طلعت
توفيق : مها عايز اسألك على حاجة.
مها بخضة وافتكرته هايسألها عن جاسر : انا مكنتش اعرف
توفيق بعدم فهم : مها هو ايه اللى حصل بالظبط امبارح مكنتيش تعرفى ايه
مها اتنهدت : ..
توفيق حاوط خصرها وجذبها اليه : انا مش فاكر انا نمت ازاى امبارح
مها بتوتر : خطرت فى بالها فكرة : اه نمت بعد اااا بعد ااما ....خلصنا.
توفيق بفرحة : يعنى احنا اااا
مها : اه ... اه طبعا بعد اذنك ولسة بتبعد راح توفيق شدها ليه تانى..
رايحة فييين بس : وظل يقبل شفتيها ويجذبها اليه اكثر
مها حاولت تبعده بقبضه يدها الصغيرة ولكن بلا فائدة وبدأت الدموع تتجمع ف عنيها تانى.
بعدته جامد وجريت على الحمام ..فضلت ترجع وقرفانة منه..
** وهنا دخلت جهاد بسرعة **
مها اهلك تحت عايزين يشوفوكى
خرجت مها من الحمام.. تجنبت النظر لتوفيق اللى ..واقف متغاظ. منهم هما الاتنين.
مها : عن اذنكو ا ونزلت تحت قابلتهم وسلمت عليهم.
سلمى : بصت لمها وقربت منها بصوت واطى :: مالك بامها فى ايه
مها : سلمى انا بمووت قلبى واجعنى اوووى انا اتدمرت.
سلمى شهقت : يالهووووى اوعى يكون الحيوان دا لمسك يا مها
مها مبتردش : وعنيها دمعت.
سلمى : ماما ممكن اخرج اتمشى فالجنينة انا ومها بصوت واطى : انتى فكراه بيت ابوكى يابنت الهبلة.
جهاد : اه طبعا اتفضلو يا حبايبى
احلام بصتلها ومتعرفش مين دى
سلمى : يالا يا مها
عند جاسر فالاوضة دخل فضل يكسر كل حاجة طالتها ايده وانهار من العياط
جاسر بصرخة تقشعر لها الابدان : لييييييييييييييه وخبط ايده ف ازاز المرايا والتى قطعة منه اخترقت يده ولكنه لا يشعر بألم الجرح ..فجرحه الداخلى لا يضاهيه الم.
مش قادر يستوعب.. معقولة يا مها كنتى بتمثلى عليا علشان توصلى لابويا ..كلكلم زبالة متستاهلووووش الحب ..
مسك قلبه بوجع : اااااااااه
ليه يامها لييه عملت فيكى ايه دنتى كنتى روحى كدا تمدى ايدك وتنزعيها منى لييييه
وابويا ملقاش فى الدنيا كلها غير البنت الوحيدة اللى اتمنتها من الدنيا ..دموعه نزلة بغزارة وقع على الارض بأستسلام : ليييه تدبحونى من غير رحمة ااااااااااااااااااه.صرخة تحمل كل معانى الوجع صرخة اعتقد بأنها تشفيه من عذاب قلبه ولكن لا يعلم بأنها وضعت سكين حاد بقلبه وابت ان تنزعها مرة اخرى حتى يتألم عندما يتذكرها دائما.
******
*فى الجنينة *
سلمى : يالهووى يامها انتى بتقولى اييه جاسر يبقى ابنه.
مها بعياط : اترمت فى حضن شقيقتها : انا مش مصدقة يا سلمى ربنا اللى عالم انا اتجوزت ازاى ..هو ميعرفش..دا اكيد تعبان اوى انا كان غصب عنى ومش بأيدى..لما كان بيرنلى مقدرتش ارد واقوله ايه انا هتجوز غيرك. غصب عنى وقلت هختفى من حياته علشان يكرهنى بس يكرهنى بعيد غير لما يبصلى نظرة الاحتقار دى انا مش قااادرة يا سلمى .وسقطت على الارض منهارة فى البكاء.
انا قلبى وجعنى اوى مشفتيش عنبنيه لما قولتله انى مرات ابوه.ااااااه يا سلمى هموت
يارب خدنى وريحنى بقااا
سلمى احتضنتها : حرام عليكى يامها ليه قولتيلو انتى
مها : مكنتش عايزة مامته تاخد عنى فكرة غلط مكنتش عايزاها تعرف حاجة دا هى الوحيدة اللى هتقدر تساعدنى .
سلمى : تساعدك ازاى يعنى.
مها : انا هحكيلك من ساعة مادخلت البيت دا
سلمى : اه صحيح انتى مقولتيش عملتى ايه امبارح.
( فى الدخل )
كانت تجلس جهاد واحلام
جهاد : اتفضلى اشربى العصير اعتبربه زى بيتك
احلام بأرتباك : هو وو..هو حضرتك اااااااااا
جهاد :: آه انا مرات توفيق .
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق