رواية لعلك منجدى الفصل الخامس عشر والسادس عشر بقلم الاء محمد
رواية لعلك منجدى الفصل الخامس عشر والسادس عشر بقلم الاء محمد
15/16
البارت الخامس عشر
( لعلك منجدى )
- يوسف :- رهف ؟!
- رهف :- عامله ايه يا همس
- همس ببكاء :- تعبانه قوى يا رهف ... ابنى نفسى اشوفه واخده فى حضنى
- رهف :- متقلقيش هتشوفيه وهتاخديه فى حضنك وهتعتبرى كل الى شفتيه هنا كابوس
- يوسف :- رهف انتى كويسه ؟!
- رهف وهى تنظر الى يوسف نظره مجرده من المشاعر تماما :- لاء يا يوسف مش كويسه ولا هبقى كويسه يمكن نار قلبى هتبرد بس لما انتقم لسليم بس مش هرتاح مش هرتاح غير لما اسيب الدنيا دى لأنى مليش فيها مكان وكأن الدنيا معديانى من اليوم الى جيته فيها
- يوسف :- وناويه على ايه رهف ارجوكى انا مش حمل انى افقدك انتى كمان وقتها حقيقى الضربه هتكون عليا قويه قوى
- رهف والحزن ظاهر فى نبره صوتها وكأن الحزن لا يكفيه نهشا فى قلبها فأخذ ينهش فى جسدها حتى انها عندما تنظر لنفسها فى المرآه لا تكاد تتعرف عليها
- رهف :- الضربه الجايه مش هتكون لينا يا يوسف الضربه الجايه هتكون حساب لظالم على كل الى فات كفايه لينا وجع لعند هنا اخدنا نصيبنا من الوجع بما فيه الكفايه ده حتى القلب بقى بيخاف يفرح يحس ان الدنيا بتتآمر ضده
- يوسف :- انا مش عايز من الدنيا حاجه غير انى بس ارجع ابنى وهاخدك انتى وهمس وهنمشى من هنا ارجوكى كفايه لقلوبنا وجع لعند كده
- رهف بتنهيده حزن :- الوجع اتخلق لقلوبنا يا يوسف وكأنه خايف يتوه عننا لو راح عشس فى قلوب تانيه ... متخافش ابنك هيكون فى حضنك انت وهمس قريب جدا ان شاء الله وبعدها خودهم وامشى ومتبصش وراك المنظر مش هيعجبك ... الصوره هتكون كلها دم بلاش ايدك تتلطخ بيه
- يوسف بضحكه سخريه :- دم ؟! انا مولود وسط الدم يا رهف
- رهف :- وجه الوقت الى تنضف هدومك من الدم ده ارجوك يا يوسف وقت لما تاخد ابنك امشى
- يوسف بعند :- مش هسيبك يا رهف
- رهف بعصبيه :- لاء هتسيبنى ومش هترجع تانى ثم اقتربت منه ونظره فى عيناه بحنان اخوى ... وحياتى عندك يا يوسف
*************************
- عزت :- يا بابا قولتلك خليك عندك جيتك مش هتقدم ولا هتأخر حاجه
- الجد :- لاء هاجى يا عزت هاجى لأن مفيش حد هيقدر يوقفك عن الى انت فيه غيرى
- عزت وقد تحول الى وحش كاسر يكاد ينقض حتى على والده فالشر تطبع فى قلبه وكأنه ليس مخلوقا من طيب ... كأنه مخلوق من خبث وخبائث الشياطين
- عزت :- مفيش حد هيقدر يوقفنى انا فضلت سنين اتعلم واتعلم علشان اوصل لقوه الشر الى انا فيها دى دلوقتى وياااريت متجيش تحاسبنى بعد فوات الآوان واصلا حق الحساب كمان مش هتاخده انت الى حولتنى لشطان والشيطان ده مش هيرحم حد حتى انت ثم اغلق الهاتف
- الجد وقد جلس على الكرسى امامه ثم وضع يده فى راحت رأسه ثم تذكر كل شئ حدث فى الماضى وكأنه شريط من الفديو تم عرضه امامه ولاكنه ماضى اليم مر عليه العديد والعديد من السنوات ولاكن كذب من قال ان الزمن يداوى او ينسى احد جروحه ... الزمن فقط يلهينا عزيزى والدليل على ذلك اننا نوهم انفسنا بأننا نسينا ولاكن عندما نمر بصدفه تشبه المنا نعود ونتذكر من جديد كل شئ وان فات عليه سنوات تلو سنوات
- الجد :- انا الى غلط وانا الى هتحمل الغلط
************************
- على :- بتبصلى كده ليه
- سليم :- مش طايقك
- على بمزاح :- ليه هو انا الى ضربتك بالنار
- سليم :- عايز اطلع اطمن عليها يا على
- على :- اعذرنى يا سليم الموضوع خرج من ايدى
- سليم بعصبيه وهو يخبط يده على الكمود بحانبه
هتجنن عليها يا اخى وخصوصا انها هتحمل نفسها مسؤليه قتلى
- على :- مش هنضيع كل حاجه على آخر لحظه .... وكفايه قوى انك صممت على الى فى دماغك وكنت هتموت فيها بصحيح
انت يا بنى مجنون انا قولتلك تصوب المسدس فى اديها بعيد عن القلب بمسافه كبيره بس فى نفس الوقت مش مشكوك فيها تقوم الجلاله تاخدك وتحط السلاح على قلبك بالظبط مش فيلم تايتنك هو
- سليم :- اتريق اتريق
- على بضحك :- بس ايه باين رهف بتحبك جامد صوبت الرصاصه فى المكان الصحيح
- سليم :- والله لو كنت موت على اديها ما كنت هبقى زعلان
- على :- وانت كنت هتزعل ازاى وانت ميت يا خفيف
- سليم :- قولتلك ميه مره دمك تقيل
- على :- مقبوله منك بس خلينا نتكلم جد شويه بقى
- سليم :- خييير
- على :- مقولتش لرهف الحقيقه ليه لعند دلوقتى ليه سبتها تبعد عنك وطلقتها
- سليم بتنهيده تحمل المذيد والمذيد من الحزن على صغيرته وحبيبته :- كان لازم اخلى قلبها يقسى شويه الطيبه الى فيها دى مش كانت هتنفعها وهى داخله بيت الشيطان ذات نفسه
- على :- هتقولها امتى
- سليم :- لما نخلص من الى احنا فيه .... بس يااارب وقتها رهف متكونش تحولت لقلب قاسى متعرفش هى نفسها تسيطر عليه لأن وقتها كل الذنب هيتحمله ابوها وجدها وانا معاهم كلنت جينا عليها قوى كلنا كسرنا فيها حته لعند ما قلبها مبقاش فيه مكان سليم تحاول تغفر بيه لأى حد رهف لو اتحولت مش هيكون ليها اي ذنب فى التحول ده وانا محتاج منها معجزه علشان تسامحنى
**********************
- همس :- رهف اسألك سؤال ؟!!
- رهف بتنهيده خارجه من اعماق قلبها تحمل معها كل الوان الحزن والوجع وكسره القلب وخيبه الأمل ولكم ان تتخيلو كل هذه المشاعر فى قلب واحد فأصبح قلب رهف خارج نطاق الخدمه
- رهف :- قولى
- همس :- ازاى بالرغم من الوجع العميق الى سليم سبلهولك ده لسه بتحبيه كده ولسه عايزه تنتقمى ليه ؟؟!!!!
- رهف وكانت نائمه فى حضن همس وكانت همس تحتويها بحنان امومى للغايه فالقلوب حقا على نواياها تقع كما يقال
- رهف :- لأنى حبيت سليم بكل كيانى سليم مش بس كان حبيبى كان صحبى واخويا وابويا وعيلتى كلها
سليم هو الى ربانى على اديه كان بيخاف عليا كأنه ابويا كان بيحمينى من كل حاجه ومن اى حد علشان كده مفتقدتش ابويا لما مشى وكأن ربنا عوضنى بيه
ثم نهضت ونظرت فى عيون همس بحزن ممزوح ببسمه تطفيها عتمه احزانها
تعرفى ان سليم كان حافظ القرآن كله وكان صوته لوحده لما بيقرأ اى آيه بينسينى الدنيا كلها لما كنت ببقى زعلانه كنت متعوده انه ميجيش يقولى مالك زى الباقى لاء كان يجى ويقعد قصادى ويقولى تحبى تسمعى سوره ايه ..... لعند ما جه يوم من يومها قلبى مشافشى النور وسليم اتغير معايا تماما
بقى عصبى ومش طايق يشوفنى بقى بيقفلى على غلطه
كنت لما يتعصب مسافه ما ابص فى عيونه كان بيهدى زى طفل صغير سابته مامته ورجعتله تانى
لعند ما جه وقت والمهدء الى فى عيونى مبقاش يأثر فيه ومكنتش اعرف ليه
بس دلوقتى فهمت ان كل حاجه سليم كان فيها السبب كان ابويا
انا مكرهتش سليم بس مش قادره اسامحه على الى عمله فيا مش عارفه معناه ايه بقى الشعور ده .... ثم قالت بنبره حزن
بس هو راح ويبقى نتعاتب بقى عند ربنا قريب
- همس نظره لها بإستغراب
يعنى ايه هنتعاتب عند ربنا قريب ؟!!!
- رهف :- متاخديش فى بالك ثم تركت همس فى حيرتها وذهبت الى غرفتها
- همس :- يا ترى ناويه على ايه يا رهف
************************************************
رهف :- كنت عايزه اعرض عليك عرض
- عزت بإستغراب:- اتفضلى
- رهف :- مش احنا ولادك يعنى لازم تعدل بينا حتى فى الحزن
- عزت بإستغراب اكثر
ازاى ؟!!!
- رهف :- زى ما وجعت قلبى على سليم ... يوسف كمان لازم يتوجع قلبه على همس وابنه هو مش احسن منى
- عزت بصدمه فاقت كل توقعاته
يعنى ايه
- يعنى نفس المكان الى قتلت فيه سليم هقتل فيه همس وابنها قدام عيون يوسف
متستغربش قوه الشر الجباره الى فى قلبك اتسللت ليا انا كمان
- عزت :- قلبك بقى قوى
- رهف :- وهى تنظر فى عيونه بكل تحدى ... من بعض ما عندكم
- عزت :- بس انا هستفاد ايه
- رهف بإبتسامه :- هتستفاد قوه شر جديده تقتل اكتر واكتر علشان انت تفرح اكتر واكتر وكأن روحك مبترتويش غير من الدم ... وبعدين الى اعرفه انك اصلا مش طايق همس ولا ابنها والموقف ده هيخلى الشر يتمكن من قلب يوسف هو كمان ووقتها انت الكسبان قولت ايه
- عزت :- اتفقنا
*************************
على وهو يركض حتى ان نفسه كاد ان ينقطع
على :- سليم
- سليم بإستغراب :- على مالك فى ايه همس حصلها حاجه
- على :- لاء بس هيحصلها
- سليم بعصبيه :- انطق فى ايييييييه همس مالها
- على :- همس هترتكب جنايه النهارده
*************************
- جاء عزت واحضر معه الطفل فى وجود يوسف وهمس ورهف
- رهف :- اخدت الطفل من عزت ورهف قالت لعزت انه ميجبش حد من رجالته معاه علشان يوسف وهمس ميشكوش فى حاجه .... وبعد ما اخدت الولد من عزت
- رهف :- هو ده ابنكو الى سليم اتقتل بسببه
- يوسف :- همس انتى بتقولى ايه
- همس :- انا آسفه يا يوسف بس انت مش احسن منى علشان ابنك يعيش وسليم يموت ثم وجهت السلاح على رأس الطفل
وعزت يشاهد الأمر فى حماس تام
- يوسف بصراخ :- رهف بتعملى اييييه فوقى ده طفل فوقى
ثم نظرت الى يوسف وبخفه شديده للغايه اعطت الطفل الى يوسف ووجهت سلاحها ناحيه ابيها واطلقت عليه النيران ثم نظرت الى يوسف وعيناها مليئه بالدموع
- رهف :- لو ربنا قبل انه يدخلنى الجنه يبقى هنتقابل هناك ثم صوبت السلاح على قلبها واطلقت على نفسها
- سليم وقد وصل ولاكن بعد فوات الآوان :- لااااااااااا رهف مستحيييييييييل
- رهف بدموع :- من كتر حبى فيك بتخيلك آخر حد جمبى وبموووت فى حضنك ثم اغلقت عيناها وغابت عن دنيا لم ترى فيها الا القسوه
" وان البهجه التى يخلقها وجودك تجعلنى اتحمل اى شئ حتى وان كان قد حكم على قلبى بالموووت فالمووت فى وجودك حياه " 💔
- لعلك منجدى
- آلاء محمد
البارت السادس عشر
( لعلك منجدى )
- سليم كان شايل رهف وبيجرى بيها زى المجنون فى المستشفى
- سليم :- دكتووووووور بسررررررررعه
- الدكتور :- سليم بيه ممكن حضرتك تنيمها على السرير هنا واحنا هنعمل الى علينا وهنبذل اقصى جهدنا
- سليم وعيونه تحولت الى لهيب من النيران :- عااااااااايز دكتوره
- الدكتور :- سليم بيه قسم الجراحه حاليا مفيهوش ولا دكتوره ارجوك احنا عايزين ننقذ الحاله والا المسؤليه هتقع على عاتق حضرتك
- سليم نظر الى رهف بقله حيله وعيناه امتلأت بالدموع على صغيرته لم يتخيل ذات يوم بأنه سيراها هكذا ثم انصاع الى امر الطبيب فالامر لا يقبل اى احتمالات ولا وقت عنده وغيرته عليها
- سليم وضع رهف على النقاله ثم نظر الى الطبيب ممسكا بيه من ياقته :- قسم بالله لو حصلها حاجه لهد المستشفى على الى فيها
- الدكتور وقد اذدرء ريقه
خير ان شاء الله عن اذنك
- سليم وهو ينظر الى طيف رهف بقله حيله ثم جلس على الكرسى ووضع يده على راحت رأسه ثم اخذ يبكى كالطفل الصغير الذى فقد امه للتو ثم نهض من موضعه وذهب لكى يتوضأ ويناجى ربه بألا يختبر صبره فى صغيرته فهذا الالم حقا لا يطاق
*************************
- على :- يعنى هيعيش ولا هيموت
- الدكتور :- على بيه هو حاليا فى حاله خطيره جدا واحنا هنعمل الى علينا ولانه كبير فى السن ممكن العمليه متنجحش فا الله اعلم ايه الى ممكن يحصل بعد 5 دقايق لأن الحاله مش مستقره عن اذنك
- على :- لأول مره فى حياتى اتمنى ان مجرم ميموتش لأنه كده هنبقى خسرنا للمره التانيه ثم نظر الى السماء
يااارب دلينى على الاصلح يااارب ثم رن هاتفه
- على :- الو
- ريم :- اخص عليك يا على بكلمك كل ده مش بترد ليه خوفتنى عليك قوى
- على :- انا آسف قوى يا حببتى حقك عليا انا عارف انى قلقتك بس الدنيا هنا متلخبطه جامد
- ريم :- ليه ايه الى حصل
- على :- رهف ضربت نار على ابوها وعلى نفسها والاتنين دلوقتى حالتهم خطيره جدا مش عارفين هينجو منها ولا ايه
- ريم بصدمه وخوف على رفيقتها :- رهف ... انا لازم اجى اشوفها يا على رهف ملهاش حد ولازم ابقى جنبها
- على :- تيجى فين دلوقتى انتى اتجننتى ... اهدى وانا هطمنك عليها عايزه تسافرى ازاى لوحدك مش فاهم انا يومين بالظبط وهاجى اخدك
- أنس :- مامى مامى هاتى عايز اكلم بابى
- على :- روح قلب بابى عامل ايه
- انس :- خايف يا بابى
- عالى بإستغراب :- خايف من ايه يا انس مالك يا حبيبى
- انس :- كل يوم بحلم ان فى ناس وحشين بيجرو ورا رهف وعايزين يأذوها وهى على طول تصوت وبعدها بفوق من الحلم وانا خايف
- على :- متخافش يا حبيبى رهف هتبقى كويسه ان شاء الله وانا هبقى اجى اخدك انت وماما علشان تشفوها ثم اغلق مع انس الخط
على والاستغراب والدهشه قد تملكوه تماما .... لماذا لأنس ان يحلم مثل هذا الحلم ولاكنه فسره على ان انس متعلق برهف للغايه ومن شده حبه لها كان يراوده هذا الحلم
************************
- الجد بلهفه حتى انه كان يأخذ نفسه بصعوبه بالغه للغايه :- سليم رهف عامله
- سليم وهو ينظر له وعيناه مليئه بالحزن ومتملكها الوجع على صغيرته :- بقالها 5 ساعات جوه ومفيش حد طلع ولا طمنى على حاجه
- الجد :- وقد جلس على الكرسى وبجانبه سليم :- انا السبب فى كل الى هى فيه
- سليم :- قصدك السبب فى كل الى احنا فيه
- الجد وقد نظر الى سليم :- قولتلك ابعد عن عزت وابعد رهف عنه انت مسمعتش كلامى والعند طغى على عقلك وادى اخره العند يا سليم
- سليم :- كل فعل وله رد فعل يا جدى وانا مصدرش منى رد الفعل غير لما بدأت انت وابنك بالفعل
واخرته مفيش حد دفع تمنه غيرى انا ورهف حتى يوسف منجاش منكو
- الجد :- هتفضل تحاسبنا على غلطه فات عليها سنين وسنين لعند امتى يا سليم
- سليم وقد نظر له والغل والحقد والعصبيه كل ذلك كان مزيج معا
انت بتسمى الى اتعمل غلطه
لو كانت غلطه فإنت وقتها اختارت غلط شفعت فيها للجانى واصدرت الحكم على المجنى عليه ومفيش حد كان مجنى عليه فى الليله دى كلها غيرى انا ورهف ويوسف وكل واحد فينا قاعد بيدفع ثمن غلطات ملوش اى ذنب فيها ثم نظر امامه ووجد الدكتور خارج من غرفه العمليات
- سليم بلهفه :- رهف ... رهف عامله ايه
- الطبيب وقد نظر له :- للأسف عملنا كلنا ما فى وسعنا علشان نوقف النزيف والنزيف وقف بعد اعجوبه لأن الرصاصه كانت فى موضع القلب نفسه على بعد نصف سنتى بس المريضه دخلت فى غيبوبه لأن القلب متحملش كميه الضغط والألم الى عليه وبعد 6 ساعات بالظبط لازم يتعملها عمليه تانيه .... فربنا يستر ويعدى الساعات القادمه على خير عن اذنكو
*************************
- همس :- يوسف
- يوسف وقد نظر اليها وعيناه مليئه بالدموع :- انا السبب يا همس انا السبب
كان لازم انا الى اجيب ابنى ومعرضهاش للأذى
- همس :- رهف قويه يا يوسف وان شاء الله هتقوم منها
- يوسف :- رهف كل قوتها انهارت ومبقاش فى حاجه علشان تعيش علشانها ولا امل تتمسك بيه
- همس :- لاء انت غلطان سليم لسه عايش ورهف لو عرفت كده هتتمسك بألامل وهتقوم ان ساء الله
- يوسف :- هتعرف ازاى بس يا همس ازاى وهى اصلا فى غيبوبه ثم نهض من موضعه وذهب الى سليم فى الجهه الأخرى
انت السبب انت السبب
لو كنت طمنتها على الاقل انك لسه عايش مكانتش عملت الى هى عملته رهف حملت الذنب فى موتك كله لنفسها وراحت علشان نتقم ليك
- سليم بعصبيه وصوت عالى للغايه :- مكانش ينفع تعرف يا غبى الخطر كان هيذيد عليها وهى اصلا كانت متحاوطه بالخطر من كل جهه
- يوسف بعصبيه هو الأخر :- وعلى اساس ان الى هى فيه دلوقتى ده مش خطر دخولها فى غيبوبه ده مش خطر انها تعمل عملتين فى وقت واحد وهى اصلا قلبها مش متحمل حاجه ده مش خطر
- سليم :- مكنتش اعرررررررررف انها هتعمل كده مكنتش اعرف
- الجد :- كفايه بقى هو انا مش معمولى حساب ولا اييييه
- همس :- بدل ما تتخانقو اعملو حاجه ساعدو بيها رهف ثم نظرت الى سليم وذهبت له
- همس :- سليم لو رهف عرفت انك لسه عايش هترجع تتمسك بالامل من اول وجديد الدكتور بيقول انا بحاول مع واحده فاقده الامل والعامل النفسى عندها تحت الصفر يعنى حتى لو كان فى مجال للمقاومه رهف مش هتقاوم لأنعا مش عايزه تبقى فى دنيا انت مش فيها
- سليم بإستغراب :- وانا اعرفها ازاى انى عايش وهى فى غيبوبه
- همس :- ادخل واتكلم معاها وهى هتسمعك المخ هيديها اشاره بالإستجابه ان فى هدف تستاهل انها تحاول علشانه
متبصليش كده انا دراسه علم نفس كويس قوى مع انى صحفيه بس انا بحب علم النفس ومتمكنه فيه جدا وانا واثقه من كل كلمه قولتهالك ادخلها يا سليم
************************************************
سليم :- دكتور انا عايز ادخل لرهف
- الدكتور :- سليم بيه مدام رهف حاليا فى غيبوبه بس وانت داخلها عايزك تتأكد انها هتكون حاسه بكل كلمه هتقولهالها وان كلامك الايجابى هيفرق جدا معاها هى محتاجه حد ياخد بإديها من الدوامه الى جواها حاليا وبنائا على رد فعلها هنشوف العمليه التانيه هتنجح ولا لاء
- سليم :- يعنى العمليه لو منجحتش رهف مش هتفوق
- الدكتور :- بص يا سليم بيه الحاله الى مدام رهف فيها حاليا متصنفه من ضمن اصعب 3 حالات موجودين فى العالم وهى ان العامل النفسى بيأثر وبيتمكن من المريض اكتر من العامل الجسدى ..... ولأن القلب بيكون معندوش طاقه لتحمل وقوه للمعافره العقل بيدى اشاره بالانسحاب التام ولان مدام رهف العامل النفسى مأثر عليها اكتر من العامل الجسدى بكتير بنائا على التقرير الى الدكتور النفسى طلعه فمدام رهف هتستجيب لإشاره العقل بالانسحاب وده الى دخلها فى غيبوبه حاليا
- سليم بفقدان الامل :- يعنى لو اتكلمت معاها ممكن الكلام يأثر فيها وتسمعنى
- الدكتور :- ده الى هنكرره بعد ما حضرتك تطلع .... حضرتك ممكن تتفضل دلوقتى على غرفه التعقيم
- سليم ذهب الى غرفه العنايه المركزه التى تقطن فيها رهف لم تكن رهف الى يعرفها سليم ولاكن كانت عباره عن جثه هامده لا حول لها ولا قوه ممده على سرير طبى ومغلف جسدها بأكمله بالعديد من الاجهزه سليم وهو ينظر لها ولم يتمالك نفسه وقد سقطت دموعه من عيناه كالامطار التى تسقط بعد اعوام واعوام من الجفاف لتروى قلب صاحبها فلقد تجمعت كل الاحزان التى مر بها لتهجم عليه دفعه واحده ليبكى على كلاها فى آن واحد
- سليم :- رهف ارجوكى قومى انا محتاجلك قوى ... رهف مش هتحمل انك تفارقينى المرادى والله ده وجع قلب ما هقدر اتحمله ... انا عارف انك مريتى بكتير واتخذلتى من اكتر ناس ادتيهم الأمان عارف انى كنت انانى معاكى قوى وعارف انى جرحتك وظلمتك معايا قوى وعارف ان قلبك اتحمل كتير
طيب ليه المرادى انسحبتى ومش عايزه تكملى ..... ادينى فرصه واحده بس اصلح فيها كل حاجه ارجوكى ارجعى حياتى من غير وجودك والله ما تتسمى حياه وحياه سليم عندك ارجعى واوعدك انى هعوضك عن الى فات
ثم رفع رأسه ونظر لها بقدان امل ثم فجاه لاحظ دموعها التى تسقط من عيناها بغزاره وهذه كانت دموع وجع والم
سليم ومد يده ليمسح دموعها ثم نظر لها مره اخرى قبل ان يرحل وقال:- ارجوكى ارجعى
************************
- الجد وهو جالس امام عزت
عاجبك الى انت فيه دلوقتى وعاجبك الحاله الى وصلتنا كلنا ليها ولا الحاله الى رهف وصلتلها طمعك وجشعك هو الى وصلك للأنت فيه وكل الى انت فيه ده نتيجه افعالك لوحدك
- عزت وقد فاق على كلمات والده ثم نظر الى الطبيب وتحدث بوهن تام فلم يكن فى هذه الحاله الشيطان الذى تعرفونه انما كان عباره عن جثه هامده ملقاه لا حول له ولا قوه يتصارع مع الحياه ليأخذ منها المذيد من الوقت
- عزت وبعد ان غادر والده الغرفه :- عايز سليم
- الدكتور :- انت مش قادر تتكلم ارجوك اجل كلامك لوقت تانى انت لسه طالع من عمليه خطيره
- عزت بوهن وصوته يكاد ان يخرح من حلقه :- عاااايز سليم
ثم بعد مرور ساعه واحده جاء سليم وجلس امامه
- سليم :- مش قولتلك الزمن دوار ومصير الحقوق هتترد لصاحبها
- عزت :- انا عملت ذنوب كتيره قوى فى حياتى عملت كل حاجه ممكن تتخيلها حتى ولادى اذتهم بدون رحمه او شفقه بس الى عايز اقولهولك دلوقتى هو كلام خارج من واحد بيمووووت ولازم تصدقه يا سليم
- سليم بسخريه :- وكلام ايه الى ممكن يطلع من شيطان ذيك ميعرفش حاجه عن الرحمه
- عزت :- كنت طول عمرك بتنتقم من الجهه الغلط يا سليم
- سليم بإستغراب :- يعنى ايييه ؟؟!!!!
- عزت وكانت آخر كلمه خرجت من فمه وبعدها فارق الحياه بدون عوده ليلتقى حسابه مع ربه
- عزت :- مش انا الى قتلت ابوك يا سليم مش انا الى قتلت اخويا
" اخبرنى كيف لى ان اتحمل كل هذا الألم وكيف لقلبى الصغير ان يعامل بهذه القسوه ما اخدتم منى سوى الحب وما جنيت منكم سوى الكسره " 💔
- لعلك منجدى
- آلاء محمد
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق