رواية لعلك منجدى الفصل التاسع والعاشر بقلم الاء محمد
رواية لعلك منجدى الفصل التاسع والعاشر بقلم الاء محمد
التاسع والعاشر
البارت التاسع ( لعلك منجدى )
- الجد بعصبيه:- انت الى وصلت رهف للحاله دى يا سليم رهف لو جرالها حاجه انا مش هيكفينى رقبتك
- سليم بسخريه :- مش هتكون اغلى من رقبه الى راح يا جدى
- الجد :- هتفضل فاكر وعايز تنتقم لعند امتى يا سليم الى انت عايز تنتقم منه هو كمان عايز ينتقم وهتخلوها بحر دم ملوش آخر
- سليم بعصبيه :- بحر الدم ده هو الى فتحه يا جدى وانت كمان فتحته معاه ... ومش هيبقى بحر دم وبس دى هتبقى نار جهنم على الكل ثم اغلق هاتفه
- الجد :- ومفيش غيرك هيطلع منيها خسران يا ولدى
- اندرو :- سليم لقد بدأ الاجتماع الزعيم يدعيك للمشاركه
- سليم بعصبيه تكاد تفتك به:- ما هى اللعبه الجديده التى تخططو لها اندرو
- اندرو بهمس لسليم يشبه فحيح الأفاعى :- قلت لك سليم المكان لا يتحملنا سويا اما انت او انا ولابد من انسحاب احد فينا ولاكنك لا تريد الانسحاب الا بالموووت انا لا أنسى انك اتيت واخذت مكانى لدى الزعيم الأكبر ولاكننى سأسترده قريبا
- سليم :- ولما تدخلون رهف فى الامر
- اندرو :- رهف هى من اراده ان تدخل فى الأمر سليم ... ولا اخفى عليك انها قصرت علينا مشوار طويل ومعرفتها لحقيقه اغتصابك لها كانت فى صالحنا لا تخف سليم كنت اود ان تهزم على يدى ولاكنك ستهزم على يد احب الناس الى قلبك
*************************
الكل قاعد فى غرفه الاجتماع والحفله مازالت شغاله
- يوسف :- انا بدأت اخاف منك
- رهف :- انا نفسى خوفت منى
- يوسف :- بلاش يا رهف القسوه مش لايقه على عيونك انتى عيونك اتخلقو للحنيه وبس
- رهف يتنهيده وجع :- كان دايما سليم قبل ما يتغير من ناحيتى يقولى سبحان الله عيونك مخلوقين بس للحب لما كنت اعيط او اى حاجه تزعلنى كان يهد الدنيا علشان دمعه من عيونى ونفس الإيد الى اتعلمت عليها الحب نفس الإيد الى علمتنى القسوه
- يوسف :- بس هو لسه بيحبك
- رهف :- تفتكر الى بيحب بجد بيعرف يأذى حبيبه ؟!!
- يوسف علشان يلطف الجو :- سؤال لولبى فعلا
- رهف انفجرت ضحكا فهذا اليوسف لا يمر اى موقف من تحت يده الا ان يقلبه لمزاح
- رهف :- يا بختها بيك بجد يا يوسف
- يوسف برفعه حاجب :- هى مين دى ؟!!
- رهف :- الى انت هتبقى من نصيبها ... اكيد هتحبها قوى مش كده
- يوسف :- ما انا خلاص حبيتها مش لسه هحبها
- سليم دخل غرفه الاجتماع ولقى رهف مش مبطله ضحك وهزار مع يوسف
- سليم :- قومى اقعدى على الكرسى الى هناك
- رهف :- والله انا اقعد فى المكان الى يعجبنى
- سليم :- شدها من دراعها ... الى بقول عليه تسمعيه
- رهف :- مشششش هسمع حاجه وقولتلك قبل كده مش هسمح لحد يحجمنى
- الزعيم :- هيا بنا فلنبدأ لدينا عمل نريد انجازه فى اسرع وقت
والخطه كالأتى ... الصفقه ستسلم فى روسيا هذه المره ولاكننا سنغامر وندخل الى البلد نفسها بمعنى ان الصفقه والبضاعه لا تسلم هذه المره على الحدود وانما ستسلم داخل روسيا
- سليم بإستغراب:- ولماذا هذه المره ستسلم داخل البلده
- الزعيم :- لأنك تعلم بأن الحكومه تضع عيناها علينا هذه الايام بشراسه والمعلومات التى وصلت لهم بأن الصفقه فى كل مره تسلم على الحدود وهم على اتم الإستعداد حاليا لكى يهجمو علينا ونحن على الحود ولاكن هذه المره سنخيب كل توقعاتهم بأنها ستسلم داخل روسيا نفسها
- سليم :- ومن هو الذى سيغامر هذه المره
- الزعيم :- لقد وقع عليك الاختيار من الزعيم الاكبر سليم تعلم انه يثق بك للغايه
- رهف وضربات قلبها بدأت ان تتصارع وتحدث نفسها :- ايه العالم الى انا دخلت فيه وايه الجبروت الى فى عيونهم ده معقوله ممكن فى يوم من الايام ابقى زيهم كده عديمه المشاعر
ثم نظرت الى سليم بخيبه امل وهى تقول .... فرصه رجعونا بقيت مستحيله مستحيله قوى يا سليم
- الزعيم :- رهف ستشارك سليم فى هذه المهمه
- سليم بدهشه :- ماذا ... انها مخاطره كبيره عليها ... رهف لن تأتى
- الزعيم :- انها ليست قوانينى سليم القوانين أتيه من الزعيم الأكبر وهى واجبه التنفيذ ولا يقبل اى اعتراض كما تعلم
- نظر له اندرو نظره مكر توحى بالكثير وهو يهمس فى اذن سليم
لقد اقتربت النهايه كثيرا سليم
- سليم وبدأ القلق يحتل قلبه بالكامل فهو غير قلق على نفسه فهو معتاد على مثل كل هذه المخاطره ولاكنه الان خائف على حبيبته ... نعم حبيبته فنحن لانعلم قيمه الاشياء الا بعد زوالها
انتهى الاجتماع وهم الكل بالانصراف
- راح سليم علشان يكلم رهف
سليم :- رهف انتى مش لازم تيجى المهمه دى اعتذرى من الزعيم وهو هيقبل اعتذارك لأنك لسه جديده فى الموضوع
- رهف :- ليييه يعنى وانت مست .. ولم تكمل جملتها حتى عطست عطسات متتاليه فى وجه سليم .
- سليم وهو يضحك على عطستها الطفوليه هذه :- قولنا متلبسيش قصير تانى انتى مش متعوده عليه واول ما بتلبسيه بتتعبى زى ما انتى شايفه
- رهف وهى تنظر فى عيناه سرحت فيهم بالكامل عادت رهف القديمه .... لسه فاكر كل التفاصيل الى اتخصنى
- سليم وعيونه فى عيونها ويده محاوطه خسرها :- لسه فاكر كل حاجه تخصك والله ما نسيت ولا حاجه
- رهف ببكاء :- نسيت يا سليم نسيت .... انى وهبتك قلبى وانت دمرته .... ونسيت ان الدنيا كلها جت عليا وحلفتك انك ما تيجى عليا ذيها واول فرصه جتلك قضيت على قلبى من دون رحمه
- سليم والدموع تجمعت في عيونه :- انا آسف حقك عليا سامحينى واوعدك مش هوجع قلبك تانى وهصلحه حته حته لعند ما يرجع زى الاول
- رهف بضحكه سخريه
تعرف ان كلمه آسف دى اسخف كلمه سمعتها فى حياتى ... كلمه آسف دى بتوجع اكتر ما بداوى تعرف لو كلمه آسف هترجع الى فات انا كنت روحت لماما وقولتلها آسفه مليوووون مره ثم اختنقت بالبكاء كنت مسبتهاش تمشى ..كنت قولت لبابا آسفه علشان هو كمان ميمشيش
كنت وقفت على كل الشوارع وبصيت فى وشوش كل الناس الحزينه والموجوعه وقولتلهم آسفه .... بصراخ ... طب والله لو كلمه آسف بداوى وبترجع ضحكه الناس من اول وجديد لكنت اعتذرت لكل واحد بالنيابه عن كل الى خذلوه
ثم مسحت دموعها بتحدى وقالت
لو كلمه آسف هتنسينى روعبى فى الليله اياها وانت بدبحنى والله لسامحك
بعد كده انهارت تماما وقعدت تضرب فى سليم وتضرب على صدره
قوووووووولى هوووووونت عليك ازاااااى لييييييه هونت يا سليم ليييييه هونت ... انا قلبى نزيفه مش هيبطل ولا حتى الموووت هيقدر يشفى الى جوايا هيفضل قلبى ينزف لعند ما اروح اشتكيك لربنا بس ورحمه امى لعند ما يجى اليوم ده لهدوق قلبك من النار الى ساكنه فى قلبى ثم تركته وذهبت
- سليم قعد على الأرض يعيط زى الطفل الصغير الى ضاعت منه اكتر لعبه بيحبها
غبى غبى غبى ضيعت منك اكتر واحده حبيتك فى الدنيا انا مش مسامح نفسى ولا مساحك يا ابويا ولا مسامح جدى ولا مسامح كل واحد وصلنى للحاله الى انا فيها دى دلوقتى
*************************
- رهف قاعده فى اوضتها وبتعيط وبتفتكر ايام زمان من 10 سنين
فلاش باك
- رهف :- سلييم
- سليم :- امممم
- رهف برقه وطفوله
اطلب منك طلب ؟!!
- سليم :- اطلبى قلب سليم ومش هيتأخر عليكى بيه
- رهف :- اوعدنى اننا لما نتجوز هتحفظنى القرأن بصوتك ولما ابقى زعلانه متقوليش زعلانه ليه وقتها بس حط راسى على كتفك وقولى تحبى تسمعى سوره ايه
وانا اقولك سوره يوسف علشان حصلت فيها كل المعجزات
- سليم بإبتسامته الساحره
من عيونى يا نور عيون سليم
- رهف فاقت من تفكيرها وهى بتقول لنفسها ... فوقى يا رهف انتى وسليم اتتغيرتو 180 درجه مبقتوش الاطفال الى كانت بتحلم ببيت مليان حب
وبعدها حطت ايديها على وشها وبتبكى بكاء هيستيرى
ياريتنى ما حبيتك يا ريتنى ما شفتك ولا عرفتك ياااريت قلبى مكنش اتعلم الحب على ايدك وحلف ما هيحب غيرك
فجأه سمعت صوت الباب بيخبط
سليم دخل عليها الأوضه لقاها منهاره تماما وهو كمان حصونه كلها انهارت والقوه والجبروووت الى كانت فى عيونه طغى عليهم طيبه قلبه الى كان مفيش فى مثيلها
راح عند رهف لاقاها قاعده على السرير نام على رجلها زى الطفل الصغير لما بيكون نايم على رجل مامته
مسك ايديها وهو باصص فى عيونها وهو بيقولها
ممكن بس النهارده تتخلى عن قسوتك من ناحيه قلبى وضمى سليم لحنانك محتاج حنيتك قوى الفتره دى يا رهف علشان خاطرى وحياه حبنا الطاهر الطفولى بتاع زمان وحياه غلاوه سليم فى قلبك
رهف انهارت قوتها تماما وحضنته وقعدت تعيط جااااامد وهى بتقوله
اااااااااااااه على كسره قلبى يا سلييييم اااااااااااه على وجع قلبى الى مش عارفه هداويه ازاى
سليم وهو بيمشى ايده على شعرها زى الأب الحنين لما بيكون عايز يطمن بنته
سليم :- حقك عليا والله لعوضك والله لعوضك عن كل ده
**********************
فى الصباح صحى سليم يدور على رهف جنبه ملقهاش
سمع صوت راح يبص من البلكونه .... شاف رهف بتلعب كوره فى الجنينه مع يوسف بلبس رياضى
وهى بتضحك ومبسوطه
مسك تليفونه وكلم شخص ما
سليم :- احنا متفقناش على كده
- على :- سليم ارجوك الموضوع مش هيجى ينتهى على آخر لحظه
- سليم :- على انا وصلت لهنا علشان انتقم وكفايه كل الى وصتله فى حياتى لحد دلوقتى بس المرادى لاء وبعند هنا وكفايه
- على :- مش بعد كل ده سا سليم ارجوك اهدى وانا هحاول اتصرف
- سليم :- ارجو انك تتصرف بسرعه لأن مبقاش فى وقت بحر الدم جاي جاي ومفيش حد هينجى منه
الزعيم : - لابد ان نستخدم رهف للقضاء على سليم
- اندرو :- ولاكن كيف
- الزعيم بخبث :- نفذ ما قلته لك بالأمس
************************
- سليم راح عند رهف وجزبها من درعها بعصبيه :- ايه الى انتى لبساه ده
- رهف :- وانت مالك
- سليم :- ردى كويس بدل ما اقطعلك لسانك
- رهف وهى تنظر الى سليم نظره كلها تحدى :- القطه طلعلها ضوافر وبتعرف تخربش يا سليم
- سليم :- وسليم بيعرف يقص الظوافر يا رهف ولو شفتك لابسه اللبس ده تانى هنا انتى عارفه عقابى هيكون ايه كويس قوى
- رهف بسخريه :- هو لسه فى عقاب ... انت الى عليك الدور
- سليم :- طب روحى غيرى اتفضلى علشان اشتريلك هدوم
- رهف قاعده فى العربيه متجاهله سليم تماما
- سليم :- ساكته ليه القطه كلت لسانك
- رهف :- .......
- سليم :- لما اكلمك تردى عليا
- رهف بصراخ :- حااااااااااسب يا سليم حااااااااسب
" رفقا بقلبى فإنه لم يعد يتحمل خيبات اكثر من ذلك .... ارجوك ارجعه بريئا كما كان فقلبى لا تليق بيه قسوه امثالكم " 💔
لعلك منجدى
آلاء محمد
البارت العاشر ( لعلك منجدى )
- سليم نزل من العربيه بسرعه جدا علشان يطمن على رهف بعد ما كانت فرامل العربيه مفكوكه ولجل حظهم ان العربيه كانت نازله على مكان ارضيته واطيه فملحقتش تخبط فى الشجره
- سليم بلهفه :- رهف انتى كويسه حصلك حاجه
- رهف ببكاء طفولى :- دراعى بيوجعنى قوى يا سليم
- سليم :- راح علشان يشوف تاكسى يوقفه وياخد رهف على المستشفى
- سليم :- يلا يا رهف تعالى
- رهف ببكاء من الألم :- اااااه رجلى كمان وجعانى قوى مش
قادره امشى
- سليم شالها ورهف عامله زى البنت الصغيره الى متعلقه فى رقبه باباها .... قلبها تعبها مش عارفه تعانده ولا عارفه تسامحه
- رهف فى نفسها :- يا ترى مين فينا الى بيعاقب التانى يا سليم ولو انا الى بعاقبك فقلبى بقى متمرد مبقتش قادره اسيطر عليه هو ليه كده ليه بالرغم كل القسوه الى شافها قلبى منك لسه كل يوم بيخلقلك عذر اقوى من الى قبله ... ليه اتعلق بيك قوى كده لدرجه ان حبك بقى بالنسبه لقلبى مرض ... مرض بس انا حباه ... عمرى ما شفت مريض بيحب مرضه غيرى ...
وظل الصراع بين عقل رهف وقلبها لا تعلم الى من تنصاع ومن تختار ومتى سيحسم القرار هل العقل سينتصر وتحقق انتقامها ام القلب سيهزم العقل وفى هذا الصراع الموحش بين عقل رهف وقلبها احضرتنى مقوله
" ان العقل ابا القلب وان القلب لإبنا عاق ... فدع الأب يأدب ابنه "
وظلت معلقه عيناها بعين سليم وكأن جروحها شفيت تماما
ولكم ان تتخيلو فى هذه اللحظه ان الأدوار تبدلت
فمن المعتاد ان العقل هو الذى يصدر الأوامر ولاكن فى هذه اللحظه القلب اعطى اوامره للعقل بأن ينسحب حتى ولو لفتره قصيره من الوقت
- سليم وهو سرحان فى عيون رهف وبعيونه مليانه حزن وهو بيقولها :- موجوعه ؟!!!
- رهف :- طول عمرى وانا موجعه معاك بس مش عارفه ايه سبب حبى فى الوجع ده ...
تفتكر انا استاهل كل ده يا سليم
تفتكر ان من العدل ان كل الوجع ده يكون فى قلبى ؟!!!
يمكن ذنبى الوحيد الى عملته فى الدنيا انى حبيتك
كان نفسى اكرهك بس للأسف قلبى اتمرد عليا للمره المليون وحسم قراره بأنك انت مرضه ودواه .... بس عقلى مش قابل واوعدك يا سليم هخلى عقلى يتمرد على قلبى المرادى
- سليم :- اوعدك انى هعوضك
- رهف بدموع :- وانا مش قابله العوض يا سليم لأن عوضى عن الى راح مش هتعرف ترجعهولى
جالك قلب تدبحنى لما بصيت فى عنك بترجاك ... وليه يومها دموعك نزلت وكأنك مش واعى للى كنت بتعمله
انا احتارت يا سليم انا تعبت منى ومن قلبى ومن عقلى الى كل يوم بيصرخ فيا ويقولى فوقى
- سليم :- مش عارف ازاى قاومت عيونك يومها مش عارف
- رهف :- حتى عيونى الى انت كنت كل مره تستجمع قوتك وشجعاتك منهم مقدروش يشفعولى عندك ... كنت دايما تقولى لو كنت واحد كافر مليش مله او دين ووقعت فى بحر عيونك كفيل يخلينى اطلع منهم امام جامع من كتر حنيتهم
- سليم :- هتشفعيلى
- رهف :- لو كان على قلبى فهو شفعلك من زمان بس عقلى رافض .... رافض يفكر اصلا مجرد تفكير فى انه يسامحك
- رهف وسليم وصلو المستشفى ورهف جبست ايديها ورجلها كان فيها كدمات بسيطه
وسليم كان فى جرح بسيط فى راسه
************************
- الزعيم :- اخبرنى ماذا حدث
- اندرو :- مع الأسف لقد نجو منها
- الزعيم بعصبيه :- ماذا يوجد فى هذا الفتى انه كل مره ينفد من كل امر اخططه له لماذا ؟!
وكأنه محمى بقوه خارقه
- اندرو :- ماذا سيحدث الأن
- الزعيم :- لا توجد نقطه ضعف لسليم غير رهف سوف نستخدمها ضده
- اندرو :- ولاكن رهف ليست بهذه السهوله التى تتوقعها
- الزعيم بنظره شيطانيه :- ولاكننى سأصنع منها وحشا ينقض على سليم ويفترسه من دون رحمه
*************************
- يوسف بخضه :- رهف مالك
- رهف :- متقلقش يا يوسف انا كويسه
- سليم :- وانت مالك يا بارد
- يوسف غمز لرهف غمزه هى فهمتها
- يوسف :- بلاش اطمن على حبيبتى
- رهف وهى تنظر الى سليم بنظره خبيثه وتبستسم
- سليم بعصبيه شديده للغايه
ح ايه يا اخويا ولسه هينزل رهف وينقض على يوسف كالأسد
- رهف بكذب :- اااه اااه يا سليم رجلى اه دراعى مش قادره راسى هتنفجر
- سليم وهو ينظر لها بغيظ :- ما ترسيلك على حل انتى كمان دراعك الى بيوجعك ولا رجلك ولا راسك
- يوسف :- طب عن اذنكو بقى استأذن انا
- رهف :- الجبان
- سليم :- وحياه ابويا لربيكى
- رهف :- انا جعانه
- سليم :- وايه المطلوب
- رهف برومانسيه:- تجبلى اكل
- سليم :- ماشى عايزه تاكلى ايه
- رهف :- بيتزا
( رهف وهى تتحدث فى عقلها ناكل النهارده بيتزا وبعدين ننتقم بكره جامد قوى 😂)
- سليم طلع رهف على غرفتها وحطها على السرير براحه
- سليم :- لازم تغيرى هدومك دى
- رهف :- اغير ازاى يعنى بعد الى انا فيه ده
- سليم هملالك البانيو ميه سخنه واطلعلك هدومك واتحملى شويه على تفسك وخودى شور واطلعى على ما اطلبلك الأكل
- رهف دخلت اخدت شاور وطلعت لاقيت سليم جايبلها بيتزا وكل الاكل الى بتحبه
- سليم :- واقفه عندك ليه ما تيجى البتزا هتبرد وانتى بتحبيها سخنه
- رهف بحزن :- شعرى
- سليم :- ماله ؟!
- مش عارفه اسرحه
- سليم بضحك عليها
طيب تعالى با مجنونه
قعدها على السرير وجاب المشط وقعد يسرحلها شعرها
- سليم :- حلو كده
- رهف :- لاء اعملهولى ديل حصان
- سليم :- حاضر يا ستى
- وقعدو ياكلو هما الاتنين
- سليم :- رهف
- رهف :- اممممم
- سليم :- ممكن اطلب منك طلب
- رهف :- خييير
- سليم :- ممكن تنامى فى حضنى النهارده
- رهف :- ........
- سليم :- علشان خاطرى النهارده بس
رهف :- ليه ؟!
- سليم :- محتاج استرجع قوتى بيكى
بعدها رهف نامت فى حضن سليم
- رهف :- يمكن هتقولو عليا معنديش كرامه بس انا حقيقى مش عارفه اسيطر على قلبى ودا مش معنى انى سامحت سليم ... بس انا مش عارفه مش قادره لعند دلوقتى ولا عارفه اسامحه ماما لما كانت تشوفى متلخبطه كده كانت تقولى سيبى نفسك لدنيا والى عايزه ربنا هيكون
انا نفسى يكون كل الى انا فيه ده اصلا كابوس وافوق منه انا رهف واخده من اسمى نصيب كبييير قوى قلبى لا بيعرف يأذى ولا بيعرف يكره ... قلبى اتخلق بس للحب ومش عارفه دى ميزه ولا عيب
***********************
فى الصباح رهف نزلت تدور على سليم
رهف :- سليم روحت فين
جرحك عامل ايه
- سليم :- رهف
- رهف :- فيه ايه يا سليم عيونك فيها كلام
- سليم :- انا آسف
- رهف :- على اى جرح ؟!
- سليم :- على كل حاجه على كل الى راح وكل الى جاي
- رهف :- ؟؟؟؟؟؟
- سليم :- انتى طالق
- رهف :- حسيت ان فى حد قلب كميه كبيره قوى من التلج على راسى عارفين لما تتاخدو على خوانه من اكتر حد اديتوه الأمان
بس انا مدتش الأمان مره انا اديت مليون مره
انا بقيت عباره عن واحده دخلت فى الغريق وخطفها موج عالى قوى يا ترى هعرف ارجع ولا هستسلم يا ترى الى بعمله ده الصح ولا مفيش حد غيرى هيدفع التمن ... وايه الجديد ما انا طول عمرى بدفع تمن افعال مليش يد فيها
رهف بيوصف احساسها دلوقتى كوبليه من اغنيه امال ماهر
" متأكده ان مفيش كلام ينفع معاه
متأكده من انه كان ماشى برضاه
لكن بقول معرفش انا كان ماشى ليه "
ايحدث ان يشمت العقل فى القلب ويقول له ارأيت ؟!!!!
انه حالى الأن ... وكأن العالم كله اتحد على ان يلمئ قلبى بالقسوه وهذه المره لا القلب سيحكم ولا وعيونك ستشفع لك .... 💔
- لعلك منجدى
- آلاء محمد
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق