رواية قربان ابي الفصل الأول والثاني بقلم ملكه حسن حصريه
رواية قربان ابي الفصل الأول والثاني بقلم ملكه حسن حصريه
لو سمحتي يا استاذه زهره المقعد دي بتاعي! حضرتك مقعدك جمب شباك الطياره !!
زهره !!نعم !!معلش اسفه ممكن حضرتك تسبني مكانك اصل بخاف من الاقلاع يعني لغيت أم تستقر في الجو وبعدين هرجع مكاني ممكن لو سمحت ؟
اوك يا استاذه زهره هقعد مكانك معلش ممكن توسعي عشان اعدي
زهره !!حاضر اتفضل ادخل؟بصت زهره ليه باستغراب وسألته !هو حضرتك عرفت اسمي منين ؟الشاب بابتسامه اتفضلي دي الباسورد بتاع حضرتك كان واقع علي الأرض وانتي مغمضه عيونك وكان مفتوح علي الارض عشان كده عرفت اسمك منه !!
زهره !!اه فعلا وقع مني من غير ما احس !!
جات المضيفه عليهم !!لو سمحتي يا مدام اقعدي مكانك
زهره برتباك معلش اصلي بخاف شويه
المضيفه كان باين في كلامها الجديه يا مدام دي قوانين وانا مقدرش اخلفها
رد الشاب بسرعه خلاص احنا مش هنخالف القوانين اتفضلي يا استاذه زهره مكانك !!بص شاف نظره حزن في عيونها
اتكلم بهمس متقلقش انا جمبك !أول ما رجعت مكانه سألها بفضول كان باين عليه
هو حضرتك كنتي في رحله سياحيه في فرنسا ولا مقيمه هناك ؟
ردت عليه وكانت مستغربه ليه بيسال كده وهي متعرفهوش
زهره برتباك!لا انا بشتغل هناك من تالت سنين مهندسه ديكور
وحضرتك كنت في رحاله كمان ولا بتشتغل هناك ؟
رد الشاب عليها لا انا عايش هناك من زمان وبشتغل هناك بس نازل مصر عشان ازور اصدقائي واخلص شويه شغل كمان !!
الجود بقي هادي حواليهم والطياره كمان هديت بص ليها وقالها بصوت حنون
اهو يا ستي الطياره طلعت واستقرت اهدي ! متخفيش بقي كله هيبقي تمام
انتبهت زهره فعلا انها خدها الكلام معه ومنتبهتش
زهره انتبهت لكلامه وأنها منتبهتش بصت ليه وقالته !!شكرا لا حضرتك لانك شتت انتباهي عن الاقلاع !!
رد الشاب بابتسامه مع شكله الجميل وبدلته الانيقه
لا دي حاجه بسيطه اللي يشوفك يقول اول مره تركبي الطياره ؟
زهره سكتت وافتكرت اول مره ركبت الطياره كانت متوتره وخايفه ووحيده وكانت هربانه من الدينا كلها !!
انتبه الشاب لشرودها !مالك يا استاذه زهره انتي زعلتي من كلامي ولا اي
زهره !!لا لا ممكن ارتاح شويه بعد اذنك ؟
رد الشاب بابتسامه!اه اتفضلي بس نسيت اعرفك علي نفسي قبل ما ترتاحي وعدل لياقيه البدله ورد بنفس الابتسامه!
انا زياد الاسيوطي راجل أعمال ومقيم في فرنسا واصلي صعيدي وبشتغل بين مصر وفرنسا ودول تانيه !!
زهره !!اتشرفت بحضرتك يا استاذ زياد انت عارف اسمي
ممكن ارتاح بقي !دي بعد اذنك ؟رد عليها بنفس الابتسامه
ذياد !!اكيد طبعا اتفضلي !!
زهره غمضت عيونها وبدأت تسرح وافتكرت من خمس سنيين لما كانت في الجامعه قاعده مستنيه المحاضره بتهزر مع صاحبتها ببتسامتها الجميله وشعرها الطويل اللي بيطير حوليها كانت العيون مثبته عليها فجاءه جلها تلفون من أبوها عشان يبالغها باسوء خير سمعته في حياتها ؟ردت علي التلفون وكان لسه اثر الابتسامه علي وشها
زهره !الو ازيك يا اشرف بيه عامل اي حضرتك ؟
اهلا يا بنتي الحمدلله اسمعني لازم ترجعي عشان جاي يتقدملك عريس كويس جدا وانا موافق عليه !!
زهره بتعثلم عريس !! مين ده يا اشرف بيه ؟
رد ابوها كان باين عليه الاصرار في كلامه !احمد سالم شريكي في الشغل وانتي عارفه كويس يا زهره !
ردت زهره!! احمد اي يا اشرف بيه ده مش بطيقه ازي اتجوزه !!
ابوها رد بصوت جاد !!انا قولت اللي عندي ويلا ارجعي بسرعه يا زهره ولا هتشوفي اسلوب مش هيعجبك وانتي كبرتي علي مد الابد يا زهره !
ردت عليه وكان باين في صوتها الترجي علي امل انو قلبه يحن ليها !!يا بابا انا لسه بدري عليا وفاضل سنتين واتخرج
رد أبوها متقلقيش هو معندهوش مشكله انك تكملي !!بطلي حجج وارجعي يا زهره !!
ردت زهره بصوت مكسرر!!حاضر يا اشرف بيه رجعه مسافه السكه !!
ريم !صاحبتها شافت دموعها !مالك يا زهره بتبكي ليه كده
زهره !!بابا عايز يجوزني لشريكه في الشغل ودي شخص سئ وسمعته زفت وكل يوم مع وحده في الاخر اتجوزه انا !!دي انا كنت اموت يا ريم !!
انتي متعرفيش بابا ده شخص طبعه سئ بعد ما اخد فلوس ماما كلها زمان وخيارها بيني وبين انها تمشي وتسبني وهي اختارت تقعد معايا وضحت بكل حاجه كان يعملها اسوء معامله وفي النهايه اتجوز عليها وحده قد بنته خلها اتقهرت وماتت من الزعل والمرض وفي الاخر انا الضحيه الجايه !!
ريم !!اهدي يا بنتي أن شاء الله خير وتقدري تطلعي منها
زهره !!يارب يا ريم يارب انا مش ناقصه !!احمد ده شخص حقير سمعته كلها سوده مش عارفه بابا بيشتغل معه ازي
سالت ريم !!ليه يا زهره مش بتقوليله بابا ودائما تقولي اشرف بيه
زهره !!عشان هو ما يستحقش الكلمه هو شخص قاسي جرحني كتير وبسببه اتحرمت من ماما وانا صغيره
ربنا ينقذني منه ومن احمد الزفت ده كمان ؟وحضنت ريم وفضلت تبكي في حضنها علي فقدها لامها وعلي ابوها اللي عايز يجوزها غصب عنها !!طلعت من خضن ريم وفضلت تجري لمخرج الجامعه ؟؟
تتوقعو زهره هتجوز فعلا احمد ولا هتقدر تهرب من ابوها
الفصل الثاني
#بقلم -ملكه ـحسن
#قربان- ابي
كانت زهره بتجري في حرم الجامعه منهاره وشعرها بيتطاير حوليها كل اللي يشوفها يحس بالشفقه عليها
كانت ريم بتجري وراها وبتنده عليها بصوت عالي
زهره استني يا بنتي رايحه اوعي تعملي في نفسك حاجه استني يا مجنونه زهره يا زهره وهي في عالم تاني كله حذلان وقهر كانت بتجري ومش شايفه قدامها غير عالمها اللي بنته بعيد عن ابوها بينهار
باك
ذياد بصوت حنون استاذه زهره اصحي يا استاذه زهره انتي بتبكي وانتي وناىمه شكلك شوفتي كابوس
!قامت زهره مخضوضة ودموعها مغرقه وشها ولقيت زياد قدامها باصص ليها بشفقه انتبهت عليه
عدلت زهره من قاعدتها وقالت بهمس !في اي يا استاذ ذياد
رد ذياد بحيره شكله في ماضي مسيطر علي حياتك عاملك ازعاج حتي في منامك ؟لدرجه دي كان مؤلم يا زهره
ردت زهره بسرعه لا مفيش حاجه ولا كابوس ولا ماضي هاا في اي مصحاني عشانه غير الكابوس ؟
انتبه ذياد لكلامها اللي فيه نوع من السخريه!الاكل جيه من بدري يلا كلي لسه الطريق طويل والرحله لسه في أولها فوقي وكلي يا مدام
ردت زهره بنفس السخريه!!تسلم بس انا مليش نفس للاكل
رد ذياد بسرعه !معلش عشان يبقي عيش وملح زي ما بيقولو!
زهره كان عجبها اهتمامه أول مره حد يهتم بأكلها من بعد ما امها ماتت ردت عليه بصوت حنون!حاضر يا استاذ ذياد هاكل !!
وشرعت زهره في الاكل اللي كان عباره عن لقمتين
زهره مسكت منديل ومسحت أيدها ! الحمدلله شبعت
ذياده !!اي ده انتي مكلتيش حاجه
زهره بنفس الصوت !!لا شبعت شكرا لا هتمامك هرجع ارتاح تاني عشان مرهقه شويه ممكن ؟
رد ذياد ! ماشي اتفضلي كملي نومك ؟
زهره غمضت عيونها ونامت بغمق كأنها اول مره تنام من وقت ما امها ماتت شعرت بالامان فى وجود ذياد كانت نظره عيونه دافئه كلها احتواء لزهره علي الرغم أنو اول مره تشوفه وتكلمه !!
غمضت عيونها افتكرت لما رجعت البيت منهاره فضلت تقوي نفسها عشان تبان قويه قدام ابوها دخلت من باب الفلا لقيته في انتظارها
زهره بصوت قوي خير يا اشرف بيه وليه طلعت في دماغ احمد الزفت ده انو يطلب ايدي وانت عارف اني بكرهه
قام اشرف من علي الكرسي وصرخ فيها!!اخرسي قطع لسانك احمد ده هيعشك هانم في قصره وهيعمل منك ست يا بنت مني .
زهره بدموع ازي تجوزني لواحد صايع وبتاع ستات وكل يوم مع وحده شكل وغيرالامكان المشبوهة لا بيروحها ويا عالم يمكن هو اللي فاتحها علي حسابه كمان وتابعه ليه
رد اشرف بحزم قولتلك اخرسي دي شريكي في الشغل واتفقنا أن يكون بينا نسب وانا استحاله ارجع في قراري ام توافقي أو هدفنك جمب امك يا زهره ومعندكيش اختيار تاني
زهره بصوت عالي حرام عليك عايز تموتني زي امي انا مش موافقه ولا هكون زيها اتجوز واحد كل يوم داخل عليا بوحده شكل !ضربها بالقلم علي وشها بقوه لدرجه انها وقعت في الأرض وبصوت عالي
اشرف !جهزي نفسك بكره كتب الكتاب والفرح كمان يا زهره عشان طوله لسانك خليها تنفعك
ومشي وسأبها منهاره في الأرض بتبكي ومقهوره
زهره بدموع !حسبي الله ونعمه الوكيل حسبي الله وانهارت
في الارض!!
قامت تجر في نفسها وطلعت اوضتها ورمت نشاطها علي الارض واترمت علي السرير على أمل انها تنام ماتصحش تاني وتروح عند امها
تاني يوم الصبح كانت نائمه في سريرها وعيونها منفوجه من كثره البكاء سمعت صوت جاي من تحت فعرفت أنو دول بتوع ديكور الحفله كانت حابسه نفسها من امبارح بدون اكل وأبوها حط ليها حرس في كل مكان في الفيله عشان متفكرش تهرب وتكون الفكره مستحيله ليها !
دخلت عليها وحده من اللي شغالين في البيت وكانت في أيدها في حاجه كبيره ماسكها وقالتلها بصوت باين فيه الشفقه
زهره هانم دي الفستان بتاعك وبتاعت المكيب مستتيكي بره تلبسي عشان اشرف بيه قال قدامك ساعتين بس علي معاد الفرح وكتب الكتاب
كانت زهره شارده وفي عالم تاني كررت الخادمه كلامها زهره هانم سمعاني !؟
ردت زهره بصوت مكسوردخلها !دخلت و كانت وقتها زهره لبست الفستان اللي كان بنسبه ليها بدله اعدام وفرشه المكيب كأنها بتحط مائه نار علي وشها خلصت وكانت جميله جدا بس حزينه بصت لنفسها في المرايه كانه ملفوف حبل حوالين رقبتها وحد بيخنقها دخل ابوها عليها وكان ماسك دفتر المأذون في أيده
اشرف بصوت جاد !!كله يطلع بره !وخرج كل اللي كان معها في الاوضه وطلع سلاحه وحاطه في دماغها
اشرف بتهديد ام تمضي علي الدفتر أو طلقه تريح الكل منك
كانت زهره بتبص ليها نظرات جامده كلها كره
تتوقعو زهره هتقابل انها توقع علي الدفتر ولا هتضرب بالنار شاركو معايا رائيكو في التعليقات ♥️ 🫶
تعليقات
إرسال تعليق