رواية حب لا يجوز شرعا الفصل الحادي وعشرون والثانى وعشرون والثالث وعشرون الأخير بقلم ورد سليم
رواية حب لا يجوز شرعا الفصل الحادي وعشرون والثانى وعشرون والثالث وعشرون الأخير بقلم ورد سليم
حب لا يجوز شرعاً
٢١ و ٢٢ قبل الأخير
مروان.. اهدي يا جاسر وان شاء الله هتبقي كويسة
جاسر بحزن.. اهدي ايه بس يامروان دي بقالها 4ساعات في العمليات.... واخذ يبكي... انا مستحيل اسامح نفسي لو جرالها حاجة
مروان.. متعملش في نفسك كدة يا جاسر وادعيلها هي محتاجة لدعاك دلوقتي
جاسر.. ربنا يستر ياااااارب خليك معانا
و
بعد مرر كمان ساعتين
جاسر قاعد قلقان بس فجأة افتكر مروان ازاي راحلهم
...مروان انت عرفت مكانا ازاي
وقبل مروان ما يرد خرج الدكتور وجري عليه جاسر
جاسر بخوف باين جدا فعنيه.. ها يا دكتور مها عاملة ايه
الدكتور
وقبل مروان ما يرد خرج الدكتور وجري عليه جاسر
جاسر بخوف باين جدا فعنيه.. ها يا دكتور مها عاملة ايه
الدكتور.. الحمدلله قدرنا ننقذها بمعجزة من عند ربنا.. للاسف قلبها وقف واحنا في العمليات بس بالتاكيد ربنا بيحبها عشان كدة نجاها بس هي هتفضل في العناية لغاية ما تشد حيلها
فاغمض عينيه بارتياحية واخذ نفسا عميقا وكانه لم يتنفس منذ بعدت عنه وجلس باقرب مقعد بجانبه والدموع تتساقط من عيناه بعد ان كانت متجمدة اثر الصدمة وكانها كانت مرتبطة بقلب حبيبته
جاسر..الحمدلله
مروان.. طيب خلاص بقا اهدي ما الدكتور قالك امها فاقت ملهوش داعي اللي انت بتعمله في نفسك ده
جاسر بصوت ضعيف.. مش مصدق انها كانت ممكن تروح مني دلوقتي والحمدلله ربنا نجاها
مروان اخده فحضنه.. خلاص يا حبيبي اهدى هي خلاص تمام وكلها كام يوم وتطمن عليها اكتر
جاسر.. ياريت يامروان
وبعد شوية مها خرجت ودخلوها العناية وكان الصبح طلع وهما واقفين قدام العناية المركزة جالهم الظابط شريف
شريف.. السلام عليكم ورحمة الله وبركاته
مروان وجاسر.. وعليكم السلام ورحمة الله وبركاته
مروان.. خير يا شريف باشا في حاجة
شريف.. لا ابدا خير انا بس كنت جاي علشان اخد اقوال جاسر بيه في اللي حصل امبارح علشان نقفل القضية
وفعلا اخد اقوال جاسر وعرف منه اللي حصل معاهم واستاذن مروان انه يروح معاه البيت علشان البلاغ اللي جالهم من والدته ان البودي جارد لقيتهم مقتولين
مروان.. ازاي ده حصل ومكلمتنيش ليه هي ولا مني
وطلع تليفونه وفعلا لقاهم رانين عليه فوق ال50مرة
..دول فعلا كلموني بس اكيد انا كنت مشغول معاك يا جاسر خلاص خليك هنا جنب مها وانا هروح مع شريف باشا
جاسر.. مش هتفهمني انت جيتلنا ازاي
مروان.. بعد يا سيدي ما سمعت كلام حضرتك الاهبل في العقاب ومش عقاب طلعت فوق واتكلمت مع مني وقررت اننا نبعد عن بعض وطبعا مقدرش اخليها تسيب البيت فخرجت انا بنية اني انا اللي هسيب البيت ومشيت وانا مش عارف هروح فين لغاية ما قولت هروح عند مازن وبعدين افتكرت ان مازن اتجوز ومراته عنده في البيت وساعتها بس....
جاسر.. ساعتها ايه؟ انطق
مروان.. ساعتها فضلت اسب والعن فيك انا كان مالي ومال العقاب والكلام اللي انت قولته وليه مشيت وراك وبصيبت لنفسي بصة... بصة اني راجل هزوؤ اني مشيت وراك ما مازن ابن المحظوظة قاعد ومراته معاه وقاعد مبسوط وانت هتنام في سريرك وانا همشي تايه زي اطفال الشوارع كدا وبردو فضلت اسب والعن فيك تاااااني وقررت اني مامشيش وراك فحاجة ابداااا واني ارجع ابات في سريري بس زي متقول خروجي من البيت وقتها كان في صالحك وانا راجع شايف ناس خارجة من الفيلا وشايلينكم انت ومها وكانكم مغيبين بس المشكلة اني عقبال ما كنت هنزل من العربية وارحلكم كانوا هياخدوكم ويجروا ولو بينتلهم نفسي بالعربية اني حد تبع اهل الڤيلا مش عارف ايه العواقب اللي هتترتب علي كدة فقررت امشي وراهم بسرعة من غير ما يخدو بالهم وبلغت شريف باشا وجه علي طول الحقيقة والباقي انت عارفه
جاسر.. طيب كويس اني كنت سبب انك تخرج وقتها
مروان.. طيب هضطر اسيبك انا دلوقتي علشان اروح اطمن علي ماما والبنات
جاسر.. ماشي
مروان.. اتفضل يا شريف باشا
شريف.. اتفضل
*********************
(((((((((((((((((((في بيت مازن)))))))))))))))))))
الصبح بدري سلمي قاعدة في الصالة لوحدها
مازن.. صباح الخير يا حياتي ايه صاحية بدري ليه كدا وقاعدة لوحدك طيب كنتي صحتيني اقعد معاكي
سلمي.. انا اصلا مجاليش نوم النهاردة مش عارفة قلقانة قوي كان في حاجة قلبي مش مرتاح حتي ماما يدوب لسة نايمة بقالها ساعة
مازن.. لا متقلقيش طول ما انتي معايا.. وبعدين ده يرضي ربنا اللي انتي بتعمليه ده
سلمي.. ايه؟
مازن.. يا مؤمنة يعني كدا ينفع ع الصبح
سلمي.. ايه يا مازن وحياة ربنا ما عملت حاجة
وقرب منها شوية.. يعني ينفع كدة كل مرة اشوفك فيها الاقيكي بتحلوي اكتر من المرة اللي قبلها
سلمي راحت خبطاه علي كتفه.. انت رخم ع الصبح
مازن.. هههههههههههههههههههههه تسلم ايدك اسيد المعلمين
سلمي.. متكلمنيش تاني
مازن.. مقدرش ولا انتي تقدري
سلمي.. خضتني
مازن.. هههههههههههههه يعني هو انا ليا حد غيرك علشان اخضه ربنا يخليكي ليا واخضك علي طول
كانت وداد صحيت من النوم وجات
وداد.. صباح الخير يا حلوين صحيين بدري يعني اومال ماما عاملة ايه يا سلمي
سلمي.. تمام يا طنط الحمدلله هي بس لسة نايمة بقالها حوالي ساعة
وداد.. ربنا يكون فعونها اكيد معرفتش تنام طول الليل طيب احضرلكم فطار خفيف بقا
مازن.. لا ياماما انا عايز اكل كيكة برتقااااااال من ايد سلمي
وداد بمزاح .. اشمعني يعني من ايد سلمي ما انت طول عمرك بتاكلها من ايدي
مازن.... اهلاااااااا ابتدينا شغل الحموات ومع ذلك اصلي طول عمري اعرف ان العيلة دي بتعمل كيكة جميلة جدا فكنت عايز اطمن علي مستقبل معدتي
وداد وسلمي ضحكوا علي كلام مازن
سلمي.. طب ايه رايك انا مش بعرف اعمل اصلا اكل
مازن.. كدابة طبعا انتي ناسية اني واكل من ايدك قبل كدا
وداد.. طب ايه رايكم انتو الاتنين تبطلو غلبة وتدخلو المطبخ تعملوها مع بعض عقبال ما اخد دوش سريع بس ياريت سكر خفيف
مازن.. على فكرة بقا ياامي انا مضطهض في البيت ده انتي عاملة انتي وهي تحالف عليا
سلمي.. ايوة عاجبك ولا لا
مازن.. لا ازاي ده انا يعجبني واجيب ناس يعجبهم كمان وبصوت واطي انا اللي جبتو لنفسي كان لازم اتسحب من لساني واقول عايز كيكة
ودخلو المطبخ يعملو الكيكة في جو جميل ما يخلاش من المشاعر الجميلة
************************
في الفيلا شريف راح واخد اقوال جهاد وسهي ومني في اللي حصل وكانت سهي اخر واحدة فيهم
شريف.. انسة سهي عايزك تحكيلي اللي شوفتيه كله
سهي بتعب.. انا معرفش حاجة اصلا محدش شاف حاجة احنا طلعنا الجنينة مع بعض واتفاجئنا باللي حصل
كان مروان طلع فوق علشان يطمن علي مني طبعا وجهاد لما لقيتها كدا راحت تجيبلها عصير او اي حاجة تشربها
شريف بخضة .. انتي كويسة خلاص لو مش قادرة تتكلمي بلاش
سهي.. انا بس من ساعة ما شوفت منظر الدم وانا تعبانة شوية
شريف.. الف سلامة عليكي.. هو انا ممكن اسالك سؤال
سهي.. اتفضل
شريف.. هو انتي مرتبطة
*******************
عند مروان ومني فوق
مروان.. انتي طلعتي ليه في حاجة حد عملك حاجة
مني.. يعني خايف عليا
مروان.. اومال اخاف علي مين
مني.. لو بتخاف عليا بجد مكنتش خرجت من البيت وسيبتهولي ومشيت
مروان.. مش وقته يا مني انا طالع اطمن عليكي
مني.. مع اول مشكلة بينا سيبتلي البيت ومشيت اومال سيبتلي انا ايه اعمله لما ازعل واغضب منك
مروان.. خلاص يا مني احنا الاتنين غلطنا
مني.. بس انا ماسيبتلكش البيت ومشيت
مروان.. كنت عايز ابعد احسن ما ازعلك او تزعليني يامني
مني.. وهي دي طريقتك بقا في حل المشاكل بينا الانسحاب والهروب
مروان.. قولتلك مكنتش عايز ازعلك مني وقتها وبعدين مكنتيش لوحدك اللي زعلانة تعرفي بعدك عني معناه ايه
كل حاجة بتبقا ملهاش طعم ولا لازمة يا مني من غيرك من غير وجودك جنبي ومعاية وانا حاسس ان احنا كويسين مع بعض ده احسن شعور عندي في الدنيا علشان كدة اختارت اني احرم نفسي منك علشان مغلطش في حقك تاني وانا معترف اني غلط لما سمعت لحد عنك كلمة
مني.. ومفكرتش انك هتحرمني انا كمان منك
مروان.. لانك غلطي نفس غلطتي
مني قعدت تعيط
مروان راح واخدها فحضنه.. خلاص.. خلاص بقا انتي عارفة اني بتعفرت لما بشوفك بتعيطي متزعليش.. خخلاص انا غلطان ومش هسيبلك البيت تاني..خلاص بقا طب والنبي قوليلي واحدة يا فندم من بتاعة زمان وحشتني قوي..
مني ساكتة وبتعيط بردو
مروان بمشاكسة.. طب والنبي اديني حتة كدة من العسكري مني بتاع زمان
مني خبطتطه فدراعه.. انا عسكري
مروان... انتي حكومة قلبي وياريت تقبضي عليا دلوقتي
مني.. ومين قالك انك مش مقبوض عليك انت يا استاذ واخدت حكم مدى الحياة.
مروان... ههههههههههه ماشي وانا موافق..... بحبك
مني.. وانا كمان
مروان.. انا بقول اني محتاج لتشديد العقوبة
مني.. ههههههههههههههههههههههه
مروان.. يا دين النبي احنا نهارنا ابيض انهاردة ولا حاجة
********************
عند سهي و‘شريف
سهي.. هو ده من ضمن الاسئلة
شريف باحراج.. احم لا بس... كنت بسال بس
سهي.. امممممم ع العموم يا سيدي لا مش مرتبطة
شريف لنفسه.. انطق يا لطخ متخليش الفرصة تفوتك
..سهي انا معجب بيكي من اول مرة شوفتك فيها
وهنا جت جهاد بالعصير وسهي اتوترت جدا وطبعا مردتش علي شريف ولا هو كمل كلامه بس خلص شغله معاهم ومشي واليوم عدى وام مها عرفت اللي حصل وراحلهم كلهم
**************************
)))))))) في المستشفي))))))))
كلهم موجودين واحلام وسلمي مش مبطلين عياط
مازن.. يا جماعة خلاص بطلو عياط احنا اطمنا عليها الحمدلله
احلام بعياط.. بنتي كانت هتضيع مني
وداد وهي بتطبطب عليها.. والحمدلله هي بخير يبقي نحمد ربنا
مازن.. خد سلمي فحضنه وبيطبطب عليها خلاص بقا ليه الدموع دي ما الدكتور بنفسه جه طمنكم عليها
جهاد.. الحمدلله انها جات علي قد كدة
عدي تلت ايام ومها مش بتفوق وجاسر مش بياكل ولا بيشرب ولا بيفارقها غير بيروح الحمام ويتوضي ويصلي وهو جنبها.. الوضع بقا سخيف قوي بالنسباله كل ما يقربلها يحصل حاجة تبعدها عنه وقرر جواه قرار وقال لازم ينفذه اول ما يطمن عليها
مها فاقت لقت جاسر قاعد قريب منها وهو اول ما حس انها فاقت فرح جدا
جاسر.. مها يا حبيبتي حمد الله ع السلامة اخيرا
مها.. جااسر انت بخير
جاسر.. انا بخير يا قلبي طول ما انتي بخير
مها.. هو ايه اللي حصل انا اخر حاجة فاكراها......
جاسر.. شششششششششش متتكلميش دلوقتي انتي لسة تعبانة.. سيبيني انا اتكلم........ يمكن كل حاجة حصلت معانا مكانتش فصالحنا يمكن كنت كل ما اقرب منك خطوة تحصل حاجة تبعدنا ميل موضوع جوازك ودلوقتي بعد ما اتطلقتي وكنتي هتضيعي مني بعدها ...بدات اخاف عليكي مني انتي كل ما اقربلك خطوة بيجرالك حاجة وانا مصدقت انك بقيتي كويسة ...مها بجد انا خايف دلوقتي عليكي اكتر من الاول علشان كدا...................... انا اللي لازم ابعد عنك الحمد لله اني اتطمنت عليكي اشوف وشك بخير
يمكن جاسر طلع غبي هنا لما كلمها وهي لسة تعبانة بس هو كل قصده انه يبعد عنها اي شر هيجيلها من ناحيته بس ميعرفش ان بعده عنها ذات نفسه وجع.
وسابها وخرج برا الاوضة قبل ما ترد عليه
سلمي.. جاسر مها عاملة ايه
جاسر.. كويسة تقدرو تدخلولها هي فاقت
ودخلو كلهم يطمنوا علي مها ولقيوها بتعيط بس محدش فاهم في ايه وقالو يمكن تكون تعبانة مكان الجرح ولا حاجة
بس مازن ومروان بيبصوا لبعض وحاسين ان فيه حاجة مش طبيعية
بعد ما اطمنوا عليها وقعدوا 3ايام بيروحو لمها المستشفي وطول النهار معاها وسلمي بتبات جنبها ومفيش حاجة جديدة حصلت احلام جالها تليفون من واحدة جارتهم قالتلها ان جوزها تعبان و خدوه علي مستشفي جنبهم واحلام راحتلو هي وسلمي ومازن
**************
اما جاسر من ساعة ما قال لمها الكلام ده خرج ‘ومحدش عاااااارف راااااااح فين ولا حد عارف يكلمه لانه قفل تليفونه وقرر يبعد عن الجميع بعد ما اطمن عليها ......................
ـــــــــــــــــــــــــــــــــــــــــــــــــــــــــــــــــ
حب لا يجوز شرعاً
بعد ما اطمنوا عليها وقعدوا 3ايام بيروحو لمها المستشفي وطول النهار معاها وسلمي بتبات جانبها ومفيش حاجة جديدة حصلت احلام جالها تليفون من واحدة جارتهم قالتلها ان جوزها تعبان و خدوه علي مستشفي جنبهم واحلام راحتلو هي وسلمي ومازن
**************
اما جاسر من ساعة ما قال لمها الكلام ده خرج ‘ومحدش عاااااارف راااااااح فين ولا حد عارف يكلمه لانه قفل تليفونه وقرر يبعد عن الجميع بعد ما اطمن عليها ......................
*********************
في بيت فوزي بعد ما رجعو من المستشفي وعرفو انه اخد جرعة مخدرات زيادة هي اللي تعبته وكان هيموت فيها..
مازن.. حمدالله علي سلامتك يا عمي
فوزي بدموع.. الله يسلمك يا ابني مع اني مستاهلش اللي انتو عملتوه علشاني
احلام.. خلاص يا ابو مها متعملش فنفسك كدة المهم دلوقتي ان احنا اطمنا عليك
فوزي.. لسة خايفين عليا بعد كل اللي عملتو معاكم
سلمي.. احنا ملناش غيرك يا بابا مهما عملت هنفضل نحبك ونخاف عليك
واخذ يبكي فوزي علي ما فعل بهم وما كان سيفعل
مازن.. خلاص ياعمي هما مسامحينك وفي الاول والاخر انتو اهل
احلام.. انا هقوم احضرلكم لقمة انت مكلتش من الصبح يا مازن
وقامت احلام تحضر الاكل ومازن وسلمي خرجو برا الاوضة وسابو ابوها يرتاح شوية وراحو الصالون
مازن.. طيب كدا المفروض مها هتخرج النهاردة ايه العمل دلوقتي
سلمي.. مش فاهمة العمل في ايه؟
مازن.. يعني هتخرج علي هنا ولا علي بيتها
سلمي.. هنا بيتها هتروح الڤيلا لمين اللي كانت متجوزاه اهو غار في داهية وحتي لو كان عايش هو اصلا مطلقها والاستاذ جاسر زي ما انت شوفت مشي وسابها وهي اصلا نفسيتها تعبانة ع الاخر فاكيد هتيجي علي هنا
مازن.. امممم طيب وانتي...
سلمي.. انا ايه.. ؟
مازن.. مش هتيجي معايا
سلمي.. انت شايف ايه.. الوضع دلوقتي غير الاول وكمان بابا تعبان وزي ما انت شايف وكمان احنا اخدنا اهم خطوة فحياتنا وكتبنا الكتاب يعني مفيش قلق يعني مفيش داعي اني اروح اقعد فبيتك تاني دلوقتي بعد الفرح بقا
مازن.. بعد الفرح بقااا.. طب وجاية علي نفسك ليه كدا ما تسيبيني اعمل الفرح وخليكي انتي قاعدة هنا
سلمي.. ههههههههههههههههه خلاص اللي انت عايزه
مازن.. انا عايزك تروحي معايا انا اخدت عليكي فالبيت وحبيت اوضتي علشان انتي كنتي قاعدة فيها مش متخيل اني ارجع من غيرك
سلمي.. معلش كلها كام شهر ونعمل الفرح واجي اقعد معاك علي طول
مازن... نعععععععععععم يا اختي هو ايه اللي كام شهر انا خلاص الشقة بتتشطب وكلها ايام
سلمي.. هههههههههههه وطي صوتك انت مجنون
مازن.. اه مجنون بيكي
سلمي.. ما ينفعش يبقا مها تعبانة وبابا عيان ونروح نعمل فرحنا حتي فرحتنا مش هتبقي كاملة
مازن.. طب والعمل دلوقتي انا عايزك معايا علي طول
سلمي.. الحل ان احنا نستني ع الاقل لما مها تخف وتبقي كويسة
مازن.. اوووووووووووووووووووف
سلمي.. بتقول حاجة يا حبيبي
مازن.. لا يا حياتي يالا علشان ناكل
وخرجو اتغدو ومازن خد سلمي وراحو جابو مها من المستشفى جهاد كانت عايزاها تروح معاها بس مها كمان رفضت وروحت بيتها وفرحت ان باباها رجع كويس معاهم وبيعاملهم كويس بس يفضل في قلبها وجع جاسر اللي طافي الفرحة في عنيها
*************************************
يبقي الحال كما هو عليه بتعدي الايام علي مها وكل يوم جرحها بيزيد مش بيخف مازن خلص شقته ومستني مها تخف علشان يعمل الفرح مروان ومني بقو كويسين مع بعض ومفيش حاجة بينهم غير الحب ورجعو يثقو فبعض تاني شريف اتقدم لسهي وهي وافقت عليه بس مروان مرضيش ع الخطوبة غير لما جاسر يرجع مازن ومرو‘ان قالبين الدنيا علي جاسر بس مش لاقيينه
**********************************
عدى 3شهور وجاسر فص ملح وداب يا تري جاسر فين 😰
جاسر فين😨 جاسر فين 😩اهو👈جاسر👈هناك👈اهو
👈جاسر سابلهم الدنيا كلها وراح قعد في الشاليه بتاعهم اللي بيصيفو فيه ليه بقااااااا
فلااااش بااااك
لانه جاسر قعد جنب مها 3ايام من غير اكل ودايما بيعيط وزعلان ولغاية ما تعب تالت يوم الصبح واغم عليه والدكتور دخل فوقه وطلب منه تحاليل يعملها في نفس المستشفي وفعلا راح جاسر عمل التحاليل وبعدها خرج وبص لقي ممرضة جاية بتديلو نتيجة التحاليل
جاسر.. بس انا لسة يدوبك عامله هو لحقت النتيجة تطلع
الممرضة.. معرفش يا فندم الدكتور قالي انادي لحضرتك مش انت اللي لسة خارج من المعمل
جاسر.. اه فعلا انا لسة خارج ماشي شكرا
واخد منها الظرف اللي فيه التحاليل وفتحه وقري النتيجة وللاسف كانت مرض خبيث وفاخر مرحلة ويدوب قدامه ايام جاسر اتصدم وقعدرعلي اقرب كرسي جنبه وكل حاجة مشتتة قدامه مش عارف يفكر وفلحظة كان اخد قرار انه يبعد عن مها قبل ما يقرب تاني وساعتها هيبعد بعد ما هي تتوجع تاني عليه وحصل اللي انتو عرفتوه
بااااااااااك
جاسر لنفسه.. يا تري يامها عاملة ايه ولسة بتحبيني ولا نسيتيني بس انا حبيت ابعد عنكم علشان معذبش حد معايا
*************************************
في الشركة
مازن.. انا مش عارف اخوك الغامض ده هيفضل مختفي لحد امتي ده انا قولت اول ما مها تفوق هيجيب المأذون ويكتب الكتاب علي طول مش يخفي كدة
مروان.. مش عارف ده انا قالب عليه الدنيا وبردو....... استني كدة .. انا حمار يا مازن
مازن.. لا يا مروان متقولش كدة يا جدع
مروان.. اسمع مني اللي بقولك عليه
مازن.. ياعم عيب كدا مينفعش
مروان.. بقولك انا حمااااااااار
مازن.. انت حيوااااااان يا مروان ارتحت
مروان.. انت بتشتمني يالا
مازن.. يابني مش انت اللي عايز. ها قولي حمار ليه
مروان.. لاني ناسي الشاليه بتاع اسكندرية وراح عن بالي خاااالص.. مع اني لما كنت مدايق بردو جريت عليه
مازن.. انت حمار يامرواااااااااان
مروان.. ماخلاص انت هتستحلاها
مازن.. طب يالا قدامي بسرعة اركب هنروح بعربية واحدة
مروان.. يالا بسرعة
*****************************
(((((((((((((((((((((في بيت فوزي))))))))))))))))))))
احلام.. يا حبيبتي طب اشربي حبة شوربة بس
مها بضعف.. لا يا ماما مش قادرة بجد
سلمي.. بلاش دلع يا مها وكلي وشك بقا اصفر
مها.. لا مش قادرة خلاص معلش شيلي الاكل يا ماما
احلام سابتهم وقامت تدخل الاكل وهي زعلانة علي بنتها
سلمي.. وبعدين يامها هتفضلي كدا كتير
مها.. هعمل ايه يا سلمي اديني عايشة
سلمي.. انتي خلاص خفيتي اخرجي واتنططي وارجعي زي الاول
مها بصتلها وسكتت
سلمي.. خلاص يا مها مرحلة فحياتك وخلصت اتخطيها وعيشي حياتك وبكرا ان شاء الله تقابلي الاحسن من..........
مها.. سلمي لو سمحتي كفاية انا مش عايزة اقابل حد المهم دلوقتي مازن جهز من زمان وحتي بدلته وفستانك جاهزين معملتوش فرحكم ليه
سلمي.. كنا مستنيينك يا ستي علشان تقوميلنا بالسلامة انتي وبابا
مها.. طب وخلاص قومنا الحمدلله ليه معملتيش الفرح لازم تكلمي مازن وتحددو معاد الفرح بقاا
سلمي.. وهو ما هيصدق
مها.. هههههههههههههه
سلمي فنفسها.. يعني دلوقتي اقولها ان الفرح بكرا ولا اخليها مفاجأة زي ما مازن قلي انه ممكن يجيب جاسر... لا خليها مفاجأة مها مفرحتش من زمان انا اخدها ونجيب الحاجات اللي ناقصاني دلوقتي واعمل حسابها معايا من غير ما تعرف
سلمي.. اخيرا ضحكتي يالا البسي بقا وخلينا نخرج نتمشي شوية
******************************
((((((((((((في اسكندرية))))))))))
فى الشاليه عند جاسر .
..قاعد بيشرب قهوته المفضلة وهو متمد على الفراش وينظر للفراغ.
فالخارج ..
مازن.ها معاك مفاتيح الشاليه ولا نخبط
مروان..استنى بس بدور اهو
وطلع المفاتيح وفتح الباب ودخلو
..االمكان ساكت خالص
مازن .شاليه دا مسكون ولا ايه الله يخليك.انا عريس عايز ادخل دنيا مش اخرج منها.
مروان.ياخى اتلهى مسكون ايه بس تعالا نطلع فوق.
ولسة هايطلعو على السلم سمعوا صوت من وراهم.
_انتو ميين( نطق بها جاسر )
انتفض كل من مازن ومروان
مروان ..ياخى حرام عليك الواد قطع الخلف
مازن ..اااااه الحقينى ياما مستقبل ابنك ضاع.يالهووووى. هههههههه
..سلموا على جاسر وطلعوا يقعدو فالهوا شوية
مروان. ايه بقى ياعم مختفى ليه كدا بذمتك انت عندك دم انت يعنى بدل ماتفرح انها قامت بالسلامة تقوم توجعها كدا تانى .
جاسر..محدش عارف حاجة كدا احسن
مازن.. احسن ايه انت بتفكر ازاى .يالا قوم غير هدومك واحلق دقنك دى وتعالا معانا حالا.
جاسر.. انتو مش فاهمين حاجة انا مينفعش ارجع تانى افهموا بقا.
مروان بنبرة يشوبها القلق..
_ليه يا جاسر .فيك ايه
حكى لهم جاسر كل حاجة بالتفصيل وانه مريض ومينفعش يرجع تانى ويكون سبب الم مها وامه من جديد.
مازن بصدمة. انت بتقول ايه ازاى دا لالا مستحيل
مروان.التحاليل دى فين ؟ معاك ؟
اومأ جاسر برأسه.
مروان ..قوم هاتها حالا.
وبالفعل جابلهم التحاليل ورجع قعد تانى تحت نظرات الصدمة والحزن فى عيون مازن ومروان
وفجأة.
اااااااااااااااه يابن ال تييييت
انتفض جاسر اثر سماع اخيه يصرخ هكذا.
جاسر.. مالك يامروان انت كويس
مالى .دا انا هروح فيك ف داهية .اتفضل اقرا كدا
اخذ جاسر الورق ولكنه تفاجئ
،اده ازاى انا انا متأكد انى قريت الاسم .ازاى
وبفرحة عارمة .يعنى انا مش مريض انا كويس
وهنا تدخل ماون..
_ لا انت كنت كويس لكن دلوقت انسااا وظلوا يركلون له الضربات تحت ضحاتهم المجلجلة.
وبعد وقت قليل.
مروان ..ها بقى يالا بينا نفرحهم بخبر رجوعك
جاسر.. معلش اعذرونى مش هاقدر احضر اى افراح على الاقل امهد لنفسى اما اظهر تانى هتصرف ازاى مع مها.
مازن ..انت لسة مصمم. عموما ياصاحبى كنت اتمنى انك تحضر فرحى وتكون شاهد على عقد جوازى مكنش العشم.
وقام وقف يالا يا مروان واضح ان مجينا ملوش اى لازمة.
وبالفعل خرجوا ورجع جاسر حزين تانى وقعد مكانه.
*******
فى العربية
مروان.متزعلش منه يا مازن انت عارف انه بيعزك اوى اعذره.
مازن..انت عبيط ازعل دا ايه انت صدقت .جاسر لازم يحضر الفرح بوكرا.
مروان بعدم فهم. مش فاهم
مازن .انا هقولك ياسيدى.
*************
تانى يوم ف فيلا مروان
يجلس كلا من مازن وشريف و مروان
.شريف..انا مش فاهم حاجة انا انهاردة خطوبتى وفرحك انت كمان ازاى عايزنى اعمل كدا.
مازن.. افهم وفتحلى مخك انت هتعمل كل دا دلوقت وتجيبو وتيجى على هنا واحنا هنظبط كل حاجة انا ومروان
شريف . طيب ولو قاوم.
مروان. انزل وخد معاك شوية عساكر هو احنا اللى هنعرفك شغلك برضه.
شريف . ربنا يستر .
مازن.. على بركة الله.
***************
يجلس جاسر فالجنينة كالعادة يتأمل السماء .
يرى حركة مريبة ومجموعة من العساكر متوجهين اليه.
جاسر.بخضة...ايه اللى بيحصل فيه ايه
يرد شريف من خلف العساكر.
_اسف يا جاسر بيه معايا امر بالقبض عليك حالٱ
هاتووووه.
حب لا يجوز شرعاً
٢٣ الأخيره
يجلس جاسر فالجنينة كالعادة يتأمل السماء .
يرى حركة مريبة ومجموعة من العساكر متوجهين اليه.
جاسر بخضة...ايه اللى بيحصل فيه ايه
يرد شريف من خلف العساكر.
_اسف يا جاسر بيه معايا امر بالقبض عليك حالٱ
هاتووووه
جاسر هنا لسة ميعرفش بعلاقة شريف بيهم ايه ولا انه اتقدم لسهي وخطوبته انهاردة
جاسر بعصبية.. هو ايه يا شريف باشا اللي هاتوه وايه هي تهمتي المرادي
شريف وهو كاتم الضحكة غصبا عنه
_اسف معيش اوامر اني افهمك ولبس نضارته.. انتو لسة واقفين خدوه ع العربية فورا
وفعلا خدو جاسر ومشيو وفي الطريق عطاه شريف علبة عصير
جاسر بغضب.. شكرا لمعروف حضرتك مش عايز حاجة انا بس عايز افهم انتو واخدني ليه وموديني فين وكمان عربية ملاكي انا مش فاهم حاجة
شريف.. اتفضل العصير الطريق لسة طويل واكيد زمانك عطشت
جاسر حس فعلا انه محتاج اي حاجة يشربها لانه ريقو نشف اصلا من الخضة وبيفكر هوممكن يكون عمل ايه وفعلاراخد منه العصير وشربه ورااااااااااااااح في النوم
شريف.. اخيرا يا اخي ده انت متعب ايه ده الواحد مش عارف ياخد اجازة حتي يوم خطوبته
وكمل طريقه للڤيلا
*************************
اهل سهي جم بدري يوم الخطوبة هما طبعا كان عندهم علم بموضوع شريف ووافقو عليه لما عرفو ان سهي عايزاه وبناءا عليه وكله مروان امرها لغاية ما يجو هما وفعلا حصل
((سهي بنت خالهم للتذكير))
***************************
اما مها وسلمي راحو الا وتيل اللي هيتعمل فيه الفرح وكان محجوزلهم اوضة علشان الميكب ارتيست تشتغل فيها ومها مستغربة جدا هما ليه بيعملوا معاها كل حاجة بيعملوها لاختها وبيعملوها معاملة العروسة....
مها.. انا مستغربة قوي هما ليه بيعملولي الحاجات دي ماسكات واي حاجة بيعملولك منها بعملولي زيها انا مش فاهمة... وبعدين تعالي هنا انتي جاية تختاري من بين فستانين انهاردة امال كنتي فين ده كله((‘الفستانين كانوا فساتين اميرات الاتنين احلي من بعض))
سلمي.. لاماهوووو........ اصل ااا...يعني..... انتي...
مها وبنظرة حادة.. سلمي في ايه انطقي..
سلمي وهي بتستخبي منها.. ايوة هنطق اهو... هو.... بصي بقا 👀👀فرحك انهاردة معايا هااا
مها.. نهاااااااارك اسوووود ومهبب علي دماااغك يا سلمي
سلمي .. لييييه.لييه.ليه بس حرام عليكي هتسوديلي اليوم ليه يا ولية ده احنا كنا عاملينهالك مفاجأة
مها.. مفاجأة سودة على دماغكم انا طلبت منكم مفاجأت ولا قولتلكم عايزة اتأندل.. وانتي ومين بقا اللي عاملينلي مفاجأة ويا تري مين عريس الغفلة اللي ههدلكم الفرح علي دماغه النهاردة.. وبصراخ.. هو ابوكي ده ايه ما بيحرمش
سلمي.. طب بس اهدي وانا هفهمك كل حاجة
مها.. انتي شاااااايفااااني مجنوووونة
في الڤيلا
كان شريف وصل وشالو جاسر طلعوه علي اوضته
مازن.. قابل بقا يا وحش
مروان.. وحش لما يلهفك يا بعيد انت سايبني ورايح فين مع جاسر لما يصحي ده مش بعيد يبلعني
مازن.. يا بني انتو فاكرني ايه لقيط ياحبيبي انا عريس مش عم عبدو البواب يابابا انا ورايا حاجات يابني ومشغوليات
مروان.. عليا النعمة لو اتحركت من هنا قبل ما يصحي لا سيبلكم الدنيا واخد مراتي وامشي وما هتعرفولي طريق جرة هي مش فكرتك يا خفيف اترزع هنا لحد ما يفوق ونشوف هنعمل ايه معاه
شريف.. ايوة خليكم كدة انتو الاتنين اتعازمو علي بعض لحد ما هيقوم يخلع زمارة رقبتي يزمر بيها انتو ناسيني ولا ايه
مازن.. يا جماعة افهمو افهم يا مروان سلمي كلمتني وقالتلي مها خاربة الدنيا هناك ومش عارفة تهديها فيبقي ايه انا اروح للبلوي اللي هناك وانتو خليكم مع المصيبة اللي هنا ما هو لازم نجوزهم بقا علشان احنا اللي نرتاح من نكدهم ده كل شوية
شريف.. طب وبعدين هنجهزوا ازاي ده عايز يحلق والمنوم اللي واخده قدامه حوالي ساعتين
مازن.. يا ابني انت مش ظابط اتصرف
شريف.. يابني انا ظابط مش حلاق
مازن.. طب اتصرف انا بقا عشان احاول اقنع مها سلام
مروان.. يا عيني عليك يامروان شكلهم هما الاتنين هيدخلو دنيا ويخرجوك انت منها مكنش يومك يا خووووياااااا
********************
(((((((((((((((في الاوتيل))))))))))))))))))))
مها.. وكمان جاسر يعني مكفكمش اللي هو عمله
سلمي.. يا مها طب اسمعي للاخ.........
مها بصراااخ.. بلا اسمع بلا اتزفت بقاااأاا
في نفس الوقت كانت جات بنت تنده عليهم لان مازن طالبهم براا وخرجوا ومازن اتكلم مع مها وفعمها كل حاجة وهي طبعا اتصدمت جدا
مها.. ولو يا مازن ده مش مبرر للي هو عمله
مازن بطريقة كوميدية.. طيب ياستي بصي حقك عليا وانتي معاكي كل الحق بس ابقي عاتبيه بينك وبينه اضربيه كسريه دغدغيه محدش هيقولك تلت التلاتة كام بس اتجوز والنبي.هئ هئ والنبي انا زي اخوكي حسي بيا يا مؤمن
مها بضحك.. طب ما تتجوز هو حد حايش وانا مالي
مازن.. الظالمة اللي جانبك دي هي اللي شارطة عليا مش هتجوز غير لما اطمن علي حياة اختي وتتجوز معايا اللي هي بتحبه
سلمي وهي بتضيق فعنيها.. هااااا بقا كدا انااا ظالمة طب ماشي يا مازن هي ليلتك مش معدية انهاردة
مازن بغمزة.. لا معدية يا قمر وبكرا تشوف...اااااالمهم دلوقتي يامها ابوس ايدك.. راحت مها مدهالو فوشه.. راح خابطها عليها..عديها انهاردة واعملي انتي فيه ما بدالك وعلي فكرة احنا عاملينهالو مفاجأة هو لسة ميعرفش
مها بتفكير.. اممممممم ماشي وحسابه هو معايا بعدين
مازن.. ايووووة بقاااااا اسيبكم انا بقا واروح اظبط حالي
********************************
في الڤيلا
وفعلا جاسر صحي من النوم وهو شبه العااااااصفة وخصوصا لما شاف شريف وكان مازن جه من عند مها
مروان.. اهد ياجاسر واحنا نفهمك ده انت لو عرفت انت االلي هتشكرنا
جاسر بعصبية.. ده انا هشرب من دمكم انتو الاتنين عاملين عليا فيلم وبالنسبة لشريف باشا حسابي معاه هيختلف تماما ازاي تيجيبوني بالطريقة دي
مازن.. ده انت غريب اوي يا اخي زعلان علشان عايزينك وسطنا ما خلاص وبطل الغاغة اللي انت عاملها دي
جاسر بغضب.. انت كمان ليك عين تتكلم يابني ادم بجح
مروان.. خلاص يا جاسر مش كدا مازن عايزك جانبه يا اخي انتو مش صحاب واخوات ولا ايه
مازن وهوبيمثل.. سيبو يا مروان الباب قدامك ياجاسر لو عايز ترجع اتفضل بس متبقاش تندم بعدين اتفضل ارجع اسكندرية تاني مستني اييييه اتفضل امشي
جاسر.. انت اهبل يالا انت اللي فبيتنا... وبعدين انت ايه اللي جايبك تلبس فبيتنا يعني مش فاهم
مازن... اهو عجبني الموضوع فحبيت هنا قوي الصراحة
جاسر.. جبلة..
مازن.. شكرا يا حبيبي يالا ادخل قيس البدلة دي انا جبتها مقاس مروان لانه مقاسك وهتعجبك ع فكرة.. (( البدلة فعلا كانت تحفة جدا بدلة سودة ب بابيون وشكلها جامدة اخر 85حاجة))
جاسر.. هو انتو ليه مش حاسين بيا انا ازاي هقابل مها انهاردة
مازن ..يا مؤمن حس بينا انت بقا مرة واسمع مني
مروان.. واضح ان انتو اللي مش حاسين بينا احنا الاتنين واحنا واقفين جانبكم
شريف بصوت واطي .. انت بتلفت انتباهه ليا ربنا يهدك
جاسر وانتبه لوجود شريف.. وحضرة الظابط ازاي مشترك معاكم في الجريمة دي
شريف بطريقة كوميدية.. احم احم معاك الظابط شريف خطيب سهي بنت خالك و ‘خطوبتنا النهاردة معاك..مروان راح خابطه في دراعه.. احم قصدي مع فرح مازن
جاسر اتفاجئ
مازن.. لا بص مش وقت مفاجأت خالص دلوقتي احنا نظبط نفسنا وندردش واحنا بنتكلم
جاسر.. وندردش واحنا بنتكلم ياخي انا مش عارف انت بتجيب معاني المفردات بتاعتك منين
وفعلا قدرو يقنعو جاسر انه يفضل معاهم بس طبعا هو ميعرفش المفاجأة اللي مستنياه
*************************************
وبسرعة الليل جه وكل المعازيم راحو ع الاوتيل اللي الفرح معمول فيه والناس اتجمعت والفرح بدا والكل مستني العرايس اما العرسان كانوا4مش3مروان كان لابس بدله جميلة جدا متقلش جمال عن بدل جاسر ومازن وشريف وكانهم نجوم منورين وجاسر مستغرب نفسه هو ليه كانه هو كمان عريس اما مني كانت لابسة فستان ازرق متزين بفصوص فضي اقل ما يقال عليه انه روعة وهما واقفين اخر السلم مستنيين العروسة.. جاسر واقف عمال يدور بعنيه بس مش لاقيها
مازن.. متدورش كتير
جاسر.. هي..هي مها مش جاية ولا ايه
مازن.. يا سلام ما انت مكنتش عايز تيجي عشان متقابلهاش
جاسر.. وجيت بس عايز اشوفها ..هموت عليها
مازن.. يعني عايز تفهمني ان كل طموحك دلوقتي انك تشوفها
..طب احكيلي كدا شعورك ايه لو كنت انت العريس انهاردة
جاسر... ياااااه انت خيالك بعيد قوي بس اكيد كنت هبقي طاير من الفرحة وبصين هما الاتنين في وش بعض
في نفس الوقت بتشتغل الزفة والناس واقفين مستنين العروسة
مازن.. طب طير بقا وشاورله بعينيه ووشه ناحية مها اللي نازلة كانها حتة من القمر جاسر بص ناحية ما مازن بيبص وكان الزمن وقف بيه مش شايف ولا سامع غيرها معقول دي مها وتنححححححححححح وهو عينه عليها
مازن نغزه فدراعه.. اتحرك خليني اخد مراتي جاية وراها
فاق جاسر علي نزول مها وهو مش فاهم اي حاجة بس كل اللي حاسه انه فعلا طاير من ع الارض ..فعلا احساس فوق الوصف
جاسر مدلها ايده وخدها من ايد ابوها وابوها رجع تاني علشان يجيب سلمي من اول السلم وابو سهي نازل بسهي سلمها لشريف وجات سلمي ومازن اول ما شافها انبهر بجمالها
وكتبوا الكتاب
*****
عند مها وجاسر قاعدين جانب بعض فالكوشة وعينه منزلتش من عليها وحاسس كأنه لسة بيحلم.
تحت نظرات مها المرتبكة .وايضٱ نظرة سعادة بس مخبياها ومصدراله الوش البلاستك.
جاسر.. انا مش بحلم صح يا مها.يعنى يعنى انتى بقيتى مراتى بجد .
مها... ساكتة وباصة للارض (تقريبا فى حاجة ضايعة منها😂😂)
جاسر.. مها
_هااا
_ ها ايه بس دنتى اللى ها .مالك ساكتة ليه.انتى زعلانة منى
_ زعلى دا اخر حاجة ممكن تفرق معاك اعتقد انه مش مهم ردى على سؤالك.
جاسر: انا اسف يا مها صدقينى كان غصب عنى انااا
قاطعته مها بوضع اصبعها على شفتيه: ششش خلاص يا جاسر متكملش انا عرفت كل حاجة .بس مكنش ينفع تمشى من غير ما تفهمنى.
امسك جاسر بيدها ووضعها على شفتيه بكل حنان.وقبلهما.
_ حقك عليا انا اسف
** ارتبكت اكثر من فعلته هذه وشعرت بأن قلبها سينفجر من كثرة نبضاته.
***********
(اما عند مازن)
ياااااااااااه اخيرا بقيتى ملكى قدام الناس كلها انا اسعد راجل فالدنيا كلها.
سلمى. على فكرة احنا كنا كاتبين كتابنا اصلا يعنى كنت ملكك .
مازن يغمز لها.. لا يا جميل ملك عن ملك يفرق.
سلمى بعدم فهم. مش فاهمة ايه الفرق.
مازن .. قبل يدها وغمزلها غمزه تسحر القلوب: ملكى اللى اقصدها دى هفهمهالك براحتنا بعدين
سلمى بأحراج. على فكرة انت شكلك قليل الادب .
مازن... انتى لسة واخدة بالك دلوقتى . لا اتطمنى انا اصلا سااافل ههههه
خبطته سلمى ف كتفه بخفه يدها. وظلوا يضحكون سويا.
**********
شريف.. احم اا هو انا قولتلك انك جميلة اوى.
سهى.. ساكتة ومكسوفة.
شريف ....مش كنا نخليه كتب كتاب بدل منا بكلم نفسى كدا حتى مش عارف امسك ايدك.
سهى.. يعنى انت عايز كتب كتاب علشان تمسك ايدى بس.
شريف بنظرة ملهمة..علشان اخدك ف حضنى مش ايدك بس.
سهى وشها احمر طبعا وقلب الوان قوس قزح.
شريف ...ههههه بس بس خلاص اهدى خليها ايدك بس
سهى بأبتسانة ساحرة.. ماشى
شريف..يارب صبرررنى.
************
جهاد ..مبروك يا احلام
احلام..الله يبارك فيكى
جهاد..شايفة الفرحة اللى ف عيونهم كنت بتمنى اشوف جاسر مبسوط كنت خايفة اموت قبل مااشوف الفرحة ف عينه زى منا شيفاها كدا.
احلام..بعد الشر عليكى ان شاء الله يفضلوا مبسوطين دايما وتشيلى عيالهم كمان
ربنا يسعدهم .
****
اما عند مروان .
سحب منى وراه وراحو ف مكان بعيد عن الانظار.
منى.. ايييه يامروان الناس بتبص واخدنى وراك كدا ليه
مروان..مراتى وانا حرر يانااااس مرااااتى .
منى ..بس بس ياخربيتك مالك
جذبها مروان اليه..مالى ايه بس انتى جميلة اوى كدا ازاى ماتيجى نعمل فرح من اول وجديد.وغمزلها
خبطته منى ف كتفه
_ اتلم يا مروان الناس تقول ايه
مروان.. يااادى الناس يابنتى انتى مراتى يعنى اصلا الناس ملهمش كلام خالص.
ابتسمت منى وبصت للارض.
مروان رفعلها وشها وبص ف عيونها وهو مثبت نظراته عليها ثم انتقلت الى شفتيها.وهمس
_ وحشتينى اوى .ولسة بيقرب .
ابتعدت منى بإحراج وجربت ناحية الناس
مروان..يخربيت جنانك هتفضحينا وجرى وراها.
_ يا منى استنى طب هقولك حاجة طب.😂
***************
((((((نروح لجااسر شوية)))))))))ونسبهم يلعبو توم وجيرى.
مها ...هتفضل تبصلى كدا كتير الناس واخدة بالها.
جاسر ..انا مش عايز حاجة من الدنيا غير انى افضل باصصلك كدا .متتصوريش انا مبسوط اد ايه .وقبل يدها.
مها ..انا كمان مبسوطة اوى.اخيرا بقيت ..وسكتت من الاحراج
جاسر.. بقيتى ملكى خلاص.مللللكى وبسسس
.وقام فجأة وسحبها من ايدها.
رايح فين يا جاسر اعقل.
طلع على الاستدچ ومازال ممسكٱ بيدها تحت نظرات المدعويين وهمساتهم.
جاسر اخد المايك من المسؤل عن ال دى چى.
وبص ل مها وجذبها اليه حتى التصقت به ودبت قشعريرة فى جسدها مع اصتباغ وجهها بالاحمر القانى.. محاوطٱ خصرها بيده واليد الاخرى ممسك بالمايك ونظراته متعلقة عليها.بدأ يغنى.
طول ما انت معايا مبقتش خلاص محتاج ولا حاجة من الدنيادي
ولقيتني بعيش احساس مش عادي ملوهش نهاية وحبك عمال يكبر جوايا فكل يووووم
..احلامي انا شوفتها صدقتها وانا بين ايديك لمستها ومعاك خلاص بقيت حقيقة بحبها
والدنيا دي انا عشتها وعرفتها يا حبيبي بيك من وقتها عايشها ليك ولا عمري مرة حسبتها.
.. بسرح بخيالي وبروح لبعيد والقاني فحضن القمر العاااالي ياحبيبي هواك بقا بالنسبالي بجد حياة هااااااا
دمعت عينها من كتر صدق احساسه ودعت من قلبها ان ربنا مايحرمهاااش منه ابدا.
خلصت الاغنية وصفق المعازيم بحرارة وقبل جاسر رأسها واحتضنها .
_بحبك
_ وانا كمان بحبك اوى.
***************
مازن شايفة واحنا اللى فاكرينه غلبان طلع مش سهل ابدااااا
سلمى. ربنا بخليهم لبعض شكلهم جميل اوى انا مبسوطة لمها اوى يا مازن.
مازن.. طب تعالى بقى اشمعنا هو وجذبها من يدها وطلع على الاستدچ.تحت الحاح سلمى
يالهوووى يامجنون لااااا
بصلها مازن بحب واخد المايك وهمس للراجل ف ودانه .
وفجأة اشتغلت الموسيقى
تحت نظرات سلمى المشتعلة .
..فرتكة فرتكة عالطبلة وعالسكسكة..
وظل يغنى بها مازن والفرح اتحول فجأة والكل طلع يرقص ويلفو حواليه هو وسلمى .
هههههههههههه يهدك ياشيخ
وبعد شوية من الرقص والسعادة المسيطرة عالجميع.
جت فقرة الرقص السلوووو واللى الكل منتظرها.
اشتغلت اغنية جميلة رومانسية وبدأ كل اتنين يرقصوا سوا.
مروان ومنى.
جاسر ومها.
مازن وسلمى.
وطبعا شريف بيتحسر وسهى كاتمة ضحكتها بالعافية😂
وف وسط الرقص.
كانت الاغنية قربت تخلص.
مازن ..بعشقك يا سلمى.
سلمى بأحراج. احم احم
مازن.. صبرنى يارب عالكام دقيقة دول
سلمى . لالا لسة فاضل ساعة كمان.
وهنا الاغنية خلصت وبدأ الكل يصفقلهم بحرارة
رفعها مازن من على الارض وفضل يلف بيها.
بحببببببببببببببك.
سلمى.دفنت وشها جوا حضنه وغطت وشها بأيدها.
يامجنووون.نزلنى.
نزلها مازن ومسك ايدها
جنان ب جنان بقى.
وخدها وطلع يجرى برا القاعة خالص متجهٱ للجناح الخاص بهما
وبدأ الكل يضحك على جنانهم .
****************
مروان. يابن المجنووونة با مازن انا عارف انك ضارب بس مش للدرجادى.
منى. هههههههه دمه خفيف اوى ربنا يسعدهم.
مروان ..يارب ياحبيبتى.
(((((((((( اما عند جاسر)))))))))))
بعد مالاغنية خلصت ومازن جرى ب عروسته
مها..ههههههه الله يكون ف عونها تلاقيها اتكسفت
ويكون ف عونها لوحدها ليه.
مها بعدم فهم..مش فاهمة قصدك ايه ..لالا اوعا يا جاسر
قرب منها جاسر بسرعة وحملها على ذراعيه.
_ توكلنا على الله.
_يامجنووووووون
وبدأ المعازيم يصفقون بحرارة تانى. وخرج بيها جاسر من القاعة متوجه للجناح الخاص بهما.
************
مروان يالهوى العيال لسعوا😂
*************
اما عند شريف قام هو وسهى ومشيو بهدوء تحت مباركات الاهالى .
***** ومروان اخد منى وطلعوا هما كمان .
منى : على فين كدا مش هنروح.
مروان.. هتعرفى كل حااااجة ف وقتها
.. وصعد بها للجناح الخاص به ايضٱ.
في غرفة جاسر
جاسر ماسك ايد مها.. اخيرا انا مش مصدق((ولا انا ولا العيال دي 👇👈👉👆😂😂))
مها بكسوف.. ولا انا كمان
جاسر.. انا خايف انام اصحي بكرا القيني بحلم
مها.. لا متخفش مش حلم وقرب خطوة هي بعدتها للور
جاسر.. ايه
مها بكسوف.. ايه 👀
جاسر.. انا كنت هخلعلك الطرحة بس علشان تغيري وتاخدي راحتك
مها.. لا معلش انا هعرف اتفضل انت وانا هشيلها
جاسر ..هو مش ده فرحنا بردو وانا المفروض عريس ولا مفيش الاوبشن ده النهاردة
مها.. هههههههههههههه لا مفيش
جاسر. . نعم!!!! ..طب خلاص هدخل الحمام عقبال ما تغيري
مها.. البلكونة
جاسر.. لا انتي بتهزري بقااا
مها بخبث.. عشان خاطري
جاسر خرج البلكونة مضطر غصبا عنه
في اوضة مازن
مازن.. ياااااااااااه اخيرا بقينا لوحدنا ولسة هيقرب لسلمي
سلمي.. ايه ايه ايه ايه ده انت مين انت ومالك
مازن.. انا جوزك يا مجنونة
سلمي ..ايوة بس يعني بص بقا من الاخر اطلع برا
مازن.. نعععععععم ياختي ده انا قتيل النهاردة
سلمي.. لا لا لا لا لا عشان خاطري والنبي يا مازن اطلع برا
مازن .. برا ايه يا هبلة انهاردة فرحنا
سلمي.. معلش اخرج البلكونة عقبال ما اغير لبسي معلش معلش معلش انا حتي زي اختك
مازن.. اختي!!! سلمي انتي اوڤر قوي النهاردة وفصلتيني فعلا انا طالع يا ختي
وطلع مروان البلكونة ولقي جاسر واقف هيفرقع
مازن.. احم ايه ده انت ايه اللي مطلعك دلوقتي
جاسر.. اكيد نفس السبب اللي مطلعك يعني ما هم اخوات
مروان خد مراته ودخل الجناح اللي كان حاجزهولها وكانت البلكونة مفتوحة دخل يقفلها ولقي مازن وجاسر واقفين
مروان...... ههههههههههههههههههههههه يااااالهوووي ع الرجالة ايه موقفكم هنا ياهبل منك ليه
مازن.. بس بس اسكت ده انت فضيحة
جاسر.. انت ايه ما بتسترش ابدا وبعدين ما انت كمان طالع اهو يا خويا
مروان.. ايوة انا طالع اقفل البلكونة وقولت ابص
مازن وجاسر بصوا لبعض.. ايوة واحنا كمان
مروان... هههههههههههههههههههههه مش باين عليكم
جاسر.. بطل يا سمج واد يا مازن ادخل يالا خلينا نسيبه قاعد لوحده زي قرد قطع
مازن.. يالا
ودخل جاسر لقي مها لسة قاعدة زي ما هي بس مكسوفة
جاسر.. لا بصي ماهو كدا هفضل طول العمر في البلكونة خليتي رقبتي قد السمسمة قدام العيال برا
ومازن دخل اوضته بس لقيها هس هس وسلمي مش شايفها
مازن بصوت واطي.. سلمي اااا يا سوولي
ماااااااازن نطقت بيها سلمي من وراه
مازن... عااااااااااااااا يخربيتك قطعتي خلفي
سلمي.. هههههههههههههههههههههههههههههه
مازن.. سلمي كنتي عايزاني زي اخوكي صح.. احب اطمنك اني خلاص بقيت زي اختك 😭
وعدي يومهم وكان من اجمل ايام عمرهم اللي بعد ما العمر بيعدي بنقعد نفتكرها من بعيد لبعيد
وبعد مرور 5سنين
جاسر.. كل سنة وانتي طيبة يا توتة كل سنة وانت طيب يا يحيى وادي هدية كل واحد فيكم فين بوسة بابي وجريو عليه تالية ويحيي يحضنوه.. بابي تالية ويحيى توأم
مها.. طب ومامي ملهاش حاجة
جاسر.. مامي ليها كل حاجة
تالية.. بابي بابي
جاسر.. نعم يا حبيبة بابي بابي
تالية.. لو سمحت خلي ادم ملوش دعوة بيا
ادم.. يعني ايه مليش دعوة بيكي يعني ينفع يا عمو بتلعب مع الولاد
جاسر.. يا حبيبي مهم اخواتها زيك
ادم.. لا انا مش اخوها
جاسر.. ماتلم ابنك يا بني
مازن.. لا خليه براحته واد حبيب زي ابوه
وفضلو يضحكو كلهم علي كلام العيال
وعاشوا حياة جميلة مستقرة خالية من الشر والوجع
وكنتم مع اول كتابات ورد سليم ورواية حب لا يجوز شرعا أتمنى تكون الروايه نالت إعجابكم
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق