رواية اوجاع الماضي الفصل السابع والثلاثون 37الاخير بقلم سلوى عوض حصريه في مدونة موسوعة القصص والروايات
رواية اوجاع الماضي الفصل السابع والثلاثون 37الاخير بقلم سلوى عوض حصريه في مدونة موسوعة القصص والروايات
#سلوي_عوض
#اوجاع_الماضي
اخر بارت
نوال: كده انا أجدر اروح اجعد ف شجتي
صفوان: ليه هتمشي ده سيدي الحج جاللي اوعاك تخلي نوال تهملنا
نوال (بحزن): لازم اشوف حالي واشوفلي شغله اصرف منها علي ولدي
سعاد: متصبري لما الجماعه ياجو علي الأجل يمكن سيدي الحج يلجالك شغله، وبعدين انتي لازما تطلجي من جوزك المجرم ديتي
نوال: ما انا هعمل كده
سعاد: يبجا انتي محتاجه محامي، سيدي شمش طيب جوي وهيساعدك
(يخرج صفوان من المنزل ليقف يتحدث مع نفسه)
صفوان (لنفسه): جرالك ايه ياصفوان، ليه جلبك وجعك لما نوال جالت أنها هتمشي، ياك اتجنيت؟ انته ديه علي ذمه راجل، هيا ديه التربيه اللي ربهالك سيدك الحج؟ استغفر الله العظيم، اروح اجعد مع عم بسيوني احسن
بسيوني: مالك ياصفوان وشك اتجلب ليه لما دخلت جوه؟
صفوان: مافيش ياعم بسيوني
بسيوني: جول يا راجل، فيك ايه؟
صفوان: باين عليا وجعت ف الحب
بسيوني: ووجعت ف مين بجا؟
صفوان: النصيبه أنها متجوزه
بسيوني (بقلق): مين؟ اوعا تكون الست إكرام ديه؟
صفوان: ست إكرام له! ديه نوال
بسيوني (يضحك): جاتك الحزن، وايه اللي مزعلك؟ ما هيا اكيد هتطلج من جوزها واد الحرام ده
صفوان: طاب لو اتطلجت، هترضي تتجوزني؟
بسيوني: وأنته عيبك ايه؟ راجل كد الدنيا
صفوان: ربنا يسترك يا عم بسيوني
بسيوني: طاب روح هات الجهوه الجماعه علي وصول
صفوان: ياجو بالسلامه
بسيوني: الله يسلمك، روح هات الجهوه بجا، أجله تشوف نوال، يا ابوي علي الحب مشندل حال الناس كلها
صفوان: وانته كمان الحب باين عليك جوي، الست إكرام هاه واهي مطلجه جاهزه
بسيوني: وهو انا مفضوح جوي كده؟
صفوان: جوي جوي، اروح اجيبلك الجهوه احسن
(يتحدث بسيوني مع نفسه)
بسيوني (لنفسه): امسك نفسك يا حزين، اهي كل الناس خدت لبالها من حبك لاءكرام، اه لو الزمن يحن عليا واتجوزها، ده انا كنت ابجا اسعد واحد ف الدنيا
(يسمع صوت عز)
عز: انته هنا يا صاحبي؟
بسيوني: مجادرش علي فراجك يا صاحبي
عز: فراجي انا بردك
بسيوني: انته جيت لحالك؟
عز: له، جينا كلنا، اهم داخلين كلهم
بسيوني: اعمل معروف، خلصي موضوعي، صاحبك هيتجن
عز: اصبر بس نرتاحو عشان اللي شوفناه مش جليل
(باقي الأسرة يدخلون المنزل)
شمس: الحمدلله والشكر لله أن كمال باشا جابلنا البنته
الجد: ندخلو نتكلمو جوه
(يدخلون الدور الأول)
نوال: حمدالله علي سلامتكم، انا بستاءءن اني اروح اجعد ف شجتي
شمس: له، طبعا انتي هتجعدي هنا، وكمان هنطلجوكي من المحروج جوزك
نوال: انا فكرت ف كده، بس لمؤاخذه محتاجه محامي، والمحامي عاوز مصاريف
شمس: خلاص ياست نوال، انتي بجيتي واحده منينا
إكرام: وانا كمان حبيتها
جميله: حامد حبيبي فين؟
نوال: نايم فوج
جميله: انا هطلع اصحيه
(تصعد جميله السلم جري وتدخل علي الطفل)
حامد: امي جميله، اتوحشتك جوي
جميله: وانا كمان اتوحشك جوي
(يحُضنها الطفل باشتياق)
(يدخل شمس)
شمس: ومتوحشتش ابوك ياحامد؟
الطفل: مال يدك يا ابوي؟
شمس: مافيش ياولدي، ده انا اتخبطت ف دراعي
جميله: وله ايه؟
شمس: ايه رءيك يا حامد لو انا اتجوزت جميله؟
الطفل: ياريت يا ابوي، وتعيش معانا علي طول
جميله (بحزن): مش هينفع يا حبيبي، انا مسافره
الطفل: هتسافري؟ ليه؟ اهون عليكي اعيش من غير ام؟
جميله: ما أنا هبقا اكلمك علي طول ف التليفون
شمس: متعجلي بجا، مافيش سفر
جميله: مش هينفع، انا عاوزه ابعد
شمس: جولت مافيش سفر، والله اكسرلك مخك ده
جميله: ياسلام، متقدرش طبعا
(يمسكها شمس من يدها وينزل بها الي أسفل)
جميله: عمي، ياعمي عز، فيه ايه؟ ومالك ماسكها كده ليه؟
شمس: انا عاوز اتجوز بتك المجنونه ديه
عز: وانا موافج
جميله: بس انا مش موافقه
عز: مش ده اللي كنتي هتموتي نفسك عشانه؟
الجد: وافجي يا بتي، خلي الفرحه تخش بيتنا
جميله: انا مش حمل وجع قلب تاني، شمس لسه بيحب روضه، الله يرحمها
شمس: انتي غبيه، بتجوللي الله يرحمها؟ عشق؟ متبطلي غلاسه ووافجي بجا
الجد: مافيش حد هيتجوز الا لو جميله اتجوزت شمش، الشباب حرام عليكي وافجي بجا
عز: وكمان يا أبا، بسيوني عاوز يتجوز إكرام
الأب: وهو في زي بسيوني؟
بسيوني: ايه يا إكرام، شوفتي النصيب؟
إكرام: اللي تشوفوه
بسيوني: ياسعدي يا هنايا
عز: وبالمناسبة، عز عاوز يتجوز صافيه
عز: اسكت بجا
الأب: وانا برده موافج
الجد: ناجص مين تاني عاوز يتجوز؟
بسيوني: بعد اذن حضرتك، لما نوال تطلج، صفوان عاوز يتجوزها
الحج: لو هيا وافجت، اني موافج
شمس: جولتي ايه نوال؟
نوال: اللي تشوفوه
الجد: خلاص، ست شهور ونجوزو الكل، وربنا يفرحنا دائما يارب
الجميع: جولو امين
الجميع: امين
تسريع الأحداث وتمر السته اشهر، كانت نوال قد حصلت علي حكم طلاق من عوف، وعوف ووالدته وباقي العصابه تم تنفيذ حكم الاعدام فيهم، وكان كمال أقام جنازه عسكريه لا كمل، واليوم هو الموعود لزواج الجميع.
الجد: عاوز ليله ولا الف ليله، قيمو الافراح وادبحو الدبايح ووكلو الناس كلها
شمس: فين جميله يا جد؟ مشيفهاش من امبارح
عز: جميله عندها سبق صحفي راحت تغطيه
شمس: النهارده فرحنا، والماءءون جاه
عز: نكتب كتاب الكل لغيت ما جميله تيجي
شمس (بتاءفف): وبعدين ف بتك المجنونه ديه
عز: معلش استحملها
شمس: وهو انا أجدر اتكلم
(يشرع المأذون في كتب كتاب الجميع، إلى أن ينتهي)
المأذون: مبارك للجميع
الجميع: الله يبارك فيك
شمس: استني، انته رايح فين؟ لسه هتكتب كتابي
المأذون: فين العروسه؟
شمس: زمانها جايه
(تمر ساعه وجميله لم تصل)
المأذون: انا عندي جوازات تانيه
شمس (بعصبيه): بجولك اجعد
(تاءتي جميله ووجهها مغطي بالتراب وملابسها مجطعه وشكلها غريب)
شمس: كتي فين؟ وايه اللي عاملاه ف حالك ديتي؟
جميله: كنت بقبض علي عصابه بتشغل الاطفال ف التسول، عشان كده عملت نفسي متسوله، وخلاص قبضنا علي العصابه
شمس: طاب، وبالنسبه لجوازنا؟ والماءذون اللي حمض ديتي؟
جميله: يووه نسيت
الجد: حد ينسي يوم جوازه يا بت؟ ولدي
جميله: أدوني دقائق وهبقا جاهزه
شمس: نكتب الكتاب الاول، وبعدين ابجي البسي فستان العروسه
جميله: طيب
(يكتب المأذون كتاب شمس وجميله)
الجد: اطلعي غيري عشان تجعدي ف الكوشه
جميله: حاضر ياجدو
(تنظر جميله إلي الجميع وهيا تضحك)
جميله: كلكم لبستو عرايس، يا ليله بيضا، استنو اصوركم
شمس (يجز علي أسنانه): اطلعي البسي يا جميله
جميله: ما انا طالعه اهو
(تصعد جميله وتبدل ملابسها وترتدي فستان الفرح وكاءنها اميره من اميرات ديزني. يصعد عز علي السلم ويدخل عليها)
عز: الله اكبر، ايه الجمال ده؟ قمر يا جيمو
جميله: حلوه يا بابا
عز: قمر يا بنوتي
جميله (تضحك): وانته كمان عريس يا بوب
عز: مبروك ياعم
جميله: طاب، ياله اسلمك لعريسك احسن هيتجنن
عز (يضحك): هو لسه هيتجنن؟
جميله: تعالي يا غلاباويه
(تنزل جميله مع والدها ليراها شمس)
شمس: ايه الجمال ده يا مجنونه؟
جميله: والله اتجنن بجد والغي الفرح
شمس: له خلاص، انتي ست العاجلين
جميله: ايوه كده
(يبدأ الفرح وسط سعاده الجميع)
(بعد الفرح يصتحب كل عريس عروسته، وتدخل شمس الجناح الخاص بها هو وجميله)
(يسمع صوت رنين الهاتف)
جميله (ترد): ايوه يا استاذ حسن؟ دلوقتي؟ اروح أغطي الخبر دلوقتي؟ بس اصل انا... طيب خلاص
شمس: في حاجه؟
جميله: لاء، ده حد معايا ف الشغل بيباركلي علي الجواز
شمس: انا داخل الحمام، عشان تغيري براحتك
جميله: إه تمام
(يدخل شمس الحمام، تنزل جميله بفستان الفرح دون أن يشعر بها أحد)
(بعد عشر دقائق)
شمس: هاه، غيرتي؟
(يخرج شمس)
شمس: البت ديه مبتردش ليه؟ اطلع اشوفها
(يبحث شمس عن جميله)
شمس: الله، فينها ديه؟ اه يا بت المجانين، راحت فين بس؟ يافضيحتك ياشمش، عروستك هربت منيك
(ينظر شمس إلي التسريحه، يلاقي ورقه، يقرأها)
الورقه: جميله: معلش ياشمس، عندي تحقيق صحفي لازم اغطيه، وهرجع علي طول
شمس: والله لا سود نهارك، بس تاجي
(يرن شمس علي هاتفها، يجده مغلق)
شمس: كمان جافله التلفون
(يمر الليل، يغلب شمس النعاس، يستيقظ)
شمس: ايه ده؟ انا نمت كل ديتي؟ البت تجول عليا ايه؟
(ينظر حوله ولا يجد جميله)
شمس: تلجاها ف الحمام؟ تطلع بس، واجندل عيشتها، يا تري رجعت الساعه كام؟
(يدخل الحمام، لا يجدها)
شمس: اشوف الدولاب؟ يمكن غيرت ونزلت لما لجيتني نايم؟
(ينظر إلي الدولاب)
شمس: الله، الدولاب زي ماهو
(يسمع طرق علي الباب)
سعاد: سيدي شمش، الجماعه كلهم تحت وعاوزينك
شمس: طيب، نازل اهو
شمس (لنفسه): مادام مجالتش منتظرينكم، يبجا المجنونه جاعده تحت، اتسبح واغير وانزل، اكسر نافوخها
(يتحمم شمس ويغير ملابسه، ينزل الي أسفل، يجد الجميع جالسين يضحكون ويتبادلون النكات)
الجده: جميله، سعاد، حضري فطور العرايس والعرسان، وزغرتو كلكم
عز (جالس بجانب صافيه): امال عروستك فين؟
الجميع: امال جميله فين؟
إكرام: حجها تتجلع ست الحلوين، بت اخوي
بسيوني: انتي اللي ست الحلوين يا مرتي، انا مش مصدج نفسي اني اتجوزتك
بسمه (تتحدث الي ادهم): سامع الكلام؟ مش انته الا مجولتلي ولا كلمه زينه لغيت دلوك
عشق: بس يا بت، انتي، أخويا يعمل اللي عاوزه
نزار: بس ياعشج، انا بغير عليكي
عشق: ده اخويا
نزار:، ولو كان ابوكي حتي
حامد ابن عز: انا بقا عروستي اجمل عروسه
(كل هذا وشمس لا يتحدث)
ادهم: مالك ياشمس؟ شكلك متوفقتش ياعريس
(ينظر إليه شمس نظره اخافته)
ادهم: بهزر معاك ياجوز اختي
(وهنا تدخل عليهم جميله)
جميله: هاي عليك
عز: يا نهار ابوكي اسود، كتي فين بفستانك ده؟
جميله (بكل برود): كنت بغطي تحقيق صحفي
الجد: تحجيج صحفي؟ ليله دخلتك؟
الجد: ايه ياشمش؟ انته مش حاكم؟ وله ايه؟
(يتركهم شمس ويصعد الي جناحه)
الجده: جميله، اطلعي لجوزك، وربنا يسترها عليكي، اللي عملتيه ديتي، شمش ممكن يدبحك عليه
جميله: فرخه انا؟ عز يعني جليله ادب وبحجه كمان
جميله: ما انته لازم تدافع عنه، مش ابن عروستك
صافيه (بحنان): له يا بتي، عشان هو جوزك
عز: اعتذري حالا
جميله: انا يا ماما؟
صافيه: اتاءسفي لجوزك
جميله: تفتكري هيقبل اسفي؟
صافيه: انتي وشطارتك بجا
(وهنا تصعد جميله الي جناحها هي وشمس)
جميله: انا اسفه
شمس: اسفه علي ايه؟
جميله: علي انك خليتني مضحكه العيله كلها
ده شغلي يا شمس، ومكانش ينفع اعتذر عنه
شمس: براحتك
جميله: خلاص، يبقا نتطلق بقا وخلاص
شمس: بتجوللي ايه انتي؟
جميله: مش انته زعلان مني؟
شمس: يبجا متعمليش كده تاني، واوعي اسمعك بتجوللي طلاج تاني
جميله: حاضر يا شموستي
شمس: طاب خشي اتسبحي بشكلك اللي يسد النفس ديتي
جميله: ده انا قمر
شمس: بصي ف المرايا
جميله: شور وأبقا زي الفل
(وتمر الايام والشهور علي أبطالنا، مابين عناد وجنون جميله، وعصبية شمس)
(أما إكرام كانت تشعر بدوخه قويه وقيء)
بسيوني: مالك يا غاليه؟ فيكي ايه؟
إكرام: مش عارفه، دايخه وبطني وجعاني، وفيش لجمه جاعده ف معدتي
بسيوني: تلجاه برد، هجيبلك دكتوره حالا
إكرام: مش لازم
بسيوني: له لازم
(تجري إكرام علي الحمام لتتقيء، ليتصل بسيوني بالطبيبه)
(وبعد نصف ساعه تاءتي الطبيبه)
صفوان: عم الحج، في دكتوره واجفه بره، بتجول إن عم بسيوني هو اللي اتصل بيها
الحج حامد: خير ياربي، خليها تخش
الطبيبه: السلام عليكم
الحج حامد: وعليكم السلام
الطبيبه: فين الحاله؟
بسيوني: من أعلي هنا يا دكتوره، تعالي
الحج حامد: مالها بتي؟
بسيوني: مش عارف
جميله: خير يا خالو؟ عمتو مالها؟
بسيوني: مش عارف
جميله: انا هدخل مع الدكتوره، اتفضلي حضرتك
(وهنا تدخل الطبيبه وتبدء ف الكشف علي إكرام، وبعد نصف ساعه تخرج جميله وهيا تزغرت)
جميله: ياخالو، ياشقي، عمتو حامل
بسيوني (بذهول): ايه؟ إكرام حامل؟
جميله: اه والله
(تخرج الطبيبه)
الطبيبه: مبروك، المدام حامل، بس زي محضرتك عارف، السن، يعني لازم ترتاح علي الاخر
(يخر بسيوني ساجدا علي الارض)
بسيوني: الله اكبر
بسيوني: الله اكبر، هبجا اب
عشق: سلامه عجلك يا ابوي، ما انته اب
(يتجمع اهل المنزل)
الجميع: ايه الزغاريد ديه؟
جميله: عمتو إكرام حامل
الجميع (بفرحه): الله الله
جميله: كلنا حوامل
جميله: ايه يا ادهم؟ انته اخبارك ايه؟
بسمه: ريحي حالك يا اختي، انا كمان حبله
الجد: يا فرج الله، كلكم حوامل
شمس: امال عيالك رجاله يا جد
عز: اشمعنه صافيه مش حامل
جميله: اصلك عجزت يا بوب
صافيه بكسوف: فشر مين ده اللي عجز، انا كمان حبله
نزار: الحج يا شمش، امك حامل يعني عيالنا هيلعبو مع اخواتنا
بسمه بضحكة: عجبالك يا جده
جميله: الجد بضحك، اسكتي احسن اخلف لكم انا كمان عيل ويبجا عمكم كلكم
جميله: مش وسعت منك شويه يا جدو
الطفل حامد بفرحه: هيه جايلي اخوات كتيره
شمس: ما انته عنديك أختين بنته بنات عمتك الهام
الطفل: له واحده فيهم خيتي وواحده عروستي
وتمر الشهور ويحين موعد ولاده إكرام وصافيه وهم ف المستشفي
تلد إكرام ولد
تلد صافيه بنت
الجميع: الف مبروك
بسيوني: الحمدلله بجي عندي واد يشيل اسمي
نزار: امي جابت بت
عز: الحمدلله، هنسميها الهام علي اسم المرحومه
الجميع: ربنا عوض صافيه ببنت تانيه بدل اللي راحت
(وهنا يأتي نزار حاملا عشق وهيا تصرخ، وملك أيضا يحملها، حامد وعشق وادهم يحمل بسمه)
بسيوني: كلهم هيولدو مع بعض، امال فين جميله؟
نزار: شمس جاي بيها ورانا
أما جميله كانت تغطي حمله صحفيه
لتاءتيها الام الولاده
لتصرخ
جميله: زميلها الصحفي يا بنتي هتولدي
جميله: بس بقا اما اخلص شغلي
(وهنا تصرخ جميله صرخه عاليه، وبالفعل تلد جميله ولد وبنت)
جميله: تتصل بشمس الحقني انا ولدت
شمس: روحتي المشتشفي لحالك؟
جميله: مستشفي ايه، انا ف قريه هنا جنبنا ف شغل
شمس: الله يخربيتك يا مجنونه انتي، انا جايلك بالاسعاف حالا
جميله: زمايلي طلبو الاسعاف، اسبقني علي المستشفي
(وهنا يذهب شمس إلي المستشفي)
عز: فين جميله؟
شمس: المجنونه كانت ف شغل وولدت
(ليضحك الجميع عليه)
ادهم: شكلك مش مسيطر
شمس: بس لما تاجيني
(وهنا تصل جميله)
شمس يجري عليها: انا جبت ولد وبنت
شمس: اكمل وروضة
جميله: ماشي كلامك
ادهم: اهو مره من نفسه يمشي كلمته
(وهنا تخرج الممرضه)
الممرضه: الف مبروك، مدام ملك جابت ولد، ومدام بسمه جابت بنت، ومدام نوال جابت ولد، ومدام عشق جابت بنت
الجميع بفرحه: الله اكبر الله اكبر
الجد: والله لا جيم الافراح، سبوع بحاله، ماشاء الله العيله كبرت جوي
عز: انا هبني الجامع والمستشفي وكمان مجموعة مداراس
(ليتصل عز بكمال)
عز: اخبارك ايه ياصاحبي؟
كمال: الحمدلله البنات ماليين عليا الدنيا
عز: طاب يا سيدي، جميله ولدت وجابت اكمل وروضة
كمال: ماشاءالله الله اكبر
عز: وانا جيبت بت، اجولك حاجه؟ العيله كلها خلفت بنات وصبيان، ولازم تاجي السبوع بتاع العيال كلهم
كمال: اكيد جاي، أنشاءالله
الاب: اساءله كده علي براهيم واد عواطف
عز: ابوي، بيجولك اخبار براهيم ايه؟
كمال: والله يا صاحبي الولد حالته صعبه جدا، لدرجه اني جبتله دكتور نفسي، متنساش أنه شاف أمه سايحه ف دمها، وكمان قعد هو وإخواته ف الملجاء فتره
عز: هاته معاك وانته جاي البلد، لما يشوف الولاد هنا ماشاء الله ممكن حالته تتحسن
أما في المساء نجد جميله تحمل الصغيره روضه وهيا تبكي
شمس: بتبكي ليه انتي؟
جميله: علي كده انته وولادك قتلتو طموحي بقا، انا جميله عزالدين المذيعه الكبيره، يبقا ده شكلي وريحتي كلها بامبرز وكراويه ولبن اطفال
(ليضحك شمس)
شمس: حد جالك جيبي اتنين ف بطن واحده
جميله: يا سلام، ده بدل متساعدني، نفسي اسرح شعري يا ناس
شمس: خلاص متبكيش، انا اسرحلك شعرك يا مرتي يا جمر
شمس: متخلي حد من حريم البيت يساعدك
(لتضحك جميله)
جميله: ياسلام، يساعدوني ازاي، ما كلنا والدين مع بعض، حتي ماما صافيه وعمتو إكرام
(ليضحك شمس)
شمس: ماسوره عيال وضربت ف البيت
جميله: سكت ابنك، مصدقت منيمت أخته عشان انام شويه
شمس: تعالي يا اكمل، احسن امك تطلع جنانها علينا
جميله: متبطل كلمه مجنونه ديه
شمس: احلي مجنونه ف الدنيا، وشدي حيلك عشان نخاوي العيال، المره ديه عاوز تلاته عشان يبجا عندي ست عيال
(لتصرخ جميله)
جميله: انا برده اللي مجنونه
شمس: شمس ما الدنيا كلها عارفه انك فكيهه المجنونه
جميله: شمس اقسم بالله اسيبلك البيت وامشي
(ليضحك شمس)
شمس: هتروحي فين، ابوكي وخواتك عايشين معانا، وله تحبي أخلي امي تنكد علي ابوكي
جميله بتاءفف: اف بقا، اروح منك فين
(وهنا تبكي روضه الصغيره)
جميله: عاجبك كده، اهي صحيت
شمس: خلاص متزعليش، هجيبلك واحده مربيه تساعدك ف تربيه العيال، انا نازل تحت
جميله: خد عيالك معاك
شمس يحمل اطفاله علي يده: تعالو يا جلب ابوكم، لحسن امنا الغوله تضربكم
جميله: اطلع برا ياشمس
(ليتركها شمس وينزل الي الأسفل)
جميله تتحدث مع نفسها: انا ايه اللي عملته ف نفسي ده؟ اجيب طفلين مره واحده؟
(ليدخل عليها الطفل حامد)
الطفل حامد: ماما جميله، عاوز العب معاكي انتي واخواتي
جميله ببكاء: اخواتك تحت مع باباك
الطفل بحزن: يعني مش هتلعبي معايا؟
جميله بحنان: لاء، تعالي نلعب، بس الاول خلي بابا يطلعلي اخواتك
الطفل: هيه، هنلعبو سوا
(لينده الطفل علي والده)
الطفل: ابوي ابوي، امي بتجولك طلع خواتي
شمس: احسن بردك وجعو راسي
شمس: وهنا يصعد شمس إلي جناحه.
جميله: خدي عيالك.
شمس: اقعدي العب معانا.
جميله: له؟
شمس: انا نازل اجعد مع جدي. راسي وجعتني منك انتي وعيالك.
جميله: بقا كده؟ طاب، هاتهم بقا.
شمس: خدي.
(ليتركها شمس وينزل إلي الأسفل)
جميله: حامد، روح اقفل الباب بالمفتاح، ويبقا يوريني بقا هينام فين.
حامد: هيه، هنجعدو لوحدينا.
(وهنا ينزل شمس ليجد جميع الرجال جالسين باطفالهم، ليضحك شمس عليهم)
ادهم: اشمعنه انته بقا اللي مش شايل عيالك؟
شمس: عشان انا راجل ف بيتي.
عز: احترم نفسك يا ولد.
شمس: لمؤاخذه ياعمي.
(ويمر اليوم وهم جالسين يحملون الاطفال)
عز: بتبكي ليه يا الهام؟
حامد: اديها الببرونه يا بابا.
شمس: انا طالع اريح.
ادهم: يا بختك.
نزار: ارتاح يا اخوي وبلاش احنا.
شمس: بس يا حمار، وله اجي اعرفك مقامك.
نزار: خلاص، سكت أهه.
(ليصعد شمس إلي جناحه ويحاول أن يفتح الباب، ليجده مغلق من الداخل)
شمس (بصوت واطي): افتحي يا جميله.
جميله: لاء، انا هنام مع ولادي. روح نام من جدك.
شمس: افتحي يا مجنونه.
جميله: أديك قولت مجنونه، ومش هفتح، روح نام عند جدك.
شمس: طيب يا جميله، أن موريتك.
(وهنا ينزل شمس)
ادهم: ايه؟ مش كنت هتنام؟
شمس: له، غيرت رأيي.
(لينزل حامد ابن شمس)
حامد: أبا، أمي جميله بتجولك إنك صعبت عليها، هيّا فتحت الباب، اطلع نام بجا.
(ليضحك الجميع علي شمس)
أدهم: راجل أوي ف بيتك.
شمس (بتأفف): والله لاربيكي يا مجنونه.
عز: جميله مبتحبش العند، عاملها بالهداوه أحسن.
(ليصعد شمس إلي جناحه)
شمس: كده برده يا جميله؟ أهون عليكي؟
جميله: عشان تحرم تقول عليا فكيهه المجنونه تاني.
شمس: بحبك يابت.
(وتمر الأيام، واليوم هو السبوع، وها هو كمال قد وصل ومعه الأطفال)
الحج حامد: يا مرحب بالباشا.
الطفل حامد: براهيم صاحبي، تعالي نلعبو وأوريك خواتي، عندي خوات كتير جوي.
الجد: ياله، ادبحو لكل عيل راسين، البت زي الواد.
كمال: مبروك عليك يا عز، يا راجل تخلف ف السن ده؟
عز: عشان تعرف اني لسه شباب.
شمس: انا اجدع واحد خلفت تنين.
كمال: أشكرك يا شمس إنك سميت ابنك أكمل علي اسم المرحوم ابني.
شمس: وإنشاء الله هطلعه ظابط كمان.
(وهنا تنزل جميع السيدات وهم يحملون أطفالهم)
كمال: ماشاءالله، حضانه كامله.
عز: أمال عزوتنا يا صاحبي.
شمس: ربنا يجعل اسم المحمدي عايش طول العمر.
جميله: ويخليك ليا يا شمس الدنباغ.
شمس: ويخليكي ليا يا فكيهه المجنونه.
شكر خاص لكل اللي تابعوا الرواية لحد آخر سطر 💖
من قلبي بشكركم على كل لحظة قضيتوها مع شخصيات القصة، وكل كلمة قريتوها وكل تعليق شجّعني أكمل. وجودكم ومتابعتكم هما الدافع الحقيقي اللي خلاني أكمّل الرواية دي بكل حب.
يارب تكون القصة لمست قلوبكم، وضحكتوا، وتأثرتوا، وحسّيتوا بكل حرف فيها.
وإن شاء الله نكمل مع بعض في حكايات تانية أقوى وأجمل، دايمًا بدعمكم وكلامكم الحلو اللي على طول بيخليني أدي أكتر.
♥️ بحبكم وبتمنالكم كل الخير
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق