سكريبت طرف واحد كاملة بقلم نور شريف
سكريبت طرف واحد كاملة بقلم نور شريف
حقك عليا أنا أسف ..
مسحت دموعها في نص الشارع و صرخت فيه بحزن :
لما انت بتحبها و قلبك متعلق بيها جيت و اتجوزتني ليه ؟
ليه كل ما تشوفها عينك تبقي عليها و تبقي قاعد معايا مش مظبوط و تقولي يلا نمشي من هنا المكان مش مريح مش مطمن في حاجة هتحصل
شدت شنطتها بغضب : اشبع بيها و طلقني و ياريت بكرة بالكتير اكون مطلقة !!
بص علي نفسك و شوف نتيجة العلاقات الحرام دمرتك ازاي هو ده عقاب ربنا ليك .
= أنتي بتعيريني يا نعمة "
لو أنا بعيرك فأنت مرعتش أن مراتك وان حامل في بنتك وان في بينا عشرة انت كسرت فرحتي بأفعالك أنا كنت معاك نعمة بحق وانت كنت 'ندل'.
مشيت و سبتهُ لحد أمتي هقف أتفرج عليه وهو بيشوف جارته و نظراتهم لبعض لما بيحبها اتجوزني ليه كان اتجوزها و صلح غلطتهُ انبسط دلوقت لما ماضيه اتحكم في مستقبله ُ .
ركبت تاكسي لبيت بابا وانا هموت من القهر كل مكان نخرج فيه مع بعض الاقيه وقفتها في البلكونة و انها تنزل الشارع اول ما ينزل معايا وهو رايح شغلهُ تكون تحت بتركب هي كمان نفس العربية ، الشيطان حاول معايا كتير أن أفتش تلفونهُ
لكن دي مش تربيتي كنت واثقة فيه و قلت يمكن نساها وهي بتعمل كدا لكن هو طلع مش بينسها
عشت معاك ست شهور كلهم تعب يا حسام الله يسامحك!!
نزلت رجعت عند بابا وانا مش قادرة اكتم دموعي وكل حاجة حصلت بتتعاد في دماغي زي السيناريو فوقت علي صوت ماما 'الحنين '
=نعمة بنتي وحشتيني كدا تيجي من غير ميعاد كنت اعملك أكله بتحبيها انتي و الكتكوت اللي في بطنك اتنهدت بابتسامة هادية :
أنا هطلق من حسام مهما حاول يرجع مش عايزه أشوفهُ ولا اسمعهُ و بنته في الحفظ و الصون أنا هربيها و هعلمها و هشتغل و هصرف عليها لكن ميعديش من باب بيتنا تاني .
قبل ما أكمل كلامي لقيتهُ داخل وباين عليه التوتر وشه أصفر من الخضه أن اكتشفتهُ و عرفت اللي فيها بصيت بعيد بشمئزاز مع أن مش عارفة ده حقي ولا لاء !!
= أقعد يا حسام يا أبني مراتك جايه مش طايقة روحها و بتقولي هطلق و انك متجيش عندنا تاني عملت فيها ايه عشان تقول الكلام اللي كله وجع وقهر .
سكت طبعاً هيهرب ما هو كدا كدا غلطان الغلط راكبه من فوقه لتحته بصتله كنت خايفة احن لكن قلبي كان شجاع كلامه أفعاله و حركاته كانت قدام عيني كأنه و أقف بيمثلها
اتنفضت بغضب : أنا بايعة يا حسام مش هشتري لدقيقة اصل ده قلبك
مش هنعرف تغيره كنت اتجوزها و صلح غلطك لكن أنا اللي أصلحك تبقي غلطان.
= أنتي طالق يا نعمة طالق طالق !!
سبني وخرج الابتسامة اختفت من ملامحي كل المحاولات فشلت قدام الكلمة دي حقيقي كلمة محمله بكل وجع عيشته في الدنيا مش هتبقي بالقسوة دي حسام راجل كويس حنين كان بيعملني كويس بيهتم بيا بيصلي و علاقته بربنا كويسة لكن حسام مش بيحبني أنا
بيحبها ؟!
قعدت بصدمة بحاول ألم شاتات نفسي من الالم اللي حسيت بيه دخلت أوضتي وخلعت حجابي ونمت علي سريري حسيت للحظات أن فقدت النطق من اللي حسيت بيه
وسألت نفسي سؤال واحد :ـ
هو فكر في اللي في بطني ولا حبه ليها مخليه أعمي !!!!!
مليون تعجب تحت السؤال ده طب معقول وهو معايا كان بيتخيلها هي عشان يعيش طيب علاقته معايا كانت علاقة متجوزين .. هششش كفاية ..
وقف عقلي و روحت في النوم من الزعل اللي كان في قلبي مو غضب و كبرياء حسيت أن كان ليا حق أقف و اخد تمن العشرة و الثقة و الحب اللي طالع مني .
نزل حسام عند اخوه بهدوء حاول يهدأ أعصابه كانت بترتعش من كلام نعمة بيرن في دماغه حاسس أنه ظلمها و ظلم نفسه :
مالك يا حسام مش علي بعضك من ساعة ما قعدت أحكيلي ؟
=أنا طلقت نعمة يا خالد .
أيه طلقتها انتو لسه متجوزين قريب يبني لحقت ايه حصل لكل ده مع أن عارف السبب !
فتح خالد تلفونه و شاته مع حسام وقال بحزن .. هقولك أنا ليه يا حسام نعمة طلبت الطلاق ولا تقول انت ، أنا عامة مش معاك أنا في صفها هي لكن هفكرك وقولي مين عبيط زيك يعمل كدا ..
= خالد هو أنا جاي افك عن نفسي تقولي أشمعنا هي طالبة الطلاق .؟
أنا لازم افوقك لانك بضيع أسمع ، فاكر يوم دخلتك عليها أو قبلها لما قولتلي أنا نسيت حبيبة و هبقي مع نعمة حد تاني و صفحة بيضاء و أعتبرني من دلوقت حسام جوز نعمة ..
ساعتها أنا كنت واثق فيك وقلت علاقتك بحبيبة فعلا ادمرت و هتبدا مع نعمة صفحة جديدة طبيعي عريس في يوم الدخلة يكون مع مراته بيحتفل بجوازة بيكلوا بيصلوا
مش بيبعت ليا ريكورد واتس في أوضة الاطفال وهو بيعيط
بيقولي مش عارف اقرب من نعمة مش قادر اقرب منها حاسس أن بخون حبيبة؟
يشاء القدر انك خلاص هديت بعد ما فكرتك بكلامك و حاولت تعيش معاها اسبوع الفرح اظن انها مكنتش فرحانه زي اي عروسة متجوزة جديد بتبقي فرحانه أنها اتجوزت وعدت فترة الجواز دي علي خير وأنها بقت مع جوزها و حبيبها وأنها حققت حاجة من مستقبلها ومعناها راجل بيحبها و بيعوضها عن كل حاجة وحشة والحياة سعيدة
لكن انت سبتها في أول اسبوع و سافرت عشان تنسي حبيبة وقعدت تكدب عليها و تقولها تعبان من أكل الفرح و تبعتلها انك تعبان و انك مسافر مكان هي مش هتعرف تجيلك و الكثير بقا من خلي بالك من نفسك يا حبيبتي وانت مستمتع وانت بعيد عن الاتنين لا هتفتح البلكونة تشوف حبيبة
ولا قاعد شايف نعمة و بالعكس رجعت رابع يوم جواز بشوية ورد تقولها وحشتيني
= وهي زي العبيطة صدقتك انك خلاص بقيت بتحبها و اكلت بعقلها حلاوة وهي كانت فاكرة علاقتك بحبيبة علاقة عادية اوي يعني سهل جدا تنسي حبيبة وهي سهل جدا تخليك تحبها لأنها هتبقي زوجة و نعمة الزوجة ..
أسكت بقا يا خالد أسكت !!
طلع خالد بباقي الشات وقال بغضب و شهر العسل اللي كله حلاوة و راجل متجوز جديد يعني كلام حب و غرام تبعتلي تقولي حبيبة رنت عليا وكانت بتعيط بحرقه أنا هطلق نعمة و اتجوز حبيبة مع أن امك قالتلك البت دي لو دخلت بيتي أنا عمري ما هعرفك ولا هدخل بيتك و قالتلك نعمة دي زوجة بجد و تليق بيك ..
بس امك معندهاش نظر اصل حبيبة هي اللي تليق بيك ؟
كمل كلامه و عيونه بتدمع عدا اسبوعين من جوازك العادي و عياطك كل يوم و سؤال نعمة دايما أنا مقصرة معاك عملت حاجة زعلتك و فاكر لما بعتلي و قولتلي اتخيلت أنها حبيبة عشان اقدر اعيش معاها و اخلف منها زي ما أهلي و اهلها عايزين ..
اخد حسام التلفون من خالد و رزعه في الأرض بعياط و غضب :ـ
بحبها يا حسام حط نفسك مكاني تكون بتحب واحده وجارتك بتشوفها كل يوم دي عايشة جواك و تقولي هقدر احب غيرها أنا متعلق بيها زي الطفل بأمه متخيل شكل حبيبة يوم فرحي و الزراق اللي كانت تحت عينها ده يخليني
اقرب من نعمة و اخلف منها وحته مني بتموت عشان اتجوزتها و نعمة فرحانه بجوازها وانا قاعد بعيط من جوايا ..
انت بتلوم نعمة عشان فرحانة بالجواز قد ايه انت طلعت ناقص يا حسام ؟
أنا هتجوز حبيبة و هعيش معاها ده اللي هيريح قلبي ..
= مقدرش اقولك غير أن ده عقاب ربنا أنك كنت في علاقة حرام !
خرج حسام جري من العمارة و دخل خبط علي عمارة حبيبة زي الطفل أفتحي يا حبيبة .؟
فتح ابوها الباب باستغراب من دموع حسام بصلهُ باستغراب وقال بتنهيدة :
مالك يا حسام يا أبني مراتك فيها حاجة ؟
طلعت حبيبة بنفس لبسها لما كانوا في الكافية مسحت دموعها بسرعة و قالت بتوتر :
في حاجة يا حسام !!!
=أنا عايز اتجوز حبيبة يا عمي
يتبععععععععععععع
حبيبة أنا مش عارف أعيش من غيرك !!
= أيه اللي انت بتقوله ده يا حسام أمشي انت راجل متجوز لولا أن عامل حساب العشرة كنت كسر'ت عظمك .
جريت حبيبة علي أوضتها وقفلت الباب و عيطت بقهر و صوت صراخ حسام علي السلم .. أنا مش هسيبك يا حبيبة أنا مش متخيل حياتي من غيرك أنا طلقتها عشانك اتجوزتها غصب عني كل هدفي أصلح قلبي و اتجوزها عشان خاطري يا عمي وافق .
=زقه من علي السلم بغضب أطلع بره بيتي روح رجع مراتك ، مراتك قربت تولد اهتم بيها ، حبيبة بنتي فرحها قرب علي محمود إبن عمها ولو عرف حاجة زي دي الدنيا هتتقلب .
خرج حسام وقعد في الشارع علي الرصيف و دموعهُ نزلت فتحت حبيبة الشباك و بصت عليه وهي بتعيط
أبتسم ليها بحزن .. طلقتها علشانك يا حبيبة ؟! قالها حسام لحد ما خرج محمود من بيتهُ و شاف حسام بيكلم حبيبة الغيرة شعللت في قلبه وجري عليه بغضب
عطاه كف شديد و خبطه في بطنه وقع حسام علي الارض بوجع .. أبعد عن حبيبة و إلا مش هيطلع عليك نهار هخليك من غير ملامح
جريت حبيبة علي جوه بخوف وتوتر : يا مرارك يا حبيبة محمود مش هيسكت علي اللي حصل مستحيل يسكت '
مشي حسام علي بيته دخل عند أمه وهو مش قادر ياخد نفسهُ :ـ
يلهوي يا حسام ايه اللي عمل فيك كدا يا حبيبي وشك و جسمك مالهم مين عمل فيك كدا أنطق و قول مالك ..
أنا طلقت نعمة ياما و روحت عشان اتجوز حبيبة و ابوها طردني و محمود ضر'بني في الشارع نزل الكلام عليها زي التلج بلعت ريقها بصدمة
وفجأة كف تاني نزل علي وش حسام من أمه بغضب : طلقت نعمة يا حسام ؟؟
يا خسارة حملي و تربيتي فيك أنا مخلفتش راجل انت لسه عيل ولا قد المسؤلية دي غلطتي أن جوزتك حد نظيف زي نعمة انت تلم تراب الشارع ورا جزمتها
انت رمرام بتلم من الزبالة بتختار اللي شبهك و تقول هي دي اللي تنفع تبقي معايا ..
بتكسر كلام امك عشان دي اللي إسمها حبيبة فاكر ابوها عمل ايه في أبوك طرده من بيته في نص الليل و سر'قه و نهب كل حاجة ليه ابوها اللي قرفنا في الشارع
وهي اللي عمرها ما حبت امك ولا ابتسمت في وشها حتي وجاي تقولي اتجوزها وهي دي اللي بحبها و بتحبني ..
حبيبة اتجوزت يا ضنايا كتب كتابها كان من شهر فات هي مش قالتلك اه صح انتو مش بتتكلموا من ايام جوازك لا عداك العيب يخوياا تسيب الحلوة و تمسك في الزبالة ..
غور اطلع برا بيتي وبكره تعرف قيمة كلامي كويس يا حسام هتلف الدنيا عشان نعمة وفي الاخر هتلاقيها اتجوزت ولا نجحت وانت بقيت شحات ..
= كان ساكت و كل تفكيرهُ معقوله فعلا اتجوزت ازاي خبر زي ده موصلش ليا ازاي خالد مقلش ليا أنها اتجوزت ..
خرج من عند أمه طلع شقته فتح الباب وقال بحزن : فينك يا نعمة البيت فاضي من غيرك دخل أوضة النوم فتح دولابها المنظم و الشقة نظيفة كأنهم متجوزوش ريحة الشقة نظيفة قعد علي السرير و بص علي صور فرحة نعمة بالبيي الجديد
وكلامها ليه اول ما عرفت انها حامل و صدمته لما عرف أن نعمة حامل ..
فلاش باك "
= أنا فرحانة قوي قوي يا حسام أن حامل في طفل منك حبيبي و حياتي وحب كل السنين اللي جايه بتحبني يا حسام حسه انك مش مبسوط ؟
الا بحبك انا بعشقك ساعتها كنت متخيل حبيبة هي اللي بتقولي الكلام ده ساعتها حضنتها و لفيت بيها وكنت حاسس بفرحة بس مش أتجاه نعمة
=الفرحة اللي أنا فيها دي كلها بسببك يا حسام انت أعظم راجل أنا بحبه وبحب قربه مني و بحب أنك جوزي بحس بمشاعرك ساعات بحسك تايه و اوقات بشوف اللمعة اللي في عيونك بنبسط انك حبتني ؟!
كانت غبية قلبك عمره ما قالك أن مش انتي المقصودة وان كل ده كان تخييل و وهم .
نمت مكاني من التفكير ونسيت كل حاجة كانت شاغلة بالي .
=صحيت نعمة من النوم كإنها في كابوس عروسة بعد ست شهور جواز و حامل اكتشفت أن جوزها مش بيحبها وقلبه وعقله مع واحده تانية .
أبتسمت بوجع ومسحت اخر دمعة و قامت دخلت عند امها في أوضة الخياطة حضنتها بحنان و صوت الشيخ الحصري شغال قالت بحنان وتنهيدة وجع :ـ
الاوضة دي ريحتها حنان و دفئ منك أنا بحبك تنصحيني بإيه يا ماما في حياتي الجاية .
= صحيح اخلطي اللون البني مع الاصفر ده هيعملك مزيج تحفه لدريس البنوتة مثلا الجاكت ده أصفر و الجيبة بنتي هيطلع تحفه خصوصاً إنه من إيدك لمست كف ايدي بحب وقالت :
الشيخ الحصري بصوته الجميل العاذب ده قال أية جميلة قوي في القران بتقول أيه بقا
{إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ} (70) الأنفال .
ربنا عارف أن قلبك فيه خير فأخد من علاقة هدمر صحتك و نفسيتك قال قلبها نظيف ناخد حسام منها و نعوضها بحد تاني جميل يستاهل القلب ده وكمان ربنا غفور رحيم بيحب عبادة و بيغفر ليهم و بيبتلاهم عشان بيحبهم و ربنا عشان بيحبك يا نعمة ابتلاكي و اختبرك وانتي نجحتي بالاختبار استني بقا النتيجة هتبهرك وبكرة تقولي أمي قالت .
حضنتها وعيطت كنت محتاجة قوي الحضن الدافئ ده حضن يتسع العالم من الطيبة اللي فيه عيطت لدرجة شهقاتي طلعت وكان جوايا عتاب كبير و أسالة محتاجة ردها من حسام يقولي ليه ظلمني معاه الظلم ده ليه جرح قلبي و مشاعري كان اول حب وراجل في حياتي واول حد داس عليه هو أنا يا ماما .
أحكيلي أنا يبنتي عايزة تقولي أيه أنا سمعاكي .. قالتها امها وهي ماسكه دموعها علي بنتها لحد ما باب البيت خبط فتحت امها الباب بفرحة حماتك يا نعمة "
دخلت مامت حسام وهي بتعيط و بتبوس أيد نعمة و بتحضن فيها من كل قلبها وحشتيني يا بنتي وحشني كلامك الحنين يا بنت بطني اللي مشلتش البطن صحيح مشلتش لكن القلب شال و العيون حبت انتي خسارة في أبني يا نعمة دموعك غالية علي قلبي يا حبيبتي ده من بكرة اجوزك أحسن منه و باشا و راجل من بشوات البلد يشيلك في عيونه ده كفاية انك هتبقي معاه .
حطت إيدها علي بطنها بحب انتي شايلة حفيدتي يارب تتطلع زيك قلبها نظيف ..
= إبنك جرحني قوي يا ماما حسه إن مت و صحيت تاني ؟!
ده أنتي ربنا نجدك مقولكيش بقا ايه اللي حصل راح عند حبيبة البيت ابوها طرده و محمود جوز حبيبة ضربه في الشارع و طلع ليا يعيط و يقولي أنه طلقك .
= أنا كنت عارفه أن حبيبة اتجوزت بس مجاش في بالي أنه ممكن لحد دلوقت يكون بيحن ليه قبل ما نتجوز قال ليا أنه أتقدم ليها كتير وأبوها رفض و انتي كنتي رافضة حبيبة وأنه غلط غلطة كبيرة لما حبها و اتعلق بيها وقال أنا هفتح صفحة جديدة معاكي وهتبقي مراتي وأم عيالي و أنا اتغيرت و توبت ل ربنا
ساعتها قلت الماضي لا يذكر وان اقدر اعوضه عن حبيبة حاولت معاه بكل الطرق وكنت اكتر حد بيحاول معاه بعمله أي حاجة تفرحه
لكن عيونه كانت بتلمع اوي وهو بيبصلي كنت بقول نساها ده بيعشقني بسبب اللمعة دي ؟
= من النهاردة و أنا حد تاني مش هقبل ارجع له تاني ..
وقفت بكل ثقة وبصيت في السقف و غمضت عيني جزء من روحي كان تعبان وجزء تاني مش قابل ب الهزيمة !!
عدا الوقت و اتعلمت الخياطة مع امي و عملنا شغل كويس جدا خصوصًا أن مهندسة ديكور و كنت بصمم ازياء لسجاد و ستائر و هدوم غيرنا عفش شقتنا و نجحت وبقيت مشهورة وعند زبائن من كل المحافظات ونجحت بسبب امي و بقا عندي بدل المكينة خمسة وجيت بنات كتير تشتغل معايا في مستودع و سميته علي إسم بنتي عائش مليت حياتي بالشغل لحد ما بقيت في الشهر التاسع الفراغ بي'قتل أي إنسان كنت مبسوطة أن اتغيرت و أن بحاول أنسي حسام
لحد ما جه اصعب يوم في حياتي يوم الولادة كان عندي طلق شديد وعندي نز'يف كنت خايفة وكنت مع ماما و حماتي و أمي التانيه حسام مجاش يمكن ميعرفش لكن مشوفتش معرفش عنه حاجة وانا بولد طبيعي لقيت خالد صاحب حسام كان واقف معانا و دفع مصاريف الولادة كان دايما يدخل يطمن علينا و يستأذن قبل ما يدخل
ولدت بنوتة زي ما أتمنيت كنت عايزة بنت تكون اخت ليا احكيلها و تحكيلي و اربيها و احفظها القران زي ما كنت بدعي ويكون عندي زوج صالح بيحبني عدا سبع شهور علي طلاقي كل صرخة مني وانا حامل أنا اللي حسيت بيها
مكنش عندي شريك حياة يطبطب علي قلبي كنت بدعي لحسام بالهدايا معرفش عنه حاجة من أخر يوم ركزت في حياتي وكبرت و نجحت بس دي بنته معقولة مش هيجي يشوفها !!!!!
=حمدالله علي سلامتك يا نعمة ما شاء الله عائش طالعة شبهك !!
أبتسمت ولقيت خالد داخل نظرته لينا زي نظرة الاب لمراته وعياله كان فرحان بيها و بيحضنها كأنها بنته من لحمه و دمه مش عارفه ليه قلبي دق بسرعة و غضيت بصري معقول احب تاني و اعطي لنفسي فرصة ده راجل مش بعيد يطلع متجوز عيب يا نعمة انتي بقيتي أم .
=طلع خالد ومعاه ماما شوية و فجأة لقيت أمي داخلة فرحانة و بتقولي بحنان !!
خالد متقدملك يا نعمة ...
سكت بصدمة وجتلي طلقه في بطني ضغطت عليها وقلت بتعب مش وقته يا ماما قولي له مش وقته و بعدين هو علاقته بحسام عاملة ايه دلوقت ..؟
لسه مستنية حاجة من حسام .. حسام شغال في ورشة بيصلح عربيات بعد ما حبيبة مضته علي كل فلوسه اللي ورثها من أبوه ومبقاش حيلته غير الشقة وبقا يعيني حتت عصاية ولا بيكلم حد ولا حتي بيبتسم ودائما بيشتم و بيزعق بقا حالته تصعب على الكافر وحبيبة أطلقت من محمود و محمود اتجوز أنجي جارتنا هنا و مراته حامل و مبسوطين مع بعض
ابو حبيبة في العناية المركزة و كل الفلوس اللي نهبوها من الناس بيصرفوها عليه و حبيبة بقت بتمشي في الشارع زي المجنونة من زعلها علي ابوها .
حماتك قلبها وجعها علي حسام بس مش مبينة ليكي حاجة مش بإيدها حاجة حسام صعبان عليا متتبقيش منتظرة منه يجيلك هو زي اللي اتسحر بيها ومش هيقدر ينساها مهما عملت له .
خالد مش متجوز يا نعمة عنده تلاتين سنة وانتي لسه اربعه و عشرين سنة لسه صغيرة اعطيله فرصة دلوقت بتفكري في خالد أنه كان صاحب حسام .
اخر يوم اطلقتوا فيه حسام و خالد بعدوا عن بعض بسبب أن حسام زعل أن خالد عارف أن حبيبة اتجوزت وخبي عليه اتخنقوا علشانك و حسام ضربه و مشي من عنده .
خالد عايزك بالحلال وافقي و اسمعي كلام امك عمركلامها ما هيخذلك ابدا يا بنت بطني .
اتنهدت بابتسامة هادية ومشينا من المستشفي فرحتي بعائش حاجة تانية كنت شايفها بنتي أنا اللي جبتها و فرحت بيها و شيلتها وعملت ليها كل حاجة تفرحها مكنتش عايزه حاجة من الدنيا غيرها العب معاها و اشيلها بكل ذرة أمومة فيا
لحد ما باب البيت خبط لبست إسدالي وخرجت لقيت خالد ومعاه بوكية ورد بني فتحت عيني بصدمة وقلت بتوتر :
= خالد ايه ده جاي من غير ميعاد ؟
قعد علي ركبته قدام الباب وقدم ليا البوكيه وقال وعيونه بتلمع تتجوزيني !!!!!!
=مشاعر غريبة كنت حسه أن قلبي بيرفرف وان الغرفة لا تسع أجنحتي من الموقف ده قلت بتوتر و كسوف :ـ موافقة ؟!
ساعتها ببص علي السلم لقيت ماما معاها فستان و في مأذون وناس كتير واقفة علي السلم اتنهدت للحظة لما شوفت حسام جاي معاهم وباين عليه مكسور جدا زعلت قوي عليه لدرجة عيطت بشدة من شكله .. مش هو ده حسام اللي أنا عرفه حاسس و وجه شاحب و شعره اللي وقع معدش شب حته دقنه كانت منعكشه كأنه معدش بيهتم بيها ..
دخلوا الشقة وقعدوا في الصالون و قعدت لبست فستان واسع و ابيض كنت فرحانة أن ربنا عوضني لكن خوفت علي حسام معقوله يبقي ده عقاب ربنا و غضبه عليه يارب ارحمه برحمتك خرجت و أنا شايلة بنتي قربت من حسام و أنا بحاول امسك دموعي
= بنتك !!
اخدها مني وبصلها نظرته ليها وجعتني هو اللي عمل في نفسه كدا هو اللي ظلم نفسه عشان شوية مشاعر
حضنها وضمها لصدره وقال بتنهيدة .. اه يا حبيبة بابا ؟؟
= عائش حبيبتي أنا اسف حقك عليا..
ضمها اكتر و مسك أيدها حسيت أن ملامحه ردت تاني و رجع يبتسم وقال بفرحة
= يعني عائش بتقولي يا بابا حسام وهتبقي مبسوطة أنا هبقي مبسوط اكتر .
عيطنا كلنا من طريقته بصلي بحزن وقال بوجع محشور جواه :
أنا آسف يا نعمة علي كل دمعة نزلت منك عليا وعلي كدبي وغلطتي لما سبتك حقك علي عيني و دي رجلك ابوسها عشان متزعليش أنا بس اللي كنت غبي و أعمي فاكر أن سعدتي معاها عدا سنة عرفت فيها قيمتك شقتنا اللي أنا دمرتها مبقتش نظيفة من بعدك هدومي لبسي شكلي اللي كان قدام الناس بيه كل ده راح انتي كنتي رافعة راسي قدام الناس وانا مكنتش شايفك حسيت بالنعمة بعد ما راحت مني كل اللي بينا صحيح انتهي بس افتكريني دايما بكل خير و أنسي أي حاجة عملتها جرحتك عشان خاطري يا نعمة ابوس ايدك وبنتك معاكي مش هحرمك منها عشان جربت طعم الحرمان و أدعولي يا جماعة ربنا يا صبر قلبي بعد اللي حصل ده و يفتحلي ابواب رحمته مع أن مستهلهاش .
= اخدت بنتي و حسام مشي و منعرفش رايح فين مستناش حتي يعرف ردي أنا مسمحاه وعارفة أنه كان غصب عنه بيعمل كل ده لكنه اتخذل زيي في حبيبته مشاعر حرام وعلاقة حرام كانت مترضيش ربنا دمرت حياة ناس
قعدت جمبهم و ارتفعت صوت الزغاريط و كتب المأذون كتابي علي خالد وقف قدامهم وحضني وقال :
= أوعدك أن هعوضك عن كل حاجة شوفتيها في العالم بحبك يا أميرتي . 🤎
حضني وضمني بين ضلوعة لاول مرة حسيت أن اتحبيت بجد وان ربنا عوضني و افتكرت كلام امي و فرحت اوي ضمني ليه و شيلنا عائش بين أحضاني
قلت بتنهيدة حرة :
أنت البداية في كُل شئ و مسك الختام "🤎🤎🤎🤎🤎🤎🤎🤎🤎🤎🤎🤎🤎😙
تمت
عياط لدرجة مكنتش قادرة اخد نفسي بكتب بمشاعري مشاعري العظيمة 🤎"
طرف واحد
رايكم قلوب كتير كومنتات كتيرررر رايكم في سردي أفكاري الرجوع العظيم أؤمن بسردي و أحرفي و كلامي ولغة تعبيري لغة القلوب "🫀🤎🤎🤎🤎🤎🤎🤎🤎🤎
#بقلمي_نور_شريف
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق