رواية قلب شايل بيت الفصل الأول والثاني والثالث والرابع والخامس بقلم مني أبو نوفل حصريه وكامله
رواية قلب شايل بيت الفصل الأول والثاني والثالث والرابع والخامس بقلم مني أبو نوفل حصريه وكامله
نسمه ب صدمه: دي تالت مره تعزمني وتقول نسيت الفلوس وانا ادفع انا المفروض خطيبتك يعني انت الراجل انا معنديش مشكله اني ادفع بس لما تكون نسيت حقيقي
زياد ب سخريه: وفيها ايه!!!!!
انتي بتشتغلي وع قلبك فلوس قد كده مستخسره فيا الفلوس؟
نسمه ب استغراب: انا مش فهماك انت باصص لشغلي!
مش فكرت للحظه انا بشتغل ليه؟
زياد: بصي بقي انا معنديش حريم تشتغل بعد الجواز يعني انسي شغلك لما نتجوز
نسمه ب دهشه: حريم؟؟ وانسي شغلي!!!
طب بابا كان اتفق معاك اني هفضل اشتغل وانت وافقت
زياد: واهو الله يرحمه مات يبقي كلامي تسمعيه وتنفذيه والا كل واحد يروح لحاله سلام
زياد مشي من المكان وساب نسمه لوحدها وهي مصدومه وبتفكر نسمه قاعده ع الكرسي وبتعيط من طريقه خطيبها معاها ومستغربه ليه بيعمل كده وانه اتغير وبقي بيزعق ويغلط كتير ف حقها
مامت نسمه: اتأخرتي ليه يا نسمه بره!
نسمه: كان عندي شغل لازم اخلصه يا ماما بالله عليكي مش تقومي من على السرير تاني انتي تعبانه لازم ترتاحي عشان خاطري
مامت نسمه ب تعب وحزن: انا عاوزه انزل معاكي السوبر ماركت اشتغل معاكي انتي تعبتي اوى والحمل زاد عليكي من يوم ابوكي ما ربنا افتكره وانتي مش ارتحتي يا نسمه
نسمه: انا مرتاحه يا ماما الراجل صاحب السوبر ماركت راجل طيب ومحترم وبيديني مرتب حلو الحمدلله بقدر اعلم اخواتي واجيب علاجك ربنا ساترها معانا مش تشيلي هم حاجه
مامت نسمه: ربنا يقويكي علينا يا بنتي وتفرحي قريب انتي وزياد
نسمه ب حزن و نظره للسما: يارب يا ماما يلا روحي ارتاحي
دخلت نسمه اوضتها قعدت تفكر وتقول
_انا لو سيبت الشغل واتجوزت ماما واخواتي الصغيرين هيعيشوا ازاي ومين هيجيب لماما علاجها ومين هيعلم اخواتي ويأكلهم مين هيعمل كل ده لو انا مروحتش الشغل تاني لو كان عندي اخ ولد كنت مش هشيل هم اخواتي وامي لكن دول بنات اخاف عليهم من الزمن والناس ومحدش بينفع حد ولا بيشيل هم حد اخاف عليهم من بكره يارب خليك معايا سهل اموري الجايه يارب
غاده اخت نسمه بتخبط ع باب اوضتها
نسمه: تعالي يا غاده تعالي يا حبيبتي
غاده: نسمه انا عايزة فلوس اجيب كراسه وقلم عشان عندي امتحان بكره
سلمي وهي بتجري ع الاوضه
_انا كمان يا نسمه عايزة اجيب زيها
نسمه: حاضر يا بنات بكره قبل ما امشي الشغل هسيب فلوس ولما تروحي المدرسه بكره يا غاده انتي وسلمي تخلوا بالكم من نفسكم، غاده انتي في سنه خمسه وسلمي في سنه رابعه ابتدائي يعني انتي اكبر منها بسنه خلي بالك من اختك وحافظوا على بعض
نسمه حضنت اخواتها البنات و دخلتهم اوضتهم ولما ناموا راحت اوضه مامتها غزل تطمن عليها و تغطيها ودخلت نسمه اوضتها عشان تنام وتريح جسمها عشان بتنزل الشغل بدري
_زياد بيتصل بيها
نسمه: الو
زياد: فكرتي في كلامي!
نسمه: اه فكرت
زياد: ممكن اعرف رأيك اي!
نسمه: رأيي ان كل شيء قسمه ونصيب مش هينفع نكمل
زياد وهو بيزعق: انتي هبله!!!!! انتي عارفه انتي بتعملي ايه؟
نسمه ب توتر: اها عارفه انا مش هسيب اخواتي ولا ماما سلام
نسمه وهي في الشغل _
عم محمود صاحب السوبر ماركت: مالك يا نسمه شايفك سرحانه من الصبح!
نسمه: لا ابدا يا عم محمود مفيش حاجه
عم محمود: انا اه راجل كبير في السن بس افهم الناس من عيونها انتي شكلك حزين يا بنتي مالك!
نسمه وهي بتاخد نفس وعيونها فيها لمعه دموع: انا فركشت الخطوبه يا عم محمود امبارح بالليل
عم محمود: ليه يا بنتي! طب متعيطيش يا حبيبتي متعيطيش حقك عليا انا والله مش هسألك تاني طب بصي عيطي براحتك هترتاحي وانا همشي الزبون ده وارجعلك
قعدت نسمه تعيط على حالها والحمل اللى شيلاه وانها مش عايشه حياتها زي اي بنت
عم محمود: اي سبب الفركشه يا نسمه!
نسمه: بيقلل مني ومش بيحترمني ودايما بيزعق وكل لما يحصل حاجه يقول ابوكي مات يبقي تسمعي الكلام بابا وهو عايش مكنتش بشوف منه الاهانه دي
عم محمود: اخص عليه هو لسه في شباب كده ولا تزعلي نفسك يا نسمه بكره ربنا يبعتلك ابن الحلال اوعي تعيطي على حاجه راحت منك
مامت نسمه: مين علي الباب بيخبط انا تعبانه ومش قادره اقوم افتح والله ياللي بره
زياد: افتحي الباب يا وليه
مامت نسمه: مش قادره يبني انا تعبانه والله كلم نسمه تيجى تفتح هي معاها المفتاح والبنات في المدرسه معاهم مفتاح انا تعبانه يبني والله
زياد وهو متعصب: بتصل بيها مش بترد الست هانم بصي انا مش هعلي صوتي اكتر من كده قوللها انا عايز الدهب بتاعي يكون عندي بكره والا هحبسها
نسمه: عارف يا عم محمود لما ماما تتعب احس الدنيا دي وحشه اوى ولما اشوفها كويسه يبقي عايزة اطير من الفرحة وبحس كل حاجه كويسه ماما هي عكازي بعد ربنا
عم محمود ب دموع: عارفه يا نسمه من يوم ما ابني احمد مات وانا مش بهتم بحاجه مكنش لينا غير بعض امه ماتت وهو عنده تلت سنين انا كان نفسي هو اللي يورثني مش انا اللي اورثه
نسمه: خلاص يا عم محمود وحد الله ربنا يرحمه ويخليك ليا انت زي بابا برضو انا هقوم اشوف الزباين
فتحت نسمه التليفون وشافت رساله من زياد بتقول _
لو شبكتي مرجعتش انا هحبسك
#قلب_شايل_بيت
#مني_أبو_نوفل
#البارت_الأول
نسمه ب خوف: انا يا زياد مش معايا دهبك انا ماما كانت تعبانه جدا ومش كان معايا فلوس خالص خوفت اقولك اني بعت الدهب وبحوش فلوس ومعايا مبلغ كويس وهكمل على المبلغ وفلوسك هتاخدها والله انا ماما كانت تعبانه جدا
زياد: مهما تقولي مش هصدقك انا عايز فلوسي وشغل الاونطه ده مش ياكل معايا
نسمه: انت ازاي بقيت وحش كده!!!!! انا لو اتجوزتك او لو كنت اتجوزتك كنت هعيش عمري كله ندمانه انت قلبك مفهوش رحمه لو مامتك تعبانه هتسيبها تعبانه؟ ولا هتعالجها وتكون معاها، انا اسفه اني بعت الدهب عشان اعالج ماما بس والله العظيم انا مش قولتلك عشان خايفه علي زعلك بس قدر ظروفي
زياد وهو بيشد دراع نسمه: لا بصي الفلوس لو مش جت النهارده انا هبلغ عنك وده حقي
_سابها ومشي ودموعها نازله وهي بتبص عليه وهو ماشي مصدومه وزعلانه ازاي في ناس بالقسوه دي ازاي ناس مش في قلوبها رحمه فضلت تعيط في مكان شغلها
عم محمود شايف اللي حصل وهو قاعد على الكرسي ومش قادر يروح يطبطب عليها نظرته ليها شفقه وزعل عليها عم محمود راجل مريض قعد يبكي على اللى حصل بينها وبين زياد
وهو مش قادر يعمل عشانها حاجه
_عم محمود
: تعالي يا نسمه انا عايزك
نسمه: نعم يا عم محمود
عم محمود: انا شوفت كل اللي حصل اعذريني يا بنتي مقدرتش اجي ادافع عنك واكون في ضهرك بس انا هطلب منك طلب اتمنى توافقي
نسمه ب استغراب: انا عنيا ليك يا عم محمود
عم محمود: انا معايا مبلغ كويس في البنك هكتبلك شيك وخلصي نفسك يا بنتي منه وعيشي حياتك وشوفي مستقبلك
_قعدت نسمه تعيط في حضن عم محمود وهي مبسوطه من كلامه وانها خلاص هتخلص نفسها منه وان الدنيا لسه فيها خير
_
مامت نسمه: اتأخرتي ليه يا نسمه في الشغل كده!
نسمه: مساء الخير يا ماما
معلش كان الزباين كتير النهارده خدتي علاجك؟
مامت نسمه: زياد ايجا وفضل يزعق وعايز دهبه هتعملي ايه؟
نسمه: ارتاحي دلوقتي وبكره هقولك
-دخلت نسمه اوضتها وبصت للسما وقعدت تعيط انها هتاخد فلوس عم محمود الراجل الطيب الغلبان وزعلانه على اللى حصلها و كل اللي بتطلبه انها تعيش مرتاحه البال
نزلت نسمه الشغل بدري وهي فرحانه ومبسوطه انها خلاص هتخلص نفسها من زياد
_نسمه: عم محمود انت فين يا عم محمود!!
عم محمود وهو مش قادر ياخد نفسه: تعالي يا نسمه انا اهو
نسمه ب صدمه: عم محمود مالك اسند عليا انت حاسس ب اي؟
عم محمود: الحقيني يا نسمه
_جابت ناس تشيل معاها عم محمود من على الارض وراحت بيه المستشفى وهي مبطلتش عياط عليه
نسمه ب خوف و دموع: عم محمود انت هتبقي كويس صح؟
عم محمود: مش هرتاح ولا هبقي كويس غير لما تاخدي الشيك وتروحي تصرفيه وتيجي تفرحيني عشان هكون خفيت واجي معاكي وانتى بتسلميله الفلوس ما انا زي ابوكي وسندك يا بنتي
نسمه: لا انا مش هقدر اسيبك
عم محمود: لما تيجي هنمشي مع بعض دول شويه دوخه وهبقي كويس يلا يا نسمه يلا
راحت نسمه البنك وجابت الفلوس وعلى قد ما كانت مبسوطه زعلت والفرحه اتقلبت حزن علي الراجل الطيب اللي بيساعدها جابت نسمه الفلوس وراطت ل عم محمود تقوله وتطمن عليه
نسمه_لو سمحتي عم محمود كان في الاوضه دي انا مش لاقياه هو راح فين
الممرضه ب نظره حزن: البقاء لله وحده عم محمود الراجل الطيب تعيشي انتي ووصاني اقولك متزعليش ونطق الشهاده وانتقل الي رحمه الله
نسمه ب دموع شديدة وصدمه: لا عم محمود مش هيسبني قال انه هيجي معايا والله هو قالي كده عشان خاطري هو فين بالله عليكي انا محتاجه عم محمود هو فين!!
الممرضه: ارضي بقضاء الله
_خرجت نسمه من المستشفى وهي في عربيه الاسعاف مع عم محمود عشان تتم إجراءات الدفن والعزاء وطول الطريق تعيط وهي بتبص ليه وبتكلمه
نسمه عملت عزاء ل عم محمود ب الفلوس اللي صرفتها من البنك الفلوس خلصت في إجراءات الدفن والعزاء
زياد: هتدفعي ولا الحبس انا صبرت كتير
نسمه: انا كنت هدفعلك فلوسك بس في حد عزيز عليا مات ومبقاش معايا فلوس كان يستاهل اعمل اي حاجه عشانه ودي فلوسه كان هيدهالي انت مهما عملت او هتعمل فيا مش هحزن اكتر من حزني على عم محمود
_قفلت نسمه السكه في وش زياد وراحت السوبر ماركت وقعدت تبص على المكان اللي كان عم محمود بيقعد فيه وتعيط المبلغ اللي كان مع نسمه الخاص بيها طلعت بيه صدقه على روح عم محمود وطلبت من الناس كلها تدعيله وقفلت السوبر ماركت عشان تروح البيت تطمن على والدتها و اخواتها
مامت نسمه: حاضر ياللي بتخبط افتحي يا سلمي الباب بسرعه
_فتحت سلمي الباب والبوليس هو اللي كان بره البيت
زياد: هي دي ام الحراميه يا حضره الظابط
مامت نسمه: انا يبني!!!! الله يسامحك
الظابط: لو سمحتي يا حجه فين نسمه
مامت نسمه ب دموع: والله يا حضره الظابط بنتي مش حراميه بنتي تعبانه في الشغل عشان ناكل لقمه حلال انا واخواتها بنتي عمرها ما ايجت على حد ولا ظلمت حد الراجل اللي بيقولك ده ان نسمه حراميه ده انسان مش كويس هي مش قادره تدفعله دلوقتي وطلبت منه يستني عليها شويه
_غاده وهي بتجري بره البيت وراحت تحت البيت عشان تشوف نسمه
نسمه: مالك يا غاده ماما كويسه؟
غاده: البوليس فوق وعايزك وزياد معاهم عايزين يحبسوكي
نسمه: مش تخافي تعالي يا غاده ولو روحت معاهم خلي بالك من ماما ومتعيطيش كده يا غاده
_
زياد: الحراميه وصلت اهي
الظابط بصوت عالي: انت متتكلمش تانى ومسمعش صوتك
نسمه: اهلا يا حضره الظابط انا تحت امرك بس ارجوك اطمن علي ماما الاول وبعد كده تعمل اللي انت عايزة
#البارت_الثاني
#قلب_شايل_بيت
#مني_أبو_نوفل
نسمه أمام القاضي و هي جريئه:
مش هقول أني بريئة بالعكس أنا غلطت إني بعت الذهب حق زياد بس ممكن أسأل حضراتكم سؤال واحد؟ لو حضرتك يا سيادة القاضي مكاني كنت هتسيب مامتك تموت؟ زياد ده لو في قلبه خير و رحمه كان عمل تنازل عن المحضر ده من كتر ما ماما تعبانه موجوده في البيت مع أخواتي البنات وأنا هنا النهارده والمحامي بتاعي ربنا
القاضي: مش معاكي محامي يا نسمه؟
نسمه ب بسمه فيها سخريه: لا عشان معنديش أتعاب المحامي
انا كنت هدفع ل زياد فلوسه كنت هشتغل ليل نهار بس هو أستعجل علي حبسي بس تعرف يا فندم الدنيا دي وحشه أوى أنا راضيه باللي تحكم بيه أصل خلاص مش فارقه كل اللي بطلبه من حضرتك تبعت حد يروح يطمن على ماما واخواتي عشان لو حصل لها حاجه مش هسامح حد فيكم
القاضي وهو مبتسم: صدقيني يا نسمه الدنيا والناس لسه فيها خير وإلا مكنتيش هتخرجي دلوقتي
زياد وهو صوته عالي: يعني ايه تخرج دلوقتي وفلوسي؟
القاضي بغضب: انت تمنع الكلام وإلا هحبسك
نسمه ب دموع كلها فرح: ده بجد؟ طب ازاي؟ مين دفع الفلوس؟ والله انا بشكركم انكم صدقتوني انا مش عارفه اقول ايه
القاضي: كانت تبقي وحشه في حقي يا بنتي أحبسك عشان بتعالجي والدتك ازاي تنقذي مريض وإحنا مش ننقذ إنسانه زيك الخير لسه فيكي يا بنتي ومش مع والدتك بس بالعكس أنا متأكد إن لو حد احتاج مساعدتك مش هتتأخري لحظه
_نسمه وهي بتعيط: أنا بشكر حضرتك كل الشكر
_القاضي وهو مبتسم: رُفعت الجلسه لإنسانيه نسمه
فضلت نسمه تبص على القاضي وهي مبتسمه وبتحمد ربنا ان لسه الدنيا فيها خير وان دايما قويه عشان كل مره ربنا بيكون معاها سابت نسمه المكان وراحت بيتها تشوف مامتها وأخواتها
_بيت نسمه _
مامت نسمه ب دموع: الف حمد وشكر ليك يارب
نسمه: متعيطيش يا ماما بكره هنزل السوبر ماركت عشان أجيب حاجه أخواتي وأعوضك عن كل حاجه يا ماما
مامت نسمه: أنا عيزاكي دايما تكوني بخير وربنا يبعد عنك ولاد الحرام
-دخلت نسمه أوضتها وراحت عند الشباك وشافت في نور جاي من بعيد من الشباك بتاع السوبر ماركت نسمه خافت وقلقت يكون ده حرامي ولازم تحافظ على مكان أكل عيشها اللي عمها محمود سابه أمانه بعد وفاته كانت الساعه 2 بالليل والناس كلها نايمه نزلت نسمه في سكوت عشان مامتها وأخواتها محدش يحس بيها
_السوبر ماركت-
نسمه ب خوف: انت مين؟ وبتعمل اي هنا؟ أي حركه هبلغ البوليس
-شافت نسمه واحد غرقان في دمه وهدومه متبهدله وعمال يتوجع وماسك بطنه نسمه قربت منه تشوف ماله
_إنت كويس!
على فكره أنا مش حرامي أنا إبن ناس والله أنا بس مش فاكر أنا مين وحصلي إيه أنا كنت لابس هدوم حلوه فجأه لقيت نفسي جعان وهدومي متقطعه
_طب أنا هجبلك أكل اسمك ايه!
صديقني معرفش انا عشان سرقت أكل الناس جريت ورايا جريت لقيت نفسي هنا أنا همشي دلوقتي
_مينفعش أسيبك تمشي كده وانت في الحاله دي مينفعش أسيب حد محتاج واسيبه يمشي أنا كنت من نص ساعه في الحبس ولولا فضل ربنا وإنسانيه القاضي كنت زماني هناك أبقى مستاهلش ده لو مشيت من غير ما أكرمك
آه آه آه
_مالك انت كويس؟ تعالي نروح عند الدكتور نطمن عليك
لا أنا بس عايز أكل وانا هبقي كويس
_السوبر ماركت ده كله تحت امرك شوف انت عايز ايه وانا اجبلك بص استني أنا هجبلك أكل جميل
—جابت نسمه أكل كتير جدا وأكلته وهو فضل ياكل وهي بتفكر إزاي شخص جميل كده وهو مش فاكر اسمه؟ باين عليه ابن ناس زعلت نسمه عليه أوى ومش استغربت لانها دنيا وكل من فيها مُصاب استنته لما كل وشرب ولاقته مره واحده نام قفلت نسمه عليه وسابته وراحت هي بيتها وقالت في بالها بكره الصبح تيجى تشوف أكل عيشها وتفتحله يروح يشوف حاله
_غاده: نسمه اصحي انا عايزة فلوس عشان أجيب كراسات جديده
_سلمي: وانا يا نسمه وعايزه مصروف
_نسمه: حاضر بس نفطر الأول وماما تفطر معانا
فطرت نسمه وجهزت إخواتها للمدرسه و فطرت والدتها و جهزت نفسها عشان تنزل السوبر ماركت نزلت نسمه ونسيت ان في واحد هناك هي قافله عليه
ـــــــ انت!
انا اسفه اني قفلت عليك انت بس صعب عليا اصحيك والله انت كويس! ثواني هجبلك أكل تفطر
_استني انا بس عايز اشكرك انك اكرمتيني
نسمه ب بسمه وهي باصه ليه: كان الله في عون العبد ما دام العبد في عون أخيه مفيش بين المسلمين شكر الشكر لله دايما
_مستغرب ان كان في ناس بتجري ورايا عشان طلبت منهم أكل وانتي بنت ومكنش عندك مشكله في ضيافتي وانا شكلي غريب كان حقك تخافي!
نسمه: انا خسرت ناس كتير وخوفت أكتر لما سابوني مبقاش عندي حاجه أخاف منها تانى بس عندي حاجات أخاف عليها زي ماما وأخواتي البنات ثواني هجبلك أكل
مسك ايديها وراحت نسمه ساحبه ايديها ب شده ونظره كلها قلق واستغراب
_حقك عليا والله العظيم أنا مقصدش أنا والله العظيم مش أقصد أنا بس ضعفت قدام الإنسانية أنا من يوم ما بقيت كده ومش شوفت ناس كويسه حقك عليا آسف
نسمه: حصل خير بعد اذنك عايزة اشوف أكل عيشي في زباين عايزة أشوف طلباتهم
خرج الشخص ده وراح قعد قدام السوبر ماركت وكان شكله زي المتسول وقعد ياكل من الأكل اللي نسمه بعتتهوله مع زبون هو استغرب من موقفها وهي استغربت انه مش سرق الفلوس اللي كانت في المحل أخر مره
زياد: القاضي دفعلي الفلوس بس انتي لسه مديونه ليا بحاجات كتير
نسمه ب صدمه: انت جاي تعمل ايه؟ فلوسك خدتها عايز مني اي تاني؟ روح منك لله يا زياد
زياد ب بسمه كلها سخريه ولمس دراعها: عايزك انتي انا محدش ينتصر عليا خصوصا لو كانت بنت
نسمه ب خوف و ضربته بالقلم على وشه: ابعد عني والا هتشوف اللي محدش شافه
_انت بتحب نسمه!
سيف: انا بحبها عشان طيبه وبتقولي دايما انت زي اخويا عشان انا معنديش أخوات بنات وبيتها قريب من هنا خالص إحنا كمان جيران وبروح عندهم البيت ساعات لما بكون زهقان اصل انا معنديش صحاب وماما بتبعتني أجيب منها حاجات من هنا للبيت ولما روحت اجيب منها حاجات قالتلي أجيب ليك الأكل واروح اخد طلبي يكون جهز
_طيب روح خد الحاجه عشان متتأخرش على مامتك
سيف: هي قالتلي لما أجهز طلبك هبعتلك تيجي تاخد الحاجه بس انت شكلك حلو خالص بس لي لبسك وحش؟
_انت صغير اوى ولسه بدري لما تعرف حاجه عني عشان انا والله برضو مش عارف
سيف: انا هروح عند نسمه ماما دايما تزعقلي عشان بقولها نسمه بس عيزاني اقولها طنط نسمه وهي مش بتحب اقولها غير نسمه بس
_بسيطه قولها نسمه وقدام مامتك قولها طنط
سيف: انت اسمك ايه؟
_مش عارف قولي اي حاجه
سيف وهو بيفكر: هقولك أحمد
_حلو أحمد يلا روح عشان مش تتأخر
ـــــــ راح سيف السوبر ماركت وشاف نسمه بتقول الحقوني وصوتها كان مكتوم من ايد زياد خاف سيف أوي وجري عند احمد وقاله يلحق نسمه في واحد هجم عليها وهي بتعيط
جري معاه الشخص اللي بقا اسمه احمد بسبب سيف
نسمه ب صوت عالي: الحقوني
زياد: انتي النهارده بتاعتي انا بس
نسمه: ابعد عني يا حيوان
_أحمد فضل يضرب فيه وسيف فضل يخبط على رجليه ويقوله سيب طنط نسمه وهو بيعيط زياد شد سيف الطفل الصغير ورماه على الأرض نسمه صوتت وجريت على سيف تشوفه وأحمد بيضرب في زياد جامد زياد شاف السكينه وجاي يخبط بيها أحمد
شد أحمد السكينه من زياد وخبطها في ضهر زياد اتصدمت نسمه من الدم والسكينه وهي في ضهر زياد واحمد كان غضبان وباصص على زياد وسيف بيعيط
#البارت_الثالث
#قلب_شايل_بيت
#مني_أبو_نوفل
نسمه ب صدمه ودموع: ايه اللي انت عملته ده! هتروح في داهيه كده حرام عليك ده مش يستاهل تضيع نفسك عشانه
أحمد: أنا مش ندمان ولو عايش هقتله تاني ولو هرب من سكنتي هيعيش طول عمره مقتول في نظر الناس إزاي عيزاني مش أقتله! انتي فاهمه انتي بتقولي ايه!
سيف ب دموع: أنا هروح أقول لماما
نسمه ب دهشه: لا يا سيف يا حبيبي متقولش حاجه لماما عشان البلوليس مش يجي يحبس عمو أحمد
أحمد: لسه عايش وبيتنفس أنا نفسي أخلص عليه انتي من النهارده مسئوله مني محدش يقدر يقربلك
_نسمه فضلت تبص في عنيه وهي سرحانه طول عمرها شقيانه عمرها ما سمعت كلمه حلوه ولا عاشت الإهتمام حست ان في حد في ضهرها واقف معاها أول مره تحس إنها محبوبه ومرغوب فيها فضل أحمد باصص في عنيها هو كمان كان عنده شعور ليها من أول يوم شافها_
زياد: آه آه آه آه الحقوني حد يطلبلي الإسعاف
نسمه ب غضب: متقلقش يا زياد إنت إللي زيك بيعيش مش هتموت مش تخاف
زياد وهو موجوع: صدقيني مش هسيبك في حالك ولو جايبه ده تتحامي فيه أحب أقولك مش هيعرف يعمل حاجه
أحمد وهو غضبان: إنت لو راجل قولي تقدر تعمل ايه! أنا كان ممكن أقتلك لمجرد الإعتداء على نسمه لكن سامحتك عشانها لكن إنك تهددها وانا واقف مش هعدهالك إنت تخرج من الباب ده ولو لمحتك تاني صدقني ووعد مش هرحمك
_خرج زياد وهو ماسك إيده ودمه بينزف نسمه قعدت تمسح الدم اللي علي إيد أحمد وهو باصص ليها وكان حاسس بخوفها عليه _
نسمه ب ابتسامه: بس ليه مش قولتلي إن اسمك أحمد انت خايف اعرف اسمك! وبعدين مش تفضل باصصلي كده وإلا هقوم وأسيبك غرقان في دمك كده
أحمد وهو بياخد نفس: صدقيني ده سيف سماني كده أنا قولتلك أنا معرفش أنا مين ومنين أنا دلوقتي معرفش غيرك
نسمه وهي باصه ليه ووشها فيه نظرة حزن: يعني لو الذاكرة رجعتلك هتمشي!
أحمد: انتي من شويه قولتيلي أطلع بره عشان تشوفي الزباين صعبان عليكي دلوقتي
نسمه وهي بترمي القطنه ووشها اتغير: لا براحتك خالص أنا مقصدش حاجه
_قامت نسمه من مكانها أحمد عمل نفسه موجوع ومسك إيده عشان نسمه تقلق عليه وتشوفه حس أحمد بخوف نسمه عليه وراح عندها وقالها إنه مستعد يفضل في المكان بس بشرط
نسمه: شرط اي!
أحمد: تقوليلي بحبك
اتصدمت نسمه وهي باصه ليه مصدومه وهو بيضحك على رد فعلها هو مش كان عايز حاجه غير انه يشوف لونها مخطوف كده أحمد كان بيهزر مع نسمه خرجت نسمه وهي بتجري فضلت تجري لحد ما وصلت بيتها وأحمد فضل مكانه بيضحك ضحك شديد نسمه وصلت عند باب البيت وهي ماسكه الباب كانت سرحانه وعلي وشها ابتسامه وبتقول لنفسها لا لا مستحيل يحصل إعجاب حتى و دخلت نسمه أوضتها_
سيف: لو سمحت عايز جبنه ومكرونه
أحمد: حاضر من عنيا بس انت مخوفتش تيجى بعد اللي حصل يا سيف هنا!
سيف: لا انا لما شوفت خطيب نسمه عايش مش خوفت لكن لو كان مات كنت هفضل خايف
أحمد: خطيبها!
سيف: أه
أحمد: طب ليه عمل معاها كده!
سيف: عشان نسمه سابته وقالتله مش عايزة أشوفك تاني هو بقي كل شويه يجي ليها يضايقها ويمشي
أحمد: ماشي طلبك أهو
مامت نسمه: كل ده يحصل معاكى يا نسمه ومش تعرفيني
نسمه وهي حاضنه مامتها: والله يا ماما كنت مستنيه أرجع على طول عشان احكيلك
مامت نسمه: خلي بالك من نفسك من الشخص اللي اسمه أحمد او اللي منعرفش مين ده يا نسمه هو كتر خيره إنه وقف معاكى وحفظ شرفك بس برضو يا بنتي حافظي على نفسك منه لحد ما نعرف مين هو وجاي منين وتبع مين
نسمه: متخافيش عليا يا ماما إنتي بس ادعيلي
-نامت نسمه في حضن مامتها ومامتها فضلت تلعب في شعرها وتدعيلها ربنا يسترها معاها ويريح بالها-
نسمه: إنت لسه نايم يا أستاذ أحمد!
أحمد وهو بيحاول يفتح عينه: أقفلي النور عايز أنام
نسمه وهي متعصبه: يا عم بقا في أكل عيش وناس ملزومه مني قوم عايزين نشوف شغلنا
أحمد: خلاص قومت
نسمه: الفطار أهو
أحمد وهو مبسوط: البدله دي عشاني! دي جميله أوى
نسمه وهي مبتسمه: عجبتك!
أحمد: دي تخبل
نسمه: دي عشانك
أحمد: مش عارف أشكرك إزاي!
نسمه: كفايه وقفتك معايا إنت ممكن تشتغل معايا هنا وليك مرتب شهري كمان
أحمد وهو حاسس ب حزن: من غير ما تقولي كده كده معنديش مكان أروحه أهو احسن من قاعده الشوارع
نسمه: أوعى تقول كده ده مكانك وأنا زي أختك هزعل منك لو قولت كده تاني يلا نشوف شغلنا أنا هروق المكان وإنت غير هدومك وعليك الزباين تشوف طلباتهم
أحمد: نسمه
نسمه: نعم
أحمد: لازم تعملي محضر عدم تعرض عشان زياد مش يحاول يقربلك تانى لازم تأمني علي نفسك
نسمه: ماما قالتلي كده وكنت هخلص شغل وأروح احكي اللي حصل معايا امبارح
أحمد: لو حد طلب شهادتي أنا موجود أهو
نسمه: شكرا أنا هروح أروق المكان
أحمد: ماشي
_لبس أحمد البدله وحقيقي كان شكله جميل أوى فيها_
نسمه: أوعى أوعى إيه الحلاوة دى يا عم
أحمد وهو مبتسم: طول عمري قمر الأيام هي اللي بهدلتني بس أنا حاسس إني مش أحمد وحاسس إني كنت حد كويس بس مش عارف أنا مين وحصلي إيه!
نسمه: أنا كمان حاسه كده إنك حد كويس
_قسم الشرطه _
نسمه: هو إنتي بتعيطي ليه يا حجه! وليه مش تدخلي تحكي مشكلتك لأي حد ليه قاعده بره القسم كده!
_موجوعه أوى يا بنتي اللي كان بيحس بيا وبيطمني على حق إبني المظلوم مش لاقياه وكل يوم أجي أسأل عليه مش ألاقيه ومحدش عارف راح فين الناس كلها بتدعيله قادر ربنا يبعته للغلابه اللي زينا
نسمه: متعيطيش تعالي معايا أنا داخله اعمل محضر وانتى أحكي مشكلتك وهتلاقي حد يساعدك
_الرائد جلال كان يساعد كل الناس كان عنده حنيه تغطي على أي حد كنت بشتكيله بعد ربنا
-دخلت نسمه عشان تقابل الظابط وتحكي على المشكله اللي حصلتلها وتضمن من خلالها زياد مش يحاول يقربلها تاني-
الظابط: ده كل اللي عندك!
نسمه: اه
الظابط: هبعت حد ياخد أقوال الشخص اللي كان معاكى وقت الحادثه عشان ناخد الإجراءات اللازمة
نسمه: بس ممكن اعرف الست اللي بتعيط دي حكايتها اي لو سمحت!
الظابط: القسم كله في حاله حزن شديدة
نسمه: يا ساتر يارب عشان ايه!
الظابط: إحنا فقدنا اجمل الشخصيات اللي موجوده عندنا الرائد جلال كان ظابط بجد كان قمه في الإنسانية لحد ما وصل لينا خبر إن عربيته غرقت لكن العربيه طلعت وهو مطلعش ولحد دلوقتي منعرفش هو عايش ولا ميت هتلاقي كل الناس حزينه عليه وبتعيط اغلبهم الناس الغلابه
نسمه: إن شاء الله يرجع بالسلامه يارب
الظابط: ده عسكري حمدي هيجي معاكي ياخد أقوال الشخص اللي بتقولي إسمه أحمد وبكره الصبح البلاغ يتقدم للنيابه
نسمه: شكرا على تعبك معايا
الظابط: لا شكر على واجب مع السلامه
_السوبر ماركت_
أحمد: هو انت ناوي على موتك!
زياد: أه عشان كده جيت أصل نفسي أموت على إيدك
أحمد: جايب معاك شويه خنازير تتحامي فيهم هو انت مش راجل ولا لامؤخذه!
زياد أتعصب من الكلمه دى وشاور للناس اللي معاه كلهم هجمت على أحد تضربه وفي لحظه الهجوم زياد خبط أحمد على دماغه من غير ما أحمد يشوفه كان لحظه خيانه من زياد أحمد وقع بعدها علي الأرض وفقد الوعي_
#البارت_الرابع
#قلب_شايل_بيت
#مني_أبو_نوفل
نسمه: أنا بشكر حضرتك جدا علي إنك قدرت ظروفي و فهمت كلامي
الظابط: إحنا هنا في خدمتك يا آنسه و العسكري حمدي جاي معاكي ولحد ما ياخد أقوال أحمد ويرجع هتبقي في حمايته بعد ربنا عشان نقدر بعدها نضمن سلامتك
نسمه: شكرا مره تانيه عن إذنك
_خرجت نسمه من القسم ومعاها العسكري حمدي عشان ياخد أقوال أحمد نسمه كانت ماشيه وعندها ثقه في نفسها كبيرة أوي من يوم ما حست إنها محبوبه و إن أحمد موجود معاها و لو حصل معاها حاجه هتلافي راجل في ضهرها
دخلت نسمه السوبر ماركت وشافت أحمد غرقان في دمه، وفاقد الوعي، قعدت تصوت، وخرجت تطلب الأسعاف_
العسكري حمدي ب صدمه كبيره وعيون حاده: الرائد جلال! معقول اللي بيحصل ده!
_خرج العسكري حمدي يجري من الصدمه ومن كتر ما هو فرحان فضل يجري لحد ما وصل القسم على رجليه و وشه كان أحمر من الرعب اللي حصل معاه، ومن كتر الصدمه مش قدر يطلب الأسعاف، ولا يقرب من الرائد جلال_
الظابط ب لهفه: انت بتقول ايه! الرائد جلال عايش!
العسكري حمدي وهو فرحان والدموع على خده: والله العظيم يا فندم زي ما بقولك كده عايش يا فندم عايش
_الظابط قعد فجأه على الكرسي وبص لفوق وخد نفس طويل وقال الحمدلله_
-المستشفى-
نسمه وهى لامسه إيد أحمد وبتعيط: أنا والله مش عارفه ليه بيحصل معايا كده! سامحني يارب أنا كل لما أحس إني فرحانه تيجي حاجه تبوظ فرحتي،
_فضلت نسمه باصه على أحمد ودموعها نازله، وهو فاقد الوعي ومش حاسس خالص بوجود حد ونسمه مش سابته لحظه_
-الظابط فضل يلف على كل الأدوار ويدور على الرائد جلال وكل لما يسأل عليه محدش يعرفه لأنه بيسأل على إسمه الحقيقي إنما اللي في المستشفى عارفين إنها حادثه، واللي فيها شخص إسمه أحمد فضل الظابط يلف الأوض لحد ما شاف نسمه بتعيط والعسكري حمدي كان موجود مع الظابط-
نسمه ب دموع: حضره الظابط؟
شوفت زياد عمل ايه؟
زياد كان هيقتل أحمد اللي قولتلك عليه جيب حقه يا حضره الظابط بالله عليك جيب حقه
-الظابط فضل باصص على الرائد جلال وهو مصدوم حتى مش بص علي نسمه ولا سمع هي كانت بتقول ايه-
الظابط: حمدي خد نسمه ترتاح شويه بره وجيب ليها عصير وانا هدخل أطمن على أحمد
العسكري حمدي وهو فاهم نظرات الظابط وكلامه: حاضر يا فندم اتفضلي يا آنسه نسمه
_دخل الظابط عند الرائد جلال وقعد جمبه مستنيه يفتح عنيه عشان يقول إنه كان واحشه أوي وكل حاجه في غيابه ملهاش أمان ولا طعم ولا لون وإن الظلم زاد، والمجرمين زادت، والبلطجه كترت، وإنه حزين كل الحزن علي فراقه، وإنه نفسه يقوله وحشتنى يا صحبي يا صديق عمري كانت دموعه نازله لحد ما الرائد جلال فتح عنيه_
الظابط: جلال! انت سامعني وشايفني! بالله عليك قول إنك كويس وأنا والله مش هتكلم خالص بس طمني عليك انت مش عارف إحنا من غيرك عاملين اية
جلال وهو بيحاول يتكلم: عمرو! أنا شايفك بس أنا فين!
الظابط عمرو وهو مش مصدق وبيعيط: الحمدلله يا جلال إنت كويس الحمدلله أنا عارف اللي عمل فيك كده ومش هرحمه، أقسم بالله مش هرحمه،
جلال: فين نسمه يا عمرو؟ أوعى يكون حد أذاها؟
عمرو: نسمه كويسه إنت كنت فين كل الفتره دي يا جلال! وإيه جابك ودخلك في مشكله نسمه وزياد!
جلال: هحكيلك على كل حاجه بس أهم من كل دة محدش يعرف إن الذاكرة رجعتلي وإسمي قدام نسمه أحمد يا عمرو فاهم!
الظابط: كل اللي تقول عليه موافقك فيه أنا كل اللي يهمني سلامتك والله
جلال: ناديلي علي نسمه أطمن عليها
_خرج الظابط وهو فرحان ومش مصدق نفسه إن صاحبه الوحيد عايش وبيكلمه-
العسكري حمدي: طمني يا فندم!
الظابط وهو بيبص على حمدي نظره غموض: أحمد كويس وطلبك يا نسمه روحي شوفيه وأنا وحمدي هنا موجودين لو حصل حاجه بلغيني فوراً
نسمه: حاضر بس ليه حضرتك زعلان أوي كده إنت حتى أول مره تشوف أحمد هو كويس طيب ولا حضرتك مخبي حاجه عليا!
الظابط: هو كويس خالص أنا بس عاجز مش عارف أعمل حاجه غير لما أسمع أقواله عشان أقدر أقبض على زياد، هو بس صعبان عليا شكله غلبان
نسمه: ماشي عن إذنك
الظابط: اتفضلي
العسكري حمدي بعد ما نسمه مشيت: ليه يا فندم مش نعترف إنه الرائد جلال
الظابط: دي أوامر الرائد جلال يا حمدي مش لازم نسمه ولا غير نسمه يعرف حاجه ولا حد من المركز يعرف حاجه لحد ما أشوف جلال عايز يعمل ايه
العسكري حمدي: اللي تشوفه يا فندم اتفضل أقعد
نسمه ودموعها نازله أوي: والله العظيم أنا أسفه منه لله زياد أنا غلطانه انى خرجت وسبتك لوحدك وقتها أنا مقصدش
الرائد جلال وهو ماسك إيد نسمه وعلى وشه إبتسامه خفيفه: متقلقيش طول ما فيا نفس أنا عايش بيه عشانك يعني لو كنتي موجوده وقتها كنتي هتضربي زياد! انتي قادره تشيلي نفسك
نسمه وهي بتضحك وبتمسح دموعها: أنا أحميك ب عنيا و أشيلك فوق راسي يا أحمد إنت اللي عملته معايا مش هنساه ليك العمر كله أبداً إنت بس قوم عشان نروح عند ماما وأعرفك عليها يا أحمد دي طيبه وهتحبك خالص
الرائد جلال: المهم بنتها تحبني
_نسمه اتكسفت وابتسمت وسحبت ايديها لما كان الرائد جلال ماسكها ولحد دلوقتي متعرفش إنه الرائد جلال اللي الناس كلها بتحبه و بتدور عليه_
الظابط: الدكتور كتب علي خروج ليك يا أحمد جاهز ولا ترتاح النهاردة وبكره تخرج!
العسكري حمدي: أنا شايف يا فندم إنه يرتاح الليلة ويخرج بكره بالسلامه
نسمه: أرتاح النهاردة يا أحمد وأنا هروح البيت أجيب ليك هدوم ومش هتأخر عليك
أحمد: روحي يا نسمه أطمني على والدتك وأخواتك البنات وبكره هتيجي تلاقيني مستنيكي
نسمه: مقدرش أسيبك
أحمد: عشان خاطري يا نسمه
نسمه: حاضر
_خرجت نسمه من المستشفى، وراحت بيتها تطمن علي مامتها وتشوف البيت وطلباته وتجهز نفسها عشان كانت فرحانه إنه خلاص أحمد هيخرج بكره كانت ملهوفه تشوف مامتها وتحكيلها علي اللي حصل معاها النهارده_
العسكري حمدي وهو بيحضن الرائد جلال وفرحان: مش مصدق يا فندم الحمدلله على سلامتك
الرائد جلال: الله يسلمك يا حمدي
الظابط عمرو: مش هحضنك ولا هكلمك غير لما تقولي مين كان سبب في انك تختفي ومش نعرف عنك حاجه
الرائد جلال: هتجيب حقي يعني يا عمرو؟
عمرو وهو باصص نظرة كلها حب: ده أجيبه علي عيني يا حبيبي
جلال: وحشتنى أوي يا عمرو
-حضن جلال عمرو والعسكري حمدي بيعيط وفي نفس الوقت فرحان علي رجوع الرائد جلال حبيبهم كلهم-
الرائد جلال:المهم نسمه متعرفش حاجه عني وانا زي ما أنا أحمد ماشي يا حمدي؟
العسكري حمدي: عيب يا فندم ولو عايز إسمي يكون أحمد برضو أنا موافق
الرائد جلال وهو بيضحك: والله مش خايف غير منك إنت
الظابط عمرو وهو بيضحك: كنت بدخل المكتب أوقات ألاقي حمدي بيعيط يا جلال، وهو ماسك صورتك كنت بشوفه بس هو مش يشوفني
حمدي وهو مبتسم: ليه كده تكشفني يا فندم!
جلال: وحشتوني خالص
مامت نسمه: خدي يا بنتي الأكل اللي جوه كله وهدوم أبوكي في الدولاب ولو أجي معاكي يا بنتي احسن
نسمه: متعيطيش يا ماما هو كويس
مامت نسمه: مكنتيش تيجى يا نسمه كنتى خليكي معاه يا بنتى أكيد محتاجلك ده لا أم ولا أب ولا أخ يا نسمه خدي يا نسمه الأكل والهدوم ومش تقلقي علينا أنا مع أخواتك متقلقيش علينا يا بنتى
-خرجت نسمه من البيت ومعاها الأكل والهدوم وفي طريقها للمستشفي كانت قلقانه علي أحمد وكانت تتمني توصل في أسرع وقت عشان تبقى جنب أحمد-
الظابط عمرو: قولي يا جلال بقا أروح أجيب اللي دبرلك الحادثه من قفاه، وموضوع زياد ده لما أروق ليه،
جلال: مينفعش أقولك حاجه دلوقتي أنا هجيب حقي بنفسي
عمرو: موافق بس تاخدني معاك
جلال: معنديش مانع
عمرو: ماشي
جلال بصدمه: نسمه! جيتي ليه! مش قولتلك تفضلي مع مامتك وأخواتك!
نسمه: مقدرتش مش كان هيجيلي نوم يا أحمد أنا أسفه
جلال: طب بس بس متعيطش أنا كويس والله، متخافيش تعالي جمبي هنا
الظابط عمرو: أنا وحمدي بره لو في حاجه كلموني
جلال: متخافيش يا نسمه أنا كويس وأدي إيدك أهي أبوسها
نسمه وهي بتسحب إيدها ومكسوفه: إيدك أوعي كده
جلال: مكسوفه يا نسومه!
نسمه: نسومه!
جلال: وست البنات والله
نسمه: أول مره أحب إسمي كدا
جلال: أمال لو عرفتي المصيبه التانيه هتعملي ايه يختي!
نسمه: مصيبه اي!
جلال: أصل أعوذ بالله بحبك
نسمه وهي مصدومه ووشها جاب ألوان: أنا هروح أشوف الظابط لو محتاج حاجه
جلال: خدي يا بت هنا معنديش حريم تكلم رجاله أقعدي هنا علي الكرسي ده
نسمه بإبتسامة: حاضر
جلال: أول مره أحس إني كويس وفرحان من يوم ما شوفتك يا نسمه أول مره شوفتك فيها كنت حاسس اني لسه مولود شوفت فيكي البنت الجدعه اللي بميت راجل شوفت فيكي البنت الدلوعه اللي بتتكسف من أقل حاجه شوفت فيكي الرضا بحالك والأمان لأهلك شوفت فيكي الروح اللي بتساعد أي حد والأهم من ده كله شوفت فيكي الحياء يا نسمه تتجوزيني؟
نسمه وهي باصه على أحمد وعلى وشها إبتسامه: موافقه بس قبل أي حاجة تطلبني من ماما
أحمد:أول ما أخرج من هنا الصبح هطلع معاكي علي البيت وأكلم والدتك
نسمه: مستنيه الصبح يطلع
-الظابط عمرو أمر قوات تقبض علي زياد عشان القانون ياخد مجراه ويتم عقوبه زياد ولما تم القبض علي زياد، الظابط عمرو ساب المستشفى من غير ما يقول لحد وراح مركز الشرطه عشان يضرب زياد، قبل ما يتعرض علي النيابة-
العسكري حمدي: احم احم
جلال: في ايه!
حمدي: مينفعش اتكلم
نسمه: أنا هخرج
جلال: خلي بالك من نفسك ومش تروحي بعيد
نسمه: حاضر
جلال: بقينا لوحدنا اتكلم يا حمدي
حمدي: الظابط عمرو قبض علي زياد وجالي خبر دلوقتي إنه بيضربه يا فندم ضرب شديد، وإنه كدا بياخد حقك أنا أسف يا فندم بس مينفعش تسيب صحبك ممكن زياد يموت، والظابط عمرو كدا يبقي في خطر،
الرائد جلال: اتصل بيه دلوقتي قوله الرائد جلال بيقولك عايزك حالا
حمدي: مش هيصدق يا فندم أنا عملت كده موبايله مقفول لازم نلحقه يا فندم
-نسمه كانت علي باب الأوضة وسمعت كل حاجه وإن أحمد طلع الظابط اللي الناس بتدور عليه وبتعيط عشانه وإنها خلاص هتنسي كل حاجه وإنها مش من مستواه ومش هيبقل يجوزها عشان هي فقيره، وان الذاكرة رجعتله خلاص هيروح للناس اللي بيحبها وبتحبه وانه كدب عليها ومش قالها إنه الرائد جلال خرجت نسمه بره المستشفى وهي حزينه علي حظه
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق