مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية حياة الفهد من الفصل الأوّل إلى الفصل العاشر بقلم سلمى الألفى 

رواية حياة الفهد من الفصل الأوّل إلى الفصل العاشر بقلم سلمى الألفى 

#الحلقة_الأولى

ياربي يعني يوم مااهرب اهرب بفستان فرحي وكمان اروح الصعيد

= تذكرة للصعيد ياحج شالله تنستر

بصلي وللفستان اللي انا لابساه _  مينفعش كدة يابنتي تحطي راس عيلتك ف التراب فكري تاني وارجعي.

= ايه ياحج هو انت تعرفني ماتجيب التذكرة وانت ساكت

_ امسكي بنات اخر زمن ربنا يهدي

= ربنا يخدك

مشت وانا متعصبه وجريت عشان الحق القطر ركبت اخيرا

كل اللي كانو في القطر بيبصولي بستغراب طبعا ماهو حدث تاريخي عروسه هربانة يوم فرحها وبالفستان كمان

سمعت الست اللي جنبي بتوشوش اللي معاها

= شوفتي اهي دي اخرة اللي يدلع بناته ويسيبهم براحتهم

_ تلاقي اهلها قالبين الدنيا عليها

= مش مكسوفة وهيا هربانة كدا

بقلم الكاتبة المجهولة 

_ ياترا حكايتها ايه

= تلاقيها ما*شية مع واحد وهربت عشان تروحله 

اتعصبت من كلامهم : والنبي ياحجة لما تعوزي تستفسري ع حاجة ابقي تعالي اسأليني متألفيش من عندك وبعدين خليكي في نفسك وملكيش دعوة بيا

زهقت من نظرات الناس ليا وكلامهم نمت شوية

= ياعروسة قومي ياعروسة وصلنا

_ هاااه في ايه ياعم بتصحيني ليه

= وصلنا دي اخر محطة

_ دي الصعيد

= ايوا... بقولك ايه راجعي نفسك تاني اللي بتعمليه دا مش صح

_ انا طلبت راأيك؟! هل انا طلبت رأيك؟!

= انا بديكي نصيحة كأخ

_ تسلم ياباشااا وفر بقا نصايحك لحد غيري

سبته ونزلت من القطر مشيت شوية لحد ما وصلت لاول الصعيد وطبعا ماقولكمش ع نظرات الناس ووشوشتهم عليا... يتبع

#الحلقة_الثانية

سالم : تعالي يافهد سلم علي عروستك 

فهد بصدمة : نعم!.... ايه اللي بتقوله ده يابوي ومين دي اصلا

حياة اتصدمت : ايه اللي بتقوله دا ياخالو عروسة مين

سالم بهدؤ : تعالو اقعدو عشان اعرف اقول الكلمتين اللي عندي

"هزو راسهم بطاعة واتجمعو وقعدو كلهم كل ده وفهد وحياة باصين لبعض بضيق وعدم فهم

سالم : اتصل بعمك محمود يافهد خليه ياجي بسرعة كله لازم يسمع الكلام اللي هقوله ده

" فهد أومأ براسه وطلع تلفونه وكلم عمه كانو كلهم قاعدين هاديين وكل واحد في راسه الف سؤال

"بعد شوية دخل راجل شكله في الخمسينات من عمره ومعاه ست في الاربعينات وكان ساندها وهيا باين عليها التعب

هايدي جريت عليهم بلهفة وقلق

هايدي : خير يابوي الدكتور قال ايه؟! امي مالها

محمود بهدؤ : متخافيش يابتي امك بخير هو السكر عليَّ عليها شويه واغمي عليها

هايدي سندتها : الحمد لله... حمد لله ع سلامتك ياما

سعديه بتعب : الله يسلمك يابتي

هايدي سندتها ودخلو ومحمود استغرب من وجود حياة

محمود باستغراب وحنان : حياة!!.... كيفك يابنتي

حياة حضنته : كويسة الحمد لله ياخالو

تكملة الرواية من الفصل الأول إلى العاشرهناا⏬👇

الفصل 11الى الفصل21من هنا 👇 ⏬ 👇 ⏬ 

" اطمنو علي سعدية وقعدو كلهم مستنيين سالم يتكلم

محمود بهدؤ : خير ياخوي استعجلتنا ليه فيه حاجة

سالم بهدؤ : خير ان شاء الله... اني قررت ان فهد ولدي هيتجوز حياة والفرح النهاردة

" الكل اتصدم من اللي سمعه وبالاخص حياة وفهد 

فهد اتعصب لانه مبيحبش حد يأمره وقف مرة وحدة بضيق

فهد بصوت عالي : لاااه يابوي اني مش موافق اتجوزها عايزني اتجوز وحدة مشوفتهاش الا مرة ولا مرتين

سالم اتعصب من ابنه اول مرة يعلي صوته عليه ويعصي اوامره بصله بغضب شديد وعصبيه

سالم مسك عصايته وضرب الارض بقوة وكل اللي قاعدين خافوا : والله عااال علي اخر الزمن تعلي صوتك علي ابوك هي دي ربايتي ياافهد بييه

"فهد اضايق من نفسه لانه بيحب ابوه وبيحترمه جدا ومبيرفضش ليه طلب ودلوقتي بيعصي اوامره

فهد بأدب وندم : اسف يابوي حقك عليا

سالم بضيق : اقعد خليني اقول الكلمتين اللي عندي

فهد هز راسه بالطاعة وقعد وحياة بتبص عليهم ومش فاهمة حاجة

محمود : انا مش فاهم حاجة ياسالم وحياة جايه اهنيه ليه وايه الفستان اللي هيا لبساه ده فيه ايه

سالم : دلوقتي هتفهمو كل حاجة... شاور لحياة : احكلهم يابنتي اللي حصل معاكي

" حياة هزت راسها بطاعة وبدأت تفتكر ماضيها بأسي

حياة : بابا اتوفي من سنتين زي ما انتو عارفين ولما خالي سالم وخالي محمود جم العزا وطلبو من ماما تجي معاهم هنا هيا رفضت وقالت مينفعش تسيب بيتها هيا وبابا وكمان عشان كليتي.. عشنا انا وماما مع بعض لوحدينا واعمامي كانو بيهتمو بينا كويس عدي فترة حوالي سنة تصرفات عمي شاكر اتغيرت وكان بيزورنا كتير اوي وبيحاول يفتح مع ماما موضوع جوازي وقالها انه عنده عريس كويس هيناسبني

لما ماما سالته عن العريس عرفنا انه قصده علي كريم ابنه

تستمر القصة أدناه

دموعها نزلت : انا وماما اول ما عرفنا رفضنا لان كريم ك.. كان مدمن وبتاع بنات وتصرفاته مش كويسة و... و.. حاول قبل كدا يتهجم عليها

" بدات تعيط بشكل هستري ونفسها يضيق فهد قلق عليها اوي وكان في نار في قلبه هو مش فاهم ليه حاسس كدا بس كل اللي يعرفه انه عايز يقتل كريم دا حالا

جميلة قرب عليها وحضنتها ومسحت علي ضهرها بحنية : اهدي يانور عيني متخافيش يابتي احنا معاكي

حياة هديت شوية وكملت وهيا في حضن جميلة : لو بابا مكنش موجود في الوقت دا كان كريم عمل اللي عايزه

" فهد اتنهد براحة لما سمع باقي كلامها دي وان كريم مش قربلها

حياة بدموع : انا وماما رفضنا عمي شاكر حاول يقنعنا انه اتغير بس مصدقناش واعمامي مسكتوش واصروا اني اتجوز كريم بالغصب فضلنا ع الحال دا سنة كاملة ماما حاولت تتصل بيكو بس عمي كان واخد التلفونات وكمان مرات عمي كانت بتفضل معانا ع طول

وفي مرة وانا ف الكلية اخدت تلفون صحبتي واتصلت بياسمين لاننا كنا صحاب وقتها بس تلفونها كان بيدي مغلق وهالة بنت عمي شافتني وقالت لعمي شاكر يوميها حبسني في اوضة وضربني كتير وماما اترجته يسبني ووعدته اني مش هعملها تاني ومن يومها وهالة بتروح معايا الكلية وبتراقبني

حياة تعبت وهيا بتفتكر الماضي ونفسها ضاق

سالم : هنية هاتي كوباية ماية بسرعة

هنية جابت الماية وجميلة شربت حياة ومسحت ع شعرها بحنية

حياة : انا وماما عرفنا ان عمي عايزني اتجوز كريم عشان ياخد ورثي لاني وريثة بابا الوحيدة وكمان بابا كان عنده اراضي كتير وفلوس كتير وبعدين عمي شاكر قرر نتجوز ف اسرع وقت

...... فلاش باااااك.....

شاكر بصرامة : اعملي حسابك يازهرة فرح حياة بنتك كمان شهر علي كريم ابني ودا اخر كلام

زهرة بعياط : ابوس ايدك ياشاكر بنتي زنبها ايه تتجوز ابنك دا سبها في حالها

شاكر : انا قولت اللي عندي ودا اخر كلام

حياة بعصبية : وانت شايفني عيلة ولا ايه لا انا كبرت ومسؤلة عن نفسي وانت ملكش الحق انك تتحكم فيا

شاكر مسكها من شعرها وفضل يضرب فيها لحد مابقت شبه فاقدة للوعي ووشها كله دم وزهرة بتحاول تبعده بكل قوتها

زهرة بعياط : ابوس ايدك سيبها هتموت في ايدك ورحمة اخوك سبها حرام عليك

شاكر بعد عنها بعصبية : تعقليها وتفهميها كويس والا هيبقي ليا تصرف تاني معاها

زهرة وهيا بتحاول تفوق حياة وبتعيط : حاضر حاضر

طلع وقفل الباب وراه وزهرة جابت ماية وشربت حياة وهيا مقهورة وبتعيط ع حال بنتها

زهرة بحزن : قومي ياروح ماما قومي ياحببتي انا اسفة ليكي حقك عليا انا معرفتش احميكي

تستمر القصة أدناه

حياة بتعب : متعتزريش ياماما انتي ملكيش زنب بس انا مش هسكت ومش هتجوز ابنه المقرف دا

زهرة : وانا مش هسمحلهم يعملو فيكي كدا يانور عيني انا ههربك ياحياة

حياة : ههرب!!... ههرب فين انا ليا مين اروحله؟!

زهرة : حتروحي لأخوالك في الصعيد هما اللي هيحموكي واعمامك ميقدرش يلمسوكي طول ما انتي في حمايتهم

حياة : بس انا معرفش مكانهم انا مروحتش هناك غير لما كان عندي عشر سنين

زهرة : اسالي ياحياة اللي يسال ميتوهش يابنتي المهم انك تهربي من الوحوش دول

حياة : وانتي ياماما انا لا يمكن اسيبك هنا لوحدك معاهم

زهرة : متخافيش ياروحي ميقدروش يعملولي حاجة

زهرة وحياة اتفقو علي خطة ولقيو ان انسب وقت للتنفيذ يوم الفرح

عدي شهر وكان صعب جدا عليهم لحد ماجه يوم الفرح وزهرة قدرت تلهي شاكر وحسين اعمام حياة وباقي العيلة وهربت حياة من الباب الخلفي للبيت

..... بااااك........

جميلة بحزن واسي : ياعيني يابتي كل ده حصلك

سالم بجدية : دلوقتي حياة في حماية عيلة المنياوي اللي اني كبيرها يعني لو حصلها حاجة تبقي عيبة في حقي

محمود : متخفش ياخوي محدش يقدر يلمسها طول ما احنا موجودين

سالم : كتب كتاب فهد ابني وحياة بت خيتي النهاردة بعد صلاة العشااا

حياة : بس انا مش عايزاه ياخالو ومش عايزة اتجوزه

سالم فتح ليها ايده كأشارة انها تروح في حضنه وفعلا راحت

سالم بحنية : انتي بتثقي في خالك ياحياة صح؟!

حياة : يمكن معشتش معاك وقت كبير بس بحس بالأمان في وجودك وبعتبرك زي بابا الله يرحمه

سالم بهدؤ : يبقي تعملي اللي اقولك عليه

هزت راسها بالطاعة بينما فهد اتكلم بضيق

فهد : بس يابوي مش لازم اتجوزها عشان احميها انا اقدر احميها من غير جواز ومحدش هيقدر يلمسها

سالم : احنا ملناش حق عليها ياولدي اعمامها ليهم الحق اكتر مننا ولو عايزين يخدوها القانون في صفهم ويقدروا يقولوا اننا خاطفينها اما لو اتجوزتها مش هيقدرو يعملو حاجة عشان محدش بيخطف مراته يافهد وبعدين انا قولت كلمة يبقي تتسمع من تم ساكت

فهد : مفهوم يابوي بس اشمعنا اني ما هشام موجود مايتجوزها هو

هشام بسرعة : لاه عمي قال فهد يبقي هو فهد

سالم : كفياكو كلام هشام لسه مخلص دراسة قريب يعني مبناش نفسه ميقدرش يشيل مسؤليه وانا قولت كلمة كتب كتابك انت وحياة النهاردة خلص الكلام

" سالم قام وفهد راح اوضته بضيق بس من جواه في سعادة هو مش عارف سببها

وهايدي كانت في نار في قلبها وحاولت تداريها بصت لحياة باستحقار وراحت اوضتها

جميلة خدت سعدية توصلها اوضتها

حياة : هيا مين البت اللي شبه السلعوة دي

اية بتكتم ضحكتها : ههه مش فكراها ولا ايه دي هايدي بنت عم محمود

حياة : مشوفتهاش من زمان وكمان متكلمتش معاها كتير زيكو احنا كنا بنتكلم فيديو كول كتير لحد ما الست ياسمين بدأت تطنشنا

ياسمين سرحانة وعنيها مليانة زعل وحزن

حياة بصوت عالي : يااااااااسمين

ياسمين انتبهت ليها : هااه نعم بتناديني

حياة : لا ابدا ياختي دا انا صوتي راح والهانم مش هنا

ياسمين : معلش مسمعتكيش ياخيتي

حياة باستغراب : مالك ياياسمين انتي كويسة

ايه بتوتر وبتداري ع الموضوع : طب مش يلا ياعروسة ولا ايه عشان تجهزي كتب كتابك كمان شوية

ايه شدتهم من ايدهم وراحو اوضة ايه وياسمين وبدأو يجهزو حياة وطبعا طلبو ليها فستان جديد وحطت لمسات صغيرة من الميكب زادتها جمال وكانت زي الاميرات

ايه وياسمين بصولها باعجاب وجميلة وسعدية حضونها وانبهروا من جمالها اما هايدي كانت بتبص عليها بكره وحقد

نزلوا تحت كان المأذون قاعد وجنبه فهد وسالم ومحمود فهدلما شافها مقدرش ينزل عينه من عليها

فاق على صوت الزغاريط بعد جملة ألمأذون الشهيرة

"بارك الله لكما وبارك عليكما وجمع بينكما في خير"

قرب منها ببرود وحضنها بهدؤ

فهد بجدية وهمس ليها : مش تفرحي قوي ده عشان الناس متشكش في حاجة

سالم للبنات : خدوا العروسة لأوضة الحريم وانت يافهد تعالي نقعد مع الرجالة في الجنينة

البنات قعدوا مع بعض ورقصوا كتير والرجالة كمان قعدو في الجنينة واحتفلو بجواز ابن كبير البلد اكبر ابناء عيلة المنياوي

ولحد ما اخيرا الاحتفال خلص وكل واحد راح بيته

سالم بجدية : اطلع ارتاح عشان بكرة هتسافر تجيب عمتك من مصر عشان تعيش اهنيه

فهد بطاعة : حاضر يابوي

........ في اوضة فهد وحياة.........

كانت واقفة قدام المراية وبتبص ع نفسها والحالة اللي وصلت ليها اتجوزت وامها وابوها مش معاها وكمان من واحد مبيحبهاش ولا هيا بتحبه دموعها نزلت بقهر

فجأة سمعت صوت ضرب نار تحت اتخضت فتحت باب اوضتها وطلعت برة وفجأة.............

....... يتبع.......

#الحلقة_الثالثة

_ حياة طلعت من اوضتها اول ما سمعت ضرب النار لقيت كل البنات اللي في القصر بيجروا في اتجاهات مختلفة... وسالم ومحمود وفهد وهشام ماسكين اسلحة وقدامهم الحراس باسلحتهم

سالم بزعيق : جميلة لمي كل حريم الدار وروحوا ع المخزن جوام وانت ياهشام تروح توصلهم واوعاك حد يجراله حاجة

جميلة بخوف وطوع : حاضر ياود عمي

هشام : اوامرك يابوي

حياة نزلت وهي خايفة وبترتعش وبتعيط : ف.. فيه ايه ياخالو وايه الصووت دا

سالم شاور لفهد وفهد فهم وراح عندها بهدؤ

مسك وشها بحنية وبص في عنيها : متخافيش ياحياة ده موضوع صغير روحي انتي مع امي وشويه وهاجيلك

حياة بدموع : خد بالك من نفسك

فهد : يلا روحي مع امي  

جميلة خدتها وجمعت كل البنات والخادمات وراحو ع المخزن  وهشام  وراهم

........ قدام القصر......

سالم بزعيق : جراا ايه ياولد الرفاعي جاي تتهجم علينا في دارنا انت مخابرش احنا مين ولا ايييه

سعد الرفاعي : ولدك اللي بدأ وهجم ع ولدي لولا ربنا سترها كان ولدي راح فيها دلوقت

بقلم الكاتبة المجهولة

فهد بجمود : مش تنسي ولدك عمل ايه هو اللي غدر بيا

سعد بغيظ : ولدي مغدرش بحد يافهد الصعيد مش هوا ده صاحبك وانت عملت فيه ايه ظخيته وكنت عايز تجتله

فهد اتعصب وقرب منه رجاله سعد رفعو عليه السلاح واول مارفعوه رجالة سالم رفعوه في وشهم

سالم شاور لرجالته ينزلو السلاح وفهد بص ع سعد بنظره هو فهمها

سعد بهدؤ : نزلوا السلاح يارجالة

فهد وقف قدام سعد واتكلم بفحيح كالافعي : انا لحد دلوقت ساكت احمد ربك ان ابنك مماتش اني كنت ناوي اجازيه ع عملته خليني ساكت احسنلك ياسعد الرفاعي عشان انا وانت عارفين ان محدش يجدر يجف جدام فهد الصعيد لم رجالتك وارجع احسنلك

سعد بلع ريقه هو فعلا عارف انه ميقدرش يقف قدامهم

سعد بجمود : اني همشي دلوقت بس حسابنا مخلصش ياولد المنياوي وحج ولدي حيرجع

سعد خد رجالته ومشي بعصبيه وفهد بص لابوه اللي كان متابع الكلام بهدؤ

سالم : روح هات الحريم من المخزن يافهد واطلع نام انت ومراتك النهاردة فرحكو والصبية متهنتش

فهد بسخرية : ده بينو يوم ابيض يابوي العروسه وشها حلو علينا قوي

فهد دخل وسالم ومحمود دخلو وراه بعد ما امرو الرجالة ياخدو حذرهم

...... في المخزن.......

كله كان خايفة وخاصة حياة هيا مش متعودة ع كدا اما الباقي عايشين ف الصعيد وعارفين انهم معرضين للموقف دا ف اي وقت

حياة كانت بتدعي وهيا خايفة وبعدين بصت علي الباقي ملقتش ياسمين خافت لتكون بره بعدين سمعت صوت شهقات وعياط خفيف

بصت في كل مكان لحد ما لقتها قاعدة في ركن بعيد وضامة رجليها لصدرها وبتعيط جامد وايه جنبها بتهديها

راحت عندها بسرعة : ياسمين مالك بتعيطي ليه

مردتش عليها كانت وفضلت تعيط

حياة بدموع : ياسمين انتي خايفة متخافيش.. اهدي... بصي محدش هيحصله حاجة ان شاء الله

حياة بصت لقيت جميلة واقفة وشيفة بنتها ومراحتش عندها راحت لها

حياة : ماما جميلة تعالي ياسمين بتعيط تعالي هديها

جميلة بجمود : سيبيها يابتي هيا هتسكت دلوقت

حياة : ازاي ياماما دي بتعيط جامد تعالي بس احضنيها وهديها

جميلة بعدت ايد حياة بجمود : قولتلك خلاص ياحياة

حياة بصتلها باستغراب وبعدين راحت عند ياسمين تاني

حياة ببرائة : متخافيش فهد وعدني انه هيحمينا

ايه : خلاص ياخيتي اهدي مفيش حاجة

ياسمين بعياط وشهقات : اني معملتش حاجة اني اسفة... ه. هو اللي عمل كدا.... اني مليش ذنب

حياة : انتي بتقولي ايه انا مش فاهمة

هايدي بعصبية : وانتي مالك انتي بعدي عنيها

حياة : انتي بتكلميني كدا ليه

هايدي : هو اكده عشان انتي تستحجي كده ياخطافة الرجالة

حياة : ايه اللي بتقوليه دا كلميني بادب احسنلك

هايدي بزعيق : انتي....

سكتت اول ما فهد دخل

فهد بجمود : يالا كل واحدة ع اوضتها مفيش حاجة

كله مشي وفهد مسك ايد حياة واخدها وهيا عينيها ع ياسمين

بقلم الكاتبة المجهولة

....... في غرفة فهد......

حياة : هو كان فيه ايه برا

فهد بجمود : موضوع ملكيش صالح بيه

وسابها ودخل خد دش وغير هدومه وهيا دخلت بعده وغيرت هدومها ولبست بجامة رقيقة وفردت شعرها

طلعت لقيت فهد نايم ع السرير وعيونه لسه مفتحة اول ما شافها بحلق فيها وف جمالها

حياة بكسوف : احم... هنام فين

فهد فاق من سرحانه : ع السرير

حياة : وانت؟!

فهد شاور جنبه ع السرير : هنيه جنبي

حياة باعتراض : لا مستحيل انام جنبك

فهد بجمود : ملكيش الحق تعترضي اني جوزك واسمعي يابت الناس اني واحد صعيدي يعني دمي حامي ومبحبش حد يعصي اوامري مفهوم

بصلها بعيون حارقة وهيا خافت : تمام

راحت نامت جنبه : متتخطاش حدودك هاااه

فهد : مرتي واني حر وقولتلك مباخدش اوامر من حد

حياة سكتت مش عايزة تتخانق معاه لانها معترفه انه عصبي وهيا خايفة منه

عدي دقايق وهما نايمين جنب بعض فجأة لقيت اللي حاطط ايده علي خصرها وبيشدها منه لحضنه

كانت هتتكلم بس هو قاطعها : اسكتي ياحياة عشان معملش حاجة مش تعجبك

بلعت ريقها بخوف وبعدين حست برعشة في جسمها اثر انفاسه القريبة منها كانت هتبعد بس حست براحة وفضلت هادية

بعد دقايق

حياة : فهد ممكن اسألك سؤال

فهد : خلصي عشان عايز انام

حياة : هو ليه ماما جميلة متضايقة من ياسمين وهيا كانت خايفة النهاردة اووي ليه

فهد بجمود : مخابرش وياريت متتحدتيش ف الموضوع ده واصل..... ونامي

حياة اتضايقت منه وسكتت لحد ما نامت وهديت بين احضانه

........في القاهرة في بيت حياة......

شاكر بعصبية : يعني ايه ملقتوهاش

حسين : معرفش ياشاكر قلبنا عليها الدنيا كانها فص ملح وداب

شاكر : كله من امها اكيد هيا اللي هربتها

شاكر مسك زهرة من شعرها : انطقي وقولي راحت فين

زهرة بتأووه : عمري ماهقول ع مكانها ولو رجع بيا الزمن ههربها برضو مش هسيبها ضحية لطمعكو

شاكر ضربها بالقلم : انطقي وقولي راحت فين

سوزان مرات شاكر : خلاص ياشاكر سيبها هتوسخ ايديك بيها ليه

بقلم الكاتبة المجهولة 

شاكر : تفضل من غير اكل وشرب لحد ماتعترف ع مكان بنتها

هزت سوزان راسها بطاعة وبصت لزهرة وخرجت وقفلت عليها الاوضة

......... تاني يوم .......

حياة صحيت متاخر لقيت فهد مش جنبها قامت وغيرت هدومها ولبست عباية بيتي واسعة ونزلت

جميلة : صباح الخير ياعروس ده كله نوم

حياة : معلش ياماما بس كنت تعبانة والله ومنمتش بقالي يومين

جميلة : ولا يهمك يانور عيني اجعدي افطري

حياة : هو فين بقيت العيلة وفهد

جميلة : كلاتهم فطرو من زمان وراحو يشوفو مصالحهم وفهد راح مشوار وجاي

مكملتش كلامها وفهد دخل عليهم ومعاه شنطة ووراه زهرة

جميلة : اهو جبنا سيرة القط جه ينط

حياة اول ماشافت امها جريت عليها وحضنتها بدموع

حياة : ماما وحشتيني اوي

زهرة : وانتي اكتر ياروح ماما عاملة ايه

حياة : كويسة الحمد لله المهم انتي حد عملك حاجة

زهرة : لا ياحببتي فهد الحمد لله جه ف الوقت المناسب

حياة بصتله بامتنان : شكرا اوي

زهرة : كده تتجوزي وانا مش معاكي

حياة : غصب عني انتي عارفة الظروف

زهرة : عارفة ياروحي مبروك ياروح قلب ماما اتبسطت اوي فهد كويس وهيحافظ عليكي

حياة : تعالي يلا انتي اكيد تعبانة

زهرة دخلت وسلمت ع جميلة وسعدية وبعد شوية وصل محمود وسالم وسلمت عليهم

زهرة : انا هطلع ارتاح رشوية

سالم بابتسامة : براحت ياخيتي

زهرة : تسلم ياخويا.... حياة انا جبتلك هدومك معايا هما ف الشنطة دي

حياة : تمام انا هطلع احطهم ف اوضتي

حياة وزهرة طلعو وكل وحدة راحت اوضتها

حياة ظبطت هدومها بس كان ف حاجة ناقصة منهم

...... علي طاولة الاكل......

العيلة كلها متجمعة ومبسوطين وفيه اللي بيبص بحقد واللي بيبص بحب واللي قاعد حزين ودماغة مشغوله

حياة : احم.... ماما انتي مجبتيش اللاب توب بتاعي

زهرة بتذكر : لا والله يابنتي نسيت كله من فهد اللي وترني

فهد : ياعمتي اني لو كنت قعدت دجيجة كمان كنت ارتكبت جريمة

حياة : طيب هو دلوقتي عليه محضرات مهمة وكمان انا لازم اروح جامعتي هعمل ايه

بقلم الكاتبة المجهولة

سالم : حياة يابتي فهد رايح بكرة القاهرة عشان فيه شغل في الشركة لازم يخلص روحي معاه وهاتي اللي ناجصك وكمان عشان تحولي ورج جامعتك لهنيه

فهد : اني هعمل ليها اللي عايزاه من غير ما تاجي معاي يابوي

حياة بسخرية : نينينينينيني شايفني هموت واروح معاكي

كل اللي ع السفرة كتمو ضحكتهم بصعوبة ع حركاتها الطفوليه

فهد بعصبية : اتكلمي بأدب احسنلك

حياة بعصبية : انا محترمة غصب عنك

سالم بزعيق : بس خلاص عتتخانجو احنا جاعدين ولا ايه

كله ياكل من سكات

بصو الاتنين لبعض بغيظ وبعدين كملو اكل وبينهم نظرات التحدي

حياة قضت باقي اليوم في اوضته مامتها بتتكلم معاها وكمان جميلة وسعدية و البنات انضمو ليهم وفضلو يتكلمو  لحد ما الليل جه وكل واحد راح اوضته

فهد وحياة نامو جنب بعض بعد عناد طويل وبرضو اخدها في حضنه بقت حاجة اساسيه ميعرفش ينام من غير ماتكون جنبه

حياة : فهد ممكن اسالك سؤال

فهد : بسرعة عايز انام

حياة : هو انت قابلت اعمامي النهاردة

فهد : اه قابلتهم ومتساليش عملت ايه ونامي عشان قدامنا سفر طويل بكرة

حياة نفخت بضيق ونامت في حضنه

........ الصبح.....

فهد صحي قبلها ودخل خد دش وغير هدومه

فهد : جومي يابت الناس هنتاخر

حياة بنوم : اممم سيبيني شوية ياماما

فهد : ماما ع اخر الزمن فهد الصعيد يبقا حرمة

مسك المخدة وضربها بخفة : جومي بجا

حياة قامت : فيه حد يصحي حد كدة

فهد : عشر دجايج لو مش لجيتك جاهزة همشي واسيبك

حياة نطت من ع السرير بسرعة وقامت خدت دش ولبست درس رقيق وفردت شعرها وحطت برفان وطلعت

بقلم الكاتبة المجهولة

فهد بص ليها بضيق وهو في دماغه حاجة وبعدين اتجه للعربية وهيا وراه 

ركبو العربية واتجهو للقاهرة كانو ساكتين مفيش كلام خالص

حياة بزهق : شغلنا ياعم اغنية

فهد : ياعم؟! انتي بنيه متأكدة؟!

حياة : ايه ياسطا مش عاجبك

فهد بخبث : لاه عاجبني وكل حاجة فيكي عجباني

حياة بتوتر : ق.... قصدك ايه

فهد بضحكة مكتومة : عتسمعي ايه عاااد

حياة : لا استني انا خايفة اقولك شغل تجيبلي تاكسي اللي جاي من الحمام.... انا هشغل

فهد مردش عليها بس ابتسم بخفة ابتسامته اللي بتخطف قلبها بدقنه السوده وغمازته بصتله بهيام

حياة شغلت اغنية وغنت معاها : سالكااااة وتسوق الدنيا عن عن ولا لينا مااالكااااة

فهد قفل الاغنية : بااااااس ايه الصدااع ده مش عايز اسمع صوتك واصل لحد مانوصل

حياة بصتله بغيظ : عيل فصييييل

كملو الطريق وهما الاتنين بيعاندو بعض زي الاطفال

اخير وصلو عند بيت حياة نزلو من العربية وطلعو حياة فتحت الباب ودخلت

فهد : انا نسيت تلفوني في العربية هجيبه وارجعلك

حياة باستغراب : الله طب ما انت بتتكلم زينا اهو اومال ايه لهجة الصعايدة اللي كنت بتتكلم بيها دي

فهد : طبعا يابنتي انا عشت في القاهرة ٥ سنين بس لازم اتكلم هناك صعيدي عشان ابويا ميقتلنيش

حياة : لا بس طلعت جامد انا كنت بخاف منك لما تتكلم

فهد : دا انا اعجبك اووي بس ايه رايك انهي لهجة تليق بيا

حياة : والله ع حسب لبسك لما تلبس بدلة وشياكة كدا لازم تتكلم زينا اما لما تلبس جلبية لازم تتكلم صعيدي بس ف الحالتين جامد ههههه

فهد : انا طول عمري جامد اصلا

حياة : طب يلا ياعم الجامد روح جيب فونك عشان هنتاخر

فهد ابتسم ونزل وحياة دخلت اوضتها كان ع الكومدينو صورة ليها هيا وباباها ومامتها حضنت الصورة وعيونها دمعت

حياة : وحشتيني اوي يابابا

حست بحد بيحضنها من ضهرها اضايقت من حضنه ولفت بسرعة وخضة

حياة بصدمة : كريم!!!

كريم بوقاحة : وحشتيني اوي ياحياة

حياة بخوف : كريم ابعد عني

كريم : انا بحبك ياحياة انتي جميلة اوي

حياة بزعيق وهيا بترجع لورا : كريم ابعد اياك تقرب

كريم بدأ يقرب منها ويبصلها بوقاحة وكان بيحاول يتهجم عليها وهيا بترجع لورا وبتصرخ بخوف

حياة بصريخ : فاااااااااااهد

.......... يتبع............

الكاتبة المجهولة

#حياة_الفهد

#الحلقة_الرابعة

حياة بصراخ وعياط : فااااااااهد.... بصوت متقطع : ك.. كريم ابوس ايدك ابعد عني والنبي هعملك كل اللي انت عايزه وهديك فلوسي كلها بس والنبي متلمسنيش

كريم بوقاحة : اخيرا وقعتي تحت ايدي ياحياة كنت مستني اللحظة دي من زمان

حياة فضلت تصرخ وكريم قرب منها اووي ومسكها من كتفها ولسه بيقرب وشه منها لقي حد شده لورا ووقعه ع الارض

فهد هجم عليه زي الاسد وهو في قمة غضبه وفضل يضربه في وشه بكل قوته وكريم مقدرش يدافع عن نفسه بسبب المخدرات اللي بيشربها كان زي الجثة قدام فهد

فهد بصوت عالي وبيجز علي سنانه وهو بيضربه : ازاي تفكر تقربلها والله لقتلك يابن الكلب...... هقتلك واشرب من دمك عشان تبقا تفكر تلمس حاجة ملك لفهد المنياوي يابن ال****

كريم بصراخ مبقاش قادر يتحمل وهو شبه فاقد الوعي : ااااه حر.... حرام عليك... اب.. عد  عني

شاكر كان شايف كريم وهو طالع البيت وبعدين شاف فهد قدام عربيته تحت نزل وراح بيت حياة

(ملحوظة : بيت شاكر وحسين جنب بيت اخوهم اللي هو والد حياة بس والد حياة كان بيته ليه لوحده)

...... باااااك.... 

شاكر دخل لقي ابنه نايم ع الارض جسمه كله بينزل دم وفهد نازل فيه ضرب... جري عليه وحاول يبعد فهد بكل قوته

شاكر : سيب ابني هتموته في ايدك ابعد

فهد واخيرا بعد عنه وهو بيلهث وبياخد نفسه بصعوبة اثر عصبيته

شاكر قرب من ابنه لقيه فاقد الوعي ومبيتحركش افتكره مات

شاكر بزعيق : ايه اللي عملته دا قتلت ابني

فهد ببرود وهو بيبصلهم بطرف عينه : متخفش لسه عايش هو بس هيقعد شهرين تلاتة في الجبس عشان ميفكرش مرة تانية يقرب من حاجة تخص فهد الصعيد

حياة كانت قاعدة في ركن في الاوضة وضامة رجليها لصدرها زي الجنين وبتعيط بشدة

شاكر بصلها : كله منك انتي السبب انا هوريكي.... ولسه هيقوم فهد زقه جنب ابنه

فهد بهمس : شيل ابنك وامشي احسنلك والا قسما بالله لهوريكو الوش التاني واعتقد انك ملحقتش تنسي اللي عملته امبارح لما جيت اخد عمتي..... يلاااااا

قال الاخيرة بزعيق هز جدران البيت وشاكر سند ابنه وطلع برة البيت بسرعة

فهد بهمس لنفسه : ولسه انا هوريكو فهد الصعيد هيعمل ايه

طلع صوت شهقات عالية واخيرا انتبه لطفلته البرئية اول ما شافها بالمنظر دا قلبه وجعه وحس روحه بتتسحب منه

جري عليها بلهفة وقلق ولسه بيلمس كتفها

فهد بهدؤ وحنان : حياة

نفضت ايده بسرعة وفضلت تصرخ وتعيط وتتحرك بهسترية

حياة : لاا... لا... ابعدو عني والنبي... ابعدو... هديكو كل حاجة خدو فلوسي مش عيزاها بس ابعدو عني..... متضربونيش..... لاا ابعد ياكريم حرام عليك..

بقلم الكاتبة المجهولة 

فهد حس كأن سكاكين بتقطع في قلبه لما شافها بالمنظر دا وضمها لحضنه جامد عشان يحسسها بوجوده وهيا مبطلتش عياط وفضلت تقاومه

فهد بحنان : ششش اهدي ياحياة متخافيش انا فهد انتي معايا محدش هيلمسك متخافيش

فضل يهديها وهيا بتقاومه ومش بطلت عياط لحد ما حس بيها تقيلة بين حضنه.... طلعها من حضنه بلهفة

حياة وهيا شبه فاقدة للوعي : ابعد.. عني... ابعد ياكريم.. ارجوك

فهد بخوف : حياة... حياة قومي ياحببتي انا معاكي

فقدت الوعي تماما فهد شالها بسرعة والقلق مسيطر عليه ونزل بسرعة ركبها العربية وركب جنبها وساق ع المستشفي بسرعة

فهد دخل المستشفى وهو شايلها بين ايده وطلب دكتورة ودخلها الاوضة عشان الدكتورة تفحصها

بعد شوية الدكتورة خرجت

فهد بقلق : هاااه يادكتورة طمنيني هيا كويسة صح!

الدكتورة : بصراحة هيا اتعرضت لانهيار عصبي حاد ودا هيخليها خايفة من اي حاجة الفترة دي انا كتبتلها مهدأات ياريت تاخدهم في المعاد

فهد بحزن علي حالة طفلته : طيب هيا هتخرج من المستشفى امتاا؟!

الدكتوره : تقدر تاخدها دلوقتي بس يفضل انكو تفضلو جنبها وتطمنوها الفترة دي ومتفضلش لوحدها

فهد : تمام شكرا جدا

الدكتورة : العفو دا واجبي.. ربنا يقومها بالسلامه

فهد ابتسم للدكتورة بهدؤ ودخل لحياة

كانت نايمة بملامحها البرئية اللي بتأسر قلبه راح قعد جنبها ع الكرسي ومسك ايدها

فهد بهدؤ : قد ايه انتي بريئة متستاهليش اللي بيحصل دا كله قومي واوعدك محدش هيقرب منك اوعدك هخليهم يدفعو تمن كل اللي عملوه معاكي انتي دلوقتي ملكي وف حمايتي ومحدش هيقدر يمسك بسؤ ابدا

فهد حس بأيدها بتتحرك بين ايده : حياة انتي كويسة تعبانة اناديلك الدكتورة

حياة افتكرت اللي حصلها وعيونها دمعت وبدأت ترتعش وحضنت فهد جامد : فهد متسبنيش والنبي انا خايفة هما هيضربوني وكر.. يم ككان عايز........ 

مقدرتش تكمل وانفجرت في العياط فهد ضمها ليه جامد : متخافيش ياحياة انا معاكي اهدي محدش هيقربلك

حياة : انا خايفة

فهد : طول ما فهد الصعيد معاكي مسمعش كلمة خايفة دي تاني... كمل بمرح : ولا اني مش عاجبك عااد يابت عمي

حياة بضحك بين دموعها : لااه عااجبني قووي قوووي ياود عمي

فهد : وه بقيتي تتحددتي زيينا اهه

حياة بغرور : طبعا انا اصلا شطورة وبتعلم بسرعة ههه

فهد وهو بيميل عليها وشالها : طب يلاا ياطفلتي الشطورة عشان نروح

حياة بكسوف : طب نزلني انا ليا رجلين بعرف امشي وحدي

فهد بحدة : اسكتي خالص مبحبش حد يجادلني  

بقلم الكاتبة المجهولة 

حياة سكتت بغضب طفولي وفهد شالها وطلعو برا المستشفي وركبها العربية وركب جنبها

فهد بهدؤ : هنروح نجيب حاجتك اللي نقصاكي من البيت

حياة خافت وبدأت ترتعش : لاا... لاا والنبي مش عايزة اروح هناك

فهد بهدؤ مسك وشها : ششش متخافيش انا معاكي مش هيحصل حاجة هنجيبهم ع طول ونرجع الصعيد

حياة : طب وشغلك اللي هنا

فهد : مش مهم النهاردة هاجي يوم تاني واخلصه واحولك ورق جمعتك المهم دلوقتي ناخد حاجتك اللي هنا عشان مش هترجعي هنا تاني

حياة بدموع وبرائة : بس دا بيت بابا وكل زكراياتنا فيه مقدرش مجيش تاني

فهد : هبقا اجيبك كل فترة

حياة : تمام شكرا

فهد ساق العربية ووصل البيت ووقف العربية

فهد بهدؤ : يلا

حياة مسكت ايده : اطلع معايا انا خايفة

فهد هز راسه ونزلوا من العربية ومسك ايدها وطلعو البيت دخلو........ فهد : ادخلي هاتي حاجتك وانا قاعد مستنيكي هنا

حياة هزت براسها ودخلت اوضتها وخدت كل صورها مع باباها وزكرايتها وكل حاجة نقصاها

فهد مل من القعدة في الصالة دخل ليها اوضتها وهيا كانت مشغولة بتجميع حاجتها

بص ع الاوضة كأنها اوضة طفلة رسومات كرتون ع الحيطة وصور ليها وهيا صغيرة وصور ليها هيا وباباها ومامتها مع بعض وصورها وهيا كبيرة بوضعيات مختلفة وحركات مجنونة ابتسم... جميلة ومجنونة ف كل مرة بتخطف قلبه وعقله

حياة وهيا بتهزه : فااااهد

فهد اخير فاق : نعم بتناديني

 

حياة : بناديك بقالي ساعة.....يلا انا جاهزة

فهد : تمام يلااا

شال شنطتها ونزلو ركبو العربية واتجهو للصعيد

..... في الطريق......

فضلو ساكتين وحياة مبتتكلمش وفهد كل شوية يبص عليها يلقاها سرحانة عرف انها بتفكر ف اللي حصل

وقف العربية فهد ومسك ايديها : حياة

حياة فاقت من افكاركها : هاااه في ايه.... بصت حواليها : انت وقفت هنا ليه

فهد مسك ايدها : بصي ياحياة انتي لازم تنسي اللي حصل وتبدأي من جديد انتي دلوقتي معايا ومحدش هيقدر يقربلك تمام!

حياة : تمام

فهد ساق وكملو الطريق وكانت الشمس غابت والليل جه

بعد فترة وصلو الصعيد ونزلو من العربية.... دخلو كانت العيلة كلها متجمعة دخلت حياة وطلعت ع اوضتها من غير ما تكلم حد وبعدها دخل فهد ومعاه شنطتها

زهرة قربت عنده : فهد حبيبي حياة مالها شكلها متغير حصل معاكو ايه

فهد بجمود ولهجة صعيدية : متخافيش ياعمتي هيا زينة بس تعبانة من الطريق شوية

سالم بهدؤ : ايه اللي حوصل معاكو يافهد وحياة مالها

فهد اتنهد : كريم ود عمها كان عيتهجم عليها

كله اتخض وزهرة خبطت علي صدرها بشهقة : ياحببتي يابنتي

سالم ضرب عصايته ف الارض بعصبية : وانت كنت فين عاااد اومال اني باعتك معاها ليييه

فهد بجمود : اللي حصل............ وحكالهم

زهرة : ياحببتي يانور عيني كل ده حصل معاها 

فهد : جهزي للست حياة اكل يابهية ووديه ليها

بهيه بطاعة : حاضر يابني

بهيه دخلت عملت الاكل وزهرة خدت الصنية منها وطلعت عند حياة والباقي قعدو تحت

زهرة فتحت الباب ودخلت لقيت حياة لابسه بجامة ودافنه وشها ف المخدة وبتعيط

زهرة؛شدتها لحضنها : خلاص ياقلب ماما انتي معايا محدش هياخدك

حياة بعياط : ليه ياماما كل دا بيحصلي انا عملت ايه عشان يحصل معايا كده

زهرة : استهدي بالله ياروحي انتي معملتيش حاجة دا ابتلاء من ربنا

حياة : انا بكرهم ياماما بكرهم هما اذوني اووي

زهرة : انتي دلوقتي مع اخوالك وجوزك ياحببتي وهما مش هيقدرو يقربو منك ودلوقتي يلا عشان تاكلي انا مش عارفة استحملتي اليوم من غير اكل ازاي انا مستغربة اصلا ان فهد رجع بدراعه

حياة بضحك : لا متخافيش ماهو اشترالي اكل وكلت ع الطريق

زهرة ابتسمت وبدأت تأكل حياة وبعدين خدت الصنية وطلعت وفهد دخل بعد شوية وغير هدومه ونام جنبها وخدها في حضنه

حياة : فهد ممكن اسألك سؤال

فهد : حياة متبجيش تعملي مجدمة جبل ما تسألي انا اصلا بجيت بستني فجرة اسئلة ماجبل النوم دي

حياة بتزمر : خلاص مش سأله

فهد جمد من حضنها : اسالي بت عمي

حياة : هما اعمامي لو عرفو مكاني واخدوني انت.......

فهد بمقاطعة : مستحيل اخليهم ياخدوكي انتي متجوزة راجل ومش اي راجل ده فهد الصعيد

حياة : نينينينينيني خف تواضع شوية

فهد بأبتسامة : تصبحي على خير يا حياتي

حياة بسعادة : وانت من اهله

بقلم الكاتبة المجهولة 

.......... الصبح..........

البيت كله كان متجمع الفطار ماعادا ياسمين

حياة : هيا ياسمين فين انا هطلع اناديها

جميلة : اقعدي يابتي دلوقت تنزل

حياة : ممكن تكون تعبانة هطلع اشوفها

حياة قامت من السفرة وطلعت لياسمين وكانت مستغربة انهم مش مهتمين بياسمين ايدا

حياة : ياسمين ممكن ادخل

ياسمين وهيا ع السرير بتعب : تعالي ياخيتي

حياة دخلت وقعدت جنبها : مالك شكلك تعبانة

ياسمين : مش عارفة ياحياة دماغي عتنفجر من الوجع

حياة حطت ايدها ع راسها لقيتها سخنة عملت ليها كمادات وقعدت جنبها واستغربت ان محدش طلع سال عليها الا زهرة مع انهم عارفين انها تعبانة

فضلت معاها طول اليوم

حياة : ياسمين ممكن أسألك سؤال

ياسمين بوهن : اتفضلي ياخيتي

حياة : هما ليه كلهم هنا بعاد عنك كدا وبيعملوكي بالطريقة دي

ياسمين اتوترت وحياة مسكت ايدها : احكيلي انا زي اختك

ياسمين بدموع : هحكيلك ياخيتي يمكن يخف وجع جلبي والنار اللي جايدة فيه

ياسمين بتردد ودموع : اني كنت بحب واحد قوي قوي وهو....... اتهجم عليي

........... يتبع........

#الحلقة_الخامسة

ياسمين بدموع : اني ياخيتي كنت بحب واحد قوي قوي.... بس هو حاول يتهجم عليي ياحياة

انفجرت في العياط وحياة خدتها في حضنها وفضلت تهدي فيها

حياة وهيا مصدومة : اهدي ياياسمين واحكيلي اللي حصل

ياسمين : فاكرة يوم كتب كتابك انتي وفهد اخوي ساعة ضرب النار

حياة : ايوا ايه علاقة دا باللي انتي بتقوليه

ياسمين : وجتها كانت عيلة الرفاعي جايين ياخدو حجهم عشان فهد اخوي ضرب ولدهم بالنار وكان عايز يجتله

حياة : انا مش فاهمة حاجة

ياسمين : فهد اخوي كان مصاحب واحد اسمه سيف الرفاعي ظابط شرطة بشتغل في القاهرة كانو صحاب جوي جوي كان بيجي عندنا هنيه كتير يجعد مع فهد كنا بنشوف بعض كتير هو حبني وعجبني لغاية ماحبيته واعترفنا بحبنا لبعض بس كنا مخبيين محدش من العيلة يعرف كان لما ياجي لفهد الجصر بنشوف بعض وبتقابل في الجنينة اللي ورا

من شهرين اتجدملي عريس وابوي وافج عليه وجال انه زين ويناسبني سيف لما عرف مجدرش يتحمل بس كان خايف يقول لفهد عشان فهد ميفكرش انه بيخونه وبيبص لحريم بيته 

يوميها سيف شرب هو في العادة مبيعملش اكده بس كان عايز ينسي... كلمني وهو مكانش في وعيه قالي تعالي عند الجنينة الورانية مكان مابنتجابل اني محتاجك... صوته كان ضعيف جلبي رق وروحت اجابله

........ فلاش بااااك .......

سيف بضعف : خلاص ياياسمين هتتجوزي وتبجي لغيري

ياسمين بدموع : غصب عني ياود عمي انت عارف انه لو بيدي مهختارش غيرك

سيف : واني ماعجدرش اخليكي تروحي لغيري ياياسمين

ياسمين : كلم ابوي واخوي ياسيف

سيف : مش هيوافجوا وانتي عارفة السبب ده غير ان فهد صاحبي وهيفتكر اني بخونه وببص لحريم داره

ياسمين : لااه فهد اخوي معيجولش اكده حاول تجنعه ياسيف

سيف قرب عليها وحضنها بضعف ومن غير وعي : اني تعبان جوي ياياسمين

ياسمين بخوف : سيف مينفعش اكده بعد عني

سيف كأنه متغيب عن الواقع ومش سامع حاجة بدأ يقرب منها وشيطانه اتحكم فيه

قرب عليها وقطع كم العباية بتاعتها وبدأ يهضنها ويبوسها بهستريه

ياسمين بعياط وخوف : سيف بعد عني هملني اكده غلط ابوس يدك سبني ياود عمي

سيف : انتي لي اني وبس ياياسمين

فهد كان بيتمشي في الجنينة وشافهم : سييييف هجتلك

فهد هجم عليه وضربه وبعدين طلع سلاحه وضربه في كتفه بالنار وياسمين قاعدة في الارض بتعيط وبتعدل هدومها بخوف

فهد مسكها من ايدها جامد ودخلو القصر كل اللي موجودين اول ماشافوا ياسمين بالحالة دي اتخضوا

جميلة بقلق : ايه اللي عمل فيكي اكده يابتي

فهد بعصبية : بنت المحروسة كانت عتمشي مع سيف ود الرفاعي ويحبو ف بعض

جميلة شهقت : يامرارك ياجميلة

ضربت ياسمين بالقلم : ليه تعملي فينا اكده وتحطي راسنا في الطين

سالم بجمود : من النهاردة اني مش عندي عيز بت وحدة اسمها ايه ياسمين بتي اللي ربيتها ماتت انتي عتعيشي معانا اهنه بس لسانك ميخاطبش لساني واصل

جميلة : انسي ان كان عندك ام انتي مش بتي اني بتي محترمة متعرفش ازاي تكلم رجالة

....... باااااك......

ياسمين بعياط : ومن يوميها احنا ع الحال ده لا امي ولا بوي ولا اخوي بيتحددتو معاي مش بطلع من الدار ولا بروح الجامعة

حياة حضنتها : ياااه كل ده حصل معاكي ياياسمين انتي اتعذبتي اوي

ياسمين : اني اعمل اي حاجة بس اهلي يرجعو يتحددتو معايا تاني

حياة : اهدي ياحببتي هو لو بيحبك بجد مكانش اخترع اعذار كاذبة عشان يهرب من جوازه منك انه خايف من رد فعل فهد لما يعرف دا مش مبرر فهد كان ممكن يوافق لانه صاحبه الوحيد وافضل حد يستأمن عليه اخته

ياسمين : ياخيتي مش هو ده السبب..... الحجيجة انه كان فيه مشاكل بين جدي وجد سيف وابوي وعمي محمود معيطجوش عيلة الرفاعي واصل بس كانوا بيحبو سيف عشان كان طيب ومحترم وصاحب فهد من زمان لكن ان ابوي يبعت بنته بيت الرفاعي وتعيش هناك ده اللي مستحيل يقبل بيه واصل

حياة : طيب مش حاولتي تصالحي مامتك وبابكي

ياسمين : حاولت كتير اتحددت معاهم بس مكانش حد يسمعني.... عشان خاطري ياحياة ساعديني اني مش جادرة اسامح نفسي ولا جادرة ابعد عنيهم

بقلم الكاتبة المجهولة 

حياة بحنان : متخافيش ياياسمين انا معاكي وهساعدك لحد ماترجعو زي الاول.... بس دلوقتي ارتاحي انتي تعبانة

ابتسمت ياسمين بهدؤ وحياة غطتها كويس  طلعت من الاوضة ونزلت تحت

...... في الطابق اللي فوق قدام اوضة اية....

اية خدت شنطتها ونازلة عشان تروح الكلية

هشام بابتسامة جذابة : صباح الخير ياجمر... رايحة فين

اية بكسوف : صباح النور يااخوي... رايحة الكلية

هشام : اخوي!!.... ماتحن ياجن

اية : وه اختشي ياجدع عتتغزل فيا وكمان بتتكلم عوج

هشام بضحك : ماانا بصراحة لما بشوفك بنسي الدنيا ومافيها

اية بخبث : اكده طيب اني هقول لعمي محمود ان ولده بيغازلني وكمان بيتكلم عوج خليه يطوخك عيارين

هشام بخبث مماثل : اهون عليكي يابت عمي

ولسه بيقرب منها

حياة بصوت عالي : احم احمممم بتعمل ايه ياهشام

ايه اتكسفت ونزلت بسرعة وطلعت من القصر

حياة قربت عند هشام وهو اتوتر

هشام : حياة كيفك ياخيتي انتي اهنيه من ميته

حياة بمكر : من اول صباح الخير ياقمر... وغمزت

هشام : وحيات عيالك ياشيخة استري عليا دا انا غلبان

حياة : ايه دا انت كمان بتتكلم زيي اهوو

هشام : ايوا منا جامعتي كانت ف القاهرة

حياة : امم... طب وايه موضوع ايه دا بقا

هشام : بصي هقولك بس متقوليش لحد

حياة : اشطا يامعلم سرك ف بير

هشام : امم بير مخروق.... بصي ياستي انا بحب ايه وانا اللي مربيها وهي كمان بتحبني بس لسه معترفتش

حياة : ومبتتقدمش ليها ليه ولا خايف لتترفض

هشام بغرور : لا طبعا انا مترفضش كل الموضوع اني لسه متخرج ومبنتش نفسي... هااا اديكي عرفتي اهو مش هتقولي لحد صح!!

حياة : امم... ماشي بس بشرط

هشام : اه بدأنا بقا... انتي مش قولتي مش هتقولي لحد!

بقلم الكاتبة المجهولة 

حياة : بس محلفتش

هشام : اخلصي عايزة ايه

حياة : بص هتروح تشتريلي اندومي

هشام : وانتي مش عارفة طريق المحل ولا ممعكيش فلوس

حياة : لا يابابا معايا فلوس وعارفة طريق المحل بس مينفعش اشتريه عشان ماما هتنفخني

هشام : امم موافق بس هاكل معاكي

حياة : اشطاا بس اياك زوزو تشوفهم

هشام : زوزو مين

حياة : زهرة امي ياعم الله

هشام : اه اه ماشي يالا باااي

حياة : نتقابل في الجنينة اللي ورا

هشام : اشطا يبرنس

وركب ع السور بتاع السلم واتزحلق

حياة ضحكت علي حركته : طفل والله طفل هههه

حياة مشيت لاوضتها وكانت باصة في الفومن مش مركزة ف الطريق وخبطت في حد

حياة : اه اسفة

هايدي بضيق : وه ماتفتحي ياعميه ايه معتشوفيش ولا ايه

حياة بعصبية : قولتلك اسفه محصلش حاجة يعني لدا كله

هايدي : لاه حوصول كتير جوي انتي خدتي مني اغلي حاجة عندي ودايرة تضحكي ومبسوطة واني بتعذب

حياة باستغراب : انتي بتقولي ايه انا مش فاهمة حاجة؟!

هايدي بسخرية : هه ولا هتفهمي..... ومشيت

حياة : مالها دي

............ بعد شوية في الجنينة اللي وراا.......

حياة وهشام قاعدين ع الارض وقدامهم الاندومي وبياكلو

حياة بتلذذ : الله طعمه تحفة تسلم ايدك ياهشام

هشام بغرور : انا اصلا شيف شاطر وقمر

حياة : تعرف انك قمر وبحبك اوووي

فهد كان معدي وسمعها صدفة واتضايق وكان زي البركان قرب عليهم

هشام بغرور : عادي انا اصلا قمر واتحب

حياة : شششش اسكت انت يابغل انا بكلم الاندومي حبيبي

فهد ناره هديت وضحك ع منظرهم

هشام : فصيلة وباردة

فهد بجمود : احم احم... بتعملو ايه

حياة بتوتر : طبعا لو حلفتلك ان هشام هو اللي جايبه مش هتصدقني

هشام بصدمة : انا؟! دي كدابة

حياة : تنكر؟! انكر يلا

فهد بتمثيل الجمود : باااس وانتو فاكرين انكو هتفلتو بعملتكو كدا عادي

حياة بتمثيل : ياسطا انت جدع ومش هتقول لحد صح

فهد : بقا تاكلو من غيري يا اندال

هشام : الله عليك ياابو الفواهيد... اتفضل ياخويا الاكل يكفي والمكان يسيع من الحبايب الف

فهد قعد واكل معاهم وفضلو يحكوا ويضحكو كتير

بقلم الكاتبة المجهولة 

_ الشمس غابت والليل جه

العيلة كلها اتجمعت وسهروا مع بعض والبنات قعدو فوق مع ياسمين وفي اخر اليوم كل واحد راح اوضته

حياة نايمة في حضن فهد كالعادة

حياة : فهد ممك.........

فهد بمقاطعة : اسالي ع طول ياحياتي من غير مقدمات

حياة بتردد : هو انت ممكن تسامح ياسمين يعني هيا مكنش قصدها تغلط وهيا ندمانة

فهد بعصبية وضغط ع خصرها : حياة انا مجولتش متفتحيش الموضوع ده واصل بتعصي اوامري واني راجل دمي حامي ومبحبش اكده يابت الناس

حياة بدموع : فهد انت بتوجعني

فهد حس بأيده اللي ع خصرها وضاغط عليها شالها

فهد : خلاص

حياة بعدت عنه ونامت علي طرف السرير والدموع في عينيها.... جذبها عنده مرة تانية لحضنه بحنية

حاولت تقاومه بس مقدرتش

فهد بحده : نامي ومتتحركيش ياحياة

خافت من نبرة صوته وغمضت عينيها واستسلمت ونامت اما فهد فكان بيفكر في كلامها اللي عصبه وفي دماغه الف حاجة

باس راسها بحنية ونام بهدؤ

........ الساعة ٢ في الليل......

حياة كانت عطشانة صحيت وقامت من ع السرير بعد ما بعدت عن فهد بصعوبه لانه كان ماسكها جامد

ملقتش ماية جنبها كانت متجهه لباب الاوضة وفجأة النور قطع والدنيا ضلمت

قلبها انقبض وخافت وجسمها ارتعش بشدة قعدت في ركن في الاوضة وضمت رجليها لصدرها زي الجنين ودموعها نزلت بغزارة وشهقاتها عليت

فهد صحي علي صوت شهقاتها لقي الدنيا مضلمة مد ايده ع السرير ملقهاش سمع صوت عياطها قرب من الصوت لحد ما وصل عندها

حط ايده ع كتفها بهدؤ : حياا........

حياة بصريخ ورعشة : لاا ابعدو عني طلعوني من هنا... يابابا تعالي طلعني.... خليهم يطلعوني من هنا انا بخاف من الضلمة

..... انا معملتش حاجة.........

فهد جاب فونه ونور الفلاش وقرب عليها حاول يهديها بس مقدرش وفقدت الوعي بين ايديه.......

......... يتبع.........

#الحلقة_السادسة

فهد لقى حياة فقدت الوعي شالها بسرعة ونعيمها ع السرير وهو مش فاهم هيا ليه حصلها كده

سالم وجميلة صحيو ع صوت صراخ حياة

جميلة : ياساتر يارب في ايه

سالم : الصوت جاي من أوضة قومي نشوف في ايه وايه اللي قطع الكهربا اكده

طلعو برا الأوضة وقابلو زهرة وكان باين عليها القلق

سالم : مالك ياخيتي شكلك خايفة

زهرة بخوف : سمعت صوت حياة وقومت لقيت النور قاطع اتخضيت عليها هيا بتخاف من الضلمة

جميلة : طيب تعالو نشوفها.

راحو كلهم ع الأوضة وخبطو وفهد فتحلهم

زهرة بخوف : فهد حياة كانت بصرخ ليه هيا كويسة صح

فهد : اني جومت من النوم لجيتها بتعيط وبتصرخ وبعدين اغمى عليها

سالم : اني هروح اشوف مشكلة الكهربا وراجع

جميلة : واني هجبلها مية ونحاول نفوجها

زهرة دخلت وقعدت جنب حياة ع السرير وخدتها في حضنها وفهد واقف مش عارف يعملها حاجة وقلقان عليها دقايق والنور جه وجميلة طلعت ومعاها المية وسالم وراها

جميلة قعدت جنبها ع السرير ومسحت وشها بالمراية وشربتها وحطت ايديها ع راسها وفضلت تقرأ عليها قرأن

زهرة كانت بتعيط ع الحالة اللي وصلت ليها بنتها

سالم : تعالي يافهد عايزك في كلمتين وانتي ياخيتي... جميلة اجعدي مع البنية لحد ما نرجع

جميلة : حاضر ياخوي

....... قدام أوضة فهد........

سالم بحدة : ايه اللي حوصل ده يافهد وانت كنت فين لما مرتك صرخت ماجومتش تشوفها ليه

زهرة : خلاص ياسلام فهد ملوش ذنب حياة اصلا عندها فوبيا من الضلمة

فهد بجمود : فيه ايه ياعمتي وايه اللي وصلها للحالة دي

زهرة بدموع : حياة طول عمرها بتخاف من الضلمة بس مش لدرجة انها تفقد الوعي او الفوبيا... من اول ما باباها مات ومعاملة أمامها اتغيرت ناحيتها كانو بيعاملوها وحش اوي وبيضربوها... لما كانت تغلط كانو يحبسوها في اوضة ضلمة ويسبوها من غير اكل وشرب كانت بتفضل تصرخ وتعيط كتير بس مكانش عندهم رحمة.... دموعها نزلت بغزارة وكملت بوجع : كنت بسمع صوت صراخها كانت بتترجاهم يطلعوها

قلبي كان بيتقطع عليها بس هما كانو بيحبسوني ويقفلو عليا عشان مطلعهاش... عذبوها كتير لحد مابقت بتخاف من حجات كتير هيا آه عنيدة وبتضحك كتير بس جواها وجع كبير من اللي حصل معاها بتحاول تنساه

__بقلم الكاتبة المجهولة

سالم حضنها : متخافيش ياخيتي بتك ف امان دلوقت هيا مع خالها ومحدش هيجدر يمس شعرة منها

فهد كان بيسمع الكلام وبيتخيل شكل طفلته الصغيرة وهيا بتصرخ وبتعيط من الخوف ودمه كان بيغلي

دخل اوضته من غير ولا كلمة وراح عند الدولاب واخد هدوم والسلاح بتاعه وراح عند حياة وباس راسها

جميلة بهمس : رايح فين ياولدي

فهد : متخافيش ياست الكل عندي مصلحة هخلصها وارجع.. خدي بالك منها

جميلة : في عنيا ياحبيبى

فهد طلع لقى عمته وابوه لسه قدام الأوضة

فهد : خليكي معاها ياعمتي وخدي بالك منيها

زهرة هزت راسها بابتسامة ودخلت وفهد نزل الطابق اللي تحت وغير هدومه وطلع... لسه بيفتح باب القصر

سالم : رايح فين يا فهد

فهد بهدؤ مميت : رايح اجيب حج مرتي يابوي مش مرات فهد الصعيد اللي يحصل فيها أكده... هيا متجوزة راجل

سالم : ربنا معاك ياولدي

سالم كان ناوي ينتقم منهم بس مستني الوقت المناسب ومقدرش يمنع فهد لانه عارف انه عنيد وهينفذ اللي ف دماغه

الفجر إذن وفهد صلي فرضه وجمع رجالته وفهمهم اللي هيعملوه وركبو العربيات واتجهو للقاهرة

....... الليل خلص والشمس طلعت

..... في الصعيد......

زهرة نايمة وواخدة حياة في حضنها حست بيها بتتحرك وبتهلوس في الكلام

حياة : لااا طلعوني... انا معملتش حاجة... طلعوني والنبي

زهرة بدوموع : قومي ياحببتي دا كابوس... متخافيش ياقلب ماما انا معاكي دا كابوس

حياة صحيت بخضة وفضلا تعيط وزهرة هدتها

زهرة : خلاص ياقلبي انا معاكي وفهد كمان معاكي متخافيش

حياة بهدؤ : هو فهد فين ياماما

زهرة : معرفش ياروحي هو طلع من بدري وقال انه عنده مشوار مهم..... المهم دلوقتي ارتاحي انتي لسه تعبانة ولسه بدري

حياة : لا أنا مش هنام تاني هطلع انمشي في الجنينة شويه

زهرة : براحتك ياحببتي انا ف اوضتي لو احتجتي حاجة

........ في القاهرة.....

شاكر : مين اللي ع الباب ياسوزان

فهد ببرود : دا انا ياحج شاكر فهد المنياوي عزرائيلك.... وزق الباب ودخل

شاكر يخوف : انت عايز ايه مش خدتها جاي ليه تاني مش مكفيك اللي عملته في ابني

فهد بحدة وسخريه : وهو اللي عملته ف ابنك دا حاجة استني التقيل جاي

سوزان بضيق : اخلص وقول جاي ليه ماانت اخدت المحروسه وامها وياعالم يمكن متكونش متجوزها وبتضحك علينا وهيا بتتسلي معاك

فهد قرب منها واتكلم بفحيح زي الافعى : لولا انك وحده ست وانا متعودتش أمد يدي ع حرمه كان زمانك ميته ف أرضك دلوجت بس ده مش يمنع انك هتتحسبي ع كلامك ده

فهد بحدة لرجالته : هتوهم وجيبو المحروس اللي نايم جوه

... وانتي ادخلي نادي بتك بالذوق وامشي معانا اني مش عايز حد من رجالتي يلمسكو اني عندي رجالة مين وش يدهم ع حرمه عشان هما رجالة صوح مش زيك

... وبص لشاكر بسخرية

رجالة فهد مسكو شاكر وكريم وخدوهم وسوزان وهالة طلعو والرجال وراهم

فهد راح شقة حسين اخو محمود اللي ف نفس البيت واخده هو وحسام ابنه

وركبوهم ف العربيات واتجهو للصعيد وفهد بيتوعدلهم وهما هيموتو من الخوف وبيفكرو ف مصيرهم

__بقلم الكاتبة المجهولة 

...... في الصعيد.....

حياة ماشية في الجنينة وهوا الصبح بيطير في شعرها وتستنشق براحة وبتفكر كل اللي مرت بيه

فجأة لقيت واحد بينط من ع سور القصر بصت ع الارض ولقيت عصاية كبيرة مسكتها بسرعة وجريت عنده

حياة وهيا بتضربه : بتعمل ايه ياحرام ياحيوانة والله لافضحك واخلي خالو يحبسك جاي تسرق

وبحركة سريعة الشاب لف ومسك العصاية منها وكتم بوقها بأيده

الشاب : بس بس اييييه انتي بتتحددتي كتير لييه

حياة حاولت تشيل ايده بس مقدرتش

الشاب : اسمعي اني مش حرامي ولا جاي اسرج هشل يدي بس متصرخيش

هزت راسها بالموافقة وبعيون بريئة الشاب صدقها وشال ايده

حياة بصراخ : حرااام.......

الشاب بضيق : اني مش جولتلك متصرخيش اني مش حرامي بجولك اني جاي اشوف حد وامشي جوام.. هشيل يدي المرة دي لو صرخت هجتلك

هزت راسها بخوف والشاب شال ايده

الشاب بوجع : يخربيتك الجرح شكله فتح تاني

حياة بخوف : ان.. انت عايز ايه

الشاب بابتسامة : انتي مرت فهد اكيد بت البندر

هزت راسها : انت مين وعايز ايه

الشاب : بصي انا مش حرامي انا سيف الرفاعي و.......

حياة بعصبية : وجاي هنا ليه هااه مش مكسوف من نفسك بعد اللي عملته

الشاب بحزن : انا عارف اني غلطت بس والله غصب عني انا عايز اقابل ياسمين ممكن

حياة حسته ندمان وصادق في كلامه وسيف لقيها ساكته

سيف : انتي ليكي الحق متصدقنيش... اتنهد : بصي انا عارف ان ياسمين بتنزل تتمشى الصبح بدري وتشم هوا هشوفها واقولها كلمتين وامشي ع طول

حياة : هيا تعبانة من امبارح

سيف بقلق : ايه تعبانة مالها هي كويسة دلوقتي

حياة : اهدي هيا كويسة بس مينفعش تشوفك هيا متضايقة منك اووي

سيف : انا عارف وعايز اعتزرلها واخليها تسامحني ان شاالله يارب لو تقتلني بس تسامحني

 حياة : انا هقولها انك جيت بس مينفعش تيجي هنا تاني عشان خطر عليك وفهد لو عرف انت عارف اللي ممكن يعمله

سيف بضحك : عارف وحشني اووي عمرنا مابعدنا عن بعض كدا دا حتي اتجوز وانا مش معاه مبروك ليكي يا....

حياة : حياة اسمي حياة

سيف بصدمة : انتي حياة

حياة : انت تعرفني!!

سيف بتوتر : هاااه لا لا.... مبروك ياحياة خلي بالك منه فهد طيب بس عصبي شويه

حياة بضحك : كتيييير

سيف : هو غشيم بس قلبه ابيض زي قلب الخصاية.... يلا اروح أنا بقا لحد يشوفنا مع بعض اتشرفت بمعرفتك وشكرا ع العلاقة الجامدة دي

حياة : الشرف ليا... انا اسفة جدا اني ضربتك

سيف : عادي ولا يهمك... سلام

سيف اتلفت عشان يمشي

حياة : سيف!

سيف : نعم

حياة : بتحب ياسمين ؟!

سيف بعشق : بحبها بس دا انا بعشقها وبعشق ملامحها دا حتي بحب عيوبها

حياة بابتسامة : ربنا يجمعكم مع بعض

سيف : امين.... ومشي

حياة دخلت القصر وراحت غرفة ياسمين

حياة : عاملة ايه النهاردة

ياسمين : زينة جوي ياخيتي تسلمي

حياة بتوتر : ياسمين كنت عايزة اقولك حاجة

ياسمين : اتفضلي ياخيتي

حياة بتردد : احم.. بصراحة سيف جه النهاردة وكان عايز يقابلك

ياسمين بعصبية : واني مش عايزة اشوفه ولا اسمع صوته

حياة : يعني بقيتي بتكرهيه

ياسمين بحزن : هكدب عليكي لو جولتلك اه مش جادرة اكرهه لو بيدي هشيل جلبي من مكانه واحط مكانه صخرة

حياة : بس هو لسه بيحبك وانا حسيته ندمان ونفسه تسامحيه

ياسمين : معجدرش ياخيتي هو ازاي جوي

حياة : ربنا بيغفر يبقا انتي مش هتسامحي

ياسمين : مش عارفة ياحياة اني دماغي عتنفجر من التفكير

حياة : طيب خلاص انسى.. انتي متروحيش جامعتك ليه

ياسمين : من ساعة اللي حوصول واني مبطلعش من الدار

حياة : غلط ياياسمين لازم تهتمي بدراستك اكتر من كده

ياسمين : عايزانى اروح أحول لابوي ولا اخوي اني عايزة اروح الجامعة اني مليش عين اكلمهم

حياة : انا هكلم فهد وححاول أقنعه

ياسمين : شكرا جوي ياحياة اني مش عارفة من غيرك كنت عملت ايه

حياة : ياهبلة مفيش بين الأخوات شكر... يلا اروح احضر الفطار معاهم تحت

__بقلم الكاتبة المجهولة 

حياة نزلت وراح المطبخ وجهزت الفطار والعيلة كلها اتجمعت وفطروا وكل واحد راح ع شغله 

جه وقت الغدا وفهد لسه مرجعش وكلهم قعدو ع الطاولة يتغدو... في نص الاكل فهد دخل

جميلة : حمد الله ع سلامتك ياولدي... اجعد كلك لجمة ترم عضمك 

فهد : الله يسلمك ياما.. حاضر

سالم : عملت ايه يافهد

فهد : كله تمام يابوي والحاجة في المخزن

اتغدو وفهد وسالم راحو ع المخزن

....... في المخزن......

سالم : نورتو يارجالة ولا اجولكم ياحريم ماهو اللي يمد يده ع حرمة ميبجاش راجل ولا ايه ياشاكر

حسين : انتو جايبينا هنا ليه عايزين ايه

فهد : وه انتو لسه جعتدو ياجماعة دا انتو لسه مشفتوش حسن الضيافة بتاعتنا

حسام بضيق : انتو مين وعايزين ايه

سالم : هو ده جه معاهم غلطة ولا ايه يافهد مين ده

حسام بغرور : انا الدكتور حسام حسين الألفي

سالم : ده اكيد ابن عم حياة

فهد باستغراب : مش اعرفه يابوي اني لجيته معاهم جبته

حسام بضيق : انتو عايزين مننا ايه ورابطينا كدا ليه انتو مبتفهموش

فهد قرب عليه وضربه بالبوكس : لم لسانك لاجطعهولك واعرف انت بتتكلم مع مين

واحد من الرجالة : فهد بيه حياة هانم بتسال عليك

سالم : روح شوفها يافهد واني اهنيه هتصرف معاهم حسابنا تجيل جوي

فهد طلع برة وراح اوضته لقى حياة ماشية في الاوضة رايحة جايه بضيق

اول مادخل حضنها : وحشتيني جوووي

حياة بضيق : كنت فين من الصبح ولما رجعت مكلمتنيش ليه

فهد : كان عندي مصلحة بخلصها

حياة : امم تمام..... وراحت قعدت ع السرير بضيق

فهد قعد جنبها وخدها في حضنه : مضايجة ليه دلوجت

حياة : لا ولا حاجة يعني المصلحة بتاعتك اهم مني ولما رجعت مكلمتنيش ايه اللي يضايق في كده

فهد : واني ميرضنيش انك تزعلي مني عشان أكده هصالحك

حياة عقدت حواجبها باستغراب ولسه هاتكلم كان فهد من مها وبيلاعبها في جسمها وهيا ميتة من الضحك

حياة : ههه فهد خلاص بالله عليك مش زعلانة خلاص ههههه

فهد بعد عنها بابتسامة وخدها في حضنه تاني

فهد : حياتي انتي تعرفي واحد اسمه حسام

حياة بسعادة : حس حس طبعا اعرفه

فهد بضيق وبدأ يغير : حس حس!! تعرفيه منين

حياة بسعادة كبيرة : دا حبيبي

قالت آخر كلماتها ومحستش غير بشعرها اللي هينخلع في ايده.... كان عينه بطق شرار ودمه بيغلي

فهد بهمس كالافعي : عيدي اللي قولتيه!

بقلم الكاتبة المجهولة 

............... يتبع.......

#الحلقة_السابعة

فهد بهمس كالافعي وهو لسه ماسك شعرها : عيدي اللي جولتيه تاني

حياة بدموع في عينيها وحاطة ايدها ع ايده بتحاول تخفف من ضغط ايده ع شعرها اللي حست انه هيطلع ف ايده

حياة بألم : فهد اانت بتوجعني

فهد بصوت عالي وحدة مسك فكها بين ايده وضغط عليه : عيدييي

حياة بعياط : والله مافيش حاجة حسام ابن عمي وزي اخويا.. و.. وهو كمان ساعدني اهرب من أعمامي

فهد خفف من ضغطه ع شعرها بس لسه ماسكه : امال ايه حبيبك دي

حياة بوجع : انا وحسام صحاب من واحنا صغيرين وبعتبرها اخويا الكبير وهو كمان بيعتبرني اخته

لحظات وفهد استوعب اللي عمله وبص لحياة اللي اللي وشها كان لونه احمر واصابع معلمة في خدها وخصلات شعرها اللي في ايده... ساب شعرها بسرعة وغمض عينه بضيق ومسح ع وشه بايده بعصبية

فهد بتنهيدة : حياة انا......

حياة بصراخ ووشها كله دموع : انت ايه هاااه انت واحد مبتفهمش ومعندكش احساس

فهد مسكها من دراعها جامد وجز ع سنانه : لمى لسانك لاجطعهولك مش معنى اني ساكتلك يبجي من حجك تغلطي فيا

حياة نفضت ايده بعصبية : ابعد عني انا بكرهك

وطلعت برا الاوضة

*بكرهك* الكلمة نزلت ع فهد زي الصاعقة فهد الصعيد اللي بتتهزلو شنبات كلمة زي دي تكسر قلبه كده..

فهد اتوجع من كلامها وضرب ايده في المرايا بعصبية : ااااه غبي.... غبي

حياة كانت برا قدام الأوضة ودموعها بتنزل كانت هتمشي بس سمعت صوت حاجة بتتكسر اتخضت وفتحت الباب ودخلت ع طول

اول مادخلت اتصدم من مظهر الأوضة الازاز متكسر ومرمي ع الارض و فهد واقف في نص الأوضة ومغمض عينه بعصبية وأيده بتنزف بشده

جريت عنده ومسكت ايده بخوف كبير ودموع : ف.. فهد ايدك... ايدك بتنزف

فهد بجمود : مفيش حاجة ده جرح بسيط متشغليش بالك

حياة بقلق : لا دا مش جرح بسيط ايدك بتنزف جامد...

قعدته ع السرير : لحظة وراجعة

فضلت تدور ف كل الإدراج لحد مالقت علبة الاسعافات

حياة بخوف : هه.. هعقملك الجرح هيحرق ف الاول استحمل شويه

مردش عليها كأنه مش سامع حاجة ببصلها وبيفتكر كلامها اللي وجعه اكتر من جرح ايده

حياة عقمت الجرح ولفت عليه شاش وربطته كويس

حياة : بيوجعك!!

فهد بجمود : لاااه فهد الصعيد معيتوجعش من خربوش زي ده

حياة : بطل غرور

فهد : مش تزعلي مني

حياة : ياريت منتكلمش ف الموضوع دا اهتم بجرحك كويس عشان مش ينزف تاني

طلعت بره الأوضة وفهد طلع وراها ونزل ع المخزن

فهد : وه شكله الحج سالم اتوصي بيكو جوي

سوزان : حرام عليك ابعد عننا وسيبنا ف حالنا

فهد : مش معنى أن محدش جرب منك يبجي مش هتتحاسبي لا دورك لسه جاي انتي وبتك.... مش موضوعنا

فهد للرجالة وهو بيشاور لحسام : فكوه يارجالة

___بقلم الكاتبة المجهولة 

الرجالة فكو حسام

حسين : انت واخد ابني ع فين ياجدع انت

فهد : اني اعمل اللي عايزه ملكش صالح

فهد مسكه وخده وطلع راح القصر

زهرة كانت قاعدة في الصالة هيا وجميلة وسالم

اول ماشفت حسام جريت عليه وخدته في حضنها

زهرة بسعادة : حوسو حبيبي عامل ايه

فهد في سره : حوسو وحس حس ايه الدلع الماسخ ده

حسام : كويس ياماما انتي اخبارك ايه وحياة عاملة ايه

زهرة : كويسين ياحبيبى دي حياة هتفرح اوي لما تشوفك

زهرة بصوت : حياة ياحياة تعالي شوفي مين جه

كل ده تحت أنظار العيلة ونظراتهم المستغربه

حياة نزلت واول ما شافت حسام جريت ع حضنه

حسام بضحك : اه براحة يابنتي جسمي بيوجعني

حياة بقلق : ايه ايه اللي بيوجعك وايه اللي عمل فيك كده

فهد كانت دمه بيغلي لما شاف حياة ف حضن حسام

حسام شاور عليه : الجدع دا هو اللي عمل كده... مين دا اصلا

فهد شد حياة منه وحاوط خصرها بايده واتكلم بغرور : اني فهد المنياوي جوزها

حسام بصدمة : ايه!.. حياة انتي اتجوزتي!!

فهد بصرامة : ايوا اتجوزت ومش اي راجل ده فهد الصعيد ابجا فكر زين جبل ما تمد يدك ع حاجة تخصني

فهد بص لحياة ومسك دراعها جامد : وانتي ابجي حاسبي ع تصرفاتك واعملي حساب لجوزك اللي واجف بينكو

حياة بعصبية : انت بتقول ايه

فهد : صوتك ميعلاش

زهرة : اهدي يافهد حسام ابن عم حياة وزي اخوها وكمان انا اللي اهتميت بيه من لما كان عنده ١٢ سنه بعد وفاة امه وهما بيتعامل مع بعض زي الأخوات 

فهد : مليش صالح ده كان قبل ماتتجوز هيا دلوجت متجوزة

سالم : انت جايبه اهنيه ليه يافهد

فهد : هو اللي ساعد حياة عشان تهرب يابوي ملوش صالح بحاجة ومنجدرش ناخده بذنب غيره

سالم قرب عند حسام ووقف قصاده : ملش ياولدي حجك عليا مكنتش اعرف وتشكر انك وجفت جنب اختي وبتها

حسام : متقولش كده ياعمي دا واجبي وحياة زي اختي

سالم : بهية... جهزي أوضة الضيوف ونضفيها زين الدكتور حسام هيجعد معانا هنيه

حسام : لا ياعمي تسلم كفاية اني اطمن ع حياة وماما زهرة انا هرجع القاهرة عشان شغلي

سالم : اني حولت كلمة وخلاص هتجد معانا اهنيه نوريك حسن ضيافتنا

حسام كان هيرفض بس سكت لقى بنت جميلة نازلة من ع السلالم وعلي وشها علامات الضيق ابتسم ببلاهه وسرح في ملامحها

هشام بهمس لفهد : خلي قريب مراتك يتلم ويبطل بص لاختي

فهد بهمس مماثل : اني لو بيدي كنت جتله في مكانه

سالم : جولت ايه ياولدي

حسام بابتسامة بلهاء : موافق ياعمي طبعا موافق

زهرة : تعالي ياحوسو اعقملك جروحك ايه اللي عمل فيك كده

سالم بجمود : تعالي معاي دلوجت ياخيتي عايزك في موضوع

زهرة راحت مع سالم واخدها المخزن

فهد لحسام : منور يا.... ياحس حس..وبهمس ف ودانه : اسمع اما احولك انت اهنيه ضيف يعني لاتبص لحريم بيتي ولا لمراتي اللي هيا بنت عمك وزي خيتك فاهم

حسام : خلاص ياعم انت هتاكلني

حياة بمرح : تعالي ياحظ حس افرجك ع اوضك

فهد بصله نظرة تحزير وحسام فهمها وراح مع حياة بهدؤ

...... في المخزن.....

سالم : اللي ظلموكي انتي وبتك قدامك اهم ياخيتي خدي حجك منيهم

سوزان بكره : اه قولوا كده بقا جابلنا اخواتك يتهجمو علينا في بيتنا وعملالنا فيها المظلومة انا هوريكو وهبلغ البوليس واديكي في داهيه انتي وبنتك الحرباية

زهرة قربت عليها وضربتها بالقلم : اخرسي مسمعش كلمة وحدة ع بنتي ولا تجيبي سيرتها ع لسانك بنتي دي احسن منكو كلكو بنتي اللي ظلمتها وهنتوها مكانتش بتنام يوم غير ودعتها ع المخدة خلتوها ضعيفة وخايفة من كل حاجة

سالم بحده : هما قدامك ياخيتي وحج بنت هيرجع واللي تجولي عليه عنفذه

زهرة بصت ليهم باستهزلء : انا مش عايزة حاجة كبيرة عايزاهم يحسو بالوجع اللي بنتي حست بيه زي ماكانت بتتحبس وتضرب ويتمنع عنها الاكل والشرب

سالم بأمر لرجالته : تمنعو عنيهم الاكل والشرب لحد ما الست زهرة تأذن لهم

زهرة قربت من حسين بدموع: شوفت عملت ف نفسك ايه ياما حزرتك انا واخوك متمشيش ورا شاكر هو طماع ونهايته هتكون وحشة شوفت الحالة اللي وصلت لها ووصلت حسام ابنك ليها

حسين بندم : سامحيني يازهرة انا عارف اني غلطت لما مشيت وراه بس هو كان زي الشيطان وعماني انا عملت كل دا عشان حسام عشان يبقا مستقبله كويس

زهرة : حسام انا اللي مربياه بعد المرحومه امه ماماتت عمري مافرقت بينه وبين حياة لو قولتلي كنت قسمت ورث حياة عليها هيا وحسام بس انت شيطانك عماك دي جزاتي اني ربيتلك ابنك تعمل ف بنتي كل دا

حسين : انا معملتش ف حياة حاجة يازهرة انا كنت معاهم اه بس عمري ما مديت ايدي عليها وبحبها والله يعلم كنت بزعل ازاي لما اشوفها ف الحالة دي

زهرة : انا هخليهم يسيبوك ياحسين مش عشانك لا عشان ابنك عشان ميكونش يتيم الام والاب وعشان انت كنت ف يوم من الايام بتدافع عن بنتي......سيبه ياسلام خليه يرجع بيته

حسين بندم : انا اسف يازهرة لو عايزة تقتليني دلوقتي اقتليني بس سامحيني و خلي حياة تسامحني

زهرة : ربنا يسهل ياحسين لو حياة سامحتك يبقا انا مسمحاك

____بقلم الكاتبة المجهولة

....... في اوضة حسام.....

حسام : بقولك ياحيووو هيا مين القمر اللي كانت نازلة من ع السلالم من شويه

حياة : امم قمر دي بت رخمة وسئيلة وراسها ف السما

حسام بضيق : هو انا قولتلك اوفيها انا بقولك مين

حياة : دي هايدي بنت خالو محمود... بس ايه الحوار هيا الصنارة غمزت.

حسام بحب : البت قمر وعجباني

حياة : امم ماهو الطيور ع أشكالها تقع تصدق تنفعو بعض نفس الرخامة

حسام ضربها بالمخدة : لمى لسانك... وبعدين تعالي هنا مين فهد دا واتجوزتي امتا

حياة : لا دي حكاية طويلة

حسام : ياختي احكي ادينا قاعدين مش ورانا حاجة

حياة : اشطا..... وحكت...... بس ياسيدي هو دا كل الموضوع

حسام : اممم وبتحبه بقا 

حياة : هو مز وقمر طول وعرض ودقن وعضلات بس لا لا مبحبوش... انا احب المغرور دا

حسام : اممم ماهو واضح من كلامك ياختي انك مبتطقهوش فعلا...... يلا اطلعي برا عايز ارتاح

حياة ببرود : تؤ مش طالعة 

حسام بتمثيل : فهد!..... بص والله هيا اللي مش راضية تطلع

حياة بخوف وبلعت ريقها وشاورت بصباعها وراها : هو ورايا

حسام هز راسه حياة اتكلمت : شكله متعصب؟!

حسام هز راسه وهيا بلعت ريقها ولفت بالراحة ملقتش حد

وحسام انفجر من الضحك : هههههه اه هموووووت شكلك مسخرة هههههههه

حياة ضربته بالمخده وفضلت تضرب فيه وهو يضربها ويضحكو

حسام بخوف : حياة!...... وشاور بصباعه لوراها

حياة : ههه لا يابابا مش عليا المرادي

حسام : حياة المرادي بجد

حياة : بطل رخامة وبعدين ايه يعني لما يكون هو انا مبخفش منه دا مغرور ومتكبر وشايف نفسه

وبدأت تقلده : اه انا فهد المنياوي فهد الصعيد نينينينينيني

فهد بجمود : وايه كمان

حياة : وبارد ورخم و......... حسام انت اللي مطلع الصوت دا صح

حسام هز راسه بلأ وهيا بلعت ريقها وبصت وراها ببطئ

حياة بفزع من شكله : اااعااا بسم الله الرحمن الرحيم هوف هوف انصرف

فهد : كنتي بتجولي ايه بجا

حياة : هاااه ولا وللا حاجة مبقولش حاجة خالص

وطلعت تجري وتصرخ : اعاااااا ياماما الحقونيييي هياكلني

فهد وحسام ضكو ع جنانها وبعدين استبدلت ملامحهم الجديه تاني

___بقلم الكاتبة المجهولة 

...... اليوم عدي بسلام وكل واحد راح اوضته

......... في اوضة فهد.........

فهد حط ايده ع خصرها ولسه هيشدها لحضنه

حياة بجمود : ابعد يافهد

فهد شدها لحضنه جامد وهيا فضلت تقاومه ومش قادرة

فهد : حجك عليا

حياة بدموع : انت وجعتني وتعاملني وحش

فهد : حجك عليا عارف اني جسيت عليكي..... ايه رايك نتعامل كأصحاب

حياة بتفكير : اممم موافقة بس بشرط

فهد : شرط ايه

حياة : هتكلم معايا ومش هتتعصب عليا تاني

فهد : موافج

حياة : اشطا قوم يلا نتكلم

فهد : دلوجت

حياة : ايوا قوم وبعدين اتكلم معايا زي ما انا بتكلم عشان بخاف منك وانت بتتكلم كده

فهد اتعدل في قعدته وخدها في حضنه : حاضر ياستي عايزة تتكلمي في ايه بقا

حياة : البت السلعة اللي اسمها هايدي دي بتكرهيني ليه وكل ما تشوفني تقولي خدتي مني أغلى حاجه عندي

فهد بتنهيدة : هايدي انا اللي مربيها وهيا بتحبني اوي بس وكانت متخيلة اننا هنتجوز بس هيا صغيرة ومش عارفة تفرق بين الحب الحقيقي وحب الأخوي

حياة : يعني انت مش بتحبها

فهد بابتسامة : لا مبحبهاش

حياة بحذر : سؤال تاني بس متتعصبش

فهد : تمام

حياة : مبتفكريش تسامح سيف وياسمين....

فهد اتضايق وعينه ضيقت وكان شكله مخيف

حياة : انت قولت مش هتتعصب

فهد بتنهيدة حزن : سيف غلط وغلطته كبيرة وياسمين غلطت لما خبت عليا 

حياة : انت مقتنع انه لو كان ف وعيه كان هيعمل كدا

فهد : استحالة أصدق دا بس هو غلط كان المفروض يفكر ف نتيجة غلطه

حياة : وحشك!!!

فهد : وحشني اوي مكناش بنفترق عمرنا ماقعدنا المدة دي كلها بعاد عن بعض

حياة : هتسامحه ؟!

فهد : معرفش

حياة : بس هو شكله ندمان اوي يافهد

فهد : وانتي عرفتي منين انه ندمان وشفتيه فين

حياة بتوتر : هاااه ان... انا بقول يعني اكيد ندمان انه عمل كده

فهد : حياة انتي بتكدبي... قولي الحقيقة

حياة : فهد بصراحة سيف جه هنا وانا قابلته

فهد اتعصب جدا وجز علي سنانه

حياة اتخضت من شكلانه : فهد اسمع..........

فهد بمقاطع وعصبية : اسكتي!.... قرب منها جامد وانفاسهم بقت متلاحمه و....

___بقلم الكاتبة المجهولة 

......... يتبع............

#الحلقة_الثامنة

فهد بمقاطعة وعصبية : اسكتي!!.... وقرب منها وانفاسهم تلاحمت

فهد وهو بيجز على سنانه وبحاول يتحكم في غضبه : احكي اللي حصل بالتفصيل ياحياة ومتنقصيش حرف واحد والا ورب العرش هتشوفي وشي التاني

حياة بعصبيه ضربته في صدره وبعدته : انت كداب يافهد هو دا اتفقنا اننا هنبقى صحاب وانك مش هتتعصب!!

فهد شدها من خصرها وضغط عليه واتكلم بهمس : احكي اللي حصل بالتفصيل ياحياة وأنقى شري احسنلك

حياة اتنهدت لأنها عارفه انه بيحاول يتحكم في غضبه بصعوبة وهو ممكن يتعصب عليها.... حكتله كل حاجة

فهد : ولما شفتيه منادتيش الحرس ليه

حياة : انا خوفت اصرخ يجي يعمل فيا حاجة وروحت ضربته

فهد : تمام انا هتصرف

حياة مسكت ايده بهدؤ وبصت في عيونه : فهد انا اتكلمت مع سيف وهو فعلا شكله ندمان هو عايزك تسامحه باي طريقة وكمان عايز ياسمين تسامحه

فهد بجمود : هو غلط واللي عمله النهاردة غلط برضو وانا هعاقبه عليه

حياة بحنان : سيف بيحب ياسمين يافهد اللي عمله دا كان طيش منه هو خاف من ردة فعلك انت وخالو سالم لما يتقدملها لانه عارف انكوا هترفضوا وخاف انك تقول انه خانك وبص لأهل بيتك انا معاك ان تصرفه غلط بس دا بسبب تفكيره الغلط

فهد بهدؤ : هو غبي لو كان قالي انه بيحبها وعايز يتجوزها كنت وقفت معاه وشجعتوا عمري ما افكر فيه انه خاني لما يحب اختي بالعكس دا اكتر واحد استأمنه ع اختي

حياة : طب انت كنت هتوافق وباقي العيلة؟!

فهد : كنت هقف معاهم كنت هدعمهم واقف قصاد ابويا وعيلتي وعيلته عشان يبقو مع بعض في الحلال لكن الغبي عمل حاجة لايمكن تتصلح

حياة : طب وياسمين مش ناوي تسامحها

فهد : ياسمين غلطت زيها زيه بالظبط ويمكن اكتر لأنها خبت على اخوها اللي هو اكتر واحد يتمناها الخير والسعادة في حياتها وكمان طاوعته ونزلت تقابله

حياة : بس هيا دلوقتي ندمانه... ياسمين بتتمنى كلمة منك يافهد بتتعذب وهيا شايفة كل عيلتها بعيدة عنها وكرهاها

فهد بسرعة : بس انا مش بكرهها انا عمري ماأكره ياسمين هيا مش اختي دي بنتي انا اللي مربيها ومهما غلطت عمره مايوصل اني اكرهها

حياة : بس هيا مفكرة انك بتكرهها و مبقتش تحبها يافهد صعب ع اي بنت لما تلقي عيلتها اللي هيا سندها الوحيد ف الدنيا بعاد عنها وبيعمل ها وحش

فهد : صدقيني انا بحبها بس مش قادر انسى اللي عملته عارف انه من غير قصد بس مهما كان اللي عملته غلط

حياة : هيا دلوقتي بتحاول تنسى سيف وتكرهه بس مش قادرة تكرهه دا كله عشان انت تسامحها.... سامحها يافهد واقف جنبها هيا محتاجاك اكتر من اي حد هيا عايزة سند

فهد ابتسم : اللي يشوفك وانتي عاقلة وتتكلمي كدا ميشوفكش وانتي بتجري مني وبتصرخي وبتقولي هياكلني

حياة بغرور : يابني انا اسمي الحقيقي حياة حكم اصلا.... هاااه بقا سامحتها

فهد ابتسم وهيا ابتسمت وغمزتله : سامحتها هااه سامحتها

فهد هز راسه باستلام : سامحتها

حياة بحركة تلقائية حضنته : اعاااا مرسي يااحلى فهد في الدنيا

فهد بغمز ومشاكسه : طب مفيش حاجة حلوة لاحلى فهد ولا ايه.... وشاور على خده وغمز

حياة بكسوف : احم.... اسفة مكانش قصدي

فهد شدها تاني لحضنه : انتي تعملي كل اللي نفسك فيه متعتزريش.. مرات فهد المنياوي متعتزريش لحد واصل

حياة بزهق : يادي النيلة يابني خف تواضع شوية عارفين انك فهد المنياوي فهد الصعيد مش لازم كل جملة تحط فيها الكلمتين دول

فهد بغرور : طبعا هو انا اي حد ولا ايه

حياة شدته من ايده : طب يلا بقا يافهد الصعيد عشان نروح لياسمين نقولها الخبر الحلو دا

فهد : دلوقتي؟!.... تلاقيها نامت

حياة : لا متخفش هيا صاحية يلااا

حياة وفهد طلعو من الأوضة وراحوا ع أوضة ياسمين 

___بقلم الكاتبة المجهولة 

...... في اوضة ياسمين.....

واقفة في الشباك وماسك صورة ليها هيا وسالم وفهد وجميلة وكان الباب مفتوح شوية ودموعها نزلت وهيا بتلمس الصورة بأطراف صوابعها

ياسمين : اتوحشتكو جوي بشوفك جدامي ومقدرش اخدكو في حضني ولا اشكلكو همي

لمست صورة فهد : اتوحشتك جوي ياخوي حضنك الدافي وحشني

_ وانتي كمان وحشتي حضني الدافي ياخيتي

اتلفتت للصوت لقيت فهد واقف مبتسم وفاتح دراعاته وحياة واقفة جنبه بابتسامة واسعة

ياسمين جريت على حضنه وعيطت : اني اسف اسفة ياخوي حجك عليا سامحني الله يخليك

فهد بحنان : مسامحتك ياخيتي مجدرش ازعل منك واصل انتي بنتي مفيش حد يجدر يفارج بنته

ياسمين : اتوحشتك جوي يافهد

فهد : واني اتوحشتك اكتر ياجلب فهد ششش خلاص كفياكي بكا عاااد

ياسمين طلعت من حضنه ومسحت دموعها بابتسامة وبصت لحياة وحضنتها : شكرا ياخيتي شكرا جوي جوي

حياة : قولتلك قبل كدا مفيش بين الأخوات شكر

فهد : وه انتو لحجتو تتعودو ع بحض وتفتحو حديت ولاايه

ياسمين بضحك : دي من يوم ماجت واحنا مبنبطلش كلام

حياة : يلا بقا ياسيمووو عشان تنامي عندك كليه الصبح ولا ايه يافهد

فهد بابتسامة : اكيد انتي هملتي دراستك جوي الفترة دي ولازم تعوضي عشان تجيبي درجات زينة

ياسمين : بس ابوي....

فهد بمقاطعة : ملكيش صالح بأبوكي اني هكلمه

ياسمين : هيسامحوني يافهد؟!

فهد بابتسامة حنان : متخافيش ياخيتي هيسامحوكي... تصبحي ع خير

ياسمين : وانت من اهل الخير ياخوي

فهد مسك ايد حياة وطلعو من أوضة ياسمين وراحوا اوضتهم واخد حياة في حضنه

حياة : فهد......

فهد بمقاطعة : اسألي ياحياتي

حياة : هو انت هتعمل ايه مع سيف

فهد : هنقضي الليلة بقا عن سيف وياسمين وهايدي والعيلة ده ناقص نحكي قصة حياة عم عبد الله البواب

حياة بضحك : ههههههه مش قادرة ههههه

فهد بهيام : ياربي ايه الضحكة اللي تخطف القلب دي... نامي ياحياة عشان معملش حجات هموووت واعملها

حياة نامت وفهد حضنها اكتر ونامو الاتنين

___بقلم الكاتبة المجهولة

........ الصبح.......

فهد بيصحيها : قومي ياحياتي يلاا عند كليه

حياة بنوم : ياماما بقا حرام عليكي بص سبيني انا عايزة أسقط

فهد : ماما!! وعايزة تسقط؟!.... حياة قومي انا جوزك فهد

حياة : روح ياعم العب بعيد

فهد : لاا دي مش هتفرق كدا..... تمام

فهد بزعيق : حيااااااة

حياة نطت من ع السرير : ايه فيه ايه مين مات.... مين بيولع.... مين اطلق..... انا مين؟!

فهد بضحك : هههههه مش قادر شكلك مسخرة ههههههه

حياة بهيام : يالهوووي ع القمر

فهد قرب عليها : عارف اني قمر

حياة : ان... انت سمعت

فهد : اه سمعت.. يلا كملي انا قمر وايه تاني

حياة : وعندك اسنان زينا

فهد باستغراب : نعم؟!... وهو حد قالك اني معنديش اسنان 

حياة : انت مبتضحكش ابدا وبتفضل مكشر لدرجة اني فكرت انك معندكش أسنان

فهد : طب قومي ياختي هتتاخري ع كليتك ولا ناوية تسقطي

حياة : ايه أسقط ايه هو انا بتاعت الكلام دا

فهد بسخرية : امم ماهو واضح.... يلا قومي

حياة قامت وخدت دش وغيرت هدومها ولبست دريس رقيق وفردت شعرها

فهد بصلها بضيق : يلا..... ونزل

حياة استغربت منه كل مرة يشوفها خارجة من ألبيت يكلمها بضيق... اتنهدت ونزلت وراه

الكل اتجمع على السفرة وتناول الفطور وسالم باصص لياسمين واستغرب من لبسها وانها هتروح الكلية

فهد : هشام خد البنات وصلهم جامعتهم

هشام : تمام

سالم لسه هتكلم فهد حط ايده على ايد ابوه وبصله فسكت

هشام اخد البنات وطلعو برا القصر

حياة غمزت لياسمين وهيا فهمت وركبو ورا ومعاهم هايدي وايه ركبت جنب هشام قدام

____بقلم الكاتبة المجهولة

...... في القصر وتحديدا في اوضة المكتب......

سالم : ايه اللي بيحصل ده يافهد وياسمين رايحة الجامعة ليه

فهد : يابوي اني سامحت ياسمين هيا ندمانة على اللي عملته

سالم : مش كوباية كسرتها يافهد ولا هيا غلطة بسيطة عشان اسمها بالساهل كده

فهد : انت عارف ياسمين يابوي وعارف انه كان طيش وتهور منها لما عملت أكده وانها لو كانت واعية للي بتعمله عمرها ماكانت تغلط الغلطة دي

سالم : هيا غلطت واللي حوصل حوصل ياولدي

فهد : هيا غلطت وسيف غلط بس بسبب خوفهم من رد فعلنا... انت كنت هتوافج ع الجواز دي يابوي

سالم سكت.... فهد : مستحيل كنت توافج مكنتش هتجيب تبعت بنت عند عيلة الرفاعي واصل وهما عملو كده لأنهم خايفين منك ومن سعد الرفاعي

سالم : الغلط غلط ياولدي متحاولش تبرره

فهد : لااه يابوي انت بتحاول تطع نفسك منيها علشان متطلعش غلطان... ياسمين محتجانا جنبيها هيا دلوجت كارهه نفسيها بسبب اللي عملته لازم نسامحها هيا مهما كان عيلة وبتغلط سيف لو كان جه وجالي عايز اتجوزخيتك كنت وجفت معاهم جدام الكل حتى جدامك يابوي بس هو غلط لما خبي

سالم ساكت ومش عارف يقول ايه دماغة متشتته

فهد : سامحها يابوي وخدها في حضنك افتكر ياسمين دي اجرب حد لجلبك سامحها واوجف جنبيها

فهد خرج من المكتب وساب سالم في دوامة أفكاره

طلع برا القصر وراح عند ارض ليهم يشوف حساباتها

........ في القصر.....

زهرة : واد ياحسام انا مش مطمنالك من الصبح بتدلع فيا لخص وقول عايز ايه

حسام : حبيببتي يازوزو انا بحبك كده والله من غير حاجة وانتي عارفة

زهرة : اه ياخويا عارفة أنجز يالاااا عايز ايه

حسام : اباا اني عايز اتجوز

زهرة : تتجوز حسام الأهبل هيتجوز هههه والله ضحكتني

وياترا مين العروسة الهبلة

حسام : لو سمحتي متشتميش عروستي دي قمر وبعدين انتي تعرفيها كويس

زهرة : اعرفها كويس؟!..... مين ياواد اخلص

حسام : هايدي بنت اخوكي

زهرة : دي عيلة مغرورة تحسها مش من العيلة كدا مش عارفة محمود اخويا جايبها منين دي.

حسام : ايوا بقا انا بحبها وعايزاها

زهرة : والله ياحوسو انا مقدرش اتصرف كلم باباك وخليه يجي ويتقدملها

حسام بحزن : وهو فين ابويا ده اللي عمره ماسال عني

زهرة مسحت على ضهره وخدته في حضنها : متقولش كدا ياحسام ابوك بيحبك هو عمل كدا عشان عمك شاكر لعب في عقله غير كده هو عايش عشانك اصلا وهو دلوقتي ندمان ع اللي عمله.... وبعدين يامعفن ياواطي انا وحياة معاك ايه مش ماليين عينك ولا ايه

حسام حضنها : حببتي يازوزو والله انا بحمد ربنا انه بعتلي ام زيك واخت زي حياة.... هاااه بقا هتجوزيني امتا

زهرة بعند : افكر!

حسام : وانا قاعدلك ع قلبك لحد ماتوافقي

.................. في الكلية......

البنات دخلو كل واحدة محاضرتها... حياة وياسمين مع بعض في صيدلة وايه في كلية علوم وهايدي في كلية تربية انجليزي

عدي كام ساعة وحياة وياسمين خلصو محضراتهم

حياة : هنقعد نستنى ايه وهايدي لحد مايخلص ا عشان نروح مع بعض

ياسمين : تمام

قرب عليهم شاب : ياسمين ممكن نتكلم

ياسمين اول ماشفته كانت هترفض بس حياة قاطعها

حياة : شوفيه عايز ايه وانا قاعدة هنا مستنياك.... وسابتهم

ياسمين : عايز ايه ياسيف

سيف : ياسمين انا اسف ارجوكي سامحيني ياياسمين عارف اني غلط انا مش طالب غير انك تسامحيني

ياسمين : غلطك كان كبير جوي ياود عمي

سيف : ياسمين انا والله بحبك ورايدك ومستعد اعمل اي حاجة عشان تسامحيني

ياسمين : مجدرش اسامحك ياسيف انت ازيتني وخليت اهلي يجاطعوني بعد عني ياسيف وسبني أصلح غلطك وغلطتي

سيف : ع العموم اني جاي اجولك اني......... فسامحيني يابت عمي

ياسمين قلبها انقبض ودموعها نزلت بس مقدرتش تتكلم وسيف بص ليها بحب وندم واسي ومشي

حياة راحت عندها : ياسمين مالك بتعيطي ليه

ياسمين مقدرتش تتكلم وفضلت تعيط بشدة وحياة قلقت عليها وبعد شوية هديت والبنات خلصو محضراتهم وهشام جه وخدهم بالعربية

حياة كل شوية تبص ع ياسمين وهيا مش فاهمة سيف قالها ايه عشان تعيط بالشكل دا اما ياسمين كانت ف عالم تاني خالص قلبها راجعها ع حبيبها وشاردة في دوامة تفكيرها

هشام وايه اللي كانو في عالمهم الخاص وكل شوية يبصو لبعض بكب وايه تبصله بنظرات كسوف وتحذير

هايدي اللي بتبص لحياة بغيظ وف نفس الوقت بتفكر ف الضيف الجديد اللي من اول ما جه وهو سارق عقلها وكل تفكيرها

___بقلم الكاتبة المجهولة 

بعد شوية وصلو البيت......

حياة دخلت لقيت عمها حسين قاعد وجنبه حسام وعمها سالم وزهرة وجميلة معاهم

حياة خافت منه : ان... انت جاي هنا ليه

حسين بحزن : حياة يابنتي انا......

حياة بدموع : انت جاي تاخدي صح عايز توديني لعمي شاكر عشان يضربني

سالم بجدية : حسين مش جاي ياخدك ياحياة هو عايز يتكلم معاكي.... جميلة تعالي معاي المكتب وانتي ياياسمين الباقي يطلع اوضته خليهم يتكلمو ع راحتهم هما عيلة مع بعض

هشام وآية وهايدي طلعو اوضهم وسالم راح المكتب ووراه جميلة وبعدين ياسمين اللي كانت خايفة من اللي باباها هيقوله

بقى حياة وزهرة وحسين وحسام

حسين : حياة يابنتي انا جاي اعتزرلك انا عارف اني غلطت في حقك وغلطي كبير انا اسف ياحببتي انا سمعت كلام شاكر وشيطان عماني بس والله انا بحبك زي حسام ابني بالظبط انا عارف ان اعتزار مش هيغير حاجة بس ارجوكي عشان خاطر المرحوم والدك سامحيني يابنتي

حياة :........

........ في المكتب.......

جميلة : خير ياخوي عايز تجول ايه وجايبنا اهنية ليه

سالم : انتي غلطي وغلطك كان واعر جوي ياياسمين

ياسمين بذكاء : ابوس يدك يابوي سامحني عارفة اني غلط لو عايز تجتلني اجتلني بس سامحني يابوي والنبي ياماما سامحيني والله اني ندمانة وعارفة غلطي اني تعبانة جوي

جميلة قلبها رق لحال بنتها بس مراختش عندها وفضلت مكانها

سالم بجدية : ياسمين انتي..........

.......... عند فهد..........

كان واقف بيعاين الأرض وفونه رن وعرف صاحب الرقم

فهد بضيق : عايز ايه

فهد : تمام نص ساعة واكون هناك

فهد ركب عربيته وراح مكان محدد لقى شخص واقف مستنية نزل من العربية وراح عنده

فهد : اهلا اهلا صاحبي وصديق عمري سيف الرفاعي

بقلم الكاتبة المجهولة

......... يتبع.........

 بارت مليان مفجأات اهووو عشان تعرفوا بحبكوا قد ايه

#الحلقة_التاسعة

.... في القصر خاصة في غرفة المكتب....

ياسمين واقفة ودموعها بتنزل بغزارة وقلبها دقاته بقت سريعة خايفة من الكلام اللي ابوها هيقوله

سالم اتنهد : ياسمين انتي عارفة انك مش بس بتي انتي كنتي الاجرب لجلبي كنتي صحبتي في لحظة هديتي كل حاجة ياياسمين

ياسمين بدموع : عارفة اني غلطت وكسرت ثجتك فيا بس ابوس ايدك سامحني يابوي لو عايز تجتلني دلوجت اجتلني اني راضية بس متعاملنيش أكده اني جلبي وجعني جوي

سالم مقدرش يقسى عليها اكتر من كده مهما كان دي بنته وياسمين من صغرها هيا الاقرب ليه لأنها شبهه في كل حاجة

راح عندها وخدها في حضنه : سلامة جلبك ياجلب ابوكي خلاص كفايكي بكا عاد انتي عارفة اني متحملش دمعتك واصل

ياسمين : اتوحشتك جوي يابوي اني اسفة حجك عليا والله ندمانة لو بيدي هشيل جلبي اللي حبه من مكانه اني كرهت نفسي اني حبيته

سالم : متجليش أكده ياياسمين الحب حاجة مش بيدنا عشان نمنعها ونفسك دي عزيزة عليا جوي مينفعش تكرهيها أكده بتغضبي ربك ياحبيبتي

ياسمين بصت لجميلة اللي كانت واقفة ودموعها بتنزل

ياسمين بدموع : وانتي مش عتسامحيني ياما

جميلة : مجدرش ياجلب امك من جوه مسمحاكي يابتي

ياسمين فتحت ليها دراعها وجميلة انضمت ليهم وسالم خدهم في حضنه

ياسمين بسعادة : بحبكو جوي جوي

___بقلم الكاتبة المجهولة 

....... برا عند حياة.....

حياة : انا مسمحاك ياعمي لاني متأكدة انك لو كنت واعي للي بتعمله مكنتش هتعمل كده ولانك للحظة وقفت قصادهم ودافعت عني

حسين : تسلمي يابنتي صحيح انا كنت اعمي لما اشتركت معاهم في اللي بيعملوه مقدرتش تعب امك في تربية ابني ولا وقفة ابوكي جنبي عشان ابني نفسي

حياة : اللي فات مات ياعمي ادعي ربنا يغفرلك اللي كنت بتعمله

حسين : امين يابنتي... احنا ان شاء الله هنرجع بكرة القاهرة انا وحسام خدو بالكم من نفسكم ولو احتجت اي حاجة متتردديش انا موجود

حسام بسرعة : ايه نرجع القاهرة ليه انا مش عايز ارجع

حياة بصتله باستغراب وحسين كمان وزهرة ابتسمت بخبث

حسين : مش عايز ترجع ازاي وهو دا بيتك اصلا وشغلك يادكتور هتعمل فيه ايه

زهرة بخبث : سيبه كمان يومين ياحسين اصل حوسو شكله عجبته الصعيد.... وغمزت

حياة فهمت : الصعيد برضو اللي عجبته

حسين بحزن : حسام انت لسه زعلان مني... انا اسف انا قصرت ف حقك واهملتك كتير سامحني

حسام : لا يابابا انا مش زعلان منك خلاص انا عارف ان قلبك طيب ونيتك صافية بس هيا لحظة شيطان

حسين : ربنا يخليك يابني اوعدك هعوضك عن كل دا... انت هترجع معايا القاهرة عشان اقضي معاك وقت كبير صح!

حسام : والنبي يابابا سيبني شوية هنا دي البلد حلو جوووي

زهرة : هههه لا واتعلمت كمان خلاص ياحسين افضلو معانا يومين كمان

حسين : خلاص هو عايز يفضل يفضل انا هرجع مش هرتاح غ في شقتي

حسام بجنون : هههييييه هقعد

حياة : طفل اووووي

حسام : ملكيش دعوة نينينينينيني

___بقلم الكاتبة المجهولة 

........ في مكان بعيد خالي من الناس......

المكان اللي اتعودوا يشوفوا بعض فيه ويحكوا فيه مشاكلهم 

فهد واقف وقدامه سيف

فهد : اهلا بصاحبي وصديقي الوحيد سيف الرفاعي

وكمل بسخرية وهو بيجز على سنانه : اللي خان صاحبه واتهجم على أخته

سيف بحزن : انا مخنتكش يافهد ومكنتش في وعيي يوميها

فهد : والله عااال وبتبرر عملتك كمان ياراجل اختشي دا بدل ما تكون ندمان وحاطط راسك ف الارض

سيف : انا ندمان يافهد تأنيب الضمير بيجتلني ياصاحبي

فهد بضيق : متجولش صحبي واخلص جول عايز ايه

سيف : كنت عايز اباركلك ع جوازك يافهد مبروك ياخويا ربنا يسعدكوا

فهد : تمام جولت اللي انت عايزه اني ماشي

سيف بحزن : استني يافهد في حاجة كمان كنت عايزك فيها

فهد : أنجز مش فاضيلك

سيف بجمود : عايز اعتذر منك على كل حاجة وحشة عملتها فيك وف عيلتك اني اسف يافهد صدجني ياخوي ده كان شيطان بس والله العظيم اني بحب ياسمين ولسه رايدها

وكل اللي عملته ده كان خوف من فكرة انها تروح لحد تاني وتبجي لغيري

فهد بجمود : جولت اللي عايز تجوله!! يلا سلام

ولف وشه ولسه ماشي

سيف : اني عندي مهمة خطيرة يافهد ورايح واحتمال كبير مرجعش

فهد وقف مكانه وغمض عينه بوجع عايز يروح يحضنه يقوله بعد الشر عليك هترجع وهتبقى معايا بس مش قادر ينسى اللي عمله

فهد لف وبص ليه وكان فيه بعد بينهم حولي مترين

سيف اتنهد : يمكن دي تكون اخر مرة نشوف فيها بعض سامحني لو ازيتك في يوم سامحني عشان لو مت اموت مرتاح مش طالب منك غير السماح ولما تفتكرني تبجي تترحم على روحي

فهد حس ان فيه خناجر بتطعن في قلبه بس مش أظهر غير البرود : اللي يسمعك يجول هتموت بجد ما أنت ياماا طلعت مهمات وكانت خطيرة

سيف بابتسامة : المرادي غير يافهد المرادي هقبض ع(داغر)

اكبر تاجر اعضاء في البلد وانت عارف ان دا حلمي اني اقبض عليه واسمي يبجي معروف في الداخلية واريح البلد من شره

... الفرصة المرادي جاتلي لحد عندي ولازم استغلها صح انا هروح يافهد بس لو مرجعتش سامحني ياصحبي سامحني وخلي ياسمين تسامحني وحولها اني بحبها وعمري ماهحب غيرها

فهد ساكت خايف متضايق عايز ياخده ف حضنه جواه مشاعر ملغبطة مش عارف يعمل ايه فضل ساكت وع وشه ملامح البرود

سيف : المأمورية بكرة الساعة ٢ في الليل انا مسافر النهاردة

عايزك تعرف اني عمري ما اعتبرتك صحبي انت اخويا يافهد والله يعلم بحبك جد ايه هتوحشني جوي يافهد سلام ياخويا

سيف مشي وجواة شعور خزلان من سكوت فهد وبروده كان منتظر منه ياخده في حضنه يسامحه بس فهد مبينش اي حاجة من دي

فهد فضل واقف في مكانه وبعد ماسيف مشي استبدلت ملامحه للحزن والخوف والعصبية

ركل الأرض برجله ومسك شعره وضغط عليه

فهد بزعيق وعصبية : ااااه لييييه لييييه ياسيف تعمل أكده لييييه..... يارب

اتنهد وركب عربيته ورجع القصر كانت العيلة كلها متجمعة ع طاولة الغدا في جو اسري مليان بهجة وسعادة... قعد ع مقعده الخاص وكان على وشه علامات الضيق

حياة مسكت ايده وبهمس : مالك!!

فهد : مفيش... كلي

حياة هزت راسها وبدأت تاكل

حسام كان قاعد قصاد هايدي وعينه منزلتش من عليها وهيا كل شوية تبصله.. زهرة لاحظت وضربته في رجله

زهرة بهمس : اتلم يامفضوح وبص في طبقك

حسام : الله وانا مالي يالمبي ماانتي اللي مش عايزة تجوزيني

زهرة : كل ياحسام واسكت عشان ابوها لو لاحظ هيطلع سلاحه ويطوخك عيارين

حسام بص ف طبقه بسرعة وزهرة همست : ناس مبتجيش غير بالعين الحمرا

ياسمين كانت بتلعب في الطبق بشرود ومبتاكلش

سالم : ياسمين مالك يابتي مش بتاكلي ليه

ياسمين : هاااه باكل اهو يابوي

خلصو الاكل وكل الخدم شالوا الاطباق وراحو يقعدو في الصالة مع بعض

جميلة : تعالي ياياسمين اجعدي معانا هنية

ياسمين : معلش ياما هطلع انام شوية عشان تعبانة

سالم : تعبانة مالك يابتي

ياسمين : راسي وجعاني صداع خفيف

هشام : تعالي اوديكي لدكتور

ياسمين : لااه ملوش لزوم اني خدت مسكن وهبجي زينة

طلعت وفهد طلع اوضته من غير كلام وكله مستغرب حالته حياة طلعت وراه

ايه : اني كمان عندي مذاكرة هطلع اكملها

هشام : واني هطلع اعمل حاجة في اوضتي

هايدي : واني عندي مزاكرة وامتحان هطلع اذاكرله

زهرة : وانت ياحوسو وراك ايه في اوضتك انت كمان

حسام بكدب : انا عندي اجتماع مع دكتور زميلي اون لاين هروح اعمله

كله راح اوضته وبقي الكبار بس اللي قاعدين تحت

___بقلم الكاتبة المجهولة 

...... في اوضة فهد......

حياة : فهد مالك شكلك متضايق

فهد بعصبية : مفيش ابعدي عني دلوجت ملكيش صالح بيا

حياة مسكت ايده : احنا مش اتفقنا نبقا صحاب ونحكي لبعض كل حاجة... احكيلي مالك فيك ايه

فهد حضنها جامد زي الطفل واتكلم بوجع وهو حابس دموعه مش عايز يضعف قدام حد : تعبان اوي ياحياة سيف خلاص هيروح

حياة : اهدي بس واحكيلي ايه اللي حصل

فهد : اتفبلنا انا وهو وحصل..........

..... في اوضة ياسمين.....

كانت بتعيط وخايفة وبتفتكر كلامه وقلبها بوجعها

(سيف : انا ماشي ياياسمين هسافر النهاردة عندي مهمة بكرة بالليل وممكن مرجعش منها... سامحيني ياياسمين انا ازيتك سامحيني ياحببتي اناا بحبك اووووي وهفضل احبك لآخر نفس)

ياسمين مبقتش قادرة تتحمل طلعت من اوضتها وراحت أوضة فهد

......قدام أوضة ايه......

هشام : اتوحشتك 

ايه : بعد عني وملكش صالح بيا

هشام : الله طب انا عملت ايه لكل ده

ايه مسكته من تلابيب قميصه واتكلم بشراسه : يعني مش خابر عملت ايه رايح تتسرمح مع البت نوارة الماسخة دي وجاي تجولي وحشتيني

هشام بحب : يسلملي الغيران وبعدين مفيش ست تملي عني غيرك

ايه : امم ماهو واضح ياود عمي رايح تحبلي ف البت اللي شبه البرص دي

هشام : هههههه البرص هههه

ايه : متضحكيش

هشام : اهو مش ضاحك ياست هاااه بقا بجولك اتوحشتك

ايه دخلت بسرعة وقفلت الباب في وشه وهيا مكسوفة

هشام : ياكسفتك ياحااازم.... طب ايه مفيش كلمة زينه

ايه بهمس من ورا الباب : واني كمان اتوحشتك جوي

........ قدام أوضة هايدي......

حسام بهيام : بقولك ايه يابطل متحن شوية

هايدي قلبها فرح بس بينت العكس : وه اتلم ياجدع انت والا وربي لاطوخك عيارين في نفوخك

حسام : ايه شخصية جعفر اللي ظهرت دي

هايدي : هو أكده الناس جليلة الذوج بعملهم أكده

حسام بضيق : بقولك ايه مش معنى اني ساكتلك وبهزر معاكي تعملي كده لا أنا محترم وغصب عنك كمان انا غلطان اني فكرت احبك اصلا...... ومشي وسابها

هايدي وقفت مكانها بصدمة من اعتراف وقلبها بيرقص من الفرحة بس حست بتأنيب الضمير ناحيته... اتنهدت ودخلت اوضتها

...... في اوضة فهد......

حياة : يعني انت مش مسامحه يافهد

فهد : معرفش ياحياة انا متلغبط ومش عارف اعمل ايه

ياسمين دخلت وجريت ع فهد حضنته ووشها مليان دموع

فهد بقلق : ياسمين مالك ياخيتي

ياسمين بعياط وشهقات : هيروح يافهد هيموت ويروح مني انا خايفة جوي ياخوي

فهد : اهدي ياجلب اخوكي واحكيلي اللي حصل

ياسمين حكتله كل حاجة وفهد اتوجع لدموعها

مسك وشها بحنان : لساتك بتحبيه

ياسمين : غصب عني ياخوي مش بيدي

فهد : خلاص ياحبيببتي اهدي مش هيحصله حاجة... يلا روحي اوضتك ارتاحي دلوجت

ياسمين راحت اوضتها وفهد بص لحياة بحزن وهيا مسكت ايده وبصتله بابتسامة

اليوم عدي والليل جه وكل واحد نام في اوضته بيفكر في حياته

..... في اوضة فهد.....

حياة نايمة في حضن فهد وعايزة تقوله حاجة بس مترددة 

فهد : مبتسأليش النهاردة يعني؟!

حياة بتردد : فهد هو انت كده انتقمت من أعمامي وانا وماما خلاص بقينا في امان... انت كده.... يعني انت هتطلقني!

فهد ضغط ع خصرها واتكلم بهمس : اني مستحيل اطلجك هتيجي ع ذمتي لآخر يوم في عمري انتي بتاعتي اني بتاعت فهد المنياوي وفهد المنياوي ميسبش حاجة حجه واصل

حياة ابتسمت : تصبح ع خير يافهد المنياوي

فهد بابتسامه جذابة : وانتي من اهل الخير ياحياتي

.......... في بيت الرفاعي........

صبحة بدموع : عشان خاطري ياولدي متمشيش اني خايف عليك وجلبي مش مطمن

سيف حضنها : متخافيش يامااا ولدك راجل ولو جرالي حاجة هيبجا جدري

سعد حضنه : ربنا معاك ياولدي خد بالك من نفسك

سيف : حاضر يابوي.... لو جرالي حاجة عايزك تبجوا راضيين عني

صبحة بعياط : متجولش أكده ياجلب امك ربنا يعاودك لينا بالسلامة

سيف ودع اهله واخد شنطته وركب عربيته واتجه للقاهرة

وهو بيودع بلده اللي اتربي فيها والمكان اللي حبيبته فيه

______بقلم الكاتبة المجهولة

الليل عدي بسكونه على كل أبطالنا فيهم اللي نام حزين واللي نام مبسوط واللي مطمن واللي خايف 

........ الصبح.....

الشمس طلعت وكل واحد صحي ادي فرضه ولبس هدومه واللي نزل راح شغله واللي راح جامعته

....... في المخزن......

فهد ببرود : اتمنى تكونوا مبسوطين معانا اهنيه

هالة بتحاول تغري فهد اتكلمت بدلع ودموع مزيفة : انا ايدي وجعتني اووي عشان خاطري فكني انا معملتش حاجة

فهد راح عندها ومسك فكها جامد : وبت عمك لما كانت بتتضرب متوجعتش مفكرتش في وجعها ليه هاااه

سوزان : سيب بنتي ابعد عنها ياحيوان

فهد : اني لسه منتقمتش منك انتي وبنتك بس دوركو جاي

كريم : ابوس ايدك سيبني انا مبقتش قادر لازم اخد الجرعة

فهد : وه لاااه انشف أكده دا انت بالذات هتجعد معانا كتير اهنيه

كريم : اعمل فيهم اللي انت عايزه بس سيبني اطلع انا جسمي كله واجعني لازم اخد الجرعة

فهد : اوعدك هتبطل ع ايدي بس هتدوج العذاب أشكال

وانتو كمان زيكم زييه

فهد للحراس : تروقوه هو وابوه

وسابهم وطلع....

اليوم عدي والليل جه وكل واحد في اوضته حياة نايمة في حضن فهد وهو كان صاحي سرحان وبيلعب في شعرها حاسس بخوف واحساس غريب كان حد هيحصله حاجة وقلبه مقبوض

........ في القاهرة وتحديدا في منطقة مقطوعة

الساعة ٢ في الليل.... 

مجرمين واقفين وقدامهم بعض الأطفال وبنات لسه شباب ايديهم مربوطة 

ممثل : البضاعة اهي ياداغر واعضائهم سليمة ميه في المية

داغر : تمام..... وشاور لراجل من رجالته : ادوهم الفلوس

كانو هيبدأوا في التسليم

سيف معاه مجموعة ومستنيين إشارة سيف عشان يبدؤا الهجوم

سيف للرجالة : مش عايز اي خساير في الأرواح سلامة الاطفال اهم من اي حاجة استعد..... سبت سلاحك....... هجوووووم

فريق سيف هجم وبدأ ضرب النار المتبادل بينهم سيف اتسلا لحد ما وصل لداغر واشتبكو مع بعض

....... بعد ساعة في اوضة ياسمين

مش قادرة تنام وقلبها وجعها اتوضت وصلت ودعت اسف كتير.... بعد شوية وقفت في شباك اوضتها وهيا سرحانة وفجأة حست بقبضة في قلبها كأن حد قبض روحها

في الوقت دا جالها اتصال

ياسمين بخوف : الووو

.... سامحيني بحبك جووي

ياسمين بصراخ ووقعت ع الارض : سيييييييييف

بقلم الكاتبة المجهولة 

......... يتبع .............

الكاتبة المجهولة

#حياة_الفهد

#الحلقة_العاشرة

جميلة قامت من النوم مفزوعة : ياساتر يارب مين بيصرخ أكده

سالم بخوف : ده صوت ياسمين جومي نشوف مالها

... في اوضة فهد...

كان صاحي وسمع صوت اخته بتصرخ باسم سيف الدم اتجمد في عروقه

حياة صحيت بخضه : فهد ايه الصوت ده

فهد مردش وطلع من الأوضة بسرعة وهيا وراه

..... في اوضة ياسمين.....

جميلة وسالم دخلو لقيوها مرمية ع الارض فاقدك الوعي والتلفون جنبها

فهد دخل وشاف المنظر ده شالها بسرعة ونيمها ع السرير

حياة بسرعة : انا هجيب مياة

عدى دقايق والعيلة كلها اتجمعت ف اوضة ياسمين

 فهد جاب ازازة برفان وحط ع هدومه وقربها من انفها لحد ما فاقت وجميلة أعطته الماية وشربها

ياسمين بعياط : سيييييف... سيييييف لاا متموتيش سيييييف

____بقلم الكاتبة المجهولة 

فضلت تعيط بطريقة هسترية وتنادي باسمه

جميلة خدتها في حضنها وعدتها وفهد قام وقف بعيد مش بيتحرك.. حياة شافته ووقفت جنبه ومسكت ايده جامد

سالم : فيه ايه ياياسمين مالك يابتي

ياسمين بعياط وشهقات : سييف يابوي ه.. هو كلمني وبعدها سمعت ضرب نااار سيف مااات يابوي ااااه

سالم غمض عينه وفي لحظة افتكر فهد بص ناحيته بقلق لقيه واقف في ركن لوحده ومصدوم بس عيونه فيها ضعف

راح عنده وربت ع كتفه بحنيه : فهد ياولدي....

فهد بصدمة : سسيف.. مش مات يابوي... هو هيعيش صوح؟!

سالم بوجع على حالة ابنه : ده عمره ياولدي ده جضااء ربنا

فهد اتعصب وبدأ يكسر كل حاجة تقابله بعضبيه كان زي الوحش ويزعق بصوت على هز أركان القصر : لااا هو مماتش مماتش... هو عايش وهبجي معايا وهسامحه.... اني عارف انه ميجصدش يزعلني...... اااااه..... سيييف

سالم خده في حضنه بصعوبه والدموع اتجمعت في عينيه علي حال ابنه والضعف اللي ظاهر عليه

حياة قاعدة جنب ياسمين وبتعيط على حالة فهد وياسمين

بعد شويه فون فهد رن باسم غريب

فهد بهدؤ وضعف : الووو 

الشخص بسرعة : الو معاك الظابط ايمن زميل المقدم سيف

بصراحة المقدم سيف اتصاب أثناء العمليه وإصابة بالغة انا لقيت الرقم ده متسجل على تلفونه باسم اخويا اتمنى تبلغ عيلتك وتيجو فورا احنا رايحين مستشفى****

فهد قام بسرعة وفرحة : تمام تمام انا جاي حالا

سالم : خير يافهد مين اللي بكلمك دلوجت

فهد بص لياسمين وراح عندها ومسك وشها بحنان : سيف بخير هو بس اتصاب وهيروح المستشفى انا هروحله دلوجت

ياسمين بسرعة وسعادة : بجد ياخوي

فهد بابتسامة : بجد ياجلب اخوكي

ياسمين : اني هاجي معاك

فهد : لاا ياحببتي مش هينفع اخدك معايا الوجت متأخر

ياسمين بعياط : ابوس يدك ياخوي خدني معاك مش هجدر اجعد اهنيه لازم اشوفه

فهد بص لسالم وسالم حس بحاجتها الشديدة انها تروح

سالم بهدؤ : خدها معاك يافهد

فهد : البسي هدومك بسرعة عشان مش نتأخر

كله طلع بره وقعدو تحت في الصالة وفهد راح يغير هدومه وحياة راحت وراه

حياة : خد بالك من نفسك يافهد

فهد بضعف زي الطفل اللي فقد امه : هو هيعيش صح

حياة حضنته : ان شاء الله هيعيش يافهد هو مش هيسيب ياسمين وحدها ولا هيسيبك هيعيش عشانكوا

فهد اخيرا سمح لدموعه تنزل واحضنها جامد لدرجة انها حست اعضامها هتتكسر بس مهتمتش : انا جرحته اوي ياحياة وانا عارف انه مش بقصده يخوني نفسي يرجع وانا هسامحه والله هسامحه ونرجع زي الاول

حياة مسحت على ضهره بحنيه : هيرجع يافهد وهتبقوا احسن من الاول كمان

فهد : يارب ياحياة يارب

فهد غير هدومه وياسمين كمان ونزلوا ركبوا العربية ومشيوا بأقصى سرعة

سالم : تعالي معايا ياهشام هنروح بيت الرفاعي

محمود : ليه بيت الرفاعي دلوجت ياخوي

سالم : لازم نعرفهم اللي حوصل لودهم المشاكل اللي بينا ملهاش علاقة بده سيف كان صاحب فهد واني كنت بحبه كيف ولدي بالضبط

هشام : حاضر ياعمي

...... في القاهرة في منطقة التسليم.....

ايمن : سيف قوم يابطل احنا مسكنا داغر خلاص وده بفضلك

سيف كان فاقد الوعي تماما

ايمن بزعيق : هاااتو نقالة هناا بسرعااااة المقدم سيف متصاب

الإسعاف اخدوا سيف وكل المصابين واتجهوا للمستشفى

...... قدام بيت الرفاعي....

سالم خبط ع الباب وسعد وصبحة كانوا صاحيين لأنهم عارفين ان معاد مهمة سيف دلوقتي ومستني يطمنهم

سعد فتح الباب واتفاجأ بسالم

سعد : عايز ايه ياسالم المنياوي

سالم بجمود : اني مش جاي اتعارك معاك اني جاي احولك ان انهم كلموا ولدي والوله ان ولدك اتصاب وهو دلوجت في المستشفى

صبحة شهقت وصوتت : يامرك ياصبحة ولدي... اني عايزة ولدي اااه ياحبيبى ده لسه صغير

وبدأت في نوبة عياط سعد راح عندها

سعد بهدؤ : خلاص ياصبحة ولدك زين وهيرجع بالسلامة

صبحة : اني عايزة اشوفه ودوني لولدي

سعد : جومي يلا هنروحله

سالم : هشام روح معاهم متفارجهمش واصل

سعد : مفيش لزوم احنا هنروح لوحدنا

سالم : مينفعش تسافروا لوحدكم هشام هيجي معاكم ده مش عشانك ده عشان سيف

سعد هز براسه.. هشام : تعالي معانا ياعمي هوصلك الجصر ونطلع من هناك ع الجاهرة

ركبوا العربية ووصلوا القصر حياة كانت في الجنينة وشافتهم لما وصلوا

هشام : اني هطلع اجيب سلاحي وراجع عشان الطريج ليل ومش عارفين اللي ممكن يحصل

سالم : ماشي ولدي

سالم نزل وقف جنب حياة وهشام دخل القصر

سالم : واجفه أكده ليه يابتي

حياة : قلقانة اوي ع فهد ياخالو هو تعبان اوي... هما جايين هنا ليه!!

سالم : هشام هيوديهم الجاهرة لودهم

حياة : والنبي ياخالو هروح مع هشام

سالم : ميصحش يابتي الدنيا ليل والطريج واعر

حياة : عشان خاطري ياخالو انا لازم اكون جنب فهد

سالم بتنهيده : ماشي ياحياة روحي يابتي

هشام نزل وركب العربية وحياة جنبه واتجهو للقاهرة

___بقلم الكاتبة المجهولة 

...... ع الطريق في عربية فهد.....

ياسمين بتعيط وفهد قلقان وخايف ع صاحب عمره

وقف العربية ومسك ايدها : متبكيش ياخيتي هو هيبجي زين متخافيش

 

ياسمين : يارب ياخوي يارب... اني مش عايزة غير انه يبجي زين والله اني مسمحاه هو عمره مافكر يأذيني واللي عمله ده كان غصب عنه

فهد : عارف عارف ياياسمين انه مكنش يجصد وان شاء الله هيرجع واحسن من الاول كمان

فهد ساق العربية وكملوا الطريق

* عدي ساعات وفهد ياسمين وصلوا القاهرة وراحوا المستشفى

فهد للموظفة : المقدم سيف الرفاعي في اي اوضة

الموظفة : هو في العمليات دلوقتي يافندم

فهد بصدمة : في العمليات ليه! هو إصابته خطيرة

الموظفة : معرفش يافندم كل اللي اعرفه انه واخد رصاصة وجات قريبة من القلب واول ماوصل دخل العمليات

فهد : طيب فين اوضة العمليات

الموظفة : الدور التاني الأوضة اللي في نهاية الممر

فهد وياسمين طلعوا ع السلالم جري لحد ما وصلوا

مكانش قدام الأوضة غير الظابط ايمن

فهد : دي الاوضة اللي فيها المقدم سيف

ايمن : ايوا حضرتك مين

فهد بسرعة : انا... انا فهد اخو سيف

ايمن : المقدم سيف بطل قام بدور عظيم في المهمة لولاه مكانش داغر في السجن دلوقتي

فهد : هو ايه اللي حصل

ايمن : فريقنا اشتبك مع العصابة والمقدم سيف اتقدم واتسلل لحد ماوصل للمكان اللي فيه داغر وقتل كل الرجالة اللي بيحموه واشتبك مع داغر واتفوق عليه بس واحد من رجالته قدر يهرب ومسك السلاح وضرب رصاصة جت في المقدم سيف.... اخدناه ع المستشفي هو وكل الضحايا بس...

فهد بحذر : بس ايه!

ايمن : بس الدكتور قال انه الرصاصة جت في مكان قريب من القلب وصعب نطلعها لازم من عملية بس هتكون خطر على حياته وهو حاليا حالته خطيرة وف العمليات

ياسمين كانت هتقع فهد سندها

ايمن : انا هروح اطمن ع المصابين المقدم سيف بلغني اني اوصل الورقة دي لواحد اسمه فهد المنياوي اتفضل

___بقلم الكاتبة المجهولة 

ايمن مشي وفهد قعد ياسمين ع الكرسي وقعد جنبها وفتح الورقة وبدأ يقرأ

(فهد لو الورقة دي في ايدك دلوقتي هكون انا مش معاك انا مش زعلان اني هموت انا بس زعلان اني هموت وانت مش مسامحني وياسمين كمان كان نفسي تاخذني في حضنك اوي يافهد وتودعني بس يلا مليش نصيب انا غلطت وبتحمل نتيجة غلطي وحيات اي حاجة حلوة عشناها مع بعض تسامحني يافهد خلي روحي مرتاحة والله مكان قصدي انا بحبك اوي انت اخويا مش صحبي

قول لياسمين تسامحني يافهد انا والله بحبها ومكنتش حابب نوصل للوضع دا قولها متزعلش لما اموت ومتعيطش ومتضيعش دموعها على واحد حقير واذاها زيي انا اسف اسف على كل حاجة وحشة عملتها معاكوا

       اخوك سيف الرفاعي    )

ياسمين بعياط : مسمحاك ياسيف مسمحاك والله بس ارجعلي اني مجدرش اعيش من غيرك ياود عمي

فهد حضنها ودموعه نزلت : هيرجع هيرجع ياياسمين ربنا يقومه بالسلامة

فضلو قاعدين شوية وأهل سيف وصلوا بعد ماعرفو المكان

صبحة : ولدي ولدي فين يافهد عشان خاطري يابني طمني

فهد : سيف في العمليات ياخالة صبحة وهبجي زين ان شاء الله

فهد لحياة : ايه اللي جابك ياحياة

حياة بهدؤ : مينفعش اسيبك انت وياسمين في موقف زي ده لوحدكوا 

الدكتور طلع كلهم جريوا عليه

سعد : طمني يادكتور ولدي بخير صح 

الدكتور بأسي : احنا عملنا كل اللي نقدر عليه بس المريض شكله مش متمسك بالحياة خالص ادعوله في الكام ساعة الجايين ويعدو ع خير

صبحة : يارب يارب احميه ليا اني مليش غيره

ياسمين فضلت قاعدة وبتعيط وفهد بعد عنهم ووقف في ركن لوحده حياة راحتله

فهد : كله بسببي انا السبب ياحياة لو كنت سامحته مكنش كل دا حصل

حياة حضنته : لا مش انت السبب يافهد دا قدره واحنا مقدرش نغير فيه حاجة ادعيله يافهد

عدي كام ساعة في هدؤ تام وفجأة المكان اتكلي بالحركة والممرضات بيدخلوا ويطلعوا من اوضة سيف

فهد الدكتور : فيه ايه سيف ماله

الدكتور مردش عليه وفهد اتعصب دخل دكتور تاني

فهد مسكه بعصبية وطلع مسدسه وصوبه ع راسه وزعق : رد عليااا وفهمني فيه ايييييه انطق

الدكتور بخوف : المريض قلبه وقف ولازم نلحقه والا هيروح مننا

فهد : اقسم برب العرش لوسيف جراله حاجة لقتلكو واشرب من دمكو فاهم

الدكتو بخوف : فاهم فاهم بس سبني عشان الحقه

فهد سابه والدكتور دخل وعملوله انعاش وبردو مصحيش

واحد من الدكاترة طلع : المريض فاقد الأمل في الدنيا خالص تقريبا بيعاني من أزمة نفسية ومش عايز يعيش لو حد قريب منه هنا يدخل يتكلم معاه يحاول يديه امل

فهد وياسمين في نفس واحد : انا هدخل

فهد : انا وهيا هندخل

الدكتور : واحد بس مينفعش اتنين ممكن واحد يدخل دلوقتي وبعده يدخل واحد تاني

فهد دخل بسرعة من غير كلام وقعد ع الارض ومسك ايده بدموع : سيف انا فهد فهد صاحبك قوم ياخويا عشان خاطري انا مسامحك ياسيف انا اسف عارف اني قسيت عليك اوي بس قوم انا مقدرش اعيش من غيرك ياخويا

قوم وانا هساعدك تتجوز ياسمين انا عارف انك بتحبها

الدكتور بسرعة : قلب المريض بدأ يستجيب استمر افضل كلمه

فهد طلع ودخل ياسمين ليه

ياسمين اول ماشفته انهارت من العياط وراحت عنده ومسكت ايده ومسحت علي شعره بحنية : سيف جوم ياود عمي اني ياسمين حبيبتك... جوك ياسيف ومتوجعش جلبي عليك انت عارف اني مجدرش اعيش من غيرك انت وعدتني مش هتهملني وحدي واصل فين وعدك ياود عمي جوم اني مسمحاك ياسيف مسمحاك ياحبيبى جوم عشان تاجي تتجدملي وهنتجوز

الدكتور : ارجوكي كفاية كدا اطلعي برا مؤشرات بدأت ترجع طبيعية

هنا ياسمين انهارت ومسكت ايده جامد مش عايزة تسيبه : سييييف جوووم عشان خاطري بعدو عني هو عايزني اني بعدوو

فهد دخل واخدها وطلعها برة بصعوبة وبدأ يهديها وحياة خدتها في حضنها وبدأت تقرأ قرأن

____بقلم الكاتبة المجهولة 

عدي يوم كامل وسيف اتنقل لاوضة عادية والدكتور قال انه هيفوق بعد ٢٤ ساعة

فهد : جيتي ليه ياحياة كده هتتعبي مكنش له لزوم تيجي

حياة : لازم اكون مع جوزي في محنته واقف معاه

فهد فرح لكلمة جوزي اللي قالتها : ربنا يخليكي ليا ياحياتي

حياة : ويخليك ليا.... ياسمين شكلها تعبان اوي

فهد بحزن : هيا تعبت اوي في اليوم ده مبطلتش عياط

حياة : بتحبه اوي ربنا يجمعهم مع بعض... انت هتخليهم يتجوزو صح يافهد

فهد اتنهد : هنشوف الموضوع دا بعدين المهم سيف يقوم

الممرضة : المريض اللي ف الأوضة دي فاق

ياسمين جريت ع الأوضة ودخلت بسرعة لقيته لسة بيحاول يفتح عينه وبيقاوم الضوء

اخير قدر يفتحهم وشافها قدامه فكر انه حلم

سيف بوهن : ياسمين!!

ياسمين بدموع : حمد الله ع سلامتك ياود عمي

سيف بعد تصديق : انتي بجد هنا؟!

فهد دخل بابتسامة واسعة : لا هناك ياخويا

سيف بفرح : فهد انت هنا بجد.... وحاول يقوم

فهد راح عنده بسرعة وحضنه وجمد ع حضنه

سيف بتأووه : اهه

فهد بقلق : ايه مالك اناديلك الدكتور

سيف : اهدي اهدي انا كويس انت بس ضغطت ع الجرح

فهد : معلش مكانش قصدي

سيف مسك ايده : انا اسف يافهد سامح.....

فهد بمقاطعة : مسامحتك ياسيف مسامحك ياخويا

سيف : ياااه وحشني اوي كلمة اخويا بتاعتك يافهد

صبحة و سعد دخلوا واطمنو ع سيف وهشام كمان دخل اطمن عليه

حياة : حمد الله ع سلامتك ياسيف

سيف بابتسامه : الله يسلمك تسلمي ياحياة

فهد بضيق ومسك ايد حياة جامد : اسمها مرات اخوك.. وانتي اسمه حضرت المقدم

سيف ضحك : بتغيري يابيضة

فهد جز ع سنانه : سيف اتلم والا......

سيف : والا ايه هتضرب واحد مريض هاااه هاااه قولها..... عشت وشوفت فهد المنياوي بيغير

فهد : راعي انك تعبان والا كان زماني مكسرلك اعضامك

هشام : اني هروح اجبلك ا حاجة تكلوها انتو مكلتوش من امبارح

سعد : هاجي معاك ياولدي

صبحة : واني هروح الحمام

طلعو وبقي ف الأوضة فهد وحياة وسيف وياسمين

____بقلم الكاتبة المجهولة 

...... في الصعيد.......

قدام اوضة حسام

هايدي خبطت عليه واقفة قدام الباب بحرج فتح وشافها ف الاول فرح بس بعدين أظهر ملامح الجدية

هايدي : اني... كنت عايزة اعتزرلك ع طريجتي معاك متزعلش مني بس اني أكده مبحبش اختلط مع حد

حسام بمزح : متوحدة يعني طب ياستي اعتزارك مقبول

هايدي : تصدج اني غلطانة اني جيت اعتزرلك انت بارد ومعندكش خشااا

حسام : استني بس رايحة فين ياهايدي ياجعفر

حسام ابتسم وصقف بايده زي الأطفال وراح ع اوضة زهرة

زهرة : عايز ايه يااخرة صبري

حسام : احم... عايزة تنادي عم محمود وطنط سعدية عشان هتقدم لهايدي 

زهرة : وانا مالي ياخويا روح انت ناديهم واتقدم وابقا قول قدامهم طنط سعدية دي هيحفلوا عليك تحفيل موووت

حسام : ماشي يا وزو مقبولة منك يلااا بقا وبطلي دلع

زهرة رمت في وشه الشبشب : شكل ابو وردة وحشك مين دي اللي بتتدلع يلااا

حسام : شكرا يانبع الحنان

زهرة : سيد متقولش كدا عيب احنا 

حسام بصراخ : يلااا بقا شالله تنستري هموووت واتجوز البت ياجدعان

زهرة : خلصانة هجوزهالك

حسام : لولولولويييي

زهرة جمعت العيلة وقعدو وحسام قاعد مكسوف وساكت وكلهم ساكتين وملو من القعدة

زهرة بهمس : ماتتكلم يااهبل

حسام : لا يالا نروح هنيجي ف وقت تاني

زهرة : اخلص يالاا الناس زهقوا

حسام : نسيت اللي حفظته

زهرة : اخلص ياحسام الراجل هيحلف ماهو مجوزهالك

حسام : حاضر حاضر

....... في المستشفى.....

سيف : يعني انت سامحني بجد يافهد

فهد بسخرية : لا كده وكده

سيف : بطل رخامة.....انا كنت سامع واحد بيقول قوم ياسيف وهعملك اي حاجة

فهد بجدية : لا مش انا ع فكرة ومقولتش كدا

سيف : ياكداب اوووي.... احم حيث كدا بقا انا طالب منك ايد ياسمين واوعدك هحافظ عليها ومش هخليها تحتاج حاجة ابدا وهحطها في عنيا

ياسمين وشها قلب الوان واتكسفت وحياة ابتسمت اما فهد اتقلبت ملامح وشه للضيق والعصبية

فهد بجدية وضيق :.........

..... في الصعيد......

حسام بتوتر : احم... بصراحة ياعم محمود انا...... كنت عايز.... عايز أغلى حاجة عندك

محمود رفع حاجبه : كيف يعني مش فاهم... عايز فلوس لو عايز جول ياولدي متتكسفش

حسام : لا لا ياحج مستور والحمد لله

زهرة نغزته في كتفه واتكلم بهمس : ايه اللي بتقوله دا ياعبيط اخلص وقول الكلام صح 

حسام بسرعة وغمض عينه بقوة : بصراحة انا طالب ايد هايدي

محمود :..........

بقلم الكاتبة المجهولة 

........ يتبع........

تكملة الرواية من هناااااااا 

لمتابعة باقى  الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا