مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية حياة الفهد من الفصل 11 إلى الفصل 21 بقلم سلمى الألفى 

رواية حياة الفهد من الفصل 11 إلى الفصل 21 بقلم سلمى الألفى 

#الحلقة_11

حسام غمض عينه واتكلم بسرعة : بصراحة ياعمي انا طالب ايد هايدي

محمود في الاول استغرب من طلبه وسالم مبينش اي ردة فعل

محمود : والله ياولدي اني موافج انت اه اهبل ومخك ضارب حبتين ومش يبان عليك انك دكتور بس محترم 

حسام باحراج : ولازمتها ايه محترم بعد كل ده ياعمي

زهرة بضحك : بكرة لما يتجوز هايدي يعقل يااخويا هههه

محمود : اني عن نفسي موافج بس لازم نشوف رأي عمها وأخواتها 

سالم بجدية : اني موافج ياخوي حسام محترم وهيصون بتنا

محمود : ع بركة الله احنا نستنى هشام وفهد لما يرجعو ونشوف رأيهم بس لازم تاخد رأي ابوك ياولدي

حسام : انا كلمته وفهمته كل حاجة وهو قالي اخد موافقتك وهيجي نقرأ الفتحة ونعمل خطوبة

محمود : ربنا يجدم اللي فيه الخير ياولدي

____بقلمي سلمي الالفي

........ في المستشفى.....

فهد رسم ع وشه عليه علامات الضيق والعصبية بمهارة

حياة مسكت ايده وبصتله برجاء وهو غمز ليها غمزة بسيطة وفهمت بس اخفت ابتسامتها 

سيف بسرعة : والنبي يافهد ماترفض والله بحبها وهسعدها

فهد بجدية : احم..احم... سيف انا مش......

سيف بتمثيل : ااااه... اه مش قادر

فهد بخوف جري عليه : سيف مالك فيه ايه

سيف بخبث : تعبانة اوي يافهد حاسس اني هموووت مش قادر

فهد بقلق : طب... اهدي اهدي هناديلك الدكتور

سيف : لا لااه مش عايز دكتور

فهد : اومال عايز ايه... اعملك ايه

سيف : جوزني ياسمين.... والنبي يافهد ماترفض والله بحبها يانااااس

فهد ضربه ف كتفه بعصبية وجز ع سنانه : انت غبي يعني انا اخاف عليك وانت قاعد بتهزر

سيف بضيق : اااه... ايدك ياعم... وبعدين ماانت اللي كنت هترفض

فهد بزعيق : انت سمعتني رفضت ولا قولت لا

سيف بزعيق مماثل ونسيوا انهم في مستشفى : ايوا انت قولت سييف انا مش...

فهد : ما الحيوان مش سابني اكمل

سيف : كمل يااخويا... اكيد هتقول انا مش موافق والله يافهد لو نطقتها لاخد البت واهرب

ياسمين بغيظ : بت اما تبتك يازفت

فهد : ابقا اعملها وانا اطلع بروحك في أيدي

حياة بزعيق : باااااااااس.... اسكتوا مش عايزة اسمع ولا كلمة

كله سكت وبصوا لبعض بغيظ وحياة بصتلهم بعصبية

حياة : ايه بتتخانقوا زي الاطفال.... كله يسكت مش عايزة اسمع نفس

كله سكت وبصلو لبعض بضيق والحياة بغيظ كبير

حياة بصرامة : انت ياسيف مس....

فهد بصلها نظرة حارقة

حياة بتوتر : احم حضرة المقدم انت مسمعتش باقي كلام فهد ومش اعطيته فرصة يكمل

سيف بعصبية : ما هو.....

حياة بصتله نظرة مرعبة وسكت : ششش اسكت.... وانت يافهد كمل اللي عايز تقوله

فهد بعصبية : انا كنت هقول اني مش هلاقي احسن منه آمنه ع اختي بس البيه ميعرفش يسكت دقيقتين ع بعض ممكن يولع لو سكت

سيف بفرحة : سيبك من الحتة الأخيرة دي.... يعني انت موافق بجد يافهد!!

فهد بجدية : ايوا موافق انا صعيدي ياجدع انت ومرجعش عن كلمة جولتها واااصل

سيف : الله عليك يافهد الصعيد اخير ياولاه هتجوز

ياسمين وصلت لأقصى مراحل الكسوف وطلعت برة بسرعة

حياة بابتسامة : انا هشوفها.... وطلعت

سيف : انا مش مصدق يافهد اخير هتجوز ياسمين حب عمري

فهد : خلي عندك دم وراعي انك بتتكلم ع اختي

سيف : ومراتى المستقبلية ياخويا

فهد : سيف ياحبيبى انت حاسس باللي بيحصل محدش موافق غيري يعني لحد ماعيلتي وعدتك يوافقو هتكون عجزت واسنانك وقعت

سيف اتنهد بحزن وسند راسه ع المخدة : انا تعبت والله يافهد مبقتش عارف القيها منين ولا منين.. اعمل ايه ؟

فهد : متخافش ياصحبي انا معاك وهقنع ابويا وعمي وان شاء الله يوافقوا هما وأهلك

___بقلمي سلمي الالفي

سيف : يارب ياصحبي.... المهم انت عامل ايه مع حياة

فهد بغيرة : قولتلك متنطقش اسمها ع لسانك

سيف : خلاص ياعم اهدي.... شكلك وقعت يافهد الصعيد

فهد : مين دا اللي يقع انا دا انا فهد المنياوي ع اخر الزمن وحدة ست توقعني

سيف بمكر : مش هيا دي الست اللي انت مكنتش بتبطل كلام عليها

فهد بتوتر : لا أنا متكلمتيش عليها انا مشوفتهاش غير مرة ولا مرتين

سيف بخبث : ياجدع اومال مين اللي كان بيروح يراقبها وهيا ف الجامعة

فهد : عادي يعني بنت عمتي وكنت بطمن عليها

سيف : بنت عمتك برضو ع العموم انا عارف انك بتحبها بس بتكابر وهتقع يافهد وتقول سيف قال 

فهد بضيق : سيف أخرس وخليك في المصيبة اللي انت فيها

...... برا قدام الأوضة......

حياة بضحك : شكل عروستنا اتكسفت اوي

ياسمين بكسوف وسعادة : انا ممصدجاش ياحياة فهد اخوي وافق وهنتجوز سيف

حياة بتنهيدة : متنسيش اهلك وأهله

ياسمين بحزن : اني خايفة جوي ياخيتي نفسي يوافجوا وهنتجوز اني وهو ونعيش مع بعض

حياة : ان شاء الله يحصل ربنا يسعدك يا قلبي

ياسمين بخبث : بس شكله فهد اخوي بيغير عليكي جوي

حياة بتوتر : عادي يعني ولابيغير ولا حاجة

ياسمين : بتحبيه؟!

حياة : لا مبحبوش احنا متجوزين غصب وعايشين مع بعض عادي ومكنتش نعرف بعض اصلا

ياسمين باستغراب : ازي مش كنتو تعرفوا بعض

حياة : اخر مرة شفنا بعض لما كان عندي عشر سنين وبعدها مجتش الصعيد ولا هو جه عندنا القاهرة ولما تقابلنا يوم كتب الكتاب مكناش نعرف بعض

ياسمين : ازاي يعني فهد اخوي مش عرفك

حياة : عادي يابنتي متقبالناش لما كبرنا واكيد شكلنا اتغير فبالتالي معرفناش بعض

ياسمين : لاه فهد كان يعرفك ويعرف شكلك لما كبرتي

حياة باستغراب : دا اللي هو ازاي يعني بقولك متقبالناش

ياسمين بتوتر : هااه خلاص خلاص

....... في الصعيد.....

في غرفة ايه كانت بتتكلم في التلفون 

ايه : واني كمان اتوحشتك جوي

هشام : ياربي بحب لجطة جشطة

اية اتكسفت. : هتاجي ميتا

هشام بحب : لو عايزانى اجي دلوجت هاجي

ايه : احم.... انا هقفل

هشام : مع السلامة ياجمر

سعد : يلا ياولدي الناس تلجاهم جعانين

هشام : اه.. اه يلا ياعم سعد.

____بقلمي سلمي الالفي

....... في غرفة سيف......

صبحة : كل ياحبيبي تلجاك تعبان حبة عيني

سيف : تسلمي ياما

سعد : خد يافهد كل انت ومرتك

فهد : تسلم ياعم سعد اني هاخد حياة وياسمين ونتغدي في مطعم

ياسمين : اني هبجي أهنيه ياخوي مع هشام خد حياة وروحوا انتوا

فهد : لا تعالي معانا يلا

ياسمين : لااه ياخوي اني أكده هرتاح اكتر

فهد : تمام مش هنتاخر خليك معاهم ياهشام

فهد اخد حياة ونزلو ركبوا العربية وراحو المطعم

...... في المطعم.....

طلبوا الاكل وقعدوا ياكلوا

حياة : القاهرة وحشتني اوي ووحشني بيت بابا وزكرياتي اللي هنا

فهد : شكلك كنتي متعودة ع الخروج لما كنتي هنا

حياة : ياااه دا انا مكنتش بروح بيتنا اصلا بس اكتر خروجه بحبها لما كنت بطلع مع بابا وزوزو

فهد : زوزو.!!....

حياة : زوزو دي مش بس امي دي كل حياتي اختي وصحبتي وامي وكل حاجة عندي كانت بالنسبالي كل حاجة هيا وبابا وحسام وبعد مامات بابا بقت هيا وحسام اهم اتنين في حياتي

فهد بغيرة : اممم وبعد ما اتجوزتي؟!

حياة بتوتر : انت مبتاكلش ليه

فهد بضيق : باكل اهو

قعدو شوية ساكتين

حياة : احم الفراخ دي طعمها تحفة.... دوق

ومدت الشوكة عند بوقه

فهد مسك ايدها وكلها من ايدها

حياة حست برعشة في جسمها وضربات قلبها عليت حاولت تشيل ايدها بس هو مسكها جامد

فهد : دوقي انتي بقا

وقرب الشوكة عند بوقها

فضلو ياكلو في بعض وهما مبسوطين وبيضحكو وحياة بتحكي عن زكراياتها

خلصوا اكل وفهد طلب الحساب ودفع وطلعو برة

فهد ركب العربية وحياة فتحت الباب ولسه هتركب قفلته ورجعت تاني

فهد استغرب وبص عليها.. راحت عند طفل صغير وكان بيعيط

حياة بزعل ونزلت لمستواه : انت بتعيط ليه فيه قمر بيعيط؟!

الطفل بحزن : انا ماما بعتتني اشتري حاجات وانا ضيعت الفلوس ولو رجعتلها من غير الطلبات هتزعقلي

حياة : ياحياتي انت متزعلش طب بص ايه رأيك نبقى صحاب

الطفل : موافق

حياة بابتسامة ومدت ايدها : انا حياة

الطفل وهو بيسلم عليها : انا تميم

حياة : ماشي ياتيموو خد الفلوس دي واشتري الحجات وروح لماما عشان مش تزعقلك

تميم : لا مينفعش اخد حاجة من حد

حياة بزعل : امم مش احنا قولنا هنبقا صحاب يبقا تقبل الفلوس مني... وبعدين ياسيدي انا مش هعطيهملك ببلاش انا هاخد منك حاجة ف المقابل

تميم : هتاخدي ايه انا مش معايا حاجة

حياة بطفولة : اممم هتاخدي ايه ياحياة هتاخدي ايه ..... ايوااا هاخد بوسة جميلة من تيموو

تميم باسها في خدها وحضنها : انا بحبك اووي

حياة : ياروحي وانا اكتر.... يلا بقا روح لماما عشان متتاخريش عليها

تميم مشي وحياة وقفت وبتلتفت عشان ترجع العربية لقيت اللي ف وشها واللي متابع الموقف من اوله

حياة : بسم الله الرحمن الرحيم خضتني

فهد بضيق : متبوسيش حد تاني

حياة : افندم! دا طفل يافهد

فهد ف نفسه : اه يخربيت جمال اسمي لما يطلع منك ياشيخة

فهد : احم احم... بردو لو امك حتى متبوسيهاش

وحسابها وراح عند العربية 

حياة : مالو دا... وراحت ركبت 

فهد بجدية : جميل اوي اللي انتي عملتيه مع الطفل الصغير قلبك ابيض وطيبة

حياة : انا معملتش حاجة انا بحب الأطفال ومبحبش اشوف دموعهم

____بقلمي سلمي الألفي 

فهد شغل العربية ومشيو راحو المستشفى

راحو اوضة سيف وقعدو شوية وضحكوا وهزروا

بعد شوية فهد راح اخد اذن خروج لسيف بسبب اصراره انه يطلع من المستشفى

سيف طلع من المستشفى وركبوا العربيات واتجهوا للصعيد

...... في الصعيد.....

.... قدام غرفة هايدي....

حسام : انا طلبت ايدك من ابوكي وهو موافق

هايدي : بس اني مش موافجة

حسام : مش موافقة ليه ياعني وانا فيا ايه غلط ولا انتى بتحبي حد

هايدي بتوتر : لاا ه مبحبش حد وبعدين انت مالك ياراجل انت خليك في حالك واني مش موافجة اتجوزك

ودخلت وقفلت الباب

حسام : هتوافقي ياهيدي وهنتجوز انا عارف انك بتحبيني 

..... في الصالة....

. سالم : حمد لله ع سلامتكم ياولدي

فهد : الله يسلم يابوي. عاملين ايه

سالم : الحمد لله ياولدي في نعمة

فهد : يدوم الحمد

محمود : عايز اكلمك ف موضوع يافهد انت وهشام

هشام وفهد : اتفضل

محمود : حسام متجدم لهايدي واني وسالم موافجين انتوا ايه رايكو

هشام : اني عن نفسي موافج المهم رأي العروسة

فهد : واني رأئي من رأى هشام هو اه واحد رزل واني معطجهوش بس محترم

هايدي جت من وراهم : بس اني مش موافجة

محمود : واحنا معندناش بنات تجول رأيها هتوافجي ورجلك فوج رجبتك

سالم : اهدي بس يامحمود... وانتي يابتي مش موافجة ليه الشب زين واخلاجه عالية

هايدي : مبتحبوش ياعمي مش عايزة اتجوزه

محمود بصرامة : اللي جولته هو اللي عيتنفذ هتتجوزي يعني هتتجوزيه

هايدي عيطت وجريت ع اوضتها وراحت وراها ايه

فهد : أكده غلط ياعمي ليه اجبرها ع حاجة هيا مش ريداها

....... في غرفة حسام......

حياة بفرحة : الله يعني هيبقى عندنا فرح مبروك ياحس حس 

حسام : الله يابارك فيكي ياقلب حس حس المهم البت دي مش موافقة مش عارف هعمل ايه

حياة : متخفش ياسطا هتوافق وهتتجوزها... هروح انا بقا اغير هدومي وارتاح شوية

___بقلمي سلمي الألفي 

....... برة....

محمود : لاه مش غلط دي عاداتنا البنيه ملهاش رأي واحنا اللي نختار العريس هيا توافج من فم ساكت

فهد بعصبية  : غلط اكبر غلط ازاي هتعيش مع واحد هيا مش رايدااه وترجعوا تجولوا في مشاكل ماهو من العادات الغلط دي

محمود : وكان فين كلامك ياود المنياوي لما ابوك اجبرك تتجوز حياة

فهد بزعيق : اني عمر ماحد اجبرني ع حاجة اني فهد المنياوي عارف يعني ايه يعني فهد الصعيد اللي تتهزله شنبات محدش يجدر يجبرني ع حاجة وموضوع جوازي ده متجوزها عشان ارضى ابوي بس.. اني وافجت عشان اني عايز أكده وعشان احميها يعني جواز مصلحة ومسكت أعمامها وبجت بأمان يعني وجت مااعوز اطلجها هطلجها

حياة كانت معدية وسمعت كلامه وعيطت وجريت ع اوضتها

سالم بزعيق : فااااهد الزم حدودك اللي بتكلمه ده يبجي عمك واللي بتتكلم عليها تبجي بنت اختي انت كبرت اه بس مش هتكبر ع ابوك انت فاهم

فهد : اني مغلطش في حد يابوي بس عايزك تعرفوا ان عمر ماحد جبر فهد المنياوي ع حاجة

سالم بهدؤ : اطلع شوف مرتك وحسبنا بعدين ع كلامك ده

فهد : مرتي مالها!!

سالم جز ع سنانه : مرتك سمعت كل اللي جولته يابيه وانك بتحول ع جوازكو جواز مصلحة

فهد الدم اتجمد في عروقه معروف ان وقت عصبيته مبيحسش باللي بيقوله وبيقول كلام قاسي

جري ع فوق وفضل يخبط عليها

...... في بيت الرفاعي.....

صبحة : حمد لله على سلامتك يا ضنايا

سيف : الله يسلمك ياست الكل

سعد : حمد الله ع سلامتك يا ولدي

سيف : الله يسلمك يابوي... احم كنت عايزك في موضوع أكده

سعد : موضوع ايه ياولدي

سيف : اني جررت اتجوز

صبحة زغرطت : مبروك ياولدي

سعد : مبروك ياولدي بس هيا مين العروسة؟! 

سيف بجمود : ياسمين بنت سالم المنياوي 

سعد اتعصب وجز ع سنانه واتكلم بزعيق :........

..... في قصر المنياوي......

فهد بيخبط عليها ومش بترد وقلبه اتقبض وخاف ليكون حصلها حاجة والعيلة كلها اتجمعت

زهرة بدموع : حياة افتحي ياقلب ماما افتحي يابنتي ومتوجعيش قلبي عليكي

فهد : حياة لو مفتحتش هكسر الباب.. حياة هكسر الباب.!!

فهد لسه بيبعد عشان يكسر الباب فجأة الباب اتفتح و.....

...... يتبع........

#الحلقة_12

فهد لسه بيبعد عشان يكسر الباب فجأة الباب اتفتح

كانت حياة لابسه ملابس خروج وماسكة شنطتها 

زهرة بقلق : حياة انتي كويسة ياحببتي!!

حياة بجمود : ايوا ياماما انا كويسة

زهرة : ايه الشنطة دي ياحياة انتي رايحة فين

حياة بجمود : هرجع القاهرة هروح بيت بابا

جميلة : ازاي هترجعي يابتي وتسيبي جوزك

حياة بحدة : انا وهو هنطلق ياماما جميلة وكل واحد هيروح لحاله

سالم : انتي بتجولي ايه ياحياة ازاي يعني تتطلجو

حياة : بقول الحقيقة ياخالو جوازنا كان مصلحة عشان يخلصني من أعمامي وخلاص مهمته خلصت يقدر يطلقني ويعيش حياته

فهد ببرود عكس ما بداخله : بس اني مش هطلج

حياة بانفعال : لا هنطلق يافهد انا مستحيل اعيش معاك لحظة وحدة زيادة

فهد : صوتك ميعلاش

حياة : لا هي على يااستاذ انا ليا الحق اني اطلق منك وقت ما احب جوازنا كان مصلحة وخلاص خلصت يبقا اتفضل طلقني

فهد بعصبية : اني جولت مش هطلج واللي عندك اعمليه

حياة : تمام وانا مش هقعد معاك لحظة وحدة زيادة

وسحبت شنطتها واتجهت لتحت

زهرة بدموع : حياة استني ياحببتي اهدي وكل حاجة هتتحل ارجعي ياحببتي اللي بتعمليه دا غلط

سالم لفهد : ورب العرش يافهد لو مش اتصرفت دلوجت لاتبجي ولدي ولا اعرفك

فهد فضل واقف مكانه ببرود ومتهزلوش رمش بعد كلام ابوه كأنه مسمعش حاجة

حياة ونزلت لتحت وهيا بتجر شنطتها وراها وزهرة وجميلة وياسمين وايه بيحاولو يوقفوها وهيا مش بتسمع ليهم

وصلت عند الباب ولسه هتطلع

فهد ببرود وهو واقف ف الطابق اللي فوق وبيبص عليها : لو رجلك خطت عتبة الجصر هتشوفي مني تصرف تاني ياحياة

مش التفتت ليه وقفت للحظة تفكر بصت لمامتها ولباقي العيلة

حياة لمامتها : هتوحشيني اوي مع السلامة

زهرة بدموع : عشان خاطري متمشيش وكل حاجة هتتحل

حياة : كل حاجة اتحلت خلاص وكله وضح ياماما

وخطت رجلها وطلعت من باب القصر

____بقلمي سلمي الألفي 

..... في بيت الرفاعي.....

سيف : ياسمين بنت سالم المنياوي

سعد عينه ضيقت واتعصب وجز ع أسنانه : لو اخر وحدة في الدنيا دي مستحيل تتجوزها اني ولدي معيتجوزش وحدة من عيلة المنياوي واصل

سيف بضيق : ومالهم عيلة المنياوي مش دول اللي اعتبروا ولدك كيف ولدهم بالظبط مش دول اللي سامحونا ولدك بعد اللي عمله مع بتهم مش هما اللي وجفوا جنبك وجنب ولدك لما كان بيموت وعملو بالاصول مالهم عيلة المنياوي

سعد بزعيق : مليش صالح اللي اعرفه انهم أعدائنا وبتهم مدخلش بيتنا وتبجي مرت ولدي لو السما انطبجت ع الارض

سيف : أعدائنا ليه عملوا فينا ايه عشان حتة ارض بجوا أعدائنا عشان مشاكل كانت بين أجدادنا بجوا أعدائنا امتا ننسى بقا حكاية التار والحصص دي ونعيش مرتاحين

صبحة : استهدوا بالله وانت ياسعد رافض ليه البنيه زينة واخلاجها عالية والجماعة وجفوا جنبنا كتير مش عشان انت وابوها ع خلاف تبعدوا عيالك عن بعض

سعد بحزم : اني حولت اللي عندي اختار اي وحدة غير بنت المنياوي واجوزهالك لكن البنية دي لاااه

سعد سابهم وطلع بره

سيف : واني مش هتجوز غيرها يابوي حتى لو اضطريت اخدها واهرب هتجوزها

صبحة شهقت : يأمرك ياصبحة اوعي ياولدي تعمل أكده العيلتين هيجتلوا في بعض ياولدي

سيف : عايزانى اعمل ايه ياما انتي مش شايفة هما بيعملو ايه اني بحب ياسمين ومش هتجوز غيرها

صبحة : ربنا يجعلها من نصيبك ياولدي ارتاح دلوجت ياحبيبى عشان جرحك مش يتفتح

سيف : ربنا يخليكي ليا ياست الكل انتي اللي ع طول فهماني

صبحة : ويخليك لي يانور عيني

....... في القصر.....

حياة خطت خطوتين برا الباب تحت أنظار الكل وفجأة لقيت اللي بيشدها لجوه بعنف

حياة بضيق : ابعد عني سيب ايدي... بقولك ابعد

فهد كان ماسك ايدها بإحكام لدرجة انها حست ان ايدها هتتكسر فضلت تقاومه بس مقدرتش

العيلة كلها كانت بتبص عليهم وهو بيشدها لفوق وسالم بيراقب الوضع بهدؤ

زهرة : سيبها يافهد ايه اللي بتعمله دا

جميلة : سيبها ياولدي أكده غلط اللي بتعمله

فهد مردش عليهم وفضل ساحبها وهيا بتقاومه لحد ماوصل لاوضتهم دخلها زقها لجوه برفق وقفل الباب بالمفتاح

حياة بعصبية وصراخ : افتح الباب دا انا مش عبدة عندك عشان تحبسني بقولك افتح الباب ياجدع انت

فهد ببرود : خليكي محبوسة اهنيه لحد ماتعجلي وترجع لعجلك

فهد للموجودين بحدة : اي حد هحاول يطلعها من اهنية هيشوف مني تصرف مش هيعجبه واظن انتو عارفين فهد الصعيد هيعمل ايه دي مرتي واني حر فيها

زهرة بعصبية : ايه اللي بتعمله دا يافهد طلعها فورا بنتي مش عبدة عندك عشان تحبسها كده

فهد قرب عليها بهدؤ ومسك كتفها بحنان : انتي بتثقي فيا صح

زهرة : انا اه بثق فيك بس مش معنى كدا اني اسيبك تعامل بنتي المعاملة دي

فهد بأس راسها : مش تخافي ياست الكل مستحيل اذيها

زهرة : بالراحة عليها يافهد عشان خاطري هيا عانت كتير

فهد : متخافيش ياعمتي

ومشي وكل واحد راح على اوضته

...... في اوضة هايدي.....

كانت قاعدة بتعيط على كلام ابوها والباب خبط هايدي مسحت دموعها : اتفضل

دخل فهد بهيبته المعتادة وساب الباب مفتوح قعد جنبها ع السرير بهدؤ : عايز اتحددت معاكي ف موضوع

هايدي بصتله بانتباه وفهد خد تنهيدة وكمل

فهد بهدؤ : ممكن اعرف مش موافجة ع حسام ليه؟!

هايدي الدموع اتجمعت في عيونها : يعني مش عارف ليه

فهد بكدب : تجدري تجوليلي عايز اسمعها منك

هايدي بسرعة : عشان بحبك ياود عمي وانت عارف ده زين 

فهد بهدؤ : لا ياهايدي انتي مش بتحبيني ياخيتي

هايدي بحزن : كنت عارفة انك مستحيل تعمل حساب لكلامي

فهد : بس اني عارف انك بتحبيني وبتحبيني جوي كمان

بصتله بعدم فهم وصدمة فكمل : انتي بتحبيني ياهايدي بس مش الحب اللي في دماغك انتي بتحبيني زي هشام بالظبط

بصي ياهايدي انا اللي ربيتك انتي ياسمين وآية انتي طبيعي تحبيني وتتعلق بيا بس مش الحب اللي هو اكون جوزك لا انتي بتحبيني كأي كأخ لكن كزوج لاه بت عمي... انتي لسه صغيرة ياهايدي خمش عارفة تفرجي بين الصح والغلط اني من واجبي كأخوكي أدلك ع الصح

هايدي كانت ساكته وافكارها مشوشة فهد لاحظ ده

فهد : يعني انتي مش حاسة بحاجة ناحية حسام

هايدي سكتت فهد كمل بخبث : طيب خلاص اني هروح اجولهم انه مش مناسب ليكي وألغى الجوازة

هايدي بسرعة : لا استنى يافهد.. . اتكسفت من اللي عملته وسكتت فهد ابتسم : فكري زين حسام راجل محترم ومتعلم زين وبحبك لو فكرتي وحسيتي نفسك مش مرتاحة اني اول واحد هجف ضد الجوازة دي متخافيش

هايدي بكسوف : حاضر... احم فهد

فهد بصلها وهيا كملت بابتسامة وامتنان : بحبك جوي ياخوي

فهد : واني كمان بحبك ياحبيبة اخوكي.... وخرج

____بقلمي سلمي الالفي

فهد طلع من اوضتها وكان متجه لاوضته

سالم بحزم : فهد تعالي عايزك ف المكتب.... ودخل المكتب

فهد دخل وراه واخد نفس طويل ليستعد للجدال اللي هيحصل

سالم بحدة : ايه اللي بتعمله ده وايه التصرفات دي

فهد ببرود : تصرفات ايه وعملك ايه

سالم : انت هتستعبط ويكون في علمك اني لسه مش حاسبتك ع الكلام اللي جولته

فهد بهدؤ : انت بتناديني عشان تجولي الكلمتين دول... اني همشي

سالم بيزعق : لما اكلمك تجف تسمع اللي بجوله

فهد بهدؤ : نعم يابوي

سالم هدى نفسه وجز ع أسنانه : ليه بتعمل أكده ياولدي

فهد : بعمل ايه يابوي

سالم : بتكابر يافهد اني وانت عارفين زين ان الكلام اللي جولته ده كان وجت عصبيتك وتجصدش بيه حاجة كان ممكن تعتزر منها والموضوع كان هيخلص

فهد : مش فهد المنياوي اللي يعتزر من وحدة ست يابوي

سالم : فهد اني عارف انك بتحبها ياولدي بس انت بتكابر

فهد : مش بحبها اني مستحيل احب حد وفي الاخر تبجي نجطة ضعفي

سالم : ومين جلك ان الحب بيضعف ياولدي الحب بيجوي وبيخلي البني آدم يحب الدنيا الحب بيعمل طعم لحياتك ياولدي انت بتحبها يافهد

فهد بضيق : مبحبهاش

سالم : لو مكنتش بتحبها مش كنت احتفظت بصورتها وهيا عيلة عندها ١٠ سنين مش كنت رحت تشوفها بالسر وتبص عليها من بعيد كل ماتروح مصر مكنتش سهرت ليالي في عذاب وخوف لما كنت بتروح مصر ومتجابلهاش

فهد : كل ده غلط اني مبحبهاش

سالم : فكرك اني مخابرش انك عرفتها من ساعة ماشوفتها بس كل اللي عملته يوميها كان كدب عشان محدش يعرف انك كنت بتراجبها

فهد : خلصت؟!.. اني ماشي

سالم : فاكر لما جت اهنيه وهيا عندها ١٠ سنين ساعتها كان عندك ١٦ سنة جيت جولتلي يابوي اني لما اكبر هتجوز حياة اني بحبها يابوي

فهد : كنت لسه صغير مخابرش حاجة

سالم : كفياك مكابرة عاااد اني عارف انك لما جعدت شهرين متشوفهاش كنت هتموت من الخوف عليها كنت بتجعد تبص لصورتها ليل ونهار نفسك بس تشوفها.... فهد اني ابوك ياولدي وخايف عليك انت لو فضلت أكده بتكابر حياة هتروح منك اسمع كلامي واعترف لنفسك واعترفلها بحبك ياولدي وعيشوا حياتك

فهد : تصبح ع خير يابوي

سالم في نفسه : مفيش فايدة فيك ربنا يهديك ياولدي

فهد طلع ع اوضته وهو بيحاول يبعد الأفكار دي من دماغه

فهد في نفسه : لااه يافهد انت مش بتحبها يابن المنياوي

فتح باب الأوضة ودخل قابلته هيا بعصبية

حياة بضيق : ايه اللي عملته دا يابني آدم انت ابعد عني خليني امشي

فهد بحده : مش هتمشي من هنا ياحياة وطلاق مش هطلق انتي مراتي وتفضلي مراتي لآخر يوم في عمري

حياة الدموع اتجمعت في عيونها : انت بتعمل فيا كدا ليه هااه ليه بيحصل معايا كدا

دموعها نزلت وتحولت لشهقات وبدأت تصرخ بهسترية : لييه بيحصل معايا كده ليه كله بيعاملني كأني سلعة في ايديه انا تعبت بقا انا عايزة اروح لبابا... يابابا... اه

منظرها كان كفيل انه يقطع قلبه حضنها من ضهرها جامد وحاول يسيطر عليها همس في ودنها : خلاص ياحياة اهدي ياحببتي انا معاكي اهدي

حياة بعياط وقعدت ع الارض : انا تعبانة اووي يافهد

فهد حضنها بخوف : سلامتك من التعب ياحياتي

حياة : ليه بتعمل معايا كده

فهد مسك وشها بسند جبهته ع جبهتها واتكلم بهمس بين شفايفها : حقك عليا انا اسف

حياة اتفاجأت من اعتزاره هيا عارفة عنه انه مستحيل يعتزر لحد ودلوقتي بيعتزرلها

شاف معالم الصدمة ع وشها اتنهد وشالها بين ايده ونيمها ع السرير

قرب عليها وباس راسها بحنية وبعدين مال على خدها وباسها بكل رقة

حياة كانت زي المغيبة عن الواقع ومستسلمة ليه تماما وضربات قلبهم بدأت تعلي تكاد تكون مسموعة

فهد مقدرش يتحكم في مشاعره وباسها برقة في خديها وجنب شفايفها وفي رقبتها

مشاعره زادت وكانت هيا المتحكم فيه قرب على شفايفها وباسها بوسة عميقة مليانة شغف وحب وحنية

بعد عنها لما حس انها بحاجة للهوا ولازم تتنفس

فهد واخيرا قدر يتحكم في نفسه وبعد عنها وراح عند الدولاب وضربات قلبه بتزيد واخد المنشفة ودخل الحمام

حياة استوعبت اللي كان بيحصل وشها اتقلب الوان واتكسفت جدا وحست بضربات قلبها حطت ايديها في موضع قلبها : ايه ياحياة ايه اللي حصلك معقول اكون حبيته.... لا لا.. مش بحبه دا مغرور ومتعجرف..... هييييح بس جمر يابوي الله وكيل

__بقلمي سلمي الألفي 

..... جوه في الحمام.....

فهد كان ساند ع الباب وبياخد نفسه بصعوبة وبحاول يقنع نفسه انه مش بيحبها

قلبه : شوفت طلعت بتحبها ازاي

عقله : لا مش بحبها احبها ايه انت ازاي تعمل كدا اصلا

قلبه : اعمل ايه دي مراتك يااهبل

عقله : مراتي بس مفيش بينا حاجة

قلبه : بتحبها

عقله : مبحبهاااش

قلبه : بتحبها

فهد بضيق من أفكاره : خلاااص اسكتو انتو الاتنين مش عايز كلمة زيادة

بعد شوية فهد طلع عاري الصدر كان لابس بنطلون بيتي وبس... وكانت حياة غيرت هدومها ببجامة رقيقة لونها موف وفاردة شعرها

اول ماشفته اتكسفت وحطت وشها في الارض

حياة بكسوف : ايه ياعم انت البس حاجة مش ينفع كده

فهد : الجو بقا حر وانا متعود انام كده في الصيف

حياة : دا كان زمان انت دلوقتي متجوز

فهد : وايه يعني مش عيب ان مرتي تشوفني كده عادي ع فكرة

حياة : هوووف انا هنام

وراحت عند السرير ونامت وفهد راح وراها

شدها لحضنه كالعادة بس المرادي هيا اتكسفت وحاولت تبعد

حياة بتوتر من أنفاسه اللي بتعانق رقبتها : فهد عيب كده

فهد ببرود : واحد ونايم جنب مراته ايه العيب في كده

حياة سكتت وكانت في قمة كسوفها ومتوترة وحاسة بسخونة بتجري في جسمها بس بعدين هديت واستقرت في حضنه

بعد شوية... 

حياة : فهد ممكن أسألك سؤال

فهد : اتأخرت النهاردة

حياة باستغراب : يعني ايه؟

فهد : كل مرة بتسألني بدري شوية المرادي اتأخرتي ع المعاد هو السؤال صعب اوي كده

حياة بضيق : خلاص مش سألة

فهد : طب ودا ينفع دا انا مبعرفش انام من غير فقرة الأسئلة بتاعتك اسئلي ياحياتي

حياة : هو انت بجد متجوزني مصلحة يعني جوازنا بالنسبالي ولا حاجة؟!

فهد ضمها ليه اكتر واتكلم بهمس بين شفايفها : جوازنا بالنسبالي حاجة كبيرة اوي ومش جواز مصلحة انا كنت متعصب وقتها وانا لما بتضايق بقول اي كلام ومعرفش انا بقول ايه طب انتي قوليلي انتي بالنسبالي جوازنا ولا حاجة

حياة بسرعة : لا لا والله

فهد بأس خذها برقة : وبالنسبالي جوازنا حاجة كبيرة وانا بحس ان فيه حاجة قوية بتربطنا

حياة بصت في عيونه العسلي الحادة : ايه هيا

فهد وهو غرقان في عيونها : مش عارف بس قريب اوي هنعرف ياحياتي بس دلوقتي نامي

حياة : تصبح ع خير يا فهد

فهد : تصبحي ع جنة ياحياتي

...... في اوضة ياسمين.....

كانت بتتكلم في التلفون بصوت واطي

ياسمين : يعني انت هتيجي بكرة بجد ياسيف

سيف بهيام : بجد ياجلب سيف من جوة 

ياسمين بسعادة : يعني عمي سعد وافج

سيف بحزن : لا ابوي ماوافجش اني هاجي وهحاول اجيب امي معايا

ياسمين : تنوروا ياود عمي.... يلا اني لازم اجفل تصبح خير

سيف : وانتي من اهلي يايسمينتي

عدي الليل بظلامه ع الكل منهم العاشق ومنهم الحيران واللي بيكابر ومش عايز يصارح نفسه ومنهم اللي خايف من قراراته

طلعت شمس يوم جديد تحمل معاها احداث جديدة ع أبطالنا كلهم

___بقلمي سلمي الألفي 

..... الصبح.....

كالعادة صحي قبلها وهيا في حضنه فضل يتأمل في ملامحها البريئة واللي زي الملاك وهيا نايمة

فهد : ياربي ايه الجمال ده متجوز ملاك انا

باسها من خدها برقة وهيام وكان زي المسحور لما يقرب منها ميقدرش يبعد ولا يقاوم مشاعره باسها في كل مكان في وشها

فهد : انا لو فضلت طول اليوم ابصلها مش هشبع نفسي أكلها ايه الجمال دا

حياة بدأت تتململ في السرير بضيق وهو عارف انها مش هتصحي بسهولة ابتسم بخبث لما حس انها بدأت تفوق

قرب عليها وباس خدها واماكن مختلفة في وشها وهيا صحيت بس فضلت مغمضة عينيها مكسوفة تقوم

فهد عرف انها صاحية وحاسة بيه

فهد بخبث : شفايفها زي الكرز همووت وادوقهم انا هدوق طعم الكرتين دول وهيا نايمة ومش هتحس

حياة اتصدمت وحطت ايديها على بوقها بسرعة وفتحت عيونها بصدمة : ان... انت قليل الادب ابعد

فهد : ههههه مش قادر خدودك قلبت ألوانها بقيتي زي الطماطم ههههه

حياة سرحت في ضحكته اللي بتخطف قلبها

فهد غمز : قمر صح

حياة بطفولة : نينينينينيني

فهد : طب يلا يا طفلة عشان تروحي الحضانة اقصد الجامعة

حياة بنظرة حارقة : انا مش طفلة

فهد : انتي طفلتي انا وبس وتفضلي طفلة بالنسبالي

ودخل الحمام وسابها وهيا سرحانة في ملامحه

حياة خبطت بايدها ع راسها بخفة : فوقي بقا

فهد طلع من الحمام وهيا دخلت وخدت دش وغيرت هدومها

كانت لابسة بنطلون ابيض على بلوزة طويلة بكم لونها اسود

حياة بابتسامة : يلا

فهد بصلها وانبهر بجمالها بس اتبدلت ملامحه للضيق : يلا

....... في طاولة الفطور.....

سعدية : اخبارك ايه دلوجت يابتي

حياة بابتسامه مشرقة : الحمد لله ياطنط كويسة

فهد بجدية : هااه ياهايدي فكرتي في الموضوع اللي جولتهولك امبارح

هايدي : ايوا يااخوي

فهد : وايه رايك

هايدي : اللي تشوفه يااخوي

فهد : ع بركة الله... كلم ابوك ياحسام عشان تتخطبو انت وهايدي

حسام بفرحة : بجد انا مش مصدق هقوم اكلمه

زهرة بهمس : اقعد ياحوسو كله بيضحك عليك يااهبل

حسام اتعدل : احم.... تمام هكلمه

هشام : يلا عشان اوصلكو الجامعة

فهد : انا هوصلهم النهاردة اجعد انت ياهشام

هشام بضيق وبص لأية : تمام

خلصوا فطور وركبوا العربية وراحوا الجامعة

البنات نزلو وبقي فهد وحياة في العربية

باس راسها : خلي بالك من نفسك

حياة بكسوف : حاضر... ونزلت

فهد بص عليها لحد ماوصلت عند البنات واتنهد وكلم نفسه بضيق : هتفهمي امتا بقا ياحياة

...... في القصر....

في غرفة محمود وسعدية

هشام خبط ودخل : عايز اتحدتت معاك في موضوع يابوي

محمود بحنان : جول ياولدي

هشام خذ نفس عميق :...........

........ يتبع.........

#الحلقة_13

هشام خد نفس عميق : بصراحة يابوي اني بحب آية بت عمي وعايز اتجوزها

سعدية ظغرطت : مبروك ياجلب امك اخيرا هفرح بيك ياولدي

هشام ضحك : استني بس ياست الكل بتظغرطي على ايه هو لسه في حاجة تمت

محمود بجدية : ماشي ياولدي هكلم عمك في الموضوع ونشوف رأيه

هشام : اللي يهمني رأي العروسة يابوي هيا اللي هتجوز هيا اللي هتعيش معايا مش ابوها لازم تبجي راضية عشان نعيش حياتنا من غير مشاكل

محمود بضيق : وه انت اتعلمت من فهد ولا ايه احنا اهنيه مفيش رأي للعروسة اللي أهلها يجولو عليه هو اللي يمشي

هشام : واني مش بآمن بالعادات دي يابوي ده جهل وتخلف

محمود بعصبية : والله عاال شكل جعدتك في البندر علمتك جلة الادب

هشام بهدؤ : ده مش جلة أدب يابوي ده علم وتجدم وهو ده اللي ع أساسه نجدر نعيش صح في المستجبل

محمود بضيق : اني ماااشي عشان لو جعدت اكتر من أكده هيجيلي الضغط

سعدية بعتاب : ينفع أكده ياهشام تزعل ابوك منك ياولدي

هشام بهدؤ : ياست الكل اني مش جولت غير الحجيجة احنا اهنيك عندنا عادات كتير غلط لازم تتغير

سعدية بتنهيدة : ربنا يهديك ياولدي 

..... في المخزن......

كريم بتعب : ابوس ايدك كفاية مبقتش قادر لازم اخد الجرعة

فهد بكره : كان لازم تفكر زين جبل ماتتهجم ع بت عمك اللي هيا مرتي مرات فهد المنياوي

كريم : سامحني ارجوك سامحني وارحمني انا... انا اسف... هعملك كل اللي انت عايزه بس اديني الجرعة انا جسمي كله بيوجع حاسس ان روحي بتتسحب مني

سوزان بعياط : سلامتك ياقلب ماما.... والنبي يافهد طلعنا من هنا ابني بيموت حرام عليك

فهد ببرود : تؤ تؤ تؤ ايه صعبان عليكي ولدك.... ومرتى اللي كانت بتترجاكوا ترحموها وامها اللي كانت هتبوس ايديكو عشان تسيبوا بتها... مفكرتوش في ده ليه محطتوش نفسكوا مكانهم مرة وحدة

هالة بدلع واعجاب : بص هعملك كل اللي انت عايزه بس سيبنا

فهد بقرف : مش تفكري ان الحيل دي هتدخل عليا لااه ياحلوة اني مرضاش ابصلك اني معايا ست البنات كلاتهم

وبص لشاكر اللي كان بيتوجع من كتر الضرب : لم بتك ياعمي أصلها متربتش.. واضح ان ابوها مكانش فاضي يربيها

شاكر بالم : ح... حرام عل.. يك.. سيبنا.. اب.. وس ايدك

فهد ببرود : امم صعبتوا عليا اني جررت اديكوا فرصة

سوزان : هنعمل كل اللي انت عايزه

فهد : لا أنا مش عايز منكو حاجة

هالة : اومال فرصة ايه؟!

فهد بحدة : انا هجيب حياة هنا تشوفكوا بالشكل دا لو وافجت تسامحكوا هسيبكوا تخرجوا من اهنيه انما بجا لو موافجتش فهتفضلو معانا اهنيه لحد ماتعفوا عنكوا

فهد كان خارج

هالة بسرعة : طب انا عايزة اشرب

فهد ابتسم وبصلها : انتي مشربتيش بجالك جد ايه 

هالة : يومين

فهد : تؤتؤ غلط انتي كل يوم بتاخدي نص كوباية ماية

هالة : بس ده حرام وانا مبقتش قادرة وكمان مباكلش

فهد ببرود : ماهو بصراحة اني معرفش اعاقبكو ازاي انتي والست الوالدة لاني اني ورجالتي منرضاش نمد يدنا على حرمة أصلها مش رجولة... وبص لشاكر بسخرية

فده عقابك سلام ياجطة

فهد طلع وحسابهم بيصرخوا من العذاب

...... في الجامعة..... 

البنات خلصوا المحاضرات وطلعوا ومشيوا للقصر مع بعض

ياسمين بحب : مبروك ياهايدي

هايدي بابتسامه : الله يبارك فيكي ياخيتي عجبالك

ياسمين : تسلمي ياحببتي... بتحبي حسام؟!

___بقلمي سلمي الألفي 

حياة وآية كانوا ماشيين وراهم

حياة بغمز : اخبار هشام ايه

ايه بكسوف وتوتر : هااه... واني مالي بيه

حياة : ياجدع عليا انا برضو دا اني قفشاكوا

اية اتوترت جدا وخدودها احمرت حياة لاحظت ده : ههه خلاص خلاص خدودك هتنفجر من الكسوف... سرك في بير يايويو... بتحبو بعض من زمان

اية بحب : من واحنا عيال ياخيتي

حياة : ربنا يخليكو لبعض ويجمعكم مع بعض في الحلال

آية : يارب ياخيتي... وانتي عاملة ايه مع فهد

حياة اتنهدت : ماشي الحال عاملين زي القط والفار

اية : فهد اخوي عصبي بس مفيش أطيب من جلبه وشكله بيحبك

حياة اتوترت : لاا لاا مستحيل اخوكي يحب حد اصلا... وبعدين دا كل مآ يشوفني يبصلي بضيق وعصبية زي مايكون عليا ليه طاار

اية بضحك : ههه ليه بتجولي أكده

حياة : معرفش كل مايشوفني طالعة او رايحة في مكان يبصلي بضيق معرفش ماله

ايه بتفكير : اممم يمكن اني اعرف

حياة : قولي يا ناصحة

اية بسخرية : مش هرد عليكي... بصي ياستي انتي اهنية في الصعيد يعني نادرا ماتلاجي وحدة مش مغطية راسها معظمهم لابسين حجاب وانتي جاية من مصر ومش متعودة على العيشة اهنية كمان اهل البلد مش متعودين يشوفوا حد أكده

حياة بغباء : مش فاهمة

اية بتنهيدة : جوليلي ياحياة انتي مش اتحجبتي ليه لحد دلوجت

حياة : معرفش هو بابا عمره مااجبرني ع حاجة وماما برضو ولما شوفت ناس من صحابي اتحجبوا سألت بابا انا لازم اتحجب قالي ايوا بس تلبسي الحجاب على اقتناع تام وانتي حباه وقالي متلبسهوش غير وانتي مقتنعة عشان لما تلبسي تتمسكي بيه ومش تخلعيه

اية : باباكي معاه حج بس انتي مش بتتمنى تلبسي الحجاب

حياة : نفسي البسه اوي بس محتاجة حد يشجعني اخد الخطوة دي

ايه : انا هساعدك

حياة بفرحة : بجد ياايه

ايه بابتسامة : بجد ووعد اول مانروح هنجعد نتكلم واشجعك

حياة بامتنان : شكرا اووي شكرا ياايه

عند ياسمين وهايدي... 

هايدي : مش خابرة ياخيتي محتارة جوي

ياسمين : هو راجل محترم وشكله بيحبك جوي وانتي كمان بتحبيه على فكرة باين من عينيكي

هايدي اتكسفت : ربنا يسهل ياخيتي... وصلنا

دخلو كلهم القصر وكل وحدة راحت اوضتها وايه وحياة راحوا على اوضة آية وقعدوا مع بعض

.... في غرفة ياسمين....

فونها رن وكان سيف ابتسمت وردت

سيف : عاملة ايه ياياسمينتي

ياسمين : زينة ياود عمي انت عامل ايه وجاي ميته

سيف : ههه براحة شوية مش ملاحج ع الأسئلة... انا ياستي تمام وهاجي بعد أذان المغرب

ياسمين : ابوك لسه رافض برضو

سيف اتنهد : ايوا مش راضي يجتنع اني بحبك ورايدك انتي مش غيرك

ياسمين : ان شاء الله هيوافج وهنتجوز

سيف وياسمين فضلوا يتكلموا كتير ويهزروا

___بقلمي سلمي الألفي 

.... في غرفة ايه....

حياة : يااه يااية دا الحجاب طلع جميل اوي

ايه : اكيد جميل ياخيتي الحجاب ده يعني العفَّة والجمال

ربنا سبحانه وتعالى امرنا بالحجاب وذُكر ده في عدة آيات من القرآن الكريم  ربنا قال في سورة الاحزاب: ” يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا”..... 

........ الحجاب طهارة لقلب الرجل والمرأة هو بيبعد الرذائل و يحصن المرأة من التعرض للمفسدات،

ويبعد الرجل عن ارتكاب الفواحش لأن الحجاب يستر فتن جسم المرأة، وربنا سبحانه وتعالى الله قال :” وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ”

حياة بفرحة : انا حبيت الحجاب جدا وحابة البسه اوي

ايه : بس في شروط عشان تلبسيه

حياة : شروط ايه

ايه : لازم يكون ساتراً لكل أجزاء الجسم ماعدا الوجه والكفين.

مينفعش يكون مزين بطريقة ملفتة وده يشمل كل حاجة يمكن أن تجذب انتباه الرجال.

مينفعش يكون شفافا يكشف اللي تحته من الجسد أو اللبس لتجنب لفت الانتباه أو الإثارة.

لازم يكون الحجاب فضفاضًا وواسعاً وليس ضيقاً يظهر تفاصيل الجسم.

مينفعش يكون للحجاب رائحة عطور أو بخور وغير ده لأن النهي جاء من النبي صلى الله عليه لما قال:

(أيّما امرأةٍ استعطَرت فمرّت على قومٍ، ليجدوا من ريحها، فهي زانيةٌ)، وصفها رسول الله بأنها زانية،

لأنها دعت الرجال للنظر ليها وإثارة رغباتهم.

حياة : كدا فهمتك شكرا اوي ياآية ربنا يخليكي انتي بجد افدتيني.. بس ممكن تعطيني واحد من عندك لحد ما اشتري

آية : الشكر لله ياخيتي اتفضلي الدولاب كله تحت امرك

حياة نقت حجاب هادي وجميل وحاولت تلفه وآية ساعدتها

آية : جمر ياخيتي ربنا يثبتك

حياة : يارب ياآية

آية : فهد اخوي هيفرح جوي اني متوكده انه كان بيتضايج منك عشان السبب ده هو دمه حامي وبيغير بس مش عايز يجبرك على حاجة

حياة : اشطاا هروح اخد رأيه هو اكيد هيرجع دلوقتي

حياة خرجت ونزلت تحت تستنى فهد في الجنينة

_عندنا ضيوف ولا ايه انتي مين؟!

حياة : انت مش عارفني

_ لا والله مش مركز ملامحك مش غريبة عليا بس انتي جمر جوي بت مين انتي ياحلوة

حياة بزعيق : ماشي تعاكس في الناس وعايز تخوني يافهد

فهد عرفها من عصبيتها واتصدم وفرح وكانت مشاعره متلخبطة : حياة!!

حياة : ايوا حياة يااستاذ اللي كنت عايز تخونها

فهد : اخونك؟!

حياة : ايوا ماانت واقف تعاكسني يبقى بتخوني معايا

فهد : انتي مستوعبة انتي بتجولي ايه

حياة : لا

فهد بابتسامة : طب تعالي في حضني

حياة : احترم نفسك

فهد حضنها : انتي مراتي ياهبلة... طالعة زي القمر ربنا يثبتك

حياة : يعني انت مبسوط اني اتحجبت

فهد : مبسوط بس دا انا طاير من الفرحة مبارك ياجميلتي ربنا يثبتك 

حياة وطت راسها للارض : بس انا بعيدة اوي عن ربنا يافهد حتى الصلاة بقطع فيها ربنا اكيد مبيحبنيش

فهد رفع راسها بأطراف صوابعه وبص في عيونها : متوطيش راسك ابدا انا معاكي وهاخد بايدك للتقرب من ربنا

حياة بفرحة : بجد يافهد

فهد بهيام وابتسامتها نسته الدنيا ومافيها : بجد يعيون فهد هعلمك الصلاة وهنصلي مع بعض قيام الليل وهسبح على ايدك ونحفظ قرآن مع بعض كمان

حياة حضنته بسعادة : انت جميل اوووي شكرا شكرا

فهد : متشكرنيش دا واجبي ودلوقتي تعالي معايا

حياة : هنروح فين

فهد مسك ايدها : تعالي بس

فهد اخدها وراح على المخزن

حياة اول ماشافتهم خافت وافتكرت تعذيبهم ليها واتخبت ورا فهد ومسكت في الحلبية بتاعته جامد

حياة بخوف ورعشة : ان... انت جايبني هنا ليه.. هما هيضربوني... مش تخليهم ياخذوني

فهد حضنها : متخافيش ياحياة محدش منهم يجدر يجربلك

فهد بصوت رجولي وحدة : اللي جدام دول هما اللي ظلموكي ياحياة هنا اللي عزبوكي وضربوكي هما دلوجت تحت يدك اعملي فيهم اللي انتي عايزاه

حياة فضلت ماسكة في حضنه جامد ومخبية وشها في صدره وبتعيط

فهد بحنية : متخافيش ياحياتي انا معاكي هما ميقدرش يلمسوكي

___بقلمي سلمي الألفي 

حياة طلعت من حضنه وبصت عليهم بعتلي ولوم : لييه ليه عملتو فيا كده انا اذيتكو في ايه

راحت لشاكر : انت... انت المفروض عمي يعني في مقام ابويا المفروض تخاف عليا مش تكرهني وتعذبني

بصت لسوزان وانتي ياطنط سوزان هقولك ايه ماانتي طول عمرك كده مبتحبش غير نفسك واولادك عايزة تسعدهم وخلاص حتى لو على حساب غيرك

راحت لكريم : ابن عمي المحترم اللي حاول يتهجم عليا لاني رفضت ابقا معاه انا عمري ماشوفت انسان أحقر منك

بصت لهالة نظرة طويلة وهالة بصتلها بغل : انتي بالذات اللي نفسي افهم ليه بتعملي معايا كدا ليه طول عمرك بتكرهيني بتحاولي توقعين في اغلاط وبتحبي تشوفيني مقهورة ليه ياهالة دا انتي المفروض تبقي زي اختي

هالة بغل : عايزة تعرفي ليه عشان انتي طول عمرك احسن مني في كل حاجة في المدرسة كنتي الاشطر في وسط صحابنا كنتي المحبوبة في العيلة كنتي البنت المدللة وانا ولا حاجة

حياة باستغراب : انا عمري مالاحظت كل ده الناس طول عمرها بتعاملنا زي بعض انتي اللي بتحسي بالفارق ده وتحاولي تطلعيني الوحشة في نظر الناس

هالة : انا فعلا بحاول اطلعك الوحشة عشان بكرهك وهفضل طول عمري اكرهك ياحياة ع طول احسن مني في كل حاجة ودلوقتي اتجوزتي من عيلة ليها مكانة وبتتحامي فيهم وياعالم انتي وامك عملتو ايه عشان تخليه يتجوزك

فهد اتعصب بس اتحكم في اعصابه لانه مستحيل يمد ايده على بنت

هنا وحياة مقدرتش تتحكم في نفسها ضربت هالة بالقلم وفضلت تضربها وتصرخ فيها : اياكي تجيبي سيرة امي على لسانك.... امي دي احسن وحدة في الدنيا... حبتك زي بنتها بس انتي اللي قلبك مليان حقد وغل.... كله الا امي ياهالة

حياة فضلت تضربها على وشها وكأنها مبقتش شايفة حاجة قدامها وسوزان هتتجنن

سوزان : سيبي بنتي ابعدي عنها ياحيوانة... ابعدي عن بنتي 

فهد بعدها عنها بصعوبة وخدها لبرة

فهد : اهدي ياحياة اهدي بقا خلاص

حياة تلاشت كل قواها واحترمت في حضنه وعيطت كتير : هنا ليه بيعملو كدا يافهد هما ليه وحشين كده انا عمري مااذيتهم انا بكرهم بكرهم

فهد مسح على ضهرها بحنية لحد ماهداها : احسن!!

هزت راسها بايجاب

فهد حاول يلطف الجو : طب يلا عشان تساعدي ياسمين عشان سيف جاي النهاردة

حياة بابتسامه : حاضر

عدي ساعات والمغرب اذن وسيف ووالدته وصلوا القصر

سالم استقبلهم وقعدو وكبار العيلة موجودين والشباب

سيف : كيفك ياعم سالم

سالم بجمود : زين ياولدي الحمد لله

سيف : انا عارف انك متضايج مني عشان اللي عملته اني اسف ياعمي ارجوك سامحني

سالم : عفا الله عما سلف ياولدي وانت زي فهد ولدي وحواجبي لما تغلط اسامحك واوعيك

سيف بفرحة : تسلم ياعمي

سالم : كيفك ياحجة صبحة

صبحة : بخير الحمد لله في نعمة ياود عمي

سالم : تدوم النعمة

سيف بجدية : احم.. بصراحة ياعمي اني طالب يد ياسمين بتك للجواز

سالم : وابوك مش جه معاك ليه ياسيف ولا احنا مش جد المجام

صبحة بسرعة : لااه ياود عمي دا انتو غاليين جوي هو بس مشغول شوية في الارض

سيف : مفيش داعي الكدب ياما.. بصراحة ياعم سالم ابوي مش موافج واني بحاول اجنعه واني مبجتش صابر وعايز ياسمين تبجا مرتي في أسرع وجت

فهد بسخرية : مستعجل جوي ياخوي اهدي شوية

سيف : اسكت انت كلامي معاك بعدين... هاااه يعم سالم جولت ايه

سالم : بص ياولدي مش هكدب عليك بس اني بتي مش هتدخل بيت اهله مش رايدينها فيه ومش يرضيني ان ابوك ميبجاش موافج ع الجوازة

سيف : ياعمي اني بحاول معاه وهو لو موافجش اني هاخد ياسمين ونعيش في مصر وهو نكون جنب شغلي اديني فرصة اجنعه

سالم : ماشي ياولدي ادينا يومين نفكر ونبجا نرد عليك

سيف : تمام ياعمي منتظر ردك

سيف خد والدته ومشي

سالم قعد يفكر وفي راسه مواضيع كتير من جهه ياسمين ومن جهه فهد اللي مش راضي يعترف بحبه ومن جهه هايدي ومحمود ومشاكلهم

محمود بهدؤ : عايز اتكلم معاك في موضوع ياخوي

سالم : اتفضل ياخوي

محمود : هشام كلمني وجالي انه عايز يتجوز ايه

سالم :...........

___بقلمي سلمي الالفي

....... في بيت الرفاعي.....

سيف وصبحة وصلو البيت وكان سعد مستنيهم

سعد بحدة : كنتي فين ياصبحة انتي وولدك

صبحة اتوترت لان سيف اخدها معاه من غير اذن من والده بعدمااقنعاها بصعوبة تروح معاه

سيف بجدية : كنا في بيت المنياوي يابوي

سعد وهو بيجز على سنانه : وكنتو بتعملو ايه هناك عااد

سيف ببرود : كنت بطلب يد بتهم للجواز

سعد وصل لأقصى مراحل غضبه وعروقه برزت وزعق : كيييف تروحو هناك من غير اذني اييه كلمتي ملهاش لازمة عااد وانتي ياحرمة كيف تطلعي مو البيت من غير ماتجوليلي

انتي هوريكي.... هربيكي من الاول ملكيش راجل ولا ايه

سعد قرب عليها وهيا كانت بتعيط وخايفة منه ومسكهز من شعرها و.......

........... يتبع..........

#الحلقة_14

محمود : هشام كلمني وجالي انه عايز يتجوز آية بتك انت ايه رايك

سالم : والله يامحمود ياخوي هشام محترم دا كفاية اني اللي مربيه على يدي والبت لود عمها معروفة

محمود بسعادة : يعني انت موافج ياخوي

سالم : اني عن نفسي موافج لسه رأي العروسة

محمود : جرا ايه ياخوي انت نسيت عاداتنا ولا ايه العروسة مش ليها رأي ابوها هو اللي يجرر

سالم بهدؤ : اسمع يامحمود انت لما اتجادل مع فهد وهشام جبل سابج اني مرضتش اتكلم جدا مهم عشان هيبتك جدام العيلة... بص يامحمود اني اخوك الكبير وواجبي اوعيك واعرفك الصوح من الغلط حتى لو بجا عندك مية سنة.... انت ياخويا مش بتحب مرتك؟!

محمود : بحبها دي مرتي وأم عيالي كفاية العشرة اللي بينا وانها شالتني وعمرها مااشتكت

سالم : طيب يااخوي افترض انك كنت بتحبها وهيا بتحبك من جبل ماتتجوزوا وواحد اتجدم ليها غيرك انت هتسيبها

محمود : ميحصولش واصل

سالم : حلو أكده انت بجا مش هتعوزها تجف جدام أهلها ساعتها وتجول رأيها ولا هتسيبها تعيش مع غيرك

محمود : موكد هتعوزها تجف جدامهم عشان نتجوز ونعيش مع بعض

سالم : طيب ولو أهلها مش وافجو وجالو ان مش ليها رأي

محمود سكت.. سالم : بص يااخوي لما البنية تتجوز الراجل من غير موافجتها هتعيش في عذاب الراجل والحركة بيتجوزو عشان ييجوا سند بعض جولي بجا عيعيعيشوا مع بعض كيف وهيا مش رايداه لو كانت بنت أصول هتعمل اللي عليها ومسؤلياتها بس هتحس انها في سجن وحياتهم هتبجا معكرة اما لو زايدين بعض من الاول حتلاجيهم مبسوطين في حياتهم هيكون في مشاكل اه بس مش توصل بيهم انهم يسيبوا بعض... احنا اهنيه في الصعيد عندنا عادات كتيرة غلط ولازمن تتغير ياخوي.... فهمتني يامحمود

محمود : فهمتك ياخوي اني حجيجي كنت غلطان لما مشيت ورا عاداتنا وهملت سعادة عيالي

سالم : ودلوجت عرفت الصح ياخوي روح صالح بتك واتكلم معاها واني هشوف رأي آية 

محمود : ماشي يااخوي تسلم

___بقلمي سلمي الألفي 

..........في بيت الرفاعي...

سعد قرب على صبحة ومسكها شعرها من فوق الحجاب وشدد عليه : انتي ازاي تطلع من غير اذني مش ليكي راجل يحكمك

سيف مسك ايده جامد : سيب امي ياابوي هيا معملتش حاجة اني اللي خدتها معاي هيا مش كانت عايزة تاجي

سعد : كبرت ياسيف وبجيت توجف ضد ابوك

سيف : لما يكون ابوي بيظلم لازم اجف ضده

سعد رفع ايده وكان هيضربه : سيييف اجفل خشمك بتجل اديك ع ابوك

سيف وقف صامد مكانه متفاجئ من ابوه طول عمرهم أصحاب وسعد بيحب سيف وملوش غيره

سيف : اضرب يابوي مستني ايه

سعد : ياخسارة تربيتي فيك ياولدي

وطلع من ألبيت وسابهم

كانت صبحة بتعيط وسيف راح عندها

صبحة : ليه أكده ياولدي زعلته ابوك طيب والله وبيحبك بس عصبي جوي

سيف : خلاص ياما اني هعرف اصالحه متشغليش بالك انتي

ادخلي حضري العشا

صبحة : ابوك متضايج ومش هيرضي ياكل معنا خليه ياكل ياسيف عشان ياخد دواه

سيف : حاضر ياما اني هروح اناديه مش تشغلي بالك

صبحة دخلت وسيف طلع لابوه كان قاعد في الجنينة

سيف بمرح : في مكان اجعد معاك

سعد مردش عليه

سيف : يبجا فيه.... لساتك زعلان مني عاد

سعد مردش... سيف : ياراجل دا انت جلبك اسود في حد يزعل من حد خمس دجايج كاملين ايه الجحد ده

سعد : هملني لحالي

سيف اتنهد :....

___بقلمي سلمي الألفي 

..... في قصر المنياوي.....

.... في اوضة فهد....

بأس راسها : ايه الجمال ده كله متجوز لجطة جشطة

حياة ابتسمت : شكلي حلو

فهد : ملاك

حياة كانت لابسة إسدال واسع ولافة الحجاب بتاعها وفهد لابس جلبيته

فهد : يلا نصلي

بدأو يصلو وفهد أمم بيها وقرأ قصار السور كان صوته جميل جدا وفيه خشوع وحياة حبته اوي

خلصوا صلاة وقعدو قصاد بعض وفهد مسك ايديها وبدأو يقولوا ازكار مع بعض

خلصوا الأذكار فهد جاب مصحفه وبدأ يقرأ قرآن وهيا تردد وراه وحفظوا مع بعض بعض قصار السور

حياة : صوتك جميل تبارك الله

فهد : تسلمي... ودلوقتي تعالي نتكلم عن أهمية الصلاة بما انك اول مرة تصلي بخشوع كدا

حياة : ياريت

فهد : بصي ياحياتي الصلاة دي ركن مهم من أركان الإسلام انتي حافظة أركان الإسلام

حياة هزت براسها وخفضتها وبدموع : لا أنا بعيدة اوي عن ربنا يافهد

فهد رفع راسها : متخافيش ياقلب فهد هتقربي منه بصي ياستي رسول الله صلى الله عليه وسلم يقول: "بُني الإسلام على خمسْ: شهادة أن لا إله إلا الله وأن محمداً رسول الله، وإقام الصلاة، وإيتاء الزكاة، وصوم رمضان، وحج البيت من استطاع إليه سبيلاً"».

 وقوله كمان : «رأس الأمر الإسلام، وعموده الصلاة، وذروة سنامه الجهاد في سبيل الله»

يعني لو حابة ربنا يقضي ليكي اي حاجة من حوائجك يبقى تصلي... اول حاجة هيتسأل عليها المسلم يوم القيامة هيا صلاته الرسول صلى الله عليه وسلم قال (اول مايحاسب به العبد يوم القيامة هي صلاته فإذا صلحت صلح سائر عمله واذا فسدت فسد سائر عمله)

يعني المسلم اللي منتظم على صلاته بتكون اعماله كلها صالحة طب واللي صلاته غلط وهو عارف انه بيأديها غلط هتكون باقي اعماله فاسدة

ربنا سبحانه وتعالى قال في كتابه الكريم

{وَالَّذِينَ هُمْ عَلَى صَلَاتِهِمْ يُحَافِظُونَ*أُولَئِكَ فِي جَنَّاتٍ مُّكْرَمُونَ}... بصي جمال الآية ربنا وعد اللي بيحافظوا على صلاتهم بجناته النعيم

وقال كمان :{وَأَقِمِ الصَّلاةَ إِنَّ الصَّلاةَ تَنْهَى عَنِ الْفَحْشَاء وَالْـمُنكَرِ}.... الصلاة أداها بيبعدكي عن الوقوع في المعصية؛شوفتي جمال حكمة ربنا ياحياة

حياة : حقيقي ربنا جميل اوي بس انا اتأخرت يافهد انا استوعبت دا متأخر بابا كان دايما بيحكيلي عن ربنا وبيقربني ليه ولما مات ماما كانت بتحاول توعديني بس انا مكنتش بسمع منها انا غلط يافهد ربنا هيقبلني!!

فهد : يقبلك.... إن الله غفور رحيم انتي عارفة انتي لو في نيتك تتوبي وتتقربى لربنا وابعدي عن العصبية وبعدها بيوم جاء أجلك ربنا هيحسبك من التائبين

حياة : يعني انا قدامي فرصة

فهد بابتسامة : فرص مش فرصة

حياة حضنته : شكرا شكرا اوي انك في حياتي

فهد فرح اوي من كلامها : انا اللي بشكرك انك في حياتي ودلوقتي يلا عشان ننام

قاموا وغيروا هدومهم وراحوا ع السرير

عدي شوية وقت وحياة مش بتتكلم وفهد مستنيها

فهد بضحك  : فين سؤال النهاردة ياحياتي انا اتوترت من الانتظار

حياة بصتله : احم... فهد هو.. هو انت هتعمل ايه مع عمي شاكر وعيلته

فهد : انا خدت حقي منهم حق اذيتك وسايبلك الاختيار شوفي انتي عايزة ايه وانا هنفذ

حياة : خلاص يافهد سامحهم المسامح كريم واي انسان من طبيعته انه يغلط

فهد بأس راسها : اللي تشوفه حياتي هو اللي يمشي

حياة : تصبح ع خير يا فهد

فهد : وانتي من اهلي ياحياتي... وباس رقبتها برقة

.... في اوضة آية....

الباب خبط : اتفضل

سالم دخل وهيا قامت : اتفضل يابوي خير في حاجة

سالم قعدها وقعد قصادها : خير يابتي كبرتي ياآية

آية بمرح : اني كبرت من زمان يابوي

سالم بسخرية : كبرتي ولسانك اللي عايز جطعه بيكبر معاكي

اية : وه مش حته من جسمي لازم يكبر ياحج

سالم ضحك : عتبطلي لماضة ميته.... ع العموم اني جاي اجولك ان متجدملك عريس انتي ايه رايك

آية وشها شجب : عريس مين يابوي

سالم : اممم دلوجت خوفتي... متخافيش ياست انتي تعرفيه زين

آية : مين

سالم بمكر : هشام ود عمك محمود

آية اتوترت واتكسفت : اللي تشوفه يابوي

سالم بخبث : اني شايف انه ود بارد واهبل ومش هتنفعوا مع بعض انتي ايه رايك

آية خافت واتكلم بسرعة : لااه لااه والله ده عسل يابوي

سالم ضحك : هههه شكلك وجعتي يابت المنياوي

آية اتكسفت وخدودها احمرت... سالم : ع العموم اني موافج بس الرأي رأيك

آية وهيا متوترة : احم... هو حلو ياعني مش عفش.. ومحترم واهبل

سالم ضحك : هههه وايه كمان يابت المنياوي

آية : خلاص يابوي موافج وأمري لله

سالم : ماشي يالمضة.... وطلع

اية فضلت تتطنط ع السرير وتصقف زي الطفلة لحد مانامت مكانها بتعب وفرحة

___بقلمي سلمي الالفي

سالم راح على أوضته ودخل وغير هدومه وقعد على السرير بتعب

جميلة : مالك ياخوي

سالم : تعبت ياجميلة عيالي بيتعبو ويتعبوني معاهم

فهد اللي بيكابر واخرته البت هتروح من يده ولا ياسمين اللي هنتجوز من عيلة مش رايدها ولا اية اهي دي الوحيدة اللي مريحاني والله هشام اتجدم لها وهيا وافجت

جميلة ظغرطت : ياالف نهار ابيض بتي هتتجوز

سالم : عيالنا كبروا ياجميلة كبروا واحنا كبرنا معاهم

جميلة : متجولش أكده انت لسه شباب ياود عمي ربنا يديك الصحة

سالم ضحك : والنبي انتي اللي فيهم انما ايه الحلاوة دي

جميلة اتكسفت : اختشي ياود عمي عيالك على وش جواز

سالم : مش ليا صالح بيهم اني ليا صالح بيكي انتي ياجميلتي

........ في اوضة هايدي.....

محمود دخل لقيها نايمة مسح على شعرها بحنية وباس راسها : مش تزعلي مني ياجلب ابوكي حجك عليا

هايدي قامت : مش زعلانة منك يابوي اني اسفة اني عصيت اوامرك

محمود : اني غلطت في حجك يابتي ولو انتي مش عايزة الجوازة دي مش هجوزهولك

هايدي : لاااه يابوي موافجة ومبسوطة كمان

محمود : ربنا يسعدك يابتي تصبحي ع خير

هايدي : وانت من اهلو يابوي

....... في بيت الرفاعي....

سيف : وه هجعد اصالح فيك كتير عااد

سعد : جولتلك هملني لحالي

سيف : لااه مش هسيبك غير لما تضحك

سعد : على اساس انه همك جوي

سيف اتنهد : اسمع يابوي انت عارف غلاوتك عندي وأننا صحاب جبل مانكون اب وولده... اسمع ياحج اني بحب ياسمين جوي وانت عارف ده زين مليش صالح هيا بت مين اني مش هتجوز عيلتها اني هتجوزها هيا وانت عارف انها محترمة وعيلتها مش عملو فيا حاجة غلط عشان اكرههم بالعكس عم سالم بيحبني كيف فهد بالضبط.... اتنهد : يعني انت يابوي مش بتحب امي

سعد سكت.. سيف : بتحبها لو مش كنت بتحبها مش كنت هتموت من الخوف عليها يوم ماعملت عملية وكنت بتعيط وتدعي ربنا تجوم بالسلامة لو مش كنت بتحبها مش كان زمانك متضايج دلوجت عشان زعجت فيها

اني كمان بحب ياسمين جوي ونفسي تبجا مراتي في الحلال يابوي اني لما روحت لابوها النهاردة جالي اني مش عندي مانع بس ابوك لازم يبجا موافج عشان مش يصح ادخل بتي بيت أهلها مش رايدينها فيه

سعد : اني مش عندي مشاكل معاها مشاكلي مع ابوها

سيف : واني مش هتجوز ابوها هتجوزها هيا.... هااا يلا بجا وافج عشان نفرح ونملي عليك البيت عيال

سعد ابتسم : اللي تشوفه ياولدي... بس مليش كلام مع ابوها

سيف بأس راسه : حلاوتك ياابو السعود يلا بجا نتعشى عشان تاخد دواك

سعد : امك زعلانة مني

سيف غمر : ايجا صالحها انت بجا بمعرفتك ياحج

سعد : انا جليل الرباية بصحيح

سيف ببراءة : دا انا محترم

الليل عدي بهدؤه على كل أبطالنا وفيهم اللي مبسوط واللي خايف واللي تعبان لحد ماطلعت شمس يوم جديدة تحمل احداث جديدة معاها

__بقلمي سلمي الالفي

...... الصبح.....

فهد صحي وصحي حياة وصلوا الصبح مع بعض وغيروا هدومهم ونزلوا

كلهم قعدوا على طاولة الفطار

حياة : ياسمين مش لبستي ليه مش هتروحي الجامعة

ياسمين : لا ياخيتي تعبانة شوية

حياة : ارتاحي انتي وانا هجيلك المحاضرات

ياسمين : تسلمي

هشام بسرعة : انا هوصلكوا يلا

فهد بسخرية : مش تستعجل جوي ياخوي اني اصلا عندي شغل ومش هوصلهم

هشام : عادي على فكرة مش مستعجل

خلصوا فطارهم وطلعوا وركبوا العربية وراحوا الجامعة

هايدي وحياة نزلوا من العربية وبقي اية وهشام

هشام مسك ايدها : اني جولت لأبوي امبارح وهو كلم عمي وموافج وانتي ايه رايك

آية شدت ايدها : لو اتمدت تاني هكسرهالك وبعدين ابوي جالي كل حاجة

هشام : لسانك اللي عايز قطعه دا انا هقصهولك... وجولتيلهم ايه ياست الناصحة

آية بدلع : ابجي خلي عمي يجولك  .... سلاام

نزلت وهشام جز على سنانه : وحياة امي لاربيكي من الاول يابت عمي... هيييح بس قمر وبحبك

وشغل العربية ومشي

...... في القصر.....

حسام : ايوا يابابا لا هما وافقوا انت هتيجي امتا

حسين : بكرة

حسام : تيجي بالسلامة خد بالك من نفسك

حسين : وانت كمان خد بالك من نفسك ومن حياة وزهرة

حسام : حاضر في رعاية الله

زهرة : ايه ياحوسو ابوك قالك ايه

حسام بفرحة : جاي بكرة وهنتجوز وهيصاااا

زهرة بضحك : يااهبل يااهبل

...... في بيت الرفاعي.....

سيف ع التلفون : عندي خبر بمليون جنية

ياسمين : جول واديك اللي انت عايزه

سيف بخبث : ماشي بس خليكي عند وعدك

ياسمين : مؤكد عند وعدي

سيف : ابويا وافج نتجوز

ياسمين : بجد بجد ياسيف.... اني فرحانة جوي

سيف : واني فرحان لفرحتك ياجلب سيف

ياسمين اتكسفت : ان.. اني هجفل عشان امي بتنادي

سيف : اهربي اهربي بكرة تجعي تحت يدي.... سلام ياياسمينتي

سيف خلص المكالمة معاها وفونه رن برقم غريب

سيف : الووو

مجهول : المقدم سيف الرفاعي معايا

سيف : ايوا مين حضرتك

مجهول : انا..........

سيف بصدمة : ايه........

...... في الكلية......

حياة خلصت محاضرتها وقعدت في الكافتيريا بتاعت الجامعة تستنى هايدي وآية

قرب عليها شخص : لو سمحت

حياة باستغراب : افندم اتفضل؟!

الشخص : بصراحة انا كنت عايز.......

........ يتبع..........

#الحلقة_15

حياة : افندم اتفضل؟!

الشخص : بصراحة انا كنت عايز المحاضرة بتاعتك امبارح وعرفت انك بتحضري بانتظام وبتكتبي المحاضرات ممكن استعيرها منك

حياة : تمام اتفضل.... واعطته الدفتر

الشاب : شكرا جدا يا....

حياة : اسمي حياة

هايدي وآية خلصوا وشافوا قاعدة في الكفاتريا راحوا عندها

آية : خير ياخيتي ومين ده

حياة : مفيش الدكتور كان عايز المحاضرة بتاعت امبارح

الشاب بابتسامة : رامز اسمي رامز

آية بجدية : طيب يلا ياخيتي عشان مش نتأخر

حياة : تمام يلا

رامز بابتسامة : شكرا جدا يادكتورة حياة

البنات طلعوا من الجامعة ومشيوا للبيت

آية بضيق : ايه اللي موجفك مع الجدع ده ياحياة

حياة : ايه ياآية منا قولتلك كان عايز المحاضرة

آية : الجامعة كلتها عارفة انه شب مش مظبوط ياخيتي ده بجاله سنتين بيسجط ويعيد السنة ده اصلا مش صعيدي ده من البندر وداخل الكلية بواسطة وفلوس 

حياة ببراءة : عادي ياآية ممكن يكون عايز المحاضرات عشان يذاكر عشان يعدي السنة

هايدي : يعني بجاله سنتين بيسجط وجت ع المحاضرة بتعات امبارح اللي واجفة معاه

حياة : ايه ياجماعة انتو مكبرين الموضوع ليه هو اخد الدفتر وبكرة هيرجعه والموضوع هيخلص عادي

___بقلمي سلمي الالفي

آية : جلبي مش مرتاح

هايدي : ولا اني

حياة : انتو اللي بتفكر ا زيادة... يلا وصلنا

دخلو البيت وكل وحدة راحت اوضتها

حياة غيرت هدومها لعباية بيتي ووقفت شوية في البلكونة وسرحت والهوا كان بيداعب خصلات شعرها فجأة حست بحد بحضنها من ورا.. انتفضت

..... في بيت الرفاعي....

سيف بصدمة وسعادة : ايه؟! تمام.... تمام يافندم.. شكرا شكرا جدا

سيف قفل الفون وطلع من اوضته وعلى وشه سعادة متتوصفش ابوه شافه

سعد : مالك ياواد مش على بعضك أكده

سيف حضنه : اني فرحان فرحان جوي ياابوي

سعد بابتسامة : طب ماتفرحنا معاك

سيف : عارف مين كلمني؟!

سعد بضحك : واني هعرف ازاي ياابن المخبلة

سيف : طب اسكت لحسن المخبلة تسمعك دا انت لسه مصالحها امبارح

سعد بضحك : اخلص ياض جول مين كلمك ومبسوط كدا ليه

سيف بسعادة : وزير الداخلية بنفسه كلمني وجالي انهم عاملينلي حفلة تكريم وهيكرموني عشان جبضط على اكبر عصابة في البلد

سعد حضنه : مبروك ياولدي اني فخور بيك

صبحة : في ايه بتباركو لبعض ليه

سعد : ولدي حبيبي وزير الداخلية هيكرمه

صبحة ظغرطت : مبروك ياولدي رفعت راسنا

سيف : الله يبارك فيكو كله بفضل ربنا ودعواتكو... احم بما اني هسافر يابوي فعايز اخطب ياسمين جبل ما امشي

سعد ملامحه اتغيرت واتنهد : ماشي ياولدي كلم ابوها واتفجوا مع بعض اني هعمل اي حاجة تفرحك ياسيف

سيف بأس ايده : ربنا يخليك ليا ياحج

..... في القصر....

حياة انتفضت

فهد بهمس : متخافيش ده انا

حياة ازفرت براحة : خضتني

فهد : وحشتيني

حياة عقدت حاجبيها : نعم! احنا سايبين بعض بقالنا كام ساعة بس

فهد بتوحشيني في كل دقيقة بتوحشيني حتى وانتي معايا

حياة اتوترت من قربه وانفاسهم اللي بتعانق رقبتها فهد باسها برقة في رقبتها وبعدين لفها ليه وباس خديها اللي زي الفراولة وحياة سرحت معاه واستلمت لمشاعرها ودقات قلبها عليت

بص على شفايفها اللي زي حبات الكرز وقرب عليهم وخطف قلبه عاشقة مليانة حب وشوق بعد عنها عشان تتنفس وقرب عليها تاني وباسها من مناطق مختلفة في وشها.

حياة بعد مااستوعبت بعدت عنه وخدودها هتنفجر من الكسوف جريت على برة وهيا بتتجنب النظر في عينه

فهد ضحك على طفلته المجنونة وطلع من الأوضة وراح ع المخزن

حياة كانت ماشية مكسوفة وبتفكر اللي حصل وعلى وشها ابتسامة بلهاء

كان باب اوضة ياسمين مفتوح وياسمين شافتها معدية راحت شدتها بسرعة ودخلتها

حياة بخضة : يخربيتك خضتيني

ياسمين حضنتها : ااه انا فرحانة جوي ياخيتي عمي سعد وافج اتجوز اني وسيف

حياة بسعادة : الله مبروك ياياسووو

ياسمين الله يبارك فيكي شكرا ياخيتي شكرا ع كل اللي عملتيه عشاني

حياة : احنا اخوات يابت عيب كده

..... في المخزن.... 

فهد دخل بهيبته المعتادة كلهم بصو عليه بخوف

فهد : افرحوا هتطلعو من اهنيه

كريم بسعادة : بجد... امتا

فهد : لا انت مش هتطلع انت هتشرفنا شوية كمان

كريم : وده ليه بقا حرام عليك والله تعبت طلعني من هنا

فهد : مراتي سامحتكو ووافقت انكم تطلعو هيا سامحت في حجها بس اني مش هسامح في حجي

شاكر : حق ايه

فهد ببرود : ولدك اللي اتهجم على مرتي مش هسامحه ومش هيطلع من اهنيه غير وجت مااني اطلب أكده اما انت بجا فأني كنت ناوي اسيبك عندي شويه بس انت راجل كبير وانضربت كتير اخاف لتموت مني فهسيبك تطلع انت ومراتك وبتك بس بشرط

سوزان : شرط ايه

فهد ببرود : هتبيع شجتك اللي في مصر وتروح تعيش في اي حته تانية ومش المحك انت ولا حد من عيلتك جريبين من عيلتي... انت فاهم

شاكر بسرعة : فاهم فاهم

كريم : بابا متميش وتسبني هنا ماما متعمليش كدا متسبنيش معاه

___بقلمي سلمي الالفي

سوزان : ابوس ايدك اخد ابني معايا

فهد : انا وعدته انه مش هيطلع من اهنيه غير لما يبطل إدمان  لو عايزة تجعدي معاه فالمكان يسيع من الحبايب الف واظن انتي جربتي كرم ضيفتنا

سوزان : لا لا خلاص انا همشي

فهد الرجالة : فكوهم ووصلوهم على بيتهم واتكدو انهم هيبيعو الشجة ويعزلو منها

واحد من الرجالة : اوامرك يافهد بيه

فهد طلع وساب حراسه وهما بيفكرهم وكريم اللي بيصيح باسم فهد وبيترجاه يسيبه

فهد : ايوا ياسيف

سيف : ايه يامعلم عامل ايه

فهد : تمام عايز ايه

سيف : يالهوي على اسلوبك الناشف... انا ياسيدي كنت عايز اقولك خبر حلو

فهد : قول بدل اللي احنا فيه دا

سيف : وزير الداخلية كلمني وقال انه هيك مني بنفسه في حفلة ليا

فهد بفرحة : مبروك ياسيادة المقدم

سيف : الله يبارك فيك يابروو......بس كنت عايز اقولك خبر احلى

فهد : سمعني

سيف : ابويا وافق اتجوز ياسمين

فهد : طب كويس مبقاش في مشاكل اهوو

سيف : بلغ ابوك بقا وقوله اني عايز نتخطب بكرة بالكتير عشان اخلص قبل ما اسافر

فهد : طب ماتجي ابوك وتقوله انت

سيف : ابوي قال انه مش هكلم ابوك هو مش عنده اي مشاكل مع ياسمين مشاكله مع ابوك

فهد : تمام هبلغه

...... على طاولة الغدا.....

حسام : لو سمحت ياعم محمود انا كنت عايز نكتب كتابنا انا وهايدي بكرة لما ابويا يجي لو معندكش مشاكل

هايدي كانت بتاكل والاكل وقف في حلقها وشرقت وفضلت تكح

ياسمين ناولتها الماية وخذت نفسها وبصت لطبقا بكسوف 

محمود : بسرعة أكده؟!

حسام : معلش كدا احسن وانا مجهز كل حاجة

محمود : اللي تشوفه ياولدي 

حسام : تمام

فهد : سيف كلم عم سعد وهو وافج على الجوازة يابوي

سالم بهدؤ : طيب زين ياولدي

فهد : هو عنده حفلة تكريم ويسافر وعايز يخطب ياسمين جبل ما يمشي... هو عايز ياجي بكرة

سالم : اني مش عندي مانع ياولدي طالما هو جاهز اني هكلمه وابلغه بموافجتنا 

فهد : تمام

هشام : طب واني ايه وضعي

سالم : وضعك كيف ياولدي

هشام : يعني كله هيتجوز ياعمي اني نظامي ايه

سالم : منا بلغت ابوك الموافجة ياولدي

هشام : الله بجد هتجوز ياالف نهار ابيض الليلة ليلة هنا وسرور

العيلة كلها ضحكت على هشام وحنانه وايه بصتله بحب 

خلصو الغدا و الخدم لمو الاكل وكبار العيلة قعدو مع بعض

حياة طلعت الجنينة هيا وحسام

حياة : حس حس

حسام : ايه

حياة : الاندومي مش وحشك

حسام : ياااه ياعبد الصمد ده انا هموووت واكله

حياة : طب ماتيلاااا

حسام : يااا ايه انتي عايزة زهرة تنفخنا وبعدين ابو وردة بقا بيوجع اوي اليومين دول

حياة : بطل ياجبان يلا بقا روح اشتري لينا

حسام بردح : نااااعم ياختي واشمعنا انا ماتروحي انتي

حياة : ماينفعش اطلع غير لما اقول لفهد ولو عرف ممكن يفضحنا

حسام : خلصانة اقنعتيني

حياة : يلا بقا نتقابل في الجنينة الورانية ياسطاا

حسام : اشطا عليكي

حسام راح اشتري اندومي مطبوخ وراح ع الجنينة اللي ورا

___بقلمي سلمي الألفي 

..... في القصر......

فهد : ياسمين متعرفيش حياة فين

ياسمين : تلاجيها في اوضتها

فهد : يعني هيا لو في اوضتها انا هاجي أسألك

ياسمين : اه صح معك حج

فهد : ابجي شغلي مخك..... هشام هشام

هشام : ايوا

فهد : مش تعرف حياة فين

هشام : شوفتها طالعة مع حسام في الجنينة

فهد دمه غلي : تمام.... ومشي

ياسمين : روح وراه ياهشام ده عصبي ممكن يعملها حاجة

هشام : ماشي.... وراح وراه 

فهد طلع ودور عليها في الجنينة الامامية كلها ومش لقاها وراح عند الجنينة الورانية

لقيها قاعدة هيا وحسام ع الارض وقدامهم الاندومي وبياكلو

حسام : زهرة لو شافتنا هتنفخنا

حياة : ومين بس اللي هقولها ياعم متخافش

فهد من وراهم : انا اللي هقولها

حياة الاكل وقف في حلقها وفتحت عيونها بصدمة

التفت وراها بخوف : تقول ايه ياسطا عيب... يعني ع اخر الزمن فهد المنياوي يبقا فتان

فهد ببرود : اه عادي

حياة بوسل : وحياة عيالك ياشيخ والنبي ماتقولها

هشام : على فكرة انتو صحاب مش جدعة بتاكلو من غيري يااندال

حسام : تعالي ياحبي احنا لسه في الاول اصلا

حياة بصت لفهد برجاء : مش هقولها صح

فهد : امم موافق بس بشرط

حياة : شرط ايه

فهد : تعالي اما اقولك

حياة قربت عليه وهمس في ودنها :......

حياة بصتله : اه ياقليل الادب

هشام بفضول : قالك ايه ياحياة هاااه قالك ايه

حياة اتكسفت ومشيت بسرعة : م... مقالش حاجة

فهد راح وراها بابتسامة مكر

هشام : تسمحلي اكل معاك ياسنجل يابائس

حسام : تعالي ياخويا اتلم المتعوس علي خايب الرجا

حياة جريت ودخلت الأوضة ولسه هتقفل الباب فهد مسكه بايده ودخل

قرب منها وهيا بتبعد لحد ماقت في الحيطة

فهد بمكر : نفزي الشرط

حياة بتوتر : لا مش هعمل كده

فهد : طيب انا هروح اقول لعمتي

حياة بتفكر : يالهوي عليك قليل الادب بس الشرط اهون من ابو وردة خلاص انا هعمله اللي هو عايزه وأمري لله

فهد بابتسامة : شطووورة

حياة بصدمة : انت سمعتني

فهد : بتفكري بصوت عالي ياغبية

حياة رفعت صباعها بتحزير : انا مش غبية

فهد مسك ايديها : الشرط

حياة غمضت عينيها وخدت نفس عميق وقربت عليه وباسته في خده

فهد : بس مش ده شرط

حياة : لا ده شرطك انت قولت هتديني بوسة

فهد : بس انا مش قولت هنا

حياة : اومال فين

فهد شاور على شفايفه : هنا

حياة حطت ايدها ع بوقها بصدمة : اه يا وقح

فهد : يلا بدل ما اقول لعمتي

حياة غمضت عيونها جامد وقرب من شفايفه وباسته بسرعة وطلعت جري على الحمام

فهد وقف يضحك عليها وعلى جنانها : ههه مجنونة

...... قدام اوضة اية....

هشام كان معدي وشافها : مبروك ياجمر

آية : اختشي ياجدع انت

هشام : وحيات امي اول حاجة اعملها لما نتجوز لاجصلك لسانك ده

اية بغرور : مش هتجدر

هشام : هنشوف.... بس ايه الحلاوة دي.. وغمز

آية اتكسف : بجد حلوة

هشام : جمر

آية : تسلم ياود عمي

هشام بقرف : ابجي روحي اتعلم فن الرد غوري يابت من اهنيه

آية : ليه ياخوي مليش لسان ارد بيه ولا ايه

هشام : ملكيش ايه ياختي دا انت مفكيش غير لسان

آية : ايه مش عاجبك ولا ايه

هشام : عاجبني جوي جوي

اية ضحكت بكسوف ودخلت اوضتها وقلبها بيرقص من الفرحة وهشام بيبص على طيفها بابتسامة حب 

النهار عدي والشمس غابت والليل جه بسكونه وكل واحد نايم في اوضته

فهد نايم وحياة في حضنه كالعادة

فهد : ياترا ايه سؤال النهاردة

حياة : لا بصراحة معنديش أسألة النهاردة ههه

فهد : طب الحمد لله النهاردة اجازة ههههه

حياة : تصبح على خير

فهد : وانتي من اهلي

الليل عدي والشمس أشرقت بنورها

...... الصبح....

فهد صحاها كالعادة وغيرو هدومهم

حياة : يلا

فهد بأس راسها : قمر.... يلا

___بقلمي سلمي الألفي 

نزلوا وتفطروا مع بعض

فهد : يلا يابنات اني اللي هوصلكو النهاردة وهاجي اخدكو

البنات قاموا وركبو العربية ووصلو الجامعة وفهد ودع حياة ومشي

عدي كام ساعة والبنات خلصو محاضراتهم ووقفو يستنو فهد

ياسمين : اني نسيت دفتري في المدرج هجيبه واجي

آية : هاجي معاكي

ومشيو

هايدي جالها تلفون وبعدت عن حياة وراحت تتكلم

حياة كانت واقفة لوحدها بس في عيون بتراقبها

شب : برضو مصمم تأخذها

رامز : مستحيل اسيبها دي قمر لازم اخد منها اللي انا عايزه

الشب : طب هتعمل ايه

رامز : هتشوف.... ومشي

رامز قرب من حياة ووقف جنبها

رامز : دكتورة حياة

حياة : اتفضل

رامز : اتفضلي الدفتر بتاعك شكرا جدا

حياة : الشكر لله عن ازنك

رامز : استني بس انا كنت عايز اقولك حاجة

حياة : اتفضل

رامز : بصراحة انا معجب بيكي وبحبك اوي

فهد كان وصل وشافها واقفة معاه وقرب عليها بعصبيه وسمع كلمات رامز

فهد : بتحب مين ياروح امك

رامز : وانت مالك انت احترم نفسك انت كنت مين 

فهد مسكه من تلابيب قميصه : انا جوزها يابن....... قولتلي بقا بتحبها هااه

ونزل فيه ضرب ولكمات ومحدش قدر يبعده

حياة بعياط : فهد عشان خاطري كفاية

هايدي راحت وحاولت تبعده وياسمين وايه جم والجامعة كلها اتجمعت

وأخيرا فهد بعد عنه كان رامز مرمي ع الارض زي الجثة بصله باستحقار

ياسمين : هو فيه ايه

حياة بعياط : هو جه وقالي بحبك وفهد سمعه وضربه

هايدي زعق فيها بضيق : كله بسببك احنا حذرناكي منه وجولنالك انه مش زين

فهد سمع كلمات هايدي والغضب عماه مسك ايد حياة جامد وشدها للعربية وركبها بعنف والبنات ركبو

ساق بسرعة كبيرة وصلو القصر ونزل من العربية ونزلها وشدها وراه وكل اللي بيفكر فيه وقفتها مع رامز وكلام هايدي طلع ع اوضته وهو بيجرها وراه

دخلها بعنف وقفل الباب

فهد بزعيق : ازاي ياهانم تجفي معاه بالشكل ده ناسيه انك متجوزة

حياة بعصبيه : انا موقفتش معاه بارادتي انا عارفة حدودي كويس يااستاذ وبعدين انا كنت هرد عليه انت اللي جيت وأدخلت وفرجت علينا الجامعة كلها

فهد : والله عال عايزانى اشوف مرتي واجفه مع راجل غريب واجف اتفرج عليها لا وكمان بيجولها بحبك ولا انتى حبيتي الموضوع شكلك

حياة بزعيق : انا مسمحلكش تشكك في شرفي انت انسان حيوان ازاي تفكر فيا كده

فهد بعصبيه : لمى لسانك لاجطعهولك يعني غلطانة وبتجاوحي كمان يابجاحتك

حياة : ايه اللي بتقوله دا يابني آدم انت انت مريض

فهد بعصبية : لمى لسانك جولتلك اني راجل صبري جليل

حياة : لا عايز تغلط فيا وتشكك في شرفي وانا أفضل ساكته مش الرجولة انك تتهم مراتك بالباطل 

كملت بسخرية : اللي يشكك في شرف مراته ميبقاش راجل يااستاذ 

فهد وصل أقصى مراحل غضبه ومحسش باللي بيعمله

فهد بزعيق : حيااااة

ورفع ايده بعصبية وضربها بالقلم و.......

...... يتبع......

#الحلقة_16

سالم بحدة : فيه ايه ياياسمين وفهد بيجر حياة وراه كدا ليه

ياسمين حكتله اللي حصل وسالم واقف مصدوم من اللي حصل وخايف من ردة فعل فهد طلع ع السلالم بسرعة والبنات وراه

سالم خبط ع الأوضة جامد : فهد افتح الباب افتح ياولدي مش تعمل حاجة تندم عليها

العيلة كلها اتجمعت على صوت الخبط والزعيق وعرفوا اللي حصل وفضلو ينادو ع فهد

___بقلمي سلمي الالفي

........ جوة في الاوضة....... 

فهد بزعيق : حيااااااة

ورفع ايده وضربها بالقلم بعصبية حياة وقعت ع الارض بسببه

مسكها من شعرها جامد لدرجة انها حست انه هيتخلع في ايده وجهه عينه في عينها وكانت عيونه كلها شر كانت لون الدم

فهد بفحيح قاتل : كله الارجولتي انتي نسيتي نفسك ولا ايه انتي ولا حاجة لعبة في ايد الكل اللي عايزك عشان الفلوس واللي عايزك عشان جمالك.. انتي جارية عندي جولتلك اني صبري جليل ممكن استحمل اي حاجة الا ان حد يشكك في رجولتي

وكأن الكلمات اتحجرت في حلقها مش قادرة تنطق بكلمة... شال ايده ودفع راسها بعصبيه واتخبطت في الارض 

فهد وقف وعلى وشه ملامح الضيق والعصبية بيتنفس بسرعه وعيونه زي الدم

لحظات والصمت كان مالي المكان حياة مرمية ع الارض باصة للاشئ دموعها متحجرة مش بتنزل كلماته بتدور في عقلها 

وأخيرا انتبه لصوت الخبط على الباب طلع بعصبية وقفل الباب وراه

فهد بزعيق : في ايه واجفين أكده لييييه

سالم بحدة : اللي بتعمله غلط فين حياة

فهد بجمود : مرتي واني حر فيها محدش ليه صالح

زهرة بزعيق : فين حياة يافهد انا هدخلها... وقربت ع الباب 

فهد مسك المقبض بضيق : محدش هيدخل اوضتي مرتي واني حر اعمل فيها اللي اني عايزه

سالم بزعيق : كيف يعني محدش قادرلك ولا ايه اوعاا تنسى نفسك يافهد ومتنساش اني مين اني سالم المنياوي ابوك

فهد : ابوي ع عيني وعلى راسي واللي جوه دي مرتي يعني اني اللي ليا حج عليها

آية بخوف : يخويا حياة مش غلطت هيااا...

فهد قاطعها بحدة : بس مش عايز اسمع ولا كلمة يلا كل واحد يروح لحاله

سالم بجمود : فاااهد اكتم خالص.... كملي ياآية

آية بخوف وهدؤ : ياخوي حياة مش غلطت ولا كلمته وكل اللي انت شوفته كان غلط كل الموضوع ان..... وحكتله اللي حصل

فهد وقف ساكت ومصدوم من اللي سمعه ظلمها وضربها وشكك في شرفها غلطته المرادي كبيره ومستحيل تسامحه هتسامحه ازاي وهو مش قادر يسامح نفسه  وسالم بيبصله بسخرية وعتاب وزهرة بتعيط وكله واقف ساكت

زهرة بعياط : عملت ايه في بنتي يافهد

فهد مردش عليها وفتح الباب ودخل بسرعة وقفله وراه

سالم بحدة : كله يروح يشوف حاله وانتي ياخيتي متخافيش سلامة بتك اني اللي هضمنهالك

كله انصرف وميبقاش حد قدام الأوضة وحسام اخد زهرة على اوضتها

..... جوة في اوضة فهد....

دخل بسرعة وبخوف لقيها زي مآ سابها مرمية ع الارض وبوقها بينزف أثر الضربة عيونها باصة في اللاشئ مفهاش دموع ولا بتعيط كأنها جثة هامدة

فهد خاف من منظرها ولاول مرة الرعب يعرف لقلبه طريق

حس كأن هناجر بتنغرس في قلبه

جري عليها ووطي لمستواها ومسك راسها برفق وحاوط وشها بكفيه خلي عيونهم متقابلة

كأنه ماسك بين ايده لعبة مبتتحركش الدموع ملت عيونه

فهد بهدؤ وبدموع : ح... حياة

وكأن صوته هو اللي فوقها من دوامة تفكيرها بصت في عيونه بدون وعي كأنها بتتحقق من ملامحه

فهد بهدؤ ودموعه نزلت أظهر ضعفه ليها : حياة انا.......

حياة بهدؤ وصوت يكاد يكون مسموع : انت.. انت ايه

واخيرا رجعت ليها روحها وصوتها واستوعب اللي حواليها واتكلم بزعيق : انت ايه هاااااه..... انت ايه يافهد....انت انسان كداب... ضحكت عليا عيشتني في كدبة كبيرة حلم جميل... خدتني لسابع سما وفي لحظة نزلت بيا لسابع ارض... انا طلعت جارية عندك انت شايفني لعبة في ايد الكل... فعلا معاك حق انا لعبة كله عايز ياخدها ان كان عشان فلوس ولا جمال ولا اي حاجة... تعرف انت كرهتني في نفسي وفي وشي وفي جسمي..... حتى انت انا كنت لعبة في ايدك خدامة عندك

فهد بوجع وعياط : حياة ارجوكي اهدي... وقرب منها ولسه هيلمسها

حياة بعدت عنه بعنف ووقفت وبعدت عنه وهنا واخيرا  دموعها نزلت

حياة بعياط : متقوليش اهدي انت بالذات انت اكتر واحد اذاني انت عملتوني لعبة في ايدك خدامة عندك... حياة اعملي دا.. حياة متعمليش دا... حياة متكلميش حد... مرة تقولي اتجزتني مصلحة ومرة تقولي انتي مراتي ومستحيل هطلقك..... انت اذتني اكتر منهم يافهد... اهنت كرامتي وشككت في شرفي وضربتني وسمعني كلام يسم البدن.... وفي الاخر مطلوب مني اني ابقا طبيعية واستحمل وانسى انا بني آدمة وعندي قلب قلبي بيحس من حجر ... انا بكرهك يافهد..... بكرهااااك

وفجأة وقعت في الارض ووقع قلبه معاها وفقدت الوعي اصتدامها بالأرض هز كل أركان الأوضة

للمرة التانية الصمت ملي المكان بيبص عليها بصدمة وكأنه مش فاهم ايه اللي حصل دموعه بتنزل غصب عنه

واقف مش بيتحرك ولا قرب عليها كأن صابته صعقة كهربية بيبص ليها كأنها جثة قدامه وشها ازرق وشفايفها لون الدم اللي بينزل منها ونفسها قليل

..... في اوضة زهرة....

حسام : خلاص بقا يازوزو كفاية عياط فهد مستحيل يأذيها

زهرة بعياط : هيا معملتش حاجة غلط هيا ليه بيحصل معاها كده

حسام : كل حاجة هتكون كويسة يازهرة متخافيش

هايدي كانت معاهم في الاوضة وبحاول تهديها وفجأة قامت وطلعت برة

حسام : ارتاحي دلوقتي

حسام طلع ورا هايدي لقيها بتعيط

حسام بقلق : بتعيطي ليه

هايدي بعياط : كله بسببي اني السبب

حسام : اهدي وتفهميني فيه ايه

هايدي : حكتله اللي حصل.... بس والله ماكان جصدي حاجة اني صحيح في الاول كنت مش بحب حياة بس والله دلوجت بجيت علاجتي معاها عادي

حسام : خلاص اللي حصل حصل ادعي بس فهد مش يتهور ويعمل حاجة يندم عليها

هايدي : يارب

كانو واقفين وفجأة سمعوا صوت فهد بيصرخ وينادي باسمها

زهرة طلعت من الأوضة بخضة : بنتي

وجريت راحت اوضة فهد والعيلة كلها سمعت وجريت ع اوضته

___بقلمي سلمي الألفي 

...... في اوضة فهد.....

فهد واخيرا استوعب وفاق من صدمته جري عليها وشال راسها وحطها على رجله وبدأ يخبط على وشها بخفة

فهد بعياط : حيااة... حياة قومي ياحببتي انا اسف..حياة قومي متسبنيش

فحص نفسها لقيه قليل يكاد يكون معدوم قلبه انقبض

بدأ يصرخ باسمها : حيااااااة.... اااه.... حيااااة.... حيااااة

زهرة فتحت الباب بسرعة ودخل وراها باقي العيلة واتصدموا لما شافوها بين ايده مبتتحركش ووشها ازرق وشفيفها حمرة وبتنزف

زهرة بزعيق وعياط : بنتي عملت فيها ايه. وخدتها في حضنها.. حياة.... حياة قومي ياقلب ماما قومي ياحببتي انا معاكي ومش هخلي حد يقربلك او ياذيكي تاني

سالم بقلق : لازم تخدها ع المستشفي

حسام قرب عليها وفحصها : نفسها ضعيف لازم يتركبلها أجهزة تنفس

محمود : يلا حد يتصل بالاسعاف

حسام بخوف : مفيش وقت انا هخدها

لسه بيشيلها فهد مسك ايده : اني هخدها

حسام : ابعد انت

سالم : فهد بعد عنيها شيلها يلا ياحسام

حسام شالها بسرعة ونزل وركبها العربية في المقعد الخلفي وزهرة معاها وساق بيها بسرعة

سالم وفهد ومحمود ركبو العربية وراحوا وراهم وسالم طول الطريق بيبص لفهد بعصبيه وضيق

حسام وصل ع المستشفي وشالها ونزل وزهرة وراه ودخل بسرعة

حسام للموظفة : انا الدكتور حسام المريضة نفسها ضعيف عايز اوضة فيها اجهزة تنفس ونادي دكتور متخصص  يفحصها 

الموظفه : تمام يادكتور خدها الأوضة دي

حسام راح ع الأوضة بسرعة ونيمها ع السرير والدكتور جه يفحصها

حسام وزهرة كانو خايفين وزهرة مبطلتش عياط

حسام : خلاص ياماما ان شاء الله هتقوم بالسلامة

زهرة بعياط : انا السبب ياحسام مقدرتش احميها يارتني طلقتها منه

فهد وسالم ومحمود وصلو

زهرة قربت ع فهد بكره وعصبية : انت السبب في كل اللي بيحصل مع بنتي دلوقتي مش مسمحاك يافهد لو بنتي جرالها حاجة انا هقتلك يافهد

سالم حضنها : خلاص ياخيتي بتك هتجوم بالسلامة ان شاء الله وهو حسابه معاي بعدين

فهد بخوف ودموع : ه.. هيا حياة فين

حسام بعصبية : جوة في الاوضة الدكتور عندها ولسه مطلعش ولا قالنا ملها كله من تحت راسك

الدكتو طلع كلهم جريوا عليه

حسام : طمني يادكتور هيا مالها

الدكتور باسي : المريضة اتعرضت لانهيار عصبي حاد ودا سببلها أزمة قلبيه من الزعل وكان ممكن تروح فيها كويس انكو لحقت ها في الوقت المناسب

زهرة : طط.. طب هيا موية دلوقتي

الدكتور : الحمد لله هيا كويسة وحالتها مستقرة احنا ركبنالها أكسجين ومش هتفوق دلوقتي انا كتبتها مهدأت ومن الأفضل تتعاملون معاها بحذر وياريت تتجنب الزعل

فهد : اني هدخلها

الدكتور : ممنوع يافندم

فهد بجمود : اني مش باخد رايك اني بعرفك...ودخل

زهرة بجمود : شوفت ياسلام ابنك وصل بنتي لايه اول ماتفوق وتبقا كويسة انا هخدها ونرجع القاهرة وياريت تخليه يطلقها وكفاية اوي لحد كده

سالم بجمود : زهرة حاسبي ع كلامك انتي عارفة زين غلاوة حياة عندي واني مش ارضي ان حد يمسها بسؤ وبالنسبة لولدي فده حسابه كبير معايا وبتك اني هاخدلها حجها ورجوع مصر مفيش رجوع هتفضلو معانا اهنيه

زهرة : يااخوي.....

سالم بمقاطعة : اني جولت اللي عندي ومش هسمح ليكو تبعدو عننا مرة تانية انتي مش واثجة ف اخوكي

زهرة بهدؤ : واثقة فيك ياخويا

___بقلمي سلمي الألفي 

..... جوة في الاوضة...

دخل لقيها نايمة وباين عليها التعب وشها شاحب ومع ذالك جميلة عيونها وارمة من العياط... رؤيتها بالمنظر دا كفيلة تقطع قلبه وتكرهه في نفسه 

قرب عليها بهدؤ وقعد ع الكرسي قصادها ومسك ايدها لحظة اتنين وانفجر في العياط زي الطفل الصغير اللي فقد امه

فهد بعياط : حياة... قومي ياحببتي.. ايوا حببتي ومراتى وملكتي وطفلتي وكل ما ليا قومي ياحياتي صرخي عليا اضربني زعقي بس متعمليش كدا متغمضيش عيونك دول

انا اسف اسف ياقلبي انا غلطت ف حقك وظلمتك سامحيني

حياة عشان خاطري متروحيش مني افضلي معايا.... انا بحبك ايوا فهد الصعيد بيحب حياته وملكته.... انتي عمرك ماكنتي جارية عندي ولا خدامة انتي ملكتي ملكة قلبي

مسح دموعه وابتسم زي الأطفال ورجع مسك ايديها تاني : طب تعرفي انا بحبك من امتا من لما كنتي عيلة بضفاير لما كان عندك عشر سنين لما جيتي هنا مع اهلك وروحت قولت لابويا اني بحبك وعايز اتجوزك.... في الثانوية لما مجموعي جاب جامعة القاهرة فرحت اوي مش عشان هدخلها لا عشان هاجي واشوفك اراقبك من بعيد فضلت كل السنين دي براقبك في صمت ادمنتك ادمنت ضحكت عصبيتك ملامحك بط كنت غبي كنت بقنع نفسي انه كل دا غلط وانا براقبك عشان اطمن عليكي كنت بكابر

طب تعرفي لما جيتي هنا يوم فرحك انا عرفتك لما شوفتك بس أظهرت العكس كان نفسي اخدك في حضني ولما رفضت نتجوز رفضت عشان اثبت لنفسي اني مش بحبك وانك ولا حاجة بالنسبالي..... عشان خاطري ياحياة قومي ياحببتي قومي وسامحيني لاني مش قادر اسامح. نفسي انا كرهت نفسي اوي ياحياة..... بحبك اوي قومي ياحياتي

فهد بأس ايدها وراسها ومسح دموعه وطلع برة

زهرة بكره : إياك اشوفك قريب منها تاني يافهد انت فاهم

فهد : اني اسف ياعمتي سامحيني

سالم بجمود : فهد تعالي معاي عايزك

فهد راح وراه وسالم ركب العربية

سام : سوج ع البيت

فهد باستغراب : هسيب مرتي واروح البيت

سالم بحدة : اعمل اللي بحولك عليه من سكات 

فهد شغل العربية وساقها وراحوا القصر سالم نزل وفهد وراه

جميلة : طمني ياخوي البنيه مالها

سالم بجمود : زينة الحمد الله..... تعالي يافهد ع المكتب مش عايز حد باجي ورانا

دخل المكتب وفهد دخل وراه وقف بهيبته المعتادة مستني ابوه يتكلم

سالم اتنهد واتكلم بهدؤ مريب : عملت فيها ليه

فهد بجمود : عايز تعرف ليه

سالم زق الكرسي وقعه وزعق : بجولك عملت فيها اييييه

فهد بهدؤ : ضربتها وجولتلها كلام مش زين

سالم وقف بصدمة واتعصبت جامد : ضربت حرمه يافهد.... مديت يدك على حرمه... هو ده اللي اني ربيتك عليه... انك تستجوي على كائن ضعيف

فهد بندم وحزن : غصب عني غضبي عماني

سالم بزعيق أقوى : ياااماااا حزرتك ياما جولتلك كفاياك عصبية وغضب جولتلك عاملها بالراحة عشان مش تندم.... شوفت وصلت لفين.... شوفت غضبك وصلك لفيييين

فهد : اني ندمان ولما تفوق هعتذر منها وهيا هتسامحني اني بحبها

سالم : دلوجت عرفت انك بتحبها بعد اييييه بعد ماكانت خلاص هتروح من يدك... كبرياءك وغضبك دمروك ياولدي.... فكرك انها هتسامحك مستحيل ده يحصل انت خلاص خسرتها وضعتها من يدك ابسط حاجة هتعملها لما تفوج انها تتطلب الطلاج

فهد دموعه اتجمعت تاني : لااه يابوي هيا مش هبعد عني ان.. اني بحبها ومجدرش اعيش من غيرها لو بعدت عني هموووت

دموعه نزلت وقعد ع الارض : اااه تعبان جوي يابوي تعبان من غيرها جوي يارتني سمعت كلامك من الاول كان زمانها معاي دلوجت

سالم قلبه حن ليه وصعب عليه... في النهاية هو اب وده ابنه ميقدرش يشوفه بيتعذب دا غير أن سالم عارف ان فهد مش بينزل دمعه من عيونه ولا بيحب يظهر ضعفه لحد

حط ايده على كتفه فهد اترمي في حضنه وعيط

فهد : محتاجها جوي جنبي محتاج حضنها كل اللي طالبه انها تسامحني

سالم بمواساه : ربنا يسهل ياولدي وان شاء الله تسامحك بس هيا تفوج بالسلامة

فهد : يارب يارب قومهالي بالسلامة

سالم : يلا ياولدي نروح ليها عشان لما تفوج تلقاك جنبها

فهد : لااه يابوي روح انت اني ازيتها كتير لازم ابعد عنها عشان تبجي بأمان

سالم : تقصدك ايه ياولدي

فهد : لو كانت سلامتها في بعدي عنيها وتبقى بأمان فإني هبعد يابوي هبعد عشان بحبها ومش عايز اذيها

سالم : لااه ياولدي أكده غلط

فهد بجمود : لاه يابوي اللي بعمله ده لمصلحتها

فهد قام وقف وطلع برة المكتب بل برة القصر كله واحد عربيته ومشي

___بقلمي سلمي الألفي 

..... في اوضة ياسمين.....

سيف : ايه ياياسمنتي صوتك باين ان فيه حاجة

ياسمين : بصراحة ياسيف....... وحكتله اللي حصل

سيف : وفهد فين

ياسمين : مخبراش جه اهنيه هو وابوي ودخلو المكتب وبعد شوية طلع وركب العربية ومشي

سيف : طيب ياياسمنتي انا لازم اجفل عشان لازم اكون مع فهد دلوجت خدي بالك من نفسك

ياسمين : مع السلامة

....... في المستشفى......

حسام : ايوا يابابا لا متجيش بكرا

محمود : ليه يابني في حاجة انت مش كنت هتكتب كتابك بكرة

حسام : لا في شوية مشاكل هنا وهنأجل شوية

محمود : حياة وزهرة كويسين

حسام بكدب : اه اه الحمد لله كويسن

محمود : طيب ياحسام خد بالك منهم... اه نسيت اقولك عمك شاكر باع شقته وانا اشتريتها منه وهتسكن فيها انت عشان تعيش معايا انت ومراتك 

حسام : ماشي يابابا اللي تشوفه... مع السلامة

...... في اوضة حياة....

زهرة بعياط : قومي بقا ياقلب ماما قومي ياحببتي متوجعيش قلبي عليكي... انا اسفة ياروحي حقك عليا انا السبب.... اوعدك محدش هيقربلك تاني... بس انتي قومي قومي ياحياة انا مليش غيرك متسبنيش يابنتي مش انتي قولتي اننا ملناش غير بعض بعد ابوكي مامات وهنعيش مع بعض ومش هنسيب بعض ابدا

حياة بدأت تحرك ايدها وتتكلم كلام مش مفهوم كأنها بتحلم بكابوس : ان... انا بكرهك يافهد.... انت... هنتني... وشككت في شرفي.... بكرهك

زهرة حضنتها : حياة دا كابوس ياحببتي قومي

حياة : متضربنيش... والله ماعملت حاجة..... بكرهاااك

وفتحت عيونها بسرعة وبدأت تتنفس بسرعة زهرة حضنتها جامد وحياة عيطت

زهرة : خلاص ياقلبي دا كابوس خلاص متخافيش

زهرة هدتها لحد ماهديت خالص ونامت تاني بتعب 

.... قدام الأوضة.....

هشام : ايوا ياآية

آية : حياة عاملة ايه

هشام : عندها أزمة قلبية بسبب الزعل

آية : كله مني يارتني اخدت الدفتر من الزفت ده جبل ماياخده مكانش حصل اللي حوصل

هشام : انتي مش ليكي زنب في حاجة وان شاء الله هتجوم بالسلامة

آية : يارب ياهشام

هشام : يارب بجا عشان اتجوز واخلص اني خلاص استويت

آية : ياخي اختشي شوف الناس في ايه وهو في ايه

هشام : خلاص ياختي انتي هتردحيلي... اه صحيح فهد وعمي سالم جم البيت عندكم ولا راحوا فين

آية : ايوا جم وقعدو ف المكتب شوية وبعدها فهد طلع وكان باين عليه بكيان كتير وركب العربية ومشي

هشام : ربنا معاه ويريحه ويقومهاله بالسلامة

آية : يارب... يلا سلام

هشام بحب : سلام ياجلبي

...... في مكان مقطوع.....

نايم ع العربية وباصص للسما بصمود وجمود لكن قلبه بيتقطع والدموع متحجرة في عيونه بيفتكر كل اللي عمله فيها وكلامه اللي جرحها وكلماتها اللي بتوجع القلب اللي مفرقتش عقله

ايه اللي كان ممكن يحصل لو كانت راحت منه للأبد.. لاا... لا اللي عمله هو الصح هو كدا هيحميها من نفسه وغضبه

_كنت عارف اني هلقاك هنا

فهد : ايه اللي جابك انا مش عايز حد معايا عايز ابقا لوحدي

_ليه عملت كدا

فهد :.......

.... في المستشفى.......

صحيت وأخير فتحت عيونها ببطئ دقايق وافتكرت اللي حصل دموعها بدأت تنزل وتحولت لشهقات

زهرة كانت نايمة هيا وحسام في نفس الغرفة وزهرة صحيت على صوت شهقاتها

زهرة بقلق : مالك ياقلبي في حاجة بتوجعك انادلك الدكتور

حياة بعياط : ليه ياماما... ليه بيحصل كل دا معايا.... انا عملت ايه لكل دا

زهرة : خلاص ياحببتي اهدي انا معاكي ومش هيحصل كدا تاني اوعدك

حياة بعياط : انا كنت بدأت احبه هو ليه جرحني كدا انا بكرهه ياماما بكرهه

زهرة : خلاص ياقلب ماما مش هيقرب منك تاني.... انا قولت لخالك سالم وهو قال هيخليه يطلقك

حياة بصدمة : ايه.........

............يتبع.........

منتظرة رأيكم وتوقعاتكم في التعليقات ♥️🎉

#الحلقة_17

_ ليه عملت كدا

فهد بجمود : انت كمان جاي تندمني وتقولي اني كنت غلطان؟!

سيف بحزن : لا يافهد انا مش جاي اقولك كدا لأنك عارف الكلام دا كويس كفاية عليك عذاب الضمير اللي جواك

روحلها يافهد اقف جنبها وخليها تسامحك

فهد بسخرية : هه اذا كنت انا مش قادر اسامح نفسي هيا هتسامحني يارتني سمعت كلامك مكناش وصلنا للمرحلة دي

سيف : الندم مش هيفيدك انت عارف كويس انك متقدرش تعيش من غيرها روحيلها هيا محتاجاك

فهد بهدؤ : هتحتاج ايه من واحد أراها واهانها وجرحها

صوته على واتعصب : هتحتاج ايه مني هاااه انا واحد حقير ومتكبر أذى أغلى حاجة عنده وشكك في شرفها انا مغرور ومتحبش هتحتاجني في ايه هاااه

سيف حضنه : خلاص يافهد اهدي ارجوك

فهد بوجع : انا حقير اوي ياسيف انا بكره نفسي وشخصيتي المغرورة اللي بتكابر

فضل يهديه وقعدو ع الارض

سيف بهدؤ : هتعمل ايه دلوقتي وهتروح فين

فهد بوجع : هروح في اي مكان الا اني ارجع البيت مقدرش ابص في وشها مقدرش اشوف نظرة الكره اللي ف عيونها اتجاهي هيا قالتهالي بلسانها ياسيف قالتلي بكرهك

سيف : ازاي مش هترجع اومال هتروح فين

فهد : اي مكان انا لو روحت متأكد انها هتطلب الطلاق وانا مقدرش ابعدها عني

سيف : طيب تعالي عندي البيت

فهد : لا ياسيف ميصحش اعيش معاكم روح انت ياصحبي متشغليش بالك انا هتصرف

سيف : مش هسيبك يااخويا

فهد بجمود : روح ياسيف انا حابب ابقا لوحدي

سيف : بس

فهد بزعيق : مفيش بس قولتلك روح

سيف عارف انه عنيد ومش هيرد عليه قرر يسيبه يرتاح شوية

سيف : ماشي يافهد بس خلي بالك من نفسك وابقي طمني عليك

فهد مردش وسيف مشي

فهد صراخ بكل الطاقة اللي جواه كأنه يفرغ كل الوجع اللي في قلبه : حيااااااااااة

....... في المستشفى......

زهرة : انا كلمت خالك سالم وهو قالي هيخليه يطلقك 

حياة بصدمة : اييه!!

زهرة باستغراب : ايه ياحياة مش دا اللي كنتي عايزاه وبعدين ماانتو مش بتحب بعض وفي بينكم مشاكل

حياة بشرود : هااه... اه... اه دا اللي انا عايزاه.. دا الصح انا هتطلق منه وانرجع القاهرة نعيش في بيتنا هناك 

حسام بيتكلم وهو نايم : لاا والنبي متقولها... مش هتعملها تاني... مش هناكل اندومي تاني

زهرة بصت لحياة بعصبية وحياة حولت نظرها لمكان تاني بسرعة بتوتر

زهرة : ايه الكلام اللي بيقوله دا

حياة بتوتر : مم... معرفش

حسام بنوم : والله دي حياة هيا اللي قالتلي جيبه ومحدش هيعرف

حياة في سرها : يخربيتك هتفضحنا

زهرة بحدة وزعيق : قووووم ياحيوان

حسام انتفض من مكانه : ايه في ايه مين بيولع

زهرة بعصبيه : بتاكلو اندومي ياحسام... انا هوريكو

حسام : اندومي ايه ياحجة استهدي بالله

زهرة : انا سمعتك بتقول وانت نايم انكو بتاكلوه

حسام بتوتر وسرعة : للا.. محصلش ان.. انا اصلا بتكلم وانا نايم عادي

زهرة : مانا عارفة انك بتتكلم وانت نايم وبتقول الصراحة

حياة : جت تكحلها عميتها

زهرة بشر : انا هوريكو حسابك مع ابو وردة بس لما المريضة دي تقوم عشان تكون فايقة للضرب 

حياة بحقن : انا مش مريضة

حسام بطفولة : لا مريضة... وطلع لسانه

حياة : سامعة ياماما بيقول ايه

زهرة : بس ياحسام احسنلك

حسام : خلاص سكتت..... عاملة ايه دلوقتي ياحيووو

حياة بحزن : الحمد لله تمام

حسام راح قعد قدامها : متخافيش اللي حصل دا مش هيتكرر انا معاكي وهحميكي

حياة ابتسمت بحزن

حسام كمل بمرح : كدا تخليني اكل اندومي وزهرة هتنفخنا دلوقتي

حياة بابتسامة : احسن... احسن

حسام بص لزهرة ببراءة : هتسامحينا صح

زهرة : انت وحشت ابو وردة اوي ياحوسو ولازم تسلم عليه

حسام : قلبك كبير يا وزو

زهرة : برضو هتسلم عليه

حسام بتمثيل : سأخبر الله بكل شئ

الباب خبط وسالم ومحمود دخلو

سالم مسح ع راسها بحنية : كيفك يابتي

حياة : تمام الحمد لله

محمود : الف سلامة عليكي يابتي

حياة : الله يسلمك ياخالو

سالم : اني مش عارف اجولك ايه ياحياة ع اللي فهد عمله حجك عليا يابتي ولو عايزاه اني تحت امرك فيه

حياة : متقولش كدا ياخالو انت معملتش حاجة هو اللي غلط

سالم : ارتاحي دلوجت انتي لسه تعبانة

حياة : لا ياخالو انا عايزة اطلع من هنا انا بقيت كويسة

سالم : بس يابتي انتي لسه تعبانة

حياة : معلش كدا هرتاح اكتر

سالم : اللي تشوفيه ياحياة

حسام : انا هروح اجيبلك اذن خروج

حياة : تمام 

___بقلمي سلمي الألفي 

...... في القصر....

في غرفة ياسمين.... يتكلم سيف ف الفون

ياسمين : يعني مش جابلت فهد اخوي

سيف بكدب : لا ياياسمين مش لجيته ف اي مكان

ياسمين بعياط : هيكون راح فين

سيف : متبكيش عاااد هيكون زين ان شاء الله

ياسمين : يارب ياسيف

سيف : حياة عاملة ايه

ياسمين : لسه مكلمة ابوي وجال انها زينة وهتطلع من المستشفى دلوجت وتعاود البيت

سيف : تمام ربنا يقومها بالسلامه

ياسمين : اللهم امين.... انت عاملة ايه؟!

سيف : متوحشك جوي ياياسمينتي... امتا نتجوز وتبجي معايا في بيت واحد 

ياسمين بحب : ان شاء الله قريب

سيف : ان شاء الله ياياسمينتي

..... في مكان مقطوع....

نايم ع العربية بتعب وفي ايده صورتها بيبص ليها بحب وندم وشوق ومشاعر كتير

فهد بدموع : اتوحشتك جوي ياترا عاملة ايه دلوجت اتوحشت حضنك والدفا اللي بيكون فيه ابتسامتك وكل حاجة فيكي اتوحشتها... سامحيني سامحيني ياحببتي يارتني كنت مت ولا اني اجرحك... بعشجك ياحياتي

حضن الصورة وبص للسما... فضل ع الحالة دي ساعات ومش قادر ينام.. مبيقدرش ينام غير في حضنها الدافي كانه مهدأ ليه كأن حضنها هو المكان اللي بيهرب بيه من الدنيا ودلوقتي خلاص اتحرم منه

.... في القصر....

سالم ومحمود وحياة وهشام وحسام وزهرة وصلو البيت بعد ماالدكتور كتب لحياة اذن خروج ووصي انها تلتزم بالدوا

دخلو وكانت العيلة كلها مستنياها

جميلة قربت عليها وحضنتها : حمد الله ع سلامتك يا بتي

حياة : الله يسلمك ياماما

باقي العيلة سلمت عليها الا هايدي وقفت بعيد خايفة تقرب منها.... حياة استغربت انها حتى مقربتش تسلم عليها

هيا عارفة انها بتكرهها لكن مش لدرجة انها متقولهاش الحمدلله ع سلامتك حتى

هايدي كانت بتحاول تهرب بعيونها منها باي طريقة

سعدية : تعالي يا هايدي سلمي ع حياة

هايدي من بعيد بصوت ضعيف : الحمد لله ع سلامتك ياخيتي

حياة : الله يسلمك

هايدي دخلت اوضتها بسرعة عشان تتجنب اي سؤال منها

حياة استغربت بس مهتمتش اوي

فصلت تحرك بصرها بتدور عليه كانت مفكرة انها هتلاقيه في البيت بس شكله مش موجود وكمان الوقت اتأخر ف العادة مبفضلش برة البيت الوقت دا كله

سالم : اطلعي يابتي ارتاحي في اوضتك

زهرة : لا انتي هتنامي معايا في اوضتي ياحياة

حياة بهدؤ : لا ياماما انا هنام في اوضتي

زهرة : بس

حياة : خلاص ياماما مفيش مشكلة

ياسمين : استني اطلعك ياخيتي

حياة : لا أنا هطلع لوحدي تسلمي... وطلعت

زهرة : لو سمحت ياسالم ياريت فهد مش يقعد معاها في نفس الأوضة

سالم : متخافيش ياخيتي فهد مشي

زهرة : مشي ازاي

سالم : ساب البيت ومش راجع تاني

زهرة : كويس... عن ازنك هدخل اوضتي

جميلة : ازنك معاكي ياخيتي

كانت داخلة طالعة ع السلم وسمعت الكلام ده غمضت عيونها بوجع وراحت اوضتها

فتحت الباب ودخلت وقفلته عليها

بصت ع الأوضة افتكرت كل حاجة تشكيكه في أخلاقها وضربه ليها واهانته

دموعها نزلت بوجع وقعدت ع السرير بتعب

حياة بعياط : اااه ليه يافهد... ليه انا حبيتك ايوا حبيتك حبيت حنيتك وعصبيتك وخوفك عليا وغيرتك... ليه تجرحني... مش مسمحاك يافهد مش مسمحاك ابدا

ونامت ع السرير بتعب من غير ماتغير هدومها ودموعها ع خدها

___بقلمي سلمي الألفي 

....... الساعة ٣ الفجر.....

قاعد ع الارض قدامها بيتحقق من ملامحها وبيمشي ايده ع شعرها بحنية

بأس خدها برقة ومسك ايدها : جميلة اوي وبريئة كنت غبي لما جرحتك

مسح دموعها اللي بتنزل من عيونها حتى وهيا نايمة لمسهم بأطراف صوابعه : دموعك غالية خسارة تنزل ع واحد حقير زيي اسف اني خليت العيون البريئة دي تبكي

حس بيها بتتحرك راح البلكونة بسرعة ونط ع البلكونة اللي جنبها واللي هيا بتاعت ياسمين 

فتحت عيونها وبصت حواليها مش لقته

حياة في نفسها : اكيد كنت بحلم محدش هنا...ياترا راح فين

... وانا مالي انا بكرهه هو اذاني وجرحني لا أنا مش خايفة عليه

بصت للبلكونة باستغراب : انا مش فاكرة اني فتحت البلكونة اتفتحت ازاي... ممكن من الهوا

راحت عند البلكونة : مفيش اي هوا.... يالهوووي ممكن يكون عفريت.... لا لا عفريت ايه ياحياة انتي خلاص كبرتي ووعدتي نفسك انك مش هتخافي من الحجات دي تاني....... ياماما انا خايفة .....لا لا حياة اجمدي كدا اكيد كانت مفتوحة من الاول مش معقول يعني العفريت يكون عايز يشم هوا... خلاص هسيبهاله مفتوحة واهو يشم هوا براحته عشان مش ياذيني اه 

سمعت اذان الفجر دخلت الحمام واتوضت وطلعت فتحت الدولاب طلعت اسدالها ولسه بتقفله لفت انتباها هدوم فهد

حياة : هو مش مشي ومش هيرجع تاني سايب هدومه ليه يكونشي مش ناوي يغير هدومه يعني حيوان ومعفن وقال ايه فهد المنياوي فهد الصعيد.... وطلع مش بيحب يغير هدومه

كان واقف في البلكونه متخبي وسمعها وضحك على جنانها 

ضربت راسها بخفة : حياة فوقي بتفكري فيه ليه هو مش قدملك حاجة غير الإهانة والجرح انتي بتكرهيه

ضحكته اختفت وقلبه وجعه نزل من البلكونة ع الجدران  بهدؤ من غير ماتحس وطلع من القصر وقلبه مليان وجع وحزن

حياة صلت الفجر ودعت في السجود كتير وبكت وقرأت قرآن وقالت ازكارها.... كانت بتفكر فيه وفي حنيته معاها وهو بيعملها افتكرت الوجع اللي عمله فيها ودموعها نزلت تاني

قامت وغيرت هدومها ونامت ع السرير بتعب وهيا بتفكر فيه

الليل خلص بظلامه وحزنه ووجعه وطلعت شمس يوم جديد باحداثه الجديدة 

....... الصبح......

الساعة عدت ال١٢ الظهر وحياة قامت من نومها اخيرا.

بصت جنبها وبتلقائية : فهد انت مصحتنيش ليه

لحظات وافتكرت انه مش موجود حزنت وقامت اتوضت وادت فرضها وغيرت هدومها ونزلت

جميلة : عاملة ايه ياحياة

حياة : كويسة الحمد لله

جميلة : يدوم الحمد يابتي

حياة : اومال البنات فين

جميلة : راحوا الجامعة دول جربوا ياجوا 

حياة : تمام

....... في الجامعة....

البنات خلصو وطلعوا وكان سيف واقف قدام الجامعة

سيف : ياسمين ممكن اتكلم معاكي

ياسمين للبنات : اسبجوني واني هحصلكو

آية : ماشي متعوقيش... ومشيت هيا وهايدي 

سيف : اتوحشتك جوي

ياسمين بكسوف : واني اكتر..... جول عايز ايه عشان ميصوحش نجف أكده

سيف اتنهد : كنت عايز اجابل حياة

ياسمين : ليه؟!

سيف : عايز اتحدت معاها بخصوص فهد هما أكده بيضيعوا نفسهم بيدهم

ياسمين : معاك حج ياسيف هجولها تجابلك بس فين

سيف : الساعة أربعة في الجنينة الورانية للقصر

ياسمين : ماشي.... سلام

سيف : مع السلامة ياياسمينتي

...... في القصر......

البنات رجعو وكل وحدة راحت اوضتها تغير هدومها وياسمين راحت لحياة ع اوضتها

خبطت الباب 

حياة : ادخل 

ياسمين : كيفك ياخيتي

حياة : كويسة الحمد لله

ياسمين : يارب دايما.... كنت عايزة اجولك حاجة

حياة : حاجة ايه

ياسمين : سيف عايز ياجبلك

حياة باستغراب : ليه

ياسمين : مخبراش هو جالي خليها تجابلني ف الجنينة الورانية الساعة أربعة

حياة : ماشي تمام

___بقلمي سلمي الألفي 

عدي ساعات والساعة بقت أربعة 

...... في الجنينة الورانية.....

سيف : الحمد لله ع سلامتك ياحياة

حياة : الله يسلمك ياسيف كنت عايزني ف ايه؟!

سيف : بصي ياحياة فهد اخويا مش صحبي وانتي مرات اخويا يعني في مقام اختي... اتنهد : فهد بيحبك ياحياة

حياة : وهو اللي بيحب حد بيهينه وبيضربه انت بتحب ياسمين مع كده انك تضربها وتجرحها

سيف : لا طبعا... بصي انا وفهد صحاب بقلنا اكتر من خمسة وعشرين سنة وانا حافظه... هو عصبي ووقت غضبه بيقول لي كلام ومش بيحس باللي بيعمله انا مش عارف ايه اللي حصل بينكم بس عايز اقولك انه بيحبك ومن زمان اوي فهد ندمان ياحياة انا عمري ماشوفته بالضعف دا صدقيني كل اللي عمله مكانش بقصد منه دا شيطانه... لكن هو قلبه طيب... هو بيحبك من زمان

حياة : دا اللي هو ازاي اذا كنت انا مشفتوش غير مرتين او تلاتة

سيف : بس هو شافك كتير... اسمعي فهد كان بيراقبك و........ حكالها كل حاجة

حياة بصدمة : انا مش مصدقة.... ولما ه  بيحبني مجاش وقالي ليه

سيف : لا صدقي... هو معرفش لنفسه اصلا عشان يعترفلك هو كان بيكابر بس لما حس انه هيخسرك أدرك حقيقة مشاعره.... سامحيه هو دلوقتي عايش ف عذاب وندم كبير..... اللي يخلي فهد المنياوي رمز التكبر يبكي عشان وحدة يبقى فعلا بيحبها انا مش بقول كده عشان هو صحبي وزعلان عليه لكن دي الحقيقة ياحياة

حياة كانت ساكتة وسيف فهم حيرتها : انا قولت اللي عندي سلام ياحياة والف سلامة عليكي مرة تانية

حياة دخلت القصر وراحت اوضتها وهيا بتفكر في كلام سيف ومصدومة

...... في الجنينة الامامية......

هشام : مش كان زمانا دلوجت مخطوبين

آية : ياعم حس على دمك البيت مجاوب جايم جاعد وانت كل اللي همك الجواز

هشام : لسان امك ده هجطعهولك

آية : ايه ده اماا سمعتي هشام جليل الحيا بيجول عليكي ايه

هشام وهو بيلف : والله يامرات عمي انا......

هشام بغيظ : بتضحكي عليا ياشبر ونص

آية طلعت تجري وطلعت لسانها : احسن

هشام ضرب كفيه ببعض : طفلة بحب طفلة والله ههه

..... في اوضة حياة...

قاعدة ع السرير بتفكر في كلام سيف قلبها فرحان بس عقلها رافض الفكرة مهما كان اللي بحبه ادانا بس قلبنا هيفضل يحن ليه وصعب ننساه بسهولة

حياة : ياترا انت فين يافهد

قلبها : طالما بتحبيه قوي كدا سامحيه

عقلها : اسامحه ايه هو ازاني أهان كرامتي جرحني وضربني مستحيل اسامحه هو ميفرقش حاجة عن أعمامي بالعكس هو اسؤ

قلبها : بي هو بيحبك وعمل كدا في ساعة غصب وشيطان كان عاميه

عقلها : ولو دي كرامتي... هو مش أعطاني فرصة اتكلم

قلبها : بس انتي بتحبيه ومش قادرة تكرهيه

عقلها : لا بكرهه

قلبها : بتحبيه

عقلها : بكرهه

قلبها : بتحبيه

حياة بزعيق : باااس اسكتو انتو الاتنين... كفاية تفكير انا تعبت

اليوم عدي وحياة نايمة في اوضتها... فهد دخل

فهد : عاملة ايه النهاردة ياحياتي وحشتيني نفسي اخدك في حضني بس لاهو دا الصح انا مينفعش اقرب منك هاذيكي

مقدرش اتحمل نظرة العتاب والكره اللي ف عيونك

بأس خدها : باي ياحببتي بحبك

ونزل من البلكونه علي الجدران  

حياة صحيت : اكيد حلم زي امبارح اعااا اطلع من دماغي بقا حتى في أحلامي بشوفك

شربت مايه واستغفر ونامت تاني

___بقلمي سلمي الألفي 

...... اليوم التاني......

.. في اوضة حياة.....

قاعدة في اوضتها وسمعت صوت الباب بيخبط : ادخل

هايدي دخلت وكانت حاطة راسها في الارض

حياة باستغراب : هايدي! خير عايزة حاجة؟!

هايدي بدموع : اني اسفة

حياة قامت وش تها وقعتها جنبها ع السرير : اسفة على ايه مالك

هايدي : اني اسفة ياحياة اني السبب اني اللي جولت جدام فهد اننا حذرناكي من الزفت اللي اسمه رامز

حياة مسكت ايدها : ياحببتي انتي ملكيش زنب في حاجة انتي قولتي كده بحسن نية وهو اللي فهم غلط وانتي متقصديش ولا ايه

هايدي بعياط : والله ياخيتي ماجصدي حاجة اني اه في الاول كنت يضايق منك ومش بحبك بس دلوجت مبجاش بيني وبينك حاجة

حياة : انا مش زعلانة منك وعارفة انك. ف الاول مش كنتي بتحبيني عشان اتجوزت فهد بس دلوقتي بتحبي حسام صح

هايدي هزت راسها بكسوف

حياة بابتسامة : حتى انا ف الاول كنت بقول عليكي متكبرة بس دلوقتي بحبك وبعتبرك زي اختي الصغير ولا ايه مش حابة نكون اخوات

هايدي بسرعة : اااه عايزة نكون اخوات اني في طبيعتي منعزلة ومش بحب اختلط بحد بس عايزة ابقا اختك

حياة : وانا يشرفني انك تبقى اختي..... وبعدين انتي هتبقي مرات اخويا دا انتي هتشوفي العجب لما تتجوزي حسحس هيجننك

هايدي : ههه هو مجنني من دلوجت اصلا

حياة : ههه ربنا يخليكو لبعض

هايدي : امين.... يعني انتي مش زعلانة مني ياخيتي

حياة : انتي اختي الصغيرة مقدرش ازعل منك

هايدي : تسلمي... اني هروح بجا اساعدهم في المطبخ

حياة : ماشي ياجميلة

.................. 

اليوم عدي من غير اي احداث تذكر جه الليل بظلامه

حياة ماسكه صورته : وحشتني اوي ليه... عملت كدا كان ممكن نكون مع بعض دلوقتي وفي حضن بعض مبعرفش انام كويس غير في حضنك... انا اذتني اوي واذيت نفسك معايا.

راحت عن الدولاب وطلعت قميص من قمصانه ولبسته ونامت فيه

فهد جه في نفس المعاد ودخل شافها لابسة قميصه كان واصل لحد ركبتها وظاهر مفاتنها كان منظرها كفيل يسحره

حاول يمنع نفسه ويكتم مشاعره بس مقدرش وقرب عليها وباسها من خدها ورقبتها وكل مكان في وشها

حياة كانت نايمة بعمق محستش بيه لاول مرة من ايام تنام كدا لأنها لابسه قميصه وحاسه كانها في حضنه

فهد واخيرا اتحكم في مشاعره وبعد عنها اتكلم معاها زي كل يوم : تعرفي انا كل يوم بروح القاهرة وارجع وبروح بيتك هناك كمان بخلص شغلي في الشركة واروح على بيتك وادخل اوضتك وانام على سريرك يمكن دي الحاجة الوحيدة اللي بتهون عليا بعدك عني..... بحبك اوي مع السلامة.

وطلع البلكونة ونزل زي كل مرة

__ عدي يومين كانو طبيعين من غير اي احداث تذم غير أن فهد بيروح لحياة زي كل يوم ويتكلم معاها وهيا تصحى بعد مايمشي

بدأت تشك انه بيجي وان دول مش احلام وقررت تفضل سهرانة وتمثل النوم عشان تتاكدمن شكوكها

الليل جه وحياة ومنتظراه بفارغ الصبر

قلبها : وتعملي ايه يعني لو كان بيجي هتسامحيه وتعترفيله بحبك

عقلها : لا لا انا عايزة اتأكد بس مش اكتر لكن انا ولا بحبه ولا زفت انا بكرهه

قلبها : انتي بضحكي على مين انتي بتحبيه وهتموتي وتشوفيه

عقلها : لا

قلبها : اه

حياة : بس انتو الاتنين انا عايزة اتأكد وبس ولو طلع بيجي انا هواجهه واقوله يطلقني

مثلت انها نايمة وفضلت مستنيه وعندها امل انه يجي

حياة : هو مش هيجي ولا ايه شكلها كل دي احلام انا الغبية اللي صدقت نفسي بس انا بحس بيه وبسمعه لا ممكن متكونش احلام انا استنى كمان شوية

فجأة سمعت صوت ضرب نار وقلبها انقبض واتخضت

طلعت البلكونة وبصت لقيت فهد نايم على الأرض وسايح في دمه

حياة بصراخ : فااااااااهد

........ يتبع...........

#الحلقة_18

حياة طلعت البلكونة وبصت لقيت واحد نايم ع الارض وبينزف ركزت فيه لحد ماعرفته

كان فهد نايم ع الارض سايح في دمه

حياة بصراخ : فااااااهد

وطلعت لبست اسألها وطلعت من الأوضة بسرعة وهيا بتعيط

كل اللي ف القصر صحيو على صوت ضرب النار وطلعو من اوضهم وشافو حياة بتجري على برة راحوا وراها

حياة راحت عنده بسرعة وكان الحرس واقفين حواليه وخايفين ليحصله حاجة وخايفين من اللي هيحصلهم

حياة قعدت جنبه على الأرض وحطت راسه على رجلها وعيطت : فهد.... قوم... قوم عشان خاطري ان.. انت مش هتموت... فهد

العيلة كلها اتجمعت ومستغربين من اللي حياة بتعمله.. قربوا عليها لقيو فهد نايم على رجها فاقد الوعي وبينزف

جميلة بخضة : يامري... ولدي.. ولدي جراله ايه

جميلة مستحملتش وفقدت الوعي

ياسمين مسكتها : ججومي ياما... فهد هيكون بخير 

سالم كان هيموت من الخوف على ابنه قرب عليه : فهد ولدي... جوم ياجلب ابوك... بزعيق : مييين اللي عمل في ولدي أكده

الحراس كانوا ساكتين وخايفين يتكلمو

سالم بزعيق : بجولكو مسن اللي عمل أكده في ولدي

واحد الحراس بخوف : ياسالم بيه فهد بيه كان داخل بينط من ع السور كيف الحرامية واحنا فكرناه حرامي وضربنا عليه نار.. سامحنا يابيه 

سالم قام : اني هوريكو ياكلاب.... 

محمود بمقاطعة : مفيش وجت ياسالم فهد لازم يروح المستشفى

سالم بعصبيه : حسااام انت مش دكتور ولا ايه شوف ولدي ماله

حسام بتوتر : حاضر حاضر.....

حسام قرب عليه وشاف جرحه : الرصاصة جت في كتفه مكانها مش خطير... بس لازم يتنقل على المستشفى بسرعة عشان نطلع الرصاصة ونوقف النزيف

هشام : طب يلا بسرعة

حسام : هاتولي قماشة اربطها على كتفه عشان أوقف النزيف

سالم أعطاه الشال بتاعه : خد اربط ده... يلا ياهشام شيلوه انت وحسام ع المستشفى

حسام وهشام قربوا عليه ولسه هياخدوه.

حسام : حياة ابعدي فهد لازم يروح المستشفى بسرعة

حياة بصدمة : لا... مش هتاخدوه... هه. هو... كو.. يس وهيقوم لا... فهد كويس ابعدو

زهرة قربت عليها وشدتها وحضنتها وحياة انفجرت في العياط : هو.. كويس.. هو كان جاي عشان يشوفني...انا عارفة انه بيحبني... هو هيبقى كويس ويقوم

زهرة : اهدي ياحببتي هو كويس وهيفوق ان شاء الله

حسام وهشام شالو فهد وركبوا العربية ومعاهم محمود ومشيوا 

سالم شال جميلة ودخلها القصر وطلع ركب عربيته وراح وراهم على المستشفي وحياة راحت معاه

ياسمين مسحت على وشها بالماية لحد مافاقت

جميلة بعياط :فهد ولدي جراله ايه اني عايزة ولدي... اه ياولدي

آية بعياط : متخافيش ياما اخوي هيبجي زين ويجوم بالسلامة

جميلة : اني عايزة اروحله ابوس ايديكو ودوني لولدي

ياسمين بعياط : ياما اخوي في المستشفى ومش هينفع تروحي في وجت متأخر زي ده

جميلة بعياط: اني هروح له يعني هروح له لازم اشوف ولدي

زهرة : اقعدي ياجميلة الوقت اتأخر ومينفعش تطلعي من البيت لوحدك

جميلة بعصبيه : ملكيش صالح بيا وبولدي لا انتي ولا بتك انتو السبب خليتوه يطلع من البيت ولما يدخل بيته يدخله زي الحرامي.... كله منكو ارتحت لما سابلكو البيت.... واهو هيسيبلكو الدنيا على بعضها

زهرة بدموع : ربنا يسامحك ياجميلة انا مش هرد عليكي علشان عارفة انك بتقولي كده من خوفك علي ولدك

جميلة بزعيق : اسكتي خالص انتو السبب في اللي حصل لولدي ده اني مش مسمحاكو لا انتي ولا بتك.... ياعالم يمكن انتو اللي متفجين تعملو أكده عشان تاخد الجصر وكل فلوسه

ارتاحي ياختي اهو ابني مرمي في المستشفى وبيموت

زهرة بصدمة : انتي بتقولي ايه ياجميلة.......

...... في المستشفى.....

وصلوا المستشفى ودخلو بسرعة وهما شايلينه

الممرضين قابلوه وحطوه على الترولي ودخلوه اوضة العمليات 

حسام للدكتور : انا الدكتور حسام الألفي جراح هدخل معاكم العمليات.... واعطاه الكارنية

الدكتور : تمام... روح مع الممرضة عشان تتعقم وتلبس لبس العمليات

حسام راح مع الممرضة واتعقم ودخل العمليات

حياة وسالم وصلوا وعرفو مكانه وراحو على الأوضة بسرعة

سالم بقلق : فهد فين يامحمود

محمود : دخلوه العمليات والدكاترة هيطلعو الرصاصة

سالم : ربنا يستر ويقوم بالسلامة

حياة عيطت وقعدت على الكرسي بيأس : انا السبب انا السبب في كل حاجة... هو كان جاي يشوفني

سالم حضنها والدموع في عينه : متخافيش يابتي هيجوم بالسلامة ان شاء الله... فهد قوي مش بيستسلم بسهولة

حياة بعياط : يارب ياخالو... انا مش عايزة غير انه يقوم

سلم غمض عيونه بوجع على اللي حصل لابنه بسبب كبريائه وغروره 

___بقلمي سلمي الألفي 

...........في القصر....

زهرة بصدمة : انتي بقولي ايه ياجميلة... معقول تفكري فيا كدا انا وبنتي...انتي عارفة كويس ان اخر حاجة بفكر فيها هيا الفلوس

جميلة : اه بإمارة انك بعتي بتك عندنا عشان أمامها مش ياخدو فلوسها... سبتيهم يعذبها ومش وافجتي تديهم فلوسها

وجوزتيها ولدي عشان تاخد فلوسه هو كمان للدرجادي بتك رخيصة عندك

سعدية : ايه اللي بتجوليه ده ياجميلة زهرة مش بتفكر أكده ابدا 

زهرة بعصبية : جميلة كله الا حياة انا اتحمل بما فيه الكفاية لكن حياة لا بنتي خط أحمر... اول ما فهد يفوق بالسلامة هاخد بنتي ونرجع القاهرة  

جميلة : اني مجواتش غير الحجيجة... عايزين ترجعو ارجعو اهو تريحنا منيكم.... وسعو أكده اني رايحة لولدي

ياسمين : استني بس ياما مش هينفع تطلعي وحدك في الوجت ده

جميلة : لااه ينفع اني مش هجعد اهنية دجيجة وحدة وولدي مرمي في المستشفى

ياسمين : طب استني هكلم سيف اعرفه وهياجي ياخد وتروحوا مع بعض

جميلة : لا اني هروح لحالي مش هستناه لحد ماياجي

جميلة طلعت وياسمين كلمت سيف

ياسمين بسرعة : الو ايوا ياسيف

سيف بنوم وبقلق : ايه ياياسمين صوتك ماله في حاجة

ياسمين : فهد اضرب بالنار وخدوه المستشفى

سيف بصدمة وخوف : ايه ازاي دا حوصل وميته الكلام ده

ياسمين : من شوية وامي رايحة دلوجت المستشفى لحالها تعالي بسرعة وخدها معاك

سيف : طيب طيب مسافة السكة

سيف قام بسرعة كان لابس بنطلون بيتي بس لبس عليه تيشرت وطلع بسرعة وركب عربيته وساق بأقصى سرعة

وصل لعند بيت فهد بعد خمس دقايق ولمح جميلة من بعد ساق عربيته لعندها

سيف : اركبي ياخالة جميلة

جميلة ركبت بهدؤ وسيف ساق العربية وراح ع المستشفي

...... في المستشفى....

سالم واخد حياة في حضنه وهيا مبطلتش عياط

سالم بحزن : كفياك عياط بجي يابتي عينك هتنفجر

حياة بشهقات : تعرف ياخالو انا بحب فهد اوي... هو اذاني بس انا حبيته حبيت حنيته وخوفه وغيرته عليا والله كنت هحاول اسامحه... هو كان جاي يشوفني انا عارفة هو جه قبل كدا كتير بس انا بكون نايمة.... هو مش هيموت صح

سالم بسرعة : بعد الشر عليه يابتي... ربنا هيقومه بالسلامة ان شاء الله

حسام والدكتور التاني طلعوا

حياة : حسام فهد فاق صح وبقا كويس

حسام بإرهاق : الرصاصة جت في كتفه بس في مكان عميق وسببت نزيف وفقد دم كتير عشان كده فقد الوعي

سالم : طب هو دلوجت عامل ايه ياولدي

حسام : احنا نقلناله دم وطلعنا الرصاصة وبقا كويس الحمد لله هننقله على اوضة عادية وهيفوق كمان شوية

سالم زفر براحة : الحمد لله... احمدك يارب انه بقا زين

هشام ومحمود حمدوا ربنا

حياة : انا عايزة اشوفه

حسام : مينفعش ياحياة هو لسه مفاقش ومتركبله محاليل

حياة بعند : لا أنا هشوفه

حسام اتنهد : تمام هيتنقل على اوضة عادية وابقي ادخليله

فهد اتنقل على اوضة عادية وحياة دخلتله

اول ماشفته انفجرت في العياط كان واحشها جدا وحشها حضنه وعصبيه وملامحها القاسية وكل حاجة فيه

مهما كان اللي بحبه جرحنا او آذانا بمجرد مانشوفه تعبان بتنسي كل الاذى دا طبيعة قلبنا بيحن حتى لو اللي قدامه جرحه

قربت عليه وقعدت على الكرسي قصاده ومسكت ايده

حياة بعياط : فهد انا حياة حبيبتك... بوم عشان خاطري عشان خاطر حياتك... وحشتني اوي يافهد.... انا زعلانة منك على فكرة.... كدا يافهد تجرحني وتقول عليا خدامة عندك.... قوم عشان اعاتبك..... قوم عشان حياة حبيبتك... انا عارفة انك كنت جاي تشوفني... انا استنيتك بس انت مطلعتش

وحشتني اوي.. خدني ف حضنك انا محتاجاك

___بقلمي سلمي الألفي 

..... برا قدام الأوضة.....

جميلة وسيف وصلوا  وراحو عند اوضة فهد

جميلة : ولدي فين ولدي ياسالم

سالم بهدؤ : اهدي ياجميلة فهد بجا زين وهيفوج كمان شوية

سيف : هو فين ياعم سالم

سالم : في الاوضة جوه

جميلة بضيق : والبت دي معاه جوا

سالم باستغراب : حياة معاه جوه فيه ايه ياجميلة وليه بتجوليه على حياة أكده

جميلة بعصبية : عشان هيا السبب في اللي ولدي فيه دلوجت

سالم : حياة مش ليها زنب في حاجة

جميلة : لا ليها هيا السبب ان ابني طلع من بيته وبجا يدخله كيف الحرامية... اني هدخل اطلعها من عنده

سالم مسك ايدها : وجفي عندك مش هتدخلي جوه اللي جوه دي مرته وهما حرين مع بعض وحاسبي على صوتك احنا في المستشفى.... صوتك ميعلاش واصل

جميلة بدموع وطاعة : حاضر ياخوي

..... جوه في الاوضة....

كانت ماسكة ايده وبتبص على ملامحه اللي وحشتها

حرك ايده بهدؤ واتكلم بتعب وهو مغمض عيونه : حي.... اة

حياة بسرعة وفرحة : فهد فهد انت صحيت بجد

بدأ يفتح عيونه بتعب : حياة انتي هنا

حياة بدموع : ايوا يافهد... الحمد لله على سلامتك

فهد بوجع : سامحيني ياحياة... انا اسف غلطت في حقك كتير انا تعبان اوي ياحياة مش قادر اسامح نفسي على اللي عملته فيكي

حياة بجمود ووجع : مش تتكلم دلوقتي انت تعبان

فهد شاور على قلبه : التعب اللي هنا اكبر بكتير ياحياة... انتي كسرتي قلبي لمية حتة لما قولتيلي بكرهك

حياة بوجع ودموع : فهد كفاية عشان متتعبش

فهد بحزن : انتي بتكرهيني بس انا بحبك ياحياة بحبك اوي ومقدرش اعيش من غيرك... محبتش في حياتي حد قدك... بحب تفاصيلك وضحكتك وعصبيتك وجنانك.... انا كنت هموت لما تعبتي كان نفسي ربنا ياخدني ولا اني اشوفك بالحالة دي بسببي..... انا حقير اوي ياحياة حقير لدرجة ان اكتر انسانة حبيتها اذيتها وكنت هضيعها من ايدي... سامحيني ارجوكي

.....برا قدام الأوضة.....

جميلة بعياط : عشان خاطري ياسالم خليني ادخل اشوف ولدي

سالم صعبت عليه شكلها : ادخلي ياجميلة

___بقلمي سلمي الالفي

...... في الاوضة.....

فهد بتعب : قوليها ياحياة قولي انك مسمحاني وبتحبيني زي منا بعشقك اوعدك هعوضك عن كل اللي عملته

جميلة دخلت بسرعة وبصت لحياة بضيق وتجاهلتها واتجهت لفهد... حياة مش فهمت هيا ليه بتبصلها كده بس تجاهلت الموضوع 

جميلة : فهد حمد الله علي سلامتك ياولدي خوفتني عليك ياضنايا

جميلة حضنته وعيطت

فهد : خلاص بجي ياست الكل اني زين اهو ومحصليش حاجة

سالم دخل والباقي وراه

سالم : حمد الله على سلامتك يافهد

فهد : الله يسلمك يابوي

سيف : انت بتدلع على فكرة حتة رصاصة في الكتف وعامل عليها الزيطة دي كلاتها

فهد : ايه اللي جاب الحيوان ده هنا.... مشوه

سيف : لا ياخوي اني جاعد على جلبك

هشام : حمد الله على سلامتك ياابو نسب

حسام : حمد الله ع السلامة ياسطا ربنا يجعلها آخر الاحزان

فهد : محاط بشوية عرر مش بيحسوا والله

سيف : سيد متقولش كدا عيب احنا اهل

محمود : وه انتو مش هتبطلو كلام ولا ايه خلي الراجل يرتاح

 بضحك : الحمد لله على سلامتك ياجلب عمك

فهد بضحك : حتى انت ياعمي... دا يارتني موتت احسن 

جميلة : بعد الشر عليك ياضنايا ان شالله اللي يكرهوك

حياة : الف بعد الشر عليك

سالم : خلاص بجي سيبوه يرتاح تلجاه لسه تعبان

فهد : لا اني بجيت زين... وعايز اطلع من اهنيه

سالم : تطلع كيف بوضعك ده

فهد : اني مش بحب جو المستشفىات وعايز اطلع. مش هستحمل اجهد هنا

حسام : الوقت اتأخر بكرة هعملك اذن خروج وتطلع

فهد : تمام... هشام خد حياة وامي والباجين ع البيت

حياة : لا طبعا مش هسيبك وحدك

فهد : اسمعي اللي بقولك عليه مش ينفع تجعدو اهنيه دي مستشفى مش لوقاندة

حسام : اللي بيقوله فهد صح مش هينفع يبقى هنا غير شخص واحد بس مع المريض

فهد : سيف هيجعد معاي روحوا انتو

جميلة : بس ياولدي...

فهد : مفيش بس ياما روحوا وسيف اهنيه  معاي

سيف : ايوا اني هجعد معاه اهنيه روحوا انتو

سالم : اني كمان هجعد اهنية معاك

فهد : يابوي روح انت عشان مش تتعب

سالم : اني جوان اللي عندي هجعد معاك هشام خد الباقي على البيت واني هنزل اجيب لفهد حاجة يأكلها

هشام : تمام 

كلهم طلعو وحياة كانت طالعة

فهد : حياة

حياة التفت وهو شاور ليها وقربت لعنده

بحركة سريعة شدها لحضنه كان بيشم عبيرها ومستمتع بحضنها اللي وحشه همس في ودانها : بحبك جوي

حياة طلعت من حضنه : خلي بالك من نفسك.... ومشيت

فهد لنفسه : هتحني عليا ميته يابت صالح الالفي

سيف : احم احم.... نحن هنا

فهد : عيل رزل انت واقف بتتفرج على ايه

سيف : على روميوا وجوليت اللي قاعدين بيحبوا في بعض قدامي... ايه ياسطا هو انا شفاف

فهد بسخرية : انت طول عمرك شفاف مش متشاف

سيف : نينينينينيني.... مرتاح ياخويا بوظتلي الجوازة مراتك مرة وانت مرة

فهد : متجبش سيرتها ع لسانك

سيف : بتغيري يابطة

فهد : ااااه... سيف الحقني

سيف جري عليه وفهد مسك شعره : احمد ربنا اني متصاوب والا كنت هموت تحت ايدي

سيف : انت كداب على فكرة ضحكت عليا وكدا ميصحش

فهد بغرور : عادي ايه يعني

سيف : نينينينينيني

ضحكوا الاتنين وقعدوا يتكلموا ويهزروا لحد ماسالم جه وجاب الاكل لفهد وسهروا مع بعض التلاتة يتكلموا لحد. الصبح

...... الصبح......

الدكتور كتب لفهد على اذن خروج

طلع من المستشفى وركبوا العربية وراحوا القصر

وصلوا وسيف وسالم سندوا فهد ودخلوا القصر

جميلة والعيلة كلها كانوا مستنينهم ماعدا زهرة وحياة وحسام

كلهم سلموا على فهد وهو بيدور عليها بنظره ومستغرب ليه مش نزلت تقابله

سيف بهمس ووقاحة : متخافش تلقاها في الاوضة فوق بتحضر لاستقبال بطريقة جامدة... وغمز

فهد نغزه في كتفه

سيف بضحك : طب استأذن اني ياعمي

سالم : ماانت جاعد ياولدي

سيف : لاه يادوب اروح عشان امي تلجاها جلجانة عليا

بضحك : حمد الله ع السلامة يافهد الصعيد شد حيلك

فهد : غور ياض

سيف بص لياسمين بابتسامة  : عن اذنكو

محمود : اذنك معاك ياولدي

سالم : اطلع يافهد ارتاح في اوضتك

جميلة : تعالي ياولدي اسندك لحد ماتطلع

فهد : لا ياما اني هطلع لحالي

فهد طلع وراح على اوضته وكله لهفة وشوق انه يشوفها وياخذها في حضنه

فتح الباب كانت النظاره بتتحول في كل مكان بتدور عليها مش لقيها في الاوضة

خبط على باب الحمام : حياة... انتي جوه... هفتح الباب

ملقاش رد فتح الباب ومش لقيها الخوف اتسلل لقلبه

نزل بسرعة وهو بينادي علىها في القصر

فهد : حياااة... حياة انتي فين

وصل للطابق اللي تحت جميلة طلعت من المطبخ على صوته

جميلة : فيه ايه ياولدي عتزعق ليه

فهد : فين حياة ياما دورت عليها في الاوضة كلتها ومش لقيها

جميلة اتوترت وخافت

فهد بحدة : فين حياة يامااا قولي

جميلة بتوتر : حياة عاودت مصر هيا وامها وود عمها ياولدي

فهد بصدمة : ايييييييه

........ يتبع.........

#الحلقة_19

فهد بصدمة : ايييييييه.... اتعصب : كيف يعني مشيرا وسابو البيت

جميلة بتوتر : مخبراش يافهد... تعالي يلا ارتاح انت لسه تعبان

فهد بعصبية : مش تعبان لازم اشوفها

طلع تليفونه واتصل برقمها مردتش فضل يتصل كتير بس تلفونها مغلق

فهد بزعيق : ازاي يعني تمشي وتسيب البيت ملهاش راجل تاخد اذنه

سالم : فيه ايه يافهد صوتك عالي ليه ياولدي

فهد بتوتر : حياة يابوي سابت البيت ومشيت وتلفونها مغلق

سالم : كيف يعني تسيب البيت زهرة... يازهرة

فهد : عمتي وحسام كمان مشيو

سالم : مشيو كيف اني مش فاهم حاجة فيه ايه ياجميلة

جميلة وطت راسها للارض واتوترت وخافت.. وكله واقف ساكت 

سالم بزعيق هز ارجاء القصر : حد يفهمني فيه اييييه

بحدة : ايه احكيلي ايه اللي حصل وعمتك وبتها سابوا البيت ليه

آية بتوتر : يابوي عمتي زهرة وامي اتعارك امبارح بالليل وعمتي قالت لما اخوي يفوق هتاخد حياة وتمشي

سالم بحدة : آييية احكي كل اللي حصل بالتفصيل

آية : لما خدتو اخوي علي المستشفي....... وحكتله اللي حصل

سالم بص للجميلة بعصبية : جميلة اللي اية جالته ده صحيح... انطقيييي

جميلة بدموع : ان... اني اسفة ياخوي حجك عليا

سالم : ياخسارة ياجميلة بتردي خيتي من بيتها... ده بيتها جبل مايكون بيتك.... زهرة مش ليها غيري اني ومحمود بعد ما ابونا مات ووصانا عليها تاجي مرتي تطردها من بيتي انتي غلطتي ياجميلة وغلطتك واعرة جوي

سابها ومشي كانت بتعيط بحرقة فهد بصلها بعتاب وكان ماشي

جميلة مسكت ايده : فهد ولدي سامحني ياولدي اني عملت أكده من خوفي عليك

فهد بلوم : لو كنتي خايفة عليا فعلا ياما مكنتيش خلتيها تمشي وتبعد عني... ربنا يسامحك ياما

وطلع اوضته وسابها بتعيط

ياسمين قربت عليها : خلاص ياما اهدي اكيد ابوي واخوي ميجصدوش

جميلة بعياط : اني عملت أكده من خوفي على ولدي ابوكي مش هيسامحني واصل ياياسمين

___بقلمي سلمي الألفي 

..... في القطر....

حياة سرحانة في اللي حصل كل حاجة كانت هتتظبط وفي يوم وليلة بعدت وسابت كل حاجة وراها

___فلاش بااك ___

حياة رجعت مع هشام ومحمود وحسام البيت

كانت رايحة اوضتها زهرة نادت عليها هيا وحسام

دخلو اوضة زهرة وزهرة قفلت الباب

زهرة بجمود : هنرجع القاهرة بكرة

حياة بصدمة : ايه.. ليه ياماما

زهرة : هو دا اللي عندي جهزوا شنطكو هنمشي الصبح

حسام مسكها من كتفها وقعدها ع السرير بهدؤ

حسام : فيه ايه يازهرة مالك

زهرة اترمت في حضنه وانفجرت في البكاء : انا مش وحشة كدا ياحسام عمري ما فكرت ف الفلوس انا بعدت حياة عن أمامها علشان مش ياخدو ورثها وبيتها اللي هو زكرى من ابوها... انا مش عايزة فلوس ولا عمري ابيع بنتي

حياة حضنتها : فيه ايه ياماما ليه بتقولي كدا

حسام : اهدي ياماما واحكلنا فيه ايه

زهرة حكتله اللي حصل وهيا بتعيط

حياة بتماسك : انا موافقة ياماما هنرجع القاهرة احنا مبقاش لينا شغل هنا مش مضطرين نتحمل أذية اكتر من كدا

زهرة بعياط : حياة انا عارفة انك بتحبي فهد افضلي انتي هنا وانا همشي ياحببتي انا مش ههدم حياتك بايدي

حياة حضنتها : انتي احسن ام في الدنيا وتفضلي الاحسن في نظري حتى لو بحب فهد بس هو اذاني وطنط جميلة جرحتك بكلامها احنا هنرجع بكرة مش هنيجي هنا تاني

حسام : متزعليش يازوزو انتي احلى ام في الدنيا كفاية ابو وردة بتاعك اللي مطلع عيونا

زهرة بضحك بين بكائها : اهبل

حياة : انا هطلع احضر شنطتي وانت كمان ياحسام يلا

حسام : تمام

___باااك___

 حياة دموعها نزلت غصب عنها وزهرة لاحظتها

زهرة : اسفة

حياة مسكت ايدها : متعتزريش.... ونامت على كتفها

بعد عدة ساسات القطر وصل القاهرة.. نزلوا وركبوا تاكسي وراحو بيتهم

حسام راح بيت بباه وزهرة وحياة راحوا بيتهم

زهرة فتحت الباب ودخلوا الشنط ودخلوا

حياة : انا هدخل انام شوية في اوضتي عشان وحشتني اوي

زهرة : بتحاولي تخبي وجعك عليا انا عارفة انه وحشك ونفسك تكلميه

حياة : هو وحشني اوي بس مش قادرة اسامحه

زهرة : انتي لو مكنتيش سامحته مكانش وحشك بتحبيه ياحياة 

حياة بتوتر : ان.. انا هدخل انام... ودخلت

زهرة : هتفضلي كده لحد امتى يابنت بطني

___بقلمي سلمي الألفي 

....... في الصعيد.....

فهد في اوضته نايم ع السرير وماسك صورتها

فهد بدموع : ليه كل مانقرب من بعض بنبعد اكتر كدا تمشي وتسبيني هونت عليكي.... والله كنت هعوضك عن كل حاجة.. وحشتيني اوي ياروح قلبي

تلفونه رن مسكه بأمل انه تكون هيا.. بس طلع سيف

فهد باسي : الو ياسيف

سيف بمشاكسه : ايه يامعلم الصنارة شبكت

فهد بحزن : حياة سابت البيت

سيف : اييه انت بتهزر صح... سابته ليه وراحت فين

فهد : امي اتعارك مع عمتي وجالتلها كلام عفش وعمتي اخدت حياة ورجعو القاهرة

سيف : تصدق وتؤمن بالله هتصدق ان شاء الله... انت عيل نحس ياض يافهد ايه ياعم المشاكل دي كلها

فهد : سيف انا مش ناقص رخامتك

سيف : طب هتعمل ايه

فهد : مش عارف

سيف : انا عندي فكرة

فهد : قول اخلص

سيف : بس هتنفذلي اللي انا عايزه

فهد : اخلص ياحيوان

سيف : هعتبرها موافقة... بص انا حفلة التكريم بتاعتي بكرة وانا همشي النهاردة بالليل تعالي معايا وروحلها واهو بالمرة تحضر الحفلة

فهد : طب وايه الفكرة في كده ماانا اصلا كنت هروحلها

سيف : مليش دعوة انا قولت فكرة وعايز تنفذلي طلبي

فهد : طلب ايه

سيف بترجي : تجيب ياسمين معاك الحفلة والنبي

فهد : لا ابوي مش هيوافق انتو لسه مش اتخطبتو

سيف : هاجي دلوقتي واجيب المأذون واتجوزها

فهد : انت عندك خال اهبل يلااا

سيف : اتلم

فهد : ماهو بالعقل كدا هتيجي تقول لابويا ايه تعالي اقعد عشان اكتب كتابي على بنتك

سيف : سيب ابوك عليا وملكش دعوة انت

فهد : وياسمين فكرك انها هتوافق ومش عايزة فرح زي باقي البنات ولا ايه

سيف : هنبقا نعمل الفرح بعدين... وبعدين ياسمين هتوافق اصلا انا مترفضش

فهد : انا مليش دعوة اللي اعرفه اني هسافر لحياة وبكرة بالكتير هكون في القاهرة

سيف : اشطا اجهز وانا جاي اكتب كتابي دلوقتي

فهد قفل في وشه : عبيط

بص لصورتها : جايلك ياحياتي... وباس الصورة 

الباب خبط : ادخل

جميلة شايلة الصينية وبدموع : مش هتاكل ياولدي

فهد : مش جعان

جميلة حطت الصينية : انت تعبان ولازم تاكل عشان دوام يافهد عشان خاطري ياولدي

فهد : هيا زوايا ياما وانتي حرمتيني منها ليه ياما عملتي كدا مش كفاية اللي انا عملته فيها.... انتي ظلمتيهم ياما ظلمتيهم كتير

فهد قام دخل الحمام وساب جميلة اللي بتعيط

طلعت من الأوضة ونزلت تحت

.... في اوضة هايدي.....

هايدي : ألوو... كيفك ياود عمي

حسام : ايه لحقت اوحشك

هايدي بتوتر : هااه لااه اني كنت بطمن عليك بس...بحزن : مشيت ليه وهملتني لحالي

حسام : كان لازم امشي انا مرضاش ان امي تتهان ياهايدي بس متخافيش هاجي اخدك في أقرب فرصة صدقيني

هايدي : مستنياك ياود عمي

حسام بمشاكسة : طب ايه مفيش حاجة حلوة

هايدي : زي ايه

حسام : يعني كلمة حلوة اي حاجة بقى ياست نشفتي ريقي

هايدي بكسوف : بحبك

حسام : يالهوي يانااااس اخيرا قولتيها.. يوم مآ تقوليها تقوليها وانا بعيد عنك وفي التلفون

هايدي : اني هجفل سلاام

حسام : سلام ياقمر بحبك.... وقفل

هايدي اتنهدت بحب : اتوحشتك جوي ياحسام

__بقلمي سلمي الالفي

.....  في اوضة سالم......

جميلة : سالم عشان خاطري رد عليي متعملش فيا أكده

سالم بجمود : امشي ياجميلة اني عايز انام

جميلة بدموع : طب كلك لقمة عشان خاطري.... اني عارفة غلطي ومعترفة بيه 

سالم : غلطك كبير جوي ياجميلة انتي عارفة اللي طردتها دي مين دي تبجي اختي من لحمي ودمي انتي صغرتيني جدامها لو روحت اجيبها عمرها ماتجبل ترجع معاي.... هيا زنبها ايه هيا وبتها ابنك هو اللي غلط هو اللي ضرب بتها وجرحها وانتي عملتي ايه روحتي سمعتهم كلام زي السم... زهرة اختي عمرها ماجيت ورا الفلوس ياجميلة لو كانت أكده مكانتش اتخلت عن نصيبها لي اني ومحمود مع اننا اترجاها تاخد ورثها بس هيا قالت لاااه مش هتعرف اتصرف فيه قالتلنا الفلوس مش كل حاجة اني كل اللي طلبااه منكم انكو تبجو سندي ولما احتاجك الجاكو جنبي.... جت مرتي وصغرتني جدامها وطردت خيتي من ألبيت.... اطلعي برا ياجميلة اني عايز انام

جميلة طلعت برة الأوضة وفضلت تعيط : يارب اني والله عملت أكده عشان خايفة ع ولدي سامحني يارب وخليهم يسامحوني

عدي عدة ساعات والبيت جوه هادي مفيش اي بهجة

واحد من الحرس : سالم بيه... سيف بيه جه برا وعايزك ومعاه سعد الرفاعي

سالم بجدية : خشي جوه ياحرمة منك ليها...... خليهم يدخلو

سيف وسعد وصبحة والمأذون دخلو

سالم : ياهلا البيت نور

سيف : منور بناسه ياعمي

سالم : اتفضلو اجعدو

قعدو وسعد وسالم متجنبين النظر لبعض

فهد وهشام ومحمود جم وانضمو للقعدة

سيف : بصراحة ياعم سالم اني جاي اكتب كتابي على ياسمين النهاردة

سالم باستغراب : بسرعة أكده دا انت حتى مخدتش رائي.

سيف بمزاح : خلاص بجي ياعم سالم مش تحبكها هنكتب الكتاب دلوجت ونعمل الفرح بعدين

سالم بضحك : انت اهبل يالا انت محسسني اني لاقيها جدام باب جامع

سيف : والنبي والنبي والنبي يلاا ياعم سالم اني مسافر بكرة مصر وعايز اخدها معاي

سالم : وتاخذها معاك ليه ولا انت رايح ليه اصلا

سيف : عندي حفلة تكريم وزير الداخلية هيكرمني وعايزها تشوف انجازات جوزها قرة عينها

فهد بسخرية : والله وبجيت ليك انجازات ياود صبحة... لمؤخذة ياخالة

صبحة : وانت خليت فيها لمؤخذة

سيف : هنتكلم كتير عاااد الراجل مستني... ابدأ يامولانا

.

سالم : بس.....

سيف بمقاطعة : قول يامولانا

سالم : استني ياض ناخد رأي العروسة

سيف : موافجة ياعمي.... خلص يامولانا

بعد شوية.....

(بارك الله لكما وبارك عليكما وجمع بينكما في خير)

صبحة زغرطت وياسمين كانت متخبية في المطبخ ومعاها البنات باركو ليها

سالم : تعالي ياياسمين

طلعت وهيا مكسوفة سيف قرب عليها وحضنها

سيف بهمس : بقيتي ليا ياياسمينتي..... بحبك يابت المنياوي

ياسمين بعياط : واني كمان بحبك اخيرا ياسيف

سيف : اخير ياجلب سيف

فهد : اوعا ياض اختي

وخدها حضنها : مبروك يانور عيني

ياسمين : الله يبارك فيك يا خوي

فهد حضن سيف : ياقادر

سيف بفخر : عيب عليك

العيلة كلها باركت ليهم

سالم وقف قدام سعد : مبروك ياود عمي حافظو عليها دي أغلى حاجة ليا

سعد : متخافش ياود عمي هيا زي بتي بالضبط 

سالم : تسلم 

سيف : ياجماعة اني هروح دلوجت واجي بالليل اخد ياسمين وفهد عشان نروح مصر 

جميلة : فهد انت هتروح مصر ياولدي... انت لسه تعبان هتروح ليه

فهد : رايح اجيب مرتي ياما

سيف وأهله مشيو والبنات راحو مع بعض اوضة ياسمين وفضلو يرقصوا ويحتفلو وبعدين كل وحدة راحت اوضتها

....... في القاهرة.......

.... في اوضة حياة......

نايمة على السرير وماسكة صورته اللي ظاهر فيها بكل كبرياء وغرور

حياة بدموع : ياترا عامل ايه دلوقتي وحشتني وحشني غرورك وعصبيتك حتى مفكرتش تيجي ورايا للدرجادي مش فارقة معاك.. نستنى يافهد!!... بس انا مش هقدر انساك

زهرة دخلت : حياة تعالي عملت كوبايتين قهوة تعالي نقعد في البلكونة زي زمان

حياة بابتسامة : حاضر ياماما

حياة طلعت وقعدو مع بعض في البلكونة

زهرة : الجو جميل

حياة : اوي اوي

زهرة : حابة تتكلمي في حاجة

حياة اتنهدت : ليه ياماما مكتوب علينا الفراق والعذاب طول عمرنا ليه منعش حياة سعيدة من غير مشاكل ليه دايما اللي بيحبوا هما اللي بيجرحونا

زهرة : بصي ياحياة ربنا بيدينا مشاكل عشان يختبر صبرنا وقوة تحملنا ربنا مش هيعطي اي حد فوق طاقته.. الفراق دا سنة الحياة اننا نبعد محدش بيبقا غير الصادق اللي بيحب بجد ومهما طالت المشاكل والابتلاءات ربنا في نهاية الطريق هيعوضك بحاجة عمرك ماحلمتي بيها.... المشاكل اللي في حياتنا دي زي البهارات حياتنا بتبقي مملة من غيرها هتكون كل الايام زي بعضها مفيش انسان ف الدنيا عايش من غير مشاكل ياحببتي... احنا بقا دورنا ايه اننا نتعب ونعمل اللي نقدر عليه بقلب صافي ونستني عوض ربنا

حياة : فعلا يازهرة معاكي حق كل كلامك صح بجد شكرا كلامك ريحني.

زهرة : انتي هبلة يابت بتقولي لي انا شكرا انا امك ياهبلة.... وبعدين بصي لنص الكوباية المليان اكيد حياتك فيها الحلو زي مافيها الوحش

حياة حضنتها : انتي الحلو اللي في حياتي يازوزو

زهرة : وانتي حياتي كلها ياقلب زوزو..... يلا عشان ننام

حياة : تعالي نامي معايا

زهرة بابتسامة : يلاا

دخلو اوضة حياة وزهرة خدتها في حضنها ولعبت في شعرها لحد مانامت وزهرة كمان نامت

___بقلمي سلمي الالفي

....... في الصعيد.......

سيف : ايوا يافهد انا تحت عند البوابة يلا تعالو

فهد : تمام انا جاهز

فهد نزل من ارضاه وكله شوق وحنين انه هشوفها اخيرا

راح لاوضة ياسمين وكانت جاهزة واخدها وطلعو

سالم : خدو بالكو من حالكم

فهد : متخافش يابوي مع السلامة

ركبو العربية وسيف ساق بيهم

.... بعد ساعات وصلو القاهرة

فهد : وصلني على بيتها

سيف : يسطا انت عبيط في حد يروح لحد الفجر... هنروح شقتي اللي هنا وبكرة الصبح تعالالها

فهد : تمام

وصلو شقة سيف ودخلو

سيف : فهد اوضتك اللي هنا زي ماهي روح نام فيها وانا وياسمين هنام في اوضتي

فهد : ليه معاكو سوسن في البيت عايز تنام مع اختي في نفس الأوضة

سيف : دي مراتي يااهبل

فهد : ولو برضو مش هتنامو مع بعض وانا موجود... انت هتنام معايا وهيا هتنام في اوضة لوحدها

سيف : اشوف فيك يوم يابن المنياوي

فهد وهو متجه للاوضة : خمس دقايق والقاك نايم في الاوضة... ودخل

سيف لياسمين : معلش ياحببتي اخوكي رزل بس متخافيش بكرة نبعته لمراته ونرتاح منه

بأس راسها وخدها : تصبحي ع خير ياياسمينتي

فهد : سييييييف

سيف : جاااي اهووو..... سلام لخوكي ياكلني

ياسمين : وانت من اهله

سيف راح عند فهد وياسمين دخلت اوضة سيف ونامت على سريره وغطت في نوم عميق

........ الصبح......

زهرة : ايوا ايوا جاية اهوو

فتحت الباب وتفاجأت بفهد

زهرة بصدمة : فهد

فهد : حياة فين ياعمتي

زهرة : وانت عايز حياة ليه مش مكفيك اللي عملته فيها

فهد بندم : ياعمتي والله انا غلطان وعارف اني اديتها بس انا عايز اشوفها واعتذر منها ارجوكي ناديها

زهرة حست بندمه : هيا نزلت تقعد على النيل شوية وتشم هوا

فهد : ألقاها فين بالظبط

زهرة : قريبة من ألبيت هنا مش هتلاقي غيرها اصلا لأنها بتحب تنزل في الوقت دا لما ميكونش فيه حد

فهد وهو بينزل السلم بسرعة : تمام شكرا ياعمتي... شالله يخليكي

زهرة بضحك : مجنون

........ على شط النيل............

قاعدة سرحانة والهوا بيداعب خديها تقريبا مفيش غيرها هيا وبعض الصيادين بتشم العوا النقي ونسيم الصبح اللي بتعشق ريحته بتبص ع الأمواج وافكارها تدور في عقلها

_وحشتيني 

..... يتبع........

#الحلقة_20

_ وحشتيني

عرفت صاحب الصوت وقلبها دق جامد والابتسامة اترسمت على وشها بس اختها ببراعة... التفت ليه وهيا بتمثل الجمود بس من جواها نفسها ترتمي في حضنه

حياة بجمود : جااي ليه

فهد بحب : وحشتيني ياحياتي... كدا هونت عليكي تمشي وتسبيني وانا تعبانة

حياة بدموع : زي ما انا هونت عليك تضربني وتسمعني كلام يكسرني زي ماامي هانت عليكو تجرحوها وتشككو في نواياها.... امشي يافهد لو سمحت امشي كفاية اوي لحد كدا

فهد من غير اي سابق إنذار شدها لحضنه جامد لدرجة انها حست ان ضلوعها هتنكسر

فهد : انا اسف اسف ياحببتي عارف اني اذيتك كتير سامحيني ياحياة ارجوكي ومتبعديش عني فهد من غيرك يموت ياحياة

حست بدموعه اللي نزلت على كتفها وهيا كمان عيطت

طلعت من حضنه وبصت في عيونه وعيونها كلها لوم وعتاب

حياة بعياط : كدا يافهد كدا تقول عليا خدامة انا خدامة وجارية عندك... انا رخيصة يافهد

فهد بدموع وندم : قطع لسان اللي يقول عليكي رخيصة اسف ياحببتي اسف والله انتي أغلى مافي الدنيا انتي ملكة عمرك ماكنتي خدامة اسف

حياة بعياط : انت ضربتني

فهد : حقك عليا اسف

حياة : وجرحتني بكلامك

فهد : اسف سامحيني

حياة : وإهانة امي

فهد : امك فوق راسي حقكو عليا انا... سامحيني بقا

حياة سكتت وشبكت ايديها قدام صدرها وميلت وشها لجهه تانية وضمت شفايفها

فهد خبطها بخفة في كتفها وغمز : خلاص بقا

حياة مردتش وفهد وقف قدامها

فهد : سامحيني بقا

حياة بصتله بطرف عين : مش هتضربني تاني

فهد : تقطع ايدي قبل ماافكر امدها عليكي تاني

حياة : ومش هتزعلي ابدا

فهد : ابدا ابدا

حياة : ومش هتتكبر عليا تاني

فهد : لا في دي موعدكيش

حياة بغيظ : اوعا يافهد انت اصلا عمرك ماتتغير

كانت ماشيه وهو مسك اي اها ولفها ليه بحركة سريعة وحاوط خصرها

فهد : مستحيل اتكبر عليكي انتي مراتي وحبيبتي وحياتي مقدرش اتكبر عليكي غروري كله بيروح اول مابشوف نظرة من عنيكي

حياة بابتسامة : ماشي

فهد بابتسامة مماثلة : يعني سامحيني

حياة بطفولة : اممم افكر

فهد باس خدها : طب وكدا

حياة ضربته بخفة في صدره : فهد عيب كدا احنا في الشارع

فهد اتألم من ضربتها لأنها جت على الجرح وطلع صوت تأوه بسيط

حياة خافت والدموع اتجمعت في عيونها : انا انا اسفة والله مكنش قصدي

وحطت ايدها على الجرح : وجعتك

فهد حط ايده فوق ايدها : الوجع راح لما لمستيها

حياة اتكسفت وبعدت عنه وبصت للارض بخجل

فهد بحب : بعشقك

حياة بصتله بكسوف وابتسامة

فهد بغمزة : طب ايه

حياة : ايه

فهد : مش هتقوليلي حاجة

حياة : ايوا عايزة اقولك اننا لو فضلنا كدا هنتمسك في وضع مخل

فهد قربها ليه : طب والله لو ماقولتيها لاعمل حاجات هموت واعملها وهنا في الشارع كمان

حياة بغباء : هتعمل ايه

فهد باسها من شفايفها بسرعة : هعمل كدا

حياة اتكسفت جدا وخدودها بقت زي الفراولة : ان.. انت قليل الادب

فهد بضحك : الله مش انتي اللي عايزة تعرفي... يلا بقا قوليها والا انتي عارفة هعمل ايه 

حياة بسرعة وخجل : خلاص خلاص.... احم.. بحبك

فهد اتنهد بسعادة وشالها ولف بيها : اااه اخيرا ياناااس بموووت فيكي يااحلى حاجة في حياتي

حياة بكسوف : فهد نزلني الناس بتتفرج علينا

فهد نزلها : ميهمنيش حد وهثبتلك دلوقتي

فهد راح للصيادين وهو ماسك ايديها بفرحة : يامعلم انا بحب البنت دي مش بحبها بس بعشقها

الصيادين ضحكو وحياة اتكسفت اووي بس قلبها طاير من الفرحة

واحد الصيادين : ربنا يخليكو لبعض يابني

فهد خذها وكان فيه ست كبيرة معدية : ياحجة انا بحب البنت دي اووي

الست ضحكت : ربنا يباركلك فيها يابني هيا فعلا قمر وتتحب

فهد بابتسامة : تسلمي

حياة بكسوف : فهد كفاية والنبي انا هموووت من الكسوف

فهد : صدقتي اني بحبك ياست

حياة : وانا كمان يمووت فيك ربنا يخليك ليا

فهد بفرحة : ويباركلي فيكي ياحياتي

حياة بابتسامة : طب يلا عشان اروح

فهد : لا تروحي ايه دا احنا يومنا طويل مش هنروح دلوقتي خالص

حياة : ليه رايحين فين

__بقلمي سلمي الالفي

..... في شقة سيف.... 

سيف دخل الاوضة اللي ياسمين نايمة فيها وفتح الباب بهدؤ ودخل كانت لسه نايمة قعد جنبها ع السرير وفضل يتأمل في ملامحها ويلمس بأنامله بشرتها الناعمة ويمسح على شعرها اللي زي الحرير

ياسمين اتململت في السرير بضيق وفتحت عيونها بالراحة

اول ماشفت سيف اتخضت وفتحت عيونها على آخرهم

ياسمين بتوتر وخوف : سس.. سيف ايه اللي جابك اهنيه وكيف دخلت اوضتي اصلا ابوي لو شافك هيطخك عيارين يجيب أجلك

سيف ضحك بكل صوته : ههههه مش قادر هههه انتي مسخرة

ياسمين بخوف : وطي صوتك لحد يسمعك وياخو يجتلوك جوم ياود عمي امشي احسن مايجرالك حاجة

سيف بضحك : ههههه يخربيتك ههه انا جوزك يامجنونة ههه

ياسمين : جوزي جوزي كيف يعني... وبسرعة افتكرت امبارح وبصت الأوضة اللي هيا فيها

اتنهدت براحة وبصت لسيف بغيظ ومسك المخدة وضربته بيها : بتضحك عليا ياود الرفاعي

فضلت تضرب فيه وسيف مسك مخدة تانية وضربها

قعدو يضربوا في بعض وقت مش قليل لحد ماتعبوا وناموا علي السرير بارهاق

سيف : اااه والله عاملين زي الأطفال

ياسمين : هههه عندك حق والله

سيف : ايتا ايتا ايتا... ماانتي بتتكلمي كويس اهووو

ياسمين بشراسه : وانا كنت بتكلم عوج ولا ايه

سيف : لاانا بس مستغرب انك بتعرفي تتكلمي باللهجة دي

ياسمين : عادي كنت بتكلم مع حياة كتير واتعلمت بس ايه رايك انهو واحدة احلى

سيف قرب عليها : انتي حلوة في كل حالاتك

ياسمين : طط.. طب ابعد

سيف : تؤ تؤ مش عايز

ياسمين : فهد لو شافك هيقتلك 

سيف : فهد تلاقيه راح لمراته وتلاقيه دلوقتي بيعمل معاها كدا واكتر كمان... وبعدين انتي مراتي

ياسمين بتوتر : سييف...

الكلمات وقفت في حلقها بسبب قربه الشديد منها باسها من خدها وبعدين قرب على شفايفها وباسها برقة وهيا كانت مستسلمه ليه تماما..... بعد فترة بعد عنها لما حس بحاجتها للهوا

ياسمين خدودها اتوردت وقامت من جنبه : ان.. انت قليل الادب.... وزقته وطلعت تجري

سيف : هو انتى لسه شوفتي قلة أدب... وجرى وراها

ياسمين دخلت الحمام بسرعة

ياسمين من جوه : وريني بقا هتمسكني ازاي

سيف : عادي مش هتفضلي ف الحمام طول اليوم وانا قاعدلك هنا اهوو

....... في الصعيد.......

هشام : انزلي انتي ياهايدي وآية جاية وراكي

هايدي : ماشي ياخوي

هايدي نزلت ودخلت الجامعة

هشام بص لأية بحب : اني تعبت خلاص ياآية مبجتش جادر اني عايز اتجوز في أسرع وجت

آية : ماانت لو شاطر كنت عملت كيف ماسيف عمل بس اجول ايه نصيبي ولازم ارضى بيه

هشام اتعصب : مش تقارنيني بحد ياآية وانتي عارفة زين اني رايدك وعايز اتجوزك النهاردة جبل بكرة.. وان كان على نصيبك لو مش عاجبك يبجا نفضها سيرة يابت الناس

آية الدموع اتجمعت في عيونها : انت بتجول أكده ليه ياهشام انت لحجت تزهج مني للدرجادي مش مستحمليني.... كملت بجمود : شكلك انت اللي عايز تفضها سيرة ياهشام واني مش هجبرك على حاجة واصل

نزلت من العربية والدموع في خدها مسحتهم بسرعة ودخلت الجامعة

هشام اتعصب من نفسه وضرب مقود العربية بغضب : ااه.... غبي.... غبي

شغل العربية ومشي

...... في القصر......

فرحة : كيفك ياسعدية اتوحشتك ياخيتي 

سعدية : زينة ياختي الحمد لله انتي عاملة ايه ومحمد ولدك ومرته عاملين ايه

فرحة : اه اجولك ايه ياخيتي والله اني البت دي مش نافعين مع بعض واصل

جميلة جت : وه واني اجول البيت منور ليه اتاري الست فرحة عندنا

فرحة حضنتها : كيفك ياجميلة عاملة ايه

جميلة : زينة الحمد لله ياخيتي وانتي اخبارك ايه

فرحة : الحمد لله في نعمة

جميلة : يدوم الحمد ياخيتي

قعدو مع بعض التلاتة

سعدية : جوليلي بجي ياخيتي بتشكي من مرت ابنك ليه

فرحة : البت مطلعة عيني ياسعدية وواخد ابني مني ولا بتعرف تعمل حاجة واصل

جميلة : ليه بس أكده ياخيتي دا حتي البت في مجام بتك

فرحة : لااه دي مش تنفع لولدي واصل ياما جولتله بلاش دي

بس هو اللي مش سمع كلامي

سعدية : الجلب ومايريد بجي ياخيتي

جميلة : ياخيتي مرات ولدك دي زي بتك يعني بتك لما يجي عدلها وتتجوز انتي مش عايزة حماتها تعاملها زين

فرحة : اكيد ياخيتي

جميلة : طيب واللي جوزوا بتهم لابنك كمان عايزينك تعمليها زي وكيف بتك بالضبط يعني انتي حبيها كيف بتك عشان لما تتجوزي بتك تلاجي اللي تحبها.... البنات كلاتهم في الاول مش بيبجو عارفين حاجة بس مع الوجت بيتعلموا.. هما لسه عرسان جداد ومن حجها تجعد مع جوزها مش تجصد تاخده منك... والله ياختي كل حاجة بتاجي باللين

سعدية : جميلة معاها حج ياخيتي وبعدين البنيه زينة واني مش شوفت منها حاجة عفشة

فرحة : معاكو حج اني اتسرعت في حكمي عليها

سعدية : تعالي بجا مجعد شوية في الاوضة عشان الرجالة تلجاهم على وصول... تعالي معانا ياجميلة

جميلة : لااه اني هشوف الاكل روحوا انتو

سعدية وفرحة دخلو اوضة سعدية وجميلة اتنهدت وبصت للاشئ... فاقت على صوت من وراها

__ اتأمرون الناس بالبر وتنسون أنفسكم

جميلة التفت : تجصد ايه ياخوي

سالم : يعني بتنصحي الناس بحاجة وانتي مش بتعملي بيها بتجولي لفرحة كيف تعامل مرت ابنها وانتي مقاطعة مرت ابنك

جميلة : اني مش قاطعتها اني بس كنت عتبانه عليها هيا وامها

سالم : ايه اللي غيرك ياجميلة مش انتي جميلة اللي اعرفها وحبيتها جميلة اللي حبيتها كان جلبها مفيش أطيب منه وكانت بتحب الكل وبتشيل عيلتي على رأسها عشان تكبرني جدامهم اللي جدامي دي وحدة أنانية

جميلة بدموع : والله مقصد اكون أكده عمري ماقصدت اصغرك جدام حد ياسالم اني حولت أكده من خوفي على فهد

سالم : وزهرة مش جالت أكده لما بتها تعبت ليه وولدك هو اللي كان السبب لكن حياة مش كانت السبب في اللي حصل لولدك.... فهد غلط وكان بيتحمل نتيجة غلطه غلط لما مد يده عليها وضربها

جميلة : اني اسفة ياود عمي سامحني

سالم بعتاب : أكده ياجميلة تفكري في خيتي بالطريقة دي بجي خيتي بتبيع بتها عشان الفلوس... زهرة طول عمرها بتعتبرك كيف اختها وانتي اذيتيها ياجميلة

جميلة بعياط : اني عرفت غلطتي وندمانة وهعتزر منيها اني والله بحبها بس جولت أكده في ساعة غضب سامحني ياسالم اني مبجتش جادرة اتحمل طريجتك دي ياخوي

سالم حضنها : مسامحك ياجميلة مجدرش ازعل منك اني كنت واخد على خاطري منك بس عشان زعلتي زهرة

جميلة : هعتذر منيها والله ياسالم بس هيا ترجع هيا وحياة

سالم : فهد راح يجيبهم وهيرجعو ان شاءالله

........ في القاهرة......

..... في شقة سيف........

ياسمين فتحت باب الحمام وطلعت راسها بس : اووف شكله مشي الحمد لله انا اصلا مخدش معايا لبس

طلعت وهيا لافة فوطة على جسمها وبتبص يمين وشمال ودخلت الأوضة بسرعة وقفلت الباب

سندت على الباب واتنهدت براحة وهيا مغمضة عيونها : عديت الحمد لله مشافنيش

__ كويس انك عديتي

سمعت الصوت وفتحت عيونها بصدمة كان سيف قاعد على السرير وحاطط رجل على رجل

ياسمين بصراخ : اعاااااااااا

سيف جري عليها وحط ايده على بقها : شششش يخربيتك اسكتي هتفضحينا

سيف شال ايده من على بقها

ياسمين بتوتر : ان.. انت بتعمل ايه هنا اطلع برا

سيف بوقاحة : لا... هاخد حقي الاول

ياسمين : حق ايه

سيف : انتي زقتيني وقولتيلي ياقليل الادب انا بقا عايز أو يكي قلة الأدب بعينها

ياسمين : لا... والنبي اطلع

سيف : ليه دا حتي انتي قمر كدا

ياسمين بتوتر وكسوف : سس.. سيف ابعد

سيف : لا... وقرب عليها وباس رقبتها ومسك كتفها بحنية وباسها من خدها وبعدين قرب على شفايفها وهيا كانت زي المتنومة مغناطيسي.....بعد عنها اخير لما حس انها بحاجة للهوا.

ياسمين خدودها اتوردت وسيف لاحظ دا محبش يكسفها اكتر

سيف فتح الباب : في فستان في الدولاب البسيطه عشان الحفلة كمان ساعتين

ياسمين هزت براسها بكسوف وقفلت الباب واتنهدت براحة

__بقلمي سلمي الالفي

........قدام برج القاهرة.....

حياة : يسطا هيا دي الأماكن الجامدة.... انت واخذني في رحلة مدرسية

فهد بسخرية : ايه مش عاجبك ياختي دا حتي مكان رومانسي

حياة : دا مكان رومانسي برج القاهرة مكان رومانسي دا بتاع العيال السيكي ميكي

فهد : ايه العيال السيكي ميكي دول

حياة : يعني العيل من دول بيبقا شاقطله وحدة من جامعة الدول ويجيبها يعاكس فيها هنا

فهد مسكها من قفاها : وانتي ايه اللي عرفك الحجات دي

حياة : هاااه

فهد بحدة : ايه اللي عرفك الحجات دي

حياة : والله ياباشا ماانا دول هما

فهد : هما مين

حياة : العيال صحابي لما كنا بمخرج مع بعض ساعات بنيجي هنا ونشوف العيال دول فبسأل صحابي ويقولولي.... وبعدين اوعااا كدا انت مسكني زي الفار المبلول كدا ليه

فهد : انا حر

حياة فكت نفسها منه وشبكت ايديها عند صدرها : لا مش حر وبعدين شوفلي مكان توديني فيه

فهد : اهوو دا اللي عندي اعملك ايه يعني

حياة : خلاص تعالي وانا افسحك على زوقي

فهد : خلصانة هاجي معاكي

حياة بثقة : متخفش هيعجبك

...... بعد نص ساعة.......

فهد : الملاهي هوا دا المكان اللي هيعجبني

حياة : طبعا دا الملاهي دي مصدر البهجة بص الناس بتصرخ من الفرحة ازاي

فهد : والله حاسس اني ماشي مع بنت اختي

حياة مسكت ايده بطفولة : طب يلا ياخالو

......... في الصعيد.....

عدي ساعتين والبنات طلعو من الجامعة وروحوا

وصلو البيت وكان هشام واقف في الجنينة وجنبه بنت كانت بتحاول تقرب منه

هايدي بهدؤ : آية اهدي ياخيتي ومش تعملي حاجة

آية مردتش عليها وجريت عليهم ومسكت البنت من حجابها

آية : بجي بتدلعي عليه ياجليلة الرباية يامعفنة

رانيا : ااه اهه بعدي عني بعدي

هشام بعدها بصعوبة وهايدي مسكت رانيا

رانيا : انتي كيف تمسكيني أكده

آية ببرود ومسكت ايد هشام : والله يارانيا انتي اللي مديتي يدك على حاجة متخصكيش من الاول

رانيا : كيف يعني هو هشام يخصك في ايه ده ود خالتي واني حرة اعمل معاه اللي اني رايداه

آية : ود خالتك ويبجي خطيبي وكتب كتابنا بكرة يابت الناس

رانيا : كيف هشام هيا بتكدب صوح؟

هشام كان مبسوط من ردة فعل ايه رفع كتفه باستلام ومسك ايدها جامد : لااه اللي آية جالته صوح

رانيا بغيظ : اني هدخل انادي امي عشان نروح

اية ببرود : ماانت جاعدة يارانيا

رانيا : لااا ملناش جعاد اهنيه

رانيا دخلت

هايدي لأية : جادرة...... ودخلت

اية سابت ايد هشام بعصبية وبصتله بشر وهشام اتوتر

هشام : فيه ايه والله ماعملت حاجة

آية : وكيف تسيبها تجرب منك أكده

هشام بحب ونزل لمستواها : غيرانة عليا

آية بتوتر : لااه اني مش بغير واغير من مين اصلا دي شبه السحلية

هشام بتمثيل الجد : لو سمحتي مش تغلطي ف بت خالتي

اية الدموع اتجمعت في عيونها : ايه اللي غيرك ياهشام مبجتش طايقني ياود عمي؟!.... لحجت تكرهني

هشام مسح دموعها : مين جال أكده ياروح جلبي حد يزهج من روحه.. اني بس بحب اشوف غيرتك عليا

آية بعياط : والصبح لما زعجتلي

هشام : الصبح كنت متعصب عشان جالس شغل في مصر ومش عايز اروح واهملك لحالك  اني مستحيل اكرهك ياآية جلبي

خدها في حضنه : هفضل احبك لحد اخر نفس فيا

.

سالم شافهم وزعق : بتعمل ايييه ياض انت وهيا

هشام بتوتر : ععع... عمي

........... في القاهرة وتحديدا في الملاهي....

خلصوا لعب وركبوا كل الألعاب واتبسطوا

حياة بطفولة : فهد فهد فهد

فهد : والمصحف عارفه وحافظه كمان

حياة : هو ايه دا

فهد : اسمي

حياة : نينينينينيني.... المهم عايزة غزل بنات

فهد : طيب يلا هجبلك وكليه في العربية عشان حفلة تكريم سيف بعد شوية ولازم نحضر

حياة : اشطااا بس هنحضر بهدومنا دي احنا بنلف من الصبح وشكلنا اتبهدل

فهد : خلاص نعدي على اي مول ونشتري لبس ونلبس في البروفة

حياة بضحك : ماشي 

فهد جاب غزل البنات وركبوا العربية واتجهوا للمول

....... في شقة سيف.........

طلعت من الأوضة بفستانها الرقيق كانت زي الحوريات

سيف كان مستنيه قدام الأوضة ببدلته السودا الأنيقة

اول ماشافها انبهر بجمالها المعتاد وصفر

سيف : ايه القمر دا لا أنا كدا اغير رأئي ومروحش الحفلة

ياسمين : بجد حلو

سيف : حلو عشان انتي اللي لبسااه ياروح قلبي

ياسمين بكسوف : شكرا

سيف مد ايده : يلا

ياسمين مسكته : يلااا

ونزلوا ركبوا العربية واتجهوا لمكان الحفلة

......... في شقة زهرة.......

حسام : يعني مش حرام عليكي ترجعينا القاهرة وجوز بنتك جه وراها وانا قاعد لوحدي وحببتي لسه هناك

محمود : حد قالك مش تجيبها معاك

حسام : يعني عايزهم يطخوني عيارين يجيبو اجلي

زهرة : يبقى احسن عشان نرتاح من زنك

محمود : صح والله يازهرة معاكي حق

حسام : انتو لايمكن تكونو اهلي قولولي لاقيني فين وانا هدور على اهلي

زهرة : قدام الجامع اليهودي

حسام : خلصانة هروح ادور عليهم بكرة جام اوي عشان انا جعان دلوقتي

زهرة : ومين قالك اني عملت اكل

محمود : زهرة انتي بتهزري صح

زهرة : لا والله مابه ر انا معملتش اكل فعلا فهد كلمني وقالي انهم هيقضوا اليوم برا وانا كسلت اعمل اكل لنفسي

حسام : قوم ياحج خلينا نروح ناكل في بيتنا احسن

محمود : لا ماهو انا كمان معملتش اكل

حسام : نااااعم اومال كنا هناكل ايه

محمود : ماانا جبتك وجينا عند زهرة على اساس تعزم علينا فهنوافق وناكل هنا

حسام : صلاة النبي احسن

زهرة : خلاص هطلب دلفري

حسام : اشطا

فون حسام رن : احم اعزروني ياجماعة مكالمة مهمة

زهرة بخبث : اممم ابقا سلملي ع ست المهمة

محمود بمكر : والله وبقا يجيلك مكالمات مهمة ياحسام

حسام : مش هرد عليكو نووو كومنت

وطلع البلكونة وحسابهم مع بعض

....... ف الحفلة.........

سيف و ياسمين وصلو كان ماسك ايد ياسمين كأنه بيثبت للعالم كله ملكيته ليها.... وكانت الصحافة هناك وكل الانظار على سيف

سيف : شوفتي انتي زوجة راجل مهم ازاي

ياسمين بضحك : مهم اووي

الصحافة بدأوا يصورو سيف ويسالوه وهو بيحاول يظهر ملكيته ليها في كل الصور واللقاءات

بعد شوية فهد وحياة وصلو كانت حياة لابسه فستان اسود رقيق وجميل من زوق فهد  وفهد كمان بدلة سودا وجزمة سودا وحياة هيا اللي مختارها

دخل وهو ماسك ايدها باحكام وعيونه مليانه غرور وراسه لفوق بفخر لايليق الا به 

الحافة راحت لعنده وصوره لانه معروف فهد المنياوي رجل أعمال مشهور وكان بيرد على كل الأسئلة بكل ثقة وغرور واعلن عن جوازه من حياة قدام الصحافة

سيف : ازيك ياحياة

فهد بصله نظرة حارقة

سيف ببرود : متقدرش تعمل حاجة لان كل اللي هنا جايين عشاني النهاردة

فهد : هو انا مش هعمل دلوقتي فعلا بس عشان شكلك لما تطلع تتكرم بس حسابك بعدين

حياة حضنت ياسمين : وحشتيني

ياسمين : انتي اكتر

سيف : فهد تعالي اعرفك على واحد مهم وكان عايز يقابلك من زمان

فهد : تمام..... خليكو هنا متتحركوش غير لما نرجع

حياة وياسمين : تمام

.... على طاولة تانية....

سيف : فهد دا مستر فاروق

فاروق مد ايده سلم : اخبارك يافهد بيه انا بصراحة من اشد المعجبين بشغلك وكان نفسي نشتغل مع بعض من زمان

فهد بفخر : اكيد طبعا ليا الشرف اني اشتغل معاك

فاروق بسعادة : والله الشرف ليا انا وان شاء الله يكون فيه صفقات كتير بينا

بدأو يتكلمو عن الشغل وياسمين وحياة واقفين بعيد بيتكلمو

... في مكان بعيد عن الانظار..

مجهول : تمام ابدأو التنفيذ

لحظات وبدأ ضرب النار وصوت الصياح على في المكان والاقدام اللي بتجري والحفلة كلها انقلبت رأسا على عقب

........... يتبع...........

#الحلقة_21

هشام بتوتر : عع... عمي

سالم بعصبية : ايوا عمك اللي انت داير تتسرمح مع بته وتحضنها اكده جدام الناس

آية بتوتر : يابوي والله انت فاهم غلط هشام كان

سالم : اكتمي مش عايز اسمع حسك.. وانت يااستاذ مش خايف لحد يشوفك وانت بتحب فيها في الشارع أكده

هشام : ياعمي افهمني هيا كانت بتعيط و....

سالم : وخدتها في حضنك تهديها صح

هشام : بالضبط أكده

سالم : يابجاحتك يااخي وكمان بتجولها في وشي... اني هغسل عاري بأيدي

هشام : ايوا ياعمي انت صح اغسل عارك بايدك واكتب كتابنا النهاردة بجي

سالم باستغراب : انت بتجول ايه ياض

هشام : ياعمي اني خلاص استويت ولو فضلنا اكتر من أكده يبجي هنتطلج مش نتجوز

سالم : لااا دا انت مخك طار على الآخر

هشام بسعادة : يبقى على بركة الله هروح اجيب المأذون

سالم : استني يالاا واد ياهشام يامخبل

بص لأية المبتسمة بسعادة وقرب منها : بجي بتحضنيه عيني عينك أكده في الشارع

آية وهيا بتجري : اني مالي ياحج هو اللي حضني

سالم بضحك : أطفال والله أطفال

___بقلمي سلمي الالفي

...... في الحفلة...... 

لحظات وبدأ ضرب النار وصوت الصياح على في المكان والاقدام اللي بتجري والحفلة كلها انقلبت رأسا على عقب

ضرب النار زاد وعناصر الشرطة اتدخلت والناس بتجري ومفزوعة 

فهد وسيف قامو من مكانهم بخطة فهد لمح حياة واقف ومش عارفة تتحرك في وسط الرصاصات دي كلها جري عليها وخدها في حضنه وشدها لمكان بعيد شوية عشان يتفادو الضرب

فهد بقلق : انتي كويسة حصلك حاجة

حياة بخوف : ايوا ايو ك.. كويسة.... ياسمين... ياسمين فين!

فهد بص عليها في كل مكان ومش لقيها

سيف النظاره بتتحرك في كل الاتجاهات وفي كل ركن ومش شايفها الرعب اتسلل لقلبه

سيف بصراخ : ياسمييين... ياسمين انتي فين.... مراتي فين

فهد لحياة : خليكي هنا هشوف ياسمين وجاي متتحركيش من مكانك

حياة : لا أنا هاجي معاك

فهد بحدة : تيجي معايا فين انتي مش شايفة الوضع ازاي

حياة بدموع : انا خايفة عليك

فهد مسك وشها بحنان : متخافيش انا كويس هجيب ياسمين واجي

سيف بزعيق : يااااسمين انتي فين ياسمين

__ مراتك معايا ياسيادة المقدم

التفت سيف لمصدر الصوت اول ماشاف المنظر فتح عيونه بصدمة

كان(عصام) مساعد درغام والايد اليمين ليه قدر يهرب أثناء القبض على عصابتهم

كان ماسك ياسمين باحكام ومسبت المسدس على رأسها وأيده ع الرزاز

اضوات ضرب النار هديت وفهد طلع واتفاجأ من اللي شافه

حياة لما حست ان ضرب النار بطل طلعت كمان من مخبأها وشافت ياسمين وهيا مكبلة والمسدس مصوب على رأسها شهقت بفزع ومسكت في فهد بخوف 

عصام بشر : اخبارك ياسيادة المقدم

سيف بغضب : اه ياعصام الكلب وحياة امي لاوريك

عصام ببرود : تؤ تؤ تؤ اهدي كدا ياسيادة المقدم دا حتي النهاردة حفلة تكريمك... وبعدين لو مش خايف عليا خاف على مراتك الحلوة

ياسمين ببكاء : سس... سيف انا خايفة

سيف بحنية : متخافيش ياحببتي مش هسمحله يأذيكي وجه نظره لعصام بكره : اقسم بربي ياعصام لو لمست شعرة وحدة منها لأخليك تتمنى الموت

عصام بسخرية : لا تصدق خوفت.... انقلبت ملامحه للجد : اسمع يالاا ياتسلمنا ضرغام من سكات وتاخد مراتك ياإما تتشاهد على روح حبيبة القلب

سيف طلع سلاحه بسرعه ووجه في وش عصام : اتشاهد انت 

على روحك

عناصر الشرطة رفعوا السلاح في وش رجالة عصام 

عصام : نزل سلاحك وخلي رجالتك ينزلو سلاحهم والا قسما بالله افجر نفوخها قدامك وانت عارف اني اقدر اعملها... وحط صبعه على الرزاز

سيف بهدؤ : كله ينزل سلاحه

عصام : شطور نزل انت كمان سلاحك عشان الحلوة دي متموتش خسارة قمر زي دا يموت

فهد كان متخبي ورا عصام وسيف لمحه فهد بصله بهدؤ

سيف فهم نظراته وبص لرجالته وهما فهموا ان دي إشارة

عصام بعصبية : نزل سلاحك

سيف وطي على الأرض وحط سلاحه بكل هدؤ

..... في الصعيد....

هشام دخل البيت ومعاه المأذون

هشام بصياح : عم سالم.... ياعم سالم

سالم طلع من اوضتها بزهق : عايز ايه يامخبل انت

هشام بابتسامة عريضة : يلااا

سالم : يلاا فين

هشام : يلا اجعد ياعمي عشان نكتب الكتاب

سالم : كتاب مين ياض

هشام : هيكون كتابي اني وانت...نكتب كتابي اني وبتك ياعمي

سالم بدون وعي : اني مفاهمش حاجة

هشام شده من ايده وقعده والمأذون قعد : مش ضروري تفهم ابدأ يامولانا

سالم : استني ياشيخنا تبدأ ايه

هشام : صح انت صح مينفعش نبدأ من غير اهلي وأهل العروسة.... يابوي يامااا.... خالة جميلة تعالو

العيلة كلها اتجمعت

محمود : فيه ايه ياهشام بتزعق أكده ليه

هشام : اجعدو يلا عشان اني هكتب كتابي ع ايه دلوجت

سعدية : لولولولويييي ياالف نهار ابيض... طب مش عارف تاجي بدري شوية ياولدي وخالتك وبتها اهنيه

جميلة : باجي ايه وكتب كتاب مين فيه ايه ياسالم

سالم : والله مااعرف فيه ايه الواد ده شكله اتهبل

هشام : ربنا يسامحك ياحمايا..... يلا يامولانا ابدأ

الشيخ : جول ورايا ياحج سالم زوجتك ابنتي

سالم : زوجت مين ياشيخنا

الشيخ : انت ياحج سالم هتجوز نجلتك للأستاذ ده

سالم : اني مش فاهم حاجة

هشام بسرعة : مش ضروري مش ضروري... جول ورا الشيخ وخلاص

اية كانت واقفة سرحانة ومبسوطة ومتفاجأة من اللي بيحصل

هايدي كانت واقفة جنبها بتضحك عليهم وفرحانة لاخوها وتتخيل نفسها هيا وحسام وهما بيتجوزوا

بعد شوية قطع لحظات الصمت جملة المأذون الشهيرة

    (بارك الله لكما وبارك عليكما وجمع بينكما في خير)

هشام قام من مكانه بسرعة واخد اية فى حضنه بفرحة كبيرة

هشام : اخيرا ياآية قلبي.. بجيتي ليا.. بحبك

آية بكسوف : شكرا

هشااام : نااااعم ياروح امك بجي اني عامل ده كلاته عشان تجوليلي شكرا

آية ببراءة : اومال اقولك ايه

هشام غمز لها : قولي حاجة حلوة زي ماانا قولتلك

آية بخجل : احم... واني كمان بحبك

هشام حضنها تاني بسعادة : اااه اخيرا ياناااس

سالم : ياخي طب خلي عندك خشاا واجف تحضنها وتغازلها جدام ابوها وابوك

محمود بحسرة : ياخسارة تربيتي فيك

هايدي بمرح : تربية ايه يابوي ده ماشافش نص ساعة رباية

محمود بضحك : اه والله يابتي عندك حج

كل اللي كانوا موجودين باركو ليهم بسعادة

هشام استاذن عمه واخد اية وخرجوا مع بعض

__بقلمي سلمي الالفي

..... في القاهرة......

...... في بيت زهرة......

حسام : تسلم ايدي الاكل يجنن

زهرة بسخرية : وهو انت اللي عامله يااهبل دا يدوب شلت الأطباق من الكيس حطتهم ع السفرة

حسين : سيبك منه دا اهبل اصلا

حسام فونه رن : سوري ياجماعة مكالمة مهمة

زهرة بسخرية : ايه العشق الممنوع دا انتو مش لسه قافلين مع بعض

حسين : تلقاها هتسالو بتعمل ايه وكلت ولا لسه وبتخوني ولا لا وتنكد عليه

زهرة : لااا دا انت مجرب بقا ياحسين

حسين بتوتر : لااه ابدا يا زهرة ياختي دا المسلسلات

زهرة : ااه المسلسلات

حسام : هاااه خلصتو تحفيل عليا... هقوم اشوفها عايزك ايه

حسام طلع البلكونة ورد علي الفون

حسام : ايه يابنتى احنا مش لسه قافلين مع بعض

هايدي : وه لحجت تزعج مني ولا السنيورة واجعفة جنبك

حسام : ايه ايه حيلك حيلك سنيورة مين

هايدي : اللي انت بتخوني معاها ومش عايز ترد عليا عشانها

حسام بصدمة : يابن العفريت يابابا

حسين من جوه : سمعتك ياحيوان

حسام بحرج : لمؤخذة ياحج

هايدي : بتكلم مين

حسام بهيام : بكلم حببتي

هايدي : حبك برص انت وهيا

حسام : تؤ تؤ متقوليش على نفسك كدا ياديدي

هايدي اتكسفت : احم... اني كنت عايزة اجولك ان هشام وآية اتجوزي اني فرحانة جوي ياحسام

حسام بهيام : يالهوووي على اسمي لما يطلع من بوقك سكر

هايدي بخجل : اختشي ياجدع انت

حسام بضحك : ههههه خلاص خلاص... عقبالنا ياديدي

هايدي : ان شاء الله يلا سلام سلم على عمتي.... وقفلت 

حسام في نفسه : نفسي مرة اقفل انا قبلها كل مرة بتقفل في وشي

...... في الحفلة....

سيف وطي ونزل المسدس بهدؤ وياسمين بتبص عليه بخوف كبير... بدأ يقوم وهو رافع ايده لفوق كعلامة استسلام

عصام : شطووور... ابعت رجالتك بقا يجيبوا الريس داغر لهنا

سيف ببرود : طب ما ايه رايك تروحله انت

وبحركة سريعة طلع مسدس تاني من جيبه وبص لفهد

سيف وطي على الأرض بسرعة وضرب رصاصة في رجل عاصم وفهد شد ياسمين واتخبي ورا الحيط

عاصم وقع على الأرض ومسك رجله بوجع وكانت ايده على الرزاز ومستعد يطلق الرصاصة 

فهد شافه وكانت حياة هيا المتصوب عليها

فهدبصراخ : حيااااة حاسبي

__بقلمي سلمي الألفي 

..... في الصعيد.....

قاعدين مع بعض في أرض كلها خضرة ومفيش حد معاهم

هشام ماسك ايد اية : اخيرا يا آية قلبي بجيتي ليا اني وبس اني مش مصدق نفسي

آية بفرحة : ولا اني مصدجة اني حاسة اني بحلم

هشام قرصها في كتفها وطلعت صوت تأووه بسيط

آية : ايه ياعم انت بتنغزني ليه

هشام ببراءة : الله مش انتي اللي قولتي حاسة انك بتحلمي فانا بثبتلك انه مش حلم

آية : بجولك ايه ايدك لو اتمدت تاني هجطعهالك

هشام بسخرية : هه لاا ياحبي دا كان زمان دلوجت انتي مرتي اني بجي هوريكي كنتي بتنكدي على ازاي 

وبدأ يقرب منها وعلى وشه ابتسامة خبيثة

اية اتوترت ورجعت لورا لحد ما لزقت في الشجرة اللي وراها

آية بتوتر وخوف : هشام بعد عني

هشام ببرود وابتسامه الخبيثة : تؤ تؤ... اني هاخد حجي منك

آية : حج ايه

هشام : لما كنتي بتنكدي عليا

اية غمضت عينيها لقربه الشديد منها وهو قرب على خدها وباسها برقة

بص عليها لقى ملامحها بدأت تلين وابتسامة بلهاء مرسومة على شفايفها ابتسم بمكر وقرب على خدها وباسها تاني برقة

انتقل للخد التاني..

لحظات وكانت اية بصرخ من الألم بسبب العضة اللي أعطاها ليها في خدها

فتحت عيونها بصدمة وعصبية : اه ياهشام الكلب وحيات امي لوريك

هشام قام يجري في الارض وآية رفعت الدريس بتاعها وطلعت تجري وراه وهيا بتتعهدله.

...... في القصر.....

جميلة بحرج : احم.... سالم كلمت زهرة؟

سالم : لسه هتصل عليها دلوجت

جميلة : ماشي

سالم مسك فونه واتصل برقم زهرة

زهرة : الو

سالم بشوق : كيفك ياخيتي

زهرة بحب : الحمد لله ياخويا انت عامل ايه

سالم : في نعمة الحمد لله... أكده ياخيتي تاخدي بتك وتهملينا ينفع أكده

زهرة بدموع : حقك عليا ياسلام بس البيت اللي انا وبنتي نتهان فيه عمري مااقعد فيه دقيقة وحدة زيادة

سالم : ده بيتك يازهرة

زهرة : كاااان بيتي... كان بيتي ياسالم بس انا اتجوزت وبقي ليا بيت جوزي الله يرحمه

سالم : اني اسف يازهرة حجك عليا اني

زهرة : انت مش غلطت عشان تعتزر ولا حد غلط انا مش زعلانة من جميلة هيا قالت اللي في قلبها وبس

جميلة بصت لسالم برجاء وسالم بص ليها بأسي وأعطاها التليفون 

جميلة بدموع : كيفك يازهرة عاملة ايه ياختي

زهرة : الحمد لله ازيك ياجميلة

جميلة : في نعمة الحمد لله..... اني اسفة يازهرة سامحيني ياخيتي

زهرة : اسامحك على ايه ياجميلة انتي مش قولتي غير اللي في قلبك وانا بصراحة مبسوطة اني عرفت انتو بتفكرو ازاي تجاهي انا وبنتي كويس اني عرفت بدري عشان منكنش تقال عليكم

جميلة بعياط : يازهرة والله كان غصب عني ياخيتي اني كنت خايفة على ولدي...والله اني بعتبرك خيتي وحياة زي بتي... ارجعوا مع فهد يازهرة ارجعوا وعيشوا معانا اهنيه 

زهرة : انا مش هرجع يا جميلة انا هفضل هنا في بيت جوزي حياة لو حابة ترجع مع فهد انا مش همنعها انا مش عايزة غير سعادتها

سالم كان سامع كلام زهرة لأنهم فاتحين السبيكر واخد التلفون

سالم بحده : زهرة انتي هترجع انتي وحياة مع فهد وده اخر كلام عندي اني لايمكن اسيبكو عندكو لحالكم

زهرة : اسفة يا سالم بس انا مش هرجع... مع السلامة يااخويا وشكرا على سؤالك..... وقفلت 

سالم كور قبضته بعصبية وجز على سنانه وعروق رقبته ظهرت

سالم بهدؤ مميت : جميلة اطلعي برة

جميلة بخوف ودموع : ياسالم اني......

قاطعها صوته اللي هز أركان القصر ودفع الطاولة الصغيرة برجله بعصبيه ووقعت ع الارض

سالم بزعيق : جولتلك اطلعييي براااااااا

صوته كان كفيل يموتها من الرعب جريت من قدامه بخوف وقفلت الباب ووقفت قدامه تعيط

سالم في الاوضة جوا بيكسر كل حاجة وهو بيزعق

سالم بعصبيه : لييييه ليه تعملي أكده.... صغرتيني جدام خيتي الوحيدة اللي المفروض ابجي سندها...... الوصية الوحيدة اللي من ابوي الله يرحمه خلتيني اخالفها..... آآآآآآه

جميلة كانت واقفة برا قدام الباب وسامعة كلامه وبتعيط بحرقة اول ماسمعت صوت تأووهه فتحت الباب ودخلت بسرعة اتفاجأت من اللي شافته

سالم كان واقع على الأرض ووشه كله باللون الأحمر وأيده ويتنفس بصعوبة

جميلة بصراخ وفزع : يامرررري.... سالم... جوم ياود عمي... يامحمووود الحجني يامحمووود.... اااه سالم

__بقلمي سلمي الالفي

........ في قطعة أرض في البلد......

هشام بيجري وبيضحك وآية بتجري وراه بغيظ

اية : بجي بتعضني والله لوريك ياود المنياوي

هشام وهو بيجري : ههههه ده لو جدرتي تمسكيني اصلا

هشام مكملش الكلمة ووقع في نص الأرض

آية جريت عليه وعلى وشها ابتسامة شر

اية : هههه اديك وجعت ياود المنياوي تعالالي بجا

هشام زحف لورا بتوتر : آية... ايوش.... اهدي كدا ياحببتي... أيه دا انت هتتحولي ولا ايه

آية هجمت عليه وعضته في كتفه وفي ايده بشراسه

هشام اخيرا قدر يتحكم فيها وكتف زراعتها وهيا ع الارض

اتحركت بعشوائية وبضيق بتحاول تفك قبضته منها بس مقدرتش

آية وهيا جازة ع أسنانها : سيبني ياهشام

هشام ببرود : تؤ تؤ لما اخد اللي انا عايزه

اية : عايز ايه ياود عمي

هشام بص على شفايفها بخبث وآية شهقت واتوترت

آية : ببعد.. عمي

هشام ضحك ع منظرها : ههه شكلك مسخرة... ببراءة : اني كان غرضي شريف

طلع فونه : عايز ناخد صورة بالمنظر ده ههه بس انتي اللي شكلك عايزة حاجة تانية..... وغمز

آية بتوتر : حاجة تانية ايه

هشام بضحك : مفيش يلا اضحكي

أتصور صور حلوين اوي مع بعض وهشام صور اية لوحدها صور جميلة

هشام : كفاية بجي يابت الناس اني تعبت

آية : وحدة كمان وحدة بس ياهشام

هشام : يامصبر الوحش ع الجحش..... اضحكي ياست

آية وقفت وهيا بتضحك وهشام كان هياخد الصورة بس تليفونه رن

هشام : ايه ياهايدي

هايدي بسرعة وخوف : هشام تعالو بسرعة عمي سالم تعب واغمى عليه

هشام بصدمة : ايييه طيب طيب احنا جايين اهو

اية : فيه ايه ياهشام

هشام بتوتر : عمي تعب واغمى عليه

اية بدموع : ايه... هه. هو زين صوح

هشام حضنها : هيبجي زين ان شاء الله يلا نروح

ركبو العربية وساق بسرعة على القصر

....... في الحفلة......

فهد بصراخ وفزع : حياة حاسباااااااي

طلعت رصاصة من مسدس عاصم في اتجاه حياة

حياة غمض عيونها بخوف وسيف شدها عليه ووقعوا على الأرض بسرعة... 

والرصاص جت في الحيط

سيف بقلق : انتي كويسه

حياة مكانتش قادرة تتكلم وبتعيط وهيا خايفة

فهد جري عليها وخدها في حضنه ومسح على ضهرها بحنيه

فهد : بس بس ياحببتي انتي كويسة خلاص مفيش حاجة

حياة بشهقات : كن.. كنت همووت

فهد بسرعة : بعد الشر عليكي ياحياتي انتي دلوقتي كويسة متخافيش

سيف حضن ياسمين : انتي كويسة... عملك حاجة؟

ياسمين بتوتر : انا كويسه الحمد لله بس حياة...

سيف : حياة كويسة متخافيش

فهد قوم حياة براحة وانقض على عصام باللكمات

فهد بعصبية : كنت عايز تموتهم يابن****  انا هوريك

سيف بعده عنه بصعوبة وفهد كان بيلهث كأنه بيخوض حرب

سيف لرجال الشرطة : خدو الكلب دا من هنا وزودو الحراسة كويس

كل دا والصحفيين بيصوروا اللي حصل وفي اللي بيبص لسيف وفهد بنظرات إعجاب

......... في شقة زهرة ..... 

زهرة قفلت المكالمة وانهارت من العياط على سريرها وحضنت صورة صالح

زهرة بعياط : وحشتني اوي ياصالح..... ياريتك ماسبتني انا بتعذب في غيابك... ربنا يرحمك ياحبيبي كنت بتحسسني بالأمان وتعاملني زي الملكة.... ربنا يرحمك

زهرة حطت الصورة مكانها وقامت اتوضت وصلت ركعتين ودعت كتير في السجود وهيا بتعيط

........في الصعيد.......

الدكتور خرج من الأوضة بعد مافحص سالم وطلع كان الكل مستنيه قدام الباب وجميلة وآية بيعيطوا

الدكتور بعتاب : ياجماعة اني مش منبه جبل أكده انه مش يتعصب العصبية غلط علي صحته

محمود بخوف : هه... هو ماله؟

الدكتور اتنهد : الضغط على عليه ودا اللي سبب فقدان الوعي اني أعطيته ابرة مهدأ شوية وهيجوم

هشام : تمام يادكتور

هشام راح وصل الدكتور وآية وجميلة دخلو قعدو جنبه

عدي شوية وسالم بدأ يفتح عينيه ببطئ كانت العيلة كلها حواليه اتعدل في جلسته وبص ليهم بجمود

محمود : حمد الله على سلامتك ياخوي

هشام : أكده ياعمي احنا مش جولنا بلاش عصبية

سالم اكتفي انه يبصلهم وهز راسه

جميلة بعياط مسكت ايده : عشان خاطري ياسالم اتكلم زعج جول اي حاجة متفضلش ساكت أكده

سالم سحب ايده بهدؤ واتكلم بجمود : بكرة هنروح كلاتنا مصر........

__بقلمي سلمي الألفي 

........ في الحفلة......

عناصر الشرطة خدو عصام ومساعدوه والصحافة بدأت تسجل الخبر وتذعه مباشر على القنوات 

عدي ساعات والكل بدأ يحضر من أهم الناس ورجال الأعمال في البلد

فهد وحياة وسيف وياسمين أتصورو صور كتير جميلة وكل واحد بيظهر في الصور حبه لمراته وملكيته ليها

تلفون حياة رن

حياة : هروح ارد على ماما وراجعة

فهد بحدة : لا كلميها وانتي هنا جنبي

حياة اتفهمت خوفه عليها : ماشي

حياة : ايوا ياماما

زهرة بخضة : حياة حببتي انتي كويسة

حياة باستغراب : ايوا كويسة مالك ياماما شكلك متوترة

زهرة : انا سمعت الاخبار على التلفزيون وعرفت ان في ضرب نار في الحفلة انتي كويسة... وفهد وياسمين

حياة بهدؤ : احنا كويسين ياحببتي متخافيش والمجرم اتقبض عليه

زهرة اتنهدت : طيب الحمد لله خدي بالك من نفسك ياحببتي

حياة بابتسامه : وانتي كمان مع السلامة

صحفي بصوت عالي والتزام : معالي الوزير وصل....

كله وقف بالتزام والصحافة اتجمعو عند مدخل الحفلة وفي اللي بدأ يظبط يظبط في هدومه ووقفو بانتظام والعساكر وقفوا في صف منظم

............ يتبع......

تكملة الرواية من هناااااااا 

لمتابعة باقى  الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا