رواية حياة الفهد من الفصل الثانى وعشرون والثالث وعشرون بقلم سلمى الألفى
رواية حياة الفهد من الفصل الثانى وعشرون والثالث وعشرون بقلم سلمى الألفى
رواية حياة الفهد البارت الثاني والعشرون 22
سالم بجدية : بكرة هنروح كلاتنا مصر
محمود : ليه ياخوي
سالم وهو بيبص لجميلة : عشان في ناس غلطت ولازم تعتزر على غلطتها وزهرة لازم ترجع معانا
هشام : اني اصلا عندي شغل هناك وهروح وهاخد آية معايا
محمود : طب واحنا هنروح ليه
سالم : العيلة كلاتها هتكون هناك انتو مينفعش تفضلو لحالكم
زهرة لازم ترجع هيا وبتها معانا ده بيتها جبل مايكون بيتي ومش هسيبها في البندر لحالها واكرر غلطتي تاني
محمود : عندك حج ياخوي ان شاء الله توافج وترجع معنا
سالم : جهزوا حالكم هنمشي بعد صلاة الفجر
هزوا رأسهم بالموافقة وانصرفوا برا الأوضة كلهم ماعدا جميلة
بصتله بعيون دامعة وندم ومسكت ايده : سالم سامحني ياخوي اني اسفة عارفة انك شايل مني ومش طايجني واصل بس... بس هعتز من زهرة وهنرجعها معنا... متعملش فيا أكده عشان خاطري.... انت مش جولت انك سامحتني!
بروده وجموده كلهم اتلاشوا قدام دموعها مهما كان هيا مراته وحبيبته بصلها بهدؤ وحنان
سالم : غصب عني ياجميلة كل ما افتكر كلام زهرة ونظرة الحير اللي في عينيها وأني خونت ثقتها فيا بتع،ذب.... مش جادر انسي كلامها كأنها بتجولي هيا دي الأمانة اللي ابونا أمنك عليها ياخسارة ياسالم
جميلة : والله العظيم ماكنت اجصد حاجة اني كنت خايفة على فهد ومش عارفة جولت أكده ازاي بس والله اني بحبها وبحب حياة... وعمري ماقصدت اصغرك جدام حد اني اسفة
سالم : خلاص ياجميلة اللي حصل حصل المهم انها ترضى ترجع معانا
جميلة : ان شاء الله هترضى
..... في الحفلة.....
الوزير نزل من عربيته وحواليه حراس الأمن دخل الحفلة بكل هيبة.. كانت العساكر واقفين في صفوف منتظمة رافعين ايدهم كعلامة تحية ليه
وسيف واقف في استقباله ومعاه مجموعة من تكفئ الظباط
الوزير وقف قدام سيف وهو ادي التحية باحترام
الوزير سلم عليه : مبروك يابطل.. كنت قد المهمة
سيف بابتسامة : الله يبارك في معاليك يافندم
الوزير : انا فخور بيك ياسيادة المقدم انت حققت نجاح كبير يافخر الصعيد
سيف بسعادة : والله الفخر ليا يافندم اني قابلت حضرتك
الوزير اتحرك وقعد على طاولة خاصة بيه والصحافة اتجمعوا عنده وسيف راح وقف عند فهد وحياة وياسمين
بدأ التكريم والوزير وقف على المنصة والمتحدثة اتكلمت ورحبت بالموجودين
المتحدثة : المقدم سيف الرفاعي
سيف طلع على المنصة بكل فخر ووقف قدام الوزير بابتسامة مشرقة
الوزير مسك المايك : احم.... اولا حابب أرحب بالموجودين وشكرا على حضوركم الحفل... ثانيا حابب اشكر المقدم سيف علي الانجاز العظيم دا... انت خلصت البلد من أكبر عصابة لتجارة الأعضاء... تستحق كل التقدير والاحترام
فهد بهمس لحياة بسخرية : عشت وشوفت سيف له انجازات وبيتكرم
حياة نغزته في كتفه : بطل تريقة دا حتي جوز اختك... دا قمر
الدم غلي في عروقه وجز على سنانه ومسك معصمها واعتصره في ايده : مين دا اللي قمر
حياة بتوتر : هاااه... مممم. محدش
فهد بنفاذ صبر : مش عايز اعمل حاجة عشان احنا قدام الناس... مين اللي قمر؟!
حياة بسرعة : انن.... انت ياحبيبي هو في اقمر منك دا انت المجموعة الشمسية كلها
ضحك بخفوت ومبينش ضحكته : امممم ماشي
حياة اتنهد : طب ايدي بتوجعني
اخيرا انتبه لايدها اللي كانت هتنكسر في ايده رفعها ليه بسرعة : انا اسف.. اسف مكنش قصدي
حياة بابتسامة : عادي حصل خير
فهد مسك ايدها بحنية وباسها : حقك عليا
حياة بابتسامة واترمت في حضنه وذا خلااه يفرح جدا
حياة : بحبك
فهد : بعشقك
الوزير سلم سيف الدرع وشهادة التقدير وحطله الشارة على البدلة بتاعته كعلامة انه اترقى
سيف بسعادة : شكرا... شكرا جدا لحضرتك يافندم وان شاء الله اكون عند حسن ظن معاليك
الوزير : مبارك يافخر الصعيد
سيف : الله يبارك فيك يافندم.... حابب اقول كلمة بالمناسبة دي حابب اشكر اهلي الحاج سعد الرفاعي والحاجة صبحة ناس بسيطة وعلى قد حالهم بس ربوا ابنهم وعلموه وانا دلوقتي هنا بفضل ربنا وبفضلكوا شكرا جدا
....... في الصعيد....
صبحة وسعد بيسمعو الاخبار وبيتفرجوا على الحفلة وعيونهم بتدمع من الفرحة
سعد : والله وعرفت اربي ربنا يبارك فيك ياولدي
صبحة بدموع : ربنا يحميك ياحبيبي ويخليك ليا ياضنايا
.... عودة للحفلة.....
التكريم خلص وسيف نزل من على المنصة وقف جنب ياسمين اللي كانت بتعيط
سيف بقلق : بتعيطي ليه ياياسمينتي
ياسمين بابتسامة وهيا بتمسح دموعها : دي دموع الفرحة مبروك ياحبيبي
سيف حضنها : الله يبارك فيك يااحلى حاجة في حياتي
فهد : احم احم نحن هنا
سيف : الله وانت مالك ياعم ماعندك مراتك اهي احضنها ولا انت حر
فهد جز على سنانه : فاضلك معايا تكة ياسيف انا ماسك نفسي بالعافية حسابنا لما الحفلة تخلص
سيف : وانا عملتلك ايه ياعم انت ولا انت عايز خناقة وخلاص
فهد : اول حاجة لما نطيت من السور وكلمت حياة... تاني حاجة لما كلمتها وانا تعبان.. ثالت حاجة بناديها باسمها... رابع حاجة بتعاكس اختي قدامي.... خامس حاجة بتنادي لمراتي باسمها
سيف : يالهوي ياجدع كل دا في قلبك دا انت قلبك اسود
فهد : خليني ماسك نفسي احسن ما ابوظلك برستيجك قدام الناس
سيف : لاا وعلى ايه انا هاخد مراتي ونقعد بعيد احسن
مسك ايد ياسمين وقعدو على طاولة لوحدهم
فهد بص لحياة لقيها متغاظة وعاقدة ايديها قدام صدرها
باسها من خدها وخدها اتورد : حياتي زعلانة ليه
حياة بغضب : عشان انت بخيل يافهد.... ياربي يعني يوم ما اتجوز اتجوز واحد بخيل
فهد بصدمة : انا بخيل.... بخيل ليه بقا ان شاء الله
حياة : عشان انا معاك من الصبح وانت مهانش عليك تاكلني حاجة... ولا حتي سندوتش طعمية
فهد ضحك بكل صوته : ههههه بقا هو دا كل اللي مزعلك ههه
حياة : ايوا الموضوع يستحق النقاش
فهد : خلاص ياستي وانا ميهونش عليا زعلك.... استني شوية و هنروح ناكل في احلى مطعم في القاهرة.. عشان مينفعش نسيب الحفلة دلوقتي
حياة : ماشي
المزيكا اشتغلت وكل كابلز قاموا يرقصوا
سيف : يلا نرقص
ياسمين باحراج : بس انا مبعرفش ارقص
سيف باس ايدها : مش لازم تعرفي انا هعملك
ياسمين : بس فهد
سيف : بصي على الاستيج كدا
ياسمين بصت وكان فهد ماسك ايد حياة وبيبدأو الرقصة
سيف بحب ومد ليها ايده : يلا
فهد همس في ودنها خلي حرارة جسمها تعلي وخدودها تتورد
فهد بهمس عاشق : ازاي في كل مرة بتسحريني كدا عيونك بتغرقني غمازاتك بعشقها... بعشق الور الجوري اللي في خدودك.... بحب كل حاجة فيكي... بتنفسك ياحياتي
حياة بسعادة : انا مش مصدقة اني بسمع الكلام دا ومنك انت كمان
فهد : لا صدقي ياحياتي اوعدك هعوضك عن كل لحظة وحشة عشتيها معايا
حياة : عارف يافهد انا طول عمري نفسي اتجوز واحد يبقى سندي وأماني يعلمني الصح من الغلط يمسك بأيدي ويقربني لربنا... واحد يعاملني بحنية ويخاف عليا وتقريبا كدا لقيته
فهد بضحك : تقريبا؟!... مش اكيد
حياة بضحك : تؤ تؤ تقريبا
فهد باسها من خدها بعشق : بعشقك يامجنونة
..... عند ياسمين وسيف......
سيف : شوفتي جوزك وهو بيتكرم كنت جنتدل اوي صح
ياسمين بضحك : جنتل خالص ههه
سيف : ياربي هو في جمال كدا... عارفة ياياسمين انا كنت مستعد اموت في المهمة دي عشان ارتاح من اللي كنت فيه
ياسمين بسرعة : بعد الشر عليك
سيف : كنت بتع،ذب اوي في بعدك كرهت نفسي لما اذي،تك كنت رايح المهمة وبدعي ربنا ياخدني عشان ارتاح من عذا،ب الضمير اللي كنت فيه... لما قلبي وقف حلمت بيكي كنتي جنبي وتقوليلي قوم ياسيف عشان نتجوز... قولتيلي متسبنيش انا بحبك..... الحلم دا اللي اداني امل جديد اني اعيش
ياسمين بدموع : بس دا مش حلم ياسيف
سيف : ايه مش حلم يعني... يعني انتي كنتي بجد
ياسمين : اه الدكتور قال ان لازم حد يكلمه ويحاول يديه الأمل وانا دخلت وكلمتك بس عشان ادي نفسي الأمل مش انت انا كنت حاسة اني انا اللي تعبانة مش انت متبعدش عني تاني
سيف مسح دموعها بأنامله : انتي روحي مفيش حد بيبعد عن روحه..... بحبك ياياسمينتي
ياسمين بابتسامة مشرقة : وانا كمان
حياة وياسمين كانوا بيتمايلو زي الفراشات بين ايد فهد وسيف وحركاتهم خفيفة وخطفوا الانظار
الرقصة خلصت وكل الحاضرين سقفوا وكل واحد اتجه الطاولة بتاعته تاني
فهد مسك ايدها : يلا
حياة : فين
فهد بضيق : هنمشي انا زهقت وبعدين مش شايفة الناس عينها منك ازاي دا ناقص يجو يطلبو ايدك مني
حياة ضحكت بكل صوتها وغمزاتها بانت : هههههه مش قادرة هههههه
فهد بحدة : متضحكيش كدا هيحبوكي اكتر
حياة وهيا بتكتم ضحكتها : خلاص.. خلاص سكت
فهد : يلا نمشي
حياة : وياسمين وسيف
فهد بتحذير : متنطقيش اسمه تاني... وكمل بهدؤ : هعرف سيف اننا ماشيين وهما هيبقو يروحو لما الحفلة تخلص
حياة : تمام
فهد خدها وراحو عند سيف اللي كان بيتغزل بياسمين
فهد : اديني سبب واحد يخليني مضربكش
سيف ببرود : عادي عشان انا جوز اختك
فهد : لا اقتنعت.... انا وحياة ماشيين ابقوا روحوا انتو احنا هنروح كام مشوار كدا واحتمال نتأخر
وكمل بتحذير : ومتلعبش بديلك ياسيف عشان لو عملت معاها اي حاجة غلط هقت،لك
سيف : ياسطااا دي مراتي افهم بقا والمصحف ماشاقطها
فهد بحدة : سييييييف
سيف : خلاص..... بقولك ياخي.... احم.. يامرات اخويا حاولو تتأخر على قد ماتقدر ا انتي عارفة بقا عرسان جداد وكدا
حياة بضحك : حاضر..... مع اني متضايقة منك ياواطية
ياسمين : اللله وانا مالي يالمبي
حياة بغيظ : بقا كدا تتجوزي وانا مش موجودة ياحيوانة
ياسمين : اعمل ايه كل حاجة جت بسرعة وبعدين لسه هنعمل فرح ولاازم تحضري هبعتلك دعوة
حياة بغيظ : شوف الدوليه والله لوريكي
فهد : باااس خلاص يلااا انتي كمان هنتأخر
سيف : انجوووووي يافهووودي
فهد بغيظ : اصبر عليا دا انت حسابك كبر اوي
فهد مسك ايد حياة وطلعو من الحفلة
ركبوا العربية وفهد ساق وكل شوية يبص على حياة اللي فرحانة والابتسامة على وشها والهوا بيداعب ملامحها وهيا وطلعة ايديها من العربية وباصة للشارع
فهد بابتسامه : وصلنا
نزلو من العربية ودخلو مطعم فاخر وهادي جدا
حياة : فهد احنا جايين هنا ليه
فهد : عشان نتغدى
حياة : انت عايزنا نغسل الأطباق بعد ما ناكل ولا يطلبولنا البوليس
فهد بضحك : ليه
حياة : ياسطا انت عايز تفهمني انك معاك فلوس تأكلنا في مطعم زي دا
فهد داعب خدها بمشاكسة : متجوز طفلة انا.... ايوا يابنتي معايا فلوس
حياة : سارقهم عايز تأكلني مال حرام
فهد ضحك بكل صوته : ههههه سارقهم ايه ياهبلة هههه انتي متعرفيش انتي متجوزة مين ولا ايه
حياة : لا ازاي دا انا انطرشت من كتر مابسمعها.... قلدته : انا فهد المنياوي... فهد الصعيد
فهد : هههههه خلاص مش قادر ههه شكلك مسخرة
حياة : ايوا يعني احنا هنفضل واقفين كدا طول اليوم
فهد : مش انتي اللي بتتكلمي كتير وموقفانا
حياة : ما أنت اللي بتقول كلام مش منطقي.... انا عارفة انك عندك شركة وكدا بس المطعم دا غالي اوي
فهد بضحك : لااا دا انتي شكلك متعرفيش حاجة... انا مش عندي شركة انا عندي سلسلة شركات ياحياتي
حياة : سلسلة شركات ازاي مش هيا شركة وحدة وصغيرة وبتاعت العيلة كلها... اسمها شركة المنياوي
فهد : طب يلا ندخل وافهك
حياة : والله شكلك هبضحك عليا وهتخلع وتسبني اشيل الليلة لوحدي
فهد : لا ياختي متخافيش
دخلو المطعم وكان مطعم فاخر ومصمم على أعلى مستوى وحياة أقسمت انها في حياتها مادخلت مطعم زيه
قعدو على طاولة مخصصه ليهم فهد كان حاجزها
شاور للجرسون وجه وفهد طلب الاكل على زوقه
حياة بفضول : مش هتفهمني بقا
فهد بابتسامة : عايزة تفهمي ايه ياحياتي
حياة : كل حاجة عايزة افهم كل حاجة عنك انت مين وجبت الفلوس دي منين ومن امتا وانت غني
فهد : طب اهدي ايه كل الأسئلة دي.... بصي ياستي اولا انا فهد المنياوي غني عن التعريف طبعا
حياة بطفولة : نينينينينيني..... ادخل في الموضوع يامغرور
فهد : انا مغرور طيب مش حاكي حاجة
حياة : لا لا خلاص انا اللي مغرورة احكي يلا
فهد بتمثيل الزعل : لاا مش حاكي ماانا مغرور هتتكلمي معايا ليه
حياة : انا اسفة
فهد لفت وجه للجهه التانية وابتسم ابتسامة خافته بمكر حياة زعلت من نفسها : طب... طب اصالح ازاي
فهد بصلها وشاور على خده
حياة في الاول مش فهمت بس بعدين فهمت قصده وشهقت بخجل : انن انت قليل الادب
فهد بتمثيل الزعل : لا أنا مغرور
حياة فكرت وقررت تراضيه قامت بخطوات بطيئة وراحت لعنده ومالت على خده ولسه هتبوسه
فهد حرك وشه بحركة سريعة وغير مسار قبلتها وباسته في شفايفه
شهقت بفزع وبعدت عنه : انت سافل وقليل الادب
فهد بضحك : هههه عارف
حياة رجعت على مقعدها بكسوف وهيا بت اري وشها من الناس وفي قمة خجلها وفهد بيضحك على طفلته البريئة
بعد شوية الاكل أتقدم
فهد بضحك : خلاص بقا ياحياتي شيلي ايدك وكلي
حياة وهيا مخبية وشها : لاا.. زمان الناس بتقول عليا ايه دلوقتي ربنا يسامحك يافهد
فهد بخبث : طب لو مشلتيش ايدك هجيلك انا وابوسك قدام الناس تاني
حياة شهقت وشالت ايديها بسرعة
فهد ابتسم لانه كان حابب يشوف تورد خديها
فهد : يلا كلي
بدأو اكل في وسط مشاكسات فهد وخجل حياة وفهد أكلها بكل حب وحياة حمان نسيت خجلها واكلته في جو من العشق مش مهتمين بالناس اللي حواليهم ونظرات الإعجاب
فهد : الاكل عجبك؟!
حياة : اوووي
فهد : بالهنا على قلبك ياحياتي
حياة ابتسمت ولقت وشها للجهة التانية وشافت حاجة وفجأة قامت من مكانها فهد استغرب
فهد : رايحة فين ياحياتي
حياة وهيا ماشية : دقيقة وراجعة
طلعت برا المطعم تحت نظرات فهد المتعجبة كان هيقوم وراها بس شافها بتعمل حاجة ابتسم وقعد مكانه
........عند سيف وياسمين .......
الحفلة خلصت والساعة كانت ٩ بالليل وكل واحد راح بيته
سيف وياسمين طلعوا من الحفلة واتمشوا شوية
سيف : حابة تروحي فين ياياسمينتي؟!
ياسمين : يلا نتمشى على الكورنيش ونشتري درة
سيف : اللي تأمر بيه ياسمينتي يتنفذ
مسك ايدها ومشيوا لحد ما صلوا على الكورنيش واشتروا الدرة واتمشوا وهما بياكلوها
ياسمين بفرحة : تعرف ياسيف انا بحب النيل اوي
سيف : يابخته..... وانا بحبك انتي
ياسمين ابتسمت : انت عارف انا طول عمري بخاف لما اكبر اتجوز بالاجبار
سيف : ليه بتفكري كدا ياياسمينتي
ياسمين : عشان عندنا في البلد في عادات كتيرة مش كويسة زي مثلا التار ودي حاجة صعبة ووحشة جدا كنت بخاف في يوم ابويا يجي يقولي انتي هتتجوزي فلان من غير ماياخد رأيي صعب علي اي بنت انها تعيش مع واحد مش عارفاه متجوزاه غصب.... كنت بحسد البنات اللي هنا في المدن وبقول اكيد أهلهم مش بيجبروهم على حاجة بس طلعت غلطانة لما شوفت حياة فهمت..... مش بالبيئة ياسيف بالأشخاص وطريقة تفكيرهم......بحمد ربنا لحد دلوقتي ان ابويا راجل متفهم مش بيمشي ورا العادات الغلط دي
سيف : معاكي حق ياياسمين في معظم العادات غلط بتدمر الناس..... المهم اننا دلوقتي مع بعض مش عايزك تخافي من حاجة وانا موجود
ياسمين : انا بحبك اوووي اوووي ياسيف
شاب كان معدي وسمعها : طب ماتحبيني انا كمان وهعملك اللي انتي عايزاه وهديكي اكتر منه كمان
......... قدام المطعم.........
حياة بطفولة : انتي واقفة هنا ليه ياقمر
بنت صغيرة بخوف : مفيس... مفيس انا ماسية
حياة مسكت ايدها بحنية والبنت خافت اكتر
البنت بدموع : انا مس عايزة حاجة... متضربيس مس عايزة اكل خلاث
البنت صعبت على حياة ودموعها نزلت وحضنتها : ياروحي انت جعانة؟
البنت بخوف : لا لا مس جعان
حياة مسحت على شعرها بحنية : ياحببتي قولي متخافيش
كملت بطفولة : طب تعرفي انا كمان جعانة اوي اوي
البنت ببراءة : معلس تعالي هناكل من الزبالة وخلاص عسان الناس اللي هنا وحسين بيدربوا الصغار
حياة بدموع : انتي بتاكلي من الزبالة
البنت هزت راسها ببرأها خلت قلب حياة يتقطع ودموعها تزيد
حياة مسكت ايدها ومسحت علي شعرها بابتسامة : طب ايه رايك ندخل ناكل جوا في المطعم
البنت : لا لا هيدربونا
حياة شاورت على فهد اللي متابع الموقف بعيونه وشايف دموع حبيبته وطفلته البريئه
حياة : شايفة عمو اللي قاعد دا
البت بصت على فهد وهزت راسها بايجاب وفهد ابتسم ليها من جوة وشاور ليها
حياة بطفولة وبرأءة : عمو دا هيأكلنا
البنت بفرحة : بجد يعني مس هناكل من الزبالة وبطني توجعني تاني
حياة حضنتها بسرعة : ايوا ياحببتي يلا تعالي
مسكت ايدها ودخلت المطعم وراحت عند طاولة فهد وكل اللي ف المطعم بيبصلهم باستغراب وفي اللي بيبص للبنت بقرف واللي بيبصلها بشفقة
حياة باحراج : فهد ممكن........
فهد بمقاطعة : من غير استأذن ياحياتي انتي تعملي اللي انتي عايزاه
حياة بصتله بابتسامة امتنان وقعدت وقعدت البنت جنبها
بدأت تأكل البنت بحب تحت نظرات فهد اللي كلها عشق وهيام وإعجاب بيزيد يوم عن يوم
حياة : صحيح نسيت أسألك عن اسمك
البنت : اسمي قمر
حياة : اسم على مسمى انتي قمر واسمك قمر
البنت : وانتي اسمك ايه
حياة بابتسامة : اسمي حياة
البنت : اسمك جميل
حياة : انتي اللي جميلة.... يلا كملي اكلك
حياة اكلت قمر وكل حين والتاني تبص على فهد اللي الابتسامه مفارقتش وشه وتبتسمله بحب
واحد من الموظفين : ايه اللي بيحصل دا انتي ازاي تدخلي هنا يامعفنة انتي وتقعدي كمان مع البهوات
قمر بعياط : انا اسفة متدربنيس والله هطلع
حياة قامت بعصبية وزعيق : انت يابني آدم انت ازاي تكلمها او تمسكها كدا
الموظف : حضرتك دي وحدة شحاتة مينفعش تدخل مطعمنا وتقعد مع الزباين لحظة وحدة وطلعها
فهد قام من مكانه بعصبية وكان زي الإعصار خبط على الطاولة بعصبية : فيييه ايه ايه اللي بتعمله دا هيا مش بني آدمة زيك وحقها تاكل ولا انت معندكش رحمة
حياة حضنت قمر اللي كانت بتعيط وخايفة
حياة : بس بس ياحببتي متخافيش مش هيعملك حاجة
الموظف : حضرتك دي شحاتة وهدومها مش نضيفة وكدا هتطفش الزباين
فهد بزعيق : زباين ايه وزفت ايه دي طفلة صغير وكانت جعانة دا بدل ماتاخدوها وتأكلوها لا بتضربوها واللله عاااال ...... ناديلي مدير المطعم حالا
الموظف : يافندم....
فهد بمقاطعة : اللي اقوله يتنفذ
الموظف راح وجاب المدير معاه
المدير : فيه ايه ايه اللي بيحصل هنا
اول ما قعت عينه على فهد وقف ليه باحترام : اهلا اهلا فهد بيه خير يافندم ايه المشكلة
فهد بضيق : الموظفين اللي انت مشغلهم عندك معندهمش قلب ولا انسانية بيطرد بنت صغيرة عايزة تاكل..... قال ايه أصلها شحاتة وهطفش الزباين
المدير : بس يافندم الأطفال المتسولين مش مسموح لهم يدخلو المطعم
فهد بزعيق : ليه يعني هما مش بني ادمين وبيحسوا زينا ولا ايه...... اسمع اللي بقوله القاعدة دي تتلغي والأطفال مسموح يتقدم لهم الاكل ولو ببلاش حتى....... أما بقا الاستاذ ده ينفصل من شغله عشان يحس باللي بيعمله في الناس...... واظن انت عارف كويس انا مين واقدر اعمل ايه وبتلفون واحد اقدر اقفلك مطعمك دا واشمعه بالشمع الأحمر
المدير باحترام وخوف : اللي تشوفه يافندم
حياة بهدؤ : فهد
فهد التفت ليها بانتباه وهيا همست ليه : حرام عليك متفصلوش من الشغل اكيد عنده أسرة ومحتاج الشغل سيبه وهو عرف غلطته
فهد اتنهد : اما نشوف قلبك دا هيودينا لفين
الموظف : ارجوك يافندم بلاش تطردني انا لو انفصلت عيلتي هتجوع يابيه ومش هلاقي اصرف عليهم
التفت ليهم بصرامة : دلوقتي عرفت ان عيلتك هتجوع ومفكرتش في الطفلة دي ليه لما كانت جعانة.... خلاص مش هتتفصل بس دا ميمنعش من قرصة ودن صغيرة
فهد للمدير : يتخصم من مرتبه الشهر دا النص عشان يحرم يعملها وانت اعتزر من البنت يلا
الموظف : شكرا يابيه ربنا يخليك..... انا اسف ياهانم
قمر : خلاث ياعمو انا مس زعلانة منك بث متدربنيس تاني
فهد : اظن سمعتها والكلام دا ينطبق على اي بنت مش عليها بس
الموظف : حاضر يافندم
الموظف استأذن وانصرف وبعده المدير
كل اللي في المطعم سقفوا لفهد وحياة وشكروهم على حسن اخلاقهم
حياة : لسه جعانة ياحببتي
قمر : سكرا ياحياة سبعت خلاث.... سكرا ياعمو انت طيب اوي
فهد بابتسامة : وانتي قمر اوي ياقمر
قمر : انت اسمك ايه ياعمو
فهد : اسمي فهد
قمر : ماسي ياعمو الطيب فهد
فهد بضحك : ماشي ياست القمر قمر
فهد وحياة وقمر طلعو من المطعم بعد مافهد دفع الفاتورة
حياة : قمر انتي هتروحي فين انتي عندك بابا وماما
قمر ببرأة : لا أنا معنديش بابا وماما وبنام في السارع هروح السارع
حياة بدموع لفهد : فهد مش هينفع نسيبها
فهد بابتسامة : ومين قالك اننا هنسيبها احنا هنوديها دار أيتام ياحياتي
حياة حضنته بفرحة : ربنا يخليك ليا بحبك اوي يافهدي
قمر حضنته من رجله فبالكاد هيا واصلة لركبته : وانا بحبك اوي يافهدي
فهد وحياة ضحكو وهو شالها ورفعها ليه وداعب خدها : وانا بحبك اوي ياقمري
حياة قوست شفايفها لتحت وعقدت دراعاتها عند صدرها
فهد باسها من خدها : يسلملي الغيران... وانا بحبك اوي ياحياتي
حياة ابتسمت وركبوا العربية وراحوا الميتم
......... عند سيف وياسمين.......
لحظات وكان الشاب نايم على الأرض وسييف فوقه وهاجم عليه بالض،رب العن،يف
سيف : دي مراتي ياروح امك انا هوريك
فضل يض،رب فيه والناس بيحاول يبعدوه مش قدروا والشاب كان هي،موت في ايده
ياسمين كانت بتعيط وبتحاول تبعده وبرضوا مش قادرة
البوكس كان معدي والظابط شاف خناقة ونزل يشوف ايه الموضوع
الظابط بحزم : ايه اللي بيحصل هنا
كله بعد الا سيف اللي مكانش حاسس باي حاجة حواليه
الظابط خلي العساكر يبعدوه عنه الشاب ومسكوه باحكام
سيف كان بيلهث من الغضب
الظابط بصدمة : سيف بيه
سيف : ابعدو انتو متعرفوش انا مين ولا ايه
الظابط بعد العساكر : احنا اسفين يافندم اللي ميعرفك يجهلك.... خير ياباشا في حاجة
سيف : الاستاذ كان بيعاكس مراتي.... تاخدوه تروقوه وقعدوه في التخشيبة اسبوعين
الظابط : تمام يافندم...... هاتوه
العساكر اخذو الشاب وسيف مسك ايد ياسمين بعصبية ومشي وهيا كانت بتعيط جامد
.......... عند فهد وحياة.......
سجلو قمر في الميتم ووصو عليها وفهد اخد رقم المديرة عشان يبقا يكلمها يطمن عليها
فهد وحياة ودعوها وداع حار طبعا مخليش من دموع حياة وتمسكه بالبنت ومواساة فهد ليها
مشيوا بالعربية واتجهوا لبيت حياة
وصلوا وفهد وقف العربية قدام البيت وبص لحياة
فهد : هتوحشيني
حياة : ماتطلع تنام فوق عندنا
فهد : مينفعش اسيب ياسمين مع سيف لوحدهم وبعدين الود دا مينوثقش فيه
حياة بضحك : تمام....... اه صحيح يافهد انت محكتليش عن نفسك
فهد : انتي لسه فاكرة.... ايه رايك بكرة اعدي اخدك معايا الشغل وتشوفي بنفسك
حياة : اه ياريت... وبعدين انا بدأت أشك انك غني من بعد حوار تلفون واحد اقفلكو المطعم دا ههههه
فهد : بكرة تعرفي بنفسك اذا كنت غني ولا لا
فهد قرب عليها بهدؤ وباس خدها وانتقل لخدها التاني وبعدين لشفيفها أعطاها قبلة حارة مليانة مشاعرك وعشق وشغف
بعد عنها اخيرا وكان بياخد نفسه بصعوبة من كثرة مشاعره ودقات قلبه اللي بتعلي في قربها
حياة خدت نفسها وخدودها اتوردت
فهد وهو بيلهث : حياة لحظة وحدة والقاكي طلعتي من العربية ومشيتي عشان انا مش ضامن نفسي يلاااا
حياة نزلت بسرعة بخجل وطلعت البيت وهيا هتم،وت من كسوفها
فهد بتنهيده : هتعملي فيا ايه تاني ياحياة
..... عند سيف وياسمين........
ماشي بياخد نفسه بصعوبة بيحاول يتحكم في غضبه بيجرها وراه مش حاسس بايدها اللي هتنكسر في ايده
ياسمين بعياط: سيف ايدي بتوجعني
سيف بغضب : مش عايز اسمع صوتك كفاية اللي حصل من تحت راسك
ياسمين عيطت ووطت راسها للارض : انا اسفة مكنش قصدي
سيف بزعيق وطلع كل غضبه فيها : بسسس اسكتي.... مش عايز اسمع كلمة وحدة.... ماشية تقوليلي بحبك في الشارع مش مكسوفة.... اهو دي آخرة عمايلك واحد سافل مشفش رباية فاكرني شاقطك ولا دافعلك فلوس عشان تبقي معايا
مبسوطة لما الناس كلها اتفرجت علينا
ياسمين بصتله بصدمة : هوا دا كل فكرت فيه للدرجادي انا مش فارقة معاك مش فارق معاك غير منظرك قدام الناس... طبعا ماانت دلوقتي مشهور في الشرطة لازم تخاف على منظرك حبنا بقا يحرجك ياسيف بقيت بتتكسف تظهر حبك ليا... اكيد ماهو مرات المقدم سيف لازم تكون كويسة وليها منصب مش حيالله طالبة في صيدلة ومن الصعيد... على العموم انا اسفة ياسيف... اسفة لاني احرجتك قدام الناس ياسيادة المقدم
مشيت وسابته ويتألم من كلامها ياالله ايه اللي عمله دا أذى حبيبته وياسمينته طلع غضبه فيها وهيا ملهاش زنب في حاجة قد ايه انت غبي ياسيف غبي
سيف مشي وراها عشان يلحقها : ياسمين.... ياسمين استني.... ياااااااسمين
........... يتبع.......
سلمي الالفي
حياة الفهد البارت الثالث والعشرون 23
سيف جري وراها وهيا ماشية بتعيط
سيف : ياسمين استني ياياسمين... ياااااسمين
العربية كانت ع وشك تخبطها
شدها بسرعة لحضنه واتكلم بزعيق : مش تحاسبي كنتي هتم،وتي
ياسمين ضر،بته بقبضتها الصغيرة في صدره : ابعد عني ملكش صالح بيا... ابعد
ضمها ليه اكتر وهيا فضلت تقاوم لحد مااستسلمت ودموعها زادت
سيف بهدؤ : اسف
ياسمين بانهيار : انت جرح،تني
سيف : اسف والله اسف جدا انا كنت متعصب وغضبي كله طلع فيكي انا عارف ان ملكيش زنب في حاجة انا اسف.... انا مش مكسوف انك مراتي ياياسمين انا اتشرف بيكي قدام اي حد انتي ملكتي مش مراتي بس اسف ياحببتي سامحيني
ياسمين : ماشي
سيف بغضب طفولي : ايه ماشي دي لا يبقا شكلك لسه زعلانة مني وهصالحك بطريقتي
وبص على وجنتيها اللي اتوردت وياسمين اتوترت
ياسمين بخجل : لا لا خلاص مش زعلانة
سيف : لا والله العظيم مايحصل لازم اصالحك
وقرب على خدها وباسها برقة والتنقل للخد التاني وعمل نفس الشئ
سيف وهو بيحاول يتحكم في مشاعره : يلا ياياسمين الله يرضى عنك عشان منتمسكش بفعل فاضح في الشارع
ياسمين بضحك : هههه يلا
مسك ايدها واتمشوا لحد ماوصلوا البيت
..... في بيت حياة.....
حياة خبطت وزهرة فتحتلها كانت مبتسمة ابتسامة بلهاء
دخلت وكانت مش حاسة باي حاجة حواليها
زهرة هزتها بخفة : حياة... حياة
حياة بابتسامة وهيا سرحانة بخيالها : خلاص بقا يافهد بتكسف الله
زهرة : انا مش فهد ياروح امك
حياة اتخضت : هاااه... اه.. ايه ياماما في ايه
زهرة : لا ياختي ولا حاجة... في وحدة هبلة وسرحانة
حياة مسكت ايدها ولفت بيها بسعادة : انا مبسوطة مبسوطة اوي ياماما
زهرة : ربنا يسعدك كمان وكمان.... فرحيني معاكي
حياة : احم.... انا وفهد رجعنا لبعض واعترفنا لبعض بحبنا
زهرة : ربنا يسعدك دايما ياحببتي....هااه كلتي ولا اعملك اكل
حياة : لا كلت برا هدخل بقا انام عشان تعبت اوي النهاردة
زهرة : ماشي ياحببتي
حياك دخلت اوضتها وغيرت هدومها ونامت على السرير ودفنت وشها في المخدة بكسوف وهيا بتفتكر اليوم من اوله وبتضحك ببلاهه
حياة بكسوف : اعاااا بحبك يافهدي
...... في شقة سيف....
سيف وياسمين دخلو وهما بيبتسمو وماسكين ايد بعض
سيف بخضة : بسم الله الرحمن الرحيم
فهد كان قاعد على الكنبة وحاطط رجل فوق التانيه وباصص ليهم ببرود
فهد : ما لسه بدري يابيه
سيف : يابني افهم بقا دي مراتي والله
فهد ببرود : خشي جوه ياياسمين
سيف بخوف : والنبي ماتدخل هيقتلني
فهد بحدة : خشي اوضتك ياياسمين
ياسمين بصت لسيف باستسلام ودخلت اوضتها وقفلت الباب
فهد قرب من سيف وسيف فضل يرجع لورا بتعثر
سيف بتوتر : ايه ياعم انت هتتحول ولا ايه.... ياسطا ابعد
فهد بقا قدامه بالضبط ومن غير اي سابق إنذار ضربه بالبوكس في وشه
سيف بألم : اااه ياغشيم
فهد بنفاذ صبر : انا سكتلك كتير بس لو كنت سكتت اكتر كنت همو،ووت
فهد مشي ببرود وسيف بصله بغيظ
سيف : حسبي الله عسل غشيم
فهد : بتقول حاجة ياسيف مش سامعك كويس
سيف : لا ياحبي بقول تصبح على خير....الله ع الظالم يا اخي
فهد : خمس دقايق وتحصلني ع الاوضة وبتروحش كدا ولا كدا... فاهم
سيف : ياغبي افهم دي مراتي
فهد لسه هيلف ويجعله سيف طاار على الحمام
فهد دخل الأوضة وغير هدومه ونام على السرير وفضل يفكر فيها وفي تفاصيلها اللي بتأسره كل مرة
سيف خد دش وغير هدومه ودخل الأوضة لقى فهد نايم بصله بغيظ وراح على سريره ونام
الليل عدي بظلامه على أبطالنا وطلع شمس يوم جديد حاملة معها احداث جديدة وسعيدة
....... الصبح.....
زهرة بزهق : قومي بقا يااخرة صبري انا زهقت
حياة بعند : مش قايمة ياماما هه
زهرة بغيظ : طيب ياحياة خليكي نايمة وانا هفطر وانتي لما تقومي حضري الفطار لنفسك
حياة قامت من ع السرير بسرعة : ههه انتي بتتكلمي في ايه ياست الكل انا منمتش اصلاا هه قال احضر فطور قال.... روحي ياماما الله يسترك اعمليلي اكل عشان جعانة الله يخليكي
زهرة بسخرية : طفسة.... ناس متجيش غير بالعين الحمرة
زهرة طلعت وراحت المطبخ تحضر الفطور وحياة قامت غيرت هدومها واتوضت وصلت فرضها وراحت عند مامتها
حياة : تعالي ناكل في البلكونة
زهرة : ماشي يلا
طلعو البلكونة وحطوا الاكل على طاولة صغيرة وقعدوا قصاد بعض
حياة سمت ولسه بتاكل لقيت الباب بيخبط
حياة : مين الرخم اللي جاي ع الصبح كده
زهرة : معرفش استني هقوم افتح
حياة : خليكي انا هفتح
راحت وفتحت الباب وكان حسام
حياة : حس حس احب اقولك انك معندكش دم
حسام : حببتي تسلمي... وسعي كدا بقا
زقها ودخل وهيا بصتله بغيظ وقفلت الباب ودخلت وراه
حسام راح البلكونة عند زهرة : الله دا انا حماتي بتحبني بقا
زهرة : عايز ايه يانيلة
حسام : ماشي يازوزو مقبولة منك... ع العموم انا عارف انكو بتفطروا دلوقتي فقولت اجي افطر معاكو
زهرة : انت يابني معندكش بيت تأكل فيه كل ما تشوف وشي عايز تاكل دا ايه دا ياربي
حسام : بقولك ايه وسعوا كدا عشان انا اصلا زهقان وهموت من الجوع ومتأخر ع الشغل
حسام قعد وحياة كمان قعدت وبداو ياكلو
حياة : وزهقان من ايه بقا يا سي حسام
حسام : هايدي وحشتني اوي عايز اشوفها
حياة : بطل محن ياض
حسام بسخرية : قاعد مع عبده مو،ته انا والله
زهرة : بس ياض متغلطيش في بنتي
حياة حضنتها : تسلمي يامامتي ياحببتي
زهرة : بنتي مش عبده موتة بنتي رفاعي الدسوقي بتاع الاسطورة دا
حسام : هاهاهاهاهاي في منتصف الجبهه
حياة : صحيح الضربة بتيجي من اقرب الناس ليك
حسام : سيد متقولش كدا عيب احنا اهل
زهرة : ولاا اخلص كل عشان تروح شغلك مش عارفة بيشتغل دكتور ازي دا
حسام : على فكرة انا دكتور محترم وليا مركزي ميغركيش اني بهزر معاكي دا من تواضعي بس
حياة : لا فعلا متواضع
حسام : شكرا شكرا لاداعي للتصفيق ودعوني اعمل في صمت
زهرة : باااااس انتو الاتنين جبت لي صداع... كلوا من سكات
حسام هو بيشاور ع زهرة : ايه اللي جاب الوليه دي هنا
حياة هزت كتفها : معرفش ياجدع قفوشة اوي الست دي
حسام : جدا
قعدوا ياكلو في جو من الضحك والبهجة وهما فرحانين
فون حياة رن : ألوو
فهد : انا تحت خمس دقايق وتكوني عندي عشان تيجي معايا الشركة
حياة : فوريرة
قفلت مع فهد واخدت شنتطتها ومتعلقاتها
حياة : ماما انا هروح مع فهد الشركة عايزة حاجة
زهرة : مع السلامة ياحببتي خدي بالك من نفسك
حياة : تمام.... هتيجي ياحسام
حسام : لا ياختي سكة السلامة انتي انا لسه مخلصتش فطاري
حياة : ماشي ياطفس... باي
حياة نزلت وكان فهد مستنيه في العربية بنضارته الشمسية وبدلته الرسميه وكان شيك اوي
ركبت جنبه وهو بصلها بحب وباس خدها : صباح الخير ياحياتي
حياة بكسوف : صباح النور.... يلا
فهد بابتسامة مشرقة : يلا
ساق العربية وانطلقوا لمكان الشركة
...... في شقة سيف.....
سيف بزهق : مش عايز اروح الشغل انا
ياسمين : وانا كمان مش عايزاك تروح وتسبني لوحدي بس لازم
سيف بضيق : هروح واحاول مش اتأخر خدي بالك من نفسك كويس ومتفتحيش الباب لحد ولما اكلمك تردي بسرعة وكلي كويس
ياسمين بضحك : حاضر يابابا سيف
سيف داعب خدها : احلى بنوتة دي ولا ايه
بأس راسها وباسها من خدها وخدها التاني وبعدين قرب على شفايفها وخطف قبلة شاغفة مليانة حب وعشق
سيف وهو بياخد نفسه : انا ماشي عشان لو فضلت اكتر يبقا مش هروح الشغل النهاردة
ياسمين بضحك : مع السلامة
....... في بيت زهرة.....
زهرة : قوم ياحوسو افتح الباب شوف مين لحد ماأجيب الشاي
حسام : ماشي
راح فتح الباب واتفاجأ من اللي شافه مكنش مصدق نفسه
حسام : انتي مين
_ وه نسيتني ولا ايه
حسام بتوهان : ياربي من كتر ماهيا وحشاني بقيت بتخيلها في كل حته
هايدي شاورت بايدها قدام وشه : حسااام... رد ياعم .... انت نمت ولا ايه
حسام : وكمان بتخيلها بتتكلم لا دا انا اتهبلت ع الاخر
محمود جه من وراها : هايدي واجفه أكده ليه يابتي مش بتدخلي ليه
حسام : وكمان بتخيل ابوها هههه ناقص اشوف باقي العيلة داخله علينا دلوقتي
سالم وجميلة وسعدية طلعوا ع السلم وحسام اتجنن لما شافهم
زهرة طلعت : مين ياحسام... بصدمة : انتو
سالم : كيفك يازهرة
زهرة بتوتر : الحمد لله بخير
محمود : وه هتوجفينا ع الباب أكده كتير ولا ايه
زهرة وهيا بتجاهد عشان تحبس دموعها : لل.. لا اتفضلوا
دخلو وقعدو في الصالة وحسام لسه ع الباب
زهرة نغزته في كتفه : ايه يااهبل واقف كدا ليه
حسام فاق : ااه... ايه دا وهو ذا مش حلم
زهرة : ادخل ياحسام خلص واقفل الباب
حسام دخل وقفل الباب وزهرة دخلت ووقفت قدامهم
زهرة : احم... تحبوا تشربوا ايه
سالم وقف قصادها : مش هتسلمي علينا ولا ايه
فتح ليها ايده : تعالي في حضن اخوكي يازهرة
زهرة اترمت في حضنه بضعف وعيطت : وحشتني اوي ياسالم
سالم : واني اتوحشتك اكتر ياخيتي
محمود قرب وحضنها وهيا حضنته وبعدين سعدية وهايدي كمان حضنوها وسلمو عليها
جميلة وقفت قصادها وراسها في الارض ودموعها بتنزل
جميلة : كيفك ياخيتي...
........ قدام الشركة....
العربية وقفت قدام شركة كبيرة تعتبر أشهر شركة في مصر وصاحبها ملياردير حياة كانت بتشوف الشركة دي في المجلات وبس... مكنتش تعرف صاحبها مين
حياة : فهد انت جايبنا هنا ليه
فهد : ايوا ما دا مكان شغلي
حياة بضحك : هههه انت بتشتغل هنا... وياترا بتشتغل ايه بتعمل شاي صح ههههه
فهد نزل من العربية وهو بيقول : طب تعالي ادوقك من الشاي اللي بعمله
حياة نزلت وراه وهو مسك ايدها ودخل بهيبته المعتاده ونضارته الشمسيه السوده ولحيته الخفيفة اللي بتزيده وسامة وبدلته السودا
راح عند الباب واتفتح لوحده آلياََ
الأمن وقف احتراما ليه : اهلا يافهد بيه
فهد هز راسه برضا ودخل تحت نظرات حياة المتعجبة
راح عند الاسانسير وضغط على الازرار والباب اتفتح دخل وحدد الطابق اللي هيروحه
حياة بتعجب : فهد انت بتشتغل ايه بالظبط
فهد ببرود : بتاع شاي
حياة : انت هتجنني هو في بتاع شاي يتقاله يابيه
فهد بهمس عاشق وهو بيحاول يكتم ضحكته : سلامتك من الجنان ياحياتي..... يلا وصلنا
الباب اتفتح مسك ايدها ومشي
اول ماوصل كل الموظفين وقفوا باحترام وخوف وخفضوا رأسهم للارض
فهد مشي بينهم بكل غرور وهو ماسك ايد حياة اللي مصدومة وصل عند المكتب
سيلا السكرتيرة بصتله بدلع وإعجاب كانت لابسه لبس مكشوف بيظهر اكتر مابيخفي.... مخدتش بالها من حياة
سيلا بدلع : اهلا يامستر فهد نورت الشركة
فهد بجمود : ازيك ياسيلا
سيلا بسعادة : بقيت كويسة لما شوفتك.... وحشتني
فهد بصلها بنظرة حارقة ولسه هيتكلم حياة سبقته
حياة بغيرة شديدة : نعم ياروح امك مين دا اللي وحشك
سيلا بقرف : انتي مين يابتاعة انتي وازاي تكلميني كدا
حياة كانت هتتكلم فهد قاطعها بحدة : سيلا الزمي حدودك اللي بتتكلمي معاها دي تبقا مدام فهد المنياوي مراتي
سيلا بصدمة ويأس : ايه انت اتجوزت
حياة مسكت ايده وحضنته : ايوا ياحلوة اتجوز وانا مراته ياريت تتلمي بقا بعد كدا وانتي بتكلمي جوزي
سيلا اتعصبت وكانت هترد
فهد ببرود : اللي مدام حياة تقوله يتنفذ وكلامها أوامر بالنسبة للجميع فاهمة
سيلا بحزن : تمام يافندم
فهد بحدة : انا هدخل المكتب متدخليش حد من غير اذني واطلبي عصير الهانم
سيلا : تمام
فهد دخل المكتب و وراه حياة قفل الباب وقعد على الكرسي قدام المكتب
بص لحياة اللي اول مادخلت بصت للمكتب باعجاب وانبهار وبعدين اتضايقت.... لقيها واقفة بغيظ ومقوسة شفايفها زي لاطفال وعاقدة دراعاتها قدام صدرها
فهد قام وقف قصداها وباس خدها : حياتي زعلانة ليه
حياة بغضب : انا عايزة افهم بقا ايه اللي بيحصل دا وانت بتشتغل ايه وليه كل دول بيقلولك فهد بيه وايه المكتب الكبير دا وأهم حاجة مين السلعوة اللي برا دي
فهد بضحكة مقدرش يكتمها : ههههه ايه دا كله دا انتي معبيه ههههه
حياة بغضب : متضحكش
فهد كتم ضحكته : طيب طيب تعالي نقعد وافهمك كل حاجة
مسك ايدها وراحوا عند مقعد صغير يسيع لاتنين بس
قعد وقعدها على رجله وحاوطها بدراعه
حياة بكسوف : احم.. انت مقعدني كدا ليه ممكن حد يشوفنا
فهد : انتي مراتي ومحدش يقدر يدخل هنا من غير اذني اصلا وبعدين انا مرتاح كدا
حياة : طب فهمني بقا
فهد : ماشي ياستي... قوليلي عمرك سمعتي عن الفهد جروب
حياة : ايوا طبعا ومين ميعرفهاش دي أشهر مجموعة شركات في الشرق الأوسط دا صاحبها ملياردير وبعدين انا اعرف الفرع الرئيسي بتاعها اللي احنا فيه دلوقتي
فهد : طب ماانتي كويسة اهو اومال عايزة تعرفي ايه بقا
حياة : عايزة اعرف جوزي بيشتغل ايه وبعدين انا عمري ما اتخيل ادخل شركة الفهد الرئيسية
فهد : يعني دا كله ومش فهمتي انا بشتغل ايه.... طيب تعرفي مين صاحبها
حياة : لا.... بص من الاخر انت تلقاك بتشتغل هنا محاسب ولا اي حاجة متعمليش فيها راجل مهم
فهد : ياشيخة..... طب ازاي عارفة كل المعلومات دي عن الشركات ومش عارفة مين صاحبها
حياة : انا سمعت انه أصغر ملياردير في الشرق الأوسط وبس وبعدين اكيد هو واحد غني موت ومش بيجي الشركة وكدا..... قولي بقا انت بتشتغل ايه في الفهد جروب يافهد
فهد بصلها بيأس من غبائها وهيا قالت الكلام وبصت لملامح وشه واستوعبت اللي قالته بصتله تاني بصدمة
حياة : مش معقول هو ........ هو انت... يعني انت اللي......
فهد ضحك على شكلها : هههه ايوا انا
حياة : يابن القردة..... دا انت طلعت غني
فهد مسكها من ودانها : مين دي اللي قردة يابت
حياة : انا انا القردة..... قولي بقا ازاي انت صاحب الشركات دي وصاحب شركه المنياوي وليه منفصلين عن بعض
فهد : بختصار لان شركة المنياوي دي بتاعت العيلة كلها وانا بعد ما اتخرجت حبيت اعمل شغل ليا لوحدي فبدأت بشركة صغيرة وتعبت لحد مابدأت تكبر لحد مالقت مجموعة شركات الفهد
حياة : وليه مش قولتلي كل دا
فهد : انتي عمرك ماسألتيني عن شغلي وانا مكنتش اعرف انك متعرفيش وبعدين انتي ناسية الظروف اللي اتجوزنا فيها انتي محسساني اني جيت واتقدمتلك ههه
حياة بحزن حاولت تخفيه : اه فعلا عندك حق
فهد فهم زعلها وعارف اللي بيدور في عقلها حب ينسيها حزنها اتكلم بمرح : بقولك ايه اللي عملتيه مع سيلا برا دا
حياة بغيظ :عملت ايه دي بت مسهوكة مش شايف اللي لابساه اقصد اللي مش لابساه
فهد : امم شامم ريحة غيرة
حياة بتوتر : مين غيران.... انا اغار من دي دي شبة السلعوة وبعدين ازاي تشغل الأشكال دي عندك
فهد : عادي البنت شغلها ومؤهلاتها كويسين فاعطتها الوظيفة
حياة : برضو انت مش شايف بتبصلك ازاي دي معجبة بيك وشكلها بتحبك
فهد : بس انا مبحبهاش انا بحبك انت ياقمر
حياة : بجد يافهودي يعني انا احلى منها
فهد بأس خدها : انتي احلى وحدة شافتها عيني في الدنيا كلها سيلا مين دي اللي تقارني نفسك بيها انتي ست البنات وست قلبي
حياة اتكسفت وخدودها احمرت فهد باس خدها
فهد : بعشقك يافرولتي
قرب من خدها التاني وباسه وعيونها وجنب شفايفها ولسه هيبوسها من شفايفها
الباب خبط وحياة بعدت عنه بسرعة وقعدت جنبه
فهد بغيظ : مين؟
سيلا : انا يامستر فهد
حياة اول ماعرفت انها سيلا قامت بسرعة ورجعت لموضعها على رجل فهد ولفت ايدها حول رقبته
فهد فهم اللي بيدور في عقلها وابتسم بمكر : ادخلي ياسيلا
سيلا دخلت وشفتهم بالوضع دا واتغاظت حطت العصير على الطاوله اللي قدامهم
حياة بدلع : بقولك ايه ياانسة نيلا... اقصد سيلا ولا اسمك ايه.... الغي كل مواعيد فهودي النهاردة لانه مش هيكون فاضي هيكون معايا زي ما انتي عارفة عرسان بقا وكدا
سيلا بصت لفهد باستفهام وهو كان بيجاهد عشان يمنع ضحكته
فهد : تمام ياسيلا اعملي اللي حياة هانم قالته
سيلا بغيظ : تمام يامستر فهد.... عن اذنك
سيلا وصلت عند الباب وكانت هتطلع
حياة : خدي الباب في ايدك يانيلا
سيلا طلعت بضيق وقفلت الباب وفهد انفجر من الضحك
حياة : بتضحك على ايه
فهد : بضحك على حببتي الغيرانة
حياة بشراسة : انا مش غيرانة
فهد : ماشي ياستي..... وبدأ يقربها ليه لحد ما اصتدمت بصدره العريض
حياة بتوتر : فهد اوعي انت بتعمل ايه
فهد ببراءة : الله مش انتي اللي قولتي لسيلا اننا عرسان وكدا وانا هعمل زي ماالعرسان بيعملو
حياة بغباء : هو العرسان بيعملو ايه
فهد : طب ماتيجي نروح الفيلا وانا اقولك عشان مينفعش هنا
حياة : انت عندك فيلا
فهد : اومال يعني عندي الشركات دي ومش هيبقى عندي حتة فيلا
حياة : واد يافهد انت طلعت غني بجد انا هبدأ احترمك
فهد عقد حاجبيه : وانتي مش كنتي بتحترميني ولا ايه
حياة : لا اقصد هضحك عليك ماانت غني بقا بس من يوم ماشوفت ومشوفتش منك لبانة حتى
فهد بضحك : وانتي عايزة مني ايه ياست حياة
حياة : هتجبيلي شوكولاتات كتير ومصاصات وكدا بقا يابو الفواهيد
فهد : هههه والله طفلة.... يلا نمشي
حياة بصرامة : استني
فهد : ايه تاني
حياة : البت نيلا اللي برا دي تمشيها وتجيب بدلها سكرتير راجل ايوا انا مش مستغنية عن جوزي
فهد : انتي مش واثقة فيا ولا ايه
حياة : واثقة فيك اه لكن فيها هيا لاااا
فهد بضحك : ماشي ياست همشيها بس بشرط
حياة : شرط ايه
فهد بابتسامه مكر: هقولك في الفيلا يلا
فهد مسك ايدها وطلعوا من المكتب وسيلا بصت عليهم بحقد
حياة بدلع : باااي يانيلا
فهد ضحك بخفوت ومشيوا ركبوا الاسانسير ونزلوا ركبوا العربية وفهد اتجة لمكان الفيلا
........ في بيت زهرة........
زهرة : الحمد لله ازيك ياجميلة
جميلة : بخير الحمد لله..... وكملت بدموع : زهرة اني اسفة سامحيني ياخيتي
زهرة : اسامحك على ايه ياجميلة
جميلة : اني عارفة انك زعلانة عشان الكلام اللي جولته ليكي لما فهد كان في المستشفى
زهرة : اللي فات مات انسى ياجميلة
جميلة مسكت ايدها : ياخيتي والله ماكنت اجصد حاجة من اللي جولتها اني جولت أكده من خوفي على فهد ومكنتش عارفة بجول ايه..... البيت ده بيتك جبل مايكون بيتي وبيت ابني يازهرة اني اسفة ياخيتي
زهرة : خلاص ياجميلة انتي مقولتيش غير اللي في قلبك حصل خير
جميلة : والله ياخيتي ماهو دا اللي ف جلبي اني بحبك كيف خيتي بالضبط وبعتبر حياة بتي مش مرت ولدي اني عارفة اني غلطت في حجك انتي وحياة بس والله العظيم عمري مااتمنيتلك غير الخير حطي حالك مكاني لو دي حياة اللي اتض،ربت بالن،ار انتي كنتي هتعملي ايه... اني اسفة ياخيتي
زهرة حضنتها : خلاص ياجميلة انا مش زعلانة منك
جميلة : ربنا يخليكي ياخيتي
سالم : احنا جايين ناخدك يازهرة وهترجعي معانا
زهرة : بس.....
جميلة : مفيش بس لو مرجعتيش معانا هعتبر انك مش مسمحاني
زهرة بابتسامة : ماشي..... بس بشرط هتتغدو هنا النهاردة
محمود بضحك : بس أكده دا احنا اصلا جايين وعلى لحم بطننا
زهرة : هدخل احضر فطار لحد ما اطبخ
جميلة وسعدية : استني هناجي معاكي
سالم : صحيح يازهرة حياة فين
زهرة : وهيا حياة قعدت في البيت من يوم مافهد جه كل يوم يجي من الصبح ياخدها وترجع اخر الليل
سالم : ربنا يسعدهم
زهرة : حسام اتاخرت ع الشغل
حسام وهايدي كان بيبصوا لبعض بهيام وشوق وفاقو على صوت زهرة
حسام : طيب طيب ماشي
زهرة : ابقى جيب باباك وتعالوا اتغدو معانا
حسام : اوك
حسام مشي وهايدي دخلت معاهم المطبخ يحضروا الاكل
...... في شركة المنياوي.......
آية : ياهشام جبتنا اهنيه ليه ماكنا نروح معاهم عند عمتي وخلاص
هشام : ياحببتي اني عندي شغل اهنيه هخلصه ونروح ليهم وبعدين الحج عليا عايز اوريكي مكتبي
آية : ماشي بس انا هزقج اهنيه وانت هتشتغل
هشام : لا ان شاء الله مش هتزقجي لأنك هتساعديني في الشغل
آية : ماشي
طلعوا الشركة ودخلوا مكتب هشام وهو قعد ورا مكتبه وآية قصاده
هشام طلب الملفات وموظف جابهم
الموظف : اتفضل ياهشام بيه
هشام اخد الملفات وبص على الموظف لقيه بيبص لأية باعجاب
هشام بغضب : خير ياسامر في حاجة
سامر باعجاب : ماشاءالله ايه القمر دا
هشام : نعم ياروح امك
سامر : خير يافندم انا بصراحة متعجب من القمر اللي قدامي ماشاء الله اخت حضرتك جميلة اوي ياهشام بيه
هشام قام بعصبيه ولف لعنده ومسكه من تلابيب قميصه : دي مراتي ياخويا مش اختي
وضربه بالبوكس في وشه : دا عشان بصيت لحاجة مش تخصك واتفضل يلا ع مكتبك ومخصوم منك شهر
سامر طلع برا وهو ماسك فكه بوجع مكان اللكملة
ايه انفجرت من الضحك
هشام بغضب : بتضحكي على ايه
آية : هههه شكلك حلو وانت غيران ياود المنياوي
هشام بجمود : متضحكيش هو دا كل اللي همك ف الموضوع
آية : خلاص بجي ياهشام هو مكانش يعرف وبعدين حرام عليك تخصمله شهر على حاجة تافهه زي دي
هشام : انه يعاكسك جداني حاجة تافهه
آية : هو مكانش يعرف عشان خاطري متخصملوش
هشام : اهو عيونك دي اللي جيباني ورا
آية : عسل يا هيشوو عسل
هشام : تعالي ياختي ترجميلي الملفات دي خلينا نخلص
آية : ماشي ياعم متزوقش
هشام : لا هتتعاركي هتعارك
......... في فيلا فهد......
دخل الفيلا وهيا وراه انبهرت من جمالها منظمة جدا ومعظمها بالون الأسود والأثاث من الزوق الرفيع
فهد شاور بايده قدام عيونها : حيااااة... انتي هنا
حياة : يابن اللعيبة ايه الفيلا دي
فهد : عجبتك
حياة : عجبتني بس؟ دي تحفة اعااااا انا جوزي عنده فيلا كدا انا مبشوفهاش غير في الأفلام ياجدع
فهد بضحك : مجنونة
حياة : مجنونة بيك يافهدي
فهد بغمز : ماتيجي اوريكي اوضتنا
حياة : اشطا يلا
طلعوا الأوضة وكانت واسعة وجميلة اوي وفيها اوضة لتغيير الملابس وحمام
حياة : الله دي اوضتنا
فهد : اممم
حياة : انا مش مصدقة حاسة اني بحلم.... بس يعني انت كنت عايش هنا لوحدك
فهد : انا مكنتش بنزل الصعيد كتير وكل حياتي كانت هنا
حياة قربت منه بغموض : اوعا تكون بتجيب فيها بنات
فهد بضحك : لا متخافيش انا محترم
حياة بارتياح : طمنتني
فهد : مع الكل الا معاكي انتي
حياة بتوتر : قصدك ايه
فهد : هتعرفي..... وبدأ يقرب منها بخبث وهيا ترجع لورا بتوتر لحد ما قعت ع السرير وفهد حاصرها بدراعه
حياة بتوتر : فهد ابعد
فهد بعشق : تؤ تؤ
حياة : فهد.....
قاطع كلامها قبلة في شفايفها منه مليانة عشق وشغف وحب
فهد : بحبك ياحياتي
وباسها من خدها وخدها التاني ومن كل مكان في وشها
نزع حجابها وشم ريحة شعرها بهيام وباسها من رقبتها
وبعدين قرب على شفايفها وباسهم برقة
وداروا في دوامة عشقهم
........ في المستشفى......
الممرضة : دكتور حسام...يدكتور
حسام كان سرحان وبيفكر فيها : هااه ايه يا سها فيه ايه
سها الممرضة : بقالي ساعة بنادي عليك وانت ولا هنا.. المريض اللي في الاوضة ٧ فاق
حسام : طيب روحي انتي وانا جاي وراكي
الممرضة طلعت وحسام ضرب راسه بخفة : فوق بقا وبطل تفكير
طلع من اوضة مكتبه وراح عند المريض
.......... ي بيت زهرة ..........
زهرة : يلا ياسالم اتصل بالاولاد عشان يجو يتغدو معنا
سالم : اني هكلم فهد وانت يامحمود كلم هشام
محمود : ماشي ياخوي
زهرة بهمس لهايدي : وانتي كلمي حسام
هايدي بكسوف : ماشي
....... في فيلا فهد......
المكان هادي مفيش غير صوت ضربات قلبهم اللي بتبين عشقهم لبعض
فاقوا علي صوت التلفون فهد بعد عنها بغضب ومسك الفون ورد
فهد بغضب : ألوو
سالم : مالك ياخويا غضبان أكده ليه شكلي جطعت عليك اللحظة
فهد : ربنا يسامحك بجي
سالم : احنا اهنيه في بيت عمتك جيب مرتك وتعالو عشان نتغدى مع بعض
فهد : جيتو امتا ومش جولتولي ليه
سالم : النهاردة الصبح وخلص تعالي وبطل تلعب بديلك
فهد باحراج : ماشي
قفل وبص لحياة اللي حانت بتخبي وشها بين ايديها بكسوف
فهد : شكلك قمر حتى وانتي مكسوفة
حياة مردتش وفهد ضحك : طب شيلي ايدك طيب
حياة هزت براسها بالنفي
فهد : طب يلا عشان هنروح عندكو العيلة كلها هناك
حياة شالت ايديها بسعادة : بجد
فهد : شيلتي ايدك دلوقتي ليه
حياة قامت تلبس حجابها : يلا بسرعة وحشوني اوي
فهد بضحك : يلا
....... في المستشفى.....
حسام : وحشتك ولا ايه
هايدي بتوتر وكسوف : ل.. لاه هو عمتي بتجولك يلا تعالي عشان الغدا
حسام : فوريرة مسافة الطريق
قفل معاها واخد متعلقات وطلع من المستشفى بسرعة وكلم حسين وراحوا بيت زهرة
........ في بيت زهرة.....
بعد ساعة كان الكل متجمع في البيت وقاعدين على سفرة الاكل والابتسامة على وشهم
اتغدا في جو اسري مليان بهجة وخلصوا الاكل وقعدوا في الصالة مع بعض
زهرة وحياة قدموا الشاي وقعدوا معاهم
فضلو يهزروا يضحكوا مع بعض لحد ما المغرب اذن والرجال راحوا الجامع وصلوا والستات صلوا مع بعض جماعة في البيت
بعد شوية كان الليل جه والعيلة كلها اتجمعت تاني مع بعض وقعدوا يتكلمو ويضحكوا ويدعوا ربنا يديم السعادة في حياتهم
حسام : احم... طب ياجماعة بما اننا متجمعين حابب اقولكم حاجة
الكل بصله بانتباه وهو كمل بجدية
حسام : انا كنت عايز اكتب كتابي على هايدي كمان يومين ويكون الفرح كمان
....... يتبع.......
سلمي الألفي
اتمني البارت يعجبكم..... انجوووووي♥️♥️
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق