رواية مفيش رحمه الفصل الحادي عشر 11بقلم لولو محمد
رواية مفيش رحمه الفصل الحادي عشر 11بقلم لولو محمد
((((((((مفيش رحمه )))))))
#لولو_محمد
الحلقه الحاديه عشر
عماد / بقولك ايه يا رحمه متنسى الزعل مسافه السكه و تبدلى مع اخوكى
رحمه / و انا ايه يجبرنى يعنى
عماد / وحياه اخوكى يا شيخه وحياه اخوكى يلا بقى
رحمه / اتفضل و افتكر
عماد / عمرى مهنسالك الجميل ده ابدا
رحمه تروح تقعد جنب رحيم
رحمه / ممكن اقعد جنب الشباك
رحيم / و انتى كنتى جنب الشباك هناك
…………………….
رحمه / مش عاوزه شكرا
رحيم يقوملها و هى تقعد
رحيم / بكره الواحد يتعود
رحمه / على ايه
رحيم / اصل دى اول سفريه لينا بعد ....
رحمه / اه هو ده عيبه فعلا اننا قرايب اقصد لسه مضطرين نتعامل مع بعض
رحيم / معلش استحملى مانا مستحمل اهو
رحمه / معلش
رحيم / اول حاجه فى البنت اللى هتجوزها انها تكون بتعرف تحمر شعريه كويس الواحد لازم يتعلم من تجاربه السابقه
رحمه / انا بقى معنديش استعداد انى اربط حياتى بحد اصلا محدش يستاهل اساسا
رحيم / معاكى حق فعلا محدش يستاهل
رحمه / اصل قلبى مش لعبه عشان اجرحه كل شويه
رحيم / ولا قلوب الناس على فكره
رحمه / انهى ناس دول اللى بتتكلم عليهم اللى بيوعدوا و يخلفوا و لا اللى بيدحكوا عليك و لا اللى بيخونوك و لا ايه
رحيم / لا اللى حبوا بجد و مخدوش غير على قفاهم
رحمه / اشفهمهم هما فى الحب الحب برئ من كدبهم
رحيم / الحب برئ من ناس تانيه متعرفش ان الحب اللتزام و تضحيه و انك تتمسك بحبيبك مهما كانت الظروف مش تبيعه فاول مطب
رحمه / انا بكره الحب انا عمرى مهحب ابدا
رحيم / يا بختك
.........
فى الاوضه
عماد / مالك
رحيم / اول مره ابقى مع رحمه فى الطياره و متبقاش ماسكه فى ايدى اول مره
عماد / و مدام وحشاك اوى كدا متروحلها و تقولها انك بتحبها مش هتلاقى جو احلى من كدا
رحيم / كان يمكن لو مكنتش قالت اللى قالته و عملت اللى عملته كان ينفع فى ظروف تانيه
عماد / انتوا لسه صغيرين و الموقف ده هيبقى تافه اوى جنب بلاوى كتير جايه
رحيم / الموقف ده عمره مهيتنسى
.........
رحمه تسيب اوضتها و تخرج تتمشى عالبحر تلاقى رحيم واقف بعيد تروحله
رحمه / بتعمل ايه هنا
رحيم / جيتى امتى
رحمه / لسه حالا انت محستش بيا و لا ايه
رحيم / كنت سرحان
رحمه / اللى واخد عقلك
رحيم / واحده هبله
رحمه / طب متتصل بيها تتطمن عليها
رحيم / هى مين دى
رحمه / روقيه
رحيم / ارحمينى بقى انتى ايه
رحمه / معلش انا كدا كدا كنت ماشيه خد راحتك
رحيم / استنى انتى ليه بتعملى كدا لانتى مبسوطه و لا انا ليه استفدتى ايه باللى عملتيه ده
رحمه / اسمع يا رحيم احنا ولاد عم و بس ماشى و بس و حط تحت و بس دى مليون خط
رحمه تمشى و هى بتعيط تقابل عماد
عماد / مالك يا رحمه فى ايه
رحمه / مفيش تلاقى حاجه دخلت فى عينى
عماد / و الحاجه دى تخليكى تتشحتفى كدا حرام عليكى نفسك
رحمه / مفيش حاجه خلاص
عماد / طب كنتى رايحه على فين كدا
رحمه / راجعه اوضتى زهقانه و الجو مش عاجبنى عن اذنك
............
تانى يوم الفجر
رحيم و عماد نايمين و الباب يخبط رحيم يصحى يفتح يلاقى رحمه
رحيم / رحمه خير
رحمه / عماد صاحى
رحيم / لا نايم انا صاحى خير
رحمه / لا شكرا مفيش
رحيم / طب استنى هصحيلك عماد
رحمه / مفيش داعى انا هجرى شويه و هرجع علاطول سيبه نايم
رحيم / طب انا ثوانى و هلبس الكوتشى و اجى معاكى
رحمه / قولتلك شكرا عن اذنك
رحمه تمشى و رحيم يجرى يلبس الكوتش و يجرى وراها
............
رحمه تجرى و مش عارفه ان رحيم وراها رحمه تسرع هو يسرع تبطئ يبطئ تخاف و تطلع تجرى يجرى وراها
رحيم / رحمه رحمه
رحمه تقف / هو انت وقعت قلبى يا بعيد
رحيم / هههههههه هيكون مين يعنى
رحمه / تعبتنى جريتنى الشط كله
رحيم / طب اقعدى ارتاحى شويه
رحمه / لا انا هرجع الاوتيل
رحيم / طب ممكن خمس دقايق بس اخد نفسى بصفتى ابن عمك و بس خلاص
رحمه تقعد
رحيم / ايه رايك نتفق اتفاق
رحمه / قول
رحيم / حتى لو مكناش مع بعض فلازم نفتكر اننا قرايب و دم واحد بصى انا فى دهرك مهما حصل و مش عاوز منك غير انك تنسى انى رحيم الوحش اللى جرحك مش فاكر امتى بس ماشى و اعتبرينى رحيم ابن عمك اللى كان مسافر بعيد و لسه راجع ممكن
رحمه / معنديش مانع يلا نرجع الاوتيل بقى عشان ميقلقوش علينا
............
فى مصر بعد فتره فى شقه رحيم
رحمه / هو رحيم هنا يا طنط
زينب / لا خرج من بدرى قال وراه مشاوير مهمه اوى النهرده و نزل يجرى
رحمه / ماشى عن اذنك
زينب / متكلميه عالموبايل لو عوزاه ضرورى يعنى
رحمه / لا ملوش لزوم سلام
رحمه تنزل و توقف تاكس
........
فى دار ايتام
المديره / ازيك يا انسه رحمه ثوانى انا بعت حد ينادى على بشرى
عامله تفتح الباب و معاها طفله صغيره لما تشوف رحمه تجرى عليها و تحضنها
رحمه / ازيك يا شوشو كبرتى و بقيتى قمر ها نفسك فى ايه فى عيد ميلادك
بشرى / هو ابيه رحيم فين
صوت من عالباب / هنا يا شوشو معلش اتاخرت كنت بجيب احلى تورته لاحلى بنوته
رحمه / افتكرتك نسيت
رحيم / انا ممكن انسى اى حاجه الا بشرى .... هو احنا ممكن ناخد بشرى معانا نفسحها النهرده
المديره / ممكن طبعا
رحيم / كل سنه و انتى طيبه يا ست البنات يلا نروح نطفى الشمعه مع صحباتك
بشرى / يلا
العامله تاخد التورته و يروحوا اوضه فيها ترابيزه و يتلموا هما و شويه بنات كمان و يطفوا الشمع و رحمه تقطع التورته و توزع عالبنات
رحيم / ايه رايك نطلع عالملاهى
بشرى / ماشى
رحمه و رحيم ياخدوا البنت و يطلعوا عالملاهى
بشرى / هو انتوا اتجوزتوا
رحمه / بصى يا شوشو انا عاوزه اقولك ان انا و ابيه رحيم...
رحيم / ايه رايك فى اللعبه دى يا شوشو يلا نلحقها
رحيم يوشوش رحمه / بشرى صغيره على انها تفهم و النهرده عيد ميلادها خليها تنبسط ماشى
رحمه / ماشى
رحيم و رحمه و بشرى يلعبوا فى الملاهى
رحمه / ايه رايكوا نروح نجيب فستان جديد لبشرى
رحيم / انا موافق يلا بينا
اخر اليوم رحمه تروح الدار نايمه على كتف رحيم و شايلين لعب و دباديب و اكياس مليانه هدوم وبلالين و يسلموها لمديره الدار
المديره / بجد انا مبسوطه ان فى شباب فى سنكوا بيكفلوا طفله زى بشرى متتخيلوش هى بتستنى عيد ميلادها قد ايه عشان تشوفكوا و طول الوقت بتتكلم عنكوا و بتقول لما هكبر عاوزه ابقى زى رحمه و رحيم
رحيم و رحمه يبتسموا و يمشوا
فى العربيه
رحمه / ساعات بيبقى نفسى اخدها معايا البيت
رحيم / ايوه كنا وعدناها اننا لما نتجوز هناخدها تعيش معانا
رحمه / للاسف ده مش هيحصل
رحيم / فاكره اول مره قررنا نكفلها
رحمه / اه كانت فكره تيته عشان ربنا يجمعنا ببعض اننا نكفل بنوته
رحيم / كانت اجمل نونو فى الدار كله
رحمه / بس انت كنت عاوز ولد و انا بنت
رحيم / و كالعاده كلامك هو اللى بيمشى
رحمه / نصيب كلو نصيب
...........
فى البيت بعد فتره
رحيم داخل المطبخ و شايل اكياس بالهبل يحطها عالارض يلاقى رحمه بتعمل اكل
رحمه / ايه ده كلو
رحيم / طلبات الشهر اتقطم ضهرى فى تطليع الحاجات دى
رحمه / ههههههههههه امال ماما فين
رحيم / دخلت المعرض الله دى ريحه ايه دى بتعملى شعريه بلبن
رحمه / اه هعملها حلو عالغدى ايه نفسك فيها
رحيم / بصراحه اه مكلتهاش من زمان و ريحتها حلوه اوى
رحمه / خلاص اول متخلص هبعتلك طبق
رحيم / شكرا تحبى افضى معاكى الاكياس
رحمه / لا كفايه تعبك فى تطليعهم انا هفضيهم
.......
فى اوضه رحيم بعد شويه
رحيم بيرسم لوحه و رحمه تدخل و فى ايدها سلطانيه شعريه باللبن و على وشها مكسرات
رحيم / تعبتى نفسك
رحمه / الف هنا ايه ده بتعمل لوحه الرسم
رحيم / اه بستنتج الايزومتريك
رحمه / انا خلصتها امبارح ممكن ابص
رحيم / طبعا
رحمه / الخط ده غلط المفروض يبقى منقط
رحيم / صح تصدقى
رحمه / افتكر الجمايل
رحيم / تتردلك ان شاء الله
رحمه / ايه مش هتدوق و تقولى رايك
رحيم / اكيد حلوه كفايه ان انتى اللى عملاها
رحمه / انت حليت شيت الديناميكا
رحيم / اه
رحمه / انا مش عارفه احل رقم 9
رحيم يطلع اسكتش مربعات و يديه لرحمه / اهى خديها
رحمه / و انا لما انقلها هستفيد ايه
رحيم / طب اقعدى اشرحهالك
زينب تدخل
زينب / الغدى اتحط و لا انت شبعت مالشعريه
رحمه / خليها مره تانيه انا كمان هروح اتغدى
رحيم / انا مش خارج بالليل ممكن اعدى عليكى بعد التمرين ايه رايك
رحمه / اوك سلام
رحمه تمشى
زينب / ايه صالحتك بطبق شعريه بلبن
رحيم يبص لامه و يتنهد
زينب / الغدى جاهز هتيجى تاكل و لا ايه
رحيم / مش جعان ورايا لوح كتير قبل منزل التمرين اتفضلى اتغدى انتى
زينب تمشى و رحيم يقفل الباب و يمسك السلطانيه و ياكل الشعريه و هو فرحان اوى
...........
فى التمرين
الكابتن / انت معدتش مركز يا رحيم مستواك بيقل من ساعه البطوله اللى فاتت
رحيم / انا اسف يا كابتن بس فعلا انا تعبان اوى الفتره دى الدراسه واخده معظم وقتى و تفكيرى
الكابتن / اكيد الهندسه مش حاجه سهله بس التفوق الرياضى ده بيديك درجات برضه متنساش قد ايه هو مهم
رحيم / طبعا يا كابتن ان شاء الله هتحسن عن اذنك
.............
فى اوضه رحمه
رحيم يخبط و يفتح الباب يلاقى رحمه قاعده عالسرير و فاتحه اللاب و قاعده عالفيس
رحيم / ادخل
رحمه / طبعا تعال ايه اخبار التمرين
رحيم يقعد عالسرير و يبصلها بحسره
رحيم / الكابتن مش طايقنى بيقول ان مستوايا فى النازل و مش مركز و مش عارف اعمل ايه
رحمه / امم معلش حاول تنظم وقتك اكتر و ان شاء الله ترجع لمستواك ثوانى هجيب ورق تشرحلى المساله
رحمه تحط اللاب عالسرير و تسيبه مفتوح و فجاه تجيلها رساله
رحيم / ايه ده انتى لسه بتكلمى ماجد الزفت ده
رحمه / ايه ده لا انا لسه قابله طلب الصداقه من شويه
رحيم / براحتك انا الغلطان اصلا هاتى قلم اما اشرحلك المساله دى عشان اقوم
رحمه / انت زعلان ليه بعتلى طلب و انا وافقت
رحيم / و توافقى ليه مالاصل هو كان من باقى عيلتك عشان تضيفيه عالفيس
رحمه / مانا ضايفه رامى و نص شباب الدفعه اشمعن ده اللى مدايقك اوى
رحيم / افهمك ازاى بصى الواد ده مش كويس و بكره تقولى رحيم كان معاه حق .
رحمه / بص انا كل اللى بينى و بينه انه بيصورلى ورق الكورسات بس مش اكتر
رحيم / لو عاوزه الورق انا هجيبهولك بس ابعدى عن الزفت ده
رحمه / خلاص خلاص خلينا فى المساله
..........
فى الكليه تانى يوم رحيم قاعد مع رامى عالسلم جنب المدرج
رامى / فى حوار عاوز اكلمك فيه
رحيم / خير
رامى / بص انا مش عاوزك تتنرفز دا كلام سمعته والله اعلم ان كان صح و لا لا
رحيم / انت كدا بتعصبنى قول سمعت ايه
رامى / الواد ماجد كان بيتكلم مع ممدوح على رحمه بيقوله انه كان السبب فى انفصالكوا عشان هى بتحبه و اتراهن معاه و لما ممدوح مصدقوش اتراهن معاه انه هيثبتله
رحيم / و عرفت منين
رامى / سمعت ممدوح بيحكى لمحمد السيد بس هو مكنش واخد باله انى قاعد وراهم
رحيم يقوم و يمشى
رامى / استنى يابنى انت رايح فين
رحيم يخرج بره المبنى يقابل روقيه
روقيه / رايح فين
رحيم / مشوفتيش ماجد
روقيه / اه كان عند الكافيتريا مع رحمه و ريهام
رحيم / شكرا
روقيه / احجزلك جنبى
رحيم / ماشى شكرا
رحيم يمشى و رامى يجرى و هو شايل الادوات و الكشاكيل
رامى / هو راح فين
روقيه / راح الكافيتريا
رامى يديها كل اللى هو شايله
رامى / معلش خلى دول معاكى عشان رحيم هيرتكب جنايه
روقيه / اوك مفيش مشكله
........
عند الكافيتريا
رحمه / يلا نقوم بقى عشان نلحق نحجز فى المحاضره
ماجد / هو انتى مبتفوتيش محاضره خالص كدا
رحمه / انا بخرج من بيتنا على انى رايحه الكليه فدا اللى المفروض اعمله
ماجد / وهو انا قولتلك روحى بره اقعدى فى الكليه برده بس مش لازم يعنى تسمعى كلام ممل مبنفهمش منه حاجه ماحنا قاعدين زى الفل اهو
ريهام / خليك انت يلا يا رحمه
رحيم يدخل يشد ماجد من قفاه من عالكرسى و يوقعه عالارض
رحمه / انت بتعمل ايه يا رحيم
رحيم / متدخليش انتى و روحى على محاضرتك
رامى يجى جرى و ماجد يقوم
ماجد / انت اتجننت والله لولا وجود رحمه كنت وريتك شغلك
رحيم / امشى يا رحمه خليه يورينى
رامى / مش هنا يا جدعان كرنيهاتنا هتتسحب
ماجد / يلا يا رحمه اوصلك المدرج
رحيم يمسكه و يضربه بالركبه فى بطنه و يوقعه عالارض
رحيم / انا كلمتك بالزوق و قولتلك ابعد عنها قله ادبك دى لو استمرت قسما عظما لندمك انت فاهم و لا لا
ماجد / مش انت دكر اوى خلاص اطلعى بره سور الكليه و نشوف
رحمه / انتوا اتجننتوا خلاص يلا يا رحيم نلحق المحاضره الدكتور بياخد غياب يلا بينا
رحيم / قولتلك ملكيش دعوه انتى ... انا هسبقك على بره متتاخرش
ريهام / يلا يا رحمه ملناش دعوه احنا هما رجاله مع بعض
رحمه / روحى انتى
رامى / روحى المحاضره يا رحمه الموضوع كبير و متحشريش نفسك فيه
......
بره البوابه
رحيم / متدخلش نفسك فى حوار ميخصكش
رامى / انت تخصنى يا صاحبى و رحمه زى اختى تخصنى برده
ماجد يطلع و معاه خمسه صحابه
رحيم / كنت متاكد ان التيت ده مش هيجى لوحده
ماجد / ايه لسه عاوز تتخانق
رحيم / انا مش هتخانق انا هموتك
العيال كلهم يبدا ضرب فى بعض بس الكتره تغلب الشجاعه حد منهم يضرب رحيم بالمسطره على ضهره المسطره تتكسر و رحيم يقع فى الارض و ماجد يجى يضربه يلاقى حد بيصربه براس المسطره على دماغه دماغه تتفتح يضير يلاقى رحمه
اصحاب رحيم يدخلوا و يفكوا الموضوع
رحمه / معلش اتاخرت كنت بنادى صحابك
رحيم / انتى اش حشرك اصلا
رحمه / انت كنت هتنضرب لولايا المفروض تشكرنى
ماجد / مخلصتش سلام
ماجد يمشى هو و صحابه
رحيم / قدامى عالبيت
رحمه و رحيم يركبوا العربيه و واحد صاحبه يتصل بيه عالتليفون
رحيم / الو ... معلش اه عارف ..... ابقى عديهم عليا بعد الكليه .... معلش تعبتك .... سلام
رحمه / خير
رحيم / نسيت مسطرتى و كشاكيلى مع روقيه و رامى هيعديهم عليا فى البيت
رحمه / ممكن اعرف ايه سبب الهبل اللى انت عملت ده
رحيم / انتى مانتى لو بتسمعى الكلام مكنش فى حاجه حصلت كان زمانى قاعد فى محاضره الانتاج بسمع كلام نظرى ملوش تلاتين لازمه و اتاخد حضور و اروح هادى لكن ازاى لازم الهانم تعند و تنشف دماغها اصل النصيحه لما تيجى من رحيم تبقى وحشه
رحمه / خلصت انت متتحججش بيا انت اصلا بتكرهه من زمان و ما صدقت لقيته قاعد معانا فى منتهى الاحترام تقوم تضربه و تعمل مشكله منغير سبب
رحيم / انتى متخيله انى ضربته عشان البيه قاعد معاكى لا يا ماما انا ضربته عشان البيه بيقول لاصحابه انك سبتينى عشانه و طبعا لما محدش صدقه اتراهن انه هيثبتلهم
رحمه / ايه الفيلم العربى الفاشل ده لا طبعا اى كلام و السلام
رحيم يفرمل العربيه
رحمه / وقفت ليه
رحيم/ انتى مبتتعبيش بجد علاطول كدا من امتى بقيتى كدا عمرك مكنتى كدا
...................
تكملة الرواية من هنا اااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
)))))) #لولو_محمد …){kind=link}
تعليقات
إرسال تعليق