رواية مفيش رحمه الفصل الأول والثاني والثالث والرابع بقلم لولو محمد
رواية مفيش رحمه الفصل الأول والثاني والثالث والرابع بقلم لولو محمد
((((((مفيش رحمه ))))))
#لولو_محمد
الحلقه الاولى
القصه دى قصتى انا و انا الوحيد اللى هقدر احكيها بكل تفاصيلها هى قصه حلوه الحقيقه ههههه بس عشان تفهموا الاحداث لازم ارجع معاكم اربعه و عشرين سنه فاتوا لان القصه دى هى قصه حياتى
///////////
فى عماره الدور مكون من شقتين متقابلتين
فى احدى الشقق
سيده / عملتوا ايه عند الدكتور ها فى حاجه حلوه
شاب و بنت يبصوا لبعض و يبصوا فى الارض
الشاب / انا نازل المعرض عشان محمد واقف لوحده عن اذنكوا
الشاب ينزل
بنت / ايه يا حماتى مانتش شايفه مهو باين من شكلهم ياخوانا مترحموا نفسكوا بقى لو كان ربنا عاوزكوا تخلفوا مكان رزقكوا من زمان و بطلوا بقى الفلوس اللى عمالين تصريفوها دى عمال على بطال
بنت تانيه / عن اذنكوا
البنت التانيه تروح بيتها فى الشقه المقابله و هى بتعيط
الست / بس يا زينب عيب كدا
زينب / و انا قولت ايه مش دى الحقيقه عشر سنين رايحين جايين عالدكاتره و مفيش فايده انا قصدى يعنى اريحهم
الست / والله الكل هيرتاح لو كل واحد خلاه فى حاله
طفل صغير عنده تمن سنين يجى
الطفل / تيته هو انا ممكن انزل اللعب مع صحابى فى الشارع
زينب / انزل يا حبيبى
الست / انا هروح اطمن على حياه
زينب / انا جايه معاكى
الست / لا خليكى انتى اعملى الغدى
........
الست تروح الشقه المقابله و تضرب الجرس حياه تفتح الباب و هى بتعيط
الست / ياعنى هو العياط هيخليكى تحملى
حياه / المرادى كان عندى امل كبير اوى
الست / اسمعى يا حياه محمود بيحبك و بيزعل لما بيشوفك كدا لازم تفهمى انك فى نعمه و تحمدى ربنا عليها مش اى راجل فى الدنيا هيرضى يعيش مع واحده مبتخلفش عشر سنين و يصبر اى واحد تانى كان زمانه اتجوز و ريح دماغه
حياه / انا عارفه والله يا امى بس اعمل ايه مهو مش بايدى
الست / لا فى ايدك
حياه / ازاى بس يا ماما
الست / اقنعيه يتجوز يا بنتى انا مش هعيش العمر كله و من حقى افرح بولاده
حياه / انا ممنعتوش
الست / يا بنتى انا مقدره انها مش سهله ابدا انا عارفه انا بطلب منك ايه بس لو بتحبى محمود بجد اطلبى منه يتجوز هو عمره ميوافق الا لو انتى اللى طلبتى منه
حياه / طلبت مره و اتنين و مليون و على يدك اعمل ايه بس اعمل ايه
حياه تعيط
الست / اهدى يا بنتى
حياه/ انتى فكرانى مبسوطه انا تعبت بجد عشر سنين ادويه و حقن و عمليات صدقينى تعبت
جرس الباب يخبط
حياه / و اهى جت اهيه اكيد دى زينب جايه تدينى دروس فى الامومه
الست / طب خشى اغسلى وشك و انا هفتحلها
حياه تروح الحمام و الست تفتح الباب تلاقى زينب
الست / هتقعدى بادبك اهلا بيكى اى كلمه وحشه
زينب / كلمه وحشه اخص عليكى يا حماتى لا بجد اخص دا حتى حياه اختى الكبيره مرات الكبير و مقدرش ابدا ازعلها
حياه تطلع مالحمام
زينب / يلهوى عنيكى مالها حمره كدا ليه اوعى تكونى بتعيطى لا لا لا
حياه / مفيش حاجه اعملكوا شاى
زينب / ياختى متتعبيش نفسك هو احنا غرب و بعدين انتى مزعله نفسك على ايه بلا خيبه كل ده عشان تجيبى حته عيل يشيل اسم العيله مخلاص عماد ابنى شاله فمتشيليش هم و ان كان يعنى عالورث
الست / زينب
زينب / ايه انا بحاول اخفف عنها انها مبتخلفش
الست / زينب
زينب / حاضر حاضر بصى يا حياه بينى و بينك يعنى مين يعنى مستعده تبوظ جسمها عشان يعنى تبقى ام خليكى كدا احسن خفيفه بطولك بلا عيال بلا بتاع و تغيرى كوافيل و تسهرى طول الليل على ايه يعنى مهو عشان كدا انا مرضيتش اخاوى عماد مع انى اقدر احمل يعنى
الست / اخبار الغدى ايه يا زينب
زينب / يلهوى الاكل عالنار عن اذنكوا بقى يا جماعه
زينب تمشى
الست / يلهوى عليها بت والله لولا عماد مكنت عشت معاها يوم و كنت خلتنى معاكى انتى
حياه / شكرا يا ماما
...........
فى معرض موبليا واخد الدورين الارضى و الاول من العماره
شاب / ياعم متزعلش المره الجايه ربنا يكرم
محمود / انا تعبت يامحمد
محمد / خلاص ياعم هى مش اتحايلت عليك تتجوز اتجوز
محمود / انت عارف ده هيجرحها قد ايه
محمد / يابنى بطل قلبك الحنين ده عشر سنين جواز و مفيش حمل اتجوز يابنى
محمود / انسى انا عمرى مهتجوز عليها حتى لو عشت عمرى كله منغير عيال و الموضوع انتهى و يلا انزل عن نفوخى بقى عشان ورايا شغل
محمد / بخاطرك
.............
بالليل فى شقه حياه
محمود قاعد بيتفرج على التليفزيون و حياه جايبه صينيه شاى
محمود / تسلم ايدك يا قمر
محمود ياخد الشاى من حياه
محمود / يا سلام احلى كوبايه شاى من احلى ايدين فى الدنيا
حياه / تسلملى يا حبيبى ... بقولك ايه انت بتتفرج على حاجه مهمه
محمود / معنديش فى الدنيا اهم منك يا قلبى ايه خير
حياه / كنت عاوزه اتكلم معاك فى موضوع كدا و مكنتش عاوزاك تكسفنى
محمود / لو موضوع جوازى يبقى وفرى على نفسك الكسفه و متفتحيهوش تانى و اتفرجى عالتلفزيون احسن
حياه / يا محمود انا تعبت
محمود / بصى يا حياه لو تعبتى و مش عاوزه تحاولى تانى خلاص حقك و مش هجبرك و يبقى خلاص نرضى بقاء ربنا و نكمل باقى عمرنا نسعد فى بعض و خلاص لكن انى اخلف من غيرك دا مش هيحصل انا معنديش اى استعداد انى اعرف غيرك اصلا ازاى اصلا هخلف من واحده مبحبهاش انا كدا هبقى بظلمها على فكره و بظلمك و بظلم نفسى و بظلم المسكين اللى هيجى
حياه / مانت هتحبها صدقنى مع الوقت و العشره هتحبها
محمود / انسى و الموضوع ده تعبت مالكلام فيه انا مش عاوز عيال غير منك انتى و لو انتى مش عاوزه يبقى بناقص
حياه / مش عاوزه ؟؟؟؟ انا مش قادره
محمود / طب بصى ايه رايك ننسى الموضوع ده شويه و نسافر نتفسح يومين و نغير جو و نبعد عن الوش ده خالص و لا اقولك حاجه احسن اما حته فكره
حياه / خير فكره ايه
محمود / انا بقول نطلع عمره نزور بيت ربنا اكيد ده هيريح نفسيتك اوى
حياه / فكره حلوه اوى
محمود / خلاص انا هروح بكره احجزلنا و نخلص الموضوع ده
حياه / طب بالنسبه لجوازك
محمود / ياربى عليكى زنانه قولت لا انسى
حياه / يووووووووووووه
محمود / بقولك ايه ايه رايك اعمل معاكى اتفاق
حياه / ماشى قول
محمود / بصى انتى اوعدينى انك مش هتفتحى الموضوع ده تانى لحد منروح العمره و نرجع و نروح للدكتور و نحاول مره كمان
حياه / يا محمود تانى مش حرام الفلوس دى
محمود / فلوس ايه اللى بتتكلمى عليها يا حياه انتى عندى اهم و اغلى من فلوس الدنيا و لو مش عاوزه تحاولى تانى انا مش هجبرك
حياه / انت ازاى مبتزهقش منى
محمود / عشان انا بحبك و بحبك اوى كمان
.............
فى شقه زينب
محمد نايم عالسرير و زينب قاعده تسرح شعرها قدام التسريحه
زينب / ابخات
محمد / بتقولى حاجه يا زينب
زينب / الله مانت صاحى اهو
محمد / و هو انتى طول مانتى قايده النور ده حد يعرف ينام برده
زينب تروح تقعد جنب محمد عالسرير
زينب / بقولك ايه ياخويا
محمد / ايوه يا ستى خير
زينب / ايه رايك فى حنان بنت عمى صغيره و حلوه و معاها شهاده
محمد / حلوه ايه عاوزه تجوزيهالى
زينب / تصدق انك راجل ناقص بقى اخوك اللى مراته معيوبه و مبتخلفش بقاله عشر سنين الكل بيتحايل عليه يتجوز و رافض و انت عاوز تتجوز عليا
.............
محمد / اولا حياه مش معيوبه دا قضاء ربنا و ميعيبهاش فى حاجه مش ذنبها
زينب / ياخويا مقولتش حاجه انا بس بقول يعنى ان حنان ممكن يعنى تحل المشكله لو عرفناها على محمود و كدا يعنى
محمد / متحاوليش و بقولك ايه متريحى دماغك مالناس و تخليكى فى حالك اريح
زينب / الله مهو ده حالى برده و بعدين انا بعمل كدا بحسن نيه والله
محمد / حسن نيه برضه يا زينب و لا عشان تكيدى حياه
زينب / انا برضه يا محمد طب اخص عليك والله اخص طب اكيدها ليه انا من مصلحتى انها متخلفش عشان كل حاجه فى الاخر تبقى لعماد ابنى لكن لا انا قلبى طيب و كنت عاوزه افرح باخوك
محمد / اه تفرحى باخويا و تكيدى مراته
زينب / برده يا محمد طب تصدق انى غلطانه انى بتكلم معاك نام نام احسن
محمد / اه والله دى احلى حاجه سيبينى انام بقى
................
بعد فتره
الست / تروحوا و تيجوا بالسلامه و الله كان نفسى اجى معاكم بس خليها مره تانيه
حياه / هتوحشينى يا ماما
محمد / يلا يا جدعان هتتاخروا عالطياره
زينب / متنسيش تجيبيلى الحاجات اللى قولتلك عليها ماشى كام عبايه على كام توب قماش من اللى قلبك يحبهم و بيقولوا الدهب هناك حلو اوى هاتيلى ماشى
الست / تروحوا و تيجوا بالسلامه يا بنتى
محمود / مع السلامه يا ماما
الست / ابقوا طمنونى لما توصلوا
محمود / حاضر باذن الله اقرب تليفون هكلمك
الست / و انا قاعده جنب التليفون مش هتحرك
محمد / متيلا يا جماعه الطياره هتفوتكوا و انتوا بتسلموا
محمود و حياه يركبوا العربيه و محمد سايق
زينب / مرزقه من يومها
الست / نفسك تبقى زيها
زينب / ابقى زيها دا ايه ربنا يخليلى عماد انا هطلع بقى عشان احضر الغدى
الست / احسن اهو تبقى عملتيلك حاجه مفيده
................
بعد فتره فى الروضه
حياه بتسجد و بتدعى
حياه / يارب انا صابره على حكمتك انت عارف اللى فيه الخير ليا يارب لو مش كاتبلى عيال انا راضيه بس اقنع محمود يتجوز يارب انا مبطلبش حاجه لنفسى انا بس عوزاه يكون مبسوط يارب و انت عارف الخير فين يارب و اى كان قرارك انا عمرى مهعترض عليه ابدا و ارزق ماما عفاف بالصحه و طوله العمر يارب و ارزق محمود الصحه و الستر و الطاعه و اجمعنى بيه فى الجنه و كتر رزقه يارب هو طيب و يستاهل يارب هو و كل المسلمين و المسلمات يارب
فى الناحيه التانيه عند الرجاله محمود بيسجد و بيدعى
محمود / يارب انا راضى بحكمتك بس انا تعبت تعبت من زن اهلى عليا انا مش عاوز اتجوز على حياه يارب انت لو مش كاتبلى عيال انا راضى و عارف ان ده اللى فيه الخير ليا يارب بس ريح قلب حياه يارب خليها تبطل عياط طول الليل انا ببقى عارف انها بتعيط و انا نايم انا عارف انها تعبانه ارجوك يارب انا مش عاوز حاجه ليا انا بس عاوز نفسها تهدى عاوز الناس تبطل تدايقها و تجرحها بعنيها و بكلامها يارب انا عارف قد ايه انت رحيم ارحم حياه يارب ماللى هى فيه انا عارف انها صابره و متقبله قضائك بس هى تعبانه اوى يارب ارجوك يارب ارزقها راحه البال يارب
............
فى مصر
عفاف / الف حمدالله عالسلامه الف حمد الله عالسلامه
محمود يحضنها
محمود / وحشتينى يا امى
عفاف / و انت اكتر
زينب تيجى جرى
زينب / انتوا جيتوا الف حمدالله عالسلامه زمانكوا جعانين دانا عملالكوا شويه اكل انما ايه تاكلوا صوابعكوا وراهم
حياه / تسلمى يا زينب تعبتى نفسك انا جبتلك كل اللى انتى طلبتيه
زينب / بجد .... انا قصدى تعب ايه دا تعبكوا راحه تعالوا تعالوا
الكل يطلع
.........
فى شقه حياه
الكل متجمع و فى شنطه فى الارض مفتوحه و حياه بتطلع منها هدايا
محمود / حياه منسيتش حد خالص
حياه / اتفضلى يا زينب دول تلت عبايات يارب يطلعوا حلوين عليكى
زينب / هيطلعوا انا اصلا اى حاجه بتلبسها بتليق عليها الرك عالقالب ياختى
حياه / و دول شويه اطقم لعماد حبيبى يارب تعجبك
عماد / الله دول حلوين اوى
حياه / و دول جلاليب لمحمد و سجاده صلاه و سبحه و مسك
محمود / محرمتكش من حاجه
زينب / امال جبتى ايه لنفسك
حياه / و دول عبايات ليكى يا ماما على فكره دعيتلك فى الروضه
عفاف / تسلميلى يا قلبى دعوتك وصلتنى
حياه / بجد
زينب / و جبتى ايه تانى
حياه / دول بقى شويه برفانات و ساعات و سجاجيد و سبح يعنى عشان اصحاب محمود
زينب / الله يعنى صحاب محمود ليهم برفان و انا لا
محمود / و دى تيجى نقى اللى يعجبك ميغلوش عليكى كلهم
عفاف / انا بقول كفايه بقى و نروح نريح فى بيتنا و نسييكوا ترتاحوا انتوا جايين من سفر
حياه / استنى يا ماما انتى وحشانى اوى
عفاف / نامى و ارتاحى و لما تصحى تعالى
محمود / ماشى يا ماما تصبحى على خير
........
بعد فتره فى شقه زينب
زينب / والله كل ده مضيعه للفلوس و حرق للاعصاب هى مبتزهقش مش حرام عليها محمود و اللى بتعمله فيه
عفاف / والله حرام عليكى اللى بتعمليه فيا ده انا قاعده على اعصابى يا بنتى ارحمينى
زينب / ارحمك و هو انا اللى مقعداكى على اعصابك و لا محمود ابنك اللى مش راضى يتجوز طب دانا عندى ليه حته عروسه
عفاف / انا هقوم من هنا خالص يمكن لما متلاقيش حد تكلميه تسكتى
عفاف تيجى تقوم جرس الباب يضري
عفاف / دا اكيد محمود
عفاف تجرى تفتح الباب محمود يحضنها
محمود / باركيلى يا امى
عفاف / متقولولش حامل بجد
حياه / ايوه يا امى الحمد لله دعائك اخيرا ربنا استجابلنا
عفاف / لولولولولولولولولولولولولولى يا فرحتى يا فرحتى دانا هدبح عجل لا اتنين و هوزعهم عالغلابه كلهم حلاوه البشاره دى
محمود / كلامك كلو نافذ
زينب / عجلين طب متستنوا اما تولد الاول
عفاف / اه و من دلوقت لحد متولدى متقوميش مالسرير انا هاجى بنفسى اعيش معاكى و هعملك كل حاجه بنفسى
حياه / مش عاوزه اتعبك يا امى
زينب / انتى بتتكلمى جد يا حماتى هتروحى تعيشى معاها
عفاف / اه طبعا جد الجد كمان البنت حامل و محتاجه رعايه
عفاف تاخد حياه و محمود شقتهم و تقفل الباب وراها
زينب / رحيتى المركب اللى تودى خليها تنفعك
..............
بعد شهرين فى شقه زينب
زينب / بقولك يا محمد مش ناوى تدبح عجلين لله
محمد / ليه خير
زينب / اصلى حامل
محمد / بتهزرى امتى حصل الكلام ده
زينب / لسه عارفه النهرده قولت افرحك
محمد / الله انتى بطلتى الحبوب امتى
زينب / الله يا محمد متبطل اساله بقى انت مش فرحان ولا ايه
محمد / لا ازاى طبعا فرحان امال ايه الف مبروك
زينب / انا هروح بقى افرح حماتى اكيد هتفرح اوى و ترجع تعيش معانا هنا تانى
محمد / لما تيجى ابقى فرحيها
زينب / ليه هى فين
محمد / راحت مع حياه للدكتور
...........
عند الدكتور
الدكتور / اعدلى هدومك
عفاف / ها طمنى يا دكتور
الدكتور / كل حاجه زى الفل يا امى و الطفل كويس و الام كمان كويسه
محمود / تمام والله كتر الف خيرك يا دكتور انا مش عارف اشكرك ازاى
حياه / ها ايه الاخبار
محمود / كلها حلوه يا حياتى
حياه تبتسم
الدكتور / المهم انها تستمر عالدوا ده و تتغذى كويس
عفاف / والله يا دكتور قولتلها كدا هى بقى اللى اكلتها ضعيفه خالص
الدكتور / لا مينفعش طبعا
محمود / شكرا يا دكتور عن اذنك
حياه و عفاف يطلعوا بره
الدكتور / لو سمحت يا استاذ محمود ممكن كلمه
محمود يرجع للدكتور
الدكتور / انا طبعا عارف ان الطفل ده جه بعد شوقه بس لازم احزرك ان الطفل ده ممكن ينزل فى اى وقت و الافضل انه ينزل
محمود / ليه بتقول كدا يا دكتور
الدكتور / هو انا شاكك فى حاجه كدا بس هو احتمال طبعا مش اكيد الطفل ده لو جه بنت فغالبا هتبقى مبتخلفش
محمود / يا دكتور دا كلو بايد ربنا احنا لسه منعرفش ميمكن يجى ولد
الدكتور / خلاص انا بلغتك المهم الراحه التامه للمدام
حياه تدخل
حياه / هو فى ايه
محمود / بيقول لازم ترتاحى
.........
فى البيت عالسلم
زينب / الف حمدالله عالسلامه تعالوا تعالوا
عفاف / ازيك يا زينب
زينب / كويسه طول مانتى بخير يا حماتى ازيك انتى ها الدكتور قال ايه
عفاف / كلو تمام الحمد لله
زينب / طب مش هتباركولى و لا ايه
عفاف / على ايه خير
زينب / انا كمان حامل
حياه / بجد الف مبروك انا بجد فرحانالك اوى
زينب / بجد ... شكرا اوى
محمود / طب ايه مفيش غدى و لا ايه
حياه / ثوانى حاضر
زينب / انتى لسه هتعملى غدى خلاص متيجوا تتغدوا عندى و خلاص انا عشر دقايق و اكون مخلصه
عفاف / ماشى
حياه / طب هاجى اساعدك
محمود / عاوزك فى كلمتين يا ماما
..............
(((((((مفيش رحمه )))))))
#لولو_محمد
الحلقه الثانيه
زينب / انا كمان حامل
حياه / بجد الف مبروك انا بجد فرحانالك اوى
زينب / بجد ... شكرا اوى
محمود / طب ايه مفيش غدى و لا ايه
حياه / ثوانى حاضر
زينب / انتى لسه هتعملى غدى خلاص متيجوا تتغدوا عندى و خلاص انا عشر دقايق و اكون مخلصه
عفاف / ماشى
حياه / طب هاجى اساعدك
محمود / عاوزك فى كلمتين يا ماما
..............
فى شقه حياه
عفاف / يلهوى بقى بعد العمر دا كلو لا يابنى دا اكيد بيخرف
محمود / انا بسالك لانى مش عارف اعمل ايه و لو قولت لحياه هتنزله هى عمرها مهترضى ان بنتها تشوف اللى هى شافته و فى نفس الوقت خايف اكون بظلم بنتى اللى جايه
عفاف / و انت اشعرفك انها بنت اصلا
محمود / مهو ده اللى مصبرنى
عفاف / يابنى هو كان حد يصدق ان حياه تحمل اصلا احمد ربنا يابنى و متتبرتش عالنعمه و انسى و انبسط انت و مراتك
محمود / طب لو جت بنت هيكون الوقت فات اننا ننزلها
عفاف / ربك اللى بيرزقك و ان اداك بنت او ولد فرزقه على ربنا متشغلش بالك يعنى لو جالك ولد و عرفت بعد سنين انه مبيخلفش هتقتله ربك هو اللى بيرزق و اى كان العيل اللى جاى دى هديه من ربنا و احمد ربنا عليها
حياه تدخل
حياه / الاكل جاهز يا ماما
عفاف / جاين يا قلبى
...........
بعد سبع شهور
عفاف / مالك يا حياه
حياه / مش عارفه يا ماما بس ضهرى بيوجعنى اوى و تعبانه و مش قادره
عفاف / اطلب الدكتور يا محمود ليكون دا طلق و لا حاجه
حياه / انا مش قادره يا ماما خالص مش قادره هموت يا محمود
محمود / انا هطلع العربيه يلا نروح عالمستشفى
.........
عالسلم
زينب / هو فى ايه
عفاف / الظاهر حياه بتولد و هنروح المستشفى
زينب / انا جايه معاكوا
عفاف / بلاش خليكى هنا
زينب / لا لازم هاجى
عفاف / قولتك ....
حياه تصرخ / اااااااااااااه بموت يا ماما
...........
فى العربيه
زينب و حياه و عفاف يركبوا ورا و محمد و محمود قدام و يطلعوا عالمستشفى
..............
فى المستشفى
حياه / بموت يا محمود مش قادره خلاص هموت بجد
عفاف / اجمدى يا حياه انا عارفه انك قدها شويه و النونو اللى استنيتيه من زمان اوى هيشرف اجمدى يا حياه
حياه / مش قادره يا ماما مش قادره
...................
بره كشك الولاده فى المستشفى
زينب فجاه تمسك فى ايد محمد اوى
محمد / مالك
زينب / شكلى هولد انا كمان
محمد / انتى فى السابع
زينب / مش قادره يا محمد انا بولد فعلا اللحقنى
محمد / يخربيتك استنى ثوانى هتصرف
..........
بعد ساعه
ممرضه تخرج
الممرضه / مبروك جالك ولد زى القمر
محمود يدخل يجرى يلاقى حياه لسه بتولد
محمود / امال الممرضه قالت
عفاف / دى زينب اللى ولدت هى البكريه يا حبيبى بتغيب معلش
الدكتور للممرضه / جهزوا العمليات هتولد قيصرى مش هينفع طبيعى
محمود / هو فى ايه
الدكتور / من فضلك اطلع بره انت ايه اللى دخلك هنا اصلا
......
فى اوضه زينب فى المستشفى دبل
محمد / مبروك يا زوزه هتسميه ايه بقى الامور ده
زينب / ايه رايك نسميه عادل يعنى زى عماد
محمد / خلاص تمام نسميه عادل .... مالك يا بنى اهدى هى الولاده الاولى دايما كدا بتبقى صاعبه
زينب / على رايك دانا شوفت الويل فى ولادتى الاولى
عفاف / هتبقى كويسه يابنى صدقنى
ممرضه تفتح الباب و معاها بيبى ملفوف
الممرضه / مبروك بنوته زى القمر
زينب تمصمص شفايفها / بنت
محمود / و حياه امها ام النونو فين
الممرضه / متقلقش زى الفل بس هى لسه مفاقتش مالبينج متقلقش عليها
محمود يسجد فى الارض و يقوم يطلع فلوس كتير و يديها للمرضه
محمود / حلاوه البشاره
عفاف تشيل البيبى
عفاف / بسم الله تبارك الخالق قمر
محمود يبص / فعلا حلوه اوى
محمد / انت متاكد انها بنتك
عفاف / اخرس ياله دا اخوك قمر
محمد / بهزر ها هتسميها ايه
محمود / لما امها تفوق بالسلامه هنسميها سوا
..........
بعد ساعتين
محمود / بنوته زى القمر بجد مفيش احلى من كدا شبهك بالحته انا قررت ادبح عجلين لله
حياه / فكره هايله يا حبيبى
زينب / عجلين عشان بنت امال لو كانت جابت ولد زى كنتوا عملتوا ايه اه معلش نسيت انها جايه بعد سنين شوقه و مفيش غيرها
عفاف / متبطلى بقى يا زينب ........ ها هتسميها ايه يا حياه
حياه / هسميها رحمه هى فعلا رحمه من ربنا لينا كلنا ايه رايك يا محمود
محمود / هى رحمه خلاص خلصت انا كنت عارف ان ربنا رحيم و هيرزقنا برحمه من عنده
زينب / الله ايه رايك يا محمد لو نسمى ابننا رحيم
محمد / بدل عادل
زينب / لو معندكش مانع يعنى
محمد / طب خلاص يبقى رحمه و رحيم
محمد يحط رحيم فى سرير الاطفال و جنبه محمود يحط رحمه
////////////////
بس و انا اتولدت سبحان الله صممت اجى الدنيا قبلها عشان اخد بالى منها رحمه بنت عمرى و حبيبتى من يوم موعيت عالدنيا و هى اختى و صحبتى و توئمى كنت بقضى معظم وقتى معاها
///////////////
بعد خمس سنين
رحمه و رحيم بيجروا و را بعض
عفاف / بالراحه يا عيال لحسن حد فيكوا يقع و لا حاجه
زينب / الا يا حياه مبتفكريش يعنى خالص تحاولى تخاوى رحمه مهو اللى تحمل مره تحمل تانى و لا ايه رايك يا ماما
عفاف / انا رايى انك تنقطينا بسكاتك
زينب / ليه انا كنت بقول يعنى زى مبعتت عروسه لعماد تبعت عروسه لرحيم
رحيم يجى جرى و يقف يسمع
عفاف / بدرى اوى عالكلام ده يا زينب
زينب / بدرى من عمرك يا حماتى امال يعنى عاوزين تعب عيله الصياد يروح كدا للغرب
رحيم / هى رحمه هتتجوز عماد يا ماما
زينب / امشى روح اللعب يا رحيم بعيد و بطل تتصنط على كلام الكبار كدا عيب
رحيم يجرى على اوضه اخوه و يفتح الباب
عماد / انت ازاى تدخل عليا منغير متخبط يلا ياض اطلع بره
رحيم / هو انت صحيح هتتجوز رحمه
عماد / انت عبيط ياله و لا ايه بقولك اطلع بره
رحيم / ماما بتقول انك لما هتكبر هتتجوز رحمه ممكن متتجوزش رحمه عشان انا عاوز اتجوز رحمه
عماد / هههههههههههههههه بقى كدا طب لو مطلعتش بره دلوقت انا هتجوز رحمه و هغيظك
رحيم / اصلا رحمه بتحبنى و مش هترضى تتجوزك
عماد / لا رحمه بتحبنى انا تحب اوريك
رحيم / انت كداب و انا زعلان منك
عماد / اطلع بره يا اهبل هتحبك ازاى و انت اهبل كدا
رحيم يبدا يضرب عماد و عماد يحوشه و يزقه بعيد
..............
جدتهم تدخل و معاها رحمه
عفاف / اهو يا ستى لقيناه ....... انتوا بتضربوا بعض عيب كدا فى ايه
رحيم يعيط / عماد عاوز يتجوز رحمه و انا بحبها و مش عاوزه يتجوزها
عفاف تاخد رحيم فى حضنها
عفاف/ يا حبيبى لسه بدرى اوى عالكلام ده
رحيم / انا بحبها يا تيته و هى كمان بتحبنى مش انتى بتحبينى يا رحمه
رحمه تهز راسها اه جامد اوى
عفاف / هههههههههههههههه ماشى كلامكم بس افرضوا بقى لما كبرتوا غيرتوا رايكم
رحيم / انا مش ممكن ابدا ابدا ابدا ابدا و كمان مره ابدا ابعد عن رحمه انا بحبها و اكيد اكيد اكيد هتجوزها لما هكبر
عماد / ههههههههههه دا اهبل يا تيته
عفاف / عماد عيب
رحمه / انت اللى اهبل
عفاف / بس يا عيال عيب كدا بصوا انا هعمل معاكوا اتفاق لو فضلتوا تحبوا بعض لحد متكبروا انا بنفسى لو كنت لسه عايشه هجوزكوا و من النهرده لحد متكبروا مش هسمح لمخلوق يبعدكوا عن بعض
...........
بعد خمس سنين
محمود / ماما انتى هتفضلى لحد امتى تاخدى رحيم و رحمه فى حضنك و انتى نايمه
عفاف / كلو الا رحيم و رحمه دول قلبى من جوه و لو بعدتوهم عنى اموت
حياه / بعد الشر عنك يا ماما بس كلها كام يوم و يتموا عشر سنين و مينفعش يناموا فى اوضه واحده و خصوصا سرير واحد
عفاف / مانا بنام معاهم و فى النص
حياه / ايوه يا ماما بس برده كلها حاجه بسيطه و رحمه تتحجب مينفعش
عفاف / يوه اعملوا اللى انتوا عاوزينه
محمود / رحيم هيرجع اوضته تانى
عفاف / اللى انتوا شايفينه بس خلونى انا اللى اقوله
محمود / ماشى
............
فى اوضه رحمه
رحمه / تيته جايه استخبى استخبى
رحيم يستخبى فى الدولاب و رحمه تستخبى تحت السرير عفاف تفتح الباب متلاقيش حد
عفاف / يا سلام متبطلوا بقى حركاتكوا دى انا كبرت عالشقاوه دى .... ماشى هلاقيكوا
رحيم يفتح الدولاب سنه عشان يشوف يلاقى عفاف بتوطى عشان تبص تحت السرير
رحيم / يا خبر هتلاقى رحمه
رحيم ينط مالدولاب
رحيم / عوووووووو انا خضيتك
عفاف / هههههههههه يا عفريت كدا يبقى اكيد رحمه تحت السرير
رحمه تطلع
عفاف / برافوا يا ولاد بجد المرادى مكنتش هعرف الاقيكوا
رحيم / انا بحبك اوى يا تيته
عفاف / و انا كمان يا احلى رحيم فى الدنيا بس عاوزه اتكلم معاك فى موضوع مهم
رحيم / قولى
عفاف / انت عارف الاسبوع الجاى هتكمل كام
رحمه / انا عارفه انا عارفه عشره
عفاف / برافو يا رحمه و دا معناه انك بقيت راجل و الراجل لازم ينام لوحده
رحيم / ايوه بس
عفاف / تعال اللعب مع رحمه زى مانت عاوز بس وقت النوم كل واحد ينام فى اوضته
رحمه / انا مش عاوزه نكبر مش عاوزه رحيم يبقى راجل و يروح اوضته
عفاف / مهو رحيم لازم يكبر شويه عشان يكبر كتير و يتجوز رحمه
رحيم / بجد ماشى انا هروح انام فى اوضتى
رحمه زعلانه
رحيم / متزعليش يا رحمه ماحنا برده هنلعب مع بعض علاطول
عفاف / هاه عملتوا الواجب
رحمه / خلصناه كلو
عفاف / انتوا اشطر اتنين فى الدنيا
.........
فى البيت عند رحيم
زينب / اخيرا حنوا عليا و هيخلوا رحيم يرجع لحضن امه
محمد / يرجع لحضن امه مهو كان بيلعب عندك طول النهار
زينب / اه بيلعب مع رحمه طول الوقت هنا يبهدلوا و يوسخوا لكن وقت النوم و الراحه يروح هناك دا غير انى مش عاوزه ابنى يتربى تربيه بنات انا عاوزاه يطلع ناشف
محمد / اهو راجعلك نشفيه براحتك دلوقت سيبينى انام
/////////////////
انا فاكر اليوم ده كويس اوى معرفتش انام طول الليل و فضلت طول الليل صاحى
/////////////
فى اوضه رحيم
رحيم يدور فى اللعب لحد ميلاقى الاسلكى بتاعه
رحيم / من رحيم اللى رحمه حول من رحيم اللى رحمه حول هل تسمعنى حول
رحمه ترد / من رحمه الى رحيم من رحمه اللى رحيم انا بسمعك حول
رحيم / كنت فاكرك نمتى حول
رحمه / بصراحه مش جايلى نوم ... رحيم رحيم
رحيم / انتى مقولتيش حول
رحمه / اسفه حول
رحيم / تيجى نلعب عالسلم حول
رحمه / فى مدرسه الصبح و لازم ننام يا رحيم حول
رحيم / بس انا مش عارف انام لوحدى حول
رحمه / بس انت مش لوحدك انا معاك اهو متخفش حول
رحيم / انا مش خايف انا بس زهقان .... نسيت حول حول
رحمه / طب ايه رايك افضل اتكلم معاك لحد متنام حول
رحيم / ماشى ......حول
/////////////
وفضلت اتكلم مع رحمه طول الليل و لحد مروحت فى النوم انا و هى و صحيت الصبح على صوتها و هى بتتنطت على سريرى
/////////////
رحمه / قوم قوم هنتاخر عالمدرسه قوم يا رحيم اصحى اصحى اصحاااااااااااااااااااااااااااااى
رحيم / صحيت صحيت بطلى تنطيت
زينب تدخل
زينب / صحى
رحيم / صحيت يا ماما
رحيم يقوم يدخل الحمام
زينب / طب ايه فطرتى و لا هتفطرى مع رحيم
رحمه / لا لسه مفطرتش مستنيه رحيم هفطر معاه
زينب / ماشى هروح احضر الفطار لحسن الحب هنا على اخره
.......
بعد المدرسه
رحيم و رحمه راجعين مالمدرسه قبل البيت بعمارتين و رحمه بتاكل ايسكريم و عيال بيلعبوا فى الشارع و يجروب ورا بعض و فجاه واحد يزق التانى يخبط فى رحمه يوقعها فى الارض و الايسكريم يقع منها
رحيم / متفتح يا اهبل
واحد / انت بتقول لمين اهبل
رحمه / يلا نمشى يا رحيم
رحيم / ليك انت يا اعمى
الواحد شكلك عاوز تنضرب يا حيلتها
رحمه / انت قليل الادب
الواد يزق رحمه و رحيم يحاول يضربه يزقوه و ينزلوا فيه ضرب و رحمه تقلع شنطتها و تبدا تضرب فى العيال عشان تدافع عن رحيم الناحيه التانيه من بعيد عماد مروح يشوف اخوه بينضرب يجرى عليه و يزق العيال و يضربهم يطلعوا يجروب
عماد / انت كويس يا رحيم
رحيم يجرى عالبيت و هو بيعيط و رحمه و عماد يجروا و راه ... رحيم يجرى على اوضته و يقفل الباب و رحمه تخبط ميرضاش يفتحلها
عماد / روحى دلوقت يا رحمه و انا هتكلم معاه و لما هيبقى كويس هو هيجيلك
رحمه / بس انا عاوزه اطمن عليه
عماد / يا ستى هو كويس مشوفنيش جرى ازاى المسافه دى كلها هو هيبقى كويس بس سيبيه شويه لوحده دلوقت
رحمه / ماشى
رحمه تمشى و هى زعلانه و عماد يخبط عالباب
عماد / رحيم افتح انا عماد رحمه خلاص مشيت
رحيم / امشى انت كمان مش عاوز اكلم حد
عماد / افتح انا عارف انت زعلان ليه و عندى الحل
رحيم يقوم يفتح الباب
عماد / ايه ياعم فى حد يعمل كدا
رحيم بيعيط / ضربونى يا عماد ضربونى قدامها
عماد / انت الغلطان محدش بيعمل كدا
رحيم / مهو الواد زقها كنت هعمل ايه
عماد / بص لما تكبر هتتعلم ان حتى الخناق له قوانين اولا ممنوع الخناق و معاك حريم
رحيم / حريم
عماد / بنات يعنى مينفعش تتخانق و معاك بنات يلهوى على غبائك
رحيم / ايوه بس هما زقوها
عماد / القاعده التانيه لو جالك الغصب اعمله بالرضا
رحيم / اطلع بره انا مش ناقصك
عماد / يعنى لو هما كتير و كدا كدا هتنضرب كبرلهم اعمل نفسك مش فارق معاك قولها لو مكنتيش معايا كنت قطعتهم و خدها و اطلعوا اجروا
رحيم / انت مش كبير عالهبل ده
عماد / من خبرتى مع البنات اقولك ان رحمه دلوقت هتموت عليك
رحيم / ازاى يعنى و انا انضربت قدامها
عماد / لا انضربت عشانها و تفرق اوى مع البنت انا اخوك الكبير و بقولك
رحيم / عماد هو انا ضعيف
عماد / لا مانتش ضعيف هما اللى كانوا كتير و اكبر منك
رحيم / بس انت خوفتهم
عماد / انا تسعتاشر سنه يا رحيم انا راجل كبير
رحيم / مانا كمان راجل
عماد / على العموم خدها دافع و اتمرن اكتر و اشرب لبن اكتر وابقى اقوى عشان لو مريت بالموقف ده تانى تبقى تقطعهم
.........
بره الاوضه
محمد / من امتى
عماد / بابا
محمد / كنت فاكركوا ناقر و نقير
عماد / انت سمعت ههه هو بس صعب عليا لما العيال ضربوه و كمان كان فى بنوته حلوه بتتفرج فقولت استعرض
محمد يضرب عماد على دماغه
محمد / انا ابوك ياله
عماد / كنت فاكرنا اصحاب
محمد / ماحنا صحاب و انبسطت اوى ماللى عملته مع رحيم و فخور بيك جدا ابنى الكبير كبر و بقى راجل خلاص
عماد / و انت لسه واخد بالك دلوقت
محمد / هههههههههههههه امشى يا لمض بدل مضربك
عماد / تمام يا فندم
...........
(((((((مفيش رحمه )))))
#لولو_محمد
الحلقه الثالثه
محمد / انا ابوك ياله
عماد / كنت فاكرنا اصحاب
محمد / ماحنا صحاب و انبسطت اوى ماللى عملته مع رحيم و فخور بيك جدا ابنى الكبير كبر و بقى راجل خلاص
عماد / و انت لسه واخد بالك دلوقت
محمد / هههههههههههههه امشى يا لمض بدل مضربك
عماد / تمام يا فندم
...........
بعد تلت سنين
رحيم / ازيك يا تيته
عفاف / ازيك يا روح تيته
رحيم يدور بعنيه يمين و شمال
عفاف / نايمه رجعت مالدرس دخلت نامت قالت عندها صداع فدخلت نامت هى مقالتلكش و لا ايه
رحيم / بقولك ايه يا تيته ماما عامله سبانخ
حياه تطلع مالمطبخ
حياه / طب ايه رايك فى مكرونه و بفتيك يمشى معاك
رحيم / والله بحبك يا ماما حياه
حياه / طب خش صحى رحمه على مغرفلكوا هى كمان مرديتش تتغدى
........
فى اوضه رحمه
رحيم /اصحى انا عارف انك مش نايمه
رحمه تقوم تقعد / عاوز ايه
رحيم / انا جاى اصالحك خلاص مش هزعقلك قدام الناس تانى
رحمه / لا خلاص
رحيم / هو ايه اللى خلاص
رحمه / انا مش عاوزه اتكلم معاك تانى و لو سمحت اطلع بره اوضتى
رحيم / بره اوضتك مين فوقى دانا جوزك
رحمه / باماره ايه انت لا اخويا و لا خطيبى و لا جوزى عشان تبقى فى اوضتى
رحيم / بصى انتى استفزيتينى فبلاش تزوديها
رحمه / انا انا استفزيتك
رحيم / ايوه لما عيل زباله يقولك لبسك حلو اوى مينفعش تقوليله شكرا ميرسى هىهىهى مينفعش
رحمه / و انت بدل متتشطر عالحمار جاى تتشطر عالبردعه عشان انت عارف لو روحت تتخانق معاه هيضربك
رحيم / هو مين ده اللى يضربنى ياختى معاش و لا كان
رحمه / يا سلام مهو على يدى و لا نسيت
رحيم / تصدقى انا اهون عليا اموت مالجوع و لا انى اقعد معاكى
رحمه / مينفعش تقولى مايصه قدام الناس احمد ربنا انى سكتلك اصلا
رحيم / متبقيش تسكتى سلام
رحمه / استنى هنا انا بكلمك
رحيم/ افندم عاوزه تهزئينى تانى
رحمه / انا مبهزئكش
رحيم / بصى انتى عارفه كويس انى لما انضربت عشان كانوا كتير و انا لوحدى لكن لو اطخن واحد فيهم راجل لراجل كنت كسرته
رحمه / عارفه
رحيم / و مدام عارفه بتقولى كلام يحرق دمى ليه
رحمه / عشان احرق دمك زى محرقت دمى
رحيم مكشر / انا جاى اصالحك اهو
رحمه / و اللى جاى يصالح حد يكشر كدا
رحيم / مانتى اللى نرفزتينى
عفاف تدخل
عفاف / ها اتصالحتوا و لا ايه
رحيم / الهانم بتقولى انا لا مراتك و لا خطيبتك و لا اختك
رحمه / رحيم احنا مش اتفقنا اننا مندخلش حد بينا
عفاف / حد هو انا بقيت حد خلاص
رحمه / معلش يا تيته بس احنا متفقين
عفاف / والله هو اتفاق حلو بس دلوقت اتصالحوا يلا عشان تقوموا تاكلو
..........
على الاكل
زينب تدخل و بتتخانق مع دبان وشها
زينب / ممكن اعرف ايه اللى بيحصل هنا بالظبط
عفاف / فى ايه يا زينب داخله كدا لا سلام و لا كلام فى ايه
زينب / بصى يا حماتى انا من الاول اهو بقولك الموضوع ده مينفعش
عفاف / موضوع ايه
زينب / انا ابنى مبيسمعش كلامى يا حماتى الواد ده فلت خلاص
عفاف / متجيبى مالاخر يا زينب بتتكلمى عن مين
زينب / هو فى غيره رحيم حبيبك اللى انتى مدلعاه و البيه اللى سايب الاكل اللى انا تعبت فيه و جاى ياكل هنا البيه اللى لا بيزاكر و لا بيعمل الواجب و طول الليل سهران يجب فى التليفون مع الست هانم السنيوره
حياه / خشى جوه يا رحمه
زينب / و تخش ليه هى مش دى ربايتك ياختى لما عيله عندها تلتاشر سنه مبتتكلمش غير عن الجواز و الحب لما تبقى تمناتشر و لا تسعتاشر هتعمل ايه
عفاف / رحمه و رحيم مبيعملوش حاجه غلط
زينب / والله لما البيه يكدب و يقول انى عامله سبانخ عشان ياكل عندكوا يبقى مبيعملوش حاجه غلط لما يسهر طول الليل معاها فى التليفون مبيعملوش حاجه غلط لما طول النهار و الليل قاعدين قافلين عليهم باب و يا عالم بيعملوا ايه
رحيم / احنا مبنعملش حاجه والله يا تيته
عفاف / عارفه هى امك بس اللى مزوداها
زينب / يا جدعان دا ابنى و انا حره اربيه زى مانا عاوزه الله
عفاف / متربيه يا زينب حد حاشك
زينب / و اربيه ازاى و هو طول الوقت لازق للغندوره بصى بقى يا حماتى حكايه انهم بيحبوا بعض و الكلام اللى بتفسدى بيه اخلاق ابنى لو سمحتى بطليه
عفاف / بفسد اخلاق ابنك
زينب / حب ايه و كلام فاضى ايه يعنى ايه ادخل عليهم الاقيهم حاضنين بعض و لما ازعقلهم يقولى بيتعلموا يرقصوا عشان الفرح
عفاف / ههههههههههههه
زينب / انتى بتدحكى يا ماما
عفاف / انتى عاوزه ايه يا زينب
زينب / من النهرده رحمه لا تلعب مع رحيم و لا تتعامل معاه ممكن احنا مش فاتحين مصنع ارايل هنا
حياه / عن اذنكوا
زينب / اه اتقمصى بقى بدل متقولى خايفه عالبت و مصلحتها و الناس اللى هيتكلموا عليها اتقمصى
حياه / اللهم طولك يا روح
زينب / انا قولت اللى عندى
زينب تضير تلاقى محمد و محمود وراها
محمد / لينا بيت نتكلم فيه اتفضلى
محمد ياخد زينب البيت
عفاف / امك طابخه ايه يا رحيم
رحيم / بسله و رز و جزر
عفاف / امال ليه قولت انها عامله سبانخ
رحيم / كنت متخانق مع رحمه و عاوز اجى اصالحها
عفاف / و انت عمرك جيت تلعب مع رحمه او تزاكر معاها و احنا منعناك ليه تكدب
رحيم / انا اسف يا تيته مش هعمل كدا تانى
محمود / تعال معايا يا رحيم
عفاف / محمود
محمود / متخافيش انا بس عاوز اتكلم معاه كلمتين راجل لراجل مش انت راجل برده يا رحيم
رحيم / ايوه
محمود / طب تعال معايا
............
محمود يقفل باب اوضته هو و رحيم
محمود/ انت بتحب رحمه يا رحيم
رحيم / اوى والله يا عموا و انت عارف
محمود / انت عارف انا معنديش غير رحمه و بحبها و بحبك انت كمان بس انا كاب مش موافق عالكلام ده و لازم تعرف ان ماما بتضغط عليا جامد اوى عشان اسكت على لعب العيال ده
رحيم / احنا والله مبنعملش حاجه غلط
محمود / باماره ايه يا رحيم مبتعملوش حاجه غلط باماره ايه هو ايه الحاجه الغلط اصلا فى وجهه نظرك عشان متعملوهاش
رحيم / انا بحب رحمه و عاوز اتجوزها
محمود / يا حبيبى انت عيل
رحيم / انا راجل مش عيل
محمود / انت عندك كام سنه 13 يعنى لسه قدامك لسه الثانوى و الكليه على متتخرج و تتجوز يعنى على الاقل عشر سنين كمان يابنى عشان تتكلم فى الموضوع ده
رحيم / بس تيته بتقول
محمود / انا عارف تيته قالت ايه و عارف ان هى اللى مشجعاكوا عالغلط بس انت لو بتحب رحمه مش هتسمح لمخلوق يتكلم عنها نص كلمه
رحيم / لو حد اتكلم عنها انا هضربه
محمود / و ليه تضرب الناس مدام ممكن فى الاول منديهمش فرصه
رحيم / تيته بتقول ان الناس مبتبطلش كلام و ان كلامهم لا بيقدم و لا ياخر
محمود / بس رحمه بنت و دى سمعتها
رحيم / يعنى انا بضر سمعه رحمه
محمود / انت شايف ايه
رحيم / هو حضرتك بتطلب منى ابعد عن رحمه
محمود / لا انا بطلب منك تاخد بالك من تصرفاتك
رحيم / حاضر عن اذنك
محمود / انا بحبك يا رحيم و لو لفيت الدنيا مش هلاقى عريس لبنتى احسن منك
محمود يفتح الباب
رحمه / انت هتخلى رحيم ميلعبش معايا تانى
........
محمود / لا طبعا انا بس طلبت منه طلب صغير يارب يكون فهم
رحيم يمشى على بيته
عفاف / انت قولت ايه للولد
محمود / قولتله ان لسه بدرى اوى على ميتجوز رحمه و انه لازم ياخد باله من تصرفاته
عفاف / تصرفات ايه دول عيال
حياه / لا يا ماما هما كبروا رحمه بقت بنت و رحيم معدش صغير و لازم ناخد بالنا منهم اكتر
عفاف / ناخد بالنا احنا مش نفتح عنيهم انهم كبروا
حياه / يا ماما انا عمرى مقولتلك لا بس رحمه و رحيم علاقتهم دى غلط مينفعش تهزر معاه و يحضنها و يشيلها كدا
عفاف / رحيم و رحمه بيحبوا بعض و الحب اللى بينهم حب نضيف برئ بلاش انتوا توسخوه بسوء النيه بتاعكم ده
محمود / يا امى اقولك ايه بس اديكى شوفتى زينب قالت ايه و للاسف معاها حق رقص ايه اللى بيتمرنوا عليه
عفاف / انا المسؤله عنهم و محدش له دعوه و انا واثقه انهم مش هيغلطوا
محمود / لنفرض ان لما رحيم و رحمه كبروا قرروا انهم ميتجوزوش ساعتها هنعمل ايه
عفاف / لما يكبروا ابقى افرض براحتك و بلاش تكبرهم قبل اوانهم انا بحب حبهم ده و عوزاهم يفضلوا يحبوا بعض و انا المسؤله
حياه / خلاص يا محمود نبقى نتكلم بعدين متتعبش ماما اكتر من كدا
عفاف / بص احنا طلبنا منهم ميناموش فى سرير واحد عشان كبروا و من يومها و عمرهم منامو فى سرير واحد دلوقت هخليهم يوعدوك انهم ميقفلوش عليهم باب ماشى
محمود /و ميحطش ايده عليها و لا يحضنها و لا يبوسها .
عفاف / ماشى كدا ترتاح
محمود / شويه
عفاف / خلاص هخليهم يوعدونى
.............
فى المدرسه بعد فتره صغيره
رحيم ماسك ولد قده فى الحمام و نازل فيه ضرب و فجاه كذا مدرس داخلين يشدوا رحيم من فوق الولد ده و ياخدوهم هما الاتنين على اوضه الناظر
الناظر / يعنى مش عاوز تقول كنت بتضربه ليه و لا انت عاوز تتكلم خلاص بسيطه احنا نستدعى اولياء اموركوا و هما بقى هيعرفوا بطريقتهم
شويه كتير محمد يدخل هو ووالد الولد التانى
الناظر / اتفضلوا الاساتذه كانوا بيتخانقوا فى الحمام
والد الولد التانى / بيتخانقوا دانا ابنى متشخرم دا معدش نافع
رحيم / احمد ربنا انك لاقيت فيه حاجه
محمد / رحيم
الوالد / انا مش هسكت على اللى حصل على فكره ازاى الكلام ده يحصل فى مدرسه محترمه
محمد / انت اللى ضربته كدا يا رحيم
رحيم / ايوه و لو مكانوش حاشونى عنه كنت قتلته
محمد / ليه عملك ايه عشان تضربه كدا
الناظر / مش عاوز يقول ولا هو و لا اى حد مالعيال التانيه و لا حتى سعيد
والد سعيد / ضربك ليه يا سعيد
سعيد / مفيش يا بابا
والد / مدام مش عاوز تقول خلاص يبقى تستاهل اللى جرالك
الناظر / على العموم الاتنين مفصولين لمده اسبوع تقدروا تاخدوهم
...........
فى البيت
محمد / اتفضل على اوضتك لما اشوف هعمل معاك ايه
عماد / هو ايه اللى حصل يا بابا
محمد / مسك واد زميله و نزل فيه ضرب لما خلى وشه شوارع
عماد / ليه
محمد / محدش منهم عاوز يقول و خد فصل اسبوع
عماد / طب انا هدخل اتكلم معاه
....
فى اوضه رحيم
رحمه / طب احكيلى بس ايه اللى حصل
رحيم / مفيش حاجه يا رحمه
رحمه / طب فصلوك ليه طيب
رحيم /احسن على الاقل اخد اسبوع اجازه
عماد يدخل
عماد / ايه يا رحمه سمعت ان طنط عامله رز بلبن
رحمه / اه
عماد / طب ممكن تجيبيلنا طبقين
رحمه / حاضر عن اذنكم
رحمه تمشى
عماد / وزعتها احكى
رحيم / قولت مفيش حاجه
عماد / عليا ياله هو انا ابوك و لا الناظر دانا اخوك الواد ده حاول يقل ادبه معاك
رحيم / ميقدرش
عماد / امال فى ايه اللى حصل ضربته ليه
رحيم / خلاص بقى يا عماد
عماد / رحمه زمانها جايه هتحكى قبل متيجى و لا هتستناها تيجى و تحكى قدامها
رحيم / مخلاص بقى يا عماد ابوس ايدك ارحمنى
عماد / انا مش هتحايل عليك احكى
رحيم يقوم يقفل الباب
رحيم / الواد سعيد كان جايب موبايل اخوه الكبير معاه
عماد / و دا سبب يخليك تضربه
رحيم / لا مهو قالنا نروح الحمام عشان هيفرجنا على صور
عماد / صور ؟؟؟
رحيم / انت فاهم
عماد / يا سيدى
رحيم / بعد متفرجنا بدا يخرف و يتكلم عن رحمه انها يعنى
عماد / عشان كدا بقى ضربته
رحيم / بذمتك لو مكانى كنت هتسيبه
عماد / لا بس انت اصلا غلطان ايه اللى يخليك تحط نفسك فى موقف زى ده مع عيل زى ده اساسا
رحيم / معرفش العيال كلها كانت بتتفرج و انا لو متفرجتش كانوا هيقولوا عليا ورور
عماد / طب افرض مدرس كان دخل عليك و انت بتتفرج ساعتها يا فالح ابوك كان هيعرف و مش بعيد رحمه تعرف انك بتتفرج عالحاجات دى
رحيم / انت مش هتقول حاجه صح
عماد / لا طبعا مش هقول حاجه بس متعملهاش تانى
رحيم / و انت عمرك معملتها يعنى مهو كلو على يدى
عماد / ههههههه ياعم كانت فتره و عدت و ربنا تاب عليا وصدقنى ندمان عليها لانى مستفدتش منها و بتضر صدقنى انا اخوك الكبير و عارف
رحيم / انت اجازتك هتخلص امتى
عماد / بكره هروح اسلم نفسى ربنا يخلصنى مالجيش ده على خير بقى لحسن تعبت
رحيم / سمعت ماما بتتكلم مع بابا على عروسه ليك
عماد / اه قالتلى و قولتلها تنسى انا مش هتجوز دلوقت انا عاوز اعيشلى يومين ياعم
رحمه تخبط و رحيم يفتحلها
رحمه / الرز بلبن
عماد / تسلم ايدك تعالى
.............
بعد ثلاث سنوت
رحمه نازله عالسلم و فى شاب طالع يقف قدامها تيجى يمين يروح يمين تيجى شمال يروح شمال
رحمه / لو سمحت عدينى
الشاب / انا اسف اتفضلى ....معلش لو سمحتى لو شقه عماد انهى واحده
رحمه / الدور التانى عالشمال
الشاب / شكرا
الشاب يطلع و يلاقى عماد واقف مستنيه
عماد / نورت يا معلم اتفضل
الشاب / لا بس بيتك طلع حلو اوى يا عماد تصدق انا لو كنت اعرف كنت اكيد زورتك من زمان
عماد / هههههههههه انا اوضتى اللى فى الوش خش طوالى على موصيلك عالشاى
الشاب / تمام
الشاب يدخل الاوضه و ثوانى و عماد يحصله
عماد / نورت يا معلم اقعد اقعد دانت هتتقطع النهرده
الشاب / لا متحلمش شغل شغل
رحيم يدخل
رحيم / انت خدت الشاحن بتاعى تانى يا عماد ... انا اسف مكنتش اعرف ان عندنا ضيوف
عماد / دا حسن زميلى فى الجيش اخيرا قرر يتكرم و يتعطف و يزورنى و اه معلش ملقتش بتاعى فاستلفت بتاعك عندك عالكومدينو
رحيم يسلم على حسن
رحيم / نورتنا عماد حكالى عنك كتير انا رحيم اخوه
عماد / اخره صبرى لو مواركش حاجه تعال اقعد معانا
رحيم / والله كان بودى بس مشغول بجهز للحفله متعزم صاحبك لو عاوز
عماد / طب متعزمه انت مهو عيد ميلادك انت ... يا سيدى بكره يبقى عيد ميلاد رحيم الستاشر
محمود / كل سنه و انت طيب طبعا هاجى دانا هبقى مقيم فى البيت ده
عماد / ههههههههههه كل ده عشان البليستاشن الجديد ماشى ياعم تانس و تنور
رحيم ياخد الشاحن / عن اذنكوا انا بقى
رحيم يطلع ويقفل الباب و شويه و زينب تخبط
عماد / ادخل
زينب تفتح الباب / الشاى
عماد يوقف اللعب و يقوم جرى
عماد / حسن كان معايا فى الجيش ... والدتى
حسن يقوم يقف / اهلا يا طنط ازى حضرتك
زينب / نورتنا
فجاه صوت فرقعه و صرخه الكل يجرى على اوضه رحيم يلاقوا رحمه و رحيم بينفخوا البلالين و رحيم ميت مالدحك
زينب / وقعتوا قلبى يا عيال
رحيم / معلش يا ماما البلونه فرقعت فى وش رحمه
حسن / تحبوا اساعد انا بنفخ البلالين حلو اوى
عماد / لا متخفش انت اللى هتتنفخ اتفضل قدامى نكمل المطش
حسن / طب نساعد طيب ....البلالين يا عماد
عماد يجر حسن عالاوضه تانى و يقفل الباب
..............
فى اوضه عماد
حسن /هى مين البنت اللى جوه دى اختك
عماد / رحمه لا بنت عمى على فكره عيد ميلادها بكره هى كمان استنى اما اوريك جبتلها ايه تقولى رايك
حسن / ورينى ... استنى هى و اخوك عيد ميلادهم فيوم واحد
عماد / هههههههههههه اه تخيل الفرق بينهم ساعات
عماد يطلع علبتين مالدولاب و يفتح الاولى فيها ازازه برفان
عماد / دى بتاعه رحيم
عماد يفتح التانيه فيها سلسله دهب فيها حرف R
حسن / حلوين اوى هو رحيم كام سنه
عماد / 16 ليه
حسن / ثانوى يعنى
عماد / تالته اه
حسن / لا مفيش عادى بسال بس عشان اشوف الهديه بس
عماد / تمام
........
(((((((مفيش رحمه ))))))))
#لولو_محمد
الحلقه الرابعه
عماد / دى بتاعه رحيم
عماد يفتح التانيه فيها سلسله دهب فيها حرف R
حسن / حلوين اوى هو رحيم كام سنه
عماد / 16 ليه
حسن / ثانوى يعنى
عماد / تالته اه
حسن / لا مفيش عادى بسال بس عشان اشوف الهديه بس
عماد / تمام
........
تانى يوم فى العيد ميلاد
اصحاب العيلتين موجودين و الكل بيدحك و مبسوط و بيتكلموا و فى اغانى شغاله و حسن صاحب عماد يدخل
عماد / ازيك يا برنس
حسن / ازيك يابنى امال فين اصحاب العيد ميلاد
عماد / استنى هناديه ......يا رحيم يا رحيم تعال يابنى
رحيم يطلع من اوضه جوه و يسلم على حسن
حسن / كل سنه و انت طيب اتفضل يا سيدى يارب تعجبك
رحيم مبتسم / شكرا تعبت نفسك اوى
حسن / امال رحمه فين
البسمه تروح من وش رحيم
رحيم / بتسال لي
حسن / عشان اديها هديتها
رحيم يتعصب / و تهاديها بمناسبه ايه اصلا اتفضل هديتك
رحيم يديله هديته بعصبيه و يسيبه و يمشى
عماد / يا رحيم عيب كدا استنى
حسن / هو انا غلطت فى حاجه هو اتنرفز ليه كدا
محمد يدخل
محمد / فى ايه يا عماد
عماد / دا حسن صاحبى كان جاى عاوز يهادى رحيم و رحمه فرحيم زعل و اتقمص
محمد / ههههههههههههههه معلش حقك عليا يا حسن يابنى اصله بيغير عليها حتى منى
حسن / بيغير عليها
عماد / ههههههه اه ياعم حب من اول ببرونه مقولكش الحب ولع فى الدره حرفيا فى بيتنا
حسن / امممممم يلا حصل خير على العموم اديله الهدايا دى و اعتزرله على سوء الفهم
بعد العيد ميلاد
رحيم / ابقى نقى اصحابك اللى تدخلهم بيتنا ماشى
عماد / هو كان اتقدملها دا حيالله جايبلها هديه و بعدين لو هتتكلم عن هديه حسن فكان اولى تتكلم عن هديه مصطفى ابن عموا ابراهيم ولا دا كخه و دا دحه
رحيم / انت عارف كويس ان مصطفى مننا و علينا و متربى معانا و زى اخونا لكن صاحبك ده
عماد / هو الغلطان انه فكر يعبرك كان هعمل ايه يعنى لما يبقى معزوم على عيد ميلاد اتنين و الحق عليه انه غرم نفسه عشان يجى عيل زيك مش فاهم اصلا الصح مالغلط يتخلق عليه كدا
رحيم / انت شايفنى كدا يا عماد
عماد / كل الناس شافتك كدا النهرده بعد اللى عملته و على فكره بقى اللى انت فيه ده مش حب ده هبل
رحيم / خلص الكلام بينا
عماد / المركب اللى تودى خد الباب فى ايدك
رحيم يطلع بره الاوضه و يقفل الباب و يدخل اوضته و يقفل الباب عليه و يقعد عالسرير و هو مدايق شويه و الباب يخبط
رحيم / مش عاوز اتكلم مع حد تعبان و عاوز انام
عفاف من بره / انا تيته يا رحيم
رحيم يقوم يفتح الباب
عفاف / مالك يا سى رحيم زعلان ليه
رحيم / مفيش يا تيته
عفاف / هو ايه اللى مفيش دانا جايه على صوتك انت و عماد فى حد يكلم اخوه الكبير بالشكل ده
رحيم / يعنى يرضيكى اللى حصل
عفاف / محصلش حاجه
رحيم / لا حصل و انا فاهم كل حاجه طريقته لما سال على رحمه كانت وحشه انا شوفتها فى عنيه والله يا تيته مبهبل
عفاف / ايوه يا حبيبى بس يمكن انت فهمت غلط وارد برده
رحيم / ماشى خلاص بصى يا تيته انا عاوز اخطب رحمه رسمى عاوز انزل اشترى دبله
عفاف / هههههههههههههه ايوه يابنى بس انت لسه صغير على انك تخطب
رحيم / صغير ليه انا السنه الجايه هدخل الكليه ولا انتى هتعملى زى عماد و تقولى عليا مش راجل
عفاف / يا حبيبى انت سيد الرجاله بس بدرى اوى عالكلام ده بص انا هعمل معاك اتفاق
رحيم / قولى
عفاف / لو زاكرت و جبت مجموع و دخلت هندسه هخليك تتقدم لمحمود و تطلبها منه رسمى
رحيم / اتقدم ايه يا تيته هو عموا يعنى مش عارف انى خاطب بنته انا عاوزها تلبس دبله عشان الغورب يعرفوا
عفاف / ايوه يا حبيبى فاهمه مانت لازم تلبس كدا و تتشيك و تروح تتكلم مع ابوها و يتشرط عليك بقى و يدلع الله امال دى رحمه
رحيم / ماشى بس انتى وعدتينى
عفاف / اه و خد بالك ان رحمه كمان لازم تجيب مجموع كبير و الا ملكش حاجه عندى
رحيم / لا لا هتجيب و هتزاكر انا متاكد انها شاطره و هتجيب
.............
بعد فتره
رحمه / انا زهقت مالمزاكره متيجى نريح حبه و نتفرج على التليفزون شويه
رحيم / لا طبعا مفيش راحه الا لما نخلص الادب كلو النهرده
رحمه / ايوه بس انا تعبت و مخى قفل
رحيم / انتى عوزانى و لا لا
رحمه / اه بس انا تعبت و زهقت انا هنزل اشترى ايسكريم عاوز تيجى معايا اهو نغير جو مش عاوز اقعد انت زاكر لحد ماجى
رحيم / هاجى هاجى تعالى
رحيم بياخد رحمه و ينزلوا
حياه / حلو اوى الوعد ده يا ماما بجد العيال بيزاكروا كانهم هيمتحنوا بكره
عفاف / عشان تعرفى قد ايه بيحبوا بعض بالزمه مش حرام يتحرموا من بعض
حياه / بس بعد اذنك يا ماما انا برده قلقانه العيال بتكبر و اكيد معدوش عنيهم مغمضه
عفاف / عيالنا متربيين احسن تربيه و عارفين ربنا و عارفين الصح مالغلط و ميتخافش عليهم
حياه / ايوه بس هما لسه صغيرين افرضى لما كبروا رايهم اتغير او مشاعرهم اتغيرت
عفاف / متشغليش بالك انتى سيبى كل حاجه فوقتها و صدقينى كلو هيبقى تمام
شويه صغيرين و رحيم و رحمه يدخلوا و معاهم كيس مليان حلويات و ايسكرين و شيبسى
رحيم / جبتلك ايسكريم شيكولاته يا تيته
عفاف / حبيب تيته
رحيم يدى ايسكريم لعفاف و حياه و يدخلوا بباقى الكيسه للاوضه
عفاف / بقى بزمتك فى احلى من كدا تبقى قاعده حرانه لا بيكى و لا عليكى تلاقى ايسكريم جايلك لحد عندك
حياه / هههههههههههههههههههه
............
يوم النتيجه
رحيم / تيته انتى وعدتينى صح
عفاف / طبعا يا حبيبى
رحيم / انا باذن الله انا و رحمه هنجيب مجموع كبير انا متاكد
محمود / باذن الله يا رحيم بس انتى وعدتيه بايه يا ماما
رحيم / و عدتنى لو احنا الاتنين جبنا مجموع كبير هتخلينى اتقدم لرحمه رسمى
محمود / ايه ؟؟؟ امال انت طول الفتره اللى فاتت ماشى معاها و لا ايه
عفاف تغمز محمود
محمود / اه طبعا رسمى امال ايه بس الاول لازم تجيبوا مجموع كبير دا شرط
عماد يدخل / ايه بانت عالنت و لا لسه
رحيم / انا قاعد عالكمبيوتر اهو لسه مفيش حاجه
عماد / خير ان شاء الله امال رحمه فين
محمود / اعصابها تعبت دخلت هى و حياه يناموا قال يعنى هيعرفوا يناموا
............
فى اوضه رحمه
حياه / انتى مش قولتى عاوزه تنامى
رحمه / هو انا لو مجبتش مجموع يا ماما بجد مش هتجوز رحيم
حياه / متخافيش هتجيبى
رحمه / طب لو مجبتش
حياه / يا حبيبتى انتى زاكرتى و عملتى اللى عليكى هتعملى ايه اكتر من كدا باذن الله هتجيبى مجموع كبير و على فكره مهما حصل احنا مش هنفرقك عن رحيم اهدى انتى بس
رحمه / طب لما هيجى يتقدملى بابا هيوافق علاطول صح و لا هيقوله هنفكر و يتشرط
حياه / هههههههههههه انتى شاغله نفسك بالحاجات دى ليه يا رحمه ابوكى مش هيعمل غير اللى فيه مصلحتك ماشى
رحمه / ماشى
رحيم يفتح الباب
رحيم / رحمه قومى يا رحمه قومى جبتى 98 قومى يا بنت الدحيحه هاااااااااااااايه
رحمه تقوم تتنطت عالسرير
حياه / وانت عملت ايه
رحيم / لا جبت 96 بس بس بابا بيقول تدخلنى هندسه برضه
رحمه / الف مبروك
رحيم يطلع يجرى عالصاله
رحيم / عموا محمود ممكن اخطب رحمه بقى انتوا وعدتونى
محمود يحضن رحيم و يبوسه
محمود / ماشى يا سى رحيم ايه رايك يوم الجمعه الجايه نعمل حفله كبيره بمناسبه نجاحكوا و كمان قرايه فتحتكوا ايه رايك بقى فى هديه النجاح دى
رحيم / دى احلى حاجه فى الدنيا
زينب / مبروك يا حبيبى
رحيم يحضن امه
...............
يوم قرايه الفاتحه
عماد بيظبط لرحيم جرافاته البدله
عماد / هاااايه دنيا
رحيم / ايه ياعم انت انت رايح فرح مش عزا
عماد / انا يجى عليا اليوم و انا خمسه و عشرين سنه ان اخويا الصغير اللى لسه معتبش بوابه الكليه يخطب و انا لسه
عماد يشد الجرافات جامد
رحيم / كح كح اوعى كدا هتموتنى دانت عيل حقود
عماد / استنى بقى اما اصورك
عماد يطلع موبايله و يصور اخوه و تليفون رحيم يرن
رحيم / دى رحمه اكيد خلصت الكوافير و عوزانا نروحلها .....الو ايوه يا قلبى جهزتى ربعايه و اكون قدامك ... ايوه بقى ...ههههههه.....سلام
عماد واقف يبصله
رحيم / ايه ؟؟؟
عماد / مفيش اتفضل قدامى قبل متشل
عماد و رحيم ينزلوا و قدام البيت محمد طالع
محمد / رايحين تجيبوا العروسه
عماد / اه
محمد / متتاخروش الناس هتيجى كمان شويه
رحيم / تمام سلام
.........
قدام الكوافير تطلع رحمه بفستان احمر سنبل محجبات و شعر نازل على ضهرها و تاج دهبى و مكياج خفيف و مامتها معاها
رحيم / ايه القمر ده
رحمه وشها يحمر / بجد حلو
رحيم / حلو بغباء
حياه تركب قدام جنب عماد و رحيم و رحمه ورا
رحيم / اطلع عالاستوديو اللى جنب البيت الاول عشان انا حاجز اللبوم
عماد / وماله ياخويا حقك امال ايه امال فى خطوبتكوا هتعملوا ايه
رحيم / دى هتبقى ليله يا عمده ههههههههههههههه
عماد / ههههههههههههه
رحيم و رحمه يدخلوا الاستوديو و يتصوروا و يطلعوا عالبيت
..........
فى البيت
الكل فرحان و مبسوط و فى دى جاى بيشغل اغانى و الشباب بيرقص
راجل كبير / الف مبروك يا رحمه يا بنتى ربنا يسعدك و يسعد ايامك
رحمه / ربنا يخليك يا عموا ابراهيم
محمود / عقبال مصطفى و منه يا ابراهيم
ابراهيم / الله يخليك يا محمود
فى الناحيه التانيه
زينب / خليك انت يا موكوس جنبى
عماد / ليه يعنى هعنس
زينب / دا اللى انت فالح فيه لكن تقول كلمه جد ابدا
عماد / متجيبى مالاخر يا ماما فى ايه فى دماغك
زينب / البت منه بنت عمك ابراهيم قمر شايفها و لا معدش فى عندك نظر
عماد / ايوه و المطلوب يعنى
زينب / صبرنى يارب يواد افهم عمك ابراهيم اكبر تاجر خشب فى البلد
عماد / طب ماحنا اكبر تجار موبليا ايه يعنى
زينب / يا غبى افهم هو ينفع الكيكه تتعمل منغير دقيق
عماد / و انا اش عرفنى انا فى الكيكه متسالى تيته
زينب / انت بتتكلم جد و لا عاوز تشلنى
عماد / لا طبعا عاوز اشلك ههههههههههه بهزر يا ست الكل بعد الشر عنك بس يا ماما منه متربيه معانا و زى اختى
زينب / براحتك انت الخسران طب دا اخوك الصغير طلع انصح منك شوف و اتعلم منه اتجوز بنت عمه عشان يضمن ان مفيش حد غريب هيدخل معانا فى البيت و لا المصنع و لا المعرض اضمن نفسك يابنى و اكبر و كل السوق هو انت قليل دانت ابن محمد الصياد
عماد / رحيم اتجوز رحمه عشان بيحبها لكن انا لو اتجوزت منه هتجوزها عشان فلوس ابوها
زينب / خايب من يومك متحبها ياوله هى كانت وحشه و لا وحشه دى بدر البدور و بعدين ان مكنش عشان جمالها يبقى عشان اخلاقها و علامها و اصلها و فصلها و نسبها و ان مكنش عشان دا كله فلوس ابوها تخليك يحبها اعقل يا اهبل بدل ميجى واحد و يلطشها منك
عماد / بقولك ايه يا ماما هو مش دى قرايه فتحه ابنك برده متفكى كدا و تفرفشى
زينب / بقى كدا طب غور من جنبى غور كتك داهيه
...........
فوسط الاغانى رحيم يطلب من الدى جى يقف و يمسك المايك
رحيم / ممكن تسمعونى ثوانى ..... شكرا ........ شكرا ليكوا كلكوا عشان جيتوا و شكرا لعيلتى اللى ساعدتنى احقق حلمى و شكرا لحلمى عشان موجوده فوسطيكوا
عماد / اللعب يا حلمى
رحيم / اسكت ياله بدل مجيلك ..... انا عارف ان دى قرايه فتحه بس ....بس الصراحه انا جايب لرحمه هديه صغيره ياريت عموا محمود يسمحلى اديهالها ... ممكن
محمود / ماشى يا سى رحيم ورينا
رحيم يروح يقعد على ركبته قدام رحمه بعد ميوقفها و يطلع علبه قطيفه حمره صغيره و يفتحها فيها دبلتين دهب كلاسيك
رحيم / انا بحبك يا رحمه ممكن تقبلى و تبقى بتاعتى و تلبسى دبلتى المتواضعه مؤقتا لحد الشبكه الكبيره انا بقالى ياما بحوش فى تمنهم عشان عاوز اول دبله بنا تكون من فلوسى انا ممكن
رحمه مبسوطه اوى و تبص لابوها يهزلها راسه تبص لرحيم و تهز راسها بفرح رحيم يقوم من عالارض و يلبس رحمه الدبله و هى تلبسه الدبله و عفاف تزرغط و تزغد زينب تزرغط و الكل يكمل وراهم و رحيم يحضن رحمه و يلف بيها
.................
فى المصيف بعد فتره صغيره
شقه دوبليكس اربع اوض بسلم داخلى و مطبخ اميريكان
عماد / ابوس رجلك يا ماما تبطلى بقى مش معقول كل شويه منه منه منه منه هو ربنا مخلقش غير منه
محمد / فى ايه يا عماد بتكلم امك كدا ليه
عماد / زهقت يا بابا من يوم قرايه فتحه رحيم و ماما مصممه تخطبلى منه بنت عموا ابراهيم
محمد / والله بنت محترمه و بنت حلال و متتعيبش
عماد / والله معترضت بس يا بابا القلب و ما يريد
محمد/ معاك حق برده
زينب / محمد
محمد / ايه يا زينب مش بقول كلمه الحق و لا لازم يعنى اخنق الواد
زينب / يا سلام محسسنى انى قولت حاجه غلط مانا قولتله حبها معندك اخوك اتجوز حياه ليه مش عشان تمشيله الشغل
محمود / مين فهمك كدا انا اه اتعرفت عليها فى المعرض بس اتجوزتها عشان حبيتها حياه فنانه و زوقها راقى
محمد / و هو انا كنت اتجوزتك ليه يا زينب عشان فلوس ابوكى و لا عشان مصلحه فى الشغل مدام الكل كدا
زينب / والله اسال نفسك انا داخله جوه و الحق عليا اصلا انى عاوزه الصالح
زينب تدخل
محمد / حقك عليا يا محمود حقكوا عليا كلكوا
محمود / محصلش حاجه ماحنا خدنا عليها خلاص
..........
عالبحر
رحيم و رحمه بيتمشوا لوحدهم ماسكين ايد بعض
رحيم / انا نفسى اغمض عين و افتحها الاقى نفسى كبرت
رحمه / انا بقى مش زيك انا مش عاوزه اكبر بسرعه عاوزه اعيش سنى دا احلى سن يا رحيم
رحيم /يعنى مش عاوزه تتجوزينى و يجمعنا بيت بقى
رحمه / لا طبعا عاوزه بس عاوزه كمان اعيش معاك الايام الحلوه دى عاوزه نتمشى عالبحر و اسهر طول الليل بكلمك فى التليفون و افضل احب فيك و تحب فيا
رحيم / طب مانا هفضل احبك بعد الجواز برده
رحمه بدلع / طب و فيها ايه لما تحبنى دلوقت و بعد الجواز
رحيم يبتسم / هو انا اطول يا قمر انت
رحمه / ههههههه يلا نروح بقى لحسن زمانهم قلقوا علينا احنا قولنا هنشترى حاجه و راجعين
رحيم / يلا
........
فى البيت
رحيم يفتح الباب
عفاف / كنتوا فين كل ده
رحيم / كنا بنتمشى خير
عفاف / مفيش امك و عمايلها قلبت اليوم نكد من اوله و قافله الباب عليها خشلها كلمها كلمتين يمكن ترضى تفتحلك
رحيم يطلع فوق و يخبط على باب الاوضه
رحيم / افتحى يا ماما انا رحيم افتحى جبتلك ايسكريم افتحى قبل ميسيح
زينب تفتح الباب
رحيم / مالك يا ست الكل مزعله نفسك ليه بس
زينب / مش زعلانه و لا حاجه متشغلش نفسك انت
رحيم / اما شوفنا حته محل منزل تخفيضات تحفه
زينب / فين ده
رحيم / ايوه كدا فكى بقى يا جميل
زينب / اخص عليك يا رحيم
رحيم / هههههههه انا بحبك اوى يا ماما و مبحبش اشوفك زعلانه
زينب / يخليك ليا
عماد يدخل
زينب / يخليك ليا يا ناصفنى يا مريحنى ياللى بتسمع كلامى هو انا خلفت غيرك
عماد / طب مدام كدا بقى مالشرع محلله اربعه جوزيهاله بالمره و نقيله بنتين كمان يكونوا تمام و اهو يشيل و ربنا يديه الصحه بقى
رحيم / هىهىهى خفيف اوى
عماد / امك عوزانى اتجوز غصب
رحيم / طب انا عندى اقتراح يرضى جميع الاطراف
عماد / عشنا و شوفنا اصغرنا مكبرنا قول يابنى
رحيم / انتوا بتجيبوا الكلام ده منين اسمع ايه رايك مش منه فنون تطبيقيه زيك و ابوها كان مكلم عموا محمود انها تيجى تتمرن و تتعلم تصمبم الموبليا عملى عندنا
عماد / و المطلوب
رحيم / اهو و لا خطوبه و لا احراج قرب منها و شوف ميتها ايه يا معلم
عماد / انت بتتكلم كانى معرفهاش و لسه هتعرف عليها مانا عارفها من واحنا صغيرين
رحيم / و كبرنا يا عماد كلنا كبرنا اقعد معاها و مرنها و اتكلم معاها و شوف قلبك رق خلاص مرقش لا يكلف الله نفسا الا وسعها و لا ايه يا ماما
زينب / والله عداك العيب اهو ابنى اللى بيفهم قالك
عماد / كلام رجاله يام عماد و لا ساعه الجد كلو فى الخلعون
زينب / اخص عليك يا عماد لا بجد الف اخص ان برضه برجع فى كلامى
عماد / لا طبعا و دى تيجى يبقى خلاص اتفقنا هتقومى تلبسى بقى و لا هتقضى اليوم فى البيت عاوز اروح الاكوابارك
رحيم / والله فكره بنت لذينه يلا انا هروح اضرب الميوه و ارجعلكوا
.........
تكملة الرواية بعد قليل
تعليقات
إرسال تعليق