رواية مفيش رحمه الفصل الخامس والسادس والسابع بقلم لولو محمد
رواية مفيش رحمه الفصل الخامس والسادس والسابع بقلم لولو محمد
((((((مفيش رحمه ))))))
#لولو_محمد
الحلقه الخامسه
رحيم / و كبرنا يا عماد كلنا كبرنا اقعد معاها و مرنها و اتكلم معاها و شوف قلبك رق خلاص مرقش لا يكلف الله نفسا الا وسعها و لا ايه يا ماما
زينب / والله عداك العيب اهو ابنى اللى بيفهم قالك
عماد / كلام رجاله يام عماد و لا ساعه الجد كلو فى الخلعون
زينب / اخص عليك يا عماد لا بجد الف اخص ان برضه برجع فى كلامى
عماد / لا طبعا و دى تيجى يبقى خلاص اتفقنا هتقومى تلبسى بقى و لا هتقضى اليوم فى البيت عاوز اروح الاكوابارك
رحيم / والله فكره بنت لذينه يلا انا هروح اضرب الميوه و ارجعلكوا
.........
على باب اوضه رحيم
رحمه / ها صلحتها
رحيم / الحمد لله ها مش هتلبسى هنروح الاكوابارك
رحمه / انا اخرى هفضل فى البسين عامله زى كيس الليبتون و انت هتعد تتنطت و تطير و تعمل شقلبظاتك بالبورده بتاعتك
رحيم / مانتى اللى جبانه المفروض انك كبرتى بقى
رحمه / انا مبعرفش اعوم
رحيم / يابت مانا معاكى هو انا هسيبك تغرقى انزلى بس اللبسى و ملكيش دعوه
رحمه / امرى لله والله لو شربت ميه لوريك
رحمه تنزل تحت
رحمه / احنا رايحين الاكوابارك هتيجوا معانا
عفاف / ياختى انا فيا صحه للكلام ده روحوا و انبسطوا و انا هستناكوا هنا
حياه / و انا هخلينى معاكى يا ماما يمكن تحتاجى حاجه
عفاف / ياختى و لا احتاج حاجه و لا بتاع روحى و انبسطى
حياه / انا اصلا مش عاوزه اروح هخلينى اعمل الغدى اكيد هيرجعوا جعانين
محمود / متاكده انا اصلى رايح معاهم
حياه / روح يا حبيبى و انبسط
رحمه / طب عن اذنكوا بقى اروح اللبس الميوه بتاعى
...........
فى حمام السباحه
محمد و محمود و زينب قاعدين تحت الشمسيه و عماد و رحيم ينطوا فى الميه و رحمه رايحه تنزل من عالسلم
رحيم / متنطى يا بنتى اسهل
رحمه / كتر خيرك انا مرتاحه كدا
رحمه تنزل و رحيم يروح يستقبلها
رحمه / انت هتنزل معايا بالليل
رحيم بيعوم حوالين رحمه / اكيد بس هتروحى فين
رحمه / هجيب كام طقم للكليه استاذنت بابا و وافق
رحيم / قشطه هاجى طبعا و اهو بالمره اتاكد ان مش هيبقى فى لا محزق و لا ملزق
رحمه / هههههههههه لا يا شيخ دا على اساس ايه دا الميوه الميوه يا شيخ ملبسهونى اسلامى
رحيم / امال انتى عاوزه شويه العيال السيس دول يشوفوا جسمك و يعاكسوكى و اروح اموتهم و اخش السجن
رحمه / لا ميخلصنيش تتسجن طبعا
عماد / انا طالع اتزحلق تسابق
رحبم يبص لرحمه
رحمه / قطعه
رحيم يجرى و يسابق عماد و يطلعوا فوق و يحط البورد تحت رجله و يتزحلق لحد اخر الحوض و رحمه بتشجعه يجى شاب يعوم جنبها
الشاب / انا شوفتك قبل كدا
رحمه متردش و تعوم بعيد ناحيه السلم
الشاب / انا مكنش قصدى ادايقك انا اسف بجد
رحمه تطلع من حمام السباحه
الشاب / مش للدرجادى
الشاب يضير وراه يلاقى رحيم يضربه بسيف ايده فى رقبته الشاب يقعد يكح و يكح
رحيم / بيتهيالى كدا هتفكر الف مره قبل متعاكس واحده
عماد / هتيجى يا رحيم
رحيم يطلع من حمام السباحه
زينب / منروحش فى حته الا لما نتخانق عشان رحمه بتتعاكس
محمد / لو مكنش رحيم ضربه كنت انا هضربه
عماد / انا بقول نكتب يافطه ممنوع الاقتراب او اللمس او الكلام حفاظا على سلامتك الشخصيه
رحمه / ههههههههههههه بس يا خفيف
رحيم / تيجى معايا نتزحلق
رحمه / لا يا سيدى كتر خيرك اتفضل انت و انا هكون تحت فى استقبالك
عماد / انا هطلب بيتزا قبل منزل تانى حد عاوز
محمد / اعمل حسابى فى تشيز لفرز
محمود / وانا شرحه
رحيم / لا انا عاوزها سى فود
عماد / اخيرا و انا زيك و انتى يا ماما مش هتاخدى
زينب / انا كمان هاخد زيكوا و انتى يا رحمه
رحمه / ماشى الدنيا حر انا نازله الميه
رحيم / استنى انا جاى معاكى
رحيم و رحمه ينزلو الميه و عماد يتزحلق عالبورد لحد ميقع فى الميه و رحيم بيدحك عليه فجاه الشاب اللى انضرب يشاور لاربعه من صحابه على رحيم و رحمه ينزلوا الميه و عماد يطلع من حمام السباحه و يجرى عشان يتزحلق تانى
رحمه / يلا نطلع مالميه رحيم
رحيم / ليه
رحمه / الواد اللى ضربته نزل الميه و مش لوحده
رحيم يضير يلاقيهم بيعوموا بعيد شويه و بيبصوا عليه
رحيم / بعيد ملناش دعوه بيهم
رحمه / على فكره انا طالعه لازم تيجى معايا
رحيم / انتى خايفه و لا ايه يابت دانا اقطعهم
عماد ينزل يتزحلق لاخر الحمام
رحيم / يا عماد يا جامد
عماد يرجع عايم
عماد / شوفت الحركات
رحيم / خليك هنا و اتعلم من اخوك
محمود يقوم ينادى عليهم
محمود / حد فيكوا عاوز ياكل بيتزا سخنه
رحمه / انا انا
يطلعوا من حمام السباحه و يتنشفوا و ياكلوا
عماد/ صاحبك يارحيم عينه فى البيتزا انا بقول نرميله حته
محمد / عماد احنا جايين ننبسط مش نعمل مشاكل
عماد / هو احنا بتوع مشاكل برده يا بابا احنا بنعد مكانا و هى اللى بتيجى لوحدها لحد عندنا
رحيم يوشوش عماد / تفتكر ياخدوا وقت قد ايه يا عماد
عماد / الواد اللى لابس اسود ممكن يطول شويه لكن الباقى فستك
رحيم / لا ياعم دا فستك انا بقول خمس دقايق كلو يكون راقد
عماد / لا ياعم رحيم ادرس الموقف كويس
رحمه / انتوا بتتوشوشوا فى ايه
عماد / بيقولى قد ايه هو مجنون بيكى
رحمه / يا سلام ... طنط زينب هتروحى الحمام
رحيم / طب موديكى انا
رحمه / ماشى تعال
رحيم و رحمه يروحوا عند الحمامات
رحيم / هستناكى هنا
رحمه تدخل و شويه و الشباب يروحوله
واحد / متقف فى جنب يا اخينا
رحيم / الله يرحم زمن الخناقات الجميل ايه الدخله دى
واحد / انت بقى خبير خناقات
رحيم ضربه بالراس وقعه فى الارض / ايه ايه استنوا انا بس بعلمه ازاى يبدا خناقه عشان بعد كدا يوفر جاز الرغى اللى فى الاول
الكل يبدا يضرب فى رحيم
.............
عند حمام السباحه
محمود / هو العيال اللى كانوا هناك راحوا فين
عماد / حاجه من اتنين يا روحوا يا بيتخانقوا مع رحيم عند الحمامات
محمد / انت عبيط يا عماد انا قايم ابص عالعيال
عماد / خليك خليك انا رايح و هى العيله دى محدش بيتهنى فيها على لقمه هات الحته دى اتسلى فى السكه
عماد يتمشى و هو بياكل البيتزا
زينب / الواد ده يشل و ربنا
..................
عند الحمامات
الخناقه لسه شغاله و اتنين ماسكين رحيم و التالت جاى يضربه رحيم رحيم ينط يزقه برجليه و يفلت ينزل عالارض
رحيم / الله يخربيتكوا شويه هواه يا تمسكوا عدل يا متمسكوش ينفع الدسك ده
رحيم ينط يقوم يضرب واحد فى رقبته يوقعه و التانى بالرجل فى بطنه و التلاته التانين يتكاتلوا على رحيم يوقعوه فى الارض و الاتنين التانين يقوموا و يهجموا عليه الخمسه مره واحده
عماد يدخل
عماد / اخص عليك يا رحيم دايما كدا كاسفنى و انا اللى قولت هاجى الاقيك مقطعهم .... انت يا بتاع منك له خمسه على واحد مش رجوله
عماد يشد اتنين و يطقشهم فى بعض و يزق التالت بعيد و يقوم اخوه
رحيم / مبادرى ياخويا
عماد يمسك ايد اخوه و ينط يضرب واحد منهم بالرجل فى وشه
عماد /كلو فى التوقيت يا برنس
عماد يمسك واحد منهم و يخبط راسه فى ركبته
رحيم / ابو توقيتك يا شيخ خمس دقايق و مكنتش هتلاقينى
رحيم يزق واحد على اخوه اخوه يضربه بوكس فوشه
عماد / هى رحمه اتاخرت ليه جوه
العيال كلها تتكون عالارض
رحيم / تفتكر خدوا وقت قد ايه
عماد / عشر دقايق بالكتير معاك حق عيال فستك
رحمه تطلع مالحمام تلاقى العيال فى الارض و رحيم و عماد واقفين مبتسمين
رحمه / يا خساره فاتنى الاكشن كلو
..........
اول يوم فى الكليه
رحيم نايم فى اوضته و رحمه تفتح الباب
رحمه / صحيت
رحيم / اكيد
رحمه / انت ازاى نومك بقى خفيف اوى كدا
رحيم / مش عارف صدقينى هموت وابطل العاده الزفت دى هى الساعه كام
رحمه / الساعه 8 و نص يلا قوم اللبس عشان هنعدى ناخد ريهام و رنا فى طريقنا
رحيم / انا مبحبش اوصل العيال دى
رحمه / طب لو قولت عشان خاطرى بليز بليز بلييييييييييييييييز
رحيم / ماشى نقيلى طقم على زوقك على مادخل الحمام
رحيم يقوم يدخل الحمام و رحمه تفتح الدولاب و تنقيله تيشرت ازرق و بنطالون جينز دارك بلو و تبدا تكوى البنطلون
رحيم يدخل / تسلم ايدك و زوقك
رحمه / هروح اظبط الفطار على متلبس
رحيم يمسك ايدها
رحمه / ايه
رحيم / مش ناسيه حاجه
رحمه / اممم لا
رحيم يشدها عليه
رحيم / طب عينى فى عينك كدا
رحمه / ب
رحيم / ح
رحمه / ب
رحيم / ك
رحمه / بحبك ارتاحت مش كل مره انا اللى هبدا
رحيم / و انا بموت فيكى
رحمه تطلع مالاوضه و تقفل الباب تلاقى زينب فى وشها
زينب / صحيتيه
رحمه / اه يا طنط صحى بيلبس اهو هروح اعمله يفطر
زينب / خدى ياختى فطاركوا اهو اصلى كنت مستنيه سعاتك تفطرى ابنى
رحمه / شكرا عن اذنك
رحمه تاخد صينيه ساندوتشات من ايد زينب و تلف كل ساتدوتش فى ورقه و تحطه فى كيسه و تعبى شنطتها يادوب تخلص تلاقى رحيم وراها
رحيم / يلا يا موزه
رحمه / يلا يا باشا
رحيم و رحمه ينزلوا يلاقوا عربيه بسواق مستنياهم رحيم يركب قدام و رحمه ورا و ريطلعوا يجيبوا صحباتها و يروحوا الكليه
ريهام / كل الزحمه دى عالجدول انسوا انا مش هبهدل نفسى
رحمه / احنا مش مستعجلين
واحد من بعيد يشاور لرحيم
رحيم / ثوانى و جاى
رحيم يروح يسلم على صاحبه
رحمه / تعالوا نشوف حته نقعد فيها طيب مالشمس دى
رنا / على فكره درس مستر معتز كلو هنا
رحمه / هههههههه اكيد يابنتى احنا كنا مجموعه الفائقين يعنى اكيد هتلاقى ناس كتير هنا
رنا / ماشى ياختى
..............
عند رحيم
رحيم / انت مش قولت مش جاى يا بتاع انت
الولد / امى ياعم صحتنى مالنجمه قوم هات الجدول انت هتبتديها دلع نزلتنى على ملى وشى اعمل ايه بس على عينى والله هنا من ساعه
رحيم / هههههههههه معلش تعيش و تاخد غيرها نقلت الجدول على كدا
الولد / اه طبعا نقلته و كنت مروح
رحيم / انت جاى فى ايه و ماشى فى ايه خليك معانا
الولد / امال العروسه فين
رحيم / هناك مع صحباتها
الولد / طب ايه مش هتنقل الجدول
رحيم /ثوانى و جايلك
رحيم خد الورقه و راح لرحمه
رحيم / خدى رامى اكيد هيبقى معانا فى سكشنا انقلى ده عندك
رحمه / طب اش ضمنك
رحيم / يا ستى انقليه و نبقى نتاكد براحتنا لما تخلصى نديلى اجى اخده منك
رحيم يمشى
.............
رحيم يرجع لصاحبه
رحيم / لطعتك يا رامى معلش تعال نقعد فى اى حته
رامى / ياعم و لا يهمك بس مين اللى مع رحمه دول صحباتها مش تعرفنى يا جدع
رحيم / بزمتك ينفع
رامى / بهزر ياعم
بنت تدخل
البنت / لو سمحت
رامى / ايوه
البنت / متعرفش الجدول فين
رامى / هناك
البنت / ياربى فى الزحمه دى يا خساره خلاص شكرا
......
عند رحمه
ريهام / اللحقى براشوت
رحمه تبص تلاقى رحيم و رامى واقف معاهم بنت تانيه وشها يحمر و عنيها تطق شرار و تقوم هناك زى الطور الهايج
..............
عند رحيم
رامى / قوليلى بس اسمك و انا هشوف انتى سيكشن كام و هنقلهولك
رحمه تدخل
رحمه / ايه يا حبيبى واقف فى الحر ده ليه متيجى تقعد معانا هناك تراوه احسن
البنت تبص لرحمه
البنت / هاى انا روقيه اعدادى
رحمه / رحمه اعدادى برده سبحان الصدف
روقيه / بجد فرحت اوى شوفتى الدنيا صغيره اوى
رامى / انا رامى و دا رحيم
رحمه / خطيبى
رحمه تورى روقيه الدبله
روقيه / معقول فى السن ده ماما دايما تقول اللى بيجى فى الصغر مبيستمرش
رحمه / والله
ريهام و رنا يدخلوا
رنا / سمعت اتنين بيتكلموا بيقولوا فى محاضره فى مدرج أ لاعدادى يلا هتحضرى
رحمه / يلا يا رحيم
رحيم / يلا
رامى / هتيجى يا روقيه
روقيه / اكيد يلا
................
بعد المحاضره
روقيه / ياربى عالملل
رامى / فعلا كلام هرى و اى فتى
روقيه / انا مفطرتش ايه رايكوا نروح الكافيتريا
رامى / والله فكره
روقيه / هتيجى يا رحيم
رحمه / لا احنا فاطرين
روقيه / كنت فاكره انى بكلم رحيم
رحيم / انا و هى واحد
روقيه / ربنا يخليكوا لبعض
ريهام / طب متيجى يا رحمه نروح نتفرج على الكافيتريا مش هيحصل حاجه
رحمه / ايه رايك يا رحيم
رحيم / لو عاوزه تروحى معنديش مانع
روقيه / انا جعانه هتروحوا و لا لا
رحمه / يلا بينا
.........
فى الكافيتريا
رحيم / اتصل بالسواق ؟؟؟
رحمه / زى مانتوا عاوزين
روقيه / انتوا صحيح قرايب مش كدا
رحمه / ولاد عم
رامى / بس مقولكيش بقى قصه ولا فى الافلام دا من يوم معرفته يبقى دكر يجيب اسمها
روقيه / بجد انا ببقى فرحانه اوى لما بلاقى حب فى الوقت ده
ريهام / انا بقول تكلم السواق يجى احسن اهو لسه على ميجى
رحمه / ممكن يا رحيم
رحيم / حاضر ثوانى
رحيم يقوم يتكلم فى التليفون
روقيه / انتوا مشتركين مع تاكس
رحمه / لا دى عربيه عمو محمد بابا رحيم هو جايبلها سواق عشان رقبته بتوجعه مالسواقه فبنخليه يودينا و يجيبنا لحد مرحيم يطلع رخصه عمو هيجيبله عربيه
روقيه / و انتى باباكى بيشتغل ايه يا رحمه
رحمه / بابا و عموا محمد اصحاب معارض الصياد للموبليا تسمعى عنها
روقيه / بيتهيالى مش متاكده
رحيم يرجع
رحيم / فى الطريق
رحمه / طب ادينا قاعدين
..........
فى البيت فى اوضه رحمه
رحمه / البت روقيه دى تقيله اوى على قلبى
رحيم / انا بالنسبالى البنات كلهم ماعدا انتى رخمين
رحمه من تحت لتحت / بجد
رحيم / انتى عندك شك فى كدا
رحمه / انت عارف لو خنتنى هعمل فيك ايه
رحيم / مش هيحصل
رحمه / انا بقول لو
رحيم / متبقيش رخمه بقى مفيش لو
حياه تدخل
حياه / الغدى جاهز ايه مش جعانين
رحيم / واقع مالجوع و شامم ريحه تهبل
حياه / ههههههههه طب يلا يا بكاش
......
((((((مفيش رحمه ))))))
#لولو_محمد
الحلقه السادسه
رحمه / انت عارف لو خنتنى هعمل فيك ايه
رحيم / مش هيحصل
رحمه / انا بقول لو
رحيم / متبقيش رخمه بقى مفيش لو
حياه تدخل
حياه / الغدى جاهز ايه مش جعانين
رحيم / واقع مالجوع و شامم ريحه تهبل
حياه / ههههههههه طب يلا يا بكاش
......
عالاكل
عفاف / ايه اخبار اول يوم كليه
رحمه / والله هو كان حلو فى اوله
حياه / فى اوله ؟؟؟
رحمه / الا قوليلى يا ماما هو طبيعى الكليه تبقى مليانه ناس و بنات و شباب و تلاقى واحده تسيب كل دول و تيجى تسال رحيم الجدول فين
حياه / ههههههههههههههههه ابتدينا
رحيم / والله كانت بتكلم رامى مبتكلمنيش انا
عفاف / صادق يا حبيبى هههههههههههه
رحيم / تيته
محمود / متزعلش يا رحيم انا كمان ياما حصل معايا كدا مش ذنبنا يابنى اننا حلوين و البنات بتموت فينا
عفاف / على يدى دانا كانوا بيجوا يخطبوهم لبناتهم
رحمه / بقى كدا
حياه / ايوه بس شوفى فى الاخر ساب كل دول و جرى و را مين
رحيم / ايوه بقى
محمود / دانا قعدت شهور يابنى لازقلها قبل متقدم انها تعبرنى بكلمه ببصه باى حاجه ابدا قولت مبدهاش بقى و روحت لابوها الله يرحمه و طلبتها
عفاف / كان راجل طيب اوى الله يرحمه
حياه / الله يرحمه
رحيم / شوفتى يعنى المفروض تبقى فرحانه مش زعلانه
رحمه / و مين قالك انى زعلانه
حياه / انتوا عارفين احلى حاجه فيكوا ايه
رحمه / ايه يا ماما
حياه / انكوا عارفين انكوا ملكوش غير بعض بتعملوا كل حاجه مع بعض و حتى اختلافاتكوا بتكمل بعض انا مش عاوزه اى حاجه فى الدنيا تفرق بينكوا
رحيم / مفيش حاجه تقدر اصلا
رحمه / انا شبعت
عفاف / طب كملى طبقك على الاقل
رحمه / والله شبعت خالص انا هقوم اغسل فاكهه
رحمه تقوم
رحيم / انا كمان شبعت هقوم اغسل ايدى
رحيم يقوم
محمود ينادى على رحيم / ابقى اغسل ايدك فى حوض اللى فى الحمام مش فى المطبخ فاهمنى هاه
عفاف / بطل غتاته
...........
فى المطبخ
رحيم ينط يقعد عالرخامه
رحيم / اغسلى التفاح كويس
رحمه تحدفه بتفاحه يمسكلها و ياكل منها
رحيم / انا مليش مزاج اروح التمرين النهرده متيجى نخرج
رحمه / تمرين ايه اللى انت مش عاوز تروحه لا هتروح طبعا البطوله فاضل عليها تلت شهور و لازم تكسب
رحيم / مش عاوز اسيبك النهرده
رحمه / طب بص انا هخلص اللوح بتاعتى عشان كورس الرسم بكره و هحصلك عالنادى ايه رايك
رحيم / لا مدام وراكى واجب خلصيه
محمود يدخل المطبخ
محمود / ايه يا رحيم هو الميه قطعت فى الحمام و لا ايه
رحيم / اصل التفاح هنا حلو اوى يا عمو
رحيم ينزل من عالرخامه
محمود / طب ايه مش هندوق يا ست رحمه و لا التفاح ده لسى رحيم بس
رحمه / بجد يا بابا انا كنت بقشرهولك و بقطعه اهو
محمود / ههههههههههههههه انا بمسى بس
.........
تانى يوم فى الكليه فى المدرج
ريهام / مش فاهمه هو احنا فى مدرسه عشان يعملوا محاضره الساعه 8 الصبح
رحيم / رامى بيتصل عن اذنكوا
رحيم يطلع
ريهام / انا مش شايفه روقيه
رحمه / و بتدورى عليها ليه
ريهام / هى مش صاحبتنا
رحمه / لو معاكى رقمها كلميها
رنا / مفيش لزوم جايه اهى مع رحيم
رحيم يرجع مع روقيه و تسلم عليهم
روقيه / مش هتصدقوا بقالى يجى ربع ساعه بدور عالمدرج بس الحمد لله رحيم انقذى و قالى اننا هنا
رحمه / امال ايه اخبار رامى يا رحيم
رامى / بيقولى انه فى التاكس و زمانه جاى
رحمه / طب تعال اقعد هتفضل واقف
روقيه / هو مفيش مكان ليا جنبكوا اخص عليكوا محجزتوليش
رحيم / ممكن تقعدى مكانى و انا هقعد ورا مش مشكله
روقيه / لا مش عاوزه ابقى بتقل عليك
رحيم / لا مفيش مشكله انا هقعد ورا هناك و هحجز لرامى كمان معلش فاتتنا دى
رحمه تنفخ / حد فيكوا يقعد عشان الناس بتيجى و اخرتكوا انكوا هتقضوا المحاضره واقفين
روقيه تقعد جنب رحمه و رحمه على اخرها
.........
بعد فتره
ريهام / يعنى ايه كويز كل اسبوع و غياب و شيتات احنا فى معتقل
رامى / على رايك الله يرحم زمن الكليات الجميل
رحمه / بطلوا افوره هو انتوا داخلين اى كليه دى كليه عمليه و انتوا عارفين ده كويس
روقيه / يعنى انا عاوزه افهم انتوا بتجيبوا وقت بعد مبنروح تزاكروا و تحلوا الشيتات منين
رحيم / رحمه دايما تقول عقلين اسرع من واحد
روقيه / و انت دايما بتسمع كلام رحمه
رحمه / مستحيل طبعا دا ابن سبعه
رحيم / بجد
رحمه / فاكر لما قعدت اتحايل عليك اشترى الفستان الاحمر و انت راسك و الف سيف ابدا
رحيم / لا انا قولتلك اشتريه بس متخرجيش بيه مالبيت
روقيه / و تبقى اشترته ليه بقى ان شاء الله
رحيم / ليا
ريهام / على فكره رحمه شيك جدا فى البيت
رحمه / الواحده لازم تكون حلوه فى بيتها و بره
روقيه / اساسى
رحيم / فاضل ساعتين عالسيكشن هتروحوا فين
رحمه / انا عاوزه اقعد قدام لما بقعد وره مبشوفش كويس
رحيم / قبل معاد السيشكن بربع ساعه هتروح نقف قدام القاعه تمام
رحمه / اوك اللى تشوفه
.........
بعد فتره فى البيت فى بيت رحيم
رحيم / ماما .... ماما
زينب / ايه يا حبيبى خير
رحيم / انتى بوظتى قميصى كدا
زينب / بنطلونك الاسود بهت عليه معلش ابقى اشترى غيره
رحيم / اشترى غيره انتى عارفه كويس ان القميص ده غالى عندى اوى و بعدين من امتى بتحطى حاجه مع الغسيل الاسود
زينب / غلطت و نسيت و حطيت ايه هتعلقلى المشنقه و لا عشان هو هديه من ست الحسن تبهدل امك بالشكل ده
رحيم / انا مش ببهدلك يا ماما انا بعاتبك عشان زعلان
زينب / انت تقدر تقف للغندوره كدا و تقولها عملتى و معملتيش مهو الحق مش عليها الحق عليا انا انى سبتك ليهم يربوك انا اصلا مخلفتش الا عماد انا مبعرفكش و لا بشوفك الا صدفه من و انت صغير زى القرع تمد لبره طول الوقت لازق للهانم و متعرفنيش غير وقت الحموم و كنت بفتكرك لما بلاقى هدومك فى الغسيل ياخويا مدام الهانم غاليه اوى كدا و زعلها بيوقفك لامك كدا متخليها تغسلك خليها تروق اوضتك خليها تشيل مسؤليتك اللى انا طافحه الدم بسببها
عماد يدخل
عماد / فى ايه يا ماما بتزعقى ليه
رحيم / بتهزقنى عشان عاتبتها عشان بوظت قميصى الابيض فى الغسيل
عماد / ياخبر اسود مش دا اللى رحمه جيباهولك
زينب ترفع حاجبها لعماد
عماد / بتحصل بتحصل ياما غسيل بيبوظ فى الغساله مانت عارف عادى عادى انزل اشترى واحد غيره اكيد هتلاقى زيه فى كل حته عادى يعنى بتحصل
رحيم / ماشى هنزل اشترى غيره بس على فكره يا ماما انا مزعقتش خالص و لا رحمه سحرالى و بحبك و انتى عارفه و زعلك غالى عندى و لو انا تقيل عليكى انا ممكن اودى هدومى المغسله و اشيل من عليكى همى و مسؤليتى و لا تزعلى نفسك
عماد / ايه يا رحيم الكلام ده
رحيم / عادى يا عماد انا كبرت و اقدر اشيل مسؤليتى دلوقت و لازم برده نريح ماما شويه
عماد / ياعم امك و بتدلع عليك هو انت ليك غيرها
زينب / ليه طبعا الست هانم
رحيم/ انتى ليه كرهاها كدا عملتلك ايه هى
.........
زينب / و انا اكرهها ليه و اصلا احطها فى دماغى ليه هو انا صغيره للعب العيال ده
رحيم / لا طبعا يا امى مانتش صغيره بس علاطول بتقللى منها بتبقى عارفه انى بدايق و برده بتتكلمى عنها وحش دى هتكون مرات ابنك و ام احفادك
زينب / و هو انا اعترضت ربنا يهنى سعيد بسعيده
عماد / ياعم امك بتحبك و بتغير عليك
زينب / اخرس ياوله انا اغير من المفعوصه دى
عماد / اه تغيرى اذا كنت انا بجلاله قدرى بغير منها مش سارقه قلب اخويا و عقله و وخداه مننا طول الوقت لازم نغير منها و بعدين يا ست الكل مبكره انا كمان اشوفلى مفعوصه كدا على قدى تاخدنى منك هتدايقى منها برده لو هتدايقى بناقص
زينب / انتوا هتدايقونى بالعافيه و خلاص و بناقص ياخويا اللى بيشيل قربه مخرومه هو اللى بيغرق فيها و بعدين هو انا يعنى هفضل شايله همكوا طول العمر بكره اموت و ترتاحوا كلكوا منى
رحيم / بعد الشر عليكى يا ست الكل هو احنا لينا بركه غيرك
زينب / كل بعقلى حلاوه يا وله
رحيم / حلاوه ايه يا ست الحلوين طب والله وانتى عارفه انا قد ايه بحبك
زينب / طب يلا ياخويا روحوا شوفوا وراكوا ايه انا مش فضيالكوا
زينب تقوم و تمشى
عماد / انت عبيط يا رحيم مانت عارف انها هتبوظه ليه مديتهوش لرحمه تغسله زى كل مره
رحيم / نسيت و قلعته فى الغسيل رجعت مالكليه تعبان قلعته و نمت
عماد / ياعم كبر مخك و انزل اشتريلك واحد زيه و متقولش لرحمه
رحيم / هتعرف يا فالح
عماد / خلاص روح قولها ان امك بوظت القميص التالت اللى رحمه شرياهولك
رحيم / هى بتعمل كدا ليه بس
عماد / هما الحموات كلهم كدا سيبك مش كل حاجه تحطها فى دماغك
رحيم / انا نازل
................
رحيم يفتح الباب و القميص فى ايده يقابل رحمه عالسلم يدارى القميص و را ضهره
رحمه / رحيم بتعمل ايه رايح فى حته
رحيم / انا كنت نازل رايح مشوار علاطول وراجع
رحمه / رايح فين مش هتيجى تحل معايا شيت الميكانيكا انا المتجهات طلعت عينى
رحيم / مش هتاخر هاجى علاطول انا حليت نصه امبارح بالليل
رحمه / ايه اللى فى ايدك ده
رحيم / دا ... دا ولا حاجه دا قميص كنت هتبرع بيه لواحد غلبان عارفه كدا
رحمه تمد ايدها و تمسك القميص
رحمه / تانى تانى و انت رايح فين بقى ان شاء الله
رحيم / انا حطيته فى الغسيل بالغلط كنت تعبان و ....
رحمه / ليه بتكدب يا رحيم انت عارف انى بزعل لما بتكدب عليا اكتر من الموقف نفسه ليه بتكدب
رحيم/ يعنى اقولك ايه بس مهى غلطتى انا اللى مسبتهولكيش زى كل مره
رحمه / عادى على العموم و انا بشتريه كنت عامله حسابى تعال معايا
رحيم / على فين
رحمه/ تعال بس فوق
....
فى اوضه رحمه
رحمه تفتح الدولاب و تطلع تلت قمصان نفس الشكل
رحيم / ايه ده
رحمه / مهو لما اول قميصين باظوا و مكنتش بلاقى زيهم و بزعل قولت مبدهاش انا اشترى بزياده اضمن
رحيم / ههههههههههههههه يابنت اللعيبه
رحمه/ اتفضل يا سيدى و لا تزعل نفسك و متبقاش تكدب تانى عشان المره الجايه هزعل بجد
رحيم / لا خلاص حرمت عمرى مهكدب عليكى تانى
............
فى الكليه بعد فتره
روقيه / ايه رايكوا نطلع الرحله اللى طالعه تبع الكليه
ريهام / ايوه بس دى قبل الميدتيرم بيومين و يادوب لازم نزاكر
روقيه / دا الفلانتين يا جدعان هنقضيه فى البيت يعنى
رامى / انا عن نفسى طالع وش انا ناقص نكد مش كفايه الحرته اللى احنا فيها
روقيه / و بعدين احنا لازم نفصل عشان نعرف نكمل مزاكره و لا ايه يا رحيم و لا صحيح تلاقيك كنت مجهز حاجه معتبره عشان تحتفل بيه مع رحمه
رحيم / احنا مبنحتفلش بالفلانتين احنا ايامنا كلها فلانتين
رامى / امال مين اللى كان بيحوش الفتره اللى فاتت عشان يجيب هديه
رحيم / تصدق انك عيل زباله و لا تسوى
رحمه /ههههههههههههه دا على اساس انى مكنتش واخده بالى يعنى
رحيم / انتى مفيش حاجه بتفوتك كدا
رحمه / لا مفيش
روقيه / ربنا يخليكوا لبعض كنت ناوى على ايه بقى يا رحيم
رحيم / والله مفيش انا كان فى خاتم عاجبنى و كنت بحوش عشان اجيبهولها بس كنت ناوى اعملهالها مفاجاه و البيه حرقها
روقيه / و تبقى برده مبتحتفلش بالفلانتين
رحمه / على فكره انا و رحيم مش محتاجين مناسبه عشان نهادى بعض اللى بيلاقى حاجه حلوه للتانى بيهاديه بيها مره ادانى هديه عيد ميلادى قبل العيد ميلاد بشهر بيقولى مانا كدا كدا مش هعرف اخبيها فخديها بقى احسن ههههههههههههههههه
ريهام / فاكره لما عملك اسوره عليها اسمك حروف
رحمه / زعلت اوى لما اتقطعت بس كل الخرز و الحروف اللى لقيتها منها عنتها عندى على فكره
رنا / دى كانت بتعيط بالدموع و قلبنا الفصل كلوا على الحروف ملقناش حرف اتش كان ناقص
رحيم / قولتلها هعملها واحده تانيه بس هى مرضيتش
رحمه / بطلوا نكد بقى فكرتونى و الله زعلت
روقيه / خلاص يبقى هنطلع الرحله انا بكره هدفع الاشتراك اتفقنا و لا ايه
ريهام / انا هقول لبابا لو وافق تمام
رامى / انا كمان طالع
رنا / زى ريهام لازم اسالهم فى البيت الاول
روقيه / و طبعا رحمه كمان لازم تاخد الاذن فهنعدى و نسال رحيم
رحيم / لا الحقيقه انا اللى لازم اخد الاذن مش رحمه
روقيه / بتهزر
رحمه / لا والله ابدا تيته من زمان مخليه رحيم هو ولى امرى يقول اه او لا من و احنا صغيرين ممكن اروح اللعب يا تيته تقولى روحى اسالى جوزى روحى اسالى جوزك بابا بقى عشان يحل الموضوع ده فرض هو رقابته على رحيم
رحيم / يعنى لو انا رايح فى اى حته فرحمه مش محتاجه تاخد الاذن لانها معايا لكن انا بقى اللى لازم اروح لعموا محمود و اقوله انا رايح الحته الفلانيه فى مشاكل و اتحايل عليه شويه بس فى الاخر بيوافق يعنى
رحمه / او بنسلط عليه تيته هى بتعرف تقنعه ههههههههههههههههههههه
روقيه / ربنا يخليهالكوا
...............
فى الرحله
رامى و ريهام و رنا و روقيه يقعدوا فى الكنبه اللى ورا و رحيم و رحمه يقعدوا جنب بعض فى الكرسين اللى قدامهم رحمه جنب الشباك و رحيم عالحرف و يقعدوا يتكلموا
رامى / ايه ياعم الحبيب متديرلنا شويه و لا احنا مش قد المقام
رحيم / بقى بزمتك ينفع اسيب الخلقه دى و ابص للخلقه دى
روقيه / طب ايه رايكوا نلعب
رحيم يبص لرحمه توافق / و ماله هتلعبوا ايه
رحمه / انا معايا ورقه و قلم تعالوا نلعب اكس او
روقيه / احنا سته يا ماما اكس او ايه احنا نلعب اوتوبيس كومبليت
رحمه / ماشى فرق و لا فردى
روقيه / فرق بس هنصعبها انا شريره هنخلى رحيم منافس ليكى
رحيم / انتى بتكرهينى كدا ليه كدا هخسر دى محترفه
رامى / يبقى هدخل فريها وش
ريهام / و انا كمان
روقيه /خلاص يبقى انا و رنا و رحيم فريق يلا نلعب نبدا بحرف الره اكيد ده سهل بما اننا كلنا حرف الره يلا ولد بنت نبات جماد حيوان
ثوانى و الكل يخلص
روقيه /ابدئى يا بطله
رحمه / رياض رضوى رجله رمل رنه
روقيه / ايه رجله دى
رحمه / حشيشه بتبقى مع الملوخيه متعرفيهاش
روقيه / عمرى متعاملت مع الملوخيه على العموم حد فيكوا مختار اى حاجه زى رحمه
الكل يهز راسه لا
روقيه/ رحمه خمسين يلا يا رحيم قولنا
رحيم / رحيم رحمه رز رمح رنجه
روقيه / حرام عليك دا نفس اللى انا عملاه بالظبط
رحيم / ههههههههههههههههه انا قولتلك بلاش يبقى انا و انتى 25
رامى / انا الولد رامى انا طبعا و البنت روقيه و النبات رمان و الجماد رمح برضه و الحيوان رنجه برضه
ريهام / انا زيك فى كلو ماعدا البنت
رنا / و انا كمان زيكوا
رحمه / يبقى انا اللى كسبت شكرا شكرا تحبوا تخسروا دور كمان و لا نشوف لعبه تانيه
رامى / مدام فى فريقك يبقى دايس
رحيم / انسوا انا راجع فريقى مع رحمه اكيد انا كسبان
رحمه / افلام ايه ريكوا
روقيه / انا لعيبه فى اللعبه دى حد يبقى فى فريقى
رحيم / لا كل واحد مسؤل عن نفسه
رامى / موافق مين هيمثل
ريهام / انا هبدا
ريهام تقوم و تبدا تمثل بتفتح حاجه
رامى / مسرحيه
ريهام تشاور اتنين
رحيم / كلمتين
ريهام / تشاور تحت و فوق
روقيه / بين السما و الارض
رامى / و دول كلمتين
رنا / يعنى هو ده مسرحيه
رحيم يوشوش رحمه
رحمه / العيال كبرت
ريهام / صح
روقيه / انتوا نصابين رحيم غشش رحمه
رحمه / حصل فعلا ههههههههههههه
رامى / متيجوا نغنى
رحيم / وفر صوتك وصلنا
الاوتوبيس يوقف و الكل يبدا ينزل
روقيه / انتوا مش هتنزلوا
رحيم / و ليه نتزاحم خلى الكل ينزل و براحتنا هنفضل واقفين لحد مكل دول ينزلوا ليه يعنى
روقيه / خلاص براحتكوا
رامى / احساس زباله لما تلاقى الباص كلو كبلات و انا قاعد كدا زى خيبتها
ريهام / هههههههه بصلها من ناحيه ايجابيه
رنا / ههههههههههههههه
رامى / لا بجد مش فاهم
رحيم / كل واحد قاعد جنبه واحده و انت جنبك تلت قمرات
رامى / ههههههههههههههههههه معاك حق تصدق
الكل ينزل مالباص
رحمه/ و انت بقى كفايه عليك واحده و لا نفسك فى تلت قمرات
رحيم / و يجوا ايه تلت قمرات جنب نجمه عاليه منوره فى السما
رحمه / ثبتنى
رحيم / ههههههههههه
روقيه ترجعلهم
روقيه / مش ناوين تيجوا و لا ايه
رحمه / جايين
................
((((((((((مفيش رحمه ))))))))
#لولو_محمد
الحلقه السابعه
رامى / لا بجد مش فاهم
رحيم / كل واحد قاعد جنبه واحده و انت جنبك تلت قمرات
رامى / ههههههههههههههههههه معاك حق تصدق
الكل ينزل مالباص
رحمه/ و انت بقى كفايه عليك واحده و لا نفسك فى تلت قمرات
رحيم / و يجوا ايه تلت قمرات جنب نجمه عاليه منوره فى السما
رحمه / ثبتنى
رحيم / ههههههههههه
روقيه ترجعلهم
روقيه / مش ناوين تيجوا و لا ايه
رحمه / جايين
................
قدام الباص
المشرف بتكلم بعيد و محدش سامعه
ريهام / بيقول ايه ده
رامى / هروح اشوف
رحمه / حلوه القلعه
روقيه / اول مره تيجى و لا ايه
رحمه / فعلا اول مره اجى فى الشتا بجد المنظر تحفه الموج و هو عالى و بيضرب فى الشط
روقيه / انت ايه رايك يا رحيم
رامى يرجع
رنا / خير
رامى / بيقول جوله حره ساعتين نتفرج براحتنا و نتجمع تانى هنا عند الاوتوبيس الساعه 2
روقيه / تمام يلا بينا
الكل يتحرك و رحيم ماسك ايد رحمه و بيبطقها
رحمه / فى ايه
رحيم / هو ايه اللى ايه انتى مستعجله على ايه وراكى حاجه
رحمه / هنتوه منهم
رحيم / انتى غبيه يا بت مهو ده المطلوب
رحمه / اهااااا على العموم تمام كلهم مشيو
رحيم يطلع من جيبه علبه
رحمه / دلوقت
رحيم / اه هنا قدام الميه و الموج و السما اللى شكلها هتغرقنا النهرده دى
رحمه / ههههههههههههههه
رحيم يفتح العلبه جواها خاتم يمسكه و يلبسه لرحمه
رحمه / تحفه استنى بقى اوريك انا جيبالك ايه
رحيم / كفر جديد للموبايل مانا عارف
رحمه / اخص عليك عرفت منين
رحيم / انتى هبله مانا كنت معاكى و انتى بتشتريه
رحمه / لا انت كنت بره
رحيم / اه بره و باب المحل ازاز فشوفتك غبيه اوى
رحمه / ماشى يا ناصح هات موبايلك بقى اركبهولك
رحيم يفك موبايله مالكفر و رحمه تفتح الهديه و تركب الكفر و تديه لرحيم يمسكه و يقلبه يبص عالكفر يلاقى مكتوب على ضهره حرف R بالاستراس المطفى
رحيم / حلو اوى شكرا
........
بعيد شويه
رامى / ايه يابنتى افتكرتك توهتى مننا انتى كمان
روقيه / بص هناك رحمه ورحيم ولا هاممهم القلعه و لا بيفكروا حتى يتفرجوا عليها
رامى / طب مدا العادى بتاعهم امال احنا مفكرناش ندور عليهم ليه هما كدا طول عمرهم بيحبوا يبقوا لوحدهم
روقيه / طب ايه رايك نرخم عليهم
رامى / هههههههه دى هوايتى المفضله
................
عند رحمه و رحيم
رحمه / انا تعبت مالوقفه فى البرد ده تعال ندخل بقى نشوف حته نقعد فيها
رحيم / والله لو مكانوش هيفهمونا غلط كنا روحنا قعدنا مع السواق فى الباص
رامى و روقيه يدخلوا
رامى / من لقى احبابه
رحيم / حلق لاصحابه
روقيه / واو خاتم تحفه هابى فلانتين
رحمه / شكرا رحيم لسه مديهونى
روقيه / زوقك تحفه اوى يا رحيم
رحمه/ عارفه
روقيه / والله
رحيمه/ اكيد مش اختارنى
روقيه تسكت
رحيم / تعالوا نشوف حته دفى نقف فيها لحسن اتجمدنا
......
بعد شويه كتير
روقيه / ياربى دا وقته دانا لسه شاحنه امبارح
رامى / خير فى حاجه
روقيه / الرصيد خلص مع انى لسه شاحنه امبارح والله
رامى / شركات حراميه يا بنتى اسالينى انا
روقيه / لازم ادور على اقرب محل موبايلات عشان اشحن هو رحمه و البنات فين
رحيم / راحوا الحمام عند عزه
روقيه / يوووه زمان ماما قلقانه عشان الخط فصل فوشها ممكن حد يجى معايا
رحيم / يا ستى خدى موبايلى اتكلمى منه زى مانتى عاوزه
روقيه / مش عاوزه احرجك
رحيم / احراج ايه يابنتى اعتبرينى زى اخوكى خدى خدى
روقيه / ميرسى كتير شكرا
روقيه تاخد موبايل رحيم و تروح بعيد شويه
روقيه / زى اخويا صح ارزاق ماشى يا ست رحمه اتدلعى اتدلعى انا بقى هخليكى تولعى
روقيه تمسك موبايل رحيم و تبعت رساله لنفسها و تمسحها من موبايل رحيم و ترجع
رحيم / طمنتيها
روقيه / اه كلو تمام هى هتبعتلى رصيد دلوقت
البنات يرجعوا
رحيم / يلا نركب الباص بقى
رحمه / اوك
الكل يركب الباص
المشرف / دلوقت هنطلع على المنتزه هنفضل قاعدين لحد الساعه 5 و نتجمع كلنا عند الباص عشان العدد و بعدين ليكوا تلت ساعات جوله حره تروحوا مكان مانتوا عاوزين و بعدين نتجمع تانى عشان نرجع و نتحرك الساعه 8 ياريت الكلام يكون واضح
................
فى المنتزه
رحيم / الحمد لله الجو حلو اوى النهرده
رامى / متيجى يابنى العيال بيلعبوا كوره تعال نلعب معاهم
رحيم / قشطه يلا بينا
روقيه / انا هشجعكوا اوعوا تكسفونى
رامى / داحنا هنقطعهم
رامى و رحيم يروحوا يلعبوا و رحمه و البنات قاعدين بعيد شويه يشجعوا
روقيه / و هناكل ايه بقى هنا
رحمه / انا عامله ساندوتشات كفته و بانيه
روقيه / نبقى فى اسكندريه و ناكل ساندوتشات زمانها اصلا بردت و جلدت بتهزرى طبعا لا الف شكر كليها انتى بالهنا و الشفا لوحدك
رحمه / انا حطاها فى حافظه و عالعموم لو مش عاوزه تاكلى محدش غصبك
ريهام / امال عاوزه تاكلى ايه
روقيه / فسفور سمك جنبرى كدا يعنى
ريهام / انا مبحبش السمك
روقيه / كلى جمبرى او كابوريا ايه رايك انت يا رنا
رنا /لا شكرا انا بموت فى الكفته البارده المجلده
رحمه و ريهام يدحكوا
روقيه / اما نشوف لما رحيم و رامى يخلصوا لعب رايهم هيبقى ايه
رحمه / متشغليش بالك برحيم انا متاكده انا هياكل معانا
روقيه / و ايه اللى مخليكى واثقه اوى كدا مش يمكن يكون زهق مالكفته و ريقه يجرى عالجمبرى
رحمه / براحتك لما يجى ابقى اساليه بس انا بقولك اهو رحيم مدام انا تعبت فى الكل اكيد اكيد هياكله حتى لو طعمه وحش
روقيه / مسكين اوى صعب عليا
رحمه / ميصعبش عليكى غالى
رحيم و رامى يرجعوا يشربوا ميه
رحمه / مش عاوزه تساليهم حاجه يا روقيه
روقيه / انا عاوزه اكل جمبرى بس البنات معاهم سندوتشات كفته اكيد زمانها بردت ايه رايكوا يا شباب
رامى / معاكى وش
رحيم / لا انا عامل حسابى اكل مالكفته الحقيقه
رحمه / مش قولتك
روقيه / ولا تزعلوا نفسكوا انا هروح انا و رامى و انتوا خليكوا هنا
رحيم و رامى يروحوا يكملوا لعب و لما يخلصوا يرجعوا
رامى / انا جوعت يلا بينا
روقيه / سلام بقى يا جماعه
رحمه / سلام يا روقيه
0000000
روقيه و رامى يمشوا و الباقى يرجعوا الباص و رحمه تطلع شنطه فيها عيش فينو و تطلع حافظه فيها الكفته و البانبه و تعبى الساندوتشات و تدى لريهام و رنا
رحيم / هاتى ساندوتشين تلاته للسواق
رحمه / اتفضل
رحمه تلفهمله فى منديل و يروح يديهم للسواق و يرجع
ريهام / على فكره روقيه رخمه اوى
رحمه / بجد هو انا اللى لزقهالنا و لا حضرتك
ريهام / و انا اش عرفنى انها هتطلع رخمه اوى كدا مكانت كويسه
رحمه / و لا صاحبك اللى لازقلها طول الوقت
رحيم / و انا مالى هو حر هو انا كنت خلفته و نسيته هاتى ساندوتش كمان هاتى
رحمه / تديله
موبايل رحيم يرن
رحيم / جبتوا فى سيره القط عن اذنكوا ثوانى
رحيم ينزل مالباص
رحيم / الو ايوه يا معلم خير ..... هههههههههه مش عارف ليه كان قلبى حاسس انها هتعمل فيك كدا ...... لا متخفش معايا قولى انت فين و هجيلك ....... هههههههههه ادى اخره الجنتله
رحمه تنزل مالباص
رحمه / خير
رحيم / مفيش اركبى انتى بس و انا ثوانى و راجع
رحمه / عليا
رحيم / رحمه انا عمرى خبيت عنك حاجه تخصنى
رحمه / ماشى يا رحيم روح
رحيم / اجيبلك حاجه و انا راجع
رحمه / لا شكرا متتاخرش بس
رحيم يمشى و رحمه تركب الباص تانى
...........
فى مطعم السمك
رحيم يدخل يلاقى رامى و روقيه قاعدين و قدامهم جمبرى جامبوا و سمك و كابوريا
رحيم / لقيتكوا
روقيه / كنت عارفه ان الكفته مش هتعجبك و رجليك هتجيبك على هنا
رحيم / لا دانا نسيت حاجه مع رامى و جيت اخدها هستلفه منك ثوانى
روقيه / طب معلش ممكن على مترجع اكلم ماما اشوفها مبعتتش الرصيد ليه
رحيم يديها الموبايل
رحيم / طبعا اتفضلى
رحيم ياخد رامى و يطلعوا بعيد و روقيه تبعت رساله تانيه من موبايل رحيم و تمسحها من موبايله عشان ميعرفش ان فى حاجه اتبعتت
رحيم / هههههههههههههه شكلك زباله اوى
رامى / انا قولت اعزم بجنتله ترفض مثلا تقولى بصفتك ايه لقيتها بتطلب جمبرى جامبوا و كابوريا انا اصلا مبعرفش اقشرها احرجت اتكلم و اقولها انى معيش فلوس لكل ده هعمل ايه
رحيم / طب لو مكنتش عامل حسابى للطوارئ كان زمانك بتغسل صحون دلوقت
رامى / انت هتقطمنى هردهملك اول مهرجع مصر
رحيم / انت عبيط ياض انا مبتكلمش عن كدا بس انت الغلطان كانت شايفها بتستهبل كنت احرجها تعال نشوف فتورتك النيله كام و نحاسب و ربك يستر بقى فى باقى اليوم
رامى / انا محتاج منك متينيه بس و انا حاسبها معايا الباقى
رحيم / تلتميه اهم احتياطى انا ماشى
رحيم يدخل ياخد الموبايل من روقيه
روقيه / ميرسى اوى مش عارفه منغيرك كنت عملت ايه
رحيم يبتسم و يمشى
............
فى الباص و هما راجعين بالليل
رحمه تنام و رحيم يعدل راسها على كتفه و روقيه تقوم تقف جنب رحيم
روقيه / شكلها عسل اوى و هى نايمه
رحيم / منمتيش ليه انتى كمان زيهم
روقيه / انا مبتعبش بسرعه اوى كدا زيهم و انت منمتش ليه انت كمان
رحيم / مبعرفش انام غير فى اوضتى اصلى للاسف نومى خفيف اوى فاقل حركه للباص هصحى
روقيه / يا حرام انت عارف ان دى علامه ان بالك مشغول
رحيم / بجد
روقيه / اه اسالنى انا اصلى انا كمان زيك كدا
رحيم / انتى هتفضلى واقفه رجلك هتوجعك
روقيه / لا انا رجلى نملت مالقاعده قولت اقف عشان افكها
رحيم / اوك براحتك
روقيه / يعنى مسالتنيش بالى مشغول فى ايه
رحيم / اسف بالك مشغول فى ايه
رحمه تفوق
رحيم / ايه صحيتك انا اسف
روقيه / شكلك مالنوع اللى بيعتزر كتير عن اذنكوا هروح اقعد انا
روقيه تروح تقعد
رحمه / كنتوا بتتكلموا فى ايه
رحيم / اى هبل متشغليش بالك انتى
رحمه / اوك
..............
فى البيت فى مصر
رحمه / انا هموت مالتعب
حياه / ايه ده انتى مش هتحكيلى ايه اللى حصل فى الرحله
رحمه / بكره يا ماما هوريكى الصور و كل حاجه بس دلوقت هموت مالتعب
حياه / تصبحى على خير يا قلبى
رحمه تدخل اوضتها
حياه / و انت هتحكيلى و لا هتروح تنام انت كمان
رحيم / بصى ادى موبايلى عليه كل الصور اتفرجى براحتك و لما هصحى هحكيلك كل حاجه
عفاف / هههههههههههههههههه لا ياخويا روح نام و لما تصحى ابقى ورينا الصور و كل حاجه براحتك
رحيم يروح اوضته يلاقى امه و ابوه نايمين و عماد صاحى قاعد عالنت
رحيم / انا داخل انام عاوز حاجه
عماد / تسلم يا غالى انبسطتوا
رحيم / عالاخر
عماد / اهم حاجه خش نام بقى و لما تصحى احكيلى كل حاجه
رحيم يبتسم و يدخل اوضته و يغير هدومه و شويه و تجيله رساله برصيد من رقم مجهول فيتصل بيه
رحيم / الو
صوت بناتى برقه / صحيتك
رحيم /روقيه ؟؟؟ مكنتش نمت ايه اللى بتعمليه ده
روقيه / بعمل ايه هى رحمه زعلت انى بتصل بيك متاخر و لا ايه
رحيم / رحمه نايمه انا بتكلم عن الرصيد
روقيه / كدا اطمنت انه وصل
رحيم / ليه يعنى
روقيه / الله مش عملت كذا مكالمه من عندك مقولكش ماما مبسوطه منك قد ايه و بتقول عليك شهم اوى
رحيم / شكرا بصى انا هبعتلك الرصيد تانى و ياريت متكرريهاش
روقيه / لو عملت كدا هزعل منك جامد اوى على فكره و لا انت عاوزنى ازعل
رحيم / على العموم الواحد كدا بيتعلم
روقيه / بتتعلم ايه اوعى تكون زعلت منى صدقنى اكيد مقصدش ازعلك على العموم اعمل اللى يريحك اصل انت متعرفش انا مقدرش انك تزعل منى ابدا
رحيم / هاه ؟؟؟
روقيه / ايه مستغرب ليه طب مهو طبيعى اصل انا مبحبش حد يزعل منى و دا اللى مودينى فداهيه
رحيم / ماشى
روقيه / صحيح يا رحيم رامى قالى انك شاطر فى الفيزيا و انا فى كذا حاجه واقفه قدامى فلو معندكش مانع ممكن تبقى تشرحهالى
رحيم / رحمه اشطر منى فى الفيزيا الصبح لما تصحى هطلب منها تشرحلك اللى انتى عوزاه
روقيه / رحمه ؟؟ ماشى اسيبك انا بقى تصبح على خير
رحيم / و انتى من اهله
رحيم يقفل السكه و يحط الموبايل و ينام يصحى تانى يوم يلاقى رحمه ماسكه الموبايل
رحيم / صباح الخير
رحمه / صباح النور الفطار جاهز رحمه تحط الموبايل عالكومودينو و تمشى
رحيم يمسك الموبايل يلاقيها فاتحه سجل المكالمات يحطه تانى و يقوم و راها يلاقى رحمه بتساعد زينب فى حط الفطار يروح يقعد جنب اخوه رحمه توزع الاطباق و تحط العيش و هى مبوزه و تمشى تنادى على باباها و مامتها و جدتها من الشقه التانيه
عماد / هو فى ايه
رحيم / ممسوك تلبس بس و ربنا مظلوم
عماد / هتوحشنى يا رحيم
رحيم / باين كدا مدام متكلمتش و لا علقت يبقى اكيد بتحضرلى مصيبه
عماد / ههههههه طب اسكت لحسن جايه
رحمه تروح تقعد جنب رحيم و تناوله رغيف عيش
رحمه من تحت الدرس / كل لحسن شكلك جعان اوى
زينب / مبالراحه يا رحمه
رحمه / معلش يا طنط اصلك عارفه غلاوه رحيم
رحيم يمد ايده يحاول ياخد بيضه مسلوقه رحمه تسبقه و تشيل الطبق و تحطه قدامها
رحمه / طب كنت قولى انك نفسك فى البيض على الاقل كنت نقيتله بيضه نضيفه
رحيم / انا مليش للبيض على فكره انا بحب اكل الطعميه السخنه و انتى عارفه
رحمه / بجد طب مدام بتحب الطعميه روحت تمد ايدك عالبيض ليه و لا عشان الطعميه بعيد و البيض رخيص
رحيم / مش هرد عليكى انتى عارفه زوقى كويس
رحمه / والله معدتش متاكده اصل سعات الواحد بيزهق من اكل البيتزا و نفسه بتهفه عالفسيخ
الكبار متابعين الحوار و علامات التعجب على وشهم
محمود / من امتى بتحبى الفسيخ يا رحمه
رحمه / انا مبحبوش يا بابا و انت عارف قد ايه بقرف منه و من ريحته الدور و الباقى على رحيم شكله بيفكر يرمرم
عفاف / فى ايه يا ولاد
رحمه / مفيش انا مش جعانه عن اذنكوا
رحمه تقوم
رحيم / عن اذنكوا
رحيم يقوم يجرى وراها
...........
فى اوضه رحمه
رحمه داخله تجرى و رحيم بيجرى وراها يمسكها من ايدها
رحمه / سيب ايدى
رحيم / طب ممكن تسمعينى الاول
رحمه / الساعه واحده بالليل تتصل بروقيه ليه ربع ساعه بتتكلموا تقولوا ايه
رحيم / انا مكنتش اعرف انها رقيه على فكره
رحمه / والله
رحيم / و حياه رحمه مكنت اعرف
رحمه / متجيبش اسمى على لسانك
رحيم / لما كنا فى الرحله امبارح رصيدها خلص اديتها موبايلى تكلم مامتها بس اول مروحت و شحنت لقيتها بعتالى الرصيد اهو اتفضلى ادى الرساله عشان تتاكدى انها بعتالى رصيد
رحمه / كمان هى اللى بتشحنلك عشان تكلمها دى رخيص اوى
رحيم / بصى هى مش موجوده عشان تغلطى فيها
رحمه / ليك حق تتحمقلها اتفضل اطلع بره اوضتى لو سمحت
رحيم / فوقى بقى و بطلى هبل مفيش بينى و بين روقيه اى حاجه اللى حصل سوء تفاهم مش اكتر
عفاف تدخل
عفاف / فى ايه يا ولاد
…………………….
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق