رواية مفيش رحمه الفصل الثالث عشر 13بقلم لولو محمد
رواية مفيش رحمه الفصل الثالث عشر 13بقلم لولو محمد
((((((مفيش رحمه ))))))))
#لولو_محمد
الحلقه الثالثه عشر
رحمه / طب انا هقوم ثوانى و جايه
رحمه تقوم
روقيه / هو فى ايه
رحيم / متاخديش فى بالك ازيك
روقيه / كنت عاوزه اصور ملخص التاريخ الهندسى منك
رحيم / بس كدا حاضر هصورهالك و اجيبهالك بكره معايا
روقيه / اوك شكرا
رحمه ترجع
روقيه / اوك اشوفك بكره بقى متتاخرش اوعى تنسى سلام
...................
روقيه تمشى
رحمه / كانت عاوزه ايه
رحيم / مدام عاوزه تعرفى قومتى ليه مالاول
رحمه / والله كل واحد و له طاقه و انا مببلعهاش
رحيم / عاوزه ملخص القانون
رحمه / ماشى ماشى
..........
فى البيت بعد فتره
فى اوضه رحيم
رحمه / ايه رايك حلو
رحيم / قمر ايه الشياكه دى
رحمه / عندنا شفوى و لازم اكون شيك اكيد الانطباع الاول بيفرق
رحيم / طب انا كدا شيك
رحمه / لو لبست القميص الابيض هيبقى احلى عليك من التيشيرت ده هو فين استنى
رحيم / لا انا مش عاوز اللبس الاقميص ده
رحمه / ليه
رحيم / منغير ليه مش هلبسه انا حر
رحمه / بجد .. طيب براحتك يلا بينا لحسن نتاخر
........
فى العربيه
رحيم / انا بحب القميص الابيض اوى بس مينفعش اللبسه
رحمه / فهمت خلاص حصل خير مش مشكله
رحيم / بصى اهم حاجه النهرده اننا نركز فى الامتحان عشان نعلى التقدير
رحمه / تمام
...........
اخر يوم فى امتحانات الترم التانى
ريهام / اخيرا اجازه يا ربى دانا كنت هموت
رحمه / ههههههههههه هتعملى ايه بقى
ريهام / هناااااااااااااااااااااااااام و مش هصحى تانى غير اول يوم مالدراسه
رنا / ايه الهبل ده هتضيعى الاجازه فى النوم انا مش ناويه اشوفه اصلا و انتى يا رحمه
رحمه / انا و رحيم قررنا نروح ناخد كورسات فى النقابه نتعلم البرامج الهندسيه
رامى/ ايوه بس البرامج دى بتفرق فى القسم انتوا قررتوا تخشوا ايه
رحيم / مدنى
رحمه / انا هدخل عماره
ريهام / انا كمان عاجبنى عماره بس طبعا كلو هيفرق عالتنسيق
رحمه / باذن الله ادخل عماره
.........
فى الاجازه فى اسكندريه
عفاف / عارفين الصيف يعنى اسكندريه
رحمه / فعلا والله يا تيته دلوقت بس الواحد حس انه فى الاجازه
رحيم / باماره ايه ليه كنتى بتتشوى كل يوم فى الموقع الصبح زيى
رحمه / و انا اقف فى التراب وسط العمال ليه انا هدخل عماره اقعد معززه مكرمه فى مكتبى المكيف
رحيم / عماره ده قسم الفرافير لكن مدنى ده قسم الرجاله
رحمه / انت الخسران فاكر لما طلعنا نتفرج عليهم و لاقيناهم مشغلين اغانى و جايبين اكل و سهرانين فى الكليه هى دى الاقسام يابنى اعيشلى يومين
رحيم / كليه ايه اللى تباتى فيها ان شاء الله
رحمه / اه و بيطلعوا رحلات ناس عايشه يابنى
رحيم / انت هتوافق على ان بنتك تبات فى الكليه يا عموا لوحدها
محمود / مهى مش هتبقى لوحدها هتبقى وسط زمايلها
رحيم / زمايلها مش زميلاتها والله دى حاجه حلوه اوى انسى يا ماما العيله دى مفيهاش بنات تبات بره البيت و دا نهائى متقول حاجه يا بابا
محمد / والله مش عاجبك ادخل معاها عماره و اهو تبقى معاها و تبقى عينا هناك
رحيم / قولوا كدا بقى انتوا بتقنعونى احول عماره مش هيحصل انسى
رحيم يدخل الاوضه و رحمه تدخل وراه
رحمه / على فكره انا ممكن اوى ادخل مدنى و لما اخلص اخد دبلومه عماره و اشتغل الاتنين
رحيم / و مدام انتى عارفه كدا عوزانى احول معاكى عماره ليه
رحمه / يابنى انت بترسم حلو و ايدك خفيفه عاللوح و تقديرك عالى ايه بس اللى يدخلك فى الزحمه
رحيم / تدفعى كام
رحمه / انت هتتامر و لا ايه براحتك اختار تبقى معايا و لا مع الناس التانين
رحيم / بس اشمعن دلوقت بتقولى الكلام ده مانتى عارفه انى هدخل مدنى من زمان
رحمه / اممممم اصلهم كلمونى و قالوا ان روقيه راحت كتبت الرغبات امبارح و حطت مدنى اول رغبه
رحيم / اااااااااه و انا اللى كنت فاكرك عوزانى معاكى اتاريكى عاوزه تبعدينى عن روقيه
رحمه / افهمها زى متفهمها انت اختار انا هروح اساعد ماما فى المطبخ
..........
بالليل فى اوضه رحيم
عماد / انا شايف انها كدا خلاص يعنى مستنى ايه تيجى تقولك انا اسفه ارجعلى متتحرك يابنى
رحيم / لا اكيد الموضوع مش بالبساطه دى
عماد / انتوا عملتوا حوار منغير حوار و كبرتوه و فضلتوا تنفخوا فيه لحد مفرقع فى وشكوا ايه مشكلتكوا انتوا الاتنين عندكوا كبر فظيع غلطتوا خلاص روح راضيها قولها انك لسه بتحبها الموضوع هيخلص
رحيم / رحمه مرجعتش تتعامل معايا كدا الا لما اتفقنا اننا نبقى ولاد عم و بس
عماد / امال بتبعدك عن روقيه ليه
رحيم / هى مش بتحبها و بينى و بينك و لا انا بت غلسه و تقيله اوى
عماد / بتهزروا طبعا لا هى بتحبك و بتغير عليك منها
رحيم / هى طلبت انى ابعد خلاص خلصت لازم هى اللى تطلب نرجع
عماد / ياكش تولعوا انتوا الاتنين انا هنام بلا قرف
رحيم / اتخمد
.......
رحيم يطلع بره يلاقى الكل نايم ينزل تحت يلاقى رحمه واقفه فى البلكونه لوحدها
رحيم / ممكن اقف معاكى
رحمه / تشرب كاكاو
رحيم / لا شكرا ايه اللى مسهرك
رحمه / مش عارفه مش جايلى نوم قولت اقوم اشرب حاجه حلوه و انت
رحيم / انا كمان مجاليش نوم قولت انزل اتفرج عالتليفزيون بس لقيتك صاحيه
رحمه / اه
رحمه تسرح
رحيم / اللى واخد عقلك
رحمه / منظر الشروق تحفه ياخد العقل
رحيم / فعلا سبحان الله دا يعتبر تانى احلى مشهد شوفته فى حياتى
رحمه / بجد و ايه هو احلى مشهد
رحيم / انتى و انتى بتدحكى
رحمه تدحك و تنكسف و تدخل جوه و رحيم يفضل واقف مبتسم
رحيم / ومالها عماره والله حلوه
.............
اول يوم كليه
فى مبنى عماره
رحمه / بص انت اخر واحد كنت متخيله اشوفه هنا
رامى / ليه يعنى انتى فاكره ابن عمك يقدر يستغنى عنى جرجرنى من قفايا و خلانى اروح اعدل رغباتى
رحمه / ههههههههههه منورين
رحيم / انا اقدر استغنى عنك دانت حبيبى
روقيه تدخل
روقيه / ازيكوا شباب هاى رحمه
رحمه / اهلا انتى بتعملى ايه هنا
روقيه / ايه رايك فى المفاجاه دى حلوه مش كدا
رحمه / تجنن
روقيه / اشكرى رامى بقى هو اللى قالى فى اخر لحظه فقررت احول انا كمان اصلى هفضل فى مدنى مع مين هنا احسن كتير
رحمه / منوره
...........
فى البيت
رحيم / ههههههههههههههههههه
رحمه / طبعا لازم تبقى فى منتهى السعاده تلاقيها كانت فكرتك
رحيم / انتى مشوفتيش وشك لما شوفتيها داخله وشك احمر و عنيكى طلعت لبره كانك شوفتى عزرائيل هههههههههههههههه
رحمه / يا سلام مبسوط اوى على العموم اشبع بيها
رحمه تمشى و رحيم يمسكها و هو عمال يدحك
رحيم / استنى استنى
رحمه / عاوز ايه
رحيم / انا والله مكنت اعرف انها هتحول و لا قولتلها انا مقولتش غير لرامى و لعلمك انا مطلبتش منه يحول انا روحت حولت و تانى يوم لقيته بيقولى انه فكر و قرر انه هيحول
رحمه / يا سلام
رحيم / ايوه انا اصلا استغربت لانه كان حابب مدنى اوى و هو اللى اقنعنى بيها
رحمه / على العموم انا كل ده ميفرقش معايا وجود روقيه او لا عادى
رحيم / بس بجد كان لازم تشوفى وشك هههههههههههههههههه
............
بعد كام يوم فى الكليه
رحيم / حلو حوار المكيت ده على فكره من دلوقت متاكد انى هتفوق عليكوا كلكوا
روقيه / متحلمش ياعم كلها تلتميه ربعميه جنيه و اخلى اجدعها مكتب ينفذهولى مفيهوش غلطه
رحمه / و انا هبلغ عنك
روقيه / هتستوطى معايا؟؟؟ على العموم اثبتى
رحيم / بس ولو المكعبات دى لعبتى و هتشوفوا
رامى / ههههههههههه على رايك دا طلع القسم ده ابن لذينه روقان الملوك يا جدع
رحمه بتغيظ روقيه / بقولك يا رحيم ايه رايك نطلع مالكليه نروح نشترى حاجه المكيت سوا
رحيم / مفيش مانع
روقيه / الا صحيح انتوا مش ناوين ترجعوا لبعض
رحمه / انا رايحه الكافيتريا اجيب ميه عن اذنكوا
رحيم / انا جاى معاكى
رحيم و رحمه يمشوا
رامى / ليه كدا يا روقيه
روقيه /ايه انا لقيت علاقتهم ببعض رجعت زى الاول فقولت اكيد هيرجعوا لبعض
رامى يبصلها و يسكت
.........
فى الكافيتريا
رحيم / متيجى نروح
رحمه / فاضل محاضره الكاد لازم نحضرها
رحيم / ماحنا بنعرف نستخدم البرنامج مش اتعلمناه فى الاجازه
رحمه / معلش اكيد هيبقى فى غياب و على الاقل نتعرف عالدكتور
رحيم / انا هجيب عصير تشربى
رحمه / اوك
..........
فى البيت بعد فتره شقه رحمه
عفاف و حياه بيتفرجوا عالتليفزيون رحيم يدخل
رحيم / السلام عليكم
عفاف / ازيك يا حبيبى عامل ايه
رحيم / كويس ازيك يا تيته هى رحمه هنا
حياه / فى اوضتها مالصبح خشلها
رحيم / ماشى
رحيم يسمع اغانى عاليه هندى من بره يخبط محدش يرد يفتح الباب يلاقى رحمه واقفه عالسرير و لابسه سارى هندى و مشغله اغانى و بتنطت و ترقص و هو بيتفرج و مزهول و هى بترقص تلف تلاقيه واقف ترتبك و تقع من عالسرير رحيم يقعد عالسرير و يبص عليها
رحيم / ياعينى يا بنتى انتى خلاص وصلت بيكى للدرجادى
رحمه تقوم و تلم نفسها / انت ايه دخلك هنا مش المفروض تخبط مش يمكن بغير
رحيم / ياريتك كنتى بتغيرى ايه يا بت اللى انتى لابساه ده
رحمه / و انت مالك عجبنى عالنت اشتريته و لسه واصل الصبح
رحيم / على فكره حلو
رحمه / بجد عجبك شكلى هندى
رحيم / لا احلى
رحمه /بجد
رحيم / بس ايه اللى طلع الفكره المجنونه دى فدماغك
رحمه / كنت بتفرج الاسبوع اللى فات على حته فيلم هندى انما ايه تحفه
رحيم / يخربيت الهندى عالتركى اللى جننكوا امك و ستك بره بيتفرجوا عالبقف اللى اسمه مهند و انتى عملالى هنا هنديه هو بيت مجانين انا عارف
رحمه / استنى اما اوريك صوره البطل اما حتى قمر
رحيم / دا البطل ؟؟؟؟
رحمه / اه استنى هوريك صورته
رحمه تقوم تجيب اللاب و تفتح النت و تجيب صور فيلم جودها اكبر
رحيم / اه اهى دى النسوان ليكى حق تشترى السارى و تعملى زيها
رحمه تقفل اللاب
رحمه / قوم ياض من هنا انت ايه اللى جابك هنا اصلا
رحيم / ههههههههههه كنت جاى اخد شمعتين للمسدس عشان الزق اللحيوانات
رحمه / خد اطلع بره يلا
رحيم ياخد الشمع و هو بيدح و يطلع و على باب الاوضه
رحيم / اه نسيت اقولك على فكره انا احلى مالواد ده
رحمه تحدفه بالدبدوب
..............
فى الكليه يوم تسليم المشروع
كل واحد حاطت ماكيته عالترابيزه و طلعوا بره لحد مالدكاتره يعلنوا النتيجه
رحمه / هما غابوا كدا ليه انا بدات اقلق
رامى / طب متيجوا نلعب و نغير المود
رحيم / نلعب ايه
روقيه تطلع ازازه ميه فاضيه من شنطتها
روقيه / الصراحه ايه رايكوا
رحمه / لا دى لعبه رخمه
روقيه / ليه عندك حاجه تتكسفى منها
رحمه / لا بس مبحبش الاسئله التقليديه البايخه بتاعتك
روقيه / على العموم انا هقعد جنبك لزق عشان تضمنى انى مسالكيش و هنادى على سها و انس يلعبوا معانا
رحمه / ماشى
يقعدوا دايره رامى رحيم انس سها رحمه روقيه
انس / انا هبدا
انس يلف الازازه تيجى قدام روقيه
انس / انتى عمرك غيرتى من واحده
روقيه / لا طبعا انا يوم مهغير على الاقل هغير من واحده احسن منى او على الاقل زيى بس لحد دلوقت ملقيتش اللى تستاهل اغير منها
رحمه / يهده التواضع
الكل يدحك روقيه تلف الازازه تقف على رحيم
روقيه / و انت يا رحيم عمرك مغرت من حد
رحيم / ايه الاسئله الوحشه دى هههه الحقيقه اه
رحمه / مين
روقيه / دى لعبه سؤال واحد لما يبقى يجى عليكى الدور ابقى اسالى
رحيم يمسك الازازه و يلفها تيجى على رحمه
رحمه / عليا النعمه لو اتغابيت هوريك
رحيم / دانتى وقعتى فملعبى استقبلى بقى السؤال
رحمه / استر يارب اتفضل
رحيم / انتى ايه اللى عجبك فى الواد الهندى اياه
رحمه / ههههههههههههههههههههههههه و ايه ميعجبنيش فيه
سها / واد مين انا كمان بموت فى الهندى
رحمه / تعرفى هريتك
سها / يلهوى بموت فيه يخربيت حلاوته
رحيم / يا سلام
سها / استنى دانا عملاله اللبوم صور على موبايلى بجد عليه شويه رومانسيه فظيع
رحمه / شوفتيه فى جودها اكبر
سها / اه كان عسول لما قعد يستعرض قدامها و لما اكل مطرحها الله بجد حلو اوى
رحمه / لا لما كان بيبارزها احلى كتير الله
رحيم / طب نقوم بقى و نكمل لعب فى وقت تانى
رحمه تلف الازازه تيجى على رحيم
رحيم / هو اللى بنعمله فى الناس هيطلع علينا و لا ايه
رحمه / الدور جه عليا يا روقيه ممكن بقى اساله مين اللى غار منه و لا انتى ايه رايك
روقيه / اتفضلى
رحيم / طب متغيرى السؤال ده و اديكى عشره جنيه
رامى / ههههههههههه متحاولش
رحمه / جاوب
رحيم / والله هو مش واحد
انس / امال غرت من واحده متنجز يا رحيم مين
رحيم / انتى رخمه يا بت غرت مالزفت بتاعك ده اللى لبستيله السارى
رحمه تدحك / طب مانا عارفه
سها / انتى عندك سارى
رحمه / اه جبته من عالنت
سها / طب متتجدعنى و تديهونى اقيسه و اتصور بيه صورتين
روقيه / مبناقص اللعبه دى مدام هنقلبها هندى
رامى / خلصت يلا بينادونا هيقولوا الاسامى
.............
فى القاعه
الكل بيقعد و الدكتور ماسك كشف
الدكتور / المشروع من 100 منهم 60 عالماكيت و اربعين اعمال سنه طول الفتره اللى فاتت اللى كنا بنتابعكوا فيها و الباشمهندسه عبير هتبلغكوا بالدرجات و اى حد عنده مشكله فى درجاته انا فى المكتب
الدكتور يمشى
عبير / انا هقول اول تلت اسامى فى الماكيت و اول تلت اسامى فى المشروع كله و الباقى يقروا اساميهم مالكشف لما يتعلق اعلى درجه فى الماكيت 55 لروقيه نبيل بسيونى بعدها 54 رحيم محمد الصياد بعده 53.5 لمحمود محمد متولى
رحمه تبص لرحيم
عبير / اعلى درجه فى المشروع كله 90 رحمه محمود الصياد
رحمه / يس
الكل يبصلها تنكسف و تبتسم
عبير / التانى 89.5 رحيم محمد الصياد و التالت 88 محمود محمد متولى الباقى يشوفوا درجاتهم فى الكشف
روقيه / ازاى ابقى جايبه اعلى منك فى الماكيت و تجيبى اعلى فى المشروع كله امال الماكيت لزمته ايه انا هروح للدكتور اشوف فى ايه
روقيه تمشى
رحيم / مبروك يا رحمه
رحمه / الحمد لله بجد فرحانه اوى و مبروك انت كمان تعبت اوى
رحيم / طب ايه مش هنحتفل و لا ايه
رحمه / ماشى
عبير / يا جماعه متنسوش من بكره هنستلم المشروع الرئيسى للترم الدكتور هيديكوا وحده تصمموها و ترسمولها لاند سكيب و قطاعات و وجهات و هنطبق فيه كل اللى درسناه طول السنه فى ورقه هتتعلق مع الكشف بالحاجات اللى هتجيبوها و تكون معاكم من الاسبوع الجاى عشان تبداوا تطبقوا عليها و طبعا الشسيهات هتتساب هنا اى سؤال انا عند الدكتور فى المكتب
رحمه / و ايه الشسيهات دى كمان
رحيم / يا خبر بفلوس بكره يبقى ببلاش
رامى يدخل / بيلموا من كل واحد 150 جنيه عشان يجيبوا الشسيهات مره واحده للدفعه كلها
رحيم / ايه الشسيهات دى
رامى / بيقولك نوع لوح بس كبيره و جامده لما هيجيبوها هنشوفها و نعرف بس الواحده ب30 جنيه ليه يعنى غاليه اوى
رحيم / مش مشكله
روقيه ترجع
رامى / الدكتور قالك ايه
روقيه / متخلف اصلا بيقول انى جبت فى الماكيت درجه عاليه لكن طول الفتره اللى فاتت مكنتش بتابع مع اللى اسمها عبير دى و لا بوريها التطورات اللى وصلتلها و فى اكتر من سيكشن غياب فنزلونى عشر دجات كامله فى الاخر بقيت 85
رامى / و انتى زعلانه ليه انا اصلا جايب فكلو على بعضه 70 احمدى ربنا ياختى
رحيم / انا هروح ادفع الماكيتات عن اذنكوا
رحمه / بس على فكره مكيتك كان حلو اوى
رامى / شكل الحيوانات بتاعتى معجبتهمش دانا خدتهم من لعبه بنت اختى والله يلا هرجعملها بقى فلوس ابوها حلال
رحمه / ههههههههههه ماشى
.........
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
))))))) #لولو_محمد الح…){kind=link}
تعليقات
إرسال تعليق