رواية خطة التسع شهور الفصل الثانى 2 بقلم الكاتب مصطفي جابر حصريه
رواية خطة التسع شهور الفصل الثانى 2 بقلم الكاتب مصطفي جابر حصريه
انتي هتفضلي هنا فترة حملك الوهمي وهتولدي في نفس اليوم اللي سلفتك هتولد فيه و نتفق مع دكاترة ينفذوا الخطة وناخد الواد ونحط لهم طفله تكون مولوده متوفيه مكانها و الواد يبقا ابنك و خلصت الحكاية.
روان بذهول: دا انتي دماغك دي شيطانه يا ماما بس الفكره عجبتني وهرجع وادوس عليهم واحد واحد.
صابرين بتفكير: بس وجودك هنا الفتره دي كلها بسبب تافه زي ده هيخلي الكل يشك فينا لازم نعمل سبب اكبر.
روان بخبث: اي رايك استفزه لدرجة انه يضربني جامد واغضب واقول انه عاوز يسقطني عشان يتجوز عليا البت بتاعته. .
صابرين بخبث: هي دي تربيتي شاطرة يا حبيبتي .
... تاني يوم...
سميره بهدؤء: لازم ترجع مراتك وتاخدها علي قد عقلها يا حسن احنا مش بنرمي لحمنا برا.
حسن بغيظ: يا ماما دي ما بتصدق تمسك في مشكلة.
سميرة بهدؤء: معلش راعيها بردو دي كانت شايلانا شيل.
حسن بسخرية: شايلة مين يا ماما دي كانت بتنضف شقتها وتنام وانتي تعملي لينا الاكل وتطلعيه ليها خليني ساكت أحسن
سميره بهدؤء: عشان خاطري يا بني رجعها متكسرش خاطرها.
حسن بغيظ: مش هرجعها يا ماما انا مغلطش فيها
بتدخل صابرين: انا رجعتها لكم بنفسي يا حسن يا حبيبي مهنش عليا بصراحه تتخنقوا كله الا خراب البيوت.
حسن باستغراب: اي اللي غير كلامك كدا.
صابرين بهدؤء: عرفت انه غلطت و بنتي كانت غيرانه عليك.
سميره بهدؤء: حصل خير يا ام روان.
روان بابتسامة: حسن انا اسفه عشان اللي حصل امبارح.
حسن بجمود: انا قايم اروح شغلي ولما اجاي ربنا يحلها.
روان بدلع: متتاخرش عليا يا حبيبي هعملك الاكل اللي بتحبه.
حسن بهدؤء؛ تمام سلام.
صابرين بخبث : ربنا يهديكم لبعض اومال فين حياة.
حياة دخلت بابتسامة: مين جايب سيرتي يا ترا خير ولا شر.
صابرين بخبث: اكيد خير يا حبيبتي اخبار حملك اي.
حياة بابتسامة: الحمدلله بدءت اتابع مع دكتوره صحبتي و حجزت ل روان معايا.
روان بخضة: حجزتيلي ليه هو انا طلبت منك تحجزي لي حاجه.
صابرين نغزتها: بس يا ام لسانين دي همها علي مصلحتك بس يا حياة انا كلمت لها الدكتور اللي بنات عيلتنا بيروحوا له علي طول و هي بترتاح له وكان نفسها من زمان تروح عنده.
حياة باستغراب: ماشي بس انا كان قصدي نتابع سوا عشان متزهقش لوحدها.
روان بابتسامة صفراء: تسلمي يا حبيبتي انا عارفة مصلحتي فين.
سميره بهدؤء: خلاص يا بنات اللي عاوز اي دكتور كويس يروح له انتو احرار.
روان بهدؤء: تسلمي يا حماتي.
صابرين بهدؤء: انا مروحه بقا خدي بالك من نفسك يا بنتي و متزعليش جوزك وحماتك.
روان بخبث: دول في عنيا يا ماما هو انا ليا اعز منهم.
.. بعد شويه...
روان ببرود: الو يا حسن اتاخرت لي النهارده انا مكلتش من غيرك.
حسن بهدؤء: كلي انتي وانا هخلص الشغل الفاضل و اجي.
روان بخبث: طب بقولك اي سيب الشغل وتعالي في حاجه مهمة اوي عاوزاك فيها.
حسن بغيظ: في اي يا روان مينفعش اسيب الشغل المدير هيضايق.
روان ببرود: ماشي هستناك بس متتاخرش عليا.
حسس بهدؤء: حاضر مش هتاخر سلام بقا.
قفل وهي راحت الدولاب طلعت لبسه كله حطته في الغسلة وحطت عليهم خلطة غسيل و شغلت الغسالة..
روان بخبث: كدا لبسه كله باظ نعمل اي الشقة لازم تتكركب بكل الطرق.
قعدت تبهدل في الشقة...
عند حياة..
حياة بهدؤء: يا بابا طول بالك انت عرضت عليا فكرة وانا رفضتها زعلان لي دلوقتي.
ابوها بهدؤء: عشان انا عاوزاك تولدي في مكان كويس و مستشفي كويسة.
حياة بضحك: مانا هنا هولد في مكان كويس والله يعني اسافر لك امريكا عشان اولد عندك اعقلها كدا ينفع.
عزامي بغيظ: ما اغلب الناس بتعملها انا اصلا اتحيلت علي جوزك كتير عشان يجي يشتغل معايا هنا هو اللي بيرفض.
حياة بهدؤء: عشان امه متعلقة بيه وبعدين يا حبيبي انا والله العظيم مبسوطه هنا متشلش همي انت بس.
عزامي ببرود: ماشي بس انا هكلم حسام و اخد رايه و ان شاءلله اقنعه.
حياة بابتسامة: ماشي لو وافق انا معنديش مشكله.
قفلت معاه وهيا بتضحك الباب خبط قامت فتحت..
روان بابتسامة صفراء: كنت قاعده زهقانه قولت اجي اقعد معاكي شويه.
حياو باستغراب: غريبة اول مرة تعمليها دا انا بقعد اتحايل عليكي عشان تنزلي وانتي علي طول فوق.
روان دخلت ببرود: واديني نزلت اهو مالك كنت سمعاكي بتضحكي من برا.
حياة برفع حاجب: سامعني بضحك ازاي يعني.
روان بتوتر: صوتك كان عالي فرحيني معاكي بدل الغم اللي انا فيه دا.
حياة بهدؤء: ولا حاجه ياستي بابا مصمم اسافر له امريكا اولد هناك.
روان بصدمة: اوعا تعملي كدا غلط.
حياة بشك: اي هو اللي غلط يا روان عادي علي فكره.
روان بتوتر: قصدي غلط عليكي اول حمل و كدا وبعدين هنا المستشفيات حلوة و الدكاترة ممتازين لي تبهدلي نفسك في السفر والتنطيط من هنا ل هنا.
حياة بهدؤء: انا فكرت في كدا بس الراي الاول والاخير ل حسام هو اللي يقرر وبابا قال هيقنعه هو.
روان في نفسها بغل: ياشيخة ربنا ياخده ابوكي دا طلع لي منين مانتي لو سافرتي انا مش هعرف اسافر لك حسن يعين امه مش فالح زي اخوه خالص اعمل اي بس في المصيبه دي.
حياة بابتسامة: تحبي تاكلي كيكة بالشكولاته انا عملتها طعمها حكاية.
روان بهدؤء: ماشي هاتي لي قطعه وكوباية مياة لو هتعبك اي دا عندك لب انا هاخد شويه اكلهم عقبال ما تيجي.
حياة بابتسامة: ماشي يا حبيبتي.
دخلت تجيب ليها و خرجت بعد خمس دقايق لاقت روان بترمي قشر اللب علي الارض.
حياة بهدؤء: في طفايه اهي يا روان.
روان بخبث: معلش كسلت افضل اميل كل شويه اصله غلط عليا هاتي الكيكه شكلها حلو.
خدته كلتها منها وحياة قعدت بهدؤء..
روان مسكت الكوبية وعملت انها وقعت منها علي الارض اتكسرت: اي دا اوبس اتزحلقت من ايدي يا يويو
حياة بهدؤء: لا عادي ولا يهمك يا روان هجيب حاجه الماهم بيها.
روان ببرود: ماشي انا هستاذن بقا اطلع زمان جوزي جاي.
سابته وطلعت..
حسام جاه بابتسامة لاقى حياة ماسكة الجروف وفي زباله وازاز: اي دا في اي انتي كويسه اي اللي كسر الكوبية.
حياة بابتسامة: وقعت من ايد روان هلمهم اهو حاسب انت بس.
حسام راح خد الجروف منها: تلمي اي غلط تميلي كدا اصلا اقعدي ارتاحي وانا هلم.
قعد يلمهم بقرف: مش فاهم هي اي القرف اللي عملاه دا المفروض كانت لمت زبالتها.
حياة بهدؤء: حامل وتعبانه وبعدين عيب اقولها تنضف.
حسام بغيظ: وانتي اي مش حامل يعني ؟ اوعي تكوني عملتي اكل انا جايب فراخ و حاجات مخصوصه لينا مش عاوزك تتعبي في حاجه.
حياة بابتسامة: انت حنين اوي يا حسام.
حسام باس راسها: مش احن منك عليا يا حياتي.
.. عند روان...
دخل حسن بصدمة: اي اللي حصل وبهدل الشقة كدا.
روان كانت عامله نفسها نايمه علي الكنبة..
حسن بغضب: رووان انا سايب الشقة نضيفه حصل اي.
روان بخبث ودلع: معلش اتبهدلت مني يا حبيبي.
حسن بغيظ: اي اللي اتبهدلت منك انتي مجنونه بصي انا همسك نفسي ومش هتكلم و داخل اخد دوش جهزي الاكل.
روان ببرود: مانا خلصته يا حبيبي احط لك حتة جبنه ولا نطلب دليفري.
حسن بيتمالك اعصابه: اومال اي عاملة لك اكل و مستنيني دي خلاص مش طافح.
دخل وهي رقصت بفرحه انه خطتها بتنجح..
حسن من الاوضة بزعيق: يا رووان فين هدومي الدولاب بتاعي فاضي لي.
روان ببراءة خبيثة: في الغسالة قولت اغسلهم لك كلهم.
حسن بغضب: وانا البس اي دلوقتي طلما عاوزة نضافه كنتي تسيبي ام الشقة نضيفه مش تكرتبيها وترمي لي هدوم في الغسالة.
روان بدلع: معلش يا روحي هجيبهم لك من الغسالة زمانهم نضفوا.
حسن بجمود: انا هتنيل اروح اجيبهم الصبر من عندك يارب.
دخل بصدمة: اي دا الهدوم بقا منظرها عامل كدا لي.
روان بتوتر تمثيلي: الظاهر اني نسيت وحطيت كرول خام من غير ما اخد بالي تأثير حمل بقا.
حسن بغضب: انتي عمالة تبوظي وانا ساكت لي كدا كتير.
روان ببرود: هتعمل اي يعني لو راجل وريني نفسك لكن للاسف انت ابن امك متعرفش حاجه عن الرجالة.
كف قوي نزل علي وشها: انا مش راجل يا بنت بياعة الصابون والله لربيكي.
روان بصوت عالي: الحقوني جوزي عاوز يسقطني الحقونيييي يا لهووويييي.
بعد عنها بصدمة..
روان بصريخ: يا حماتي ابنك بيضرب فيا حد يلحقني اااه بطني منك لله يا شيخ.
طلعوا كلهم جري..
سميره بخضة: في اي يا ولاد.
جريت روان عليها بتمثيل: الحقيني من ابنك عمال يضرب فيا عاوز يسقطني عشان يتجوز البت بتاعته.
سميره بصدمة: اي اللي بتقوليه دا.
حسام باستغراب: مظنش انه حسن يعمل كدا دا كان هيتجنن عشان يخلف لا في حاجه غلط.
حسن بغضب: البت دي متلزمنيش تغور عند امها انا جبت اخري.
روان بخبث وعياط: اهو شوفتوا بنفسكم انا غايرة من هنا وحسبي الله ونعم الوكيل فيكم كلكم بحق ما جيتوا عليا كله منك يا حماتي لولا انك خطبتي له مكنش دا كله حصل منك لله.
دخلت تلم هدومها...
حياة بتوتر: اهدوا يا جماعه عيب كدا.
حسن قعد بغضب: اسكتي انتي متعرفيش حاجه المركب اللي تودي يا روان.
سميره بخوف: يابني اغزي الشيطان مش كدا دا ام ابنك.
حسن بغضب: يارب ما يطلع زرعه شيطاني زيها.
خرجت بشنطة هدومها: انا بردو اللي زرعه شيطاني يا بتاع النسوان يا خاين والله لوريك هعمل اي اما فضحتك مبقاش انا روان.
سميره بحزن: استهدي بالله شيطان ودخل بينكم.
روان زقتها بغضب: وسعي كدا مانتي لو ربيتي راجل مكنش عمل اللي عمله بقا عاوز تسقطني يا راجل يا خايب ابقا وريني لو شميت ضفر ابنك تاني او خلفت حتي.
خرجت بغضب و حياة بتحاول توقفها: يا روان استني اسمعيني بس.
.. مشيت روان بغيظ..
سميره بغضب: اي اللي هببته دا.
حسن بغضب: محدش له دعوة ولا يدخل في الموضوع عشان اقسم بالله ما طايق حد.
حسام بهدؤء: اهدا طيب يا حسن انت فعلا ضربتها.
حسن بغيظ: اه و كنت نفسي امسكها ارنها علقة بس منعني عنها حملها.
حسام بغضب: تبقا عبيط ازاي تعمل كدا حتي لو عملت اي مينفعش تمد ايدك عليها.
حسن بغيظ: نقطني بسكاتك انت كمان هتعمل عليا كبير.
حياة بهدؤء: بسس صلوا علي النبي انتو هتمسكوا في بعض نسيتوا انكم اخوات.
... عند روان...
صابرين بلهفة: ها طمنيني عملتي اي يا بت.
روان بخبث: كله تمام ياما ضربني بالكف وسيباهم ماسكين في بعض هناك.
صابرين بخبث: جدعه كدا هتفضلي هنا لحد اما تيجي بطنك تبان وتحطي مخدة عشان خاطر الناس تشوف انك حامل ومحدش يشك.
روان بتوتر: هو بصراحه انا في حاجه خايفه منها.
صابرين باستغراب: حاجة اي.
روان بتوتر: احتمال حياة تسافر تولد في امريكا عند ابوها.
صابرين بصدمة: نعم ياختي يعني اي.
روان بغيظ: معرفش هي قالت لي كدا ومن وقتها وانا بغلي.
صابرين بغضب: البت دي لو سافرت كل تخطيتنا هيبوظ دا الخطة كلها قايمه علي اللي في بطنها.
روان بغضب: يعني أنا اعمل ايه يعني
صابرين ببرود: خلاص نحط خطة احتياطي لو سافرت نشتري عيل صغير من اي مستشفى حكومي وهم اغلبهم بيطمع وبيبدل العيال.
روان بغل: لا طبعا انا عاوزة ابنها هي عاوزة اكسرها واكسر فرحتها ومتخلفش تاني ابدا بسبب اللي هيحصل ليها مني.
صابرين بسخرية: اما نشوف اخرتها...
.. بعد شويه..
الباب خبط فتحت روان باستغراب: حياة و حماتي خير عاوزين اي.
سميره ببرود: جبت لك تست حمل تعمليه.
روان بصدمه : ايييي ؟
#يتبع...
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق