رواية عشق يفوق الغيوم الفصل الرابع وعشرون 24بقلم زهرة الحياة حصريه
رواية عشق يفوق الغيوم الفصل الرابع وعشرون 24بقلم زهرة الحياة حصريه
#بارت#24
❤❤
رواية عشق يفوق الغيوم
********************
"حلو اوي بس ليه على شكل تاج تقريباً "
ادارها ادهم اليه وحدثها بحب
"عشان انتي ملكة قلبي وعمري كله ،، مش عاوزك
تقلعيه من رقبتك خالص ،، لو قلعتيه من رقبتك هعرف انك ما بقتيش تحبيني "
احتضنته ملاك بسعادة
"وعد مش هقلعه من رقبتي ،، بس شكله غالي اوي "
قبل ادهم مقدمة رأسها ومازال محتضنها
"مفيش حاجة فالدنيا تغلى عليكي
وانا جبته ليكي عشان عارفك بتحبي الحاجة
البسيطة "
ثم اكمل بخبث
"طيب حبيبك مكلف نفسه وجايب
هدية ،، المفروض انك ترديهاله "
"قولي نفسك فإيه وانا اجيبلك لو اقدر "
"من ناحية تقدري فإنتي تقدري "
نظرت اليه ملاك بعدم فهم
اكمل بنظرات لعوب
"عاوز حاجة من بتوع الشيفون والدانتيل "
اولته ملاك ظهرها بخجل واخذت تعض
شفتيها بارتباك ،، الشئ الذي
جعل ادهم يسحبها لجولة جديدة من جولات جنونه
***********************
عند داليا
كانت تجلس مع صديقتها فريدة
في احد المطاعم الفاخرة
سألتها فريدة
"طيب هي الخدامة قالتلك ايه "
وضعت داليا فنجان القهوة وهتفت بغيظ
"مافيش حاجة مهمة ،، طول اليوم فالبيت
ما بيخرجوش ،، والنهاردة كان عندها
صحباتها "
"طيب وانتي هتعملي إيه "
"هستنى اشوية واشوف لو طلقها
يبقى خير وبركة واتقت شري ،، اما بقى
لو عرفت تخليه يتعلق بيها يبقى هتشوف
الي عمرها ما شافته "
"ايوة يعني هتعملي ايه "
هتفت داليا بشر
"بكرة تشوفي هعمل ايه "
*********************
عند امجد في الشركة
تنفس الصعداء بعد ان انهى مراجعة الملف الذي اخذ
قرابة الساعتين وهتف بتذمر
"هو غرقان فالعسل ومقضيها بوس واحضان
وحاجات تفتح النفس ،، وانا من الملف ده للصفقة
دي ماشي يا ادهم انا هعرف هعمل معاك ايه
بس اما اتجوز .... على السيرة الجواز اما اتصل
على بنت المجانين الي عندي "
امسك هاتفه متصلاً بهبه
التي كانت تأكل مع جدي ملاك بتلذذ
متجاهلة اتصال امجد ،، اتجهت لتجلب الهاتف
الذي مازال يرن بإلحاح شديد ،، بعد ان انهت
طعامها حتى التخمة
مددت جسدها على سرير ملاك وتناولت
الهاتف وهي تمسد على بطنها المنتفخة
"مساء الخير إزيك "
هدر امجد من الجهة الاخرى بغضب
"مساء الزفت على دماغك ،، بقالي ساعة
بتصل بيكي مردتيش ليه "
تجاهلت هبه غضبه وتحدثت بهدوء مستفز
"اصلي كنت باكل ،، ومسمعتوش "
عض امجد شفتيه كاتماً غيظه
"بتاكلي ،،،، ومعرفتيش تردي على ابن الكلب
الي بيتصل وافتكر ان في حاجة حصلت معاكي "
هتفت هبة بمشاكسة لتمتص غضبه
"خلاص به روق محصلش حاجة انا بس كنت
باكل ،، بس تيتة فوزية عليها ممبار ومحشي
يستهلو بقك "
اغلق امجد الخط في وجهها ثم القاه على مكتبه
" شوفي من النهاردة مين الي هيصل بيكي ويعبرك
الظاهر لما ادهم قال عنك مستهترة ومش قد
المسؤولية كان صادق ،، بس على مين ده انا
هربيكي من اول وجديد هخليكي
تعرفي ان الله حق "
فالجانب الاخر عند هبة
القت هاتفها جانباً عندما اغلق امجد الهاتف وكأن شيئاً لم يكن ،، متسطحة بهدوء مستعدة للغرق
فالنوم بعد كمية الاكل التي التهمتها بشراهة
***********************
بعد مرور شهرين
كانت داليا تتحدثت بالهاتف مع الخادمة
نسرين عينها في قصر أدهم التي كانت
تقف في حمام الخدم لانه خالي من كاميرات
المراقبة التي تملئ القصر بأكمله
تحدثت داليا بصيغة آمرة
"اسمعي الي هقوله ونفذيه بالحرف "
"أؤمريني يا فرح هانم "
تحدثت داليا بشر تحت نظرات
صديقتها فريدة
"انا دلوقتي بعتلك مع الراجل الي ببعتهولك
كل مرة حبوب هتحطيها فأي حاجة تشربها
الزفته الي اسمها ملاك لازم تشرب منها حبة
كل يوم ،، انتي فاهمة واوعي حد يشوفك"
هتفت نسرين بجشع
"فاهمة يا هانم ،، بس يعني
الموضوع في مخاطرة عليا ولو
حد عرف انا هروح فداهية و...... "
قاطعتها داليا بحدة
"خلاص هو اصلاً هيديكي خمس الاف
جنيه وليكي عشرين لو تممتي المهمة دي
زي ما انا طلبت "
فغرت نسرين فمها بجشع عندما
تخيلت حجم المبلغ الكبير الذي سيصبح
في يدها بعد مدة
هتفت بسعادة
"ما تخافيش يا ست هانم كله هيبقى تمام وزي
ما انتي عاوزة حطي فبطنك بطيخة صيفي "
جعدت داليا وجهها بتقزز من حديث
نسرين ،، ثم اغلقت الهاتف بوجهها
نظرت نسرين للهاتف الذي اصدر صوته المعتاد
عندما تغلق المكالمة
"هي مالها دي شايفة نفسها كده ليه ،،
مش مهم المهم الي هيطلعلي من ورا
المصلحة دي "
عند داليا
قالت فريدة بفضول
"حبوب ايه دي انا مش فاهمة حاجة
فهميني ناوية على ايه "
ارجعت داليا خصلات شعرها الشقراء للوراء
وتحدثت بشر
"الحبوب دي هتجيب اكتئاب ،، هيزيد مع الوقت
يعني هتبقى مش طايقة نفسها ،، وهتتعامل
مع ادهم بطريقة مش لطيفة خالص ،، وانا اعرف
ادهم كويس ما يحبش الطريقة دي "
"ايوة انتي هتستفادي ايه من كل ده
ماهو اكيد هيعالجها "
تأففت داليا بصوت خافت
"ما انا مش هفضل انتظر نتيجة الحبوب
دي اكيد هحط التاتش بتاعي وهولعها
بس من بعيد من غير ما ادخل "
جحظت عينا فريدة بصدمة من
تخطيط صديقتها الشيطاني
" ايه ده انا كنت عارفة انك مش ساهلة بس مش
للدرجادي ،، الله يكون فعون الي يزعلك "
ابتسمت داليا
"عشان تعرفي ان زعلي وحش اوي
ولسا هعمل اكتر من كده بس اصبري "
**********************
في قصر ادهم
تمطعت ملاك بكسل في سريرها
رمشت عدة مرات قبل ان تعتدل في جلستها
نظرت للساعة وجدتها تجاوزت الواحدة ظهراً
"يا نهار اسود ،، انا نمت كل ده "
نهضت متجهة لتأخذ حمام سريع
بعد قرابة الساعة كانت تدلف للمطبخ
هتفت بمرح اعتاد عليه الجميع منها
"صباح الخير ،،ازيكم عاملين ايه "
التفتت نسرين التي تكن الحقد لملاك بدون سبب
ابتسم البقية الموجودين لها فهي بالرغم انها سيدة هذا القصر تقضي وقت فراغها معهم عكس ما كان
يتوقعو تماماً فأي سيدة اخرة تكون زوجة رجل مثل ادهم لن تتنازل وتتحدث بهذه البساطة مع خدم منزلها
تحدثت السيدة سعاد مسؤولة الخدم
"اهلاً يا ملاك هانم اتفضلي "
مدت ملاك شفت بعبوس كالأطفال
"طالما فيها هانم مش هقعد وهرجع وانا زعلانة
انا مش قولت اسمي ملاك ما بحبش هانم دي
بحس دمها تقيل ،، وكبيرة عليا اوي "
ابتسمت السيدة سعاد بحب
على رقة هذه الفتاة
"خلاص ولا تزعلي ملاك بس "
هتفت ملاك بفرح
"ايوة بقى هو ده .... سكتت عندما وصلت
لانفها رائحة محبذة على قلبها ...
امممم دي ريحة كرواسون بالشوكلاته
ولا انا غلطانة "
اخرجت احدى الخادمات صينية من الفرن
مليئة بالكرواسون الساخن ثم هتفت
"انا عملاه مخصوص عشانك "
اقتربت منها ملاك وقبلتها بطريقة كوميدية
جعلت الجميع يقهقه على طيبتها وبساطتها
"خلاص انا هروح اجيب الكتب بتوعي واجاي هاخد
طبق كبير مليان كرواسون واعمل النس كافيه "
تحدثت نسرين بسرعة
"انا هعملهولك "
هزت ملاك رأسها بالايجاب وذهبت لجلب
كتبها من غرقتها ،، فأدهم اقنعها ان تكمل دراستها
من البيت بحجة انه يريد راحتها ،، وهي لم تعترض
طالما انه لن يؤثر على دراستها
عادت مرة اخرى للمطبخ وقبل ان تتحدث
هتفت نسرين بسرعة جعلت الجميع
يلتفت اليها مستغرباً
"انا جهزلتك الفطار والنس كافيه بتاعك
في الجنية عشان تعرفي تذاكري "
ارسلت لها ملاك قبلة فالهواء
"والله انتي بتفهمي وعسولة خالص "
ثم اتجهت لتناول فطورها وتتابع دراستها في
جو مريح للاعصاب
********************
في الشركة عند ادهم
تأفف للمرة العاشرة بعد المئة وهو ينظر للساعة
"هو الوقت مش راضي يخلص ليه
الشغل ما بيخلصش "
انهى جملته ثم امسك هاتفه ليرى عبر
كاميرات المراقبة الموزعة داخل القصر
ماذا تفعل فتاته الصغيرة
"هي مش فالاوضة ليه هتكون
راحت فين "
اتسعت ابتسامته عندما وجدها منكبة على
الكتب التي امامها تلم شعرها للاعلى تغرس
بداخله قلم فهذه عادتها عندما تدرس
امسك هاتف مكتبه واتصل بها حتى يظل
يراقبها ،،
رن هاتف ملاك وابتسمت بسعادة ثم هتفت
"حبيبي وحشتي اوي اوي اوي "
"وانتي اكتر يا حبيبتي ،، عاملة ايه "
"ابداً بدرس وقربت اخلص ،، هو انتا هترجع
امتا انتا قولتلي هتخلص شغلك وترجع بدري "
"طيب احسبي نص ساعة وهتلاقيني
قدامك "
اغلق الهاتف والتقط متعلقاته متجهاً اليها فشوقه
اليها جعله يضرب الاعمال المترتبة عليه
عرض الحائط
يتبع... 🌹
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق