رواية احتكار قلب الفصل الخامس 5الاخير بقلم زهرة الربيع
رواية احتكار قلب الفصل الخامس 5الأخير بقلم زهرة الربيع
الأخير
انتبه لنفسه وللي بيعمله ودفعها بسرعه وبصلها بزهول وقال ...انتي عملتي ايه اتهبلتي
بسمه بصتلو بصدمه و نزلت دموعها بحرج شديد قوي مين اللي عملته خصوصا بعد رد فعله دي ولسه هتجري على الاوضه بدموع مسك ايدها وقال بسرعه.. بسمه انا اسف
بسمه قالت بدموع وحرج ..... انا..انا اللي غلطانه مش هكررها
عرب اتنهد وقرب منها وقال..... احنا فعلا مش هنكررها بس انتي مش غلطانه لوحدك انا كمان غلطت ضعفت قوي قدام عيونك وفي قربك بنسى نفسي فحاولي انتي ماشي يا بسمه خليكي انتي اقوى شويه
بسمه بصتلو بدموع وقالت.... طب ليه يا عرب اذا كنا احنا الاثنين....
بس قاطعها وقال.... احنا الاتنين ما ينفعش نكون الا اخوات انتي بنوتي اللي ربنا رزقني بيها.....الفرق بينا عمر لو سمحت يا بسمه حاولي معايا
بسمه شدت ايدها من ايده وقالت بغضب ....ماشي يا عرب زي ما انت عايز.... بس يكون في علمك انت مش اخويا ولا عمرك هتكون اخويا ..وبصت لعيونه جامد وقالت بقوه ....انا بحبك ....بحبك من اول ما عرفت يعني ايه حب
عرب ا تسعت عنيه بزهول وهيه قالت بدموع.... ومتاكده انك زيي بس انت اجبن من انك تقول كده.... سمعت يا عرب انت جبان
بسمه قالت كده ومشيت على اوضتها بغضب وهو فضل باصص لطفها وحابس دموعه في عيونه بالعافيه قعد على الكرسي وبقى يفكر في كلامها وخصوصا كلمه بحبك اللي بقت ترن في ودانه وكان لها تأثير مش طبيعي على قلبه
ومرت الايام وكانت بسمه بتتحاشى تتكلم معاه او تكلمه زي الاول او تهزر معاه وكانت معاملتهم رسميه جدا والموضوع ده كان مضايق عرب قوي لانه اتعود على مشاكساتها معاه ليل نهار
بسمه كمان كانت متضايقه خصوصا بعد ما اتحدد فرحها من شاكر
وفي يوم كانت قاعده هي وشاكر في الصاله وسمعت صوت خطوات عرب طالع على السلم وقامت بسرعه قعدت جمب شاكر وبقم يهزرو ويضحكوا سوا
في الوقت ده دخل عرب و بص لهم بغضب وقال.... انتوا بتعملوا ايه وقاعدين لوحدكم كده ازاي
شاكر وقف بخوف ولسه هيجري بسمه مسكت ايده بسرعه وقالت بغضب ..استنى هنا...انت كل ما تشوفه هتجري ما حدش له عندك حاجه احنا مخطوبين
عرب اندهش و قرب منها وبصلها بزهول وقال ..الله الله ياست بسمه ومن امتى الكلام ده بقى
بسمه قالت بضيق ...من النهارده انا خلاص فرحي اتحدد وحاول تعود نفسك انك خلاص ما بقتش مسؤول عني... اصلا بمجرد ما هطلع من البيت ده هيبقى شكرا كده وبارك الله فيك في اللي قدمته كله
عرب مسك ذراعها بغضب وقال ...وبتتكلمي كمان هو انتي محدش مالي عينك مش كفايه انك بقا لك اكتر من اسبوعين مش بتتكلمي زي الخلق ولاويه وشك ليل ونهار كمان مش بتسمعي الكلام
بسمه دفعت ايده وقالت بغضب... انا مبقتش صغيره ومسأوله عن تصرفاتي و لو سمحت تسيبنا في حالنا انا مبقتش محتاجه لك خلاص يا عرب
عرب بصلها بدهشه وهو مش مصدق اللي بيسمعه وقال....ما بقتيش محتاجالي ...هه....تمام..تمام يا ست بسمه انا اسف اني بتدخل في شؤونه الخاصه انا فعلا غلطان اوعدك مش هتتكرر خدوا راحتكم
ولسه هيمشي بسمه مسكت ايده وقالت بعصبيه.... يعني ايه ناخد راحتنا انت شايفنا قاعدين في اوضه النوم
عرب دفع ايدها وقال بغضب.... ما يهمنيش حتى لو قعدتو في الحمام.... انتي كبرتي وما بقتيش محتاجاني... ومشي بسرعه وغضب
بسمه قعدت على الكنبه اول ما طلع وبقت تبكي بشده
شاكر بصلها بزهول وقرب منها وقال ...هو في ايه بالظبط... ايه اللي بيحصل
بسمه قالت بانهيار وانفعال .... انا مش قادره مش قادره استحمل مش قادره اكذب على نفسي اكتر من كده انا بحبه قوي يا شاكر مش هقدر اخدعك اكتر من كده
شاكر اتنهد بحزن شديد بس ما اتصدمش ابدا وقال... انا كنت حاسس كنت حاسس بكده عشان كده جيت خطبتك بسرعه... بصراحه قلت يمكن يكون احساسي غلط ويكون لنا نصيب مع بعض
بسمه بقت تبكي اكتر
وشاكر قال بحزن....خلاص كفايه عياط هو شكله كمان بيحبك
بسمه قالت بدموع ...لا مش بيحبني مش قابل يتخلى عن افكاره ابدا ما فيش فايده
شاكر اتنهد بحزن وقال.....هو بس كل الفكره انو ممكن يكون عشان فرق السن كمان عشان الكلام اللي قالته مراته قبل كده بس اكيد انتي تهميه قوي واضح من تصرفاته...انا اللي مليش مكان في الحوار ده... عن اذنك
بسمه وقفت وقالت بحزن....طبعا اكيد زعلان مني
شاكر ابتسم بحزن وقال.... لا ابدا يا بسمه في حاجات ملناش ذنب فيها.... ان شاء الله عرب يعرف قيمتك قريب عن اذنك
قال كده ومشي وهي قعدت على الكنبه بحزن وبقت تفكر في كل لحظه بينها وبين عرب وكل اللي كان بيعمله علشانها طول الوقت اللي قضيته معاه كانت اجمل لحظات حياتها بتقضيها معاه
اتنهدت بحزن ولسه هتقوم تنام سمعت الباب بخبط جريت بسرعه افتكرت انه رجع بس اتصدمت باخر شخص اتوقعته قدامها
بقلم...زهرة الربيع
كان راجل في ال 60 بملامح حاده جدا بصلها بغضب وقال.... اخيرا يا بنت اخويا اخيرا لقيتك
بسمه بلعت ريقها برعب شديد وقالت بخوف ....انت..انت مين انا مش بنت اخوك..انا... انا ما اعرفكش
الراجل بص لها من فوق لتحت وقال.... كبرتي يا بسمه وانضفتي ليكي حق ما تعترفنيش
بسمه قالت بدموع.... ارجوك امشي من هنا انا مش هاجي معاك ابعد عني سيبني في حالي
ولسه هتقفل الباب مسكها من معصم ايدها وشدها بغضب ونزل بيها وهي بتصرخ بكل قوتها واخدها على الشارع وكان بيحاول يركبها العربيه بالقوه
بسمه كانت بتصرخ جامد وبتنادي على عرب بكل قوتها
عرب كان قاعد على القهوه مع ناصر متضايق جدا من كلام بسمه وبيقول بغضب..... متخلفه فاكره انها كده هتغيظني فاكره انه هيفرق معايا فاكره اني هتضايق كده ولا يهمنييي ورما الكبايه في الحيط كسرها
ناصر قال بزهول ....لا و انت الصراحه مش متضايق ابدا.....يا ابني حرام عليك دي تالت كوبايه احاسب عليها
عرب قال بغضب شديد....قاعده معاه لوحدهم حتى امي مش في البيت.... انا هوريها هتشوف بكره انا هعمل ايه و
بس قطع كلامه لما حس انو سمع صوتها وقال ...ده صوت بسمه صح.... بسمه اللي بتصرخ
ناصر سمع شويه وقال.... يا ابني ما فيش حد انت بقى يتهيألك ولا ايه
بس صرخت تاني بصوت اقوى سمعوها هم الاثنين وعرب قال... بسمه انا متاكد انها بسمه
وجري بسرعه ناحيه العماره واتصدم لما لقى عمها بيركبها في العربيه بالقوه
جري عليه ومسكوا من هدومه وبقى يخنقوا عند الحيط وقال ....انت مين.... انت مين وعايز منها ايه
عمها ابتسم وقال ...ايه....ما افتكرتنيش ولا ايه
عرب سابو وهو بيبصلو بزهول وقال....انت ايه اللي جابك هنا تاني ....امشي من هنا احسن لك
عمها قال بغضب... مش همشي الا لما اخد بنت اخويا معايا انا صدقت ما لقتها
عرب قال بزعيق .....انت ملكش قرايب هنا ...بسمه دي من عيلتي انا ومش هسمح لها تتحرك من هنا
بسمه كانت بتبكي وبترتجف بخوف
عرب قرب منها وقال .... اهدي يا بسمه انا جنبك انا معاكي ما تخافيش
بسمه مسكت فيه بقوه وهي بتبكي وهو ضمها قوي وبقى يهديها
عمها بصله بغضب وقال..بزعيق وبتحضنها قدامي كده عيني عينك في نص الشارع ايه ما بقاش في خشه ولا حيا في البلد بس هتتكسفو من ايه ما انتو سمعتكم سابقاكم وشكلو كلام طليقتك صحيح
عرب قرب منه بغضب وقال....اه طليقتي...وهيه اللي جابتك هنا صح..اصلا محدش يعرف اسمك غيرها
عمها قال لغضب...كتر خيرها عيزاني الم لحمي بعد ما اتطلقت لما لقت الوسخه دي في سريرك
عرب مسكو من هدومه وقال بحده... انا مش عايزه امد ايدي عليك عشان انت راجل كبير غةر من هنا ...غور ياااا
بس عمها طلع سلاح ورفعو عليه وقال ....بس انا همد ايدي وهمد حاجات تانيه كمان سيب البنت تيجي معايا بدل ما هخلص عليك مكانك
عرب اتسعت عينيه بزهول
وبسمه اتصدمت وقالت برعب....هاجي معاك هاجي معاك ما لكش دعوه بيه
عرب قال بسرعه....انتي بتقولي ايه تروحي معاه فين ...هو هيمشي من هنا من سكات
عمه رفع السلاح في وشه بغضب وقال.....انا مش همشي من غير بنت اخويا
عرب قال بغضب.... لو كنت بتعتبرها بنت اخوك فعلا ما كنتش تحاول تجوزها وهي طفله عشان تبيعها لواحد مليونير هيدفع لك فيها فلوس ....بسمه مش هتروح معاك اي مكان والبتاع اللي في ايدك ده شيلو احسن لك لان حتى لو على جثتي مش هتقرب لها
وبقى يقرب عليه بغضب
عمها كان ماسك المسدس وقال بخوف.... خليك مكانك بقول لك هضرب عليك و
بس اتفاجئ لما ناصر و ناس كثيره من البلد بقوا يتلموا ووقفوا في ظهر عرب وكل واحد معاه اله في ايده و قالوا بغضب...فيه حد مضايقك يا عرب
عم بسمه خاف جدا وقال بزعيق ....متقفوش مع الباطل دي بنت اخويا ومن حقي اخدها .....ازاي تفضل في بيت راجل غريب
عرب قال بسىعه....بسمه مش في بيت راجل غريب ...انا جوزها والبلد دي كلها شاهده
بسمه اتفاجأت عمها بصلو بزهول
ناصر قال بسرعه... ايوه جوزها واي حد بتعرضلهم هيتفرم انهارده
عمها اتنهد وشاف ان مفيش فايده... ركب عربيته وقال بغضب ...هاجي المره الجايه بالبوليس واشوف موضوع جوزها ده
ومشي وهو متغاظ جدا
عرب بص للرجاله وقال....شكرا يا رجاله منجلكمش في حاجه وحشه
و قرب من بسمه مسكها من ايدها وقال ....تعالي هاطلعك عشان تريحي
واخدها وطلع بيها اول ما دخلوا الشقه بص لها وقال... ادخلي نامي شويه علشان...
بس قاطعتو لما اترمت في حضنه وبقت تبكي بشده وقالت بدموع.... انا اسفه.... اسفه اني قلت لك الكلام اللي قلته اسفه اني قلت اني مش محتاجه لك انا طول عمري محتاجه لك وصدقت ما لقيتك سامحني على جهلي وعبطي سامحني كنت متضايقه اوي
عرب ابتسم وخرجها من حضنه وبص لعيونها وقال ....هسامحك على جهلك ماشي.... بس عبطك لا لانه مطول معانا
بسمه ضحكت بخفه وسط دموعها وقالت...شكرا اوي على اللي عملته علشاني لحد انهارده
عرب ابتسم وقال...مش بقولك العبط مطول معانا ....اوعي تشكريني تاني انتي بنتي اللي ما خلفتهاش واختي اللي ما اقربلهاش وحبي اللي متدارش
بسمه بصيت له بدهشه...وهو ابتسم وقال ....ايوه بحبك يا بسمه ...ومعاكي حق انا جبان وما قدرتش اقولها خفت..خفت بعدين تكرهي حياتك معايا او تندمي انك اتجوزتيني كنت عايز اجوزك واحد سنك بس لا مش هقدر مش قادر ابعدك عن عيني ولا هاقدر اشوفك مع غيري مش هقدر احرقنا سوا بالنار دي بحبك قوي يا بسمه بعشقك ومستعد اقولها قدام الدنيا دي كلها
بسمه ابتسمت بدموع وهي مش مصدقه السعاده اللي فيها ومسكت في ايديه وقالت...انا عمري ما اندم اني هبقى معاك انا ابيع الدنيا بس ابقى ملك ايديك.... انت مش بس حمتني وغيرت لي حياتي انت عرفتني طعم الحب وطعم الامان انا عمري ما احب غيرك
عرب ابتسم بسعاده وقال....وانا مش هسيبك لغيري... هتجوزك وعمك لو جاب الدنيا كلها ما هيعرفش ياخدك مني ولا هو ولا غيره واللي اسمه شاكر ده...
بسمه قاطعته وقالت بسرعه.... ما تقلقش انا قلت الشاكر اني بحبك ومش عايزه غيرك
عرب بص لها الدهشه وقال.... يعني انتي صيتينا خلاص ما فيش داعي اتكلم
بسمه ضحكت وقالت.. اه صيتك على الاخر
عرب ابتسم وقال....ده احلى صيت انا اطول العسل ده كله يحبني...والله فرحان بيكي فرحه الفرخه بكتاكيتها
بسمه ضحكه جامد بسعاده
وهو ابتسم وقال بحب..... ايوه كده هي دي الشمس اللي انا عايزها هي دي البسمه اللي نورت حياتي❤️🌹
كنتم مع احتكار قلب بقلم زهرة الربيع زهرتكم تحيكم ودمتم في امان الله مع من تحبون🥰
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق