رواية احتكار قلب الفصل الثالث والرابع بقلم زهرة الربيع
رواية احتكار قلب الفصل الثالث والرابع بقلم زهرة الربيع
الثالث
اما وقح صحيح... انت بتبص على ايه..احترم نفسك بلاش قلة ادب انا اصلا هتبرع بالهدوم دي مش هلبسهم تاني و
بس قطعت كلامها لما مسك ايدها منعها انها تلم اي حاجه وشدها عليه بقت بين ايديه بص لعيونها وقال... طيب بما انك هتديني حاجتي فاللي انتي لابساه ده كمان انا جايبه
فاكره يوم ما جبتها لك يومها فرحتي اوي علشان جبتهالك هديه وجات مقاسك...شوفتي انا فاكر كل حاجه يلا اقلعيهم بقى عشان عايزهم
بسمه اتسعت عينيها بصدمه شديده وعرب ضحك جامد على شكلها وقال...اهدي بهزر
بسمه بصتلو بغضب وبقت تضربو باديهاوعايزه تبعده بس قربها ليه اوي وقال....يا ابت اهدي بقى خلينا نتكلم... كده برده يا بسبس تزعل من حبيبك كلمه وخرجت مني من غير اقصد معقوله اهون عليكي تزعلي مني
بسمه بصتلو بدموع وقالت .....لا ما خرجتش منك كده انت قولت لي انك جبتني من الشارع
عرب مسح دموعها بايديه وباس جبينها بحنيه شديده وقال ...حقك عليا ان شاء الله يا رب يفرمنا قطر ...ويجمعنا قبر لو ما سامحتيني
بسمه بصتلو بزهول و قالت.... طب بتدعي عليا معاك ليه
عرب ابتسم وقال..... ما انا مش هقدر اسيبك لوحدك واموت
بسمه ضحكت بخفه وقالت.... بعد الشر علينا..لا خلاص بقى هسامحك المره دي... يعني مش هسامحك قوي بس مش همشي.. سيبني بقى عيب كده
عرب ضحك بخفه ومسك الفستان بتاعها وقال... طب مش هتديني الحاجه بتاعتي بقى هموت واخدها
بسمه ضربته بخفه وضحكت وقالت.... بطل الكلام السافل ده بقى وبعدين
عرب ضحك وقال.... طب يلا يا هبله روحي دخلي حاجتك دي واوعي تعملي كده تاني... انتي صاحبه المكان ده مهما انا قولت ولو في يوم اتخانقتي معايا او زعلتي مني تلميلي هدومي كده وارميهم لي بره على الباب اوعي اتحركي هدومك من مكانها سامعه
بسمه بصت لعيونه بابتسامه وقالت ....ماشي هعمل كده المره الجايه
عرب بص لها وضحك وقال.... ايه ده على طول كده مش هتقولي لي ما اقدرش استغنى عنك ولا متمشيش.. بجد هترمي لي هدومي
بسمه ضحكت بخفه وقالت.... لا مش هقول
عرب ابتسم على ضحكتها وقال.... ماشي يا عم حقك المهم ما تبقيش زعلانه
بسمه ابتسمت وقالت. انت عارف اني مش بعرف ازعل منك كتير
عرب ابتسم وقال ...ولا انا بحب ازعلك يا بنوتي الحلوه ...انتي بس خليكي عاقله كده و
عرب لسه هيكمل الباب خبط راح فتح وكانت بنت جميله في منتصف العشرين عرب اول ما شافها قال بضيق نعم يا زينات في حاجه
زينات ابتسمت وقالت... ابدا ...بس النهارده عملت كيك حلو قوي وافتكرت انك بتحبه ياسي عرب فقلت اجيب لك منه
عرب اتنهد بخنقه وقال.... بطلت اكله بقى يرجع نفسي
زينات اتنهدت بضيق و قالت.... وبعدين يعني يا عرب هنفضل كده لامتى
عرب ضحك بسخريه وقال .....هنفضل كده اللي هو ازاي احنا اتطلقنا يا زينات اتطلقنا ماشي... انا عارف ان الفكره دي مش راضيه تدخل في دماغك بس معلش كرريها عشر مرات في اليوم هتلاقي نفسك حفظتيها واستوعبتيها
زينات قالت بدموع....بس انا قولتلك اني اندمت يا عرب ومستعده اعتذر لك قدام الخلق كلها اعمل ايه تاني
هرب بص لها بخنقه وقال ....بس انتي ما غلطتيش فيا لوحدي علشان تعتذري لي ولا نسيتي عملتي ايه مع بسمه
زينات قالت بخنقه....يوووه يا دي بسمه اللي جننتك على الاخر بقى حتت العيله اللي جبتها من الشارع دي ومسيرها هيلاقوها وهترجع لاهلها..عايز تخسر كل حاجه بسببها
بسمه سمعت كلامها اتنهدت بحزن وتعب وراحت على اوضتها بياس
عرب شافها لما مشيت بص لزينات بغضب وقال.... دي حاجه ما تخصكيش... وبسمه هنا صاحبه مكان ما تنسيش انك بره وهي جوه يلا خدي الكيكه بتاعتك وروحي شوفيلك حد بياكلها لانها قلبت بطني
زينات قالت بغضب....ماشي يا عرب...بس صدقني محدش هيطلع ندمان وخسران من القصه دي كلها غيرك و ابقى افتكر كلامي كويس
ومشيت بغيظ شديد
عرب قفل الباب وراها بضيق وراح ورا بسمه خبط على الباب لس مفتحتش... استغرب وفتح الباب ودخل وقال..... بسمه ...بت يا بسمه
بس سكت لما سمع صوت الميه شغاله في الحمام وفهم انها جوه
فضل قاعد على السرير مستنيها
بعد شويه خرجت وكانت لابسه بيجامه رقيقه وجميله وبتنشف شعرها وشهقت بخضه لما لقيته قدامها على السرير وقالت.... عرب خضتني حرام عليك.... انت بتعمل ايه هنا وازاي تدخل كده اطلع حالا يلاا
بقلم....زهرة الربيع
عرب بقى يبصلها باعجاب شديد وتاه في ملامحها ووقف قرب منها وقال... انا جيت عشان ....جيت عشان ايه والله مش فاكر
بسمه ضحكت بكسوف وقالت ....طب حاول تركز شويه هتفتكر لوحدك
عرب قرب منها وقال بتوهان..انا مركذ..مركذ على الاخر
بسمه قالت بكسوف...عرب وبعدين...طب اطله ركذ بره بقى
عرب اتنهد وقال بسرعه ...اه اه صحيح افتكرت قولت اجي اشوفك كنتي مضايقه... يعني ما تاخديش في بالك من كلام البايخه دي انتي عارفه انها طاقه منها
بسمه اتنهدت وقعدت على السرير بحزن و قالت... انا مش زعلانه منها انا زعلانه عليك
عرب شد كرسي وقعد قصادها وقال باستغراب...ايه...زعلانه عليا انا...هه ليه
بسمه قالت بحزن .....من وقت ما عرفتيني وانا مش بجيبلك غير المشاكل وحتى مراتك طلقتها بسببيو شايل مصاريفي زي ما اكون من اهلك و في الاخر مش بتلاقي غير كلام وحش بسببي
عرب ابتسم ومسك ايدها بحنيه
بسمه رفعت عيونها ليه واتلاقت نظراتهم وعرب قال .... من 10 سنين فاكر كويس لما كنت راجع من الجامعه بعد ما اتخانقت مع العميد واخدت رفد..... ولقيتك في طريقي زي القمر كنتي ما كملتش تسع سنين وقتها وجعني اوي منظر الدموع في عيونك من غير ما اعرفك..و لما اتكلمت معاكي وحكيتي لي عن مشاكلك وانك هربانه من عمك وانا قلت لك اني هجيبك على هنا ضحكتي ضحكه جميله قوي ...لو تعرفي ضحكتك دي طبطبت على قلبي ازاي نسيت كل زعلي وحسيت بسعاده ما حسيتش قبلها ولا بعدها ومن وقتها يا بسمه وضحكتك وبسمه شفايفك بتهون عليا الدنيا كلها اللي بيضايقني ويتعبني فعلا لما اشوفك زعلانه كده
بسمه حست بقلبها بيدق جامد وابتسمت وسط دموعها وقالت ده لان ربنا كبير وعارف اوجاعنا.... انت كمان كنت بلسم لكل جروحي بس انا نفسي اشوفك مبسوط لو مشكلتك مع مراتك انها غلطت معايا وحابب ترجع لها انا مسامحه في حقي المهم انت تبقى مبسوط
عرب بص لها بدهشه ووووو
الرابع
لو مشكلتك مع مراتك انها غلطت معايا وحابب ترجع لها انا مسامحه في حقي المهم انت تبقى مبسوط
عرب بص لها بدهشه وقال ...مسامحه ....مسامحه في ايه انتي فهمتي هيه عملت ايه دي قالت في نص الحاره كلها انها لقيتك في سريري اتكلمت في شرفك تسامحيها ازاي... ولو سامحتيها انا مش هسامحها ...ازاي تتهم واحده بريئه بحاجه زي كده من غير اي ذنب
بسمه اتندت بحزن وقالت ....يمكن لانها بتحبك و بتغير عليك هي لما اما انت اتجوزتها كنت انا طفله يا دوب 12 سنه ....بس من اول ما كبرت شويه وبقى من حقها تغير ....وطلبت منك انك تمشيني وانت اللي رفضت
عرب قال بغضب.... مش مبرر ...مش مبرر ابدا يخليها تعمل اللي عملته انا مش مسامحها على الفضيحه اللي عملتها يومها ولا انها طعنت في شرفك انا مستحيل اعيش مع واحده بالشكل ده قلبها سمح لها تعمل حاجه زي دي خلاص موضوع زينات ده اتقفل وما تفتحيهوش معايا تاني لز اخر ست في الدنيا مش هرجع لها
بسمه اتنهدت ووقفت وقالت.... على راحتك يا عرب
ابتسم وقرب منها وقال....سيبك من كل ده.... قولي لي بقى انت فعلا عايزه تتجوزي شاكر ولا قلت كده لانك كنت زعلانه مني
بسمه حمحمت وقالت.... ها ..اه..اه طبعا عايزه اتجوزه
عرب رفع وشها ليه وبص لعيونها جامد وقال.... متاكده... بتحبيه بعني
بسمه بصيت لعيونه وقالت ..اهو راجل وخلاص يا عرب
عرب ضحك جامد وقال.... راجل وخلاص يا عرب.... يا بنت المفروض انت ما كملتيش 19 سنه هو انتي عنستي عشان ترضي باي راجل وخلاص
بسمه بصت لعيونه جامد وقالت..... لا مش عنست بس الراجل اللي انا عايزاه بعيد قوي عني .... يعني ما فيش فايده فهرضى باي واحد بقى وخلاص
بقلم...زهرة الربيع
عرب بلع ريقه بارتباك و بقى يبص لعيونها بتوهان شديد وقرب عليها جامد وميل على شفايفك و هو ناسي كل الدنيا قدام عيونها
بس فاق لنفسه و بعد بسرعه وقال بتوتر....احم اه ...انا..انا نسيت ناصر مستنيني تحت لازم انزل... ومش بسرعه
بسمه بصت لطيفه بحزن وقعدت على السرير وظهرت ابتسامه على شفايفها وهي بتفتكر قربه منها وكلامه الجميل
عند زينات رجعت على بيتها بغضب شديد دخلت على اوضتها وبقت تفتش وسط هدومها وحاجتها على حاجه مهمه وطلعت ورقه مكتوب فيها اسم شخص وكلمت واحده في التليفون وقالت..... ايوه يا هدى اسمعي يا بت هديكي اسم واحد تعرفي لي طريقه ...اسمه عدلي المنشاوي وضروري تقلبي الدنيا وتطلعيهولي لو في اخر الدنيا
وقفلت معاها وقالت بتوعد.... ماشي يا عرب اصبر عليا.... لو ما كنتش ليا مش هتكون لمقصوفة الرقبه دي لو اخر ست في الدنيا والايام بينا
بالليل عند عرب رجع بتعب على البيت فتح الباب ولقى شاكر مع والدته وبسمه قاعدين في الصاله
عرب بص له بغضب وقال.... انت ايه اللي جابك هنا يلا هتقعد تنط لنا هنا كل يوم ده انت حتى ما شبكتش
شاكر ابتسم وقال...ما انا جاي عشان نتفق اهو على ميعاد الشبكه وقرايه الفاتحه وكل حاجه
عرب قال بغضب.... لا ما تتفقش ما فيش اتفاق قبل ما تخلص امتحاناتها
شاكر اتنهد وقال ....يا عرب احنا هنتفق مش هنعمل حاجه تاني
بس رد عليه بعصبيه وقال.... وانا قلت ما فيش يلا يلا انزل انا ما تعشيتش وعايز اتعشى
امه بصيت له بزهول وقالت ....ايه اللي بتقوله ده يا ابني...انا هاحضر لكم تتعشوا سوا
بس عرب قال... لا هو ينزل انا هتعشى قرداحي بس هو مامي لازم بتحضر له المحمر والمشمر سيبيه ينزل يلا
شاكر وقف بضيق وقال.... طب يعني مش هتتفق ولا ايه
عرب قال بغيظ منه.... نتفق على ايه... احنا اتفقنا واللي حصل حصل خلاص...ولا انت عايز تتسرمح معاها اوعى تكون فاكر انك هتخطب وتدخل وتطلع و تتكلم في التليفون وتحضن وتمسك وتبوس وانا اقف اظبطلك الاريال عشان الاشاره ما تقعش
بسمه حطيت ايدها على بقها وشهقت بكسوف وعرب كمل وقال.... ما فيش الكلام ده عندي خالص ما فيش تليفونات ما فيش مقابلات ولما تحب تقول لها حاجه ضروريه قولها لي وانا اقولهالها
شاكر بص له بزهول وقال.... يعني ايه مش هقعد مع خطيبتي قبل الدخله خالص
عرب قال بسرعه... ولا تقعد ولا تقف وتحمد ربك لو بقى في دخله اصلا ...وغور من هنا بدل ما تبقى خارجه يلا يلا وزقو لحد تلباب
وشاكر قال بضيق.... يلا خلاص ماشي ما تزقش..و واقف عند الباب وبص لبسمه وبعتلها بوسه في الهوا بسرعه ولسه هيجري عرب ركلوا برجله و لسه هيجري يحصله بس شاكر جري بسرعه منه
عرب دخل وقفل الباب بغضب وبسمه والدته بيضحكوا جامد بص لهم بغيظ وقال ...بتضحكوا على ايه طب الزفت ده لو جه هنا تاني ما حدش يدخله خصوصا وانا مش موجود لما اشوف اخرتها
امه ابتسمت وقالت.... انا هروح انام علشان تعبانه بسمه يا حبيبتي شوفيه لو جعان حضري له اكل يمكن يهدى... تصبح على خير يا عرب
قالت كده ودخلت على الاوضه وهو بص لطيفها بزهول وقال ...تصبح على خير يا عرب هو انا ليه بقى يتحلق لي كتير في البيت ده
بسمه ضحكت وقالت..يمكن لانك بقيت مجنون زياده اليومين دول....هروح احضر لك العشا
ولسه هتمشي شدها بقوه بقت في حضنه بصت لعيونه بدهشه وحاولت تبعد من بين ايديه وقالت.... عرب سيبني بتعمل ايه
عرب بص لعيونها جامد وقال..... ايه اللي كنت بتعمليه ده ازاي تسمحي له يقعد ويتكلم معاكي
بسمه بصتلو باستغراب و قالت..... مش احنا خلاص اتخطبنا
عرب بص لعيونها وقال ....ما تقوليش الكلمه دي متقوليهاش قدامي....واسمعي الكلام و ما تقعديش معاه عشان انا قلبي بيتحرق لما بشوفكم قريبين..مش انتي قولتي لي انك عايزه تشوفيني مبسوط
بسمه قالت باستغراب... بس حتى لو ما قلتهاش احنا هنتجوز ده هيبقى امر واقع يا عرب
عرب شدد من قبضته ليها وسند جبينه على جبينها وقال... لا انا مش هجوزك مش هقدر مش هياخدك مني بعد العمر ده كله انتي تقدري تسيبيني
بسمه بصت لعيونه وعيونها بتلمع بالدموع وهزت راسها بالرفض وقالت... لا يا عرب مقدرش مش عايزه غيرك من الدنيا
عرب ابتسم في وتاه في جمال كلامها وقال ....وايه كمان... ايه كمان يا بسمه كملي
بسمه ابتسمت بسعاده وقالت.... انا بحس اني ملكت الدنيا في وجودك اجمل احساس بحسه وانت جنبي انت سندي واماني
عرب بلع ريقه وهو بيبص لملامحها اللي بيعشقها وقال.... طيب عايزك تثبتي لي اني فعلا اهمك.... شاكر ده ما تقربيش منه ابدا ماشي يا بسمتي
بسمه هزت راسها بالموافقه بتوهان مع ابتسامه جميله وهو قال.... اه من بسمتك دي بتعذب القلب وتداويه في وقت واحد يا بسمه
بسمه كانت مبسوطه قوي بكلامه وتاهت جدا في نظراته وقربت منه بسرعه في لحظه جميله نسيوا فيها الدنيا
عرب شدد من حضنه ليها وغاب معاها في اللحظه دي بس انتبه لنفسي وللي بيعمله ودفعها بسرعه وبصلها بزهول وقال ...انتي عملتي ايه اتهبلتي ووووو
تفاعل جاااامد يا قمراتي وهنكمل يلاااا
تكملة الرواية بعد قليل
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق