رواية لاجل الحب الفصل الأول والثاني والثالث بقلم منال كريم حصريه
رواية لاجل الحب الفصل الأول والثاني والثالث بقلم منال كريم حصريه
: ابنك أبن حرام.
كنت وقفة قدم جوزي و بقول بكل قوة الجملة اللي هزت كيانه و مش بس كده، أنا قولت قدم البلد كلها.
كان عامل ليلة كبيرة بمناسبة أنه خلف بعد سنين، و جت أنا قدم الكل و قولت كده.
بقت الناس تبص لبعض بذهول ،و دول صعايده ازي أقول كده و أخرج وسط الرجالة، و كمان أطلع على المسرح و أقول كده.
كان ماشي في طريقه لي و قال بعصبية: بتقولي ايه ،انتي مجنونة، انزلي من عندك بدل ما اجيبك من شعرك.
بصيت بابتسامة و قولت: اوعي تفكر تقرب خطوة كمان، شايف البودي جارد دول عندهم أوامر لو حد فكر يمس شعره مني يخلصوا عليه.
وقف مكانة و صرخ بجنون: طيب انزلي يا نغم ، خلينا نكلم براحة.
ابتسمت بسخرية و قولت: خلص الكلام، اللي عندي قولته، الود مش ابنك، خد التقيلة مش انا اللي مش بخلف ،أنت اللي عقيم عارف يعنى عقيم ،بس تصدق أنا شايفة أن مخك العقيم.
قال حماي العزيز: بت قليلة أدب بصحيح ،مش هي ده اختيارك جابت لنا العار.
قولت بابتسامة: كان نفسي اسمع كلامك الجميل بس مش طايقة اسمع صوت حد فيكم، أسمع يا سولي، أنت اللي مش بتخلف و أنا علشان بحبك و خوفت على مشاعرك قولت أني أنا اللي مش بخلف، بس طلعت واطي و خسيس ،و قولت اتجوز علشان اخلف، و روحت اتجوزت واحدة استغفر الله العظيم ،كل شوية مع واحد شكلك، و لما عرفت انها حامل قولت اللعبة احلوت اوي مبروك عليك ابنك اللي مش ابنك.
قال اخوه بدافع عن شرف العيلة: حتي لو كلامك صح ممكن يكون اتعالج.
قولت بهدوء: طبعا ممكن علشان كده أنا عملت تحليل لي اول ما عرفت أن السنيورة حامل، و طلعت أن عمرك ما تكون أب، و كمان زيادة تأكيد عملت تحليل DNA علشان اعرف ابنك و لا لا.
بصيت في عينه بقوة و شماتة و قولت: الود مش ابنك ،ابن حرام يا سولي.
و مدت ايدي بتحاليل لواحد من البودي جارد وصولها لسليم.
و جيت انزل بس رجعت و مسك الميك تاني و قولت : شوفت كنت انسي، بقولك يا سولي، قضية الخلع كانت النهاردة و طبعا أنت مارحتش و لا بعت محامي فأنا كسبت القضية و بقت أنت مخلوع.
و ضحكت بصوت عالي.
كان مذهول و هو حاسس انه في دوامة و عنده حق برضو اللي عملته أنا مش شوية بس أنا حاولت أكون طيبة معه.
سأل بعدم فهم : قضية.
قولت : أنا رفعت قضية خلع بس طبعا بعت المحضر على بيتك القديم اللي في القاهرة، و مجبتش سيرة أنك عايش في الصعيد حاليا، و كسبت القضية يا سولي، مبروك عليك ابنك يا مخلوع .
الكل كان بيص لي بذهول و محدش مصدق أني ممكن اعمل كده، بس محدش فيهم عارف أنا عشت ايه.
فجأة طلع المسدس من جيبه و قال بجنون: اقتلك يا نغم ،اقتلك على الفضيحة دي.
ده اقتباس من رواية جديدة، طبعا كنت بنزل روايتين و قفت تنزيل لأن اخر فصول نزلت مش كملت ١٠٠ لايك و ده قانون المجموعة
لو الاقتباس جاب تفاعل أكمل ،مجبش اعرف انكم مش عايزين و مش أكمل
#لأجل_الحب
#الفصل_الاول
بقلم منال كريم
//////////////
في مطعم فاخر
كانوا تلاتة بنات قاعدين مع بعض، اتقابلوا بعد سنين.
كانوا مع بعض من أول ابتدائي لحد الثانوية العامة.
و بعد كده اتفرقوا عن بعض.
و كل واحدة انشغلت في حياتها.
و النهاردة بعد سنين قرروا يجتمعوا مرة تانية.
قالت نغم بسعادة: عاملين ايه يا بنات,وحشتوني اوي ، والله فكرة حلوة أن نتقابل تاني.
ابتسمت نور و قالت: طبعا أفكاري غير اي حد.
نجاة: لسه مغرورة زي ما انتي يا نور ,المهم اللي حصلوا معاكم في السنين اللي فاتت.
نور و نغم في صوت واحد: اسكتي حصل كتير.
نجاة بفضول: ايه اللي حصل.
نغم : اتكلمي يا نور.
حركت رأسها بالرفض و قالت: أنتي الاول يا نغم القلب.
غمضت نغم عيونها بحزن و هي بتقول: حصل معي حاجات كتير اوي يا بنات.
و بدأت تحكي حكايتها.
/////////////
#نغم
كنت وقفة في الشباك ببص بحزن و دموع ،على جوزي و هو داخل مع مراته التانية.
أنا نغم بحب الروايات جدا مش بس بحبها أنا بعشقها.
بس في روايات مش ممكن أقرأه ، زي الروايات اللي تطلع الزوجة الأولي شريرة و طماعة و خاينة أما الزوجة الثانية ملاك برئ، و هي اللي تحب البطل بعد ما كان محدش يحبوا.
ده كدب و يضحكوا على ناس، لأن لو الزوجة التانية ملاك اي كان السبب ترفض تجرح قلب واحدة تانية .
الزوجة الأولى مش شريرة دي بتكسر كسرة مفيش بعدها.
أنا دلوقتي ببص على جوزي و قلبي يتقطع،ليه يعمل فيا كده
أنا حبيته اكتر من نفسي، ضحت بكل حاجة علشانه، عايشة في البيت زي الخادمة و بقول معلش علشان بحبه.
أنا من القاهرة من عيلة غنية ،قابلت سليم جوزي في الجامعة و وقعت في حبه من أول لحظة، و هي كمان بدلني نفس الشعور.
و في آخر سنة تقدم لي، طبعا أهله و اهلي رفضوا ،بس أنتصر حبنا في الاخر.
سبت القاهرة و جيت معه الصعيد.
من تأتي يوم و أهله يعاملوني كاني خادمة.
يوم الصباحية الساعة سبعة الصبح
لقيت خبط جامد على باب الاوضة، قومت مفزوعة، و بصت جنبي لقيت سليم مش حاسس بحاجة.
قولت بخوف: سليم ،سليم ، قوم شوف مين بيخبط.
فتح عيونه بابتسامة وقال: صباح الخير يا نغم قلبي.
قولت بابتسامة: صباح النور قوم شوف مين.
نزل من على السرير و هو بيقول : أكيد جيبلنا الفطار.
قولت في نفسي من الغبي اللي يعمل كده.
فتح سليم و كانت أسماء اخته، سأل: في ايه ،كل ده خبط.
قالت بسخرية: معلش السنيورة زعلت.
سليم بصوت عالي: عايزة ايه.
حطت أيدها في وسطها و قالت بمياعة: أمك اللي عايزة المحروسة تتزل تساعد في شغل البيت.
سليم بتعجب: بتقولي ايه، شغل ايه دي عروسة.
أسماء: انزل قول ل أمك الكلام ده
و نزلت و هو داخل و مش عارف يقولي ايه.
أنا كنت سمعت كل الكلام و مستغربة الناس الغريبة دي بس قولت علشان خاطر حبيبي اجي على نفسي.
قعد جنبي بحزن و قبل ما يتكلم قولت بابتسامة: مش مشكلة يا حبيبي ،أنا انزل اشوف ماما عايزة مني ايه.
مسك ايدي و قال بحزن: أنا آسف يا حبيبتي ،بس كل حاجة هنا تمشي بأمر أمي.
أبتسمت و أنا بقول و الحقيقة كنت فاكرة الموضوع عادي: مفيش مشكلة ،ربنا يبارك فيها.
و قومت ،خدت حمام و لبست و صليت و نزلت.
و سليم قرر يكمل نوم.
و أنا نازلة على السلم ،كان اخو سليم الكبير نازل.
وقفت على جنب علشان ينزل هو الأول و قولت بهدوء: صباح الخير.
بص لي من فوق لتحت و قال بنبرة حادة: صباح النور، اومال فين المحروس جوزك.
استغربت ليه يقول على اخوه كد، بس رديت: نايم.
بص لي ،بس كانت نظرة غريبة و قال: مبيفهمش طول عمره، علشان يسبك لوحدك.
حست بالخوف منه ،مش عارفة اللي فهمته صح و لا لا
بس أكيد لا ،ازاي يبص لمرات اخوه.
قرب مني خطوة و انا رجعت لوراء، و قبل ما يتكلم.
جت مراته و قالت بصوت عالي: خير صابر لسه عندك ليه.
قال : احم مفيش حاجه كنت نازل بس بصبح العروسة.
نزل صابر، و جت مراته سميحة و قالت: وقفة عندك تعملي ايه.
كانت بتبص لي بطريقة تخوف و قولت: مفيش حاجه كنت نازلة اشوف ماما.
ضربتني على كتفي و قالت: طيب يا محروسة افهمي الكلمتين دول، أنا هنا مرات الكبير يعني كل حاجة تتم بامري، و جوزي اوعي المحك تقفي معه فاهمة.
هزت راسي بنعم و أنا خائفة منها و نزلت سميحة و أنا وراءها.
افتكرت دلوقتي كلمة سليم لما قالي، انتي هتكوني انتي فاكهة البيت،و محدش زيك.
اخوات سليم صابر الكبير و رفاعي التاني ، أسماء.
سميحة مرات صابر و اسماء و حتي نادية مرات رفاعي، جمالهم عادي جدا بشرة سمراء و ملامح حادة جدا تخوف ،أنا بخاف منهم
يمكن علشان كده سميحة هي غيرانة على جوزها مني لاني اخلي منها.
أنا بشرة بيضه و عيون زرقاء، و جسد ممشوق ،على قدر عالي من الجمال و الأناقة و ملتزمة بالزي الشرعي.
وصلت المطبخ
كانت حماتي و اسماء و نادية موجودين.
قولت بابتسامة: صباح الخير.
الكل بص لي بقرف من غير رد
قالت حماتي: لسه بدري يا محروسة
ردت عليها: بس الساعة لسه ٨
اسماء بصوت عالي: أنا كنت عندك الساعة سبعة، ساعة كاملة على ما تحني و تنزلي.
سميحة بسخرية: على ما تحط الاحمر و الاخضر علشان تبقي حلوة.
ضحكت نادية بصوت عالي وقالت: و ياريت نفع، دي وشها يقطع الخميرة من البيت.
مش عارفه أنا عملت ايه لكل ده ،بقيت وافقة قدمهم زي العيلة الصغيرة، و لساني عاجز عن الكلام.
قالت حماتي بصوت عالي: تفضلي وافقة عندك.
سألت بصوت ضعيف: اعمل ايه.
قبل ما تتكلم حماتي ،قالت سميحة، أخرجي الزبالة دي برة.
بصيت مكان ما تشاور و قولت : بس دي تقيلة مش اقدر اشيلها.
نادية بعصبية: ليه يا اختي ،امشي يابت نفذي كلام سميحة.
بصيت لحماتي و قولت برجاء: لو سمحتي يا ماما اطلبي مني اي حاجه بس دي لا.
مردتش عليا، و قالت سميحة بأمر: يلا و عدي ليلتك.
قولت بصوت عالي: دي زبالتكم انتوا ،اشيلها ليه.
كل واحدة سببت اللي في أيدها و بصيت لي بشر.
و أنا براجع للوراء ، سمعت صوت حماي من برة: مش هنفطر النهاردة منك ليه ، و ابعتي العروسة الجديدة تصحي جوزها
جريت من المطبخ على فوق بخوف
و طلعت صحيت سليم و قولته على اللي حصل.
اتصدمت من ردة فعله، لأن قالي : معلش.
و دخل الحمام ،و أنا قاعدة السرير بعيط و مش عارفة اعمل ايه.
لقيت التلفيون يرن، كانت ماما، مسحت دموعها و حاولت اتكلم بهدوء: صباح الخير يا ماما
ماما بلهفة: صباح الورد يا قلبي ، غريبة صاحية بدري ليه،انا بتصل و أنا مكسوفة ،بس قلبي وجعني و عايزة اطمن عليكي.
قولت بدموع: كويسة بس وحشتوني اوي
ماما مش مستغربة اني بعيط ده طبيعى لاي واحدة تجوز و تكون سببا بيت اهلها.
اتكلمت معها شوية و قفلت ، و خرج سليم وقفت قدمه و قولت: بجد تعدي الموضوع عادي.
مشي من قدمي و قال: ايوه يا نغم عادي و علشان نرتاح هنا اسمع الكلام
سألت بعصبية: كلام مين بقا ،امك و لا مرات اخوك ،و لا اخوك اللي بص عليا بطريقة مش كويسة.
قال بهدوء : اقفلي الموضوع يا نغم و يلا ننزل نفطر.
قعدت السرير و قولت مش عايزة.
قعد على الأرض و مسك أيدي بحب و قال: حقك عليا ،بس يلا بقا نفطر و اوعدك نفطر و نطلع هنا على طول.
قولت بحزن: مش عايزة اقعد معاهم ،بعد الفطار نطلع هنا
أبتسم و قال : حاضر
نزلت و أنا ماسكة في ايده بحب و سعادة
بص أبوه و قال بكل غضب: ايه المسخرة دي سيب ايدي مراتك
بصيت لسيلم بذهول و صدمة نفذ الامر في وقته.
و راح قعد في مكانه ، و أنا وقفة زي مانا.
قال صابر: اقعدي جنب جوزك يا حلوة مش قولتك مبيفهمش.
استنت سليم يرد بس كان يأكل و هو ساكت.
و سألت نفسي هو عادي يقول على اخوه كده و مفيش اعتراض من حد.
لفت علشان اطلع الاوضة، قالت حماتي: على فين.
قولت بحزن : مليش نفس.
ردت بعصبية: حد جاب سيرة الاكل،ادخلي اغسلي المواعين يا محروسة.
بصيت لسيلم علشان ينفذ وعده اني اطلع بعد الفطار اوضتي، بس مفيش منه رد
بصيت لحماتي وقولت: زي ما قولت الصبح زبالتكم نظفوها انتوا.
و طلعت اوضتي.
استنت ساعة اتنين تلاتة ،سليم يطلع مطلعش
أنا حاسة اني انفجر من الغضب لازم اساله ليه كان ساكت.
سمعت خبط الباب، قومت فتحت كانت حماتي و اسماء و سميحة و نادية.
زقتني اسماء و دخلوا و قفلوا الباب
قالت حماتي بقنا احنا ننضف الزبالة، يلا يا علموها الادب.
لقيتهم بيقربوا مني مسكوني ،وقعت على الأرض
و هما يضربوا فيا بكل غل و حقد.
و للحديث بقية
رايكم 🤔🤔
#لأجل_الحب
#الفصل_الثاني
#نغم
بقلم منال كريم
/////////////
كنت واقعة على الأرض و حماتي و اخت جوزي و سلايفي ، نزلنا فيا ضرب بدون رحمة،و مش عارفه ايه السبب.
سليم لما سمع صوت صرختي، طلع بسرعة و استغربت ردة فعله لما زقهم عني بعنف، و صرخ فيهم: ابعدوا عنها يا مجانين، ابعدوا يا زبالة.
بعدهم عني، و قومني بحنان و لف أيده على كتفي و قال بصوت عالي: اطلعوا برة، اطلعوا برة، طبعا زعلانين علشان هي احلي و احسن منكم.
محدش اتحرك من مكانه و كانوا مصدمين، صرخ فيهم: برة، برة
خرجوا و هما ينفجروا من الغيظ من سليم.
و أنا كنت منهارة من العياط في حضنه و نفس الوقت مستغربة موقفه، لسه من شوية يطلب مني اسكت علشان نعرف نعيش معهم.
خدني و أنا لسه في حضنه ،قاعدنا على السرير و قال بحنان: حقك عليا يا قلبي ،الهي تنشل ايدهم اللي اتمدت عليكي، أحنا ملناش قاعدة هنا ،نسافر القاهرة دلوقتي.
بصيت بسعادة و قولت : بجد يا سليم .
أجاب بابتسامة: بجد يا قلب سليم، ارتاحي و أنا احضر الشنط
قاطع كلامنا، خبط الباب,قام سليم يشوف مين، كان أبوه
قال بجمود: خير يا ابوي
قال بهدوء: خير يا ابني، جاي اعتذر عن اللي حصل من النسوان لمراتك .
قال بعصبية: مش عايزنا منكم اعتذر, احنا نسيب البلد دلوقتي.
بص حماي بصدمة و قال بغضب: اتجنت اياك ، علشان تسيب بلدك علشان واحدة ست.
رد بعصبية: الواحدة دي مراتي و كانت تموت بسبب نسوان ملهاش حكم..
سمعت ضربة القلم على خد سليم ، قومت من مكاني بخوف...
قال حماي بصوت عالي: مش بقول اتجنت، النسوان اللي ملهاش حكم دي امك و اختك و مراتت اخواتك ...
و كمل بأمر و تهديد: عارف لو فكرت تسيب البلد، امشي في البلد كلها و أقول إن مراتك من الغير الختم، و علشان كده خدتها و هربت، و شوف بقا لما الكلام ده يطول البهوات أهل المحروسة، يخسروا سمعتهم و فلوسهم يا جوز المحروسة.
و نزل بعد ما صدمني أنا و سليم بالكلام ده ،ازاي في ناس كده، لو مش خايفين عليا ،يخافوا على سمعة ابنهم، لدرجة دي الجواز من ابنهم جريمة و لازم اتعاقب عليها.
.البلد دي بلد متطرفة عن الصعيد ملهاش علاقة بأهل الصعيد الجدعان، هنا مفيش جواز من برهم.
بلد كاملة أنا بس الغريبة علشان كده منبوذة من الكل
يوم فرحي كان الكل يبص لي بحقد و كراهية.
بلد ما تعرفش حاجة اسمها حب، الحب هنا جريمة ..و جريمة سليم أنه حبني و جريمتي اني وافقت اتجوز ابنهم..
دخل سليم و هو بيص لي بضعف و خزن وانكسار، مش عارف يقول ايه، و لا أنا كمان ، أنا عائلتي ناس مهمة في البلد لو خبر انتشر سمعتهم تتوسخ بسببي..
لسه هيكلم ،قولت أنا: خلينا هنا علشان اهلي ..
حضني و عيط زي العيل الصغير
.
و أنا بيني وبين نفسي قررت مكونش ضعيفة علشان اعرف أعيش معاهم.
اعمل كل واجباتي بس مش مسموح لحد يدوس لي على طرف.
على معاد الغداء
و نزلت و أنا ماسكة في ايد سليم اللي نبهت عليه يفضل ماسك ايدي مهما حصل أو حد اتكلم.
قعدت جنب جوزي و بدأت أكل من غير ما ببص لحد
قالت حماتي: عايزين نفرح بالخلف الصالح عن قريب.
ابتسمت و قولت: أن شاء الله ، و على الأقل النسل يتغير لاحسن.
بصوا لبعض بغضب الا صابر كان بيص لي باعجاب شديد.
تمت الاكل و قومت مديت ايدي و قولت بدلال: يلا يا سولي ، احنا لسه عرسان جداد.
مسك ايدي و مشينا سوا، لفيت لهم و قولت : اه متعملوش حسابنا على العشاء.
و ابتسمت بدلال و طلعت مع سليم.
قالت سميحة بعصبية: مالك يا صابر عينك تتطلع عليها ليه.
رد بهدوء: اخس عليكي ،انا ابص على حد غيرك، و بعدين دي مرات اخوي.
قال حماي بتحذير لصابر من غير ما حد يسمع : اللي تعمله مع الرقصات ميتعملش مع مرات اخوك.
قال بنفي: يا ابوي سميحة بتخرف.
أما أنا وسليم كنا مبسوطين
بعد أسبوع معاد زيارة اهلي لي
في المطبخ
وقفت قدمهم و قولت بتهديد: احتراموا نفسكم قدم اهلي ،اهلي مش ناش عادي، دول يخبوكم وراء الشمس، فنتلم منك ليه احسن لي و ليكم
و سبتهم و طلعت اقول لسليم يكون في انتظارهم تحت.
و شوية وصل بابا و ماما و خالي و مرات خالي و اخوي و مراته الي هي بنت خالي.
كانت الرجالة قاعدة مع بعض في المندرة و الحقيقية كان الاستقبال رائع
و الستات في المندرة الصغيرة و الاستقبال روعة برضو.
همست ماما لي: تعالي نطلع فوق
قومت من مكاني، و قولت: عن اذنكم نطلع فوق شوية.
مسنتش رد من حد طلعت مع ماما و مرات خالي و مرات اخوي.
و سيل من الأسئلة و كان رد واحد اني مبسوطة و سعيدة.
بعد شوية مشيوا اهلي و طلعت مع سليم اوضتنا.
قعد على السرير و قال : تعال يا نغم عايز اتكلم معاكي.
قعدت قدمه و سألت بابتسامة: خير يا حبيبي.
رد عليا بابتسامة: خير أن شاء الله ، من بكرة انزل مع ابوي و اخوتي الشغل في الارض، عايزك تكوني ايدك بايدهم في شغل الدار، و تخلي بالك من نفسك و مش عايز مشاكل يا نغم.
ردت ببساطة: حاضر.
و قومت دخلت الحمام.
في الصباح
نزلت الساعة ستة الصبح ده معاد تحضير الفطار.
كانت حماتي و نادية بس، قولت بابتسامة: صباح الخير
ردوا من غير نفس
سألت: اساعد ازاي
سألت حماتي بسخرية : المحروسة تعرف تعمل ايه.
ردت بغرور: مبعرفش اعمل حاجه علشان عندنا ناس مسؤولة عن شغل البيت، بس علشان خاطر سولي اتعمل كل حاجة.
دخلت سميحة اللي اكتر واحدة كرهني فيهم.
قالت ببرود: كنتي خليتك جنب اهلك.
ابتسمت و قولت: الحب يا سوسو الحب.
اتكلمت نادية علشان تنهي مشكلة على الصبح، فهي ملهاش شخصية ماشية وراء حماتي و سمحية.
المتحكم في البيت حماي و حماتي و صابر و سميحة.
قالت: اعملي السلطة يا نغم سهلة صح.
ابتسمت بامتنان و قولت: سهلة.
و عملت السلطة و نزلت اسماء و كل واحدة تعمل حاجة في الفطار، بالنسبة لي اكل كتير اوي على وجبة فطار بس هما ما شاء الله ياكلوا كتير اوي.
نزلت الرجالة و بعد الفطار بدأنا في ترتيب البيت و أنا قولت أنصف اوضتي الاول.
تمر الأيام و الشهور و أنا و سليم عايشين في سعادة و حب،
و مع أهل سليم في شد و جذب، زاد الأمر سوء أن بعد سبعة شهور و مفيش حمل، و كانت فرصتهم يتكلموا عليا و يجرحوا قلبي.
في كل الشهور دي مخرجتش من البيت و كل ما سليم يقول نسافر زيارة عن اهلي حماي يخترع حجة.
لان من تقاليد البلد و خصوصا البيت اللي تجوز تنسي بين ابها، كأنهم عايشين في الزمن القديم.
و كنت بكتفي بالاتصال معهم و اني مبسوطة و مش عارفة انزل القاهره لأن سليم مشغول....
اهلي مش مستغربين عارفين أن عوايد البلد دي مش زينا.
و حملت سميحة للمرة الخامسة رغم أن معها خمس صبيان.
و نادية تلات بنات و تلات صبيان
و اسماء مخطوبة لابن عمها.
قاعدين الستات نتفرج على التلفزيون.
حطت أيدها على بطنها و قالت: بس يا ود كفاية ضرب في امك.
كانت تقصد توجع قلبي ، و فعلا الموضوع يزعلني اوي ، نفسي يكون بيني و بين سليم ابن يكون رمز حبنا.
كملت كلامه: بقولك يا ارض بؤر مفيش حاجه برضو.
اتجمعت الدموع في عيني و طلعت جري على اوضتي
سمعة ضحك الأربعة عليا ،مش عارفة ليه الكراهية دي.
دخلت اوضتي رميت نفسي على السرير و أنا بعيط و بطلب من ربنا يرزقني بعيل و ينصرني عليهم.
سبعة شهور مش كتير علشان اقلق من تأخير الحمل، بس علشان خاطر اخلص من كلامهم اللي زي السم.
سمعت صوت رسالة بصيت بابتسامة و أنا عارفة صاحب الرسالة ,كان سليم يقولي أنه وصل تحت.
مسحت وشي و ظبطت نفسي و خرجت من اوضتي.
و أنا نازلة السلم كانت سمحية طالعة السلم، و فجأة لقيتها وقعت و هي تصرخ و تقول: نغم عايزة تسقطني.
وقفت مذهولة لساني مشلول عن الكلام.
جت حماتي عليا و صرخت: غيرانه علشان انتي ارض بؤر
محستش بنفسي غير و أنا بزقها و بقول: اخرسي بقا بدل ما اقتلك.
وقعت حماتي على السلم
و ثبت التهمة عليا من غبائي
قال حماي بصوت عالي: عايزة تموتي حماتك و سلفتك.
قعدت على السلم بحزن و ضياع والكل يبص لي بحقد
و سليم واقف بعيد عن الكل بصمت.
#لأجل_الحب
#الفصل_الثالث
#نغم
بقلم منال كريم
/////////////
اتهمتني سميحة اني عايزة أسقطها بالباطل.
و من زعلي زقت حماتي و هددتها بالقتل قدم الكل
بقا الكل يبص عليا بحقد و كراهية
و انا قاعدة على السلم بحزن و ضياع
و سليم واقف بعيد عن الكل بصمت.
عيني جت في عينه ،مش عارفة أزعل منه أو عليه بسبب أهله
كانت سميحة في حضن جوزها، و تبص لي بشماتة.
و حماتي زي القردة دول بسبع ارواح.
قال حماي بصوت عالي: عايزة تموتي حماتك و سلفتك.
صرخت بصوت عالي: ده كدب سميحة اللي وقعت نفسها.
قالت سميحة بحزن: اخس عليكي يا نغم، أنا أعمل كده ليه.
ردت بصوت عالي: معرفش اسالي نفسك.
اتكلمت حماتي: أنا عارفة انك غيرانة منها علشان انتي ارض بور.
الكلمة وجعت قلبي.
حاولت ابين اني جامدة و قولت : اغير منها على ايه، لا هي احلي مني، و لا هي تعليم عالي احسن مني،اغير منها على حاجة مش بايد حد ،دي بايد ربنا.
و كنت طلع اوضتي، لقيت صابر بيقول : استني يا حلوة.
بصيت لي من غير رد
قال هو: اعتذري لسمحية الاول
قولت باستغراب: نعم ياخوي , اعتذر لدي.
و شاورت عليها من فوق لتحت.
قال صابر بغضب: و مالها دي احسن منك في كل حاجة.
بصيت لسيلم ،لازم يتكلم دلوقتي أنا مقدرش عليهم لوحدي
اتحرك سليم و وقف جنبي ، وقال بهدوء: أنا شايف أن عيشتنا مع بعض مش نفعه.
بصيت له بصدمة و الكل كان فرحان، قولت بحزن: قصدك ايه نطلق.
بص لي و قال: لا طبعا، اقصد أن أنا و انتي نسيب البيت ده.
و هنا الكل اتجنن.
قال حماي: يوم ما عرفت أنك تجوز واحدة غريبة قولت تسحبك بعيد عن اهلك.
سليم تنهد و قال: تسحبني ايه يا ابوي، أنا بقول بسبب المشاكل الكتير.
قالت حماتي: المشاكل دي بسبب المحروسة مراتك، طلقها و أنا اجوزك ست ستها و تمل البيت عيال مش الأرض البور دي.
صرخت فيهم بغضب و أنا بقول: عرفتوا منين أن العيب مني مش من سليم.
الكل بص لي كاني عملت جريمة، حتي سليم عيونه كلها غضب ،ليه كل ده ، مش يمكن العيب منه، و دي في الأول و في الاخر حاجة في ايد ربنا.
طلعت و أنا بهرب منهم خايفة أنهر قدمهم و يفرحوا فيا.
بحس اني غلطت ،اهلي ياما حذروني و قالوا بلاش الجوزة دي
هو مش شبهك و أهله مش شبهنا و فعلا طلع كلامهم صح
أنا تعبانة اوي في البيت ده.
و أنا بعيط على مخدتي اللي تعبت من كتر دموعي.
دخل سليم و بص لي و قال: كفاية عياط يا نغم.
اتعدلت و بصيت لي بغضب و قولت: لا و الله ، اللي عايش مع ناس زيكم لازم ده يبقي حاله.
قعد جنبي و قال بحزن: حقك عليا.
صرخت بصوت عالي: كفاية بقا يا سليم، كل مرة حقك عليا و مفيش حاجه بتغير ، اهلك مش بني ادمين، دول زي الوحوش لاني غريبة عنكم يعاملوني اسوء معاملة ،أنا بجد تعبت و مش اقدر أتحمل اللي بيحصل معي.
طبطب على كتفي و قال للمرة المليون : حقك عليا.
بصيت و قولت: احنا لازم نكشف و نعرف سبب تأخر الحمل ايه.
تنهد بحزن و قال: ماشي روحي اكشفي يا حبيبتي
بصيت باستغراب و ردت: اكشف و أنت ايه.
قام من جنبي و قال: أنا مش معيوب.
قومت بغضب و قولت: ايه التخلف ده.
أخذ نفس وقال ببرود: يعني بصي حواليكي كده، اخواتي كلهم يخلفوا.
بقيت مصدومة و أنا بسمع الكلام ده، مكنتش اتخيل أنه بالتفكير الغبي ده، مردتش عليه بالكلام،وبس نظرتي لي كانت كفاية.
دخلت الحمام و أنا مش اقدر اسيطر على دموعي.
كل ما فكر في اللي بيحصل لي من العيلة دي.
بعد شوية خرجت ، لقيت سليم مش في الاوضة.
الصراحة حست براحة، لبست الاسدال و صليت و أنا بدعي ربنا يختار لي الافضل.
خلصت الصلاة و نمت و أنا حاسة براحة كبيرة.
على اذان الفجر
صحيت لقيت سليم نائم جنبي.
بصيت عليه بحب ،انا بحبه اوي بجد، ضحيت بكل حاجه علشان خاطره،عارضت اهلي و سبت احلامي علشانه.
كان نفسي اشتغل بعد الجامعة بس لما قال مفيش شغل نفذت كلامه.
فتح عينه و قال بابتسامة: صباح الخير يا حبيبتي
مردتش و ملامح وجهي حزينة.
مسك ايدي و قال بحب: حقك عليا ، عايزة نروح نكشف حاضر أنا موافق يا قلبي.
أبتسمت و ردت: ربنا يبارك فيك يا حبيبي.
بعد أسبوع سافرنا القاهرة.
روحنا علي مستشفي خالي ، و عملنا تحاليل كتير.
و بعدين روحنا بيت اهلي.
ماما بابتسامة: منور يا سليم.
سليم بابتسامة: شكرا ليكي.
خدني بابا في حضنه و قال: عاملة ايه يا حبيبتي.
نامت على صدره و أنا حاسة بأمان و حب كنت مفتقده.
و قولت بابتسامة: الحمد لله يا حبيبي.
شدني اخوي من حضن بابا و حضني هو و قال بحب: وحشتني اوي، البيت ضلمة من غيرك.
ابتسمت و قولت: البيت وحشني و انتوا وحشتوني اوي.
قعدت اسبوع كنت مبسوطة اوي مكنش نفسي ارجع البلد تاني.
لحد ما جاه اليوم اللي اكتشفت أن سليم لا يمكن يخلف.
كلمني خالي في التليفون و قالي بصوت حزين و متوتر: نتيجة التحاليل طلعت.
خوفت من نبرة صوته و سألت بتوتر: خير يا خالي
قال بحزن: سليم لا يمكن يكون أب الا بمعجزة من ربنا
الصدمة لجمتني و معرفتش ارد.
قال بهدوء: انتي بخير يا حبيبتي.
قولت بهدوء: لو سمحت يا خالي الموضوع ده سر بنا.
سأل بعدم فهم : يعني ايه.
قولت بهدوء: يعني أنا السبب في تأخير الحمل مش سليم .
قال بنفي: لا يا نغم دي تضحية كبيرة جدا، محدش يستاهل كده.
قولت من غير تفكير: يستهل سليم يستهل كل خير لو سمحت نتيجة التحاليل سر بينا متنساش الضمير المهني.
قال خالي: يارب ما تندمي في يوم يا نغم
و قفل الخط
و أنا لفيت في الاوضة و أنا بكلم نفسي: مقدرش اشوفك حزين يا سليم، مش أتحمل كسرت قلبك و عينك قدم اهلك.
كان سليم قعد في الجنينة
جريت عليه و حضنته و عيطت في حضنه و قولت: حبيبي انا آسفة ،انا لا يمكن اكون ام سامحني، سامحني.
خرجني من حضنه وبص لي بصدمة و قال ووووووووو
متنسوش التفاعل يا حلوين
و للحديث بقية
#للأجل_الحب
#نغم
#روايات_بقلم_منال_كريم
❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد وعلى ال سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
❤️❤️❤️❤️❤️❤️❤️❤️
تعليقات
إرسال تعليق