رواية مفيش رحمه الفصل الخامس عشر والسادس عشر والسابع عشر بقلم لولو محمد
رواية مفيش رحمه الفصل الخامس عشر والسادس عشر والسابع عشر بقلم لولو محمد
(((((((مفيش رحمه )))))))
#لولو_محمد
الحلقه الخامسه عشر
روقيه / متخلف اصلا بيقول انى جبت فى الماكيت درجه عاليه لكن طول الفتره اللى فاتت مكنتش بتابع مع اللى اسمها عبير دى و لا بوريها التطورات اللى وصلتلها و فى اكتر من سيكشن غياب فنزلونى عشر دجات كامله فى الاخر بقيت 85
رامى / و انتى زعلانه ليه انا اصلا جايب فكلو على بعضه 70 احمدى ربنا ياختى
رحيم / انا هروح ادفع الماكيتات عن اذنكوا
رحمه / بس على فكره مكيتك كان حلو اوى
رامى / شكل الحيوانات بتاعتى معجبتهمش دانا خدتهم من لعبه بنت اختى والله يلا هرجعملها بقى فلوس ابوها حلال
رحمه / ههههههههههه ماشى
.........
فى البيت
رحيم / ايه رايك نخرج نحتفل بالتفوق الرهيب ده
رحمه / اممممم بجد كان نفسى بس انا منمتش من امبارح عاوزه انام موووووووت
رحيم / خلاص خشى نامى و بكره نخرج
رحمه / سبها لله
رحمه تدخل شقتها و رحيم يروح شقته
........
فى شقه رحمه
حياه / انا كنت عارفه ان بنوتى الحلوه اشطر البنات
رحمه / انا مش هتنازل عن هديه جامده
حياه / لا يا ماما انا بكافئ عالترم كله متدحكيش عليا
رحمه / ولا يهمنى حوشى بقى عشان الترم ده فى جيبى انا داخله انام
حياه / ايه ده مش هتاكلى
رحمه / هموت مالتعب لما اصحى هبقى اكل
رحمه تبوس مامتها و تدخل تنام
......
بالليل
رحيم يدخل شقه رحمه
عفاف / لسه نايمه
رحيم / مين
عفاف / عليا انا برده ياله
رحيم / هههههههه بس يا تيته
عفاف / و هتفضلوا فى الهبل ده لحد امتى
رحيم / و هو انا اللى بداته عشان انهيه
عفاف / الله مش انت الراجل
رحيم / والله رحمه مش شيفانى كدا فقررت اسيبلها هى الطلعه دى
عفاف / انت بتقفل مخك على حاجات ياخى لحظه غضب و انت عارف انها متقصدهاش و بعدين لو انت زعلان منها اوى كدا عمال تلف و تدور حواليها ليه و كل شويه تنطلها و رايح جاى معاها ليه هاه
رحيم / عشان متنيل على عينى بحبها و انتى عارفه يا تيته
عفاف / طب مهى بتحبك
رحيم / تيته بصى مالاخر انا بطلت اقود العلاقه دى انا هستريح شويه و امشى معاها و اشوف رحمه هتوديها لفين
عفاف / كنت فكراك مقتنع ان البنات مبتعرفش تسوق
رحيم / ههههههههههههههههه
رحمه تفتح الباب و هى بتتاوب و تدعك فى عينها
رحمه / الساعه كام حاسه انى واخده علقه سخنه
رحيم / نموسيتك كحلى ياختى دا العشا هتاذن اهى
رحمه / والله كنت مطبقه و تعبت و والله لسه تعبانه كمان
رحيم / سلامتك انا هقوم انزل بقى عاوزين حاجه من بره
رحمه / اه استنى ثوانى
رحمه تدخل الاوضه و تجيب محفظتها و تطلع منها فلوس
رحيم / من اولها كدا شتيمه
رحمه / هو ايه اللى شتيمه
رحيم / بتعملى ايه يا موكوسه
رحمه / انا عوزاك تجيبلى تورتايه كبيره
رحيم / ليه
رحمه / نفسى فى تورته جلاس مووووووت
رحيم / ماشى هجيبلك واحده و انا راجع حاجه تانى
رحمه / طب خد تمنها
رحيم / سلام يا تيته و على رايك شكلنا ناوين نلبس فى حيطه
عفاف / ههههههههههههه مع السلامه يا حبيبى
رحيم يمشى
رحمه / ماله ده
عفاف / من امتى بتديله تمن حاجه يجيبهالك
رحمه / من يوم مبطلنا نحب بعض خلاص انا معدتش ملزمه منه
عفاف / انتى شايفه كدا
رحمه / انتى شايفه غير كدا يا تيته
عفاف / والله انا خلاص عجزت و نظرى بقى على قدى و معدتش بشوف كويس
رحمه / ايه الكلام ده يا تيته طب دانتى اللى يشوفك يقول اصغر منى
عفاف / بطلى بكش و كلمينى جد انتى بجد شايفه انك انتى و رحيم معدتوش بتحبوا بعض
رحمه / احنا محبيناش بعض اصلا يا تيته لو كان رحيم حبنى مكنش سابنى مكنتش ههون عليه اعيط كل الفتره دى منغير ميجى يراضينى
عفاف / انتى بجد مقتنعه ان هو اللى سابك دانتى غلطتى فيه و جرحتيه
رحمه / ورحمه جدوا يا تيته تقفلى السيره دى بقى انا و رحيم اخيرا علاقتنا بقت واضحه احنا ولاد عم و اخوات و متربيين سوا صدقينى كدا اريح للكل رحيم بطل يتخانق مع مامته و حضرتك كمان بطلتى خناق مع بابا و طنط زينب الوضع ده مريح الكل
عفاف / و انتى مرتاحه
رحمه / مع الوقت هتعود و يمكن ربنا يكون مخبيلى حاجه احسن
عفاف / احسن من رحيم
رحمه تبص فى الارض
عفاف/ قومى اتغدى الاكل فى المطبخ تلاقيكى جعانه
رحمه تقوم تجرى
عفاف / والله انتوا جيل ميعلم بيه الا ربنا غاوين تعب
............
فى الشارع قدام بيت رحيم يركن العربيه و رامى ينزل يركب جنبه
رامى / ها هتصيع فين النهرده
رحيم / تلعب بلياردو
رامى / اللعب و هو انا هخاف
فى صاله البلياردوا
رامى / والله انا مش فاهمك و لا فاهمها
رحيم / متحاولش خلينا فيك انت هتفضل تحب من طرف تالت كدا كتير
رامى / ههههههههه خايف ياعم اقولها تصدنى و اخسرها و اهى على الاقل كدا معايا
رحيم / متزعلش منى يا صاحبى بس انا اصلا مش فاهم اشمعن روقيه
رامى / القلب و ما يريد
رحيم / ايوه بس اكيد فى حاجه شدتك ليها
رامى / اكيد يابنى كل بنات الدفعه كوم و روقيه كوم تانى بنت بصحيح يعنى تحسها انثى كدا
رحيم / هههههههههههههه ايوه بس فى بنات كتير بيهتموا بنفسهم فى الدفعه و الكليه فى اعدادى الدفعه الجديده فيها بنات حلوين
رامى / انت اللى بتقول كدا افرض رحمه سمعتك دلوقت هتقول عليك ايه بقى
رحيم / انا خدت فكره بس كنت فاكر انى يمكن الاقى واحده تشد عينى من على رحمه
رامى / ههههههههه ايوه كدا اعدل يابنى انا بحس ان روقيه بت دلوعه كدا و يعنى انت فاهم هتدلعنى بتحب الخروج و الفسح بت فرفوشه كدا مهى مش ناقصه نكد دا غير انها شاطره و زكيه برضه
رحيم / طيب اللعب اللعب دورك
.........
فى البيت رحيم يدخل يلاقى الكل نايم يخبط على اوضه رحمه و يفتح يلاقيها صاحيه قاعده عالفيس
رحيم / ممكن ادخل
رحمه / انت جيت امتى دانا قولت هتبات بره
رحيم / معلش عالتاخير اتفضلى يا ستى اكبر تورته جلاس فى المحل عشان خاطرك هتدينى حته بقى و لا ايه
رحمه / ثوانى هجيب سكينه و اطباق و عندنا كانز فى التلاجه استنى
رحيم يوسع الحاجات من على الترابيزه يلاقى اللبوم صور يفتحه يتفرج يلاقى صور رحمه و رحيم يقعد عالسرير يتفرج عليه رحمه تدخل تحط الحاجات عالترابيزه
رحمه / اللى واخد عقلك
رحيم / تعرفى انى عمرى مفكرت اتفرج عالصور القديمه دى بجد كان لينا صور جامده اوى مع بعض
رحمه / كنا مشغولين ناخد صور جديده و مش فاضين نبص عالقديم
رحيم يقوم يطلع موبايله و يصور التورته و الاطباق و الكانز و بعدين يروح يقف جنب رحمه و يتصور جنبها
رحمه / هههههههههههه انت بتعمل ايه
رحيم / اكيد فيوم مالايام هنضور على صور الفتره دى و مش هنلاقى
رحمه / لا هتلاقى انا عامله سى دى عليه كل الصور من ساعه مجبنا موبايل بكاميرا و سبنا الكاميرا العاديه
رحيم / احلى حاجه فى البنات النظام دانا جهاز الكمبيوتر و الموبايل بتوعى مليانين هحطهملك على سى دى انا كمان و اجيبهم تعينيهم معاكى
رحمه تقطع التورته و تدى لرحيم طبق و هو ماسك موبايله و عمال يصورها و هى بتقطع التورته
رحمه / بطل بقى
رحيم / ليه كل صورك حلوه اتفرجى
رحمه / شكرا انا مش فاضيه عاوزه ادوق التورته و لا انت جايبها تغيظنى بيها
رحمه تبدا تاكل و رحيم بيكمل تصوير
رحمه تلحوس المعلقه و تعوص رحيم فى وشه
رحيم / و ادى سيلفى اللحوسه
رحمه / هههههههههههههههه انا هروح احط الباقى فى الفريزر لحسن يسيح
رحمه تروح ترجع متلاقيش رحيم و تلاقى الالبوم مقفول و فى صوره عليه بتاعتهم و هما ماسكين ورقه مكتوب عليها together for ever تبصلها و تتنهد و تحطها مكانها فى الالبوم تانى و تمسك منابها و تعد تاكل و هى زعلانه
...........
بعد فتره فى الكليه
عبير / ديزاين تحفه يا رحمه بس اللاند سكيب محتاج شويه شغل كملى برافو
عبير تمشى
رامى / ماشيه معاكى حلاوه يا عم
رحمه / هههههه شكرا
روقيه / بس حلوه فكره حمام السباحه دى مع انى شايفه انها اهدار فى المساحات
رحمه / ازاى فيلا دوبلكس و مفيهاش حمام سباحه
روقيه / انا عامله حمام السباحه فى الدور الارضى اندور عشان استغل اكبر مساحه ممكنه
رامى / ايوه بس انتى يا روقيه تقريبا لغيتى الجنينه خالص فى تصميمك
روقيه / انا الديزاين بتاعى عملى
رحيم يدخل / انا جعان و هنزل اجيب حاجه اكلها اجيبلكوا حاجه معايا
رحمه / بشمهندسه عبير قالتلك ايه عالديزاين
رحيم / قالتلى كويس بس محتاج اظبط حاجات فى الواجهه
رحمه / تمام انا هاجى معاك اهو اخد ريست و افرد ضهرى شويه
روقيه / انا كمان جايه معاكوا
رامى / بقولك يا روقيه كنت محتاجك يعنى تسعدينى فى التهشير ممكن
روقيه / حاضر هاتولى معاكوا باكيت بطاطس و ماونتن ديو بليز
رحيم / حاضر و انت يا رامى
رامى / لا انا اتنين شاورمه و كنز
رحيم / حاضر سلام
رحيم و رحمه يمشوا
روقيه / يلا اساعدك
رامى / لا انا بصراحه كنت بوزعهم عشان ....
روقيه / بتوزعهم و لا بتبعدنى عنهم
رامى / لا بوزعهم
روقيه / بص انا ورايا حاجات اخلصها فى لوحى عن اذنك
روقيه تمشى و هى متنرفزه و رامى يروح وراها
رامى / ممكن افهم انتى افورتى ليه
روقيه / عشان انتوا بتعاملونى على انى دخيله
رامى / احنا مين بالظبط
روقيه / انت فاكرنى مش واخده بالى من معامله رحمه ليا هى فاكره نفسها ايه يعنى
رامى / ايه علاقه رحمه بكلامنا طيب
روقيه / على فكره انا مش قادره افهم هى مش سابت رحيم و خلاص ايه بقى اللى مخليها لزقاله اوى كدا لا و كمان اى واحده مجرد تتكلم معاه تبقى عدوتها
رامى / انا اعرف رحمه و رحيم من ابتدائى على فكره هما الاتنين كدا حتى رحيم بيكره اى حد يتكلم معاها هما الاتنين مبيرتاحوش غير مع بعض فتاقلمى و بعدين خناقتهم دى تفاهات بكره هتلاقيهم رجعوا لبعض و لا كان فى حاجه حصلت
روقيه /يا سلام ازاى بعد اللى حصل
رامى / هو كان ايه اللى حصل هى اتنرفزت شويه و هو اتنرفز و خلاص و بكره هيروقوا و يتصالحوا و هتشوفى
روقيه / بعد كل الفتره دى
رامى / هتشوفى هما الاتنين ملهمش غير بعض و بكره تشوفى
روقيه / هنشوف بخصوص الموضوع ده
..........
فى الكافيريا
رحيم / ايه رايك فى حوار مشروع الترم التانى ده
رحمه / عادى يعنى انا باذن الله هكون الاولى لو انت بقى عاوز تبقى شريكى فى المشروع لازم تركز اكتر عشان تطلع التانى
رحيم / هههههههههههههه يا واد انت يا متمكن
رحمه / انت ليك راى تانى
رحيم / رايى انى الاول محجوزلى يا ماما متحاوليش بس يعنى انا ممكن اتنازلك عنه لو يعنى ....
رحمه / تتنازل مين يا بابا انسى
رحيم / بقولك ايه احنا بقالنا شهر كامل فى المشروع ده متيجى ناخد يوم اجازه
رحمه / دلوقت بعد مخلاص قربنا نخلص لا بص احنا نشد الفتره دى و لما نخلص ناخد اجازه براحتنا
رحيم / يعنى موحشتكيش خروجات زمان
رحمه / اكيد وحشتنى انا بقالى فتره طويله مخرجتش بس هعمل ايه بس انا بجد ....
رحيم / خلاص خلاص اللى تشوفيه بس بلاش البوز ده و النبى
رحمه / بوز فى عينك انت تطول اصلا ابصلك
رحيم / اطول متبصى لنفسك الاول يا اوزعه و بعدين اتكلمى عن الطول
رحمه / ههههههه ماشى يا فرع اتحرك خلينا نرجع القاعه قبل الاكل ميبرد
رحيم / اتفضلى لايدز فيرست
..............
قبل تسليم المشروع بتلت ايام
رحمه / اخيرا خلصت
رحيم / ايه السرعه دى انا لسه فاضلى اللاند سكيب
روقيه / خلصتى ازاى ورينى ورينى
رحمه / هروح انادى بشمهندسه عبير عشان تشوف
رحمه تمشى
روقيه / فعلا خلصت
رحيم / و المشروع تحفه مفتكرش فيه غلطه
روقيه / ازاى خلصت بالسرعه دى ازاى
رامى يدخل / صحيح اللى سمعته رحمه خلصت ورينى مشروعها بجد تحفه واو
عبير تدخل مع رحمه
عبير / ورينى
عبير تتفرج و رحمه واقفه مبسوطه جنب رحيم و الكل مستنى راى عبير
عبير / ممتاز غطيه و عينيه للسبت بقى برافو عليكى انا متاكده انك هتطلعى الاولى و انت يا رحيم ايه الاخبار و رينى وصلت لفين
رحيم / اتفضلى
رحيم و عبير يروحوا لترابيزه رحيم
رحمه / مالك يا روقيه انتى كويسه
روقيه / هاه ... مبروك بجد فرحتلك اوى
رحمه / تحبى اساعدك فى مشروعك عشان تلحقى تخلصى
روقيه / لا شكرا انا مبحبش حد يحط ايده فى لوحى اصلك متعرفيش ممكن اى حاجه تحصل بالغلط
رحمه / انتى شايفه كدا طب عن اذنك اشوف رامى يمكن هو يسمحلى اساعده
رحمه تروح لترابيزه رامى و تبدا تساعده شويه و رحيم يروحلهم
رحمه / ها قالتلك ايه
رحيم / يابنتى مقولتلك انا الاول بكتساح انا بس اخلص و هتشوفى
رامى / متحترموا نفسكوا بقى انا لسه مخلصتش حاجه
رحيم / خلاص يا عم اهى رحمه خلصت و هتفضل طول اليوم تساعدك و انا بكره هخلص اللوحه اللى معايا و هتفرغلك خالص
رامى / اجدع صحاب فى الدنيا
...........
اخر اليوم
رامى / انتى تعبتى و لا ايه
رحمه / هاخد ريست خمس دقايق كدا و ارجع اكمل
رامى / يا بنتى لو تعبتى روحى مش مشكله انتى شغاله مالصبح
رحمه / انا هاخد ريست خمس دقايق هروح ابص على رحيم و ارجع
رامى / اوك براحتك
على ترابيزه رحيم
رحمه / ايه متعبتش
رحيم / خلاص بجد مش قادر بس اخر لوحه عشان اسلم بكره الصبح و ارتاح زيك
رحمه / مش باينلها راحه رامى لسه فاضله كتير اوى ولا لوحه خلصانه
رحيم / ههههههههههه اه شوفت مشروعه اشتغل فى كل اللوح مره واحده بس كل لوحه فاضل فيها حاجات بسيطه يعنى
رحمه / اه خت بالى انت فاضلك اللوحه دى بس صح
رحيم / اه بس مش عاوزه تخلص انا فيها مالصبح لما زهقت منها
رحمه / تحب تاخد ريست
رحيم / مستحيل انا لازم اخلص عشان اسلم يلا اتفضلى ساعدى رامى عشان ساعه و هنروح
رحمه / حاضر حاضر متزقش
رحمه تمشى و روقيه تيجى مكانها
روقيه / اخبار شغلك ايه واو بجد تحفه
رحيم / شكرا و انتى اخبارك ايه
روقيه / ملل ملل ملل حاجه اخر ملل
رحيم / لا شدى حيلك عشان تخلصى
روقيه / تحب اساعدك فى حاجه
رحيم / كتر خيرك انا خلاص فى اخر لوحه
روقيه / اوك خلصها بسرعه بقى عشان تيجى تساعدنى
رحيم / باذن الله
روقيه / انت ايه رايك تفتكر مين هيكون شريكك فى المشروع الترم الجاى
رحيم / انا واثق ان المركز الاول و التانى محجوزين باسمى انا و رحمه
روقيه / متتعشمش اوى انا موجوده فى المنافسه
رحيم / ههههههههه اكيد بس رحمه مشروعها ممتاز و اعمال السنه بتاعتها عاليه دا غير مشروع الماكيت الاول مضمون ليها و انا بصراحه مش هتنازل عن التانى ابدا فالمنافسه اللى بجد بينى و بينك خدى بالك بقى هههههههههههه
روقيه / لا متقلقش انا واثقه ان المنافسه دى محسومه عن اذنك
.......
تانى يوم الصبح
روقيه تدخل القاعه قبل اى حد و تطلع لوح رحمه و تفردهم على الترابيزه و تمسك ترمس النسكافيه بتاعها و تغرق بيه اللوح و تغطيها و تحطها مكانها و تمشى منغير محد يشوفها و تروح تستنى فى الحمام و شويه و رحمه و رحيم يدخلوا اول ناس رحيم يطلع لوحه و يفردها و يبدا يشتغل و رحمه تساعده شويه و باقى الطلبه يوصلوا واحد ورا التانى عبير تدخل مع الدكتور
عبير / بشمهندسه رحمه لوسمحتى افردى مشروعك الدكتور عاوز يشوفه
رحمه تروح تطلع لوحها تلاقيها متبهدله عالاخر
رحيم / مين الحيوان اللى عمل كدا
عبير / يا خبر ازاى ده حصل
رحمه تعيط جامد روقيه تحضنها
روقيه / انا مش قادره اصدق يا خبر هتعملى ايه دلوقت معقوله هتلحقى تخلصى المشروع كله فى يومين بس دا النهرده الاربع و التسليم السبت
عبير / هنعمل ايه يا دكتور انا استلمت منها المشروع بنفسى مكنش فيه غلطه امبارح
الدكتور / انا متاسف اوى يا بنتى بس المناقشه بيحضر فيها لجنه من الدكاتره محدش فيهم شاف مشروعك
رحيم / يعنى ايه عادى كدا اى حد يبوظ مشروع اى حد كدا عادى كنا بنسيب مشاريعنا فى الكليه ليه بقى
عبير / عيب يا رحيم اتكلم باسلوب احسن من كدا
الدكتور / معاك حق كلو ياخد لوحه معاه البيت النهرده و تيجوا بيها يوم السبت
رحمه / طب و انا كدا خلاص تعبى كله راح
الدكتور / انا متاكد انك هتلحقى تعيدى اكبر قدر منه و انا هبقى اشرح للجنه اللى حصل
رحيم / تعيد ايه ده شغل شهر كامل داحنا اتفحتنا
الدكتور يمشى
عبير / كلو ياخد حاجته و يوديها البيت
رحمه تقعد تعيط و رحيم جنبها عبير تروحلها
عبير / اسمعى انا لو مكنتش شوفت مشروعك بنفسى كان ممكن افتكر انك عملتى كدا عشان ملحقتيش تخلصى بس انا متاكده اننا هنلحق نعيده
رحمه / ازاى بس
رحيم / لو بطلتى عياط هنروح و نبدا فيه مالاول
رحمه / انت بتهزر عمرى مهلحق
عبير / انا هساعدك بس اللجنه لازم تيجى تلاقى فى مشروع
رحيم / انا هنزل الحاجات العربيه بطلى عياط
رامى / انا هساعدك
رامى و رحيم يشيلوا الشسيهات و ينزلوها العربيه و روقيه تروح تطبطب على رحمه
روقيه / دى كانت ضامنه تطلع الاولى يا خساره
رحمه / انا مش عارفه مين اللى بيكرهنى اوى انه ياذينى كدا انا عمرى ماذيت حد
روقيه / انتى عارفه بقى الناس بقت وحشه اوى اوى
عبير / على العموم انا هحاول اساعدك على قد مقدر
روقيه / والله انا كمان كان نفسى اساعدك بس هعمل ايه بس انا مخلصتش مشروعى
رحمه / كانك ساعدتينى بالظبط انا عارفه
رحيم يطلع و رامى معاه
رحيم / يلا اروحك بقى عشان ترتاحى شويه على مجيبلك الشاسيهات الجديده
رحمه / يلا
عبير / انا هاجى معاكم
روقيه / معلش يا رحيم ممكن توصلنى فى طريقك عشان الشاسيهات اللى معايا مش هعرف اشيلها
رحيم / هوصلهم و ارجع اخد حاجتك انتى و رامى و اوصلكوا
رامى / تمام
...........
فى البيت عند رحمه
حياه / طب بس اهدى و بطلى عياط
رحمه / بوظولى مشروعى يا ماما
عبير / يابنتى العياط مش هيفيد بحاجه جهزى حاجتك على مرحيم يجيب الشسيهات الجديده و احنا هنساعدك
حياه / انا مش فاهمه هو مش المفروض بيسيبوا الحاجات فى الكليه
عبير / اول مره حاجه زى دى تحصل بس ممكن برده يكون وقع من حد غصب عنه
رحمه / ازاى و الشسيهات كانت محطوطه جوه الكوفر بتاعها و اشمعن شسيهاتى انا
عبير / طب يعنى اقولك ايه
عفاف تدخل و معاها كوبايه عصير
عفاف / اشربى دى تهدى شويه
شويه و رحيم يوصل مع عماد و يحطوا الحاجات جنب الحيطه
عماد / هو انا اقدر اساعد معاكوا
رحيم / بصى انا هاخد شاسيه و ابدا فيه فى اوضتى و انتى ابدئى فواحد
رحمه / انت مخلصتش
رحيم / ملكيش دعوه خلينا فيكى انتى الاول
رحيم و عماد يروحوا شقه رحيم و رحمه و عبير يبداوا يشتغلوا
...........
فى اوضه رحيم
عماد / اعمل ايه
رحيم يلزق ورق شفاف مرسوم عليه حاجات على الشاسيه
رحيم / دوس عالرسمه دى عشان تنطبع
عماد / حاضر
عماد يبدا يشتغل و رحيم يحط شاسيه تانى عالسرير و يبدا يشتغل و هما بيتكلموا
عماد / صحيح يا رحيم مين المزه اللى مع رحمه هناك
رحيم / متتلم و تركز احنا ناقصينك
عماد / يعنى من باب العلم بالشئ يعنى انا اخوك برده
رحيم / دى بشمهندسه عبير المعيده بتاعتنا اتخرجت السنه اللى فاتت حلوه المعلومات دى و لا اجيبلك رقم بطاقتها كمان
عماد / حلوه هى حلوه بعقل
رحيم / هو انت مش هتتهد ابدا مفيش فرخه بتعدى من قدامك الا لما بتعمل الحركتين دول
عماد / لا بس دى فرخه قصدى بت جدعه يعنى انها تيجى هنا تساعد رحمه و كدا
رحيم / منه لله الكلب اللى عمل كدا انا مش فاهم ايه الحركات دى
عماد / منه بتحكيلى عن زميلتها فى الكليه جالها عريس زميلهم و ابوها رفضه و كرشه اتارى تقريبا كدا كل دفعه بتعمل موقع زى منتدى كدا عالنت و هو كان الادمن فخد ايميلات الدفعه كلها و بعت عليه من ايميل تانى ان البت دى متجوزه عرفى و متصوره فاوضاع مش اللى هى يعنى و انه هينزل الصور دى عشان قال ايه يحذر باقى البنات متفسدش اخلاقهم و كدا
رحيم / هى وصلت للسفاله دى
عماد / زى مبقولك كدا ابوها بقى راح مباحث النت و جابوا الاى بى بتاع اللى عمل كدا و طلع الواد بس الواد اكمنه فى اخر سنه القاضى برئه عشان ميبوظش مستقبله يعنى بس بعد منطق الحكم قاله متعملش كدا تانى
رحيم / ايه التخلف ده و هى سكتت
عماد / منه بتقول ان ابوها كان عاوز يستانف الحكم بس هى كانت اتخنقت و على العموم هو اتفضح فى الكليه
رحيم / دى كان ممكن تتجوزه ازاى ده دا عيل ابن كلب زباله
عماد / ياما هنشوف يابنى تعرف لما كنت انا فى الكليه كان فى بت قمر اسمها ايه البت دى كانت صاروخ يخربيتها
رحيم / مالها يعنى
عماد / كنا مره فى الكورس و فجاه لقيناها بتدي للمعيد مالمنقى يا خيار مسحت بكرامه امه الارض و محدش عارف هى عملت كدا ليه و ازاى هو ساكت كدا اتارى البيه بقى كان رايح جاى يقول انها خطيبته و ان محدش يكلمها و كدا و كان عايش الدور فالبت بقى ظبطته
رحيم / جدعه و هو عمل ايه
عماد / هيعمل ايه ياعم احنا كنا فاكرين انها هتشيل بس البت هددته انها هتروح تقول للدكتور على عملته دى لو فكر يقربلها تانى بنت اللذينه جابت جيد جدا
رحيم / هههههههههه هو ايه اللى حصل فى الدنيا
عماد / يابنى الاخلاق بقت فى الارض و اهو على يدك اللى بعت للى اسمها ايه دى روقيه باين رسايل من موبايلك و اللى عمل كدا فى رحمه و لسه ياما هتشوف زونب و اسافين هو احنا فى المصنع مش كل يوم يجى حد مقدم فينا بلاغ كيدى اى هبل اللى يقولك تراخيص و اللى يقولك اشغال طريق و احنا بنحمل او بنزل فى المعارض فعادى البلد دى الكل بيقطع فى الكل متستغربش
رحيم / بس ده مستقبل
عماد / هو كل المواقف اللى حكيتهالك دى مش مستقبل ناس يابنى فوق دا الرسول صلى الله عليه وسلم
رحيم / عليه الصلاه و السلام
عماد / مقدرش يبرء ستنا عائشه باين من حديث الافك يعنى الكلام و الئذى منذ فجر التاريخ و عندك مرات عزيز مصر مش رمت بلاها على سيدنا يوسف و رمته فى السجن و لا هو مش هابيل قتل قابيل يابنى بطل الطيبه اللى فيك الدنيا دى الشر ممشيها
رحيم / و يبقى الخير فى امتى اللى يوم القيامه
عماد / ايوه انا بقولك بس عشان شايفك متفاجئ ماللى حصل مع رحمه
رحيم / انا بجد زعلان عشانها اوى هى تعبت اوى فى المشروع ده ربنا يعينها
عماد / خلصت اعمل ايه
رحيم / بالسرعه دى
عماد / عيب عليك هو انا جديد فى الرسم
رحيم / طب ثوانى هلزقلك غيرها
............
فى اوضه رحمه
رحمه حاطه شاسيه عالسرير و بترسم عليه و عبير حاطه واحد عالترابيزه و بترسم عليه و هما بيتكلموا
عبير / ممكن اعرف بتعيطى ليه مش احنا بنساعدك
رحمه / انا بجد مخنوقه اوى مين بيكرهنى اوى كدا عشان يعمل فيا كدا
عبير / مش شرط يكون حد بيكرهك يمكن يعنى حد بيحاول يوقعك عشان يجيب تقدير اعلى
رحمه / يالله حسبى الله و نعم الوكيل ضيعوا مستقبلى
عبير / بلاش تشاؤم على الاقل احنا اكتر من شخص و كمان بننقل مشروع مرسوم يعنى مفيهاش تفكير و لا تصميم الحاجات اللى كانت بتاخد وقت هننقله زى معملتيه بالظبط متخافيش هنلحق نخلص
رحمه / ازاى و التسليم يوم السبت الصبح الساعه 8
عبير / يابنتى هتشوفى انا عمرى معملت الحركه دى مع حد عمرى محطيت ايدى فلوحه حد غير يعنى بساعد فى الروتوش لكن انتى تستاهلى فركزى بقى و بلاش نكد
رحمه / انا عمرى مهنسى اللى بتعمليه ده
عبير / ههههههههه الجمله دى محتاجه حضن بس هناجله لحد منخلص ماشى
رحمه / هههههههه ماشى
عماد يدخل
عماد / عاوز شاسيه الاصلى بتاع القطاعات
رحمه تقوم تطلعهوله
رحمه / اتفضل ... فى شاسيه ناقص
عماد / احنا معانا واحد كمان غير ده هناك
تليفون عبير يرن
عبير / ايوه يا ماما .... لا انا عند واحده صاحبتى .... لا هتاخر شويه معلش نسيت اكلمك ابلغك .... هبقى احكيلك لما اجى .... ماشى يا حبيبتى سلام
رحمه / عملالك مشاكل
عبير / لا انا نسيت اتصل بماما اقولها فلما اتاخرت اتصلت هى
شويه نحنحه و رحمه قاعده بتتفرج
عماد / لو عاوزه تروحى ممكن اوصلك عادى
عبير / ميرسى كتير كلك زوق بس انا هساعد رحمه شويه لسه قبل مروح
عماد / انا عماد على فكره اخوا رحيم الكبير
عبير / بجد لا مفيش شبه بينكوا
عماد / عارف انا احلى مش كدا
عبير / ههههههههه
رحيم يدخل
رحيم / عن اذنكوا بس الشاسيه ده عشان انا عطلان هناك
عماد / لا انا جاى معاك ..... انا لازم انا اللى اوصلك اوعى تمشى
رحمه / مش هتمشى اخلص
عماد و رحيم يمشوا
عبير / زوق اوى عماد
رحمه تبتسم
.................
فى اوضه رحيم
عماد / شوفتهاش انت و هى بتقولى ميرسى اوى كلك زوق تحس ان بوقها هيتكسر و هى بتتكلم من كتر الرقه
رحيم / ارحم امى العيانه و اشتغل
عماد / انا مشوفتش دبله متعرفش انت ياض الحوار
رحيم / لا معرفش و مش فاضى لما تبقى تروحى ابقى اعرف منها براحتك
عماد / بقى لوزه زى دى تبقى فاضيه ازاى ليه الرجاله عميوا
رحيم / سابولك انت النظر
عماد / تفتكر عندها كام سنه انا كنت فاكرها معاكوا فى الدفعه
رحيم / ازاى يعنى مش اقل من واحد و عشرين على فكره يمكن اتنين و عشرين كمان
عماد / انا ماشى فى السبعه و عشرين طب والله فرق حلو
رحيم / وله فوق دى المعيده بتاعتى يعنى اى حركه قله اصل منك
عماد / بس يا اهبل هو انا وش ذلك برضه
رحيم / دنت ذالك و ابوه و امه اتنيل اشتغل
عماد / اتنيلت بلا قرف
......
بعد فتره فى اوضه رحمه
عبير / وصلتى لفين .... طب تمام اوى انا خلصت اللوحه كلها فاضل التحبير و التلوين
رحمه / و انا كمان تقريبا زيك
عبير / طب بصى معلش انا لازم امشى هحاول اجى الصبح بدرى على قد مقدر ماشى
رحمه / لا عادى براحتك والله انجزتى كفايه تعبك طول اليوم
عبير / خلاص كملى بقى و انا هشوفك بكره
رحمه / ثوانى هنادى على عماد يوصلك
عبير / ملوش لزوم هاخد تاكس من قدام البيت
رحمه / على فكره عماد مؤدب
عبير / باين عليه
رحمه تمسك الموبايل و ترن على عماد
رحمه / الو ... بشمهندسه عبير هتروح هتوصلها و لا ايه .... اوك سلام .... جاى حالا
عبير / انا مش عاوزه اتعبه والله
عماد يدخل جرى / تعبك راحه اتفضلى
رحمه / مع السلامه
رحمه توصل عبير و عماد للسلم و تروح تبص على رحيم و شغله
رحمه تدخل اوضه رحيم
رحمه / بسم الله ما شاء الله
رحيم / ايه رايك فى الشاسيه اللى عالسرير فاضل التحبير و التليون و بخلص فى رسم الشاسيه بتاع عماد
رحمه / طب انت خلصت الشاسيه اللى كان باقيلك
رحيم / هخلصه لما اخلص
رحمه / لا ابدا بيه فنشه مش هياخد حاجه
رحيم / بقولك ايه امسكى طقم اقلام التحبير و خلصى اللوحه اللى عالسرير بطلى رغى مفيش وقت
رحمه / حاضر حاضر
رحمه تبدا تشتغل و حياه تدخل عليهم و فى ايدها صينيه شاى و ساندوتشات
حياه / هى صاحبتك مشيت
رحمه و هى بتشتغل / دى المعيده بتاعتى اه مشيت
حياه / طب اقدر اساعد فى ايه طيب بدالها
رحيم / بصى يا ماما تعالى
رحيم ياخد حياه الاوضه التانيه و يشيل الشاسيه اللى عالترابيزه و يحط واحد تانى و يمسك ورق شفاف و يلزق كذا واحد
رحيم / دا شفاف كربون لو دوستى عالرسومات دى هتنطبع عالشاسيه فامشى عالرسومات كلها بالقلم و خلصى على قد متقدرى
حياه / ماشى سهله
رحيم / انا بخلص هناك مع رحمه
حياه / تفتكر هتلحق
رحيم / باذن الله انا مش هنام الا لما تخلص
حياه تطبطب على كتف رحيم و رحيم يمشى
........
فى عربيه عماد
عماد / وصلنا بالسرعه دى معقول
عبير / شكرا تعبتك معايا
عماد / تعبك راحه هو انتى هتيجى بكره تانى .... قصدى يعنى عشان تساعدى رحمه
عبير / باذن الله هحاول
عماد / ممكن تفتحى الدرج
عبير تفتح الدرج
عماد / خدى كارت
عبير تاخد كارت
عماد / ده رقمى كلمينى اجى اخدك عشان متتبهدليش فى التاكسيات انا خلاص حفظت العنوان خمس دقايق و اكون قدامك هوا
عبير / مش عاوزه اتعبك
عماد / تعب ايه داحنا اللى تاعبينك انا مشوفتش فى حياتى معيده حلوه قصدى يعنى معيده بتروح للطلبه تساعدهم فى البيت يعنى انتى فاهمه محدش بيعمل ده لوجه الله دلوقت
عبير / هى اصلها صعبت عليا اوى حرام الترم يروح عليها بعد كل تعبها و رحمه كمان بنت شاطره و مؤدبه اوى و ملتزمه
عماد مبتسم
عبير / ايه بتبصلى كدا ليه
عماد / هاه
عبير / اوك انا اخدت الكرت سلام
عماد / سلام
عبير تنزل و عماد يروح
........
فى البيت
عماد / انا بقى جبتلكوا السوبر ماركت كلو شيكولاته و عصير و كل حاجه
رحمه و هى بتشتغل / تعرف تلون
عماد / ايه
رحيم / تلون اديك علبه اللوان و تلون
عماد / دانا فى التليون فنان انتوا فاكرين ايه دا اى عيل صغير يعرف يلون
رحيم / طب بص روح اوضه رحمه هتلاقى لوحه عالسرير طلع اختها و علبه الالوان و اعمل منها صوره طبق الاصل و خد بالك الغلطه بفوره انت فاهم مش هنعيد شغل اليوم كله
عماد / عيب عليك يا جدع
عماد يمشى و رحمه و رحيم يشتغلوا و هما بيتكلموا
رحمه / حلوه بشمهندسه عبير صح
رحيم / مختش بالى
رحمه / انا قصدى على عماد شكلها هى اللى هتعرف تظبطه
رحيم / هى جدعه و شكلها محترمه يعنى
رحمه / فعلا و على فكره انا شايفه كيمسترى عاليه بينهم
رحيم / بس عماد مبيسترش
رحمه / لانه محبش قبل كدا
رحيم / ايوه كل شويه يلاقى واحده حلوه يقعد يعيش الدور كام يوم و شويه و يحلقلها و يعمل مشاكل
رحمه / انا فرحانه معرفش ليه
رحيم/ يارب دايما
رحمه / انت ليه بتساعدنى
رحيم يبصلها / انتى هبله و لا شاربه حاجه ايه السؤال ده
رحيم يكمل تحبير
رحمه / لا بس انت سايب مشروعك و درجاتك و مستقبلك و بتشتغلى ليه
رحيم / عشان انتى بنت عمى و مستقبلك هو مستقبلى
رحمه / بس
رحيم يسكت
رحمه / ركز ركز عشان متغلطش
رحمه تكمل شغل
.......
حياه / اخيرا خلصت دا طلعوا بتوع عماره دول بيتعبوا اوى يا عماد
عماد / انا خلاص معدتش شايف قدامى اصلا
حياه / خلاص يا حبيبى كفايه و خش نام انت
عماد / و رحمه
حياه / انت بتعمل ايه .... طب خلاص فاضل حاجات بسيطه روح نام و انا هكمل
عماد / ماشى اول مصحى هكملها
عماد يمشى و حياه تكمل مكانه
......
فى اوضه رحيم
رحمه / مش قادره خلاص تعبت ضهرى بيتقطع
رحيم / شيلى الشاسيه و افردى ضهرك عالسرير شويه و بعدين كملى انا خلصت تحبير و هبدا فى التلوين اهو
رحمه / لا كفايه عليك انت كمان احنا انجزنا حبه حلوين كفايه و نام شويه دى تالت كوبايه قهوه تشربها
رحيم / لو تعبتى روحى نامى انت انا مش هنام الا لما اخلص
رحمه / احنا بقالنا تمن ساعات شغالين متواصل حرام كفايه صحتك يابنى
رحيم / قولتلك لو تعبتى نامى انتى انا هكمل
رحمه / لا مش هنام و اسيبك انا هريح حبه هنا اهو و هقوم اكمل
رحيم / ماشى
......
فى اوضه رحمه حياه خلصت تلوين اللوحه و تطلعها نسخه من لوحه رحمه الاصليه تروح اوضه رحيم تلاقى رحمه رايحه فى النوم و رحيم بيشتغل
حياه / هى نامت
رحيم / هههههه هش اه نامت قالت هتريح بس اول محطت راسها عالمخده نامت
حياه / يا حبيبتى يا بنتى انا هقومها تروح تنام فى اوضتها
رحيم / استنى استنى لو قومتيها هتصحى و تكمل شغل سيبيها ترتاح شويه
حياه / بس هى .....
رحيم / وصلتى لفين يا ماما
حياه تبص لرحمه نايمه و تبص لرحيم رحيم ياخد علبه الالوان و يروح مع حياه اوضه رحمه و يقفل عليها الباب
حياه / انا خلصت دى ايه رايك بقى
رحيم / فنانه والله يا ماما من يومك
حياه / ادينى شغل غيره يلا
رحيم استنى ثوانى
رحيم يروح اوضته و يجيب الشاسيه اللى رحمه كانت شغاله عليه و الاصلى بتاعها و يحطهم على سرير رحمه فى اوضتها
رحيم / كملى ده و انا هخلص تحبير اللوحه اللى شفتيها دى
حياه / ماشى
((((((مفيش رحمه ))))))
#لولو_محمد
الحلقه السادسه عشر
رحيم / وصلتى لفين يا ماما
حياه تبص لرحمه نايمه و تبص لرحيم رحيم ياخد علبه الالوان و يروح مع حياه اوضه رحمه و يقفل عليها الباب
حياه / انا خلصت دى ايه رايك بقى
رحيم / فنانه والله يا ماما من يومك
حياه / ادينى شغل غيره يلا
رحيم استنى ثوانى
رحيم يروح اوضته و يجيب الشاسيه اللى رحمه كانت شغاله عليه و الاصلى بتاعها و يحطهم على سرير رحمه فى اوضتها
رحيم / كملى ده و انا هخلص تحبير اللوحه اللى شفتيها دى
.......................
رحيم / احنا كدا خلصنا لوحه كامله من خمسه باذن الله هننجز قبل التسليم
حياه / باذن الله بس انت متعبتش يابنى دانت صاحى من بدرى
رحيم / اعمل ايه بس يا ماما رحمه تعبت اوى فى المشروع ده و بجد كان حلو اوى و حرام تتظلم عشان حد متخلف بجد لو مسكته
حياه / انت عارف انى بحبك اوى يا رحيم
رحيم / و انا كمان بحبك اوى يا ماما
حياه / ايه اللى حصل بينكوا
رحيم / الشعريه اتحرقت هههههههه
.....................
رحيم بيدحك دحكه مكسوره و يكمل شغل حياه تسكت و تبدا تلوين و اول متخلص
حياه / اه يا ضهرى مش قادره
رحيم / كفايه يا ماما خشى انتى نامى
حياه / و هتفضل انت صاحى
رحيم / ارتاحى انتى بس و الصبح ابقى كملى
حياه / طب نام شويه يا حبيبى حرام عليك نفسك
رحيم / هنام هخلص و هشيل الشاسيه ده و انام هنا خشى انتى ارتاحى عموا هيجى الصبح مالسفر هيلاقيكى تعبانه هيزعل
حياه / زعله مش هيبقى اقل من زعله على رحمه و اللى حصلها
رحيم / نامى و كل حاجه هتبقى تمام
حياه / طب مش عاوزنى اساعدك فى حاجه اعملك حاجه
رحيم / تسلميلى خشى بس انتى ارتاحى
حياه تدخل اوضتها و تنام و رحيم يكمل شغل فى اللوحه اللى فى ايده و يخلصها و يكمل تلوين اللوحه اللى كانت عالسرير و اول ميخلصها يشيلها و يروح اوضته ياخد الشاسيه اللى كان عالترابيزه و الاصلى بتاعه و اول ميشيله رحمه تقوم تقف و هى بتتطوح رحيم يسيب اللوح بسرعه و يسندها
رحيم / ايه اللى قومك ارتاحى
رحمه و هى مسنوده على رحيم و لسه نايمه
رحمه بتتكلم و هى نايمه و راسها على صدر رحيم / انا مكنتش نايمه انا هقوم اكمل
رحيم مبتسم و ساكت
رحمه / هروح اغسل وشى افوق و اكمل
رحيم يرجعها السرير تانى
رحيم / ايوه كملى
رحمه تنام فى ثوانى رحيم يغطيها و هى مبتسم اوى
رحيم / كملى نوم ارتاحى
رحيم ياخد اللوح و يقفل الباب و يمشى
.......
الصبح رحمه تصحى تلاقى نفسها فى اوضه رحيم و الكل نايم تروح اوضتها تلاقى رحيم نايم فى سريرها و فى ايده قلم الالوان تاخده من ايده يصحى
رحيم / ايه فى ايه
رحمه / اهدى انا اسفه صحيتك نام شويه نام و ارتاح حبه
رحيم / لا خلاص صحيت هكمل
رحمه / لا نام حبه لحد الصلاه و انا هبقى اصحيك ارتاح حبه عشان تعرف تكمل
رحيم / قربت اخلص خلاص
رحمه / نام انت بس شويه يا رحيم انا غلطانه انى خدت القلم من ايدك عشان خاطرى نام نام و انا هصحيك
رحمه تزق رحيم ينام تانى تاخد علبه الالوان و تقفل عليه الباب و تمشى
رحمه تروح تحط لوحه رحيم الناقصه عالترابيزه و تقعد تفنن فيها لحد قران الضهر ميبدا رحيم يصحى يدور عليها يروح اوضته يلاقيها بتشيلها
رحيم / انتى بتعملى ايه
رحمه / ايه رايك مش احلى مما كنت انت هتعملها
رحيم / انتى ضيعتى وقت فى لوحتى ليه كان زمانك خلصتى حاجه من بتوعك
رحمه / كدا اشتغل بنفس و انت كمان مش هيهمك حاجه و هتشتغل بمزاج لان مشروعك خلص
رحيم / انتى اكيد مجنونه
رحمه / اه طبعا مجنونه بنفس جنونك امال مش ولاد عم
رحيم مبوز / خلاص اتفضلى شوفى هتعملى ايه على مدخل اخد دوش و انزل الصلاه
رحمه مبتسمه / حاضر
..........
فى اوضه رحمه
حياه / فاضل ايه يا حبيبتى اساعدك فيه
رحمه / تسلميلى يا ماما روحى انتى جهزى الغدى عشان بابا لما يجى و انا خلاص هكمل من هنا كفايه اوى اللى عملتوه امبارح عشانى
حياه / الواد رحيم نام امتى دا يا عينى كلنا نمنا و سبناه شغال لوحده
رحمه / نام شويه متخافيش عليه
حياه / الواد ده بيحبك بجد يا رحمه متتصالحوا يا بنتى و بطلى عند
رحمه / ماما ليه بتتكلمى فى الموضوع ده هو لو كان عاوز صلح مكان صالحنى من زمان بس هو مرتاح كدا و انا كمان خلاص بدات ارتاح
حياه / بتدحكوا على مين لانتى مرتاحه و لا هو مرتاح الا لما بتبقوا جنب بعض و كل واحد فيكوا راسه انشف مالحجر و فيكوا كبر السنين كل واحد مستنى التانى اللى يصالحه ليه يا بنتى على ايه ايامكوا الحلوه تعدى فى الهبل ده
رحمه / ماما ممكن ناجل الكلام فى الموضوع ده و تسيبينى اركز عشان اخلص
حياه / انا هروح اساعد ستك فى الاكل زمان ابوكى و عمك جايين مالسفر
رحمه / احسن برده
بعد الصلاه رحيم يدخل اوضه رحمه
رحيم / وصلتى لفين
رحمه / فاضل لوحه البلاين كامله باللاند سكيب بتاعها و انا بلون فى دى اهو و نبقى خلصنا
رحيم / ايه الحلاوه دى مش قولتلك هنلحق نخلص علاطول
رحمه / باقى اصعب واحده و اهم واحده
رحيم / انا هاخدها اوضتى و ابدا فيها لحد متخلصى دى تيجى تساعدينى
رحمه /لا حضرتك لازم تفطر الاول كفايه ترمس القهوه اللى شربته امبارح
رحيم / طب انتى فطرتى
رحمه / اخدت شيكولاتايه مالكيس اللى كان جنب سريرك بتاع عماد
رحيم / طب افصلى خمسه و قومى افطرى معايا و بعدين كملى
رحمه / مش هنيجى فى الاخر و نريح
رحيم / مش هاكل لوحدى انا قومى افصلى و هنكمل احنا خلاص خلصنا اهو
رحمه / اوك ماشى مفيش مشاكل
......
فى الصاله
عفاف / اخبار الفنانين ايه انا مرضيتش ادخل لحد دلوقت عشان معطلكوش
رحمه / دعوتك لينا كفايه
حياه / خلصتوا
رحمه / انا هروح احضر فطار لحسن انا و رحيم هنموت مالجوع
رحمه تدخل المطبخ
رحيم / فاضل لوحه و نص من اصل خمسه الحمد لله انجزنا امبارح
حياه / تصدق انا ضهرى لسه واجعنى من امبارح حتى لسه بقول لماما
رحيم / ماما حياه يا تيته بطله امبارح خلصت لوحتين لوحدها
حياه / و انت يا حبيب قلبى اللى فضلت واقف على رجليك طول الليل بتشتغل لوحدك
عفاف / راجل من يومه حبيب سته
رحيم / انا هدخل بقى اساعد رحمه فى الفطار عشان تنجز
فى المطبخ
رحمه / انا هعمل ساندوتشات
رحيم / ماشى تمام
رحمه / اعملك عصير
رحيم / لا اعمليلى قهوه عشان مصدع
رحمه / مفيش قهوه انت خدت نصيبك فيها لمده شهرين قدام هديك حبايه للصداع او خش نام حبه الصداع هيروح
رحيم / انتى كنتى عسل امبارح و انتى نايمه
رحمه / انا محستش بنفسى خالص عارف انا قولت هفرد ضهرى معرفش بقى ايه اللى حصل
رحيم / نفس اللى حصل معايا
رحمه / بس بجد منغيرك مكنتش عارفه هعمل ايه بجد شكرا
رحيم / شكرا حاف كدا
رحمه / لا معاها ساندوتشين بيض اتفضل افطر
رحيم / هاتى ياختى ده اللى بناخده منك
رحمه / ههههههههههههه
.........
عماد يدخل و معاه عبير
حياه / اهلا يا بنتى ازيك
عبير / ازيك يا طنط عامله ايه
زينب تدخل
زينب / انت كنت فين ياواد انت قلقت عليك و اتصلت عليك كنت غير متاح
عماد / ماما اعرفك بشمهندسه عبير معيده بتاعه رحيم و رحمه
زينب / اهلا يا قلبى ازيك
عماد / روحت اجيبها عشان تساعدهم فى المشروع
زينب / انا تقريبا شوفتك امبارح بس والله فكرتك صحبتها اصل شكلك صغير اوى
عبير / دا من زوقك بس يا طنط والله مال فين رحمه
رحمه و رحيم يطلعوا مالمطبخ
رحمه / انا هنا ازيك تعبتى نفسك و جيتى
عبير / متقوليش انكوا خلصتوا شكلك مبسوط
رحمه / يعنى تقريبا مش باقى غير شاسيه البلان و اللاند سكيب و تلوين شاسيه كمان و خلاص
عبير / ممتاز انتى كدا خلصتى
عماد / اقدر اساعد فى حاجه
رحيم / لا كفايه عليك تعبك امبارح احنا هنقوم بالباقى
عماد يزغد رحيم
عماد / انت متاكد انى مقدرش اساعد فى حاجه
رحيم / ازاى بس دانت الخير و البركه تعال
.........
رحيم و عماد و رحمه و عبير يدخلوا اوضه رحمه رحمه و رحيم ينقلوا اللوحه اللى عالترابيزه عالسرير و يحطوا واحده فاضيه عبير تلزق الشفافات عليها و تبدا هى و عماد يشفوها و اول ميخلصوا
عبير / كفايه عليك كدا انا هحبر بقى
رحيم / و احنا خلصنا و هنيجى نساعدك
عالعصر محمود و محمد يدخلوا
حياه / حمدالله عالسلامه ايه الاخبار
محمود / الحمد لله اشترينا الارض و اتفقنا مع مكتب دكتور اسماعيل من بكره هيبدا فى التراخيص و الرسومات و كل حاجه و هنروحله الشهر الجاى نشوف وصل لفين
محمد / امال فين العيال انا مش شايفهم
عفاف / حد ابن حرام بوظ مشروع رحمه فى الكليه فكلهم جوه شغالين عشان يخلصوا
محمود / ايه ده ازاى يعنى
حياه / جت امبارح و هى منهاره مالعياط
زينب / بس المعيده بتاعتها جت و فضلت معاهم و رحيم و عماد كمان ساعدوها خالص كنت بدخلهم شاى من شويه و تقريبا قربوا يخلصوا
محمود / انا هدخل اطمن عليها
فى اوضه رحمه
محمود / ازيك يا حبيبتى ايه اللى حصل
رحمه تجرى فى حضن ابوها
رحمه / شوفت اللى حصل يا بابا
عبير / متقلقيهوش بقى يا رحمه احنا خلاص ساعه بالكتير و نبدا و نخلص
رحيم / طب كدا مش ناقص اى حاجه تانيه
عبير / لا انا بصيت على كل اللوح زى الفل
رحيم / طب استاذنكوا امشى هروح اساعد رامى زمانه شغال لوحده من امبارح
عبير / طب متستنى تروحنى فى طريقك
رحمه / عماد موجود
محمود / يعنى انتوا خلصتوا خلاص
رحمه / اه يا بابا متقلقش انت
..........
فى بيت رامى
رامى / انت بتعمل ايه هنا يابنى دانا بشتغل بايدى و سنانى عشان اللحق اخلص و اجى اساعدكوا
رحيم / تساعد مين يابنى داحنا بيت فنانين و كمان بشمهندسه عبير معانا ورينى اما اساعدك
رحيم يبدا يساعد رامى و بعد ساعتين تليفونه يرن
رحيم / الو ايوه يا عماد .... تيجى فين يابنى قولها تروح ترتاح ... لا طبعا اتجننت دى .... ايوه يا بنتى مينفعش تيجى هنا طبعا ...... انا مش هروح من هنا الا لما يخلص حتى لو طبقت معاه للصبح روحى انتى و ارتاحى .... متسمعى الكلام بقى ... لا .... متنرفزنيش يا بت .... اهو
رحيم يقفل السكه
رامى / فى ايه يابنى بتتخانق معهم كدا ليه
رحيم / عاوزه عنوانك بتقول خلصت و عاوزه تيجى
رامى / لا خليها ترتاح احسن كفايه توترها و تعبها بس بجد مش مصدق انكوا خلصتوا
رحيم / انا و رحمه و بشمهندسه عبير و عماد و ماما حياه كنا احنا الخمسه شغالين فى خمس لوح مرسومين اصلا و بننقلهم بس و الشفافات اللى كنا طبعينها للمشروع اصلا يعنى بننقش فمخدش وقت
رامى / طب اشتغل بقى على مامى تخلص الغدى نتغدى و نكمل
رحيم / ماشى يا خويا
..........
تانى يوم فى المناقشه
رحيم / انا هنزل اجيب نسكافيه مالكافيتريا لحسن بنام و انا قاعد
رحمه / متخشوا المسجد ناموا شويه انتوا شكلكوا مطبقين و لما الدور يجى عليكوا هناديكوا
رحيم / هتدخلى مسجد الرجاله
رحمه / هو حمام الرجاله خلاص يا سيدى هبقى ابعت انس
رامى / انا موافق انا مش قادر تعال
رحيم و رامى يقوموا و روقيه تدخل
روقيه / حبيبتى يا رحمه انا كان نفسى اوى اجى اساعدك بس مكنتش لحقت اخلص عملتى ايه
رحمه / خلاص بقى يا روقيه اللى حصل حصل المهم انتى عملتى ايه
روقيه / انتى عنيكى مش حمره كانك نايمه كويس
رحمه / مهو انا فعلا نمت كويس اصلى هسهر ليه
روقيه / طب و مشروعك اللى باظ انا قولت هتتفلقى مالعياط و هتطبقى اليومين دول شغل فيه
رحمه / سيبك انتى منى انتى عملتى ايه
روقيه / لا بجد فهمينى ايه اللى حصل انتى ازاى هاديه كدا دانا شوفت رحيم و رامى ميتين مالتعب و انا هموت مالتعب انتى معدتيش المشروع و هتدخلى بيه كدا دا بايظ خالص فهمينى
رحمه / هترتاحى لو قولتلك انى عيدته يعنى و خلصته كله امبارح المغرب
روقيه / مستحيل ازاى لحقتى
رحمه / اهو اصل ربنا مبيرضاش بالظلم فبيبعتلك ملايكه فى صوره بشر يساندوكى و بيديكى قوه تخلصى
روقيه / يا سلام
رحمه / مالك وشك قفل ليه كانك ادايقتى انى خلصت
روقيه / و انا ايه اللى يدايقنى
رحمه / متيجى اوريهولك زى الاولانى بالظبط و يمكن احسن كمان كل اللى شافه قال مفيهوش غلطه
روقيه / انا هنزل الكافيتريا اجيب ميه
رحمه / اوك هاتيلى معاكى لو سمحتى
روقيه تبص لرحمه بغل و تنزل
انس يطلع من اوضه المناقشه
رحمه / عملت ايه
انس / نفخونى اساله ايه ده ده لو تحقيق فى امن الدوله مش هيبقى كدا عملت ده ليه و ليه معملتش ده طب لو كنت عملت كذا مش كان يبقى احسن و كل صغيره و كبيره اساله امال مشروع التخرج هيعملوا ايه
رحمه / امال مسالوش يعنى فى الماكيتات خالص
انس / الدكتور اصلا مش طايق حد و كل اللى اتسالوا قبلى برده قالوا نفس الكلام
رحمه / ربنا يستر
انس / انتى صحيح عملتى ايه فى مشروعك
رحمه / الحمد لله رحيم ساعدنى كتير اوى
انس / هو فين صحيح
رحمه / نايم فى المسجد بعد مخلص معايا راح طبق مع رامى فى بيته مشوفتوش غير هنا الصبح
انس / و مشروعه
رحمه / جبتهوله معايا اخوه الكبير وصلنى بالمشروعين و طلعهم معايا
انس / طب الحمد لله انا هروح الكافيتريا اجيبلك حاجه
رحمه / روقيه هناك كلمها
انس / لا انا عاوز اتمشى اغير المود بتاع النكد اللى حصل جوه تحبى تيجى معايا
رحمه / انا متوتره جدا و رجلى مش هتشيلنى للباب حتى
انس / هههههههههه ماشى تحبى اجيبلك حاجه معايا
رحمه / شكرا بس خلى تليفونك معاك عشان لما يجى الدور على رامى و رحيم ارنلك تروح تصحيهم مالمسجد
انس / اتفقنا سلام
بعد ساعتين رحيم و رامى يدخلوا القاعه
رحمه / انتوا ايه اللى جابكوا دانا لسه كنت هبعت انس
رحيم / انا ظبطت المنبه بتاع الموبايل كدا كدا عشان لو جدت فى الامور امور
رحمه / انا متحركتش من جنب المشاريع مرعوبه حد يقربلهم
رامى / هو ايه النظام
رحمه / فى واحد لسه داخل و انت اللى بعده بس متقلقش بيطول اوى
رامى / و كدا مقلقش
رحمه / ههههههههههههه دى مجزره يا رحيم كل واحد بيدخل بيقعد و يطول و يطلع يشتم و ينفخ و مش طايق نفسه انا دمى نشف
رحيم / و تخافى من ايه انتى شغلك زى الفل و انتى اللى عملاه بايدك و مش مره مرتين يعنى تدخلى و تحطى رجلك فى وش الطخين و لو حد قالك ربع حرف نادينى و انا اكسرلك نفوخه
رامى / خلاص ياعم البلطجى
رحيم / متدخلش انت
رامى / امال روقيه فين
رحمه / جت بعد منتوا نزلتوا حطت مشروعها و نزلت الكافيتريا و مشوفتهاش من ساعتها
رامى / طب انا هرنلها اشوفها فين
رامى يمشى
رحمه / روقيه هى اللى عملت فلوحى كدا
رحيم / انتى بتقولى ايه عرفتى منين
رحمه / قلبى قالى ادايقت اوى لما عرفت انى خلصت و فضلت تسال انتى ازاى مش تعبانه انتى ازاى لحقتى
رحيم / عادى مكتير سالوكى كدا اشمعن هى
رحمه / قلبى قالى حسيت من عنيها
رحيم / بس برده ده مش دليل
رحمه / انا قولتلك اللى حسيته و مقولتش لحد
رحيم / طب بس عشان رامى راجع
رامى / مالكم
رحمه / مفيش ايه قالتلك ايه
رامى / قاعده فى الكافيتريا بتهدى اعصابها و جايه اهو
رحيم / طب اتفضل يا معلم الباب اتفتح
رامى / يا نهار اسود سلام ادعولى
رحمه / ربنا معاك
رحيم / انتى اللى بعده
رحمه / ربنا يستر
رحيم / لعلمك انتى هتكونى شريكتى الترم التانى و مش هقبل بحد غيرك مهما حصل
رحمه / باذن الله
...........
فى البيت
حياه / انا مرعوبه عالعيال اتصلت من بدرى مكنوش لسه خلصوا
محمود / انا كنت عاوز اكلمك فى موضوع بخصوص رحمه
حياه / بخصوص رحمه خير فى ايه
محمود / ابراهيم كان كلمنى من فتره اول مبدئوا فى المشروع ده و سالنى يعنى عن رحيم و رحمه
حياه / و قولتله ايه
محمود / هقوله ايه يعنى قولتله ان مفيش نصيب بينهم
حياه / ليه كدا يا محمود
محمود / المفروض اقوله ايه العيال بيلعبوا سوا فقرروا يفسخوا خطوبتهم و يقضوها صحوبيه و احنا بقرار جمهور قررنا نصهين عالحوار
حياه / و بعدين
محمود / لما عرف ان رحمه و رحيم سابوا بعض طلب ايد رحمه لمصطفى ابنه
حياه / و انت قولت ايه
محمود / قولتله انها مشغوله اوى فى المشروع بتاعها و لما تخلص نبقى نشوف
حياه / غلطان يا محمود انت عارف انك كان المفروض ترفض من الاول
محمود / ارفض شاب زى مصطفى ابن ناس و متربى مع عيالنا و عرفينه و عارفين عيلته كويس ليه شاب ميتعيبش
حياه / طب مرحيم كمان ميتعيبش و يزيد عن مصطفى بقى ان بنتك بتحبه و عمرها مهتكون مبسوطه مع حد غيره
محمود / يا حياه كفايه تشجعى العيال عالغلط هما كانوا صغيرين و ميعرفوش يعنى ايه حب و لا علاقه و لا يعرفوا حتى يعنى ايه مسؤليه و اديكى شوفتى اللى حصل
حياه / بكره يتصافوا و هتشوف اديهم انت بس شويه وقت
محمود / على العموم انا هكلم الراجل يجى و نشوف هى رايها ايه فى الموضوع ده
حياه / و لما ترفض بقى علاقتك بالراجل مش هتتاثر
محمود / و تتاثر ليه الجواز قسمه و نصيب و كل شئ بالخناق الا الجواز بالاتفاق
حياه / رحيم مش هيسكت
محمود / و اش دخل رحيم بالموضوع والله اللى اعرفه ان كل اللى بيربطه بببنتى انه ابن عمها اكتر من كدا ملوش عندى حاجه
حياه / بيحبها مشوفتوش ياعينى و هو واقف طالع عينه بيعملها المشروع
محمود / لو بيحبها يتجوزها شغل الصحبيه ده مش عاجبنى انا نازل المعرض
حياه / ربنا يستر
........
((((((مفيش رحمه ))))))
#لولو_محمد
الحلقه السابعه عشر
محمود / على العموم انا هكلم الراجل يجى و نشوف هى رايها ايه فى الموضوع ده
حياه / و لما ترفض بقى علاقتك بالراجل مش هتتاثر
محمود / و تتاثر ليه الجواز قسمه و نصيب و كل شئ بالخناق الا الجواز بالاتفاق
حياه / رحيم مش هيسكت
محمود / و اش دخل رحيم بالموضوع والله اللى اعرفه ان كل اللى بيربطه بببنتى انه ابن عمها اكتر من كدا ملوش عندى حاجه
حياه / بيحبها مشوفتوش ياعينى و هو واقف طالع عينه بيعملها المشروع
محمود / لو بيحبها يتجوزها شغل الصحبيه ده مش عاجبنى انا نازل المعرض
حياه / ربنا يستر
........
فى الكليه
رحمه / ها عملت ايه
رحيم / اتهريت اساله مش عارف بقى هعمل ايه
رحمه / باذن الله خير ايه رايك نروح نتغدى فى الكافيتريا لحد ميقولوا النتيجه
رحيم / مفتكرش ان النتيجه هتتعلق النهرده اصلا الساعه اتنين و لسه مخلصوش حرف الره اصلا
رحمه / انا هستنى لحد ميقولوا روحوا مش همشى عاوز تمشى انت براحتك
رحيم / لا امشى ايه تعالى الكافيتريا نقعد هناك شويه
.............
فى الكليه بعد اربع ساعات
عماد يدخل
رحيم / انت دخلت ازاى
عماد / مالبوابه عادى يعنى قولتلهم داخل اجيب الباشمهندسه عبير دخلونى ها طمنونى عملتوا ايه
رحمه / لسه منعرفش ادينا مستنين النتيجه
عماد / طب ايه فين عبير اتصلت بيها كنسلت عليا فجيت
رحيم / عماد فوق دى كليتنا بلاش استهبال هنا
عماد / لا شكلها المرادى جد
رحمه / كل مره بتقول كدا
عماد / متموتونى و ترتاحوا والله شكلكوا هترتاحوا
رحمه / انت بتحبها بجد و لا زى كل مره
عماد / بصى هو الموضوع ده مبيبانش بالسرعه دى بس كل اللى انا عارفه انى مبطلتش افكر فيها من امبارح
رحمه / و منه
عماد / منه دى زى اختى زيك بالظبط بحاول والله بس مش قادر فى بينى و بينها حواجز بالهبل
روقيه تدخل
روقيه / هاى ... احنا هنفضل مرزوعين كدا لحد امتى
رحمه / روحى و انا هقولك نتيجتك لما تبان
روقيه / لا طبعا اروح ازاى يعنى
رحيم / عماد اخويا روقيه زميلتنا فى الدفعه
روقيه / هاى تشرفنا
عماد / الشرف ليا
روقيه / سمعت رحيم بيتكلم كتير عنك بس الحقيقه مختلفه خالص عن الصوره اللى تخيلتها
عماد / اكيد الحقيقه احسن مش كدا
رحمه / اهدى يا عماد دانتوا اول مره تشوفوا بعض
روقيه / تعجبنى الثقه
عماد / هو مش ثقه على قد مانا متاكد ان رحيم مبيتكلمش عنى عدل
رحيم / ليه ياعم
روقيه / بالعكس رحيم شاب محترم اوى و مبيطلعش منه العيبه بجد شخصيه يونيك
عماد / يونيك ؟؟؟ امممم طب ايه يا رحيم مش هتودينى بقى المكان اللى قولتلك عليه و لا ايه
رحيم / اكيد تعال
رحيم و عماد يمشوا
رحمه / يونيك ؟؟؟
روقيه / ايه بجامله قدام اخوه يعنى
رحمه / اه اوك انا هطلع القاعه فوق هتيجى
روقيه / هو عماد ؟؟ صح اسمه عماد مش كدا
رحمه / اه ماله يعنى
روقيه / اكبر من رحيم بكام سنه
رحمه / تسعه ليه
روقيه / شكله اصغر من كدا بكتير
ريهام تدخل
ريهام / وحشتينى يا جزمه اخبار المشروع ايه
رحمه / طب انا طالع عينى مطبقه على اللوح انتى يا كلبه مفيش مره تطلعى المبنى و تدخلى تسلمى عليا
ريهام / اعمل ايه يا بنتى طالع عينى شيتات و كويزات و قرف و بخلص الكليه بنط فى اول تاكس و اروح اترمى عالسرير
رحمه / الله يعنى الحال من بعضه بقى و كل الاقسام تعب
ريهام / هانت كلها اسبوعين عالفاينال و اخد اجازه و انااااااااااااام
رحمه / على خير
روقيه / انا هعتبر نفسى شفاف
ريهام / تصدقى فعلا ولا شوفتك اصل رحمه كانت وحشانى اوى
روقيه / ليكى حق هو فى حد يقدر يبعد عن رحمه دى ادماااان
رحمه / ريهام وراكى ايه تعالى نطلع نبص عالقاعه نشوف النتيجه بانت و لا لا
............
قدام القاعه
عبير / انت بتعمل ايه هنا
عماد / مش عارف بس انتى مبترديش على مكالماتى فجيت
عبير / انت بتهزر
عماد / ابدا والله بصى انا عارف انك هتفهمينى غلط بس والله ابدا
عبير / دا مكان شغلى و معنديش استعداد ان مخلوق يتكلم عنى نص كلمه و لعلمك يا عماد انا كنت بحترمك بلاش تخلينى اغير رايى فيك
عماد / و تغيرى رايك ليه على الاقل ادينى فرصه و اسمعينى يمكن كلامى....
عبير / و انت مين فهمك انى بتكلم مع حد معرفوش اصلا و لا حتى اتكلم معاك بصفتك ايه اسمع انا ان كنت سمحتلك توصلنى فدا كان عشان الوقت متاخر و ان كنت سمحتلك تيجى تاخدنى فدا لانى معيش رقم رحيم و لا رحمه يدونى العنوان فاوعى تفهم ده غلط و لا هو خير تعمل شرا تلقى
عماد / انا غرضى شريف والله ليه بس المعامله دى
عبير / انا ورايا شغل و ان كان غرضك شريف فانت عارف العنوان بلاش بقى شغل الحرميه ده و ادخل البيت من بابه سلام
عبير تدخل القاعه و رحيم يروح يقف مع اخوه
رحيم / من الواضح من وشك اللى جايب خمسين لون انها سكتك سكه عجب
عماد / انا شكلى هتجوز يا رحيم
رحيم / يلا عالبركه خليك تتلم شويه بقى
............
فى البيت
محمد / يا عينى على اللى حب و طب
عماد / يعنى هتيجى معايا تخطبهالى و لا لا
محمد / مش لما نسال عليها و نعرف اصلها و فصلها الاول
زينب / مانت شوفتها يا محمد لما جيت مالسفر فاكر البنوته العسل الى كانت بتساعد رحمه جوه
محمد / ايه ده طب مش كنتى تغمزينى اخد بالى
عماد / يا حج تاخد بالك من ايه انا اللى هتجوزها مش انت
زينب / اتلم يا وله كلم ابوك عدل
عماد / انا هحدد معاد يوم الخميس الجاى يمشى معاكوا و لا ايه
محمد / وماله عالبركه هو انا فى ديك الساعه اللى هفرح بيك فيها
زينب / بس والله صعبان عليا البت منه
محمد / مالها منه
زينب / بس على العموم ملحوقه انا سمعت طراطيش كلام ان مصطفى منمر على رحمه
رحيم / ايه
زينب/ الله هى مقالتلكش انه متقدملها و لا ايه
عماد / انتى بتقولى ايه يا ماما
زينب / بقول اللى سمعتوه الحج ابراهيم كلم عمك انه يجى يطلب ايد رحمه لمصطفى و محمود قالهم انها بتمتحن فهياجلوا الموضوع شويه لما تخلص المشروع
رحيم يقوم يروح شقه محمود
محمد / يعنى كنتى هتخسرى حاجه لو سكتى شويه
زينب / مهو كدا كدا هيعرف و بعدين كدا احسن حتى بيقولوا جواز القرايب بيجيب عيال معوقين
محمد / على رايك و احنا مش ناقصين معوقين فى البيت عن اذنك
محمد يقوم
زينب / هو يقصد ايه بمش ناقصين معوقين دانا عيالى زى الفل
.......
فى بيت رحمه
رحيم / يعنى الكلام ده صحيح
عفاف / دا مجرد كلام
رحيم / و رحمه رايها ايه
عفاف / رايها فى ايه هو كان جه اتقدم دا مجرد تلميح مع عمك
رحيم / مش فاهم
عفاف / يعنى رحمه متعرفش حاجه عن الموضوع ده و مش هتعرف الا لما يجوا و يتقدموا رسمى
رحيم / يجوا فين دانا اولع فيهم و فى البيت و فى نفسى هو لعب عيال و لا ايه
عفاف / هو ايه اللى لعب عيال و مالك اتحمقت كدا ليه هو انت مش سبتها
رحيم / انتى اللى بتقولى كدا يا تيته
عفاف / اسمع يا رحيم لو البت تلزمك اللحق نفسك قبل متطير من ايدك
رحمه تطلع مالاوضه
رحمه / انا هعمل نسكا... مالكوا فى ايه ... فى ايه يا رحيم مالك
رحيم يقوم يمشى
رحمه / هو فى ايه يا تيته ماله رحيم
عفاف / ملوش مخنوق شويه اكمن النتيجه مبانتش النهرده فتلاقيه متوتر حبتين
رحمه / ممكن اروح اشوف ماله
عفاف / روحى
.....
فى الصاله عند رحيم
رحمه / ازيك يا طنط
زينب / ازيك يا عروسه عامله ايه
رحمه / هو رحيم جوه
زينب / اه جوه عاوزه منه حاجه
رحمه / اه كنت عاوزه استلف منه طقم الالوان ممكن ادخله
زينب / ادخلى يا حبيبتى بيتك و مطرحك
....
فى اوضه رحيم
رحيم / افندم
رحمه / انت زعلان منى و لا ايه
رحيم / و ازعل منك ليه يعنى خير عاوزه ايه
رحمه / انا جايه اطمن عليك
رحيم / بمناسبه ايه فارق معاكى يعنى
رحمه / انت بتكلمنى كدا ليه انا الغلطانه اصلا عن اذنك
رحمه توصل للباب و ترجع تانى
رحمه / طب انا عملت ايه طيب
رحيم يضير يبص عليها يلاقى عنيها كلها دموع يتنهد
رحيم / معملتيش انا اللى مش فى المود حقك عليا
رحمه / انا شوفتك مدايق و انت قاعد مع تيته و قومت جرى فقولت اجى اطمن عليك
رحيم / انا كويس
رحمه / مالك بس حد قالك حاجه عماد كلم بشمهندسه عبير و قالتله اننا جبنا درجات وحشه
رحيم / لا يا رحمه
رحمه / امال مالك
رحيم / مخنوق ايه فيها ايه
رحمه / من ايه بس
رحيم / و انتى مالك
رحمه / تصدق انا اللى غلطانه انى جيتلك و لا عبرتك اصلا اولع
رحمه تمشى و ترزع الباب وراها و تروح اوضتها تلاقى تليفونها بيرن
رحمه / الو ... ايوه يا مصطفى ازيك ... اسفه مكنتش فى الاوضه فمسمعتوش .... ياريت والله انا فعلا مخنوقه و مش فى المود خالص ..... اوك هلبس و استناك
رحمه تقفل التليفون و تلبس الباب يخبط
رحمه / ادخل
رحيم يفتح الباب
رحيم / انتى لابسه كدا و رايحه فين
رحمه / خارجه
رحيم / انا كنت جاى اعتزرلك انى كلمتك وحش بس بجد انا مكنتش فى المود
رحمه / حصل خير
رحيم / انا كنت جاى عاوز اتكلم معاكى فى موضوع
رحمه / خير
رحيم / بصى انا عاوز اقولك انى .... اللى عاوز اقوله انك عارفه انى مبحبش حد يغلط فيا .... لا بصى انتى عارفه كويس انك يوميها ....
تليفون رحمه يرن
رحمه / دا مصطفى تحت
رحيم / و دا جاى يعمل ايه
رحمه / معرفش مصطفى اتصل و قالى لو تحبى تخرجى و انا كنت مخنوقه قولتله ماشى سيبك انت كمل انت عاوز تقول ايه انا مش فاهمه
رحيم / مفيش متشغليش بالك انبسطى عن اذنك
رحيم يمشى
............
فى مطعم فخم
مصطفى / ايه رايك فى المكان ده
رحمه / شكله حلو اوى اول مره اجيه على فكره
مصطفى / اخبارك ايه
رحمه / متوتره شويه يعنى بكره نتيجه المشروع
مصطفى / عموا محمود حكالى على اللى حصل معاكى بجد حركه واطيه اوى
رحمه / ايوه بس الحمد لله رحيم وقف جنبى اوى و ساعدنى كتير
مصطفى / محترم رحيم
رحمه / فعلا
مصطفى / انتى عارفه ليه جبتك هنا
رحمه / عشان بابا حكالك على المشروع فقولت تغيرلى المود
مصطفى / يعنى حاجه زى كدا
رحمه / تعرف ان رحيم ده اغبى مخلوق عالارض
مصطفى / ايه
رحمه / اه والله بنى ادم متخلف
مصطفى / ليه بتتكلمى عنه كدا
رحمه / ايه اللى يخلى واحد يسيب مشروعه و يشتغل فى مشروع واحده تانيه المفروض انه بيكرهها
مصطفى / انتى كويسه
رحمه / لا انا مخنوقه و مش طايقه نفسى
مصطفى / لو المكان مش عاجبك
رحمه / لا المكان حلو و بجد ميرسى ليك يا مصطفى انك جبتنى هنا كان زمانى باكل المخدات فى البيت
مصطفى / هههههههههه طب اللحق اجرى انا و لا ايه
رحمه / بطل رخامه انا قصدى بهرى و انكت فى نفسى
مصطفى / طب افتكرى الجمايل بقى
رحمه / مصطفى احنا متربين سوا صح
مصطفى / ايوه
رحمه / يعنى انت تعرفنى هو انا وحشه
مصطفى / لا طبعا انتى قمر
رحمه / لا مش قصدى انا قصدى طباعى صفاتى شخصيتى فاهم
مصطفى / اه
رحمه / اه وحشه
مصطفى / لا لا لا انا قصدى اه فاهم بصى محدش فينا كامل كل واحد فيه حجات حلوه و حاجات وحشه
رحمه / طب ايه الوحش اللى فيا يعنى انت لو بتحب واحده و لقيت فيها حاجه وحشه صفه مثلا او معرفش يعنى فيها حاجه بتدايقك هتعمل ايه
مصطفى / بصى انا مقتنع ان مفيش حد بيتغير و مشكله الحب انه مبيخليكيش تشوفى الصفات دى بوضوح
رحمه / يعنى مدام الانسان شاف عيوبك يبقى بطل يحبك
مصطفى / لا انا مقولتش كدا انا قصدى يعنى انه صعب الواحد يشوف عيوب حبيبه فى الاول ففى الغالب بتبان بالعشره و التعامل يعنى انتى فاهمه
رحمه / انا كنت عارفه بس قلبى مكنش راضى يصدق مهو ازاى يعنى ازاى
مصطفى / هو ايه اللى ازاى
رحمه / تعرف انا يمكن اكون عنديه شويه عصبيه شويه دلوعه شويه بس اكيد فيا حاجه حلوه على الاقل تخلى ...اكيد فيا ولو ميزه واحده صح
مصطفى / واحده بس دانا ممكن اعدلك عشره على الاقل
رحمه / بجد
مصطفى / انتى حلوه و عسوله و شاطره و مؤدبه و كلك طاقه عندك روح حلوه جدا تخلى اى حد فى الدنيا يتشدلك بسهوله اوى
رحمه / امال ليه بقى
مصطفى / ليه ايه
رحمه / انا عاوزه شوكليت ممكن
مصطفى / طبعا ثوانى حاضر
مصطفى ينادى الويتر يجى
رحمه / عاوزه اكتر حاجه فيها شيكولاته عندكوا لو نوتيلا كمان يبقى كتر خيرك
مصطفى/ خليهم اتنين
الويتر يمشى
مصطفى / قريت مره ان الشيكولاته ادمان للبنات
رحمه / انا بعشقها باكلها فى اى وضع و اى صوره و اى مكان مقدرش اعيش منغيرها اصلا
مصطفى / مع انك ميبانش عليكى خالص
رحمه / انا ممكن احرم نفسى مالاكل طول اليوم عشان اكلها بجد بتريحنى خصوصا الفتره الاخيره بجد انا اسفه اوى انت المفروض خارج تنبسط و انا نكدت عليك انا متاكده انك
مصطفى / بالعكس دا جزء مهم جدا من شخصيتك اول مره اشوفه
رحمه / و ياريتك مشوفته
مصطفى / بالعكس انا سعيد جدا انى قضيت الوقت ده معاكى حتى لو يعنى كنتى متوتره و مخنوقه و مفهمتش نص الكلام اللى قولتيه بس على الاقل قضيته معاكى
رحمه / انت مش متخيل انا كنت محتاجه الخروجه دى قد ايه بجد
مصطفى / بس كدا تؤمرى انتى بس فى اى وقت تحسى انك مخنوقه اتصلى بيا و انا افضيلك نفسى و اخرجك و اجيبلك معايا برطمان نوتيلا حجم عائلى كمان
رحمه / ههههههههههه شكرا يا مصطفى بجد شكرا
........
فى البيت فى اوضه رحيم
عماد / مالك يابنى انا بقالى ساعه قاعد جنبك منطقتش بكلمه
رحيم / هو الحريم بوجه عام يعنى بياعين اوى
عماد/ بص هو اصلا معروف عنهم انهم بينكروا العشير فغالبا اه
رحيم / ايوه صح بس مش بالسرعه دى يعنى ايه بالبساطه دى
عماد / هو فى ايه مالك
رحيم / تفتكر رحمه بتحب مصطفى
عماد / ههههههههههههه اه قول بقى كدا
رحيم/ اطلع بره انا مش ناقصك
عماد / مدام انت هتموت عليها اوى كدا سايب طريقها فاضى ليه الله يرحم لما كنت بتتخانق مع اى حد ينفخ بس جنبها
رحيم / اطلع بره
صوت البوابه بيتقفل رحيم يقوم يجرى يلاقى رحمه طالعه عالسلم
رحيم / مبدرى يا هانم
رحمه / الساعه 10 و مصطفى مستاذن من بابا فى ايه
رحيم / انبسطتى يعنى اهم حاجه تكونى مبسوطه
رحمه / اه انبسطت مصطفى شخصيه زوق جدا و محترم
رحيم / بجد والله و ايه كمان
رحمه / فى ايه يا رحيم انت بتكلمنى كدا ليه
رحيم / بكلمك ازاى
رحمه / انا تعبانه و عندى كليه الصبح و داخله انام تصبح على خير
رحيم / متنسيش تتصلى بمصطفى تطمنى انه روح
رحمه / هتصل
رحمه تدخل الشقه و ترزع الباب رحيم يرفع ايده عالباب و يمسك نفسه فى اخر ثانيه و يجز على سنانه و يدخل شقته و يرزع الباب
.........
تانى يوم فى الكليه
رامى / انتوا اتخانقتوا تانى و لا ايه مالك قاعد بعيد عنها كدا ليه
رحيم / انا روحى فمنخيرى مش طايق حد
رامى/ اعطس
رحيم / تصدق انا هقوم من جنبك مش ناقص فقعه
رامى / هههههههههه استنى بس
رحيم يروح لرحمه
رحيم / تروحى الكافيتريا
..........................
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق