رواية لاجل الحب الفصل الخامس عشر 15بقلم منال كريم حصريه
رواية لاجل الحب الفصل الخامس عشر 15بقلم منال كريم حصريه
:نجاة ملهاش عدة يا معتز.
كان هذا كلام وعد لمعتز بعد ما قفل الخط.
وضع يده الاتنين على رأسه بتعب و ضياع و قال: أنا مخي مشلول، مش عارف افكر يا وعد، مرعب من مواجهة أدهم.
مدت أيدها، مسكت ايده و قالت بهدوء: فاهمك يا حبيبي ، بس الهروب مش حل، لازم تواجهه يلا نراجع البيت و ربنا موجود.
سمع كلامه و قام.
و أنا في اوضتي و قربت اتجنن من اللي يحصل حوالي.
قلبي مش مرتاح من فكرة أني اكذب على ادهم، و في نفس الوقت خايفة من الموجهة.
سمعت بابا الشقة يخبط ،روحت افتح، كانت رحمة، قولت: نعم يا قلبي.
رحمة: تيتة طلبت مني اقولكم أن الغداء جاهز.
: بصي ادخلي اوضة فريد و صحي عمك أدهم و فريد و فريدة و أنا انزل تحت.
=ماشي.
دخلت رحمة و جريت على تحت قبل ما ينزل، بهرب من أدهم.
دخلت المطبخ كانت سمر و حماتي يجهزوا الاكل.
سألت سمر: عاملة ايه يا نجاة.
قعدت على الكرسي و قولت بتعب: الحمد لله.
بصت حماتي بحزن و قالت: حقك عليا.
بصيت لها بعتاب و ردت: أنا آسفة يا ماما، بس أنتِ السبب في كل ده، لو مغصبتش عليا اتجوز معتز، مكنش الموقف يبقي وحش كده، أنا خايفة و معتز خايف و كلنا خايفين.
ردت بدموع: حقك عليا ،حقكم كلم عليا.
سمر بهدوء: حصل خير و أن شاء الله ادهم يفهم موقفكم.
تنهدت بحزن من غير رد
وصل معتز و وعد، دخلت وعد المطبخ و سألت: نجاة ايه رايك في حل معتز.
سندت ايدي على راسي بتعب من غير رد.
سألت سمر:حل ايه يا وعد
قالت وعد على حل معتز، و سمر و حماتي شافوا أن ده حل كويس ،بس أنا مش اقدر اخبي على أدهم حاجة.
لازم اقول الحقيقة ،انا تعبانة و عايزة ارتاح.
بعد شوية كلنا متجمعين على السفرة ،في انتظار ادهم
نزل ادهم و شاف معتز، جري عليه و قال: كده يا خاين.
الكلمة صدمتنا كلنا، لكن كمل أدهم و قال: مش المفروض تكون في استقبال اخوك اللي غايب بقاله سنين.
حضنه معتز و عيط زي الطفل الصغير ،و قال : أنا اسف، آسف.
معتز كان يعتز عن جوازنا.
طبطب عليه و قال: اهدي يا معتز أنا بهزر معك.
قال حماي: يلا نفطر.
قعد معتز في مكانه و شاور على وعد و قال: وعد مراتي يا أدهم.
ابتسم و قال: ازيك و الف مبروك هي متأخرة كتير.
ابتسمت و قالت: الله يبارك فيك و حمد لله على السلامه.
: الله يسلمك
و بص لي لان الكل قاعد و أنا وافقة، مش عارفه اقعد فين، مكاني حاليا مش جنب ادهم.
: تعال اقعدي.
ردت بتوتر: اصلا، أنا.
حرك الكرسي بتاعه ناحية رامي، علشان يسب مسافة بين كرسيه و لكرسي اللي اقعد عليه.
اتجمعت الدموع في عيني ،قد ايه هو شخص حنين و بيفهم.
شايف اني سبب التوتر علشان غياب السنين.
مش عارف أني كنت بتمني اكون لسه مراته علشان اجري عليه و أخرج كل الحزن اللي في قلبي و أنا ببكي في حضنه.
قعدت و قررت بعد الأكل اقول الحقيقة مش اقدر اعيش كده.
بعد الاكل ،قاعدين نشرب الشاي
رامي: ايه اللي حصل معك يا أدهم.
بدأ يحكي: اتغدر بي أنا و فريقي ، كانت الوحدة بتاعي على البحر علشان امنع أي تهريب من البحر ،و للاسف واحد من رجالتي مقابل فلوس قرر يبع بلده و احنا معها.
هو اللي حضر الاكل يومها و حط منوم في الاكل ، مش عارف من حسن ظني و لا لا ،بس أنا كلا حاجات بسيطة
و من أثر المنوم اللي في الاكل، نامنا كلنا، و هو اده الإشارة للمهربين و بدوا يهربوا مخدرات و سلاح عن طريق البحر.
صحيت و هو خالص بيخلصوا ، خرجت سلاح و اتشابكت معه، و قالت واحد من المهربين، و خدت طلقة وقعت في البحر.
كنا نسمع بانتباه ،سالت أنا : و بعدين.
كمل هو: بعدين ناس لقيتني في البحر و خدوني و علاجوني و حاولوا يعرفوا أنا مين بس كنت فاقد الذاكرة.
معتز: و الجثة و متعلقات الشخصية
كمل : كل ده من تخطيط الخائن ،علشان يطلع هو البطل ، اتفق مع المهربين جثة الراجل اللي اتقتل منهم تكون أنا و طبعا سهل يلعب في الفحوصات الطبية و كمان حد كل متعلقاته الشخصية في اوضتي حطها في جيب الراجل، و حرق الكتيبة كلها، و قبض على اتنين منهم و بعض من المخدرات.
و كده هو بقا بطل و اتكرم و أنا خمس خمس فاكر حاجة و الباقي ماتت.
قولت بدموع: الناس اللي كنت عندهم محدش فكر يعرف أنت مين.
رد عليا: دي قرية صغيرة في الأرياف ، حاولوا على قد ما يقدروا ، و كتر خيرهم علاجوني و قفوا معي لحد ما رجعت ذاكرتي ،كنت يشتغل معهم في الغياط و أنا مبسوط و سعيد ، لحد ما بدأت افتكر اول حاجه عملته كلمت القائد بتاعي و حكت كل اللي حصل ،و اتحول الخائن ل المحاكم العسكرية.
و ابتسم و قال: و بس كده و رجعت ليكم تاني اللي وجع في قلبي أن الخاينة جت من صاحب عمري.
كلنا دموعنا نزلت عليه هو اتعذب كتير و دلوقتي ياخد الصدمة في مراته و اخوه.
مش اقدر اخبي اكتر من كده، عارفة أنه مش وقته بس بجد أنا تعبانة اوي و أنا بكذب عليها.
قومت وقفت و قالت: ادهم عايز اتكلم معك.
قال معتز بسرعه: مش وقته.
مهتمتش و قولت: ممكن
قام واقف وقال : طبعا.
طلع هو و أنا وراءه على شقتنا، جاي يقفل الباب ،قولت: خليه مفتوح.
أبتسم الابتسامة اللي بعشقها و قال: حاضر يا نوجة، ادلعي براحتك خالص
قعد و قال : اقعدي
كنت وقفة ،بفرك ايدي بتوتر و تنهدت تنهيدة طويلة و قولت: ادهم اسمعني براحة لو سمحت، و بلاش تحكم من غير ما تسمع كل حاجة.
قام وقف و قال: حاضر.
بقيت بدور على الكلمات ،مش اعرف ابدا ازاي، اقول ايه ، لقيت نفسي بقول من غير مقدمات: أنا اتجوزت معتز.
ضحك بصوت عالي و قال: بلاش هزار و قولي عايزة ايه.
نزلت دموعي و أنا بقول: ده مش هزار أنا حاليا مرات معتز مش مراتك.
انصدمت لما شوفت ردة فعله، أدهم بيكي اول مرة اشوف دموعه، قولت بندم: ادهم أنا آسفة بس اسمعني علشان خاطري
مسح دموعه و قال بهدوء: سمعك، اتكلمي، عايزة تقولي ايه ، اني بعد موتي مقدرتش تستحملي شوية، فتجوزتي اخوي، أو اصلا أنتِ و هو بتحبوا بعض و أنا موجود و موتي كانت فرصة ليكم صح، عايزة تقولي ايه يا نجاة، مش أنتِ اللي قولتي عمري ما اكون لراجل غيرك، فين وعدك لما بقيتي مرات اخوي.
كنت بفرك في أيدي و بعيط و أنا ببص لتحت و بحرك راسي بلا.
رفعت عيوني لما سمعت صوت تكسير، لقيته كسر الطاولة و هو يقول بصوت عالي: انطقي، انطقي يا خاينة، كنت مراتي و عينك من اخوي ،و في نفس الوقت تضحكي عليا و تقولي بكره الروايات اللي الواحدة بعد موت جوزها تجوز اخوه و كمان تحبه، و أنتِ دلوقتي عملتي زيهم بالضبط، سؤال واحد بس و عايز اجابته، حبيبت معتز قبل موتي و لا بعد موتي.
كنت ببص عليه باستغراب، ده ادهم الهادي العاقل، بس هو معذور مش زعلانة منه، حتي لو شك فيا عمري ما ازعل منه.
كانت عيونه زي كرات الدم من كتر الغضب.
رفع ايده عليا ،بس قبل ما يلمسني نزل ايده و قال: دلوقتي مش من حقي المسك لأنك مرات اخوي، أخرجي برة.
صرخت بصوت عالي: على الورق و الله العظيم أنا مرات معتز على الورق عملنا كده علشان العيال، بس احنا اخوات و الله اخوات، بدليل هو متجوز وعد، شوفتها، الناس كانت تكلم علينا أنا هو علشان أنا ارملة و هو من غير جواز و الكلام وصل لفريد، سامحني ،سامحني أنا عمري ما حببت غيرك يا أدهم
على كل الكلام ده رد عليا ببرود.: كلام الناس اكيد مش من فراغ، اطلعي برة شقتي و روحي شقة جوزك
قولت برجاء: بس دي شقتي.
صرخ بغضب شديد: برة، برة.
و بدأ يكسر في كل حاجة في الشقة و بيقول: حتي انتوا خاينين حتي انتوا خاينين
طلع معتز و الكل على صوته،
أول ما شاف معتز جري عليه ، ضربه بوكس، و لف أيده على رقبته و يضغط بقوة و هو يقول: خاين، خاين.
رايكم يا حلوين 🌹
و معلش الفصل من غير مراجعة و صغير 🥰🥰
و للحديث بقية
#لأجل_الحب
#الفصل_الخامس_عشر
#نجاة
#روايات_بقلم_منال_كريم
❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد وعلى ال سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
❤️❤️❤️❤️❤️❤️
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق