رواية لاجل الحب الفصل الثامن عشر 18بقلم منال كريم حصريه
رواية لاجل الحب الفصل الثامن عشر 18بقلم منال كريم حصريه
:أنا دخلت السج_ن في جرـيمة قت_ل
قالت الجملة اللي صدمت نجاة و نغم.
أما هي كانت تشرب القهوة ببرود بعد ما قالت الجملة.
خبطت نغم على الطاولة بعصبية و قالت: بت باردة من يو_مك, اخلصي يا بنتي.
حطت فنجان القهوة على الطاولة و قالت: بصوا يا بنات من حكايتكم و حكايتي، الظاهر رفضنا لقراءة نوع معين من الرواية، انعكس علينا و الظروف خلتنا نجرب الوضع ده.
سمعوا الاتنين بانتباه و هي كملت: نغم طول عمرها تكره نوع الروايات اللي يطلع الزوجة الأولي شريرة و التانية ملاك، و عاشت نفس التجربة.
شاورت على نجاة و قالت: أنتِ يا نوجة، ديما تقولي ازاي اللي تحب مرة ،ممكن تنسي حبها و تعيش حياتها مع حب جديد و يا سلام يطلع أخوه أو إبن عمها، اللي هو منتهي العبث، ازاي أكون بحب جوزي و بسهولة أحب حد كنت بشوف أنه أخوي مثلا.
و كملت بحزن مخفي: حتي أنا نوعية الرواية اللي عمري ما قراها لقيت نفسي مكان البطلة.
و لحظات صمت ثم قالت نجاة: كملي يا نور..
خرجت تنيهدة طويلة و قالت: حياتي اتشقلبت بعد وفاة ماما، كل حاجة قبل كده كانت كويسة، ماما ما_تت و أنا في سنة أولي جامعة، دخلت كلية هندسة زي ما كان نفسي علشان أطلع مهندسة معمارية زي ما كانت عايزة، و فجأة ما_تت ماما.
///////////
#نور
رن المنبة الساعة ستة الصبح ، قومت بانزعاج و تعب، على صوت مرات بابا.
فتحت الموبايل على صورة ماما و بحكي لها: شوفتي يا ماما بابا أتجوز بعد وفا_تك بخمس شهور، طلبت منه كتير بلاش يتجوز رفض و أتجوز و مر على زواجهما سنتين ، و أنا شايفة فيهم الذـل و الإها_نة.
بابا ملوش كلمة في البيت، هي صاحبه الكلمة.
و علشان تقبل أن بابا يدفع مصاريف جامعتي، لازم أعمل كل شغل البيت قبل ما أروح الجامعة، و أول ما أرجع أحضر الغداء، و بقت في الأيام الأخيرة تضر،بني، و بابا عادي.
قفلت الموبايل و قومت و خرجت من اوضتي ،دخلت الحمام، خدت حمام ، و لبست و صليت.
و خرجت على المطبخ أحضر الفطار ،بوضب المطبخ قبل ما أنام علشان مش اتاخر على الجامعة
حضرت الفطار، و خبطت على اوضة بابا ،و قولت: بابا الفطار جاهز.
سمعت صوت ضحكة من مرات بابا، بعدت عن الباب و قعدت على السفرة بحزن.
كلمت نفسي: هو ليه بقا عمل كده , أتجوز واحدة اصغر منه بكتير، و كمان مش يحترموا وجودي، ديما لبسها و ضحكاتها و كلامها و تصرفاتها مبالغ فيها قدمي.
بدأت أكل لما سمعت الباب اتفتح، قاعد بابا و قال: صباح الخير يا نور.
أبتسمت و قولت: صباح النور يا بابا.
قعدت جنب بابا و بصيت عليها بقر،،ف من طريقة لبسها.
قالت بدلع: حبيبي بلاش تنسي تسيب فلوس قبل ما تنزل ،علشان عايزة شوية حاجات.
أبتسم و قال: حاضر.
قولت أنا: و أنا يا بابا ،قولت لحضرتك من أسبوعين اني محتاج فلوس علشان عايز كتب
من غير ما يبص لي قال: مش وقته.
: يا بابا أنا في آخر السنة، و محتاجة الكتب ضروري.
قال بعصبية: قولتلك مش وقته.
تجمعت الدموع في عيوني و قولت: أنا قولت لحضرتك من أسبوعين.
ردت هي : ما خلاص بقا عايزين نأكل اللقمة في هدوء، قالك بعدين.
رغم كرهي ليها، قولت برجاء: طيب ممكن حضرتك تأجلي حاجاتك و أجيب أنا الكتب.
قالت بطريقة سوقية: ليه يا أختي و أنا أخذ منك حاجه لما تكوني مهندسة، أنا عارفة تعليم ايه، اسمعي كلامي اتجوزي أخوي هو بيحبك.
ردت بحزن: اخوكِ المد،،من.
مسكت كوبية المياة رميتها في وشي، صر_خت و قولت: شوفت يا بابا ،اروح الجامعة ازاي دلوقتي.
رد عليا بصوت عالي: عندها حق، أنتِ قلي_لة الاداب.
رده كان عادي مش صد_مة لي , أنا خدت على كده.
تفكيري دلوقتي اروح الجامعه ازاي
هي خدت كل همومي لأنها عجبتها، و أنا عندي طقمين بس، واحد مغسول و اللي عليا.
قولت برجاء: ممكن أخذ حاجة من هدوم حضرتك.
=لا بقر_ف.
قومت من غير كلام ، خرجت رغم اني المفروض أغسل أطباق الفطار، لكن مش أقدر أقعد أكتر من كده.
و أنا خارجة من باب البيت، فتح الباب اللي قصادي و ابتسمت بحب و قالت: تعالي يا نور.
جريت عليها حضنتها و عيطت ،عيطت اوي.
خدتني من أيدي و دخلنا جوة.
: اقعدي هنا.
= متأخرة على الجامعة يا صبوحة.
: ثواني.
دخلت الاوضة، خالتي صباح جارتنا ،كانت هي و ماما أصحاب اوي، عايشة لوحدها بعد جوزها ما_ت، و بناتها اتجوزه.
الوحيدة اللي تتعاطف معي
خرجت و هي في أيده شنطة و قالت: بصي بقا، أنا كنت في السوق امبارح و لقيت الطقم ده عجبني اوي ليكِ.
زفرت بضيق و قولت: ليه بس كده، مش كفاية تجيبي لي أكل و كمان تديني فلوس و دلوقتي هدوم.
ضر_بتني على كتفي و قالت: قومي يلا علشان تروحي الجامعة.
خدت الهدوم و دخلت لبست و روحت الجامعة.
كان يوم عادي و متعب ،بس مبسوطة أني بعيد عن البيت.
بعد يوم طويل رجعت البيت بسرعة، كانت مش موجوده و لا بابا.
غيرت و صليت و روحت أجهز الغداء.
تمر الأيام و الحياة صعبة جدا مع بابا و مراته ،و كمان يضغطوا عليا اسيب الجامعة و أتجوز اخوها المد،،من العا،طل عن العمل.
كنت قاعدة في اوضتي بذاكر لقيت بابا ينده عليا : نور البسي و تعالي.
: استغفر الله العظيم يارب، أكيد أنزل أجيب حاجه لمراته.
لبست الاسدال و خرجت ،لقيت أخو مرات بابا، نفخت بضيق و ربعت ايدي و قولت: خير يا بابا.
قالت هي: مش ترحبي باخوي.
من غير ما ابص قولت من غير نفس: اهل، عايز حاجه يا بابا.
رد هو ببرود: ازيك يا نور.
مردتش و كررت كلامي: عايز حاجه يا بابا.
و كأن بابا ممنوع من الكلام بأمر منها.
ردت هي بصوت عالي: تصدقي أنك مش محترمة، اقعدي يا اختي مع عمر علشان نحدد معاد الفرح.
سألت بهدوء: فرح مين.
رد هو: أنا و أنتِ يا قمر.
بصيت لبابا و قولت: بابا.
و اخيرا اتكلم و قال: عمر شاب كويس و يحبك.
ردت بعصبية: شاب كويس ازاي، ده واحد عاطل، فلوسك اللي من حقي ،تروح له علشان يشرب بيه مخدا_رات,و تقول شاب كويس، نفسك تخلص مني اوي كده.
و غيرت نبرة صوتي و اتكلمت بحدة: الهانم نفسها أتجوز أخوها ،علشان زي ما سيطرت عليك و كل فلوسك ليها هي و اخوها ،هو ياخد مني الشقة، قلبها مو_لع نا_ر لأن الشقة باسمي، و من الاخر يوم ما أتجوز ،اتجوز راجل مش عيل مد_من ياخد مصروفه من جوز أخته.
كنت أدخل اوضتي، لقيتها قامت ،و مسكتني من حجابي بعن_ف, و صرخت بأعلى صوتها: احترمي نفسك يا بت ،شايفة نفسك على ايه ،احمدي ربنا أني أخوي بص ليكِ.
عيوني عليه، مستني يعمل اي ردة فعل، يمنعها ترفع أيدها عليها، أنا أقدر اكسر أيدها ،بس بسكت علشانه، يمكن اصـعب عليه، بس كفاية كده عذـب
زقتها بقوة وقعت على الارض، و بصت لها بغضب، و قولت: أقسم بالله العظيم ،ايدك لو اترفعت عليا تاني اقتل_ك فاهمة، اق_ـلك.
وافقت مستني بابا يزعق لي، قام من مكانه ، كان عايز يضربني بالقلم ،مسكت أيده و أنا نظرتي كله كرا_هية و قولت و أنا بضغط على أيده : سامحني يا ماما، أنا عارفة انك ربتني على احترام الكبير ، بس ده مش أب ، هو جوز الست ،يمشي وراها من غير تفكير، و أنا أتحملت كتير، كفاية لحد كده علشان ممكن انسي كل حاجه و افتكر الإ_هانة و الضر_ب بس يا جوز الست.
و سبت أيده و دخلت اوضتي.
مجرد ما قفلت الباب، انهرت من العياط و أنا قاعدة على الارض، ليه أبوي قا_سي كده.
فضلت اعيط لحد ما نامت، معرفش عدي وقت قد ايه ،بس صحيت على صوت حد يفتح بابا اوضتي، من غبائي نسيت اقفل بالمفتاح كالعادة.
انصدمت لما لقيت عمر قدمي و يبص لي بش_ر و قال: اتجوزتك غصب عنك يا نور
ها رايكم مشوقة أما لا🤔🤔
أنا كتبت الفصل من غير واحد في المئة حماس و انتم السبب🤨🤨
و مش عمر أو اختها ضحا_يا نور
❤️❤️❤️❤️❤️❤️
#لأجل_الحب
#الفصل_الثامن_عشر
#نور
#روايات_بقلم_منال_كريم
❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
❤️❤️❤️❤️❤️❤️❤️❤️
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق