رواية وهم العشق الفصل الأول 1بقلم الكاتب مصطفي جابر حصريه في مدونة موسوعة القصص
رواية وهم العشق الفصل الأول 1بقلم الكاتب مصطفي جابر حصريه في مدونة موسوعة القصص
#بارت_1
بصي الشاب اللي هناك ده قد اي حلو يا يارا.
يارا برفع حاجب: هو مين اللي حلو ؟ ... بصت ناحية الشجرة.. قصدك الجنايني اللي بيروي الشجر دا ؟
شمس بابتسامة: ايوا هو ... اه لو تعرفي أنا بحبه قد اي
يارا بغضب: تحبي مين فوقي يا شمس دا حتة شغال عندكم ازاي تسمحي لنفسك انك تبصيله اصلا ؟
شمس ببرود: يارا انا حرة واسكتي بقا احسن جاي علينا..
جه ياسر بابتسامة..
شمس بكسوف: خير يا ياسر.
ياسر طلع وردة من وراه: اتفضلي ياست شمس الورده دي عشانك لاقتها وسط الورد الابيض وعلشان عارف ان ست البنات بتحب الورد الاحمر قطفتهالك
شمس بكسوف خدتها: تسلملي وبعدين بلاش ست شمس دي احنا في سن بعض.
ياسر بابتسامة: مينفعش العين متعلاش عال
يارا بغضب: هي فعلا العين متعلاش امشي شوف شغلك يالله وبطل حركاتك دي
شمس بزعيق: يارا احترمي نفسك مينفعش كده عيب
يارا بصدمة: انا اللي احترم نفسي ؟؟ فوقي يا شمس دا..
شمس مقاطعه ببرود: شرفتيني يا يارا اتفضلي روحي.
يارا بصدمة؛ بتطرديني كمان هي وصلت لكدا كل دا عشان حتة الخدام دا.؟
ياسر كان واقف وشه في الارض...
شمس بجمود: دا مش خدام دا زيه زينا و يالله اتفضلي معا السلامه
يارا بحزن: تمام يا شمس بس خليكي فاكره انك هتندمي وهتندمي اوي كمان.
يارا خدت شنطتها ومشيت..
ياسر بحزن: انا اسف يا ست شمس بس مكنش ينفع تعملي كدا مع صاحبتك .
شمس بابتسامة: كله يهون عشانك يا ياسر وبعدين قولتلك بلاش ست هانم دي هتزعلني منك انت غالي عندي
ياسر بحنان: ماشي ياشمس هروح اكمل شغلي.
شمس بابتسامة: تمام.
مشي وهي ابتسمت بحب...
بتدخل الفيلا تلاقي امها قاعده بتشرب القهوة..
فريدة بجمود: تعالي يا شمس اقعدي عايزاكي
قعدت وهي بتفرك ايديها بتوتر..
فريده بهدؤء: طردتي صحبتك لي يا شمس !
شمس بتوتر: عشان بتغير مني يا ماما وياما عملت حاجات مش كويسة معايا بتدمر لي حياتي.
فريدة بشك: متاكدة ؟ هو ده السبب يعني ؟؟ عموما هيا مقالتش حاجه بس خرجت والدموع في عنيها وعندي سؤال من امتي يا يارا بتعملي كدا وتطردي حد من بيتك ؟
شمس بهدؤء: لأنها مش اول مره تدايقني كده ده من زمان كل حاجه اختارها تقف ضدي فيها عشان مش عاوزة تشوفني مبسوطة كل ما اعمل حاجه تقولي ده غلط وده صح لحد ما زهقت.
فريدة بهدؤء: اسمعي يا شمس انا عرفاكي عشان كدا مش هنتناقش كتير في موضوع يارا بس اياكي تطردي اي حد تاني
شمس بحزن: تمام يا ماما.
فريدة للخدامة: نادي لي ياسر الجنايني من برا.
شمس باستغراب: عاوزاه لي يا ماما ؟
فريدة ببرود: هتعرفي دلوقتي.
دخل ياسر مع الخدامة...
فريدة بهدؤء: عامل اي في الشغل هنا يا ياسر مرتاح ؟.
ياسر وهو وشه في الارض: بخير ياست هانم الدنيا هنا كويسه.
فريدة بهدؤء: تمام ابقي خلص الجنينه كويس و روح بيتك عشان زمان ابوك مستنيك..
ياسر بجمود: تمام يا هانم.
...
شمس باستغراب: هو اي اللي حصل دا.
فريدة قامت وقفت: بعرفه مقامه يا شمس أنه مجرد خدام هنا وبوصلك رساله
شمس بغيظ: يعني اي يا ماما انتي كدا بتهنيه لما تكلميه بالاسلوب ده ومهما كان ده انسان بردو
فريدة بغضب: مسمعش صوتك أنا داخله انام وياريت الشكوك اللي جوايا دي تكون غلط ...
شمس بحزن: ماشي يا ماما ماشي.
عند ياسر..
ياسر بغضب: وحياة امي ماشي اما جبت مناخيركم دي الارض مبقاش ياسر وهدفي مش هيتحقق غير ب شمس.
امه بخبث: يعني هتعمل اي ياواد.
ياسر بطمع: هتجوزها بأي طريقه وهاخد اللي وراهم واللي قدامهم
امه بضحك: جدع يا واد المهم اتاكدت انها بتحبك.
ياسر بغرور : دي بتموت فيا كمان .. تشوفيها وهي بتطرد صاحبة عمرها عشاني تقولي عشقتني خلاص البت دي.
امه بفرحة: وهو دا المطلوب يالله روح نفذ باقي الخطة.
ياسر بابتسامة: عيوني ياست الستات ادعيلي.
امه بفرحة: دعيالك ليل نهار يابن بطني.
دي البدايه لو عجبتكم ولقيت تفاعل عليها وعد هنزل حلقه جديده الساعه 11 والمرادي وعد
#يتبع
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق