رواية وهم العشق الفصل الثانى 2 بقلم الكاتب مصطفي جابر حصريه في مدونة موسوعة القصص
رواية وهم العشق الفصل الثانى 2 بقلم الكاتب مصطفي جابر حصريه في مدونة موسوعة القصص
#بارت2
اما جبت مناخير العيله دي الارض مبقاش أنا ياسر
امه بخبث: يعني هتعمل اي ياواد ؟ لازم تخلص من امها وتشيلها من سكتك علشان يحلالك الجو معا بنتها
ياسر بطمع: متقلقيش هتجوزها بأي طريقه وهاخد اللي وراهم واللي قدامهم
امه بضحك: جدع يا واد المهم اتاكدت انها بتحبك اووي وممكن تعمل اي حاجه علشانك ؟
ياسر بغرور : دي بتموت فيا كمان .. تشوفيها وهي بتطرد صاحبة عمرها عشاني تقولي عشقتني خلاص البت دي.
امه بفرحة: وهو دا المطلوب يالله روح نفذ باقي الخطة.
ياسر بابتسامة: عيوني ياست الستات ادعيلي.
امه بفرحة: دعيالك ليل نهار يابن بطني. .
تاني يوم..
شمس كانت قاعده في اوضتها خرجت البلكونة لاقته قاعد تحت الشجر زعلان..
شمس بحمحمة: احم ياسر مالك زعلان ليه.
ياسر بخبث وتمثيل: مفيش يا شمس كنت حابب اقعد مع نفسي شوية.
شمس بحزن: انت زعلان من مامي صح.
ياسر بخبث: لا هيا معها حق اصلا بتفكرني بأصلي .
شمس بدموع: اصل اي .. انت زيك زينا يا ياسر وانا والله بحبك.
ياسر بتمثيل الصدمة: ايه بتحبيني.
شمس بهدؤء مسحت دموعها: ايوا بحبك يا ياسر و من اول يوم شوفتك فيه وانا بحبك ومقدرش استغنى عنك و لو هحارب الكل عشانك هحاربهم المهم انه اكون جنبك.
ياسر بسخرية: انتي بتقولي كده عشان تشفقي عليا يا شمس مش بتحبيني عمرك ما هتحبيني انا مجرد حتة خدام و...
شمس مقاطعه: لا بحبك متقولش كدا ومستعدة اعمل اي حاجه عشانك مش انت كمان بتحبني.
مسك ايديها بمكر: ايوا يا شمس بس عمري ما استجرأ اقولها انتي فين وانا فين انتي عالية اوي هجيب لك مهر ازاي و بيت ازاي واحنا بيتنا اوضة اصلا مينفعش.
شمس بتصميم: لا ينفع هنتجوز.
ياسر بخبث: طب واهلك.
شمس بجمود: دي حياتي انا وانا حرة فيها
بعد شويه..
شمس دخلت الفيلا وهي ماسكة ايد ياسر..
فريدة بتشوفه وبتناديها بغضب: شمس انتي ماسكة ايده كدا لي.
شمس بجمود: انا وياسر هنتجوز يا ماما.
فريدة بصدمة: ايههه.
شمس ببرود: اللي سمعتيه أنا بحبه وهو بيحبني وهيحافظ عليا وهيسعدني
فريدة راحت عندها و كف قوي نزل علي وشها..
فريدة بزعيق: لعب العيال دا انا مش عاوزاه انتي سامعه.
شمس ببرود: دا مش لعب عيال انا ليا ومحدش يتحكم فيها واه صح أنا عايزه املاكي اللي مكتوبه بأسمي
امها بغضب : املاكك اي اللي عايزه تخديها علشان تسلميها لحتة خدام زي دا طمعان فيكي.
ياسر بخبث: انا مش طمعان فيها انا مش عاوز حاجه انا بحبها واكتر منكم كمان.
فريدة بغضب: بررا يا حيوان انا مش عاوزة اشوف وشك وانتي علي اوضتك.
شمس هتتكلم مسكتها فريدة من شعرها: سامعه أنا قولت اي
شمس زقت ايديها ومسكت في ياسر: لا مش سامعه انا وياسر هنتجوز.
فريدة كورت ايديها: تمام يبقا انتي اللي اختارتي من اللحظة دي انتي مش بنتي وبنتي ماتت.
شمس بحزن وصدمة: ايههه يعني اي مش بنتك ماما بلاش تعملي كدا.
فريدة بجمود: انتي اللي عملتي فينا كدا حاتم اقفل الباب انا مش عاوزة اشوف حد غريب هنا من الاتنين دول.
وشاورت علي ياسر و شمس...
حاتم بحزن قفل الباب في وشهم وشمس انهارت: مااامااا لا افتحي الباب انا اسفه عشان خاطري افتحي.
فريدة كانت سمعاها بحزن..
ياسر بخبث: خلاص يا شمس يا حبيبتي هنسيبها تهدا متخفيش الام عمرها ما بتقسي علي عيالها.
شمس بانهيار: ماما اعتبرتني مت يا ياسر فاهم يعني ايه.
ياسر بحنية زائفه: متخفيش يا حبيبتي هتحن لك تاني هو شوية زعل وهتروق.
شمس بطيبة: تفتكر.
ياسر سندها بخبث: ايوا يا حبيبتي دلوقتي هنطلع علي المأذون ونكتب الكتاب.
شمس بحزن: ماشي يلا.
مسك ايديها و مشي تحت نظرات الفرحة الخبيثه منه...
عند فريدة..
كانت باصة لصورة جوزها بدموع وماسكه قلبها: لي تعمل فيا كدا وتمشي لي يا موسي عاجبك كدا اهو بنتك ضاعت مني انت كسرت وعدك لما قولت لي هتفضل طول العمر معايا ومشيت بدري بدري يا نور عيني الف رحمة تنور عليك يارب..
حاتم بحزن: مكنش ينفع نعمل كدا يا ماما.
فريدة بدموع: اختك مش صغيرة يا حاتم وخلاص هي بالنسبة ليا مبقتش موجوده مسيرها ترجع ندمانه و وقتها مش هيفيد الندم.
عند ياسر..
بتنزل شمس من عربيتها وبتبص للحارة بقرف..
ياسر بخبث: نورتي يا عروسة الف مبروك عليا..
شمس بهدؤء: احنا هنعيش هنا يا ياسر.
ياسر بخبث: اه يا روحي انتي بقيتي مراتي خلاص هتعيشي معايا.
شمس بقرف: هنا.
ياسر بمكر وتمثيل البراءة: انا كنت عارف اني بيتي مش هيعجبك انا اسف.
شمس بتسرع: لا لا عاجبني بس يا ياسر مش هعرف اعيش هنا اي رايك نعيش في شقتي انا عندي شقة في الزمالك و من بكرا هعملك توكيل لانه عاوزاك تمسك مصانعي وشركتي.
ياسر بخبث: لا طبعا دي مسؤلية انا مش قدها.
شمس بحب: ومين قال انك مش قدها انت قدها و قد كل حاجه انا امانتك علي قلبي معقولة مش هامن علي املاكي.
ياسر خدها في حضنه بخبث: ربنا يخليكي ليا بس انا مش عاوز غير وجودك جنبي.
شمس بحب: حبيبي يا ياسر.
سمعوا صوت زغاريط...
ياسر باستغراب: اي دا.
امه نزلت جري: الف الف مبروك يا حبايبي.
شمس بابتسامة طيبه: الله يبارك فيكي يا طنط.
عايدة بطمع: طنط اي بقا انا خلاص بقيت زي امك ولا اي يا ياسر.
ياسر: صح ياما.
عايدة ببرود: اومال فين هدية ام العريس.
شمس باستغراب: هدية اي.
عايدة بخبث: لازم تجيبي حاجه دهب لام جوزك بعد كتب الكتاب دا سلونا.
شمس بحزن: مكنتش اعرف والله اسفه ومش عاملة حسابي.
عايدة وهي عنيها علي الحلق بتاعها: ولا يهمك بس حلو الحلق دا هو دهب صح.
شمس باستغراب: ايوا دهب.
عايدة بخبث: حلو اوي كان نفسي في واحد زيه بس الحال يا بنتي.
ياسر قرب من شمس وقلعه ليها وهي اتخضت: ميغلاش عليكي يا امي.
عايدة خدته منه بفرحة: تشكر يا حبيبي ربنا يخليك ليا ياضنايا.
شمس باستغراب: اي اللي عملته دا.
ياسر بمكر: هجيب لك غيره يا حبيبتي دي امي زي امك.
عايدة بغيظ: هو انتي زعلتي ولا اي لا لو زعلتي خديه اهو مش عاوزاه.
ياسر: ازاي بس تقولي كدا ياما لا شمس مبتفكرش كدا ولا اي يا شموستي.
شمس باحراج: ايوا يا ياسر لا يا طنط مش قصدي حاجه انا اسفه.
ياسر ببرود: يلا يا حبيبتي علي شقتنا.
شمس بابتسامة: يلا.
عايدة باستغراب: شقه اي و بيتنا يا ياسر.
ياسر بهدؤء وغمز: مراتي مش هترتاح هنا وانا يهمني راحتها لانها كل حياتي يا امي.
عايدة بزغروطه: مبروك ربنا يتمم بخير يا حبايبي.
شمس ابتسمت...
بعد مرور ثلاثة اشهر..
شمس باستغراب: هو انت ازاي بتسحب الفلوس دي كلها يا ياسر.
ياسر ببرود: الشركة والمصانع محتاجين عمولة.
شمس برفع حاجب: بس دول بيكسبوا كتير من ايام بابا الله يرحمه ازاي محتاجين.
ياسر بخبث: يا حبيبتي انا محتاج اكبر الشغل اكتر واكتر ولا انتي مش عاوزانا نكبر وجوزك حبيبك يكون ناجح.
شمس بابتسامة: دا اللي انا بتمناه يا حبيبي.
ياسر باس راسها بحب: حياتي انتي.
شمس بتوتر: انا هروح لماما.
ياسر بجمود؛ لا.
شمس بحزن: لي يا ياسر هي وحشتني اوي واكيد هتسامحني المرة دي.
ياسر ببرود: كلام كل مرة مش بتزهقي.
شمس بتصميم: لا مش بزهق ممكن بقا اروح.
ياسر بزعيق: وانا قولت لا انتي اي مش بتفهمي.
زقها من قدامه وخرج وهي دموعها نزلت بحزن: كدا يا ياسر ربنا يسامحك بس بردو هروح ليها...
نزلت خدت عربيتها وطلعت علي الفيلا..
جاية تدخل البواب وقفها: عندنا اوامر انك متدخلي يا هانم.
شمس بصدمة: ايههه يعني اي.
البواب: يعني الهانم الكبيرة زهقت من مجيك ليها كل فترة وادتنا اوامر انها مش عاوزة تشوفك تاني.
شمس بدموع: ياه للدرجة دي يا ماما.
بصت للفيلا بحزن ومسحت دموعها: وانا هدخل وسع كدا.
زقته ودخلت: مااااماااا يا ااااماااماا.
فريدة جت من المكتب وساندة علي عكاز: انتي مين.
شمس بدموع: ابوس ايدك يا ماما سامحيني.
فريدة بجمود عكس النار اللي جواها نفسها تاخدها في حضنها: انا مش امك بنتي ماتت واندفنت خلاص اتفضلي بقا اطلعي برا مش كل يومين نفس الموال روحي شوفي جوزك اللي بيضيع شقي ابوكي الله يرحمه علي اهله.
شمس باستغراب: اهله.
فريدة بسخرية: اه مانتي ازاي هتعرفي ما البيه منيمك في العسل روحي الله يصلح حالك ومتجيش هنا تاني هخليهم يسيبوا عليكي الكلاب.
مشيت وشمس دموعها نزلت بالم...
عند ياسر..
ياسر بهدؤء: رانيا ابقي مشي العميل الجاي مش عاوز شغل النهارده واه قولي للمحاسب يحول المبلغ دا علي حساب بابا وماما.
رانيا بصدمة: بس دي خسارة كبيرة لينا خسارة العميل دا يا فندم.
ياسر بزعيق: وانتي مالك خسارة ولا لا انا حر دي شركتي انا وانتي حتة موظفة ولعلمك بقا انتي مرفودة.
سابها ودخل ورزع الباب في وشها والموظفين بيتفرجوا..
احدهم: لا حول ولاقوة الابالله العلي العظيم فعلا مفيش حاجه بتدوم لا الشركة هتدوم ولا اي حاجه هتدوم..
عند شمس..
وصلت الحارة كلام امها مراحش من دماغها
شمس دخلت البيت باستغراب ملقتش حد..
خرجت سالت حد من الجيران.
شمس باستغراب: هو فين طنط عايدة وعيالها.
الجار باستغراب: مشيوا من شهرين راحوا شقة الزمالك الجديده اصل بعيد عنك ابنهم اتجوز واحدة مريشة اوي نقلتهم نقلة تانيه خالص هو واهله.
شمس بصدمة: بقا كدا تمام انت عارف عنوانها فين الشقة دي.
الجار: لا والله يا هانم انتي مين بقا.
شمس بسخرية؛ انا المغفلة اللي نقلتهم النقلة التانيه.
الجار اتصدم وهيا مشيت بغضب طلعت علي الشركة...
دخلت لاقت الموظفين اغلبهم مش موجود رفعت حاجبها باستغراب..
ودخلت مكتب ياسر لاقته قاعد بيلعب بلايستيشن.
شمس بصدمة: اي يلي بتعمله دا يا ياسر.
ياسر بخضة: شمس انتي جيتي هنا ازاي ومخبطيش ليه.
شمس بسخرية: اخبط ازاي وانا دخلة شركتي وملكي.
ياسر بجمود: جيتي لي من غير اذني يا شمس هو انا اي كيس جوافة انا يعني.
شمس ببرود: امشي يا ياسر وانا هشوف الشغل.
مسكها من شعرها بغضب: انتي مجنونه ولا شكلك كدا بت انتي غوري علي البيت باحترامك انتي فاهمه.
شمس بخوف: انت اول مرة تمد ايدك عليا يا ياسر.
ياسر بتنهيدة: بصي انا اسف دا ضغط شغل يا حبيبتي حقك عليا.
شمس بدموع: شغل اي انت قاعد بتلعب يا ياسر ونص الشركة فاضية ولا اي.
ياسر بجمود: تعالي.
خدها من ايديها و خرج تحت نظرات الناس..
بعد شوية..
شمس بحزن: اي اللي بتعمله دا يا ياسر.
ياسر بملل: بعمل اي انتي بقيتي نكدية اوي كدا لي ما الدنيا حلوة اهي.
شمس بصدمة: انا نكدية عشان بسالك اي اللي بتعمله دا ابقي نكدية دي فلوس تعب وشقا يا بابا فوق.
ياسر بغضب: فلوس فلوس فلوس انتي اي هتذليني يا بت انتي ما تصحي كدا لنفسك.
شمس واقفه ساكته.
ياسر بجمود: بصي من الاخر مش ناقص صداع يالله روحي
شمس بجمود: تمام وابقا سلم لي علي اهلك واسألهم شقة الزمالك حلوة ولا لا.
ياسر بتوتر: وانتي عرفتي الشقة دي ازاي.
شمس بسخرية: مش مهم المهم اني عرفت كنت تقولي حتى عشان ابارك.
ياسر بخبث: مجتش فرصة وهم ناقلين فيها امبارح اصلا كنت عاوز اعملها لك مفاجأة يا حياتي ونروح ليهم دا شقة جامدة اوي.
شمس ببرود: بفلوسي.
ياسر كور ايده بغضب: يوووه فلوسك بقي خديها وغوري انا زهقت انتي مش هتذليني دي مبقتش عيشة دي.
شمس بحزن: انا اسفه يا ياسر مش قصدي اذلك بس اضايقت لما عرفت من برا.
ياسر ببرود: ملحقتش اقولك عادي وبعدين دا من امبارح بس.
شمس في نفسها: امبارح ازاي لي بتكدب يا ياسر في اي.
ياسر ببرود: انا نازل و هبات في الشركه التانيه سلام.
شمس باستغراب: تبات ليه انت عمرك ما عملتها.
ياسر نزل بدون ما يرد عليها وهي اضايقت اكتر...
نزلت وراه عشان تشوفه رايح فين..
طالعة وراه من الشركة قابلتها بنت بتعيط..
شمس بطيبة: مالك يحبيبتي في اي.
رانيا بدموع: البيه الجربوع رفدني وانا معملتش حاجة كل شوية يرفد ويعين ولا كأننا عبيد عنده بس العيب مش عليه العيب عالهانم صحبة الشركه اللي سيبهاله كل حاجه ومتعرفش اللي بيعمله.
شمس باستغراب: ليه هو بيعمل اي ؟
رانيا بحزن: بيطرد العملاء المهمين للشركة والمصانع و يسيبهم و يمشي يقعد مع البنات هنا وهنا.
شمس بصدمة: نعم ؟ انتي بتقولي اي؟؟
البنت بحزن: اللي سمعتيه عن أذنك
شمس بغضب سابتها وراحتله لاقته قاعد ومعاه بنت.
شمس بغضب: مين دي يا ياسر.
ياسر بخضه: أنتي بتراقبيني وبتمشي ورايا ؟؟
شمس بغضب : أنطق وقولي مين دي لأخرب بيتك واوديك في داهيه قولي مين دي
ياسر ببرود : دي مراتي يا شمس مراتي وحب عمري سهى ومن النهارده انتي ملكيش اي حاجه عندي .
شمس بصدمة: انت بتخرف بتقول اي.
التفاعل واقع اووي لو مش عجباكم الروايه أوقفها ؟
#يتبع
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق