رواية هل يجمعنا شئ الفصل الرابع وعشرون24 بقلم سلسبيل احمد حصريه في مدونة موسوعة القصص والروايات
رواية هل يجمعنا شئ الفصل الرابع وعشرون24 بقلم سلسبيل احمد حصريه في مدونة موسوعة القصص والروايات
- مستر يوسف حضرتك طلبتني
= ياريت تركزي في شغلك يا استاذة حبيبه.. بدل ما تجيبي لنفسك رفد دي شركه مش مولد
- حضرتك ملكش دخل بشغلي اصلا.. ومش في نفس القسم بتاعي عشان تقولي كده
= افندم ؟؟ انتي ازاي تتكلمي بالشكل ده؟
- انا بتكلم عادي.. حضرتك الى مستقصدني
= طب اتفضلي على مكتبك.. و طريقتك دي عليها جزا
- تمام وانا هشتكي لمستر مصطفى.. بعد اذنك
>>>>>>>>>>>>>>>>>>>>>>>>>>>>>>>>>>
صلي على محمد
- لاء !! انا خلاص مبقتش مستحمل حبيبه دي !!!
= بسم الله الرحمن الرحيم فيه ايه يا يوسف؟؟! حد يدخل على حد كده؟؟ انت ولا الى داخل يقفشني بمحْدرات!!
- مشيها من الشركة يا اما امشي انا
= يعني انت المدير ومش عارف تهدي الدنيا؟ كل دقيقة حبيبه حبيبه !!
- مدير ايه؟ دي بتتعامل معايا كأني شغال عندها يا مصطفي!! مش كأني المدير
= طبيعيي يا يوسف تلاقيها خايفه تحطها جمب لسته البنات بتوعك!
- بنات؟ انا بتاع بنات
= انت مش بتاع حاجه غير البنات.. ياريتك فضلت مركز على الأكل ارحم لك..!
- نهايته خلي البت دي تبعد عن وشي انا قولتلك اهو وبطل هزار انا بتكلم جد.. انا اصلا وقت لما امسك الشركة بشكل فعلي همشي كل الى مش عاجبني
" خرج من المكتب وهو متنرفز شوية و بعد دقايق الباب خبط فا مصطفي سمح بالدخول"
- لو سمحت حضرتك فاضي ؟
مصطفي رفع عينه: فيه ايه يا حبيبة
= ياريت حضرتك تخلي مستر يوسف ملوش دعوة بيا مش كل شوية يفضل يرخم
بدهشه: يرخم؟
- اه.. انا مش هستحمل كده وبعدين بيقولي هاخد جزا.. اخد ليه انا مش مقصره في شغلي حتي انقلوني مكان تاني احسن.. بعد اذنك
" خرجت "
مصطفي اتكلم بتعجب: انا ايه البلوى الى انا فيها دي؟ دول ولا الى في كي جي تو !!
>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| داخل عماره في مكان عادي | شقة زياد ||
- ليلي بتعملي ايه
= الجولاش عشان نخده معانا فيه حاجه؟
- ابنك شكله اتجنن
= الله؟ ليه؟
- عمال يقولي لما نوصل بيت جدو و نيجي نلعب كلنا شيل كريم من معانا عشان ملك متلعبش معاه
وخليني انا و ملك بس!!
فضلت تضحك: اه.. ده ابنك بيغير ايه الجديد
- دي مبقتش غيره ده عبط
= يا تري طالع لمين
بصلها بنص عين: قصدك انا؟
- اوعي تكون فاكر اني ناسية خناقاتك معايا في المصيف عشان لبسي و لا خناقة البلد عشان مصطفي وقفني عند الرجالة في الفرح
ابتسم وحضنها بحب: اعمل ايه بحبك
- ماشي مهو طفل برضو.. اكيد غيران
= هو يعرف ايه لسه عشان يغير.. بعدين الواد ادهم هيقعد يترسم ويقولي ابعد ابنك عن بنتي
ضحكت: هيلاقيها من أسر ولا من كريم الى بيتخانقوا علي بنته
- كويس ان كارما لسه محدش جه جنبها
= ومالك برضو لسه هيكمل سنتين صح؟
- اه..
سرح وبصلها: سبحان الله اول خلفتهم ولد مع ان خالد كان نفسه في بنوتة وعمال يدعي تطلع بنت
انا بحمد ربنا انوه رزقني بكراملتي
= هو مش بيحب مالك؟ وانت مش بتحب اسر !
- انتي هبـ ـله يا ليلي محدش ميحبش ابنه هو بس بيقول عاوز نسخه مصغرة من يمنى
بصتله وابتسمت جامد: اممم وايه كمان
= انت مبتسمه على ايه
حضنته: عشان مبسوطه بعلاقتك مع عمي عبدالله.. وانك بتقول مفيش اب مش بيحب ابنه.. بيدج الفيس بوك سلسبيل احمد مبسوطه اوي انك بقيت مرتاح.. وعلاقتك بيه كويسه!
زياد حضنها بحب: شامم ريحه حاجه بتفكر تتحرق
"ليلي سابته بسرعه و راحت شالت الصنية "
زياد: طب كويسه اهي لحقتيها.. اسيبك بقا و اروح اللبس
>>>>>>>>>>>>>>>>>>>>>>>>>>>>>>>>>>
لا إله إلا انت سبحانك اني كنت من الظالمين
|| في شقة خالد و يمنى ||
- يا خالد.. شيل مالك شوية مش عارفة اعمل الكيكة
شاله وهو بيضحك: تلاقيه عاوز يعرف سر الوصفه
يمنى ابتسمت: هو بس يبدء يمشي و اعلمه كل حاجه..
- يمنى حببتي هي دي الصنية الكام؟
= دول تلاته بس.. لأن كدا كدا انا و البنات هنعمل تاني
- ليه يا يمنى.. هو فرح؟
= لا.. بس كلنا هنكون هناك.. المهم انت كلمت ادهم اكدت عليه يبطل يأخر في سلمي؟ ولا نعدي ناخدها
- أدهم مش هيرضي يحببتي بيغير هي هتيجي مع فريده تقريبا
= دي بنت عمي قوله يريح شوية
- ما علينا.. هو اكيد في الشركة مع يوسف و مصطفي و كده.. و هيخلصوا ويجوا..
= أكد عليه برضو..
- حاضر
>>>>>>>>>>>>>>>>>>>>>>>>>>>>>>>>>>
اللهم صلِ وسلم وبارك علي سيدنا محمد
|| في شقة سلمي و أدهم ||
" كانت سلمي بتلبس ملك و فريده معاها هي وكريم "
كريم: سولي.. انا عايز اقعد جمب ملك واحنا رايحين
فريده بصتله: فكرتني صح يا كيمو يا حبيبي.. لما نوصل تلعبوا كلكوا سوا وبلاش خناق مع أسر
ملك بزهق طفولي: دول لازم يتخانقوا!! انا مش بعرف اللعب منهم! واخر مره.. كانوا هيقطعوا عروستي!!
سلمي بنكش همست لفريده: ابنك لو متلمش هعجن ابوه
فريده: ماهو اخوكي.. اعجنيه براحتك
ضحكت: طيب لما نروح له بس.. بعدين ده ادهم هو الى زهق من خناقات أسر و كريم دي
فريده: ربنا يستر في المستقبل هيعملوا ايه في بعض.
>>>>>>>>>>>>>>>>>>>>>>>>>>>>>>>>>>
" واخيرا بعد لما كله جهز.. بقلمي سلسبيل احمد بدأو يروحوا على البيت والى عايشين علطول في البيت كانوا احمد و محمد و زينب و عبدالله و خديجة و يوسف.. "
" اول حد وصل كان يمنى و خالد "
"زينب قربت و سلمت عليهم وشالت مالك بحب"
يمنى: لسه محدش جه؟
خديجة خرجت وسلمت عليهم: لسه
خالد: طيب انا هستني بره في الجنينه
" و شوية و زياد و ليلي وصلوا "
" يمنى جريت على ليلي وحضنوا بعض بأشتياق و وراهم علطول كانت سلمي بتنط في حضنهم "
يمنى: انا حذرت لو مكنتيش جيتي بدري كنت هعمل مشكله..
ضحكت: لازم اجي عشان نعمل الكيكه.. ملك كلت دماغي عايزه تعمل كيكه زي يمنى..!
ليلي: ومين مش عايز يعمل كيكه يمني؟
" يمنى بصت لفريده ودخلتها وسطهم وحضنوا بعض تاني "
زياد: امال مصطفي الجبان فين.. و يوسف و ادهم؟
فريده: كلهم في الشغل لسه..
سلمي: اه احنا جينا بعربية فريده
زياد: طب خلاص هستني بره مع خالد.. برضو بابا و عمامي قدامهم شوية..
" زياد خرج و هما هيصوا "
سلمي: البيت بتاعنا الحبه دول
يمنى: يلا ناخد الولاد ونطلع الدور الى فوق.
>>>>>>>>>>>>>>>>>>>>>>>>>>>>>>>>>>>
بقلمي Slsbell Ahmed
|| في الشركه ||
" ادهم ومصطفي خلصوا ودخلوا مكتب يوسف "
- ها ينجم يلا
يوسف: اسبقوا انتوا بقا وانا هاجي وراكو
ادهم: يلا يحبيبي خالد مبلعْني ان فيه تهد يدات لو اتأخرنا زي كل مره
مصطفي: وانا مش ناقص نكد ولا عشان انت سنجل
يوسف: خلاص بقا هاجي وراكو يلا اتفضلوا بلاش عطله
ادهم بنكش: اوعي تكون رايح تقابل بنات
يوسف بصله وابتسم: لو مسكتش هسخن مراتك عليك
ادهم: طب يلا يا مصطفي
" ضحكوا وبعدين قاموا يمشوا.. "
" و في اخر الممر كانت حبيبه واقفة و باين عليها الإرهاق فا بتعمل قهوه بقلمي سلسبيل احمد و جه نادر رئيس مجلس إدارة الشركة وقف قصادها "
- مردتيش عليا يعني يا حبيبة؟
= اظن ردي وصل لحضرتك
- مش فاهم؟
حبيبه بحده: لو سمحت يا استاذ نادر علاقتنا في إطار الشغل مش اكتر
= وهو حد قال غير كده؟
" حبيبه حست انوه هيقرب ناحيتها فا اتحركت بسرعه سابته و مشيت عشان ترجع المكتب و هي داخله قابلت يوسف الى بصلها بستغراب "
- انتي ايه مقعدك لحد دلوقتي؟
حبيبه بضيق: عندي شغل
= والشغل ده مخلصش من بدري ليه ؟؟
- اهو بقا ظروف وهقعد اخلصه دلوقتي
= لا اتفضلي روحي الوقت اتأخر
- نعم؟
= زي ما سمعتي.. اغلب الموظفين مشيوا فا اتفضلي خدي حاجتك و أمشي
- ماشي بس الشغل ده لو
قاطعها بعصبيه: مفيش نقاش.. انا الى بقولك امشي!
" يوسف كان متنرفز بسبب انوه شافها واقفه مع نادر.. و معندوش ادني فكره متنرفز ليه.. "
>>>>>>>>>>>>>>>>>>>>>>>>>>>>>>>>>>>
بقلمي سلسبيل احمد
|| في الجنينه ||
مصطفي دخل لقي خالد و زياد: مساء النور يا نجم منك لي
خالد: ايه يابو مواعيد مصْروبة
"سلموا على بعض"
زياد: امال فين يوسف؟
أدهم: تلاقيه بيعلق واحده
زياد: اتلم بقا الواد احترم نفسه من ساعة ماشديته
مصطفي: الحق يتقال.. هو دلوقتي مركز مع واحده بس.. مطلعين عين بعض وعيني معاهم
زياد: مين دي بقا؟
ادهم: حبيبه.. لازم تشوفلهم خناقه.. ابقي تعالي الشركه
زياد: يابني هو انا ملاحق على الشركه عندي اتلميتوا كلكوا في فرع و سايبني انا في شركه تانيه لوحدي.. حتي المصنع عمي احمد و محمد و بابا شغالين فيه سوا
خالد: هو انا مش مالي عينك؟
زياد: يعني احنا اتنين في شركة واحده.. وهو ومصطفي و يوسف وكمان نادر في شركة
مصطفي: فكرتني صح.. نادر ده مش مريح.. وبفكر اشد عليه برضو
زياد بستغراب: ليه؟
أدهم: في موظفه اشتكت منه يا معلم.. قولنا عادي.. لكن بعدها اتنين كمان..
خالد: قالو ايه يعني؟
مصطفي: لمحوا انوه بيضايقهم فاهم
زياد: نعم؟ يبقي يمشي! انا من البداية مش مرتاح له.. كان ترشيح يوسف اصلا صح
مصطفي: والله انا لسه كنت هكلم يوسف في الموضوع ده بس الشغل كتير وفيه ضغط
زياد: شوف الدلع هيقولك ضغط.. عايز تشوف ضغط تعالي عندنا
أدهم: خلاص بكره نشوف الحوار ده
" قاطعهم دخول عبدالله و محمد و احمد و كمان محمود "
" بدأو كلهم يسلموا على بعض بعشم "
عبدالله: ايه الاخبار يا ولاد في اي مشاكل
زياد: كله زي الفل.. لو بس حد يجي معايا في الشركه
احمد: ما ليلي عرضت عليك.. بس نقول ايه الغيره مولعه في الدره
زياد: لا ياعمي احنا قايلين من الأول البنات ماسكه إدارة المحلات الى كلها بنات برضو لكن شغل الشركه وموظفين وبتاع لا
محمد ضحك: ده تربيتي ده
عبدالله: دي تربية عبدالرحمن باشا انا عارفها
"ابتسموا كلهم بحنان.."
محمود: الله يرحمه.. و يرحم الحجه فاطمه
محمد: يلا بقا اقروا لهم الفاتحه..
" قرأو كلهم الفاتحه و بعدها خرجت زينب و خديجة سلموا على بعض و قالت لهم يجوا يخدوا الأكل "
" لأن العدد كبير فا بقوا ياكلوا في الجنينه"
محمد: مش هنستني يوسف
زينب: كلمتة قال جي
" الاطفال خرجوا بره عشان عارفين ان يوسف قرب يوصل و لما دخل جريوا عليه كلهم.. كريم و ملك و أسر.. "
أدهم ضحك: معرفش بيحبوا على ايه
يوسف: سامعك يا ابو غل
مصطفي ضحك: تلاقيه بس عشان هايف
يوسف: عمتو خديجة.. لمي ابنك
خديجة: غيران منك يحبيبي.. ها مش ناوي تشوف العروسة
" كلهم ضحكوا "
زينب: دي من عيله كويسة وبنت ناس
يوسف: يا جماعه بلاش شغل الخاطبه ده بقا
عبدالله: يا واد بقي عندك 27 سنه!
يوسف: لسه في عز شبابي.. بقولكم ايه انا جعان
ملك خلته يشلها: انا هقعد مع يوسف
" يوسف ضحك و بص على اسر و كريم "
- اهو كده تهدوا شوية بدل ما تتخانقوا عليها
سلمي ضحكت على جملته: خد بالك من بنتي بقا
" كريم شاف كارما ليلي شيلاها فا راح عندها "
كريم: هي صاحيه؟
ليلي هزت راسها: اه..
كريم بصلها وابتسم: مبقتش تعيط كتير زي الأول
ليلي: اه.. عاوز تشلها؟
كريم بحماس ضحك: اه اه.. بس لو عيطت هديهالك
ليلي ضحكت: اوكيه تعالي جمبي
" أسر استغل الفرصة وراح قعد هو جمب يوسف و ملك "
أسر: ملك.. خدي عصير
ملك بحنية: ايه ده طب وانت
أسر: مش بحبه اوي عادي.. انتي بتحبيه
- طب بص انا هشرب حبه وانت حبه اوكيه؟
= اشربي انتي لو عاوز هجيب
" ليلي كانت بتأكل كريم عشان هو كان بيلاعب كارما ومش مركز غير معاها ومبسوط انها مش بتعيط "
زياد همس لـ ليلي: هو ايه ده؟ انتي سبتيله بنتي
ليلي ضحكت: اسكت يا زياد انت فعلا اوڤر
" خلصوا أكل وبعدين البنات طلعوا الحلويات "
يمنى لخالد: خلي مالك معاك بقا عشان هندخل نعمل كيكه
ليلي: و كارما يا زياد خليها جمبك
" دخلوا يمنى وسلمي و ليلي و فريده و وراهم ملك و كريم و أسر الى كانوا عاوزين يلبعوا وخلاص "
" بدأو يعملوا الكيكه و كانوا مركزين مع خطوات يمنى"
سلمي: اربع بيضات ها
يمنى حطتهم وبصت لملك: وبعدين نضربهم مع الخليط و نخلي بالنا لحسن يدخل هوا
"ملك كانت مركزه و الولاد بدأو يزهقوا"
ملك بأنبهار: واو انا عايزه احط الشوكولاتة
كريم بزهق: ما انتوا عملتوا واحده برتقال ! كفاية
أسر: مش عاجبك اخرج
كريم: اه هخرج اللعب مع كارما
" البنات ضحكت و فريده بصتلهم "
- تغير في الأحداث كريم بقي مهتم بكارما
سلمي: وزياد هيجيله جلطه
"ضحكوا جامد وبصوا ليمنى"
سلمي: مش ناويه تخلفي تاني وتجيبي اخ لـ مالك؟ عاوزين حربوقة صغيره زيك
يمنى: بصراحه لا.. مش قادره
فريده: معاكي حق.. انا برضو بعد كريم مش قادره
سلمي: انا ادهم بيقولي لازم اخ راجل لملك اعملها له ازاي دي معرفش
ليلي: تقوليله الولاد كلهم اخواتها كلهم اخوات اصلا!
" في عالم موازي كان اسر و ملك بيتفرجوا على الكيكه في الفرن "
أسر قرب عند ملك: لما تكبري هتعملي زيها
ملك بحماس: هتبقي تساعدني؟
أسر: اه اكيد
ملك: ابقي ولـ ـع انت زي ما يمنى بتعمل.. عشان انا بخاف من النـ ـا ر
اسر بحنية: متخافيش.. هبقي معاكي
يمنى: اخوات ايه يا ليلي لا معلش.. احنا لازم زيتنا يبقي في دقيقنا زي ما سلمي قالت
سلمي: شكرا يا اخت حربوقة عشان بتتفقي معايا
فريده ضحكت: اهو ده الى مش ممكن ابدا.. انكم تتفقوا على حاجه..
ليلي: لما يكبروا تراهنوا ان أسر هيتجوز ملك
سلمي: ياريت
فريده: قصدك ابني جربان يعني منتي عارفه انوه بيكراش
سلمي: ما خلاص شكله زهق و راح لكارما
يمنى ضحكت: الله يكون في عون زياد..
" في الجنينه.. كريم كان مجنن زياد.. و طبعا زياد غيران ومش عايز يسيب له كارما "
مصطفي: ما تبطل تناحتك دي و تسيب البت
زياد: افرض وقعت
خالد: سيب الواد يلعب
أدهم: اه سيبه يلعب
عبدالله ضحك: خليه يشلها هيخلي باله هاتها واقعدوا جمبي يا كريم
" وفعلا كريم خدها و بعدها طلع لسانه لزياد "
زياد بتعجب: اه يا ابن الـ
مصطفي: ها ايه؟
- يا ابن مصطفي مانا هقول ايه
>>>>>>>>>>>>>>>>>>>>>>>>>>>>>>>>>>
" شوية وخرجنا بالكيكه و قعدنا كلنا سوا.. الجو كان لطيف و هادي.. طول الوقت كلنا بنكون مضغوطين جدا لكن الي بيهون علينا هو اليوم ده.. لما نتجمع كلنا في البيت.. شعور الدفا و الأمان بيخلينا قادرين نكمل.. وحبنا كلنا لبعض هو الى بيدينا الأمل و الطاقة"
" سبتهم و دخلت اوضة المكتب.. افتكرت من سنين كتير اول مره دخلت مع جدو وتيته وهما بيحاولوا يقنعوني افضل في مصر.. ابتسمت وعيوني بتلمع بالدموع.. لحد ما حسيت بحد ورايا "
- زياد!
" مسك ايدها وباسها"
= ايه مالك فيه حاجه مضيقاكي
هزيت راسي بالنفي: ابدا.. انا مبسوطه
- امال مالك
بصت على صورة جدو وتيتة: وحشوني اوي..
" اتنهد"
- وانا كمان يا ليلي.. وجودنا هنا بيحسسني انهم معانا هو الى بيصبرني
= احنا اتفقنا انا والبنات.. هنبات هنا كلنا
بصلها وابتسم: واحنا كلنا نترمي تحت وانتوا فوق
مسحت عينها: لا مش كلكوا بابا و عمي محمد و عمي عبدالله هيكونوا فوق
- اممم.. وانا بخالد وادهم و يوسف ومصطفي تحت
= اه ..
- ماشي ياستي.. المهم تكوني مبسوطه.. انا عمري ما هقولك لا.. انا اصلا روحي في المكان ده..
>>>>>>>>>>>>>>>>>>>>>>>>>>>>>>>>>>
" وقت النوم جه.. وطلعوا البنات في اوضة واحده كلهم.. و فريده كانت اكتر حد بيتبسط معاهم.. "
سلمي بحنين: ياه... فاكرين زمان!!!
" كلهم ابتسموا و يمنى بدأت تحكي لفريده "
فريده بضحك: قومتي رقصتي فنص اليل!!
سلمي: اصلها كانت مجنونه زمان
ليلي: ولسه لحد دلوقتي
يمنى: براحتكم بس متقدروش تعيشوا من غيري
فريده: طب احكيلي موضوع الجبس
سلمي: وقتها بقا خوفنا ننام جمبها من اساسه و فرشنا على الارض زي دلوقتي كده وهي كانت على السرير
يمنى: سابوني مع الجبس لوحدي
ليلي: كنا خايفين عليكي متنكريش
يمنى بحب: انا بحبكوا اوي يا بنات..
فريده: احم.. وانا كمان حبيتكم اوي.. اكتر من اخوات.. انتوا حقيقي ليكم مكان كبير في قلبي
ليلي: وانتي كدا كدا اكتر من اختنا برضو وبنحبك من اول لما شوفناكي..!
سلمي: دي حقيقة.. انتي طيبه يا فيرو وتتحبي
" فضلوا يتكلموا شوية وبعدين نامو من كتر الإرهاق.."
>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| تاني يوم الصبح ||
" صحينا بدري جدا نجهز فطار كبير لينا كلنا.. عشان عارفين ان كلهم هينزلوا الشغل علطول.. لكن احنا كنا لسه اجازه.. "
عبدالله: تسلم ايدكم
خديجة: بالهنا والشفا
زينب: حد عاوز عيش
مصطفي: أدهم ناقص ياكلني
سلمي: ملكش دعوة بجوزي ها
أدهم غمز: حببتي
يوسف: لا حبيبي محن على الاكل لا
كريم: يعني ايه محن
زياد: عاجبك كده لم نفسك شوية
يوسف قطم من الساندوتش وخد مفاتيحه: كدا كدا انا عندي شغل كتير يلا هطير انا
مصطفى: خد هنا انت ايه شاغلك اوي كده يخويا
يوسف: شحنة مصنع الجيزة.. يلا سلام
>>>>>>>>>>>>>>>>>>>>>>>>>>>>>>>>>
|| في الشركة ||
" يوسف وصل بدري و مكنش فيه موظفين كتير.. قعد في مكتبه وبعد دقايق شاف حبيبه بتدخل مكتبها "
" من جواه كان مستغرب اللتزامها بالشغل.. مهما كان بينكش معاها هو عارف ان شغلها مش عليه اي تعليق.. بس سأل نفسه.. هو ليه بيعلق.. "
" وبعد شوية استغرب لما شاف نادر موجود بدري.. و في طريقه لمكتب حبيبه..! "
- يا صباح الخير
حبيبه بدهشه: حضرتك دخلت من غير ما تخبط!!
" نادر قرب ناحية الكرسي بتاعها وحبيبه قامت "
بصلها بسخريه: انتي بتسبيني امبارح وتمشي ؟ فاكره نفسك مين؟
حبيبه: كفاية اوي لحد كده!
- فوقي يا حببتي!!! متنسيش نفسك
حبيبه راحت عند الباب: لا مش ناسية ياريت حضرتك الى متنساش ان علاقتنا مجرد شغل واتفضل من مكتبي عشان مبلغش مستر مصطفي
" وقبل ما تفتح الباب اتحرك ناحيتها بسرعه وشال ايدها من على الاوكره ومسكها "
" حبيبه اتفاجئت و اتحْضت "
" قبل ما تعمل اي حاجه ايده التانيه راحت عند رقبتها و مسكها بحزم "
- اوعي تفتكري ان دراعي بيتلوي انتي هتطردي من هنا في خلال دقايق يحببتي ومحدش هيصدق واحده زيك
" حبيبه كانت بتحاول تتكلم او تزعق وهو حْانقها..!! فضلت تزق فيه لكنه مش بيتحرك.."
يتبع..
>>>>>>>>>>>>>>>>>>>>>>>>>>>
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق