رواية بنت الغلابه الفصل الأول إلى الفصل السادس بقلم محمد منصور
رواية بنت الغلابه الفصل الأول إلى الفصل السادس بقلم محمد منصور
ح(1)
من جوة اوضة نوم معالي البنت اللي عندها 25 سنة تقعد علي السرير و قصاد منها راجل في اواخر الخمسينات من عمره ودة يبقي الدكتور عبد الله وكانت معالي بتقول
ايوة بقي يا سي بابا ممكن تحكي لي حكاية امي معالي
عبد الله
انتي زنانه اوي
معالي
ما انا مش هسكت الا لما اعرف لية سيبت ماما وما اتجوزتهاش ولية ربتني
عبد الله
الكلام في الماضي اوقات بيسيب جوة مننا وجع ما نقدرش نتعالج منه
معالي
ما تقلقش عليه انا جامدة ومهما انت كنت وحش زمان مع امي. ف انا مش هقدر انسي كل اللي انت عملته معايا
عبد الله
وهفضل بالنسبة لك بابا عبد الله
معالي
هتفضل بابا عبد الله
عبد الله
طالما كدة. يبقي هحكي لك،،،
ومن هنا بدات الحكاية
مستوحاة من احداث حقيقية
بنت الغلابة
كتابة واقتباس
محمد منصور.
منص
وقبل ما نبدا نوحد الله ونصلي علي رسول الله
صلاة تحل بيها العقد وتفك بيها الكرب
من جوة المستشفي العام بطنطا من 27 سنة فاتو.. كان في ممرضة طيبة جدا
و قمورة جدا. اسمها معالي. معالي دي كانت تقريبا مخطوبة ل دكتور معاها في المستشفي ودة يبقي
عبد الله وكان عبد الله بيحب معالي اوي وكان ديما قريب منها وبيعمل لها اي حاجة تفرحها من قبل حتي من تطلبها. لغاية ما جه يوم الحال بقي غير الحال
وعبد الله وقف قصاد معالي وقال لها
انا مش هنفع اكون ليكي
وبعد ماقال عبد الله كدة هربت دمعه من عيون معالي وقالت
لية بتقول كدة انا زعلتك في حاجة
عبد الله
انتي عارفة ان اختي داخلة علي الثلاثين ومش حلوة اوي وجالها عريس بس شرط علشان الجوازة تتم اتجوز اخته وعلشان كمان في مشروع بين بابا والراجل دة اللي داخل براس المال يعني لو قولت لا كل حاجة هتبوظ وهبقي انا السبب
معالي مسحت دموعها وقالت
فكرت في اختك وفي ابوك لكن انا لا.
عبد الله
لا. يا معالي مش كدة بس انا والله مش عارف اعمل اية
معالي
عملت الصح دوست علي اضعف واحدة دوست عليا علشان انا بنت الغلابة.
عبد الله
معالي ان،،،،،،
لكنه سكت لان معالي سابته ومشيت وفضل عبد الله واقف مش عارف يسامح نفسه ،،،،،،،
ويتغير المشهد ونشوف معالي في اوضة التمريض قاعدة مع سماح المديرة بتاعتها اللي بعد ما عرفت اللي قاله عبد الله قامت وقفت وقالت
انا لازم اروح اتكلم مع. دة انتو في حكم المخطوبين والمستشفي كلها عارفين باللي بينك وبينه
معالي اللي مفحومة من العياط قالت
بالله عليكي لا. انا اتكلمت معاكي علشان افضفض عن نفسي مش اكتر لكن خلاص اللي بيني وبين عبد الله خلص
سماح
طيب كفاية عياط انتي عارفة اني بعتبرك زي بنتي وما حبش اشوفك كدة
معالي
انا هبقي كويسة مش هموت يعني علشان هو سابني. وبعدين انا اصلا كنت غلطانه لما صدقت ان دكتور زي عبد الله ابن الحسب والنسب يتجوز ممرضة زيي بنت ناس غلابه ابوها بواب وامها عاملة نظافة في حضانه
سماح
دة يبقي نهاره اسود معايا
لو سابك علشان كدة فعلا دة انتي احسن بنت في المستشفي. وبعدين هما مالهم الممرضات مش بني ادميين ومن حقهم يحبو ويتحبو ويتجوزو
معالي
من حقنا نتجوز اللي من توبنا انما اللي زي عبد الله صعب شوية. الله يسهل له انا هعمل نفسي مصدقة انه بيضحي بيا علشان اخته متباقش بايرا. وهعمل نفسي مصدقة اني اقدر اعيش من غيره،،،،،،،،،
ويتغير المشهد ونشوف
عبد الله. رجع الشقة اللي عايش فيها مع ابوه وامه واخته وكان باين عليه الحزن الشديد وشافته اخته زبيدة وندهت عليه لكنه ما ردتش
ودخل اوضة وقامت زبيدة وراء منه ودخلت وراء وهي بتقول بهزار
انت يا عم انا بنادي علية رد عليا
بص لها وابتسم وقال
معلش يا زبيدة والله ما خد بالي
رغم ابتسامة عبد الله لكن الحزن كان باين عليه فقربت منه زبيدة وقالت
مالك
عبد الله
مافيش. بس الشغل كان كتير النهاردة
زبيدة
الشغل ولا في حاجة تانية
عبد الله
لا. الشغل
زبيدة
لو جوازك من بنت صاحب بابا استاذ عمر. مضايقك بلاش تعمل حاجة غصب عنك علشان جوازتي انا تتم
عبد الله
لية بس بتقولي كدة انا فرحتي بانك هتتجوزي فرحة عمري ما حسيت بيها قبل كدة
زبيدة عيطت وقالت
مش ذنبي اني وحشة علشان اتجوز بالشكل دة.
عبد الله راح خدها في حضنه وطبطب عليها بمنتهي الحنية وقال
مين دي اللي وحشة دة انتي قمر واحلي بت في الدنيا انتي يا زبيدة
زبيدة
تعرف اني بحبك اوي. ومقدرة اللي انت بتعمله علشاني
عبد الله
وبعدين بقي كلامك ملهوش لزمة.
ومسح دموعها وقال
وبطلي عياط بقي انتي عارفة دموعك بتعمل فيا اية
مسحت زبيدة دموعها وقالت
هسيبك تغير واروح انا اسخن الاكل لغاية ما بابا وماما يرجعو من الشغل
وخرجت زبيدة وعبد الله راح ناحية رف عليه كتب طبية كتير ما انا نسيت اقول لكم ان عبد الله دكتور نساء وولادة . المهم فتح الكتاب وبص لصورة معالي اللي كانت مزينه الكتاب ونزلت دموعه من عيونه وقال للصورة
حقك عليه. يا احلي حاجة حصلت في حياتي ،،،،،،،
وتاني يوم يروح عبد الله المستشفي ويدور علي معالي بين كل الممرضات الموجودين لكنها ما كنتش موجودة سال عليها مديرة قسم التمريض سماح. فرديت عليه سماح بحدة وقالت
وانت بتسال عليها لية
عبد الله باحراج
مش المفروض انها اللي معايا في الاستقبال زي كل يوم
سماح
طلبت تكون في الطوارئ علي طول
عبد الله
ازاي تعمل كدة وهي عارفة اني ما بعرفش اشتغل من غيرها
سماح
هتتعود تشتغل من غيرها
ولسة هتمشي سماح فقال لها عبد الله
سماح
وقفت سماح وقالت
نعم
عبد الله
باين اوي من طريقة كلامك معايا انك عرفتي باللي حصل بيني وبين معالي امبارح
سماح
عرفت وبصراحة انت زي ابني ما تزعلش مني. لكنك نزلت من نظري اوي
عبد الله
طالما وصلت ل كدة يبقي بلاش نتكلم احسن
وسابها عبد الله ومشي فقالت سماح لنفسها
نفسي مرة اقابل راجل يطلع نفسه غلطان. ،،،،،،،،
بعد اللي حصل دة ب تلت شهور بالظبط. معالي هتتجوز عارفين اتجوزت مين خطيب زبيدة. طيب ازاي دة حصل. بكرة باذن الله هقول لكم
اللي بيحب ربنا يعلق. دي لو عجبتكم. سلام
ح(2)
هنبدا حلقة النهاردة من عند معالي الابنه مش الام اللي جوة اوضتها ولسة قاعدة مع عبد الله وبتقول له وهي مستغربه
اية دة هو مش بابا حسام عمر دة اللي كان خطيب اختك زبيدة
عبد الله
هو.
معالي
الله طيب ازاي من خطيب اختك ل جوز ماما. هو اتجوز الاثنين ولا اية
عبد الله
لا. هو اتجوز امك وبس
معالي
طيب واختك زبيدة. لا. انا الفضول هيقتلني وعايزا اعرف ازاي دة حصل
عبد الله
هقول لك النهاردة ازاي دة حصل ،،،،،،
القصة مستوحاة من احداث حقيقية بعدتها ليها بنت صاحبة الحكاية لان صاحبة الحكاية ماتت. ف يارب الحكاية تعجبكم
بنت الغلابة
كتابة واقتباس
محمد منصور.
منص
وقبل ما نبدا نوحد الله ونصلي علي رسول الله
صلاة تحل بيها العقد وتفك بيها الكرب
من جوة شقة عمر. والد حسام خطيب زبيدة. وشريفة خطيبة عبد الله كان موجود العيلتين وكام واحد من الاقارب والاصحاب. ووالد عبد الله. الدكتور صادق و مراته الدكتورة سريا وكانت الفرحة من ضمن المعازيم. لكن اتنين ما كنوش مرحبين بالفرحة دي.
عبد الله وكلكم عارفين لية وحسام خطيب زبيدة اللي لحظت زبيدة انه قاعد ساكت وديما باصص بعيد عنها فقالت له
مش طايق تبصي في وشي
حسام رد بطريقة خالية من اي مشاعر
لية بتقولي كدة
زبيدة
ما انت مش شايف نفسك قاعد وعامل ازاي
حسام
اصلي ما بحبش الدوشة. والاغاني صوتها عالي
وكح حسام فقالت زبيدة
الكام مرة اللي شوفتك فيهم كنت علي طول بتكح.
حسام
دة دور برد.
زبيدة
دور برد يقعد معاك شهر وزيادة
حسام
اصله تقيل شوية.
زبيدة
طيب كشفت
كح حسام تاني وقال
ما تبطلي رغي بقي انا دماغي مصدعة. اوف لية الصوت عالي كدة.
وقام من جنبها ودخل البالكونة وسط استغراب كل الموجودين وبص عبد الله
ل زبيدة اللي الدمعة كانت هتفر من عيونها وهنا سمع شريفة بتقول
روح شوف اختك. واعرف منها اية اللي حصل
وسابته ايدة اللي كانت مسكاها وقام عبد الله وبص ل زبيدة وهو محروق علي اخته وقال
في اية
زبيدة جمعت اللي فاضل منها ومسحت دموعها وقالت
مافيش. ارجع اقعد جنب عروستك
هنا صادق راح ل عبد الله وقال
ارجع مكانك
عبد الله
اختي بتعيط وانت بتقولي ارجع مكاني. مش لما اعرف اية اللي حصل واللي اسمه حسام دة عمل لية كدة
صادق
مالكش دعوي انت. ارجع مكانك وما تخليش حد من المعازيم يحس بان في حاجة حصلت
عبد الله
هو في اية. انت ازاي كدة بنتك خطيبها قام من جنبها وبطريقة مستفزة وهي بتعيط وانت عايزنا نسكت
زبيدة
انا ما بعطيش ارجع اقعد جنب خطيبتك بلاش تخلي الناس ياخدو بالهم
عبد الله
اية اللي حصل خلاه يقوم بالطريقة دي
زبيدة
قام يشرب سيجارة عادي
يا عبد الله ما حصلش حاجة
صادق
خلاص عرفت قام لية ارجع مكانك بقي
زبيدة عيونها دمعت وبصت بعيد عن عيون عبد الله وقالت
ارجع ل خطيبتك يا عبد الله
وما تقلقش عليه انا هابقي كويسة
صادق مال علي ودان
عبد الله. وقال
ما تخربش الدنيا دي اخر فرصة ل اختك اللي ما صدقت ان جالها عريس.
ولا انت عايز تبوظ الجوازة علشان ترجع جري ل البت الممرضة اللي في المستشفي عندك
بص له عبد الله وقال
دة انت عارف بقي
صادق
اة. ومش هخليك تتجوز
الا واحدة من مستوانا مش جربوعة. بتكمل عشاها نوم
هنا انضم لهم والد حسام استاذ عمر وقال
في اية يا صادق
صادق
مافيش يا عمر دة عبد الله بيحب اخته زيادة عن اللزوم وصعبان عليه انها خلاص هتتخطب وقريب مش هتكون معانا
عمر
يا سيدي يبقي يجي كل يوم يشوف اخته ما هما هيقعدوا مع بعض في نفس الشارع
صادق
ما هو اكيد هيعمل كدة. مش برضو انت ناوي علي كدة يا عبد الله
عبد الله ما ردتش وكان باصص ناحية البالكونة ناحية حسام اللي كان واقف مع وحدة من قرايبة وبيشرب سيجارة وهو بيضحك ورجع بص ناحية اخته وشاف الدموع محبوسة في عيونها فالدم غلي في عروقة وراح ناحية البالكونة وهو ناوي يربي من اول وجديد لكنه قبل ما يوصل للبالكونة لقي حسام دة بيكح اوي وداخل علي ازمة صدرية ومش قادر ياخد نفسه جري عليه
عبد الله بحكم الضمير المهني وخد منه السيجارة ورماها في الشارع وبدا يسعفه لكن حسام اغمي عليه صرخ عبد الله في الموجودين واللي كانو بيتفرجو عليه وقال
حد يتصل بالاسعاف بدل ما انتو واقفين تتفرجو عليه،،،،،،
ويتغير المشهد ونشوف عربية الاسعاف داخلة المستشفي العام من باب الطوارئ العيادة اللي شغاله فيها معالي واستقبلت معالي حاله حسام وبص لها عبد الله
اللي كان جنب منه شريفة اللي كانت قلقانه علي اخوها. وقال عبد الله ل معالي
فين الدكتور يوسف
معالي ما ردتش عليه فقالت شريفة
انتي يا انسة بنكلمك علي فكرة
بصت لها معالي وكان باين من لبس شريفة والذهب اللي في ايدها انها خطيبة
عبد الله فقالت معالي
مع حاله في الاستقبال وجاي حالا
قالت معالي كدة وهي بتقيس الضغط ل حسام فقال لها عبد الله
حطي علي جهاز التنفس الصنا،،،،،،،
لكن معالي بصت له. وقطعته وقالت بحرقة
مش هتعرفني المفروض اني اعمل اية
شريفة
هو انتي مالك بتتكلمي لية كدة بقرف
عبد الله
شريفة مش وقته خليها تشوف شغلها
شريفة
انت مش المفروض دكتور هنا ازاي ممرضة تتكلم معاك كدة. هي ما تعرفش انت مين هات لها جزاء
عبد الله
خلينا نطمئن علي حسام
هنا انضم لهم باقي افراد العيلتين فقالت معالي
من فضلك يا دكتور خدهم واخرج برة دة لو انت عايز الازمة دي تعدي علي خير
عبد الله
هخرجهم كلهم وانا هقف اساعدك
معالي بنفس الحرقة
وانت كمان تطلع برة معاهم
شريفة اتعصبت اوي وقالت
دة انت مش متربية بقي
معالي بصت ل عبد الله بعيونه مكسورة وقالت
انا ممكن ارد عليه لكن هسكت علشان الحالة اللي بتموت قدام مني
شريفة
هو انتي شايفة نفسك اوي لية كدة. دة انتي حتة ممرضة مالكيش لزمة. هو اية مافيش غيرك في المستشفي
بصت معالي ل عبد الله تاني وكانت دموعها بدات تداري لون عيونها فقال عبد الله بعصبية ل شريفة
اسكتي بقي واخرجي برة
عمر
انت ازاي تزعق لبنتي كدة
وبص عمر ل صادق وقال
ما تشوف ابنك يا صادق
عبد الله
اخرجو برة حسام حالته حرجة
ماما حسام واللي هي اسمها مفيدة قالت
يلا يا عمر مش وقته الكلام دة. خلينا نطمئن علي ابننا الاول.
وفعلا خرجو وفضل عبد الله فقالت معالي وهي بتجهز حسام علشان تحطة علي جهاز التنفس الصناعي
وانت كمان تطلع برة
عبد الله
ما تخليش اللي بينا يخ،،،،،،
معالي قطعته تاني وقالت
هو اية اللي كان بينا. اخرج يا دكتور وخليني اشوف شغلي. وما تقلقش علي المريض اللي تبع حضرتك.
فضل عبد الله باصص لها وهو ساكت فقالت معالي
لو ما خرجتش يا دكتور هخرج انا.
خرج عبد الله.وساب معالي بتسعف حسام، ،،،،،،،،
ويطلع النهار وحسام عدي الازمة علي خير علشان اول ما يفوق. يشوف معالي ومن هنا بدات حكاية حسام مع معالي. حلو عليكم كدة النهادرة وبكرة نكمل باذن الله. سلام واللي عجبته الحلقة ما ينساش التعليق. سلام، ،،،،،
ح(3)
حسام فتح عيونه في المستشفي وكان علي سريره ولقي قصاد منه معالي تنح لها وقال
انا موت ودخلت الجنه
ولا اية
معالي استغربت وقالت
صاحي من الموت تعاكس
حسام كح وقال
انا انسان ضعيف ما قدرش اشوف قصاد مني حوريا من الجنه وافضل ساكت
معالي أضيقت وقالت
لا الاحسن للي في حالتك السكوت
واديته ابرة في ذراعه واتعمدت انها توجعه بسن الابرة وخرجت من الاوضة وهو باصص لها. ومقرر انها تكون لي ،،،،،،
بنت الغلابة
كتابة واقتباس
محمد منصور.
منص
وقبل ما نبدا نوحد الله ونصلي علي رسول الله
له
صلاة تحل بيها العقد وتفك بيها الكرب
بعد خروج معالي بكام دقيقة دخل الدكتور المعالج. لحسام ودة يبقي دكتور يوسف وكان مع عبد الله اللي بات طول الليل مع حسام. وقال يوسف
حمد لله علي السلامة يا بطل
حسام كح وقال
الله يسلمك.
يوسف
استاذ حسام ما عملتش قبل كدة اشعة علي الصدر تعرف سبب الكحة دي اية
حسام
دة دور برد يا دكتور وانا متعود يطول معايا شوية وبعدها بيروح
عبد الله
بس دة مش دور برد يا حسام
حسام قلق وقال
هو انا عندي اية يا جماعه
يوسف
مع الاسف يا حسام عندك درن
**الدرن في الوقت دة كان من امراض الصدر العنيدة واللي عالجها بياخد وقت ومرض معدي للي حوالين المريض ولو اهمل في العلاج الرئتين بيدمرو وبيسبب الوفاة **
نرجع ل حسام اللي قال
درن. دة مرض ملهوش علاج
عبد الله
مين قال كدة هو مرض عنيد لكن انت لازم تتمكن منه. وبالايمان بالله في انه قادر يشفيك والمضادات الحيوية هتكون احسن. باذن الله
حسام
طبعا انا مش محتاج اعرفكم ان بلاش حد يعرف بالمرض اللي عندي علشان دة مرض معدي والناس كدة مش هتتعامل معايا بشكل طبيعي
يوسف
القسم اللي احنا اقسمنا يمنعنا من اننا نطلع سر المريض بتاعنا لاي حد. لكن انت برضو لازم تحافظ علي الناس اللي حوالين منك
وما تقربش من حد زيادة عن اللزوم. والعلاج اللي هكتبه ليك يتاخد في ميعادة.
عبد الله
اعمل اللي عليك علشان نعمل اللي علينا. وافتكر اني مش محتاج اقول لك ان الجواز في حالتك دي مش مستحب
حسام كح وقال
جواز اية بقي وانا مش قادر اخد نفسي، ،،،،،
ويتغير المشهد ونشوف عبد الله واقف قصاد ابوه الدكتور صادق وكان بيقول له
من غير ما اقول اسباب جوازة حسام و زبيدة مش هتنفع تتم
صادق
انا زهقت منك ومن الكلام معاك
عبد الله
لية بس بتقول كدة
صادق
علشان انا عارف ان بتعمل دة كله لية.
عبد الله باستغراب
بعمله لية
صادق
علشان الجوازة تبوظ وترجع للممرضة مش كدة
عبد الله
والله العظيم انا بعمل كدة علشان مصلحة زبيدة
هنا يسمع صوت زبيدة جاي من وراء منه وكانت بتقول
سابني اتجوز يا عبد الله. وانت ممكن تتجوز الممرضة بعد ما تكون شريفة مراتك
بص عبد الله ل اخته ورجع بص ل ابوه وبص ل امه ثريا اللي كانت جنب زبيدة وقال عبد الله ل ابوه
دة انت عرفتهم كلهم والمفروض دلوقتي اني جوة قفص الاتهام واحاول ازاي اطلع نفسي براءة مش كدة
صادق
تنكر انك كنت علي علاقة ببت جربوعة اسمها معالي
عبد الله
معالي مش جربوعه. وماسمهاش علاقة اسمها قصة حب نظيفة كانت المفروض تخلص بجوازي منها
صادق بص لزبيدة وثريا وقال
صدقتوني
عبد الله
هو اية اللي صدقتوني. هو الحب عيب ولا حرام
صادق بعصبية
ايوة عيب وحرام لما تكون مش من مستوانا يبقي عيب وحرام. لما تسعي في خراب جوازة اختك يبقي عيب وحرام
عبد الله
انا ما بسعهاش في الخراب لكن حصل اللي يمنع جوازة حسام من زبيدة
صادق
واية هو اللي يمنع الجوازة تتم
عبد الله
اسباب طبية
ثريا
ودة كلام يتعقل يا ابني. شاب زي حسام هيكون عند مرض اية يمنعه من الجواز.
عبد الله
ما ينفعش اقول لاني حالف قسم. وكمان هو طلب مني اني ما قولش علي المرض اللي عنده
زبيدة
عبد الله انا عارفة انك بتحبني وعارفة كمان انك ضحيت علشاني بس كملها للاخر خلي جوازتي تتم. دي اخر فرصة ليا قبل ما اخد لقب عانس
عبد الله بعصبية
يووووووو. انا زهقت
زبيدة عيطت راح لها عبد الله ومسح دموعها بايدة وقال بحنية بعد ما باس راسها
هو انتي ازاي تصدقي اني هسعي في حاجة ضد مصلحتك او اني هكون السبب في كسر فرحتك. لكن اللي بعمله دة ل مصلحتك.
زبيدة
هو يعني هيموت بسبب اللي عنده
عبد الله
الاعمار بيد الله. لكن دلوقتي حسام خطر علي ايد حد هيقرب منه
صادق
انا هصدق انك بدور علي مصلحة اختك لكن جوازك من شريفة هيتم
عبد الله
انا ما عنديش استعداد اكسر خاطر واحدة تانية اتعشمت فيا. وشريفة او غيرها كلهم زي بعض بعد ما خسرت حب عمري، ،،،،"
بعدها ب شهر كان حسام مع معالي برة في مطعم وبيطلب ايدها للجواز ومعالي قالت
جواز مرة واحدة. مش خطوبة حتي
كح حسام وقال
انا ما حبش اضيع وقت. دة انتي تعبتيني لغاية ما رضيتي تخرجي معايا
معالي
مش لما تخف الاول من اللي عندك. الا انت صحيح لية دكتور يوسف خبئ الملف بتاعك وما عرفنيش انت عندك اية
حسام
انا اللي طلبت منه ماحدش يعرف اللي عندي
معالي
سر يعني ولا اية
حسام
ايوة سر وخلينا في موضوعنا قولتي اية
معالي
عيلتك هتوافق انك تتجوز واحدة علي قد حالي زيي
حسام
هو حد يقدر يقول لا.
معالي
طيب وخطوبتك من زبيدة
حسام
بس ما تفكرنيش بالبومة دي. دة انا احلي منها والحمد لله الجوازة باظت
معالي
طيب واختك اللي مخطوبة ل عبد الله
حسام
كتب كتابهم كمان شهرين
معالي حاشت دموعها يالعافية وقالت
بسرعة كدة
حسام
عقبالنا زيهم.
معالي
طيب انا عايزا خطوبتك ليا تكون في السر وجوازنا يكون كمان شهرين في نفس ليلة جواز اختك من عبد الله
حسام
اية دة لية يعني
معالي
دة شرطي الوحيد اكون مفاجاة ليلة فرح اختك واكون في الكوشة جنب منك
حسام
ما كنتش اعرف انك مجنونه كدة. لكن انا مجنون زيك واكتر منك، ،،،،،
وجت ليلة الفرح والكل كان مستني يشوف عروسة حسام. ودخل حسام القاعة وكان مع معالي. وصدمة عبدالله عديت كل الحدود،،،
اللي بيحب ربنا يعلق. لو عجبتكم الحلقة
ح(4)
من جوة اوضة معالي الابنه ولسة عبد الله قاعد معاها وهي قالت بحزن
يعني امي ماتت بسبب الدرن اللي اتنقل لها عن طريق جوازها من. بابا حسام. مش كدة
عبد الله
اة
معالي بصوت حزين
وانت ازاي توافق ان الجوازة دي تتم. دة انت رفض انه يتجوز اختك ووقفت قصاد منهم كلهم
عبد الله
لما اكملك هتعرفي اني عملت كل اللي اقدر عليه لكني ما قدرش امنع قضاة ربنا
معالي هنا عيطت وقالت
طيب كمل بقيت الحكاية،،،،،
بنت الغلابة
كتابة واقتباس
محمد منصور.
منص
وقبل ما نبدا نوحد الله ونصلي علي رسول الله
صلاة تحل بيها العقد وتفك بيها الكرب
ونرجع للفرح وعبد الله باصص ل معالي وهو هايتجنن و ماكنش عارف يعمل اية. يقوم من جنب شريفة ويروح لها ويمنعها من اتمام الجوازة دي ولا يسكت واللي يحصل. يحصل. قلبه ما اقدرش يستحمل انه يشوف معالي بتتاذي. فبص ناحية دكتور يوسف. واستني اول ما يوسف بص ناحيته وشاور له. فراح له يوسف ونزل بودانه لغاية عنده في مستوي يقدر يسمع عبد الله هيقول اية وقال عبد الله
شايف المجنونه معالي بتعمل اية
يوسف
شايف و هتجنن ازاي تتجوز حسام
عبد الله
بتنتقم مني
يوسف
علشان اللي كان بينكم. هي ماتعرفش انها كدة بتنتقم من نفسها
عبد الله
روح لها وامنعها من الجواز منه. حسام ما التزمش بتعليماتك وحتي العلاج ما بياخدوش الا علي فترات وحالته مش مستقرة يعني في خطر علي حياته وحياتها
يوسف
هروح لها بس لما تخلص رقص مع
في نفس الوقت كانت شريفة بتقول ل امها
هي دي العروسة المفاجاة اللي ابنك كان بيقول عليها
ام شريفة
انتي تعرفيها
شريفة
دي الممرضة قليلة الرباية اللي استقبلت حالة ابنك وقت ما وقع من طوله مغمي عليه
ام شريفة
عرفت تضحك عليه وتلعب بي
شريفة
ابنك ما حدش يعرف يضحك عليه. دة تلاقي هو اللي واخدها تسلية و هياخد غرضة منها و هيرميها في الشارع مكان ما جابها.
ونروح ل يوسف اللي كان واقف وباصص ل معالي اللي بترقص لكن باين اوي اننا بتمثل انها فرحانه ولما خلصت. راحت قعدت علي الكوشة وحسام كان لسة بيرقص ملقاش فرصة احسن من دي ف راح لها ووقف جنب منها وقال
الجوازة دي فيها خطر عليكي
معالي
المفروض بيتقال للعروسة وهي في الكوشة مبروك
يوسف
مبروك دي تتقال لو الجوازة تنفع تتم لكن لما تكون الجوازة فيها خطر عليكي ما ينفعش يتقال غير انك لسة علي البر والاحسن ليكي تعملي اي مشكلة وتمنعي الجوازة من انها تتم دة ل مصلحتك
بصت بطرف عينيها علي
عبد الله اللي كان باصص ناحيتها وقالت
لا برافو عرف يحفظك هتقول اية. ما انتو اصحاب
يوسف
عبد الله خايف عليكي زي ما انا خايف عليكي
معالي
انت تخاف عليه علشان بينا عيش وملح. وكنت بتعتبرني زي اختك لكن هو يخاف عليه لا. ابقي له اية
يوسف
معالي مش وقت عند وغباء حاله حسام الصحية فيها خطر عليكي لو بقيتي مع
معالي
شكرا علي النصيحة. وكفاية كلام بقي علشان حسام جاي علينا بعدين يفتكر اني في بينا حاجة
بص يوسف وراء منه ولقي فعلا حسام قريب منه فسلم عليه وقال
اية اللي انت بتعمله دة انا مش قايل لك ان الجواز في خطر عليك وع،،،،،
قاطعو حسام وقال
ما تسيني افرح يا دكتور. وانت كمان افرح و انبسط واي كلام تاني ملهوش لزمة دلوقتي.
يوسف
هتاذي بني ادمة برئية وهتاذي نفسك بالجوازة دي لان المجهود غلط علي الرئتين بتوعك
حسام كح وقال
الله يبارك فيك يا دكتور
وسابو حسام وراح قعد في الكوشة جنب معالي ويوسف راح ل عبد الله وقال عبد الله
عملت اية
يوسف
الاثنين اغبي من بعض. وهيموتو بسبب اللي بيعملو دة
عبد الله
يبقي لازم معالي تعرف ان حسام عنده درن
يوسف
انت بتقول اية والقسم اللي اقسمنا و طلب حسام بان ما حدش يعرف باللي عنده
عبد الله
حسام بني ادم مش امين علشان نكون احنا مع أمنا علي سره. لان اللي بيحصل دة جريمة قتل بالبطئ
يوسف
عبد الله. عايزك تهدئة ونفكر بالراحة نقدر نعمل اية لكني مش هساعدك في افشاء سر مريض عندي حتي لو المريض دة حد خسيس زي حسام
لحظت شريفة كلام الاثنين من بعض فقالت ل عبد الله
هو في اية
عبد الله
ما فيش
يوسف
احسن حل اني اروح
ل والد معالي واعرفه ان بنته في خطر يمكن هو يقدر يمنع الجوازة دي من انها تتم
وبدا يوسف يدور بعيونه علي والد معالي الراجل الغلبان عم سعيد وفعلا شافه وراح وخده بعيد عن الدوشة وحكي له الحكاية وبعد ما خلص قال عم سعيد
طيب وانا يا دكتور اقدر اعمل اية انا راجل غلبان ودول بهوات يعني كلامي معاهم لازم يكون بحساب
يوسف
مالك يا عم سعيد مستسلم كدة بقول لك بنتك في خطر لازم تمنعها من انها تتم الجوازة دي وانا بعد كدة هكشف عليها واشوف حالتها وصلت ل فين
سعيد
يا دكتور ما تنكدش علينا وسيب البت تفرح دة انا ماكنتش احلم انها تتجوز من بية زي دة
يوسف بحدة
بنتك هتموت افهم بقي
سعيد
ما كلنا هنموت بس علي الاقل قبل ما تموت. تعيش يومين حلوين وتعيشنا معاها دة ياما اتحرمت من الفرحة علشانا
يوسف
هو انت كدة بتعوضها عن الايام اللي فاتت ولا بتحكم عليها بالموت البطئ
سعيد
بقول لك اية يا دكتور بنتي عندك لو رضيت بان الجوازة تبوظ هي حرة لكن انا مش هينفع احرمها من جوازة زي دي.
يوسف كان هيتعصب لكنه سابه ومشي وقرر يروح ل والد حسام. عمر وحكي له وعمر قال
انا ما عنديش ابن اسمه حسام. انا متبري منه لانه كسر كلامي وراح اتجوز ممرضة ملهاش اصل
يوسف
مش دة موضوعنا دلوقتي انا دلوقتي بطلب منك تمنع اللي بيحصل دة علي الاقل علشان ابنك لان واضح ان الغلبانه اللي هتتاذي بسببه ملهاش لزمة عندك
عمر
هرجع واقول لك تاني انا ماليش ابن اسمه حسام وانا هنا النهاردة علشان فرح بنتي وبس
وسابة عمر ومشي ويوسف فضل واقف مبقاش عارف يعمل اية يخون القسم اللي اقسمة في الكلية وقت تخرجه ولا يسكت و يسيب معالي لمصيرها. بعد ما فكر كتير ما وصلش ل قرار وبقي ماشي في الشارع تاية،،،،،،،
لكن عبد الله ما كنش تاية وفكر وخد قراره اللي بي هيمنع الجوازة دي من انها تتم. وفعلا منع الجوازة. وقرر يحط لها السم في العصير بس ازاي بقي دة اللي احنا هنعرفه في الحلقة الجديدة.
ح(5)
حطيت لها السم طيب ازاي فضلت عايشة
دي الجملة اللي قالتها معالي الابنه ل عبد الله اللي لسة بيحكي لها حكاية امها. اللي ماتت وهو رباها وقال
ما تصبري عليه وهتفهمي انا حطيت لها السم لية
معالي
م انا صابرة اهو هو قولت حاجة ولا فتحت بوقي
عبد الله
كل الرغي دة وما فتحتيش بوقك.
معالي
طيب خلاص سكت. بس انت كمل
عبد الله
ماشي يا اخر صبري
ورجع عبد الله يكمل الحكاية
بنت الغلابة
كتابة واقتباس
محمد منصور.
منص
وقبل ما نبدا نوحد الله ونصلي علي رسول الله
صلاة تحل بيها العقد وتفك بيها الكرب
عبد الله كان واقف مع يوسف برة قاعة الفرح وقت ما يوسف كان بيقول
انت اتجننت عايز تسمها
عبد الله
ركز معايا يا يوسف و افهمني انا كل اللي عايزه منك. جرام من الزرنيخ علي كاس العصير اللي هيتقدم ل معالي والزرنيخ دة هيتفاعل مع العصير وهيسبب لها حاله اعياء. ممكن توصل. ل اغماء مش اكتر من كدة
يوسف
وانا هعرف ازاي كاس العروسة من العريس. وازاي اصلا هحط السم في العصير
عبد الله
اتصرف في الزرنيخ وانا هقول لك تعمل اية،،،،
وبعدها بشوية ومن جوة الاوضة اللي في ظهر قاعة الافراح واللي فيها بيتم تحضير العصائر والتورت للعروسين ومعازيم الفرح كان واقف يوسف مع المسئول عن قاعة الافراح وقال
انا بحملك المسئولية كاملة لو انت رفض ان العروسة تاخد علاجها في الوقت بتاعه. وانت شوفت الكارنية بتاعي واتاكد اني دكتور
المسئول
يا دكتور انا مش مكذب حضرتك بس مستغرب لية واحدة تعبانه تاخد العلاج من غير ما تعرف
يوسف
علشان هي ما تعرفش انها تعبانه بالمرض اللي بيهنش في لحمها
المسئول اتخض وقال
يا ساتر يارب هي للدرجة دي تعبانه
يوسف
جدا
المسئول
مش هقدر اقول لك لا. وربنا يتم شفاها علي خير
يوسف
طيب عرفني اني كاس هيتقدم للعروسة
المسئول
يا دكتور انت ناسي ان العروسين بيشربو بعض من الكاسين
يوسف
عارف ولازم تمنع العريس من انه يشرب من الكاس بتاع العروسة
المسئول
ازاي بس
يوسف
خلي الكاس يقع من ايدك كانه اتكسر. اتصرف،،،،،،،،
وتمت الخطة بنجاح وبعد ما معالي شربت من العصير المسموم. المسئول وقع الكاس من ايدها و اتكسر. وعبد الله كان متابع كل اللي بيحصل و يوسف واقف جنب منه و بيقول
انا خايف اوي. من اللي احنا بنعمله دة
عبد الله
هتعدي علي خير ولما تروح بيها المستشفي وتبدا اسعافها ابقي اتصل بيا علشان اجي لك
يوسف
وهتسيب مراتك يوم فرحك
عبد الله
لازم اكون معاك اول ما معالي هتبدا تفوق
هنا لقي ايد شريفة مراته بتمسك ايدة بص لها وهي قالت
ممكن اعرف في اية
عبد الله
في اية
شريفة
حاسة انك مش معايا وفي كلام كتير داير بينك وبين يوسف
عبد الله ارتبك شوية لكنه قال
اصل في واحد صاحبنا في الرعاية المركزة وحالته حرجة. ف احنا خايفين عليه
يوسف
ان شاء الله يقوم بالسلامة. بس النهاردة فرحك لازم تركز معايا شوية مش كدة يعني. ما تيجي نقوم نرقص
عبد الله
انتي عارفة اني ماليش في الرقص
وهنا ورغم دوشة الاغاني وصوت الموسيقي العالي لكن صرخة معالي كانت اعلي لما مسكت بطنها و بدا الوجع يكون غير محتمل، ،،،،،،،،
ومن جوة المستشفي كان يوسف قدر يسعف معالي وعملها غسيل معدة ونقلها لاوضة الرعاية المركزة
ل متابعة حالتها وكان موجود في المستشفي حسام وابوه معالي وامها وقال لهم يوسف
تقدرو تروحو وجودكم هنا ملهوش اي لزمة
حسام كح وقال
يكون احسن علي الاقل انام وارتاح شوية لان السهر غلط عليه
يوسف استحقرة وقال
ما الجواز كمان غلط عليك ولا انت بدور علي راحتك وبس ومش مهم تعب غيرك
حسام
بلاش تحسبها كدة يا دكتور دة انا بنفذ تعليماتك. باني ما اسهرش
واستعد حسام للمشي فقال له ابو معالي
لو مافيهاش رخامة مننا توصلنا انا وامها بعربيتك في سكتك
ام معالي
انا مش همشي واسيب بنتي
حسام
الاحسن انكم تباتو معاها لان طريقكم غير طريقي.
ابو معالي
طيب وهنام فين بس لغاية الصبح
حسام
علي الارض هو يعني دة جديد عليكم ما انتم متعودين علي كدة
الجملة وجعت ابو معالي الراجل الغلبان وحسام سابهم ومشي ويوسف بص ل ابو معالي وامها وقال
ما ضيقش نفسك انا هتصرف لكم في مكان تنامو في، ،،،،،،،
في نفس الوقت كانت شريفة قلعت فستان الفرح و لبست قميص نوم وخرجت برة الاوضة تشوف عبد الله فين لقيته قاعد في الصاله قصاد ببدلة الفرح وباصص للتيلفون الارضي مستني مكالمة يوسف لكن حس بايدين شريفة بيتلفو حوالين منه بدلع وقالت
اية يا عبد الله قاعد لية كدة دة انا قولت هخرج من الحمام الاقيك غيرت هدومك
بص لها عبد الله وقال
هقوم اغير اهو
ولحظت انه بيكلمها وهو باصص للتيلفون فقالت
هو انت باصص للتيلفون لية كدة
عبد الله
انا مش باصص ولا حاجة دة انا بس قلقان علي صاحبي التعبان
لفت شريفة وقعدت قصاد منه وبقيت في احضانه وقالت
والقلق دة ينفع النهاردة برضو هو انت مش عارف النهاردة اية
عبد الله
عارف بس دة مش صاحبي وبس دة زي اخويا.
وهنا رن التيلفون و مد عبد الله ايدة بسرعة ورفع السماعة و قال
ايوة يا يوسف
وسكت شوية وبعدها قال
بيموت لا دة انا جاي حالا
وحط السماعة وقال ل شريفة وهو بيخرج من احضانها
معلش بقي لازم اخرج
شريفة بشك
هو انت عرفت ازاي ان يوسف هو اللي بيتصل من قبل حتي ما تسمع الصوت
عبد الله عرف انه غلط غلطة غبية لكنه قال وهو مرتبك
كان قلبي حاسس ان صاحبنا هيحصل له حاجة. وبعدين بقي مش وقته الكلام دة يا شريفة
و قام وقف و راح ناحية باب الشقة وخرج من الشقة وشريفة كانت في منتهي الغضب الممزوج بالشك، ،،،،،،
ويتغير المشهد ونشوف معالي بتفوق من حاله الاغماء اللي كانت فيها علشان تلاقي قصاد منها عبد الله قاعد علي كرسي و لما شافها بتفوق راح ناحيتها ووقف قصاد منها وهي قالت
انت
عبد الله
كان لازم اعمل المستحيل علشان جوازك من حسام ما يتمش
معالي
وانت مالك بيا اتجوز ولا اولع حتي
عبد الله
انا عارف ان بعد اللي عملته معاكي ماليش حق اني ادخل في حياتك لكن بحكم انك زميلتي و في بينا عيش وملح كان لازم امنعك من جوازة ممكن تكون السبب في موتك
معالي حاولت تقوم لكن
عبد الله منعها وقال
انا مش هدخل في حياتك تاني بس بالله عليكي خلي بالك من نفسك وبلاش الجواز من حسام
معالي
حاسة بيك زعلان انه ساب اختك واتجوز بنت الغلابة
وعيطت معالي فمسح
عبد الله دموعها وقال
بنت الغلابة دي الظفر اللي بطيرة عندي اغلي من اي واحدة شافتها عينية. انا مش بحبك علشان عايش انا عايش علشان بحبك. بس كل اللي حصل كان غصب عني
وباس عبد الله ايدها ونزلت دموعه فوق ايدها. و مسح دموعه وقال
اتمني لك السعادة مع حد غيري يكون احسن مني
وراح ناحية باب الاوضة لكنه سمع صوت معالي جاي من وراء بتقول
عبد الله
وقف وبص لها والعيون اتكلمت والقلب فرض احكامة والاثنين جريو ناحية بعض واترمت في حضنه وفضلت تعيط بحرقة وقال عبد الله
اطلقي من حسام. وبعدها انا هتجوزك
معالي بفرحة شديدة
بجد يا عبد الله
عبد الله
ايوة بجد. وانا كمان هطلق شريفة علشان ما اظلمهاش معايا.،،،،،،
الحوار دة كله كان داير وقت ما شريفة وابوها كانو في المستشفي بيسالو اي ممرض او ممرضة علي عبد الله وقالت ممرضة
دكتور عبد الله دخل الاوضة دي
وشاورت ناحية الاوضة المحجوزه فيها معالي قالت شريفة
ودي محجوز فيها مين
الممرضة
زميلتنا في المستشفي معالي
حبيبتي مالحقتش تفرح كانت دخلتها امبارح لكن جت لها حاله تسمم.
عمر ابو شريفة برق من اللي سمعه وشريفة حالها ما اختلفش وقالت ل ابوها
دي عروسة ابنك
عمر بغضب
يسيبك ليلية. دخلتك ويجي لها طيب والله العظيم ل اكسر المستشفي فوق دماغهم.
وراح عمر ناحية الاوضة ووراء منه شريفة وكان عمر ناوي علي الشر، ،،،،،
هيعمل اية عمر بكرة هقول لكم باذن الله. سلام.
ح(6)
يكسر مستشفي اية هي سايبة. طيب خلي كدة يقرب منك وانا اكله بسناني
دي الجملة اللي قالتها معالي الابنه لما عرفت باللي ناوي يعمله عمر اللي اكتشف ان عبد الله ساب بنته وراح
ل معالي المستشفي فضحك عبد الله وقال
روحي له الترب بقي علشان تتخانقي مع
ضحكت معالي فقال عبد الله
نفسي احكي من غير ما تقطعيني
معالي
الله هو انا اتكلمت ولا فتحت بوقي م انا ساكتة اهو
عبد الله
معلش انا مفتري.
ورجع عبد الله يكمل الحكاية
بنت الغلابة
كتابة واقتباس
محمد منصور.
منص
وقبل ما نبدا نوحد الله ونصلي علي رسول الله
صلاة تحل بيها العقد وتفك بيها الكرب
مسك عمر مقبض الباب وقبل ما يفتحة كان يوسف وقف قصاد منه وقال بصوت عالي علشان يلفت انتباة عبد الله
استاذ عمر انت بتعمل اية هنا وداخل الاوضة دي لية
عمر بحدة
مالكش دعوي انت. والاحسن انك تخليك في حالك
وحاول عمر انه يفتح الباب تاني لكن يوسف منعه وقال بحدة
هو اية اللي خليني في حالي ان الدكتور النبطشئ هنا وفي مريضة جوة حالتها صعبة.
هنا قالت شريفة
دكتور يوسف سيبنا ندخل من فضلك
يوسف
في الاول احب اقول لعروسة اني اسف جدا اني اتصلت امبارح ب عبد الله في وقت متاخر ونزلته لكن اعمل اية صاحبنا كان بيموت امبارح وكان محتاج يشوفه
شريفة
بس انا عرفت من ممرضة هنا انه جوة عند معالي
يوسف
هو فعلا جوة وانا كنت لسة مع من شوية لكني روحت اتابع حالات تانية
شريفة
وهو بيعمل اية عندنا لوحدة
يوسف
انتي ناسية ان عبد الله دكتور ومعالي دي تبقي زميلتنا في المستشفي. وافتكر انه عادي لو دخل يطمئن عليها
هنا اتفتح باب الاوضة وظهر عبد الله ووقف قصاد شريفة وقال
عايزك يا شريفة لوحدينا،،،،،،
ويتغير المشهد ونشوف
عبد الله واقف قصاد ابوه صادق وامه ثريا واخته زبيدة وكان صادق بيقول وهو متعصب
اية اللي انت عملته دة.
عبد الله
صلحت غلطة ما كنش المفروض اني اغلطها
صادق مسكه من ذراعته الاثنين وقال
تطلق مراتك يوم صباحيتكم. فكرت في نفسك وبس وما فكرتش في الفضيحة اللي هتعملها ل شريفة.
عبد الله بصوت مخنوق
انا لية ديما بيطلب مني اني افكر في غيري. و طظ في اللي انا عايزه.
صادق
واية هو اللي انت عايزه. تتجوز معالي الممرضة مش كدة
عبد الله
اسمع يا بابا ومن غير لف ودوران انا هتجوز معالي تحب تكون معايا في الخطوة دي يشرفني وترفع راسي قدام نسايبي. هترفض هتفضل والدي اللي بتشرف بي قصاد الدنيا كلها.
وبص ل زبيدة وثريا وقال
الكلام ليكم انتو كمان انا ضحيت مرة بحب عمري علشان العيلة دي. وكنت غلط لكني مش هضحي بيها تاني. واتمني انكم تكونو معايا وفي ظهري
وسابهم ومشي وهنا زبيدة قالت
ارحم عبد الله شوية ووافق علي الجوازة. خلي يفرح زي ما كتير كان هو السبب في فرحتنا.
صادق بص ل ثريا كانه مستني رايها فقالت ثريا
انا مع ابني في اي خطوة هتكون فيها فرحته
بص لهم صادق وفضل ساكت لكنه ما قدرش يفضل في الشقة وسابهم و خرج من الشقة، ،،،،،،
وبعدها بشوية تدخل زبيدة علي عبد الله اوضة اللي كان ماسك صورة معالي وبيبص لها وسرحان لدرجة انه
ما حسش بدخول زبيدة اللي شافت الصورة وقالت
مش دي اللي اتجوزها حسام
شال عبد الله الصورة بسرعة وقال
انتي دخلتي امتي و ازاي
زبيدة
رد عليه
عبد الله مسك ايدها بحنان الاخ وخلاها تقعد قصاد منه علي السرير وقال لها
هي اللي سيبتها علشان انتي تتجوزي حسام
زبيدة
وحسام سابني و اتجوزها.
يا علي القدر واللي بيتعمل فينا بسببه
عبد الله
حسام ل ينفعك ولا ينفعها
زبيدة
هو انت فاكرني زعلانه علي حسام. حسام عمل اللي بيعملو اي حد بيشوفني لية يكتب علي نفسه انه كل يوم يصطبح بوش واحدة زيي.
عبد الله
زبيدة ما احبش اشوفك كدة
زبيدة
انا مش داخلة علشاني انا داخلة علشان اقول لك شكرا علي انك انت ضحيت بسعادتك علشاني. واني معاك في فرحك انت ومعالي
عبد الله
زبيدة تعرفي اني بحبك اوي
زبيدة
مش اكتر مني.
و حضنته زبيدة.،،،،،،،
ومن جوة الشقة اللي عايشة فيها معالي كانت معالي قاعدة قصاد حسام وبتقول له
انا مش هنفعك. افهم بقي
حسام ضحك. ضحكة مخلوطة بالكحة. وقال
لية بس يا قمر انتي زعلتي مني اكمني سيبتك في المستشفي ومشيت
ومسك ايدها وقال
انا ما بحبش المستشفيات علشان كدة مشيت
معالي
مشيت وسيبت ابويا وامي. اية قرفان تركبهم العربية معاك مش كدة
هنا ابوها سعيد ادخل وقال
احنا اللي قولنا له يمشي علشان هنبات معاكي
معالي
امي قالت لي غير كدة. يا ابا
وبصت معالي ل حسام وقالت
وتقصد اية بقي بانهم ينامو علي الارض. وان دة مش جديد عليهم. بتتريق علي حالنا اكمنهم سايبين سريرهم لأخواتي ونايمين علي كراتين
حسام
دة انا كنت بهزر معاهم يا معالي
انفجرت معالي وقالت بمنتهي العصبية
تهزر مع مين. وهزار اية دة اللي يقل القيمة. انا ابويا وامي ما حدش يعمل فيهم كدة دول ما انا عايشة وكون انهم غلابة دة ما يعرهمش
سعيد
اهدي يا معالي ما حصلش حاجة لدة كله
معالي
لا. حصل ولازم يعرف ازاي يتكلم معاكم انتو دلوقتي في مقام ابو وامه
حسام ضحك تاني وفضل يكح وقال
انتي كبرتي الموضوع اوي وابوكي وامك اللي انت زعلانه عليهم اوي كدة. باعوكي ليا وخدو ثمن شرفك و خلوني ادخل عليكي بعد
ما كتبت كتابك من شهر فات ما استنوش لليلة الدخلة
اتصدمت معالي وبصت ل ابوها وامها وقالت
اللي هو بيقوله دة حصل
بصو الاثنين في الارض وكمل حسام وقال
ايوة حصل كانت امك وقصاد ابوكي بتحط لك المنوم في الاكل وتخلي اخواتك يخرجو برة الاوضة وانا ادخل بيكي علي السرير الوحيد اللي عندكم. وتصحي تلاقي نفسك زي ما نمتي ولا كأن حصل حاجة
لطمت معالي وقالت
يا نهار اسود يا نهار اسود
وبصت لهم وقالت
انتو عملتو فيا انا كدة. ازاي هونت عليكم
لسة الاب والام باصين في الارض مكسوفين من نفسهم وحسام كمل وقال
كانو عايزين الجوازة تتم باي شكل لانهم كانو خايفين ل ارجع في كلامي وانا استغليت دة ودفعت لهم اللي يخلي الجوازة تتم واهي تمت و الزفة والفرح ما كانوش الا مجرد كذبة لدخلة اتعملت فعلا
صرخت معالي وقالت
علشان كدة كنت ديما طول الفترة اللي فاتت حاسة بوجع شديد تحت وكنت ديما اكذب نفسي. واقول دة من ضغط الشغل
سعيد
احنا عملنا كدة علشانك عايزينك تفرحي
معالي
بس مش طايقة اسمع صوت اي حد فيكم حرام عليكم اللي عملتو دة. هو انا مش بنتكم لية عملتو فيا كدة لية
هنا الام قالت
الجهل والفقر خلونا نذبحك واحنا فاكرين ان دة في مصلحتك.
حسام
ما انا برضو ما دفعتش قليل
معالي
اخرس واطلع برة مش عايزا اشوف وشك
حسام
اطلع فين يا شاطرة انتي مراتي. واللي كنت بعمله فيكي وانتي نايمة هعمله فيكي وانتي في وعيك
ولف ايدة حوالين جسمها لكن هنا معالي زقته في صدرة وقع علي الارض من قوة الزقة. وفضل يكح ويكح ويكح لغاية ما قطع النفس رجعت معالي تلطم وهي بتقول
يا نهار اسود يا نهار اسود
وراحت ناحيته. ومسكت ايدة علشان تجس النبض وتشوفو عايش ولا ميت. وسابت ايدة بعد ما عرفت انه، ،،،،،،،،،،
انه اية بقي تكملة الرواية بعد قليل
 من جو…){kind=link}
تعليقات
إرسال تعليق