رواية فى طريقى الى العشق الفصل الثالث والرابع بقلم ملك إبراهيم
رواية فى طريقى الى العشق الفصل الثالث والرابع بقلم ملك إبراهيم
البارت الثالث 🌼
ردت عليها ملك بقوة
" لا طبعا احنا مش ضعاف ومش محتاجين حد يحمينا احنا نقدر نحمي نفسنا بنفسنا
نظرت لها إيمان بسخريه وتحدثت بأحباط
" دا كلام يا ملك مش هنضحك علي نفسنا
ردت عليها ملك بقوة وتحدي
"حتى يا إيمان لو دا كلام احنا نقدر نخليه حقيقه احنا مش هنفضل طول عمرنا كدا الكل يدوس علينا واحنا نقول نصيبنا كدا ونستنا الا يجي يحمينا
نظرت لها إيمان وتحدث بتسأل
" يعني هنعمل إيه دلوقتي
نظرت ملك أمامها بشرود وبعد لحظات وجهت نظرها الي إبنة عمها وتحدثت بقوة وأصرار
" هنهرب
نظرت لها إيمان بصدمه وتحدثت بعدم تصديق
" انتي بتتكلمي بجد نهرب ازاي يعني ونروح فين
ردت عليها ملك بوجه جامد وتحدثت بقوة
" احنا لازم ننقذ روحنا مش هنستنى حد يجي وينقذنا انتي شايفة الويل مع مرات خالك وانا شيفاه مع جوز امي والشياطين الا حواليا احنا هنهرب من كل دول ونبدء حياة جديدة في بلد جديدة
نظرت له إيمان بخوف وتحدثت قلق
" بس أنا خايفه اوي يا ملك احنا منعرفش اي حاجه عمرنا ما خرجنا بره البلد ومش معانا شهادة تقوينا ولا فلوس تنفعنا ولا نعرف نشتغل اي حاجه غير شغلنا في المصنع دا
ردت عليها ملك بقوة وتحدثت حماس
" مش الشهادة الا هتقوينا الا احنا شوفنا في حياتنا هو الا هيقوينا ومش الفلوس الا هتنفعنا احنا نقدر نعمل الفلوس في اي مكان ولو علي الشغل اكيد في مصانع في كل مكان هندور واكيد هنلاقي ان شاءالله ، احنا مش محتاجين حد جنبنا غير ربنا وربنا معانا في كل مكان هنروحه
تحمست إيمان كثيرا بأنها اخيرا هتخلص من ذل زوجة خالها وردت علي ملك بحماس
" عندك حق يا ملك وكمان انا كنت محوشه شوية فلوس علي جنب هما فعلا مبلغ صغير بس اهم ينفعونا علي ما نلاقي شغل
ردت ملك هي الاخرى بحماس اكبر
" وانا كمان كنت محوشة ومعايا الحلق بتاعي هنبيعه وان شاءالله ربنا هيكون معانا
نظرت له ايمان وتحدثت بتسأل
" طب واحنا هنعمل ايه هنهرب امتي يعني وازاي
نظرت لها ملك بتفكير عميق دام للحظات ثم تحدثت بأبتسامه
" هنجهز نفسنا من النهارده جهزي شنطة صغيره اوي يكون فيها طقمين 3 واي حاجه عزيزه عليكي وانا كمان هعمل كدا ونصحى من بدري وننزل قبل ميعاد الشغل والكل نايم ونسافر بالقطر
نظرت لها إيمان بأعجاب بالفكره ولكنها سألت مرة أخرى
" طب وهنسافر فين
ردت ملك ببساطه
" لا فين دي بقى نسبها علي ربنا القطر الا هيكون موجود نسافر فيه وتبقى دي البلد الا ربنا اخترها لنا
هزت إيمان رأسها بتأيد وذهبوا وكل واحده منهم تفكر في البلد التي تنتظرهم
__________________
في احدى الاماكن المخصصه للسهر كان يجلس اياد زوج فريدة شقيقة فارس
كان يجلس وبجواره احدى الفتيات
دخل فارس المكان وهو يبحث عنه بعينيه وابتسم عندما رأه يجلس بجانب فتاة يتحدثون ويضحكون
اقترب منه فارس ووضع يده علي كتفيه بقوة
فزع اياد ونظر خلفه بسرعه وجد فارس هو من يقف خلفه ويضحك علي خوف اياد لانه يعلم سبب فزع اياد الي هذه الدرجه وهو اعتقاده بان من وضع يده علي كتفيه ربما تكون فريدة زوجته
نظر له اياد بغضب وتحدث بعصبيه
" ياعم خوفتني فكرتك فريدة أختك هي الا قفشتني
ضحك فارس اكتر و رد عليه وهو يتجه ويجلس معهم
" ما انت لو مش عارف ان انت بتعمل حاجه غلط ماكنتش هتخاف من مراتك كدا
نظر له اياد بغمزه حتى يصمت عن الحديث امام الفتاة الجالسة بجوره التي عندما رأت فارس لمعت عينيها وبدأت في مشاغلته
لاحظ فارس حركاتها ولكنه تجاهلها ونظر حوله بتسأل
" هو المكان فاضي النهاردة ولا انا متهيألي
نظر اياد حوله وتحدث بمرح وهو ينظر الي الفتاه الجالسه بجانبه
" يمكن فاضي بالنسبالك لكن بالنسبه ليا مليان اوي
نظر له فارس وابتسم وهو يعلم ماذا يقصد
وقف فارس وتحدث بملل
" لا انا همشي المكان دمه تقيل النهارده
وجد من وقفت امامه بسرعه تمسك به تمنعه عن الذهاب
نظر فارس ليدها بغضب وتحدث بكلمة واحده
" شيلي ايدك
خافت البنت كثيرا وجلست مرة اخرى بجوار اياد
نظر لها فارس بستحقار وتركهم وذهب
ابتسم اياد ووقف هو الاخرى وتحدث اليها بسخريه
" اه طمعك دا طيرنا احنا الاتنين خليكي مع نفسك بقى
ثم ذهب هو الاخر من امامها وتركها تنظر لهما بغضب
خرج اياد سريعا والحق بفارس وتحدث اليه بمرح
" ايه يا عم انت حرجت البنت حرام عليك
نظر له فارس وتحدث بغضب
" هي دي لو بتتحرج كانت تسهر في مكان زي دا نص الليل لوحدها وكمان قاعده مع واحد ماتعرفوش وعايزه تعلق التاني
رد عليه اياد ببساطه
" يا بني عادي كل البنات كدا دلوقتي
نظر فارس امامه بشرود وتحدث بعدم تصديق
" مش عارف يا اياد حاسس ان في نوع تاني من البنات يمكن احنا لسه مقبلنهوش بس اكيد مش كل البنات كدا واكبر مثال فريدة مراتك
ابتسم اياد وتحدث بتأكيد
" لا فريدة دي حاجه تانيه مفيش حاجه مهمه في حياتها غير الموضة واهتمامها بالاعلام
ابتسم له فارس وهو يعلم جيدا بأن مايفعله اياد هو بسبب أهمال زوجته فريدة له
وتحدث معها شقيقها فارس كثيرا حول هذا الموضوع وطلب منها الاهتمام بزوجها ولكنها كانت ترد عليه بعصبيه وتخبره بأنها تعلم جيدا كيف تدير حياتها
شرد فارس قليلا في حاله هو الاخر فهو يعلم جيدا بأن أيتن خطيبته لا تختلف عن شقيقته فريدة و يشتركان في نفس الاهتمامات ويخشي كثيرا ان يكون مثلا اياد ويقضي حياته يبحث عن الاهتمام مع احد اخر
ابتسم له اياد وهو يراه شارد هكذا وسأله باهتمام
" ايه يابني انت روحت فين
نظر له فارس و تحدث بهدوء
" مفيش يلا نروح انا تعبان النهارده ومحتاج ارتاح
هز اياد رأسه وتحدث بتأكيد علي كلام فارس
" عندك حق يلا بينا
_________بقلمي/ملك إبراهيم___________
في الصباح الباكر
خرجت ملك من منزلها بهدوء تام وهي تحمل حقيبة صغيره بها بعض الأشياء الضروريه التي تحتاجها وذهبت خارج المنزل وجدت أبنة عمها إيمان في أنتظارها وتقف بتوتر وخوف وهي تنظر حولها بقلق
اقتربت منها ملك وتحدثت بصوت منخفض
" انتي يابت مالك واقفه خايف كدا ليه هو احنا بنسرق
نظرت لها إيمان وتحدثت بتوتر
" بصراحه يا ملك انا خايفه اوي بقولك ايه مابلاش وخلينا نرجع
نظرت لها ملك وتحدثت بتوتر هي الاخرى
" هو انتي فكراني يعني مش خايفه انا كمان بس هنعمل ايه لازم ننقذ نفسنا من الذل والاهانه الا احنا عايشين فيهم هنا
نظرت لها إيمان وتحدثت بتأكد علي كلامها
" عندك حق طب يلا بينا قبل ما حد يشوفنا
ذهب الفتاتين في طريقهم وهم لا يعلمون ماذا يخبئ لهم هذا الطريق
بعد وقت قليل وصلا الفتاتين الي محطة القطار القريبه من قريتهم
نظرت ملك الي القطار الواقف ويستعد للأنطلاق
وذهبت الي المسؤل بحجز التذاكر وتحدثت اليه باحترام
" لو سمحت هو القطر الي طالع دلوقتي دا رايح فين
رد عليها الموظف بهدوء
" رايح أسكندريه ان شاءالله
نظرت له ملك بتفكير والتفت الي إيمان تخبرها
" إيمان القطر الي طالع دلوقتي رايح اسكندريه
نظرت لها إيمان بفرحت طفله وبدأت في التنطيط في مكانها وتحدثت بسعاده
" بجد هنروح اسكندريه الله انا كان نفسي اروح مصيف أوي
نظرت لها ملك وتحدثت بغيظ
" مصيف ايه ياعبيطه انتي هو احنا رايحين فسحه دا احنا هربنين
نظرت له إيمان وتحدثت وهي تدعي الحزن
" وفيها ايه يعني لما نهرب في اسكندريه وبعدين انتي قولتي احنا هنركب القطر الا عليه الدور والحمدلله طلع رايح أسكندريه
نظرت لها ملك وتحدثت بأبتسامه
" عندك حق أسكندريه دي أحلي بلد
ثم ألتفت ملك الي الموظف وطلبت منه تذكرتين الي الاسكندريه
وذهبوا سريعاً الي القطر وبعد لحظات قليلة انطلق بهم في طريقة الي الاسكندرية
__________________
في قصر المسيري
تجتمع العائلة كلها علي الفطار
وجه الجد حديثه الي فارس
" ايه يافارس مش ناوي تحدد ميعاد فرحك بقى عايز افرح بيك
نظر الجميع الي فارس والجد بستغراب
ونظر فارس لجده بستغراب هو الاخر و رد عليه
" غريبه يعني ياجدي دا انت ماكنتش موافق علي خطوبتي اصلا فجأه كدا مستعجل علي الفرح
ابتسم الجد وتحدث ببساطه
" عشان نفسي اشوف اولادك قبل ما موت وافرح بيهم
رد عليه فارس بحب حقيقي
" ربنا يخليك لينا يارب احنا من غيرك ولا حاجه
ابتسم الجد بحب لحفيده و رد عليه
" انا الا من غيركم ولا حاجه ربنا يبارك فيكم بس انا يابني نفسي اشوف حفيد العيله وافرح بيه
تحدثت فريدة ببرود
" بس يا جدو لسه بدري علي الموضوع دا خلفت ايه الا يشغلوا نفسهم بيها وبعدين أيتن مش هتوافق تخلف علي طول ماتنسوش انها نجمه ولسه في بداية حياتها ولازم تحافظ علي جسمها
نظر لها زوجها الجالس بجانبها بغضب و رد عليها بغيظ
" والله اي اتنين بيتجوز المفروض اهتمامهم الاول انهم يعملوا بيت وعيله
مش بيتجوز عشان كل واحد فيهم يقضي حياته خروج وجرى وراى المظاهر الكدابه
نظر لها شقيقها فارس بغضب هو الاخر وهو يعرف بأنها لن تتغير ابدا وسوف تضيع زوجها بيدها بتفكيرها هذا
ونظر لهما الجد بحزن وهو يدعي الله ان يهدي حفيدته وترجع الي عقلها قبل فوات الاوان
______________________
دخل زوج والدت ملك المنزل في الصباح
بعد غياب يوماً وليلة بعيدا عن المنزل اراد معاقبة والدت ملك بغيابه حتى تعتقد بأنه يمكنه تركها اذا عصت كلامه مرة اخرى
نظر لهدوء المنزل وهو يعرف ان هذا الوقت هو موعد ذهاب ملك لشغلها
لذا اتجه الي غرفة ملك وفتحها بهدوء
ولكنه تفاجئ من عدم وجوده بالغرفه
ذهب الي غرفة زوجته وهو يتحدث بصوت مرتفع
" أنتي يا هانم يالي لسه نايم قومي شوفي بنت راحت فين من الفجر كدا
فتحت والدت ملك عينيها ببطئ ونظرت اليه وهي لا تصدق بأنه رجع اليها مرة اخرى
وقفت من علي الفراش وذهبت امامه سريعا وتحدثت بشتياق
" حمدلله علي سلامتك ياصلاح بقى كدا تسبنا وتمشي ومانعرفش عنك حاجه
رد عليها بجمود
" عشان تبقى تمشي ورا بنتك وتعصي كلامي تاني
ردت عليه باستسلام
" لا عشت ولا كنت انا و بنتي لو عصنالك كلمة دا انت الخير والبركة انت رجالنا وسندنا
شعر صلاح بالفخر من كلام زوجته وهي تمجد فيه
وسألها بهدوء
" أومال بنتك فين من بدري كدا
استغربت والدت ملك ونظرت له وتحدثت بعدم معرفه
" معرفش هي الساعة كام يمكن راحت الشغل بدري النهارده
ثم اتجهت الي غرفة ابنتها وجدتها مرتبه وكل شئ بمكانه خرجت اليه مره اخري تحدثه بتأكيد
" هي شكلها صحت بدري وراحت الشغل من غير ماتصحيني
نظر لها زوجها وتحدث بتأكيد
" فعلا هتلاقيها راحت الشغل
ثم نظر لزوجته بأبتسامه هي تعلم معناها وتحدث
" طب بقولك إيه مدام البت راحت شغلها بدري يبقى احنا دلوقتي برحتنا ولا ايه
نظرت له زوجته بابتسامه وهي تهز رأسها بالايجاب
وذهبت معه الي غرفتهم
_____________________
بعد وصول ملك و إيمان الي الاسكندرية ذهبوا مباشرة الي البحر
وقفوا بجوار بعض ينظرون الي المياه الصافيه
نظرت إيمان ل ملك وتحدثت بسعادة كبيرة
" الله يا ملك الميه شكلها حلو أوي والهوا نضيف ازاي انا حسه اني اول مرة اتنفس
فتحت ملك ذراعيها وهي تستنشق الهواء برائحة البحر المنعشه وهي تغمض عينيها وتستمتع بصوت الامواج وهي تتناغم مع الهواء من حولها
قامت إيمان بهزها حتى تفيقها من هذه الحاله
نظرت لها ملك وتحدثت بغضب مصتنع
" في ايه يازفته انتي انا كنت مستمتعه
نظرت لها إيمان وتحدثت بحماس
" ماتيجي ننزل الميه ونستمتع اكتر بصراحه انا هموت والمس الميه
نظرت لها ملك بأحباط وتحدثت بجديه
" وهننزل الميه ازاي واحنا مش معانا لبس للبحر
نظرت لها إيمان وتحدثت ببساطه
" هننزل عادي انا عايزه بس المس المايه برجلي
وبدأت إيمان في رفع بنطلونها من أسفل قدميها الي الاعلي وهي تشجع ملك
" يلا يا ملك والنبي عشان خاطري ومش هننزل لجوه اوي هنقف علي الشط بس
نظرت لها ملك بحماس وقامت برفع بنطلونها من مقدمة قدميها هي الاخرى ووضعوا الحقيبتان قريبا من الشاطئ واتجهوا الي البحر بسعادة الاطفال
وبدؤ يلعبون بالمياه بقدميهم ويضحكون بسعاده
كان في شخصاً ما يقف من بعيد يراقبهم وعندما لاحظ انشغالهم في المياه ذهب سريعا الي الحقيبتان وقام بأخذهم واسرع في الجرى
رأته ملك وصرخت بعلو صوتها وهي تجري خلفه
نظرت إيمان هي الاخرى وجريت خلف ملك
__________________
كان يمشى علي الشاطئ بهدوء يودع البحر قبل رجوعه اليوم الي القاهره فهو كان في فترة اجازه اخذها من عمله في القاهرة وجائ الي اهله في الاسكندرية ليقضي معهم اجازته
كان يمشي وفجأة سمع صوت صريخ فتاتين يجروا من بعيد خلف شخصا ما يحمل شئ بيده وواضح انه سرقه من الفتاتين
كان السارق يجري وهو ينظر خلفه الي الفتاتين ولكنه وجد من يقف أمامه مثل الحائط يمنعه من الجري نظر له السارق وتحدث بخوف
" والله انا كنت هاخد الفلوس الا معاهم واسبلهم الشنطه اصلي محتاج فلوس ضروري
ابتسم له بمكر وقام بلكمه بقوة وتحدث اليه بغضب
" بقي عشان محتاج فلوس تسرقها من بنات ، انت منين يالا شكلك مش أسكندراني
هز له اللص رأسه بالايجاب وقاله له حقا انه مش من أبناء الاسكندرية وانه من محافظة اخرى ويريد بعض المال حتى يستطيع الرجوع الي محافظته
وصلوا ملك و إيمان اليهم وهم يحاولون اخذ انفاسهم من الجرى
وجدوه يخرج مال من معه ويعطيه للسارق ويتحدث معه بلطف
" خد دول وعلي أول قطر وارجع بلدك وماتفكرش ترجع أسكندريه تاني عشان لو شوفتك في اسكندريه هيكون لنا كلام تاني
هز السارق رأسه بتأكيد وذهب بعيد عنهم وهو يجري مرة اخرى
نظر الي الفتاتين وأمسك الحقيبه ومد يده يعطيها لهم
نظروا له بشكر وتحدثت ملك اولا
" شكرا لحضرتك انت ماتعرفش انت انقذتنا الشنطه دي فيها فلوسنا ولو كان اخدها مكناش نعرف هنعمل ايه
ابتسم لها بهدوء وبداء بتعريف نفسه وهو يمد يده بالسلام
" أدم الشريف
ابتسمت له ملك ومدت يدها بالسلام
" ملك المرشدي
ونظرت له إيمان بأعجاب ومدت يدها بالسلام هي الاخرى
" إيمان المرشدي
نظر لهما أدم بأبتسامه وتحدث بحماس
" أخوات
ردو عليه ملك و إيمان في نفس الوقت
" أه - لاء
نظر لهم بستغراب
قامت ملك بضم إيمان اليها وتحدثت بحب
" إيمان بنت عمي و أختي
ابتسم بأعجاب بحبهم الي بعض الي هذه الدرجه وتحدث بتأكيد.
" بس انتوا شكلكم مش من أسكندريه صح
ردت عليه إيمان بحماس
" احنا أول مرة نيجي أسكندريه بس الصراحه البحر هنا شكله حلو أوي
ابتسم لها أدم بثقه وهو يحدثها عن محافظته
" الصراحه مش البحر هنا بس الا شكله حلو في أماكن كتير في أسكندريه حلوه أوي
ابتسمت له ملك بمجامله وتحدثت بجديه
" بس بصراحه احنا مش جاين اسكندريه فسحه احنا جاين ندور علي شغل
نظر لها وتحدث بستغراب
" تدوروا علي شغل هنا في اسكندريه ليه هو انتوا بتشتغلوا ايه بالظبط
ردت عليه إيمان بأحراج
" بصراحه أحنا كنا بنشتغل في مصنع للملابس الجاهزه بس سبنا الشغل وجينا اسكندريه ندور علي اي مصنع نشتغل فيه هنا
ابتسم لهم أدم وقد فتح قلبه الي هتين الفتاتين الذي يرى بعيونهم برأه كبيره وبداء يشعر بالخوف عليهم من الذئاب البشريه المحاطه بهم في كل مكان
لذا تحدث اليهم بجديه
" بصوا انا هقولكم علي حاجه انا بشتغل مدير مسؤل عن مصنع كبير في القاهره أسمه مصنع المسيري لو تسمعوا عنه والمصنع دا بيشتغل في الملابس الجاهزه بس مش أي ملابس جاهزه دا مصنع بيطلع شغل عالمي ، لو حبين انا ممكن اساعدكم تتوظفوا في المصنع دا وعلي فكرة بيدي مرتب كبير جدا ايه رأيكم
نظروا الفتاتين الي بعضهما بأبتسامه واسعه وقاموا بضم بعضهما بسعاده كبيره
ابتسم أدم علي برأتهم وشعر بالمسؤلية اتجاههم وتحدث اليهم بمرح
" ايه موفقين ولا
نطقوا الفتاتين في صوتاً واحداً
" مفيش ولا موفقين طبعااا
_______________________
🌼🌼🌼🌼🌼🌼🌼🌼🌼🌼
" بصوا انا هقولكم علي حاجه انا بشتغل مدير مسؤل عن مصنع كبير في القاهره أسمه مصنع المسيري لو تسمعوا عنه والمصنع دا بيشتغل في الملابس الجاهزه بس مش أي ملابس جاهزه دا مصنع بيطلع شغل عالمي
لو حبين انا ممكن اساعدكم تتوظفوا في المصنع دا وعلي فكرة بيدي مرتب كبير جدا ايه رأيكم
نظروا الفتاتين الي بعضهما بأبتسامه واسعه وقاموا بضم بعضهما بسعاده كبيره
ابتسم أدم علي برأتهم وشعر بالمسؤلية اتجاههم وتحدث اليهم بمرح
" ايه موفقين ولا
نطقوا الفتاتين في صوتاً واحداً
" مفيش ولا موفقين طبعااا
_______________________
في المساء ذهب فارس و خطيبته أيتن الي مطعم راقي جدا لتناول العشاء سوياً
كان هناك طفلاً صغيرا جدا تحمله والدته بلطف وهي تحاول ان تلاعبه
ليلفت نظر فارس هذا المشهد الرائع
نظر للطفل بأبتسامه ثم نظر الي أيتن التى تتحدث عن فيلمها الجديد وعلي كم الملابس والاكسسوارت التي اشترتها خصيصا من أجل هذا الفيلم
فكر فارس ان يتحدث معها بموضوع الاطفال
" قوليلي يا حبيبتي انتي بتحبي الاطفال
اغمضت أيتن عينيها بأزعاج وهي تعبر بملامح وجهها عن كم الازعاج التي تشعر به في وجود الاطفال و ردت عليه بطريقه دراميه
" فارس لااا ماتجبش سيرة الاطفال بجد حاجه مزعجه جداا
ابتسم فارس بسخريه وهو يتأكد كل يوم بأن أيتن نسخه من فريدة شقيقته ولكنه لا يريد ان يكون نسخه من اياد
لذا حاول التحدث معها بهدوء
" يعني انتي مش نفسك يكون عندك طفل
نظرت له وتحدثت برفض الفكرة نهائي
" طفل ايه لاا انا معنديش وقت للكلام الفارغ دا
نظر لها فارس بصمت وهو يضغط علي شفتيه السفله بغيظ ويهز رأسه بتأكيد بعد ان تأكد تماما انها نسخه كاملة من شقيقته
وقف فارس من مكانه بغضب وهو يقول لها بوجه جامد خالي من المشاعر بان عليهم الذهاب
نظرت اليه أيتن بستغراب ووقفت هي الاخرى وذهبت خلفه بغضب
_________________
ذهبت ملك و إيمان الي احدى الفنادق الصغيره الخاصه ب المصيفين وحجزوا غرفة لليله واحده
وفي الصباح ذهبوا لأنتظار أدم حتى يأخذهم معه الي القاهرة
اقترب منهم بسيارته ونزل منها والقى عليهم تحية الصباح
ابتسموا له و ردوا التحيه وقام بفتح باب السيارة لهم
تقدمت إيمان لتجلس بجانبه في الامام
وجلست ملك في الخلف
وانطلق بهم الي طريق القاهرة
طريقا جديدا لا يعلمان ماذا يخبئ لهم
____________________
وقف خال إيمان وزوجته في منزل والدت ملك وزوجها صلاح وسط بكاء والدت ملك طوال الليل بعد ان علمت بعدم ذهاب ابنتها الي العمل ولا تعلم الي اين ذهبت وعندما ذهبت لتسأل عنها إيمان علمت من زوجة خالها بانها ايضا مختفيه من الصباح الباكر
وتجمع الاربعه يفكرون الي اين ذهبوا الفتاتين
تكلم صلاح زوج والدت ملك بأنفعال
" أكيد في عيلين ضحكوا عليهم وعشموهم بالجواز وهربوا معاهم
هزت والدت ملك رأسها برفض هذا الكلام وتحدثت ببكاء
" لا انا بنتي عمرها ماتعمل كدا انا عرفه بنتي كويس
ردت عليها زوجة خال إيمان بسخريه
" ما خلاص عملوا وبقت فضيحه وبكره البلد كلها تعرف بالموضوع وهتبقى سريتهم علي كل لسان
هزت والدت ملك رأسها بعتراض فهي تعلم أخلاق ابنتها جيدا
تحدث خال إيمان بهدوء
" انا بقول نبلغ الحكومة وهما يدوروا عليهم
نظر صلاح أمامه بشرود وهو لا يصدق انها هربت من بين يده هكذا قبل ان يأخذ منها كل ما يتمناه
وسريعا تحدث بغضب وانفعال
" انا مش هستنى الحكومه ترجعهم انا الا هرجعهم والنهارده قبل بكره
رد عليه خال إيمان بلا مبالاه
" والله انتم حرين اعملوا الا يعجبكم بس انا مش فاضي ادور والف وراى حد ، انا كفايه عليا أوي لحد كدا ربتها وكبرتها وبرضه معملتش بالتربيه وهربت ولا كأن لها أهل ، هي دلوقتي كبيره وتعتمد علي نفسها
نظرت له زوجته بتأكيد علي كلامه وتحدثت بثقة
" وانا الحمدلله كنت بعاملها زي بنتي واكتر بس هنقول إيه دي اخرة تعابنا معاهم
تحدثت والدت ملك وهي مازالت تبكي بحرقه علي ابنتها وهي لا تعلم الي اين ذهبت
" أعملوا اى حاجه انا عايزه بنتي ترجع
دي لسه صغيره ومتعرفش حاجه في الدنيا
نظر زوجها أمامه بغضب وهو يفكر الي اين تكون ذهبت
ولكنه نظر لهم فجأه بعد ان تذكر شئ وتحدث بتأكيد
" أكيد البنات هربوا بالقطر ولو رحنا المحطه وسألنا علي القطر الا طلع امبارح الصبح بدري وعرفنا كان رايح فين اكيد هنعرف البلد الا هربوا فيها
نظرت له زوجته بتأكيد
ونظر له خال إيمان وزوجته بلا أهتمام
تحدث صلاح وهو في طريقه إلي خارج المنزل بسرعه
" يبقى لازم نروح المحطه حالا
رد عليه خال إيمان بسرعه
" وابقى طمنى بقى وصلت لإيه عشان احنا لازم نروح كفايه علينا أوي كدا طول اليل واحنا علي الحال دا
نظر له صلاح بسرعه وذهب من أمامه
نظر خال إيمان لزوجته بغمزه بأنهم يريدون الذهاب
وقفت زوجة خال إيمان وهي ترتب بيدها علي ظهر والدت ملك وتحدثت بسخريه
" معلش ياحبيبتي احنا لازم نمشي وربنا يرجعهم بالسلامه ماتقلقيش سي صلاح مش هيهدى الي لما يرجعهم
ثم ضمت شفاتيها الي جانب وجهها بسخريه واكملت باقي حديثها
" أصله بيحب ملك أووي زي بنته
نظرت لها والدت ملك بغضب بعد ان شعرت بالسخريه في كلامها
تقدم خال إيمان خارج المنزل وهو يطلب من زوجته ملاحقته
وبعد ذهابهم رفعت والدت ملك وجهها إلي الله تطلب منه حماية أبنتها اينما كانت وتدعوه ان يرجعها اليها بأسرع وقت
__________________
نزل من سيارته الفاخره وتقدم الي شركة المسيري بثقه و هدوء
وصل أمام مكتب السكرتيرة ونظر اليها بقوة
وقفت من مكانها بخوف بعد ان رأته يقف أمامها
تحدث بثقة وهو يتلذذ بخوفها وتوترها
" فارس بيه موجود
هزت السكرتيرة رأسها بالأيجاب
ابتسم لها بمكر وطلب منها مقابلته
رفعت الهاتف سريعا لتخبر فارس بمن يريد مقابلته
سمعها فارس وهي تنطق أسمه أبتسم بسخريه وطلب منها تسمح له بالدخول
وجلس فارس براحه وهو ينتظر دخوله
دخل شاكر الأسيوطي بثقه وهو يتقدم من فارس
وقف فارس يرحب به بجمود
______
شاكر الأسيوطي شاب من نفس عمر فارس يدير شركة والده والتي تعمل في نفس مجال شركة المسيري ويعد المنافس الاول للشركة المسيري ولكن تميز فارس ونجاحه في ادارت شركته هو مايزعج شاكر ويضعه دائما في مكان الخصم
ويحاول شاكر بكل الطرق الغير شرعيه الايقاع ب فارس وشركة المسيري
حتي تصبح شركة الأسيوطي هي رقم واحد مكان شركة المسيري
______
أبتسم شاكر اليه بمكر وبدء في الحديث
" انا قولت اجي اهنيك بنفسي علي الموسم الجديد بس يارب مصنعك يقدر يوفى كل الطلبيات في ميعادها
ابتسم له فارس بسخريه وتحدث بثقه
" ماتقلقش انا معروف بصاحب الكلمة الواحده ، يعني لما بدي ميعاد لازم اوفي بالتسليم قبل الميعاد
نظر له شاكر بابتسامه وتحدث بمكر
" بس الا انا اعرفه ان العماله عندك في المصنع نقصت النص تقريبا ، يعني مهما حاولت مش هتقدر توفى الطلبيات في مواعدها
ابتسم فارس بثقه وهو يقف من مكانه ويذهب للجلوس أمام شاكر و تحدث أمامه بقوة
" اى موظف او عامل يفكر يترك مصنعي ويروح مكان تاني دي عمرها ماهتكون خسارة ليا بالعكس دا مكسب كبير لانه هيترك مكانه لحد تاني يستاهل انه يشتغل في شركة المسيري
وصدقني انا عندي ناس مخلصين كتير واكيد انت اتأكدت من دا بنفسك بدليل انك مقدرتش تاخد من مصنعي غير عدد قليل جدا والعدد الا انت اخدته دا مايستهلش يشتغل في شركة المسيري وبصراحه انت كدا خدمتني وعملت فلتره للموظفين والعمال عندي وسبتلي الكويسين واخدت الا ميصلحوش للعمل وكل دا حصل بدون اي مجهود مني عشان كدا انا لازم اشكرك وياريت كل فتره تعمل موضوع الافلتره دا
نظر له شاكر بغيظ و غضب ووقف من مكانه بعنف وهو يتحدث الي فارس بحقد
" ماشي يا ابن المسيري بس المهم نشوف مين فينا الا هيضحك في الأخر
ابتسم له فارس بسخريه وهو مازال يجلس مكانه بهدوء واسترخاء
خرج شاكر وجن جنونه من ذكاء فارس المتفوق عليه دائما وهو يشعر بالنيران تاكل قلبه ويريد ان يذيق فارس مثل هذه النيران
ابتسم فارس عليه بسخريه بعد ذهابه ووقف من مكانه واتجه الي مكتبه مرة اخرى وقام بالاتصال ب أدم مدير مصنعه
كان أدم يقود السيارة في طريقة الي القاهره وكان علي وشك الوصول وسمع صوت هاتفه يرن برقم فارس
اخذ أدم الهاتف و رد عليه سريعا
أدم : ألو
فارس : أيوا يا أدم أنت هترجع القاهرة أمتى
رد عليه أدم بدهشه من طريقة كلامه العصبيه
" أنا في الطريق دلوقتي للقاهره بتسأل ليه هو في مشكلة حصلت
رد عليه فارس بغضب من افعال شاكر
" أيوا في مشكلة شاكر اخد عمال وموظفين من المصنع واكيد دا هيبطئ من حركة الانتاج
نظر أدم امامه بغضب وانفعال و حاول ان يرد عليه بقوة وهدوء
" ماتقلقش يا فارس انا هتصرف وهعمل اعلان في كل مكان عن احتياجنا لعمال و موظفين وكمان هعمل الشغل ورديات تتسلم لبعض هنشتغل ليل ونهار وان شاء الله الطلبيات هتتسلم قبل ميعادها
ابتسم فارس بثقه لانه يعلم جيدا بأن أدم صديقة سوف يحل الموضوع لأنه دائما في ظهره ويقف معه في اصعب المواقف
لذا رد عليه فارس بثقة
" انا واثق ان انت هتحل الموضوع بطريقه ذكيه ، وانا هكون عندك بكره في المصنع ان شاءالله وهتكلم مع الموظفين والعمال بنفسي وهحاول ادعمهم عشان يقفوا معانا من قلبهم
أبتسم أدم و رد عليه بتأكيد علي كلامه
" تمام اتفقنا وهكون في انتظارك بكره ان شاءالله في المصنع مع السلامه
_____________
بعد ان اغلق أدم الهاتف تحدث الي إيمان وملك بمرح
" شوفتوا بقى اهو المصنع محتاج عمال وموظفين يعني انتوا جيتوا في وقتكم بالظبط
ابتسموا له وتحدثت ملك الجالسه بالخلف بسعاده
" الحمدلله انا كنت خايفه ما يكونش في مكان لينا مش عارفه كنا هنعمل إيه
رد عليها أدم بصدق
" ماتقلقيش ان شاءالله خير
نظرت له إيمان بأعجاب شديد وتحدثت بهدوء
" هو الا كان بيكلمك دا شغال معاك في المصنع
ابتسم لها أدم وهز رأسه ب لا
وتحدث بجديه
" لا دا يبقى فارس المسيري صاحب المصنع وصديقي من أيام الجامعه وكنا شغلين مع بعض في المصنع بس لما جده تعب قرر ان فارس هو الا يدير الشركة وانا ادير المصنع
ابتسمت له إيمان بخجل وتحدثت برقه خطفت قلب أدم
" انت تستاهل كل خير
نظر لها أدم بأعجاب واضح وابتسم لها بسعاده
نظرت لهم ملك الجالسه بالخلف بسعاده كبيره وهي تدعى الله من قلبها ان يجعل أدم من نصيب إيمان أبنة عمها ، لانها ترى انه هو من سوف يعوضها عن اليتم وعن الايام التي عاشتها بحزن وقهره في منزل خالها
_______________
ذهب صلاح إلي محطة القطار وسأل عن اول قطار ذهب أمس في الصباح الباكر واخبره احد الموظفين بأن هذا القطار كان في طريقه إلي الأسكندريه
أبتسم صلاح بمكر بعد ان علم بأنها هربت إلى الأسكندريه
وذهب سريعا إلي منزله ليستعد للذهاب إلي الأسكندريه في رحلة بحث عنها واقسم بداخله الا يرجع بدونها
___________________
دخل محمود مكتب صاحب المصنع الذي كانت تعمل به ملك
دخل بمرح وهو يلقى عليه تحية الصباح
" صباح الخير ياكبييير
نظر له صاحب المصنع بغيظ و رد عليه بغضب
" صباح الزفت علي دماغك ايه يا باشا لسه جايلي الشغل دلوقتي
نظر له محمود وتحدثت بستغراب
" في ايه يا كبير ايه الا معكر مزاجك علي الصبح
وقف صاحب المصنع من مكانه وذهب ليقف امام محمود وتحدث بسخريه
" فين ملك يا محمود
رد عليه محمود ببساطه
" أكيد فوق في شغلها هي ماجتش النهارده كمان
رد عليه صاحب المصنع بغضب
" لا مجتش الشغل النهارده كمان
نظر له محمود بعدم معرفه وتحدث بهدوء
" يمكن تعبانه ولا حاجه عشان كدا مجتش
رد عليه صاحب المصنع بعصبيه وصوت مرتفع
" ملك هربت يا باشا هي وإيمان بنت عمها ومحدش يعرف لهم طريق
نظر له محمود بصدمه وتحدث بعدم تصديق
" ازاي انا كنت متفق معاها اروح اخطبها وكانت طايره من الفرحه ازاي تهرب ومين الا قالك انها هربت
رد عليه صاحب المصنع بجديه
" الا قالي بنت تبقى جارت ملك
سألتها عليها الصبح وقالتلي ان
أم ملك سألتها عليها امبارح وعرفت انها ماجتش الشغل وسألوا عليها في كل مكان ومش لقينها لا هي ولا ايمان بنت عمها
نظر محمود امامه بصدمه وهو لا يعلم لماذا هربت
قام صاحب المصنع بمسكه من ملابسه بغضب وهو يهز فيه بعصبيه وتحدث بجنون
" عارف يا محمود لو طلعت انت ورى موضوع هروبها دا انا هعمل فيك ايه انا هقتلك ومش هتردد دقيقه واحده وملك لازم ترجع وانت المسؤل قدامي ترجعها
حاول محمود تخليص نفسه من يد صاحب المصنع وهو يقسم له بأنه لا يعلم لماذا هربت ولا الي اين ذهبت
دفعه صاحب المصنع بعيدا عنه ونظر له بغضب وتحدث بتهديد
" انت المسؤل قدامي ترجعها ومش عايز أشوف وشك غير وهي في ايدك ولو معملتش كدا هخرب بيتك يلا غور من قدامي
نظر له محمود بخوف وذهب سريعا من امامه وهو يلعن ملك في سره علي الوضع الخطر الذي وضعته فيه بهروبها
___________________
وصل أدم بسيارته داخل القاهره نظرت ملك و إيمان حولهم من زجاج السياره وهم لا يصدقون كم عدد الناس بالقاهره وافزعهم كثيرا منظر الزحام
تحدثت إيمان ببرأه
" هي الناس دي كلها عايشين فين
ابتسم أدم علي برأتها و رد عليها ببساطه
" عايشين في بيوتهم طبعا
ردت ملك المزهوله هي الاخرى
" دا احنا كدا مكناش عايشين ، دي القاهره طلعت زحمه أوي
رد عليها أدم بجديه
" طبعا مش هي العاصمه
ثم اكمل كلامه بتأكيد
" المهم انا عايز اشوف لكم شقه قريبه من المصنع عشان ماتتعرضوش للزحمه دي
ردت عليه ملك بتأكيد علي كلامه ولكنها حاولت ان تبلغه انهم يريدون شقه صغيره جدا حتى يستطيعون دفع إيجارها
" فعلا احنا محتاجين شقه قريبه من المصنع بس لازم تكون صغيره وإيجارها مناسب عشان احنا مش معانا فلوس كتير
ابتسم لها أدم وهز رأسه بتفهم وقام بالاتصال بأحدى المشرفين بالمصنع والتي تسكن بجانب المصنع ويعلم بأنها تعيش بمفردها بعد وفاة ابنتها الوحيده من ثلاث سنوات وطلب منها إيجاد شقه صغيره لاقاربه البنات واكد عليها انها تكون قريبه من المصنع
ردت عليه المشرفه بابتسامه بعد ان علمت انهم بنات واخبرته انها تملك شقه صغيره فوق شقتها وسوف تجهزها الان وياتي بأقاربه اليها واذا اعجبتهم الشقه سوف يقومون بأمضاء العقد فورا
ابتسم أدم بستغراب من تسهيل الله لهم كل شئ بهذه الدرجه
وبعد ان اغلق الهاتف نظر اليهم بأبتسامه وتحدث بتأكيد
" احنا هنروح المصنع دلوقتي تمضو عقود العمل وبعدين هنروح تشوفوا الشقه ولو عجبتكم نمضي العقد علي طول وترتاحوا النهارده وتبدؤ شغل من بكره ان شاءالله
ابتسموا له وتحدثت إيمان اولا تشكره
" احنا مش عارفين نشكرك ازاي انت ساعدتنا كتير اوي ومستحيل حد يعمل الا انت بتعمله معانا دا كله
ابتسم لها أدم وهو يرد عليها ببساطه
" علي فكره انا معملتش حاجه يمكن ربنا بعتني ليكم عشان اساعدكم لان سبحان الله كل حاجه بتتفتح ليكم بسرعه وبسهوله
شكرته ملك هي الاخرى بابتسامه
وظلت تشكر الله سبحانه وتعالي من قلبها وهي تنظر الي الطريق من زجاج السيارة وتسأل الله ان يجعل هذا الطريق طريقاً للسعاده لها ولأبنة عمها
__________________
جاري كتابة الفصل الجديد للروايه حصريا لقصر الروايات اترك تعليق ليصلك كل جديد أو عاود زيارتنا الليله
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق