رواية فى طريقى الى العشق الفصل الأول والثاني بقلم ملك إبراهيم
رواية فى طريقى الى العشق الفصل الأول والثاني بقلم ملك إبراهيم
بسم الله الرحمن الرحيم
لا إله إلا الله وحده لا شريك له
له الملك وله الحمد وهو علي كل شئ قدير
🌼🌼🌼🌼🌼🌼🌼
كانت تجري ويجري خلفها الكثيرون يريدون الامساك بها كانت تشعر بقلبها يقع من الخوف وتري الظلام حولها في كل مكان و الأشواك تجرح قدميها بقسوة كانت تتألم ولكنها تريد الابتعاد حتى لا يمسكون بها
نظرت خلفها وجدتتهم يقتربون وعلي وشك الأمساك بها نظرت لنهاية هذا الطريق وجدت من يقف بظهره ولا يراها ولا يسمع ندائها حاولت الوصول اليه حتى يحميها من كل هؤلاء لكنها وجدت من يمنعها من الوصول اليه نظرت خلفها وجدتهم اقتربوا منها كثيرا شعرت برعب شديد وسقطت مكانها غير قادرة علي الحركه وجدتهم يلتفون حولها وينظرون لها بأبتسامة ماكره نظرت لهم برعب وتأكدت أنها وقعت في شباكهما
________________
فاقت ملك من حلمها المزعج ووضعت يدها علي قلبها وجدته يدق بعنف وكأن ما حدث معها ليس بحلم وكأنه حقيقياً
نظرت حولها بالغرفة وجدت ما افزعها ووقفت سريعا من علي الفراش وهي تنظر له بغضب شديد
" انت ايه الا دخلك أوضتي وازاي تقف قدامي وانا نايمه كدا
نظر لها بشهوة وابتسامة ماكرة
" يعني الحق عليا اني كنت داخل اصحيكي عشان ماتتأخريش علي شغلك
نظرت له بقسوة و ردت عليه بصوت مرتفع
" وانت مالك انت اصحى ولا مصحاش ملكش دعوه بيا واوضتي دي ماتدخلهاش ابدا
دخلت والدتها علي صوتها العالي وهي تنظر الي زوجها وهو يقف امام ابنتها ولا تعلم ماذا يحدث
" هو في ايه ايه الا حصل هو كل يوم يابنتي علي الوش بتاع الصبح دا
نظرت لها ملك بغضب
" يا ماما انا قولتلك مليون مرة مايصحش جوزك يدخل عليا الاوضه كدا وبرضه مفيش فايده
ردت عليها امها ببساطه
" يعني هو الحق عليه خايف لتتأخري علي شغلك ودخل يصحيكي يابنتي قولتلك 100 مره عمك صلاح دا زي ابوكي الله يرحمه وهو الا رباكي من وانتي عيله عندك عشر سنين
نظرت لها ملك بأحباط وهي تعلم جيدا بأن والدتها لن تصدقها اذا قالت لها بأن زوجها من تقول عليه مثل والدها دائما يحاول التحرش بها وترى دائما تلك النظرة التي تكرهها بشده وهي نظرة تعلن عن طمعه في جسدها لذا فضلت الصمت ونظرت له بغضب
" طب ممكن بعد اذنكم تسبوني اغير هدومي عشان الحق اروح الشغل
نظرت لها والدتها بقلة حيلة ونظر لها زوج والدتها نظره من الأسفل الي الاعلي بطريقة تكرهها اي بنت ثم خرجوا من الغرفه
وقفت ملك بحزن وهي تلعن اليوم الذي تزوجت والدتها بهذا الرجل الذي لا يحمل من الرجوله شئ وتتذكر عندما كانت صغيره وكان دائما يحاول التقرب منها بطريقة كانت تفهمها رغم صغر عمرها وكانت دائما تصرخ بوجه وتخبر والدتها ولكن والدتها كانت لا ترى سوى انه رجل صالح ويعاملها مثل ابنته وان ابنتها غير متقبله فكرة زواج والدتها وبعد ان كبرت ملك لم تستطيع اكمال دراستها واكتفت بشهادة متوسطة وهي دبلوم في الصنايع قسم التفصيل و عملت في احدى المصانع الصغيره بقريتها حتى تستطيع ان تصرف علي المنزل وعلي طلبات والدتها وزوجها العاطل رغم انها مازالت في بدايت العشرين من عمرها
___________________
خرجت ملك من المنزل وجدت ابنة عمها تقف في انتظارها بملل اقتربت ملك منها وهي تبتسم
نظرت ابنة عمها لها وتحدثت بغيظ
" هو انتي كل يوم يا برنسيسه توقفيني ساعة في الشارع كدا انا كنت همشي واسيبك والله
ابتسمت لها ملك ووضعت يدها بداخل يد إيمان ابنة عمها وذهبت معاها في طريقهم الي العمل وهي تحكي لها ما حدث في هذا الصباح
" اصل كنت بتضارب مع الراجل جوز أمي
نظرت لها إيمان وتحدثت بملل
" هو كل يوم تضربوا يابنتي ارحمي نفسك شوية
ردت عليها ملك بقوة
" انا لو معملتش كدا ممكن يزيد فيها دا راجل ناقص
ابتسمت ابنة عمها و ردت عليها بمزح
" الله يرحمها امي كانت دايما تقول ان امك دي خايبه هههههههه
نظرت لها ملك وتحدثت بغضب مصتنع
" ما تتلمي يا بت انتي بتتكلمي علي امي
قوليلي عامله ايه مع مرات خالك السو دي
ردت عليها إيمان بلا مبالاه
" عادي مطلعه عيني زي عوايدها لسه مصحياني النهارده قبل الفجر اغسل المواعين وامسح الشقة وكأنها وخداني خدامة ليهم عشان يعني عايشه معاهم بعد ما أبويا و امي ماتوا الله يرحمهم مع عمي في الحادثه
نظرت لها ملك بحزن وهي تتذكر عندما كانت صغيره وذهب اليهم عمها و زوجته وتركوا ايمان مع ملك و والدتها وذهبوا في طريقهم الي القاهرة ليشتروا مستلزمات للمحل الذي كان والدها شريكا به هو و أخيه وكانت زوجة عمها ترافقهم لذكائها وقدرتها علي الشراء بأسعر مناسبه
وفي المساء شعرت والدتها بأنهم تأخروا كثيرا حاولت الاتصال بهم وجدت من يرد ويقول لها بأنهم بالمستشفي اثر حادث كبير وقع علي الطريق تسبب في موتهم جميعا
وقفت والدت ملك بصدمة عندما علمت بهذا الخبر
اقتربت منها ملك وسألتها بطفوله
" ماما انتي زعلانه ليه عشان انا و إيمان بهدلنا البيت واحنا بنلعب
نظرت لها والدتها وتحدثت بصدمه
" أبوكي وعمك و مرات عمك عملوا حدثه وماتوا
فاقت ملك من ذكرياتها وهي تقف امام هذا المصنع الصغير دخلت هي و إيمان ابنة عمها وهم يلقوا التحية علي الجميع
ذهبت ملك ووقفت في قسم التجهزات
وذهبت إيمان لقسم مكينات الخياطه
____________________
في مكان اخر وسط عالم الأضواء والمشاهير داخل شركة تعمل في
في مجال الأزياء ولها علامة تجارية عالمية
تمتلكها عائلة المسيري
تحت ادارة فارس المسيري حفيد العائله الاكبر الذي يبلغ من العمر 29 عاما شاب يمتاز بالوسامة والهيبة معروف بأنه صاحب الكلمة الواحده
يعيش حياته في عالم تحاوطه النساء في كل مكان
ويعرف في الوسط بأنه علي علاقة بفنانة مشهورة وحديثاً اعلن خطبته عليها
ورغم انه اعلن خطبته لكنه مازال علي علاقة بالكثير من النساء
داخل قاعة الاجتماعات بالشركة يجلس امجد المسيري الجد ورئيس مجلس الأدارة لشركة المسيري ويجلس بجانبه حفيده فارس المدير المسؤل عن الشركة وعلي الجانب الاخر زوج حفيدته الكبرى اياد نصار مدير الحسابات في الشركة
وبجواره زوجته فريدة شقيقة فارس تكبره بعامين وتعمل في الشركة مسؤل الدعاية والاعلان و تجلس اصغر الاحفاد وهي الشقيقة الصغري نسمه ويدلعونها بي نانو
نسمه طالبة أولى جامعة وهي الابنة المدللة لدى العائلة بأجمعها حيث مات والديها وهي في سن صغير وقام بتربيتها هي وأشقأها جدهم أمجد المسيري
كان الجد يجمعهم ليعلن لهم عن من سوف يتولى جميع مسؤليات الشركة
نظر الجد لهم وتحدث بقوة
" أنتوا طبعا عارفين اني مابقتش اقدر علي شغل الشركة وانا الحمدلله عملت الا عليا ودلوقتي الدور عليكم أنتم
ثم وجه نظره لحفيده الجالس بجواره
" انت يافارس هتبقى المسؤل الاول والاخير عن الشركة وليك كل الصلاحيات بس يا بني انا عايزك تفوق من الا انت فيه دا وتنهي موضوع الستات الا دخله طالعه علي حياتك دا وتفوق لمستقبلك
نظر له فارس بملل و رد علي جده بثقة وانفعال
" يا جدي انا بعرف افصل بين حياتي الشخصية وحياتي العملية كويس أوي واظن حضرتك عارف الكلام دا كويس وعمري ماقصرت في شغلي بدليل ان نص نجاح الشركة كان بتعبي ومجهودي والكل يعرف كدا
نظر له الجد بقلة حيله وهو يعرف بصدق كلامه لكنه يتمني ان يرى حفيده مستقر في حياته
نظر اياد الى فارس و غمز له بعينيه ينبهه انه تخطى حدوده في الانفعال وهو يحدث جده
حاول فارس الهدوء قليلاً وفكر ان يراضي جده بطريقته الخاصة واكمل حديثة وهو يغمز لجده
" وبعدين يا جدي هو انا طالع لمين مش ليك ولا انت نسيت أمجد المسيري في شبابه
ابتسم الجد علي كلام حفيده وهو يعلم بأنه يريد ان يراضيه بطريقته وهو لا يعلم بان جده لا يحزن منه يوما فهو يعيش من اجل سعادته هو واخواته فريدة و نسمه
تحدث اياد حتي يدعم فارس امام جده
" وبعدين ماتقلقش يا جدي بكره يتجوز تونا ويستقر
نظر له فارس بغضب عند نطق اسم دلع خطيبته
شعر اياد بالاحراج وحاول معالجة كلامه
" احمم قصدي ايتن خطيبته
نظرت نانو الي جدها وتحدثت بملل
" مش نمشي بقى يا جدو انا زهقت وبعدين حضرتك كنت تقدر تقول الكلام دا في البيت بدل ما نيجي الشركة
ابتسم الجد علي حفيدته الصغره وهو يعلم بأنها لا تحب الحضور الي الشركة انها تحب الذهاب الى الأماكن الهادئة التي تستطيع ان تمارس فيها هويتها المفضلة وهي الرسم لذا رد عليها بحنان
" عيون جدك انتي هنمشي حالا بس احنا كان لازم نتكلم هنا عشان دا موضوع يخص الشغل ولازم اي حاجه تخص الشغل نتكلم فيها في مكان الشغل صح
ابتسمت له بتأكيد علي كلامه
" عندك حق يا جدو بس يلا نمشي بقى
ابتسم الجميع لها وتحدثت اختها الكبرى فريدة
" بس اعملي حسابك عشان ايتن معزومه علي العشا عندنا النهارده لازم تكوني موجوده
نظرت لها نانو بشمئزاز عند ذكر اسم ايتن والتي تعتبر خطيبة اخيها الكبير
وحاولت الابتسام من اجل شقيقها وهزت رأسها وتحدثت بهدوء
" تمام هكون موجوده
وقف الجد ووقف الجميع من اماكنهم احتراما له والقى عليهم السلام وتمنى لهم التوفيق في العمل وذهب مع حفيدته الصغر للعودة الي المنزل
وذهبت فريدة هي الاخرى الي مكتبها
وتبقى فارس و اياد
نظر اياد لفارس وتحدث بستغراب
" مالك فيك ايه شكلك اتغير يعني لما جبنا سيرة خطيبتك
نظر له فارس بعدم راحه وتحدث
" مش عارف يا اياد حاسس ان انا اتسرعت في اعلان خطوبتي من ايتن اكيد انا كنت محتاج وقت اكتر لتفكير
نظر له اياد بعدم فهم
" بس الا انا اعرفه ان انت مش بتاخد قرار غير لو كنت متأكد منه مليون في الميه غريبه ان انت تاخد قرار وانت مش مرتاح
هز فارس رأسه تأكيد علي كلامه
" عندك حق انا فعلا فكرت كتير بس مش عارف ليه حاسس ان في حاجه ناقصه حاجه مش موجوده حاسس ان انا مش مرتاح
هز اياد رأسه بعدم فهم هو الاخر ونظر له بحيره
انهى فارس الحديث وهو يقف من مكانه
" سيبك انت من الموضوع دا خلينا في شغلنا انا هروح مكتبي عندي اوراق لازم يتمضي
وقف اياد هو الاخر وهز رأسه بتأكيد علي كلامه واتجه معه ليذهب هو الاخر الي مكتبه
________بقلمي/ملك إبراهيم__________
كانت تقف ملك علي قدميها من الصباح وهي تعمل في التجهيزات حتي لا يقف قسم التشغيل
ذهب اليها محمود ووقف امامها يبتسم لها بحب
رفعت ملك وجهها وجدته امامها يبتسم تلك الابتسامه التي تحبها
شعرت ملك بالخجل واحمرة وجنتيها وهي تنظر الي الارض بكسوف
ابتسم اكتر محمود علي خجلها وحدثها برقة
" عامله ايه النهارده
ردت عليه ملك وهي مازالت تنظر الي الارض بخجل
" الحمدلله
ابتسم لها اكتر وتحدث بثقة
" احنا بكره هنيجي عندكم انا واهلي عشان اخطبك بس يارب توافقي
رفعت ملك عينيها ونظرت له نظرة سريعه واخفضت نظرها مره اخرى و ردت عليه بصوت منخفض
" ان شاءالله الا ربنا عايزه هيكون
نظر لها بحب وذهب من امامها حتي لا يزيد من ارتباكها وخجلها اكتر
بعد ان ذهب رفعت ملك بصرها ونظرت له من الخلف وابتسمت بسعاده لانها تشعر اتجاهه بأعجاب قد يصل الي الحب منذ عملها في هذا المكان وكانت تعلم انه يبادلها نفس الشعور ولكنه الان اكد لها انه يحبها ويريدها زوجة له
ذهبت اليها ايمان ابنة عمها ونظرت لها وتحدثت بستغراب
" بت مالك سرحانه كدا وبتضحكي علي ايه
نظرت لها ملك وتحدثت بسعاده كبيره
" بركيلي يا ايمي محمود هيجي يخطبني
فتحت ايمان عينيها بعدم تصديق ونظرت لها وتحدثت بسعادة
" انتي بتتكلمي بجد الله دا طلع بيحبك صحيح الحمدلله يا حبيبتي يارب تتجوزو بسرعه بقى عشان ترتاحي من جوز امك الفقر دا
نظرت لها ملك وتحدثت بتأيد لكلامها
" عندك حق انا نفسي اخلص منه بقى ومن قرفه دا انا ببقى نايمه وخايفه يدخل عليا في اي وقت
نظرت لها ايمان وتحدثت بحزن
" معلش يا حبيبتي الحمدلله ربنا هيرحمك منه ومحمود شكله بيحبك وهيعوضك عن كل الا شفتيه
نظرت لها ملك بسعاده وتحدثت بحب
" عقبالك ياقلبي انتي كمان وربنا يبعتلك واحد ابن حلال ويرحمك من مرات خالك الا عايزه الحرق دي
ابتسمت ايمان وهي ترفع يدها الي السماء وتدعي
" يسمع منك ربنا اشوفها محروقه
" انتي يا أبله انتي سايبه شغلك وواقفه عندك بتعملي ايه : قالها صاحب العمل وهو يقترب منهم
شعرت ايمان بالاحراج واختفت بسرعه من امامه وذهبت الي عملها
اقترب من ملك ونظر لها بتقيم من اعلاها الي اسفلها وتحدث بمكر
" ايه ياجميل مش ناوى تحن عليا بقى انا مليش في التقل دا وبحب اجيب من الاخر
نظرت له ملك بغضب وتحدثت بقوة
" ابعد عني بدل ما تبقى اخرتك دي علي ايدي
نظر لها بسخريه فهو يعلمها جيدا ويعلم انها لا تخف من احد ودائما تقول له كلاماً قاسياً ولا تعامله علي انه صاحب العمل لذا تحدث اليها وهو ينظر لها بعمق
" انتي عارفه ان مفيش حد يقدر يتكلم معايا بالطريقة دي بس انتي مش اي حد
القت ملك ما في يدها وتحدثت اليه بغضب
" هو انت مش ناوي تشلني من دماغك وتبعد عني بقى قولتلك جواز السر دا مليش فيه وكمان انت راجل اد ابويا الله يرحمه يعني بدل ما تبص لعيله من سن عيالك روح اعملك حج ولا عمرة ينفعوك في اخرتك
نظر لها بقسوة وهو ينوي علي شئ بداخله
وتركها وذهب الي الغرفه الذي يعدها مكتبه الموجود أسفل هذا المصنع الصغير
نظرت ملك امامها بحزن وهي تتمنى ان تتزوج من محمود في اقرب وقت حتي يبعد عنها كل طامع يوسوس له شيطانه
___________________
المساء
في قصر عائلة المسيري يجلس الجميع في انتظار حضور خطيبة فارس
الفنانه المشهوره أيتن فتحي
نجمه صاعده في السينما تعرفت علي فارس في احدى الحفلات اعجبت به وكانت تطارده في كل مكان وبعد محاولات كثيرة منها استسلم لها واعلن اعجابه لها وحديثا اعلن خطبتهم
دخلت ايتن وهي تتهادى في مشيتها
" هاااي
نظر لها الجميع و ردو عليها التحية
اقتربت من فارس وقبلته من وجنتيه
" هااي يا حبيبي
ابتسم لها و رد التحيه
جلست بدلع علي يد الكرسي الذي يجلس عليه
نظرت لها نانو بشمئزاز فهي لا تحبها اطلاقا ولا تراها مناسبه لاخيها عكس رأى شقيقتها الكبرى فريده
نظرت لها فريده بأبتسامة واسعه وتحدثت مرحبه بها
" اخبارك ايه ياروحي مفيش حاجه جديده دخلاها قريب
ابتسمت لها أيتن وتحدثت بثقه
" طبعا في انتي متعرفيش اخر فيلم عملته كسر الدنيا وجالي عروض كتير بس انا مأجله شويه بعد حفلة الخطوبة
نظر الجد ل فارس الجالس بصمت وتحدث اليه
" حفلة خطوبة ايه الا هتعملوها مش انتوا اعلنتوا خطوبتكم وخلاص ايه لزمتها الحفلة
نظرت له ايتن وتحدثت وهي تدعي الحزن
" يعني حضرتك مش عايز تفرح ب فارس ويتعمله اكبر حفلة خطوبة
نظر لها فارس بغضب ل ردها علي جده لانه كان يعلم بان جده يسأله هو
ونظر لجده وتحدث بثقة
" حضرتك عندك حق ملهاش اي لزمة حفلة الخطوبه احنا خلاص اعلنا وانتهى
نظر له جده بفخر بانه لا يعطي لخطيبته فرصه لتقوده كيفما تشاء
نظرت له ايتن بحزن ولم تعقب علي كلامه لانها تعلم بانه صاحب الكلمة الواحده ولا يرجع في كلمته ابدا
نظرت لها نانو بشماته لانها لا تحبها
ونظرت لها فريده بحزن علي حزنها لانها تعتبرها صديقتها
حاول الجد انهاء هذا المسلسل الممل بالنسبه له
" انا بقول نقوم نتعشا احسن عشان انا لازم انام بدري
نظر له الجميع بأحترام واتجهوا الي غرفة الطعام
_____________________
ذهبت ملك الي منزلها بسعادة كبيرة
وجدت والدتها تجلس وبجانبها زوجها يشاهدون مسلسلا بالتلفاز
" السلام عليكم
نظروا لها بستغراب من مزاجه الرايق بالنسبه لهم
تحدث زوج والدتها بسخريه
" ايه الجميل جى مبسوط النهارده يعني
نظرت له ملك بغضب وتحدثت الي والدتها
" ماما انا جايلي عريس
" لا طبعا مش موفقين : قالها زوج والدتها بانفعال وصوت مرتفع بعد ان وقف من مكانه بغضب
نظرت له زوجته وتحدثت بستغراب
" في ايه ياصلاح مالك طلعت في البت كدا هي ماقلتش حاجه غلط بتقول جايلها عريس
نظر لها بغضب اعمى عينيه وتحدث بصوت مرتفع
" قولت لا بنتك لسه صغيره وبعدين هي الا بتصرف علينا تقدري تقوليلي لما تتجوز مين الا هيصرف علينا
نظرت له ملك وتحدثت بقوة
" ما انت تشتغل وتصرف علي نفسك وعلي مراتك اومال امي كانت متجوزاك ليه عشان تقعد جنبها واحنا الا نصرف عليك
اقترب صلاح منها وصفعها علي وجهها بقوة
وضعت ملك يدها علي وجهها وهي تشعر بتخدير تام مكان الصفعه القوية
نظرت له بقوة وكانت علي وشك رد له هذه الصفعه ولكن والدتها وقفت بينهم واخذتها وادخلتها غرفتها بقوة واغلقت الباب عليها وذهبت لزوجها مرة اخرى وتحدثت اليه بغضب
" انت ازاي تمد ايدك علي بنتي البنت مقالتش حاجه غلط
نظر لها زوجها بغضب هي الاخر وقام بصفعها وضربها بقوة وتحدث اليها بصوت مرتفع
" الظاهر انتي وبنتك عايزين تتربوا من جديد وانا الا هربيكوا
ثم تركها علي الارض وذهب خارج المنزل
جلست والدت ملك تبكي علي حالها وعلي حال ابنتها فهي تزوجته لانها كانت تعتقد بانها لايمكنها العيش بدون حماية رجل كانت لا تعلم بان هذا النوع من الرجال وجودهم يضر اكثر ما ينفع
بكت ملك في غرفتها وهي تضع يدها علي وجهها وتتوعد له مهما طال الزمن عليها رد هذه الصفعه له وبقوة
___________________
بعد ذهاب كل العمال من المصنع الذي تعمل به ملك
دخل بخطواته الهادئه مكتب صاحب المصنع وجلس امامه مباشرة وهو يعدل في ملابسه بثقة
" خلاص كله تمام هروح اتقدملها بكره زى ما اتفقنا
_________________
الثاني
بعد ذهاب كل العمال من المصنع الذي تعمل به ملك
دخل بخطواته الهادئه مكتب صاحب المصنع وجلس امامه مباشرة وهو يعدل في ملابسه بثقة
" خلاص كله تمام هروح اتقدملها بكره زى ما اتفقنا
نظر له صاحب المصنع بأبتسامه وتحدث بثقة
" برافوو عليك يا محمود ما يجبها الا رجالها عايزك بقى تعجل في الجواز علي قد ما تقدر يعني اسبوع ولا اتنين وتبقى تحت ايدي
ابتسم محمود وتحدث بثقه وغرور
" طبعا يا كبير بس انا عايز حلوتي حاجه كبيرة ، دا انا هتجوزها علي الورق بس وانت الا هتعيش معاها
ابتسم صاحب المصنع وتحدث بسعادة
" عنيا ليك يا حوده بس اوصلها
نظر له محمود وتحدث بعدم فهم
" بس ياريس هي عمرها ما هتوافق تعيش معاك كدا لو هتوافق كانت وافقت من الاول يعني حوار ان انا اتجوزها واجبرها تعيش معاك انت ، غريب شوية ما كنت اتجوزتها انت وخلاص
نظر له صاحب العمل وتحدث بمكر
" انا مقدرش اتجوزها رسمي
مراتي ترميني في الشارع كل الا انا فيه دا بتاعها وبأسمها
نظر له محمود بتفهم ولكنه يعلم بان ملك لن تسمح له بلمسها سواء كانت متزوجه ام لا
لذالك تحدث محمود بتأكيد
" بس بصراحه يا كبير انا عارف ان ملك دماغها نشفه ومش هتوافق بالساهل
ابتسم صاحب العمل وتحدث وهو يغمز له
" ما انا هقولك تعمل ايه عشان تخليها توافق غصب عنها
نظر له محمود بتركيز شديد
وبدء هذا الشيطان في شرح له باقي خطته
__________________
دخلت ايمان منزل خالها بتعب و ارهاق
وجدت زوجة خالها تنظر لها وتحدثها بسخريه
" اهلا بالهانم الا كل يوم تشرف نص الليل
نظرت لها ايمان وتحدثت بستغراب
" نص الليل ايه يامرات خالي وبعدين ما انا لسه جايه من الشغل يعني ما كنتش بلعب
وقفت زوجة خالها امامها وتحدثت بدون رحمة
" ادخلي نضفي المطبخ وفي شوية هدوم عايزين يتغسلوا اعملي بلقمتك
نظرت لها ايمان وتحدثت بغضب
" انا برضه الا اعمل بلقمتي !!!
دا انا الا بشتغل وبصرف عليكم
اقتربت منها زوجة خالها وهي تضع يدها الاثنان في منتصف جانبيها وتحدثها بحده
" انتي كمان هتردي عليا مش كفاية خدتك في بيتي بعد ما ابوكي و امك ماتوا ومرضتش ارميكي في اي ملجئ
نظرت لها ايمان بحزن و تحدثت بكسره
" عندك حق يا مرات خالي بس صدقيني يمكن الملجئ كانوا هيبقى عندهم رحمة عنك
قامت زوجة خالها بصفعها بقوة وتحدثت اليها بغضب
" بقى انا معنديش رحمة!!!!!!
بس هقول ايه ما انتي طالعة ناكرة للجميل زي امك ما اهي الله يرحمها كانت كدا برضه وعمرها ما قالت كلمة حلوة في حقي ولما خالك جه يتجوزني هي وقفتله وما كنتش موافقه بيا
وضعت إيمان يدها علي وجهها ونظرت لها بنظرت قهرة يتيم يذل وتحدثت اليها بوجع
" القلم الا انتي اديتهولي دا انا هعرف بيه خالي ولو ماجبليش حقي منك
مش هقعد في البيت دا لحظه واحده كمان
قالت إيمان جملتها وذهبت الي غرفتها سريعا وهي تبكي وتضع يدها علي وجنتيها بحزن وقهره
نظرت لها زوجة خالها بدون رحمه وتحدثت بسخريه
" يا اختي غوري انتي وخالك يعني هيضربني ولا هيعلق لي حبل المشنقه
قالت جملتها بسخريه وهي لا تعلم بأن من يعاقبها ليس زوجها انما الله الذي يسجد له من في السموات والارض
ونسيت قوله تعالي: *فَأَمَّا الْيَتِيمَ فَلَا تَقْهَرْ*
أي : كما كنت يتيما فآواك الله فلا تقهر اليتيم
أي : لا تذله وتنهره وتهنه ، ولكن أحسن إليه ، وتلطف به
___________________
صباح يوم جديد
فاقت ملك من حلمها وهي تضع يدها علي قلبها مرة أخرى وتشعر بنفس الرعب والخوف وكأن ما يحدث معها حقيقاً ليس بحلم مزعج تعودت يزورها يومياً منذ فتره
خرجت لتجد والدتها تجلس بحزن
اقتربت منها ملك وسألتها بقلق
" ماما مالك فيكي ايه
نظرت لها والدتها بحزن وبدأت في البكاء وهي تتحدث
" عمك صلاح لسه مرجعش البيت من امبارح خايفه يكون جراله حاجه ولا سبنا ومش هيرجع تاني
اعتدلت ملك في وقفتها وتحدثت بغضب
" ما يغور يا ماما دا يبقى عمل فينا جميل لو سابنا و بعد عنا
نظرت لها والدتها وتحدثت بحزن
" يابنتي انتي لسه صغيره ومتعرفيش يعني ايه ست تعيش من غير راجل
الراجل دا هو الحماية والسند هو الا بيحميكي ويضلل عليكي
نظرت ملك بسخريه الي والدتها وتحدثت بحده
" يا ماما انا مش صغيره وعارفه كل حاجه كويس أوي واحب أقولك ان الراجل الا من النوع دا ملوش اي لازمه
وصدقيني وجوده فيه ضرر اكتر من نفعه
قالت ملك جملتها وذهبت الي غرفته لتستعد الي العمل
جلست والدتها بحزن وهي تكمل في بكائها وتطلب من الله ان يرجع لها زوجها لانها تعتقد بأن وجوده معهم هو معنى للأمان والحماية
____________________
دخل فارس مكتبه واغلق الباب بهدوء
ولكنها لحظات قليلة جدا ووجد الباب يفتح بعنف من قبل مصمم الشركة المجنون كما يلقبه فارس رغم انه موهوب جداا وله فضل الكبير بعد الله سبحانه وتعالي في نجاح الشركة بتصميماته الرائعه ولكنه مجنون بعض الشئ
نظر له فارس بعدم أهتمام وهو يدخل عليه بهذه الطريق المزعجه
ونظر له مروان بغضب وغيظ وتحدث بعصبيته الناعمه
" أنت يا سيد المغرور ازاي تغير في الخامات الا انا طلبتها وبدون اذني
نظر له فارس بنفاذ صبر وحاول التحدث معه بهدوء
" طب اتفضل اقعد وانا هفهمك
نظر له مروان وتحدث بتحدي
" لا مش هقعد ولازم تجوبني دلوقتي حالا انت واحد بتاع مبيعات وادارة ايه يدخلك في شغل الفنانين الا زيى
بدء فارس في فقد اعصابه من صوت مروان العالي لذا قرر ان يتحدث معه بالطريقة الذي يحبها
" مروان المنيري ، الفنان الكبير الا كل شركات العالم بتحسدنا عليه ، المصمم الا مفيش منه غير واحد بس في الدنيا ممكن تهدا ونتكلم بهدوء لان العصبيه بتقصر علي الفنانين الا زيك
نظر له مروان بفخر وثقه وبدء يشعر بالهدوء واحتلت الابتسامه وجهه وهو يظبط في شعره الناعم بطريقة دراميه تدل علي غروره بنجاحه وتميزه وتحدث بهدوء
" ايوا كدا لازم تعترف بموهبتي ، كدا ممكن اقعد ونقدر نتكلم
هز له فارس رأسه بتأكيد علي كلامه
وبداء فارس في الحديث بهدوء
" دلوقتي كل الخامات الا انت طلبتها مش كلها متوفره والتعديلات الا انا عملتها في الخامات الا مش متوفرة حاولت اتصرف عشان منعطلش الفنان عن اكمال تصاميمه المبهره
ابتسم مروان وهز رأسه بموافقه وتأيد بعد ان شعر بالفخر من كلام فارس وتحدث برضا
" اوكي بس اعرف يا فارس يا مسيري ان انا مش هسمح تدخل في شغلي بدون اذني تاني اوكي
ابتسم له فارس بمجامله وهو يهز رأسه بتأكيد
وقف مروان وظبط من وضع ملابسه وذهب من الغرفه
استرخى فارس في جلسته وارجع ظهره للخلف وهو يبتسم علي جنون مروان والذي يعلم جيدا بأن خلف هذا الجنون قلب ابيض صافي ، مروان شخصية جميله يحب الجميع ولا يحمل في قلبه غير الخير والحب ولكنه دائما يحب من يمدح في موهبته و ذكائه وشياكته الدائمه
_____________________
خرجت ملك من منزلها وجدت إيمان تقف في انتظارها ولكنها يظهر عليها الحزن وهي تضع يدها علي وجنتيها تتحسس مكان صفعة زوجة خالها
اقتربت منها ملك بقلق ونظرت اليها
لم تتحمل إيمان التماسك امامها وارتمت سريعا في حضنها تبكي بقهره وحزن ووجع
اتصدمت ملك من حالتها هذه فهي دائماً متماسكه لم تتعود ان تراها بهذا الضعف
رتبت ملك علي ظهرها بحنان ورفعت وجهها ونظرت لها بحزن بعدما رأت علامة يد زوجة خالها علي وجهها
تحدث ملك بغضب وجنون
" مرات خالك الا عملت فيكي كدا
هزت إيمان وجهها بالايجاب وهي تبكي
شعرت ملك بنيران تأكل قلبها من الظلم والقهر الذي يتعرضون له هي و أبنة عمها
هي تتعرض له من قبل زوج أمها
وابنة عمها من قبل زوجة خالها
تحدثت ملك بقوة
" معلش حبيبتي انا هروحلها واعرفها مقامها هي ملهاش حق تمد اديها عليكي مش كفاية مشغلاكي خدامه عندها
هزت إيمان وجهها وتحدثت برفض
" لا ياملك بلاش هي معندهاش رحمه وماتعرفش ربنا ، حتى خالي لما حكتله الصبح جه في صفها هي وغلطني انا وانا لازم استحمل بدل مايرموني في الشارع ، هما فعلا خدوني في بيتهم ومن حقهم يعملوا فيا الا هما عايزينه
صرخت ملك في وجهها وتحدثت بغضب
" لا مفيش حد ليه حق يزلنا ويقهرنا كدا عشان يتامى احنا لينا حق في كل حاجه في الدنيا ولازم نقف لهم ونعرفهم الكلام دا كويس
نظرت لها ايمان وهي تجفف دموعها بيدها وتحدثت بهدوء
" خلاص يا ملك ان شاءالله ربنا هيعوضنا ، انتي الحمدلله محمود هايجي يخطبك النهارده وان شاء الله تتجوزو بسرعه وانا كمان بكره ربنا يبعتلي واحد ابن حلال ويرحمني من العذاب دا
ابتسمت لها ملك بحزن فهي لا تريد ان تخبرها بما حدث معها هي الاخرى من قبل زوج والدتها ورفضه مقابلة محمود
ولم تريد ان تخبرها بأنه قد صفعها هي الاخرى حتي لا تحزنها اكتر
وقررت ان تحدثها بمرح
" طب يلا ياختي سيبك من الدراما الا علي الصبح دي احنا اتأخرنا علي الشغل وهيخصموا مننا اجرى بسرعه
جرى الفتاتين في الطريق وهما يبتسمون علي جنونهما
فمهما حدث يكفيهم وجودهما معا يدعمون بعضهما دائماً
__________بقلم / ملك إبراهيم_________
فتحت ايتن باب غرفة المكتب بهدوء ونظرت الي فارس بأبتسامه
اعتدل فارس في جلسته ووقف في استقبالها
اقتربت منه وقبلته برقة و دلال ، استقبل قبلتها بأبتسامه
وقفت بدلال وهي تداعب بدلته وتتحدث برقه
" فارس انت وحشتني أوي وبقالنا كتير مسهرناش مع بعض سهره حلوه
ابتسم لها فارس وضمها اليه وتحدث بأعتذر
" معلش يا حبيبتي انا بس كنت مشغول اوي الايام دي وانتي كمان كنتي مشغوله في الفيلم بتاعك خلينا يومين كدا كمان وانا هسهرك سهره جامده
ابتسمت له ايتن بسعاده وحاولت ان تقبله مرة اخرى
ولكنه ابعدها عنه بهدوء واعتذر منها بطريقه جيده
" معلش حبيبتي احنا هنا في مكان شغل ولو حد شافنا بالمنظر دا مش لطيف
شعرت ايتن بالاحراج بعض الشئ وابتسمت له وتحدثت بهدوء
" أوكي حبيبي انا همشي دلوقتي لان عندي تصوير ، وحبيت ابدء يومي بيك
ابتسم لها بهدوء وهو يودعها
بعد ان خرجت ايتن من الغرفه جلس فارس علي مكتبه وهو يشعر بنفس الشئ يشعر بأن هناك شئ خاطئ شئ يجعله لا يشعر بالراحه ولا يشعر بالاكتمال معها ولكنه سريعا ابعد هذا التفكير وحاول التركيز في عمله فقط مؤقتاً
__________________
في نهاية اليوم في المصنع الذي تعمل فيه ملك
وقفت ملك تبحث عن محمود تريد اخباره بتأجيل موعد مجيئهم اليهم ليوم أخرى وقررت ان تخترع له اي حجه مقنعه
اقتربت من احد العمال سألته عليه لانها لم تراه طول اليوم سألته بحجة انها تحتاج ان تسأله عن شئ بالعمل
قال لها بأنه رأه منذ قليل متجه الي مخزن الخيوط الموجود بالاسفل
ذهبت اليه ملك وهي تشعر بالتوتر ولا تعلم ماذا تخبره
اقتربت من مخزن الخيوط وقبل ان تدخل سمعته يتحدث الي صاحب العمل الواقف امامه
محمود : كله تمام يا كبير هروح النهارده اخطبها وهحدد الفرح في اسرع وقت وهي لما هتصدق دي شكلها واقعه خالص
ابتسم له صاحب العمل وتحدث بثقة
" اومال انا اخترتك ليه يا حوده عشان انت واد مخلص وهتعرف تجيب من الاخر وهتجبهالي لحد عندي راكعه
ابتسم محمود وتحدث بتأكيد
" بس المهم حقي يا كبير دا انا هاخد اهلي واتعبهم معايا ، دا غير انها هتتحسب عليا جوازه
رد عليه صاحب العمل بتأكيد
" انا قولتلك قبل كدا حقك محفوظ وبزياده كمان بس لما تسلمهالي في ايدي
البت دي ملهاش حد وجوز امها لما هيصدق تتجوز ويخلص منها ولو رفضت انت هتهددها انك هتقول لكل الناس انك اكتشفت انها مش بنت عذراء وهتفضحها واكيد هي هتخاف من الفضيحه وهتنفذ كل الا هتأمرها بيه وهتجيلي راكعه تتمنى اطلقها منك وتعيش معايا في السر زى ما قولتلها قبل كدا
ابتسم محمود علي ذكاء هذا الشيطان الذي يتحدث امامه
وقفت ملك بصدمه وهي لا تصدق ما سمعته الان وذهبت الي الاعلى سريعا عندما شعرت بانهم انهو الحديث وفي طريقهم للخروج من المخزن
وقفت ملك مكان شغلها وهي تنظر امامها بصدمه ولا تعلم كيف تتصرف مع هؤلاء الشياطين لو رفضت محمود كيف ترفضه بعد ان فعلت مشكلة مع زوج امها بسبب عدم موافقته عليه وان واجهته يمكنه الانكار وفضحها كما خطط هو وهذا الشيطان واذا اخبرت الجميع بمخططهم القذر سوف يقف الجميع ضددها ويدعمون صاحب العمل الذين يعملونه عنده ولا يريدون خسارته
ذهب اليها محمود وهو يبتسم وتحدث بمرح
" ايه يا عروسه عامله ايه
احنا هنكون عندكم الساعة 8 بالدقيقة انتي ماتعرفيش انا مستعجل اد ايه
نظرت له ملك بعمق وهي لا تصدق بانه قذر الي هذه الدرجه
استغرب محمود من نظرتها وسألها بتوتر
" في ايه يا ملك بتبصيلي كدا ليه مالك في حاجه حصلت
حاولت ملك ان تيسطر علي نفسها و ردت عليه بهدوء
" لا ابدا مفيش بس مش هينفع تيجوا النهارده لان جوز امي سافر امبارح وهيجي بعد يومين
شعر محمود بالغضب من تأخير مخطته ولكنه حاول ان يبتسم اليها وتحدث بمجامله
" ولا يهمك يا ملوكه نخليها يوم تاني يكون جوز امك رجع ما تقلقيش انا معاكي
نظرت له ملك بوجه جامد خالي من المشاعر وتحدثت بهدوء
" عرفه ان انت معايا ودي اكتر حاجه مطمناني
نظر له محمود بتوتر وتحدث وهو في طريقه لذهاب
" طب انا هروح انا اشوف شغلي عشان اخلصه قبل ما نروح
هزت له رأسها بهدوء
وبعد ان ذهب من أمامها
نظرت له بغضب و شر وهي تفكر كيف لأنسان ان يكون قذر و ندل الي هذه الدرجه
__________________
بعد انتهاء العمل ذهبت ملك بجانب إيمان أبنة عمها وكلا منهما في عالم اخر
نظرت له إيمان وتحدثت بستغراب من حالتها
" مالك يا ملوكه فيكي ايه شكلك حزينه مش شكل عروسه والنهارده خطوبتها
نظرت لها ملك بحزن وهي تحبس الدموع بداخل عينيها وتحدثت بوجع
" مفيش جواز ومفيش محمود كل دا كان شر ليا والحمدلله ربنا نورني قبل ما اقع في المصيبه دي
نظرت لها إيمان بصدمه وتحدثت بعدم فهم
" يعني ايه مش فاهمه هو ايه الا حصل
ردت عليها ملك بغضب وحزن كبير
" يعني صاحب الشغل كان باعت محمود يتجوزني عشان يسلمني ليه ولو كنت رفضت كان هيفضحني ويقول انه اكتشف اني مش بنت عذراء
نظرت لها إيمان بصدمة وهي لاتصدق ما تسمعه وتحدثت
" نهارهم أسود انتي بتقولي ايه معقول في حد ممكن يفكر كدا
ردت عليها ملك بحزن
" انا كنت مصدومه زيك كدا بس للأسف دي الحقيقة الا انا سمعتها بنفسي
وكأن ربنا عمل معايا مشكلة جوز أمي دي عشان تعطل الموضوع وربنا يكشفهم قدامي
ردت عليها إيمان بغضب
" وانتي ليه سكتي لما سمعتي كلامهم دا ليه مافضحتيهمش قدام المصنع كله
ردت عليها ملك ببساطه
" لان اكيد كانوا هيكدبوني و الكل هيدور علي مصلحته ومصلحتهم مع صاحب الشغل انما انا الكل هيدوس عليا عادي
هزت إيمان رأسها بتأكيد علي كلام ملك و ردت عليها بحزن
" عندك حق احنا فعلا مفيش حد هيقف جنبنا 😔 احنا ضعاف أوي يا ملك وملناش حد يحمينا
ردت عليها ملك بقوة
" لا طبعا احنا مش ضعاف ومش محتاجين حد يحمينا احنا نقدر نحمي نفسنا بنفسنا
نظرت لها إيمان بسخريه وتحدثت بأحباط
" دا كلام يا ملك مش هنضحك علي نفسنا
ردت عليها ملك بقوة وتحدي
" حتى يا إيمان لو دا كلام احنا نقدر نخليه حقيقه احنا مش هنفضل طول عمرنا كدا الكل يدوس علينا واحنا نقول نصيبنا كدا ونستنا الا يجي يحمينا
نظرت لها إيمان بتسأل
" يعني هنعمل إيه دلوقتي
نظرت ملك أمامها بشرود وبعد لحظات وجهت نظرها الي إبنة عمها وتحدثت بقوة وأصرار
" هنهرب
___________________
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق